თურმანიძე +
მალამო დამწვრობისათვის
ფარმაკოლოგიური მოქმედება
ახასიათებს ანთების საწინააღმდეგო, ადგილობრივად ტკივილგამაყუჩებელი და ანტისეპტიკური მოქმედება. აცილებს ნეკროზულ ქსოვილებს, ასუფთავებს დამწვარ ზედაპირს ჩირქოვანი ნადებისაგან, ხელს უწყობს ეპითელური ქსოვილის რეგენერაციასა და გრანულაციური ქსოვილის განვითარებას. აჩქარებს შეხორცებას.
ჩვენებები
I, II, III, IIIა ხარისხის დამწვრობები, IIIბ და IV ხარისხის დამწვრობისას ამზადებს დამწვარ ზედაპირს კანის პლასტიკისათვის. დამწვრობის გარდა გამოიყენება წითელი ქარის და მოყინვის დროსაც.
მოხმარების წესი
– დამწვარ ზედაპირს ვამუშავებთ ანტისეპტიკური ხსნარით (კალიუმის პერმანგანატის სუსტი ხსნარით ან წყალბადის ზეჟანგით 3% იანი), დამუშავების შემდეგ ვაფარებთ სტერილურ მიტკალზე ან სამფენა დოლბანდზე თხლად წასმულ მალამოს. ნახვევის გამოცვლა 24 საათში ერთხელ.
წამლის ფორმა – 25გრ. ალუმინის ტუბები
შენახვის ვადა 3 წელი, ინახება მშრალ, გრილ ადგილას.
არ იწვევს ალერგიულ რეაქციებს, უკუჩვენება არ გააჩნია.
