ასილონი – ASILON – АСИЛОН

საერთაშორისო დასახელება:

ALUMINUM HYDROXIDE; ACTIVETED DIMETICONE

მწარმოებელი: Thornton & Ross LTD, დიდი ბრიტანეთი

მოქმედი ნივთიერება: დიმეთიკონი+ალუმინის ჰიდროქსიდი

კლინიკურ-ფარმაკოლოგიური ჯგუფი:

კომბინირებული შემადგენლობის ანტაციდური პრეპარატი.

გამოშვების ფორმა:

ტაბლეტები: შეფუთვაში 24 და 96 ც.

1 ტაბ.

აქტივირებული დიმეთიკონი .................      270 მგ

მშრალი ალუმინის ჰიდროქსიდი ...........      500 მგ

დამხმარე ნივთიერებები:

საქაროზა, სორბიტოლი, სატაბლეტო ფრანგული ცარცი, მენთოლი, პიტნის ზეთი.

ფარმაკოლოგიური თვისებები:

ასილონს ახასიათებს ანტაციდური და მეტეორიზმის საწინააღმდეგო თვისებები, რომლებიც ხანგრძლივად ნარჩუნდება ორგანიზმში. ალუმინის ჰიდროქსიდი არის ანტაციდი. აქტივირებული დიმეთიკონი მოქმედებს აირის წარმოქმნაზე, რითაც გამოიხატება მისი აირსაწინააღმდეგო ეფექტი.

ჩვენებები:

ასილონი წარმოადგენს ანტაციდურ და მეტეორიზმის საწინააღმდეგო საშუალებას. იგი ხსნის გულძმარვასთან, საყლაპავის თიაქართან, მუცლის შებერილობასთან და საყლაპავის ანთებასთან დაკავშირებულ, აირების დაგროვებას და დისპეფსიით გამოწვეულ დისკომფორტს.

მიღების წესები და დოზირება:

მოზრდილები, ხანდაზმულების ჩათვლით: ერთი ან ორი ტაბლეტი დაღეჭეთ ან გაწუწნეთ საკვების მიღებამდე ან ძილის წინ. გულძმარვის შემთხვევაში რეკომენდებულია ტაბლეტების გაწუწვნა.

ბავშვები: არ არის რეკომენდებული ასილონის ანტაციდური ტაბლეტების მიღება 12 წლამდე ასაკის ბავშვებში.

პრეპარატის გადაჭარბებული დოზის მიღებისას საჭიროა ექიმის კონსულტაცია.

გვერდითი მოვლენები:

იშვიათად შეიძლება განვითარდეს ყაბზობა. სორბიტოლმა შეიძლება გამოიწვიოს კუჭ-ნაწლავის ფუნქციის მოშლილობა ან დიარეა.

ამ ან სხვა სახის მოვლენების გამოვლენისთანავე აუცილებელია ექიმთან კონსულტაცია.

უკუჩვენებები:

პრეპარატის გამოყენებამდე პაციენტი საჭიროა გაეცნოს ქვემოთ წარმოდგენილ ინფორმაციას:

• არ არის რეკომენდებული ასილონის ანტაციდური ტაბლეტების მიღება ორსულობის პირველ ტრიმესტრში;
• არ არის რეკომენდებული ასილონის ანტაციდური ტაბლეტების მიღება მძიმე დაუძლურების შემთხვევაში; არ არის რეკომენდებული ასილონის ანტაციდური ტაბლეტების მიღება თირკმლის რაიმე სახის დაავადების დროს;
• არ არის რეკომენდებული ასილონის ანტაციდური ტაბლეტების მიღება 12 წლამდე ასაკის ბავშვებში;

ორსულობა და ლაქტაცია:

ორსულობის და ლაქტაციის დროს აუცილებელია ექიმთან კონსულტაცია.

განსაკუთრებული მითითებები:

• ნაწლავების ობსტრუქციით გამოწვეული მუცლის შებერილობის შემთხვევაში აუცილებელია ექიმის კონსულტაცია;
• არ არის რეკომენდებული ასილონის ანტაციდური ტაბლეტების მიღება დიაბეტით დაავადებულ პაციენტებში, ვინაიდან ყოველი ტაბლეტი შეიცავს 1.1 გ საქაროზას;
• არ არის რეკომენდებული ასილონის ანტაციდური ტაბლეტების მიღება მემკვიდრულად განპირობებული ფრუქტოზას შეუთავსებლობის დროს, რადგან იგი შეიცავს 500 მგ სორბიტოლს;
• ექიმთან ან ფარმაცევტთან კონსულტაციით უნდა დავრწმუნდეთ, რომ ასილონის ანტაციდური ტაბლეტების გამოყენებით მიიღება დადებითი შედეგი.

სხვა წამლებთან ურთიერთქმედება:

ანტაციდებმა შეიძლება გავლენა იქონიონ ისეთი პრეპარატების აბსორბციაზე როგორიცაა: ტეტრაციკლინი, რიფამპიცინი, ვარფარინი ან დიგოქსინი, ამიტომ ამ პრეპარატების მიღებებს შორის ინტერვალი უნდა შეადგენდეს 2 საათს.

შენახვის პირობები და ვადა:

პრეპარატი ინახება არა უმეტეს 25⁰C ტემპერატურაზე მშრალ, ბავშვებისთვის მიუწვდომელ ადგილას.

ვარგისიანობის ვადა:  5 წელი.