სენტორი 

გთხოვთ, პრეპარატის მიღების დაწყამდე ყურადღებით წაიკითხოთ საინფორმაციო ფურცელი.
- შეინახეთ საინფორმაციო ფურცელი, რადგანაც მასში არსებული ინფორმაცია შეიძლება დაგჭირდეთ მომავალში.
- თუ გაგიჩნდათ დამატებითი კითხვები კონსულტაციისთვის, მიმართეთ მკურნალ ექიმს ან პროვიზორს.
- ეს პრეპარატი ექიმმა გამოგიწერათ პირადად თქვენ. არ გადასცეთ იგი სხვას, რადგან ეს შეიძლება საშიში აღმოჩნდეს მათთვის, მაშინაც კი, თუ თქვენ და თქვენს ნაცნობს დაავადების მსგავსი სიმპტომები გაგაჩნიათ. 
- მიმართეთ ექიმს ან პროვიზორს, თუ გვერდითი ეფექტები ძლიერდება ან ვლინდება ისეთები, რომლებიც გვერდით მოვლენებში ჩამოთვლილი არ არის.

რა ტიპის სამკურნალო პრეპარატებს მიეკითვნება სენტორი და რომელი დაავადებებისას გამოიყენება?
რომელი დაავადებებისას ნაჩვენებია სენტორი?
პრეპარატი სენტორი მიეკუთვნება ანტიჰიპერტენზიული საშუალებების ჯგუფს, რომელიც წარმოადგენს ანგიოტენზინ II (ტიპი AT1) რეცეპტორების ანტაგონისტს. 
სენტორის მიღების ჩვენებებია:
- ჰიპერტენზია (სისხლის მაღალი წნევა), როგორც მონოთერაპიის სახით, ასევე სხვა კლასის ანტიჰიპერტენზიულ საშუალებებთან კომბინაციაში.
- გულის უკმარისობა, როდესაც თქვენთვის უკუნაჩვენებია აგფ ინფიბიტორები.
- ჰიპერტენზია მარცხენა პარკუჭის ჰიპერტროფიით (კედლის გასქელება). პრეპარატის გამოყენება ამცირებს ინსულტის რისკს.
- 2 ტიპის შაქრიანი დიაბეტი, პროტეინურიით (შარდში ცილის არსებობა), თირკმლის დაავადების სტაბილიზაცია, პროტეინურიის შემცირება. 

რა უნდა ვიცოდეთ პრეპარატის სენტორი გამოყენების დაწყებამდე.
არ მიიღოთ სენტორი იმ შემთხვევაში, თუ:
_ თუ თქვენ გაქვთ ალერგია (ჰიპერმგრძნობელობა) მოქმედი ნივთიერების კალიუმის ლოზარტანის მიმართ;
- თუ თქვენ გაქვთ ალერგია (ჰიპერმგრძნობელობა) პრეპარატის დამხმარე ნივთიერების მიმართ.
- ხართ ორსულად.
- ხართ ლაქტაციის პერიოდში.

სენტორი ტაბლეტები არ ენიშნებათ 6 წლამდე ასაკის ბავშვებს.
სენტორის მიღება სიფრთხილით საჭიროა შემდეგ შემთხვევებში, 
ამიტომ, ამის შესახებ აცნობეთ ექიმს:
- წინამორბედი დაავადების შესახებ, ღებინებისა და დიარეის თანხლებით,
- ღვიძლის დაავადების,
- თირკმელების დაავადების,
- თირკმლის ტრანსპლანტაციის,
- აორტის ან სხვა სისხლძარღვების შევიწროვების,
- სისხლში კალიუმის მაღალი დონის, ან კალიუმის დაბალი შემცველობის დიეტაზე ყოფნისას. 

სხვა პრეპარატების მიღება სენტორით მკურნალობის დროს
ძირითადად სხვა პრეპარატები, სენტორის მოქმედებაზე გავლენას არ ახდენენ. მიუხედავად ამისა, აცნობეთ ექიმს თუ თქვენ ღებულობთ ან ახლახანს ღებულობდით სხვა პრეპარატებს, ურეცეპტოდ გასაცემი საშუალებების ჩათვლით.

ექიმის ინფორმირება საჭიროა შემდეგ შემთხვევებში:
- კალიუმის დანამატების ან კალიუმის შემცველი მარილების, ან კალიუმის დამზოგველი დიურეზული საშუალებების (მაგ.: სპირონოლაქტონი, ამილორიდი ან ტრიამტერენი) მიღებისას,
- არტერიული წნევის დამწევი ან ამწევი საშუალებების მიღებისას,
- რიფამპიცინის შემცველი, ტუბერკულოზის სამკურნალო პრეპარატების მიღებისას,
- სოკოვანი დაავადებების და რძიანას სამკურნალო, ფლუკონაზოლის შემცველი პრეპარატების მიღებისას,
- ლითიუმის მარილების შემცველი პრეპარატების მიღებისას,
- ინდომეტაცინის ან ანთების საწინააღმდეგო სხვა არასტეროიდული საშუალებების შემცველი პრეპარატების (მაგ.: აცეტილსალიცილის მჟავა დღში 3გ-ზე მეტი დოზით, საყრდენ-მამოძრავებელი სისტემის ანთებითი დაავადებების სამკურნალო ციკლოოგსიგენაზა-2-ის (ცოგ-2) სპეციფიკური ინჰიბიტორების ჩათვლით) მიღებისას.   

პრეპარატის სენტორი მიღება საკვებთან და სასმელებთან ერთად
საკვების მიღება გავლენას არ ახდენს მოქმედი ნივთიერების შეწოვაზე, ამიტომ პრეპარატის მიღება შეიძლება ჭამამდე, ჭამის დროს და ჭამის შემდეგ.

ორსულობა და ლაქტაცია
აცნობეთ ექიმს ან პროვიზორს თუ თქვენ ხართ ორსულად, ლაქტაცის პერიოდში, ან გეგმავთ ორსულობას უახლოეს მომავალში.
არ შეიძლება სენტორის მიღება ორსულობისა და ლაქტაციის პერიოდში. იმ შემთხვევაში თუ თქვენ დაორსულდით თერაპიის კურსის დროს, შეწყვიტეთ პრეპარატის მიღება და მიმართეთ მკურნალ ექიმს. 

 პრეპარატის გავლენა ავტომობილის და სხვა მექანიზმის მართვის უნარზე.
ძირითადად, სენტორი გავლენას არ ახდენს ტრანსპორტის მართვაზე და მომატებული ტრავმატიზმის პირობებში მიმდინარე სამუშაოებზე. თუმცა, სანამ ექიმი დარწმუნდება იმაში, თუ როგორ იტანთ პრეპარატს, თავი შეიკავეთ ისეთი ქმედებისგან, რომელიც მოითხოვს განსაკთრებულ ყურადღებას (ტრანსპორტის მართვა ან მომატებული ტრავმატიზმის პირობებში მიმდინარე სამუშაო). 

პრეპარატის განმოყენება აფრიკული რასის ავადმყოფებში ჰიპერტენზიით და გულის მარცხენა პარკუჭის ჰიპერტროფიით
კვლევებმა, რომლებიც ჩატარდა ავადმყოფებში ჰიპერტენზიით და გულის მარცხენა პარკუჭის ჰიპერტროფიით, დაამტკიცა, რომ სენტორი ამცირებს ინსულტის საშიშროებას. ამ კვლევებში, ლოზარტანის სხვა ანტიჰიპერტენზიულ საშუალებასთან (ათენოლოლთან) ეფექტურობის შედარებისას გამოვლინდა, რომ აფრიკული რასის ავადმყოფებში აღნიშნული დადებითი მოქმედება არ გამოვლინდა.  

მნიშვნელოვანი ინფორმაცია პრეპარატის სენტორი დამხმარე ნივთიერებებზე
ლაქტოზაზე (რძის შაქარი) მგრძნობელობის შემთხვევაში, საჭიროა იმის გათვალისწინება, რომ 50მგ-იანი ტაბლეტი შეიცავს 1,050მგ ლაქტოზას, 100მგ-იანი ტაბლეტი შეიცავს 2,10მგ ლაქტოზას.
პრეპარატის მიღება არ შეიძლება ლაქტაზა საამის (Lაპპ ლაცტასე დეფიციენცყ) იშვიათი მემკვიდრული დეფიციტის და გლუკოზო-გალაქტოზის შეწოვის დარღვევის დროს.

როგორ უნდა მივიღოთ პრეპარატი სენტორი.
სენტორის მიღება საჭიროა ექიმის დანიშნულების მიხედვით.
თუ თქვენ დარწმუნებული არ ხართ პრეპარატის დოზირებაში, დაუკავშირდით ექიმს. 
თუ თერაპიის კურსის დროს თვლით, რომ პრეპარატს აქვს ძალიან ძლიერი ან პირიქით – არასაკმარისად ეფექტური მოქმედება,  არ შეცვალოთ პრეპარატის დოზირება თვითნებურად, ექიმთან კონსულტაციის გარეშე. 
პრეპარატის მიღება რეკომენდებულია დღის ერთი და იგივე დროს.

ჰიპერტენზია (სისხლის მაღალი წნევა)
თუ ექიმმა არ დანიშნა სხვაგვარად, 24 საათის განმავლობაში წნევის დასარეგულირებლად, ჰიპერტენზიის სამკურნალო საყოველთაოდ მიღებული საწყისი დოზაა 50მგ დღეში ერხელ. 
ჰიპერტენზიის (გულის მარცხენა პარკუჭის ჰიპერტროფიით) სამურნალოდ, საყოველთაოდ მიღებული საწყისი დოზაა 50მგ დღე-ღამეში (ერთხელ), ეს დოზა შეიძლება გაიზარდოს 100მგ-მდე (ერთხელ) დღე-ღამეში.  

გულის უკმარისობა 
თუ ექიმმა არ დანიშნა სხვაგვარად, პრეპარატის საყოველთაოდ მიღებული საწყისი დოზაა 12,5მგ დღეში ერხელ. საწყისი დოზირება თანდათან იზრდება, აუცილებელი ეფექტის მიღებამდე. ხანგრძლივი თერაპიისას საყოველთაოდ მიღებული საწყისი დოზა არის 50მგ დღე-ღამეში ერთხელ.

2 ტიპის შაქრიანი დიაბეტი, პროტეინურიით 
თუ ექიმმა სხვაგვარად არ დანიშნა, პაციენტების უმრავლესობაში საყოველთაოდ მიღებული დოზა შეადგენს 50მგ-ს ერხელ დღეში. ეს დოზა შეიძლება გაიზარდოს დღეში 100მგ-მდე. 

გამოყენება ხანდაზმულ ასაკში
მნიშვნელოვნად არ განსხვავდება სენტორის ეფექტურობა და ამტანობა ხანდაზმულ და უფრო ახალგაზრდა პაციენტებში.
ხანდაზმული პაციენტების უმეტესობასთან დოზირების კორექცია საჭირო არ არის.

პრეპარატის გამოყენება ჰიპერტენზიის სამკურნალოდ ბავშვთა ასაკში 6-დან 16 წლამდე 
ბავშვებში, რომელთაც შეუძლიათ ტაბლეტების გადაყლაპვა და რომელთა წონაც მერყეობს 20-50კგ-ს ფარგლებში, საწყისი დოზა შეადგენს 25მგ-ს დღეში ერთხელ, რომელიც აუცილებლობის შემთხვევაში შეიძლება გაიზარდოს 50მგ-მდე.
ბავშვებისთვის, სხეულის მასით 50კგ და მეტი, საწყისი ერთჯერადი დოზაა 50მგ დღეში, რომელიც აუცილობლობის შემთხვევაში შეიძლება გაიზარდოს 100მგ-მდე.
ბავშვებისთვის დოზას საზღვრავს ექიმი, სხეულის მასის და ბავშვის არტერიული წნევის გათვალისწინებით.

როგორ უნდა მოიქცეთ თუ მიიღეთ გამოწერილ დოზაზე მეტი სენტორი?
დაუყოვნებლივ აცნობეთ მკურნალ ექიმს ან მიმართეთ უახლოესი საავადმყოფოს სასწრაფო დახმარების განყოფილებას. ჭარბი დოზირების დროს შესაძლებელია ანტიჰიპერტენზიული ეფექტის გაძლიერება, ამიტომ აუცილებელია არტერიული წნევის მკაცრი კონტროლის დაწესება. დაბალი არტერიული წნევის ნიშნების (თავბრუსხვევა, თავის ტკივილი, გულისრევა) გაჩენისას, აუცილებელია ავადმყოფის ჰორიზონტალურ მდგომარეობაში დაწვენა. შემდგომი ღონისძიებები უნდა ჩატარდეს ექიმის მითითებით.
თუ თქვენ გაგიჩნდათ დამატებითი კითხვები პრეპარატის მიღებასთან დაკავშირებით, გაიარეთ კონსულტაცია ექიმთან ან პროვიზორთან. 

შესაძლო გვერდითი მოვლენები
ისევე, როგორც ნებისმიერ სხვა სამკურნალო პრეპარატს, სენტორსაც შეუძლია გამოიწვიოს გვერდითი მოვლენები, თუმცა ისინი არ ვითარდება ყველა იმ პირში, რომელიც ღებულობს პრეპარატს. პრეპარატის სენტორი გვერდითი ეფექტები მსუბუქი ხასიათისაა და თერაპიის კურსის შეწყვეტას არ საჭიროებენ. 
პრეპარატის სენტორი მოქმედი ნივთიერების, ლოზარტანის გამოყენების დროს გამოვლინდა შემდეგი გვერდითი მოვლენები:
პირველ რიგში, თერაპიის დასაწყისში შეიძლება ადგილი ჰქონდეს: არტერიული წნევის დაცემასთან დაკავშირებით მეხსიერების გაუარესებას, რეაქციების შენელებას, სწრაფ დაღლას, სისუსტეს, თავბრუსხვევას.
ჰიპერტენზიის, გულის მარცხენა პარკუჭის ჰიპერტროფიით მკურნალობის დროს ყველაზე ხშირად გამოვლენილი გვერდითი ეფექტები: სისუსტე, სწრაფი დაღლა, თავბრუსხვევა.
ძალიან ხშირი გვერდითი ეფექტები: (1 შემთხვევაზე მეტი ლოზარტანის მიმღებ 10 პაციენტში): თავის ტკივილი.
ხშირი გვერდითი ეფექტები: (ლოზარტანის მიმღებ 100 პაციენტიდან 1-10 შემთხვევა): თავბრუსხვევა, უძილობა, ტკივილი კუჭის არეში, დიარეა, გულისრევა, საჭმლის მონელების დარღვევა, გულისცემის გახშირება, გულისცემის შეგრძნება, ტკივილი ზურგის არეში, კუნთური კრუნჩხვები, ხველება, ცხვირის გაგუდვა, ყელის ტკივილი, ზემო სასუნთქი გზების ინფექციები, სწრაფი  დაღლა/სისუსტე, ტკივილი გულმკერდის არეში, ანემია (სისხლნაკლებობა, რისი ნიშანიც შეიძლება იყოს დაღლილობა და ქოშინი), ღვიძლის ფერმენტების და კალიუმის დონის მომატება შრატში (ლაბორატორიული კვლევის მონაცემები).
ნაკლებად ხშირი გვერდითი ეფექტები: (10 შემთხვევა ლოზარტანის მიმღებ 1000 პაციენტში): წონასწორობის გრძნობის დარღვევა, შუილი ყურებში, ცხვირიდან სისხლდენა, ყაბზობა, გამონაყარი, შეუძლოდ ყოფნა, შრატში შარდოვანას და ანრჩენი აზოტის ან კრეატინინის დონის მომატება (ლაბორატორიული კვლევის მონაცემები). 
იშვიათი გვერდითი ეფექტები: (10 შემთხვევა ლოზარტანის მიმღებ 10000 პაციენტიდან): სისხლის წითელი უჯრედების და თრომბოციტების უკმარისობა, შაკიკი, სისხლძარღვთა ანთებითი დაავადებები, კუნთების და სახსრების ტკივილი, ხველა, გამონაყარი, კანის ქავილი, ღვიძლის ფუნქციის დაღვევა (ლაბორატორიული კვლევის მონაცემები). 
ყველაზე ხშირი გვერდითი ეფექტები თირკმლის პატოლოგით, 2 ტიპის შაქრიანი დიაბეტის დროს: სწრაფი დაღლა, სისუსტე, თავბრუსხვევა, პლაზმაში კალიუმის დონის მომატება, რის გამოც ექიმმა შეიძლება დაგინიშნოთ პლაზმაში კალიუმის დონის რეგულარული კონტროლი.
ჰიპერმგრძნობელობის რეაქციების იშვიათი შემთხვევები: კანის გამონაყარი და კანის სიწითლე, როგორც სისხლძარღვების ანთებითი რეაქცია, ტუჩების, ყელის ან კიდურების შეშუპება, სუნთქვის გაძნელება ან ქოშინი.
ჰიპერმგრძნობელობის ნებისიერი ნიშნის გამოვლენისას დაუყოვნებლივ შეწყვითეთ პრეპარატის მიღება და მიმართეთ ექიმს. 
პრეპარატის ნებისმიერი გვერდითი მოქმედების გაღრმავების ან ისეთ გვერდითი ეფექტების აღნიშვნისას, რომლებიც ამ საინფორმაციო ფურცელში ჩამოთვლილი არ არის, მიმართეთ ექიმს ან პროვიზორს.

შენახვა
შეინახეთ +15°C - +25°C ტემპერატურაზე, ნესტისგან დაცულ ადგილას. 
პრეპარატი შეინახეთ ბავშვებისათვის მიუწვდომელ ადგილას.

ვარგისობის ვადა
სენტორი შემოგარსული ტაბლეტები, 50მგ: 5 წელი
სენტორი შემოგარსული ტაბლეტები, 100მგ: 3 წელი
არ გამოიყენოთ პრეპარატი შეფუთვაზე მითითებული შენახვის ვადის ამოწურვის შემდეგ.

დამატებითი ინფორმაცია
რას შეიცავს პრეპარატი სენტორი
პრეპარატის მოქმედი ნივთიერება: კალიუმის ლოზარტანი
სენტორი შემოგარსული ტაბლეტები, 50მგ:
ყოველ შემოგარსულ ტაბლეტში 50მგ კალიუმის ლოზარტანი 
სენტორი შემოგარსული ტაბლეტები 100მგ:
ყოველ შემოგარსულ ტაბლეტში 100მგ კალიუმის ლოზარტანი

დამხმარე ნივთიერებები:
ბირთვი: სილიციუმის კოლიდური დიოქსიდი, მაგნიუმის სტეარატი, ნატრიუმის კროსკარმელოზა, პრეჟელატინიზებული სახამებელი, მიკროკრისტალური ცელულოზა.
გარსი: ოპადრი II. 33G28523 თეთრი (გლიცეროლის ტრიაცეტატი, მაკროგოლი, ლაქტოზის მონოჰიდრატი, ტიტანის დიოქსიდი E171, ჰიპრომელოზა).

პრეპარატის გარეგნული სახე და შეფუთვა
სენტორი შემოგარსული ტაბლეტები, 50მგ
მრგვალი, ორმხრივამობურცული, შემოგარსული ტაბლეტები, თეთრი ან თითქმის თეთრი ფერის, ცალ მხარეს – ნაზოლი, მეორე მხარეს – გრავირება > 
სენტორი შემოგარსული ტაბლეტები, 100მგ
მრგვალი, ორმხრივამობურცული, შემოგარსული ტაბლეტები, თეთრი ან თითქმის თეთრი ფერის, ცალ მხარეს – გრავირება >, მეორე მხარე -  გლუვი. 

შეფუთვა: 
10 შემოგარსული ტაბლეტი პვქ/პე/პვდქ-აპკის და ალუმინის ფოლგის ბლისტერში. 1 ან 3 ბლისტერი გამოყენების ინსტრუქციასთან ერთად მუყაოს კოლოფში.

მონაზილი

MONAZIL

5 მგ/ 10 მგ გარსით დაფარული ტაბლეტი

პერორალური გამოყენება
• აქტიური ნივთიერებები: თითოეული გარსით დაფარული ტაბლეტი შეიცავს 5 მგ ლევოცეტირიზინისდიჰიდროქლორიდს და 10 მგ მონტელუკასტს (10.38 მგ მონტელუკასტის  ნატრიუმის ექვივალენტი).
• დამხმარე ნივთიერებები: ლაქტოზას მონოჰიდრატი (ძროხის რძიდან მიღებული), მიკროკრისტალურიცელულოზის ჰიდროქსიპროპილ მეთილცელელოზა, კოლოიდური სილიციუმის დიოქსიდი, ყვითელირკინის ოქსიდი, მაგნიუმის სტეარატი, კროსკარმელოზას ნატრიუმი (E468), ჰიდროქსიპროპილ ცელულოზა, პოლიეთილენგლიკოლი.

ამ მედიკამენტის მიღების დაწყებამდე წაიკითხეთ მთლიანად ეს ჩანართი-ფურცელი, რადგანაც ისშეიცავს მნიშვნელოვან ინფორმაციას.
• შეინახეთ ეს ჩანართი-ფურცელი. შეიძლება ისევ დაგჭირდეთ მისი წაკითხვა.
• თუ გაქვთ რაიმე დამატებითი შეკითხვა, მიმართეთ თქვენს ექიმს ან ფარმაცევტს.
• ეს მედიკამენტი განკუთვნილია მხოლოდ თქვენთვის. არ გადასცეთ ის სხვებს.
• ამ მედიკამენტის გამოყენების პერიოდში უთხარით თქვენს ექიმს, რომ იღებთ ამ პრეპარატს, როდესაცმიმართავთ ექიმს ან საავადმყოფოს. 
• დაიცავით ეს  ინსტრუქცია ზუსტად. არ მიიღოთ რეკომენდებულზე უფრო მაღალი ან უფრო დაბალი დოზა.

ამ ჩანართ-ფურცელში მოცემულია:
1. რა არის და რისთვის გამოიყენება მონაზილი?
2. სანამ დაიწყებთ მონაზილის მიღებას
3. როგორ მიიღება მონაზილი?
4. რა არის შესაძლო გვერდითი მოვლენები?
5. როგორ ინახება მონაზილი?

1. რა არის და რისთვის გამოიყენება მონაზილი?
მონაზილი შეიცავს 5 მგ ლევოცეტირიზინ დიჰიდროქლორიდს და 10 მგ მონტელუკასტს, და მისი ერთიფენა თეთრია, მეორე ფენა კი ყვითელი, არის მრგვალი, ორმაგ- ფენიანი გარსით დაფარული ტაბლეტი.ლევოცეტირიზინი არის ანტიჰისტამინური საშუალება, რომელიც გამოიყენება ალერგიის სამკურნალოდ. ანტიჰისტამინური პრეპარატები აღმოფხვრიან ჰისტამინის ეფექტს და ალერგიის სიმპტომებს. მონტელუკასტი არის ლეიკოტრიენის რეცეპტორის ანტაგონისტი, რომელიც აინჰიბირებს ხსენებულლეიკოტრიენებს. ლეიკოტრიენების ინჰიბირების საშუალებით ის ამსუბუქებს ასთმის სიმპტომებს.მონტელუკასტი არ არის სტეროიდი (ორგანული ნაერთი ქოლესტერინთან ლიპიდურ კავშირში).
მონაზილი არსებობს ბაზარზე ალუმინი/ალუმინის ბლისტერის პაკეტებში 30 და 90 ტაბლეტებით.  
მონაზილი გამოიყენება ალერგიული რინიტისა და ალერგიული რინიტთან  დაკავშირებული ასთმისსიმპტომების მკურნალობისა და შემსუბუქების მიზნით.
გარდა ამისა, მონაზილი ნაჩვენებია კომბინირებული მკურნალობისადმი რეზისტენტულიანტიჰისტამინური საშუალების სახით ქრონიკული იდიოპათიური ურტიკარიის დროს ქავილის, გამონაყარისა და სიწითლის შესამსუბუქებლად  15 წლისა და უფროსი ასაკის პაციენტებში.

რა არის ასთმა?
ასთმა არის სასუნთქი გზების ანთება, რომელიც იწვევს ფილტვებისაკენ ჟანგბადის გამტარებელი ბრონქების სანათურების  დროებით შევიწროებას. ასთმის სიმპტომებია:
• ხველა,
• ხიხინი,
• ქოშინი,
• გულმკერდის შებოჭილობა.რა არის ალერგიული რინიტი?
როდესაც ალერგიული რინიტი გამოწვეულია ეგზოგენური ალერგენებით, როგორიცაა მაგალითად,  ობი, ანხეები, ბალახი და ველური მცენარეების მტვერი, მას ხშირად უწოდებენ სეზონურ ალერგიებს, ან "თივისცხელებას". მრავალსეზონური ალერგიები  შეიძლება ასევე გამოიწვეული იყოს სახლში არსებულიალერგენებით, როგორიცაა ცხოველების ქერტლი, ოთახის ობი, ან სახლის მტვრის ტკიპები.
• ცხვირის გაჭედვა, ცხვირის ქავილი და/ან  ცხვირიდან გამონადენი
• ცემინება
რა არის ჭინჭრის ციება?
ურტიკარია (ჭინჭრის ციება) არის ალერგიით გამოწვეული კანის დაავადება. მისი სიმპტომებია კანზე:
• შეშუპება
• ქავილი
• გამონაყარი
2. სანამ დაიწყებთ მონაზილის მიღებას
არ მიიღოთ მონაზილი;
• თუ თქვენ ხართ ალერგიული პიპერიზინის წარმოებულების ან მონაზილის რომელიმე სხვაინგრედიენტის მიმართ
• გაქვთ თირკმელების ფუნქციის მძიმე უკმარისობა 10 მლ/წთ-ზე ნაკლები კრეატინინის კლირენსით(თირკმლის ფუნქციის მონიტორინგისთვის გამოყენებული ნივთიერება) გამოიჩინეთ სიფრთხილე მონაზილის გამოყენებამდე, თუ შენიშნავთ რომელიმე შემდეგს:
მონაზილი არ არის რეკომენდებული 15 წლამდე ასაკის ბავშვებში გამოყენებისათვის, რადგანაც ამ გარსითდაფარული ტაბლეტის ფარმაცევტული ფორმა არ იძლევა ტაბლეტების დოზირების საშუალებას.
• ალკოჰოლთან ერთად გამოყენებისას რეკომენდებულია სიფრთხილე. მგრძნობიარე პაციენტებში,ცეტირიზინის ან ლევოცეტრიზინისა და ალკოჰოლის ან სხვა ცენტრალური ნერვული სისტემისდეპრესანტების ერთდროულმა მიღებამ შესაძლოა გამოიწვიოს სიფხიზლის დამატებითი დათრგუნვა დამოქმედების ეფექტურობის გაუარესება.
• თუ თქვენ არ შეგიძლიათ  შარდის ბუშტის დაცლა (მდგომარეობების დროს, როგორიცაა ზურგის ტვინისდაზიანება ან წინამდებარე ჯირკვლის გადიდება) მიმართეთ თქვენს ექიმს რჩევისთვის.

თუ თქვენ გაქვთ ასთმა:
• დაუყოვნებლივ შეატყობინეთ თქვენს ჯანდაცვის პროვაიდერს, თუ თქვენი ასთმის სიმპტომებიუარესდება.
• ნუ მიიღებთ მონაზილს, თუ გჭირდებათ სასწრაფოდ დახმარება მოულოდნელი  ასთმის შეტევის გამო. ასთმის შეტევის განვითარების შემთხვევაში, თქვენ უნდა დაიცვათ ინსტრუქციები, რომლებსაც მოგცემთ  თქვენი ჯანდაცვის პროვაიდერი ასთმის შეტევების სამკურნალოდ. ყოველთვის თან გქონდეთ თქვენი პრეპარატის ინჰალატორი ასთმის შეტევების სამკურნალოდ.
• მნიშვნელოვანია, რომ მიიღოთ ასთმის ყველა თქვენი მედიკამენტი თქვენი ექიმის ინსტრუქციების შესაბამისად. მონაზილი არ უნდა იქნას გამოყენებული თქვენი ექიმის მიერ დანიშნული სხვა ასთმისსამკურნალო პრეპარატის მაგივრად.  თუ თქვენ აღგენიშნებათ ნებისმიერი ალერგიული დაავადებების კომბინაცია, ძილიანობა ან ჩხვლეტითი შეგრძნება ფეხებში, ფილტვისმხრივი სიმპტომების გაუარესება და/ან გამონაყარი ყველა სხვა ასთმის საწინააღმდეგო პრეპარატების მიმღები პაციენტის მსგავსად, დაუკავშირდით თქვენს ექიმს.
• თუ თქვენ გაქვთ ასთმა და ასპირინის (აცეტილსალიცილის მჟავა) აუარესებს თქვენი ასთმის სიმპტომებს,ყოველთვის ერიდეთ  ასპირინის ან სხვა, ეგერეთ წოდებული არასტეროიდული ანთების საწინააღმდეგო საშუალებების (აასს) მიღებას, როდესაც ღებულობთ მონაზილს.

• ქცევასა და განწყობასთან დაკავშირებული ცვლილებები (მოიცავს აგზნებას, აგრესიულ ქცევას ან მტრულდამოკიდებულებას, შფოთვას, დეპრესიას, დეზორიენტაციას, ყურადღების დარღვევებს, არანორმალურ სიზმრებს, ჰალუცინაციებს, უძილობას, გაღიზიანებადობას, მეხსიერების გაუარესებას, მოუსვენრობას, სონამბულიზმს, სუიციდურ აზროვნებას და ქცევას, მათ შორის სუიციდს, ტიკს და ტრემორს) დაფიქსირდა მონაზილის ერთერთი აქტიური ინგრედიენტის- მონტელუკასტის მიღებისას. გთხოვთ, დაუკავშირდეთ თქვენს ექიმს, მაშინაც კი, თუ ეს დებულებები გეხებათ თქვენ ნებისმიერ დროს წარსულშიც კი.

მონაზილი საკვებთან და სასმელთან ერთად

 მონაზილი შეიძლება იქნას მიღებული საკვებთან ერთად ან კვებებს შორის.

ორსულობა

მიმართეთ თქვენს ექიმს ან ფარმაცევტს რჩევისათვის ამ პრეპარატის გამოყენებამდე.  

არ მიიღოთ მონაზილი, თუ ხართ ორსულად ამ გეგმავთ დაორსულებას. თქვენი ექიმი შეაფასებს, შეგიძლიათ თუ არა  მონაზილის მიღება ამ პერიოდში.

მკურნალობის პერიოდში თუ  გაიგებთ, რომ ხართ ორსულად, დაუყოვნებლივ აცნობეთ თქვენს ექიმს ანფარმაცევტს.

ძუძუთი კვება

მიმართეთ თქვენს ექიმს ან ფარმაცევტს რჩევისათვის ამ პრეპარატის გამოყენებამდე.  

არ მიიღოთ მონაზილი, თუ ხართ მეძუძური.

ავტომობილის მართვა და მექანიზმების გამოყენება

ზოგიერთი პაციენტი, რომლებიც იყენებდა მონაზილის ერთ-ერთი აქტიური ინგრედიენტს- ლევოცეტირიზინს, გრძნობდა დაბუჟებას, დაღლილობას და გამოფიტვას. თუ გეგმავთ სახიფათომოქმედებების შესრულებას, ან ავტომობილის მართვას და მექანიზმებთან მუშაობას, თქვენთვის რეკომენდებულია დაელოდოთ თქვენს რეაგირებას და იყოთ ფრთხილად.  შედარებითმა კლინიკურმაკვლევებმა ვერ გამოავლინა მტკიცებულება, რომ ლევოცეტირიზინი რეკომენდებული დოზით აუარესებდესგონებრივ სიფხიზლეს, რეაქციის უნარს ან ავტომობილის მართვის უნარს.  

გარკვეულმა გვერდითმა მოვლენებმა, რომლებიც დაფიქსირდა მონტელუკასტის გამოყენებისას (თვბრუსხვევა და გაბრუება) შეიძლება გავლენა მოახდინოს ზოგიერთი პაციენტის მიერ ავტომობილის მართვისა და მექანიზმებთან მუშაობის უნარზე.

მნიშვნელოვანი ინფორმაცია მონაზილის ზოგიერთი ინგრედიენტის შესახებ

ეს სამკურნალო პროდუქტი შეიცავს ლაქტოზას მონოჰიდრატს. თუ თქვენმა ექიმმა გითხრათ, რომ თქვენგაქვთ ზოგიერთი  შაქრის აუტანლობა, მიმართეთ თქვენს ექიმს ამ სამკურნალო პრეპარატის მიღებამდე.

სხვა მედიკამენტებთან ურთიერთქმედება:

ზოგიერთმა მედიკამენტმა შეიძლება გავლენა მოახდინოს მონაზილის მოქმედების მექანიზმზე, ანმონაზილმა შეიძლება გავლენა მოახდინოს სხვა მედიკამენტებზე. აცნობეთ თქვენს  ექიმმს მონაზილის დაწყებამდე, თუ ღებულობთ შემდეგ მედიკამენტებს:  ლევოცეტირიზინთან დაკავშირებული ურთიერთქმედებები:

 • რიტონავირი (გამოიყენება აივ ინფექციის სამკურნალოდ)

 • ალკოჰოლი (განსაკუთრებით მგრძნობიარე პაციენტებში).

მგრძნობიარე პაციენტებში, ლევოცეტირიზინისა და სხვა ცენტრალური ნერვული სისტემებისდეპრესანტების ერთდროულმა მიღებამ შეიძლება გამოიწვიოს სიფხიზლის დამატებითი დაქვეითება და ეფექტურობის გაუარესება.

ლევოცეტირიზინის აბსორბციის მოცულობა არ მცირდება საკვების ზემოქმედებით, თუმცა მცირდება აბსორბციის სიჩქარე.

მონტელუკასტთან დაკავშირებული ურთიერთქმედებები:

• ფენობარბიტალი (გამოიყენება ეპილეფსიის სამკურნალოდ)

• ფენიტოინი (გამოიყენება ეპილეფსიის სამკურნალოდ)

 • რიფამპიცინი (გამოიყენება ტუბერკულოზის და ზოგიერთი სხვა ინფექციების სამკურნალოდ)

 • გემფიბროზილი (გამოიყენება ლიპიდების მაღალი დონის სამკურნალოდ სეკრეტირებულ  სითხეებში,  სისხლის უჯრედების გარდა)

თუ თქვენ ამჟამად ღებულობთ ან ბოლოდროს ღებულობდით  ნებისმიერ რეცეპტურულ ანარარეცეპტურულ პრეპარატებს, გთხოვთ აცნობოთ თქვენს ექიმს ან ფარმაცევტს.

3. როგორ მიიღება მონაზილი?

მოზრდილებისა და 15 წლის და უფროსი ასაკის მოზარდებისათვის რეკომენდებული დოზაა ერთიტაბლეტი (5 მგ ლევოცეტირიზინის  დიჰიდროქლორიდი და 10 მგ მონტელუკასტი).

 • მონაზილით მკურნალობის ხანგრძლივობას განისაზღვრავს თქვენი ექიმი  ჩივილების, დაავადებისხანგრძლივობისა და ტიპის გათვალისწინებით.

თუ თქვენ დაგინიშნეს მონაზილი ალგერიული რინიტისა და ასთმის გამო,

 • თქვენ უნდა მიიღოთ მონაზილი ყოველდღე, იმ ხანგრძლივობით, როგორც დაგინიშნავთ თქვენი ექიმი, მაშინაც კი, თუ არ გექნებათ ასთმის სიმპტომები.

• თუ ასთმის სიმპტომები გაუარესდება ან თუ დაგჭირდებათ  ასთმის შეტევების გამო პრეპარატის ინჰალაცია უფრო ხშირად, საჭიროა დაუყოვნებლივ მიმართოთ ექიმს

• არ მიიღოთ მონაზილი ასთმის შეტევის დროს ხანმოკლე შემსუბუქებისათვის.

თუ თქვენ განგივითარდებათ ასთმის შეტევა, უნდა იმოქმედოთ ასთმის შეტევების სამკურნალოდ თქვენი ექიმის მითითების შესაბამისად.

• ასთმის შეტევებისათვის ყოველთვის თან ატარეთ თქვენი პრეპარატის ინჰალატორი.

 • თუ ექიმმა არ მოგცათ მითითება, არ შეწყვიტოთ  სხვა ასთმის საწინააღმდეგო სხვა პრეპარატის მიღება და არ შეამციროთ მისი დოზა.

გამოყენების გზა და მეთოდი:

გარსით დაფარული ტაბლეტი უნდა მიიღოთ პერორალურად, გადაყლაპოთ მთლიანად სითხის დაყოლებით, და მისი მიღება შეიძლება საკვებთან ერთად ან მის გარეშე.  

სხვადასხვა ასაკი:

ბავშვებში: არ მისცეთ მონაზილის გარსით დაფარული ტაბლეტები 15 წელზე ნაკლები ასაკის ბავშვებს.

გერიატრიული გამოყენება:

თირკმლის ნორმალური ფუნქციის მქონე პაციენტებში დოზის კორექცია საჭირო არ არის. სპეციფიკურიგამოყენება:

თირკმლის / ღვიძლის უკმარისობა:

თირკმლის უკმარისობის მქონე პაციენტებში, დაავადების ხარისხის შესაბამისად, შესაძლებელია უფრო დაბალი დოზების  მიღება.

 ბავშვებში დოზის კორექცია ხდება სხეულის წონის მიხედვით. დოზა განისაზღვრება თქვენი ექიმის მიერ. არ გამოიყენოთ ის, თუ თქვენ გაქვთ თირკმლის მძიმე უკმარისობა. დოზის კორექცია აუცილებელიამსუბუქი- ზომიერი ღვიძლის უკმარისობის მქონე პაციენტებისთვის. ღვიძლის მძიმე უკმარისობითდაავადებულ პაციენტებზე მონაცემები არ არსებობს.

პაციენტებში ღვიძლისა და ასევე თირკმლის უკმარისობით, დოზა შეიძლება შეირჩეს თირკმლის დაავადების სიმძიმის შესაბამისად.

თუ შეამჩნევთ, რომ მონაზილის ეფექტი ძალიან ძლიერია ან ძალიან სუსტი, დაელაპარაკეთ თქვენს ექიმს ანფარმაცევტს.

თუ თქვენ მიიღებთ მონაზილის საჭიროზე მეტ დოზას

 მოზრდილებში შეიძლება გამოვლინდეს დაბუჟება. ბავშვებში შეიძლება გამოვლინდეს მოუსვენრობა დადაბუჟება.  

მონაზილის ერთ-ერთი აქტიური ინგრედიენტის - მონტელუკასტის გვერდითი მოვლენები დოზის გადაჭარბების უმეტეს შემთხვევებში არ დაფიქსირებულა.  მოზრდილებში და ბავშვებში დოზის გადაჭარბების ყველაზე ხშირად განვითარებული სიმპტომებია მუცლის ტკივილი, ძილიანობა, წყურვილი, თავის ტკივილი, ღებინება და ჰიპერაქტიურობა.  

თუ თქვენ მიიღებთ მონაზილის საჭიროზე მეტ დოზას, აცნობეთ თქვენს ექიმს ან ფარმაცევტს.

თუ დაგავიწყდებათ მონაზილის მიღება

ეცადეთ მიიღოთ თქვენი მედიკამენტი რეკომენდაციის შესაბამისად.

როდესაც თქვენ დაგავიწყდებათ მედიკამენტის ერთი დოზა, არ მიიღოთ ის, და შემდეგ გააგრძელეთ მისი მიღება ჩვეულებრივად.  

 არ მიიღოთ ორმაგი დოზა დავიწყებული დოზის შესავსებად.

თუ თქვენ შეწყვეტთ მონაზილის მიღებას

 თუ გაქვთ რაიმე დამატებითი კითხვები ამ პროდუქტის გამოყენების შესახებ, მიმართეთ თქვენს ექიმს ანფარმაცევტს.

როდესაც იყენებთ მონაზილს მითითებულზე ხანმოკლე დროის განმავლობაში,  გვერდითი მოვლენებიმოსალოდნელი არ არის. თუმცა, ასეთ შემთხვევაში, შეიძლება განვითარდეს მონაზილით მკურნალობისდაწყებამდე არსებული სიმპტომები ნაკლები ხარისხით.

4. რა არის შესაძლო გვერდითი მოვლენები?

ისევე, როგორც ყველა მედიკამენტის შემთხვევაში, გვერდითი მოვლენები შეიძლება განვითარდეს მონაზილის ინგრედიენტების მიმართ მგრძნობიარე პაციენტებში.

თუ თქვენ განგივითარდებათ რომელიმე ქვემოჩამოთვლილი მდგომარეობა,  შეწყვიტეთ მონაზილისმიღება და დაუყოვნებლივ შეატყობინეთ თქვენს ექიმს ან მიმართეთ უახლოეს გადაუდებელიდახმარების სამსახურს:

• ალერგიული რეაქციები, მათ შორის პირის ღრუს, ენის, სახის და/ან ყელის შეშუპება, სუნთქვის ან ყლაპვისგაძნელება (გულმკერდში შებოჭილობის შეგრძნება ან ხიხინი), ჭინჭრის ციება, სისხლის წნევის უეცარი ვარდნა, რომელმაც შეიძლება გამოიწვიოს კოლაფსი ან შოკი, და შეიძლება ფატალური აღმოჩნდეს (ჰიპერმგრძნობელობის რეაქცია)

 • ვეგეტატიული შეკუმშვები ან კუნთების კრუნჩხვა

 • გრიპის მსგავსი დაავადება, ჩხვლეტის შეგრძნება და დაბუჟება  ხელებში ან ფეხებში, რესპირატორულიდისტრესი და/ან გამონაყარი

•  ჰეპატიტი (ღვიძლის ანთება)

• გულის ფრიალი

 • რესპირატორული დისტრესი

• მხედველობის დარღვევები

• ტაქიკარდია

ეს ძალიან სერიოზული გვერდითი მოვლენები ძალიან იშვიათია. თუ თქვენ აღგენიშნებათ რომელიმე ამსიმპტომებიდან, ეს ნიშნავს, რომ თქვენ გაქვთ სერიოზული ალერგია პრეპარატის მიმართ. შეიძლებადაგჭირდეთ სასწრაფო სამედიცინო ჩარევა ან  ჰოსპიტალიზაცია.

ეს მძიმე გვერდითი მოვლენები ძალიან იშვიათია.

ქვემოთ მოყვანილი შესაძლო გვერდითი მოვლენების სიხშირე განისაზღვრება შემდეგი ფორმით:

ძალიან ხშირი: განუვითარდება 10-დან მინიმუმ 1 პაციენტს.

ხშირი: განუვითარდება  100-დან 1-10-მდე პაციენტს.

არა-ხშირი: განუვითარდება  1,000-დან 1-10-მდე პაციენტს.

იშვიათი: განუვითარდება  10,000-დან 1-10-მდე პაციენტს.

ძალიან იშვიათი: განუვითარდება  10,000-დან 1-ზე ნაკლებ პაციენტს.

სიხშირე უცნობია: არ არის მოსალოდნელი მიმდინარე მონაცემების საფუძველზე

ძალიან ხშირი

• ზედა სასუნთქი გზების ინფექცია.

ხშირი

• თავის ტკივილი

• დაღლილობა

•  პირის სიმშრალე

• ძილიანობა/ დაბუჟება

 • გამოფიტვა

• დიარეა

• გულისრევა

 • ღებინება

• გამონაყარი

 • ცხელება

• მუცლის ტკივილი

• ღვიძლის ფუნქციის დარღვევა

არა-ხშირი

• დაღლილობა

• დისპეფსია

•  ძილის დარღვევა

 • ცუდი ან რეალისტური სიზმრები

• უძილობა

• გაღიზიანებადობა

 • შფოთვის შეგრძნება

 • მოუსვენრობა

 • აგრესიული ქცევა ან მტრული დამოკიდებულება

• სომნამბულიზმი

 • დეპრესია

• თავბრუსხვევა

• ჩხვლეტითი შეგრძნებები

 • უეცარი შეგრძნებები

• დეზორიენტაცია (ცნობიერების აბნევა)

• ცხვირიდან სისხლდენა

 • სისხლჩაქცევები

• ურტიკარია

• სახსრების ტკივილი

• კუნთების ტკივილი, კუნთების სპაზმის ჩათვლით

 • ფეხების შეშუპება

 • მუცლის ტკივილი

• გამოფიტვა

იშვიათი

 • სისხლდენის მომატებული ტენდენცია  

• ტრემორი

 • გულის ფრიალი

 • ყურადღების პრობლემები

• მეხსიერების პრობლემები

ძალიან იშვიათი

 • ჰალუცინაცია (რაიმე არარსებულის ნათლად აღქმა)

• დეზორიენტაცია (ცნობიერების აბნევა დრო-ადგილთან დაკავშირებით)

• სუიციდური აზრები და ქმედებები (სუიციდის ჩათვლით)

• ქცევის ცვლილება

• ჰეპატიტი (ღვიძლის ანთება)

• მტკივნეული წითელი გროვები კანქვეშ, ყველაზე ხშირად წვივებზე (კვანძოვანი ერითემა) ალერგიულიგამონაყარი, კანის მწვავე რეაქციები (მულტიფორმული ერითემა), რომელიც შეიძლება გაჩნდეს  წინასწარი ნიშნების გარეშე.

 • ფილტვების შეშუპება (ანთება)

სიხშირე უცნობია:

•  მადის მომატება

 • გაღიზიანებადობა

 • კუნთების შკუმშვები

  • ძილიანობა

 • სინკოპე

• გემოვნების შეგრძნების დარღვევა

 • მხედველობის დარღვევები

• მხედველობის დაბინდვა

• ქოშინი

• მტკივნეული შარდვა

• შარდვის გაძნელება

 • წონაში მომატება

 • ღვიძლის ფუნქციის დარღვევა (ღვიძლის ტესტების შედეგები პათოლოგიურია)

• ვერტიგო (წონასწორობის დარღვევის შეგრძნება)

მონტელუკასტით ნამკურნალევ პაციენტებში დაფიქსირდა სიმპტომების კომბინაციის ძალიან იშვიათიშემთხვევები, როგორიცაა გრიპის მსგავსი ავადმყოფობა, ჩხვლეტის შეგრძნება ან დაბუჟება ხელებში და ფეხებში, ფილტვის მხრივი სიმპტომების გაუარესება და/ გამონაყარი (ჩარგ-სტრაუსის სინდრომი). დაუყოვნებლივ უნდა აცნობოთ ექიმს, თუ განგივითარდებათ ამ სიმპტომებიდან ერთი ან მეტი.  

თუ შეამჩნევთ რაიმე სხვა სიმპტომებს, რომლებიც არ არის მოყვანილი ამ ჩანართ-ფურცელში, გთხოვთშეატყობინოთ თქვენს ფარმაცევტს ან ექიმს.

5. როგორ ინახება მონაზილი

შეინახეთ ოთახის,  არაუმეტეს 25°C ტემპერატურაზე. დაიცავით სინათლისა და ტენიანობისგან.

შეინახეთ მონაზილი ბავშვებისათვის მიუწვდომელ და ფარულ ადგილზე, თავის პაკეტში.  

გამოიყენეთ ვარგისიანობის ვადის გასვლის თარიღის შესაბამისად.

არ გამოიყენოთ მონაზილი პაკეტზე მითითებული ვარგისიანობის ვადის გასვლის შემდეგ. არ გამოიყენოთმონაზილი, თუ შეამჩნევთ პროდუქტის ან შეფუთვის რაიმე დეფექტებს.

გაცემის წესი:

ფარმაცევტული პროდუქტის ჯგუფი II ჯგუფი, გაიცემა ფორმა №3 რეცეპტით

მარკეტინგის ავტორიზაციის მფლობელი

ილკო ილაკ სან. ვე ტიკ. ა.ს. (İLKO İlaç Sanayi ve Ticaret A.Ş)

ვეისელ კარანი მაჰ. კოლაკოგლუ სოკ.

# 10/34885 სანჩაკტეპე/ სტამბული, თურქეთი

ტელ: 90 216 564 80 00

მწარმოებელი ქარხანა

ილკო ილაკ სან. ვე ტიკ. ა.ს. (İLKO İlaç Sanayi ve Ticaret A.Ş) 3. ორგანიზაცია სანაიი ბოლგესი

კუდუსი კად. 23. სოკ. # 1, სელჩუკლუ /კონია, თურქეთი

ლაზოლვანი 

კლინიკურ-ფარმაკოლოგიური ჯგუფი:
მუკოლიზური, ამოსახველებელი საშუალება.

შემადგენლობა და გამოშვების ფორმა:
სიროფი: ფლაკონში 100 მლ
5 მლ
ამბროქსოლის ჰიდროქლორიდი ..........15 მგ
5 მლ
ამბროქსოლის ჰიდროქლორიდი ..........30 მგ

ფარმაკოლოგიური თვისებები:
ამბროქსოლის ჰიდროქლორიდი ბენზილამინების ჯგუფის ბრომჰექსინის აქტიურიმეტაბოლიტია, რომელიც ხასიათდება მუკოლიზური და ამოსახველებელი მოქმედებით.
პრეპარატი ასტიმულირებს ბრონქების ლორწოვანი გარსის ადენოციტების მიერ სეკრეტის გამოყოფას, რითაც ხელს უწყობს ნახველის გათხიერებას. იგი ააქტივებს ჰიდროლიზურ ფერმენტებს და აძლიერებს ლიზოსომების გამოთავისუფლებას კლარის უჯრედებიდან, რაც იწვევს ბრონქულ სეკრეტში მჟავე მუკოპოლისაქარიდების დაშლას. ლიზლის მოქმედებით ძლიერდება სურფაქტანტის წარმოქმნის პროცესი ალვეოლებსა და ბრონქებში, რაც ასევეაუმჯობესებს ბრონქული სეკრეტის რეოლოგიურ მაჩვენებლებს, ამცირებს მის სიბლანტესა და ადჰეზიურ თვისებებს. პრეპარატი, სურფაქტანტის სინთეზის სტიმულირებით, ამცირებსრესპირაციული დისტრეს-სინდრომის განვითარების რისკს ახალშობილებში (მათ შორის, დღენაკლულებში). ლიზლი ასტიმულირებს ბრონქების მოციმციმე ეპითელიუმის წამწამების მოძრაობას, რაც ხელს უწყობს ნახველის ევაკუაციას, ამცირებს ბრონქების სპასტიკურ ჰიპერრეაქტიულობას. პრეპარატი ხასიათდება ანთების საწინააღმდეგო დაანტიოქსიდანტური მოქმედებით, ზრდის ადგილობრივ იმუნიტეტს. პრეპარატის მოქმედება იწყება მიღებიდან 30 წთ-ის შემდეგ და გრძელდება 6-12 სთ-ის განმავლობაში (დოზის შესაბამისად). მაქსიმალური თერაპიული ეფექტი ვლინდება მკურნალობის მესამე დღეს.

ფარმაკოკინეტიკა:
ლაზოლვანი სწრაფად და თითქმის მთლიანად შეიწოვება კუჭ-ნაწლავის ტრაქტიდან. მაქსიმალურ კონცენტრაციას პლაზმაში 0.5-3 სთ-ში აღწევს. პრეპარატის ბიოშეღწევადობა შეადგენს დაახლოებით 70%-ს. პლაზმის ცილებს უკავშირდება მისი 80%.
მაღალი ტროპიზმის გამო, პრეპარატი ადვილად ნაწილდება ბრონქების ლორწოვან გარსსა და ფილტვის ქსოვილში. ამბროქსოლი გადის ჰემატოენცეფალურ და პლაცენტურ ბარიერებს, მისი კონცენტრაცია ნაყოფის პლაზმაში დედის პლაზმასთან შედარებით 2-4-ჯერ მეტია. პრეპარატი გადადის დედის რძეში. ამბროქსოლის ნახევარგამოყოფის პერიოდი შეადგენს 8-10 სთ-ს. T1/2ხანგრძლივდება თირკმლის მძიმე ქრონიკული უკმარისობის დროს და არ იცვლება ღვიძლის ფუნქციის დარღვევისას. პრეპარატი პირველად მეტაბოლიზმს განიცდის ღვიძლში არააქტიური კონიუგატების (დიბრომანტრანილის მჟავა, გლუკურონიდები) წარმოქმნით. ორგანიზმიდან გამოიყოფა თირკმლების საშუალებით: 90% - წყალში ხსნადი მეტაბოლიტების სახით, 5% - უცვლელი სახით. ამბროქსოლი არ განიცდის კუმულაციას.

ჩვენებები:
სასუნთქი სისტემის მწვავე და ქრონიკული დაავადებები, რომელთაც თან ახლავს ნახველის გაძნელებული გამოყოფა: ბრონქიტი, ბრონქიოლიტი, ბრონქული ასთმა, პნევმონია, მუკოვისციდოზი, ფილტვების ქრონიკული ობსტრუქციული დაავადება, ბრონქოექტაზიური დაავადება;
ბრონქებსა და ფილტვებში შეგუბებით მიმდინარე დაავადებების პროფილაქტიკა (ქირურგიული ოპერაციების შემდეგ, ტრავმების დროს და სხვა).

მიღების წესი და დოზირება:
ტაბლეტები:
მოზრდილებსა და ბავშვებში 12 წლის ასაკის ზემოთ მკურნალობის დაწყებიდან პირველი 2-3 დღის განმავლობაში რეკომენდებულია 1 ტაბლეტი (30 მგ) 3-ჯერ დღეში, შემედგ 1 ტაბლეტი 2-ჯერ ან 1/2 ტაბლეტი (15 მგ) 3-ჯერ დღეში. საჭიროების შემთხვევაში თერაპიული ეფექტის გასაძლიერებლად შესაძლებელია 2 ტაბლეტის (60 მგ) დანიშვნა 2-ჯერ დღეში.
5-დან 12 წლამდე ასაკის ბავშვებში ინიშნება 1/2 ტაბლეტი 2-3-ჯერ დღეში.
სიროფი:
მოზრდილებსა და ბავშვებში 12 წლის ასაკის ზემოთ მკურნალობის დაწყებიდან პირველი 2-3 დღის განმავლობაში რეკომენდებულია 10 მლ 3-ჯერ დღეში, შემდეგ 10 მლ 2-ჯერ ან 5 მლ 3-ჯერ დღეში.
მოზრდილებში შესაძლებელია 20 მლ-ის მიღება 2-ჯერ დღეში თერაპიული ეფექტის მისაღწევად.
5-დან 12 წლამდე ასაკის ბავშვებში რეკომენდებული 5 მლ 2-3-ჯერ დღეში.
2-დან 5 წლამდე ასაკის ბავშვებში რეკომენდებულია 2.5 მლ 3-ჯერ დღეში.
2 წლამდე ასაკის ბავშვებში ინიშნება 2.5 მლ 2-ჯერ დღეში.
ლაზოლვანი (ტაბლეტები ან სიროფი) მიიღება ჭამის შემდეგ დიდი რაოდენობის სითხესთან ერთად, რაც ხელს უწყობს პრეპარატის მუკოლიზური მოქმედების გაძლიერებას.
თირკმლის მწვავე უკმარისობის ან ღვიძლის ფუნქციის მძიმე დარღვევის შემთხვევაშისაჭიროა პრეპარატის დოზის შემცირება ან მიღებებს შორის ინტერვალის გაზრდა. მკურნალობის ხანგრძლივობა განისაზღვრება ინდივიდუალურად ექიმის მიერ და დამოკიდებულია ავადმყოფობის სიმძიმის ხარისხზე. პრეპარატის ხანგრძლივად გამოყენება საჭიროებს ექიმის მეთვალყურეობას. მკურნალობის კურსის გახანგრძლივების შემთხვევაში შესაძლებელია დოზის 2-ჯერ შემცირება. დოზირების რეჟიმის დარღვევისას მკურნალობის ეფექტი მცირდება.

გვერდითი მოვლენები:
პრეპარატის რეკომენდებული დოზებით მიღებისას გვერდითი მოვლენები არ აღინიშნება.
იშვიათად მოსალოდნელია:
საჭმლის მომნელებელი სისტემის მხრივ: დისპეფსიური მოვლენები;
სასუნთქი სისტემის მხრივ: სასუნთქი გზების ლორწოვანი გარსის სიმშრალე, რინორეა;
ალერგიული რეაქციები: გამონაყარი კანზე, ქავილი, ჭინჭრის ციება, ანგიონევროზული შეშუპება; ცალკეულ შემთხვევებში - ალერგიული კონტაქტური დერმატიტი; ერთეულ შემთხვევებში - ანაფილაქსიური ტიპის რეაქციები (მათ შორის, ანაფილაქსიური შოკი);
სხვა: ზოგადი სისუსტე, თავის ტკივილი, დიზურია.

უკუჩვენებები:
* მომატებული მგრძნობელობა პრეპარატის რომელიმე კომპონენტის ან ბრომჰექსინის მიმართ.

ორსულობა და ლაქტაცია:
* ლაზოლვანის გამოყენება ორსულობის I ტრიმესტრში არ არის რეკომენდებული.
* პრეპარატის მიღება ორსულობის II და III ტრიმესტში დასაშვებია იმ  შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების პოტენციურ რისკს.
* პრეპარატი გადადის დედის რძეში, რის გამოც მკურნალობის პერიოდში საჭიროა ძუძუთი კვების შეწყვეტა.

განსაკუთრებული მითითებები:
* ლაზოლვანი სიფრთხილით გამოიყენება თირკმლის ფუნქციის დარღვევის ან/და ღვიძლის მძიმე დაზიანების შემთხვევაში, მოტორული ბრონქოპათიის დროს, ვინაიდან მოსალოდნელია ნახველის ევაკუაციის შეფერხება.
* სიროფი შეიცავს შაქრის ისეთ შემცვლელებს, როგორიცაა სორბიტოლი და საქარინი, ამიტომ შესაძლებელია პრეპარატის მიღება შაქრიანი დიაბეტით დაავადებულ პაციენტებში, მხოლოდ იმ გარემოების გათვალისწინებით, რომ სიროფის ყოველი 5 მლ შეიცავს 1.2 გ სორბიტოლს. სიროფი არ შეიცავს ეთანოლს.
* პრეპარატმა შეიძლება გავლენა იქონიოს კუჭისა და 12-გოჯა წალავის წყლულოვანი დაავადების კლინიკურ სურათზე.
პაციენტი უნდა იყოს ინფორმირებული, რომ მდგომარეობის გაუარესების ან გვერდითი მოვლენების განვითარების შემთხვევაში საჭიროა მიმართოს ექიმს.
პრეპარატის ზემოქმედება ავტოტრანსპორტისა და მექანიზმების მართვის უნარზე:პრეპარატი არ მოქმედებს სატრანსპორტო საშუალებების მართვის უნარსა და ყურადღების კონცენტრაციაზე.

ჭარბი დოზირება:
პრეპარატის დოზის გადაჭარბების შემთხვევაში მოსალოდნელია შემდეგი სიპტომები:გულისრევა, ღებინება, ფაღარათი და კუჭ-ნაწლავის ტრაქტის სხვა დარღვევები, ძლიერი ჰიპერდოზირების შემთხვევაში შესაძლებელია მკვეთრი არტერიული ჰიპოტენზია.
მკურნალობა: პრეპარატის მიღების შეწყვეტა, ღებინების გამოწვევა, კუჭის ამორეცხვა (მხოლოდ ექსტრემალური ჰიპერდოზირების შემთხვევაში) პრეპარატის მიღებიდან 1-2 სთ-ის განმავლობაში, სითხეების (რძე, ჩაი) ცხიმიანი საკვების მიღება, გულ-სისხლძარღვთა სისტემის ფუნქციის მუდმივი კონტროლი, აუცილებლობის შემთხვევაში - სიმპტომური მკურნალობის ჩატარება.

სხვა წამლებთან ურთიერთქმედება:
- ლაზოლვანი ხელს უწყობს ბრონქების ლორწოვან გარსსა და ბორონქულ სეკრეტში ანტიმიკრობული საშუალებების (ამოქსიცილინი, ცეფუროქსიმი, ერითრომიცინი, დოქსიციკლინი, სულფანილამიდები) შეღწევას.
- ამბროქსოლის თეოფილინთან ერთად გამოყენებისას იზრდება მისი კონცენტრაცია სისხლის პლაზმაში, რაც მკურნალობის ვადის შემცირების შესაძლებლობას იძლევა. მონაცემები ამბროქსოლისა და ბრონქული ასთმის ბაზისურ თერაპიაში გამოყენებული სხვა საშუალებების (ბრონქოდილატატორები, მეთილქსანთინის წარმოებულები, კორტიკოსტეროიდები) ურთიერთქმედების შესახებ არ მოიპოვება.
- არ არის რეკომენდებული პრეპარატის დანიშვნა ხველის საწინააღმდეგო საშუალებებთან (მათ შორის, კოდეინთან) ერთად, რადგან ხველის შესუსტება აფერხებს ნახველის გამოყოფას.
- შესაძლებელია პრეპარატის გამოყენება საგულე გლიკოზიდებთან, დიურეზულ და ტოკოლიზურ საშუალებებთან ერთად.

შენახვის პირობები:
პრეპარატი ინახება არა უმეტეს 25^oC  ტემპერატურაზე, მშრალ, სინათლისა და ბავშვებისაგან დაცულ ადგილას. სიროფის გაყინვა დაუშვებელია. ფლაკონის გახსნის შემდეგ სიროფი ვარგისია გამოყენებისათვის 30 დღის განმავლობაში

ქვეყანა: ხორვატია

მწარმოებელი: იადრანი გალენსკი ხორვატია

გაცემის ფორმა: III ჯგუფი ურეცეპტო

შემადგენლობა და გამოშვების ფორმა
კაფს. 320 მგ: 60 ც.

1 კაფსულა შეიცავს აქტიური სამკურნალო კომპონენტის:
საბალის ნაყოფის ექსტრაქტი (Ext. Sabalis serrulatae 9-11:1)–320 მგ დამხმარე ნივთიერებები:
სუქცინილირებული ჟელატინი, გლიცერინი, საღებავები E 124, E 171, E 172.

ჩვენებები
კომპლექსურ თერაპიაში წინამდებარე ჯირკვლის კეთილთვისებიანი ჰიპერპლაზიის(I და II სტადია) მქონე პაციენტების სამკურნალოდ.

მიღების წესები და დოზები
პრეპარატის 1 კაფსულის მიღება ხდება დღეში ერთხელ, ერთსა და იმავე დროს, დაუღეჭავად, კვების შემდეგ სითხის მცირე რაოდენობის მიყოლებით.
პრეპარატის გამოყენების ხანგრძლივობა – არა ნაკლებ 1,5 თვე, მყარი ეფექტის მიღწევის ვადა დამოკიდებულია დაავადების სტადიაზე.
პროსტამოლი® უნოს კარგი ამტანობის გამო მისი გამოყენება შესაძლებელია ხანგრძლივი დროის განმავლობაში.

გვერდითი მოვლენები
შესაძლებელია ალერგიული რეაქციების განვითარება. იშვიათად შეიძლება აღინიშნოს კუჭის ტკივილი.

უკუჩვენება
პრეპარატის ინდივიდუალური აუტანლობა.

განსაკუთრებული მითითებები
მყარი თერაპიული ეფექტის მიღწევა საჭიროებს პრეპარატის ხანგრძლივ მიღებას იმ შემთხვევაშიც, როცა დაავადების სიმპტომების გამოვლენა მცირდება.

შენახვის პირობები და ვადები
შენახვის ვადა არის 3 წელი.
ვარგისიანობის ვადის გასვლის თარიღი მითითებულია მუყაოს კოლოფზე და ბლისტერზე.
კოლოფზე მითითებული შენახვის ვადის გასვლის შემდეგ პრეპარატის გამოყენება არ შეიძლება!
პრეპარატი ინახება სინათლისგან დაცულ ადგილას, ტემპერატურა +15°C - +25°C
პრეპარატი ინახება ბავშვებისათვის მიუწვდომელ ადგილას!

აფთიაქში გაცემის წესი
პრეპარატი გაიცემა ექიმის რეცეპტის გარეშე.

მწარმოებელი ფირმა, ქვეყანა:
BERLIN-CHEMIE AG
გერმანია

სალოვერი MR-ავერსი

SALOVER MR-AVERSI

ზოგადი დახასიათება:

საერთაშორისო არაპატენტირებული დასახელება: ტამსულოზინი;

ძირითადი ფიზიკურ-ქიმიური თვისებები: თეთრი ფერის მრგვალი ფორმის, ორმხრივ ამოზნექილი ზედაპირის მქონე ტაბლეტები, ტაბლეტის ერთ მხარეს ამოტვიფრულია “T9SL”, ხოლო მეორე მხარეს -“0.4”

შემადგენლობა:

1 ტაბლეტი შეიცავს:

ტაბლეტის გარე ბირთვის შემადგენლობა:

აქტიური სუბსტანცია: ტამსულოზინის ჰიდროქლორიდი _ 0.4 მგ;

დამხმარე ნივთიერებები: მიკროკრისტალური ცელულოზა, ჰიპრომელოზა, კარბომერი, უწყლო კოლოიდური სილიციუმის დიოქსიდი, მაგნიუმის სტეარატი;

ტაბლეტის შიდა ბირთვის შემადგენლობა: ჰიპრომელოზა, მიკროკრისტალური ცელულოზა, კარბომერი, უწყლო კოლოიდური სილიციუმის დიოქსიდი, რკინის წითელი ოქსიდი, მაგნიუმის სტეარატი.

გამოშვების ფორმა:

ტაბლეტები პროლონგირებული გამოთავისუფლებით.

ფარმაკოლოგიური ჯგუფი:

სელექციური ალფა1-ადრენობლოკატორები.

ATC Code: G04CA02.

ფარმაკოლოგიური თვისებები:

ტამსულოზინის ჰიდროქლორიდი წარმოადგენს ალფა1A-ადრენორეცეპტორების მაბლოკირებელ საშუალებას და განკუთვნილია წინამდებარე ჯირკვლის კეთილთვისებიანი ჰიპერპლაზიის სიმპტომური მკურნალობისთვის. იგი არჩევითად აბლოკირებს წინამდებარე ჯირკვლის, შარდის ბუშტის ყელის, შარდსადენის წინამდებარე ნაწილის გლუვი კუნთების პოსტსინაპსურ ალფა1A-ადრენორეცეპტორებს, რის შედეგად მცირდება გლუვი კუნთების ტონუსი, ადვილდება შარდის გამოყოფა და უმჯობესდება მოშარდვის აქტი. ეს იწვევს ობსტრუქციისა და გაღიზიანების სიმპტომების შემცირებას, რომლებიც დაკავშირებულია წინამდებარე ჯირკვლის კეთილთვისებიან ჰიპერპლაზიასთან.

ტამსულოზინს ნაკლებად აქვს გამოხატული სისხლძარღვების გლუვი კუნთების ალფა1B-ადრენორეცეპტორების ბლოკირების უნარი, ამიტომ  მისი მოქმედება სისტემური არტერიული წნევის მაჩვენებლებზე უმნიშვნელოა როგორც არტერიული ჰიპერტენზიის, ასევე ნორმალური წნევის მქონე პაციენტებში.

ფარმაკოკინეტიკა:

შეწოვა: სალოვერი MR-ავერსი წარმოადგენს ტაბლეტს პროლონგირებული გამოთავისუფლებით, რომლის სამკურნალო ფორმა უზრუნველყოფს სისხლის პლაზმაში ტამსულოზინის კონცენტრაციის საკმარის ექსპოზიციას 24 საათის განმავლობაში. მიღებული დოზის 57%-მდე შეიწოვბა კუჭ-ნაწლავის ტრაქტიდან. საკვების მიღება არ ახდენს გავლენას პრეპარატის შეწოვის დონეზე და ხარისხზე. ტამსულოზინის ფარმაკოკინეტიკას აქვს ხაზოვანი ხასიათი. ერთჯერადად მიღების შემდეგ მაქსიმალური კონცენტრაცია სისხლის პლაზმაში (Cmax)  მიიღწევა საშუალოდ 6 სთ-ში და შეადგენს დაახლოებით 6 ნგ/მლ-ს. წონასწორულ მდგომარეობაში, რომელიც მიიღწევა პრეპარატის მიღების დაწყებიდან მე-4 დღეს, Cmax  მიიღწევა 4-6 საათში და იზრდება 11 ნგ/მლ-მდე.  პაციენტებს შორის პლაზმური კონცენტრაცია მნიშვნელოვნად ვარირებს როგორც ერთჯერადი, ასევე მრავალჯერადი მიღების შემდეგ.

განაწილება: პლაზმის ცილებს უკავშირდება 99%, განაწილების მოცულობა (V_d) უმნიშვნელოა და შეადგენს 0.2 ლ/კგ.

მეტაბოლიზმი და გამოყოფა: ტამსულოზინი ნელა მეტაბოლიზდება ღვიძლში ფარმაკოლოგიურად ნაკლებად აქტიური მეტაბოლიტების წარმოქმნით. აქტიური ნივთიერების უმეტესი ნაწილი უცვლელი სახითაა წარმოდგენილი სისხლში. ღვიძლის ფუნქციის მსუბუქი და საშუალო სიმძიმის დარღვევისას დოზირების რეჟიმის კორექცია საჭირო არ არის.

ტამსულოზინი და მისი მეტაბოლიტები ძირითადად გამოიყოფა თირკმელებით, აქედან ტამსულოზინის 4-6% გამოიყოფა უცვლელი სახით. პრეპარატის ერთჯერადად მიღებისას ნახევარგამოყოფის პერიოდი შეადგენს 19 სთ-ს, წონასწორულ მდგომარეობაში – 15 საათს.

თირკმლის ფუნქციის დარღვევისას დოზირების რეჟიმის კორექცია საჭირო არ არის.

ჩვენება:

წინამდებარე ჯირკვლის კეთილთვისებიანი ჰიპერპლაზიის ფუნქციური სიმპტომები (მკურნალობა).

მიღების წესი და დოზირება:

სალოვერი MR-ავერსი მიიღება პერორალურად 1 ტაბლეტი ერთხელ დღეში საკმარისი რაოდენობის წყლის მიყოლებით. ტაბლეტის დაღეჭვა ან დანაწევრება რეკომენდებული არ არის, პრეპარატის გამოთავისუფლების სიჩქარეზე შესაძლო გავლენის გამო.

გვერდითი მოვლენები:

გვერდითი მოვლენების სიხშირე მოყვანილია შემდეგი კლასიფიკაციის მიხედვით: ძალიან ხშირი (≥ 1/10); ხშირი (≥ 1/100,

ცენტრალური ნერვული სისტემის მხრივ: ხშირი – თავბრუ; არახშირი - თავის ტკივილი; იშვიათი – სინკოპე;

მხედველობის ორგანოების მხრივ: უცნობი სიხშირის – მხედველობის დარღვევა;

გულ-სისხლძარღვთა სისტემის მხრივ: არახშირი - გულისცემის შეგრძნება, ორთოსტატული ჰიპოტენზია; იშვიათი - ტაქიკარდია, ტკივილი გულ-მკერდის არეში;

სასუნთქი სისტემის ორგანოების მხრივ:  არახშირი – რინიტი; უცნობი სიხშირის – სისხლდენა ცხვირიდან;

საჭმლის მომნელებელი სისტემის მხრივ: არახშირი - გულისრევა, ღებინება, დიარეა ან ყაბზობა; უცნობი სიხშირის – პირის სიმშრალე;

შარდ-სასქესო სისტემის მხრივ: ხშირი – ეაკულაციის დარღვევები, რეტროგრადული ეაკულაცია; ძალიან იშვიათი - პრიაპიზმი;

ალერგიული რეაქციები: არახშირი - გამონაყარი, ქავილი, ჭინჭრის ციება; იშვიათი -  ანგიონევროზული შეშუპება; ძალიან იშვიათი - სტივენს-ჯონსონის სინდრომი; უცნობი სიხშირის - მულტიფორმული ერითემა, ექსფოლიაციური დერმატიტი;

სხვა: არახშირი - ასთენია, ძილის დარღვევა (ძილიანობა ან უძილობა), ტკივილი ზურგის არეში.

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:

მომატებული მგრძნობელობა პრეპარატისა და მისი შემადგენელი კომპონენტებისადმი; ორთოსტატული ჰიპოტენზია (მათ შორის ანამნეზში); ღვიძლის გამოხატული უკმარისობა; სიფრთხილით გამოიყენება თირკმლის მძიმე უკმარისობის (კკ

ურთიერთქმედება სამკურნალო საშუალებებთან და სხვა სახის ურთიერთქმედება:

ტამსულოზინის ურთიერთქმედება ატენოლოლთან, ენალაპრილთან, ნიფედიპინთან ან თეოფილინთან ერთდროული მიღებისას აღმოჩენილი არ არის.

მიუხედავად იმისა რომ სალოვერი MR-ავერსის ციმეტიდინთან ერთად მიღებისას აღინიშნება სისხლის პლაზმაში ტამსულოზინის კონცენტრაციის მომატება, ხოლო ფუროსემიდთან კომბინირებისას - კონცენტრაციის შემცირება, მათი ერთდროული მიღებისას სალოვერი MR-ავერსის დოზის კორექცია საჭირო  არ არის.

დიაზეპამი, პროპრანოლოლი, ტრიქლორმეთიაზიდი, ქლორმადინონი, ამიტრიპტილინი, დიკლოფენაკი, გლიბენკლამიდი, სიმვასტატინი და ვარფარინი არ ცვლის ტამსულოზინის თავისუფალი ფრაქციის დონეს სისხლის პლაზმაში ინ ვიტრო კვლევებში. თავის მხრივ ტამსულოზინი არ ცვლის დიაზეპამის, პროპრანოლოლის, ტრიქლორმეთიაზიდის და ქლორმადინონის თავისუფალ ფრაქციებს.

დიკლოფენაკი და არაპირდაპირი ანტიკოაგულანტები რამდენადმე ზრდიან ტამსულოზინის ელიმინაციის სიჩქარეს.

ტამსულოზინი არ მიიღება იზოფერმენტ CYP3A4 -ის ძლიერ ინჰიბიტორებთან  (კეტოკონაზოლი) კომბინაციაში. სიფრთხილით გამოიყენება CYP3A4 -ის ზომიერ ინჰიბიტორებთან  (ერითრომიცინი) კომბინაციაში. ტამსულოზინი სიფრთხილით გამოიყენება CYP2D6-ის ძლიერ (პაროქსეტინი) და ზომიერ  (ტერბინაფინი) ინჰიბიტორებთან კომბინაციაში, ასევე CYP2D6-ის სუსტი მეტაბოლიზმის მქონე პაციენტებში. ტამსულოზინი სიფრთხილით გამოიყენება ციმეტიდინთან კომბინაციაში.

სალოვერი MR-ავერსის და სხვა ალფა1-ადრენობლოკატორების ერთდროულად გამოყენებისას შესაძლებელია ჰიპოტენზიური ეფექტის გაძლიერება.

ჭარბი დოზირება:

დოზის გადაჭარბების შემთხვევაში შესაძლებელია განვითარდეს მწვავე არტერიული ჰიპოტენზია, რომლის კორეგირებაც უნდა მოხდეს სიმპტომური თერაპიის საშუალებით.

არტერიული წნევის და გულისცემის ნორმალური სიხშირის აღსადგენად პაციენტი უნდა მოთავსდეს ჰორიზონტალურ მდგომარეობაში. ტამსულოზინის შემდგომი აბსორბციის აცილების მიზნით მართებულია კუჭის გამორეცხვა, ასევე გააქტივებული ნახშირის ან ოსმოსური საფაღარათო საშუალების (ნატრიუმის სულფატის) მიღება. ეფექტის არარსებობის შემთხვევაში საჭიროა სისხლის მოცულობის გამზრდელი და სისხლძარღვთა შემავიწროებელი პრეპარატების გამოყენება.

აუცილებელია თირკმლის ფუნქციის კონტროლი. ნაკლებად სავარაუდოა დიალიზის ეფექტურობა, ვინაიდან ტამსულოზინი ინტენსიურად უკავშირდება პლაზმის ცილებს.

განსაკუთრებული მითითებები:

როგორც სხვა ალფა1-ადრენობლოკატორების გამოყენებისას, სალოვერი MR-ავერსით მკურნალობის ცალკეულ შემთხვევებში შესაძლოა გამოვლინდეს არტერიული წნევის დაქვეითება და სინკოპეს განვითარება. ორთოსტატული ჰიპოტენზიის პირველი ნიშნების გამოვლენისას (თავბრუ, სისუსტე) პაციენტი უნდა დაჯდეს ან დაწვეს სიმპტომების გაქრობამდე.

კატარაქტის გამო ოპერაციული ჩარევებისას პრეპარატის მიღების ფონზე შეიძლება განვითარდეს თვალის ფერადი გარსის ინტრაოპერაციული არასტაბილურობის სინდრომი (ვიწრო გუგის სინდრომი), რაც ქირურგმა აუცილებლად უნდა გაითვალისწინოს პაციენტის ოპერაციული მომზადებისა და ოპერაციის ჩატარებისას.

სალოვერი MR-ავერსით თერაპიის დაწყებამდე პაციენტი უნდა იქნეს გამოკვლეული იმ დაავადებათა გამორიცხვის მიზნით, რომელთა სიმპტომებიც მსგავსია პროსტატის კეთილთვისებიანი ჰიპერპლაზიის სიმპტომების.

მკურნალობის დაწყებამდე და თერაპიის დროს სავალდებულოა რეგულარულად ჩატარდეს რექტო-დიგიტალური გამოკვლევა და საჭიროების შემთხვევაში PSA -ს (პროსტატის სპეციფიკური ანტიგენი) განსაზღვრა.

ტამსულოზინი სიფრთხილით ინიშნება თირკმლის ქრონიკული უკმარისობისას (კრეატინინის კლირენსი

სალოვერი MR-ავერსის ეფექტურობა ბავშვებში და 18 წლამდე ასაკის მოზარდებში არ არის დადგენილი.

პრეპარატის ზემოქმედება ავტოტრანსპორტისა და მექანიზმების მართვის უნარზე: მკურნალობის პერიოდში აუცილებელია სიფრთხილე ავტოტრანსპორტის მართვისა და სხვა პოტენციურად საშიში საქმიანობისას, რომლებიც მოითხოვენ ყურადღების კონცენტრაციას და ფსიქომოტორული რეაქციების სისწრაფეს.

შეფუთვა:

10 ტაბლეტი ბლისტერში, 3 ბლისტერი მუყაოს კოლოფში.

შენახვის პირობები:

ინახება არა უმეტეს 25ºC ტემპერატურაზე სინათლისაგან დაცულ და ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:

3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაცემის წესი:

ფარმაცევტული პროდუქტის ჯგუფი II, გაიცემა ფორმა #3 რეცეპტით.

მწარმოებელი:

შპს “ავერსი-რაციონალი” (საქართველო).

მისამართი:

საქართველო 0198, თბილისი,

ჭირნახულის ქ. 14.

www.aversi.ge

მელონის სიროფი
(Melon)

ზოგადი დახასიათება:
საერთაშორისო არაპატენტირებული დასახელება: ამბროქსოლი, სალბუტამოლი, გვაიფენეზინი.

ძირითადი ფიზიკურ-ქიმიური თვისებები:
ტაბლეტები: მკრთალი ვარდისფერი, მრგვალი ფორმის, ბრტყელი ზედაპირის მქონე შემოუგარსავი ტაბლეტები მუქი ვარდისფერი ჩანართებით, ნაზოლითა და ჭდით.
სიროფი: ღია ნარინჯისფერი ბლანტი სითხე არომატული სუნითა და მოტკბო გემოთი.

შემადგენლობა:   
1 შემოუგარსავი ტაბლეტი შეიცავს:
ამბროქსოლის ჰიდროქლორიდს – 15 მგ,
სალბუტამოლის სულფატს, ეკვივალენტურს სალბუტამოლის 2 მგ-ისა,
გვაიფენეზინს – 100 მგ;
დამხმარე ნივთიერებები: კალციუმის ჰიდროფოსფატი, სიმინდის სახამებელი, პოვიდონი, ნატრიუმის მეთილჰიდროქსიბენზოატი, ნატრიუმის პროპილჰიდროქსიბენზოატი, ლიმონმჟავას მონოჰიდრატი, გასუფთავებული ტალკი, მაგნიუმის სტეარატი, კოლოიდური სილიციუმის დიოქსიდი, საღებავი Ponceau 4R (E 124),

სიროფის 5 მლ შეიცავს:
ამბროქსოლის ჰიდროქლორიდს _ 15 მგ, სალბუტამოლის სულფატს, ეკვივალენტურს სალბუტამოლის  1 მგ-ისა, გვაიფენეზინს – 50 მგ;
დამხმარე ნივთიერებები: მენთოლი, საქაროზა, ლიმონმჟავას მონოჰიდრატი, მეთილპარაბენი, პროპილპარაბენი, გლუკოზა, გლიცერინი, სორბიტოლი, ნატრიუმის საქარინი, პროპილენგლიკოლი, მარწყვის ესენცია, ანანასის ესენცია, საღებავი Sunset Yellow FCF (E 110), გასუფთავებული წყალი.                                               

გამოშვების ფორმა:
შემოუგარსავი ტაბლეტები.
სიროფი პერორალური მიღებისათვის.

ფარმაკოლოგიური ჯგუფი:
ბრონქოლიზური, მუკოლიზური და ამოსახველებელი საშუალება. ათქ-კოდი: R03CK.

ფარმაკოლოგიური თვისებები:
მელონი წარმოადგენს ბრონქოლიზურ, მუკოლიზურ და ამოსახველებელ საშუალებას. პრეპარატის ეფექტურობას განაპირობებს მასში შემავალი კომპონენტების ფარმაკოლოგიური თვისებები. ამბროქსოლი არის ბრომჰექსინის აქტიური მეტაბოლიტი, იგი ხელს უწყობს ბრონქების ლორწოვანი გარსის ეპითელური ჯირკვლების მიერ სეკრეტის გამოყოფას, ზრდის  სურფაქტანტის შემცველობას ფილტვებში, ააქტივებს ჰიდროლიზურ  ფერმენტებს, რის გამოც ხელს უწყობს ნახველის გათხიერებას. მუკოცილიარული ტრანსპორტის გაძლიერების გამო ხელს უწყობს ტრაქეობრონქული ხის განთავისუფლებას ნახველისაგან.
პრეპარატის შემადგენლობაში შემავალი სალბუტამოლი წარმოადგენს პირდაპირი მოქმედების სიმპათომიმეტურ საშუალებას, იგი სელექტიურად მოქმედებს ბრონქების ბეტა-2 რეცეპტორებზე, იწვევს გლუვი კუნთების მოდუნებას და ამ გზით ამცირებს წინაღობას ზედა სასუნთქ გზებში, ახდენს ბრონქოსპაზმის კუპირებას, ზრდის ფილტვების სასიცოცხლო მოცულობას.
გვაიფენეზინს გააჩნია ამოსახველებელი მოქმედება. იგი ათხიერებს ნახველს და ხელს უწყობს სასუნთქი გზების განთავისუფლებას ნახველისაგან.
 
ფარმაკოკინეტიკა:
ამბროქსოლი პერორალურად მიღების შემდეგ სწრაფად და სრულად შეიწოვება კუჭ-ნაწლავის ტრაქტიდან, მისი ბიოშეღწევადობა შეადგენს 80 %-ს, ყველაზე მაღალ კონცენტრაციას ამბროქსოლი აღწევს ფილტვებში, მეტაბოლიზმს განიცდის ღვიძლში, პრეპარატის 90 % გამოიყოფა თირკმელების საშუალებით. ამბროქსოლის მოქმედება იწყება 30 წთ-ში და გრძელდება 6-12 სთ. მაქსიმალური თერაპიული ეფექტი ვლინდება მესამე დღეს.
სალბუტამოლი სწრაფად შეიწოვება კუჭ-ნაწლავის ტრაქტიდან, მისი პლაზმის ცილებთან დაკავშირება შეადგენს 10%-ს. ნახევარგამოყოფის პერიოდი შეადგენს 4-6 სთ-ს. ღვიძლში განიცდის პირველად დაშლას, მისი ძირითადი მეტაბოლიტია არააქტიური სულფატური კონიუგატი, რომელიც გამოიყოფა ორგანიზმიდან შარდთან ერთად.
გვაიფენეზინი ადვილად შეიწოვება კუჭ-ნაწლავის ტრაქტიდან, მისი ნახევარგამოყოფის პერიოდი შეადგენს 1 სთ-ს, ორგანიზმიდან გამოიყოფა უცვლელი სახით შარდთან ერთად.
 
ჩვენება:
• პროდუქციული ხველით მიმდინარე სასუნთქი გზების მწვავე და ქრონიკული ანთებითი დაავადებები;
• ფილტვის ქრონიკული ობსტრუქციული დაავადება;
• ბრონქული ასთმა;
• ბრონქოექტაზია;
• ბრონქიოლიტი;
• მუკოვისციდოზი.
 
მიღების წესი და დოზირება:
ტაბლეტები:
2-დან 6 წლამდე ასაკის ბავშვებში _ 1/2 ტაბლეტი 3-4-ჯერ დღეში;
6-დან 12 წლამდე ასაკის ბავშვებში _ 1 ტაბლეტი 3-4-ჯერ დღეში;
მოზრდილებსა და 12 წლის ასაკის ზემოთ ბავშვებში _ 1-2 ტაბლეტი 3-4-ჯერ დღეში.
სიროფი:
2-დან 6 წლამდე ასაკის ბავშვებში _ 2.5 მლ 3-ჯერ დღეში;
6-დან 12 წლამდე ასაკის ბავშვებში _ 5 მლ 3-ჯერ დღეში;
მოზრდილებსა და 12 წლის ასაკის ზემოთ ბავშვებში _ 5-10 მლ 3-ჯერ დღეში.

გვერდითი მოვლენები:
გულ-სისხლძარღვთა სისტემის მხრივ: პალპიტაცია, ტაქიკარდია;
სასუნთქი სისტემის მხრივ: რინორეა, ზემო სასუნთქი გზების სიმშრალე;
კუჭ-ნაწლავის ტრაქტის მხრივ: ტკივილი ეპიგასტრიუმის არეში, გულისრევა, ღებინება, პირის სიმშრალე;
ნერვული სისტემის მხრივ: თავის ტკივილი, ტრემორი;
ალერგიული რეაქციები: შეშუპება, გამონაყარი კანზე, შეწითლება, სახის შეშუპება.

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ, გულის პათოლოგიები, ჰიპერთირეოიდიზმი, ორსულობა და ლაქტაცია, მწვავე პორფირია.

ურთიერთქმედება სხვა სამკურნალო საშუალებებთან:
ამბროქსოლი აუმჯობესებს ანტიბიოტიკების (ამოქსიცილინი, ცეფუროქსიმი, დოქსიციკლინი, ერითრომიცინი) შეღწევადობას სასუნთქ სისტემაში. ამბროქსოლი ეფექტურად გამოიყენება დოქსიციკლინთან კომბინაციაში.
მელონის გამოყენებამ ხველის საწინააღმდეგო საშუალებებთან ერთად შესაძლოა გამოიწვიოს ფილტვებში ნახველის დაგროვება.
სალბუტამოლის გამოყენებისას სხვა ბეტა-2 აგონისტებთან, კორტიკოსტეროიდებთან, შარდმდენებსა და ქსანთინებთან ერთად იზრდება ჰიპოკალიემიის განვითარების რისკი.
თეოფილინთან კომბინაციაში მატულობს ტაქიკარდიისა და სუპრავენტრიკულური არითმიების განვითარების რისკი.

ჰიპერდოზირება:
ჰიპერდოზირებისას მოსალოდნელია გვერდითი მოვლენების გაძლიერება, მკურნალობა სიმპტომურია.

ორსულობა და ლაქტაცია:
ორსულობის 28 კვირის შემდგომ პერიოდში ჩატარებულმა კლინიკამდელმა და კლინიკურმა კვლევებმა ამბროქსოლის უარყოფითი ზემოქმედება ორსულებზე არ გამოავლინა. სალბუტამოლის გამოყენება აკრძალულია ორსულობის I და II ტრიმესტრში სპონტანური აბორტის შესაძლო განვითარების გამო, III ტრიმესტრში პლაცენტის ნაადრევი აშრევებისა და სისხლდენის საშიშროების არსებობისას, ასევე III ტრიმესტრის ტოქსიკოზის დროს. სალბუტამოლი გადადის დედის რძეში, ამის გამო ლაქტაციის პერიოდში პრეპარატის გამოყენება დასაშვებია იმ შემთხვევაში, როდესაც დედისათვის მოსალოდნელი სარგებელი  მკვეთრად სჭარბობს ბავშვზე მოსალოდნელი უარყოფითი მოქმედების რისკს.

გამოყენების თავისებურებები:
პრეპარატი განსაკუთრებული სიფრთხილით გამოიყენება ჰიპერთირეოზის, გულის უკმარისობის, არითმიების, QT-ინტერვალის გახანგრძლივებისადმი მიდრეკილების და ჰიპერტენზიის დროს. გვაიფენეზინი არ გამოიყენება პერსისტიული ხველის დროს, რომელიც განპირობებულია თამბაქოს მოხმარებით, ბრონქული ასთმით, ემფიზემით, ჭარბი ბრონქული სეკრეციით, გარდა იმ შემთხვევებისა, როდესაც პრეპარატის დანიშვნა და გამოყენება ხდება მკაცრი სამედიცინო კონტროლის ქვეშ. ხანგრძლივად მიმდინარე ხველა შესაძლებელია იყოს რომელიმე სერიოზული დაავადების სიმპტომი. თუ ხველა გრძელდება ერთ კვირაზე მეტ ხანს, აღინიშნება მისი გაძლიერება ან ხველას დაერთო ცხელება, გამონაყარი, თავის ტკივილი, საჭიროა ექიმის კონსულტაცია.
ექიმის კონსულტაციის გარეშე გვაიფენეზინი არ გამოიყენება 2 წლამდე ასაკის ბავშვებში. პრეპარატი სიფრთხილით ინიშნება თირკმლის ან/და ღვიძლის უკმარისობის დროს. იგი არ გამოიყენება ხველის საწინააღმდეგო საშუალებებთან ერთად, რომლებიც აფერხებენ ნახველის გამოყოფას.
 
შეფუთვა:
10 ტაბლეტი კონტურულ უჯრედოვან შეფუთვაში, 3 კონტურული შეფუთვა მუყაოს კოლოფში;
100 მლ სიროფი ნარინჯისფერ მინის ფლაკონებში, თითო ფლაკონი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისა  და ბავშვებისაგან დაცულ
ადგილას.

ვარგისიანობის ვადა :
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.

აქვა მარის 30მლ ცხვირის აეროზოლი

შემადგენლობა

100 მლ ხსნარი შეიცავს 30 მლ ადრიატიკის ზღვის წყალს ნატურალური მიკროელემენტებით და 70 მლ გასუფთავებულ წყალს.
არ შეიცავს კონსერვანტებს.
იონები:
Na - არანაკლებ 2.50 მგ/მლ;
Ca - არანაკლებ 0.08 მგ/მლ;
Mg2 - არანაკლებ 0.35 მგ/მლ;
Cl - არანაკლებ 5.50 მგ/მლ;
SO42 - არანაკლებ 0.60 მგ/მლ;
HCO3 - არანაკლებ 0.03 მგ/მლ;
აღწერილობა
უფერო გამჭვირვალე ხსნარი სუნის გარეშე.

სტერილიზებული იზოტონიური ზღვის წყალი ხელს უწყობს ცხვირის ღრუს ლორწოვანი გარსის ნორმალური ფიზიოლოგიური მდგომარეობის შენარჩუნებას. პრეპარატი ხელს უწყობს ლორწოს გათხელებას და მისი გამომუშავების ნორმალიზებას ცხვირის ღრუს ლორწოვანი გარსის ბოკალისებურ უჯრედებში. 
პრეპარატის შემადგენლობაში შემავალი მიკროელემენტები აუმჯობესებენ ციმციმის ეპითელიუმის ფუნქციას, ახდენენ ანთების საწინააღმდეგო, გამასუფთავებელ, მასტიმულირებელ, აღმდგენ მოქმედებას ცხვირის ღრუს ლორწოვან გარსზე. ალერგიული და ვაზომოტორული რინიტების დროს პრეპარატი ხელს უწყობს ცხვირის ლორწოვანადან ალერგენების ჩამორეცხვასა და მოშორებას, ადგილობრივი ანთებითი პროცესის შემცირებას.
ჰიგიენური მიზნებით გამოყენებული აქვა მარისი ხელს უწყობს ლორწოვანას გასუფთავებას მასზე დალექილი ქუჩისა და ოთახის მტვერისაგან.

- ცხვირის ღრუს, დამატებითი სინუსებისა და ცხვირ-ხახის მწვავე და ქრონიკული ანთებითი დაავადებები;
- ადენოიდები;
- ოპერაციის შემდგომი პერიოდი (ცხვირის ღრუს ოპერაციების შემდეგ);
- ალერგიული და ვაზომოტორული რინიტები, განსაკუთრებით იმ პირებში, რომლებიც მიდრეკილნი არიან ან აწუხებთ ჰიპერმგრძნობელობა სამკურნალო საშუალებების მიმართ, მ.შ. ორსულ ქალებსა და ლაქტაციის პერიოდში;
- ცხვირის ღრუს ინფექციის პროფილაქტიკა შემოდგომა-ზამთრის პერიოდში (მ.შ. ორსულ ქალებსა და ლაქტაციის პერიოდში);
- ცხვირის ღრუს ლორწოვანი გარსის სიმშრალე: ცხვირის ღრუს ლორწოვანი გარსის ფიზიოლოგიური მახასიათებლების შენარჩუნება შეცვლილ მკროკლიმატურ პირობებში – იმ პირებში, რომლებიც ცხოვრობენ და მუშაობენ შენობებში კონდიცირებული ჰაერით და/ან ცენტრალური გათბობით; ადამიანებში, რომელთა ზედა სასუნთქი გზების ლორწვანი გარსი მუდმივად იმყოფება მავნე ზემოქმედების ქვეშ (მწეველები, ავტოტრანსპორტის მძღოლები, ცხელ და მტვრიან საამქროებში მომუშავე ადამიანები, ასევე, რომლებიც იმყოფებიან მკაცრი კლიმატური პირობების რეგიონებში).

მკურნალობის მიზნით:
აქვა მარისი ცხვირის წვეთები ბავშვებისათვის:
- ბავშვებში სიცოცხლის 1-ლი დღიდან: დღეში 4-ჯერ 2 წვეთი თითოეულ ნესტოში.
აქვა მარისი ნაზალური დოზირებული სპრეი:
- 1-7 წლის ბავშვებში: დღეში 4-ჯერ ორი შესხურება თითოეულ ნესტოში;
- 7-16 წლის ბავშვებში: დღეში 4-6-ჯერ ორი შესხურება თითოეულ ნესტოში;
- მოზრდილებში: დღეში 4-8-ჯერ ორი-სამი შესხურება თითოეულ ნესტოში.
ყველა შემთხვევაში მკურნალობის კურსი 2-4 კვირას შეადგენს (ექიმის გადაწყვეტილების მიხედვით).
რეკომენდებულია ერთი თვის შემდეგ კურსის გამეორება.
ჰიგიენის მიზნით:
აქვა მარისი ცხვირის წვეთები ბავშვებისათვის:
- ბავშვებში სიცოცხლის 1-ლი დღიდან ტუალეტი უნდა ჩატარდეს აქვა მარისის წვეთების ჩაწვეთების სახით დღეში 2-3-ჯერ 1-2 წვეთი თითოეულ ნესტოში.
აქვა მარისი ნაზალური დოზირებული სპრეი:
- 1-7 წლის ბავშვებში: დღეში 3-ჯერ ერთი-ორი შესხურება თითოეულ ნესტოში;
- 7-16 წლის ბავშვებში: დღეში 2-4-ჯერ ორი შესხურება თითოეულ ნესტოში;
- მოზრდილებში: დღეში 3-6-ჯერ ორი-სამი შესხურება თითოეულ ნესტოში.
ბინძური გროვებისა და ცხვირიდან გამონადენის დარბილებისა და მოშორებისათვის:
- აქვა მარისი შეისხურება ან ჩაიწვეთება იმდენი, რამდენსაც მოითხოვს სიტუაცია, ბამბის ან ცხვირსახოცის მეშვეობით გამოდენილი ზედმეტი სითხის მოწმენდით. პროცედურა შეიძლება მრავალჯერ განმეორდეს მანამ, სანამ დამაბინძურებელი ნაწილაკების გროვები წარმატებით არ დაბილდება და მოშორდება.

შესაძლებელია ალერგიული რეაქციები.

ჰიპერმგრძნობელობა პრეპარატის კომპონენტების მიმართ. 1 წლამდე ბავშვთა ასაკი (ნაზალური დოზირებული სპრეისათვის).

ახალშობილებში, შუა ყურის ინფიცირების რისკის პრევენციის მიზნით, ცხვირის ღრუში ხსნარი ჩაიწვეთება სიფრთხილით ფლაკონზე მინიმალური დაჭერით.

ჭარბი დოზის შემთხვევები ცნობილი არ არის.

ვინაიდან პრეპარატი არ ახდენს სისტემურ ზემოქმედებას ორგანიზმზე, ურთიერთქმედება სხვა სამკურნალო პრეპარატებთან აღნიშნული არ არის. დაიშვება სურდოს სამკურნალოდ გამოყენებად სხვა სამკურნალო პრეპარატებთან ერთად გამოყენება.

ინახება არაუმეტეს 25^oC ტემპერატურაზე ბავშვებისათვის მიუწვდომელ ადგილას.
ვარგისიანობის ვადა
ცხვირის სპრეი, დოზატორით, 3 წელი. შეფუთვაზე მითითებული ვარგისიანობის ვადის გასვლის შემდეგ გამოყენება არ შეიძლება. 
ცხვირის წვეთები ბავშვებისთვის 2 წელი. შეფუთვაზე მითითებული ვარგისიანობის ვადის გასვლის შემდეგ გამოყენება არ შეიძლება.

რეცეპტის გარეშე.

ლაზოლვანი 

კლინიკურ-ფარმაკოლოგიური ჯგუფი:
მუკოლიზური, ამოსახველებელი საშუალება.

შემადგენლობა და გამოშვების ფორმა:
ტაბლეტები: შეფუთვაში 20 და 50 ც.
1 ტაბ.
ამბროქსოლის ჰიდროქლორიდი  30 მგ
დამხმარე ნივთიერებები:
ლაქტოზა, სიმინდის სახამებელი, მაგნიუმის სტეარატი.

ჩვენებები:
პრეპარატი გამოიყენება მწვავე და ქრონიკული ბრონქოპულმონური დაავადებების სეკრეტოლიზური თერაპიისათვის, რომელიც დაკავშირებულია ნახველის ევაკუაციის დარღვევასთან.

მიღების წესი და დოზირება:
მოზრდილებში 1 ტაბლეტი ინიშნება 3-ჯერ დღეში. მკურნალობის ეფექტი შესაძლოა გავზარდოთ დღეში 2-ჯერ 2 ტაბლეტის მიღებით. ტაბლეტი ინიშნება ჭამის შემდეგ წყლის მიყოლებით.

გვერდითი მოვლენები:
ლაზოლვანს როგორც წესი კარგად იტანენ პაციენტები, შესაძლებელია კუჭ-ნაწლავის ტრაქტის მხრივ უმნიშვნელო სახის დარღვეები (კუჭის წვა, დისპეფსია, ძალიან იშვიათად გულისრევა და ღებინება).
ალერგიული რეაქციები აღინიშნება ძალიან იშვიათად და ვლინება კანზე გამონაყარით. ძალიან იშვიათად ვითარდება ანაფილაქსიური ტიპის მწვავე რეაქციები.

უკუჩვენებები:
* პრეპარატის გამოყენება წინააღმდეგნაჩვენებია მასში შემავალი რომელიმე კომპონენტის მიმართ მომატებული მგრძნობელობისას.

ორსულობა და ლაქტაცია:
ორსულობის I ტრიმესტრში პრეპარატი სიფრთხილით გამოიყენება.
* რადგან ლაზოლვანი აღწევს დედის რძეში, ლაქტაციის პერიოდში არ არის მიზანშეწონილი მისი გამოყენება.

განსაკუთრებული მითითებები:
* ლაზოლვანის შემადგენლობაში შემავალმა კონსერვანტმა - ბენზალკონიუმის ქლორიდმა ინჰალაციის დროს შესაძლებელია გამოიწვიოს ბრონქოსპაზმი.

ჭარბი დოზირება:
არ მოიპოვება მონაცემები.
ჭარბი დოზირების შემთხვევაში რეკომენდებულია  სიმპტომური მკურნალობის ჩატარება.

სხვა წამლებთან ურთიერთქმედება:
ლაზოლვანისა და ანტიბიოტიკების (ამოქსიცილინი, ცეფუროქსიმი, ერითრომიცინი, დოქსიციკლინი) ერთდროული გამოყენება უზრუნველყოფს ფილტვის ქსოვილში ანტიბიოტიკის თერაპიულ კონცენტრაციას.

შენახვის პირობები:
პრეპარატი ინახება არაუმეტეს 30^oC ტემპერატურაზე, მშრალ, ბავშვებისაგან დაცულ ადგილას.
ვარგისიანობის ვადა:
5 წელი.