მწარმოებელი: Deutsche Homöopathie-Union DHU-Arzneimittel GmbH & Co. KG, გერმანია
შემადგენლობა:
1 ტაბლეტში (250 მგ) შედის:
აქტიური ნივთიერებები:
Agnus castus (ხეპილპილა); 125 მგ, (მშრალი მასა 1,0 მგ), Apis mellifica (ფუტკარი) trit. D3 25 მგ, Pulsatilla (მედგარა), trit. D3 25 მგ, Rosmarinus officinalis (სამკურნალო როზმარინი) trit. D2 25 მგ;
სხვა ინგრედიენტები (შემავსებლები): ლაქტოზას მონოჰიდრატი, ხორბლის სახამებელი, მაგნიუმის სტეარატი.
გამოშვების ფორმა:
ტაბლეტები.
კლინიკურ–ფარმაკოლოგიური ჯგუფი:
ჰომეოპათიური სამკურნალო საშუალება
ჩვენებები:
- მენსტრუალური ციკლის დარღვევები და პრემენსტრუალური სინდრომი
უკუჩვენებები:
არ გამოიყენება ფუტკრის შხამის ან პრეპარატის სხვა ნებისმიერი კომპონენტის მიმართ გამოვლენილი ჰიპერმგრძნობელობის დროს.
ურთიერთქმედება სხვა სამკურნალო საშუალებებთან:
ურთიერთქმედება სხვა სამკურნალო საშუალებებთან ცნობილი არ არის.
ჰომეოპათიური პრეპარატებით მკურნალობა სხვა სამკურნალო საშუალებების მიღებას არ გამორიცხავს.
სიფრთხილის განსაკუთრებული ზომები გამოყენების დროს:
პრეპარატი გამოიყენება გლუტეინის დაავადების მქონე ავადმყოფთა სამკურნალოდ, მაგრამ მისი დანიშვნა სახამებლისადმი ალერგიის დროს (პათოლოგია, რომელიც გლუტეინის დაავადებისაგან განსხვავდება) არ შეიძლება.
თუ ექიმმა გითხრათ, რომ რომელიმე შაქრის აუტანლობა გაქვთ, მოცემული სამკურნალო საშუალების მიღების დაწყებამდე საკონსულტაციოდ ექიმს მიმართეთ.
დისმენორმი უკუნაჩვენებია ორსულობის დროს. ყველა სხვა ფარმაცევტული პრეპარატის ანალოგიურად, დისმენორმის მიღება ლაქტაციის პერიოდში დასაშვებია ექიმთან წინასწარი კონსულტაციის შემდეგ.
დოზირების რეჟიმი და მიღების გზები:
სხვა მითითებათა არ არსებობისას დისმენორმი შემდეგნაირად მიიღება:
1-2 ტაბლეტი სამჯერ დღეში, რეგულარულად, მენსტრუაციათა ხანგრძლივობისა და სიხშირის ნორმალიზაციამდე, არანაკლებ 3 თვის განმავლობაში; თუ ამ დროის განმავლობაში მდგომარეობა არ გაუმჯობესდა, საკონსულტაციოდ ექიმს უნდა მიმართოთ.
ტაბლეტები მიიღება ჭამამდე ნახევარი საათით ადრე ან საკვების მიღებიდან იმავე დროის გასვლის შემდეგ, ტაბლეტები პირის ღრუში ნელ-ნელა უნდა გაიხსნას.
ჭარბი დოზირება:
პრეპარატ დისმენორმის ჭარბი დოზირების მავნე ეფექტები ამჟამად ცნობილი არ არის.
გვერდითი მოქმედებები:
ამჟამად ცნობილი არ არის.
ზოგადი მითითება: ჰომეოპათიური სამკურნალო საშუალებების მიღებისას შესაძლებელია დაავადების არსებული სიმპტომები დროებით გაუარესდეს (პირველადი გაუარესება). ასეთ შემთხვევაში პრეპარატის მიღება აუცილებლად უნდა შეწყვიტოთ და საკონსულტაციოდ ექიმს მიმართოთ.
ვარგისიანობის ვადა:
5 წელი.
ვარგისიანობის ვადის ამოწურვის თარიღი მითითებულია შეფუთვასა და ეტიკეტზე.
ამ თარიღის გასვლის შემდეგ პრეპარატს ნუ გამოიყენებთ.
შენახვა:
ორიგინალურ შეფუთვაში ინახება 15-250C ტემპერატურაზე, ბავშვებისათვის მიუწვდომელ ადგილას.
შეფუთვა და შიგთავსი:
შეფუთვაში – 80 ტაბლეტი. თანდართული ფურცელი. ყავისფერი მინის კოლოფი ხრახნიანი პლასტმასის სახურავით.
