შეფუთვა: სუსპენზია
საერთ. დასახელება: Azitromicin
დოზა: 200მგ/5მლ მგ
ფარმაკოლოგიური ჯგუფი: მაკროლიდები.
შემადგენლობა
მომზადებული სუსპენზიის ყოველი 5 მლ შეიცავს 200 მგ აზითრომიცინს. ფლაკონი განკუთვნილია პერორალურად მისაღები 15 მლ სუსპენზიის მოსამზადებლად.
დამხმარე ნივთიერებები: სუკროზა, ჰიდროქსიპროპილცელულოზა, ნატრიუმის ფოსფატი(უწყლო), ქსანტანის ფისი, ალუბლის არომატიზატორი, ვანილის არომატიზატორი, ბანანის არომატიზატორი.
მოქმედების მექანიზმი
მაკროლიდების ჯგუფის აზალიდების ქვეჯგუფის ფართო სპექტრის მოქმედების ანტიბიოტიკი. მოქმედების მექანიზმი დაკავშირებულია მიკროორგანიზმების ცილების ბიოსინთეზის დარღვევასთან, რაც რიბოსომების 50შ-სუბერთეულთან შეკავშირებით მიიღწევა. ანთებით კერაში მაღალი კონცენტრაციით მოხვედრილი პრეპარატი მოქმედებს ბაქტერიციდულად.
აზიმაკი აქტიურია გრამდადებითი აერობული ბაქტერიების მიმართ: შტრეპტოცოცცუს პნეუმონიაე, შ. პყოგენეს, შ. აგალაცტიაე, შ. ვირიდანს, С, F და G ჯგუფის სტრეპტოკოკები, შტაპჰყლოცოცცუს აურეუს, შ. ეპიდერმიდის. არ მოქმედებს ერითრომიცინისადმი მდგრად გრამდადებით ბაქტერიებზე.აქტიურია გრამუარყოფითი აერობული მიკროორგანიზმების
მიმართ: Hაემოპჰილუს ინფლუენზაე, H. პარაინფლუენზაე, Н. დუცრეყი, Mორახელლა ცატარრჰალის, Bორდეტელლა პერტუსსის, В. პარაპერტუსსის, Nეისსერია გონორრჰოეაე, N. მენინგიტიდის, Bრუცელლა მელიტენსის, Hელიცობაცტერ პყლორი, Gარდნერელლა ვაგინალის.
აქტიურია ჩამპყლობაცტერ ჯეჯუნი-ს, ზოგიერთი ანაერობული მიკროორგანიზმის მიმართ:
ჩლოსტრიდიუმ პერფრინგენს, ასევე - Mიცობაცტერია ავიუმ ცომპლეხ, და უჯრედშიდა და სხვა მიკროორგანიზმების მიმართ, მათ შორის: Lეგიონელლა პნეუმოპჰილა, ჩჰლამყდია ტრაცჰომატის, С. პნეუმონიაე, Mყცოპლასმა პნეუმონიაე, Uრეაპლასმა ურეალყტიცუმ, Lისტერია მონოციტოგენეს, Bორრელია ბურგდორფერი, თრეპონემა პალლიდუმ.
ფარმაკოკინეტიკა
აზითრომიცინი მჟავე არეში მდგრადობისა და ლიპოფილური თვისებების გამო სწრაფად შეიწოვება კუჭნაწლავის ტრაქტიდან. პრეპარატის 500 მგ-ის მიღების შემდეგ ჩმახ შეადგენს
0,4 მგ/ლ, ამასთან უჯრედებსა და ქსოვილებში მისი კონცენტრაცია 10-50-ჯერ მეტია, ვიდრე შრატში; ინფექციის კერაში კონცენტრაცია 24-34 %-ით მეტია, ვიდრე ჯანმრთელ ქსოვილში და კორელაციას განიცდის ანთების შედეგად განვითარებული შეშუპების ხარისხის შესაბამისად. აზითრომიცინის ბიოშეღწევადობა შეადგენს 37%-ს. ანთებით კერაში
პრეპარატის ბაქტერიციდული კონცენტრაცია შენარჩუნებულია უკანასკნელი დოზის მიღებიდან 5-7 დღის განმავლობაში. მეტაბოლიზდება ღვიძლში. ნახევარგამოყოფის პერიოდი ხანგრძლივია - 60-76 საათი. გამოიყოფა ძირითადად ნაღვლის საშუალებით შეუცვლელი სახით, მცირედ - შარდის გზით.
ჩვენება
პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები:
- სასუნთქი სისტემის ინფექციები (ბრონქიტი, ბაქტერიული და ატიპიური პნევმონია);
- ყელ-ყურ-ცხვირის ინფექციები (ანგინა, სინუსიტი, ტონზილიტი, შუა ყურის ანთება);
- ქუნთრუშა;
- კანისა და რბილი ქსოვილების ინფექციები (წითელი ქარი, იმპეტიგო, მეორადად ინფიცირებული დერმატოზები);
- უროგენიტალური ტრაქტის ინფექციები (გაურთულებელი ურეთტირი და/ან ცერვიციტი);
- ლაიმას დაავადება (ბორელიოზი);
- Helicobacter pylori-თან ასოცირებული კუჭისა და თორმეტგოჯა ნაწლავის დაავადებები.
დოზირება და მიღების წესი
აზიმაკის სუსპენზია ინიშნება აუცილებლად ჭამამდე 1 სთ-ით ადრე ან ჭამიდან 2 სთ-ის შემდეგ, დღეში მხოლოდ ერთხელ. აზიმაკის სუსპენზიის დანიშვნა რეკომენდებულია 6 თვეზე მეტი ასაკის ბავშვებსა და მოზარდებში.
სუსპენზიის მომზადების წესი:
10 მლ წყლის დამატების შემდეგ დასაშვებია ფლაკონში 15 მლ-ზე მეტი სუსპენზიის არსებობა, რაც განპირობებულია პრეპარატის სპეციფიკური სისქით. მიღებული სუსპენზიის ყოველი 5 მლ შეიცავს 200 მგ აზითრომიცინს.
სუსპენზიის მიღების წესი:
სუსპენზიის მიღების შემდეგ დასაშვებია რამდენიმე ყლუპი ჩაის მიღება, რათა პირის ღრუდან ჩამოირეცხოს ნარჩენი სუსპენზია.
დოზირება მოზრდილებში (მათ შორის ასაკოვან პაციენტებში):
მოზრდილებში აზიმაკის რეკომენდებული დოზაა 500 მგ დღეში ერთხელ, სამი დღის მანძილზე, თერაპიული კურსი მოიცავს სულ 1500 მგ-ს. ალტერნატივის სახით, დასაშვებია იგივე დოზის 5 დღეზე გადანაწილება: პირველ დღეს ინიშნება 500 მგ ერთხელ დღეში, II დღიდან V დღემდე 250 მგ ყოველდღე; უროგენიტალური ტრაქტის მწვავე ინფექციების
დროს ინიშნება ერთჯერადად 1 გ.
დოზირება ბავშვებსა და მოზარდებში:
ზოგადად, სტრეპტოკოკული ფარინგოტონზილიტის მკურნალობის გარდა, აზიმაკის სუსპენზიის დღიური დოზაა 10 მგ/კგ წონაზე, 3 დღის განმავლობაში. ალტერნატივის სახით,
დასაშვებია იგივე დოზის 5 დღეზე გადანაწილება: პირველ დღეს ინიშნება 10 მგ/კგ წონაზე ერთხელ დღეში, II დღიდან V დღემდე 5 მგ/კგ წონაზე ყოველდღე;
რეკომენდებულია შემდეგი დოზირების დაცვა წონის გათვალისწინებით:
15 კგ-ზე ნაკლები: 10 მგ/კგ დღეში ერთხელ, 3 დღის განმავლობაში; ალტერნატივის სახით,
10 მგ/კგ-ზე პირველ დღეს, შემდგომ - 5 მგ/კგ 4 დღის განმავლობაში. ინიშნება დღეში ერთხელ.
15-25 კგ: 200 მგ/დღეში (მხოლოდ ერთ მიღებაზე) 3 დღის განმავლობაში; ალტერნატივის სახით, 200 მგ პირველ დღეს, შემდგომ - 100 მგ 4 დღის განმავლობაში. ინიშნება დღეში ერთხელ.
26-35 კგ: 300 მგ/დღეში (მხოლოდ ერთ მიღებაზე) 3 დღის განმავლობაში; ალტერნატივის სახით, 300 მგ პირველ დღეს, შემდგომ 150 მგ 4 დღის განმავლობაში. ინიშნება დღეში ერთხელ.
36-45 კგ: 400 მგ/დღეში (მხოლოდ ერთ მიღებაზე) 3 დღის განმავლობაში; ალტერნატივის
სახით, 400 მგ პირველ დღეს, შემდგომ 200 მგ 4 დღის განმავლობაში. ინიშნება დღეში ერთხელ.
45 კგ-ზე მეტი: იგივე დოზა რაც მოზრდილებში (500 მგ/დღეში, მხოლოდ ერთ მიღებაზე, 3 დღის განმავლობაში).
სტრეპტოკოკული ფარინგოტონზილიტის სამკურნალოდ ინიშნება 20 მგ/კგ-ზე დღეში, 3 დღის განმავლობაში, მაქსიმალური დღიური დოზის - 500 მგ-ის გადაუჭარბებლად.
უსაფრთხოების ზომები
აზითრომიცინი სიფრთხილით ინიშნება პაციენტებში ღვიძლისა და/ან თირკმლის ფუნქციების დარღვევით, არითმიით ან Qთ ინტერვალის გახანგრძლივებით. დოზის გამოტოვების შემთხვევაში, გამოტოვებული დოზა უნდა მიიღონ შეძლებისდაგვარად მალე, ხოლო შემდგომი დოზა - 24 საათიანი ინტერვალის დაცვით.
ორსულობა და ლაქტაციის პერიოდი
ორსულობისა და ლაქტაციის პერიოდში ინიშნება მხოლოდ სასიცოცხლო ჩვენებით, როცა მისი გამოყენების აუცილებლობა დედისთვის, აჭარბებს ნაყოფზე ან ბავშვზე გავლენის პოტენციურ რისკს.
დოზის გადაჭარბება
სიმპტომები: გულისრევა, ღებინება, ფაღარათი, სმენის დროებითი დაკარგვა.
მკურნალობა: სიმპტომური.
ავტომობილისა და სხვა მექანიკური საშუალებების მართვაზე გავლენა
პრეპარატი გავლენას არ ახდენს ავტომობილისა და სხვა მექანიკური საშუალებების მართვაზე.
სხვა სამკურნალო საშუალებებთან ურთიერთქმედება
აზიმაკი და ანტაციდური (ალუმინისა და მაგნიუმის შემცველი) პრეპარატები, საკვების მიღება და ეთანოლი მნიშვნელოვნად ამცირებენ აზითრომიცინის შეწოვას. ამიტომ ანტაციდებთან ერთდროული დანიშვნისას ან საკვების მიღებისას, აუცილებელია აზიმაკი დაინიშნოს მათ მიღებამდე 1 საათით ადრე, ან მიღებიდან 2 საათის შემდეგ.
არ აღინიშნება აზიმაკისა და თეოფილინის, პერორალური ანტიკოაგულანტების, კარბამაზეპინის, ფენიტოინის, დიგოქსინის, ციკლოსპორინის ურთიერთგავლენა. მაკროლიდების ერგოტამინთან და დიჰიდროერგოტამინთან ერთდროული გამოყენებისას, შესაძლებელია, მათი ტოქსიკური მოქმედება გამოვლინდეს (სისხლძარღვების სპაზმი,
დიზესთეზია). ლინკოზამინი ამცირებს, ხოლო ტეტრაციკლინი და ქლორამფენიკოლი აძლიერებენ აზითრომიცინის ეფექტურობას.
ვარფარინისა და აზითრომიცინის ერთდროულად დანიშვნის აუცილებლობისას, საჭიროა პროთრომბინის დროის კონტროლი.
აზითრომიცინი ფარმაცევტულად შეუთავსებელია ჰეპარინთან.
გვერდითი მოვლენები
აღწერილი გვერდითი მოვლენები ძირითადად სუსტად გამოვლენილი და საშუალო სიმძიმისაა, რომელიც ქრება პრეპარატის მიღების შეწყვეტისთანავე. საჭმლის მომნელებელი სისტემის მხრივ: მელენა, ქოლესტაზური სიყვითლე, მეტეორიზმი, გულისრევა, ღებინება, დიარეა, ყაბზობა, მადის დაქვეითება, გასტრიტი, ღვიძლის
ფერმენტების აქტივობის შექცევადი ზომიერი მატება;
შარდგამომყოფი სისტემის მხრივ: ნეფრიტი;
სასქესო სისტემის მხრივ: ვაგინალური კანდიდოზი;
გულ-სისხლძარღვთა სისტემის მხრივ: გულისცემის შეგრძნება, გულმკერდში ტკივილი;
ცნს-ის და პერიფერიული სისტემის მხრივ: თავბრუსხვევა, თავის ტკივილი, თავბრუსხვევა, ძილიანობა, დაღლილობა; ბავშვებში - თავის ტკივილი (შუა ყურის ანთების მკურნალობის დროს), ჰიპერკინეზია, დაძაბულობა, ნევროზულობა, ძილის მოშლა;
ალერგიული რეაქციები: კანზე გამონაყარი, კვინკეს შეშუპება, ჭინჭრის ციება, კონიუნქტივიტი;
დერმატოლოგიური რეაქციები: ფოტოსენსიბილიზაცია, ქავილი;
ლაბორატორიული მაჩვენებლების მხრივ: ერთეულ შემთხვევაში - ნეიტროფილია, ეოზინოფილია (მაჩვენებლები ნორმას უბრუნდება პრეპარატის მიღების შეწყვეტიდან 2-3 კვირაში).
ვარგისობა და შენახვის პირობები
პრეპარატი ინახება 15-25 C ტემპერატურაზე. პრეპარატის ვარგისობის ვადა - 4 წელი.
მომზადებული სუსპენზია ვარგისია 10 დღის განმავლობაში 15-25 C ტემპერატურაზე შენახვის პირობებში.
ინახება ბავშვებისათვის ხელმიუწვდომელ ადგილზე!
გამოშვების ფორმა
ფხვნილი პერორალურად მისაღები სუსპენზიის მოსამზადებლად - 200 მგ/5 მლ (15 მლ) მინის ფლაკონში ალუმინის თავსახურით; მეორადი შეფუთვა: მუყაოს კოლოფში მოთავსებულია 1 ფლაკონი, პლასტმასის პერფორირებულ საცობთან და დოზირებულ შპრიცთან ერთად.
აფთიაქიდან გაცემის პირობები
ფარმაცევტული პროდუქტის ჯგუფი II (გაიცემა ექიმის რეცეპტით).
