გულის ელექსირი
Gulis Eleqsiri
პერორალურად მისაღები ჰომეოპათიური საშუალება
აღწერილობა: დამახასიათებელი სუნის მქონე, უფერო ან მოყვითალო ფერის სითხე.
შემადგენლობა: მლ/100 მლ
აქტიური სუბსტანცია:
არნიკას (Arnica montana) ნაყენი D 12 10 მლ
შვაბე, გვ. 68, 1950 წ
კაქტუსის (Cactus grandiflorus) ნაყენი D 12 10 მლ
შვაბე, გვ. 87, 1950 წ
შროშანას (Convalaria majalis) ნაყენი D 6 10 მლ
შვაბე, გვ. 121, 1950 წ
კუნელის (Crataegus oxyacantha) ნაყენი D 3 20 მლ
შვაბე, გვ. 121, 1950 წ
სპიგელიას (Spigelia anthelmia) ნაყენი D 12 10 მლ
შვაბე, გვ. 240, 1950 წ
არააქტიური სუბსტანცია:
ეთილის სპირტი 43% საჭირო რაოდენობით 100 მლ–მდე
სფ X, გვ. 905
ფარმაკოლოგიური ჯგუფი: კომპლექსური ჰომეოპათიური პრეპარატი
ფარმაკოლოგიური თვისებები: ანტიარითმიული, კარდიოპროტექტორული, ანტიოქსიდანტური და სედატიური მოქმედება. არეგულირებს არტერიულ წნევას
ჩვენებები: გულის იშემიური დაავადება, დაძაბვის სტენოკარდია, ინფარქტის შემდგომი კარდიოსკლეროზი, გულის ქრონიკული უკმარისობა, არითმია, ქოშინი მცირედი დაძაბვისას, გულის კუნთის მოდუნება,ე.წ „დაღლილი გული“, არტერიული ჰიპერტენზია გამოიყენება მოზარდებში გარდატეხის ასაკში
მიღების წესი და დოზირება: პერორალურად
ქრონიკული პროცესის დროს: 5-7 წვეთი დღეში 3-ჯერ ხანგრძლივი დროის განმავლობაში (არაუმცირეს 6 თვისა).
მწვავე შემთხვევებში: 5 წვეთი ყოველ 15-20 წთ-ში , მდგომარეობის გაუმჯობესების შემდეგ ყოველ 2-3 სთ-ში.
პროფილაქტიკისათვის: 5 წვეთი დღეში 2-ჯერ.
წვეთები იხსნება 1 ჩაის კოვზ წყალში.
პრეპარატი მიიღება საკვების მიღებამდე 20-30 წთ-ით ადრე ან საკვების მიღებიდან 1 სთ-ის შემდეგ.
მიღების წინ პრეპარატი შეანჯღრიეთ
უკუჩვენება: არ არის გამოვლენილი.
გვერდითი მოვლენები: არ არის გამოვლენილი
პრეპარატის გამოყენებისას აკრძალულია ალკოჰოლის მიღება
რაიმე არასასურველი მოვლენის შემთხვევაში, რომელიც არ არის მითითებული გამოყენების ინსტრუქციაში, მიმართეთ ექიმს.
ორსულობა და ლაქტაცია: ორსულებმა და მეძუძურმა დედებმა პრეპარატი უნდა მიიღონ ექიმის დანიშნულებით.
ურთიერთქმედება სხვა სამკურნალო საშუალებებთან: შეზღუდვები არ გააჩნია.
ჭარბი დოზირება: ჭარბი დოზირების შემთხვევები არ არის გამოვლენილი.
გავლენა ავტომობილების მძღოლებზე და პოტენციურად საშიშ მანქანა-დანადგარებთან მომუშავე პერსონალზე: არ ახდენს გავლენას
განსაკუთრებული მითითება: ვინაიდან პრეპარატი შეიცავს მცენარეული წარმოშობის კომპონენტებს, შენახვის პროცესში შეიძლება წარმოიქმნას უმნიშვნელო სიმღვრივე სუნისა და გემოს შესუსტებით, რომელიც არ ახდენს გავლენას პრეპარატის ეფექტურობაზე.
გამოშვების ფორმა: 50 მლ ხსნარი ნარინჯისფერ პოლიეთილენის საწვეთურიან ფლაკონში. 1 ფლაკონი გამოყენების ინსტრუქციასთან ერთად მუყაოს კოლოფში.
შენახვის პირობები: ინახება მშრალ, არაუმეტეს 25 C ტემპერატურაზე, სინათლისაგან დაცულ და ბავშვებისათვის მიუწვდომელ ადგილას.
ვარგისობის ვადა: 3 წელი
დაუშვებელია პრეპარატის გამოყენება შეფუთვაზე მითითებული ვარგისობის ვადის გასვლის შემდეგ.
აფთიაქიდან გაცემის წესი: ფარმაცევტული პროდუქტის ჯგუფი III – გაიცემა რეცეპტის გარეშე
მწარმოებელი: შპს „ბიოფარმი-L“ შპს „ლაზიკა ფარმა“-ს დაკვეთით
გოთუას ქ. N3, თბილისი, საქართველო
