ქვეყანა: გერმანია

მწარმოებელი: დ.გუსტავ კლეინ Gmbh & CokG

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ანტიფლუ (ANTIFLU)

ხსნადი ფხვნილი

ფურცელ-ჩანართი

(პაციენტებისთვის)

სავაჭრო დასახელება

ანტიფლუ

სამკურნალწამლო ფორმა

ხსნადი ფხვნილი

აღწერა

თეთრი, უმნიშვმელო ელფერის მქონე ფხვიერი ფხვნილი, რომელიც შეიცავს კრისტალურ ნაწილაკებს, ლიმონის სუსტი სუნით.

შემადგენლობა

მოქმედი ნივთიერებები: (1 პაკეტში): აცეტამინოფენი 650მგ, ფენილეფრინის ჰიდროქლორიდი 10მგ, ქლორფენირამინის მალეატი 4მგ.

დამხმარე ნივთიერებები: ასკორბინის მჟავა, შაქარი (შაქრის ფხვნილი), შაქარი (საქაროზა), ლიმონმჟავა, კრემნიუმის დიოქსიდი, კრემნიუმის კოლოიდური დიოქსიდი, ლიმნის არომატიზატორი, სამფუძიანი ნატრიუმის ციტრატი, სახამებელი (სიმინდის სახამებელი), ტიტანის დიოქსიდი, ტრიკალციუმის ფოსფატი, D&C ყვითელი №10 (E104), FD&C ყვითელი N6 (E110).

ფარმაკოთერაპიული ჯგუფი

გაციებით მიმდინარე დაავადებების დროს გამოსაყენებელი პრეპარატი.. ათქ კოდი:N02BE51

ფარმაკოლოგიური თვისებები

აცეტამინოფენი (პარაცეტამოლი) ახდენს ანალგეზიურ, სიცხის დამწევ და სუსტ ანთებისსაწინააღმდეგო მოქმედებას. ამცირებს თავის, კუნთების და სახსრების ტკივილს, ასევე, ყელის ტკივილს.

ფენილეფრინის ჰიდროქლორიდი ახდენს სისხლძარღვთა შემავიწროვებელ მოქმედებას, ამცირებს ცხვირის და ცხვირ-ხახის ლორწოვანი გარსის შეშუპენას და ჰიპერემიას, აადვილებს ცხვირით სუნთქვას.

ქლორფენირამინის მალეატი ახდენს ანტიჰისტამინურ მოქმედებას: ამცირებს ცხვირის ლორწოვანი გარსის, ცხვირ ხახის, ზედა სასუნთქი გზების შეშუპებას, ამცირებს თვალის ქავილს.

გამოყენების ჩვენებები

ზედა სასუნთქი გზების მწვავე რესპირატორული დაავადებების სიმპრომების (ჰიპერთერმია, თავის, სახსრების და კუნთების ტკივილი, ცხვირის გაჭედილობა, სურდო, ცრემლდენა) და გრიპის სამკურნალოდ.

გამოყენების წესი და დოზირება

უფროსებისათვის: გახსენით ერთი პაკეტი ერთ ჭიქა ცხელ წყალში და გამოიყენეთ ცხელი სახით. აუცილებლობის შემთხვევაში გაიმეორეთ ყოველ 4 საათში ერთხელ, მაგრამ არაუმეტეს 4 მიღებისა დღე ღამეში. შესაძლებელია გემოვნებით შაქრის და თაფლის დამატება. damateba.

გვერდითი მოქმედებები

ალერგიული რეაქციები: კანზე გამონაყარი, ქავილი, ჭინჭრის ციება, ტოქსიკური ეპიდერმიალური ნეკროლიზი (ლაიელას სინდრომი), პოლიმორფო-ბულეზური ერითემა (სტივენს-ჯონსონის სინდრომი), მწვავე გენერალიზებული ეგზანთემატოზური პუსტულეზი, ანგიონევროტული შეშუპება (კვინკეს შეშუპება), ანაფილაქსიური შოკი.

ცნს-ის მხრივ: თავბრუსხვევა, მომატებული აღგზნებადობა (განსაკუთრებით ბავშვებში), ძილის მოშლა, ძილიანობა, ფსიქომოტორული რეაქციების სიჩქარის დაქვეითება, დაღლილობის შეგრძნება.

სისხლმბადი სისტემის მხრივ: ანემია, თრომბოციტოპენია, თრომბოციტოპენიური პურპურა, ლეიკოპენია, აგრანულოციტოზი, ჰემოლიტიკური ანემია, მეტჰემოგლობინემია, პანციტოპენია.

კუჭ-ნაწლავთა სისტემის მხრივ: გულისრევა, ღებინება, მუცლის ტკივილი, პირის სიმშრალე, დიარეა.

ღვიძლისა და სანაღვლე გზების მხრიდან: ღვიძლის მოშლა (ღვიძლისმიერი ფერმენტების მომატებული აქტივობა), ჰეპატიტი, ასევე დოზადამოკიდებული ღვიძლისმიერი უკმარისობა, ღვიძლის ნეკროზი. ხანგრძლივად გაუმართლებელი მიღებისას შეიძლება მოხდეს ღვიძლის ფიბროზი, ღვიძლის ცეროზი.

სუნთქვის ორგანოების მხრივ: ბრონქოსპაზმი ან ბრონქიალური ასთმის გამწვავება, მათ შორის იმ პაციენტებში, რომლებიც მგრძნობიარენი არიან აცეტილსალიცილის მჟავას მიმართ და სხვა არასტეროიდული ანთებისსაწინააღმდეგო პრეპარატების მიმართ.

გულ-სისხლძარღვთა  სისტემის მხრიდან: გულისცემის შეგრძნება, მომატებული არტერიული წნევა.

შარდმდენი სისტემის მხრიდან: შარდის შეკავება, დიდი ხნის განმავლობაში მისი დიდი დოზებით მიღებისას შეიძლება ადგილი ჰქონდეს ნეფროტოქსიურ მოქმედებას.

სხვა: მიდრიაზი, აკომოდაციის პარეზი, თვალშიდა წნევის მატება.

უკუჩვენებები

ჰიპერმგრძნობელობა პრეპარატის ცალკეული კომპონენტების მიმართ. პორტალური ჰოპერტენზია, ალკოჰოლიზმი, თირკმლის უკმარისობა, ღვიძლისა და თირკმლის ფუნქციის გამოხატული დარღვევები, დახურულკუთხოვანი გლაუკომა, წინამდებარე ჯირკვლის ჰიპერტროფია, საქაროზა/იზომალტაზის დეფიციტი, ფრუქტოზის გადაუტანლობა, გლუკოზა-გალაქტოზას მალაბსორბცია, გლუკოზა-6-ფოსფატდეჰიდროგენაზას დეფიციტი. ბავშვთა ასაკი 18 წლამდე. პრეპარატის ერთდროული მიღება არ შეიძლება - მონოოქსიგენაზას ინჰიბიტორებთან, საძილეებთან, ტრანკვილიზატორებთან და ისეთ პერპარატებთან ერთად, რომელიც შეიცავს პარაცეტამოლს.

სიფრთხილით მიიღება: არტერიული ჰიპერტენზიის, გულ-სისხლძარღვთა მძიმე დაავადებების, შაქრიანი დიაბეტის, ბრონქიალური ასთმის, ფილტვების ქორნიკული ობსტრუქციული დაავადებების, თირეოტოქსიკოზის, ფეოქრომოციტომის, ღვიძლისა და თირკმლების მძიმე დაავადებების, გაძნელებული შარდვისას წინამდებარე ჯირკვლის ადენომის დროს, სისხლის დაავადებების, თანდაყოლილი ჰიპერბილირუბინემიის (ჟილბერის, დუბინ-ჯონსონის და როტერის სინდრომი), ვირუსული ჰეპატიტის, ჰიპეროქსალატურიის დროს.

დოზის გადაჭარბება

ზედოზირების დროს აუცილებელია დაუყოვნებლივ მიმართოთ სამედიცინო დახმარებას.

პარაცეტამოლი. ვლინდება მისი 10-15 გ-ზე მეტი დოზებით ყოველდღიურად მიღებისას. სიმპტომები: კანის საფარველის სიფერმკრთალე, დიარეა, მადის დაქვეითება, გულისრევა და ღებინება,  დისკომფორტი მუცლის ღრუში და/ან აბდომინალური ტკივილი, მომატებული ოფლიანობა. პარაცეტამოლის კლინიკური ზედოზირების სურათი მისი მიღებიდან ვითარდება 6-14 საათის განმავლობაში. ქრონიკული ზედოზირების სიმპტომები ვლინდება 2-4 დღე-ღამის შემდეგ, პრეპარატის მომატებული დოზებით მიღებისას. მძიმე მოწამვლის შემთხვევაში ვითარდება ღვიძლისმიერი უკმარისობა ღვიძლის ენცეფალოპათიის, კომისა და სიკვდილის ჩათვლით. ჰიპოკალიემია და მეტაბოლიზური აციდოზი (მათ შორის ლაქტოაციდოზი) შეიძლება განვითარდეს მწვავე ან/და ქრონიკული ზედოზირებისას. ხშირი კლინიკურ გამოვლინებების შემთხვევებს 3-5 დღის შემდეგ წარმოადგენს: სიყვითლე, ცხელება, ღვიძლის სუნი პირიდან, ჰემორაგიული დიათეზი, ჰიპოგლიკემია, ღვიძლის უკმარისობა. მწვავე ღვიძლის უკმარისობა სადინრების მწვავე ნეკროზით, რომლის დიაგნოსტიკა ხდება წელის ტკივილით, ჰემატურიით და პროთეინურიით, შეიძლება განვითარდეს ღვიძლის მძიმე დარღვევებისგან დამოუკიდებლად.

ზედოზირების ბარიერი შეიძლება მცირე იყოს იმ პაციენტებში, რომლებიც იღებენ გარკვეული სახის მედიკამენტებს, ალკოჰოლს ან არიან სერიოზულად გამოფიტულნი.

მკურნალობა: კუჭის ამორეცხვა, აქტივირებული ნახშირი პირველი 6 საათის განმავლობაში, SH ჯგუფის დონატორების, გლუტათიონის სინთეზის წინამორბედის - მეთიონინის შეყვანა ზედოზირებიდან 8-9 საათის შემდეგ და N-აცეტილცისტეინის შეყვანა 12 საათის შემდეგ.

ქლორფენირამინი. სიმპტომები: თავბრუსხვევა, აღგზნებადობა, ძილის დარღვევა.

მკურნალობა: სიმპტომატიკური

ფენილეფრინი.  სიმპტომები: აღგზნებადობა, თავის ტკივილი, თავბრუსხვევა, მძიმე შემთხვევებში შეიძლება განვითარდეს ჰალუცინაციები, გონების არევა, კრუნჩხვები, მომატებული არტერიული წნევა და არითმია.

მკურნალობა: სიმპტომატიკური, მძიმე არტერიული ჰიპერტენზიისას ალფა-ადრენობლოკატორების გამოყენება, ისეთის როგორიცაა: ფენტოლამინი.

ასკორბინის მჟავა: ასკორბინის მჟავას დიდმა დოზებმა (3000 მგ-ზე მეტი) შეიძლება გამოიწვიოს დროებითი ოსთომიტიკური დიარეა და კუჭ-ნაწლავის ტრაქტის მუშაობის დარღვევა, ისეთი როგორიცაა: გულისრევა, დისკომფორტი კუჭის მიდამოში.

მკურნალობა: სიმპტომატიკური, ფორსირებული დიურეზი.

განსაკუთრებული მითითებები და სიფრთხილის ზომები

მკურნალობის პერიოდში უნდა აკრძალოთ ალკოჰოლის,საძილე საშუალებების და ანქსიოლიტური (ტრანკვილიზატრები) საშუალებების მიღება. ცოტა რაოდენობის ალკოჰოლის მიღება პარაცეტამოლთან ერთად ზრდის ღვიძლის ტოქსიურობის პოტენციურ რისკს. კანზე  სერიოზული რეაქციების შესახებ შეტყობინება ძალიან იშვიათია. კანის სიწითლის, გამონაყარის, ბუშტუკების ან აქერცვლის შემთხვევაში უნდა შეწყდეს პარაცეტამოლით მკურნალობა და უნდა მიმართოთ ექიმს.

ღვიძლის დაზიანების რისკი იზრდება იმ პაციენტებში, რომელთაც აქვთ ალკოჰოლური ჰეპატოზი. ცვლის ლაბორატორიული კვლევების ჩვენებებს გლუკოზის რაოდენობრივი განსაზღვრისას და პლაზმაში შარდოვანას მჟავას დადგენის დროს. ხანგრძლივი მკურნალობისას აუცილებელია პერიფერიული სისხლისა და ღვიძლის ფუნქციონალური მდგომარეობის მაჩვენებლების კონტროლი. არ მიიღოთ სხვა სამკურნალო საშუალებებთან ერთად, რომელიც შეიცავს პარაცეტამოლს. ჰიპერთერმიისას, რომლის ხანგრძლივობაა 3 დღეზე მეტხანს, ხოლო ტკივილის სინდრომის დროს 5 დღეზე მეტხანს, აუცილებელია ექიმის კონსულტაცია.

ორსულობა და ლაქტაცია

არ არის რეკომენდებული პრეპარატის მიღება ორსულობის და ლაქტაციის დროს.

გავლენა მანქანისა და სხვა მექანიზმების მართვაზე

მკურნალობის პერიოდში სასურველია თავი აარიდოთ სატრანსპორტო საშუალებების მართვას, მექანიზმებზე მუშაობას და სხვა პოტენციურად საშიშ საქმიანობას.

ურთიერთქმედება სხვა სამკურნალო საშუალებებთან

რეკომენდებულია პრეპარატთან ერთად მონოამინოოქსიდაზის ინჰიბიტორების, სედატიური სამკურნალო საშუალებების, ეთანოლის მიღებისგან თავის შეკავება. პარაცეტამოლის მიერ ჰეპატოტოქსიურობის განვითარების რისკი იზრდება ბარბიტურატებთან, ფენიტოინთან, კარბამაზეპინთან, რიფამპიცინთან, ზიდოვუდინთან და სხვა ღვიძლის მიკროსომალური ფერმენტების ინდუქტორებთან ერთად მიღებისას. ეთანოლი აძლიერებს ქლორფენირამინის სედატიურ მოქმედებას. ანტიდეპრესანტები, პარკინსონსაწინააღმდეგო და ფენოთიაზინური ანტიფსიქოტოზური სამკურნალო საშუალებები ზრდის გვერდითი ეფექტების განვითარების რისკს (შარდის შეკავება, პირის ლორწოვანი გარსის სიმშრალე, გაუვალობა). გლუკოკორტიკოსტეროიდები ზრდის გლაუკომის განვითარების რისკს. პარაცეტამოლი ამცირებს ურიკოზურული სამკურნალო საშუალებების ეფექტურობას და ზრდის არაპირდაპირი ანტიკოაგულანტების ეფექტურობას. ქლორფენირამინმა მონოამინოოქსიდაზას ინჰიბიტორებთან ერთად, მაგ. ფურაზოლიდონთან ერთად შეიძლება გამოიწვიოს ჰიპერტონული კრიზი, აღგზნებადობა, ჰიპერპირექსია. ტრიციკლიდური ანტიდეპრესანტები აძლიერებს ფენილეფრინის სიმპატომიმეტიკურ მოქმედებას, გალოტანის ერთდროული დანიშვნისას იზრდება პარკუჭოვანი არითმიის განვითარების  რისკი. ფენილეფრინი ამცირებს გუანეტიდინის ჰიპოტენზიურ მოქმედებას, რომელიც თავის მხრივ, აძლიერებს ფენილეფრინის ალფა-ადრენომასტიმულირებელ აქტიურობას. ასკორბინის მჟავა ზრდის პენიცილინის, რკინის შეწოვას, ამცირებს ჰეპარინისა და არაპირდაპირი ანტიკოაგულანტების კლინიკურ ეფექტს, ზრდის კრისტალურიის განვითარების რისკს სალიცილატებისა და ხანმოკლე მოქმედების სულფანილამიდების მიღებისას, ანელებს თირკმელიდან მჟავების გამოყოფას, ზრდის იმ სამკურნალო საშუალებების გამოყოფას, რომელსაც აქვთ ტუტოვანი რეაქციები (მათ შორის ალკალოიდები), ამცირებს პერორალური კონტრაცეპტივების კონცენტრაციას სისხლში.

ქლორამფენიკოლთან ერთდროული მიღებისას შეიძლება გაიზარდოს ნახევრადგამოყოფის პერიოდი სისხლის პლაზმიდან და ტოქსიური მოქმედების გაძლიერება.

პარაცეტამოლი (ან მისი მეტაბოლიტები) ურთიერთქმედებენ ფერმენტთან, რომელიც მონაწილეობს სისხლის შედედების  K-დამოკიდებული ფაქტორის სინთეზში. პარაცეტამოლთან და ვარფარინთან ან კუმარინ-წარმოებულებთან ერთად მისი ურთიერთქმედებისას შეიძლება გამოიწვიოს საერთო ნორმალიზებული ურთიერთქმედების და სისხლდენის რისკის ზრდა. პაციენტები, რომლებიც იღებენ პერორალურ ანტიკოაგულანტებს, არ უნდა მიიღონ პარაცეტამოლი ხანგრძლივად, სამედიცინო დაკვირვების გარეშე.

ტროპისეტრონისა და გრანისეტრონის ანტაგონისტები, მე-3 ტიპის 5-ჰიდროქსიტრიპტამინმა შეიძლება მთლიანად დააინჰიბიროს პარაცეტამოლის ტკივილგამაყუჩებელი მოქმედება ფარმაკოდინამიკური ურთიერთქმედების გამო.

პარაცეტამოლი არ უნდა იქნას მიღებული ზიდოვუდინთან ერთად ექიმის კონსულტაციის გარეშე, ვინაიდან, არსებობს ლეიკოციტების რაოდენობის შემცირების ტენდენციის გაძლიერების რისკი (ნეიტროპენია).

შენახვის პირობები

არაუმეტეს +25⁰C ტემპერატურაზე, ბავშვებისთვის მიუწვდომელ ადგილას.

შენახვის ვადა

3 წელი. არ გამოიყენოთ შეფუთვაზე აღნიშნული შენახვის ვადის გასვლის შემდეგ

გამოშვების ფორმა

5 პაკეტი ფურცელ-ჩანართთან ერთად მოთავსებულია მუყაოს კოლოფში.

გაცემის პირობები

რეცეპტის გარეშე

განმცხადებელი/მწარმოებელი ფირმის დასახელება, მისამართი

ბაიერ კონსუმერ კერ აგ

პეტერ მერიან-შტრასე 84, 4052 ბაზელი შვეიცარია

კონტრაკტ ფარმაკალ კორპორეიშიონ,

135 ადამს ავენიუ, ჰოპოგ, ნიუ იორკი, 11788 აშშ.

პროსტაკური

რით გამოირჩევა პროსტატიტის საწინააღმდეგო და პარასამკურნალო მცენარული ნაყენი პროსტაკური სხვა ანალოგიური საშუალებებისგან, ანუ რატომ გირჩევთ მის გამოყენებას !?
პროსტაკური წარმოადგენს ორგანიზმის გამაჯანსაღებელ 100%-იან ნატურალურ, სამკურნალო მცენარეთა ნაყენს,
რომელიც მოწოდებულია მწვავე და ქრონიკული პროსტატიტის, შარდის ბუშტის ანთების სამკურნალოდ და შარდგამომყოფი გზების სადეზინფექცოდ. 
დღეს სააფთიაქო ქსელში ანალოგიური დანიშნულების უამრავი იმპორტული ქიმიურ-სინთეზური მედიკამენტია, რომელთა უმეტესობა დაბალი თერაპიული მოქმედებითა და მრავალი არასასურველი გვერდითი მოვლენებით ხასიათდება.
სინთეზური ქიმიის მედიკამენტებისაგან განსხვავებით მცენარეულ პროსტაკურს ახასიათებს შემდეგი თვისებები:
1. 
მასში შემავალი სხვადასხვა სახის სამკურნალო მცენარეთა წვენები მოქმედებს ანტისეპტიკურად, ეფექტურად აქრობს ქსოვილებში მიმდინარე ანთებას, უებარი საშუალებაა პროსტატის ჯირკვალის სამკურნალოდ და მასში მომდინარე ანთებითი პროცესების ჩასაქრობად; გამოჰყავს ორგანიზმიდან მავნე ტოქსინები , არეგულირებს ორგანიზმში ნივთიერებათა ცვლას , გააჩნია მსუბუქი შარდმდენი, ნაღველმდენი მოქმედება . 
პროსტაკურის სისტემატიური მიღებით იკურნება ნევროზი, უმჯობესდება კუჭის მოქმედება, ძილი.

2. 
პროსტაკური შესაძლებელია დაინიშნოს კომბინაციაში სხვა ქიმიურ მედიკამენტებთან ერთად და არ უშლის ხელს მათი თერაპიული ეფექტის გამოვლენას, პირიქით ეხმარება ორგანიზმის გამოჯანმრთელებას და მწვავე და ქრონიკული პროსტატიტის სიმპტომების ალაგებას.
შემჩნეულია ზოგიერთი პაციენტისათვის მკურნალობის პერიოდში სქესობრივი პოტენციის საგრძნობლად მომატება და ორგანიზმის საერთო სასცოცხლო ტონუსის და ენერგიის ამაღლება, შრომის ნაყოფერების გაუმჯობესება. 
პროსტაკური საუკეთესო პროფილაქტიკური საშულებაა ჯანმრთელი მამაკაცებისთვისაც, რადგანაც სულ არსებობს მამაკაცისთვის რისკი აღმავალი გზებით პროსტატის ჯირკვალის დაინფიცირებისა, პროსტაკური საუკეთესოა ასევე დაბალი ფიზიკრი აქტივობის ფონზე შარდის ბუშტის მოდუნების გამო ინფექციური პროცესების განვითარების თავიდან ასაცილებლად. 
კარგია თუ პროსტატიტის - ამ მძიმე დაავადებისგან დაზღვევის და პროფილაქტიკის მიზნით დრო გამოშვებით ჯანმრთელი მამაკაციც ჩაიტარებს პროსტაკურის გამოყენებით 2-3 თვიან სანაციის კურსს.
ქალებში ძლიერ გავრცელებულია შარდის ბუშტის ანთება(ცისტიტი) . პროსტაკური მასში შემავალი ანტისეპტიკური მცენარეული წვენებით ამ დაავადების საწინააღმდეგოდ საუკეთესო თერაპიულ ეფექტს იძლევა.
3. 
პროსტაკურში შედის ისეთი მაღალი თერაპიული მოქმედების სამკურნალო მცენარეთა წვენები როგორიცაა: ფარსმანდუკი, სალბი, თავშავა, და სხვა. იგი მეტად ადვილი და პრაქტიკული მისაღებია:
მიღების წესი:
პროსტაკური არ ინიშნება ბავშვებისა და მოზარდებისთვის .
მოზრდილებისთვის:
ნაყენის 2 სუფრის კოვზი (30 მლ.) გახსენით ნახევარ ჩაის ჭიქა წყალში (150 მლ.) და მიიღეთ ჭამამდე 1 საათით ადრე დღეში 3–ჯერ.
პაციენტებს ვურჩევთ მკურნალობის ერთ ან ორ თვიან უწყვეტ კურსს, შესაძლებელია ორ კვირიანი შესვენების შემდეგ კურსის ისევ განახლება.
4. 
როგორც მკურნალობის პროცესში, ისე საზოგადოდ პაციენტისთვის სასარგებლოა თუკი საკუთარი კვების რაციონიდან ამოიღებს ზედმეტად დაშაქრულ, მწუთხე და მწარე საჭმელებს; მოერიდება ყავის ხშირ მიღებას, სიგარეტს, ალკოჰოლს, რადგანაც ისინი ხშირად ორგანიზმში ნივთიერებათა ცვლის დარღვევისა და მრავალ ქრონიკულ დაავადებათა გამომწვევნი არიან.
უკუჩვენება:
პროსტაკურის მიღება არ შეიძლება,როდესაც გახასიათებთ დაბალი წნევა, ალერგიულობა, კენჭოვანი დაავადებები,ასევე ორსულობის,ძუძუთი კვების და მენსტრუაციის დროს.
ასევე პროსტაკური არ შეიძლება რომ მიიღოს იმ პაციენტებმა, რომლებსაც გადატანილი აქვთ: ინფაქტი, ინსულტი დამბლითა და კრიზისული გაჟონვებით, ოპერაციები თავის ტვინზე და გულ-სისხლძარღვოვან სისტემაზე,აქვთ ეპილეფსია,კრუნჩხვები,ყოფილან კომაში.....რადგანაც ამგვარი მძიმე კატეგორიის ავადმყოფები საჭიროებენ ექიმის მუდმივ მკაცრ ზედამხედველობას.
მცენარეული პროსტაკური საუკეთესო არჩევანია განსხვავებით სინთეზურ–ქიმიური მედიკამენტებისაგან, რომელთა ჯამრთელობაზე არასასურველი გვერდითი ზემოქმედება ფართოდ არის ცნობილი.
გამოიყენეთ პარასამკურნალო საშუალება მცენარეული პროსტაკური და გვერწმუნეთ კმაყოფილი დარჩებით!

რამიზეკ კომბი

ათქ კლასიფიკაციის კოდი 
C09BB07

შემადგენლობა და გამოშვების ფორმა:
კაფსულები: შეფუთვაში 30 ც. 

5 მგ+5 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . . 5 მგ
ამლოდიპინი (ამლოდიპინ ბესილატის სახით) . . . . . 5 მგ 

5 მგ+10 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . 5 მგ
ამლოდიპინი (ამლოდიპინ ბესილატის სახით) . . . . 10 მგ 

10 მგ+5 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . . 10 მგ
ამლოდიპინი (ამლოდიპინ ბესილატის სახით) . . . . . 5 მგ 

10 მგ+10 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . 10 მგ
ამლოდიპინი (ამლოდიპინ ბესილატის სახით) . . . . 10 მგ 

დამხმარე ნივთიერებები: მიკროკრისტალური ცელულოზა, უწყლო კალციუმის  ჰიდროფოსფატი, სიმინდის სახამებელი პრეჟელატინირებული, ნატრიუმის სახამებლის გლიკოლატი (ტიპი A), ნატრიუმის სტეარილფუმარატი, რკინის წითელი ოქსიდი (E172), ტიტანის დიოქსიდი (E171), ჟელატინი, რკინის ყვითელი ოქსიდი (E172) (10 მგ+10 მგ), რკინის შავი ოქსიდი (E172) (10 მგ+10 მგ)

კლინიკურ-ფარმაკოლოგიური ჯგუფი
დიჰიდროპირიდინების ჯგუფის კალციუმის ანტაგონისტის (ამლოდიპინი) და აგფ-ინჰიბიტორის (რამიპრილი) კომბინაცია.

ფარმაკოლოგიური თვისებები
რამიზეკი კომბი შეიცავს ორ აქტიურ ნივთიერებას: რამიპრილსა და ამლოდიპინს. რამიპრილი მიეკუთვნება აგფ ინჰიბიტორების ჯგუფს. ამლოდიპინი მიეკუთვნება კალციუმის ანტაგონისტების ჯგუფს. 
რამიპრილის მოქმედების მექანიზმი:
- თრგუნავს ანგიოტენზინ II-ის წარმოქმნის პროცესს და ამით ამცირებს ანგიოტენზინ II-ის ვაზოკონსტრიქტორულ და ალდოსტერონის სეკრეციაზე მის მასტიმულირებელ მოქმედებას
- ამცირებს საერთო პერიფერიულ სისხლძარღვოვან წინააღმდეგობას
- აადვილებს გულის მიერ სისხლის გადატყორცნას მთელ ორგანიზმში. 
ამლოდიპინის მოქმედების მექანიზმი:
- კალციუმის იონების შეღწევის ბლოკირებით სისხლძარღვების გლუვი კუნთების უჯრედებში და მიოკარდში იწვევს სისხლძარღვების გლუვი კუნთების რელაქსაციას და პერიფერიული სისხლძარღვების წინაღობის დაქვეითებას, რის შედეგადაც ხდება წნევის დაწევა
- ამლოდიპინი ამცირებს მიოკარდის მარცხენა პარკუჭის მასას.
- ამლოდიპინის ანტიანგინალური მოქმედება დაკავშირებულია მიოკარდის მიერ ჟანგბადის მოთხოვნილების შემცირებასთან და სისხლის მიწოდების გაუმჯობესებასთან.
- ამლოდიპინი ახდენს კორონარული სისხლძარღვების სპაზმის პრევენციას, ასევე ხელს უწყობს მათ მოდუნებას.

ჩვენებები
რამიზეკი კომბი გამოიყენება ჰიპერტენზიის სამკურნალოდ, პაციენტებში, რომელთა არტერიული წნევა ადექვატურად კონტროლდება ამლოდიპინისა და რამიპრილის კომბინირებული გამოყენებისას ცალ-ცალკე პრეპარატების სახით ისეთივე დოზებით, როგორც წარმოდგენილია რამიზეკი კომბი-ში. 

დოზირების რეჟიმი
პრეპარატი მიიღება დღის ერთსადაიმავე მონაკვეთში, ჭამამდე ან ჭამის შემდეგ. 
რამიზეკი კომბი მიიღება დღეში ერთხელ. 
მაქსიმალური დღიური დოზა არის ერთი კაფსულა 10 მგ + 10 მგ. 

გამოყენება ბავშვებსა და მოზარდებში
რამიზეკი კომბის გამოყენება ბავშვებსა და 18 წლამდე ასაკის მოზარდებში რეკომენდებული არ არის, ვინაიდან აღნიშნული პოპულაციის შესახებ საკმარისი ინფორმაცია არ მოიპოვება. 

რამიზეკი კომბის მიღების გამოტოვება
დოზის გამოტოვების შემთხვევაში მიიღება მომდევნო დოზა ჩვეულებისამებრ. ნუ მიიღებთ ორმაგ დოზას გამოტოვებული დოზის ასანაზღაურებლად. 

გვერდითი მოვლენები
ყველა წამლის მსგავსად, არსებულმა პრეპარატმა შეიძლება გამოიწვიოს გვერდითი მოვლენები, თუმცა ყოველთვის არა. 
- კანის მძიმე რეაქციებით (გამონაყარი, წყლულები პირის ღრუში, არსებული კანის დაავადების გაუარესება, კანის სიწითლე, ბუშტუკების წარმოქმნა ან კანის აქერცვლა (მაგ. სტივენს ჯონსონის სინდრომი, ტოქსიკური ეპიდერმული ნეკროზი ან მრავალფორმიანი ერითემა) ან სხვა ალერგიული რეაქციები. 
- გულის რითმის აჩქარება, არათანაბარი თუ ძლიერი გულისცემა (გულის ფრიალი), გულმკერდის არეში ტკივილი, გულმკერდზე მოჭერის შეგრძნება ან უფრო მძიმე დარღვევები გულის შეტევებისა და ინსულტის ჩათვლით. 
- სუნთქვის გაძნელება ან ხველა. 
- სისხლჩაქცევები, სისხლდენის გახანგრძლივება, სისხლდენის ნებისმიერი ნიშანი (მაგ. სისხლდენა ღრძილებიდან), ალისფერი ლაქები, კანის დალაქავება ან ჩვეულზე უფრო ხშირი ინფექციები, ანგინა და ცხელება, ადვილად დაღლილობა, გონების დაკარგვა, თავბრუსხვევა ან ფერმკრთალი კანი. ეს ყველაფერი შეიძლება იყოს სისხლის ან ძვლის ტვინის ფუნქციების დარღვევის ნიშნები. 
- ცხელება, შემცივნება, დაღლილობა, მადის დაკარგვა, გულისრევის შეგრძნება, კანის ან თვალების გაყვითლება (სიყვითლე). ეს ყველაფერი შეიძლება ღვიძლის პრობლემების, მაგ ჰეპატიტის ან ღვიძლის დაზიანების ნიშნები იყოს. აღნიშნული გვერდითი მოვლენების სიხშირე უცნობია (არსებული მონაცემებით შეფასება ვერ ხერხდება). 

სხვა გვერდითი მოვლენებია:
ხშირი (10-დან 1 პაციენტში):
- ძილიანობა (განსაკუთრებით მკურნალობის დასაწყისში);
- გულის ფრიალი (გულისცემის დარღვევა), წამოხურება;
- კოჭის შეშუპება (ედემა);
- თავის ტკივილი ან დაღლილობა;
- თავბრუსხვევა. ამის განვითარება უფრო მოსალოდნელია რამიზეკი კომბის მიღების დაწყებისას ან მაღალი დოზით მკურნალობის დაწყებისას;
- გონების დაკარგვა, ჰიპოტენზია, განსაკუთრებით სწრაფად ადგომის ან დაჯდომისას;
- მშრალი ხველა, სინუსიტი ან ბრონქიტი, სუნთქვის გაძნელება.
- მუცლის ტკივილი, კუჭის ან ნაწლავების ტკივილი, ფაღარათი, მონელების მხრივ დარღვევები, გულისრევის შეგრძნება ან ღებინება;
- კანზე გამონაყარი ამობურცული უბნებით ან მათ გარეშე;
- გულმკერდის ტკივილი;
- სპაზმები ან ტკივილი კუნთებში;
- სისხლის ანალიზში კალიუმის მომატებული დონე. 
არახშირი (100-დან 1 პაციენტში):
- გუნება-განწყობილების შეცვლა, უძილობა
- კანკალი, სისუსტე, ტკივილი, ცუდად ყოფნის შეგრძნება;
- მხედველობის დარღვევა, მხედველობის გაორება, დაბინდული მხედველობა, ხმაური ყურებში;
- ცემინება, გამონადენი ცხვირიდან გამოწვეული ცხვირის ლორწოვანი გარსის ანთებით (რინიტი);
- ნაწლავების მოქმედების არევა (ფაღარათი ან შეკრულობა), გულძმარვა, პირის სიმშრალე;
- თმის ცვენა, მომატებული ოფლიანობა, კანის ქავილი, კანზე წითელი ლაქები, კანის ფერის შეცვლა;
- შარდვის დარღვევეა, შარდვის მოთხოვნილების მომატება, განსაკუთრებით ღამით, შარდვის გახშირება;
- ერექციის უნარის დაკარგვა, სექსუალური უუნარობა მამაკაცებში, დაქვეითებული სექსუალური სურვილი მამაკაცებსა თუ ქალებში;
- სარძევე ჯირკვლების გადიდება ან დისკომფორტი მამაკაცებში;
- სახსრების ან კუნთების ტკივილი, სპაზმები, ზურგის ტკივილი;
- წონაში მომატება ან დაკლება;
- წონასწორობის დარღვევები (ვერტიგო);
- ქავილი და კანის უჩვეულო შეგრძნებები, როგორებიცაა მოდუნება, ჩხვლეტა, ცოცვა, წვა კანზე (პარესთეზია), ტკივილის შეგრძნებების დაკარგვა
- გემოს შეცვლას;
- ძილის დარღვევები;
- დეპრესია, შფოთვა, ჩვეულზე მეტი ნერვიულობა ან მოუსვენრობა;
- ცხვირის დახშობა, სუნთქვის გაძნელება ან ასთმის გაუარესება;
- ნაწლავის ტრაქტში ქსოვილების შეშუპება, ე.წ. “ნაწლავური ანგიოედემა”, რაც გამოიხატება სიმპტომებით: მუცლის ტკივილი, ღებინება და ფაღარათი.
- მადის შემცირება ან დაკარგვა (ანორექსია);
- არარეგულარული გულისცემა ან მისი მომატება;
- ხელებისა და ფეხების შეშუპება, რაც შეიძლება ორგანიზმში წყლის  შეკავების ნიშანი იყოს;
- ციებ-ცხელება;
- სისხლის ანალიზში სისხლის თეთრი უჯრედების რაოდენობის მომატება (ეოზინოფილია).
- სისხლის ანალიზში აღმოჩენილი ცვლილებები ღვიძლის, პანკრეასის ან თირკმლების ფუნქციური სინჯების მხრივ. 
იშვიათი (1000-დან 1 პაციენტში)
- დაბნეულობის შეგრძნება;
- წითელი და შეშუპებული ენა;
- აქერცვლადი კანი, ქავილი, ხორკლიანი გამონაყარი;
- ფრჩხილის პრობლემები (მაგ. გათხელება ან აქერცვლა);
- კანზე გამონაყარი ან სისხლჩაქცევები;
- ჭინჭრის ციება;
- კანზე მუწუკები და კიდურებში სიცივის შეგრძნება;
- თვალის სიწითლე, ქავილი, შეშუპება ან ცრემლდენა;
- სმენის დარღვევა;
- სისხლის წითელი უჯრედების, თეთრი უჯრედებისა თუ თრომბოციტების რაოდენობის ან ჰემოგლობინის შემცირება. 
ძალიან იშვიათი (10,000-დან 1 პაციენტი)
- მზის სხივების მიმართ ჩვეულზე მეტი მგრძნობელობა;
- სისხლში შაქრის დონის მომატება (ჰიპერგლიკემია);
- ღრძილების შეშუპება;
- მუცლის შებერილობა (გასტრიტი);
- ღვიძლის ფუნქციის დარღვევა, ღვიძლის ანთება (ჰეპატიტი), კანის გაყვითლება (სიყვითლე);
- კუნთების დაჭიმულობის მომატება;
- სისხლძარღვების ანთება, ხშირად გამონაყარი კანზე;
- მგრძნობელობა სინათლის მიმართ
- დარღვევები, რომლებიც მოიცავს რიგიდულობას, ტრემორს და ან მოძრაობის დარღვევებს.

უკუჩვენებები
- ჰიპერმგრძნობელობა პრეპარატში შემავალი რომელიმე კომპონენტის მიმართ
- დიალიზის ან სისხლის ფილტრაციის რაიმე სხვა პროცედურა
- თირკმლის არტერიის ორმხრივი სტენოზი
- აორტის მძიმე ხარისხის სტენოზი
- გამოხატული ჰიპოტენზია 
- ორსულობის ბოლო 6 თვე

ორსულობა და ლაქტაცია
რამიზეკი კომბის გამოყენება ორსულობის და ლაქტაციის პეროიდში არ არის რეკომენდებული

განსაკუთრებული მითითებები
სატრანსპორტო საშუალებების მართვა და მექანიზმების მომსახურეობა: რამიზეკი კომბი-მ შეიძლება ზეგავლენა იქონიოს ავტომობილის მართვისა და მექანიზმებთან მუშაობის უნარზე. ეს განსაკუთრებით აღინიშნება მკურნალობის დასაწყისში, ან სხვა პრეპარატების შეცვლისას. 

სხვა წამლებთან ურთიერთქმედება
აღნიშნულ პრეპარატებს შეუძლიათ რამიზეკი კომბის ეფექტურობის შემცირება:
- ტკივილგამაყუჩებელი და ანთებისსაწინააღმდეგო პრეპარატები (მაგ. არასტეროიდული ანთების საწინააღმდეგო პრეპარატები, როგორებიცაა იბუპროფენი ან ინდომეტაცინი და ასპირინი);
- დაბალი არტერიული წნევის, შოკის, გულის უკმარისობის, ასთმის ან ალერგიის სამკურნალო პრეპარატები, როგორებიცაა ეფედრინი, ნორადრენალინი ან ადრენალინი. ექიმს დასჭირდება თქვენი არტერიული წნევის კონტროლი;
- რიფამპიცინი (ტუბერკულოზის სამკურნალო ანტიბიოტიკი);
- Hypericum perforatum  (კრაზანას პრეპარატი დეპრესიის სამკურნალოდ). 
აღნიშნულ პრეპარატებს, რამიზეკი კომბისთან ერთად კომბინირებისას, შეუძლიათ გაზარდონ გვერდითი მოვლენების განვითარების რისკი:
- ტრიმეტოპრიმი და კო-ტრიმოქსაზოლი (ბაქტერიით გამოწვეული ინფექციის მკურნალობისათვის);
- ტემსიროლიმუსი (სიმსივნის სამკურნალოდ);
- ევეროლიმუსი (ტრანსპლანტანტის მოცილების პრევენციისათვის);
- ტაკროლიმუსი (გამოიყენება თქვენი ორგანიზმის იმუნური პასუხების საკონტროლოდ, რაც საშუალებას აძლევს ორგანიზმს მიიღოს გადანერგილი ორგანო);
- კლარითრომიცინი (ბაქტერიული ინფექციის სამკურნალოდ);
- ტკივილგამაყუჩებელი და ანთებისსაწინააღმდეგო პრეპარატები (მაგ. არასტეროიდული ანთებისსაწინააღმდეგო პრეპარატები, როგორებიცაა იბუპროფენი ან ინდომეტაცინი და აცეტილსალიცილის მჟავა);
- სიმსივნის საწინააღმდეგო პრეპარატები (ქიმიოთერაპია);
- ტრანსპლანტაციის შემდეგ ორგანოს მოცილების საწინააღმდეგო პრეპარატები, როგორიცაა ციკლოსპორინი;
- დიურეტიკები (შარდმდენები), მაგ. ფუროსემიდი;
- სისხლში კალიუმის დონის გასაზრდელი პრეპარატები, როგორებიცაა სპირონოლაქტონი, ტრიამტერინი, ამილორიდი, კალიუმის მარილები და ჰეპარინი (სისხლის გასათხელებლად);
- ანთებისსაწინააღმდეგო სტეროიდული პრეპარატები, როგორიცაა პრედნიზოლონი;
- ალოპურინოლი (ორგანიზმში შარდმჟავას დონის შესამცირებლად);
- პროკაინამიდი (გულის რითმის დარღვევებისათვის);
- კეტოკონაზოლი, იტრაკონაზოლი (სოკოს საწინააღმდეგო პრეპარატები);
- რიტონავირი, ინდინავირი, ნელფინავირი (ე.წ. პროტეაზას ინჰიბიტორები აივ ინფექციის სამკურნალოდ);
- ერითრომიცინი, კლარიტრომიცინი (ანტიბიოტიკები);
- ვერაპამილი, დილთიაზემი (გულის მხრივ დარღვევების ან მაღალი არტერიული წნევის სამკურნალო პრეპარატები);
- დანტროლენი (ინფუზია ორგანიზმის ტემპერატურის მძიმე დარღვევების სამკურნალოდ).
- ექიმმა შეიძლება საჭიროდ ჩათვალოს დოზის შეცვლა და/ან სხვა ზომების მიღება, იმ შემთხვევაში, თუ ღებულობთ ანგიოტენზინ II რეცეპტორის ბლოკერს ან ალისკირენს 

აღნიშნული პრეპარატების რამიზეკი კომბისთან ერთად გამოყენებისას შეიძლება შეიცვალოს მათი ეფექტურობა:
- პრეპარატები დიაბეტისათვის, როგორებიცაა პერორალური ჰიპერგლიკემიური პრეპარატები და ინსულინი. რამიზეკი კომბის შეუძლია შეამციროს სისხლში გლუკოზის დონე. რამიზეკი კომბის გამოყენებისას აუცილებელია სისხლში შაქრის დონის სათანადო მონიტორინგი. 
- ლითიუმი (ფსიქიკური დარღვევების სამკურნალოდ). რამიზეკი კომბიმ შეიძლება გაზარდოს ორგანიზმში ლითიუმის დონე. ექიმის მიერ უნდა მოხდეს ლითიუმის დონის სათანადო მონიტორინგი.
- სიმვასტატინი (ქოლესტერინის დონის შესამცირებელი პრეპარატი). რამიზეკი კომბის შეუძლია გაზარდოს სიმვასტატინის დონე თქვენს ორგანიზმში. 
- გრეიფრუტის წვენისა და გრეიპფრუტის მიღება რამიზეკი კომბით მკურნალობის დროს არ შეიძლება. რადგანაც გრეიპფრუტსა და გრეიპფრუტის წვენს შეუძლია გამოიწვიოს სისხლში აქტიური ნივთიერების ამლოდიპინის დონის გაზრდა, რამაც თავის მხრივ შეიძლება გაზარდოს რამიზეკი კომბის ანტიჰიპერტენზიული ეფექტი. 

შენახვის პირობები და ვადა 
პრეპარატი ინახება არა უმეტეს 30° ტემპერატურის პირობებში, ბავშვებისათვის მიუწვდომელ და სინათლისგან დაცულ ადგილას. 
ვარგისობის თარიღი აღნიშნავს თვის ბოლო დღეს. 

ანტიფლუ (ANTIFLU)

გარსით დაფარული აბები

სავაჭრო დასახელება

ანტიფლუ

სამკურნალწამლო ფორმა

გარსით დაფარული აბები

ფარმაკოთერაპიული ჯგუფი

სხვა ანალგეტიკები და სიცხის დამწევი საშუალებები. პარაცეტამოლი სხვა პრეპარატებთან კომბინაციაში (ფსიქოლეპტიკების გარდა).

აღწერილობა

კაფსულისმაგვარი აბები ჭია ყვითელი ფერის, გამჭირვალე აპკით დაფარული, ტვიფრული აღნიშვნით  „Antiflu” ცალ მხარეს.

შემადგენლობა

მოქმედი ნივთიერებები (1 აბი): აცეტამინოფენი (აცეტამინოფენის გრანულების* სახით) 325მგ, ფენილეფრინის ჰიდროქლორიდი 5მგ, ქლორფენირამინის მალეატი 2მგ.

დამხმარე ნივთიერებები: მიკროკრისტალური ცელულოზა, სტეარინმჟავა, ნატრიუმის კროსკარმელოზა, კაჟის დიოქსიდი კოლოიდური, D&C ყვითელი №10 ლაქი (E104) მაგნიუმის სტეარატი

გარსი: ჰიდროქსიპროპილმეთილცელულოზა, მინერალური ზეთი, მაგნიუმის სილიკატი, პოლიეთილენგლიკოლი.

*გრანულების შემადგენლობაში შედის: პრეჟელატინიზირებული სახამებელი, პოვიდონი, სტეარინმჟავა, ნატრიუმის სახამებლის გლიკონატი.

ფარმაკოლოგიური თვისებები

ფარმაკოდინამიკა

აცეტამინოფენი (პარაცეტამოლი)ახდენს ტკივილგამაყუჩებელ, სიცხის დამწევ და სუსტ ანთებისსაწინააღმდეგო მოქმედებას. მისი მოქმედების მექანიზმი მდგომარეობს პროსტაგლანდინების სინთეზის დათრგუნვაში და ჰიპოთალამუსში თერმორეგულაციის ცენტრზე გავლენაში.

ქლორფენირამინის მალეატი-ანტიჰისტამინური საშუალება, H1-ჰისტამინერგული რეცეპტორების ბლოკატორი. აქვს ალერგიის საწინააღმდეგო მოქმედება, ამცირებს შეშუპებას და ცხვირის, ცხვირ-ხახის და ცხვირის დამატებითი ღრუების ლორწოვანი გარსის ჰიპერემიას, ამცირებს სურდოს და ცრემლდენას.

ფენილეფრინის ჰიდროქლორიდი-ალფა ადრენომიმეტიკი, რომელიც სისხლძარღვების შემავიწროვებელი მოქმედების ხარჯზე ამცირებს შეშუპებას და ზედა სასუნთქი გზების და ცხვირის დანამატი ღრუების ლორწოვანი გარსის ჰიპერემიას.

ფარმაკოკინეტიკა

აცეტამინოფენი სწრაფად და სრულიად აბსორბირდება კუჭ-ნაწლავის ტრაქტიდან. მაქსიმალური კონცენტრაცია პლაზმაში აღინიშნება 30-60 წუთის შემდეგ. ნახევრადგამოყოფის პერიოდი შეადგენს -2.5 საათს და ხანგრძლივდება ღვიძლის დაავადებებით დაავადებულ პირებში.

აცეტამინოფენი ძირითადად მეტაბოლიზირდება ღვიძლში გლუკურონის მჟავასა და გოგირდმჟავასთან კონიუგაციის ხარჯზე, ნაწილობრივ განიცდის დეაციტილირებას ან ჰიდროქსილირებას. გამოიყოფა შარდთან ერთად (85% 24 საათის განმავლობაში). გამოყოფა ნელდება თირკმელების ფუნქციის დარღვევისას, რამაც შესაძლოა გამოიწვიოს ორგანიზმში აცეტამინოფენის და მისი მეტაბოლიზმის პროდუქტების დაგროვება ორგანიზმში,

ქლორფენირამინის მალეატი კარგად შეიწოვება კუჭ-ნაწლავის ტრაქტიდან , აღწევს სხვადასხვა ქსოვილებში, ცნს-ის ჩათვლით. ნახევარგამოყოფის პერიოდი შეადგენს 12-დან 15-მდე საათს. მეტაბოლიზირდება ძირითადად ღვიძლში. გამოიყოფა შარდთან ერთად მეტაბილიტების ფორმით და ნაწილობრივ უცვლელი სახით.

ფენილეფრინი შეიწოვება კუჭ-ნაწლავის ტრაქტიდან, მაგრამ აქვს შეზღუდული ბიოჭეღწევადობა პრესისტემური მეტაბოლიზმის გამო.

გამოყენების ჩვენება

მწვავე რესპირატორული დაავადებების და გრიპის სიმპტომური მკურნალობა, რომელთაც ახლავს სხეულის ტემპერატურის მომატება, თავის ტკივილი, ყელის ტკივილი, კუნთ-სახსროვანი ტკივილი, ცხვირის გაჭედვა, რინორეა.

გამოყენების წესი და დოზირება

აბები უნდა გადაყლაპოთ მთლიანად წყლის მიყოლებით.

უფროსები: 1-2 აბი, აუცილებლობის შემთხვევაში გაიმეორეთ მიღება ყოველ 4-6 საათში, მაგრამ არაუმეტეს 8 აბისა დღე-ღამეში.

ბავშვები 12 წლის ზემოთ: 1 აბი, აუცილებლობის შემთხვევაში გაიმეორეთ მიღება ყოველ 4-6 საათში.

12 წლამდე ბავშვებისთვის პრეპარატის მიღება არ არის რეკომენდებული.

თირკმლის ფუნქციის დარღვევის მქონე პაციენტებისთვის რეკომენდებულია პრეპარატის დღე-ღამური დოზის შემცირება და მიღებებს შორის ინტერვალის გაზრდა.

გვერდითი მოქმედება

აცეტამინოფენი

კუჭ-ნაწლავის ტრაქტის მხრივ: იშვიათად-გულისრევა, ღებინება, მადას დაქვეითება, შეკრულობა, დიარეა ან მეტეორიზმი. პრეპარატის მნიშვნელოვანი დოზის ხანგრძლივად მიღებისას-ტკივილი ეპიგასტრალურ არეში, ჰეპატოტოქსიკური მოქმედება.

სისხლის სისტემის მხრივ: ძალზედ იშვიათად-ჰემოლიზური ანემია, მეტჰემოგლობინემია, თრომბოციტოპენია, ნეიტროპენია, აგრანულოციტოზი, ლეიკოპენია.

შარდგამომყოფი სისტემის მხრივ: თირკმლის კოლიკა, ასეპტიური პიურია, ინტერსტიციალური გლომერულონეფრიტი, ძალზედ იშვიათად-ნეფროტოქსიური მოქმედება, პაპილარული ნეკროზი.

ალერგიული რეაქციები: იშვიათად-გამონაყარი კანზე, ქავილი, ჭინჭრის ციება, ჰიპერემია, ძალზედ იშვიათად-ბრონქიალური ობსტრუქცია, მულტიფორმული ექსუდაციური ერითემა, სტივენს-ჯონსის სინდრომი, ტოქსიკური ეპიდერმული ნეკროლიზი, ერთეულ შემთხვევებში-ანაფილაქსიური შოკი, ანგიონევროზული შეშუპება.

ზოგჯერ შეიმჩნევა ალერგიული ტიპის რეაქციები, ასთმური შეტევის ჩათვლით, პაციენტებში, რომლებსაც აცეტილსალიცილისმჟავის აუტანლობა აქვთ.

სხვა: იშვიათად-ჰიპოგლიკემია, საერთო სისუსტე, გაძლიერებული ოფლის გამოყოფა.

ქლორფენირამინის მალეატი

კუჭ-ნაწლავის ტრაქტის მხრივ: გულისრევა, ღებინება, ტკივილი ეპიგასტრიუმის არეში, პირის და ხახის სიმშრალე.

მხედველობის ორგანოების მხრივ: ძალზედ იშვიათად-მიდრიაზი, აკომოდაციის დარღვევა, თვალშიდა წნევის მომატება.

გულ-სისხლძარღვთა სისტემის მხრივ: ერთეულ შემთხვევებში-ტაქიკარდია.

ცნს-ის მხრივ: იშვიათად - ძილიანობა, თავის ტკივილი, ტრემორი.

შარდგამომყოფი სისტემის მხრივ: ძალზედ იშვიათად-შარდის შეკავება და სტრანგურია (შარდვის გაძნელება).

ფენილეფრინის ჰიდროქლორიდი

ცნს-ის მხრივ: იშვიათად - თავის ტკივილი, უძილობა, თავბრუსხვევა, ცნობიერების არევა.

გულ-სისხლძარღვთა სისტემის მხრივ: ერთეულ შემთხვევებში-ტაქიკარდია, რეფლექტორული ბრადიკარდია, ქოშინი, გულის ტკივილი, არტერიული წნევის მომატება (განსაკუთრებით არტერიული ჰიპერტენზიის მქონე პაციენტებში), არითმია.

კუჭ-ნაწლავის ტრაქტის მხრივ: გულისრევა, დიარეა.

უკუჩვენება

მომატებული ინდივიდუალური მგრძნობელობა პრეპარატის კომპონენტების მიმართ. ღვიძლის ან/და თირკმლის გამოკვეთილი დარღვევები, გლუკოზა-6-ფოსფატდეჰიდროგენაზას ფერმენტის დეფიციტი, სისხლის დაავადებები, მძიმე გულ-სისხლძარღვთა დაავადებები, არტერიული ჰიპერტენზია, მიდრეკილება სისხლძარღვთა სპაზმისადმი, გლაუკომის დახურულკუთხოვანი ფორმა, შარდვის გართულება წინამდებარე ჯირკვლის ადენომისას, ფილტვის ემფიზემა ან ქრონიკული ბრონქიტი, შაქრიანი დიაბეტი, ჰიპერთირეოზი, ბრონქიალური ასთმა, ფეიქრომაციტომა, თანდაყოლილი ჰიპერბილირუბინემია, ალკოჰოლიზმი, მონოამინოოქსიდაზას (მაო) ინჰიბიტორებთან ერთად მიღება და მაო-ს ინჰიბიტორების მიღების შეწყვეტიდან 2 კვირის განმავლობასი, ორსულობა, ლაქტაცია.

დოზის გადაჭარბება

უფროსებში და 12 წლის ზემოთ ბავშვებში 10გ პარაცეტამოლზე მეტის მიღებისას შესაძლოა მოხდეს ღვიძლის დაზიანება. 5გ პარაცეტამოლის მიღებამ შესაძლოა გამოიწვიოს ღვიძლის დაზიანება პირებში შემდეგი რისკის ფაქტორებით (იხ. ქვემოთ):

- ხანგრძლივი მკურნალობა კარბამაზეპინით, ფენობარბიტალით, ფენიტოინით, პრიმიდონით, რიფამპიცინით, კრაზანით ან სხვა პრეპარატებით, რომლებიც ახდენენ ღვიძლის ფერმენტების ინდუცირებას;

- ალკოჰოლის ბოროტად გამოყენება;

- გლუტატიონის აშკარა დეფიციტი (შესაძლოა გამოვლინდეს საჭმლის მონელების დარღვევისას, მუკოვიციდოზისას, აივ-ინფექსიებისას, შიმშილობისას, კახექსიისას);

პარაცეტამოლის დოზის გადამეტების სიმპტომები: პირველ დღეს-სიფერმკრთალე, გულისრევა, ღებინება, ანორექსია და მუცლის ტკივილი. ღვიძლის დაზიანება შეინიშნება პრეპარატის მიღებიდან 12-48 საათის შემდეგ. შესაძლებელია გლუკოზის მეტაბოლიზმის ცვლილებები და მეტაბოლური აციდოზი. მძიმე მოწამვლისას შესაძლოა მოხდეს თირკმლის უკმარისობის პროგრესირება ენცეფალოპათიის, სისხლდენის, ჰიპოგლიკემიის, ტვინის შეშუპების, სიკვდილის განვითარდებამდე. თუ პაციენტს გაუჩნდა ჩივილები წელის ტკივილზე, ჰემატურიასა და პროტეინურიაზემ ეჭვის უნდა მივიტანოთ მწვავე თირკმლის უკმარისობაზე მწვავე ტუბულარული ნეკროზით, რაც შესაძლოა შეინიშნოს ღვიძლის დაზიანების არარსებობის დროსაც კი.

მკურნალობა:
უნდა დაიწყოს დაუყოვნებლივ. საჭიროა ჰოსპიტალიზაცია სიმპტომების გამოვლენის ხარისხის მიუხედავად ორგანოების დაზიანების რისკის გამო.

აქტივირებული ნახშირის მიღება ეფექტურია, თუ პარაცეტამოლის მიღებიდან გასულია არაუმეტეს 1 საათისა. პარაცეტამოლის პლაზმური კონცენტრაციები უნდა შეფასდეს მიღებიდან 4 საათის შემდეგ. პარაცეტამოლის მიღებიდან 24 საათის განმავლობაში შეიძლება ჩატარდეს მკურნალობა -აცეტილცისტეინით (აუცილებლობის შემთხვევაში -შიდავენურად). მაქსიმალური ეფექტი - 8 საათის ფარგლებში პარაცეტამოლის ზედმეტი დოზის მიღებიდან, შემდეგ მკვეთრად ეცემა. ღებინება არარსებობის შემთხვევაში, შეიძლება დაინიშნოს მეთიონინი პერორალურად.

ფენილეფრინი

ფენილეფრინის დოზის გადამეტების სიმპტომები-იხილეთ შესაბამის განყოფილებაში აღწერილი გვერდითი ეფექტები. გარდა ამისა, შესაძლებელია ჰიპერტენზია და რეფლექტორული ბრადიკარდია. ფენილეფრინის რაოდენობა, რომელსაც შეუძლია სერიოზული გამოვლინებების გამოწვევა, ბევრად ნაკლებია პარაცეტამოლის შესაბამის რაოდენობაზე, რომელიც საკმარისია ღვიძლის ტოქსიკურობის განსავითარებლად.

მკურნალობა სიმპტომური. გამოკვეთილი ჰიპერტენზიის წარმოქმნისას მიზანშეწონილია ალფა-ადრენობლოკატორების, მაგალითად ფეტნოლამინის გამოყენება.

ქლორფენირამინი

დოზის გადამეტების სიმპტომები: შესაძლებელია სედაცია, ცნს-ის პარადოქსალური აგზნება, კრუნჩხვა, ანტიქოლონერგიული ეფექტები, დოსტონიური რეაქციები, არითმია.

მკურნალობა. სიმპტომატური და ხელშემწყობი. განსაკუთრებული ყურადღება უნდა მიექცეს გულის, სასუნთქი, ღვიძლის და თირკმლის ფუნქციებს, წყალ-ელექტროლიტურ ბალანსს. უკუჩვენების და ბოლო დროს დოზის გადამეტების არარსებობისას-აქტივირებული უკუჩვენების და ბოლო დროს დოზის გაფამეტების არარსებობისას-აქტივირებული ნახშირი პერორალურად (ეს შედარებით უფრო ეფექტურია, თუ პრეპარატის მიღებიდან ერთ საათზე მეტი არაა გასული). ჰიპერტონიისა და არითმიის მკურნალობა უნდა დაიწყოს დაუყოვნებლივ. კრუნჩხვის წარმოქმნისას ეფექტურია დიაზეპამი. მძიმე შემთხვევებში შესაძლებელია ჰემოპერფუზია.

უსაფრთხოების ზომები

მკურნალობის ხანგრძლივობა-არაუმეტეს 3 დღე. საკმარისი თერაპიული ეფექტის არარსებობისას, მაღალი ტემპერატურისას, რომელიც ნარჩუნდება 3 დღეზე მეტი ხნის მკურნალობის ფონზე, აგრეთვე ახალი სიმპტომების გაჩენისას საჭიროა მხედველობაში იქონიოთ უფრო სერიოზლი დაავადებების შესაძლებლობა და სასწრაფოდ უნდა მიმართოთ ექიმს. საჭიროა სიფრთხილის დაცვა პრეპარატის გამოყენებისას ღვიძლის, თირკმლის ფუნქციის დარღვევის მქონე პაციენტებში დოზის გადამეტების რისკთან დაკავშირებით, პაციენტებისთვის რომლებსაც აქვთ გულ-სისხლძარღვთა დაავადებები, ეპილეფსია, რეინოს სინდრომი, პროსტატის გადიდება, პრეპარატის მიღების წინ რეკომენდებულია ექიმთან კონსულტაცია. პრეპარატი არ უნდა მიიღოთ დეკონგენსტატებთან და გაციების და გრიპის სიმპტომების შემამსუბუქებელ სხვა პრეპარატებთან ერთად.

მკურნალობის პერიოდსი საჭიროა თავი შეიკავოთ ალკოჰოლის, საძილე და დამამშვიდებელი (ტრანკვილიზატორების) სამკურნალწამლო საშუალებების მიღებისგან.

ორსულობა და ლაქტაცია

ორსულობისა და ლაქტაციის პერიოდში პრეპარატის მიღება რეკომენდებული არ არის.

გავლენა ავტომობილის ტარებასა და მექანიზმების მართვის უნარზე

მკურნალობის პერიოდში საჭიროა თავი აარიდოთ სატრანსპორტო საშუალებების მართვას, მექანიზმებთან მუშაობას და სხვა პოტენციურად საშიშ საქმიანობას.

ურთიერთქმედება სხვა სამკურნალო საშუალებებთან

აცეტამინოფენის ჰეპატო და ნეფროტოქსიურობა ძლიერდება ბარბიტურატებთან, ალკოჰოლთან კომბინირებისას. აცეტამინოფენი ანელებს ორგანიზმიდან ანტიბიოტიკების გამოყოფას. ტეტრაციკლინები ზრდის ანემიის და მეტჰემოგლობინემიის განვითარების რისკს აცეტამინოფენის მიღებისას. აცეტამინოფენის შეწოვის სისწრაფე შეიძლება გაიზარდოს მეტოკლოპრამიდსა და დომპერიდონთან ერთად მიღებისას და შემცირდეს ქოლესტირამინთან ერთად მიღებისას. ხანგრძლივი რეგულარული მიღებისას აცეტამინოფენი აძლიერებს ვარფარინის და სხვა კუმარინების ანტიკოაგულანტიურ ეფექტს და ზრდის სისხლდენის რისკს, იშვიათი მიღებისას არსებით გავლენას არ ახდენს.

საძილე და სედატური საშუალებების, ნეიროლეპტიკების, ტრანკვილიზატორების, ალკოჰოლის ერთდროული მიღება არსებითად აძლიერებს ცენტრალურ ნერვულ სისტემაზე ქლორფენირამინის მალეატის დამთრგუნველ გავლენას. ქლორფენირამინი ახდენს მეტაბოლიზმის ინჰიბირებას და ზრდის ფენიტოინის ტოქსიკურობის რისკს. ლოპინავირს შეუძლია გაზარდოს ქლორფენირამინის პლაზმური კონცენტრაცია. ქლორფენირამინი აძლიერებს ატროპინის, ტრიციკლური ანტიდეპრესანტების სპაზმოლიტიკების, პარკინსონის საწინააღმდეგო პრეპარატების ანტიქოლინერგულ ქმედებას.

ფენილეფრინის ჰიდროქლორიდი ასუსტებს რეზერპინის და ოქტადინის ჰიპოტენზიურ ქმედებას. მონოამინოქსიდაზას და ფენილეფრინის ჰიდროქლორიდის ერთდროულად მიღებამ შეიძლება გამოიწვიოს ჰიპერტენზული კრიზის განვითარება. ფენილეფრინის სხვა სიმპტომიმეტურ ამინებთან ერთად მიღებამ შეიძლება გაზარდოს გულ-სისხლძარღვთა გვერდითი ეფექტების რისკი. ფენილეფრინმა შესაძლოა შეასუსტოს ბეტა-ბლოკატორების და ანტიჰიპერტენზიული პრეპარატების ეფექტი და გაზარდოს არტერიული ჰიპერტენზიის განვითარების რისკი და სხვა არასასურველი ეფექტები გულ-სისხლძარღვთა სისტემის მხრივ.

ტრიციკლური ანტიდეპრესანტები (როგორიცაა ამიტრიპტილინი) ფენილეფრინთან ერთად მიღებისას ზრდის გულ-სისხლძარღვთა სისტემის მხრივ გვერდითი რეაქციების განვითარების ალბათობას. ინჰალაციური ანესთეზიის ჩატარების წინ ფენილეფრინის მიღება ზრდის გულის რითმის დარღვევის რისკს. ფენილეფრინის დიგოქსინთან და გულის გლიკოზიდებთან ერთად მიღება ზრდის გულის არითმიისა და ინფარქტის განვითარების რისკს.

შენახვის პირობები

არაუმეტეს +25°C ტემპერატურაზე, ბავშვებისთვის მიუწვდომელ ადგილზე.

ვარგისიანობის ვადა

3 წელი. არ გამოიყონოთ შეფუთვაზე მითითებული ვარგისობის ვადის ამოწურვის შემდეგ.

გამოშვების ფორმა

12 აბი პოლივინილქლორიდ/ალუმინის ბლისტერში. ბლისტერი ფურცელ-ჩანართთან ერთად მოთავსებულია მუყაოს კოლოფში.

გაცემის პირობები

რეცეპტის გარეშე.

განმცხადებელი/მწარმოებელი ფირმის დასახელება, მისამართი

ბაიერ კონსუმერ კერ აგ

პეტერ მერიან-შტრასე 84, 4052 ბაზელი შვეიცარია

კონტრაკტ ფარმაკალ კორპორეიშიონ,

135 ადამს ავენიუ, ჰოპოგ, ნიუ იორკი, 11788 აშშ.

ქვეყანა: თურქეთი

მწარმოებელი: დევა ჰოლდინგი

გაცემის ფორმა: II ჯგუფი რეცეპტული

ომნიკი
Omnic

საერთაშორისო დასახელება (აქტიური ნივთიერება) - tamsulosin
ათქ.კლასიფიკაციის კოდი - G04CA02

კლინიკურ-ფარმაკოლოგიური ჯგუფი
წინამდებარე ჯირკვლის კეთილთვისებიანი ჰიპერპლაზიის (ადენომის) დროს გამოსაყენებელი საშუალებები >> ალფა1- ადრენობლოკატორები

შემადგენლობა და გამოშვების ფორმა

* 0.4მგ კაფსულა № 10
* 0.4მგ კაფსულა № 30

ტამსოლუზინის ჰიდროქლორიდი 0,4მგ, მიკროკრისტალური ცელულოზა, მეთილაკრილის მჟავას თანაპოლიმერი (ტიპი C), პოლისორბატი 80, ნატრიუმის ლაურილის სულფატი, ტრიაცეტინი, კალციუმის სტეარატი, ტალკი, ჟელატინი, ინდიგოტინი, ტიტანის დიოქსიდი, რკინის ყვითელი ოქსიდი, რკინის წითელი ოქსიდი.

აღწერა:
ჟელატინის მყარი კაფსულები ზომა №2, ფორთოხლისფერი კორპუსით მარკირებით 701, სავაჭრო მარკის გრაფიკული გამოსახულებით და ზეთილისხილის ან მომწვანო ფერის თავსახურით - მარკირებით 0,4. კაფსულები შეიცავენ გრანულებს თეთრიდან ღია ყვითელ ფერამდე.

ფარმაკოლოგიური თვისებები
ფარმაკოდინამიკა.
ტამსოლუზინი წარმოადგენს პოსტსინაფსური ალფა 1 ადრენორეცეპტორების სპეციფიურ ბლოკატორს, რომლებიც განლაგებული არიან წინამდებარე ჯირკვალში, შარდის ბუშტის ყელში და ურეთრის პროსტატის ნაწილის გლუვ მუსკულატურაში. ტამსოლუზინით ალფა 1 ადრენორეცეპტორების ბლოკადა იწვევს წინამდებარე ჯირკვლის, შარდის ბუშტის ყელისა და ურეთრის პროსტატის ნაწილის გლუვი მუსკულატურის ტონუსის დაქვეითებას და შარდის გადინების გაუმჯობესებას. ერთდროულად მცირდება როგორც გათავისუფლების ასევე ავსების სიმპტომები, რომლებიც განპირობებულია გლუვი მუსკულატურის მომატებული ტონუსით და დეტრუზული ჰიპერაქტიურობით წინამდებარე ჯირკვლის კეთილთვისებიანი ჰიპერპლაზიისას.
ტამსოლუზინის ალფა 1 ა ქვეტიპის რეცეპტორებზე მოქმედების შესაძლებლობა 20-ჯერ აღემატება მის მოქმედებას ალფა 1 ბ ტიპის ადრენორეცეპტორებზე, რომლებიც განლაგებულია სისხლძარღვების გლუვ მუსკულატურაში. თავისი მაღალი სელექტიურობის გამო, ტამსოლუზინი არ იწვევს სისტემური არტერიული წნევის (აწ) მნიშვნელოვან დაქვეითებას როგორ ჰიპერტენზიის მქონე პაციენტებში, ასევე ნორმალური არტერიული წნევის (აწ) მქონე პაციენტებში.

ფარმაკოკინეტიკა
შეწოვა: ტამსოლუზინი კარგად შეიწოვება ნაწლავში და მისი ბიოშეღწევადობა თითქმის 100%-ია. ტამსოლუზინის შეწოვა რამდენადმე ნელდება საკვების მიღების შემდეგ. შეწოვის თანაბარი დონე შეიძლება მიღწეულ იქნას იმ შემთხვევაში, თუ პაციენტი პრეპარატს ყოველთვის იღებს ჩვეულებრივი საუზმის შემდეგ. ტამსოლუზინი ხაზობრივი კინეტიკით ხასიათდება. შიგნით პრეპარატის 0.4გ-ს ერთჯერადი მიღების შემდეგ პლაზმაში მისი მაქსიმალური კონცენტრაცია მიიღწევა 6 საათის შემდეგ. 0.4მგ-ს შიგნით მრავალჯერადი მიღების შემდეგ წონასწორული კონცენტრაცია მიიღწევა მე-5 დღისთვის, ამასთან მისი მაჩვენებელი პრეპარატის ერთჯერადი დოზის მიღების შემდეგი არსებული მაჩვენებლის დაახლოებით 2/3-ია.
განაწილება: პლაზმის ცილებთან კავშირი 99%, განაწილების მოცულობა მცირეა (დაახლოებით 0.2ლ/კგ).
მეტაბოლიზმი: ტამსოლუზინი ნელა მეტაბოლიზდება ღვიძლში ნაკლებად აქტიური მეტაბოლიტების წარმოქმნით. ტამსოლუზინის დიდი ნაწილი პლაზმაში წარმოდგენილია უცვლელი სახით.
ექსპერიმენტით გამოვლენილია ტამსოლუზინის ღვიძლის მიკროსომული ფერმენტების უმნიშვნელოდ ინდუცირების შესაძლებლობა.
ღვიძლის უკმარისობის უმნიშვნელო ან ზომიერი უკმარისობისას დოზის რეჟიმის კორექცია საჭირო არ არის.
გამოყოფა: ტამსოლუზინი და მისი მეტაბოლიტები ძირითადად შარდით გამოიყოფა, ამასთან პრაპარატის დაახლოებით 9% უცვლელი სახით გამოიყოფა.
ჭამის შემდეგ პრეპარატის 0.4მგ-ს ერთჯერადი მიღებისას ნახევარგამოყოფის პერიოდი შეადგენს 10 საათს, მრავალჯერადი მიღებისას - 13 საათს.
თირკმლის უკმარისობისას დოზის შემცირება საჭირო არ არის, თუ პაციენტს აღენიშნება თირკმლის მძიმე უკმარისობა (კრატინინის კლირენსი 10მლ/წთ-ზე ნაკლები) ტამსოლუზინის დანიშვნა საჭიროა სიფრთხილით.

ჩვენებები
დიზურიული დარღვევების მკურნალობა წინამდებარე ჯირკვლის კეთილთვისებიანი ჰიპერპლაზიისას.

მიღების წესები და დოზები
შიგნით, საუზმის შემდეგ, წყალთან ერთად, იღებენ 1 კაფსულას (0.4მგ) ერთხელ დღეში. კაფსულის დაღეჭვა რეკომენდებული არ არის, რადგანაც ამან შეიძლება იმოქმედოს პრეპარატის გამოთავისუფლებაზე.

გვერდითი მოვლენები
იშვიათად - თავბრუსხვევა, რეტროგრადული ეაკულაცია; ერთეულ შემთხვევებში - ორთოსტატური ჰიპოტენზია, ტაქიკარდია, ასთენია, თავის ტკივილი. კუჭ-ნაწლავის ტრაქტის მხრივ იშვიათ შემთხვევებში: გულისრევა, ღებინება, დიარეა, შეკრულობა.
უკიდურესად იშვიათ შემთხვევებში შეიძლება აღინიშნოს მომატებული მგრძნობელობის რეაქციები - კანზე გამონაყარი, ქავილი, ანგიონევროზული შეშუპება.

უკუჩვენება
ჰიპერმგრძნობელობა ტამსოლუზინის ან პრეპარატის ნებისმიერი სხვა კომპონენტის მიმართ.
ორთოსტატიკის დარღვევით მიმდინარე დაავადებები (მათ შორის ანამნეზში). ღვიძლის გამოხატული უკმარისობა.
სიფრთხილით-თირკმლის მძიმე უკმარისობისას (კრატინინის კლირენსი 10მლ/წთ-ზე ნაკლები).

ორსულობა და ლაქტაცია
მონაცემები არ მოიპოვება.

განსაკუთრებული მითითებები
როგორც სხვა ალფა 1 ადრენობლოკატორების გამოყენებისას, პრეპარატ ომნიკით მკურნალობისას ცალკეულ შემთხვევებში შეიძლება აღინიშნოს აწ-ს დაქვეითება, რომელმაც ზოგჯერ შეიძლება გამოიწვიოს შოკისმაგვარი მდგომარეობა. ორთოსტატული ჰიპოტენზიის პირველი ნიშნებისას (თავბრუსხვევა, სისუსტე) პაციენტი უნდა დაჯდეს ან დაწვეს და ამ მდგომარეობაში დარჩეს ნიშნების გაქრობამდე.
კატარაქტის გამო ოპერაციული ჩარევებისას პრეპარატის მიღების ფონზე შეიძლება განვითარდეს თვალის ფერადი გარსის ინტრაოპერაციული არასტაბილურობის სინდრომი (ვიწრო გუგის სინდრომი), რაც ქირურგმა აუცილებლად უნდა გაითვალისწინოს პაციენტის პრეოპერაციული მომზადებისას და ოპერაციის ჩატარებისას. პრეპარატ ომნიკით თერაპიის დაწყებამდე პაციენტი უნდა გამოიკვლიონ, რომ გამორიცხონ სხვა დაავადებების არსებობა, რომლებმაც შეიძლება ისეთივე სიმპტომები გამოიწვიონ, როგორც პროსტატის კეთილთვისებიანმა ჰიპერპლაზიამ. მკურნალობის დაწყებამდე და რეგულარულად თერაპიისას უნდა წარმოებდეს რექტალური დიგიტალური გამოკვლევა და საჭიროების შემთხვევაში პროსტატის სპეციფიური ანტიგენის განსაზღვრა (პსა).

ჭარბი დოზირება
ტამსოლუზინის დოზის სერიოზული გადაჭარბების შესახებ მონაცემები არ მოიპოვება. თუმცა თეორიულად, დოზის გადაჭარბებისას შესაძლებელია არტერიული წნევის დაქვეითებისა და კომპენსატორული ტაქიკარდიის განვითარება, რომლის შემთხვევაშიც აუცილებელია სიმპტომური თერაპიის ჩატარება. არტერიული წნევა და გულის შეკუმშვათა სიხშირე შეიძლება აღდგეს თუ ადამიანი მიიღებს ჰორიზონტალურ მდგომარეობას. ეფექტის არარსებობისას შეიძლება იმ საშუალებების მიღება, რომლებიც ზრდიან მოცირკულირე სისხლის მოცულობას და თუ აუცილებელია გამოიყენება სისხლძარღვთა შემავიწროვებელი საშუალებები. აუცილებელია თირკმლის ფუნქციის კონტროლი. ნაკლებსავარაუდოა, რომ დიალიზი ეფექტური იქნება, რადგანაც ტამსოლუზინი ძლიერადაა დაკავშირებული პლაზმის ცილებთან.
პრეპარატის შემდგომი შეწოვის ასაცილებლად ახდენენ კუჭის ამორეცხვას, აძლევენ აქტივირებულ ნახშირს ან ოსმოსურ საფაღარათო საშუალებას, მაგალითად ნატრიუმის სულფატს.

სხვა წამლებთან ურთიერთქმედება
ომნიკის ატენოლოლთან, ენალაპრილთან ან ნიფედიპინთან ერთად დანიშვნისას ურთიერთქმედება აღმოჩენილი არ არის. ომნიკისა და ციმეტიდინის ერთდროული მიღებისას აღინიშნა პლაზმაში ტამსოლუზინის კონცენტრაციის რამდენადმე მომატება, ფუროსემიდთან ერთად მიღებისას-კონცენტრაციის დაქვეითება, თუმცა ამ შემთხვევაში საჭირო არ არის ომნიკის დოზის ცვლილება, რადგანაც პრეპარატის კონცენტრაცია რჩება ნორმალური დიაპაზონის ფარგლებში. დიაზეპამი, პროპრანოლოლი, ტრიქლორმეთიაზიდი, ქლორმადინონი, ამიტრიპტილინი, დიკლოფენაკი, გლიბენკლამიდი, სიმვასტატინი და ვარფარინი in vitro არ ცვლიან პლაზმაში ტამსოლუზინის თავისუფალ ფრაქციას. თავის მხრივ, ტამსოლუზინი ასევე არ ცვლის დიაზეპამის, პროპრანოლოლის, ტრიქლორმეთიაზიდისა და ქლორმადინონის თავისუფალ ფრაქციებს.
in vitro გამოკვლევებში ღვიძლის მეტაბოლიზმის დონეზე აღმოჩენილი არ არის ურთიერთქმედება ამიტრიპტილინთან, სალბუტამოლთან, გლიბენკლამიდსა და ფინასტერიდთან. დიკლოფენაკმა და ვარფარინმა შეიძლება გაზარდონ ტამსოლუზინის გამოყოფის სიჩქარე.
ალფა 1 ადრენორეცეპტორების სხვა ანტაგონისტების ერთდროულმა დანიშვნამ შეიძლება გამოიწვიოს აწ-ს დაქვეითება.

შენახვის პირობები და ვადები
ინახება არაუმეტეს 25ºC ტემპერატურაზე.
ინახება ბავშვებისთვის მიუწვდომელ ადგილას.
ვარგისობის ვადა. 4 წელი. ვარგისობის ვადის გასვლის შემდეგ გამოყენება არ შეიძლება.

აფთიაქში გაცემის წესი
ექიმის რეცეპტით.

მწარმოებელი ფირმა, ქვეყანა
ასტელას ფარმა იუროპ ბ.ვ
ნიდერლანდები

რამიზეკ კომბი

ათქ კლასიფიკაციის კოდი 
C09BB07

შემადგენლობა და გამოშვების ფორმა:
კაფსულები: შეფუთვაში 30 ც. 

5 მგ+5 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . . 5 მგ
ამლოდიპინი (ამლოდიპინ ბესილატის სახით) . . . . . 5 მგ 

5 მგ+10 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . 5 მგ
ამლოდიპინი (ამლოდიპინ ბესილატის სახით) . . . . 10 მგ 

10 მგ+5 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . . 10 მგ
ამლოდიპინი (ამლოდიპინ ბესილატის სახით) . . . . . 5 მგ 

10 მგ+10 მგ, მყარი კაფსულა შეიცავს
რამიპრილი  . . . . . . . . . . . . . . . . . . . . . . . 10 მგ
ამლოდიპინი (ამლოდიპინ ბესილატის სახით) . . . . 10 მგ 

დამხმარე ნივთიერებები: მიკროკრისტალური ცელულოზა, უწყლო კალციუმის  ჰიდროფოსფატი, სიმინდის სახამებელი პრეჟელატინირებული, ნატრიუმის სახამებლის გლიკოლატი (ტიპი A), ნატრიუმის სტეარილფუმარატი, რკინის წითელი ოქსიდი (E172), ტიტანის დიოქსიდი (E171), ჟელატინი, რკინის ყვითელი ოქსიდი (E172) (10 მგ+10 მგ), რკინის შავი ოქსიდი (E172) (10 მგ+10 მგ)

კლინიკურ-ფარმაკოლოგიური ჯგუფი
დიჰიდროპირიდინების ჯგუფის კალციუმის ანტაგონისტის (ამლოდიპინი) და აგფ-ინჰიბიტორის (რამიპრილი) კომბინაცია.

ფარმაკოლოგიური თვისებები
რამიზეკი კომბი შეიცავს ორ აქტიურ ნივთიერებას: რამიპრილსა და ამლოდიპინს. რამიპრილი მიეკუთვნება აგფ ინჰიბიტორების ჯგუფს. ამლოდიპინი მიეკუთვნება კალციუმის ანტაგონისტების ჯგუფს. 
რამიპრილის მოქმედების მექანიზმი:
- თრგუნავს ანგიოტენზინ II-ის წარმოქმნის პროცესს და ამით ამცირებს ანგიოტენზინ II-ის ვაზოკონსტრიქტორულ და ალდოსტერონის სეკრეციაზე მის მასტიმულირებელ მოქმედებას
- ამცირებს საერთო პერიფერიულ სისხლძარღვოვან წინააღმდეგობას
- აადვილებს გულის მიერ სისხლის გადატყორცნას მთელ ორგანიზმში. 
ამლოდიპინის მოქმედების მექანიზმი:
- კალციუმის იონების შეღწევის ბლოკირებით სისხლძარღვების გლუვი კუნთების უჯრედებში და მიოკარდში იწვევს სისხლძარღვების გლუვი კუნთების რელაქსაციას და პერიფერიული სისხლძარღვების წინაღობის დაქვეითებას, რის შედეგადაც ხდება წნევის დაწევა
- ამლოდიპინი ამცირებს მიოკარდის მარცხენა პარკუჭის მასას.
- ამლოდიპინის ანტიანგინალური მოქმედება დაკავშირებულია მიოკარდის მიერ ჟანგბადის მოთხოვნილების შემცირებასთან და სისხლის მიწოდების გაუმჯობესებასთან.
- ამლოდიპინი ახდენს კორონარული სისხლძარღვების სპაზმის პრევენციას, ასევე ხელს უწყობს მათ მოდუნებას.

ჩვენებები
რამიზეკი კომბი გამოიყენება ჰიპერტენზიის სამკურნალოდ, პაციენტებში, რომელთა არტერიული წნევა ადექვატურად კონტროლდება ამლოდიპინისა და რამიპრილის კომბინირებული გამოყენებისას ცალ-ცალკე პრეპარატების სახით ისეთივე დოზებით, როგორც წარმოდგენილია რამიზეკი კომბი-ში. 

დოზირების რეჟიმი
პრეპარატი მიიღება დღის ერთსადაიმავე მონაკვეთში, ჭამამდე ან ჭამის შემდეგ. 
რამიზეკი კომბი მიიღება დღეში ერთხელ. 
მაქსიმალური დღიური დოზა არის ერთი კაფსულა 10 მგ + 10 მგ. 

გამოყენება ბავშვებსა და მოზარდებში
რამიზეკი კომბის გამოყენება ბავშვებსა და 18 წლამდე ასაკის მოზარდებში რეკომენდებული არ არის, ვინაიდან აღნიშნული პოპულაციის შესახებ საკმარისი ინფორმაცია არ მოიპოვება. 

რამიზეკი კომბის მიღების გამოტოვება
დოზის გამოტოვების შემთხვევაში მიიღება მომდევნო დოზა ჩვეულებისამებრ. ნუ მიიღებთ ორმაგ დოზას გამოტოვებული დოზის ასანაზღაურებლად. 

გვერდითი მოვლენები
ყველა წამლის მსგავსად, არსებულმა პრეპარატმა შეიძლება გამოიწვიოს გვერდითი მოვლენები, თუმცა ყოველთვის არა. 
- კანის მძიმე რეაქციებით (გამონაყარი, წყლულები პირის ღრუში, არსებული კანის დაავადების გაუარესება, კანის სიწითლე, ბუშტუკების წარმოქმნა ან კანის აქერცვლა (მაგ. სტივენს ჯონსონის სინდრომი, ტოქსიკური ეპიდერმული ნეკროზი ან მრავალფორმიანი ერითემა) ან სხვა ალერგიული რეაქციები. 
- გულის რითმის აჩქარება, არათანაბარი თუ ძლიერი გულისცემა (გულის ფრიალი), გულმკერდის არეში ტკივილი, გულმკერდზე მოჭერის შეგრძნება ან უფრო მძიმე დარღვევები გულის შეტევებისა და ინსულტის ჩათვლით. 
- სუნთქვის გაძნელება ან ხველა. 
- სისხლჩაქცევები, სისხლდენის გახანგრძლივება, სისხლდენის ნებისმიერი ნიშანი (მაგ. სისხლდენა ღრძილებიდან), ალისფერი ლაქები, კანის დალაქავება ან ჩვეულზე უფრო ხშირი ინფექციები, ანგინა და ცხელება, ადვილად დაღლილობა, გონების დაკარგვა, თავბრუსხვევა ან ფერმკრთალი კანი. ეს ყველაფერი შეიძლება იყოს სისხლის ან ძვლის ტვინის ფუნქციების დარღვევის ნიშნები. 
- ცხელება, შემცივნება, დაღლილობა, მადის დაკარგვა, გულისრევის შეგრძნება, კანის ან თვალების გაყვითლება (სიყვითლე). ეს ყველაფერი შეიძლება ღვიძლის პრობლემების, მაგ ჰეპატიტის ან ღვიძლის დაზიანების ნიშნები იყოს. აღნიშნული გვერდითი მოვლენების სიხშირე უცნობია (არსებული მონაცემებით შეფასება ვერ ხერხდება). 

სხვა გვერდითი მოვლენებია:
ხშირი (10-დან 1 პაციენტში):
- ძილიანობა (განსაკუთრებით მკურნალობის დასაწყისში);
- გულის ფრიალი (გულისცემის დარღვევა), წამოხურება;
- კოჭის შეშუპება (ედემა);
- თავის ტკივილი ან დაღლილობა;
- თავბრუსხვევა. ამის განვითარება უფრო მოსალოდნელია რამიზეკი კომბის მიღების დაწყებისას ან მაღალი დოზით მკურნალობის დაწყებისას;
- გონების დაკარგვა, ჰიპოტენზია, განსაკუთრებით სწრაფად ადგომის ან დაჯდომისას;
- მშრალი ხველა, სინუსიტი ან ბრონქიტი, სუნთქვის გაძნელება.
- მუცლის ტკივილი, კუჭის ან ნაწლავების ტკივილი, ფაღარათი, მონელების მხრივ დარღვევები, გულისრევის შეგრძნება ან ღებინება;
- კანზე გამონაყარი ამობურცული უბნებით ან მათ გარეშე;
- გულმკერდის ტკივილი;
- სპაზმები ან ტკივილი კუნთებში;
- სისხლის ანალიზში კალიუმის მომატებული დონე. 
არახშირი (100-დან 1 პაციენტში):
- გუნება-განწყობილების შეცვლა, უძილობა
- კანკალი, სისუსტე, ტკივილი, ცუდად ყოფნის შეგრძნება;
- მხედველობის დარღვევა, მხედველობის გაორება, დაბინდული მხედველობა, ხმაური ყურებში;
- ცემინება, გამონადენი ცხვირიდან გამოწვეული ცხვირის ლორწოვანი გარსის ანთებით (რინიტი);
- ნაწლავების მოქმედების არევა (ფაღარათი ან შეკრულობა), გულძმარვა, პირის სიმშრალე;
- თმის ცვენა, მომატებული ოფლიანობა, კანის ქავილი, კანზე წითელი ლაქები, კანის ფერის შეცვლა;
- შარდვის დარღვევეა, შარდვის მოთხოვნილების მომატება, განსაკუთრებით ღამით, შარდვის გახშირება;
- ერექციის უნარის დაკარგვა, სექსუალური უუნარობა მამაკაცებში, დაქვეითებული სექსუალური სურვილი მამაკაცებსა თუ ქალებში;
- სარძევე ჯირკვლების გადიდება ან დისკომფორტი მამაკაცებში;
- სახსრების ან კუნთების ტკივილი, სპაზმები, ზურგის ტკივილი;
- წონაში მომატება ან დაკლება;
- წონასწორობის დარღვევები (ვერტიგო);
- ქავილი და კანის უჩვეულო შეგრძნებები, როგორებიცაა მოდუნება, ჩხვლეტა, ცოცვა, წვა კანზე (პარესთეზია), ტკივილის შეგრძნებების დაკარგვა
- გემოს შეცვლას;
- ძილის დარღვევები;
- დეპრესია, შფოთვა, ჩვეულზე მეტი ნერვიულობა ან მოუსვენრობა;
- ცხვირის დახშობა, სუნთქვის გაძნელება ან ასთმის გაუარესება;
- ნაწლავის ტრაქტში ქსოვილების შეშუპება, ე.წ. “ნაწლავური ანგიოედემა”, რაც გამოიხატება სიმპტომებით: მუცლის ტკივილი, ღებინება და ფაღარათი.
- მადის შემცირება ან დაკარგვა (ანორექსია);
- არარეგულარული გულისცემა ან მისი მომატება;
- ხელებისა და ფეხების შეშუპება, რაც შეიძლება ორგანიზმში წყლის  შეკავების ნიშანი იყოს;
- ციებ-ცხელება;
- სისხლის ანალიზში სისხლის თეთრი უჯრედების რაოდენობის მომატება (ეოზინოფილია).
- სისხლის ანალიზში აღმოჩენილი ცვლილებები ღვიძლის, პანკრეასის ან თირკმლების ფუნქციური სინჯების მხრივ. 
იშვიათი (1000-დან 1 პაციენტში)
- დაბნეულობის შეგრძნება;
- წითელი და შეშუპებული ენა;
- აქერცვლადი კანი, ქავილი, ხორკლიანი გამონაყარი;
- ფრჩხილის პრობლემები (მაგ. გათხელება ან აქერცვლა);
- კანზე გამონაყარი ან სისხლჩაქცევები;
- ჭინჭრის ციება;
- კანზე მუწუკები და კიდურებში სიცივის შეგრძნება;
- თვალის სიწითლე, ქავილი, შეშუპება ან ცრემლდენა;
- სმენის დარღვევა;
- სისხლის წითელი უჯრედების, თეთრი უჯრედებისა თუ თრომბოციტების რაოდენობის ან ჰემოგლობინის შემცირება. 
ძალიან იშვიათი (10,000-დან 1 პაციენტი)
- მზის სხივების მიმართ ჩვეულზე მეტი მგრძნობელობა;
- სისხლში შაქრის დონის მომატება (ჰიპერგლიკემია);
- ღრძილების შეშუპება;
- მუცლის შებერილობა (გასტრიტი);
- ღვიძლის ფუნქციის დარღვევა, ღვიძლის ანთება (ჰეპატიტი), კანის გაყვითლება (სიყვითლე);
- კუნთების დაჭიმულობის მომატება;
- სისხლძარღვების ანთება, ხშირად გამონაყარი კანზე;
- მგრძნობელობა სინათლის მიმართ
- დარღვევები, რომლებიც მოიცავს რიგიდულობას, ტრემორს და ან მოძრაობის დარღვევებს.

უკუჩვენებები
- ჰიპერმგრძნობელობა პრეპარატში შემავალი რომელიმე კომპონენტის მიმართ
- დიალიზის ან სისხლის ფილტრაციის რაიმე სხვა პროცედურა
- თირკმლის არტერიის ორმხრივი სტენოზი
- აორტის მძიმე ხარისხის სტენოზი
- გამოხატული ჰიპოტენზია 
- ორსულობის ბოლო 6 თვე

ორსულობა და ლაქტაცია
რამიზეკი კომბის გამოყენება ორსულობის და ლაქტაციის პეროიდში არ არის რეკომენდებული

განსაკუთრებული მითითებები
სატრანსპორტო საშუალებების მართვა და მექანიზმების მომსახურეობა: რამიზეკი კომბი-მ შეიძლება ზეგავლენა იქონიოს ავტომობილის მართვისა და მექანიზმებთან მუშაობის უნარზე. ეს განსაკუთრებით აღინიშნება მკურნალობის დასაწყისში, ან სხვა პრეპარატების შეცვლისას. 

სხვა წამლებთან ურთიერთქმედება
აღნიშნულ პრეპარატებს შეუძლიათ რამიზეკი კომბის ეფექტურობის შემცირება:
- ტკივილგამაყუჩებელი და ანთებისსაწინააღმდეგო პრეპარატები (მაგ. არასტეროიდული ანთების საწინააღმდეგო პრეპარატები, როგორებიცაა იბუპროფენი ან ინდომეტაცინი და ასპირინი);
- დაბალი არტერიული წნევის, შოკის, გულის უკმარისობის, ასთმის ან ალერგიის სამკურნალო პრეპარატები, როგორებიცაა ეფედრინი, ნორადრენალინი ან ადრენალინი. ექიმს დასჭირდება თქვენი არტერიული წნევის კონტროლი;
- რიფამპიცინი (ტუბერკულოზის სამკურნალო ანტიბიოტიკი);
- Hypericum perforatum  (კრაზანას პრეპარატი დეპრესიის სამკურნალოდ). 
აღნიშნულ პრეპარატებს, რამიზეკი კომბისთან ერთად კომბინირებისას, შეუძლიათ გაზარდონ გვერდითი მოვლენების განვითარების რისკი:
- ტრიმეტოპრიმი და კო-ტრიმოქსაზოლი (ბაქტერიით გამოწვეული ინფექციის მკურნალობისათვის);
- ტემსიროლიმუსი (სიმსივნის სამკურნალოდ);
- ევეროლიმუსი (ტრანსპლანტანტის მოცილების პრევენციისათვის);
- ტაკროლიმუსი (გამოიყენება თქვენი ორგანიზმის იმუნური პასუხების საკონტროლოდ, რაც საშუალებას აძლევს ორგანიზმს მიიღოს გადანერგილი ორგანო);
- კლარითრომიცინი (ბაქტერიული ინფექციის სამკურნალოდ);
- ტკივილგამაყუჩებელი და ანთებისსაწინააღმდეგო პრეპარატები (მაგ. არასტეროიდული ანთებისსაწინააღმდეგო პრეპარატები, როგორებიცაა იბუპროფენი ან ინდომეტაცინი და აცეტილსალიცილის მჟავა);
- სიმსივნის საწინააღმდეგო პრეპარატები (ქიმიოთერაპია);
- ტრანსპლანტაციის შემდეგ ორგანოს მოცილების საწინააღმდეგო პრეპარატები, როგორიცაა ციკლოსპორინი;
- დიურეტიკები (შარდმდენები), მაგ. ფუროსემიდი;
- სისხლში კალიუმის დონის გასაზრდელი პრეპარატები, როგორებიცაა სპირონოლაქტონი, ტრიამტერინი, ამილორიდი, კალიუმის მარილები და ჰეპარინი (სისხლის გასათხელებლად);
- ანთებისსაწინააღმდეგო სტეროიდული პრეპარატები, როგორიცაა პრედნიზოლონი;
- ალოპურინოლი (ორგანიზმში შარდმჟავას დონის შესამცირებლად);
- პროკაინამიდი (გულის რითმის დარღვევებისათვის);
- კეტოკონაზოლი, იტრაკონაზოლი (სოკოს საწინააღმდეგო პრეპარატები);
- რიტონავირი, ინდინავირი, ნელფინავირი (ე.წ. პროტეაზას ინჰიბიტორები აივ ინფექციის სამკურნალოდ);
- ერითრომიცინი, კლარიტრომიცინი (ანტიბიოტიკები);
- ვერაპამილი, დილთიაზემი (გულის მხრივ დარღვევების ან მაღალი არტერიული წნევის სამკურნალო პრეპარატები);
- დანტროლენი (ინფუზია ორგანიზმის ტემპერატურის მძიმე დარღვევების სამკურნალოდ).
- ექიმმა შეიძლება საჭიროდ ჩათვალოს დოზის შეცვლა და/ან სხვა ზომების მიღება, იმ შემთხვევაში, თუ ღებულობთ ანგიოტენზინ II რეცეპტორის ბლოკერს ან ალისკირენს 

აღნიშნული პრეპარატების რამიზეკი კომბისთან ერთად გამოყენებისას შეიძლება შეიცვალოს მათი ეფექტურობა:
- პრეპარატები დიაბეტისათვის, როგორებიცაა პერორალური ჰიპერგლიკემიური პრეპარატები და ინსულინი. რამიზეკი კომბის შეუძლია შეამციროს სისხლში გლუკოზის დონე. რამიზეკი კომბის გამოყენებისას აუცილებელია სისხლში შაქრის დონის სათანადო მონიტორინგი. 
- ლითიუმი (ფსიქიკური დარღვევების სამკურნალოდ). რამიზეკი კომბიმ შეიძლება გაზარდოს ორგანიზმში ლითიუმის დონე. ექიმის მიერ უნდა მოხდეს ლითიუმის დონის სათანადო მონიტორინგი.
- სიმვასტატინი (ქოლესტერინის დონის შესამცირებელი პრეპარატი). რამიზეკი კომბის შეუძლია გაზარდოს სიმვასტატინის დონე თქვენს ორგანიზმში. 
- გრეიფრუტის წვენისა და გრეიპფრუტის მიღება რამიზეკი კომბით მკურნალობის დროს არ შეიძლება. რადგანაც გრეიპფრუტსა და გრეიპფრუტის წვენს შეუძლია გამოიწვიოს სისხლში აქტიური ნივთიერების ამლოდიპინის დონის გაზრდა, რამაც თავის მხრივ შეიძლება გაზარდოს რამიზეკი კომბის ანტიჰიპერტენზიული ეფექტი. 

შენახვის პირობები და ვადა 
პრეპარატი ინახება არა უმეტეს 30° ტემპერატურის პირობებში, ბავშვებისათვის მიუწვდომელ და სინათლისგან დაცულ ადგილას. 
ვარგისობის თარიღი აღნიშნავს თვის ბოლო დღეს.