აცც შუშხუნა
(აცეტილცისტეინი)

შემადგენლობა და გამოშვების ფორმა:
შუშხუნა აბები შეფუთვაში 20 ცალი, 1 აბი შეიცავს 200მგ აცეტილცისტეინს
ფარმაკოლოგიური ჯგუფი:
მუკოლიზური და ამოსახველებელი საშუალება
ჩვენება:
ძნელად გამოყოფადი წებოვანი ლორწოს ჰიპერსეკრეციით მიმდინარე სუნთქვის ორგანოების დაავადებები, ბრონქოექტაზია, ობსტრუქციული ბრონქიტი, მუკოვისციდოზი
დოზირება:
მოზრდილებში და ბავშვებში 14 წლის ზემოთ ინიშნება 200მგ დღეში 3-ჯერ (სულ 600მგ), 6-14 წლამდე რეკომენდებულია 1 აბი დღეში 2-ჯერ (სულ 400მგ), 2-6 წლამდე ინიშნება 100მგ 2-3-ჯერ დღეში (200-300მგ). 1 წლამდე ასაკის ბავშვებში ინიშნება სასიცოცხლო ჩვენებით ექიმის მეთვალყურეობის ქვეშ 50მგ დღეში 2-3-ჯერ (100მგ დღეში). პრეპარატი მიიღება ჭამის შემდეგ, წყალში (ან წვენში) გახსნილ მდგომარეობაში, და უნდა იქნას მიღებული მაშინვე მომზადების შემდეგ. მკურნალობის კურსი საშუალოდ შეადგენს 5-7 დღეს
გვერდითი მოვლენები:
სტომატიტი, დიარეა, გულის რევა, ტაქიკარდია, ალერგიული რეაქციები, შესაძლებელია ფილტვებში სისხლდენის განვითარება, ბრონქოსპაზმის გაძლიერება
უკუჩვენება:
წყლულოვანი დაავადება გამწვავების ფაზაში, სისხლიანი ნახველი, ორსულობა, ლაქტაცია, საყლაპავი ვენების ვარიკოზი, მომატებული მგრძნობელობა,
განსაკუთრებული მითითება:
სიფრთხილით ინიშნება ბრონქული ასთმის დროს, ბრონქული გამტარობის კონტროლით, პრეპარატის გახსნისას აუცილებლად უნდა გამოიყენონ მინის ჭურჭელი, თავიდან უნდა აიცილონ კონტაქტი ლითონებთან, რეზინთან, ჟანგბადთან, არ შეიძლკება პრეპარატის ხმარება ხველების დამთრგუნველ პრეპარატებთან, რადგან შეიძლება მოხდეს ლორწოს შეგუბება ფილტვებში, აცეტილცისტეინი გამოიყენება როგორც ანტიდოტი პარაცეტამოლით მოწამვლისას. პრეპარატი შეუთავსებელია ანტიბიოტიკებთან (პენიცილინი, ცეფალოსპორინი, მაკროლიდები, ტეტრაციკლინი) ამიტომ მათი მიღება უნდა მოხდეს 2 საათის ინტერვალით.
შენახვის ვადა 3 წელი
გერმანია, HEXAL

მაგიტუსი
(MUGGITUSE)

ზოგადი დახასიათება:
საერთაშორისო არაპატენტირებული დასახელება: დექსტრომეტორფანი, ქლორფენამინი.

ძირითადი ფიზიკურ-ქიმიური თვისებები:
სიროფი: ღია ყავისფერი, ბლანტი სითხე მოტკბო გემოთი და არომატული სუნით.
ტაბლეტები: თეთრი ფერის, მრგვალი ფორმის, შემოუგარსავი ტაბლეტები ჭდით;

შემადგენლობა:
სიროფის 5 მლ შეიცავს:
დექსტრომეტორფანის ჰიდრობრომიდს – 10 მგ;
ქლორფენამინის მალეატს – 2 მგ.
დამხმარე ნივთიერებები: მენთოლი, საქაროზა, ლიმონმჟავას მონოჰიდრატი, ნატრიუმის მეთილპარაბენი, ნატრიუმის პროპილპარაბენი, თხევადი გლუკოზა, გლიცერინი, თხევადი სორბიტოლი, ნატრიუმის საქარინი, პროპილენგლიკოლი, საღებავი Caramel (E 150), ვანილის ესენცია, მარწყვის ესენცია, თაფლის არომატიზატორი, გასუფთავებული წყალი.
1 შემოუგარსავი ტაბლეტი შეიცავს:
დექსტრომეტორფანის ჰიდრობრომიდს _ 30 მგ;
ქლორფენამინის მალეატს _ 4 მგ.
დამხმარე ნივთიერებები: მიკროკრისტალური ცელულოზა, მაგნიუმის სტეარატი, კოლოიდური სილიციუმის დიოქსიდი, ნატრიუმის ლაურილსულფატი, სიმინდის სახამებელი, ლაქტოზა, ნატრიუმის სახამებლის გლიკოლატი, გასუფთავებული ტალკი.  

გამოშვების ფორმა:
სიროფი პერორალური მიღებისთვის, 100 მლ.
შემოუგარსავი ტაბლეტები, 30 მგ/4 მგ.

ფარმაკოლოგიური ჯგუფი:
ხველის საწინააღმდეგო და ანტიალერგიული საშუალება. ათქ-კოდი: RO5DA20.

ფარმაკოლოგიური თვისებები:
მაგიტუსი კომბინირებული პრეპარატია, რომლის მოქმედება განპირობებულია მასში შემავალი კომპონენტების თვისებებით.
დექსტრომეტორფანის ჰიდრობრომიდს გააჩნია ხველის საწინააღმდეგო მოქმედება, რომელიც ზრდის ხველის ცენტრის აგზნების ზღურბლს.
ქლორფენამინის მალეატი წარმოადგენს ჰისტამინური H1-რეცეპტორების ბლოკატორს, ამასთანავე გააჩნია ანტიქოლინერგული და სედატიური მოქმედება, იგი ხელს უშლის ალერგიული რეაქციების განვითარებას, აქვეითებს სისხლძარღვების განვლადობას, ხსნის ცხვირის, ცხვირხახის და დანამატი წიაღების ლორწოვანი გარსის შეშუპებასა და ჰიპერემიას.
დექსტრომეტორფანის ჰიდრობრომიდისა და ქლორფენამინის მალეატის კომბინაცია მოსახერხებელია გაციებისა და გრიპის დროს ხველის, რინიტის, ცემინების, ქავილისა და ცრემლდენის სიმპტომების მოხსნისათვის.

ფარმაკოკინეტიკა:
პერორალურად მიღების შემდეგ დექსტრომეტორფანის ჰიდრობრომიდი სწრაფად და სრულად შეიწოვება კუჭ-ნაწლავის ტრაქტიდან. პლაზმაში მისი მაქსიმალური კონცენტრაცია აღინიშნება 2.5 სთ-ის შემდეგ, მეტაბოლიზმს განიცდის ღვიძლში. დექსტრომეტორფანის ჰიდრობრომიდის მთავარი მეტაბოლიტის – დექსტრორფანის კონცენტრაციის პიკი მიიღწევა 1.6-1.7 სთ-ში. საწყისი ნივთიერების ნახევარგამოყოფის პერიოდი შეადგენს 2-4 სთ-ს, ხოლო დექსტრორფანის – 3.4-5.6 სთ-ს. დექსტრომეტორფანის ჰიდრობრომიდი და მისი მეტაბოლიტები ორგანიზმიდან გამოიყოფა თირკმლების საშუალებით.
პერორალურად მიღების შემდეგ ქლორფენამინის მალეატი ადვილად შეიწოვება. პლაზმაში მისი მაქსიმალური კონცენტრაცია აღინიშნება 2 სთ-ის შემდეგ, მისი ბიოშეღწევადობა ქსოვილებში შეადგენს 25-50%-ს, მეტაბოლიზმს განიცდის ღვიძლში. საწყისი ნივთიერების ნახევარგამოყოფის პერიოდი შეადგენს 20 სთ-ს. ქლორფენამინის მალეატისა და მისი მეტაბოლიტების გამოყოფა ორგანიზმიდან ძირითადად ხდება თირკმლების საშუალებით.  

ჩვენება:
• მშრალი ხველა, რომელიც გამოწვეულია სასუნთქი გზების ინფექციურ-ანთებითი დაავადებებით (მწვავე ბრონქიტი, გრიპი, ტონზილიტი, ლარინგიტი, ფარინგოტრაქეიტი);
• ალერგიული რინიტი, რინორეა, სინუსიტი, კონიუნქტივიტი.
                                                                                                                                             
მიღების წესი და დოზირება:
სიროფი:
ბავშვებში 2-დან 6 წლამდე პრეპარატი ინიშნება 2.5 მლ სამჯერ დღეში ან ექიმის დანიშნულების მიხედვით.
ბავშვებში 6-დან 12 წლამდე მიიღება 5 მლ სამჯერ დღეში ან ექიმის დანიშნულების მიხედვით.
ბავშვებში 12 წლის ასაკიდან და მოზრდილებში პრეპარატი ინიშნება 10 მლ ოთხჯერ დღეში.     
ტაბლეტები:
ბავშვებში 12 წლის ასაკიდან და მოზრდილებში ინიშნება 1 ტაბლეტი 6 სთ-ში ერთხელ, არა უმეტეს 4 ტაბლეტისა დღე-ღამეში.

გვერდითი მოვლენები:
დექსტრომეტორფანის ჰიდრობრომიდის თერაპიული დოზით მიღებისას გვერდითი მოვლენების განვითარება იშვიათია. ერთეულ შემთხვევებში შეიძლება გამოიწვიოს ძილიანობა, თავბრუ და დარღვევები კუჭ-ნაწლავის ტრაქტის მხრივ.
ქლორფენამინის მალეატის მიღებისას შეიძლება გამოვლინდეს თავბრუ, ყურებში შუილი, აპათია, კოორდინაციის დარღვევა, გადაღლა, მხედველობის დაბინდვა, დიპლოპია, ეიფორია, უძილობა და ტრემორი;
კუჭ-ნაწლავის ტრაქტის მხრივ: მადის დაკარგვა, გულისრევა და ღებინება, ტკივილი ეპიგასტრიუმის არეში.
ასევე შესაძლებელია გამოვლინდეს პირის სიმშრალე, შარდვის გახშირება და დიზურია, თავის ტკივილი, ჰიპოტენზია, ხელებში სიმძიმისა და სისუსტის შეგრძნება.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ.
მაგიტუსი არ ინიშნება პაციენტებში, რომლებიც ღებულობენ სეროტონინის უკუმიტაცების ინჰიბიტორებს (მაგ. ფლუოქსეტინს) და მაო-ს ინჰიბიტორებს. მაგიტუსი შეიძლება დაინიშნოს მაო-ს ინჰიბიტორებით მკურნალობის დამთავრებიდან 2 კვირის შემდეგ.
მაგიტუსის მიღების დროს არ შეიძლება ცნს-ის დეპრესანტებისა და ალკოჰოლის მიღება.
მაგიტუსი არ ინიშნება იმ პაციენტებში, რომელთაც აქვთ დახურულკუთხოვანი გლაუკომა, ჰიპერტენზია, გულის იშემიური დაავადება, არითმია, ბრონქული ასთმა, ქრონიკული ბრონქიტი, სისხლძარღვოვანი დარღვევები (არტერიოსკლეროზი, ანევრიზმა), შაქრიანი დიაბეტი, ჰიპერთირეოიდიზმი, გაძნელებული შარდვა.  
სიროფი არ არის რეკომენდებული 2 წლამდე ბავშვებისათვის.
ტაბლეტები არ ინიშნება ბავშვებში 12 წლამდე.

ურთიერთქმედება სამკურნალო საშუალებებთან და სხვა სახის ურთიერთქმედება:
დექსტრომეტორფანის ჰიდრობრომიდის გამოყენება მაო-ს ინჰიბიტორებთან ერთად იწვევს მძიმე მოწამვლას. მაგიტუსით მკურნალობის დროს ალკოჰოლის, ფსიქოტროპული და სხვა დეპრესიული ეფექტის მქონე პრეპარატების მიღება აძლიერებს მათ დეპრესიულ ზემოქმედებას ცნს-ზე.  
ქლორფენამინის მალეატი აძლიერებს ბარბიტურატების, ტრანქვილიზატორების, ნეიროლეპტიური საშუალებების, ასევე იმ პრეპარატების სედატიურ მოქმედებას ცნს-ზე, რომლებიც შეიცავენ ალკოჰოლს.
ერთდროული მიღებისას ქლორფენამინის მალეატი აძლიერებს ტრიციკლური ანტიდეპრესანტებისა და ატროპინის მოქმედებას.

ჰიპერდოზირება:
დექსტრომეტორფანის ჰიდრობრომიდის დოზის გადაჭარბება იწვევს სუნთქვის დათრგუნვას. ამ დროს გამოიყენება მისი ანტიდოტი _ ნალოქსონი.
ქლორფენამინის მალეატის დოზის გადაჭარბება იწვევს სხვადასხვა სახის გამოვლინებებს ცნს-ის მხრივ, როგორც დეპრესიას, ასევე მის სტიმულაციას. გარდა ამისა, შეიძლება განვითარდეს თავბრუ, ყურებში შუილი, ატაქსია, მხედველობის დაბინდვა და ჰიპოტენზია. ბავშვებში ვლინდება შემდეგი სიმპტომები: პირის სიმშრალე, მიდრიაზი (გუგების გაფართოება), ტემპერატურის მომატება და დარღვევები კუჭ-ნაწლავის ტრაქტის მხრივ.  
მკურნალობა: კუჭის ამორეცხვა, გამწმენდი ოყნა, გააქტივებული ნახშირის მიღება, სიმპტომური მკურნალობა.

ორსულობა და ლაქტაცია:
ორსულობისა და ლაქტაციის პერიოდში პრეპარატის გამოყენების შესახებ კვლევები არ ჩატარებულა.

განსაკუთრებული მითითებები:
მაგიტუსი არ გამოიყენება ქრონიკული ხველისას (მაგ. მწეველებში), ასევე ასთმის მქონე პაციენტებში.
სიფრთხილით ინიშნება ღვიძლის პათოლოგიის მქონე პაციენტებსა და ალერგიულ ბავშვებში.
მაგიტუსი სიფრთხილით გამოიყენება გულ-სისხლძარღვთა სისტემის პათოლოგიის მქონე და ეპილეფსიით დაავადებულ პაციენტებში.
პრეპარატი სიფრთხილით ინიშნება ასაკოვან და წინამდებარე ჯირკვლის ჰიპერტროფიის მქონე პაციენტებში.
მაგიტუსის ტაბლეტი შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში მისი გამოყენება რეკომენდებული არ არის.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის გამოყენებისას საჭიროა თავის არიდება იმ ქმედებებისაგან, რომლებიც მოითხოვს ყურადღებასა და სწრაფ ფსიქომოტორულ რეაქციას.

შეფუთვა:
100 მლ სიროფი ნარინჯისფერ მინის ან პოლიმერულ ფლაკონში, თითო ფლაკონი მუყაოს კოლოფში.                                                                                                     
10 ტაბლეტი კონტურულ უჯრედოვან შეფუთვაში, 2 კონტურული შეფუთვა მუყაოს კოლოფში.

შენახვის პირობები:
სიროფი: ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
ფლაკონის გახსნის შემდეგ სიროფი ვარგისია გამოყენებისათვის 1 თვის განმავლობაში.
ტაბლეტები: ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით (II ჯგუფი).

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.
www.aversi.ge

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

ლიბექსინი
(LIBEXIN)
 

შემადგენლობა და გამოშვების ფორმა
ტაბლეტები: შეფუთვაში 20 ც.
1 ტაბ.
პრენოქსდიაზინის ქლორიდი……………………………100 მგ

კლინიკურ-ფარმაკოლოგიური ჯგუფი
ხველების საწინააღმდეგო საშუალება.

ფარმაკოლოგიური თვისებები
პრეპარატის მოქმედება ხორციელდება მისი უშუალო ზეგავლენით ბრონქებზე. ადგილობრივი მაანესთეზირებელი თვისებების გამო იგი ამცირებს როგორც პერიფერიულ სენსორულ, ასევე ფილტვების რეცეპტორების აგზნებას. უშუალო სპაზმოლიზური მოქმედებით ლიბექსინი აქვეითებს ბრონქოკონსტრიქციას, ხოლო ცენტრალური ზემოქმედებით მცირე ხარისხით თრგუნავს ხველების ცენტრის ფუნქციას სუნთქვის დათრგუნვის გარეშე.
კლინიკური კვლევის შედეგად დადგენილ იქნა, რომ პრეპარატი არ აქვეითებს სისხლის არტერიულ წნევას.
პრეპარატის სპაზმოლიზური მოქმედების მიუხედავად იგი არ იწვევს ყაბზობას.
მცირედ გამოხატული ანქსიოლიზური ეფექტის მიუხედავად, პრეპარატი არ ახდენს რაიმე მნიშვნელოვან გავლენას ცნს-ის ფუნქციაზე.

ფარმაკოკინეტიკა
ლიბექსინი სწრაფად და კარგად აბსორბირდება კუჭ-ნაწლავის ტრაქტიდან. სისხლში მისი მაქსიმალური კონცენტრაცია აღინიშნება მიღებიდან 30 წუთის შემდეგ, ხოლო თერაპიული _ აღინიშნება 6-8 საათის განმავლობაში.
მისი უცვლელი სახის პროდუქტებთან ერთად, დამატებით გამოყოფილია და რაოდენობრივად განსაზღვრულია კიდევ 4 მეტაბოლიტი.
პირველი საათის განმავლობაში ლიბექსინის 55-59% მიღებისთანავე უკავშირდება პლაზმის ცილებს. იგი მეტაბოლიზდება ღვიძლში და მხოლოდ 30% გამოიყოფა უცვლელი სახით.
ნაღვლის სეკრეცია დიდ როლს თამაშობს პრეპარატის მეტაბოლურ პროცესებში მინიმუმ 12 საათის პერიოდის განმავლობაში მისი მიღებიდან. სისხლიდან პრეპარატის ნახევარგამოყოფის პერიოდი შეადგენს 2.6 საათს. 24 საათის განმავლობაში შეყვანილი ლიბექსინის 93% ელიმინირდება ორგანიზმიდან, დაახლოებით 50% _ შარდით და 50% _ ფეკალიებით.

ჩვენებები
ძირითადად მწვავე ან ქრონიკული მშრალი ხველების სამკურნალოდ. ლიბექსინი გამოიყენება ხველების დროს იმ დაავადებების სამკურნალოდ, რომელთაც თან ახლავს სუნთქვისა და გაზთა ცვლის დარღვევა, ვინაიდან იგი არ თრგუნავს სუნთქვის ცენტრს. პრეპარატი გამოიყენება მწვავე და ქრონიკული ბრონქიტის, გრიპის, პნევმონიის, ემფიზემის და ღამის ხველის დროს გულის უკმარისობით შეპყრობილ პაციენტებში. აგრეთვე იმ პაციენტების მოსამზადებელ პერიოდში, რომლებსაც ესაჭიროებათ ბრონქოსკოპული ან ბრონქოგრაფიული კვლევა.

დოზირების რეჟიმი
მოზრდილებში საშუალო დოზა შეადგენს 100 მგ-ს 3-4-ჯერ დღეში (1 ტაბლეტი დღეში 3-4-ჯერ), უფრო მძიმე შემთხვევებში დოზა შეიძლება გაზრდილი იქნას 200 მგ-მდე 3-4-ჯერ დღეში ან 300 მგ-მდე 3-ჯერ დღეში (2 ტაბლეტი 3-4-ჯერ დღეში ან 3 ტაბლეტი 3-ჯერ დღეში).
ბავშვებში საშუალო დოზა დამოკიდებულია ასაკსა და სხეულის წონაზე: 25-50 მგ 3 ან 4-ჯერ დღეში (¼-½ ტაბლეტი 3-4-ჯერ დღეში).
მაქსიმალური ერთჯერადი დოზა ბავშვებში შეადგენს 1 ტაბლეტს, მოზრდილებში 3 ტაბლეტს. მაქსიმალური დღიური დოზა ბავშვებში შეადგენს 2 ტაბლეტს, მოზრდილებში 9 ტაბლეტს.
ბრონქოსკოპული გამოკვლევის პროცედურის ჩატარებამდე 1 საათით ადრე 0.9-3.8 მგ/კგ პრეპარატი ინიშნება 0.5-1 მგ ატროპინთან კომბინაციაში.

გვერდითი მოვლენები
ობიექტური გვერდითი მოვლენები პრეპარატის მიღებისას (ღვიძლისა და თირკმელების, ასევე სისხლმბადი ორგანოების მხრივ) არ აღინიშნება.
პრეპარატის მიღების შემდეგ გასტროინტესტინური სახის ჩივილები (კუჭის არეში ტკივილი, ყაბზობისადმი მიდრეკილება) აღენიშნება პაციენტების დაახლოებით 10%-ს, თუმცა ყველა ჩივილი დიეტის შემდეგ ქრება. იშვიათად საჭიროა სუსტი მოქმედების საფაღარათო საშუალების მიღება.
პრეპარატის მაღალ დოზებში გამოყენებისას შესაძლებელია განვითარდეს სუსტად გამოხატული სედატიური ეფექტი და/ან გადაღლილობა.
ზემოთ აღნიშნული სიმპტომები ვითარდება პრეპარატის მაღალ დოზებში მიღების შემთხვევაში, რომლებიც მისი შეწყვეტიდან რამოდენიმე საათის შემდეგ ქრება.
იშვიათად აღინიშნება პირის ღრუს ან ყელის სიმშრალე, ალერგიული რეაქციები.
ამ და სხვა გვერდითი მოვლენების შესახებ საჭიროა მკურნალი ექიმის ინფორმირება.

უკუჩვენებები
პრეპარატის მიღება წინააღმდეგჩვენებია იმ დაავადებების დროს, რომლებიც ხასიათდებიან გაძლიერებული ბრონქიალური სეკრეციით, აგრეთვე ოპერაციის შემდგომი მდგომარეობის დროს. ლიბექსინის გამოყენება ინჰალაციური ნარკოზის შემდეგ არ შეიძლება.

ორსულობა და ლაქტაცია
იმის გამო, რომ არ არსებობს მონაცემები მისი ემბრიოტოქსიკურობის შესახებ, აღნიშნულ პერიოდში პრეპარატი მიიღება სიფრთხილით.

განსაკუთრებული მითითებები
იმ შემთხვევაში, როდესაც გაძნელებულია ნახველის ბლანტი მასის ევაკუაცია, შესაძლებელია დამატებით საჭირო გახდეს ამოსახველებელი ან მუკოლიზური საშუალებების მიღება.
ტაბლეტები აუცილებელია მივიღოთ მთლიანად, დაუღეჭავად, წინააღმდეგ შემთხვევაში პრეპარატმა შესაძლებელია გამოიწვიოს დროებითი ანესთეზია, რაც გამოიხატება პირის ღრუს ლორწოვანის მგრძნობელობის დაქვეითებაში.
ვინაიდან პრეპარატის შემადგენლობაში შედის ლაქტოზა, ამიტომ მან შესაძლოა გამოიწვიოს კუჭ-ნაწლავის ტრაქტის მხრივ გართულება იმ პაციენტებში, რომლებსაც გააჩნიათ მომატებული მგრძნობელობა ლაქტოზის მიმართ.
პრეპარატის მიღება სატრანსპორტო საშუალებების მართვის უნარზე არ ახდენს ზემოქმედებას.
კლინიკური კვლევების შედეგად დადგინდა, რომ თერაპიულ დოზებში მისი გამოყენებისას არ აღინიშნება მწვავე გვერდითი მოვლენები როგორც კარდიო-რესპირატორული, ასევე ცნს-ის მხრივ.

სხვა წამლებთან ურთიერთქმედება
არ არსებობს როგორც კლინიკური, ასევე წინაკლინიკური მონაცემები აღნიშნული პრეპარატის სხვა პრეპარატებთან ურთიერთქმედების შესახებ.

შენახვის პირობები და ვადა
პრეპარატი ინახება ოთახის ტემპერატურაზე.

ვარგისიანობის ვადა – 5 წელი.

ასიბროქსი

ASIBROX

სავაჭრო დასახელება

ასიბროქსი, ASIBSOX

საერთაშორისო არადაპატენტებული დასახელება

აცეტილცისტეინი, Acetylcysteine

წამლის ფორმა

შუშხუნა ტაბლეტები.

აღწერილობა:

გლუვცილინდრული ტაბლეტები თეთრი ფერის ნაზოლით, დასაშვებია მსუბუქი გაუმჭვირვალობა, დამახასიათებელი სუნით. 

შემადგენლობა

ასიბროქსი 200 მგ

1 შუშხუნა ტაბლეტი შეიცავს

აქტიური ნივთიერება: აცეტილცისტეინი 200 მგ

დამხმარე ნივთიერებები: ასკორბინის მჟავა, ნატრიუმის კარბონატი უწყლო, ნატრიუმის ჰიდროკარბონატი, ლიმონის მჟავა უწყლო, სორბიტოლი, ნატრიუმის ციტრატი, მაკროგოლი 6000, ნატრიუმის საქარინი, არომატიზატორი “ლიმონი”.

ასიბროქსი 600 მგ

1 შუშხუნა ტაბლეტი შეიცავს

აქტიური ნივთიერება: აცეტილცისტეინი 600 მგ

დამხმარე ნივთიერებები: ასკორბინის მჟავა, ნატრიუმის კარბონატი უწყლო, ნატრიუმის ჰიდროკარბონატი, ლიმონის მჟავა უწყლო, სორბიტოლი, ნატრიუმის ციტრატი, მაკროგოლი 6000, ნატრიუმის საქარინი, არომატიზატორი “ლიმონი”.

ფარმაკოთერაპიული ჯგუფი

მუკოლიზური საშუალება, ათქ კოდი R05CB01.

ფარმაკოლოგიური თვისებები

ფარმაკოდინამიკა

აცეტილცისტეინი – მუკოლიზური, ამოსახველებელი საშუალება, ამინომჟავა ცისტეინის წარმოებული. თავისუფლი სულფჰიდრილური ჯგუფის არსებობის წყალობით აცეტილცისტეინი წყვეტს კავშირს ნახველის მჟავა მუკოპოლისაქარიდებს შორის, რაც იწვევს მუკოპროტეიდების დეპოლიმერიზაციას და ხელს უწყობს ბრონქული სეკრეტის წებოვანების შემცირებას. აცეტილცისტეინი ავლენს მუკოლიზურ აქტივობას ნებისმიერი ტიპის ნახველის მიმართ – ლორწოვანი, ლორწოვან–ჩირქოვანი, ჩირქოვანი. ამსუბუქებს ნახველის გამოყოფას  მუკოცილიარული კლირენსის მომატების ხარჯზე. აცეტილცისტეინს შეუძლია ბრონქების ლორწოვანი გარსის ეპითელურ უჯრედებზე ბაქტერიების ადჰეზიის შემცირება, ნახველის წებოვანების შემცირებისა და მუკოცილიარული კლირენსის გაზრდის შედეგად. აცეტილცისტეინს აგრეთვე გააჩნია ანტიოქსიდანტური და პნევმოპროტექტორული თვისებები (რომლებიც უზრუნველყოფენ სასუნთქი ორგანოების ეფექტურ დაცვას უარყოფითი ფაქტორების ტოქსიკური ზემოქმედებისაგან, როგორიცაა: ანთების მეტაბოლიტები, გარემო ფაქტორები, სიგარეტის კვამლი, რაც გაპირობებულია სულფჰიდრილური ჯგუფების უნარით მოახდინონ თავისუფალი რადიკალების შეკავშირება). გარდა ამისა, აცეტილცისტეინი ხელს უწყობს გლუტათიონის სინთეზის მომატებას, რომელიც წარმოადგენს დეტოქსიკაციის მნიშვნელოვან ფაქტორს. აცეტილცისტეინის ეს უნარი იძლევა მისი ანტიდოტის სახით გამოყენების საშუალებას პარაცეტამოლით და სხვა ნივთიერებებით (ალდეჰიდებით, ფენოლებით და სხვ.) მწვავე მოწამვლისას.

ამგვარად უზრუნველყოფილია ფილტვის ქსოვილების უჯრედების მთლიანობის ფუნქციონალური აქტივობისა და მორფოლოგიური მთლიანობის შენარჩუნება. აცეტილცისტეინის მუკოლიზური თვისებები გამოვლენას იწყებს თერაპიის დაწყებიდან 1-2 დღეში. პროფილაქტიკური მიზნით გამოყენებისას აცეტილცისტეინი ამცირებს ქრონიკული ბრონქიტისა და მუკოვისციდოზის გამწვავებების სიხშირესა და სიმძიმეს.

ფარმაკოკინეტიკა

შინაგანად მიღების შემდეგ აცეტილცისტეინი სწრაფად და თითქმის სრულად აბსორბირდება საჭმლის მომნელებელ ტრაქტში. აცეტილცისტეინის ბიოშეღწევადობა ორალური მიღების შემდეგ შეადგენს დაახლოებით 10%-ს. მაქსიმალური კონცენტრაცია მიიღწევა 1-3 საათში.

ღვიძლში მეტაბოლიზდება ცისტეინამდე (ფარმაკოლოგიურად აქტიური მეტაბოლიტი) და დიაცეტილცისტინამდე, ცისტინამდე და შემდეგ შერეულ დისულფიდებამდე. ორგანიზმში აცეტილცისტეინი და მისი მეტაბოლიტები განისაზღვრება სხვადასხვა ფორმებში: ნაწილობრივ – თავისუფალი სუბსტანციების სახით, ნაწილობრივ – სისხლის პლაზმის პროტეინებთან კავშირში, ნაწილობრივ – ინკორპორირებული ამინომჟავების სახით. პრაქტიკულად სრულად ექსკრეტირდება არააქტიური მეტაბოლიტების სახით (არაორგანული სულფატები, დიაცეტილცისტეინი) შარდთან ერთად. აცეტილცისტეინის მხოლოდ მცირე რაოდენობა გამოიყოფა განავალთან ერთად უცვლელი სახით. სისხლის პლაზმიდან ნახევარგამოყოფის პერიოდი შეადგენს დაახლოებით 1 საათს და დამოკიდებულია ღვიძლში ბიოტრანსფორმაციის სიჩქარეზე. ღვიძლის უკმარისობისას იგი შეიძლება გაიზარდოს 8 საათამდე.

აცეტილცისტეინმა შეიძლება შეაღწიოს პლაცენტურ ბარიერში და დაგროვდეს ამნიონურ სითხეში.

გამოყენების ჩვენებები

• სასუნთქი ორგანოების დაავადებები, რომლებსაც თან ახლავს ძნელად მოსაცილებელი წებოვანი ნახველის მომატებული წარმოქმნა:
• მწვავე და ქრონიკული ბრონქიტები;
• ობსტრუქციული ბრონქიტი;
• ფილტვის ობსტრუქციული ემფიზემა;
• ლარინგოტრაქეიტი;
• პნევმონია;
• ბრონქოექტაზები;
• ბრონქული ასთმა;
• ბრონქიოლიტები;
• ატელექტაზი, განვითარებული ლორწოვანი საცობით ბრონქების დაცობის შედეგად;
• მუკოვისციდოზი;
• სეკრეტის მოცილების შესამსუბუქებლად მწვავე და ქრონიკული სინუსიტის, შუა ოტიტის დროს;
• წებოვანი ნახველის მოცილება სასუნთქი გზებიდან პოსტტრავმული და პოსტოპერაციული მდგომარეობების დროს, პოსტოპერაციული რესპირატორული გართულებების პროფილაქტიკა და მკურნალობა.

გამოყენების წესი და დოზირება

ასიბროქსი მიიღება შიგნით.

600 მგ აცეტილცისტეინის შემცველი ერთი ტაბლეტი იხსნება 200 მლ სასმელ, ოთახის ტემპერატურამდე შემთბარ წყალში  ან 200 მგ აცეტილცისტეინის შემცველი ერთი ტაბლეტი იხსნება 100 მლ სასმელ, ოთახის ტემპერატურამდე შემთბარ წყალში.

პრეპარატი მიიღება ჭამის შემდეგ. სითხის დამატებით მიღება აძლიერებს აცეტილცისტეინის მუკოლიზურ ეფექტს. მიიღება გახსნისთანავე, გამონაკლის შემთხვევებში შეიძლება მზა ხსნარის გაჩერება 2 საათით.

მოზრდილებსა და მოზარდებში 14 წლის ზემოთ პრეპარატი ინიშნება დოზით 200 მგ 2-3-ჯერ დღეში ან დოზით 600 მგ ერთხელ დღეში.

6-დან 14 წლამდე ასაკის ბავშვებში რეკომენდებულია 200 მგ–ის მიღება დღეში 2-ჯერ.

2-დან 6 წლამდე ასაკის ბავშვებში ინიშნება 200 მგ 1-ჯერ დღეში.

მუკოვისციდოზის დროს:

• მოზრდილებსა და მოზარდებში 14 წლის ასაკის ზემოთ პრეპარატი ინიშნება დოზით 200 მგ 2-3-ჯერ დღეში ან დოზით 600 მგ 1-ჯერ დღეში.
• 6 წლის ზემოთ ასაკის ბავშვებში რეკომენდებულია 200 მგ–ის მიღება დღეში 3-ჯერ.
• 2-დან 6 წლამდე ასაკის ბავშვებში ინიშნება 200 მგ 2-ჯერ დღეში.
• 30 კგ–ზე მეტი სხეულის მასის მქონე პაციენტებს შეუძლიათ პრეპარატის მიღება დოზით 800 მგ დღეში.

ხანმოკლე გაციების დროს მიღების ხანგრძლივობა შეადგენს 5-7 დღეს. ქრონიკული ბრონქიტებისა და მუკოვისციდოზის დროს ინფექციის საწინააღმდეგოდ პროფილაქტიკური ეფექტის მისაღწევად პრეპარატის მიღება უნდა მოხდეს უფრო ხანგრძლივი დროის განმავლობაში ან რამდენიმე თვიანი კურსებით.

უკუჩვენებები

• მომატებული მგრძნობელობა აცეტილცისტეინისა და პრეპარატის სხვა კომპონენტების მიმართ.
• კუჭისა და თორმეტგოჯა ნაწლავის წყლულოვანი დაავადება გამწვავების ფაზაში.

გვერდითი მოქმედება

ცენტრალური ნერვული სისტემის მხრივ:

იშვიათად – თავის ტკივილი, შუილი ყურებში.

საჭმლის მომნელებელი სისტემის მხრივ:

იშვიათად – სტომატიტი; ცალკეულ შემთხვევებში – გულისრევა, ღებინება, გულძმარვა, დიარეა.

გულ–სისხლძარღვთა სისტემის მხრივ:

ცალკეულ შემთხვევებში – არტერიული წნევის დაცემა, ტაქიკარდია.

სასუნთქი სისტემის მხრივ:

ცალკეულ შემთხვევებში – ფილტვისმიერი სისხლდენის განვითარება, როგორც მომატებული მგრძნობელობის რეაქციის გამოვლინება.

ალერგიული რეაქციები:

გამონაყარი კანზე, ქავილი, ჭინჭრის ციება; ცალკეულ შემთხვევებში – ბრონქოსპაზმი (უპირატესად ბრონქების ჰიპერაქტიურობის მქონე პაციენტებში).

განსაკუთრებული მითითებები

ასიბროქსი სიფრთხილით გამოიყენება სისხლიანი ნახველის, ფილტვისმიერი სისხლდენისას, საყლაპავი მილის ვენების ვარიკოზული გაფართოების მქონე პაციენტებში, თირკმელზედა ჯირკვლის დაავადებების, ღვიძლის და/ან თირკმელების უკმარისობის დროს.

ბრონქული ასთმისა და ობსტრუქციული ბრონქიტის დროს აცეტილცისტეინი ინიშნება სიფრთხილით ბრონქული გამტარობის სისტემატიური კონტროლით.

ახალშობილებში აცეტილცისტეინის დანიშვნა შეიძლება მხოლოდ სასიცოცხლო ჩვენებით და მკაცრი კონტროლით (მაქსიმუმ 10 მგ/კგ სხეულის მასაზე).

ასიბროქსი შეიცავს სორბიტოლს და ნატრიუმის საქარინს, ამიტომ პრეპარატის გამოყენებამდე, შაქრიანი დიაბეტის მქონე პაციენტებმა კონსულტაციისთვის უნდა მიმართონ ექიმს.

პრეპარატთან მუშაობისას აუცილებელია შუშის ჭურჭლის გამოყენება, ლითონთან, რეზინასთან, ჟანგბადთან, იოლად მჟანგავ ნივთიერებებთან კონტაქტის თავიდან აცილება.

ზემოქმედება ავტომობილისა და სხვა მექანიზმების მართვის უნარზე

ასიბროქსი გავლენას არ ახდენს ავტომობილის მართვის უნარზე და ისეთი სამუშაოს შესრულებაზე, რაც მოითხოვს ფსიქომოტორული რეაქციების მაღალ სისწრაფეს.

გამოყენება ორსულობისა და ლაქტაციის პერიოდში

ადეკვატური და კარგად კონტროლირებული კვლევები ორსულობისა და ლაქტაციის პერიოდში პრეპარატის გამოყენების შესახებ არ ჩატარებულა.

აღნიშნულ პერიოდში ასიბროქსის მიღება შეიძლება მხოლოდ ექიმის დანიშნულებით.

გამოყენება პედიატრიაში

პრეპარატი უკუნაჩვენებია 14 წლამდე ასაკის ბავშვებში (600 მგ აცეტილცისტეინის შემცველი ტაბლეტების შემთხვევაში).

ურთიერთქმედება სხვა სამკურნალო საშუალებებთან

აცეტილცისტეინისა და ხველის საწინააღმდეგო საშუალებების ერთდროული გამოყენებისას ხველის რეფლექსის დათრგუნვის გამო შეიძლება განვითარდეს ლორწოს შეგუბება. ამიტომ ამგვარი კომბინაციების შერჩევა უნდა მოხდეს სიფრთხილით.

აღინიშნება აცეტილცისტეინის სინერგიზმი ბრონქოლზურებთან.

აცეტილცისტეინისა და ნიტროგლიცერინის ერთდროულმა მიღებამ შეიძლება გამოიწვიოს ამ უკანასკნელის სისხლძარღვების გამაფართოებელი ეფექტის გაძლიერება.

ფარმაკოლოგიურად შეუთავსებელია ანტიბიოტიკებთან (პენიცილინებთან, ცეფალოსპორინებთან, ერითრომიცინთან, ტეტრაციკლინთან და B ამფოტერიცინთან) და პროტეოლიზურ ფერმენტებთან.

ამცირებს პენიცილინების, ცეფალოსპორინების, ტეტრაციკლინის შეწოვას და ამიტომ მათი მიღება უნდა მოხდეს აცეტილცისტეინის შიგნით მიღებიდან 2 საათის შემდეგ.

ლითონთან, რეზინთან შეხებისას წარმოიქმნება სულფიდები დამახასიათებელი სუნით.

ჭარბი დოზირება

დღემდე არ გამოვლენილა ჭარბი დოზირებით გამოწვეული მძიმე და სიცოცხლისათვის საშიში გვერდითი ეფექტებისა და ნიშნების შემთხვევები, ექსტრემალური ჰიპერდოზირების პირობებშიც კი.

სიმპტომები:

შესაძლებელია აღინიშნოს დიარეა, ღებინება, კუჭის ტკივილი, გულძმარვა და გულისრევა.

მკურნალობა: სიმპტომური თერაპია.

გამოშვების ფორმა

ასიბროქსი 200 მგ #24

24 შუშხუნა ტაბლეტი პოლიპროპილენის პენალში, დახურული სილიკაგელის შემცველი პოლიპროპილენის საცობით.

1 პენალი მუყაოს კოლოფში ფურცელ–ჩანართთან ერთად.

ასიბროქსი 200 მგ #10 ან #20

2 შუშხუნა ტაბლეტი ლამინირებულ სტრიპში.

5 ან 10 ლამინირებული სტრიპი მუყაოს კოლოფში ფურცელ–ჩანართთან ერთად.

ასიბროქსი 600 მგ #12

12 შუშხუნა ტაბლეტი პოლიპროპილენის პენალში, დახურული სილიკაგელის შემცველი პოლიპროპილენის საცობით.

1 პენალი მუყაოს კოლოფში ფურცელ–ჩანართთან ერთად.

ასიბროქსი 600 მგ #10 ან #20

2 შუშხუნა ტაბლეტი ლამინირებულ სტრიპში.

5 ან 10 ლამინირებული სტრიპი მუყაოს კოლოფში ფურცელ–ჩანართთან ერთად.

შენახვის პირობები

ინახება ნესტისა და სინათლისაგან დაცულ ადგილას, არა უმეტეს 25⁰C–ზე.

ინახება ბავშვებისათვის მიუწვდომელ ადგილას.

ტაბლეტის ამოღების შემდეგ ტუბი მჭიდროდ უნდა დაიხუროს.

ვარგისიანობის ვადა

3 წელი წარმოების თარიღიდან.

არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი

ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.

მწარმოებელი

სავაჭრო ნიშნისა და რეგისტრაციის სერტიფიკატის მფლობელია კომპანია

“როტაფარმი”, დიდი ბრიტანეთი

(“ROTAPHARM”, GREAT BRITAIN)

დამზადებულია შპს “ვიტალე XD”–ს მიერ, მიაეალუსე 2/2, 12618 ტალინი, ესტონეთი (“Vitale – Ltd.”, Mealuse 2/2, 12618 Tallin, Estonia)

კოფ-ექსი სიროფი

საკვები დანამატი

შემადგენლობა:

დამხმარე ნივთიერებები: კალიუმის სორბატი, ნატრიუმის ბენზოატი, ქსანტანის გუმფისი, არომატიზატორი, ბუნებრივი დამატკბობელი.

ტუხტი (ალთე) სამკურნალო/Althea Officinalis – უძველესი დროიდანაა ცნობილი, როგორც ხველის დამარბილებელი საშუალება. ტუხტის ფესურაში ლორწოვანის მასის შემცველობის გამო მას აქვს უნარი, შემოფარგლოს ანთებითი კერა.

ფურისულა/Primrose – უზრუნველყოფს ნახველის ადვილად ევაკუაციას სასუნთქი გზებიდან, ხსნის გაციების სიმპტომებს.

ძირტკბილა/Liquorice – აუმჯობესებს სასუნთქი გზების ფუნქციას.

ბეგქონდარა/Thyme – აქვს ანტიბაქტერიული, ამოსახველებელი, სპაზმოლიზური მოქმედება.

კოფ-ექსი – ეს არის ბუნებრივი საშუალება შემაწუხებელი ხველისთვის. ოთხი სამკურნალო მცენარის კომბინაცია აუმჯობესებს სასუნთქი გზების ფუნქციას, სუნთქვას, ამსუბუქებს და სრულიად ხსნის ხველას, ხმის ჩახლეჩას, სიმშრალეს.

როგორ გეხმარებათ კოფ-ექსი – გაციება და ხველა პირველ რიგში აზიანებს სასუნთქ გზებს. სქელი ლორწო ეფარება სასუნთქი გზების ლორწოვანს, ლორწოვანი ღიზიანდება, იწყება შემაწუხებელი ხველა. კოფ-ექსის უნიკალური მცენარეები და ესენციური ეთერზეთები ხელს უწყობს სქელი ლორწოს გათხევადებას და აადვილებს ამოხველებას, შესაბამისად უმჯობესდება სუნთქვაც.

დოზირება და მიღების წესი: 0 – 4 წელი: 2.5 მლ. 2-ჯერ დღეში; 5 – 10 წელი: 5 მლ. 3-ჯერ დღეში; 11 წელი და ზევით: 5 მლ. 4-ჯერ დღეში.

შესაძლებელია სიროფის მცირე რაოდენობით წყალსა და წვენში გახსნა.

ორსულობა, ლაქტაცია: ორსულმა და მეძუძურმა ქალმა აუცილებლად უნდა გაიაროს ექიმის ან ფარმაცევტის კონსულტაცია კოფ-ექსის მიღებამდე. არ არის საკმარისი კვლევები კოფ-ექსის გამოყენების შესახებ აღნიშნულ კონტიგენტში. გამომდინარე აქედან, ორსული და მეძუძური დედებისთვის კოფ-ექსის მიღება რეკომენდებული არ არის.

მოსალოდნელი გვერდითი მოვლენები: ალერგიული რეაქციები (სასუნთქი სისტემის, კანის მხრივ), კუჭ-ნაწლავის ტრაქტის დისფუნქცია,

გვერდითი მოვლენების სიხშირე ცნობილი არ არის.

თუ აღმოაჩენთ რაიმე ნიშანს, რომელიც ანოტაციაში მითითებული არ არის, დაუყოვნებლივ მიმართეთ ექიმს.

ვინ არ უნდა მიიღოს კოფ-ექსი:

• თუ ხართ ალერგიული კოფ-ექსის შემადგენელი კომპონენტების მიმართ
• თუ გაქვთ ღვიძლის დაავადება
• თუ გაწუხებთ მაღალი წნევა
• თუ გაქვთ თირკმლის მწვავე დაავადება
• თუ ღებულობთ კორტიზონს ან კორტიზონის მსგავს პრეპარატს.

შენახვის წესი: ინახება არაუმეტეს 25˚C ტემპერატურისა.

გამოშვების ფორმა: სიროფი 100 მლ.

აფთიაქიდან გაცემის წესი: გაიცემა ექიმის რეცეპტის გარეშე.

პროდუქტის მფლობელი:

Istanbul Ilac Koz. Tur. San. ve Tic. LTD. Sti.

Eyüp Sultan Mah. Ulubatli Hasan Cd. No:16

Sancakteoe IST. Tel.: +90 216 313 71 10

www.dermoclean.com

Made in Turkey.

Exclusive agent in Georgia

Brochem Georgia

Address: 145 Beliashvili str., 0159

Tbilisi, Georgia

E-mail: [email protected]

www.brochem.ge

ექსკლუზიური დისტრიბუტორი საქართველოში: შპს. ბროქემ გეორგია

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

ქვეყანა: გერმანია

მწარმოებელი: ბერლინ-ხემი

გაცემის ფორმა: II ჯგუფი რეცეპტული

კოფანოლი

   KOFANOL

აქტიური ინგრედიენტები:
ძირტკბილას მშრალი ექსტრაქტი 27,5 მგ
მენთოლი ბრ.ფ.10 მგ
ევკალიპტის ზეთი ბრ.ფ. 100 მკგ
ანისულის ზეთი ბრ.ფ. 100მკგ
პიტნის ზეთი ბრ.ფ. 50 მკგ
წიწაკის ზეთი ბრ.ფ. 50 მკგ
ფიჭვის ზეთი 25 მკგ
ძლიერი ეფექტის მქონე საწუწნი ტაბლეტები ხველების საწინააღმდეგოდ, უზრუნველყოფს სწრაფ გაუმჯობესებას ყელის ანთების გაციებისა და ხველებისას.
დოზირება:   
მოზრდილებისა და ბავშვებისთვის: ნელა უნდა მოწუწნონ 1 ან 2 ტაბლეტი დღეში 4-ჯერ . 24 საათის განმავლობაში. არ შეიძლება 8 საწუწნ
ტაბლეტზე მეტის მიღება.
გაფრთხილება: თუ ტკივილი არ ქრება და სიმპტომები 2დღეზე  დიდხანს გრძელდება , აუცილებელია მკურნალ ექიმთან კონსულტაცია.
შენახვის პირობები:  ინახება გრილ, მშრალ, ბავშვებისაგან დაცულ ადგილას, +8-15 0 C ტემპერატურაზე.
შენახვის ვადა: 3 წელი
გაცემის წესი: რეცეპტის გარეშე
გამოშვების ფორმა: 25 x 4 პასტილა შეფუთვაში.
მწარმოებელი: ნაბროს ფარმა პვტ ლტდ
ნაშნელ ჰაივეი,8, ქჰედა 387411 ( ინდოეთი )

ამბროქსოლი 30
სიროფი

ფურცელი-ჩანართი. ინფორმაცია პაციენტისათვის.
სამკურნალო საშუალების შემცველობა:
მოქმედი ნივთიერება: ამბროქსოლის ჰიდროქლორიდი;
5 მლ სიროფი შეიცავს 30 მგ ამბროქსოლის ჰიდროქლორიდს;
დამხმარე ნივთიერებები: ჰიდროქსიეთილზელულოზა, სორბიტი, საქარინის ნატრიუმი, ლიმონმჟავა, გლიცერინი, პროპილენგლიკოლი, ნატრიუმის ბენზოატი, გარგარის საკვები არომატიზატორი, ფორთოხლის საკვები არომატიზატორი, მენთოლი, გასუფთავებული წყალი.

წამლის ფორმა. სიროფი.

ფარმაკოთერაპიული ჯგუფი.
მუკოლიზური პრეპარატი. ამბროქსოლი სინთეტიკური სეკრეტოლიზური და სეკრეტომოტორული პრეპარატია. პრეპარატი სტიმულირებს ბრონქებში სისველის წარმოქმნას, ხელს უწყობს მის გათხელებას და აუმჯობესებს გამოყოფას მოციმციმე ეპითელიუმის აქტივობის გაზრდის ხარჯზე. ამბროქსოლი ზრდის სურფაქტანტის კონცენტრაციას ფილტვებში და ხელს უშლის მის დაშლას. გააჩნია ხველის საწინააღმდეგო უმნიშვნელო ეფექტი. ამბროქსოლს გააჩნია ანთების საწინააღმდეგო ეფექტი, აქვს ანტიოქსიდანტური თვისებები, სტიმულირებს ადგილობრივ იმუნიტეტს.

ჩვენებები.
ამბროქსოლი 30 გამოიყენება მოზრდილებსა და 2 წელზე უფროსი ასაკის ბავშვებში სასუნთქი გზების მწვავე და ქრონიკული დაავადებების სამკურნალოდ, რომლებსაც ახლავს ბლანტი, ძნელად მოსაშორებელი სისველის წარმოქმნა: მწვავე და ობსტრუქციული ბრონქიტი, ბრონქოექტატური დაავადება, ტრაქეიტი, ლარინგიტი, ფარინგიტი, სინუსიტი, რინიტი, პნევმონია, ბრონქული ასთმა ძნელად მოსაშორებელი სისველით; ოპერაციის შემდგომ ფილტვებზე გართულებების მკურნალობასა და პროფილაქტიკისათვის; ბრონქოსკოპიისათვის მომზადების დროს და ჩატარებული მანიპულაციის შემდეგ; ფილტვების მუკოვისციდოზის დროს.

უკუჩვენებები.
პრეპარატი უკუნაჩვენებია ჰიპერმგრძნობელობისას (ალერგიისას) ამბროქსოლის მიმართ, ასევე ავადმყოფებისათვის კუჭისა და თორმეტგოჯა ნაწლავის წყლულოვანი დაავადებით, ორსულობის I ტრიმესტრში.

სიფრთხილე გამოყენებისას.
თირკმელების დარღვეული ფუნქციის შემთხვევაში პრეპარატის გამოყენება შეიძლება მხოლოდ ექიმის რეკომენდაციით. პრეპარატი სეკრეტირდება დედის რძესთან, ამიტომ ბავშვების ძუძუთი კვებისას აუცილებელია განსაკუთრებული სიფრთხილის დაცვა. ამბროქსოლის გამოყენებამდე ორსულობის II და III ტრიმესტრში აუცილებელია ექიმთან კონსულტაცია.

ურთიერთქმედება სამკურნალო საშუალებებთან.
ამბროქსოლი 30 ზრდის დოქსიკლინის, ცეფუროქსიმის და ამოქსიცილინის თერაპიულ ეფექტურობას ფილტვების ქსოვილებში ანტიბიოტიკების კონცენტრაციის გაზრდის ხარჯზე. პრეპარატი ზრდის ფილტვებში რიფამპიცინის ეფექტურ კონცენტრაციას. თერაპიულად მიზანშეწონილია ამბროქსოლის კომბინაცია თეოფილინთან; შესაძლებელია პრეპარატის ერთდროული გამოყენება საგულე გლიკოზიდებთან, დიურეზულებთან. რეკომენდებული არ არის ხველის საწინააღმდეგო საშუალებებთან ერთად გამოყენება, რომლებიც ართულებს სისველის გამოყოფას ან ასქელებს მას.
განსაკუთრებული მითითებები.
პრეპარატის გამოყენება შეუძლიათ შაქრიანი დიაბეტით დაავადებულებს.

გამოყენების წესი და დოზები.
ამბროქსოლი 30 მიიღება შინაგანად საზომი კოვზებით ჭამის შემდეგ:

მოზრდილები და 12 წელზე უფროსი ასაკის ბავშვებში 1-2 ს/კ 2-3 ჯერ დღეში
6-12 წლის ბავშვები                                          1/2 ს/კ 2-3 ჯერ დღეში
2-6 წლის ბავშვები                                           1/4  ს/კ   3 ჯერ დღეში
    საჭიროების შემთხვევაში მკურნალობის პირველი 2-3 დღე პრეპარატის დოზების გაზრდა შეიძლება ორჯერ.
მკურნალობის კურსი შეადგენს 4-14 დღეს.
ჭარბი დოზა. ჭარბი დოზის შემთხვევები აღწერილი არ არის, მაგრამ შესაძლებელია საკვების გადამუშავების დარღვევა, დისკომფორტი ან ტკივილები აპიგასტრალურ არეში, კუჭის გადავსების შეგრძნება, ღებინება, გულისრევა.  ჭარბი დოზის შემთხვევაში პრეპარატის მიღება უნდა შეწყდეს.

გვერდითი ეფექტები.
ამბროქსოლი 30 კარგად აიტანება, მაგრამ ხანგრძლივად მიღების ან დიდი დოზების გამოყენების შემთხვევაში შესაძლებელია კუჭის წვა, დისპეფსია, კუჭის გადავსების შეგრძნება, ღებინება, გულისრევა; იშვიათად – ალერგიული რეაქციები კანზე გამონაყარის, ჭინჭრის ციების, ანგიონევროზული შეშუპების სახით.  შესაძლებელია ნერწყვის გამოყოფის და ცხვირის ლორწოვანი გარსის სეკრეციის მომატება, ჰიპერთერმია, დიზურია. რაიმე ნეგატიური რეაქციების გამოვლინებისას აუცილებელია პრეპარატის მიღების შეწყვეტა და ექიმთან კონსულტაცია.

ვარგისიანობის ვადა.
2 წელი.
პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ არ შეიძლება.

შენახვის პირობები.
მშრალ, სინათლისაგან დაცულ, ბავშვებისათვის მიუწვდომელ ადგილას, ტემპერატურაზე 15°-25°C.

შეფუთვა.
100 მლ-ანი ქილები და ფლაკონები საზომი კოვზით ან მის გარეშე კოლოფში.

გაცემის წესი.
რეცეპტის გარეშე.

მწარმოებლის სახელწოდება და მისამართი.
დსს სსც “ბორსჩაგოვის ქიმიურ-ფარმაცევტული ქარხანა”
უკრაინა, 03134, ქ.კიევი, მირის ქ., 17.