საერთაშორისო დასახელება – diclofenac sodium
ათქ.კლასიფიკაციის კოდი – M01AB05

კლინიკურ-ფარმაკოლოგიური ჯგუფი – არასტეროიდული ანთების საწინააღმდეგო საშუალებები; ფენილძმარჟავას წარმოებულები

შემადგენლობა და გამოშვების ფორმა
კაფს. 100 მგ: 20 ც.

შენელებული მოქმედების ერთი კაფსულა შეიცავს 100 მგ დიკოფენაკის ნატრიუმს.

ფარმაკოლოგიური თვისებები
პრეპარატი შეიცავს დიკლოფენაკს – ეგრეთწოდებული არასტეროიდული ანტიფლოგისტურების/ანალგეზიურების (ანთების საწინააღმდეგო და გამაყუჩებელი საშუალებები) ჯგუფის მოქმედ ნივთიერებას.

ჩვენებები
– სახსრების მწვავე ანთებები, პოდაგრის შეტევების ჩათვლით,
– სახსრების ქრონიკული ანთებები, კერძოდ, ზოგიერთი სახსრის ანთებები დაავადების ქრონიკული მიმდინარეობით (ქრონიკული პოლიართრიტი/რევმატიული ართრიტი),
– ხერხემლის ანთებითი-რევმატიული დაავადებები, მაგ., ბეხტერევის დაავადება (Spondylitis ankylosans), გაღიზიანების მდგომარეობები სახსრებისა და ხერხემლის დეგენერაციული მდგომარეობების დროს (ართროზები და სპონდილოართროზები),
– რბილი ქსოვილების “რევმატიული” დაზიანებები,
– მტკივნეული შეშუპებები ან ანთებები ტრავმების ან ოპერაციების შემდეგ.

მიღების წესები და დოზები
იმ შემთხვევაში, თუ სხვაგვარად არ არის დანიშნული:
დოზირება მოზრდილთათვის:
სადღეღამისო დოზის რეკომენდებული დიაპაზონი დაავადების სიმძიმის მიხედვით შეადგენს 50 და 150 მგ დიკლოფენაკის ნატრიუმს. მოზრდილებში მიიღება დღეში ერთხელ შენელებული მოქმედების 1 კაფსულა. საჭიროების შემთხვევაში სადღეღამისო დოზის გაზრდა შეიძლება 150 მგ-მდე კუჭის წვენის მიმართ მდგრადი 1 ტაბლეტის დამატებით მიღების ხარჯზე, რომელიც შეიცავს 50 მგ მოქმედ ნივთიერებას.
დოზირება ბავშვებისა და მოზარდებისათვის:
მოქმედი ნივთიერების დიდი რაოდენობით შემცველობის გამო დიკლობერლი® რეტარდის დანიშვნა ბავშვებსა და მოზარდებში არ შეიძლება.
დიკლობერლი® რეტარდი მიიღება დაუღეჭავად, საკმარისი რაოდენობით წყლის მიყოლებით. გამოყენების ხანგრძლივობას განსაზღვრავს ექიმი.

გვერდითი მოვლენები
საჭმლის მომნელებელი ტრაქტი:
გასათვალისწინებელია ხშირი ჩივილები კუჭისა და ნაწლავის მხრივ, როგორებიცაა, მაგალითად, ღებინება, გულსირევა და დიარეა, ასევე უმნიშვნელო სისხლდენები კუჭ-ნაწლავის ტრაქტიდან, რომლებმაც გამონაკლის შემთხვევებში შეიძლება სისხლის ნაკლებობა გამოიწვიონ. ზოგჯერ შესაძლოა გამოვლინდეს საჭმლის მონელების დარღვევები, შებერილობა, სპაზმები მუცლის არეში, უმადობა, ასევე კუჭისა და ნაწლავის წყლულები (რომლებსაც განსაზღვრულ პირობებში ახლავს სისხლდენები ან პერფორაცია), იშვიათ შემთხვევებში – სისხლიანი გულისრევა, სისხლიანი განავალი ან სისხლიანი დიარეა. უფრო ძლიერი ტკივილების განვითარებისას, განსაკუთრებით ეპიგატსრიულ არეში, და/ან შავი განავლისას ამის შესახებ აუცილებლად უნდა ეცნობოს ექიმს. ცალკეულ შემთხვევებში არსებობს ცნობები პირის ლორწოვანი გარსის, ყაბზობის, ენის ანთების, საყლაპავის დაზიანების შესახებ, ჩივილები ტკივილების შესახებ ჰიპოგასტრიულ არეში (მაგალითად, მსხვილი ნაწლავის არასპეციფიური სისხლდენიანი ანთებები, კრონის დაავადების გაძლიერება (Morbus Crohn) ან მსხვილი ნაწლავის ანთება, რომელიც მიმდინარეობს წყლულებთან ერთად).
ცენტრალური ნერვული სისტემა
ზოგჯერ გასათვალისწინებელია ცენტრალური ნერვული სისტემის დარღვევების განვითარება, როგორიცაა: თავის ტკივილი, აგძნებულობა, გაღიზიანება, უძილობა, დაღლილობა, სმენის დახშობის შეგრძნება და თავბრუსხვევა. ცალკეულ შემთხვევებში არსებობს ცნობები აღქმის უნარის დარღვევების, გემოს აღქმის დარღვევების, მხედველობის დარღვევების (ბუნდოვანი მხედველობა ან გამოსახულების გაორება), ყურებში შულის და სმენის გავლადი დარღვევების, მეხსიერების დაქვეითების, დეზორიენტირების, კრუნჩხვების, შიშის შეგრძნების, კოშმარების, კანკალისა და დეპრესიების შესახებ. ცალკეულ შემთხვევებში დიკლოფენაკის გამოყენების დროს აღწერილი იყო თავის ძლიერი ტკივილები, ღებინება, გულსირევა, სხეულის მაღალი ტემპერატურა, კეფის რიგიდულობა ან გონების დაბინდვა (სეპტიური მენინგიტის სიმპტომები). მითითება: ჩამოთვლილი სიმპტომების გამოვლენის ან გაძლიერების შემთხვევაში აუცილებელია სამკურნალო საშუალების გამოყენების შეწყვეტა და ექიმთან დაუყოვნებლივ მიმართვა.
კანი
ზოგჯერ აღინიშნა ჰიპერერგიული რეაქციები, როგორებიცაა, მაგალითად, გამონაყარი კანზე და ქავილი, იშვიათ შემთხვევებში – ჭინჭრის ციება ან თმის ცვენა. ცალკეულ შემთხვევებში აღინიშნება კანზე გამონაყარი ბუშტუკების, ეგზემის, კანის გაწითლების (ერითემის) განვიტარებით, ჰიპერმგრძნობელობა სინათლის მიმართ, კანის წვრილლაქოვანი ჰემორაგიები (კანზე სისხლჩაქცევები) – ასევე გამოწვეული ალერგიული რეაქციებით – კანის მხრივ რეაქციების მძიმე ფორმები (სტივენს-ჯონსის სინდრომი, ლაიელის სინდრომი). ერთეულ შემთხვევებში შეიძლება განვითარდეს თირკმლის ფუნქციის მწვავე დარღვევები, ცილები შარდში (პროტეინურია), სისხლი შარდში (ჰემატურია) ან თირკმელების დაზიანებები (ინტერსტიციული ნეფრიტი, ნეფროზული სინდრომი, თირკმელების კერტების ნეკროზი). ამიტომ რეკომენდებულია თირკმლის ფუნქციის რეგულარული კონტროლი.
ღვიძლი
იშვიათ შემთხვევებში გასათვალისწინებელია ღვიძლის დაზიანებების განვიტარება (სისხლის შრატში ღვიძლის ფერმენტების მნიშვნელობების მომატება, ღვიძლის სიყვითლიანი და უსიყვითლო ანთება, ცალკეულ შემთხვევებში – დაავადების მძიმე მიმდინარეობით).
კუჭქვეშა ჯირკვალი
ცალკეულ შემთხვევებში კუჭქვეშა ჯირკვლის ანთება (პანკრეატიტი).
სისხლი
იშვიათ შემთხვევებში შეიძლება განვითარდეს სისხლის წარმოქმნის ფუნქციის დარღვევები (ანემია, ლეიკოპენია, აგრანულოციტოზი, თრომბოციტოპენია). პირველ ნიშნებს შეიძლება განეკუთვნოს: სხეულის მაღალი ტემპერატურა, ყელის ტკივილები, ზედაპირული იარები პირში, გრიპისმაგვარი ჩივილები, პროსტრაციის მძიმე მდგომარეობა, კანქვეშა სისხლდენები და ცხვირიდან ცხვირიდან. ასეთ შემთხვევებში აუცილებელია პრეპარატის გამოყენების შეწყვეტა და დაუყოვნებლივ ექიმთან მიმართვა. მიზანშეწონილი არ არის ამ მოვლენათა თვითმკურნალობა გამაყუჩებელი და სიცხის დამწევი საშუალებებით. იმ შემთხვევებში, როდესაც გამოიყენება ხანგრძლივი თერაპია, რეკომენდებულია სისხლის სურათის რეგულარული კონტროლი. ცალკეულ შემთხვევებში შეიძლება განვითარდეს ჰემოლიზური ანემია (სისხლნაკლებობა, გამოწვეული ერითროციტების დაშლის აჩქარებით).
სხვა გვერდითი მოქმედებები
იშვიათ შემთხვევებში, განსაკუთრებით ავადმყოფებში სისხლის მაღალი წნევით, შეიძლება აღინიშნოს მიდრეკილება სხეულში წყლის დაგროვების მიმართ (მაგალითად, პერიფერიული შეშუპებები).
შესაძლებელია მძიმე ჰიპერერგიული რეაქციები. ისინი შეიძლება გამოვლინდეს სახის, ენის შეშუპებით, ყელის შიდა შეშუპებით სასუნთქი გზების შევიწროვებით, თითქმის ასთმამდე მისული ჰაერის უკმარისობით, ტაქიკარდიით, არტერიული წნევის დაწევით სიცოცხლისათვის საშიშ შოკამდე. ამ სიმპტომების განვითარებისას, რომლებიც შეიძლება გამოვლინდეს პრეპარატის პირველივე მიღების დროს, აუცილებელია დაუყოვნებლივ ექიმთან მიმართვა. ცალკეულ შემთხვევებში არსებობს მონაცემები გულის ფრიალის, მკერდის არეში ტკივილებისა და სისხლის მაღალი წნევის შესახებ.
მითითება:
ამ სამკურნალო საშუალებამ შეიძლება ისეთ დონეზე იმოქმედოს ავადმყოფის რეაქციაზე, რომ მას დაუქვეითდეს ავტომანქანის მართვისა და მექანიზმებთან მუშაობის უნარი. ეს მდგომარეობა მძიმდება პრეპარატის გამოყენებისას ალკოჰოლთან ერთად.

უკუჩვენება
დიკლობერლი® რეტარდი გამოყენება არ შეიძლება შემდეგ შემთხვევებში:
– ცნობილი ჰიპერმგრძნობელობა მოქმედი ნივთიერების დიკლოფენაკის მიმართ,
– სისხლის წარმომქმნელი სისტემის ფუქნციის გაურკვეველი დარღვევები,
– კუჭისა და თორმეტგოჯა ნაწლავის წყლულები,
– ორსულობის დროს ბოლო სამი თვის განმავლობაში და
– ბავშვებსა და მოზარდებში.
დიკლობერლი® რეტარდის გამოყენება შეიძლება მხოლოდ სარგებლისა და შესაძლო რისკის შეფარდების კარგად შეფასების შემთხვევაში შემდეგ მდგომარეობებში:
– ინდუცირებული პორფირია (გარკვეული მეტაბოლური დარღვევები),
– სისტემური წითელი მგლურა და შერეული კოლაგენოზები,
– ორსულობის დროს პირველი და მეორე სამი თვის მიმდინარეობისას,
– ლაქტაციის პერიოდი.
ექიმის განსაკუთრებული კონტროლი საჭიროა შემდეგ შემთხვევებში:
– პაციენტებში ტკივილის შეგრძნებებით კუჭისა და ნაწლავის არეში ან ავადმყოფებში, რომელთა ანამნეზში არის მონაცემები კუჭის ან ნაწლავის წყლულების ან ნაწლავის ანთებების შესახებ,
– ავადმყოფებში, თირკმელების ან ღვიძლის დაზიანებებით, მაღალი არტერიული წნევით და/ან გულის არასაკმარისი ფუნქციური მდგომარეობით (გულის უკმარისობით),
– ავადმყოფებში, რომლებმაც ცოტახნის წინ გადაიტანეს მძიმე ქირურგიული ჩარევები,
– ხანდაზმული პაციენტებში.
მხოლოდ სიფრთხილის გარკვეული ზომების დაცვის პირობით (როგორიცაა სიტუაციები, რომლებიც მოითხოვს ექსტრემალურ ჩარევას) დიკლობერლი® რეტარდის გამოყენება შეიძლება ავადმყოფებში, რომლებმაც გამოავლინეს ჰიპერმგრძნობელობა ანთების საწინააღმდეგო არასტეროიდული საშუალებების ან ანალგეზიურების მიმართ, მაგალითად, ასთმის შეტევების, რეაქციების კანის მხრივ ან მწვავე ალერგიული სურდოს სახით. ავადმყოფები, რომლებსაც აწუხებთ ასთმა, ქრონიკული დაავადებები, რომლებსაც ახლავს ბრონქების შევიწროვება (ობსტრუქციული), სასუნთქი გზების დაავადებები, ალერგიული სურდო ან ცხვირის ლორწოვანი გარსის შეშუპება (ეგრედწოდებული პოლიპები), რეაგირებენ სხვა ავადმყოფებზე უფრო ხშირად რევმატიზმის საწინააღმდეგო არასტეროიდულ საშუალებებზე ასთმის შეტევების, კანის ან ლორწოვანი გარსის ლოკალური შეშუპებით (ეგრედწოდებული კვინკეს შეშუპება) ან ჭინჭრის ციების სახით.

ორსულობა და ლაქტაცია
იმის გამო, რომ ანთების საწინააღმდეგო არასტეროიდულ საშუალებებს, ისეთებს, როგორიცაა მაგალითად, დიკლოფენაკი, შეუძლიათ გამოიწვიონ სამშობიარო შეტევების შეკავება და სისხლდენების მიმართ მიდრეკილების გაძლიერება, დიკლობერლი® რეტარდის გამოყენება ორსულობის ბოლო სამი თვის განმავლობაში არ შეიძლება. ცხოველებზე ჩატარებული ცდების შედეგებიდან გამომდინარე, არანაირი მტკიცებულება სიმახინჯის გამოწვევის შესახებ დღემდე არ არსებობს. მაგრამ, ადამიანებში ამ პრეპარატის გამოყენების არასაკმარისი გამოცდილების გამო, დიკლობერლი® რეტარდის გამოყენება რეკომენდებულია ორსულობის პირველი და მეორე სამი თვის განმავლობაში მხოლოდ ექიმის მიერ სარგებლისა და შესაძლო რისკის მკაცრად შეფასების პირობით. ეს მდგომარეობა ვრცელდება ;აქტაციის პერიოდზეც, ვინაიდან მოქმედი ნივთიერება უმნიშვნელო რაოდენობით გადადის დედის რძეში.

სხვა წამლებთან ურთიერთქმედება
აუცილებელია შემდეგ ურთიერთქმედებათა გათვალისწინება ამ პრეპარატსა და სხვა საშუალებებს შორის:
დიკლობერლი® რეტარდის და დიგოქსინის (საგულე საშუალებები) ან ლითიუმის (ანტიდეპრესიულები) პრეპარატების ერთად გამოყენებისას შეიძლება განვითარდეს დიგოქსინის და, შესაბამისად, ლითიუმის დონის მომატება სისხლის შრატში. პრეპარატს შეუძლია შეასუსტოს გამაუწყლოვებელი საშუალებებისა (დიურეზულების) და არტერიული წნევის დამწევი პრეპარატების (ჰიპოტენზიური საშუალებების) მოქმედება. დიკლობერლი® რეტარდის და კალიუმის შემანარჩუნებელი დიურეზულების ერთად გამოყენება იწვევს სისხლში კალიუმის მაჩვენებლების გაზრდას (ჰიპერკალიემიას). გლუკოკორტიკოიდებთან (თირკმელზედა ჯირკვლების ქერქის ჰორმონებთან) ან ანთების საწინააღმდეგო სხვა საშუალებებთან ერთად გამოყენება იწვევს კუჭ-ნაწლავის ტრაქტიდან სისხლდენების განვითარების რისკის გაზრდას. მეტოტრექსატთან (უჯრედების ზრდის მამუხრუჭებელი მედიკამენტი) ერთად გამოყენებისას მის მიღებამდე ან მიღების შემდეგ 24 საათის განმავლობაში შეიძლება გაიზარდოს მეტოტრექსატის კონცენტრაცია და გაძლიერდეს მისი მავნე (ტოქსიკური) მოქმედება. აცეტილსალიცილის მჟავასთან (რომელსაც შეიცავს, მაგალითად, გამაყუჩებელი და სიცხის დამწევი საშუალებები) ერთად გამოყენებისას დიკლოფენაკის კონცენტრაციის დონე სისხლში მცირდება. დღემდე არანაირი ურთიერთქმედება შედედების საწინააღმდეგო საშუალებებსა და დიკლოფენაკს შორის აღმოჩენილი არ არის. მაგრამ ერთდროული თერაპიისას უსაფრთხოების მიზნით სისხლის შედედების რეგულარული რეგულარული კონტროლი. ანთების საწინააღმდეგო არასტეროიდულ საშუალებებს (როგორიცაა დიკლოფენაკი-ნატრიუმი) შეუძლიათ გააძლიერონ ციკლოსპორინის (მოქმედი ნივთიერება მედიკამენტებში, რომლებიც ასუსტებენ ორგანიზმის დამცავ ძალებს, მაგალითად, ორგანოების ტრანსპლანტაციის დროს) მავნე მოქმედება თირკმელებზე.
ერთეულ შემთხვევებში არსებობს შეტყობინებები სისხლში შაქრის შემცველობის შეცვლის შესახებ დიკლოფენაკის მიღების შემდეგ, რის გამოც საჭიროა შესაბამისი გამოყენებული მედიკამენტის დოზის ადაპტაციის ცატარება, რომელიც გათვალისწინებულია სისხლში შაქრის შემცველობის შესამცირებლად.

შენახვის პირობები და ვადები
შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.
ინახება სინათლისაგან და გაყინვისაგან დაცულ, ბავშვებისათვის მიუწვდომელ ადგილას, არაუმეტეს 25°C ტემპერატურაზე.

მწარმოებელი ფირმა, ქვეყანა:
BERLIN-CHEMIE AG
გერმანია

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ფორლაქსი 10გ

სავაჭრო სახელი: ფორლაქსი

საერთაშორისო (არათერაპიული) სახელწოდება: მაკროგოლი

ფარმაცევტული ფორმა: ფხვნილი 10გ პაკეტებში, ხსნარის მოსამზადებლად, შიგნით მისაღებად.

შედგენილობა:

მაკროგოლი 4000 (პოლიეთილენკლიკოლ 4000) – 10გ (ერთ პაკეტში).

დამხმარე ნივთიერებები: ნატრიუმის საქარინი, ფორთოხლის-გრეიფრუტის არომატიზატორი.

აღწერა: თეთრი ფერის ფხვნილი, წყალში ადვილად ხსნადი, ფორთოხლის და გრეიფრუტის სუნით.

ფარმაკოთერაპევტული ჯგუფი: საფაღარათო საშუალება (A06AC)

ფარმაკოლოგიური მოქმედება: პრეპარატი განეკუთვება ოსმოტურ საფაღარათო საშუალებას. მაღალმოლეკულური ნივთიერება მაკროგოლი წარმოადგენს გრძელ ხაზოვან პოლიმერს, რომელიც წყალბადური ბმების ხარჯზე იკავებს წყლის მოლეკულას. ამდენად, მაკროგოლის შიგნით მიღების შემდეგ იზრდება ნაწლავური შედგენილობის მოცულობა. ნაწლავში არსებული სითხე, რომელიც არ ადსორბირდა, ინარჩუნებს პრეპარატის საფაღარათო მოქმედებას. ფარმაკოკინეტიკუტი კვლევები არ ადასტურებს მაკროგოლის შეწოვას ნაწლავებში და მეტაბოლიზმს მისი პერორალური მიღების დროს.

ჩვენება:

პრეპარატი გამოიყენება ყაბზობის სიმპტომატიური მკურნალობისთვის მოზრდილებში და ბავშვებში 8 წლიდან და ზემოთ.

მიღების წესი და დოზირება

მიიღება პერორალურად

მკურნალობის სქემა: 1-2 პაკეტი დღე-ღამეში (უმჯობესია ერთხელ დღეში, დილით). მკურნალობის ხანგრძლივობა შეათანხმეთ ექიმთან. დროებითი ყაბზობის შემთხვევაში, რაც დაკავშირებულია ცხოვრების სტილის შეცვლასთან (ოპერაცია, მოგზაურობა და ა.შ.), რეკომენდებულია პრეპა­რატის ხანმოკლე დროით მიღება.

აუცილებელია თითო პაკეტის გახსნა ერთა ჭიქა წყალში. მიიღეთ ჭამამდე ან ჭამის დროს. ფორლაქსის მოქმდება გამოვლინდება მიღებიდან 24-48 სთ.

ბავშვებში მკურნალობა არ უნდა აღემატებოდეს 3 თვეს, კლინიკური მონაცემების არ არსებობის გამო.

დღიური დოზა ადაპტირებული უნდა იყოს კლინიკური ეფექტის მიხედვით და შეიძლება მერყეობდეს ერთი პაკეტიდან (განსაკუთრებით ბავშვებში) 2 პაკეტამდე.

გავერდითი ეფექტები:

მოზრდილებში დიდმა დოზებმა შეიძლება გამოიწვიოს დიარეა, რომელიც შეწყდება პრეპარატის მოხსნიდან 24-48 სთ-ში. ამის შემდეგ პრეპარატის მიღება შეიძლება გაგრძელდეს ნაკლები დოზებით. შესაძლებელია ტკივილების გამოვლენა მუცელში განსაკუთრებით ფუნქციონალური დარღვევების მქონე პაციენტებში. ძალიან იშვიათია ალერგიული რეაქციები – გამონაყარი, ჭინჭრის ციება, შეშუპება. ყველა არასასურველი რეაქციის დროს, მათ შორის ისეთისავ, რომლებიც აქ არ არის მოცემული, უნდა შეატყობინოთ ექიმს.

ბავშვებში გვერდითი ეფექტები შესაძლოა გამოვლინდეს დიარეის და მუცლის არეში ტკივილის სახით, იშვიათად გულის რევის, ღებინების და შებერილობის სახით. ბავშვებში მოზრდილებისგან განსხვავებით არ არის აღნიშნული მომატებული მგრძნობელობის რეაქციები.

გვერდითი ეფექტები მაშინვე ქრება პრეპარატის დოზის შემცირებასთან ერთად.

დოზის გადაჭარბება

დოზის გადაჭარბება იწვევს დიარეას, რაც მაშინვე ქრება მკურნალობის შეწყვეტის ან დოზის შემცირებისთანავე.

შესაძლოა საჭირო გახდეს ელექტროლიტური ბალანსის აღდგენა დიარეის ან ღებინების დროს სითხის დაკარგვის გამო.

უკუჩვენება:

კუჭის ანთებითი დაავადებები (წყლულოვანი კოლიტი, კრონის დაავადება), ნაწლავის სრული ან ნაწილობრივი გაუვალობა, უცნობი წარმოშობის ტკი­­ვი­ლები მუცელში, მომატებული მგრძნობელობა პოლიეთილენგლი­კოლის მიმართ.

გაფრთხილებანი:

არ მიიღოთ პრეპარატი ხანგრძლივად ექიმის კონსულტაციის გარეშე. ყაბზობისას, რომელსაც თან ახლავს ტკივილები მუცელში, მაღალი ტემპერატურა, კუჭის სისხლდენა, მიმართეთ ექიმს.

განსაკუთრებული გაფრთხილებანი:

ფორლაქსი არ შეიცავს შაქარს, შეიძლება დაენიშნოს შაქრიანი დიაბეტით დაავადებულ ავადმყოფებს, აგრეთვე ავადმყოფებს, რომელთა რაციონში არ შედის გალაქტოზა. მედიკამენტოზური მკურნალობა უნდა მიმდინა­რეობ­დეს დიეტის ფონზე, რაციონში გაზრდილი უნდა იყოს უჯრედისის შემცველი პროდუქტები (მწვანილი, ნედლი ბოსტნეული, მსხვილად დაფქვილი პური, ხილი), აუცილებელია საკმარისი რაოდენობით წყლის მიღება, ფიზიკური აქტივობის გაზრდა (სპორტი, ფეხით სეირნობა).

ურთიერთქმედება სხვა სამკურნალო პრეპარატებთან

არ არის შესწავლილი

ორსულობა და ლაქტაცია

შესაძლებელი პრეპარატის დანიშვნა ორსულობის დროს მხოლოდ ექიმის მეთვალყურეობის ქვეშ

მაკროგო 4000 მცირედ ადსორბციის გამო რძეში შესაძლებელია მისი დანიშვნა ლაქტაციის დროს.

მანქანის და მოწყობილობა დანადგარების მართვა

არ არის შესწავლილი

გამოშვების ფორმა:

მუყაოს კოლოფში მოთავსებულია 10 ან 20 ერთჯერადი პაკეტი და გამოყენების ინსტრუქცია.

შენახვის პირობები:

შეინახეთ არა უმეტეს +25°C. ბავშვებისთვის მიუწვდომელ ადგილას.

შენახვის ვადა: 5 წელი. არ გამოიყენოთ ვადის გასვლის შემდეგ.

აფთიაქიდან გაცემის წესი

გაიცემა ურეცეპტოთ

საერთაშორისო დასახელება – diclofenac sodium

კლინიკურ-ფარმაკოლოგიური ჯგუფი – არასტეროიდული ანთების საწინააღმდეგო საშუალებები; ფენილძმარჟავას წარმოებულები

შემადგენლობა და გამოშვების ფორმა
საინექციო ხსნარი: 3 მლ (75 მგ) ამპ. 5 ც.

საინექციო ხსნარის 3 მლ მოცულობის ერთი ამპულა შეიცავს:
მოქმედი ნივთიერება: დიკოფენაკი-ნატრიუმი – 75 მგ.
დამხმარე ნივთიერებები: პროპილენგლიკოლი, ბენზილის სპირტი, აცეტილცისტეინი, მანიტოლი, 1 ნ. ნატრიუმის ჰიდროზეჟანგის ხსნარი, საინექციო წყალი, აზოტი

ფარმაკოლოგიური თვისებები
დიკლოფენაკი განეკუთვნება ანთების საწინააღმდეგო არასტეროიდულ საშუალებებს (ასას). ახდენს ანთების საწინააღმდეგო, გამაყუჩებელ და სიცხის დამწევ მოქმედებას. დიკლოფენაკის მოქმედების მექანიზმი დაკავშირებულია პროსტალგანდინებისა და ანთების საწინააღმდეგო სხვა ფაქტორების სინთეზის დათრგუნვასთან.
სახსრისმიერი სინდრომის დროს დიკლოფენაკი ასუსტებს და აკუპირებს ანთებასა და ტკივილს, ამცირებს სახსრების დილის მოძრაობის შეზღუდვას და შესიებას.

ჩვენებები
დიკლობერლი ® N 75 – საინექციო ხსნარი გამოიყენება მწვავე, ძლიერი ტკივილის სინდრომების განვითარებისას შემდეგ შემთხვევებში:
– სხვადასხვა გენეზის მწვავე ართრიტები (მათ შორის პოდაგრის დროს),
– ქრონიკული ართრიტები, განსაკუთრებით რევმატიული ართრიტები (ქრონიკული პოლიართრიტები),
– ანკილოზირებადი სპონდილიტი (ბეხტერევის დაავადება) და ხერხემლის სხვა ანთებითი-რევმატიული დაავადებები,
– ართროზები და სპონდილოართროზები (ანთებითი მდგომარეობები სახსრებისა და ხერხემლის დეგენერაციული დაავადებების დროს),
– მტკივნეული შეშუპებები ან ანთებები ტრავმების ან ოპერაციების შემდეგ.

მიღების წესები და დოზები
მკურნალობის დოზირება და ხანგრძლივობას განსაზღვრავს ექიმი დაავადების მიმდინარეობის თავისებურებებისა და მდგომარეობის სიმძიმის მიხედვით. დიკლობერლი ® N 75-ს კუნთში შესაყვანი საინექციო ხსნარი ჩვეულებრივ გამოიყენება მკურნალობის დასაწყისში ერთჯერადად დოზით 75 მგ (1 ამპულა) ან მაქსიმალურად 150 მგ (2 ამპულა) დღეში მხოლოდ მოზრდილებში და მხოლოდ იმ შემთხვევებში, როდესაც აუცილებელია სწრაფი თერაპიული ეფექტი. ჩვეულებრივ პრეპარატის ინექციები 1-5 დღის განმავლობაში ინიშნება. თერაპიის გაგრძელების აუცილებლობისას ხდება ტაბლეტებზე, კაფსულებზე ან სუპოზიტორებზე გადასვლა. კუნთში შესაყვანი ინექციები შეიძლება შეუთავსდეს პრეპარატის შიგნით ან რექტალურად მიღებას, ამ დროს სადღეღამისო მაქსიმალური დოზა 150 მგ-ს არ უნდა აღემატებოდეს

გვერდითი მოვლენები
წარმოქმნილი გვერდითი ეფექტები დამოკიდებულია ინდივიდუალურ მგრძნობელობაზე, გამოყენებული დოზის სიდიდეზე და მკურნალობის ხანგრძლივობაზე.
კუჭ-ნაწლავის ტრაქტი: ყველაზე ხშირია ღებინება, გულსირევა, დიარეა, მათ შორის, უმნიშვნელო სისხლდენებით კუჭ-ნაწლავის ტრაქტიდან. იშვიათად შეიძლება აღინიშნოს უმადობა, სპაზმები მუცლის არეში, რომლებსაც შეიძლება ახლდესწყლულების წარმოქმნა კუჭ-ნაწლავის ტრაქტში, რაც იშვიათ შემთხვევებში იწვევს სისხლის გაჩენას განავალში.
ცენტრალური ნერვული სისტემა: ზოგჯერ შეიძლება განვითარდეს თავის ტკივილი, ძილის დარღვევა, დაღლილობის შეგრძნება, აგზნებულობა, გაღიზიანება, თავბრუსხვევა.
კანი: ზოგჯერ შეიძლება განვითარდეს ქავილი, გამონაყარი, ჭინჭრის ციება. ინექციის ადგილებში ზოგჯერ შეიძლება აღინიშნოს ადგილობრივი გვერდითი მოქმედება (წვის შეგრძნება). ერთეულ შემთხვევებში გამოვლინდა კანის მხრივ რეაქციების მძიმე შემთხვევები (სტივენს-ჯონსის სინდრომი, ლაიელის სინდრომი).
თირკმელები: ცალკეულ შემთხვევებში აღინიშნა თირკმლის ფუნქციის დარღვევები, პროტეინურია, ჰემატურია და თირკმელების დაზიანება (ინტერსტიციული ნეფრიტი, ნეფროზული სინდრომი). ამიტომ აუცილებელია თირკმლის ფუნქციის რეგულარული კონტროლი.
ღვიძლი: ზოგჯერ ვლინდება შრატში ტრანსამინაზას დონის მომატება. ხანგრძლივი გამოყენებისას აუცილებელია ღვიძლის ფუნქციის რეგულარული კონტროლი. არსებობს ცალკეული შეტყობინებები კუჭქვეშა ჯირკვლის ანთების (პანკრეატიტის) განვითარების შესახებ.
სისხლი: იშვიათ შემთხვევებში აღინიშნა სისხლის წარმოქმნის დარღვევები (ანემია, ლეიკოპენია, აგრანულოციტოზი, თრომბოციტოპენია). დიკლოფენაკი ანელებს თრომბოციტების აგრეგაციას. ამიტომ ავადმყოფებს სისხლის შედედების დარღვევებით ესაჭიროებათ მუდმივი კონტროლი.
იმუნური სისტემა: შეიძლება განვითარდეს ჰიპერმგრძნობელობის რეაქციები დიკლოფენაკის მიმართ სახის, ენის, ყელის შეშუპების, ასთმის შეტევამდეც კი სუნთქვის გაძნელების სახით; გულის ფრიალი, სისხლის წნევის აწევა.

უკუჩვენება
დიკლობერლი ® N 75 – ს გამოყენება არ შეიძლება შემდეგ შემთხვევებში:
– ცნობილი ჰიპერმგრძნობელობა მოქმედი ნივთიერების – დიკლოფენაკის ან სხვა ასას-ს მიმართ,
– სისხლის წარმომქმნელი სისტემის ფუქნციის გაურკვეველი დარღვევები,
– კუჭის და/ან ნაწლავის წყლულოვანი დაავადება,
– ორსულობის დროს ბოლო ტრიმესტრის მიმდინარეობისას, ბავშვებსა და 18 წლამდე ასაკის მოზარდებში.
დიკლობერლი ® N 75 -ს გამოყენება შეიძლება მხოლოდ ექიმის მეთვალყურეობის ქვეშ “სარგებელი/რისკის” შეფარდების კარგად შეფასების შემთხვევაში შემდეგ მდგომარეობებში:
– ინდუცირებული პორფირია,
– სისტემური წითელი მგლურა და შერეული კოლაგენოზები,
– ორსულობის I და II ტრიმესტრები,
– ლაქტაციის პერიოდი.
ექიმის განსაკუთრებული კონტროლი საჭიროა შემდეგ შემთხვევებში:
– კუჭ-ნაწლავის ტრაქტის დაავადებები და / ან კუჭ-ნაწლავის ტრაქტის ანთებითი-წყლულოვანი დაავადებები (წყლულოვანი კოლიტები, კრონის დაავადება) ანამნეზში,
– ავადმყოფებში, დაზიანებული თირკმელებით,
– მაღალი წნევა და / ან გულის უკმარისობა,
– ხანდაზმული პაციენტები,
– უშუალოდ მძიმე ქირურგიული ჩარევის შემდეგ.
დიდი სიფრთხილით და მხოლოდ ექიმის მკაცრი კონტროლის ქვეშ დიკლობერლი ® N 75-s გამოყენება შეიძლება ავადმყოფებში, რომლებსაც აწუხებთ ასთმა, ალერგიული სურდო, ცხვირის ლორწოვანას პოლიპები, ასევე სასუნთქი გზების ქრონიკული ობსტრუქციული დაავადებების და სასუნთქი გზების ქრონიკული ინფექციების დროს, ავადმყოფებში ჰიპერმგრძნობელობით ასას-ს მიმართ ასთმის შეტევის, კვინკეს შეშუპების ან ჭინჭრის ციების განვითარების საშიშროების გამო.
გაფრთხილება:
იმის გამო, რომ დიკლობერლი®N75- ს მაღალი დოზებით გამოყენებისას შესაძლებელია ისეთი გვერდითი მოვლენების განვითარება, როგორებიცაა თავბრუსხვევა და დაღლილობის შეგრძნება, ცალკეულ შემთხვევებში ირღვევა ავტომობილის მართვის უნარი. ეს მოვლენები ძლიერდება ალკოჰოლთან ერთად მიღებისას.

ჭარბი დოზირება
სიმპტომები: კლინიკური სურათი განისაზღვრება დარღვევებით ცენტრალური ნერვული სისტემის მხრივ (თავის ტკივილი, თავბრუსხვევა, აგზნებულობა, ჰიპერვენტილაციის მოვლენები მომატებული კრუნჩხვითი აქტივობით, ბავშვებში – მიოკლონური კრუნჩხვები) და დარღვევებით კუჭ-ნაწლავის ტრაქტის მხრივ (ტკივილები მუცლის არეში, ღებინება, გულსირევა). შესაძლოა განვითარდეს სისხლდინება კუჭ-ნაწლავის ტრაქტიდან და / ან ღვიძლისა და თირკმელების ფუნქციის დარღვევა. მკურნალობა: სპეციფიური ანტიდოტი არ არსებობს. ჭარბი დოზის შემთხვევაში აუცილებელია ინტენსიური სამედიცინო მკურნალობა. დიკლოფენაკის შიგნით მიღებისას ხდება გულისრევის გამოწვევა, ინიშნება ანტაციდები და აქტივირებული ნახშირი. მედიკამენტოზური მკურნალობა სიმპტომატურია.

სხვა წამლებთან ურთიერთქმედება
დიკლობერლი® N 75-სა და შემდეგი სამკურნალო საშუალებების ერთად გამოყენებისას:
– დიგოქსინთან, ფენიტოინთან ან ლითიუმის პრეპარატებთან ერთად გამოყენებისას პლაზმაში ამ სამკურნალო საშუალებების შემცველობა შეიძლება შემცირდეს;
– დიურეზულებთან და ჰიპოტენზიურ საშუალებებთან ერთად გამოყენებისას ამ პრეპარატების მოქმედება შეიძლება შესუსტდეს;
– კალიუმის შემანარჩუნებელ დიურეზულებთან ერთად გამოყენებისას შესაძლოა განვითარდეს ჰიპერკალიემია;
– სხვა ასას-თან და გლუკოკორტიკოიდებთან ერთად გამოყენებისას იზრდება კუჭ-ნაწლავის ტრაქტის მხრივ გვერდითი მოვლენების განვითარების რისკი;
– აცეტილსალიცილის მჟავასთან ერთად გამოყენებისას დიკლოფენაკის კონცენტრაციის დონე სისხლში მცირდება;
– დიაბეტის საწინააღმდეგო საშუალებებთან ერთად გამოყენებისას შეიძლება განვითარდეს ჰიპო- და ჰიპერკალიემია. საშუალებათა ამ კომბინაციისას აუცილებელია სისხლში შაქრის დონის კონტროლი;
– მეტოტრექსატთან ერთად გამოყენებისას მის მიღებამდე ან მიღების შემდეგ 24 საათის განმავლობაში შეიძლება გაიზარდოს მეტოტრექსატის კონცენტრაცია და გაძლიერდეს მისი ტოქსიკური მოქმედება;
– ანტიკოაგულანტებთან ერთად გამოყენებისას აუცილებელია სისხლის შედედების რეგულარული კონტროლი

შენახვის პირობები და ვადები
3 წელი.
შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.
ინახება სინათლისაგან და გაყინვისაგან დაცულ, ბავშვებისათვის მიუწვდომელ ადგილას, არაუმეტეს 25°C ტემპერატურაზე.

აფთიაქში გაცემის წესი
რეცეპტით.

მწარმოებელი ფირმა, ქვეყანა
BERLIN-CHEMIE AG
გერმანია

ქვეყანა: ეგვიპტე

მწარმოებელი: ფარკო ფარმაცევტიკალს

გაცემის ფორმა: II ჯგუფი რეცეპტული

ფარმაკოლოგიური ჯგუფი:  ჰეპატოპროტექტორები

შემადგენლობა
პრეპარატის ერთი კაფსულა შეიცავს აქტიური ნივთიერების – ურსოდეოქსიქოლის მჟავას 300 მგ-ს.
დამხმარე ნივთიერებები: სახამებელი, მაგნიუმის სტეარატი, აეროსილი.

მოქმედების მექანიზმი
ჰეპატოპროტექტორი. ასევე, ახასიათებს ნაღვლმდენი, ქოლელითოლიზური, ჰიპოლიპიდემიური, ჰიპოქოლესტერინემიული და იმუნომოდულატორული მოქმედება.
მაღალპოლარული თვისებების გამო, ურსოდეოქსიქოლის მჟავა უზრუნველყოფს აპოლარული (ტოქსიკური) ნაღვლის მჟავებიდან არატოქსიკური შერეული მიცელების წარმოქმნას, რაც ბილიარული რეფლუქს-გასტრიტისა და რეფლუქს-ეზოფაგიტის დროს ამცირებს კუჭის რეფლუქტატის მიერ უჯრედული მემბრანების დაზიანებას. გარდა ამისა, ურსოდეოქსიქოლის მჟავა წარმოქმნის ორმაგ მოლეკულებს, რომლებიც ჩაერთვებიან ჰეპატოციტების, ქოლანგიოციტებისა და საჭმლის მომნელებელი სისტემის ეპითელიოციტების მემბრანების შემადგენლობაში, უნარჩუნებენ მათ სტაბილურობას და ზრდიან ციტოტოქსიკური მიცელებისადმი მდგრადობას.
ჰეპატოციტებისათვის ტოქსიკური ნაღვლის მჟავების კონცენტრაციის შემცირებითა და ბიკარბონატებით მდიდარი ქოლერეზის სტიმულირების გზით, ურსოდეოქსიქოლის მჟავა ეფექტურად ამცირებს ღვიძლის შიდა ქოლესტაზს. ასევე, ამცირებს ნაღვლის წვენში ქოლესტერინის შემცველობას, რაც ნაწლავიდან ამ უკანასკნელის შეწოვის ინჰიბირებით, ღვიძლში მისი სინთეზისა და ნაღვლის წვენში გამოყოფის შემცირებით მიიღწევა. ზრდის ნაღვლის წვენში ქოლესტერინის ხსნადობას მასთან თხევადკრისტალური ნაერთების წარმოქმნის გზით; ამცირებს ნაღვლის წვენის ლითოგენურ ინდექსს. შედეგად, იზრდება ქოლესტერინული ნაღვლის კონკრემენტების (კენჭების) ხსნადობა და მცირდება ახალი კონკრემენტების წარმოქმნის შესაძლებლობა.
იმუნომოდულატორული მოქმედება განპირობებულია ჰეპატოციტების მემბრანებზე HLA-1 ანტიგენებისა და ქოლანგიოციტებზე – HLA-2 ანტიგენების ექსპრესიის დათრგუნვით, ასევე ლიმფოციტების (თ-ქილერების) აქტივობის ნორმალიზებით და სხვა. აფერხებს ფიბროზის პროგრესირებას პაციენტებში ბილიარული პირველადი ციროზით, მუკოვისციდოზითა და ალკოჰოლური სტეატოჰეპატიტით. ამცირებს საყლაპავის ვენების ვარიკოზული გაფართოების რისკს. ურსოდეოქსიქოლის მჟავა აფერხებს უჯრედების (ჰეპატოციტები, ქოლანგიოციტები) ნაადრევი დაბერებისა და სიკვდილის პროცესს.
ურსოდეოქსისოლის მჟავა შიეწოვება წვრილი ნაწლავიდან პასიური დიფუზიის მეშვეობით (90%), ხოლო თეძოს ნაწლავში – აქტიური ტრანსპორტის გზით. Cmax1-3 სთ-ში მიიღწევა. პლაზმის ცილებს უკავშირდება 96-99%. გადის პლაცენტის ბარიერში. პრეპარატის სისტემური მიღების შედეგად ურსოდეოქსიქოლის მჟავა წარმოადგენს ძირითად ნაღვლის მჟავას სისხლის შრატში და შეადგენს სისხლში არსებული ნაღვლის მჟავების დაახლოებით 48%-ს. პრეპარატის თერაპიული ეფექტი დამოკიდებულია ნაღვლის წვენში ურსოდეოქსიქოლის მჟავას კონცენტრაციაზე. მეტაბოლიზდება ღვიძლში (“პირველადი გავლის” ეფექტი) ტაურინისა და გლიცინის კონიუგატად და გამოიყოფა ნაღვლის წვენში. მიღებული დოზის დაახლოებით 50-70% გამოიდევნება ნაღვლის წვენის მეშვეობით, ხოლო დარჩენილი ნაწილი მეტაბოლიზდება მსხვილ ნაწლავში ბაქტერიების მიერ.

ჩვენება
– გაურთულებელი ნაღვლ-კენჭოვანი დაავადება, როდესაც შეუძლებელია ქოლესტერინული კონკრემენტის (კენჭის) მოცილება ნაღვლის ბუშტიდან ქირურგიული ან ენდოსკოპიური მეთოდით; ბილიარული ნალექი; ქოლეცისტექტომიის (ნაღვლის ბუშტის ამოკვეთის) შემდეგ კენჭების წარმოქმნის რეციდივის პროფილაქტიკა;
– ქრონიკული აქტიური ჰეპატიტი;
– მწვავე ჰეპატიტი;
– ღვიძლის ტოქსიკური (მათ შორის წამლისმიერი) დაზიანება;
– ღვიძლის ალკოჰოლური დაავადება;
– არაალკოჰოლური სტეატოჰეპატიტი;
– ღვიძლის პირველადი ბილიარული ციროზი;
– პირველადი სკლეროზული ქოლანგიტი;
– ღვიძლის კისტოზური ფიბროზი (მუკოვისციდოზი);
– ღვიძლის შიდა ნაღვლის სადინარების ატრეზია (მათ შორის ნაღვლის სადინარის თანდაყოლილი ატრეზია);
– ნაღვლის სადინარების დისკინეზია;
– ბილიარული რეფლუქს-გასტრიტი და რეფლუქს-ეზოფაგიტი;
– ბილიარული დისპეფსიური სინდრომი (ქოლეცისტოპათიისა და ნაღვლის სადინარების დისკინეზიის დროს);
პროფილაქტიკის მიზნით:
– ღვიძლის დაზიანების პროფილაქტიკა ჰორმონალური კონტრაცეპტივებისა და ციტოსტატიკების მიღების ფონზე;
– ნაღვლის ბუშტში კენჭების წარმოქმნის პროფილაქტიკა სიმსუქნით დაავადებულ პაციენტებში, სხეულის წონის სწრაფი დაკლების შემთხვევაში.

უკუჩვენება
– პრეპარატის კომპონენტებისადმი მომატებული მგრძნობელობა;
– რენტგენოლოგიურად დადებითი ნაღვლის კენჭები (კალციუმის მაღალი შემცველობით);
– არაფუნქციონირებადი ნაღვლის ბუშტი;
– ნაღვლის-კუჭის-ნაწლავური ფისტულა;
– მწვავე ქოლეცისტიტი; მწვავე ქოლანგიტი;
– ღვიძლის ციროზი დეკომპენსაციის ფაზაში;
– ნაღვლის სადინარების ობტურაცია;
– ნაღვლის სადინარებისა და ნაღვლის ბუშტის მწვავე ინფექციური დაავადება;
– ნაღვლის ბუშტის ემპიემა;
– წვრილ და მსხვილ ნაწლავში მიმდინარე ანთებითი პროცესები;
– პანკრეატიტი;
– ღვიძლის უკმარისობა;
– თირკმლის უკმარისობა.

უსაფრთხოების ზომები
ნაღვლის კონკრემენტების (კენჭების) დაშლის მიზნით ურსომაკის მიღებისას აუცილებელია შემდეგი პირობების დაცვა: კონკრემენტი უნდა იყოს ქოლესტერინული (რენტგენონეგატიური), მათი ზომა არ უნდა აღემატებოდეს 15-20 მმ-ს, ნაღვლის ბუშტი უნდა იყოს ფუნქციონირებადი და კონკრემენტებით ნაღვლის ბუშტის ავსებადობა ზომაში არ უნდა აჭარბებდეს ნაღვლის ბუშტის ზომის ნახევარს, ნაღვლის სადინარისა და ნაღვლის საერთო სადინარის გამტარობა შენარჩუნებული უნდა იყოს.
ურსომაკით ხანგრძლივი თერაპიის დროს (> 1 თვე), პირველი 3 თვის განმავლობაში ყოველ 4 კვირაში ერთხელ, ხოლო შემდეგ – 3 თვეში ერთხელ, საჭიროა სისხლის ბიოქიმიური ანალიზის ჩატარება და ღვიძლის ტრანსამინაზების აქტივობის დადგენა. მკურნალობის ეფექტურობა ფასდება ნაღვლის სადინარების ულტრაბგერითი გამოკვლევით ყოველ 6 თვეში ერთხელ.
კენჭების სრულად დაშლის შემდეგ, მცირე ზომის ნარჩენი კენჭების დაშლისა და რეციდივის პროფილაქტიკის მიზნით, რეკომენდებულია პრეპარატის მიღება კიდევ 3 თვის განმავლობაში.

დოზის გადაჭარბება
დოზის გადაჭარბების შემთხვევები აღწერილი არ არის.

ორსულობა და ლაქტაციის პერიოდი
ორსულობის პერიოდში პრეპარატის მიღება არ არის რეკომენდებული, გარდა იმ შემთხვევისა, როდესაც ურსომაკის გამოყენების საჭიროება დედისთვის აჭარბებს ნაყოფზე მისი გავლენის პოტენციურ რისკს.
ლაქტაციის პერიოდში პრეპარატის მიღების აუცილებლობისას უნდა შეწყდეს ძუძუთი კვება.

სხვა სამკურნალო საშუალებებთან ურთიერთქმედება
ქოლესტირამინი და ალუმინის შემცველი ანტაციდები ამცირებენ პრეპარატის აბსორბციას საჭმლის მომნელებელი სისტემიდან.
ჰიპოლიპიდემიურ სამკურნალო საშუალებებთან (განსაკუთრებით კლოფიბრატი), ესტროგენებთან, ნეომიცინსა და პროგესტინებთან ერთდროული მიღებისას, იზრდება ნაღვლის წვენის ქოლესტერინით გაჯერებულობა და შესაბამისად, მცირდება ურსოდეოქსიქოლის მჟავას მიერ ქოლესტერინული კონკრემენტების დაშლა.

დოზირება და მიღების წესი
კაფსულები მიიღება მთლიანად, დაღეჭვის გარეშე, საკმარისი რაოდენობის წყალთან ერთად.
ღვიძლის მწვავე და ქრონიკული დაავადებებისას, ასევე ნაღვლ-კენჭოვანი დაავადების (ნაღვლის ბუშტის ქოლესტერინული კენჭები და ბილიარული ნალექი) დროს ინიშნება პრეპარატის 10-15 მგ/კგ დღე-ღამეში, ხანგრძლივი თერაპიის სახით.
– ღვიძლის მწვავე და ქრონიკული დაავადებებისას პრეპარატის დღე-ღამური დოზა იყოფა 2-3 მიღებაზე, კაფსულები მიიღება საკვებთან ერთად. ღვიძლის ქრონიკული დაავადებისას ურსომაკის მიღების ხანგრძლივობა რამდენიმე თვიდან 2 წლამდე გრძელდება.
– ნაღვლ-კენჭოვანი დაავადების დროს პრეპარატის დღე-ღამური დოზა მიიღება ერთჯერადად ღამით. მკურნალობა გრძელდება 6 თვიდან 2 წლამდე, კენჭების სრულ დაშლამდე. შემდეგ კენჭების წარმოქმნის პროფილაქტიკის მიზნით – კიდევ 3 თვის განმავლობაში. თუ პრეპარატის მიღებიდან 12 თვის შემდეგ არ აღინიშნება ნაღვლის კენჭის შემცირება, მკურნალობის გაგრძელება მიზანშეწონილი არ არის.
ბილიარული რეფლუქს-გასტრიტისა და რეფლუქს-ეზოფაგიტის სამკურნალოდ ინიშნება ურსომაკის 300 მგ (1 კაფსულა) ძილის წინ. მკურნალობის ხანგრძლივობა – 10-14 დღე.
ქოლეცისტექტომიის (ნაღვლის ბუშტის ამოკვეთის) შემდეგ განმეორებითი ქოლელითიაზის პროფილაქტიკისათვის ინიშნება 300 მგ 2-ჯერ დღეში რამდენიმე თვის განმავლობაში (საშუალოდ 3 თვე).
ღვიძლის ტოქსიკური, წამლისმიერი დაზიანებისას, ალკოჰოლური დაავადებისას და ნაღვლის სადინარების ატრეზიის დროს ინიშნება პრეპარატის 10-15 მგ/კგ-ზე გაყოფილი 2-3 მიღებაზე. მკურნალობის ხანგრძლივობა – 6-12 თვე და მეტი.
პირველადი ბილიარული ციროზის დროს ინიშნება 10-15 მგ/კგ წონაზე დღე-ღამეში (საჭიროებისას – 20 მგ/კგ) გაყოფილი 2-3 მიღებაზე. მკურნალობის ხანგრძლივობა – 6 თვიდან რამდენიმე წელი.
პირველადი სკლეროზული ქოლანგიტის შემთხვევაში – 12-15 მგ/კგ დღე-ღამეში (საჭიროებისას – 20 მგ/კგ) გაყოფილი 2-3 მიღებაზე. მკურნალობის ხანგრძლივობა – 6 თვიდან რამდენიმე წელი.
არაალკოჰოლური სტეატოჰეპატიტის დროს ინიშნება ურსომაკის 13-15 მგ/კგ დღე-ღამეში გაყოფილი 2-3 მიღებაზე. მკურნალობის ხანგრძლივობა – 6 თვიდან რამდენიმე წელი.
მუკოვისციდოზის დროს – ურსომაკის 20-30 მგ/კგ დღე-ღამეში გაყოფილი 2-3 მიღებაზე. მკურნალობის ხანგრძლივობა – 6 თვიდან რამდენიმე წელი.
2 წელზე მეტი ასაკის ბავშვებში პრეპარატის დოზა განისაზღვრება ინდივიდუალურად – 10-20 მგ/კგ დღე-ღამეში.

გვერდითი მოვლენები
დიარეა (შესაძლებელია დოზაზე დამოკიდებული), ტკივილი წელის არეში.
იშვიათად: ნაღვლის კენჭების კალცინირება, ღვიძლის ტრანსამინაზების აქტივობის გარდამავალი მატება, ალოპეცია, შეკრულობა, გულისრევა, ღებინება, ალერგიული რეაქციები.

ვარგისიანობა და შენახვის პირობები
პრეპარატის ვარგისიანობის ვადაა 3 წელი.
ინახება 15-25°C ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

გამოშვების ფორმა
კაფსულა 300 მგ; შეფუთვაში 20 კაფსულა; მეორადი შეფუთვა – მუყაოს კოლოფში.

აფთიაქიდან გაცემის პირობები
ექიმის რეცეპტის მიხედვით!

ქვეყანა: გერმანია

მწარმოებელი: დენკ ფარმა გერმანია

გაცემის ფორმა: III ჯგუფი ურეცეპტო

ქვეყანა: თურქეთი

მწარმოებელი: სანტა ფარმა

გაცემის ფორმა: II ჯგუფი რეცეპტული

ქვეყანა: პოლონეთი

მწარმოებელი: პოლფარმექსი

გაცემის ფორმა: III ჯგუფი ურეცეპტო