საერთაშორისო დასახელება:
AMPISULCILLIN
მწარმოებელი ქვეყანა: BALKANPHARMA, ბულგარეთი
მოქმედი ნივთიერება: ამპიცილინი+სულბაქტამი
კლინიკურ-ფარმაკოლოგიური ჯგუფი:
ანტიბიოტიკი.
გამოშვების ფორმა:
ფხვნილი საინექციო ხსნარის მოსამზადებლად:
ფლაკონში 1,5 გ. შეფუთვაში 10 ც.
1 ფლ.
ამპიცილინის ნატრიუმის მარილი 1000 მგ
სულბაქტამის ნატრიუმის მარილი 500მგ
ფარმაკოლოგიური თვისებები:
ამპისულცილინი - ფართო სპექტრის ანტიბიოტიკია. იგი მოქმედებს ბაქტერიციდულად, როგორც გრამდადებით: Staphylococcus aureus, Staphylococcus epidermidis, Streptococcus pneumoniae, ასევე გრამუარყოფით მიკროორგანიზმებზე: Haemophilus influenzae, Moraxella catarrhalis, Proteus spp.,
ფარმაკოკინეტიკა:
კუნთებში შეყვანის შემდეგ პრეპარატის მაქსიმალური კონცენტრაცია სისხლის შრატში აღინიშნება 30-60 წუთის შემდეგ. ხოლო მისი ინტრავენური გამოყენებისას ხანმოკლე დროში შეყვანის შემდეგ. პრეპარატის ნახევარგამოყოფის პერიოდი შეადგენს 1 საათს. მისი 75%-80% გამოიყოფა უცვლელად შარდის მეშვეობით.
ჩვენებები:
- სინუსიტი, ეპიგლოსიტი, მწვავე და ქრონიკული ბრონქიტი, პნევმონია, ემპიემა;
- პერიტონიტი, ქოლეცისტიტი, ქოლანგიტი;
- პიელონეფრიტი, პროსტატიტი, ენდომეტრიტი, ადნექსიტი;
- კანის, ძვლების, სახსრების, რბილი ქსოვილებისი ინფექციები;
- მენინგიტი;
- ოპერაციამდე და ოპერაციის შემდგომი ინფექციების პროფილაქტიკა.
მიღების წესები და დოზირება:
პრეპარატი შეჰყავთ კუნთებში, აგრეთვე ინტრავენურად ინფექციების და ინფუზიების სახით.
მოზრდილებში ინიშნება - 1.5 გ ან 3 გ 6-8 საათში ერთხელ.
მაქსიმალური დოზა - 12 გ გაყოფილი 3-4 მიღებაზე.
ბავშვებში - 150 მგ/კგ 6-8 საათში ერთხელ.
დღენაკლულ და ახალშობილ ბავშვებში პრეპარატი ინიშნება 12 საათში ერთხელ.
ხსნარის მოსამზადებლად იყენებენ საინექციო წყალს ან 0.5%-1% ლიდოკაინის ხსნარს.
პრეპარატის 750 მგ-ს ემატება 1.6 მლ; 1.5 მგ-ს - 3.2 მლ; 3 მგ-ს - 6.4 მლ გამხსნელი. მიღებული ხსნარი გამოიყენება მომზადებიდან 1 საათის განმავლობაში, რომელიც შეჰყავთ ღრმად კუნთებში.
ინტრავენური შეყვანისათვის პრეპარატს ხსნიან საინექციო წყალში, ნატრიუმის ქლორიდის 0.9% ხსნარში ან 5% გლუკოზის ხსნარში და იცდიან გამჭვირვალე ხსნარის მიღებამდე ჰაერის ბუშტუკების წარმოქმნის გარეშე.
ინტრავენური შეყვანისათვის 750 მგ-ს უმატებენ 5 მლ გამხსნელს; 1.5 გ-ს - 10 მლ გამხსნელს; ხოლო 3 გ-ს - 20 მლ გამხსნელს; შეყვნა წარმოებს ნელა 5-10 წუთის განმავლობაში.
ინტრავენური ინფუზიისთვის - ფლაკონის შიგთავსს ემატება 5-10 მლ გამხსნელი და შემდეგ პრეპარატის 750 მგ იხსნება 25 მლ გამხსნელში;
1.5 გ - 50 მლ გამხსნელში, ხოლო
3 გ - 100 მლ გამხსნელში. ინფუზიის ხანგრძლივობა შეადგენს 15-30 წუთს.
გვერდითი მოვლენები:
ტკივილი ადგილობრივად კუნთებში ინექციისას და ინტრავენური შეყვანისას.
სისტემური რეაქციები: დიარეა, გამონაყარი.
იშვიათად - დაღლილობის შეგრძნება, სისუსტე, თავის ტკივილი ღებინება, კანდიდოზი, მეტეორიზმი, სახის შეშუპება, ყელის სიმშრალე, დიზურია, სისხლდენა ცხვირიდან.
ლაბორატორიული ანალიზის მხრივ ცვლილებები: - სისხლის შრატში ალბუმინების, ჰემოგლობინის, ჰემატოკრიტის, ერითროციტების, ლეიკოციტების, ბაზოფილების, ეოზინოფილების მაჩვენებლების შემცირება; კრეატინინის დონის მომატება; ერითროციტების და ჰიალინური ცილინდრების გაჩენა შარდში.
უკუჩვენებები:
- მომატებული მგრძნობელობა პრეპარატის მიმართ;
- თირკმელების უკმარისობა.
ორსულობა და ლაქტაცია:
ორსულობის და ლაქტაციის პერიოდში პრეპარატი ინიშნება მხოლოდ უკიდურეს შემთხვევაში.
განსაკუთრებული მითითებები:
საჭიროა სიფრთხილე ავადმყოფებში, რომლებსაც აღენიშნებათ ალერგია პენიცილინების მიმართ.
არ არის მიზანშეწონილი პრეპარატის დანიშვნა ავადმყოფებში ინფექციური მონონუკლეოზით და ლეიკემიით, ვინაიდან შეიძლება გაძლიერდეს პაპულოზური გამონაყარი.
ჭარბი დოზირება:
აღინიშნება კრუნჩხვები.
თირკმელების უკმარისობით შეპყრობილ ავადმყოფებში პრეპარატის ჭარბი დოზირების შემთხვევაში საჭიროა მისი მიღების შეწყვეტა და სათანადო მკურნალობის ჩატარება.
სხვა წამლებთან ურთიერთქმედება:
ფიზიკო-ქიმიური შეუთავსებლობის გამო პრეპარატის შერევა ერთ შპრიცში სხვა პრეპარატის ხსნარებთან ნებადართული არ არის.
შენახვის პირობები და ვადა:
პრეპარატი ინახება არა უმეტეს 250 Cტემპერატურაზე, ბავშვებისაგან დაცულ ადგილას.
ვარგისიანობის ვადა: 3 წელი.
