ჯუვექსტრა #30კაფს

ჯუვექსტრა

ახალგაზრდული ენერგიის ბუნებრივი ფორმულა

მამაკაცებისა და ქალებისათვის

ჯუვექსტრა – ბუნებრივად შეგმატებთ სასიცოცხლო ძალებსა და ენერგიას

ჯუვექსტრა – სრულყოფილი ფორმულა ჯანსაღი ლიბიდოს, სექსუალური აქტივობის და შრომისუნარიანობის ასამაღლებლად

ჯუვექსტრა – ინტიმური ურთიერთობების აღდგენის საუკეთესო ბუნებრივი საშუალება

ჯუვექსტრა – სქესობრივი ლტოლვის გაძლიერების მარტივი საშუალება

ბუნებრივად აწესრიგებს სქესობრივ ფუნქციას მამაკაცებსა და ქალებში, მიუხედავად იმისა, რომ ჯუვექსტრა არ არის ჰორმონალური საშუალება, იგი აუმჯობესებს სასქესო ჯირკვლების ფუნქციას, აწესრიგებს სასქესო ჰორმონთა დონეს სისხლში.
ასტიმულირებს ლიბიდოს, აუმჯობესებს სქესობრივ ფუნქციას, ახანგრძლივებს სქესობრივი აქტის პროცესს.
ხელს უწყობს სისხლძარღვების გაფართოებას, ააქტიურებს სისხლის მოძრაობას სასქესო ორგანოებში, რაც უზრუნველყოფს გამძაფრებულ შეგრძნებებს.
ასტიმულირებს ქალისა და მამაკაცის სასქესო ჰორმონების გამომუშავებას.
აუმჯობესებს ნივთიერებათა ცვლას, ამაღლებს ორგანიზმის ზოგად ტონუსს, ხსნის დაღლილობის შეგრძნებას, მატებს ძალას და ენერგიას.

ჯუვექსტრა არის მეცნიერულად შემუშავებული სამკურნალო მცენარეების სრულყოფილი ფორმულა, უმაღლესი ხარისხის ინგრედიენტების ზუსტი ოდენობებით, მაქსიმალური შედეგის მისაღწევად.

ჩიტიწვივა შეიცავს იკარინს, რომელიც ზრდის სისხლის ნაკადს სასქესო ორგანოებში და აუმჯობესებს სქესობრივ ფუნქციას, ამიტომაც ეფექტურია ერექციული დისფუნქციის და ვაგინალური სიმშრალის სამკურნალოდ, აწესრიგებს ჰორმონალურ ბალანსს.

მაკის ფესვები შეიცავს დიდი რაოდენობით ცხიმოვან მჟავებს და ამინომჟავებს, ეს ნივთიერებები ხელს უწყობს მამაკაცისა და ქალის სექსუალური ფუნქციის გაუმჯობესებას, ხსნის ქრონიკული დაღლილობის სინდრომს, მატებს ენერგიას და ძალას. დადებითად მოქმედებს მეხსიერებაზე, გამოიყენება ჰორმონალური ბალანსის დარღვევისას ქალებში, ერექციული დისფუნქციისას მამაკაცებში, აღძრავს სექსუალურ ლტოლვას.

კუროსთავის შემადგენლობაში შედის ისეთი აქტიური კომპონენტები, რომლებიც აუმჯობესებენ ტესტოსტერონის გამომუშავებას, ასტიმულირებენ რეპროდუქციულ სისტემას.

ტონგკალ ალის ფესვები შეიცავს რამდენიმე ისეთ ნივთიერებას, რომლებიც ასტიმულირებენ ტესტოსტერონის წარმოქმნას.

პალმეტო აფერხებს პროსტატის ჰიპერპლაზიას, ხასიათდება ანტიანდროგენული, ანთების საწინააღმდეგო და ანტიპროლიფერაციული ეფექტით.

კილამურა (კლდის ძირტკბილა) – აუმჯობესებს პროსტატის ჯირკვლის ადენომის დროს შარდის გამოყოფას , გააჩნია ანტიოქსიდანტური, ანტიკანცეროგენული მოქმედება

მუირა პუამას ფესვები აუმჯობესებს სექსუალურ ლტოლვას, ხსნის ქრონიკული დაღლილობის სინდრომს, მატებს ენერგიას და ძალას

ლ არგანინი ხელს უწყობს სისხლძარღვთა გაფართოებას, რის შედეგადაც, უმჯობესდება სისხლის მოძრაობა და სქესობრივი ფუნქცია

ჟენშენს გააჩნია ზოგადი გამაჯანსაღებელი მოქმედება, ამაღლებს გონებრივ და ფიზიკურ შრომისუნარიანობას, აძლიერებს იმუნიტეტს, აუმჯობესებს მეხსიერებას და აზროვნებას, ამაღლებს ორგანიზმის მდგრადობას სტრესის მიმართ, დადებითად მოქმედებს სექსუალურ ფუნქციაზე

შემადგენლობა: 2 კაფსულა შეიცავს:

ჩიტი წვივას ექსტრაქტი (Epimedium sagittatum)	1000 მგ
მაკის ფესვის ფხვნილი	250 მგ
კუროსთავი – 40% ექსტრაქტი	60 მგ
კილამურა (კლდის ძირტკბილას ფესვის ფხვნილი)	20 მგ
ტონგალ ოლი (Eurocoma longifolia)	100 მგ
პალმეტო	100 მგ
მუირ პუამას ფესვის ფხვნილი	20 მგ
L არგინინი	20 მგ
ჟენშენი	20 მგ

ჩვენება:

სექსუალური ასთენია, პოტენციის დაქვეითება
სქესობრივი ფუნქციის სტიმულაციისათვის მამაკაცებში (ერექციის დაქვეითება, ნაადრევი ეაკულაცია)
სქესობრივი დისფუნქციის დროს ქალებში (ლიბიდოს დაქვეითება, ფრიგიდულობა)
მომატებული ფიზიკური და გონევრივი დატვირთვა, შრომისუნარიანობის დაქვეითება.

მიღება და დოზირება: დღეში 2 კაფსულა, უმჯობესია საკვებთან ერთად, ფიზიკურ აქტივობამდე 1-2 საათით ადრე, ან ექიმის რეკომენდაციის მიხედვით.

უკუჩვენება: ორსულობისა და ლაქტაციის პერიოდი, 18 წლამდე ასაკის ბავშვები. საშვილოსნოს და ძუძუს სიმსივნე, ენდომეტრიოზი, საშვილოსნოს ფიბრომა. გულის უკმარისობა, არასტაბილური სტენოკარდია, არტერიული ჰიპერტენზია ან ჰიპოტონია. პაციენტები რომლებიც იღებენ ანტიკოაგულანტებს.

შეინახეთ გრილ, მშრალ, ბავშვებისათვის მიუწვდომელ ადგილას.

გამოშვების ფორმა: N30 კაფსულა

მწარმოებელი: ამვილაბი – აშშ.

სერთიფიცირებულია აშშ-ს წამლის სააგენტოს FDA – ს მიერ.

წარმატებული თავის დარგში, უმაღლესი ხარისხის მქონე, დამზადებულია აშშ-ში

უროლესანი 25მლ ფლ

უროლესანი

ზოგადი დახასიათება:
ძირითადი ფიზიკო-ქიმიური თვისებები: მომწვანო-მოყავისფრო, ან მოყავისფრო ფერის სითხე, პიტნის დამახასიათებელი სუნით.

შემადგენლობა:
100 მლ სითხე შეიცავს:
სოჭის ზეთი      8გ;
ბაღი პიტნის ზეთი     2გ;
აბუსალათინის ზეთი     11გ;
ფერისცვალას ნაყოფის თხიერი ექსტრაქტი  23გ;
სვიას გირჩების თხიერი ექსტრაქტი   32,995გ;
თავშავას ბალახის თხიერი ექსტრაქტი 23გ;
ტრილონი ბ.

გამოშვების ფორმა:
სითხე

ფარმაკოთერაპიული ჯგუფი:
სპაზმოლიზური საშუალება, რომელიც მოქმედებს საშარდე და სანაღვლე გზებზე. ათქ: G01 BD10,A03

ფარმაკოლოგიური თვისებები:
უროლესანი მიეკუთვნება სამკურნალო საშუალებების ჯგუფს, რომლებიც ხელს უწყობენ შარდის კონკრემენტების ელიმინაციას (ასევე ნაღვლის კონკრემენტების ელიმინაციას). ამის გარდა პრეპარატის ინგრიდიენტებს, მათ შორის მრავალ ქიმიურ შენაერთს, გააჩნია სპაზმოლიზური, ანთების საწინააღმდეგო, ანტისეპტიკური აქტივობა, იწვევს ნაღველის წარმოქმნის გაზრდას, აძლიერებს ნაღვლის გამოყოფას.

ჩვენება:
ნეფროლითიაზის და ქოლელითიაზის დროს, მწვავე და ქვემწვავე კალკულოზური პიელონეფრიტი და ქოლეცისტიტი, სანაღვლე გზების დისკინეზია.

დოზირება და მიღების წესი:
პრეპარატი ინიშნება პერორალურად, ჭამის წინ. მოზრდილებში _ 8-10 წვეთი შაქრის ნატეხზე 3 ჯერ დღეში. მკურნალობის ხანგრძლივობაა 5-30 დღე. აუცილებლობის შემთხვევაში შესაძლებელია განმეორებითი კურსის ჩატარება. თირკმელების და ნაღვლის ბუშტის ჭვალის დროს ერთჯერადი დოზა შეადგენს 15-20 წვეთს.

გვერდითი მოვლენები:
პრეპარატის ჭარბი დოზირების და მის მიმართ მომატებული მგრძნობელობის დროს აღინიშნება გულისრევა, თავბრუსხვევა, დისპეფსიური მოვლენები.

წინააღმდეგჩვენება:
მომატებული მგრძნობელობა პრეპარატის მიმართ.

ჭარბი დოზირება:
ამ დროს ინიშნება თბილი სასმელი დიდი რაოდენობით.
შენახვის ვადა და პირობები:
პრეპარატი ინახება სინათლისაგან და ბავშვებისაგან დაცულ ადგილას, არაუმეტეს 20°C. ვარგისიანობა – 2 წელი.

გაცემის წესი: ურეცეპტოთ

შეფუთვა:
15მლ ან 25მლ ფლაკონში-საწვეთურით, რომელიც მოთავსებულია ყუთში.

მწარმოებელი და მისი მისამართი:
АО «ГАЛИЧФАРМ »
УКРАИНА

ფილიგრა 100მგ #1ტ

ფილიგრა

ზოგადი დახასიათება:
საერთაშორისო არაპატენტირებული დასახელება: სილდენაფილი;
ძირითადი ფიზიკურ-ქიმიური თვისებები:
ცისფერი, რომბისებრი ფორმის, ორმხრივამოზნექილი ზედაპირის მქონე შემოგარსული ტაბლეტები, გრავირებით “50” ან “100” ცალ მხარეს;
შემადგენლობა:
1 შემოგარსული ტაბლეტი შეიცავს:
სილდენაფილის ციტრატს, 50 ან 100 მგ სილდენაფილის ეკვივალენტურს.
დამხმარე ნივთიერებები: სიმინდის სახამებელი, უწყლო კოლოიდური სილიციუმის დიოქსიდი, ნატრიუმის კროსკარმელოზა, მიკროკრისტალური ცელულოზა, ლაქტოზა (ფილიგრა, 100 მგ), პოვიდონი K 30, პოლისორბატი 80, ნატრიუმის ლაურილსულფატი, გასუფთავებული ტალკი, მაგნიუმის სტეარატი, ნატრიუმის სახამებლის გლიკოლატი, შემომგარსავი ნივთიერებების ნარევი Ready mix blue (ჰიპრომელოზა, პოლიეთილენგლიკოლი, გასუფთავებული ტალკი, საღებავები: ტიტანის დიოქსიდი (E171), Lake Indigo Carmine (E132)).

გამოშვების ფორმა:
შემოგარსული ტაბლეტები, 50 ან 100 მგ.

ფარმაკოლოგიური ჯგუფი:
ერექციული დისფუნქციის სამკურნალო პრეპარატები. ათქ-კოდი: G04BE03.

ფარმაკოლოგიური თვისებები:
სილდენაფილი წარმოადგენს ციკლური გუანოზინმონოფოსფატის (cgmf) – მე-5 ტიპის სპეციფიკური ფოსფოდიესთერაზას (fde 5) – ძლიერ სელექტიურ ინჰიბიტორს. ერექციის ფიზიოლოგიური მექანიზმის რეალიზაცია დაკავშირებულია მღვიმოვან სხეულში აზოტის ოქსიდის (NO) გამოთავისუფლებასთან სექსუალური სტიმულაციის დროს. ეს იწვევს cgmf-ს დონის მომატებას, მღვიმოვანი სხეულის გლუვი კუნთების მოდუნებას და სასქესო ორგანოსკენ სისხლის მიდინების გაძლიერებას. სილდენაფილს არ გააჩნია პირდაპირი მომადუნებელი მოქმედება ადამიანის იზოლირებულ მღვიმოვან სხეულზე, მაგრამ აძლიერებს აზოტის ოქსიდის ეფექტს fde-5-ის ინჰიბირების საშუალებით, რომელიც პასუხისმგებელია cgmf-ს დაშლაზე.

ფარმაკოკინეტიკა:
რეკომენდებული დოზებით სილდენაფილის ფარმაკოკინეტიკას აქვს ხაზოვანი ხასიათი. პერორალური მიღების შემდეგ სილდენაფილი სწრაფად შეიწოვება. უზმოზე ერთჯერადი მიღების შემდეგ სილდენაფილის მაქსიმალური კონცენტრაცია პლაზმაში (Cmax) მიიღწევა 30-120 წთ-ის განმავლობაში. მისი აბსოლუტური ბიოშეღწევადობა შეადგენს საშუალოდ 41%-ს. ცხიმიან საკვებთან ერთად მიღების შემთხვევაში შეწოვის სიჩქარე მცირდება: Cmax ქვეითდება საშუალოდ 29%-ით და თმახ იზრდება 60 წთ-ით, თუმცა აბსორბციის ხარისხი არ იცვლება (ფართობი ფარმაკოკინეტიკური მრუდის ქვეშ (AUC) მცირდება 11 %-ით). წონასწორულ მდგომარეობაში სილდენაფილის განაწილების მოცულობა (Vd) შეადგენს საშუალოდ 105 ლ-ს. სილდენაფილის და მისი მთავარი მოცირკულირე N-დემეთილური მეტაბოლიტის კავშირი პლაზმის ცილებთან შეადგენს დაახლოვებით 96%-ს და არ არის დამოკიდებული პრეპარატის საერთო კონცენტრაციაზე. სილდენაფილის დოზის 0.0002%-ზე ნაკლები (საშუალოდ 188 ნგ) აღმოჩნდა სპერმაში პრეპარატის მიღებიდან 90 წთ-ის შემდეგ.
სილდენაფილი ძირითადად მეტაბოლიზდება ღვიძლში CYP3A4 (ძირითადი გზა) და CYP2C9 (მეორადი გზა) მიკროსომული იზოფერმენტების ზემოქმედებით. ძირითადი მეტაბოლიტი წარმოიქმნება სილდენაფილის N-დემეთილირებით. N-დემეთილური მეტაბოლიტი განიცდის შემდგომ მეტაბოლიზმს. მისი ნახევარგამოყოფის პერიოდი (T1/2) შეადგენს დაახლოვებით 4 სთ-ს. ორგანიზმიდან გამოიყოფა მეტაბოლიტების სახით განავალთან (80%) და შარდთან ერთად (13%).

ჩვენება:
სხვადასხვა ეტიოლოგიის ერექციული დისფუნქცია.

მიღების წესი და დოზირება:
რეკომენდებული დოზა შეადგენს 50 მგ-ს, სექსუალურ აქტივობამდე 1 სთ-ით ადრე. ეფექტურობის და ამტანობის გათვალისწინებით დოზა შესაძლებელია გაიზარდოს 100 მგ-მდე ან შემცირდეს 25 მგ-მდე. მაქსიმალური რეკომენდებული დოზა შეადგენს 100 მგ-ს, მაქსიმალური რეკომენდებული ჯერადობა – დღეში ერთხელ.
მსუბუქი და საშუალო ხარისხის თირკმლის უკმარისობის დროს (კრეატინინის კლირენსი – 30-80 მლ/წთ) დოზის კორექცია არ არის საჭირო. თირკმლის მძიმე უკმარისობის დროს (კრეატინინის კლირენსი სილდენაფილის გამოყოფა ირღვევა ღვიძლის დაზიანების მქონე პაციენტებში (ციროზი), ამიტომ რეკომენდებულია დოზის დაქვეითება 25 მგ-მდე.
ხანდაზმულ პაციენტებში დოზის კორექტირება არ არის საჭირო.
სილდენაფილის ეფექტურობის აუცილებელ პირობას წარმოადგენს სექსუალური სტიმულაცია.

გვერდითი მოვლენები:
თავბრუსხვევა, თავის ტკივილი, უძილობა, კრუნჩხვები, ჰიპოტენზია, ტაქიკარდია, ასთენია, გულის წასვლა, ქოშინი, ცხვირით სუნთქვის გაძნელება, ცრემლდენა, მომატებული მგრძნობელობა სინათლის მიმართ, ფერების აღქმის დარღვევა, მხედველობის დაბინდვა, დისპეფსიური მოვლენები, გულისრევა, დიარეა, ტკივილი მუცლის არეში, ლუმბალგია, ართრალგია, მიალგია, კუნთების ჰიპერტონუსი, გამონაყარი კანზე, გახანგრძლივებული და მტკივნეული ერექცია.
აღნიშნულ მოვლენებს გააჩნია გარდამავალი ხასიათი და მსუბუქად ან ზომიერადაა გამოხატული.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის შემადგენელი ნებისმიერი კომპონენტის მიმართ; ნიტრატებით მკურნალობის პერიოდი.
სიფრთხილით: არტერიული ჰიპერტენზიის ან ჰიპოტენზიის მძიმე ფორმების, ბოლო 6 თვის განმავლობაში გადატანილი მიოკარდიუმის ინფარქტის ან ინსულტის, სიცოცხლისათვის საშიში არითმიების, გულის უკმარისობის, არასტაბილური სტენოკარდიის დროს.

ურთიერთქმედება სამკურნალო საშუალებებთან და სხვა სახის ურთიერთქმედება:
ანტაციდების (მაგნიუმის ჰიდროქსიდი/ალუმინის ჰიდროქსიდი) ერთჯერადი მიღება სილდენაფილთან ერთად არ მოქმედებს მის ბიოშეღწევადობაზე. სილდენაფილი აძლიერებს ნიტრატების ჰიპოტენზიურ (ერთდოული მიღება უკუნაჩვენებია) და ნატრიუმის ნიტროპრუსიდის ანტიაგრეგაციულ ეფექტს. აცეტილსალიცილის მჟავასთან (150 მგ) ერთდროული გამოყენებისას არ ზრდის სისხლდენის დროს. CYP3A4-ის ინჰიბიტორები (ციმეტიდინი, კეტოკონაზოლი, იტრაკონაზოლი, ერითრომოცინი და სხვ.) ზრდიან სილდენაფილის კონცენტრაციას პლაზმაში (კერძოდ, ციმეტიდინის (800 მგ) სილდენაფილთან (50 მგ) ერთდროული მიღებისას – 56%-ით) და ამცირებენ მის გამოყოფას. სილდენაფილის ერთჯერადი მიღება დოზით 100 მგ ერითრომიცინის წონასწორული კონცენტრაციის ფონზე (500 მგ 2-ჯერ დღეში 5 დღის განმავლობაში) ხელს უწყობს სილდენაფილის AUC-ის მომატებას 182%-ით, საკვინავირის წონასწორული კონცენტრაციის ფონზე (1200 მგ 3-ჯერ დღეში) სილდენაფილის Cmax იზრდება 140%-ით, ხოლო AUC – 210%-ით. 100 მგ სილდენაფილის ერთჯერადი მიღება ციტოქრომ P450-ის ძლიერი ინჰიბიტორის – რიტონავირის წონასწორული კონცენტრაციის ფონზე (400 მგ 2-ჯერ დღეში) იწვევს სილდენაფილის Cmax გაზრდას 300%-ით (4-ჯერ) და AUC-ის გაზრდას 1000%-ით (11-ჯერ). სილდენაფილი არ ახდენს გავლენას რიტონავირის და საკვინავირის ფარმაკოკინეტიკაზე. CYP2C9-ის ინჰიბიტორები (ტოლბუტამიდი, ვარფარინი), CYP2D6-ის ინჰიბიტორები (სეროტონინის უკუმიტაცების სელექტიური ინჰიბიტორები, ტრიციკლური ანტიდეპრესანტები), თიაზიდები და თიაზიდის მსგავსი დიურეტიკები, მარყუჟოვანი და კალიუმის შემნახველი დიურეტიკები, აგფ-ინჰიბიტორები, კალციუმის ანტაგონისტები, β-ადრენობლოკატორები, ციტოქრომ P450-ის ინდუქტორები (რიფამპიცინი, ბარბიტურატები) არ ახდენენ გავლენას სილდენაფილის ფარმაკოკინეტიკაზე. არ არის გამოვლენილი სილდენაფილის ამლოდიპინთან ურთიერთქმედების ნიშნები. სილდენაფილის ტოლბუტამიდთან ან ვარფარინთან მნიშვნელოვანი ურთიერთქმედების ნიშნები გამოვლენილი არ არის. ჯანმრთელ მოხალისეებში სისხლში ალკოჰოლის კონცენტრაციისას 80 მგ/დლ-მდე სილდენაფილი არ აძლიერებს ალკოჰოლის მოქმედებას. სილდენაფილის უსაფრთხოება და ეფექტურობა ერექციის დარღვევების სამკურნალო სხვა საშუალებებთან ერთად კომბინაციაში გამოყენებისას შესწავლილი არ არის, ამიტომ მსგავსი კომბინაციების გამოყენება არ არის რეკომენდებული.

ჭარბი დოზირება:
ჭარბი დოზის მიღების შემთხვევაში ვლინდება იგივე გვერდითი მოვლენები, რაც პრეპარატის მცირე დოზის მიღებისას იმ განსხვავებით, რომ ჭარბი დოზირება ზრდის გვერდითი მოვლენების გამოვლინების სიხშირეს. საჭიროა ჩატარდეს სიმპტომური მკურნალობა. დიალიზი არაეფექტურია სილდენაფილის და მისი მეტაბოლიტის პლაზმის ცილებთან აქტიური კავშირის გამო.

ორსულობა და ლაქტაცია:
პრეპარატი არ არის განკუთვნილი ქალებისთვის.

განსაკუთრებული მითითებები:
სექსუალური აქტივობა განსაზღვრულ რისკს წარმოადგენს გულის დაავადებების დროს, ამიტომ ერექციის დარღვევების მკურნალობის დაწყების წინ საჭიროა გულ-სისხლძარღვთა სისტემის გამოკვლევა.
პრეპარატი სიფრთხილით გამოიყენება შემდეგი მდგომარეობების დროს: სასქესო ასოს ანატომიური დეფორმაცია (ანგულაცია, კავერნოზული ფიბროზი, პეირონის დაავადება), პრიაპიზმის განვითარების ხელშემწყობი ფაქტორები (მიელომური დაავადება, ნამგლისებური ანემია, ლეიკემია), სისხლდენებისადმი მიდრეკილება, კუჭისა და 12-გოჯა ნაწლავის წყლულოვანი დაავადების გამწვავება, მემკვიდრეობითი პიგმენტური რეტინიტი, ღვიძლის ფუნქციის დარღვევა, თირკმლის მძიმე უკმარისობა. პაციენტი უნდა იყოს ინფორმირებული რომ პრეპარატის მიღებისას შესაძლებელია მოიმატოს არაარტერიული გენეზის წინა იშემიური ოპტიკური ნეიროპათიის განვითარების რისკმა, თუკი მას უკვე აღენიშნებოდა ეს მდგომარეობა.
ფილიგრა, 100 მგ, შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში პრეპარატის გამოყენება რეკომენდებული არ არის.
პრეპარატის ზემოქმედება ავტოტრანსპორტისა და მექანიზმების მართვის უნარზე: გასათვალისწინებელია, რომ პრეპარატის მიღებამ შესაძლოა მოახდინოს გავლენა სატრანსპორტო საშუალებებისა და მექანიზმების მართვის უნარზე მხედველობის დარღვევისა და თავბრუს, როგორც პრეპარატის გვერდითი მოვლენების, შესაძლო გამოვლენის გამო.

შეფუთვა:
1 ტაბლეტი ბლისტერზე, 1 ბლისტერი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
ფარმაცევტული პროდუქტის ჯგუფი III – გაიცემა ურეცეპტოდ.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.
www.aversi.ge

ურობერი ადვანსი #30კაფს

ურობერი ადვანსი

შემადგენლობა: შტოშის ექსტრაქტი – 200მგ, გლერძი – 100 მგ, არყის ხის ფოთოლი – 50 მგ, აგატოსმა – 50 მგ, ოქროწკეპლა – 50 მგ, შვიტა – 50 მგ, ღვიის კენკრა – 50 მგ, ვარდკანაფას ფესვი – 50, დათვის კენკრა – 50 მგ, ჭინჭრის ფოთოლი – 25 მგ, თირკმლის ჩაი – 5 მგ,
სპეციალური ნაზავი: დარიჩინი, ჯანჯაფილის ფესვი, ყვითელი კოჭა, მწვანე ჩაი, როზმარინი, ყურძნის თესლი, ველური მოცვი, ჟოლო, შტოში, მარწყვი – 25 მგ

ფარმაკოლოგიური თვისებები: ურობერი არის მცენარეული წარმოშობის კომბინირებული პრეპარატი უროსეპტიური, დიურეზული, ლითოლიზური, ანტიბაქტერიული და სპაზმოლიზური მოქმედებით. ხელს უშლის პათოგენური მიკროორგანიზმების გამრავლებას ურეთრასა და შარდის ბუშტში და მათ ადჰეზიას საშარდე გზების ეპითელიუმზე, ცვლის შარდის pH -ს ისე, რომ შექმნას ბაქტერიების გამრავლებისათვის არახელსაყრელი გარემო. აქვს ანტიბაქტერიული მოქმედება, განსაკუთრებით აქტიურია E.Coli – ის მიმართ, ასევე ახასიათებს ანთების საწინააღმდეგო, ანტიოქსიდანტური, ანტიკანცეროგენული, სპაზმოლიზური მოქმედება. აუმჯობესებს თირკმლის ფუნქციას და ზრდის დიურეზს, ასტიმულირებს შარდმჟავა მარილების გამოყოფას, შლის ოქსალატებს, ფოსფატებს და ურატებს, აფერხებს კრისტალების წარმოქმნას, კენჭების ფორმირებასა და ზრდას. ხელს უწყობს ზედა და ქვედა საშარდე გზების, თირკმლის ფუნქციონალურ ნორმალიზაციას, აფერხებს ინფექციის განვითარებას, ამცირებს ცისტიტების განვითარების რისკს და პათოგენური ბაქტერიების რეზისტენტობის განვითარებას ანტიბიოტიკების მიმართ კომპლექსურ თერაპიაში

ჩვენება:

თირკმელებში მარილების (ურატები, ოქსალატები, ფოსფატები, კარბონატები) წარმოქმნა.
წვრილი უროლითიაზი
კენჭის წარმოქმნის რეციდივის პროფილაქტიკა კონკრემენტების მოცილების შემდეგ.
პოდაგრა
შარდ-გამომყოფი გზების ინფექციების მკურნალობა და პროფილაქტიკა: ცისტიტი, ურეთრიტი, პიელონეფრიტი

უკუჩვენებები: პრეპარატის შემადგენელი კომპონენტების მიმართ მომატებული მგრძნობელობა, ორსულობისა და ლაქტაციის პერიოდში, 18 წლამდე პრეპარატი მიიღება ექიმის რეკომენდაციით.

დოზირება: 1 კაფსულა 2-ჯერ დღეში

შენახვის პირობები: ინახება მშრალ, გრილ, ბავშვებისათვის მიუწვდომელ ადგილას.

გამოშვების ფორმა: N30 კაფსულა

მწარმოებელი: ამვილაბი – აშშ.

სერთიფიცირებულია აშშ-ს წამლის სააგენტოს FDA – ს მიერ.

კონკორი 5მგ #50ტ

კონკორი
5 მგ ტაბლეტები
CONCOR

საერთაშორისო დასახელება – bisoprolol

კლინიკურ-ფარმაკოლოგიური ჯგუფი – ადრენომაბლოკირებელი საშუალებები; ბეტა1 ადრენომაბლოკირებელი საშუალებები

შემადგენლობა და გამოშვების ფორმა
შეფუთვაში 30, 50 და 100 ტაბლეტი.

გარსით დაფარული ერთი ტაბლეტი შეიცავს აქტიურ ნენტს: 5 მგ ბისოპროლოლის ფუმარატს (2:1).
დამხმარე კომპონენტები: სილიციუმის კოლოიდური დიოქსიდი, მაგნიუმის სტეარატი, კროსპოვიდონი, მიკროკრისტალური ცელულოზა, სიმინდის სახამებელი, კალციუმის ჰიდროფოსფატი, დიმეტიკონ 100, მაკროგოლ 400, რკინის ოქსიდი, ტიტანის ოქსიდი, მეთილჰოდროქსიპროპილცელულოზა.

ფარმაკოლოგიური თვისებები
კონკორი – ბეტა1 ადრენობლოკერების ჯგუფის პრეპარატია. თერაპიულ დოზებში არ გააჩნია საკუთარი სიმპათომიმეტური აქტივობა და კლინიკურად მნიშვნელოვანი მემბრანომასტაბილებელი თვისებები. მაქსიმალურ მოქმედებას აღწევს მიღებიდან 13 საათში და გრძელდება 24 საათის განმავლობაში.

ჩვენებები
არტერიული ჰიპერტენზია. გულის იშემიური დაავადება (სტენოკარდია). გულის ქრონიკული უკმარისობა.

მიღების წესები და დოზები
თუ არ არის სხვა მითითება, არტერიული ჰიპერტენზიით და გულის იშემიური დაავადებიან პაციენტებს ენიშნებათ კონკორი®-ის (5 მგ ბისო პროლოლის ფუმარატი) გარსით დაფარული ერთი ტაბლეტი დღეში ერთხელ. მკურნალობის დასაწყისში შეიძლება დაინიშნოს 1/2 ტაბლეტი (2.5 მგ ბისოპროლოლის ფუმარატი). აუცილებლობის შემთხვევაში შეიძლება დაინიშნოს 2 ტაბლეტი (10 მგ ბისოპროლოლის ფუმარატი) ერთხელ დღეში. დოზის შემდგომი გაზრდა მხოლოდ განსაკუთრებულ შემთხვევებშია გამართლებული. ნებისმიერ შემთხვევაში დოზის შერჩევა ინდივიდუალურად ხდება პულსისა და მკურნალობის წარმატების გათვალისწინებით.
მსუბუქი ან საშუალო ხარისხის ღვიძლისა და თირკმლის ფუნქციების დარღვევის მქონე პაციენტებისთვის გამოიყენება ჩვეული დოზა, ხოლო იმ პაციენტებში, რომელთაც აღენიშნებათ თირკმლის ფუნქციის გამოხატული დაქვეითება (კრეატინინის კლირენსი 20 მლ.წთზე ნაკლები) და ღვიძლის ფუნქციების დარღვევის მძიმე ფორმა, ბისოპროლოლის ფურამატის სადღეღამისო დოზა არ უნდა აჭარბებდეს 10 მგს. კონკორი® ენიშნებათ პაციენტებს, რომელთაც აღენიშნებათ გამოხატული და მძიმე გულის ქრონიკული უკმარისობა დაქვეითებული სისტოლური ფუნქციით (ექოკარდიოგრაფიული მონაცემებით განდევნის ფრაქცია არა უმეტეს 35%-სა), სტაბილიზაციის მდგომარეობაში (ბოლო 6 კვირის განმავლობაში დეკომპენსაციის გარეშე). კონკორის მიღებამდე ორი კვირით ადრე დანიშნული სხვა პრეპარატების შეცვლა არ არის რეკომენდებული. გულის ქრონიკული უკმარისობით დაავადებულ ავადმყოფებს ენიშნებათ კონკორი კომბინაციაში აგფ ინჰიბიტორებთან (ან სხვა ვაზოდილატატორებთან, თუ ორგანიზმი ვერ იტანს აგფ ინჰიბიტორს), დიურეტიკებთან და, აუცილებლობის შემთხვევაში საგულე გლიკოზიდებთან.
გულის ქრონიკული უკმარისობის მკურნალობისას რეკომენდებულია დოზირების შემდეგი რეჟიმი: პირველი კვირის განმავლობაში დღეში 1.25 მგ კონკორი ერთჯრადად. მეორე კვირის განმავლობაში 2.5 მგ დღეღამეში (5 მგ იანი ბისოპროლოლის ფურამატის 1/2 ტაბლეტი). მესამე კვირას დოზირება შეადგენს 3.75 მგს დღეღამეში. მეოთხე კვირიდან შვიდი კვირის ჩათვლით – ბისოპროლოლის ფურამატის 5 მგ (5 მგიანი კონკორი®ის 1 ტაბლეტი ან 10 მგიანი კონკორის 1/2 ტაბლეტი). შემდეგ ხდება დოზის გაზრდა 7.5 მგმდე (მერვე კვირიდან მეთორმეტე კვირამდე). მეთორმეტე კვირის შემდეგ ინიშნება მაქსიმალური დოზა – 10 მგ (შესაბამისად 5 მგ-იანი კონკორი®-ს 2 ტაბლეტი ან 10 მგ-იანი კონკორის 1 ტაბლეტი). ექიმს შეუძლია დოზირების რეჟიმის კორეგირება ინდივიდუალური ამტანიანობის გათვალისწინებით. 1.25 მგ დოზით მკურნალობის დაწყების შემდეგ გულის ქრონიკული უკმარისობით დაავადებული პაციენტი გამოკვლეულ უნდა იქნას 4 საათის განმავლობაში (არტერიული წნევა, გულის შეკუმშვათა სიხშირე, გამტარებლობის დარღვევა, გულის უკმარისობის სიმპტომების გაუარესება).
გვერდითი მოვლენების წარმოქმნამ შესაძლოა ხელი შეუშალოს პაციენტებისათვის მაქსიმალურად რეკომენდებული დოზის დანიშვნას. აუცილებლობის შემთხვევაში შეიძლება მიღწეული დოზის თანდათანობით დაკლება. მკურნალობა შეიძლება შეწყვეტილ იქნას აუცილებლობის შემთხვევაში, ხოლო შემდეგ განახლდეს იგივე სქემით. დოზის მომატების პროცესში პრეპარატის გადაუტანლობის განვითარების ან გულის უკმარისობის სიმპტომების გაუარესების შემთხვევაში რეკომენდირებულია უპირველესად, კონკორის დოზის შემცირება ან პრეპარატის მიღების მყისვე შეწყვეტა (გამოხატული ჰიპოტონიის, გულის უკმარისობის კლინიკის გაუარესების შემთხვევაში, რომელსაც თან ახლავს ფილტვების მწვავე შეშუპება, კარდიოგენული შოკი, ბრადიკარდიები ან ატრიოვენტრიკულური ბლოკადა).
მიღების წესი და ხანგრძლივობა
გარსიანი ტაბლეტი. მიღება ხდება დაუღეჭავად მცირე რაოდენობის სითხესთან ერთად. კონკორი®-ს მიღება რეკომენდებულია დილით უზმოზე ან საუზმის დროს. პრეპარატით მკურნალობისას საჭიროა ექიმის რეგულარული მეთვალყურეობა. როგორც წესი, მკურნალობის კურსი ხანგრძლივია.არ შეიძლება ექიმის მითითების გარეშე კონკორი®-ს დოზირების შეცვლა ან მკურნალობის შეწყვეტა. კონკორი®-თ მკურნალობის შეწყვეტა უნდა მოხდეს დოზის თანდათანობით შემცირებით. ეს განსაკუთრებით გასათვალისწინებელია კორონარული სისხლძარღვების დაავადებების, აგრეთვე გულის ქრონიკული უკმარისობის მქონე პაციენტებში (ასეთ ავადმყოფებთან დოზის შემცირება ხდება 2ჯერ კვირაში). ყველა შემთხვევაში მკურნალობის ხანგრძლივობას ადგენს ექიმი.

გვერდითი მოვლენები
- ნერვული სისტემა: განსაკუთრებით მკურნალობის კურსის დაწყებისას შესაძლოა განვითარდეს ცნს-ის ფუნქციური დარღვევები: მაგალითად, დაღლილობა, თავბრუსხვევის შეგრძნება, თავის ტკივილი, ძილის დარღვევა, სიზმრების აქტივაცია, აგრეთვე ფსიქიური დარღვევები (დეპრესია, იშვიათად ჰალუცინაციები). ამ მოვლენებს ჩვეულად მსუბუქი ხასიათი გააჩნიათ და, როგორც წესი, ისინი ქრებიან მკურნალობის დაწყებიდან 12 კვირის შემდეგ.
- მხედველობის ორგანოები: იშვიათად აღინიშნება: მხედველობის დარღვევა, ცრემლწარმოქმნის შემცირება(გასათვალისწინებელია იმ პირთათვის, ვინც კონტაქტურ ლინზებს ატარებს), კონიუქტივის ანთება.
- გულსისხლძარღვთა სისტემა და სისხლის მიმოქცევა: კერძო შემთხვევებში აღინიშნება ორთოსტატული ჰიპოტონია, ბრადიკარდია, ატრიოვენტრიკულური გამტარებლობის დარღვევა, გულის უკმარისობა, პერიფერიული შეშუპეპა, პარესთეზიები. რეინოს სინდრომითა და ხანგამოშვებითი კოჭლობით დაავადებულ პაციენტებში აღწერილია დაავადების გაძლიერების ერთეული შემთხვევები თერაპიის საწყის ეტაპზე.
- სასუნთქი სისტემა: ავადმყოფებში, რომლებიც მიდრეკილნი არიან ბრონქოსპაზმებისკენ, მაგალითად ასთმოიდული ბრონქიტი, იშვიათად აღინიშნება ქოშინი.
- საჭმლის მომნელებელი ტრაქტი: ერთეულ შემთხვევებში აღინიშნება ფაღარათი (დიარეა), ყაბზობა, გულისრევის შეგრძნება, ტკივილები მუცლის არეში.
- საყრდენმამოძრავებელი სისტემა: ცალკეულ შემთხვევებში აღინიშნება კუნთების სისუსტე, კრუნჩხვები, სახსრების ტკივილი (ართროპათია) ერთი ან რამდენიმე სახსრის დაზიანებით (მონო ან პოლიართრიტი).
- დერმატოლოგიური რეაქციები: მაგალითად, ხანდახან: ქავილი; იშვიათად: კანის შეწითლება, ოფლიანობა, გამონაყარი.
- შარდსასქესო სისტემა: იშვიათად პოტენციის დარღვევა. ლაბორატორიული მაჩვენებლები: სისხლში ღვიძლის ფერმენტების მომატება (ასატ,ალატ). თანმხლები (მათ შორის ლატენტური) შაქრიანი დიაბეტის დროს შესაძლოა განვითარდეს გლუკოზისადმი ტოლერანტობის დაქვეითება, აღინიშნოს ჰიპოგლიკემიის შენიღბული ნიშნები (მაგალითად, გახშირებული პულსი). ცალკეულ შემთხვევებში აღინიშნებოდა ტრიგლიცერიდების მომატება.

უკუჩვენება
არ არის რეკომენდებული კონკორი®ს გამოყენება კარდიოგენური შოკის, II და III ხარისხის ატრიოვენტრიკულური ბლოკადის, სინუსური კვანძის სისუსტის, გამოხატული სინოატრიალური ბლოკადის, ბრადიკარდიის (გულის შეკუმშვათა სიხშირე 50ზე ნაკლები), გამოხატული ჰიპოტენზიის (სისტოლური წნევა 90 მმ ვ.წყ.სზე ნაკლები), ბრონქოსპაზმებისადმი მიდრეკილების (ბრონქული ასთმა, სასუნთქი გზების ობსტრუქციული დაა ვადებები), პერიფერიული სისხლის მიმოქცევის მოშლის გვიანი სტადიების, მაო ინჰიბიტორებთან ერთდროული მიღების (გამონაკლისი მაო-B) დროს. ფსორიაზის არსებობისას პაციენტის ან მისი ნათესავების ანამნეზში ბეტა ბლოკერების (მაგალითად, კონკორის) დანიშვნა უნდა ხდებოდეს მოსალოდნელი რისკისა და სარგებელის ზედმიწევნითი შეფასების შემდეგ.
კონკორი®-ს დანიშვნა იმ ავადმყოფებისათვის, რომელთაც აღენიშნებათ ფეოქრომოციტომა, დასაშვებია მხოლოდ ალფარეცეპტორების ბლოკერების მიღების შემდეგ.
გულის ქრონიკული უკმარისობით დაავადებულებში კონკორის გა მოყენება არ არის რეკომენდებული გულის უკმარისობის კლინიკის გამწვავების ან დეკომპენსაციის ეპიზოდების დროს, როდესაც საჭიროა ინოტროპული პრეპარატების ინტრავენული შეყვანა. გარდა ამისა, კონკორის გამოყენება წინააღმდეგნაჩვენებია გულის ქრონიკული უკმარისობით დაავადებულთათვის ბრადიკარდიის დროს, თუ პულსი წუთში 60 დარტყმაზე ნაკლებია და ჰიპოტენზიის დროს, თუ სისტოლური არტერიული წნევა ვერცხლისწყლის სვეტის 100 მმ-ზე დაბალია.

ორსულობა და ლაქტაცია
არ არის რეკომენდებული კონკორი®-ს მიღება ორსულობისა და ლაქტაციის პერიოდში, აგრეთვე არ შეიძლება პრეპარატის დანიშვნა ბავშვებისათვის, ვინაიდან არ არსებობს სარწმუნო კვლევები და გამოცდილება.
თუ განსაკუთრებულ შემთხვევაში კონკორი® გამოიყენება ორსულობის დროს, მისი მიღება უნდა შეწყდეს მშობიარობის სავარაუდო ვადამდე 72 საათით ადრე, რადგანაც შესაძლოა საქმე გვქონდეს ახალშობილის პულსის შენელებასთან, სისხლის წნევის დაწევასთან, სისხლში შაქრის დონის შემცირებასა და სუნთქვის დათრგუნვასთან. თუ პრეპარატის მიღების შეწყვეტა შეუძლებელია, მაშინ ახალშობილი მშობიარობის შემდეგ უნდა იმყოფებოდეს განსაკუთრებული მეთვალყურეობის ქვეშ. ჰიპოგლიკემიის სიმპტომები მოსალოდნელია პირველი 3 დღეღამის განმავლობაში.

განსაკუთრებული მითითებები
სიფრთხილის გამოჩენაა საჭირო შემდეგ შემთხვევებში:
- შაქრიანი დიაბეტით დაავადებულების მკურნალობისას, რომელთა სისხლშიც შაქრის დონე მნიშვნელოვნად მერყეობს. რადგანაც შეიძლება შეინიღბოს ჰიპოგლიკემიის სიმპტომები.
– მკაცრი დიეტის დაცვისას.
– მეტაბოლური აციდოზით დაავადებულთა მკურნალობისას.
– ანამნეზში მძიმე ჰიპერმგრძნობელობის რეაქციის მქონე ავადმყოფთა მკურნალობისას.
– მადესენსიბილებელი თერაპიის ჩატარებისას.
– I ხარისხის ატრიოვენტრიკულური ბლოკადისას.
– ვაზოსპასტიური სტენოკარდიის დროს (პრინცმეტალის სტენოკარდია).
ცალკეულ შემთხვევაში ბეტაადრენობლოკერებმა (მაგალითად, კონკორ®მა) შესაძლოა გამოიწვიონ ფსორიაზი, გააუარესონ ამ დაავადების სიმპტომები ან მოგვცენ ფსორიაზის მაგვარი გამონაყარი კანზე.იმპაციენტებს, რომლებიც ღებულობენ ბეტარეცეპტორების ბლოკერებს, ანაფილაქსიური რეაქციის სიჭარბისა და შესუსტებული ადრენერგული უკურეგულაციის შედეგად შეიძლება განუვითარდეთ ჰიპერმგრძნობელობითი რეაქციების გაცილებით მძიმე ფორმები.
ბეტარეცეპტორების ბლოკერების მიღებისას ერთეულ შემთხვევაში შეიძლება აღინიშნოს: თმისცვენა, სმენის დარღვევა ან ყურებში ხმაური, სხეულის მასის მომატება, გუნებაგანწყობის შეცვლა, მეხსიერების ხანმოკლე დაკარგვა, ალერგიული რინიტი. მაღალი არტერიული წნევის საწინააღმდეგო მკურნალობა ამ მედიკამენტით მოითხოვს ექიმის რეგულარულ კონტროლს. ინდივიდუალური ხასიათის სხვადასხვა რეაქციის შედეგად შეიძლება დაქვეითდეს მანქანის ან მექანიზმების აქტიური მართვის უნარი. ეს ძირითადად ეხება მკურნალობის საწყის ეტაპსა და პრეპარატის შეცვლის პერიოდს, ასევე პრეპარატთან ერთად ალკოჰოლის მიღებას.

სხვა წამლებთან ურთიერთქმედება
კონკორი®-ის სხვა ჰიპოტენზიურ პრეპარატებთან ერთად ერთდროული დანიშვნისას შეიძლება ამ უკანასკნელთა ეფექტი გაძლიერდეს. რეზერპინით, ალფამეთილდოფათი, კლონიდინით, სათითურას პრეპარატებით ან გუანფაცინით ერთდოული მკურნალობისას შესაძლოა გაცილებით მკვეთრად დაქვეითდეს გულისცემის სიხშირე. გარდა ამისა, კლონიდინმა, სათითურას პრეპარატებმა და გუანფაცინმა შეიძლება გამოიწვიონ მიოკარდში აგზნების გატარების შეფერხება. კონკორ®-თან ერთად სიმპტომურად მოქმედი სუბსტანციების (მაგალითად, ხველების საწინააღმდეგო საშუალებების, ცხვირისა და თვალის წვეთების) მიღებისას კონკორი®ს ეფექტურობა ქვეითდება.
ნიფედიპინის ან დიჰიდროპირიდინის ტიპის სხვა კალციუმის ანტაგონისტების ერთდროული მიღებისას შესაძლოა გაძლიერდეს კონკორი®-ს ჰიპოტენზიური მოქმედება. ვერაპამილის ან დილთიაზემის ჯგუფის კალციუმის ანტაგონისტებთან ან სხვა ანტიარითმიულ პრეპარატებთან ერთდროული დანიშვნისას ჰიპოტონიის, ბრადიკარდიის და გულის რითმის სხვა დარღვევების გამო ავადმყოფი უნდა იმყოფებოდეს ექიმის მეთვალყურეობის ქვეშ. ამიტომ კონკორი®თ მკურნალობის დაწყებამდე უნდა შეწყდეს კალციუმის ანტაგონისტებისა და სხვა ანტიარითმიული პრეპარატების ინტრავენური შეყვანა.
კლონიდინით ერთდროული მკურნალობის შემთხვევაში წამლის მოხსნა შეიძლება მხოლოდ იმ შემთხვევაში, თუ რამდენიმე დღით ადრე დამთავრებულია კონკორის მიღება. ერგოტამინის წარმოებულებისა და კონკორი®ს ერთდროულმა მიღებამ შეიძლება გააძლიეროს პერიფერიული სისხლისმიმოქცევის დარღვევა. კონკორი®-სა და რიმფაპიცინის ერთდროულმა მიღებამ შესაძლოა უმნიშვნელოდ შეამციროს ბისოპროლოლის ნახევრადგამოყოფის პერიოდი. დოზის გაზრდა ჩვეულებრივ საჭირო არ ხდება.
ბეტაბლოკერებმა შეიძლება გააძლიერონ ინსულინისა და პერორალური ჰიპოგლიკემიური საშუალებების მოქმედება, აგრეთვე შეამცირონ ჰიპოგლიკემიის სიმპტომები, ამიტომ შაქრიანი დიაბეტის მქონე პაციენტები საჭიროებენ სისხლში შაქრის დონის მუდმივ კონტროლს.
ნარკოზის დროს უარესდება გულის ფუნქციური მდგომარეობა, ამიტომ ზოგადი ნარკოზის მიცემამდე ექიმი ანესთეზიოლოგი უნდა იქნას ინფორმირებული პაციენტის კონკორი®თ მკურნალობის შესახებ.

შენახვის პირობები და ვადები
ინახება ბავშვებისათვის მიუწვდომელ ადგილას.
ვარგისიანობის ვადა – 5 წელი. შენახვის ვადა აღნიშნულია შეფუთვაზე. არ შეიძლება პრეპარატის გამოყენება შენახვის ვადის გასვლის შემდეგ.

აფთიაქში გაცემის წესი
ექიმის რეცეპტით.

მწარმოებელი ფირმა, ქვეყანა
მარკ KGaA ნიკომედისთვის, გერმანია
გერმანია

კონკორი 10მგ #50ტ

საერთაშორისო დასახელება – bisoprolol

კლინიკურ-ფარმაკოლოგიური ჯგუფი – ადრენომაბლოკირებელი საშუალებები; ბეტა1 ადრენომაბლოკირებელი საშუალებები

შემადგენლობა და გამოშვების ფორმა
შეფუთვაში 30, 50 და 100 ტაბლეტი.

გარსით დაფარული ერთი ტაბლეტი შეიცავს აქტიურ კომპონენტს: 10 მგ ბისოპროლოლის ფუმარატს (2:1).
დამხმარე კომპონენტები: სილიციუმის კოლოიდური დიოქსიდი, მაგნიუმის სტეარატი, კროსპოვიდონი, მიკროკრისტალური ცელულოზა, სიმინდის სახამებელი, კალციუმის ჰიდროფოსფატი, დიმეტიკონ 100, მაკ-როგოლ 400, რკინის ოქსიდი, ტიტანის ოქსიდი, მეთილჰოდროქსიპროპილცელულოზა.

ფარმაკოლოგიური თვისებები
კონკორი – ბეტა1 ადრენობლოკერების ჯგუფის პრეპარატია. თერაპიულ დოზებში არ გააჩნია საკუთარი სიმპათომიმეტური აქტივობა და კლინიკურად მნიშვნელოვანი მემბრანომასტაბილებელი თვისებები. მაქსიმალურ მოქმედებას აღწევს მიღებიდან 1-3 საათში და გრძელდება 24 საათის განმავლობაში.

ჩვენებები
– არტერიული ჰიპერტენზია.
– გულის იშემიური დაავადება (სტენოკარდია).
– გულის ქრონიკული უკმარისობა.

მიღების წესები და დოზები
თუ არ არის სხვა მითითება,არტერიული ჰიპერტენზიით და გულის იშემიური დაავადებიან პაციენტებს ენიშნებათ კონკორი®-ს (10 მგ ბისოპროლოლის ფუმარატი) გარსით დაფარული ერთი ტაბლეტი დღეში ერთხელ. მკურნალობის დასაწყისში შეიძლება დაინიშნოს 1/2 ტაბლეტი (5 მგ ბისოპროლოლის ფუმარატი). დოზის შემდგომი გაზრდა მხოლოდ განსაკუთრებულ შემთხვევებშია გამართლებული. ნებისმიერ შემთხვევაში დოზის შერჩევა ინდივიდუალურად ხდება პულსისა და მკურნალობის წარმატების გათვალისწინებით. მსუბუქი ან საშუალო ხარისხის ღვიძლისა და თირკმლის ფუნქციების დარღვევის მქონე პაციენტებისთვის გამოიყენება ჩვეული დოზა, ხოლო იმ პაციენტებში, რომელთაც აღენიშნებათ თირკმლის ფუნქციის გამოხატული დაქვეითება (კრეატინინის კლირენსი 20 მლ.წთზე ნაკლები) და ღვიძლის ფუნქციების დარღვევის მძიმე ფორმა, ბისოპროლოლის ფურამატის სადღეღამისო დოზა არ უნდა აჭარბებდეს 10 მგ-ს. კონკორი® ენიშნებათ პაციენტებს, რომელთაც აღენიშნებათ გამოხატული და მძიმე გულის ქრონიკული უკმარისობა დაქვეითებული სისტოლური ფუნქციით (ექოკარდიოგრაფიული მონაცემებით განდევნის ფრაქცია არა უმეტეს 35%-სა), სტაბილიზაციის მდგომარეობაში (ბოლო 6 კვირის განმავლობაში დეკომპენსაციისგარეშე).კონკორისმიღებამდეორიკვირითადრე დანიშნული სხვა პრეპარატების შეცვლა არ არის რეკომენდებული. გულის ქრონიკული უკმარისობით დაავადებულ ავადმყოფებს ენიშნებათ კონკორი კომბინაციაში აგფ ინჰიბიტორებთან (ან სხვა ვაზოდილატატორებთან, თუ ორგანიზმი ვერ იტანს აგფ ინჰიბიტორს), დიურეტიკებთან და, აუცილებლობის შემთხვევაში საგულე გლიკოზიდებთან. გულის ქრონიკული უკმარისობის მკურნალობისას რეკომენდებულია დოზირების შემდეგი რეჟიმი: პირველი კვირის განმავლობაში დღეში 1.25 მგ კონკორი ერთჯრადად. მეორე კვირის განმავლობაში2.5 მგ დღეღამეში (5 მგ იანი ბისოპროლოლის ფურამატის 1/2 ტაბლეტი). მესამე კვირას დოზირება შეადგენს 3.75 მგს დღეღამეში. მეოთხე კვირიდან შვიდი კვირის ჩათვლით – ბისოპროლოლის ფურამატის 5 მგ (5 მგიანი კონკორი®ს 1 ტაბლეტი ან 10 მგიანი კონკორის 1/2 ტაბლეტი). შემდეგ ხდება დოზის გაზრდა 7.5 მგმდე (მერვე კვირიდან მეთორმეტე კვირამდე). მეთორმეტე კვირის შემდეგ ინიშნება მაქსიმალური დოზა – 10 მგ (10 მგიანი კონკორის 1 ტაბლეტი). ექიმს შეუძლია დოზირების რეჟიმის კორეგირება ინდივიდუალური ამტანიანობის გათვალისწინებით. 1.25 მგ დოზით მკურნალობის დაწყების შემდეგ გულის ქრონიკული უკმარისობით დაავადებული პაციენტი გამოკვლეულ უნდა იქნას 4 საათის განმავლობაში (არტერიული წნევა, გულის შეკუმშვათა სიხშირე, გამტარებლობის დარღვევა, გულის უკმარისობის სიმპტომების გაუარესება).
გვერდითი მოვლენების წარმოქმნამ შესაძლოა ხელი შეუშალოს პაციენტებისთვის მაქსიმალურად რეკომენდირებული დოზის დანიშვნას. აუცილებლობის შემთხვევაში შეიძლება მიღწეული დოზის თანდათანობით დაკლება. მკურნალობა შეიძლება შეწყვეტილ იქნას აუცილებლობის შემთხვევაში, ხოლო შემდეგ განახლდეს იგივე სქემით. დოზის მომატების პროცესში პრეპარატის გადაუტანლობის განვითარებისა ან გულის უკმარისობის სიმპტომების გაუარესების შემთხვევაში რეკომენდირებულია უპირველესად, კონკორის დოზის შემცირება ან პრეპარატის მიღების მყისვე შეწყვეტა (გამოხატული ჰიპოტონიის, გულის უკმარისობის კლინიკის გაუარესების შემთხვევაში, რომელსაც თან ახლავს ფილტვების მწვავე შეშუპება, კარდიოგენული შოკი, ბრადიკარდიები ან ატრიოვენტრიკულური ბლოკადა).
გარსიანი ტაბლეტი. მიღება ხდება დაუღეჭავად მცირე რაოდენობით სითხესთან ერთად. კონკორის მიღება რეკომენდებულია დილით უზმოზე ან საუზმის დროს.
პრეპარატით მკურნალობისას საჭიროა ექიმის რეგულარული მეთვალყურეობა. როგორც წესი, მკურნალობის კურსი ხანგრძლივია.არ შეიძლება ექიმის მითითების გარეშე კონკორი®-ს დოზირების შეცვლა ან მკურნალობის შეწყვეტა. კონკორი®-თ მკურნალობის შეწყვეტა უნდა მოხდეს დოზის თანდათანობით შემცირებით. ეს განსაკუთრებით გასათვალისწინებელია კორონარული სისხლძარღვების დაავადებების, აგრეთვე გულის ქრონიკული უკმარისობის მქონე პაციენტებში (ასეთ ავადმყოფებთან დოზის შემცირება ხდება 2-ჯერ კვირაში). ყველა შემთხვევაში მკურნალობის ხანგრძლივობას ადგენს ექიმი.

გვერდითი მოვლენები
- ნერვული სისტემა: განსაკუთრებით მკურნალობის კურსის დაწყებისას შესაძლოა განვითარდეს ცნსის ფუნქციური დარღვევები: მაგალითად, დაღლილობა, თავბრუსხვევის შეგრძნება, თავის ტკივილი, ძილის დარღვევა, სიზმრების აქტივაცია, აგრეთვე ფსიქიური დარღვევები (დეპრესია, იშვიათად ჰალუცინაციები). ამ მოვლენებს ჩვეულად მსუბუქი ხასიათი გააჩნიათ და, როგორც წესი, ისინი ქრებიან მკურნალობის დაწყებიდან 1-2 კვირის შემდეგ.
- მხედველობის ორგანოები: იშვიათად აღინიშნება: მხედველობის დარღვევა, ცრემლწარმოქმნის შემცირება(გასათვალისწინებელია იმ პირთათვის, ვინც კონტაქტურ ლინზებს ატარებს), კონიუქტივის ანთება.
- გულსისხლძარღვთა სისტემა და სისხლის მიმოქცევა: კერძო შემთხვევებში აღინიშნება ორთოსტატული ჰიპოტონია, ბრადიკარდია, ატრიოვენტრიკულური გამტარებლობის დარღვევა, გულის უკმარისობა, პერიფერიული შეშუპეპა, პარესთეზიები. რეინოს სინდრომითა და ხანგამოშვებითი კოჭლობით დაავადებულ პაციენტებში აღწერილია დაავადების გაძლიერების ერთეული შემთხვევები თერაპიის საწყის ეტაპზე.
- სასუნთქი სისტემა: ავადმყოფებში, რომლებიც მიდრეკილნი არიან ბრონქოსპაზმებისკენ, მაგალითად ასთმოიდული ბრონქიტი, იშვიათად აღინიშნება ქოშინი.
- საჭმლის მომნელებელი ტრაქტი: ერთეულ შემთხვევებში აღინიშნება ფაღარათი (დიარეა), ყაბზობა, გულისრევის შეგრძნება, ტკივილები მუცლის არეში.
- საყრდენმამოძრავებელი სისტემა: ცალკეულ შემთხვევებში აღინიშნება კუნთების სისუსტე, კრუნჩხვები, სახსრების ტკივილი (ართროპათია) ერთი ან რამდენიმე სახსრის დაზიანებით (მონო ან პოლიართრიტი).
- დერმატოლოგიური რეაქციები: მაგალითად, ხანდახან: ქავილი; იშვიათად: კანის შეწითლება, ოფლიანობა, გამონაყარი.
- შარდსასქესო სისტემა: იშვიათად პოტენციის დარღვევა. ლაბორატორიული მაჩვენებლები: სისხლში ღვიძლის ფერმენტების მომატება (ასატ,ალატ). თანმხლები (მათ შორის ლატენტური) შაქრიანი დიაბეტის დროს შესაძლოა განვითარდეს გლუკოზისადმი ტოლერანტობის დაქვეითება, აღინიშნოს ჰიპოგლიკემიის შენიღბული ნიშნები (მაგალითად, გახშირებული პულსი). ცალკეულ შემთხვევებში აღინიშნებოდა ტრიგლიცერიდების მომატება.

უკუჩვენება
არ არის რეკომენდებული კონკორი®ს გამოყენება კარდიოგენური შოკის, II და III ხარისხის ატრიოვენტრიკულური ბლოკადის, სინუსური კვანძის სისუსტის, გამოხატული სინოატრიალური ბლოკადის, ბრადიკარდიის (გულის შეკუმშვათა სიხშირე 50ზე ნაკლები), გამოხატული ჰიპოტენზიის (სისტოლური წნევა 90 მმ ვ.წყ.სზე ნაკლები), ბრონქოსპაზმებისადმი მიდრეკილების (ბრონქული ასთმა, სასუნთქი გზების ობსტრუქციული დაავადებები), პერიფერიული სისხლის მიმოქცევის მოშლის გვიანი სტადიების, მაოინჰიბიტორებთან ერთდროული მიღების (გამონაკლისი მაო-B) დროს. ფსორიაზის არსებობისას პაციენტის ან მისი ნათესავების ანამნეზში ბეტა ბლოკერების (მაგალითად, კონკორის) დანიშვნა უნდა ხდებოდეს მოსალოდნელი რისკისა და სარგებელის ზედმიწევნითი შეფასების შემდეგ.
კონკორი®-ს დანიშვნა იმ ავადმყოფებისათვის, რომელთაც აღენიშნებათ ფეოქრომოციტომა, დასაშვებია მხოლოდ ალფარეცეპტორების ბლოკერების მიღების შემდეგ. გულის ქრონიკული უკმარისობით დაავადებულებში კონკორი® ს გამოყენება არ არის რეკომენდებული გულის უკმარისობის კლინიკის გამწვავების ან დეკომპენსაციის ეპიზოდების დროს, როდესაც საჭიროა ინოტროპული პრეპარატების ინტრავენული შეყვანა. გარდა ამისა, კონკორის გამოყენება წინააღმდეგნაჩვენებია გულის ქრონიკული უკმარისობით დაავადებულთათვის ბრადიკარდიის დროს, თუ პულსი წუთში 60 დარტყმაზე ნაკლებია და ჰიპოტენზიის დროს, თუ სისტოლური არტერიული წნევა ვერცხლისწყლის სვეტის 100 მმ-ზე დაბალია.

ორსულობა და ლაქტაცია
არ არის რეკომენდებული კონკორი®-ის მიღება ორსულობისა და ლაქტაციის პერიოდში, აგრეთვე არ შეიძლება პრეპარატის დანიშვნა ბავშვებისათვის, ვინაიდან არ არსებობს სარწმუნო კვლევები და გამოცდილება. თუ განსაკუთრებულ შემთხვევაში კონკორი® გამოიყენება ორსულობის დროს, მისი მიღება უნდა შეწყდეს მშობიარობის სავარაუდო ვადამდე 72 საათით ადრე, რადგანაც შესაძლოა საქმე გვქონდეს ახალშობილის პულსის შენელებასთან, სისხლის წნევის დაწევასთან, სისხლში შაქრის დონის შემცირებასა და სუნთქვის დათრგუნვასთან. თუ პრეპარატის მიღების შეწყვეტა შეუძლებელია, მაშინ ახალშობილი მშობიარობის შემდეგ უნდა იმყოფებოდეს განსაკუთრებული მეთვალყურეობის ქვეშ. ჰიპოგლიკემიის სიმპტომები მოსალოდნელია პირველი 3 დღეღამის განმავლობაში.

განსაკუთრებული მითითებები
სიფრთხილის გამოჩენაა საჭირო შემდეგ შემთხვევებში: შაქრიანი დიაბეტით დაავადებულების მკურნალობისას, რომელთა სისხლშიც შაქრის დონე მნიშვნელოვნად მერყეობს. ჰიპოგლიკემიის სიმპტომები შეიძლება შეინიღბოს. მკაცრი დიეტის დაცვისას. მეტაბოლური აციდოზით დაავადებულთა მკურნალობისას. ანამნეზში მძიმე ჰიპერმგრძნობელობის რეაქციის მქონე ავადმყოფთა მკურნალობისას. მადესენსიბილებელი თერაპიის ჩატარებისას. I ხარისხის ატრიოვენტრიკულური ბლოკადისას. ვაზოსპასტიური სტენოკარდიის დროს (პრინცმეტალის სტენოკარდია).
ცალკეულ შემთხვევაში ბეტაადრენობლოკერებმა (მაგალითად, კონკორ®-მა) შესაძლოა გამოიწვიონ ფსორიაზი, გააუარესონ ამ დაავა დების სიმპტომები ან მოგვცენ ფსორიაზისმაგვარი გამონაყარი კანზე. იმ პაციენტებს, რომლებიც ღებულობენ ბეტარეცეპტორების ბლო კერებს, ანაფილაქსიური რეაქციის სიჭარბისა და შესუსტებული ადრე ნერგული უკურეგულაციის შედეგად შეიძლება განუვითარდეთ ჰიპერ მგრძნობელობითი რეაქციების გაცილებით მძიმე ფორმები.
ბეტარეცეპტორების ბლოკერების მიღებისას ერთეულ შემთხვევაში შეიძლება აღინიშნოს: თმისცვენა, სმენის დარღვევა ან ყურებში ხმაური, სხეულის მასის მომატება, გუნებაგანწყობის შეცვლა, მეხსიერების ხანმოკლე დაკარგვა, ალერგიული რინიტი. მაღალი არტერიული წნევის საწინააღმდეგო მკურნალობა ამ მედიკამენტით მოითხოვს ექიმის რეგულარულ კონტროლს. ინდივიდუალური ხასიათის სხვადასხვა რეაქციის შედეგად შეიძლება დაქვეითდეს მანქანის ან მექანიზმების აქტიური მართვის უნარი. ეს ძირითადად ეხება მკურნალობის საწყის ეტაპსა და პრეპარატის შეცვლის პერიოდს, ასევე პრეპარატთან ერთად ალკოჰოლის მიღებას.

ჭარბი დოზირება
ჰიპერდოზირებისას, რომელიც გამოიხატება ბრადიკარდიის, არტერიული ჰიპოტენზიის, გულის უკმარისობის, ბრონქოსპაზმისა ან გულის შეკუმშვათა სიხშირის შემცირებაში მკურნალობა კონკორი®ით უნდა შეწყდეს. ამ შემთხვევაში უნდა ჩატარდეს კუჭის ამორეცხვა და სასწრაფოდ უნდა მიმართოთ ექიმს.

სხვა წამლებთან ურთიერთქმედება
კონკორი®-ს სხვა ჰიპოტენზიურ პრეპარატებთან ერთად ერთდროული დანიშვნისას შეიძლება ამ უკანასკნელთა ეფექტი გაძლიერდეს. რეზერპინით, ალფამეთილდოფათი, კლონიდინით, სათითურას პრეპარატებით ან გუანფაცინით ერთდოული მკურნალობისას შესაძლოა გაცილებით მკვეთრად დაქვეითდეს გულისცემის სიხშირე. გარდა ამისა, კლონიდინმა, სათითურას პრეპარატებმა და გუანფაცინმა შეიძლება გამოიწვიონ მიოკარდში აგზნების გატარების შეფერხება. კონკორ®-თან ერთად სიმპტომურად მოქმედი სუბსტანციების (მაგალითად, ხველების საწინააღმდეგო საშუალებებსა, ცხვირისა და თვალის წვეთებში არსებულ) მიღებისას კონკორი®-ს მოქმედება ქვეითდება. ნიფედიპინის ან დიჰიდროპირიდინის ტიპის სხვა კალციუმის ანტა გონისტების ერთდროული მიღებისას შესაძლოა გაძლიერდეს კონკორი®-ს ჰიპოტენზიური მოქმედება. ვერაპამილის ან დილთიაზემის ჯგუფის კალციუმის ანტაგონისტებთან ან სხვა ანტიარითმიულ პრეპარატებთან ერთდროული დანიშვნისას ჰიპოტონიის, ბრადიკარდიის და გულის რითმის სხვა დარღვევების გამო ავადმყოფი უნდა იმყოფებოდეს ექიმის მეთვალყურეობის ქვეშ. ამიტომ კონკორი®-თ მკურნალობის დაწყებამდე უნდა შეწყდეს კალციუმის ანტაგონისტებისა და სხვა ანტიარითმიული პრეპარატების ინტრავენური შეყვანა.
კლონიდინით ერთდროული მკურნალობის შემთხვევაში წამლის მოხსნა შეიძლება მხოლოდ იმ შემთხვევაში, თუ რამდენიმე დღით ადრე დამთავრებულია კონკორის მიღება. ერგოტამინის წარმოებულებისა და კონკორი®-ს ერთდროულმა მიღებამ შეიძლება გააძლიეროს პერიფერიული სისხლისმიმოქცევის დარღვევა. კონკორი®-სა და რიმფაპიცინის ერთდროულმა მიღებამ შესაძლოა უმნიშვნელოდ შეამციროს ბისოპროლოლის ნახევრადგამოყოფის პერიოდი. დოზის გაზრდა ჩვეულებრივ არ ხდება საჭირო.
-ბეტაბლოკერებმა შეიძლება გააძლიერონ ინსულინისა და პერორალური ჰიპოგლიკემიური საშუალებების მოქმედება, აგრეთვე შეამცირონ ჰიპოგლიკემიის სიმპტომები, ამიტომ შაქრიანი დიაბეტის მქონე პაციენტები საჭიროებენ სისხლში შაქრის დონის მუდმივ კონტროლს.
– ნარკოზის დროს უარესდება გულის ფუნქციური მდგომარეობა, ამიტომ ზოგადი ნარკოზის მიცემამდე ექიმი ანესთეზიოლოგი უნდა იქნას ინფორმირებული პაციენტის კონკორი®-თ მკურნალობის შესახებ.

შენახვის პირობები და ვადები
ინახება ბავშვებისათვის მიუწვდომელ ადგილას.
ვარგისიანობის ვადა – 5 წელი. შენახვის ვადა აღნიშნულია შეფუთვაზე. არ შეიძლება პრეპარატის გამოყენება შენახვის ვადის გასვლის შემდეგ.

აფთიაქში გაცემის წესი
ექიმის რეცეპტით.

მწარმოებელი ფირმა, ქვეყანა
მერკ KGaA ნიკომედისთვის, გერმანია
გერმანია

ფილიგრა 50მგ #1ტ

ფილიგრა

(FILIGRA)