ულსეპანი – ULSEPAN – УЛСЕПАН

საერთაშორისო დასახელება:

PANTOPRAZOLE

მწარმოებელი: WORLD MEDICINE, დიდი ბრიტანეთი

მოქმედი ნივთიერება: პანტოპრაზოლი

კლინიკურ-ფარმაკოლოგიური ჯგუფი:

კუჭისა და 12-გოჯა ნაწლავის წყლულის სამკურნალო საშუალება. პროტონული ტუმბოს ინჰიბიტორი.

შემადგენლობა და გამოშვების ფორმა:

ნაწლავში ხსნადი შემოგარსული ტაბლეტები: ბლისტერზე 10 ტაბ., შეფუთვაში 2 ბლისტერი.

1 ტაბ.

პანტოპრაზოლ ნატრიუმი ..............  40 მგ

(პანტოპრაზოლის ექვივალენტური).

დამხმარე ნივთიერებები:

კალციუმის სტეარატი, კროსპოვიდონი, ჰიპერმელოზა, ნატრიუმის ლაურილსულფატი, მანიტოლი, მეტაკრილის მჟავა, სოპოლიმერი, პოლისორბატ 80, პოვიდონი, პროპილენგლიკოლი, ნატრიუმის კარბონატი, ტიტანგის დიოქსიდი.

ფარმაკოლოგიური თვისებები:

ულსეპანი მიეკუთვნება წყლულის სამკურნალო საშუალებების ჯგუფს, ბენზიმიდაზოლის წარმოებულის წარმომადგენელია და გააჩნია ანტისეკრეტორული მოქმედება H⁺-K⁺ ატფ-აზას (პროტონული ტუმბოს) ინჰიბირების ხარჯზე, რომელიც მონაწილეობს მარილმჟავის სეკრეციაში.

იმის გამო, რომ პანტოპრაზოლი სუსტი ფუძეა, იგი გროვდება პარიეტული უჯრედების არხებში, ურთიერთქმედებს წყალბადის იონთან, ტრანსფორმირდება სულფენამიდის წარმოებულებად, რომლებიც ქმნიან კოვალენტურ კავშირს პროტონული ტუმბოს SH-ჯგუფთან აპიკალური მემბრანის ზედაპირზე. ამის შედეგად, ბლოკირდება მარილმჟავას სეკრეციის საბოლოო ფაზა, რაც იწვევს კუჭში წვენის ბაზალური და სტიმულირებული სეკრეციის დონის შემცირებას.

ულსეპანს გააჩნია ანტიბაქტერიული აქტივობა Helicobacter pylori-ის მიმართ და ხელს უწყობს სხვა პრეპარატების ანტიჰელიკობაქტერული ეფექტის გამოვლენას.

ფარმაკოკინეტიკა:

შიგნით მიღების შემდეგ სწრაფად და მთლიანად აბსორბირდება კუჭ-ნაწლავს ტრაქტიდან, pH იწყებს ზრდას 1-1.5 საათში, ხოლო სეკრეცია 90%-ზე მეტად მცირდება. მაქსიმალური პლაზმური კონცენტრაცია მიიღწევა 2-4 საათში. ბიოშეღწევადობა 70-80%-ს შეადგენს. პლაზმის ცილებთან შეკავშირების მაჩვენებელი 97-99%-ია. უმნიშვნელოდ გადის ჰემატო-ენცეფალურ ბარიერში.

ანტაციდური პრეპარატების ან საკვების მიღება არ მოქმედებს პანტოპრაზოლის ფარმაკოკინეტიკაზე.

ჩვენებები:

• კუჭისა და 12-გოჯა ნაწლავის წყლულოვანი დაავადება (მ.შ. წყლულოვანი დაავადება, რეფრაქტერული H₂-ჰისტამინური რეცეპტორების ბლოკატორებით თერაპიის მიმართ);
• კუჭისა და 12-გოჯა ნაწლავის ეროზიულ-წყლულოვანი დაზიანებები, დაკავშირებული ანთების საწინააღმდეგო არასტეროიდების მიღებასთან;
• გასტროეზოფაგური რეფლუქს-დაავადება: ეროზიულ-წყლულოვანი რეფლუქს-ეზოფაგიტი (მკურნალობა), გასტროეზოფაგური რეფლუქს დაავადების სიმპტომური მკურნალობა (ე.ი. არაეროზიული რეფლუქს-დაავადება);
• პათოლოგიური ჰიპერსეკრეციული მდგომარეობები, ზოლინგერ-ელისონის სინდრომის ჩათვლით;
• Helicobacter pylori-ის ერადიკაცია (ანტიბაქტერიულ თერაპიასთან კომბინაციაში).

მიღების წესი და დოზირება:

მიიღება შიგნით. მისი მიღება კვებასთან კავშირში არაა.

კუჭისა და 12-გოჯა ნაწლავის წყლულოვანი დაავადება: ინიშნება 40-80 მგ დღე-ღამეში. მკურნალობის კურსი 12-გოჯა ნაწლავის წყლულოვანი დაავადების გამწვავებისას 2-4 კვირას შეადგენს, ხოლო კუჭის წყლულოვანი დაავადებისას - 4-8 კვირას.

კუჭისა და 12-გოჯა ნაწლავის ეროზიულ-წყლულოვანი დაზიანებები, დაკავშირებული ანთების საწინააღმდეგო არასტეროიდების გამოყენებასთან.

ინიშნება 40-80 მგ დღე-ღამეში, მკურნალობის კურსი - 4-8 კვირა.

გასტროეზოფაგური რეფლუქს-დაავადება, ეროზიულ-წყლულოვანი რეფლუქს-ეზოფაგიტი: ინიშნება 40 მგ დღე-ღამეში. თერაპიის კურსი 8 კვირას შეადგენს. თუ შეხორცება არ იწყება, მაშინ რეკომენდებულია დამატებითი 8 კვირიანი მკურნალობის კურსის ჩატარება.

შემანარჩუნებელი დოზა ეროზიული ეზოფაგიტის შესახორცებლად: რეკომენდებული დოზა მოზრდილებისათვის შეადგენს 40 მგ-ს დღეღამეში. კონტროლირებად კვლევებში მისი გამოყენების ხანგრძლივობა არ აღემატებოდა 12 თვეს.

პათოლოგიური ჰიპერსეკრეციული მდგომარეობები ზოლინგერ-ელისონის სინდრომის ჩათვლით: დოზის შერჩევა ხდება ინდივიდუალურად კლინიკური ჩვენებების მიხედვით. რეკომენდებული სწაყის დოზა შეადგენს 40 მგ-ს 2-ჯერ დღე-ღამეში. დოზის გაზრდა შეიძლება 240 მგ-მდე დღე-ღამეში, ხოლო მკურნალობის კურსის გახანგრძლივება 2 წლამდე.

Helicobacter pylori -ის ერადიკაცია: მიიღება 40 მგ 2-ჯერ დღე-ღამეში ანტიმიკრობული საშუალებებთან კომბინაციაში.

გვერდითი მოვლენები:

საჭმლის მომნელებელი სისტემის მხრივ: იშვიათად - დიარეა, პირის სიმშრალე, მადის მომატება, გულისრევა, ბოყინი, ღებინება, მეტეორიზმი, მუცლის ტკივილი, ყაბზობა.

ცნს-ის მხრივ: იშვიათად - თავის ტკივილი, ასთენია, თავბრუსხვევა.

ალერგიული რეაქციები: იშვიათად - გამონაყარი, ჭინჭრის ციება, ქავილი.

სხვა: ერთეულ შემთხვევებში - შეშუპება, სხეულის ტემპერატურის მომატება.

უკუჩვენებები:

* ჰიპერმგრძნობელობა პანტოპრაზოლის მიმართ;

* ჰეპატიტი ან ციროზი, რომლებსაც ახლავს ღვიძლის მძიმე უკმარისობა.

ორსულობა და ლაქტაცია:

ორსულობისას პრეპარატი სიფრთხილით ინიშნება;

! რადგან პანტოპრაზოლი დედის რძესთან ერთად გამოიყოფა, ლაქტაციის პერიოდში გამოყენების აუცილებლობის შემთხვევაში უნდა გადაწყდეს ძუძუთი კვების შეწყვეტის საკითხი.

განსაკუთრებული მითითებები:

◄ თერაპიის დაწყებამდე უნდა გამოირიცხოს კუჭსა და საყლაპავში ავთვისებიანი ახალწარმონაქნის არსებობა, რადგან ულსეპანის გამოყენებამ შეიძლება შეამციროს სიმპტომთა გამოვლენა და გადაავადოს სწორი დიაგნოზის დასმა.

◄ რეფლუქს-ეზოფაგიტის დიაგნოზი აუცილებლად საჭიროებს ენდოსკოპიურ დადასტურებას.

◄ ღვიძლის ფუნქციის დარღვევების მქონე პაციენტებში ულსეპანის გამოყენებისას, საჭიროა სისხლის პლაზმაში ღვიძლის ფერმენტების აქტივობის რეგულარული კონტროლი და მათი მომატებისას ულსეპანის მოხსნა.

ზეგავლენა ავტომანქანის მართვისა და მექანიზმებთან მუშაობის უნარზე: პრეპარატის გამოყენება არ მოქმედებს ავტომანქანის მართვისა და მექანიზმებთან მუშაობის უნარზე.

ჭარბი დოზირება:

მონაცემები გადაჭარბებული დოზირების შესახებ არ არსებობს.

სხვა წამლებთან ურთიერთქმედება:

- იმ პრეპარატებთან ერთად გამოყენებისას, რომელთა ბიოშეღწევადობა დამოკიდებული კუჭის შიგთავსის pH-ზე (მაგ. კეტოკონაზოლი), ულსეპანმა შეიძლება შეცვალოს მათი აბსორბცია.

- იმის გამო, რომ პანტოპრაზოლი ღვიძლში მეტაბოლიზდება P450 ციტოქრომის ფერმენტული სისტემით, არ შეიძლება გამოირიცხოს ურთიერთქმედება პრეპარატებთან, რომლებიც იმავე ფერმენტული სისტემით მეტაბოლიზდებიან.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.