სტოპექსი
Loperamide

ფარმაკოლოგიური ჯგუფი:  დიარეის საწინააღმდეგო

შემადგენლობა
პრეპარატის ერთი კაფსულა შეიცავს აქტიური ნივთიერების – ლოპერამიდის ჰიდროქლორიდის 2 მგ-ს.
დამხმარე ნივთიერებები: ლაქტოზა, სახამებელი, მაგნიუმის სტეარატი, ტალკი.

მოქმედების მექანიზმი
დიარეის საწინააღმდეგო საშუალება.
ლოპერამიდი უკავშირდება ნაწლავის კედელში არსებულ ოპიოიდურ რეცეპტორებს, თრგუნავს აცეტილქოლინისა და პროსტაგლანდინების გამოთავისუფლებას, რის შედეგადაც მცირდება ნაწლავის გლუვი კუნთების ტონუსი და მოტორიკა, მცირდება პერისტალტიკა და იზრდება ნაწლავის შიგთავსის გადაადგილების დრო. ანალური სფინქტერის გაზრდილი ტონუსის შესაბამისად იზრდება ფეკალური მასების შეკავება და მცირდება დეფეკაციის მოთხოვნა.
ლოპერამიდის მოქმედება იწყება სწრაფად და გრძელდება დაახლოებით 4-6 საათი.
პერორალურად მიღებული პრეპარატის 40% აბსორბირდება. პლაზმის ცილებს, ძირითადად ალბუმინებს, უკავშირდება 95%. ღვიძლში ინტენსიურად მეტაბოლიზდება “პირველადი გავლის” ეფექტით. T1/2 შეადგენს 10.8 სთ-ს. ძირითადად გამოიყოფა ფეკალურ მასებთან ერთად, ხოლო უმნიშვნელო ნაწილი კონიუგირებული მეტაბოლიტების სახით – შარდთან ერთად.

ჩვენება
– სხვადასხვა გენეზის მწვავე და ქრონიკული დიარეა;
– ფეკალური მასების გამოყოფის რეგულირება პაციენტებში ილეოსტომით.

უკუჩვენება
– მწვავე დიზენტერია და საჭმლის მომნელებელი სისტემის სხვა ინფექციები (გამოწვეული Salmonella spp., Shigella spp., Campylobacter spp.);
– ნაწლავის გაუვალობა (მათ შორის პერისტალტიკის დაქვეითების თავიდან აცილების აუცილებლობისას);
– დივერტიკულოზი;
– მწვავე წყლულოვანი კოლიტი;
– ფსევდომემბრანული ენტეროკოლიტი (ანტიბიოტიკების მიღებით გამოწვეული დიარეა);
– ორსულობის I ტრიმესტრი და ლაქტაციის პერიოდი;
– 6 წლამდე ასაკის ბავშვები;
– პრეპარატის კომპონენტებისადმი მომატებული მგრძნობელობა.

უსაფრთხოების ზომები
პრეპარატი სიფრთხილით ინიშნება პაციენტებში ღვიძლის უკმარისობით.
მკურნალობის ფონზე ყაბზობის (შეკრულობის) ან მუცლის შებერილობის განვითარებისას უნდა შეწყდეს პრეპარატის მიღება.
სტოპექსი გამოიყენება დიარეის სიმპტომური მკურნალობისთვის, ამიტომ მასთან ერთად მიზანშეწონილია ეტიოლოგიური თერაპიის ჩატარება.
დიარეის ფონზე, განსაკუთრებით ბავშვებში, შესაძლებელია ჰიპოვოლემიის განვითარება და ელექროლიტების შემცველობის დაქვეითება. ასეთ შემთხვევებში, მნიშვნელოვანია დაკარგული სითხისა და ელექტროლიტების აღდგენა ჩანაცვლებითი თერაპიის სახით. მწვავე დიარეის დროს, როდესაც მკურნალობის ფონზე 48 საათის განმავლობაში არ აღინიშნება კლინიკური გაუმჯობესება, უნდა შეწყდეს პრეპარატის მიღება და გამოირიცხოს დიარეის ინფექციური გენეზი.
პრეპარატი არ ინიშნება დიარეის სამკურნალოდ, როცა განავალში აღინიშნება სისხლი და პაციენტს აქვს მაღალი ტემპერატურა.
შიდსი-თ დაავადებულ პაციენტებში მუცლის შებერილობის პირველივე ნიშნებისას უნდა შეწყდეს სტოპექსით მკურნალობა, ვინაიდან ერთეულ შემთხვევებში, როგორც ვირუსული ასევე ბაქტერიული გენეზის კოლიტის დროს შესაძლოა მსხვილი ნაწლავის ტოქსიკური გაფართოება გამოიწვიოს.
პაციენტები ღვიძლის ფუნქციის დარღვევით განსაკუთრებული მეთვალყურეობის ქვეშ უნდა იმყოფებოდნენ, რათა დროულად დაფიქსირდეს ცნს-ის ტოქსიკური დაზიანების ნიშნები.
მკურნალობის პროცესში რეკომენდებულია დიეტის დაცვა და საკმარისი რაოდენობის სითხის მიღება.
მკურნალობის პროცესში საჭიროა ავტომობილის მართვისა და სხვა აქტიური ქმედებებისგან თავის შეკავება, რომლებიც ყურადღების კონცენტრირებასა და ფსიქომოტორული რეაქციების სისწრაფეს მოითხოვენ.

დოზის გადაჭარბება
სიმპტომები: ცნს-ის დათრგუნვა – სტუპორი, კოორდინაციის დარღვევა, ძილიანობა, მიოზი, კუნთების მომატებული ტონუსი, სუნთქვის დათრგუნვა, ნაწლავის გაუვალობა. ბავშვები უმეტესად მგრძნობიარენი არიან პრეპარატის ცნს-ზე გავლენისადმი.
მკურნალობა: სიმპტომური მკურნალობა – კუჭის ამორეცხვა, აქტივირებული ნახშირის მიღება (სტოპექსის მიღებიდან არა უგვიანეს 3 საათის განმავლობაში), ფილტვების ხელოვნური ვენტილაცია. ანტიდოტი – ნალოქსონი. ვინაიდან ლოპერამიდს ნალოქსონთან შედარებით აქვს უფრო გახანგრძლივებული მოქმედება (1-3 სთ), შესაძლებელია საჭირო გახდეს ამ უკანასკნელის განმეორებითი მიღება. ცნს-ზე დამთრგუნველი ზეგავლენის გამოვლენისათვის პაციენტი 48 საათის განმავლობაში უნდა იმყოფებოდეს განსაკუთრებული მეთვალყურეობის ქვეშ.

ორსულობა და ლაქტაციის პერიოდი
ორსულობის I ტრიმესტრსა და ლაქტაციის პერიოდში სტოპექსი უკუნაჩვენებია. ორსულობის II და III ტრიმესტრში პრეპარატი ინიშნება იმ შემთხვევაში, როდესაც მისი გამოყენების საჭიროება დედისთვის აჭარბებს ნაყოფზე პრეპარატის გავლენის პოტენციურ რისკს.

სხვა სამკურნალო საშუალებებთან ურთიერთქმედება
სტოპექსის სხვა პრეპარატებთან ურთიერთქმედება გამოვლენილი არ არის.

დოზირება და მიღების წესი
კაფსულები მიიღება დაუღეჭავად, საკმარისი რაოდენობის წყალთან ერთად.
მწვავე დიარეის დროს მოზრდილებში, მათ შორის ასაკოვან პაციენტებში: საწყისი დოზაა 4 მგ (2 კაფსულა), შემდეგში – თხიერი განავლის შემთხვევაში ყოველი დეფეკაციის შემდეგ 2 მგ (1 კაფსულა).
6 წელზე მეტი ასაკის ბავშვებში: საწყისი დოზაა 2 მგ (1 კაფსულა), შემდეგში – თხიერი განავლის შემთხვევაში ყოველი დეფეკაციის შემდეგ 2 მგ (1 კაფსულა).
ქრონიკული დიარეის დროს მოზრდილებში, მათ შორის ასაკოვან პაციენტებში: საწყისი დღიური დოზაა 4 მგ (2 კაფსულა). დოზის შემდგომი კორექცია ხდება ინდივიდუალურად, შემანარჩუნებელი თერაპიით – დღეში 2-12 მგ (1-6 კაფსულა), დეფეკაციის სიხშირის დღეში 1-2-ჯერ მიღწევამდე.
6 წელზე მეტი ასაკის ბავშვებში: საწყისი დოზაა 2 მგ (1 კაფსულა). დოზის შემდგომი კორექცია ხდება ინდივიდუალურად, შემანარჩუნებელი თერაპიით – დღეში 2-12 მგ (1-6 კაფსულა), დეფეკაციის სიხშირის დღეში 1-2-ჯერ მიღწევამდე.
მაქსიმალური დღიური დოზა მწვავე და ქრონიკული დიარეის შემთხვევაში მოზრდილებში შეადგენს 16 მგ-ს (8 კაფსულა), ხოლო ბავშვებში მაქსიმალური დღიური დოზაა 6 მგ/20 კგ სხეულის წონაზე.
პრეპარატის მიღება წყდება ნორმალური განავლის ფორმირების ან 12 საათის განმავლობაში განავლის არარსებობის შემთხვევაში.

გვერდითი მოვლენები
საჭმლის მომნელებელი სისტემის მხრივ: შეკრულობა და/ან მუცლის შებერილობა, ნაწლავური კოლიკა, ტკივილი ან დისკომფორტი მუცლის არეში, გულისრევა, ღებინება, პირის სიმშრალე. ერთეულ შემთხვევაში – ნაწლავის გაუვალობა;
ცენტრალური და პერიფერიული ნერვული სისტემის მხრივ: დაღლილობა, ძილიანობა, თავბრუსხვევა;
ალერგიული რეაქციები: გამონაყარი კანზე;
სხვა: იშვიათად – შარდის შეკავება.

ვარგისიანობა და შენახვის პირობები
პრეპარატის ვარგისიანობის ვადაა 3 წელი.
ინახება 15-25oC ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

გამოშვების ფორმა
კაფსულა 2 მგ; შეფუთვაში 10 კაფსულა; მეორადი შეფუთვა – მუყაოს კოლოფში.

აფთიაქიდან გაცემის პირობები
ექიმის რეცეპტის გარეშე!

დიკლოფეროლი N-გეო

(DIKLOFEROL N-GEO)

ზოგადი დახასიათება:
არაპატენტირებული საერთაშორისო დასახელება: დიკლოფენაკი;
ძირითადი ფიზიკურ-ქიმიური თვისებები:
გამჭვირვალე, უფერო ან მოყვითალო ფერის ხსნარი სუსტი სპეციფიკური სუნით.
შემადგენლობა:
საინექციო ხსნარის 1 მლ შეიცავს:
დიკლოფენაკ ნატრიუმს – 25 მგ.
დამხმარე ნივთიერებები: მანიტოლი, ნატრიუმის მეტაბისულფიტი, ბენზილის სპირტი, პროპილენგლიკოლი, ნატრიუმის ჰიდროქსიდი, საინექციო წყალი.

გამოშვების ფორმა:
საინექციო ხსნარი, 75 მგ/3 მლ.

ფარმაკოლოგიური ჯგუფი:
ანთების საწინააღმდეგო არასტეროიდული საშუალება. ათქ-კოდი: M01AB05.

ფარმაკოლოგიური თვისებები:
დიკლოფენაკ ნატრიუმი ხასიათდება მკვეთრად გამოხატული ტკივილგამაყუჩებელი, ანთების საწინააღმდეგო და სიცხის დამწევი მოქმედებით.
პრეპარატის მოქმედების მექანიზმი განპირობებულია არაქიდონის მჟავას ციკლის მთავარი ფერმენტის ციკლოოქსიგენაზას ინჰიბირებით და პროსტაგლანდინების სინთეზის დათრგუნვით, რომლებიც ძირითად როლს თამაშობენ ორგანიზმში ანთებითი პროცესების განვითარებაში. პრეპარატი ამცირებს ტკივილის შეგრძნებას, ჰიპოთალამუსში აქვეითებს თერმორეგულაციის ცენტრის მგრძნობელობას პიროგენების მოქმედების მიმართ, რომლებიც წარმოიქმნებიან ორგანიზმის მიერ ინფექციური აგენტებისა და ტოქსინების საპასუხოდ. ამის შედეგად მატულობს კანის სისხლმომარაგება, ოფლის გამოყოფა და სითბოს გაცემა.
დიკლოფენაკ ნატრიუმი ამცირებს ძლიერ და ზომიერად გამოხატულ ტკივილს. ტრავმისა და ოპერაციის შემდგომ პერიოდში იგი სწრაფად ამცირებს ტკივილს (როგორც სპონტანურს, ასევე მოძრაობით გამოწვეულს), ანთების და ჭრილობების შედეგად განვითარებულ შეშუპებას, ეფექტურად ხსნის შაკიკის შეტევითა და პირველადი დისმენორეით გამოწვეულ ტკივილს.

ფარმაკოკინეტიკა:
შეწოვა: დიკლოფენაკ ნატრიუმის პარენტერული შეყვანისას მაქსიმალური კონცენტრაცია (C_max) სისხლის პლაზმაში აღწევს 10-20 წთ-ში.
განაწილება: დიკლოფენაკ ნატრიუმის კავშირი პლაზმის ცილებთან შეადგენს 99.7%-ს (ძირითადად ალბუმინებთან). იგი აღწევს სინოვიურ სითხეში, სადაც მისი მაქსიმალური კონცენტრაცია აღინიშნება 2-4 სთ-ით უფრო გვიან, ვიდრე სისხლის პლაზმაში.
მეტაბოლიზმი: პრეპარატის აქტიური ნივთიერების 50% ღვიძლში განიცდის პირველად მეტაბოლიზმს.
ელიმინაცია: მიღებული დოზის დაახლოებით 60% გამოიყოფა მეტაბოლიტების სახით თირკმლების საშუალებით, 1%-ზე ნაკლები უცვლელი სახით ექსკრეტირდება შარდთან ერთად, ხოლო დანარჩენი – ღვიძლის მიერ მეტაბოლიტების სახით.
აქტიური ნივთიერების სისტემური კლირენსი შეადგენს დაახლოებით 263 მლ/წთ-ში.
პლაზმიდან პრეპარატის T_1/2 შეადგენს 1-2 სთ-ს, სინოვიური სითხიდან – 3-6 სთ-ს. პრეპარატი არ ხასიათდება კუმულაციის თვისებით.

ჩვენება:
• მწვავე ან ქრონიკული რევმატოიდული ართრიტი, ოსტეოართრიტი,
მაანკილოზებელი სპონდილიტი, პოდაგრა;
• ტკივილით, ანთებითი პროცესით და შეშუპებით მიმდინარე პოსტტრავმული და
პოსტოპერაციული პერიოდი;
• საყრდენ-მამოძრავებელი აპარატის დეგენერაციული და ქრონიკული ანთებითი
დაავადებები (ოსტეოქონდროზი, ოსტეოართროზი, პერიართროპათიები);
• რბილი ქსოვილების და საყრდენ-მამოძრავებელი სისტემის (დაჭიმულობა,
დაჟეჟილობა) ტრავმის შემდგომი ანთებები;
• ტკივილი ხერხემლის არეში, ნევრალგია, მიალგია, ართრალგიები;
• ტკივილით მიმდინარე გინეკოლოგიური დაავადებები;
• შაკიკით გამოწვეული ტკივილი;
• ნაღვლის ბუშტის და/ან თირკმლის კოლიკა;
• LOღ – ორგანოების ინფექციურ-ანთებითი დაავადებები.

მიღების წესი და დოზირება:
დიკლოფეროლი N-გეო ინიშნება ინტრამუსკულურად ან ინტრავენურად.
მკურნალობის კურსი შეადგენს 2-5 დღეს.
მწვავე ტკივილის დროს ინტრამუსკულური ინექციის დღიური დოზა შეადგენს 75 მგ-ს. საჭიროებისას (ნაღვლის ბუშტის ან თირკმლის კოლიკა) დღიური დოზა შეიძლება გაიზარდოს 150 მგ-მდე (1 ამპულა 2-ჯერ დღეში).
ინტრავენურად პრეპარატი შეჰყავთ წვეთოვნად, ინფუზიის სახით.
1 ამპულა (75 მგ) იხსნება 100-500 მლ NaCl – ის 0.9 %-იან ან დექსტროზის 5% -იან ხსნარში.
ინფუზიისთვის მომზადებული ხსნარი უნდა იყოს გამჭვირვალე.
პოსტოპერაციული ტკივილის სინდრომის მკურნალობის დროს ინტრავენურად შეჰყავთ 75 მგ 30-120 წთ-ის განმავლობაში. საჭიროებისას პრეპარატი შეჰყავთ განმეორებით, რამოდენიმე საათის შემდეგ.
დიკლოფეროლი N- გეოს მაქსიმალური დღიური დოზა შეადგენს 150 მგ-ს.
პოსტოპერაციული ძლიერი ტკივილის კუპირებისათვის პრეპარატი შეჰყავთ დარტყმითი დოზით – 25-50 მგ 15-60 წთ-ის განმავლობაში. შემდეგ ინფუზია გრძელდება სიჩქარით 5 მგ/სთ, მაქსიმალური დღიური დოზის (150 მგ) მიღწევამდე.

გვერდითი მოვლენები:
საჭმლის მომნელებელი სისტემის მხრივ: გულისრევა, ღებინება, ანორექსია, ტკივილი ეპიგასტრიუმის მიდამოში, დისპეფსია, მეტეორიზმი, ყაბზობა, დიარეა, იშვიათად _ კუჭ-ნაწლავის ტრაქტის ეროზიული დაზიანება, სისხლდენები კუჭ-ნაწლავის ტრაქტიდან და პერფორაცია, სტომატიტი, გლოსიტი;
ცენტრალური და პერიფერიული ნერვული სისტემის მხრივ: თავბრუ, თავის ტკივილი, აგზნებადობა, ძილის დარღვევა, იშვიათად – პარესთეზიები, მხედველობის დარღვევა, კრუნჩხვები, ტრემორი;
სმენის ორგანოების მხრივ: ვერტიგო, შუილი ყურებში, სმენის დარღვევა;
გულ-სისხლძარღვთა სისტემის მხრივ: ტკივილი მკერდში, არტერიული ჰიპერტენზია, არტერიული ჰიპოტენზია, ვასკულიტი;
სუნთქვის ორგანოების მხრივ: ასთმა (დისპნოეს ჩათვლით), ბრონქოსპაზმი, პნევმონიტი;
შარდ-გამომყოფი სისტემის მხრივ: იშვიათად _ პროტეინურია, ჰემატურია, ნეფროზული სინდრომი;
ღვიძლის მხრივ: იშვიათად _ ჰეპატიტი, სიყვითლე, ტრანსამინაზების დონის მომატება, ჰეპატონეკროზი, ღვიძლის უკმარისობა;
სისხლის სურათის მხრივ: იშვიათად _ თრომბოციტოპენია, ლეიკოპენია, აგრანულოციტოზი, ანემია (ჰემოლიზური და აპლასტიური ანემიის ჩათვლით);
ადგილობრივი რეაქციები: კუნთში ინექციის დროს – ადგილობრივად წვის შეგრძნება, ტკივილი, სიმაგრე, შეშუპება;
სხვა: იშვიათად _ ბრონქული ასთმა, ალერგიული რეაქციები, ანაფილაქტოიდურის ჩათვლით.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ; კუჭისა და 12-გოჯა ნაწლავის წყლულოვანი დაავადებები; ერითროპოეზის პროცესის დარღვევა; გულის, ღვიძლისა და თირკმლის უკმარისობა; მძიმე არტერიული ჰიპერტენზია; პორფირია (ანამნეზში); ბრონქული ასთმის შეტევები, ჭინჭრის ციება ან მწვავე რინიტი, რომლებიც გამოწვეულია აცეტილსალიცილმჟავისა ან სხვა ანთების საწინააღმდეგო არასტეროიდული საშუალებების მიღებით; 16 წლამდე ასაკი.

ურთიერთქმედება სამკურნალო საშუალებებთან და სხვა სახის ურთიერთქმედება:
დიკლოფეროლი N- გეოს დიგოქსინთან და ლითიუმის პრეპარატებთან ერთდროული გამოყენებისას აღინიშნება სისხლის პლაზმაში მათი კონცენტრაციის მომატება.
დიურეზულ საშუალებებთან ერთდროული გამოყენებისას იზრდება არასტეროიდული ანთების საწინააღმდეგო საშუალებების ნეფროტოქსიკურობის რისკი. Pპრეპარატის ერთდროული გამოყენება კალიუმის შემანარჩუნებელ დიურეზულ საშუალებებთან იწვევს სისხლის შრატში კალიუმის დონის მატებას.
მეტოტრექსატთან ერთდროული გამოყენებისას იზრდება ამ უკანასკნელის ტოქსიკურობა, მისი ორგანიზმიდან გამოყოფის შემცირების გამო.
სალიცილატებთან ერთად გამოყენებისას მათი ეფექტურობა მცირდება.
ციკლოსპორინთან დიკლოფეროლი N-გეოს ერთდროული გამოყენებისას შესაძლებელია ციკლოსპორინის ნეფროტოქსიკურობის რისკის გაზრდა.
ანტიკოაგულანტებთან ერთდროული გამოყენებისას აუცილებელია სისხლის შედედების რეგულარული კონტროლი.

ჭარბი დოზირება:
სიმპტომები: ჰიპოტენზია, თავის ტკივილი, გულისრევა, ღებინება, თირკმლის უკმარისობა, კრუნჩხვები, სუნთქვის დათრგუნვა, კუჭისა და 12-გოჯა ნაწლავის ლორწოვანი გარსის გაღიზიანება.
მკურნალობა: საჭიროა შემანარჩუნებელი და სიმპტომური თერაპიის ჩატარება.
სპეციფიკური ანტიდოტი არ არსებობს.

ორსულობა და ლაქტაცია:
დიკლოფეროლი N-გეოს გამოყენება ორსულობისა (განსაკუთრებით ორსულობის III ტრიმესტრი) და ლაქტაციის პერიოდში არ არის რეკომენდებული.

განსაკუთრებული მითითებები:
დიკლოფეროლი N-გეო სიფრთხილით ინიშნება ღვიძლის და თირკმლის ფუნქციის დარღვევით გამოწვეული დაავადებების, ანამნეზში – კუჭ-ნაწლავის ტრაქტის დაავადებების, დისპეფსიური მოვლენების, ბრონქული ასთმის, არტერიული ჰიპერტონიის, გულის უკმარისობის დროს, აგრეთვე ხანდაზმულ პაციენტებში. პრეპარატის მიღების პერიოდში არ არის რეკომენდებული ალკოჰოლის მიღება, ვინაიდან მატულობს გასტრო-ინტესტინალური გართულებების, მათ შორის წყლულის ჩამოყალიბების რისკი.
დაუშვებელია ორი არასტეროიდული ანთების საწინააღმდეგო საშუალების ერთდროული მიღება.
სიფრთხილეა საჭირო ოპერაციული ჩარევის საჭიროების შემთხვევაში, ვინაიდან დიდია სისხლდენის განვითარების რისკი.
პრეპარატის ზემოქმედება ავტოტრანსპორტისა და მექანიზმების მართვის უნარზე:
შესაძლებელია რეაქციის შენელება, რის გამოც სასურველია ავტოტრანსპორტისა და სხვა მექანიზმების მართვისაგან თავის არიდება.

შეფუთვა:
3 მლ საინექციო ხსნარი უფერო, გამჭვირვალე მინის ამპულაში, 5 ამპულა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას. დაუშვებელია საინექციო ხსნარის გაყინვა.

ვარგისობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

აფთიაქიდან გაცემის პირობა:
ფარმაცევტული პროდუქტის ჯგუფი III – გაიცემა რეცეპტის გარეშე.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.

www.aversi.ge

ქვეყანა: თურქეთი

მწარმოებელი: მერკეზ ლაბორატორი ფარმაც

გაცემის ფორმა: III ჯგუფი ურეცეპტო

დიკლოფეროლი – ავერსი N
(DIKLOFEROL N)

ზოგადი დახასიათება:
არაპატენტირებული საერთაშორისო დასახელება: დიკლოფენაკი;

ძირითადი ფიზიკურ-ქიმიური თვისებები:
გამჭვირვალე უფერო ან მოყვითალო ფერის ხსნარი.

შემადგენლობა:   
საინექციო ხსნარის 1 მლ შეიცავს:
ნატრიუმის დიკლოფენაკს – 25 მგ;
დამხმარე ნივთიერებები: მანიტოლი, ნატრიუმის მეტაბისულფიტი, პროპილენ- გლიკოლი, ბენზილის სპირტი, ნატრიუმის ჰიდროქსიდი, საინექციო წყალი.                                

გამოშვების ფორმა:
საინექციო ხსნარი 25 მგ/მლ.

ფარმაკოლოგიური ჯგუფი:
ანთების საწინააღმდეგო არასტეროიდული საშუალება. M01AB05.

ფარმაკოლოგიური თვისებები:
ნატრიუმის დიკლოფენაკი ხასიათდება მკვეთრად გამოხატული ტკივილგამაყუჩებელი, ანთების საწინააღმდეგო და სიცხის დამწევი მოქმედებით.
პრეპარატის მოქმედების მექანიზმი განპირობებულია არაქიდონის მჟავას ციკლის მთავარი ფერმენტის ციკლოოქსიგენაზას ინჰიბირებით და პროსტაგლანდინების სინთეზის დათრგუნვით, რომლებიც ძირითად როლს თამაშობენ ორგანიზმში ანთებითი პროცესების განვითარებაში. პრეპარატი ამცირებს ტკივილის შეგრძნებას, ჰიპოთალამუსში აქვეითებს თერმორეგულაციის ცენტრის მგრძნობელობას პიროგენების მოქმედების მიმართ, რომლებიც წარმოიქმნებიან ორგანიზმის მიერ ინფექციური აგენტებისა და ტოქსინების საპასუხოდ. ამის შედეგად მატულობს კანის სისხლმომარაგება, ოფლის გამოყოფა და სითბოს გაცემა.
დიკლოფენაკი ამცირებს ძლიერ და ზომიერად გამოხატულ ტკივილს. ტრავმისა და ოპერაციის შემდგომ პერიოდში იგი სწრაფად ამცირებს ტკივილს (როგორც სპონტანურს, ასევე მოძრაობით გამოწვეულს), ანთების და ჭრილობების შედეგად განვითარებულ შეშუპებას, ეფექტურად ხსნის შაკიკის შეტევითა და პირველადი დისმენორეით გამოწვეულ ტკივილს.

ფარმაკოკინეტიკა:
შეწოვა: ნატრიუმის დიკლოფენაკის პარენტერული შეყვანისას Cmax სისხლის პლაზმაში აღწევს 10-20 წთ-ში.
განაწილება: ნატრიუმის დიკლოფენაკის კავშირი პლაზმის ცილებთან შეადგენს 99.7%-ს (ძირითადად ალბუმინებთან). იგი აღწევს სინოვიალურ სითხეში, სადაც მისი მაქსიმალური კონცენტრაცია აღინიშნება 2-4 სთ-ით უფრო გვიან, ვიდრე სისხლის პლაზმაში. 
მეტაბოლიზმი: პრეპარატის აქტიური ნივთიერების 50% ღვიძლში განიცდის პირველად მეტაბოლიზმს.
ელიმინაცია: მიღებული დოზის დაახლოებით 60% გამოიყოფა მეტაბოლიტების სახით თირკმელების საშუალებით, 1%-ზე ნაკლები უცვლელი სახით ექსკრეტირდება შარდთან ერთად, ხოლო დანარჩენი – ღვიძლის მიერ მეტაბოლიტების სახით.
პრეპარატი არ ხასიათდება კუმულაციის თვისებით.
აქტიური ნივთიერების  სისტემური კლირენსი შეადგენს დაახლოებით 263 მლ/წთ-ში. პლაზმიდან პრეპარატის Т1/2   შეადგენს 1-2 სთ-ს, სინოვიალური
სითხიდან _ 3-6 სთ-ს.

ჩვენება:
•  მწვავე ან ქრონიკული რევმატოიდული ართრიტი, ოსტეოართრიტი,
   მაანკილოზებელი სპონდილიტი, პოდაგრა;
•  ტკივილით, ანთებითი პროცესით და შეშუპებით  მიმდინარე პოსტტრავმული და
   პოსტოპერაციული პერიოდი;
•  საყრდენ-მამოძრავებელი აპარატის დეგენერაციული და ქრონიკული ანთებითი
   დაავადებები  (ოსტეოქონდროზი, ოსტეოართროზი, პერიართროპათიები);
•  რბილი ქსოვილების და საყრდენ-მამოძრავებელი სისტემის
   (დაჭიმულობა, დაჟეჟილობა) ტრავმის შემდგომი ანთებები; 
•  ტკივილი ხერხემლის არეში, ნევრალგიები, მიალგიები, ართრალგიები;     
•  ტკივილით მიმდინარე გინეკოლოგიური დაავადებები.
•  შაკიკით გამოწვეული ტკივილი;
•  ნაღვლის ბუშტის და/ან თირკმლის კოლიკა; 
•  LOR  –  ორგანოების ინფექციურ-ანთებითი დაავადებები.

მიღების წესი და დოზირება:
დიკლოფეროლი N ინიშნება ინტრამუსკულარულად ან ინტრავენურად.
მკურნალობის კურსი შეადგენს 2-5 დღეს.
მწვავე ტკივილის დროს ინტრამუსკულარული ინექციის დღიური დოზა შეადგენს
75 მგ-ს. საჭიროებისას (ნაღვლის ბუშტის ან თირკმლის კოლიკა) დღიური დოზა შეიძლება გაიზარდოს 150 მგ-მდე (1 ამპულა 2-ჯერ დღეში).
ინტრავენურად პრეპარატი შეყავთ წვეთოვნად, ინფუზიის სახით.
1 ამპულა (75 მგ) იხსნება 100-500 მლ Nacl – ის 0.9%-იან ან დექსტროზის
5%-იან ხსნარში.
ინფუზიისათვის მომზადებული ხსნარი უნდა იყოს გამჭვირვალე.
პოსტოპერაციული ტკივილის სინდრომის მკურნალობის დროს ინტრავენურად შეყავთ 75 მგ 30-120 წთ-ის განმავლობაში. საჭიროებისას პრეპარატი შეყავთ განმეორებით, რამოდენიმე სთ-ის შემდეგ.
დიკლოფეროლი N-ის მაქსიმალური დღიური დოზა შეადგენს 150 მგ-ს.
პოსტოპერაციული ძლიერი ტკივილის კუპირებისათვის პრეპარატი შეყავთ დარტყმითი დოზით _ 25-50 მგ 15-60 წთ-ის განმავლობაში. შემდეგ ინფუზია გრძელდება სიჩქარით 5 მგ/სთ, მაქსიმალური დღიური დოზის (150 მგ) მიღწევამდე.
 
გვერდითი მოვლენები:
საჭმლის მომნელებელი სისტემის მხრივ: გულისრევა, ღებინება, ანორექსია,  ტკივილი ეპიგასტრიუმის მიდამოში, დისპეფსია, მეტეორიზმი, ყაბზობა, დიარეა, იშვიათად _ კუჭ-ნაწლავის ტრაქტის ეროზიული დაზიანება, სისხლდენა კუჭ-ნაწლავის ტრაქტიდან და პერფორაცია, სტომატიტი, გლოსიტი.
ცენტრალური და პერიფერიული ნერვული სისტემის მხრივ: თავბრუსხვევა, თავის ტკივილი, აგზნებადობა, ძილის დარღვევა, იშვიათად _ პარესთეზიები, მხედველობის დარღვევა, კრუნჩხვები, ტრემორი.
შარდ-გამომყოფი სისტემის მხრივ: იშვიათად _ პროტეინურია, ჰემატურია, ნეფროზული სინდრომი.
ღვიძლის მხრივ: იშვიათად ჰეპატიტი სიყვითლით ან მის გარეშე.
სისხლის სურათის მხრივ: იშვიათად _ თრომბოციტოპენია, ლეიკოპენია, აგრანულოციტოზი, ჰემოლიზური ანემია.
ალერგიული რეაქციები: იშიათად _ გამონაყარი კანზე, ქავილი.
ადგილობრივი რეაქციები: კუნთში ინექციის დროს _ ადგილობრივად წვის შეგრძნება.
სხვადასხვა: იშვიათია ასთმა, ალერგიული რეაქციები, ანაფილაქტოიდურის ჩათვლით.

უკუჩვენება:
მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ; კუჭისა და 12-გოჯა ნაწლავის წყლულოვანი დაავადებები; ერითროპოეზის პროცესის დარღვევა; გულის, ღვიძლისა და თირკმლის უკმარისობა; მძიმე არტერიული ჰიპერტენზია; პორფირია (ანამნეზში); ბრონქული ასთმის შეტევები, ჭინჭრის ციება ან მწვავე რინიტი, რომლებიც გამოწვეულია აცეტილსალიცილმჟავას ან სხვა ანთების საწინააღმდეგო არასტეროიდული საშუალებების მიღებით; 16 წლამდე ასაკი.

ურთიერთქმედება სხვა სამკურნალო საშუალებებთან:
დიკლოფეროლი N-ის დიგოქსინთან და ლითიუმის პრეპარატებთან ერთდროული გამოყენებისას აღინიშნება სისხლის პლაზმაში მათი კონცენტრაციის მომატება. 
დიურეზულ საშუალებებთან ერთდროული გამოყენებისას იზრდება არასტეროიდული ანთების საწინააღმდეგო საშუალებების ნეფროტოქსიკურობის რისკი. დიკლოფეროლი N-ისა და კალიუმის შემანარჩუნებელი დიურეზული საშუალებების ერთდროული გამოყენება იწვევს სისხლის შრატში კალიუმის დონის მატებას.
მეტოტრექსატთან ერთდროული გამოყენებისას იზრდება ამ უკანასკნელის ტოქსიკურობა, მისი ორგანიზმიდან გამოყოფის შემცირების გამო.
სალიცილატებთან ერთად გამოყენებისას მათი ეფექტურობა მცირდება.
დიკლოფეროლი N-ის ციკლოსპორინთან ერთდროული გამოყენებისას შესაძლებელია  ციკლოსპორინის  ნეფროტოქსიკურობის რისკის გაზრდა.

ჰიპერდოზირება:
სიმპტომები: არტერიული წნევის დაქვეითება, თავის ტკივილი, თირკმლის უკმარისობა, კრუნჩხვები, სუნთქვის დათრგუნვა, კუჭისა და 12-გოჯა ნაწლავის ლორწოვანი გარსის გაღიზიანება.
მკურნალობა: საჭიროა შემანარჩუნებელი და სიმპტომური თერაპიის ჩატარება.
სპეციფიკური ანტიდოტი არ არსებობს.
 
ორსულობა და ლაქტაცია:
დიკლოფეროლი N-ის გამოყენება ორსულობისა (განსაკუთრებით ორსულობის III ტრიმესტრი) და ლაქტაციის პერიოდში არ არის რეკომენდებული.

გამოყენების თავისებურებები:
დიკლოფეროლი N  სიფრთხილით ინიშნება ღვიძლის და თირკმლის ფუნქციის დარღვევით გამოწვეული დაავადებების, ანამნეზში _ კუჭ-ნაწლავის ტრაქტის დაავადებების, დისპეფსიური მოვლენების, ბრონქული ასთმის, არტერიული ჰიპერტონიის, გულის უკმარისობის დროს, აგრეთვე ხანდაზმულ პაციენტებში.
პრეპარატის მიღების პერიოდში არ არის რეკომენდებული ალკოჰოლის მიღება, ვინაიდან მატულობს გასტროინტესტინალური გართულებების, მათ შორის  წყლულის ჩამოყალიბების რისკი.
დაუშვებელია ორი არასტეროიდული ანთების საწინააღმდეგო საშუალების ერთდროული მიღება.
სიფრთხილეა საჭირო ოპერაციული ჩარევის საჭიროების შემთხვევაში, ვინაიდან დიდია სისხლდენის განვითარების რისკი.

შეფუთვა:
3 მლ საინექციო ხსნარი უფერო მინის ამპულაში, 5 ამპულა მუყაოს კოლოფში.

შენახვის პირობები:
ინახება 5 _ 25ºC ტემპერატურაზე, მშრალ, სინათლისა და ბავშვებისაგან დაცულ ადგილას. დაუშვებელია საინექციო ხსნარის გაყინვა.   

ვარგისიანობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა ურეცეპტოდ.

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.

ქვეყანა: საქართველო

მწარმოებელი: ნეოფარმი პლუსი

გაცემის ფორმა: III ჯგუფი ურეცეპტო

ბრენდის სახელწოდება:  ს ი მ ა რ ი                                                                                                                                                            

კლინიკო-ფარმაკოლოგიური ჯგუფი:  ჰეპატოპროტექტორები                                                                 

ჯენერიული ფორმა: -სილიმარინი,L ორნითინი,L ასპარტატი მულტივიტამინებით და ამინომჟავებით.                                          

შემადგენლობა: სილიმარინი 140 მგ; L ორნითინი   Lასპარტატი  250 მგ; BI 10მგ; B2-10მგ; B3-50მგ; B6-3მგ; ლიზინი-25 მგ

უზრუნველყოფს ღვიძლის დაცვას:

-იცავს ღვიძლს თავისუფალი რადიკალების მავნე ზემოქმედებისაგან  და ანთებისაგან

-აღადგენს დაზიანებული ღვიძლის უჯრედებს

-პაციენტს იცავს ღვიძლის ციროზის განვითარებისაგან

-აუმჯობესებს პაციენტის მდგომარეობას ვირუსული ჰეპატიტის დროს

ჩვენებები:

• ჰეპატიტები
• ღვიძლის გაცხიმოვნება
• ღვიძლის ციროზი
• ალკოჰოლური ღვიძლი
• სიყვითლე
• ენცეფალოპათიები
• ნარკოტიული საშუალებების მოხმარებით გამოწვეული ღვიძლის დაავადებები

მითითება:

სიმარი გამოიყენება ღვიძლის სხვადასხვა დაავადებების სამკურნალოდ,მათ შორის:

-ქრონიკული ვირუსული ჰეპატიტები,მათ შორის ქვე მწვავე ,ქრონიკული და აქტიური ვირუსული ჰეპატიტის დროს

-რეაბილიტაციის შემდგომ პერიოდში მწვავე და ვირუსული ფორმების დროს

-ღვიძლის დაზიანების დროს ,გამოწვეული ლიპიდური მეტაბოლიზმის დარღვევით,სტეატოზით,ღვიძლის გაცხიმოვნებით

-სხვადასხვა ეტიოლოგიის ციროზების დროს

-პრეპარატი გამოიყენება პაციენტებში ლიპიდურ-ქოლესტერინის მეტაბოლიზმის დარღვევის დროს

-სამკურნალოდ,ჰეპატოტოქსიურობის დროს

-ჰალოგენის შემცველი ნახშირწყალბადებით და მძიმე მეტალებით მოწამვლის დროს

-ინიშნება როგორც კომბინაციაში ასევე მონოთერაპიაში ღვიძლის სხვადასხვა ტოქსიური დაზიანების   დროს,მათ შორის :

-ორგანული გამხსნელებით მოწამვლა

-ღციძლის ალკოჰოლური დაზიანების დროს,მათ შორის ქრონიკული ალკოჰოლიზმი და ეთილის სპირტით მწვავე მოწამვლის დროს.

უკუჩვენება:

-პრეპარატის შემადგენელი კომპონენტების მიმართ მომატებული მგრძნობელობა

-პირველადი ბილიარული ციროზი და სიყვითლე

-ნეფროლითიაზი

-ჰიპერვიტამინოზი

სიფრთხილით ინიშნება პაციენტებში ვისაც აქვს მიდრეკილება თრომბოზისადმი და კუჭისა და 12 გოჯას წყლულოვანი დაზიანების დროს

გვერდითი მოვლენები:

პრეპარატი ზოგადად კარგად გადაიტანება,მაგრამ იშვიათ შემთხვევებსი გვხვდება დოზის ინდივიდუალური აუტანლობა

გასტროინტესტინალური ტრაქტის მხრივ :გულისრევა,დისკომფორტის შეგრძნება ,დიარეა

ცენტრალური და პერიფერიული ნერვული სისტემის მხრის :

თავბრუხვევა,კოორდინაციის დარღვევა,პერიფერიული ნეიროპათია

კარდიოვასკულარული სისტემის მხრივ:

კიდურების შეშუპება,გლიკოგენის უტილიზაცია,შრატის ლიპიდების შემცირება,ქსოვილოვანი ცხიმოვანი მჟავების შემცირება

ალერგიული რეაქციები:კანის სიწითლე,ქავილი ,გამონაყარი

დოზირება  და მიღების წესი:

დოზირება  და მკურნალობის ხანგრძლივობა ინდივიდუალურია თვითოეული პაციენტისთვის,დაავადების ბუნებისა და პაციენტის მდგომარეობის გათვალისწინებით.

ჩვეულებრივ მოზრდილებში ინიშნება 1 ან 2 კაპსულა,2 ჯერ დღეში.

მოზრდილებში ციროზის განსხვავებული ფორმების შემთხვევის დროს ინიშნება  2 კაფსულა 2 ჯერ დღეში

რეკომენდირებულია პრეპარატის მიღება ინსტრუქციის გაცნობის შემდგომ.

კაფსულის გაყოფა არ არის რეკომენდირებული,კაფსულის მიღების დროს აუცილებელია წყლის საკმაო რაოდენობით მიღება.

მკურნალობის ხანგრძლივობა ჩვეულებრივ შეადგენს 3 თვეს.

სპეციალური შენიშვნები:

ორ­სუ­ლო­ბი­სა და ლაქ­ტა­ცი­ის პე­რი­ოდ­ში ინიშნება მხოლოდ მკაცრი ჩვენებით, სარგებელი/რისკის სათანადო შეფასების შემდეგ.

ჭარბი დოზირება:

პაციენტებს უვითარდებათ:ღებინება,გულისრევა,თავის ტკივილი,თავბრუხვევა,კუნთების ტკივილი.

დამატებით შეიძლება განვითარდეს დიარეა,მუცლის ტკივილი,ალერგიული რეაქციები.

პრე­პა­რა­ტის დი­დი რა­ო­დე­ნო­ბით მი­ღე­ბი­ს შემთხვევაში სა­ჭი­როა ღე­ბი­ნე­ბის გა­მოწ­ვე­ვა, კუ­ჭის ამო­რეც­ხვა, აქ­ტი­ვი­რე­ბუ­ლი ნახ­ში­რის და­ნიშ­ვნა, სიმ­პტო­მუ­რი თე­რა­პი­ა.ჰემოდიალიზი არაეფექტურია.

გამოშვების ფორმა: 10 კაფსულა 3 ბლისტერ შეფუთვით,მყარ ყუთში.

შენახვის პირობები:  ინახება გრილ და მშრალ ადგილას 30 გრადუს ცელსიუსზე დაბალ ტემპერატურაზე,შეინახეთ ბავშვებისთვის მიუწვდომელ ადგილას.

შენახვის ვადა:  გამოშვებიდან 3 წლის მანძილზე, არ გამოიყენოთ ვადაგასული.

ტექნიკური შეთანხმება:

Millennium Pharmacy, Brixston Road 68,London,

SW9 6BH,Great Britain,

წარმოებულია Scottish Pharma,Mumbai India;

Lactonova Nutripharm Pvt Ltd,

81-3,IDA Mallapur,Hyderabad,

Telangana 500076,India

მარკეტინგული მხარდაჭერა 3D Ltd ,Georgia

დიკლოფეროლი

ზოგადი დახასიათება:

არაპატენტირებული საერთაშორისო დასახელება: დიკლოფენაკი;

ძირითადი ფიზიკურ-ქიმიური თვისებები:
მოწითალო-ყავისფერი, მრგვალი ფორმის შემოგარსული ტაბლეტები, ორმხრივამოზნექილი ზედაპირით, ცალ მხარეს ამოტვიფრულია წარწერა – K50.

შემადგენლობა:   
1 ტაბლეტი შეიცავს:
კალიუმის დიკლოფენაკს – 50 მგ;
დამხმარე ნივთიერებები: კალციუმის ფოსფატი ორფუძიანი, მიკროკრისტალური ცელულოზა, სიმინდის სახამებელი, პოვიდონი K30, კოლოიდური სილიციუმის დიოქსიდი, ნატრიუმის სახამებლის გლიკოლატი, მაგნიუმის სტეარატი, მეტაკრილის მჟავას კოპოლიმერი, ტიტანის დიოქსიდი, ტალკი, რკინის ოქსიდი წითელი, პოლიეთილენგლიკოლი 400, პოლიეთილენგლიკოლი 6000.

გამოშვების ფორმა:
შემოგარსული ტაბლეტები 50 მგ.

ფარმაკოლოგიური ჯგუფი:
ანთების საწინააღმდეგო არასტეროიდული საშუალება. M01 AB05.

ფარმაკოლოგიური თვისებები:
კალიუმის დიკლოფენაკი ხასიათდება მკვეთრად გამოხატული ტკივილგამაყუჩებელი, ანთების საწინააღმდეგო და სიცხის დამწევი მოქმედებით.
პრეპარატის მოქმედების მექანიზმი განპირობებულია არაქიდონის მჟავას ციკლის მთავარი ფერმენტის ციკლოოქსიგენაზას ინჰიბირებით და პროსტაგლანდინების სინთეზის დათრგუნვით, რომლებიც ძირითად როლს თამაშობენ ორგანიზმში ანთებითი პროცესების განვითარებაში. პრეპარატი ამცირებს ტკივილის შეგრძნებას, ჰიპოთალამუსში აქვეითებს თერმორეგულაციის ცენტრის მგრძნობელობას პიროგენების მოქმედების მიმართ, რომლებიც წარმოიქმნებიან ორგანიზმის მიერ ინფექციური აგენტებისა და ტოქსინების საპასუხოდ. ამის შედეგად მატულობს კანის სისხლმომარაგება, ოფლის გამოყოფა და სითბოს გაცემა.
კალიუმის დიკლოფენაკი ამცირებს ძლიერ და ზომიერად გამოხატულ ტკივილს. ტრავმისა და ოპერაციის შემდგომ პერიოდში იგი სწრაფად ამცირებს ტკივილს (როგორც სპონტანურს, ასევე მოძრაობით გამოწვეულს), ანთების და ჭრილობების შედეგად განვითარებულ შეშუპებას, ეფექტურად ხსნის შაკიკის შეტევითა და პირველადი დისმენორეით გამოწვეულ ტკივილს.

ფარმაკოკინეტიკა:
შეწოვა: პერორალური მიღების შემდეგ პრეპარატი სწრაფად აბსორბირდება კუჭ-ნაწლავის ტრაქტიდან. მისი მაქსიმალური კონცენტრაცია სისხლის პლაზმაში აღინიშნება 3 სთ-ის განმავლობაში.
განაწილება: კალიუმის დიკლოფენაკის კავშირი პლაზმის ცილებთან შეადგენს 99.7%.
მეტაბოლიზმი: პრეპარატის აქტიური ნივთიერების 50% ღვიძლში განიცდის პირველად მეტაბოლიზმს.
ელიმინაცია: ნახევარგამოყოფის პერიოდი შეადგენს 6 სთ-ს. მიღებული დოზის დაახლოებით 60% გამოიყოფა მეტაბოლიტების სახით თირკმელების საშუალებით, 1%-ზე ნაკლები უცვლელი სახით ექსკრეტირდება შარდთან ერთად, ხოლო დანარჩენი – ღვიძლის მიერ მეტაბოლიტების სახით.

ჩვენება:
მწვავე ან ქრონიკული რევმატოიდული ართრიტი, ოსტეოართრიტი, მაანკილოზებელი სპონდილიტი, პოდაგრა. ტკივილით მიმდინარე პოსტტრავმული და პოსტოპერაციული პერიოდი.
სტომატოლოგიაში პოსტოპერაციული ტკივილი. ტკივილით მიმდინარე გინეკოლოგიური დაავადებები.

მიღების წესი და დოზირება:
რეკომენდებული ერთჯერადი დოზა მოზრდილებისათვის შეადგენს 50 მგ-ს 3-ჯერ დღეში, აუცილებლობის შემთხვევაში შესაძლებელია საწყისი დოზის გაზრდა 100 მგ-მდე. მაქსიმალური სადღეღამისო დოზა მოზრდილებისათვის შეადგენს 200 მგ-ს.
რევმატოიდული ართრიტი: პრეპარატის საწყისი დოზა შეადგენს 150 – 200 მგ-ს დღეში, გაყოფილი 3-4 მიღებაზე. დადებითი ეფექტის შემთხვევაში შემდგომი დოზა მცირდება და შეადგენს 75 – 100 მგ-ს დღეში, გაყოფილი 3 მიღებაზე.
ოსტეოართრიტი: პრეპარატის საწყისი რეკომენდებული დოზა შეადგენს 100 – 150 მგ-ს დღეში, გაყოფილი 2-3 მიღებაზე. დადებითი ეფექტის შემთხვევაში შესაძლებელია დოზის შემცირება მინიმალურ რეკომენდებულ დოზამდე.
მაანკილოზებელი სპონდილიტი: პრეპარატის საწყისი რეკომენდებული დოზა შეადგენს 100 – 125 მგ-ს დღეში, გაყოფილი 4-5 მიღებაზე. დადებითი ეფექტის შემთხვევაში შესაძლებელია დოზის შემცირება მინიმალურ რეკომენდებულ დოზამდე.
პირველადი დისმენორეა: სადღეღამისო დოზის დადგენა ხდება ინდივიდუალურად, ძირითადად მიიღება 50 – 100 მგ დღეში.
პრეპარატის მიღება მაქსიმალურ სადღეღამისო დოზაზე მეტი რაოდენობით არ არის რეკომენდებული.

გვერდითი მოვლენები:
საჭმლის მომნელებელი სისტემის მხრივ: გულისრევა, ღებინება, ტკივილი ეპიგასტრიუმის მიდამოში, დისპეფსია, იშვიათად კუჭ-ნაწლავის ტრაქტის ეროზიული დაზიანება, სისხლდენები კუჭ-ნაწლავის ტრაქტიდან, სტომატიტი, გლოსიტი.
ცენტრალური და პერიფერიული ნერვული სისტემის მხრივ: თავბრუსხვევა, თავის ტკივილი, აგზნება, უძილობა, იშვიათად პარესთეზიები.
კანის მხრივ: იშვიათად გამონაყარი კანზე, ქავილი.
თირკმელების მხრივ: იშვიათად პროტეინურია, ჰემატურია, ნეფროზული სინდრომი.
ღვიძლის მხრივ: იშვიათად ჰეპატიტი სიყვითლით ან მის გარეშე.
სისხლის სურათის მხრივ: იშვიათად თრომბოციტოპენია, ლეიკოპენია, აგრანულოციტოზი, ჰემოლიზური ანემია.
სხვადასხვა: იშვიათია ასთმა, ალერგიული რეაქციები, ანაფილაქტოიდურის ჩათვლით.

უკუჩვენება:
მომატებული მგრძნობელობა პრეპარატის ან მის შემადგენლობაში შემავალი კომპონენტების მიმართ; კუჭისა და 12-გოჯა ნაწლავის წყლულოვანი დაავადებები; ერითროპოეზის პროცესის დარღვევა; გულის, ღვიძლისა და თირკმლის უკმარისობა; მძიმე არტერიული ჰიპერტენზია; პორფირია (ანამნეზში); ბრონქული ასთმის შეტევები, ჭინჭრის ციება ან მწვავე რინიტი, რომლებიც გამოწვეულია აცეტილსალიცილმჟავისა ან სხვა ანთების საწინააღმდეგო არასტეროიდული საშუალებების მიღებით; 14 წლამდე ასაკი.

ურთიერთქმედება სხვა სამკურნალო საშუალებებთან:
დიკლოფეროლის დიგოქსინთან და ლითიუმის პრეპარატებთან ერთდროული გამოყენებისას აღინიშნება სისხლის პლაზმაში მათი კონცენტრაციის მომატება. 
დიურეზულ საშუალებებთან ერთდროული გამოყენებისას იზრდება არასტეროიდული ანთების საწინააღმდეგო საშუალებების ნეფროტოქსიკურობის რისკი. დიკლოფეროლისა და კალიუმის შემანარჩუნებელი დიურეზული საშუალებების ერთდროული გამოყენება იწვევს სისხლის შრატში კალიუმის დონის მატებას.
მეტოტრექსატთან ერთდროული გამოყენებისას იზრდება ამ უკანასკნელის ტოქსიკურობა, მისი ორგანიზმიდან გამოყოფის შემცირების გამო.
სალიცილატებთან ერთად გამოყენებისას მათი ეფექტურობა მცირდება.
ციკლოსპორინთან ერთდროული გამოყენებისას შესაძლებელია ციკლოსპორინის ნეფროტოქსიკურობის რისკის გაზრდა.

ჰიპერდოზირება:
სიმპტომები: მომატებული არტერიული წნევა, თირკმლის უკმარისობა, კრუნჩხვები, სუნთქვის დამბლა, კუჭისა და 12-გოჯა ნაწლავის ლორწოვანი გარსის გაღიზიანება.
მკურნალობა: საჭიროა შემანარჩუნებელი და სიმპტომური თერაპიის ჩატარება.
სპეციფიკური ანტიდოტი არ არსებობს.
 

ორსულობა და ლაქტაცია:
დიკლოფეროლის გამოყენება ორსულობისა და ლაქტაციის პერიოდში არ არის რეკომენდებული.

განსაკუთრებული მითითებები:
პრეპარატის მიღების პერიოდში არ არის რეკომენდებული ალკოჰოლის მიღება, ვინაიდან მატულობს გასტრო-ინტესტინალური გართულებების, მათ შორის  წყლულის ჩამოყალიბების რისკი.
დაუშვებელია ორი არასტეროიდული ანთების საწინააღმდეგო საშუალების ერთდროული მიღება.
სიფრთხილეა საჭირო ოპერაციული ჩარევის საჭიროების შემთხვევაში, ვინაიდან დიდია სისხლდენის განვითარების რისკი.

შეფუთვა:
10 ტაბლეტი კონტურულ შეფუთვაში, 2 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 30ºC ტემპერატურაზე, ბავშვებისაგან დაცულ ადგილას.

ვარგისიანობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა ურეცეპტოდ.

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.

ქვეყანა: საქართველო

მწარმოებელი: იმედი

გაცემის ფორმა: III ჯგუფი ურეცეპტო

სილარსილი
(SILARSIL)

საერთაშორისო არაპატენტირებული დასახელება
სილიმარინი, Silymarin
 
წამლის ფორმა
მყარი ჟელატინის კაფსულები.
აღწერილობა:
სილარსილი70 მგ:
მყარი ჟელატინის კაფსულა მქრქალი მუქი ყვითელი ფერის კორპუსით და სახურავით, რო­მელიც შეიცავს ღია ყავისფერ ფხვნილს.
 
სილარსილი140 მგ:
მყარი ჟელატინის კაფსულა მქრქალი ნარინჯისფერი სახურავით და მქრქალი ცისფერი კორ­პუ­სით, რომელიც შეიცავს ღია ყავისფერ ფხვნილს.
 
შე­მად­გენ­ლო­ბა
სილარსილი70 მგ:
თითოეული კაფსულაშეიცავს:
აქტიური ნივთიერება: სილიმარინი 70 მგ.
დამხმარე ნივთიერებები: ლაქტოზას მონოჰიდრატი, მაგ­ნიუ­მის სტეარატი.
 
სილარსილი140 მგ:
თითოეული კაფსულაშეიცავს:
აქტიური ნივთიერება: სილიმარინი 140 მგ.
დამხმარე ნივთიერებები: ლაქტოზას მონოჰიდრატი, მაგ­ნიუ­მის სტეარატი.
 
პრეპარატის ათქ კოდი A05BA03
 
ფარ­მა­კო­თე­რა­პი­უ­ლი ჯგუ­ფი
ჰეპატოპროტექტული პრეპარატები.
 
ფარმაკოლოგიური თვისებები
სი­ლარ­სი­ლი მცე­ნა­რე­უ­ლი წარ­მო­შო­ბის ჰე­პა­ტოპ­რო­ტექ­ტო­რია, რომ­ლის თვი­სე­ბე­ბი გან­პი­რო­ბე­ბუ­ლია მის შემ­ადგენლობა­ში შე­მა­ვა­ლი სი­ლი­მა­რი­ნით. ეს უკა­ნას­კნე­ლი წარმოადგენს ბაყაყურას ნა­ყო­ფი­დან გა­მო­ყო­ფილ ექ­სტრაქ­ტულ ნივ­თი­ე­რე­ბა­თა ნა­რე­ვს, კერ­ძოდ კი: სი­ლი­ბი­ნი­ნი­ს, სი­ლი­დი­ა­ნი­ნი­ს, სი­ლიკ­რის­ტი­­ნი­ს და ფლა­ვო­ნო­ლის სხვა წარ­მო­ე­ბუ­ლე­ბი­ს.
სი­ლარ­სი­ლი ღვიძ­ლში ურ­თი­ერ­თქმე­დებს თა­ვი­სუ­ფალ რა­დი­კა­ლებ­თან  და მათ ნაკ­ლე­ბად ტოქ­სი­ურ ნა­ერ­თე­ბად აქ­ცევს, რითაც წყვეტს ლი­პი­დე­ბის ზე­ჯან­გუ­რი დაჟან­გვის პრო­ცესს და აჩე­რებს უჯ­რე­დის სტრუქ­ტუ­რე­ბის შემ­დგომ დაშ­ლას, ხელს უშ­ლის ტოქ­სი­ნე­ბის შეღწევას ღვიძ­ლის უჯ­რე­დებ­ში.
პრე­პა­რა­ტის ზე­მოქ­მე­დე­ბით და­ზი­ა­ნე­ბულ ჰე­პა­ტო­ცი­ტებ­ში ხდე­ბა სტრუქ­ტუ­რუ­ლი და ფუნ­ქცი­უ­რი ცი­ლე­ბი­სა და ფოს­ფო­ლი­პი­დე­ბის სინ­თე­ზის სტი­მუ­ლა­ცია (რნმ-პო­ლი­მე­რა­ზა A-ს სპე­ცი­ფი­უ­რი სტი­მუ­ლაციის ხარ­ჯზე), უჯ­რე­დუ­ლი მემ­ბრა­ნე­ბის სტა­ბი­ლი­ზა­ცია, უჯ­რე­დის ფერ­მენ­ტული კომ­პო­ნენ­ტე­ბის (ტრან­სა­მი­ნა­ზე­ბი) და­კარ­გვის თა­ვი­დან აცი­ლე­ბა, ღვიძ­ლის უჯ­რე­დე­ბის რე­გე­ნე­რა­ცი­ის დაჩ­ქა­რე­ბა.
კლი­ნი­კუ­რად ეს ეფექ­ტე­ბი გა­მო­ი­ხა­ტე­ბა ობი­ექ­ტუ­რი და სუ­ბი­ექ­ტუ­რი სიმ­პტო­მე­ბის გა­უმ­ჯო­ბე­სე­ბა­ში, ღვიძ­ლის ფუნ­ქცი­უ­რი მდგო­მა­რე­ო­ბის მაჩ­ვე­ნებ­ლე­ბის (ტრან­სა­მი­ნა­ზე­ბის, გა­მა-გლო­ბუ­ლი­ნის, ბი­ლი­რუ­ბი­ნის დო­ნე) ნორ­მა­ლი­ზა­ცი­ა­ში. ამას მოჰ­ყვე­ბა ზოგადი მდგო­მა­რე­ო­ბის გა­უმ­ჯო­ბე­სე­ბა, საჭ­მლის მო­ნე­ლე­ბას­თან და­კავ­ში­რე­ბუ­ლი ჩი­ვი­ლე­ბის შემ­ცი­რე­ბა, მა­დის გა­უმ­ჯო­ბე­სე­ბა იმ პა­ცი­ენ­ტებში, რომელთაც ღვიძ­ლის და­ა­ვა­დე­ბის გა­მო დარ­ღვე­უ­ლი აქვს საჭ­მლის მო­ნე­ლე­ბა. სილარსილის გამოყენების შედეგად უმჯობესდება მდგომარეობა გადატანილი მწვავე ჰეპატიტის შემდეგ და ქრონიკული ჰეპატიტის დროს (კომპლექსური თერაპიის შემადგენლობაში გამოყენებისას).
ფარმაკოკინეტიკა
სი­ლი­ბი­ნი­ნი (სი­ლი­მა­რი­ნის მთა­ვა­რი კომ­პო­ნენ­ტი) იწო­ვე­ბა კუჭ-ნაწლავის ტრაქ­ტიდან 20-40%-ით. მაქ­სი­მა­ლუ­რი კონ­ცენ­ტრა­ცია სის­ხლის პლაზ­მა­ში მიიღწევა შიგნით მი­ღე­ბი­დან 0.5-1 სა­ათ­ში. Т½ შე­ად­გენს 6 სა­ათს. მი­ღე­ბუ­ლი სი­ლი­ბი­ნი­ნის 80%-ზე მე­ტი გა­მო­იყოფა ნაღ­ველ­თან ერ­თად სულ­ფა­ტუ­რი და გლუკუ­რო­ნი­დუ­ლი კო­ნი­უ­გა­ტე­ბის სა­ხით (ეს უკა­ნას­კნე­ლი, სა­ვა­რა­უ­დოდ, ნაწ­ლავ-ღვიძ­ლის ცირ­კუ­ლა­ცი­ას გა­ნიც­დის) და მიღებული სი­ლი­ბი­ნი­ნის მხო­ლოდ 3-7% გა­მო­ი­ყო­ფაშარ­დთან ერ­თად 24 სა­ა­თის გან­მავ­ლო­ბა­ში.
 
გამოყენების ჩვენებები
–  ღვიძ­ლის და­ზი­ა­ნე­ბა ალ­კო­ჰო­ლიზ­მის დროს;
–  ღვიძ­ლის ქრო­ნი­კუ­ლი ინ­ტოქ­სი­კა­ციები (მათ შო­რის, პრო­ფე­სი­უ­ლი) ჰა­ლო­გე­ნი­რე­ბუ­ლი ნახ­შირ­წყალ­ბა­დე­ბით, მძი­მე ლი­თო­ნე­ბის ნა­ერ­თე­ბით და მათი პრო­ფი­ლაქ­ტი­კა;
–  ღვიძ­ლის წამლისმიერი და­ზი­ა­ნე­ბები (კერ­ძოდ, ზო­გი­ერ­თი ფსი­ქოტ­რო­პუ­ლი სა­შუ­ა­ლე­ბით, ტუ­ბერ­კუ­ლოს­ტა­ტურებით, პე­რო­რა­ლუ­რი კონ­ტრა­ცეპ­ტი­ვე­ბით, პა­რა­ცე­ტა­მო­ლით, ზო­გი­ერ­თი ან­ტი­ბი­ო­ტი­კი­თა და იმუ­ნო­დეპ­რე­სან­ტით, სანარ­კო­ზე სა­შუ­ა­ლე­ბე­ბით) და მათი პრო­ფი­ლაქ­ტი­კა;
– არა­ვი­რუ­სუ­ლი ეტი­ო­ლო­გი­ი­ს ქრო­ნი­კუ­ლი ჰე­პა­ტი­ტი;
– ღვიძ­ლის ცი­რო­ზი (კომ­პლექ­სუ­რი თე­რა­პი­ის კომ­პო­ნენ­ტის სა­ხით);
– ინ­ფექ­ცი­უ­რი და ტოქ­სი­უ­რი ჰე­პა­ტი­ტის შემ­დგო­მი მდგო­მა­რე­ო­ბა;
– ღვიძ­ლის დის­ტრო­ფია და ცხი­მო­ვა­ნი ინ­ფილ­ტრა­ცია;
– შე­მა­ნარ­ჩუ­ნე­ბე­ლი თე­რა­პია ღვიძ­ლის ქრო­ნი­კუ­ლი ან­თე­ბი­თი და­ა­ვა­დე­ბე­ბი­ს და ცი­რო­ზის დროს;
– ლი­პი­დუ­რი ცვლის დარ­ღვე­ვების კო­რექ­ცია.
 
უკუჩვენება
– მომატებული მგრძნობელობა პრეპარატის კომპონენტების მიმართ.
 
გვერდითი ეფექტები
საჭმლის მომნელებელი სისტემის მხრივ: იშვიათად – დისპეფსია, დიარეა.
დერ­მა­ტო­ლო­გი­უ­რი რე­აქ­ციები: ცალ­კე­ულ შემ­თხვე­ვებ­ში – ალერ­გი­უ­ლი რე­აქ­ციებ­ის კანისმიერი გამოვლინებები.
სხვა: ცალ­კე­ულ შემ­თხვე­ვებ­ში – არ­სე­ბუ­ლი ვეს­ტი­ბულუ­რი დარ­ღვე­ვების გამ­წვა­ვე­ბა.
 
გამოყენების წესი და დოზირება
პრეპარატიმიიღება შიგნით ჭამის შემდეგ, დაუღეჭავად, მცირე რა­ო­დე­ნობის წყლის მიყოლებით.
დაავადების სიმძიმის მიხედვით მოზრდილებს ენიშნება 70-140 მგ 3-ჯერ დღე-ღამეში. შესაძლებელია სადღეღამისო დოზის გაზრდა 420 მგ-მდე.
შემანარჩუნებელი თერაპიისთვის 70-140მგ 2-ჯერ დღეში.
სადღეღამისო დოზა ბავშვებისათვის 5 წლის ასაკიდანშეადგენს 5 მგ/კგ წონაზე გაყოფილი 2-3 მიღებად.
მკურნალობის კურსის ხანგრძლივობაა არანაკლებ 3 თვისა.
 
ჭარბი დოზირება
სიმ­პტო­მე­ბი: ჭარ­ბი დო­ზირების შემ­თხვე­ვე­ბი აღ­წე­რი­ლი არ არის. შე­საძ­ლებელია გვერ­დი­თი ეფექ­ტე­ბის გაძ­ლი­ე­რე­ბა.
მკურ­ნა­ლო­ბა: პრე­პა­რა­ტის დი­დი რა­ო­დე­ნო­ბით მი­ღე­ბი­ს შემთხვევაში სა­ჭი­როა ღე­ბი­ნე­ბის გა­მოწ­ვე­ვა, კუ­ჭის ამო­რეც­ხვა, აქ­ტი­ვი­რე­ბუ­ლი ნახ­ში­რის და­ნიშ­ვნა, სიმ­პტო­მუ­რი თე­რა­პი­ა.
 
ურთიერთქმედება სხვა სამკურნალო საშუალებებთან
მონაცემები არ მოიპოვება.
 
ზემოქმედება ავტომობილისა და სხვა მექანიზმების მართვის უნარზე
არ მო­ი­პო­ვე­ბა მო­ნა­ცე­მე­ბი არა­სა­სურ­ველი გავ­ლე­ნის შესახებ ავ­ტო­მო­ბი­ლის მარ­თვი­სა და იმ სა­მუ­შა­ო­ების შეს­რუ­ლე­ბის უნარ­ზე, რო­მლებიც მო­ით­ხოვს ფსი­ქო­მო­ტო­რული რე­აქ­ცი­ების სისწრაფეს.
 
პრეპარატის გამოყენება ორსულობისა და ლაქტაციის პერიოდში
ორ­სუ­ლო­ბი­სა და ლაქ­ტა­ცი­ის პე­რი­ოდ­ში ინიშნება მხოლოდ მკაცრი ჩვენებით, სარგებელი/რისკის სათანადო შეფასების შემდეგ.
 
გამოშვების ფორმა
მყარი ჟელატინის კაფსულა 70 მგ.
10 კაფსულა ბლისტერში. 3 ბლისტერი მუყაოს კოლოფში გამოყენების ინსტრუქციასთან ერთად.
 
მყარი ჟელატინის კაფსულა 140 მგ.
10 კაფსულა ბლისტერში. 3 ბლისტერი მუყაოს კოლოფში გამოყენების ინსტრუქციასთან ერთად.
 
შენახვის პირობები
ინახება მშრალ, ბავშვე­ბი­სათვის მიუწ­ვ­დო­მელ ადგილას, 30º C-მდე ტემ­პე­რა­ტუ­­­რის პირო­ბებ­ში.
 
ვარგისიანობის ვადა
3 წელი წარმოების თარიღიდან.
არ გამოიყენოთ ვარგისიანობის ვა­დის ამოწურვის შემ­დეგ.
 
აფთიაქიდან გაცემის წესი
ფარმაცევტული პროდუქტის ჯგუფი II (გაცემის წესი რეცეპტით).

დიკლარენი / Diclaren

• საერთაშორისო დასახელება (აქტიური ნივთიერება): diclofenac
• კლინიკურ–ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → ფენილძმარჟავას წარმოებულები
• მწარმოებელი კომპანია: ჯი-ემ-პი
• მწარმოებელი ქვეყანა: საქართველო
• გამოშვების ფორმა: 50მგ ტაბლეტი #20
• გაცემის რეჟიმი: III ჯგუფი (ურეცეპტოდ)

შემადგენლობა
პრეპარატის ნაწლავში ხსნადი გარსით დაფარული ერთი ტაბლეტი შეიცავს აქტიური ნივთიერების – დიკლოფენაკის 50 მგ-ს.
დამხმარე ნივთიერებები: მიკროკრისტალური ცელულოზა, პოლივინილპიროლიდონი, ჟელატინიზირებული სახამებელი, LS–ჰიდროქსიმეთილცელულოზა, ტალკი, მაგნიუმის სტეარატი, სილიციუმის დიოქსიდი, შემოსაგარსავი ფხვნილი.
ფარმაკოლოგიური თვისებები
ანთების საწინააღმდეგო არასტეროიდული საშუალება (ასას) ტკივილგამაყუჩებელი, ანთების საწინააღმდეგო და ანტიპირეტული ეფექტებით. 
დიკლოფენაკი აინჰიბირებს ციკლოოქსიგენაზას აქტივობას და შესაბამისად – პროსტაგლანდინების სინთეზს, რომლებიც მნიშვნელოვან როლს ასრულებენ ანთების, ტკივილისა და ცხელების განვითარების მექანიზმში.
პრეპარატი გამოიყენება ყველა ფორმის რევმატული დაავადების დროს, როგორც ანთების საწინააღმდეგო და ტკივილგამაყუჩებელი საშუალება. ამცირებს ტკივილს მოსვენებისა და მოძრაობის დროს, სახსრებში შებოჭვასა და შეშუპებას, აუმჯობესებს სახსრების ფუნქციონალურ მდგომარეობას. 
ოპერაციის შემდგომი ტრავმების დროს დიკლოფენაკი ამცირებს ტკივილს და ანთებით შეშუპებას.
ფარმაკოკინეტიკა
პრეპარატი კარგად შეიწოვება კუჭ-ნაწლავის ტრაქტიდან. გამომდინარე წამლის ფორმიდან, დიკლოფენაკის მაქსიმალური კონცენტრაცია სისხლის პლაზმაში მიიღწევა 1-4 საათში. რადგან დიკლოფენაკი შეიწოვება თორმეტგოჯა და წვრილ ნაწლავებში, საკვების მიღება გავლენას ახდენს მისი შეწოვის სიჩქარეზე, მაგრამ არა აქტიური ნივთიერების რაოდენობაზე. პლაზმის ცილებს უკავშირდება 99%. დიკლოფენაკი აღწევს სინოვიალურ სითხეში და მისი კონცენტრაცია პლაზმის კონცენტრაციის 60-70%-ს შეადგენს. პლაზმიდან ნახევარგამოყოფის პერიოდი 1-2 საათია. თითქმის მთლიანად მეტაბოლიზდება ღვიძლში. დოზის 70% გამოიდევნება არააქტიური მეტაბოლიტების სახით შარდთან ერთად, დანარჩენი ნაღვლის გზით და ფეკალურ მასასთან ერთად.
ჩვენებები
– საყრდენ-მამოძრავებელი სისტემის ანთებითი და დეგენერაციული დაავადებების სიმპტომური მკურნალობა, ანთების საწინააღმდეგო და ანალგეზიური ეფექტით: რევმატოიდული ართრიტი, მაანკილოზებელი სპონდილოართრიტი (ბეხტერევის დაავადება), ფსორიაზული ართრიტი, იუვენილური რევმატოიდული ართრიტი და სხვა ეტიოლოგიის ართრიტები, ასევე 
– ართროზი და სპონდილოართროზი;
– პოდაგრული ართრიტი, ფსევდოპოდაგრული ართრიტი;
– პერიართრიტი, ბურსიტი, მიოზიტი, ტენდინიტი, სინოვიტი;
– საყრდენ-მამოძრავებელი სისტემის სხვა ანთებითი დაავადებები, თანმხლები ტკივილის სინდრომით;
– როგორც ანალგეზიური საშუალება გამოიყენება დაავადებების დროს: ნევრალგია, მიალგია, ლუმბოიშიალგია, ტრავმის შემდგომი ტკივილის სინდრომი, რომელსაც ანთებაც ახლავს, ოპერაციის შემდგომი ტკივილი, თავის ტკივილი, შაკიკი, ალგოდისმენორეა, ადნექსიტი, პროქტიტი, კბილის ტკივილი;
– კომპლექსურ თერაპიაში ყელ-ყურ-ცხვირის ანთებითი დაავადების (ფარინგიტი, ტონზილიტი, ოტიტი) დროს გამოხატული ტკივილის სინდრომი.
მიღების წესები და დოზები
ტაბლეტები უნდა მიიღონ მთლიანად, დაუღეჭავად, სითხის მიყოლებით, ჭამის დროს ან ჭამის დამთავრებისას.
დაავადების სიმძიმიდან გამომდინარე, საწყისი დღიური დოზა შეადგენს 100-150 მგ-ს (1 ტაბლეტი 2-3-ჯერ დღეში).
შემანარჩუნებელი დოზა შეადგენს 50-100 მგ-ს დღეში.
დიკლარენის ტაბლეტის კომბინაციისას დიკლოფენაკის სხვა ფორმის პრეპარატებთან უნდა გაითვალისწინონ, რომ დიკლოფენაკის მაქსიმალური დღიური დოზა შეადგენს 150 მგ-ს.
ბავშვებში 1 წლიდან იუვენილური ართრიტის დროს დიკლოფენაკის სადღეღამისო დოზა შეადგენს 1-3 მგ/კგ სხეულის წონაზე, გაყოფილი 2-3 მიღებაზე. 
ნაწლავში ხსნადი გარსით დაფარული 50 მგ დოზის ტაბლეტების ბავშვებში დანიშვნა არ არის რეკომენდებული.
გვერდითი მოვლენები
დიკლოფენაკმა სხვა სამკურნალო საშუალებების მსგავსად შესაძლოა გამოიწვიოს გვერდითი მოვლენები.
კუჭ-ნაწლავის სისტემის მხრივ: ყველაზე ხშირად ვლინდება – გულისრევა, დიარეა, ყაბზობა, კოლიკა, დისპეფსია, მეტეორიზმი; ხშირად – კუჭ-ნაწლავის სისტემის ზედა ნაწილების სხვადასხვა სახის დაზიანებები, 3-6 თვემდე მკურნალობის შემთხვევაში – შესაძლებელია სისხლდენა, წყლული და პერფორაცია. ერთეულ შემთხვევაში – კუჭ-ნაწლავის სისტემის ქვედა ნაწილების დაზიანებები, არასპეციფიკური ჰემორაგიული კოლიტის, წყლულოვანი კოლიტის, კრონის დაავადების რეციდივის და გამწვავების ჩათვლით. 
ცნს-ის მხრივ: ხშირად – თავის ტკივილი, ვერტიგო; იშვიათად – თავბრუსხვევა, დეპრესია, უძილობა, დაღლილობა, გაღიზიანებადობა, ძილიანობა, მოუსვენრობა.
თირკმელების მხრივ: იშვიათად – თირკმლის უკმარისობა, თირკმლის მწვავე უკმარისობა ან ჰემატურია; ერთეულ შემთხვევაში – ინტერსტიციალური ნეფრიტი, ნეფროზული სინდრომი, პროტეინურია.
ღვიძლის მხრივ: იშვიათად – სიყვითლე, უსიმპტომო ჰეპატიტი, მწვავე ჰეპატიტი, ქრონიკული აქტიური ჰეპატიტი, ჰეპატოცელულარული ნეკროზი, ქოლესტაზი; ერთეულ შემთხვევაში – ფულმინანტური (უეცარი) ჰეპატიტი.
კანისა და ჰიპერმგრძნობელობის რეაქციები: გამონაყარი, ეკზანთემა; იშვიათად – ქავილი, ჭინჭრის ციება; ერთეულ შემთხვევაში – ფოტომგრძნობელობა, ანაფილაქსიური რეაქციები (ბრონქოსპაზმი, ანგიონევროზული შეშუპება, ანაფილაქსიური შოკი).
გულ-სისხლძარღვთა სისტემის მხრივ: შეშუპება, არტერიული ჰიპერტენზია, გულის უკმარისობა, შესაძლებელია თრომბოზის განვითარება.
სისხლმბადი სისტემის მხრივ: ერთეულ შემთხვევაში – ანემია, თრომბოციტოპენია, ლეიკოპენია, აგრანულოციტოზი.
უკუჩვენება
– დიკლოფენაკის ან პრეპარატის სხვა კომპონენტისადმი მომატებული მგრძნობელობა
– სალიცილატებისა და სხვა ასას-ის მიმართ მომატებული მგრძნობელობა, რომელიც ვლინდება ბრონქული ასთმით, ჭინჭრის ციებით ან რინიტით, ტუჩების, სახის, კისრის შეშუპებით, ასევე ხელებისა და ფეხების შეშუპებით, კვინკეს შეშუპებით
– კუჭისა და თორმეტგოჯა ნაწლავის წლულოვანი დაზიანებები
– სისლდენები კუჭ-ნაწლავის სისტემაში
– გულის უკმარისობის მძიმე ფორმა
– 1 წლამდე ბავშვთა ასაკი
ორსულობა და ლაქტაცია
მიუხედავად იმისა, რომ დიკლოფენაკი არ ახდენს ტერატოგენულ გავლენას, ორსულობის პერიოდში მისი დანიშვნა შეიძლება მხოლოდ მაშინ, თუ მოსალოდნელი სარგებელი დედისთვის აჭარბებს ნაყოფზე უარყოფითი გავლენის რისკს.
დიკლოფენაკი არ არის რეკომენდებული დაინიშნოს ორსულობის ბოლო ტრიმესტრში და ლაქტაციის პერიოდში.
განსაკუთრებული მითითებები
უსაფრთხოების ზომები
დიკლარენით მკურნალობის ფონზე, პაციენტები, რომლებსაც ანამნეზში აღენიშნებათ კუჭ-ნაწლავის ტრაქტის დაავადებები, უნდა იმყოფებოდნენ მუდმივი მეთვალყურეობის ქვეშ.
რეკომენდებულია ერთდროულად წყლულის საწინააღმედო პრეპარატების დანიშვნა. პრეპარატი სიფრთხილით ინიშნება წყლულოვანი კოლიტის და კრონის დაავადებების დროს, რადგან მოსალოდნელია მათი გამწვავება.
სიფრთხილით ინიშნება პაციენტებში თირკმლის ან ღვიძლის მძიმე ფორმის უკმარისობით, სისხლის შედედების დარღვევით, ეპილეფსიით, პორფირიით ან პაციენტებში, რომლებიც მკურნალობენ ანტიკოაგულანტებითა და ფიბრინოლიზური საშუალებებით.
დიკლოფენაკის ხანგრძლივად გამოყენებისას, იშვიათად, მაგრამ მაინც შესაძლებელია ჰეპატოტოქსიკური რეაქციების გამოვლინება, ამიტომ აუცილებელია რეგულარულად ღვიძლის ფუნქციების კონტროლი.
ინფექციური დაავადებების დროს, დიკლოფენაკის ანთების საწინააღმდეგო და სიცხის დამწევმა ეფექტმა, შესაძლებელია სიმპტომების შენიღბვა გამოიწვიოს. 
ავტომობილისა და სხვა მექანიკური საშუალებების მართვა ზეგავლენა 
ავტომობილისა და სხვა მექანიკური საშუალებების მართვაზე გავლენა დადგენილი არ არის.
ჭარბი დოზირება
სიმპტომები: გულისრევა, ღებინება, ტკივილი ეპიგასტრიუმში, თავბრუსხვევა, ყურებში შუილი, გაღიზიანებადობა. ასევე შესაძლებელია სისხლნარევი ღებინება, მელენა, ცნობიერების დარღვევა, სუნთქვის დათრგუნვა, კრუნჩხვა და თირკმლის უკმარისობა.
მკურნალობა: კუჭის გამორეცხვა, საჭიროებისას – სიმპტომური თერაპია. სპეციფიკური ანტიდოტი არ არსებობს. ფორსირებული დიურეზი, ჰემოდიალიზი ნაკლებეფექტურია.
სხვა წამლებთან ურთიერთქმედება
დიკლოფენაკის ერთდროულმა გამოყენებამ:
ლითიუმთან ან დიგოქსინთან – შესაძლოა გამოიწვიოს მათი კონცენტრაციის გაზრდა სისხლის პლაზმაში;
ზოგიერთ დიურეტიკთან, ისევე როგორც სხვა არასტეროიდულ ანთების საწინააღმდეგო საშუალებებთან – ამცირებს დიურეზულ ეფექტს;
კალიუმის შემნახველ დიურეტიკებთან – შესაძლოა გამოიწვიოს სისხლში კალიუმის შემცველობის გაზრდა; 
აცეტილსალიცილის მჟავასთნ და სხვა არასტეროიდულ ანთების საწინააღმდეგო საშუალებებთან – ზრდის არასასურველი ეფექტების განვითარების რისკს;
ციკლოსპორინთან – ზრდის ციკლოსპორინის ნეფროტოქსიკურობას;
მეტოტრექსატთან – ზრდის მეტოტრექსატის ტოქსიკურობას;
ანტიჰიპერტენზულ საშუალებებთან – ამცირებს მათ ეფექტურობას.
დიკლოფენაკი როგორც წესი არ ახდენს გავლენას პერორალურად მისაღები ანტიდიაბეტური საშუალებების ეფექტურობაზე.
შენახვის პირობები და ვადები
პრეპარატის ვარგისობის ვადა – 3 წელი. 
ინახება 15-25°C ტემპერატურაზე, მშრალ, სინათლისაგან დაცულ ადგილზე.
ინახება ბავშვებისათვის ხელმიუწვდომელ ადგილზე!
აფთიაქში გაცემის წესი
ფარმაცევტული პროდუქტის ჯგუფი II – გამოიყენება ექიმის დანიშნულებით