ფლოქსაზოლი
Floxazol
აქტიური ნივთიერება: ოფლოქსაცინი ორნიდაზოლით
შემადგენლობა:
თითოეული აპკით შემოგარსული ტაბლეტი შეიცავს:
ოფლოქსაცინი USP 200 მგ
ორნიდაზოლი 500 მგ
დამხმარე ნივთიერებები q.s.
საღებავი: ტიტანის დიოქსიდი USP
აღწერა:
თეთრი ფერის, მოგრძო ფორმის, ორმხრივ ამოზნექილი აპკით შემოგარსული ტაბლეტი, თითოეული ტაბლეტი ერთ მხარეზე ნაჭდევით.
ფარმაკოდინამიკა/ფარმაკოკინეტიკა
ფარმაკოდინამიკა:
ფლოქსაზოლი ნაჩვენებია შერეული აერობული-ანაერობული ინფეცქიების ემპირიული მკურნალობისთვის, რომელიც ხშირად ნანახია კლინიკურ პრაქტიკაში, მაგ: ინტრააბდომინალური ინფექცია, გინეკოლოგიური და მენჯის ღრუს ინფექციები, დიაბეტური ტერფის წყლული, ფილტვის აბსცესი, ინფექციები იმუნოკომპრომეტირებულ პაციენტებში და ა.შ.
ფარმაკოკინეტიკა:
პერორალური მიღების შემდეგ ოფლოქსაცინი თითქმის მთლიანად შეიწოვება. დოზის მიღების შემდეგ სისხლში მაქსიმალური კონცენტრაცია მიიღწევა 1-3 საათში და ნახევრად დაშლის პერიოდი შეადგენს 4-6 საათს. ოფლოქსაცინი ძირითადად გამოიყოფა შარდში უცვლელი ფორმით. დოზა უნდა შემცირდეს თირკმლის უკმარისობის შემთხვევაში.
ორნიდაზოლი ადვილად შეიწოვება კუჭ-ნაწლავის ტრაქტიდან და 1.5 გ დოზის ერთჯერადად მიღებისას დაახლოებით 30 მკგ/მლ-ს პლაზმური კონცენტრაციის პიკი მიიღწევა 2 საათში. ორნიდაზოლის შეწოვაზე საკვები არ ახდენს გავლენას. ორნიდაზოლი 15%-ზე ნაკლები რაოდენობით უკავშირდება პლაზმის ცილებს. იგი ფარდოთ ნაწილდება სხეულის ქსოვილებში და სითხეებში, მათ შორის ზურგის ტვინის სითხეში. ანტიბაქტერიული კონცენტრაცია მიიღწევა ვაგინალურ სეკრეტში, სანაყოფე წყლებში, მორჩებში და ნაწლავის ქსოვილებში.
ჩვენება
ფლოქსაზოლი ნაჩვენებია შერეული აერობული-ანაერობული ინფეცქიების ემპირიული მკურნალობისთვის, რომელიც ხშირად ნანახია კლინიკურ პრაქტიკაში.
დოზა და მიღების წესი
რეკომენდებულია ერთი ტაბლეტი ფლოქსაზოლი ორჯერ დღეში.
მიღების წესი
ტაბლეტები მიიღება მხოლოდ პერორალური გზით.
უკუჩვენება
- ოფლოქსაცინი არ გამოიყენება პაციენტებში რომლებსაც აქვთ ჰიპერმგრძნობელობა 4-ქინოლონის ანტიბაქტერიული საშუალებების ან ტაბლეტში შემავალი რომელიმე დამხმარე ნივთიერების მიმარ.
- ოფლოქსაცინი არ გამოიყენება პაციენტებში რომლებსაც ანამნეზში აღენიშნებათ ტენდინიტი.
- პაციენტებში რომლებსაც აქვთ ჰიპერმგრძნობელობა ორნიდაზოლის ან ამ ფორმულირების რომელიმე კომპონენტის მიმართ, ასევე თუ აღენიშნებათ თირკმლის დაავადება ან ღვიძლის ციროზი.
გაფრთხილება და სიფრთხილის ზომები
ოფლოქსაცინი
პაციენტები რომლებიც მკურნალობენ ოფლოქსაცინით უნდა მოერიდონ ძლიერ მზის სინათლეს და ულტრაიისფერ სხივებს (კვარცის ნათურა, სოლარიუმი). ამ პრეპარატის გამოყენებისას საჭიროა სიფრთხილე ფსიქოზურ ან წარსულში ფსიქიატრიული დაავადების მქონე პაციენტებში.
ორნიდაზოლი
ორნიდაზოლის დიდი დოზებით მიღებისას ან მკურნალობის 10 დღეზე მეტი ხანგრძლივობის შემთხვევაში საჭიროა რეგულარული ლაბორატორიული ანალიზები და კლინიკური კონტროლი.
სისხლის დარღვევები: მკურნალობის დაწყებამდე და მკურნალობის შემდეგ უნდა შემოწმდეს ლეიკოციტების რიცხვი (განსაკუთრებით განმეორებითი მკურნალობისას) იმ პაციენტებში რომლებსაც ანამნეზში აღენიშნებათ სისხლის დარღვევები.
წამალთშორისი ურთიერთქმედება
ოფლოქსაცინი
მაგნიუმის/ალუმინის ანტაციდების, სუკრალფატის ან რკინის შემცველი პრეპარატებთან ერთად მიღებამ შეიძლება შეამციროს შეწოვა. აქედან გამომდინარე, ოფლოქსაცინი მიიღება ამ პრეპარატების მიღებამდე 2 საათით ადრე. ანტიკოაგულანტების და ოფლოქსაცინის ერთად მიღებისას აღინიშნა სისხლდენის დროის გახანგრძლივება.
ორნიდაზოლი
ალკოჰოლის აუტანლობა: სხვა ნიტრო-იმიდაზოლებისგან განსხვავებით, ორნიდაზოლი არ თრგუნავს ფერმენტის ალდეჰიდის დეჰიდროგენაზას. ალკოჰოლის მიღებისას არ აღინიშნა დისულფირამის მსგავსი რეაქცია.თუმცა,
როგორც ყველა იმიდაზოლის შემთხვევაში, მოერიდეთ პრეპარატის მიღებას ალკოჰოლთან ერთად.
არ იქნა ნანახი კლინიკურად შესაბამისი ურთიერთქმედება საკვებთან ერთად და ასევე არ იყო ურთიერთქმედება ოფლოქსაცინსა და თეოფილინს შორის.
ორსულობა და ლაქტაცია
ორსულ ქალებში არ არსებობს პრეპარატის გავლენის კონტროლირებული კვლევები.
ორნიდაზოლი ინიშნება ორსულ და მეძუძურ ქალებში მხოლოდ იმ შემთხვევაში თუ დედის პოტენციური სარგებელი აღემატება ნაყოფისათვის/ახალშობილისათვის მოსალოდნელ პოტენციურ რისკს.
ლითიუმით მკურნალობა: 5-ნიტროიმიდაზოლი (ძირითადად მეტრონიდაზოლი) აღმოჩნდა რომ ამცირებს ლითიუმის თირკმლით გამოყოფას. ამგვარად, პაციენტები რომლებიც პარარელურად გადიან ლითიუმით მკურნალობას, საჭიროა პლაზმაში ლითიუმის კონცენტრაციის, ასევე კრეტინინის და ელექტროლიტების კონცენტრაციის მონიტორინგი.
ფლოქსაზოლი სიფრთხილით გამოიყენება ისეთ მდგომარეობებში, სადაც ინდივიდუალური პრეპარატები გამოიყენება პრევენციული მიდგომით.
გვერდითი მოვლენები
ყველაზე ხშირი გვერდითი მოვლენებია თავბრუსხვევა, დიარეა, გულისრევა, ღებინება, თავის ტკივილი, ძილიანობა, მხედველობის დარღვევები, მუცლის ტკივილი, ქავილი, გამონაყარი, ჭინჭრის ციება და დაღლილობა.
ჭარბი დოზა და მკურნალობა
ჭარბი დოზირებისას ყველაზე მნიშვნელოვანი ნიშნები რასაც შეიძლება მოველოდეთ არის ცნს სიმპტომები, როგორიც არის გონების დაბინდვა, თავბრუსხვევა, ცნობიერების დარღვევა, კონვულსიური კრუნჩხვები, ასევე კუჭ-ნაწლავის რეაქციები, როგორიც არის გულისრევა და ლორწოვანი გარსის ეროზია.
ჭარბი დოზირების შემთხვევაში არააბსორბირებული ოფლოქსაცინის გამოდევნა შესაძლებელია მაგ: კუჭის ამორეცხვით; თუ შესაძლებელია პირველი 30 წუთის განმავლობაში რეკომენდებულია ადსორბანტების და ნატრიუმის სულფატის მიღება. კუჭის ლორწოვანი გარსის დასაცავად რეკომენდებულია ანტაციდები.
შენახვა
ინახება ბნელ, მშრალ აგილას, არა უმეტეს 30°C ტემპერატურაზე.
გამოშვების ფორმა
1X10 ტაბლეტი ბლისტერზე შეფუთვაში.
წარმოების ლიცენზიის ნომერი 56/UA/2006
გაცემის წესი:
ფარმაცევტული პროდუქტის ჯგუფი II ჯგუფი, გაიცემა ფორმა №3 რეცეპტით
წარმოებულია
Hiral Labs Limited-ს მიერ
მისამართი: ინდოეთი, 265, Sisona, Bhagwanpur, Roorkee 247661 (Uttarakhand)
