ფოლფა
FOLFA
სავაჭრო დასახლება
ფოლფა, FOLFA
საერთაშორისო არაპატენტირებული დასახელება
ფოლის მჟავა, Folic Acid
წამლის ფორმა
ტაბლეტები.
აღწერილობა: ყვითელი ფერის, ორმხრივამოზნექილი ტაბლეტები.
შემადგენლობა
ტაბლეტი შეიცავს
აქტიური ნივთიერება: ფოლის მჟავა 400 მკგ, 1 მგ, ან 5 მგ.
დამხმარე ნივთიერებები: მიკროკრისტალური ცელულოზა, მაგნიუმის სტეარატი.
პრეპარატის ათქ კოდი B03BB01
ფარმაკოთერაპიული ჯგუფი
ანტიანემიური პრეპარატები. ფოლის მჟავა და მისი წარმოებულები.
ფარმაკოლოგიური თვისებები
ფარმაკოდინამიკა
ფოლის მჟავა (ვიტამინ Вс, ვიტამინი В9) მიეკუთვნება B ჯგუფის ვიტამინებს, სინთეზირდება ნაწლავის მიკროფლორის მიერ, აუცილებელია სისხლის უჯრედების წარმოქმნისათვის, მეგალობლასტების მომწიფების პროცესების და მათ ნორმობლასტებად ტრანსფორმაციის ჩათვლით. ფოლის მჟავა ორგანიზმში აღდგება ტეტრაჰიდროქსიფოლიუმის მჟავამდე – კოფერმენტი, რომელიც მონაწილეობს სხვადასხვა მეტაბოლურ პროცესებში. ასტიმულირებს ერითროპოეზს, მონაწილეობს ამინომჟავების (მათ შორის გლიცერინის, მეთიონინის), ნუკლეინის მჟავების, პურინების, პირიმიდინების სინთეზში, ქოლინის, ჰისტიდინის ცვლაში.
ფარმაკოკინეტიკა
შიგნით მიღების შემდეგ, კარგად და მთლიანად შეიწოვება კუჭ-ნაწლავის ტრაქტში (კნტ), უპირატესად თორმეტგოჯა ნაწლავის ზედა ნაწილში. თითქმის მთლიანად უკავშირდება პლაზმის ცილებს. დეპონირდება და მეტაბოლიზდება ღვიძლში ფერმენტ დიჰიდროფოლატრედუქტაზას მოქმედებით, გარდაიქმნება რა ტეტრაჰიდროფოლიუმის მჟავად. მაქსიმალური კონცენტრაცია სისხლის პლაზმაში მიიღწევა 30-60 წუთის შემდეგ. გადის ჰემატოენცეფალურ ბარიერში და პლაცენტაში, გამოიყოფა ქალის რძეში. გამოიყოფა თირკმლებით, როგორც შეუცვლელი სახით (თუ მიღებული დოზა მნიშვნელოვნად აღემატება სადღეღამისო მოთხოვნილებას), ასევე მეტაბოლიტების სახით.
გამოიყოფა ჰემოდიალიზის მეშვეობით.
გამოყენების ჩვენებები
- არაბალანსირებული და არასრულფასოვანი კვების ფონზე ფოლის მჟავას დეფიციტის მკურნალობა და პროფილაქტიკა;
- ფოლის მჟავას დეფიციტის ფონზე ანემიის მკურნალობა და პროფილაქტიკა კომბინირებული თერაპიის შემადგენლობაში (მაკროციტური ჰიპერქრომული ანემია; სამკურნალო საშუალებებით და მაიონიზებელი რადიაციით გამოწვეული ანემია და ლეიკოპენია; მეგალობლასტური ანემია; რეზექციის შემდგომი ანემია; წვრილი ნაწლავის დაავადებებთან, სპრუს და მალაბსორბციის სინდრომთან დაკავშირებული ანემიები);
- ორსულობის და ლაქტაციის პერიოდთან დაკავშირებული ანემიების მკურნალობა და პროფილაქტიკა;
- ნაყოფის ნერვული მილის დეფექტების განვითარების პროფილაქტიკა ორსულობის I ტრიმესტრში;
- ხანგრძლივი მკურნალობა ფოლის მჟავას ანტაგონისტებით (მეტოტრექსატი, სულფამეტაქსაზოლი/ტრიმეტოპრიმის კომბინაცია), კრუნჩხვების საწინააღმდეგო პრეპარატებით (ფენიტოინი, პრიმიდონი, ფენობარბიტალი).
მიღების წესი და დოზები
პრეპარატი ფოლფა ინიშნება შიგნით, ჭამის შემდეგ.
ფოლის მჟავას დეფიციტის პროფილაქტიკისათვის მოზრდილებსა და 14 წელზე მეტი ასაკის ბავშვებში ინიშნება 4 - მკგ/დღ-ღამეში. ფოლის მჟავას სადღეღამისო მოთხოვნილება 4-13 წლის ბავშვებში – 200-300 მკგ, 1-3 წლის – 150 მკგ, წლამდე ასაკის ბავშვებში – 65-85 მკგ.
ორსულობისას ანემიის პროფილაქტიკისა და ნაყოფში ნერვული მილის განვითარების დეფექტის თავიდან ასაცილებლად – 400-800 მკგ/დღე-ღამეში; ლაქტაციის პერიოდში – 400 მკგ/დღე-ღამეში.
მკურნალობის მიზნით პრეპარატი ინიშნება მოზრდილებში 5 მგ/დღე-ღამეში 20-30 დღის განმავლობაში, ბავშვებში – ასაკიდან გამომდინარე. სადღეღამისო დოზას და მკურნალობის ხანგრძლივობას განსაზღვრავს ექიმი ინდივიდუალურად, დაავადების სიმძიმიდან გამომდინარე.
წინაღმდეგჩვენებები
- მომატებული მგრძნობელობა პრეპარატის კომპონენტების მიმართ;
- ავთვისებიანი ახალწარმონაქმნები.
გვერდითი მოვლენები
ალერგიული რეაქციები: კანის გამონაყარი, ქავილი, ბრონქოსპაზმი, ერითემა, ჰიპერთერმია.
კნტ-ის მხრივ: გულისრევა, მუცლის შებერილობა, პირში მწარე გემო, ანორექსია.
სხვა: ხანგრძლივი გამოყენებისას, შესაძლებელია В12 ჰიპოვიტამინოზის განვითარება.
განსაკუთრებული მითითებები
პრეპარატი სიფრთხილით ინიშნება პაციენტებში გაურკევეველი ეტიოლოგიის ანემიით, რადგან ფოლის მჟავამ შესაძლოა ხელი შეუშალოს ავთვისებიანი ანემიის დიაგნოსტიკას დაავადების ჰემატოლოგიური გამოვლინებების შემცირების გზით. პერნიციოზული ანემიის შემთხვევაში, პრეპარატი უნდა მიიღოთ მხოლოდ ციანკობალამინთან ერთად. ფოლის მჟავას ხანგრძლივად მიღება, განსაკუთრებით მაღალი დოზებით რეკომენდებული არ არის სისხლში ციანკობალამინის კონცენტრაციის დაქვეითების გამო.
ჰემოდიალიზზე მყოფი პაციენტები საჭიროებენ ფოლიუმის მჟავას მომატებულ რაოდენობას.
საჭიროა გაითვალისწინოთ, რომ ანტიბიოტიკებმა შესაძლოა დაამახინჯონ (მოგცეთ აშკარად დაქვეითებული მაჩვენებლები) პლაზმაში და ერითროციტებში ფოლის მჟავას კონცენტრაციის მიკრობიოლოგიური შეფასების შედეგები.
გავლენა ავტომობილის და სხვა მექანიზმების მართვის უნარზე
ავტომობილის მართვის და მოძრავ მექანიზმებთან მუშაობის უნარზე ფოლის მჟავას ნეგატიური გავლენის შესახებ მონაცემები არ არის.
გამოყენება ორსულობის და ძუძუთი კვების პერიოდში
ფოლფა რეკომენდებული დოზებით ინიშნება როგორც ორსულობისთვის მომზადების პერიოდში, ასევე ორსულობის და ძუძუთი კვების პერიოდში.
გამოყენება პედიატრიაში
ფოლფა ინიშნება ბავშვებში რეკომენდებული დოზების შესაბამისად.
ურთიერთქმედება სხვა სამკურნალო საშუალებებთან
ფოლის მჟავას ათვისება მცირდება მისი ერთდროული გამოყენებისას ანალგეტიკებთან, კრუნჩხვის საწინააღმდეგო პრეპარატებთან, ანტაციდებთან, სულფანილამდებთან, ანტიბიოტიკებთან, ციტოტოქსიურებთან.
ფოლის მჟავა ზრდის ფენიტოინის მეტაბოლიზმს.
აბსორბციის დაქვეითების, ან შეცვლის შემთხვევები შეიძლება განვითარდეს ქოლესტირამინის და ფოლის მჟავას ერთდროული გამოყენებისას. ამიტომ პრეპარატი უნდა მიიღოთ ქოლესტირამინის მიღებამდე 1 საათით ადრე, ან მისი მიღებიდან 4-6 საათის შემდეგ.
დოზის გადაჭარბება
ფოლის მჟავას რეკომენდებული დოზის გადაჭარბებამ შესაძლოა გამოიწვიოს დარღვევები ცენტრალური ნერვული სისტემის (გაღიზიანება, უძილობა) და კუჭ-ნაწლავის ტრაქტის (გულისრევა, აბდომინური ტკივილი, მეტეორიზმი) მხრივ.
მკურნალობა: პრეპარატის მოხსნა, სიმპტომური თერაპია.
გამოშვების ფორმა
ტაბლეტები. 30 ტაბლეტი ბლისტერზე.
1, 2, ან 3 ბლისტერი დანართ ფურცელთან ერთად მოთავსებულია მუყაოს კოლოფში.
შენახვის პირობები
ინახება ნესტის და სინათლისგან დაცულ ადგილას, არაუმეტეს 250ჩ ტემპერატურაზე.
ინახება ბავშვებისთვის მიუწვდომელ ადგილას!
ვარგისიანობის ვადა
3 წელი წარმოებიდან.
არ გამოიყენოთ ვარგისიანობის ვადის გასვლის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა ურეცეპტოდ.
მწარმოებელი
სავაჭრო მარკის და რეგისტრაციის სერთიფიკატის მფლობელია კომპანია
“დრ სერტუს ილაჩ სანაიი ვე ტიჯარეტ ლიმიტედ შირკეტი”
თურქეთი
(“DR SERTUS İLAÇ SANAYİ VE TİCARET LİMİTED ŞİRKETİ”, TURKEY).
წარმოებულია
“კენდი ლტდ”-ს მიერ, ბულგარეთი (8 გურმაზოვსკოს შოსე, 2227 ბოჟურიშტე).
“ “KENDY LTD”, Bulgaria (8 Gurmazovsko shose, 2227 Bozhurishte).
