მწარმოებელი: HEEL, გერმანია
კლინიკურ-ფარმაკოლოგიური ჯგუფი:
გულის კუნთის მეტაბოლიზმის გამაუმჯობესებელი ჰომეოპათიური საშუალება.
შემადგენლობა და გამოშვების ფორმა:
წვეთები პერორალური მიღებისათვის: საწვეთურიან ფლაკონში 30 და 100 მლ
Crataegus ......................... 70 მლ
Spigelia anthelmia D2 ............ 1 მლ
Kalium carbonicum D3............. 1 მლ
ფარმაკოლოგიური თვისებები:
პრეპარატი წარმოადგენს, ჰომეოპათიური წესით მომზადებულ კომპლექსურ ანტიჰომოტოქსიოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.
ჩვენებები:
- ნაჩვენებია სიმპტომთა კომპლექსის შესაბამისად, რომელთა კუპირებისთვის რეცეპტურის ცალკეული კომპონენტები გამოიყენება:
- “ხანდაზმულთა” გული;
- გულის მუშაობის ფუნქციური სისუსტე;
- გულის ფუნქციის ნევროგენური მოშლილობები;
- გულის არეში მჩვლეტავი და სხვა ხასიათის ტკივილები (გულის იშემიური დაავადების პროფილაქტიკა).
მიღების წესი და დოზირება:
დოზირება უნდა განისაზღვროს ექიმის მიერ ყოველი პაციენტისთვის ინდივიდუალურად.
ჩვეულებრივ, ხანგრძლივი თერაპიისას, ინიშნება 2-10 წვეთი 3-ჯერ დღეში.
მწვავე სიმპტომატიკის შემთხვევაში 10 წვეთი ყოველ 15 წუთში დაავადების საწყის სტადიაზე (ამ დოზირებით წამლის მიღება ხანგრძლივი პერიოდის განმავლობაში ექიმის კონტროლის გარეშე არ შეიძლება).
გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნით ყლუპებად დალევა.
გვერდითი მოვლენები:
არ გააჩნია
სხვა წამლებთან ურთიერთქმედება:
აღსანიშნავ თვაისებურებათა გარეშე.
შენახვის პირობები:
პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისთვის მიუწვდომელ ადგილას.
