დენსონი

DENSON

პერორალური გამოყენებისთვის

ყოველი აპკიანი გარსით დაფარული ტაბლეტი შეიცავს:

• აქტიური ნივთირებები: 10 მგ მონტელუკასტი (10.4მგ ნატრიუმის მონტელუკასტის სახით).  

შემავსებლები: ჰიდროქსიპროპილცელულოზა, მიკროკრისტალური ცელულოზა pH 102, ლაქტოზას მონოჰიდრატი, ნატრიუმის კროსკარმელოზა, აეროსილი  200,  მაგნიუმის სტეარატი,  ოპადრაი 85F34274 ყვითელი, ეთილის სპირტი, დისტილირებული წყალი.  

ამ ჩანართში

1.    რა არის დენსონი და რისთვის გამოიყენება
2.   დენსონის გამოყენებამდე
3.   როგორ მიიღება დენსონი
4.   შესაძლო გვერდითი ეფექტები
5.   როგორ ინახება დენსონი

წარმოდგენილია განყოფილებები

1. რა არის დენსონი და რისთვის გამოიყენება?

დენსონი არის ლეიკოტრიენული რეცეპტორის ანტაგონისტი (საპირისპირო მოქმედების), რომელიც ბლოკავს ლეიკოტრიენებს. ამსუბუქებს ასთმის სიმპტომებს და ალერგიულ რინიტს, ლეიკოტრიენების დათრგუნვით.

დენსონი არ არის სტეროიდი (ორგანული ნაერთი ცხიმოვანი სტრუქტურით, რომელიც დაკავშირებულია ქოლესტეროლთან). კვლევებმა აჩვენა, რომ მონტელუკასტი არ მოქმედებს ბავშვის ზრდის სისწრაფეზე (ასთმის და ალერგიული სურდოს (რინიტის) შესახებ ინფორმაცია მოცემულია შემდეგ განყოფილებებში).

დენსონი ინიშნება გახანგრძლივებული ასთმის, ალერგიული სურდოს (რინიტი) სიმპტომების მოსახსნელად და გაურკვეველი წარმომავლობის გახანგრძლივებული ჭინჭრის ციების (ქრონიკული იდიოპათიური ურტიკარია) დროს.

ასთმა:

დენსონი უნდა გამოიყენონ გახანგრძლივებული ასთმის სამკურნალოდ 15 წლის და უფროსი ასაკის ბავშვებში და მოზრდილებში.

დენსონი არ გამოიყენოთ ასთმის შეტევის ხანმოკლე გაუმჯობესებისთვის.

ასთის შეტევის დროს. დაიცავით ექიმის დანიშნულება. ასთმის შეტევის დროს თქვენ უნდა გააკეთოთ ის, რასაც გირჩევთ  ექიმი, ასთმის შეტევისთვის.

ალერგიული რინიტი:

დენსონი გამოიყენება ალერგიული რინიტის სიმპტომების სამართავად (ცემინება, ცხვირის შეგუბება, ცხვირიდან გამონადენი და ქავილი). დენსონი აპკიანი გარსით დაფარული  ტაბლეტები გამოიყენება სეზონური ალერგიული რინიტის და მთელი წლის განმავლობაში მიმდინარე ალერგიული რინიტის სიმპტომური მკურნალობისთვის, 15 წლის და უფროსი ასაკის პაციენტებში. დენსონი გამოდის 28 ტაბლეტიანი შეფუთვით. ყოველი ტაბლეტი შეიცავს 10მგ აქტიურ ნივთიერებას (მონტელუკასტი).

რა არის ასთმა?

ასთმა არის ბრონქული გზების მუდმივი (ქრონიკული) ანთება, რომელთა საშუალებითაც ხდება ორგანიზმში და ფილტვებში ჰაერის მიწოდება. ასთმის სიმპტომებია:

•  ხველა

•  ცემინება

•  გულმკერდში მოჭერის შეგრძნება

•  სუნთქვის უკმარისობა

რა არის ალერგიული რინიტი?

• სეზონური ალერგიული რინიტი აგრეთვე ცნობილი როგორც თივის ცხელება გამოწვეულია სახლის გარეთ არსებული ალერგიული ფონით, როგორიცაა ხე-მცენარეთა, ბალახების და სარეველების მტვერი.
• ხანგრძლივი (მთელი წლის განმავლობაში მიმდინარე) ალერგიული რინიტი, შეიძლება აღინიშნოს მთელი წლის განმავლობაში და ჩვეულებრივ გამოწვეულია სახლში არსებული ალერგენებით მტვრის ტკიპების, შინაური ცხოველების ქერტლის და/ან ტკიპების სპორებით.
• ალერგიული რინიტის სიმპტომები შეიძლება მოიცავდეს შემდეგს:

- ცხვირის შეგუბება, გამონადენი და/ან ქავილი

- ცემინება

ქრონიკული იდიოპათიური ურტიკარია:

დენსონი შეიძლება გამოყენებული იყოს ისეთი სიმპტომების შესამსუბუქებლად, როგორიცაა ქავილი, პუსტულები და კანის სიწითლე, რაც ვითარდება კანის ალერგიული დაავადების დროს (ქრონიკული იდიოპათიური ურტიკარია) 15 წლის და უფროსი ასაკის  პაციენტებში.

2. დენსონის მიღებამდე

არ მიიღოთ დენსონი:

თუ:

• ალერგიული ხართ (გაქვთ ჰიპერმგრძნობელობა) მონტელუკასტის ან მედიკამენტის რომელიმე კომპონენტის მიმართ.

განსაკუთრებული სიფრთხილე გამოიჩინეთ დენსონის გამოყენებისას

• თუ ასთმა ან სუნთქვა უარესდება, დაუყოვნებლივ აცნობეთ ექიმს.
• პერორალური დენსონი განკუთვნილი არ არის ასთმის მწვავე შეტევების სამკურნალოდ.

შეტევის შემთხვევაში დაიცავით ექიმის დანიშნულება. ყოველთვის თან გქონდეთ ასთმის  შეტევის დროს გამოსაყენებელი სწრაფი მოქმედების საინჰალაციო სამკურნალო საშუალება.

• მნიშვნელოვანია, რომ თქვენ და თქვენმა შვილმა მიიღოთ ასთმის სამკურნალო ყველა  პრეპარატი   ზუსტად ისე, როგორც ექიმის მიერ არის დანიშნული. დენსონი, რომელიც დაგინიშნათ ექიმმა,  არ შეცვალოთ ასთმის სამკურნალო სხვა საშუალებებით
• ყველა პაციენტი, რომელიც იღებს ასთმის საწინააღმდეგო პრეპარატებს უნდა გააფრთხილონ, მიმართონ ექიმს თუ აღენიშნებათ გრიპის, ხელების ან ფეხების დაბუჟების ან ჩხვლეტის შეგრძნება, ფილტვის სიმპტომების გაუარესება და/ან გამონაყარი.

• თუ ასთმა გაქვთ რომელიც უარესდება აცეტილსალიცილის მჟავას (ასპირინი) მიღებისას, დენსონის გამოყენების დროს უნდა ეცადოთ არ მიიღოთ ანალოგიური პრეპარატები, როგორიცაა ასპირინი ან ანთების საწინააღმდეგო არასტეროიდული საშალებები.

• დენსონის გამოყენებისას აღწერილია განწყობის  ცვლილება (აჟიტირება, აგრესიული ქცევის ან სიძულვილის ჩათვლით, შფოთვა, დეპრესია, დეზორიენტაცია (დროის და ადგილის შეგრძნების აღრევა), ანომალური ძილი, ღამის კოშმარები, ჰალუცინაციები, ჩაძინების სიძნელის ჩათვლით, მოუსვენრობა, ჰიპერაქტიურობა, ძილის დროს სიარული, სუიციდური აზრები და ქცევა (სუიციდის მცდელობის ჩათვლით), ტრემორი. პაციენტები უნდა გააფრთხილონ, რომ ასეთი ცვლილებების შემთხვევაში, მიმართონ ექიმს. თუ რომელიმე გეხებათ ან გეხებოდათ ადრე, მიმართეთ ექიმს.

დენსონის მიღება საკვებთან და სასმელთან ერთად

10მგ დენსონის მიღება შეიძლება საკვებთან ერთად ან მის გარეშე.

ორსულობა:

ნებისმიერი მედიკამენტის მიღებამდე რჩევა კითხეთ ექიმს ან ფარმაცევტს.

თუ ხართ ორსულად ან გეგმავთ ორსულობას, დენსონის მიღებამდე მიმართეთ ექიმს. ექიმი შეაფასებს თქვენს მდგომარეობას და გადაწყვეტს, შეგიძლიათ თუ არა დენსონის მიღება.

თუ მკურნალობის დროს აღმოაჩენთ, რომ ორსულად ხართ, დაუყოვნებლივ აცნობეთ ექიმს ან ფარმაცევტს.

ძუძუთი კვება:

ნებისმიერი მედიკამენტის მიღებამდე რჩევა კითხეთ ექიმს ან ფარმაცევტს.

უცნობია, გამოიყოფა თუ არა დენსონი რძეში. აქედან გამომდინარე თუ ბავშვს ძუძუთი კვებავთ ან გეგმავთ ამას, დენსონის მიღებამდე უნდა მიმართოთ ექიმს.

ავტომობილის მართვა და მექანიზმების გამოყენება

დენსონის გავლენა ავტომობილის მართვის და მექანიზმებთან მუშაობის უნარზე მოსალოდნელი არ არის. თუმცა, ინდივიდები შეიძლება განსხვავებულად რეაგირებდნენ პრეპარატებზე. ზოგიერთი გვერდითი ეფექტი (თავბრუსხვევა და ძილიანობა), რომელიც ძალიან იშვიათად აღინიშნება პაციენტების მიერ, შეიძლება მოქმედებდეს ავტომობილის მართვის და მექანიზმებთან მუშაობის უნარზე.

მნიშვნელოვანი ინფორმაცია დენსონის ზოგიერთი ინგრედიენტის შესახებ

დენსონი შეიცავს ლაქტოზას. თუ ექიმმა გითხრათ, რომ გაქვთ ზოგიერთი შაქრის აუტანლობა, სამედიცინო პროდუქტის გამოყენებამდე მიმართეთ ექიმს.

გამოყენება სხვა მედიკამენტებთან ერთად

ზოგიერთი პრეპარატი შეიძლება ცვლიდეს დენსონის მოქმედების მექანიზმს ან პირიქით. თუ იღებთ შემდეგ პრეპარატებს, დენსონის გამოყენების დაწყებამდე გთხოვთ აცნობოთ ექიმს:

• ფენობარბიტალი (გამოიყენება ეპილეფსიის სამკურნალოდ)

• ფენიტოინი (გამოიყენება ეპილეფსიის სამკურნალოდ)

• რიფამპიცინი (გამოიყენება ტუბერკულოზის და ზოგიერთ სხვა ინფექციის სამკურნალოდ)

• გემფიბროზილი (გამოიყენება ლიპიდების მაღალი დონის სამკურნალოდ, რომელიც სხვა უჯრედებზე მეტად უფრო დიდი რაოდენობით არის სისხლის სითხეში).

თუ იღებთ ან ბოლო პერიოდში მიღებული გაქვთ რეცეპტით ან ურეცეპტოთ გაცემული რაიმე მედიკამენტი, აცნობეთ ექიმს ან ფარმაცევტს.

3. როგორ გამოიყენება დენსონი?

სათანადო გამოყენების და დოზირების/სიხშირის ინსტრუქცია

ასთმით დაავადებული მოზარდი და მოზრდილი პაციენტები (15 წლის და უფროსი ასაკის)

• დენსონი 10მგ აპკიანი გარსით დაფარული ტაბლეტები მიიღეთ დღე-ღამეში ერთხელ, ღამით (იხ. გამოყენების მეთოდი).
• დენსონი უნდა მიიღოთ ყოველდღე, ექიმის დანიშნულებით, იმ შემთხვევაშიც თუ არ გაქვთ ასთმის სიმპტომები.
• თუ ასთმის სიმპტომები უარესდება ან თუ გჭირდებათ ასთმის შეტევების დროს გადაუდებელი მოქმედების საინჰალაიცო პრეპარატის გამოყენება, დაუყოვნებლივ მიმართეთ ექიმს.

არ გამოიყენოთ დენსონი ასთმის შეტევის სწრაფად მოსახსნელად 

ასთმის შეტევის დროს უნდა იმოქმედოთ ზუსტად ექიმის დანიშნულებით.

• ყოველთვის თან გქონდეთ ასთმის შეტევების დროს გამოსაყენებელი გადაუდებელი მოქმედების საინჰალაციო საშუალება
• არ შეწყვიტოთ ასთმის სამკურნალო პრეპარატების მიღება და არ შეამციროთ დოზა, ექიმის დანიშნულების გარეშე.

სეზონური და მთელი წლის განმავლობაში მიმდინარე რინიტით დაავადებული მოზრდილები და მოზარდები (15 წლის და უფროსი ასაკის)

• დენსონი მიიღეთ დღე-ღამეში ერთხელ, ჩვეულებრივ ერთი და იგივე დროს
• დენსონი მიიღეთ დღე-ღამეში ერთხელ, ექიმის დანიშნულებით.

გამოყენების მეთოდი

• დენსონი მიიღება მხოლოდ პერორალურად
• პრეპარატის მიღება შეგიძლიათ კვებისგან დამოუკიდებლად.
• ერთი ტაბლეტი მიიღეთ საკმარისი რაოდენობით წყალთან ერთად (მაგ., ერთ ჭიქა წყალთან ერთად, დაუღეჭავად).

დენსონის გამოყენების პერიოდში დარწმუნდით, რომ არ იღებთ მონტელუკასტის შემცველ სხვა მედიკამენტებს.

ქრონიკული იდიოპათიური ურტიკარია

ალერგიით გამოწვეული კანის დაავადების მკურნალობის ხანგრძლივობა (ქრონიკული იდიოპათური ურტიკარია) შეიძლება ვარირებდეს პაციეტნებს შორის, ამიტომ უნდა დაიცვათ ექიმის დანიშნულება.

განსხვავებული ასაკობრივი ჯგუფები:

გამოყენება ბავშვებში:

• დენსონი 4მგ საღეჭი ტაბლეტები 2 და 5 წლის ბავშვებისთვის
• დენსონი 5მგ საღეჭი ტაბლეტები 6 და 14 წლის ბავშვებისთვის.

ხანდაზმულებში გამოყენება:

ასაკის მიხედვით დოზის ცვლილება აუცილებელი არ არის.

განსაკუთრებული პოპულაციები

თირკმლის/ღვიძლის უკმარისობა:

თირკმლის უკმარისობით და ღვიძლის მსუბუქი და საშუალო უკმარისობით დაავადებულ პაციენტებში, დოზის ცვლილება აუცილებელი არ არის. ღვიძლის მწვავე უკმარისობის მქონე პაციენტებში, მონაცემები არ არსებობს.

თუ გაქვთ შთაბეჭდილება, რომ დენსონის ეფექტი ძალიან ძლიერი ან ძალიან სუსტია, მიმართეთ ექიმს ან ფარმაცევტს.

თუ მიიღეთ საჭიროზე მეტი დენსონი

დოზის გადაჭარბების უმრავლეს შემთხვევებში, გვერდითი ეფექტები აღწერილი არ იყო. მოზრდილებში და ბავშვებში დოზის გადაჭარბებისას, აღნიშნული ყველაზე ხშირი სიმპტომები მოიცავდა მუცლის ტკივილს, ძილიანობას, წყურვილს, თავის ტკივილს ღებინებას და ჰიპერაქტიურობას.

თუ მიიღეთ საჭიროზე მეტი დენსონი, მიმართეთ ექიმს ან ფარმაცევტს

თუ დაგავიწყდათ დენსონის მიღება

ეცადეთ მედიკამენტი მიიღოთ დანიშნულებისამებრ.

თუ დაგავიწყდათ დოზა, არ მიიღოთ ის და განაგრძეთ მკურნალობა ძველი სქემით.

გამოტოვებულის კომპენსაციისთვის არ მიიღოთ ორმაგი დოზა.

თუ წყვეტთ დენსონის გამოყენებას

თუ დენსონის მიღებას განაგრძობთ, ის მხოლოდ ასთმას უმკურნალებს.

მნიშვნელოვანია მედიკამენტების მიღება ექიმის მიერ დანიშნული ხანგრძლივობით. დენსონი დაგეხმარებათ ასთმის კონტროლში.

პროდუქტის გამოყენების შესახებ დამატებითი კითხვების შემთხვევაში, მიმართეთ ექიმს ან ფარმაცევტს.

4. შესაძლო გვერდითი ეფექტები

როგორც ყველა სხვა მედიკამენტი, დენსონი შეიძლება იწვევდეს გვერდით ეფექტებს, მის შემადგენლობაში შემავალი ნივთიერებების მიმართ მგრძნობიარე პირებში. შემდეგი გვერდითი ეფექტები ყველაზე ხშირი იყო და აღწერილია 10მგ მონტელუკასტის შემცველი აპკიანი გარსით დაფარული ტაბლეტების კლინიკურ კვლევებში (აღინიშნება მკურნალობის მიმღები 100-დან არა ნაკლებ 1 პაციენტში და 10-დან 1-ზე ნაკლებ შემთხვევაში):

• მუცლის ტკივილი
• თავის ტკივილი

დენსონის გვერდითი ეფექტები ჩვეულებრივ მსუბუქია და პლაცებოსთან შედარებით (ტაბლეტები რომლებიც არ შეიცავს აქტიურ ნივთიერებას) ვითარდება უფრო ხშირად მონტელუკასტის აპკიანი გარსით დაფარული ტაბლეტების გამოყენებისას

კატეგორიებად დახარისხებული გვერდითი ეფექტები ნაჩვენებია ქვემოთ:

თუ აღინიშნება რომელიმე შემდეგი მოვლენა, შეწყვიტეთ დენსონის გამოყენება და დაუყოვნებლივ მიმართეთ ექიმს ან უახლოესი საავადმყოფოს გადაუდებელი დახმარების განყოფილებას:

-ალერგიული რექციები [სახის, ტუჩების, ენის და/ან ხახის შეშუპება (შეიძლება გამოიწვიოს ყლაპვის ან სუნთქვის გაძნელება)]

ეს არის სერიოზული გვერდითი ეფექტები. რომელიმე მათგანის შემთხვევაში გაქვთ დენსონზე სერიოზული ალერგია. შეიძლება დაგჭირდეთ გადაუდებელი სამედიცინო ჩარევა ან საავადმყოფოში გადაყვანა. ძალიან სერიოზული გვერდითი მოვლენები ვითარდება იშვიათად.

დამატებით, პრეპარატის მარკეტინგის განმავლობაში აღწერილი იყო შემდეგი მოვლენები:

ძალიან ხშირი:

- ზემო რესპირატორული ტრაქტის ინფექცია

ხშირი:

-  დიარეა, გულისრევა, ღებინება

-  გამონაყარი

-  ცხელება

-  ღვიძლის ენზიმების მომატება

ნაკლებად ხშირი:

- ქცევასთან და განწყობასთან დაკავშირებული ცვლილებები, ძილის ანომალიები, კოშმარების, ჰალუცინაციების, ჩაძინების სიძნელის ჩათვლით, ძილის დროს სიარული, ნევროზულობა ან ჰიპერრეაქტიულობა, შფოთვა, მოუსვენრობა, აჟიტაცია, აგრესიული ქცევის და სიძულვილის ჩათვლით, დეპრესია).

- თავბრუსხვევა, ძილიანობა, ჩხვლეტა/დაბუჟება, კრუნჩხვები [კონვულსიები (კუნთების უნებლიე შეკუმშვა) ან კრიზი]

- ცხვირიდან სისხლდენა

- პირის სიმშრალე, საჭმლის მონელების დარღვევა

- სისხლჩაქცევა, ქავილი და გამონაყარი

- სახსრების ან კუნთების ტკივილი, კუნთების სპაზმები

- დაღლილობა, თვითგრძნობის გაუარესება, შეშუპება

იშვიათი

- სისხლდენის ტენდენციის მომატება

- პალპიტაცია

- ყურადღების დარღვევა

- მეხსიერების დაზიანება 

ძალიან იშვიათი:

- ჰალუცინაციები (არ არსებულის დანახვა)

- დეზორიენტაცია (დროის-სივრცის აღქმის დაკარგვა)

- სუიციდური აზრები და ქცევა (სუიციდის ჩათვლით)

- ჰეპატიტი (ღვიძლის ანთება)

- წითელი ბუშტუკები კანქვეშ ყველაზე ხშირად წვივის ძვლის მიდამოში (კვანძოვანი ერითემა); კანის მწვავე რეაქციები, რომლებიც უეცრად ვითარდება სიმპტომების გარეშე (მულტიფორმული  ერითემა).

- ფილტვების შეშუპება (ანთება) 

მონტელუკასტით ნამკურნალებ პაციენტებში, აღწერილია გრიპის მსგავსი დაავადების, ხელების და ფეხების ჩხვლეტის, დაბუჟების, ფილტვის სიმპტომების გაუარესების და/ან გამონაყრის (ჩარგ შტრაუსის სინდრომი) კომბინაცია. რომელიმე ამ სიმპტომის შემთხვევაში უნდა მიმართოთ ექიმს.

თუ შენიშნავთ რაიმე გვერდით ეფექტს, რომელიც ჩამოთვლილი არ არის ამ ჩანართში, მიმართეთ ექიმს ან ფარმაცევტს.

გვერდითი ეფექტების შეტყობინება

აცნობეთ ექიმს ან ფარმაცევტს ნებისმიერი გვერდითი ეფექტის შემთხვევაში, რომელიც აღნიშნულია ან არ არის აღნიშნული ჩანართში. დამატებით გვერდითი ეფექტები შეატყობინეთ „პრეპარატის გვერდითი ეფექტების შეტყობინების“ ლოგოზე დაჭერით ან ნომერზე 0 800 314 00 08 (თურქეთის ფარმაკოზედამხედველობის ცენტრი) (TÜFAM). გვერდითი ეფექტების შეტყობინებით ხელს შეუწყობთ პრეპარატის გვერდითი ეფექტების შესახებ მეტი ინფორმაციის მიღებას.

5. როგორ ინახება დენსონი

შეინახეთ ბავშვებისთვის მიუწვდომელ და უხილავ ადგილზე, ორიგინალურ შეფუთვაში.

ინახება არა უმეტეს 25°C ტემპერატურაზე. ინახება სინათლისგან და ნესტისგან დაცულ ადგილზე.

დენსონი არის “NOVATOR PHARMA ” LLP  (UK)-ს პროდუქტი და სავაჭრო ნიშანი

არ გადააგდოთ ვადაგასული ან ისეთი პრეპარატები, რომლებიც აღარ გამოიყენება. გადაეცით გარემოს და ურბაიზაციის სამინისტროს მიერ განსაზღვრულ შეგროვების სისტემას.

გამოიყენეთ ვარგისობის ვადის შესაბამისად

დენსონი არ გამოიყენოთ შეფუთვაზე მითითებული ვარგისობის ვადის გასვლის შემდეგ.

დენსონი არ გამოიყენოთ თუ შენიშნავთ პროდუქტის და/ან შეფუთვის დეფექტს.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

სავაჭრო ლიცენზიის მფლობელი:  Recordati İlaç San. ve Tic. A.Ş.

Ç.O.S.B. Karaağaç Mah. Atatürk Cad.No:36 Kapaklı / TEKIRDAĞ ,თურქეთი

ტელ: 0 282 999 16 00 

წარმოების ადგილი   Recordati İlaç San. ve Tic. A.Ş.

Ç.O.S.B. Karaağaç Mah. Atatürk Cad. No:36 Kapaklı / TEKIRDAĞ , თურქეთი

პელინი სიროფი

ბალბიფოთოლას (Pelargonium Sidoides)ექსტრაქტის, 11% ეთანოლის

(1→8~10) და გლიცერინის (8:2) ნარევი

[შემადგენლობა]

ყოველი 100 მლ შეიცავს 17.6 გ ბალბიფოთოლას ექსტრაქტს, 11% ეთანოლს (1→8~10) და გლიცერინს (8:2) (13.728 გ ბალბიფოთოლას ექსტრაქტი, 11% ეთანოლი (1→8~10).

[დახასიათება]

მოყვითალო ყავისფერი ან ღია ყავისფერი პერორალური სიროფი მარწყვის არომატით.

[ჩვენება]

მწვავე ბრონქიტი

[დოზირება და გამოყენება]

• 12 წლის და მეტი: 9 მლ ერთ ჯერზე, 3-ჯერ დღეში
• 6-11 წელი: 6 მლ ერთ ჯერზე, 3-ჯერ დღეში
• 1- 6 წლამდე: 3 მლ ერთ ჯერზე, 3-ჯერ დღეში.

პრეპარატი მიიღება საკვების მიღებამდე 30 წუთით ადრე.

რეკომენდებულია პრეპარატის მიღება სიმპტომების გაქრობიდან რამოდენიმე დღის განმავლობაში რეციდივის თავიდან არიდების მიზნით. მკურნალობის პერიოდი არ უნდა აღემატებოდეს 3 კვირას.

[გაფრთხილება]

1. პრეპარატი არ გამოიყენება შემდეგ პაციენტებში.

1) ორსული ქალები & ლაქტაციის პერიოდში მყოფი ქალები.

2) სისხლდენისადმი მიდრეკილი პაციენტები.

3) პაციენტები ღვიძლის და თირკმლის მწვავე უკმარისობით.

2. გვერდითი რეაქცია

1) შესაძლოა განვითარდეს გასტრალგია, გულძმარვა, გულისრევა, დიარეა.

2) იშვიათად შესაძლოა აღინიშნოს მსუბუქი სისხლდება ღრძილებიდან ან ცხვირიდან.

3) პრეპარატის პირველად მიღებისას იშვიათად შესაძლოა განვითარდეს ჰიპერმგრძნობელობითი რეაქცია როგორიცაა გამონაყარი, ჭინჭრის ციება და ქავილი კანზე და გარსზე.

4) ძალზე იშვიათად შესაძლოა აღინიშნოს სერიოზული ჰიპერმგრძნობელობითი რეაქცია, სახის შეშუპება, ქოშინი და ჰიპოტენზია.

5) საჭიროებიდან გამომდინარე ძალზე იშვიათად შესაძლოა საჭირო გახდეს პაციენტის AST, ALT, ALP და GGT დონეების კონტროლი, მაგრამ მიზეზობრიობა არ არის გამოვლენილი.   

3. წამლებთან ურთიერთქმედება

იმის გამო რომ პრეპარატი გავლენას ახდენს კოაგულაციის ფაქტორებზე, გათვალისწინებულ უნდა იქნას კოაგულაციის ინჰიბირების ეფექტი კუმარინის კლასის, როგორიცაა ფენპროკუმონი & ვარფარინი, მიღებისას ამ პრეპარატთან ერთად.

4. შენახვის და დამუშავების ზომები

1) პრეპარატის შენახვის ვადა არის გახსნიდან 3 თვე.

2) რადგანაც პრეპარატი წარმოადგენს მცენარეულ ექსტრაქტს, ის შესაძლოა იყოს ბუნდოვანი, მაგრამ ეფექტურობა არის უცვლელი.

3) ფერი და გემო შესაძლოა შეიცვალოს.

4) შეინახეთ ბავშვებისათვის მიუწვდომელ ადგილას.

5) პრეპარატის გადატანამ ორიგინალი კონტეინერიდან სხვა კონტეინერში შესაძლოა გამოიწვიოს გართულება პრეპარატის არასწორი გამოყენების ან ხარისხის გაუარესების გამო.

[შენახვის პირობები]

შეინახეთ მჭიდროდ თავდახურულ კონტეინერში მზისგან დაცულ ადგილას ოთახის ტემპერატურაზე (1-30⁰C).

[ვარგისიანობის ვადა]

წარმოების თარიღიდან 2 წელი.

[შეფუთვის ზომა]

9მლ x 30 პაკეტი

კოლმარ კორეა (KOLMAR KOREA)

245, სანდან-გილი, ჯეონუი-მეიონი,

სეიონგ-სი, კორეა

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

ქვეყანა: გერმანია

მწარმოებელი: დენკ ფარმა გერმანია

გაცემის ფორმა: II ჯგუფი რეცეპტული

პაქსელადინი
ხველების საწინააღმდეგი სიროფი, სუნთქვის ნორმალიზებისათვის

სავაჭრო დასახელება:
პაქსელადინი (Paxeladin)

საერთაშორის არაპატენტირებული სახელწოდება:
ოქსელადინი

გამოშვების ფორმა:
125მლ მოცულობის ფლაკონი, მზომი კოვზით ორ დოზაზე: 2.5მლ და 5მლ.

შემადგენლობა:
ოქსელადინის ციტრატე(DCl) _ 10მგ/დოზა; 250 გ/ფალაკონი
დამხმარე ნივთიერებები:
მეთილ პარაჰიდროქსიბენზოატი   0.0500გ
პროპილ პარაჰიდროქსიბენზოატი   0.0250გ
საკვები საღებავი შ (E110)        0.0018გ
ერითროზინი (E127)         0.0001გ
კაკაოს არომატ              1მლ
სახაროზა              85,000გ
გასუფთავებული წყალი  ქ.ს 100მლ-მდე 100მლ სიროფისთვის.

თვისებები:
ხველების საწინააღმდეგი სიროფი, სუნთქვის ნორმალიზებისათვის.
პაქსელადინის აქტიურია იგრედიენტია სინთეზური გზით მიღებული ნივთიერება: ოქსელადინის ციტრატი; ხველების საწინააღმდეგო მოქმედების მქონე მის მოლეკულას არ გააჩნია  მსგავსება ოპიუმის შემცველ ნივთიერებებთან ან მათ წარმოებულებთან და არც ანტიჰისტამინურ პრეპარატებთან.
პაქსელადინი შერჩევით ზეგავლენას ახდენს ხველების ნერვულ ცენტრზე. დოზებში, რომელიც რეკომენდირებულია ხველების საწინააღმდეგო ეფექტის მისაღწევად, არ თრგუნავს სუნთქვით ცენტრს და ხელს უწყობს სუნთქვის ნორმალიზაციას. პაქსელადინის არ გააჩნია სედატიური ეფექტი, რითაც პაციენტისათვის გარანტირებულია პროფესიული აქტივობის შენარჩუნება. პაქსელადინი არ თრგუნავს ნაწლავის შიგთავსის განვლადობას.

ფარმაკოკინეტიკა:
სისხლში პრეპარატი მაქსიმალური კონცენტრაციას აღწევს მიღებიდან ერთ საათის შემდეგ, რომელიც შენარჩუნებულია 4 საათის განმავლობაში.

ჩვენება:
სხვადასხვა ეტიოლოგიის ხველების სიმპტომატური მკურნალობა:
  _ ხველება გრიპის, რინოფარინგიტის, ტრაქეიტის, ბრონქოპნევმონიის, ყივანახველას, წითელას დროს.
 _ სპაზმური და რეფლექსური ხველა:
 _ ხველა ლორწოვანის გაღიზიანებით .

დოზირება და გამოყენების წესი:
განკუთვნილია მოზრდილებისთვის და ბავშვებისთვის 30 თვიდან და 15 კგ-ის ზემოთ.
სიმპტომატური მკურნალობა არ უნდა იყოს ხანგრძლივი(რამოდენიმე დღე) და განისაზღვრება არსებული ხველების პერიოდოთ.
შეფუთვა შეიცავს  მზომი კოვზს ორ დოზაზე:2.5მლ და 5მლ.
ერთი 2.5მლ მზომი კოვზი შეიცავს 5მგ ოქსალასინის ციტრატს
ერთი 5მლ მზომი კოვზი შეიცავს 5მგ ოქსალასინის ციტრატს
15 დან 20 კგ-მდე ბავშვებში: ერთი 2.5მლ მზომი კოვზი სიროფი , მიზანშეწონილია მიეცეს ყოველ 4 საათში, მაგრამ არაუმეტეს 2-3 კოვზი დღე-ღამეში, ბავშვის წონაზე დამოკიდებულებით.
30 დან 50 კგ-მდე ბავშვებში: ერთი 5მლ მზომი კოვზი სიროფი , მიზანშეწონილია მიეცეს ყოველ 4 საათში, მაგრამ არაუმეტეს 3-5 კოვზი დღე-ღამეში, ბავშვის წონაზე დამოკიდებულებით.
მოზრდილთათვის:   5 მზომი კოვზი სიროფი ერთ მიღებაზე, მიზანშეწონილია მიეცეს ყოველ 4 საათში   მაგრამ არაუმეტეს  5 კოვზი დღე-ღამეში.

უკუჩვენება:
 პრეპარატი უკუნაჩვენებია ალერგიულ რექციაზე პრეპარატის კომპონენტების მიმართ.

ჭარბი დოზირება:
დოზის გადაჭარბების შემთხვევაში აუცილებელია ჰოსპიტალიზაცია, რის შემდეგაც პაციენტი უნდა იმყოფებოდეს მონიტორინგის ქვეშ გულსისხლძარღვთა  და სასუნთქი სისტემის ფუნქციის მხრივ. ცნობილი ანტიდოტი არ ასებობს. მკურნალობა სიმპტომატურია.

განსაკუთრებული მითითება:
დიაბეტის შემთხვევაში დღიური კვების გათვლიასა მიზანშეწონილია გავითვალისწინოთ , რომ ერთი მზომი კოვზი 5მლ შეიცავს 4.25გ საქაროზას ხოლო რომ ერთი მზომი კოვზი 2.5მლ შეიცავს 2.125გ საქაროზას.
არ არის რეკომენდირებული პრეპარატის მიღება 30 თვემდე ბავშვებში, რადგანაც არ არის შესწავლილი ეფექტურობა და უსაფრთხოება ამ ასაკისთვის.

ორსულობა და ლაქტაცია:
არ არის რეკომენდირებული პრეპარატის მიღება ორსულობის და ლაქტაციის დროს.

ურთიერთქმედება სხვა მედიკამენტებთან
ურთიერთქმედება არ არის დადგენილი

გავლენა ავტომობილის მართვის და პოტენციურად საშიშ მექანიზმებთან მუშაობისას.
პრეპარატი არ ახდენს გავლენას ავტომობილის და სხვა მოძრავი მექანიზმების მართვაზე.

შენახვის პირობები:
ინახება  არაუმეტეს 25°C

ვარგისიანობის ვადა: 3 წელი

აფთიაქიდან გაცემის პირობები:
გაიცემა რეცეფტით

მწარმოებელი ფირმა და მისამართი:
“ბოფურ იპსენ ინდუსტრი”
28100 დრიო

ქვეყანა: გერმანია

მწარმოებელი: დენკ ფარმა გერმანია

გაცემის ფორმა: II ჯგუფი რეცეპტული

აცც შუშხუნა
(აცეტილცისტეინი)

შემადგენლობა და გამოშვების ფორმა:
შუშხუნა აბები შეფუთვაში 20 ცალი, 1 აბი შეიცავს 200მგ აცეტილცისტეინს
ფარმაკოლოგიური ჯგუფი:
მუკოლიზური და ამოსახველებელი საშუალება
ჩვენება:
ძნელად გამოყოფადი წებოვანი ლორწოს ჰიპერსეკრეციით მიმდინარე სუნთქვის ორგანოების დაავადებები, ბრონქოექტაზია, ობსტრუქციული ბრონქიტი, მუკოვისციდოზი
დოზირება:
მოზრდილებში და ბავშვებში 14 წლის ზემოთ ინიშნება 200მგ დღეში 3-ჯერ (სულ 600მგ), 6-14 წლამდე რეკომენდებულია 1 აბი დღეში 2-ჯერ (სულ 400მგ), 2-6 წლამდე ინიშნება 100მგ 2-3-ჯერ დღეში (200-300მგ). 1 წლამდე ასაკის ბავშვებში ინიშნება სასიცოცხლო ჩვენებით ექიმის მეთვალყურეობის ქვეშ 50მგ დღეში 2-3-ჯერ (100მგ დღეში). პრეპარატი მიიღება ჭამის შემდეგ, წყალში (ან წვენში) გახსნილ მდგომარეობაში, და უნდა იქნას მიღებული მაშინვე მომზადების შემდეგ. მკურნალობის კურსი საშუალოდ შეადგენს 5-7 დღეს
გვერდითი მოვლენები:
სტომატიტი, დიარეა, გულის რევა, ტაქიკარდია, ალერგიული რეაქციები, შესაძლებელია ფილტვებში სისხლდენის განვითარება, ბრონქოსპაზმის გაძლიერება
უკუჩვენება:
წყლულოვანი დაავადება გამწვავების ფაზაში, სისხლიანი ნახველი, ორსულობა, ლაქტაცია, საყლაპავი ვენების ვარიკოზი, მომატებული მგრძნობელობა,
განსაკუთრებული მითითება:
სიფრთხილით ინიშნება ბრონქული ასთმის დროს, ბრონქული გამტარობის კონტროლით, პრეპარატის გახსნისას აუცილებლად უნდა გამოიყენონ მინის ჭურჭელი, თავიდან უნდა აიცილონ კონტაქტი ლითონებთან, რეზინთან, ჟანგბადთან, არ შეიძლკება პრეპარატის ხმარება ხველების დამთრგუნველ პრეპარატებთან, რადგან შეიძლება მოხდეს ლორწოს შეგუბება ფილტვებში, აცეტილცისტეინი გამოიყენება როგორც ანტიდოტი პარაცეტამოლით მოწამვლისას. პრეპარატი შეუთავსებელია ანტიბიოტიკებთან (პენიცილინი, ცეფალოსპორინი, მაკროლიდები, ტეტრაციკლინი) ამიტომ მათი მიღება უნდა მოხდეს 2 საათის ინტერვალით.
შენახვის ვადა 3 წელი
გერმანია, HEXAL

მაგიტუსი
(MUGGITUSE)

ზოგადი დახასიათება:
საერთაშორისო არაპატენტირებული დასახელება: დექსტრომეტორფანი, ქლორფენამინი.

ძირითადი ფიზიკურ-ქიმიური თვისებები:
სიროფი: ღია ყავისფერი, ბლანტი სითხე მოტკბო გემოთი და არომატული სუნით.
ტაბლეტები: თეთრი ფერის, მრგვალი ფორმის, შემოუგარსავი ტაბლეტები ჭდით;

შემადგენლობა:
სიროფის 5 მლ შეიცავს:
დექსტრომეტორფანის ჰიდრობრომიდს – 10 მგ;
ქლორფენამინის მალეატს – 2 მგ.
დამხმარე ნივთიერებები: მენთოლი, საქაროზა, ლიმონმჟავას მონოჰიდრატი, ნატრიუმის მეთილპარაბენი, ნატრიუმის პროპილპარაბენი, თხევადი გლუკოზა, გლიცერინი, თხევადი სორბიტოლი, ნატრიუმის საქარინი, პროპილენგლიკოლი, საღებავი Caramel (E 150), ვანილის ესენცია, მარწყვის ესენცია, თაფლის არომატიზატორი, გასუფთავებული წყალი.
1 შემოუგარსავი ტაბლეტი შეიცავს:
დექსტრომეტორფანის ჰიდრობრომიდს _ 30 მგ;
ქლორფენამინის მალეატს _ 4 მგ.
დამხმარე ნივთიერებები: მიკროკრისტალური ცელულოზა, მაგნიუმის სტეარატი, კოლოიდური სილიციუმის დიოქსიდი, ნატრიუმის ლაურილსულფატი, სიმინდის სახამებელი, ლაქტოზა, ნატრიუმის სახამებლის გლიკოლატი, გასუფთავებული ტალკი.  

გამოშვების ფორმა:
სიროფი პერორალური მიღებისთვის, 100 მლ.
შემოუგარსავი ტაბლეტები, 30 მგ/4 მგ.

ფარმაკოლოგიური ჯგუფი:
ხველის საწინააღმდეგო და ანტიალერგიული საშუალება. ათქ-კოდი: RO5DA20.

ფარმაკოლოგიური თვისებები:
მაგიტუსი კომბინირებული პრეპარატია, რომლის მოქმედება განპირობებულია მასში შემავალი კომპონენტების თვისებებით.
დექსტრომეტორფანის ჰიდრობრომიდს გააჩნია ხველის საწინააღმდეგო მოქმედება, რომელიც ზრდის ხველის ცენტრის აგზნების ზღურბლს.
ქლორფენამინის მალეატი წარმოადგენს ჰისტამინური H1-რეცეპტორების ბლოკატორს, ამასთანავე გააჩნია ანტიქოლინერგული და სედატიური მოქმედება, იგი ხელს უშლის ალერგიული რეაქციების განვითარებას, აქვეითებს სისხლძარღვების განვლადობას, ხსნის ცხვირის, ცხვირხახის და დანამატი წიაღების ლორწოვანი გარსის შეშუპებასა და ჰიპერემიას.
დექსტრომეტორფანის ჰიდრობრომიდისა და ქლორფენამინის მალეატის კომბინაცია მოსახერხებელია გაციებისა და გრიპის დროს ხველის, რინიტის, ცემინების, ქავილისა და ცრემლდენის სიმპტომების მოხსნისათვის.

ფარმაკოკინეტიკა:
პერორალურად მიღების შემდეგ დექსტრომეტორფანის ჰიდრობრომიდი სწრაფად და სრულად შეიწოვება კუჭ-ნაწლავის ტრაქტიდან. პლაზმაში მისი მაქსიმალური კონცენტრაცია აღინიშნება 2.5 სთ-ის შემდეგ, მეტაბოლიზმს განიცდის ღვიძლში. დექსტრომეტორფანის ჰიდრობრომიდის მთავარი მეტაბოლიტის - დექსტრორფანის კონცენტრაციის პიკი მიიღწევა 1.6-1.7 სთ-ში. საწყისი ნივთიერების ნახევარგამოყოფის პერიოდი შეადგენს 2-4 სთ-ს, ხოლო დექსტრორფანის – 3.4-5.6 სთ-ს. დექსტრომეტორფანის ჰიდრობრომიდი და მისი მეტაბოლიტები ორგანიზმიდან გამოიყოფა თირკმლების საშუალებით.
პერორალურად მიღების შემდეგ ქლორფენამინის მალეატი ადვილად შეიწოვება. პლაზმაში მისი მაქსიმალური კონცენტრაცია აღინიშნება 2 სთ-ის შემდეგ, მისი ბიოშეღწევადობა ქსოვილებში შეადგენს 25-50%-ს, მეტაბოლიზმს განიცდის ღვიძლში. საწყისი ნივთიერების ნახევარგამოყოფის პერიოდი შეადგენს 20 სთ-ს. ქლორფენამინის მალეატისა და მისი მეტაბოლიტების გამოყოფა ორგანიზმიდან ძირითადად ხდება თირკმლების საშუალებით.  

ჩვენება:
• მშრალი ხველა, რომელიც გამოწვეულია სასუნთქი გზების ინფექციურ-ანთებითი დაავადებებით (მწვავე ბრონქიტი, გრიპი, ტონზილიტი, ლარინგიტი, ფარინგოტრაქეიტი);
• ალერგიული რინიტი, რინორეა, სინუსიტი, კონიუნქტივიტი.
                                                                                                                                             
მიღების წესი და დოზირება:
სიროფი:
ბავშვებში 2-დან 6 წლამდე პრეპარატი ინიშნება 2.5 მლ სამჯერ დღეში ან ექიმის დანიშნულების მიხედვით.
ბავშვებში 6-დან 12 წლამდე მიიღება 5 მლ სამჯერ დღეში ან ექიმის დანიშნულების მიხედვით.
ბავშვებში 12 წლის ასაკიდან და მოზრდილებში პრეპარატი ინიშნება 10 მლ ოთხჯერ დღეში.     
ტაბლეტები:
ბავშვებში 12 წლის ასაკიდან და მოზრდილებში ინიშნება 1 ტაბლეტი 6 სთ-ში ერთხელ, არა უმეტეს 4 ტაბლეტისა დღე-ღამეში.

გვერდითი მოვლენები:
დექსტრომეტორფანის ჰიდრობრომიდის თერაპიული დოზით მიღებისას გვერდითი მოვლენების განვითარება იშვიათია. ერთეულ შემთხვევებში შეიძლება გამოიწვიოს ძილიანობა, თავბრუ და დარღვევები კუჭ-ნაწლავის ტრაქტის მხრივ.
ქლორფენამინის მალეატის მიღებისას შეიძლება გამოვლინდეს თავბრუ, ყურებში შუილი, აპათია, კოორდინაციის დარღვევა, გადაღლა, მხედველობის დაბინდვა, დიპლოპია, ეიფორია, უძილობა და ტრემორი;
კუჭ-ნაწლავის ტრაქტის მხრივ: მადის დაკარგვა, გულისრევა და ღებინება, ტკივილი ეპიგასტრიუმის არეში.
ასევე შესაძლებელია გამოვლინდეს პირის სიმშრალე, შარდვის გახშირება და დიზურია, თავის ტკივილი, ჰიპოტენზია, ხელებში სიმძიმისა და სისუსტის შეგრძნება.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ.
მაგიტუსი არ ინიშნება პაციენტებში, რომლებიც ღებულობენ სეროტონინის უკუმიტაცების ინჰიბიტორებს (მაგ. ფლუოქსეტინს) და მაო-ს ინჰიბიტორებს. მაგიტუსი შეიძლება დაინიშნოს მაო-ს ინჰიბიტორებით მკურნალობის დამთავრებიდან 2 კვირის შემდეგ.
მაგიტუსის მიღების დროს არ შეიძლება ცნს-ის დეპრესანტებისა და ალკოჰოლის მიღება.
მაგიტუსი არ ინიშნება იმ პაციენტებში, რომელთაც აქვთ დახურულკუთხოვანი გლაუკომა, ჰიპერტენზია, გულის იშემიური დაავადება, არითმია, ბრონქული ასთმა, ქრონიკული ბრონქიტი, სისხლძარღვოვანი დარღვევები (არტერიოსკლეროზი, ანევრიზმა), შაქრიანი დიაბეტი, ჰიპერთირეოიდიზმი, გაძნელებული შარდვა.  
სიროფი არ არის რეკომენდებული 2 წლამდე ბავშვებისათვის.
ტაბლეტები არ ინიშნება ბავშვებში 12 წლამდე.

ურთიერთქმედება სამკურნალო საშუალებებთან და სხვა სახის ურთიერთქმედება:
დექსტრომეტორფანის ჰიდრობრომიდის გამოყენება მაო-ს ინჰიბიტორებთან ერთად იწვევს მძიმე მოწამვლას. მაგიტუსით მკურნალობის დროს ალკოჰოლის, ფსიქოტროპული და სხვა დეპრესიული ეფექტის მქონე პრეპარატების მიღება აძლიერებს მათ დეპრესიულ ზემოქმედებას ცნს-ზე.  
ქლორფენამინის მალეატი აძლიერებს ბარბიტურატების, ტრანქვილიზატორების, ნეიროლეპტიური საშუალებების, ასევე იმ პრეპარატების სედატიურ მოქმედებას ცნს-ზე, რომლებიც შეიცავენ ალკოჰოლს.
ერთდროული მიღებისას ქლორფენამინის მალეატი აძლიერებს ტრიციკლური ანტიდეპრესანტებისა და ატროპინის მოქმედებას.

ჰიპერდოზირება:
დექსტრომეტორფანის ჰიდრობრომიდის დოზის გადაჭარბება იწვევს სუნთქვის დათრგუნვას. ამ დროს გამოიყენება მისი ანტიდოტი _ ნალოქსონი.
ქლორფენამინის მალეატის დოზის გადაჭარბება იწვევს სხვადასხვა სახის გამოვლინებებს ცნს-ის მხრივ, როგორც დეპრესიას, ასევე მის სტიმულაციას. გარდა ამისა, შეიძლება განვითარდეს თავბრუ, ყურებში შუილი, ატაქსია, მხედველობის დაბინდვა და ჰიპოტენზია. ბავშვებში ვლინდება შემდეგი სიმპტომები: პირის სიმშრალე, მიდრიაზი (გუგების გაფართოება), ტემპერატურის მომატება და დარღვევები კუჭ-ნაწლავის ტრაქტის მხრივ.  
მკურნალობა: კუჭის ამორეცხვა, გამწმენდი ოყნა, გააქტივებული ნახშირის მიღება, სიმპტომური მკურნალობა.

ორსულობა და ლაქტაცია:
ორსულობისა და ლაქტაციის პერიოდში პრეპარატის გამოყენების შესახებ კვლევები არ ჩატარებულა.

განსაკუთრებული მითითებები:
მაგიტუსი არ გამოიყენება ქრონიკული ხველისას (მაგ. მწეველებში), ასევე ასთმის მქონე პაციენტებში.
სიფრთხილით ინიშნება ღვიძლის პათოლოგიის მქონე პაციენტებსა და ალერგიულ ბავშვებში.
მაგიტუსი სიფრთხილით გამოიყენება გულ-სისხლძარღვთა სისტემის პათოლოგიის მქონე და ეპილეფსიით დაავადებულ პაციენტებში.
პრეპარატი სიფრთხილით ინიშნება ასაკოვან და წინამდებარე ჯირკვლის ჰიპერტროფიის მქონე პაციენტებში.
მაგიტუსის ტაბლეტი შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში მისი გამოყენება რეკომენდებული არ არის.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის გამოყენებისას საჭიროა თავის არიდება იმ ქმედებებისაგან, რომლებიც მოითხოვს ყურადღებასა და სწრაფ ფსიქომოტორულ რეაქციას.

შეფუთვა:
100 მლ სიროფი ნარინჯისფერ მინის ან პოლიმერულ ფლაკონში, თითო ფლაკონი მუყაოს კოლოფში.                                                                                                     
10 ტაბლეტი კონტურულ უჯრედოვან შეფუთვაში, 2 კონტურული შეფუთვა მუყაოს კოლოფში.

შენახვის პირობები:
სიროფი: ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
ფლაკონის გახსნის შემდეგ სიროფი ვარგისია გამოყენებისათვის 1 თვის განმავლობაში.
ტაბლეტები: ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით (II ჯგუფი).

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.
www.aversi.ge

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

ლიბექსინი
(LIBEXIN)
 

შემადგენლობა და გამოშვების ფორმა
ტაბლეტები: შეფუთვაში 20 ც.
1 ტაბ.
პრენოქსდიაზინის ქლორიდი.................................100 მგ

კლინიკურ-ფარმაკოლოგიური ჯგუფი
ხველების საწინააღმდეგო საშუალება.

ფარმაკოლოგიური თვისებები
პრეპარატის მოქმედება ხორციელდება მისი უშუალო ზეგავლენით ბრონქებზე. ადგილობრივი მაანესთეზირებელი თვისებების გამო იგი ამცირებს როგორც პერიფერიულ სენსორულ, ასევე ფილტვების რეცეპტორების აგზნებას. უშუალო სპაზმოლიზური მოქმედებით ლიბექსინი აქვეითებს ბრონქოკონსტრიქციას, ხოლო ცენტრალური ზემოქმედებით მცირე ხარისხით თრგუნავს ხველების ცენტრის ფუნქციას სუნთქვის დათრგუნვის გარეშე.
კლინიკური კვლევის შედეგად დადგენილ იქნა, რომ პრეპარატი არ აქვეითებს სისხლის არტერიულ წნევას.
პრეპარატის სპაზმოლიზური მოქმედების მიუხედავად იგი არ იწვევს ყაბზობას.
მცირედ გამოხატული ანქსიოლიზური ეფექტის მიუხედავად, პრეპარატი არ ახდენს რაიმე მნიშვნელოვან გავლენას ცნს-ის ფუნქციაზე.

ფარმაკოკინეტიკა
ლიბექსინი სწრაფად და კარგად აბსორბირდება კუჭ-ნაწლავის ტრაქტიდან. სისხლში მისი მაქსიმალური კონცენტრაცია აღინიშნება მიღებიდან 30 წუთის შემდეგ, ხოლო თერაპიული _ აღინიშნება 6-8 საათის განმავლობაში.
მისი უცვლელი სახის პროდუქტებთან ერთად, დამატებით გამოყოფილია და რაოდენობრივად განსაზღვრულია კიდევ 4 მეტაბოლიტი.
პირველი საათის განმავლობაში ლიბექსინის 55-59% მიღებისთანავე უკავშირდება პლაზმის ცილებს. იგი მეტაბოლიზდება ღვიძლში და მხოლოდ 30% გამოიყოფა უცვლელი სახით.
ნაღვლის სეკრეცია დიდ როლს თამაშობს პრეპარატის მეტაბოლურ პროცესებში მინიმუმ 12 საათის პერიოდის განმავლობაში მისი მიღებიდან. სისხლიდან პრეპარატის ნახევარგამოყოფის პერიოდი შეადგენს 2.6 საათს. 24 საათის განმავლობაში შეყვანილი ლიბექსინის 93% ელიმინირდება ორგანიზმიდან, დაახლოებით 50% _ შარდით და 50% _ ფეკალიებით.

ჩვენებები
ძირითადად მწვავე ან ქრონიკული მშრალი ხველების სამკურნალოდ. ლიბექსინი გამოიყენება ხველების დროს იმ დაავადებების სამკურნალოდ, რომელთაც თან ახლავს სუნთქვისა და გაზთა ცვლის დარღვევა, ვინაიდან იგი არ თრგუნავს სუნთქვის ცენტრს. პრეპარატი გამოიყენება მწვავე და ქრონიკული ბრონქიტის, გრიპის, პნევმონიის, ემფიზემის და ღამის ხველის დროს გულის უკმარისობით შეპყრობილ პაციენტებში. აგრეთვე იმ პაციენტების მოსამზადებელ პერიოდში, რომლებსაც ესაჭიროებათ ბრონქოსკოპული ან ბრონქოგრაფიული კვლევა.

დოზირების რეჟიმი
მოზრდილებში საშუალო დოზა შეადგენს 100 მგ-ს 3-4-ჯერ დღეში (1 ტაბლეტი დღეში 3-4-ჯერ), უფრო მძიმე შემთხვევებში დოზა შეიძლება გაზრდილი იქნას 200 მგ-მდე 3-4-ჯერ დღეში ან 300 მგ-მდე 3-ჯერ დღეში (2 ტაბლეტი 3-4-ჯერ დღეში ან 3 ტაბლეტი 3-ჯერ დღეში).
ბავშვებში საშუალო დოზა დამოკიდებულია ასაკსა და სხეულის წონაზე: 25-50 მგ 3 ან 4-ჯერ დღეში (¼-½ ტაბლეტი 3-4-ჯერ დღეში).
მაქსიმალური ერთჯერადი დოზა ბავშვებში შეადგენს 1 ტაბლეტს, მოზრდილებში 3 ტაბლეტს. მაქსიმალური დღიური დოზა ბავშვებში შეადგენს 2 ტაბლეტს, მოზრდილებში 9 ტაბლეტს.
ბრონქოსკოპული გამოკვლევის პროცედურის ჩატარებამდე 1 საათით ადრე 0.9-3.8 მგ/კგ პრეპარატი ინიშნება 0.5-1 მგ ატროპინთან კომბინაციაში.

გვერდითი მოვლენები
ობიექტური გვერდითი მოვლენები პრეპარატის მიღებისას (ღვიძლისა და თირკმელების, ასევე სისხლმბადი ორგანოების მხრივ) არ აღინიშნება.
პრეპარატის მიღების შემდეგ გასტროინტესტინური სახის ჩივილები (კუჭის არეში ტკივილი, ყაბზობისადმი მიდრეკილება) აღენიშნება პაციენტების დაახლოებით 10%-ს, თუმცა ყველა ჩივილი დიეტის შემდეგ ქრება. იშვიათად საჭიროა სუსტი მოქმედების საფაღარათო საშუალების მიღება.
პრეპარატის მაღალ დოზებში გამოყენებისას შესაძლებელია განვითარდეს სუსტად გამოხატული სედატიური ეფექტი და/ან გადაღლილობა.
ზემოთ აღნიშნული სიმპტომები ვითარდება პრეპარატის მაღალ დოზებში მიღების შემთხვევაში, რომლებიც მისი შეწყვეტიდან რამოდენიმე საათის შემდეგ ქრება.
იშვიათად აღინიშნება პირის ღრუს ან ყელის სიმშრალე, ალერგიული რეაქციები.
ამ და სხვა გვერდითი მოვლენების შესახებ საჭიროა მკურნალი ექიმის ინფორმირება.

უკუჩვენებები
პრეპარატის მიღება წინააღმდეგჩვენებია იმ დაავადებების დროს, რომლებიც ხასიათდებიან გაძლიერებული ბრონქიალური სეკრეციით, აგრეთვე ოპერაციის შემდგომი მდგომარეობის დროს. ლიბექსინის გამოყენება ინჰალაციური ნარკოზის შემდეგ არ შეიძლება.

ორსულობა და ლაქტაცია
იმის გამო, რომ არ არსებობს მონაცემები მისი ემბრიოტოქსიკურობის შესახებ, აღნიშნულ პერიოდში პრეპარატი მიიღება სიფრთხილით.

განსაკუთრებული მითითებები
იმ შემთხვევაში, როდესაც გაძნელებულია ნახველის ბლანტი მასის ევაკუაცია, შესაძლებელია დამატებით საჭირო გახდეს ამოსახველებელი ან მუკოლიზური საშუალებების მიღება.
ტაბლეტები აუცილებელია მივიღოთ მთლიანად, დაუღეჭავად, წინააღმდეგ შემთხვევაში პრეპარატმა შესაძლებელია გამოიწვიოს დროებითი ანესთეზია, რაც გამოიხატება პირის ღრუს ლორწოვანის მგრძნობელობის დაქვეითებაში.
ვინაიდან პრეპარატის შემადგენლობაში შედის ლაქტოზა, ამიტომ მან შესაძლოა გამოიწვიოს კუჭ-ნაწლავის ტრაქტის მხრივ გართულება იმ პაციენტებში, რომლებსაც გააჩნიათ მომატებული მგრძნობელობა ლაქტოზის მიმართ.
პრეპარატის მიღება სატრანსპორტო საშუალებების მართვის უნარზე არ ახდენს ზემოქმედებას.
კლინიკური კვლევების შედეგად დადგინდა, რომ თერაპიულ დოზებში მისი გამოყენებისას არ აღინიშნება მწვავე გვერდითი მოვლენები როგორც კარდიო-რესპირატორული, ასევე ცნს-ის მხრივ.

სხვა წამლებთან ურთიერთქმედება
არ არსებობს როგორც კლინიკური, ასევე წინაკლინიკური მონაცემები აღნიშნული პრეპარატის სხვა პრეპარატებთან ურთიერთქმედების შესახებ.

შენახვის პირობები და ვადა
პრეპარატი ინახება ოთახის ტემპერატურაზე.

ვარგისიანობის ვადა - 5 წელი.