საერთაშორისო დასახელება:
BISMUTHATE, TRIPOTASSIUM DICITRATO
მწარმოებელი: ASTELLAS, ნიდერლანდები
მოქმედი ნივთიერება: ბისმუტის კოლოიდური დეციტრატი
კლინიკურ-ფარმაკოლოგიური ჯგუფი:
კუჭისა და 12-გოჯა ნაწლავის წყლულოვანი დაავადების სამკურნალო საშუალება.
შემადგენლობა და გამოშვების ფორმა:
ტაბლეტები: შეფუთვაში 56 და 112 ც.
1 ტაბ.
ბისმუტის კოლოიდური დეციტრატი .......... 120 მგ
ფარმაკოლოგიური თვისებები:
პრეპარატი კუჭ-ნაწლავის ტრაქტში მოხვედრის შემდეგ, მჟავე გარემოში, წყლულისა და ეროზიის ზედაპირზე წარმოქმნის დამცავ აპკს, რომელიც ხელს უწყოს ნაწიბურების წარმოქნას. დე-ნოლი აქტიურია მიკროორგანიზმის Helicobacter pylori-ს მიმართ, რომელთანაც დაკავშირებულია წყლულოვანი დაავადების რეციდივი და ქრონიკული გასტრიტი. აღნიშნული მიკროორგანიზმის განადგურება იწვევს გასტრიტის მორფოლოგიური სურათის გაუმჯობესებას, რაც განაპირობებს მკურნალობის შემდეგ წყლულოვანი დაავადების ხანგრძლივ რემისიას.
ფარმაკოკინეტიკა:
ბისმუტის სუბციტრატი არ განიცდის აბსორბციას, მაგრამ მკურნალობის პერიოდში ბისმუტის მინიმალური რაოდენობა გამოეყოფა კოლოიდს და შეიწოვება. იგი ექსკრეციას განიცდის შარდთან ერთად.
მკურნალობის დასრულების შემდეგ ბისმუტის კონცენტრაცია სისხლში სწრაფად მცირდება; პრეპარატის დიდი ნაწილი გამოიყოფა ფეკალიებით.
ჩვენებები:
- კუჭისა და 12-გოჯა ნაწლავის წყლულოვანი დაავადება;
- წყლულოვანი დაავადებით შეპყრობილ პაციენტებში გასტროდუოდენიტის გამწვავება.
მიღების წესები და დოზირება:
პრეპარატი ინიშნება 3-ჯერ დღეში 1 ტაბლეტის ოდენობით 30 წთ-ით ადრე საკვების მიღებამდე და ძილის წინ.
ტაბლეტი მიიღება 1-2 ყლუპი წყლის მიყოლებით (და არა რძის).
დე-ნოლით მკურნალობა მიმდინარეობს 4-6 კვირის განმავლობაში.
აუცილებლობის შემთხვევაში დე-ნოლით მკურნალობა შესაძლებელია გახანგრძლივდეს 8 კვირამდე.
ამის შემდეგ საჭიროა 8 კვირიანი შესვენება, რომლის დროსაც ბისმუტის შემცველი სხვა სამკურნალო საშუალებების გამოყენება არ არის რეკომენდებული.
იმ შემთხვევაში, თუ პაციენტს აღმოაჩნდა ბაქტერია Helicobacter pylori, მაშინ მიზანშეწონილია დე-ნოლთან ერთად ტრიქოპოლის (ტინიდაზოლი) ერთდროული გამოყენება 4-ჯერ დღეში 0.25გ 10 დღის განმავლობაში და/ან 0.25 გ ამოქსიცილინის მიღება 4-ჯერ დღეში 10 დღის განმავლობაში.
Helicobacter pylori-ით გამოწვეული დაავადებების რემისიის მიზნით, ასევე ლორწოვანი გარსის სანაციისათვის მიზანშეწონილია 1 წლის განმავლობაში 3-4-2 კვირიანი შესაბამისი ანტიბაქტერიული მკურნალობის კურსის ჩატარება (დე-ნოლი+ამოქსიცილინი ან დე-ნოლი+ტრიქოპოლი, ან დე-ნოლი+ფურაზოლიდონი).
უკუჩვენებები:
*თირკმელების მძიმე ფორმის უკმარისობა.
ორსულობა და ლაქტაცია:
ორსულობისა და ლაქტაციის პერიოდში პრეპარატის გამოყენება არ არის რეკომენდებული. დე-ნოლით მკურნალობისას წინააღმდეგნაჩვენებია ბისმუტის შემცველი სხვა პრეპარატების (ვიკალინი, ვიკაირი, როტერი) გამოყენება.
განსაკუთრებული მითითებები:
დე-ნოლისა და ანტაციდური საშუალებების ერთდროული გამოყენება არ არის რეკომენდებული.
დე-ნოლის მიღებამდე ან მიღების შემდეგ ნახევარი საათით ადრე არ არის მიზანშეწონილი რძის გამოყენება.
შენახვის პირობები და ვადა:
პრეპარატი ინახება ბავშვებისაგან დაცულ ადგილას.
