დევიტ-3
საკვები დანამატი
1. პროდუქტის ხარისხობრივი და რაოდენობრივი შემადგენლობა:
აქტიური ნივთიერება
თითოეული ბოთლი (20 მლ.) შეიცავს 500 000 ს.ე. ვიტამინ D3-ს.
ყოველი წვეთი (0.02 მლ.) შეიცავს 12.5 მკგ. (500 ს.ე.) ქოლეკალციფეროლს (ვიტამინ D3-ს).
2. დამხმარე ნივთიერებები:
ბუტილჰიდროქსიანისოლი 1,5 მგ / 20 მლ.
3.ფარმაცევტული ფორმა:
ორალური წვეთები
მოყვითალო ზეთოვანი ხსნარი, დამახასიათებელი უმნიშვნელო სუნით.
4.კლინიკური მახასიათებლები:
4.1. გამოყენების რეკომენდაცია
დევიტ-3
- D3 ვიტამინის ნაკლებობა/დეფიციტი
- D3 ვიტამინის მალაბსორბციასთან დაკავშირებული ნაკლებობა/დეფიციტი
- რაქიტი
- ოსტეომალაცია, განპირობებული D3 ვიტამინის დეფიციტით
- ოსტეოპოროზი
- სტეროიდებით ხანგრძლივი მკურნალობა
- სპაზმოფილია
- მოტეხილობები
- ძვალ-სახსართა სისტემაზე ჩატარებული ოპერაციის შემდგომი პერიოდი
4.2. მიღების წესი:
დევიტ-3 ინიშნება ორალურად (დასალევად).
ჩვილი ბავშვის შემთხვევაში დევიტ-3_ის წვეთები შესაძლოა გაიხსნას საკვებში (რძეში).
|
ასაკი
0 – 4 წელი |
წვეთების დღიური რაოდენობა / დღე
1 წვეთი |
ს.ე. / დღიური რაოდენობა
500 ს.ე. ვიტამინი D3
|
|
4-10 წელი |
1-2 წვეთი |
500-1000 ს.ე. ვიტამინი D3 |
|
11 და ზევით |
1-3 წვეთი |
500-1500 ს.ე. ვიტამინი D3 |
დამატებითი ინფორმაცია/განსაკუთრებული მითითებები:
ღვიძლის უკმარისობა: არ არის მონაცემები.
თირკმლის უკმარისობა: არ უნდა იქნას გამოყენებული კალციუმთან ერთად თირკმლის მწვავე უკმარისობის დროს.
პედიატრიული პაციენტები: მიღების შესახებ ინფორმაცია მოცემულია აღნიშნულ ანოტაციაში.
გერიატრიული პოპულაცია: არ არის მონაცემებ
4.3. წინააღმდეგჩვენებები
დევიტ-3 წინააღმდეგნაჩვენებია ისეთ პაციენტებში, რომელთაც აღენიშნებათ ალერგია D ვიტამინის ან პროდუქტის შემადგენელი კომპონენტების მიმართ. მწვავე ჰიპერტენზია, შორსწასული ათეროსკლეროზი და ფილტვის ტუბერკულოზის აქტიური ფორმა არის ის მდგომარეობები, რომელთა დროსაც დევიტ-3_ის ხანგრძლივად და მაღალი დოზებით მიღება უკუნაჩვენებია.
5. ფარმაცევტული თავისებურებები
5.1. დამხმარე ნივთიერებები
მზესუმზირის ზეთი
5.2. შენახვის ვადა: იხ. შეფუთვაზე.
6. ნუ მიიღებთ დევიტ-3-ს თუ:
- ხართ ალერგიული ქოლეკალციფეროლის ან პროდუქტის შემადგენელი რომელიმე კომპონენტის მიმართ
- გაქვთ კალციუმის მაღალი შემცველობა სისხლში ან მომატებული გაქვთ კალციუმის გამოყოფა შარდით; თუ მკურნალობთ ბენზოდიაზეპინებით ან მისი ნაწარმით.
- გაქვთ კალციუმის შემცველი თირკმლის კენჭები
- გაქვთ ჰიპერ-D-ვიტამინოზი
- გაქვთ მწვავე არტერიოსკლეროზი (არტერიების კედლის გამკვრივება-გამაგრება)
- გაქვთ თირკმლის ფუნქციის მწვავე მოშლა
7. შესაძლო გვერდითი მოვლენები:
როგორც ნებისმიერ საკვებ დანამატს, აღნიშნულ პროდუქტსაც შეიძლება ჰქონდეს გვერდითი მოვლენები, მაგრამ, რათქმაუნდა, ყველას არ გამოუვლინდება ისინი. გვერდითი მოვლენები ფიქსირდება პროდუქტის დოზის გადამეტების შემთხვევაში: მეტაბოლიზმის დარღვევა - კალციუმის მომატებული კონცენტრაცია სისხლსა და შარდში (ჰიპერკალცემია, ჰიპერკალციურია). გასტროინტესტინური დარღვევები - შეკრულობა, შებერილობა, მუცლის ტკივილი, დიარეა. აღნიშნული გამოვლინებების სიხშირე ცნობილი არ არის.
8. ორსულობა და ძუძუთი კვება:
თუ ხართ ორსულად ან ძუძუთი კვებავთ ბავშვს, ფიქრობთ რომ ხართ ორსულად ან გეგმავთ ორსულობას, პროდუქტის მიღებამდე გაიარეთ კონსულტაცია თქვენს ექიმთან ან ფარმაცევტთან.
9. შენახვის პირობები:
პროდუქტი ინახება მშრალ, ბნელ ადგილას. მოარიდეთ ბავშვებს. პროდუქტის გახსნამდე შეინახეთ არაუმეტეს 30˚C ტემპერატურაზე, ბოთლის გახსნის შემდგეგ 25˚C ტემპერატურაზე. გახსნის შემდეგ პროდუქტი მისაღებად ვარგისია 10 თვის განმავლობაში.
10. აფთიაქიდან გაცემის წესი:
გაიცემა ექიმის რეცეპტის გარეშე.
11. გამოშვების ფორმა:
დევიტ-3 ორალური წვეთები 20 მლ. მინის ბოთლში.
პროდუქტის მფლობელი:
Istanbul Ilac Koz. Tur. San. ve Tic. LTD. Sti.
Eyüp Sultan Mah. Ulubatli Hasan Cd. No:16
Sancakteoe IST. Tel.: +90 216 313 71 10
www.dermoclean.com
ექსკლუზიური დისტრიბუტორი საქართველოში: შპს.ბროქემ გეორგია.
