ბონეფოსი – BONEFOS – БОНЕФОС

საერთაშორისო დასახელება:

CLODRONIC ACID

მწარმოებელი: BAYER SCHERING PHARMA OY,ფინეთი

მოქმედი ნივთიერება: კლოდრონის მჟავა

კლინიკურ-ფარმაკოლოგიური ჯგუფი:

ძვლის ქსოვილის რეზორბიციის ინჰიბიტორი.

შემადგენლობა და გამოშვების ფორმა:

კაფსულები: შეფუთვაში 100 ც.

1 კაფს.

კლოდრონის მჟავა

(დინატრიუმის მარილის ფორმით)  ........       40 მგ

დამხმარე ნივთიერებები:

ლაქტოზის მონოჰიდრატი, ტალკი, კალციუმის სტეარატი, სილიციუმის უწყლო კოლოიდური დიოქსიდი.

ჟელატინის კაფსულის შემადგენლობაში შედის: მყარი ჟელატინი, ტიტანის დიოქსიდი, რკინის წითელი ოქსიდი, რკინის ყვითელი ოქსიდი.

შემოგარსული ტაბლეტები: შეფუთვაში 100 ც.

1 ტაბ.

კლოდრონის მჟავა

(დინატრიუმის მარილის ფორმით) .........        40 მგ

დამხმარე ნივთიერებები:

მიკროკრისტალური ცელულოზა გაუწყლოებული, კოლოიდური სილიციუმის დიოქსიდი, კროსკარმელოზური ნატრიუმი, სტეარინის მჟავა, მაგნიუმის სტეარატი, ჰიპრომელოზა, პოლიეთილენგლიკოლი 400, ტიტანის  დიოქსიდი.

კონცენტრატი საინფუზიო ხსნარის მოსამზადებლად: ამპულაში 5 მლ, შეფუთვაში 5 ც.

1 მლ 1 ამპ.

კლოდრონის მჟავა

(დინატრიუმის მარილის ფორმით) ..........        60 მგ 300 მგ

ფარმაკოლოგიური თვისებები:

კლოდრონატი იწვევს ძვლის ქსოვილის რეზორბციის ინჰიბირებას ავთვისებიანი წარმონაქმნებისა და ძვლოვანი მეტასტაზების დროს. ამავე დროს ის არ მოქმედებს ნორმალურ მინერალიზაციის პროცესზე. კლოდრონატის სამკურნალო ეფექტი აღინიშნება იმ დაავადებების დროს, რომელთა თანმხლებია ძვლის რეზორბციის გაძლიერება. ჰიპერკალციემიის შემთხვევაში კლოდრონატი აქვეითებს შრატში კალციუმის დონეს, ხოლო პაციენტებში, რომლებსაც გააჩნიათ სისხლის პლაზმაში კალციუმის ნორმალური რაოდენობა (ნორმოკალციემია), იწვევს კალციუმისა და ჰიდროქსიპროლინის შარდით გამოყოფის შემცირებას.

კლოდრონის მჟავა მიეკუთვნება ბიფოსფონატების ჯგუფს და წარმოადგენს პიროფოსფონატის ბუნებრივ ანალოგს. ბიფოსფონატებს აქვთ მაღალი მსგავსება ძვლოვანი ქსოვილის მინერალურ კომპონენტებთან. მოქმედების ძირითადი მექანიზმია ოსტეოკლასტების აქტივობის დათრგუნვა და მათ მიერ განპირობებული ძვლოვანი ქსოვილის რეზორბციის შემცირება.

კლოდრონის მჟავის თვისებაა დაამუხრუჭოს ძვლოვანი ქსოვილის რეზორბცია ადამიანებში, რაც დადასტურებულია ჰისტოლოგიური, კინეტიკური და ბიოქიმიური კვლევების შედეგებით. მიუხედავად ამისა ამ პროცესის ზუსტი მექანიზმები ბოლომდე შესწავლილი არ არის.

კლოდრონის მჟავა თრგუნავს ოსტეოკლასტების აქტივობას, ამცირებს სისხლში კალციუმის კონცენტრაციას, ასევე კალციუმის და ჰიდროქსიპროლინის გამოყოფას შარდში.

in vitro ბიფოსფონატები თრგუნავენ კალციუმის ფოსფატის პრეციპიტაციას, აბლოკირებენ მის ტრანსფორმაციას ჰიდროქსიაპატიტში, აკავებენ აპატიტების კრისტალების აგრეგაციას უფრო მსხვილ კრისტალებად და ანელებენ ამ კრისტალების გახსნას.

კლოდრონის მჟავის გამოყენებისას მონოთერაპიულ დოზებში, რომელიც საკმარისია ძვლოვანი ქსოვილის რეზორბციის ინჰიბირებისთვის, ძვლის ნორმალურ მინერალიზაციაზე გავლენა ადამიანში ნანახი არ იქნა. ძუძუს კიბოს მქონე პირებში და მრავლობითი მიელომის მქონე პირებში აღნიშნულია ძვლის მოტეხილობის ალბათობის შემცირება.

კლოდრონის მჟავა ამცირებს მეტასტაზების განითარებას ძვალში ძუძუს პირველადი სიმსივნეების დროს.

ფარმაკოკინეტიკა:

შეწოვა: კლოდრონის მჟავის შეწოვა ხდება კუჭ-ნაწლავის ტრაქტში. აბსორბირდება შეყვანილი დოზის დაახლოებით 2-5%.

გამოყოფა: კლოდრონის მჟავას გმოყოფა სისხლის შრატიდან ხასიათდება ორი ფაზით: განაწილების ფაზა, ნახევარგამოყოფის პერიოდით (T_1/2)  დაახლოებით 2 საათამდე და ელიმინაციის ფაზა, რომელიც მიმდინარეობს ძალიან ნელა, რამდენიმე წელი, ვინაიდან კლოდრონის მჟავა მტკიცედ უერთდება ძვლოვან ქსოვილს. კლოდრონის მჟავა სხეულიდან უპირატესად გამოიყოფა თირკმელებით. დაახლოებით 80% განისაზღვრება შარდში პრეპარატის მიღებიდან რამდენიმე დღის განმავლობაში. კლოდრონის მჟავა, რომელიც შეკავშირებულია ძვლოვან ქსოვილთან (შეწოვილი დოზის დაახ. 20%) ორგანიზმიდან გამოიყოფა უფრო ნელა. თირკმლის კლირენსი შეადგენს პლაზმური კლირენსის დაახლოებით 75%-ს. აშკარა კავშირი სისხლის პლაზმაში კლოდრონის მჟავის კონცენტრაციას და თერაპიულ ეფექტს ან გვერდით ეფექტებს შორის არ არსებობს. პრეპარატის ფარმაკოთერაპიული პროფილი დამოკიდებული არ არის ასაკზე, პრეპარატის მეტაბოლიზმზე ან ფუნქციურ დარღვევებზე, გამონაკლისია თირკმლის უკმარისობა, რომელიც იწვევს კლოდრონის მჟავის თირკმლის მიერ კლირენსის დაქვეითებას.

ჩვენებები:

• ჰიპერკალციემია ავთვისებიანი სიმსივნის დროს;
• ავთვისებიანი სიმსივნეების ოსტეოკლასტური მეტასტაზები ძვალში და მიელომური დაავადება (მრავლობითი მიელომა);
• ძვლოვანი მეტასტაზების პროფილაქტიკის მიზნით ძუძუს პირველადი კიბოს დროს;
• ოსტეოლიზი ავთვისებიანი სიმსივნეების (მათ შორის მეტასტაზების) დროს.

მიღების წესები და დოზირება:

პრეპარატი პერორალურად ინიშნება ძვლის ქსოვილის გაძლიერებული რეზორბციისას, რომლის თანმხლებია ძვლების დაზიანება ჰიპერკალციემიის გარეშე, დოზით 1600 მგ (2-ჯერ დღეში 2 კაფსულის ოდენობით). მკურნალობის კურსი გრძელდება რამოდენიმე თვიდან 2 წლის განმავლობაში.

ჰიპერკალციემიის მკურნალობისას პრეპარატი გამოიყენება პერორალურად. საწყისი მაქსიმალური დოზა შეადგენს 2400 ან 3200 მგ დღეში დაყოფილი რამოდენიმე მიღებაზე. შემდგომში შესაძლებელია დოზის თანდათანობით შემცირება დღეში 1600 მგ-დე, რათა შევინარჩუნოთ შრატში კალციუმის დონე.

კაფსულა ინიშნება ერთჯერადად დილას უზმოზე ერთი ჭიქა წყლის მიყოლებით. 2 სთ-ის განმავლობაში თავი უნდა შევიკავოთ საკვების მიღებისაგან. კლოდრონატის მიღება რძესთან, კალციუმის და ორვალენტიანი იონების შემცველ პრეპარატებთან დაუშვებელია, ვინაიდან ისინი ამცირებენ კლოდრონატის შეწოვას. პრეპარატი ინიშნება ჭამამდე 2 სთ-ით ადრე ან მის შემდეგ.

ჰიპერკალციემიისას იგი შეჰყავთ ვენაში, რეკომენდებული დოზა შეადგენს დღეში 300 მგ-ს (5 ამპულა). დოზას ხსნიან 500 მლ 0.9 ნატრიუმის ქლორიდის ან 5% გლუკოზის ხსნარში და შეჰყავთ 2 სთ-ის განმავლობაში. მკურნალობამდე და მკურნალობის პროცესში აუცილებელია პაციენტის დეჰიდრატაციის მდგომარეობაზე დაკვირვება. მკურნალობა გრძელდება მანამ, სანამ სისხლის პლაზმაში არ აღინიშნება კალციუმის ნორმალური დონე, ჩვეულებრივ 2-5 დღის განმავლობაში.

გამონაკლისის სახით პრეპარატი გამოიყენება 7 დღეზე მეტხანს.პერორალურად, ინტარვენურად ინფუზიის გზით

400 მგ-იანი კაფსულები უნდა გადაიყლაპოს დაღეჭვის გარეშე. 800 მგ-იანი ტაბლეტები შეიძლება გაიყოს ორად. თუმცა ორივე ნაწილი უნდა იქნეს მიღებული ერთდროულად. არ შეიძლება ტაბლეტების დაფქვა ან გახსნა წყალში მიღების წინ.

დღიური დოზა 1600 მგ-ის ოდენობით რეკომენდებულია მიღებულ იქნეს ერთჯერადად დილას, უზმოზე, ერთ ჭიქა წყალთან ერთად.

პრეპარატის მიღების შემდეგ პაციენტმა უნდა შეიკავოს თავი საკვების, სითხის და სხვა პრეპარატების მიღებისაგან 1 საათის განმავლობაში (გამონაკლისია ჩვეულებრივი წყალი).

ბონეფოსი არ შეიძლება მიღებული იქნეს რძესთან, საკვებთან ან ისეთ პრეპარატებთან ერთად, რომლებიც შეიცავენ კალციუმის და სხვა ორვალენტიან კათიონებს, ვინაიდან ეს უკანასკნელნი აფერხებენ კლოდრონის მჟავის შეწოვას.

საინფუზიო ხსნარის მოსამზადებლად აუცილებელი დოზა იხსნება 500 მლ 0.9% ნატრიუმის ქლორიდის ხსნარში ან 5% დექსტროზის ხსნარში. მკურნალობამდე და მკურნალობის განმავლობაში აუცილებელია სითხის საკმაო რაოდენობით მიწოდება, ასევე თირკმლის ფუნქციის და სისხლში კალციუმის კონცენტრაციის კონტროლი.

ჰიპერკალციემია - განპირობებული ავთვისებიანი სიმსივნეებით.

300 მგ ინტრავენურად წვეთოვნად 2 საათის (არანაკლებ) განმავლობაში ყოველდღიურად (არა უმეტეს ზედიზედ 7 დღის განმავლობაში) სისხლის შრატში კალციუმის ნორმალური კონცენტრაციის მიღწევამდე (ჩვეულებრივ ხდება 5 დღის განმავლობაში) ან 1500 მგ ინტრავენურად წვეთოვნად 4 საათის განმავლობაში ერთჯერადად. აუცილებლობის შემთხვევაში ინფუზია შეიძლება განმეორდეს ან ბონეფოსი დაინიშნოს პერორალურად. ჰიპოკალციემიის განვითარებისას რეკომენდებულია მკურნალობის ხანმოკლე შეწყვეტა. სისხლის შრატში კალციუმის დოზის ნორმალიზაციის შემდეგ პრეპარატი ინიშნება პერორალურად შემანარჩუნებელი დოზით (1600 მგ დღეში).

ინტრავენური ინფუზიის შეუძლებლობის შემთხვევაში პრეპარატი ინიშნება პერორალურად, საწყისი მაღალი დოზით - 2400-3200 მგ-მდე ყოველდღიურად თერაპიაზე პაციენტის ინდივიდუალური რეაქციის გათვალისწინებით. დოზა უნდა შემცირდეს თანდათანობით 1600 მგ-მდე.

ძვლოვანი მეტასტაზების პროფილაქტიკა ძუძუს პირველადი კიბოს დროს: 1600 მგ ყოველდღიურად პერორალურად.

ავთვისებიანი სიმსივნეებით განპირობებული ძვლის ორტოლიზური ცვლილებები. ჰიპერკალციემიის გარეშე: დოზირება ყოველ კონკრეტულ შემთხვევაში განისაზღვრება ინდივიდუალურად. რეკომენდებული საწყისი დოზა შეადგენს დღეში 1600 მგ-ს. კლინიკური ჩვენებების მიხედვით დოზა შეიძლება გაიზარდოს მაქსიმუმ 3200 მგ-მდე დღეში.

თირკმლის უკმარისობის მქონე პაციენტები:

პერორალურად ხანგრძლივი დროის განმავლობაში არ არის რეკომენდებული 1600 მგ-ზე მეტი დოზის მიღება დღეში. ინტრავენური შეყვანისას დოზები უნდა შემცირდეს შემდეგი რეკომენდაციის მიხედვით:

თირკმლის უკმარისობის ხარისხი          კრეატინინის კლირენსი მლ/წმ.    დოზის შემცირება

მსუბუქი                                                                 50-80                    25%-ით

ზომიერი                                                                12-50                   25-50%

მძიმე                                                                    

გვერდითი მოვლენები:

მეტაბოლიზმის დარღვევა: ხშირად - უსიმპტომო ჰიპოკალციემია; იშვიათად ჰიპოკალციემია, თანხმლები კლინიკური გამოვლინებებით.

ტუტე ფოსფატაზის კონცენტრაციის შეცვლა შრატში. მეტასტაზების მქონე პაციენტებში მისი დონე ასევე შეიძლება გაიზარდოს ღვიძლში და ძვლებში მეტასტაზების არსებობის გამო.

ენდოკრინული სისტემის მხრივ: პარათირეოიდული ჰორმონის კონცენტრაციის მატება შრატში (ჩვეულებრივ კალციუმის დონის კლებასთან ერთად).

სასუნთქი სისტემის მხრივ: ძალიან იშვიათად - ანამნეზში ბრონქული ასთმისა და აცეტილსალიცილის მჟავის მიმართ აწეული მგრძნობელობის მქონე პირებს აღენიშნებათ სუნთქვის ფუნქციის დარღვევა, ბრონქოსპაზმი.

საჭმლის მომნელებელი სისტემის მხრივ: ხშირად - გულისრევა, ღებინება და დიარეა ჩვეულებრივ მსუბუქ ფორმაში.

ღვიძლის და სანაღვლე გზების მხრივ: ხშირად - ამინოტრანფერაზების დონის მატება ნორმის ფარგლებში; იშვიათად - ამინოტრანფერაზების დონის მატება ნორმასთან შედარებით 2-ჯერ, რომელსაც თან არ ახლავს ღვიძლის უკმარისობის ნიშნები.

კანის და მისი დანამატების მხრიდან: იშვიათად - კანის რეაქციები, რომელიც კლინიკური სურათით შეესაბამება ალერგიულ რეაქციებს.

შარდ-სასქესო სისტემის მხრიდან: იშვიათად - თირკმლის ფუნქციის დარღვევა (კრეატინინის რაოდენობის მატება შრატში და პროტეინურია), თირკმლის მწვავე უკმარისობა, განსაკუთრებით მაღალი დოზების სწრაფი ინტრავენური შეყვანისას.

კუჭ-ნაწლავის ტრაქტის მხრივ: პრეპარატის პერორალურად მიღების შემდეგ პაციენტების 10%-ს აღენიშნებათ გულისრევა, ღებინება, დიარეა. პრეპარატის მაღალი დოზით მიღებისას გვერდითი ეფექტები ატარებენ ჩვეულებრივ მსუბუქ და ტრანზიტორულ ხასიათს.

პრეპარატის ვენაში შეყვანისას ზოგიერთ პაციენტებს აღენიშნებათ პროტეინურია. ამავე დროს, შესაძლებელია განვითარდეს თირკმელების დაზიანება კლოდრონატის მაღალი დოზით სწრაფი ინფუზიის შემდეგ.

უკუჩვენებები:

• ჰიპერმგრძნობელობა კლოდრონის მჟავის და სხვა ბიფოფსონატების ან პრეპარატის ნებისმიერი სხვა კომპონენტის მიმართ;
• ორსულობა და ძუძუთი კვება;
• სხვა ბიფოსფონატებით მკურნალობა;
• ბავშვთა ასაკი (კლინიკური გამოცდილების არარსებობის გამო).

ორსულობა და ლაქტაცია:

დღეისათვის პრეპარატის რეპროდუქციულ ფუნქციასა და ნაყოფის განვითარებაზე ზემოქმედების შესახებ მონაცემები არ არსებობს.

განსაკუთრებული მითითებები:

თირკმელების უკმარისობით შეპყრობილ პაციენტებში პრეპარატი გამოიყენება სიფრთხილით. ბავშვებში პრეპარატი გამოიყენება ჰიპერკალციემიის არარსებობის დროს. მოცემული პრეპარატის უსაფრთხოება და ეფექტურობა ბავშვთა ასაკში დამტკიცებული არ არის. მკურნალობის პერიოდში აუცილებლია პაციენტს მიეწოდებოდეს საკმარისი რაოდენობით სითხე. საინფუზიო ხსნარის მოსამზადებლად გამხსნელად გამოიყენება 0.9%-იანი ნატრიუმის ქლორიდის ხსნარი.

ჭარბი დოზირება:

მაღალი დოზების ინტრავენური შეყვანისას შესაძლებელია ჰიპოკალციემიის განვითარების ალბათობა, რომელიც მიმდინარეობს უსიმპტომოდ. არსებობს სისხლის შრატში კრეატინინის კონცენტრაციის მატების და თირკმლის ფუნქციის დარღვევის შემთხვევა. ჭარბი დოზირების შემთხვევაში საჭიროა ინფუზიური თერაპიის შეწყვეტა და სიმპტომური მკურნალობა. აუცილებელია პაციენტი უზრუნველვყოთ სითხის საკმაოდ დიდი რაოდენობით, ასევე ვაკონტროლოთ თირკმლის ფუნქცია და კალციუმის რაოდენობა სისხლში. როგორც წესი, კალციუმის კონცენტრაცია სისხლში ნორმალიზდება 4 დღის განმავლობაში.

სხვა წამლებთან ურთიერთქმედება:

არასტეროიდული ანთების საწინააღმდეგო საშუალებებისა და კლოდრონატის ერთდროული გამოყენებისას მოსალოდნელია თირკმელების დისფუნქციის განვითარება. კლოდრონატისა და ამინოგლიკოზიდების კომბინირებისას სიფრთხილეა საჭირო, ვინაიდან მოსალოდნელია ჰიპოკალციემიის განვითარება. ესტრამუსტინის ფოსფატისა და კლოდრონატის ერთდროული გამოყენება ზოგიერთ შემთხვევაში იწვევს შრატში ესტრამუსტინის ფოსფატის 80%-მდე მომატებას. კლოდრონატის და ორვალენტიანი კათიონების შემცველი პრეპარატების, ასევე საკვების ერთდროული გამოყენებისას კლოდრონატის ბიოშეღწევადობა და შესაბამისად ეფექტურობა მცირდება.

შენახვის პირობები:

კაფსულები და ტაბლეტები ინახება 15-25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 5 წელი.

კონცენტრატი ინფუზიისათვის ინახება 30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

მომზადებული საინფუზიო ხსნარის გამოყენება რეკომენდებულია 12 სთ-ის განმავლობაში, ინახება 2-6⁰C ტემპერატურაზე.

აფთიაქიდან გაცემის პირობები:

პრეპარატი გაიცემა ექიმის რეცეპტით.