შემადგენლობა 

25 მგ ნორმოშპირონის თითო ტაბლეტი შეიცავს აქტიური ნივთიერების – სპირონოლაქტონის 25მგ-ს. 

დამხმარე ნივთიერებები: კომპრეცელი, ლაქტოზა, სახამებელი, სილიციუმის დიოქსიდი, ტალკი, მაგნიუმის სტეარატი.

50 მგ ნორმოშპირონის თითო კაფსულა შეიცავს აქტიური ნივთიერების – სპირონოლაქტონის 50მგ-ს. 

დამხმარე ნივთიერებები: ლაქტოზა, სახამებელი, ნატრიუმის ლაურილსულფატი, მაგნიუმის სტეარატი.

100 მგ ნორმოშპირონის თითო კაფსულა შეიცავს აქტიური ნივთიერების – სპირონოლაქტონის 100 მგ-ს. 

დამხმარე ნივთიერებები: ლაქტოზა, სახამებელი, ნატრიუმის ლაურილსულფატი, მაგნიუმის სტეარატი.

მოქმედების მექანიზმი

კალიუმის შემნახველი დიურეზული (შარდმდენი) საშუალება.

კონკურენტული გზით სპირონოლაქტონი ნეფრონის დისტალურ ნაწილებში ხელს უშლის ალდოსტერონით წყლისა და ნატრიუმის შეკავებას და კალიუმის გამოყოფას. ალდოსტერონის მიმართ ანტაგონიზმი ვლინდება არა მხოლოდ ნატრიუმისა და ქლორის იონების ექსკრეციის გაძლიერებით და კალიუმის იონების გამოყოფის შემცირებით, არამედ შარდთან ერთად წყალბადის იონების ბლოკირებით. დიურეზული მოქმედების შედეგად სპირონოლაქტონი ახდენს ჰიპოტენზიურ ეფექტს.

ფარმაკოკინეტიკა

კარგად და სწრაფად შეიწოვება კუჭ-ნაწლავის ტრაქტიდან. დაახლოებით 90% უერთდება პლაზმის ცილებს. სწრაფად მეტაბოლიზდება ფარმაკოლოგიურად აქტიური მეტაბოლიტების წარმოქმნით: 7α-თიომეთილსპირონოლაქტონი და კანრენონი. მეტაბოლიტები ძირითადად გამოიყოფა შარდთან ერთად და მცირე რაოდენობით – ნაღველთან ერთად. სპირონოლაქტონი და მისი მეტაბოლიტები პლაცენტაში და დედის რძეში აღწევენ.

ჩვენება

პირველადი ალდოსტერონიზმი:

– მკურნალობის ხანმოკლე, ოპერაციის წინა კურსისათვის;

– ხანგრძლივი გამოყენებისათვის არაოპერაბელობის ან ავადმყოფის მიერ ოპერაციაზე უარის თქმის შემთხვევაში.

განმეორებით ჰიპერალდოსტერონიზმთან დაკავშირებული შეშუპებების მკურნალობა.

გულის შეგუბებითი უკმარისობა სხვა მკურნალობის არაეფექტურობის ან აუტანლობის შემთხვევაში, ან სხვა დიურეზული საშუალებების ეფექტურობის მომატების აუცილებლობის შემთხვევაში.

ნეფროზული სინდრომი ძირითადი დაავადების მკურნალობის, დიურეზულების გამოყენების არაეფექტურობის და საკვებში მარილის შეზღუდული რაოდენობით გამოყენების შემთხვევაში.

ესენციური ჰიპერტენზია, ძირითადად, ჰიპოკალიემიის დროს კომბინაციაში სხვა ჰიპოტენზიურ საშუალებებთან.

ჰიპოკალიემიის მკურნალობა, როდესაც სხვა მკურნალობის გამოყენება არ შეიძლება.

სათითურას პრეპარატებით მკურნალობის დროს ჰიპოკალიემიის პროფილაქტიკისათვის, როდესაც მკურნალობის სხვა მეთოდები მიუღებელია.

უკუჩვენება

ჰიპერმგრძნობელობა პრეპარატის რომელიმე ინგრედიენტის მიმართ, ანურია, თირკმლის მწვავე უკმარისობა, თირკმლების დაქვეითებული ფუნქცია (გლომერულური ფილტრაცია

უსაფრთხოების ზომები

განსაკუთრებული სიფრთხილეა საჭირო იმ დაავადებების არსებობისას, რომლებიც ქმნიან მიდრეკილებას აციდოზის და/ან ჰიპერკალიემიის განვითარებისაკენ.

თირკმლის დაქვეითებული ფუნქციისას და ჰიპერკალიემიისას შესაძლებელია სისხლში შარდოვანას აზოტის დონის ტრანზიტორუული მომატება. ასევე შესაძლებელია შექცევადი ჰიპერქლორემიული მეტაბოლური აციდოზის განვითარება. თირკმელების, ღვიძლის დაავადებების, ხანდაზმულობის შემთხვევაში აუცილებელია სისხლის ელექტროლიტებისა და თირკმელების ფუნქციის კონტროლი.

ნორმოშპირონი ზეგავლენას ახდენს დიგოქსინის, კორტიზოლისა და ეპინეფრინის კონცენტრაციებზე სისხლში. სპირონოლაქტონით მკურნალობის დროს ალკოჰოლის მიღება აკრძალულია. 

ლაქტოზას აუტანლობის შემთხვევაში გასათვალისწინებელია, რომ პრეპარატის 25 მგ-ანი ტაბლეტი შეიცავს 146 მგ ლაქტოზას მონოჰიდრატს, 50 მგ გაფსულა – 127.5 მგ და 100 მგ კაფსულა – 255 მგ.

დოზის გადაჭარბება

სიმპტომები: ძილიანობა, გონების დაბინდვა, წყალ-ელექტროლიტური ბალანსის დარღვევა.

მკურნალობა სიმპტომურია, სპეციფიური ანტიდოტი არ არსებობს. აუცილებელია წყალ-ელექტროლიტური და მჟავა-ტუტოვანი წონასწორობის უზრუნველყოფა: კალიუმის გამომყოფი დიურეტიკების გამოყენება, ინსულინთან ერთად გლუკოზის პარენტერალური შეყვანა, მძიმე შემთხვევებში – ჰემოდიალიზის ჩატარება.

ორსულობა და ლაქტაციის პერიოდი

ორსულობისა და ლაქტაციის პერიოდში პრეპარატი უკუნაჩვენებია. პრეპარატის დანიშვნის აუცილებლობისას ლაქტაცია უნდა შეწყდეს.

ავტომობილისა და სხვა მექანიკური საშუალებების მართვაზე გავლენა

საწყის პერიოდში, რომლის ხანგრძლივობა ინდივიდუალურია, იკრძალება ავტომანქანის მართვა და ისეთ მექანიზმებთან მუშაობა, რომლებიც საჭიროებს დიდ ყურადღებას და დაკავშირებულია ტრავმატიზმის რისკთან.

სხვა სამკურნალო საშუალებებთან ურთიერთქმედება

შესაძლებელია ინტერაქციები შემდეგ საშუალებებთან:

– სალიცილატები (დიურეზული ეფექტის დაქვეითება);

– სხვა დიურეზული საშუალებები (დიურეზის გაძლიერება);

– ანტიჰიპერტენზიული საშუალებები, განსაკუთრებით, განგლიობლოკატორები (ჰიპოტენზიური ეფექტის გაძლიერება);

– კალიუმი და კალიუმის შემანარჩუნებელი დიურეტიკები (იზრდება ჰიპერკალიემიის რისკი);

– ანთების საწინააღმდეგო არასტეროიდული საშუალებები (იზრდება ჰიპერკალიემიის საშიშროება);

– ანგიოტენზინ-გარდამქმნელი ენზიმის ბლოკატორები (იზრდება ჰიპერკალიემიის საშიშროება);

– ფლუდროკორტიზონი (კალიუმის გამოყოფის პარადოქსული გაძლიერება);

– დიგოქსინი (დიგოქსინის ნახევარგამოყოფის პერიოდის გახანგრძლივება);

– კარბენოქსოლი (კარბენოქსოლის მოქმედების შემცირება);

– ნეომიცინი (მცირდება სპირონოლაქტონის შეწოვა);

– ამონიუმის ქლორიდი (იზრდება აციდოსის განვითარების საშიშროება);

– მითოტანი (აქვეითებს მითოტანის ეფექტურობას);

– კუმარინის წარმოებულები (აქვეითებს ეფექტურობას);

– ტრიპტორელინი, ბუსერელინი, გონადორელინი (აძლიერებს მათ მოქმედებას).

დოზირება და მიღების წესი

პირველადი ალდოსტერონიზმი: დიაგნოზის დასმის შემდეგ 100-400 მგ დღეში როგორც ოპერაციული ჩარევის დამხმარე საშუალება.

არაოპერაბელობის შემთხვევაში შეიძლება ჩატარდეს ხანგრძლივი მკურნალობა უმცირესი ეფექტური დოზით, რომლის შერჩევაც ინდივიდუალურად ხდება. მსგავს შემთხვევებში ყოველ 14 დღეში საწყისი დოზა უნდა შემცირდეს მანამ, სანამ არ იქნება მიღწეული უმცირესი ეფექტური დოზა. ხანგრძლივი მკურნალობისას მიზანშეწონილია პრეპარატის სხვა დიურეზულ საშუალებებთან კომბინირება გვერდითი რეაქციების განვითარების პრევენციის მიზნით.

შეშუპების სინდრომი (გულის უკმარისობა, ღვიძლის ციროზი, ნეფროზული სინდრომი): ჩვეულებრივი საწყისი დოზა მოზრდილებისათვის შეადგენს 100 მგ/დღეში (25-200 მგ/დღეში), განაწილებული 2 მიღებაზე. უფრო მაღალი დოზების დანიშვნისას მიზანშეწონილია სხვა დიურეზულებთან კომბინირება, რომლებიც მოქმედებენ თირკმლების არხების პროქსიმალურ ნაწილებზე, ამ დროს ნორმოშპირონის დოზა უცვლელი რჩება.

ბავშვებში ინიშნება გაანგარიშებით 3 მგ სხეულის წონის კგ-ზე, ერთჯერადად ან განაწილებული 2 მიღებზე.

ესენციური ჰიპერტენზია: ინიშნება კომბინაციაში სხვა დიურეზულ საშუალებებთან, ჩვეულებრივი საწისი დოზა შეადგენს 50-100 მგ დღეში და 2 მიღებაზე ნაწილდება. მკურნალობა არანაკლებ 2 კვირა უნდა გაგრძელდეს, ვინაიდან მაქსიმალური ჰიპოტენზიური ეფექტი ამ ვადის გასვლის შემდეგ აღინიშნება. შემდეგი დოზირება ინდივიდუალურია.

ჰიპოკალიემია: 25-100 მგ/დღეში, თუ კალიუმის ანაზღაურების პერორალური ან კალიუმის შემანარჩუნებელი სხვა მეთოდი არასაკმარისად ეფექტურია.

გვერდითი მოვლენები

გვერდითი რეაქციები დაკავშირებულია ალდოსტერონით კალიუმის გაძლიერებული გამოყოფის კონკურენტულ ბლოკირებასთან და სპირონოლაქტონის ანტიანდროგენულ ეფექტთან.

კანის მხრივ: ჰიპერემია, ჭინჭრის ციება, ანულარული ერითემის, კანის მგლურასმაგვარი ცვლილებების, ალოპეციის ერთეული შემთხვევები.

საყრდენ-მამოძრავებელი აპარატის მხრივ: ოსტეომალაცია (ცალკეული შემთხვევა).

ნერვული სისტემის მხრივ: თავის ტკივილი, ატაქსია, მომატებული ძილიანობა.

კუჭ-ნაწლავის ტრაქტის მხრივ: კუჭის ტკივილი, წყლული, დიარეა, ღებინება, გულისრევა, სისხლდენა კუჭიდან. 

ღვიძლის მხრივ: ჰეპატიტი (ცალკეული შემთხვევა).

წყალ-ელექტროლიტური ბალანსის მხრივ: ჰიპერკალიემია (ხშირად განსაკუთრებით თირკმლის ფუნქციის დაქვეითებისას), ჰიპონატრიემია, ჰიპერქლორემიული მეტაბოლური აციდოზი.

ენდოკრინული სისტემის მხრივ: ხშირად გინეკომასტია, დოზადამოკიდებული ამენორეა, სარძევე ჯირკვლების შეშუპება, მენსტრუაციების შეცვლა, ჰირსუტიზმი, იმპოტენცია, ქალებში ხმის ტემბრის შეცვლა.

გულ-სისხლძარღვთა სისტემის მხრივ: არტერიული წნევის არასასურველი დაწევა.

სისხლმბადი სისტემის მხრივ: იშვიათად თრომბოციტოპენია, აგრანულოციტოზი, ეოზინოფილია ღვიძლის ციროზის ფონზე.

ვარგისობა და შენახვის პირობები და ვადები

პრეპარატის ვარგისობის ვადა – 3 წელი.

ინახება არა უმეტეს 25ºC ტემპერატურაზე. 

ინახება ბავშვებისათვის ხელმიუწვდომელ ადგილზე.

გამოშვების ფორმა

ტაბლეტი 25მგ; 20 ტაბლეტი ბლისტერებში; მეორადი შეფუთვა მუყაოს კოლოფში.

კაფსულა 50 მგ; 30 კაფსულა ბლისტერებში; მეორადი შეფუთვა მუყაოს კოლოფში.

კაფსულა 100 მგ; 30 კაფსულა ბლისტერებში; მეორადი შეფუთვა მუყაოს კოლოფში.

აფთიაქიდან გაცემის პირობები

ფარმაცევტული პროდუქტის ჯგუფი II, გაიცემა ფორმა N3 რეცეპტით.

ქვეყანა: საქართველო

მწარმოებელი: გეომედი

გაცემის ფორმა: III ჯგუფი ურეცეპტო

კარმეტადინი
CARMETADIN 

სავაჭრო დასახელება
კარმეტადინი

საერთაშორისო არაპატენტირებული დასახელება
ტრიმეტაზიდინი

წამლის ფორმა
შემოგარსული ტაბლეტები აქტიური სუბსტანციის მოდიფიცირებული გამოთავისუფლებით.
აღწერილობა: მრგვალი ორმხრივ ამოზნექილი მოვარდისფრო-ყავისფერი ტაბლეტები ცალ მხარეს გრავირებით “TZN35” და გლუვი ზედაპირით მეორე მხარეს.

შემადგენლობა
აქტიური ნივთიერებები: 
თითოეული შემოგარსული ტაბლეტი შეიცავს 35 მგ ტრიმეტაზიდინის დიჰიდროქლორიდს მოდიფიცირებული გამოთავისუფლებული ფორმით.
დამხმარე ნივთიერებები: კალციუმის ჰიდროფოსფატი, პოვიდონი (K30), ჰიპრომელოზა (K-100 M), ჰიდროქსიპროპილცელულოზა, მაგნიუმის სტეარატი, უწყლო კოლოიდური სილიციუმი.
გარსის შემადგენლობა: ჰიპრომელოზა (E15), ტიტანის დიოქსიდი, რკინის წითელი ოქსიდი, გასუფთავებული ტალკი, პროპილენგლიკოლი.

ათქ კოდი: C01EB15

ფარმაკოთერაპიული ჯგუფი
გულ-სისხლძარღვთა სისტემის დაავადებების სამკურნალო პრეპარატები.
ანტიანგინალური საშუალებები.
პრეპარატები, რომლებიც აუმჯობესებენ მიოკარდიუმის მეტაბოლიზმს.

ფარმაკოლოგიური თვისებები
ფარმაკოდინამიკა
კარმეტადინი სტენოკარდიის საწინააღმდეგო კარდიოლოგიური სამკურნალო საშუალებაა. ჰიპოქსიურ და იშემიურ უჯრედებში ენერგეტიკული მეტაბოლიზმის ხელშეწყობით ტრიმეტაზიდინი ახდენს უჯრედშიდა ატფ-ის შემცირების პრევენციას, რაც უზრუნველყოფს იონური ტუმბოების ნორმალურ ფუნქციონირებასა  და   ნატრიუმ-კალიუმის იონების ტრანსმემბრანულ ცვლას უჯრედების ჰომეოსტაზის შენარჩუნებით.
კარმეტადინი ახდენს გულში ენერგეტიკული მეტაბოლიზმის ოპტიმიზებას ცხიმოვანი მჟავების დაჟანგვის ნაწილობრივი შეფერხებით გრძელჯაჭვიანი 3-კეტოაცილ CoA-თიოლაზას (3-კათ) ინჰიბირების ხარჯზე. ეს იწვევს გლუკოზის დაჟანგვის გაძლიერებას და ხელს უწყობს გლიკოლიზსა და გლუკოზის დაჟანგვას შორის საუკეთესო თანაფარდობის აღდგენას, რითაც უზრუნველყოფს მიოკარდიუმის იშემიისაგან დაცვას. ტრიმეტაზიდინი ასევე ხელს უწყობს მემბრანული ფოსფოლიპიდების ცვლასა და მემბრანაში მათ ჩართვას, რაც მემბრანას იცავს დაზიანებებისაგან.
პრეპარატის სტენოკარდიის საწინააღმდეგო თვისებები დაფუძნებულია უპირატესი ენერგეტიკული სუბსტრატის _ ცხიმოვანი მჟავების დაჟანგვის გადართვით გლუკოზის დაჟანგვაზე.
კარდიოლოგიაში:
სტენოკარდიით დაავადებულ პაციენტებზე კონტროლირებულმა დაკვირვებებმა გამოავლინა, რომ ტრიმეტაზიდინი:
– ზრდის კორონარულ რეზერვს, ამით ახდენს ფიზიკური დატვირთვებით გამოწვეული იშემიის განვითარების პრევენციას, დაწყებული მკურნალობის მე-15 დღიდან;
– ზღუდავს სისხლის წნევის მკვეთრ ცვალებადობას გულის შეკუმშვათა სიხშირის არსებითი ცვლილებების გარეშე;
– მნიშვნელოვნად ამცირებს სტენოკარდიის შეტევების სიხშირეს;
– იწვევს ნიტროგლიცერინის მიღებათა მნიშვნელოვნად შემცირებას.

ოტოლარინგოლოგიაში:
გამოკვლევებმა ცხადყო, რომ ტრიმეტაზიდინი:
– ეფექტურად მოქმედებს თავბრუსხვევის შეტევების ხარისხზე, ხანგრძლივობასა და სიხშირეზე (ტრიმეტაზიდინი მოქმედებს თავისი იშემიის საწინააღმდეგო ეფექტისა და აგრეთვე, ვესტიბულური ნეირონების ტოქსიურობისაგან დაცვის ხარჯზე, რაც ექსიტოტოქსიური ამინომჟავების სიჭარბითაა განპირობებული).
– კარმეტადინის ზემოქმედებით მცირდება ყურებში შუილის ინტენსივობა და პერიოდულობა და შესაბამისად, რეციდივები;
– პერცეფციული სიყრუის დროს პრეპარატი უზრუნველყოფს აღქმული დიაპაზონის გაზრდას დეციბელებში და ამცირებს სმენის პრობლემებს.
– 
ოფთალმოლოგიაში:
ბრმა და ორმაგი ბრმა მეთოდით კვლევებმა აჩვენა, რომ ტრიმეტაზიდინი:
– ზრდის იშემიის მიმართ მგრძნობიარე ელექტრორეტინოგრამის β-ტალღის ამპლიტუდას. ავადმყოფებში სისხლძარღვების ქორიორეტინული დარღვევებით კარმეტადინი ხელს უწყობს ბადურას ფუნქციური აქტივობის აღდგენას.
– აუმჯობესებს მხედველობის სიმახვილესა და მხედველობის არეს, რაც განპირობებულია ტრიმეტაზიდინის დადებითი მორფოლოგიური ცვლილებებით, განსაკუთრებით კი, ყვითელი ლაქის ასაკობრივი დეგენერაციული ცვლილებებისას.

ფარმაკოკინეტიკა
აქტიური სუბსტანციის მოდიფიცირებული გამოთავისუფლების უნარის ხარჯზე, კარმეტადინს გაუმჯობესებული ფარმაკოკინეტიკური პროფილი გააჩნია, რაც  პრეპარატის სტაბილურ ეფექტურობას უზრუნველყოფს.
პერორალური მიღების შემდეგ ტრიმეტაზიდინის მაქსიმალური კონცენტრაცია ვლინდება მიღებიდან საშუალოდ 5 საათში. 24 საათის შემდეგ, პლაზმური კონცენტრაცია რჩება იმ დონეზე, რომელიც აღემატება ან ტოლია მაქსიმალური კონცენტრაციის 75%-ს 11 საათისათვის.
კარმეტადინის სტაბილური კონცენტრაცია მიიღწევა მიღებიდან არაუმეტეს მე-60 საათისათვის. ტრიმეტაზიდინის ფარმაკოკინეტიკურ მახასიათებლებზე საკვების მიღება არ მოქმედებს. გადანაწილების მოცულობა შეადგენს 4.8 ლ/კგ-ზე; ცილებთან შეკავშირების მაჩვენებელი დაბალია და in vitro 16%-ს უდრის. ტრიმეტაზიდინი უპირველესად შარდთან ერთად გამოიყოფა ძირითადად უცვლელი სახით. პრეპარატის ნახევარგამოყოფის პერიოდი საშუალოდ 7 საათს შეადგენს ახალგაზრდა მოხალისეებში და 12 საათს _ 65 წელზე უფროსი ასაკის პირებში.

ჩვენებები
კარდიოლოგია:
– გულის იშემიური დაავადების ხანგრძლივი მკურნალობა: სტენოკარდიის შეტევების პრევენცია მონოთერაპიაში ან სხვა პრეპარატებთან ერთად კომბინაციაში.
ოტოლარინგოლოგია:
– იშემიური წარმოშობის კოხლეარულ-ვესტიბულური დარღვევების მკურნალობა: თავბრუსხვევა, შუილი ყურებში, ჰიპაკუზია.
ოფთალმოლოგია:
– ქორიორეტინული დარღვევები იშემიის ელემენტებით.

უკუჩვენებები
– ჰიპერმგრძნობელობა პრეპარატის კომპონენტების მიმართ;
– ლაქტაციის პერიოდი.

განსაკუთრებული მითითებები
პრეპარატი გამოიყენება სტენოკარდიის საბაზისო თერაპიისათვის, მაგრამ არა სტენოკარდიის შეტევების კუპირებისათვის. საწყისი თერაპიის სახით მისი გამოყენება, როგორც არასტაბილური სტენოკარდიის, ასევე მიოკარდის ინფარქტის დროს, ნაჩვენები არ არის.
ხანდაზმული ასაკის პირთა მკურნალობისათვის პრეპარატის დოზის კორექცია საჭირო არაა.
კლინიკური მონაცემების არარსებობის გამო პრეპარატის დანიშვნა რეკომენდებული არაა პაციენტებში თირკმლის უკმარისობით, რომელთაც კრეატინინის კლირენსის მაჩვენებლი 15 მლ/წთ-ზე ნაკლები აქვთ, ასევე პაციენტებში ღვიძლის ფუნქციის გამოხატული დარღვევებით.
ზეგავლენა ავტომანქანის მართვისა და მექანიზმებთან მუშაობის უნარზე
ავტომანქანის მართვისა და მექანიზმებთან მუშაობის უნარზე პრეპარატი არ მოქმედებს.

გვერდითი მოქმედება
პრეპარატი კარგად აიტანება, ზოგჯერ შესაძლებელია უმნიშვნელო გვერდითი ეფექტების გამოვლენა:
საჭმლის მომნელებელი სისტემის მხრივ: ღებინება, გულისრევა.
კანის საფარველის მხრივ: გამონაყარი, ქავილი, ჭინჭრის ციება.

გამოყენების წესი და დოზები
კარმეტადინი მიიღება შემდეგნაირად:
1 ტაბლეტი 2-ჯერ დღე-ღამეში (დილას და საღამოს) ჭამის დროს, დაღეჭვის გარეშე, წყლის მიყოლებით.
პრეპარატის მიღება ხდება ხანგრძლივად. კურსის ხანგრძლივობა განისაზღვრება ინდივიდუალურად, საჭიროების შემთხვევაში, მკურნალობის სქემა 3 თვეში შეიძლება გადაიხედოს.

ჭარბი დოზა
ფართო თერაპიული დიაპაზონი მძიმე ინტოქსიკაციის შემთხვევებს ნაკლებად სავარაუდოს ხდის.
ჭარბი დოზის შემთხვევაში, შეიძლება აღინიშნოს სისხლძარღვების პერიფერიული წინააღმდეგობის დაქვეითება და შედეგად, არტერიული ჰიპოტენზიის განვითარება და სახის კანის ჰიპერემია.
ნაჩვენებია სიმპტომური მკურნალობის ჩატარება.
ტაბლეტის მიღების გამოტოვების შემთხვევაში, მკურნალობა ჩვეულებრივ უნდა გაგრძელდეს. გამოტოვებული დოზის კომპენსაციის მიზნით, ორმაგი დოზის მიღება არ შეიძლება.

ურთიერთქმედება სხვა სამკურნალო საშუალებებთან
მონაცემები არ არსებობს.

გამოყენება ორსულობისა და ლაქტაციის დროს
ორსულობისას პრეპარატის გამოყენება შეიძლება მხოლოდ ჩვენებების მიხედვით და სარგებელი/რისკის შეფარდების შეფასების შემდეგ. ლაქტაციის პერიოდში აუცილებელია შეწყდეს ძუძუთი კვება.

გამოშვების ფორმა
კოლოფი შეიცავს 35 მგ-იან 60 ტაბლეტს.

შენახვის პირობები
ინახება არა უმეტეს 25ºC ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა.
3 წელი. ვარგისიანობის ვადის გასვლის შემდეგ პრეპარატის გამოყენება არ შეიძლება.

გაცემის პირობები.
რეცეპტით.

მწარმოებელი
კარმეტადინი წარმოადგენს კომპანია “ვორლდ მედიცინ”-ის (ინგლისი) სავაჭრო მარკას.
დამზადებულია “ლაბორატორია ბეილი-კრეატ”-ის მიერ (საფრანგეთი) (შმენ დე ნუიზმენ Z.I. დე 150 არპენ, 28500 ვერნუიე-საფრანგეთი)
“მედრაიკ”-ის ლიცენზიით (ინგლისი).

რაუნატინი
(RAUNATIN)

ზოგადი დახასიათება:
საერთაშორისო არაპატენტირებული დასახელება: რაუვოლფიას ალკალოიდები;

ძირითადი ფიზიკურ-ქიმიური თვისებები:
მწვანე ფერის, მრგვალი ფორმის, ორმხრივამოზნექილი ზედაპირის მქონე, შემოგარსული ტაბლეტები, ჭდით;

შემადგენლობა:   
1 შემოგარსული ტაბლეტი შეიცავს:
რაუნატინს – 2 მგ.
დამხმარე ნივთიერებები: სიმინდის სახამებელი, კოლოიდური სილიციუმის დიოქსიდი, მიკროკრისტალური ცელულოზა, მაგნიუმის სტეარატი, შემომგარსავი ნივთიერებების ნარევი Tabcoat TC-7013-გრეენ (ჰიპრომელოზა, პოლიეთილენგლიკოლი 6000, გასუფთავებული ტალკი, საღებავები: ტიტანის დიოქსიდი (Е 171), Brilliant Blue FCF (E 133), Quinoline Yellow (E 104)).

გამოშვების ფორმა:
შემოგარსული ტაბლეტები, 2 მგ.

ფარმაკოლოგიური ჯგუფი:
ანტიჰიპერტენზიული პრეპარატები. ადრენერგული ინერვაციის მასტიმულირებელი ზემოქმედების შემამცირებელი ცენტრალური მოქმედების პრეპარატები. რაუვოლფიას ალკალოიდების ჯამი. ათქ-კოდი: C02AA04.

ფარმაკოლოგიური თვისებები:
რაუნატინს გააჩნია ანტიჰიპერტენზიული და ანტიარითმული მოქმედება. იგი ასევე ხასიათდება დამამშვიდებელი გავლენით ცენტრალურ ნერვულ სისტემაზე. სედატიური ეფექტი რეზერპინთან შედარებით უფრო ნაკლებადაა გამოხატული, მაგრამ ჰიპოტენზიური მოქმედებით იგი პრაქტიკულად არ ჩამორჩება რეზერპინს, ამასთან რიგ შემთხვევაში ხასიათდება უკეთესი ამტანობით.
რაუნატინის თერაპიული ეფექტი ვითარდება თანდათანობით პრეპარატის მიღებიდან მე-10-14 დღეს და აღინიშნება 2-3 თვის განმავლობაში.

ფარმაკოკინეტიკა:
რაუნატინი შეიცავს რაუვოლფიას ფესვების ალკალოიდების ჯამს, რომელთა შორის უდიდესი მნიშვნელობა გააჩნია რეზერპინს, სერპენტინს, აიმალინს.
პრეპარატის ალკალოიდები ერთმანეთისგან განსხვავდებიან შეწოვის სიჩქარით და ხარისხით. პრეპარატი განიცდის მეტაბოლიზმს ძირითადად ღვიძლში, გამოიყოფა მეტაბოლიტების სახით თირკმლების საშუალებით.

ჩვენება:
• მსუბუქი და საშუალო სიმძიმის არტერიული ჰიპერტენზია.

მიღების წესი და დოზირება:
პრეპარატი ინიშნება მოზრდილებში პერორალურად, ჭამის შემდეგ.
მკურნალობას იწყებენ ღამით 1 ტაბლეტის მიღებით, მეორე დღეს – 1 ტაბლეტი 2-ჯერ დღეში, მესამე დღეს – 3 ტაბლეტი და დღიური დოზას თანდათანობით ზრდიან 4-6 ტაბლეტამდე. თერაპიული ეფექტის მიღწევის შემდეგ (10-14 დღეში) დოზას თანდათანობით ამცირებენ 1-2 ტაბლეტამდე დღეში. მკურნალობის კურსი შეადგენს 3-4 კვირას, თუმცა ზოგიერთ შემთხვევაში რაუნატინი ინიშნება უფრო ხანგრძლივი დროის განმავლობაში შემანარჩუნებელი დოზით (1 ტაბლეტი დღეში).

გვერდითი მოვლენები:
შესაძლებელია გამოვლინდეს გულისრევა, ღებინება, დიარეა, ტკივილი მუცლის არეში, პირის სიმშრალე, ანორექსია, კარდიალგია, ბრადიკარდია, ცხვირის ლორწოვანი გარსის შეშუპება, ოფლიანობა, საერთო სისუსტე, დეპრესია, ლიბიდოს დაქვეითება, გამონაყარი კანზე, ქავილი. გვერდითი მოვლენების მოხსნა შესაძლებელია პრეპარატის დოზის შემცირებისას ან მისი მიღების ხანმოკლე (1-3 დღე) შეწყვეტის შემდეგ.
მაღალი დოზით ხანგრძლივი გამოყენებისას შესაძლებელია ღვიძლის ფუნქციის დარღვევა, კოშმარული სიზმრები, პარკინსონიზმის სიმპტომების განვითარება, სტენოკარდიის შეტევების გახშირება.

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ; არტერიული ჰიპოტენზია; ბრადიკარდია; დეპრესია; კორონარული სისხლმიმოქცევის უკმარისობა; მიოკარდიუმის ორგანული დაზიანებები; აორტული მანკები; გამოხატული ცერებრული ათეროსკლეროზი; ეპილეფსია; პარკინსონიზმი; კუჭისა და თორმეტგოჯა ნაწლავის წყლულოვანი დაავადება; წყლულოვანი კოლიტი; სუნთქვის უკმარისობა; ფეოქრომოციტომა; ნაღვლკენჭოვანი დაავადება; გლაუკომა; ნეფროსკლეროზი; 18 წლამდე ასაკი.

ურთიერთქმედება სამკურნალო საშუალებებთან და სხვა სახის ურთიერთქმედება:
პრეპარატის მიღება შესაძლებებლია ერთდროულად ან თანმიმდევრობით სხვა ჰიპოტენზიურ საშუალებებთან (განგლიობლოკატორებთან, ჰიდროქლოროთიაზიდთან, ჰიდრალაზინთან და სხვა).
სიფრთხილით ინიშნება ქინიდინთან, გუანეტიდინთან, საგულე გლიკოზიდებთან, ბეტა-ადრენობლოკატორებთან ერთად (უარყოფითი ქრონო- და დრომოტროპული მოქმედების გაძლიერების რისკი).
რაუნატინი აძლიერებს ალკოჰოლის, ბარბიტურატების, ანტიდეპრესანტების ცენტრალურ ნერვულ სისტემაზე დამთრგუნველ მოქმედებას.
ამცირებს პარკინსონიზმის საწინააღმდეგო საშუალებების და სიმპატომიმეტიკების ეფექტურობას.
რაუნატინის ჰიპოტენზიური ეფექტი ძლიერდება დიურეზულ საშუალებებთან კომბინაციის დროს.

ჰიპერდოზირება:
სიმპტომები: ოფლიანობა, საერთო სისუსტე, გამოხატული ჰიპოტენზია. მძიმე შემთხვევაში ეიფორიის მოკლე პერიოდის შემდეგ ვითარდება ძილიანობა, დეპრესია, ჰიპოდინამია, პარკინსონიზმის გამოხატული გამოვლინებები, ცნობიერების დაკარგვა, კომა.
მკურნალობა: კუჭის ამორეცხვა, გააქტივებული ნახშირის მიღება. ნაჩვენებია ფორსირებული დიურეზი. არტერიული წნევის გამოხატული დაქვეითების შემთხვევაში და კოლაფსის დროს ავადმყოფს აწვენენ ფეხების მაღალი მდებარეობით; აუცილობლობის შემთხვევაში ნაჩვენებია რეოპოლიგლუკინის ან მეზატონის ინტრავენური შეყვანა ანგიოტენზინამიდის ან ნორადრენალინის ჰიდროტარტრატის 2% ხსნარის დამატებით. ადრენომიმეტური საშუალებები ინიშნება განსაკუთრებული სიფრთხილით ფილტვების შეშუპების განვითარების რისკის გამო. კანქვეშ შეჰყავთ ნატრიუმის კოფეინ-ბენზოატის 10% ხსნარი. სუნთქვის მკვეთრი დათრგუნვის ან მისი შეფერხების შემთხვევაში აუცილებელია სასუნთქი გზებიდან ლორწოს ამოქაჩვა, ინტუბაცია და ფილტვის ხელოვნური ვენტილაცია, ოქსიგენოთერაპია. სპეციფიკური ანტიდოტები არ არსებობს.

ორსულობა და ლაქტაცია:
ორსულობისას და ძუძუთი კვების პერიოდში პრეპარატის გამოყენება დაუშვებელია, რადგან ალკალოიდი რეზერპინი გადის პლაცენტურ ბარიერს და გადადის დედის რძეში. ლაქტაციის დროს პრეპარატის გამოყენების აუცილებლობისას ძუძუთი კვება უნდა შეწყდეს.

განსაკუთრებული მითითებები:
პრეპარატით მკურნალობა უნდა მიმდინარეობდეს ექიმის მეთვალყურეობის ქვეშ. სტენოკარდიით შეპყრობილ ავადმყოფებში შესაძლებებლია ტკივილის გაძლიერება გულის არეში.
გეგმიური ოპერაციული ჩარევებისას პრეპარატის მიღება უნდა შეწყდეს ოპერაციამდე რამოდენიმე დღით ადრე. ზოგადი ნარკოზით მიმდინარე ურგენტული ოპერაციის აუცილებლობის შემთხვევაში ავადმყოფებში, რომლებიც იყენებენ რაუნატინს, უნდა ჩატარდეს პრემედიკაცია ატროპინით.
პრეპარატი არ გამოიყენება ელექტროიმპულსური თერაპიის სეანსის წინ.
ჯანმრთელობის მდგომარეობის გაუმჯობესების პირველი ნიშნები აღინიშნება მკურნალობის დაწყებიდან მე-3-4 დღეს.
პრეპარატის ზემოქმედება ავტოტრანსპორტისა და მექანიზმების მართვის უნარზე:
რაუნატინის გამოყენებისას საჭიროა თავის არიდება ისეთი ქმედებებისაგან, რომელიც მოითხოვს ყურადღებასა და სწრაფ ფსიქომოტორულ რეაქციას.

შეფუთვა:
10 ტაბლეტი კონტურულ უჯრედოვან შეფუთვაში, 10 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი”.

მისამართი:
საქართველო 0198, თბილისი, ჭირნახულის ქ. 14.
www.aversi.ge

ქვეყანა: პოლონეთი

მწარმოებელი: პოლფა პაბიანიცე

გაცემის ფორმა: II ჯგუფი რეცეპტული

ქვეყანა: პოლონეთი

მწარმოებელი: პოლფა პაბიანიცე

გაცემის ფორმა: II ჯგუფი რეცეპტული

ქვეყანა: შვედეთი

მწარმოებელი: ასტრა ზენეკა აბ შვედეთი

გაცემის ფორმა: II ჯგუფი რეცეპტული

ნონბლონ H
(NONBLON Н)

ზოგადი დახასიათება:
საერთაშორისო არაპატენტირებული დასახელება:
ნებივოლოლი, ჰიდროქლოროთიაზიდი;

ძირითადი ფიზიკურ-ქიმიური თვისებები:
თეთრი ფერის, მრგვალი ფორმის, ორმხრივამოზნექილი ზედაპირის მქონე, შემოუგარსავი ტაბლეტები ჭდით;

შემადგენლობა:
1 შემოუგარსავი ტაბლეტი შეიცავს:
ნებივოლოლის ჰიდროქლორიდს, 5 მგ ნებივოლოლის ეკვივალენტურს;
ჰიდროქლოროთიაზიდს – 12.5 მგ;
დამხმარე ნივთიერებები: მიკროკრისტალური ცელულოზა, ლაქტოზის მონოჰიდრატი, სიმინდის სახამებელი, ჰიპრომელოზა, პოლისორბატი 80, ნატრიუმის კროსკარმელოზა, კოლოიდური სილიციუმის დიოქსიდი, მაგნიუმის სტეარატი.

გამოშვების ფორმა:
შემოუგარსავი ტაბლეტები.

ფარმაკოლოგიური ჯგუფი:
ანტიჰიპერტენზიული საშუალება. ათქ-კოდი:  C07BB.

ფარმაკოლოგიური თვისებები:
ნონბლონ H წარმოადგენს კარდიოსელექტიური ბეტა-ბლოკატორის – ნებივოლოლის და დიურეზული საშუალების, ჰიდროქლოროთიაზიდის კომბინაციას. 
ნებივოლოლი ორი ენანთიომერისგან შემდგარი რაცემატია: D-ნებივოლოლისა (SRRR-ნებივოლოლი) და L-ნებივოლოლისგან (RSSS-ნებივოლოლი), რომელთაგან თითოეულს გააჩნია განსაკუთრებული თვისებები.    
D-ნებივოლოლი არის ბეტა1-ადრენორეცეპტორების კონკურენტული და მაღალსელექტიური ბლოკატორი.
L-ნებივოლოლი ახდენს ვაზოდილატაციურ მოქმედებას რელაქსაციური ფაქტორის (NO) სისხლძარღვთა ენდოთელიუმისგან გამოთავისუფლების მოდულაციის ხარჯზე (L- არგინინის მონაწილეობით). 
ნებივოლოლს გააჩნია ჰიპოტენზიური, ანტიანგინალური და ანტიარითმიული მოქმედება. აქვეითებს გულის შეკუმშვათა სიხშირეს და არტერიულ წნევას მოსვენებისა და დატვირთვის მდგომარეობაში. ჰიპოტენზიური ეფექტი განპირობებულია გულის დარტყმითი მოცულობის, მოცირკულირე სისხლის მოცულობის, საერთო პერიფერიული სისხლძარღვოვანი წინააღმდეგობის შემცირებით, რენინის წარმოქმნის დაქვეითებით. ამცირებს მარცხენა პარკუჭის საბოლოო დიასტოლურ წნევას, აუმჯობესებს გულის დიასტოლურ ფუნქციას, ზრდის განდევნის ფრაქციას, აქვეითებს მიოკარდიუმის მოთხოვნილებას ჟანგბადზე.
ჰიდროქლოროთიაზიდი თიაზიდური დიურეტიკია. არღვევს ნატრიუმისა და ქლორის იონების და წყლის რეაბსორბციას ნეფრონის დისტალურ მილაკებში. ზრდის კალიუმის, მაგნიუმისა და ბიკარბონატების გამოყოფას, ორგანიზმში აკავებს კალციუმის იონებს. ხელს უწყობს მომატებული არტერიული წნევის დაქვეითებას.

ფარმაკოკინეტიკა:
ნებივოლოლი: პერორალურად მიღების შემდეგ ორივე ენანთიომერი სწრაფად შეიწოვება კუჭ-ნაწლავის ტრაქტიდან. საკვების მიღება არ მოქმედებს პრეპარატის აბსორბციაზე. მეტაბოლიზდება აქტიური ჰიდროქსიმეტაბოლიტების წარმოქმნით.
ორივე ენანთიომერი უკავშირდება სისხლის პლაზმის ცილებს, უპირატესად ალბუმინს. პლაზმის ცილებთან შეკავშირება D-ნებივოლოლისთვის შეადგენს 98.1%-ს, ხოლო L-ნებივოლოლისთვის – 97.9%-ს.
მიღებიდან ერთი კვირის შემდეგ დოზის 38% გამოიყოფა თირკმლების (უცვლელად დარჩენილი აქტიური ნივთიერების რაოდენობა 0.5%-ზე ნაკლებია) და 48% – ნაწლავების მიერ.
ჰიდროქლოროთიაზიდი: პერორალურად მიღების შემდეგ დოზის 60-80% აბსორბირდება კუჭ-ნაწლავის ტრაქტიდან. Cmax პლაზმაში მიიღწევა 1.5-3 სთ-ში. ჰიდროქლოროთიაზიდი გროვდება ერითროციტებში. გამოყოფის ფაზაში მისი კონცენტრაცია ერითროციტებში 3-9-ჯერ უფრო მეტია, ვიდრე პლაზმაში. პლაზმის ცილებთან შეკავშირება 40-70%-ია.
ჰიდროქლოროთიაზიდი მეტაბოლიზდება ძალიან მცირე რაოდენობით.
თირკმლის ნორმალური ფუნქციის მქონე ავადმყოფებში გამოყოფა ხორციელდება მხოლოდ თირკმლების საშუალებით. მთლიანობაში მიღებული დოზის 50-75% გამოიყოფა შარდით, უცვლელი სახით.

ჩვენება:
• არტერიული ჰიპერტენზია.

მიღების წესი და დოზირება:
საშუალო სადღეღამისო დოზა მოზრდილთათვის შეადგენს 1/2-1 ტაბლეტს დღეში ერთხელ. ტაბლეტის მიღება უნდა მოხდეს დღის განმავლობაში ერთსა და იმავე დროს, ჭამისგან დამოუკიდებლად, დაუღეჭავად და საკმარისი რაოდენობით წყლის მიყოლებით.
ოპტიმალური ჰიპოტენზიური ეფექტი მიიღწევა მკურნალობის დაწყებიდან 1-2 კვირის შემდეგ, რიგ შემთხვევებში – მე-4 კვირისთვის.
65 წელზე მეტი ასაკის პაციენტებში რეკომენდებული საწყისი დოზა შეადგენს 1/2 ტაბლეტს, საჭიროების დროს შესაძლებელია დოზის გაზრდა 1 ტაბლეტამდე დღეში.
75 წელზე უფროსი ასაკის პირები მკურნალობის პერიოდში უნდა იმყოფებოდნენ ექიმის მეთვალყურეობის ქვეშ, რადგან ამ ასაკობრივ კატეგორიაში პრეპარატის გამოყენების  გამოცდილება არასაკმარისია.                                        

გვერდითი მოვლენები:
ცნს-ის და პერიფერიული ნერვული სისტემის მხრივ: თავის ტკივილი, თავბრუ, დაღლილობის შეგრძნება, პარესთეზიები, დეპრესია, ყურადღების კონცენტრირების უნარის დაქვეითება, ძილიანობა, უძილობა, იშვიათად – კოშმარული სიზმრები, ჰალუცინაციები;
გულ-სისხლძარღვთა სისტემის მხრივ: ბრადიკარდია, ორთოსტატული ჰიპოტენზია, ქოშინი, შეშუპება, გულის უკმარისობა, AV ბლოკადა, გულის რითმის დარღვევა, რეინოს სინდრომი, კარდიალგია;
საჭმლის მომნელებელი სისტემის მხრივ: გულისრევა, ღებინება, ყაბზობა, დიარეა, პირის სიმშრალე, უმადობა, დისპეფსია, მეტეორიზმი, პანკრეატიტი, სიყვითლე, ქოლესტაზი;
სასუნთქი სისტემის მხრივ: ბრონქოსპაზმი (მათ შორის ანამნეზში ფილტვების ობსტრუქციული დაავადების არარსებობის შემთხვევაშიც);
ალერგიული რეაქციები: ანაფილაქსია, ნეკროზული ვასკულიტი, ურტიკარია, პურპურა, ერითემატოზული გამონაყარი კანზე, ანგიონევროზული შეშუპება, ფსორიაზის გამწვავება, რესპირატორული დისტრესი (პნევმონიტი და ფილტვების არაკარდიოგენური შეშუპება);
ნივთიერებათა ცვლის მხრივ: ჰიპოკალემია, ჰოპომაგნემია, ჰიპონატრემია, ჰიპოქლორემიული ალკალოზი, ჰიპერურიკემია, ჰიპერკალცემია;
ენდოკრინული სისტემის მხრივ: ჰიპერგლიკემია, გლუკოზურია;
შარდ-სასქესო სისტემის მხრივ: თირკმლის უკმარისობა, თირკმლების ფუნქციის დარღვევა, ინტერსტიციული ნეფრიტი, პოტენციის დაქვეითება;
სისხლმბადი სისტემის მხრივ: ჰემოლიზი, ჰიპოპლასტიური ანემია, აგრანულოციტოზი, ნეიტროპენია, თრომბოციტოპენია;
კანის მხრივ: პოლიმორფული ერითემა (სტივენს-ჯონსონის სინდრომი), ექსფოლიატიური დერმატიტი (ტოქსიკური ეპიდერმული ნეკროლიზი), ალოპეცია, ფოტოდერმატოზი;
სხვა: ჰიპერჰიდროზი, რინიტი, მხედველობის დარღვევა, თვალის ლორწოვანი გარსის სიმშრალე, ქსანტოფსია, კუნთების სპაზმი, ცხელება.

უკუჩვენება:
გულის ქრონიკული უკმარისობა დეკომპენსაციის სტადიაში; კარდიოგენური შოკი;  არტერიული ჰიპოტენზია; სინოატრიალური ბლოკადა; ანგიოსპასტიკური სტენოკარდია (პრინცმეტალის სტენოკარდია); ბრადიკარდია (გულის შეკუმშვათა სიხშირე 50 დარტყმაზე ნაკლები წთ-ში); სინუსური კვანძის სისუსტის სინდრომი; II და III ხარისხის AV ბლოკადა; პერიფერიული სისხლძარღვების მაობლიტირებელი დაავადებები (გარდამავალი კოჭლობის სინდრომი); არანამკურნალები ფეოქრომოციტომა; ღვიძლის ფუნქციის მძიმე დარღვევა; ღვიძლის უკმარისობა; ფილტვების ქრონიკული ობსტრუქციული დაავადება; ბრონქული ასთმა; დეპრესია; მიასთენია, კუნთების სისუსტე; მეტაბოლური აციდოზი; თირკმლების ფუნქციის გამოხატული დარღვევა; პოდაგრის და შაქრიანი დიაბეტის მძიმე ფორმები; მომატებული მგრძნობელობა სულფონამიდების მიმართ; ბავშვობის და მოზარდობის პერიოდი 18 წლამდე; მომატებული მგრძნობელობა ნებივოლოლის  ან ჰიდროქლოროთიაზიდის მიმართ.

ურთიერთქმედება სხვა სამკურნალო საშუალებებთან:
ნებივოლოლი: ბეტა-ადრენობლოკატორების კალციუმის არხების ბლოკატორებთან (ვერაპამილი ან დილთიაზემი) ერთად გამოყენებისას ძლიერდება უარყოფითი მოქმედება მიოკარდიუმის კუმშვადობაზე და AV  გამტარებლობაზე. ვენაში ვერაპამილის შეყვანა უკუნაჩვენებია.
ბეტა-ადრენობლოკატორების I კლასის ანტიარითმიულ პრეპარატებთან და ამიოდარონთან კომბინაციისას შესაძლოა უარყოფითი ინოტროპული ეფექტის და აგზნების გატარების დროზე ზემოქმედების გაძლიერება.
ბეტა-ადრენობლოკატორების და საანესთეზიო საშუალებების ერთდროული გამოყენება ზრდის კარდიოდეპრესიულ მოქმედებას. შეიძლება დაითრგუნოს რეფლექტორული ტაქიკარდია და გაიზარდოს არტერიული ჰიპოტენზიის განვითარების რისკი. ვაგუსური რეაქციების აღმოცენების პროფილაქტიკისთვის შესაძლებელია პრემედიკაციისას ატროპინის გამოყენება. საჭიროა ანესთეზიოლოგის ინფორმირება, რომ პაციენტი იღებს ნონბლონ H-ს. სათითურას პრეპარატებმა ბეტა-ადრენობლოკატორებთან ერთად გამოყენებისას შეიძლება გაახანგრძლივონ AV გამტარებლობა.
პრეპარატის აქტიურობა შეიძლება დააქვეითონ სიმპათომიმეტურმა საშუალებებმა ერთდროულად დანიშვნის შემთხვევაში.
ჰიპოტენზიურ ეფექტს ასუსტებენ ანთების საწინააღმდეგო არასტეროიდული საშუალებები, გლუკოკორტიკოსტეროიდები და ესტროგენები.
სხვა ჰიპოტენზიურმა სამკურნალო საშუალებებმა ნებივოლოლთან გამოყენებისას შეიძლება გამოიწვიონ არტერიული წნევის მნიშვნელოვანი შემცირება.
ნებივოლოლი არ ახდენს ინსულინის და სხვა პერორალური შაქრის დამწევი საშუალებების მოქმედების პოტენცირებას,  თუმცა შეიძლება შენიღბოს განვითარებული ჰიპოგლიკემიის ზოგიერთი სიმპტომი (მაგალითად, ტაქიკარდია, არტერიული წნევის მომატება).             
პრეპარატი აქვეითებს ლიდოკაინის და სხვა ქსანტინების (დიფილინის გარდა) კლირენსს და ზრდის მათ კონცენტრაციას პლაზმაში.
ალერგენები იმუნოთერაპიისთვის, ალერგენების ექსტრაქტები კანის სინჯებისთვის, იოდის შემცველი რენტგენოკონტრასტული საშუალებები ი/ვ შეყვანისათვის ზრდიან მძიმე სისტემური ალერგიული რეაქციების ან ანაფილაქსიის განვითარების რისკს.
ნებივოლოლი ახანგრძლივებს არადეპოლარიზებადი მიორელაქსანტების მოქმედებას და კუმარინების ანტიკოაგულაციურ ეფექტს.
ტრი- და ტეტრაციკლური ანტიდეპრესანტები, ნეიროლეპტიკები, ეთანოლი, სედატიური და საძილე საშუალებები აძლიერებენ ცნს-ზე დამთრგუნველ მოქმედებას.
შუალედი მაო-ს ინჰიბიტორებისა და ნებივოლოლის მიღებებს შორის უნდა შეადგენდეს არანაკლებ 14 დღეს.
რანიტიდინის ერთდროული დანიშვნა არ მოქმედებს ნებივოლოლის ფარმაკოკინეტიკაზე.
ჭვავის რქის არაჰიდრირებული ალკალოიდები ზრდიან პერიფერიული სისხლის მიმოქცევის დარღვევის განვითარების რისკს.
ჰიდროქლოროთიაზიდი:  სათითურას გლიკოზიდების თიაზიდურ დიურეტიკებთან ერთად გამოყენებისას იზრდება გლიკოზიდების ტოქსიკური ეფექტების გამოვლენის ალბათობა, ჰიპოკალემიის და ჰიპომაგნემიის სავარაუდო განვითარების გამო.
ერთდროული გამოყენების შემთხვევაში ჰიდროქლოროთიაზიდი აძლიერებს არადეპოლარიზებადი მიორელაქსანტების მოქმედებას და ზრდის მგრძნობელობას ტუბოკურარინის მიმართ.
ამიოდარონისა და თიაზიდური დიურეტიკების ერთდროული გამოყენებისას მატულობს ჰიპოკალემიასთან დაკავშირებული არითმიების განვითარების რისკი.
გლუკოკორტიკოსტეროიდებთან,  ადრენოკორტიკოტროპულ ჰორმონთან ან კალციტონინთან ერთდროული გამოყენებისას იზრდება ჰიპოკალემიის განვითარების რისკი.
დიფლუნიზალთან ერთად გამოყენებისას მატულობს ჰიდროქლოროთიაზიდის კონცენტრაცია პლაზმაში და ქვეითდება მისი ჰიპერურიკემიული მოქმედება.
ერთად გამოყენებისას თიაზიდური დიურეტიკები ამცირებენ ნორეპინეფრინის გავლენას არტერიულ წნევაზე.
ერთდროული მიღებისას ქოლესტირამინი აქვეითებს თიაზიდური დიურეტიკების აბსორბციას 85%-ით.
ერთდროული გამოყენებისას არასტეროიდული ანთების საწინააღმდეგო საშუალებები (განსაკუთრებით ინდომეტაცინი) აქვეითებენ თიაზიდების ანტიჰიპერტენზიულ ეფექტს.
ერთდროული გამოყენებისას ჰიდროქლოროთიაზიდი ამცირებს ჰიპოგლიკემიური პრეპარატების ეფექტურობას.
ერთად გამოყენების შემთხვევაში ჰიდროქლოროთიაზიდმა შეიძლება გაზარდოს პლაზმაში ლითიუმის მარილების კონცენტრაცია ტოქსიკურ დონემდე (ასეთი კომბინაცია არ არის რეკომენდებული).

ჰიპერდოზირება:
დოზის გადაჭარბებისას შესაძლოა განვითარდეს: არტერიული ჰიპოტენზია, გულისრევა, ღებინება, ციანოზი, სინუსური ბრადიკარდია, AV  ბლოკადა, გულის უკმარისობა, კარდიოგენური შოკი, გულის გაჩერება, გონების დაკარგვა, კომა, ბრონქოსპაზმი, პირის სიმშრალე, სისუსტე, ძილიანობა, ოლიგურია.
მკურნალობა: კუჭის ამორეცხვა, გააქტივებული ნახშირის, საფაღარათო საშუალებების მიღება, შესაძლებელია ფილტვების ხელოვნური ვენტილაცია და ატროპინის (ბრადიკარდიის და მომატებული ვაგოტონიის დროს), პლაზმის ან პლაზმის შემცვლელების, აუცილებლობისას – კატექოლამინების შეყვანა. ბეტა-ადრენომაბლოკირებელი მოქმედების კუპირებისთვის გამოიყენება იზოპრენალინის ჰიდროქლორიდი (ნელა, ინტრავენურად, დასაწყისისთვის 5 მკგ/წთ-ში სასურველი ეფექტის მიღწევამდე), დობუტამინი (საწყისი დოზით 2.5 მკგ/წთ-ში), ეფექტის არარსებობისას – გლუკაგონი (ი/ვ 50-100 მკგ/კგ, განმეორებით 1 სთ-ის შემდეგ – 70 მკგ/კგ სთ-ში ინფუზურად). AV ბლოკადის დროს ნაჩვენებია ტრანსვენოზური სტიმულაცია. ბრონქოსპაზმის დროს ნიშნავენ ბეტა2-ადრენორეცეპტორების სტიმულატორებს ი/ვ, პარკუჭოვანი ექსტრასისტოლიისას –  ლიდოკაინს (IA კლასის ანტიარითმიული პრეპარატები არ გამოიყენება), კრუნჩხვების დროს – დიაზეპამს ი/ვ.

ორსულობა და ლაქტაცია:
ორსულობის დროს ნონბლონ H-ის გამოყენება უკუნაჩვენებია.
ბეტა-ადრენობლოკატორების უმეტესობა და ჰიდროქლოროთიაზიდი აღწევენ დედის რძეში, ამიტომ ნონბლონ H-ის ლაქტაციის პერიოდში გამოყენების აუცილებლობისას უნდა შეწყდეს ძუძუთი კვება.

გამოყენების თავისებურებები:
პრეპარატის გამოყენება უნდა შეწყდეს ნარკოზით მიმდინარე ქირურგიულ ჩარევამდე  24 სთ-ით ადრე, ან შეირჩეს ყველაზე ნაკლები უარყოფითი ინოტროპული მოქმედების მქონე საანესთეზიო საშუალება. აუცილებლად უნდა შევატყობინოთ ანესთეზიოლოგს, რომ პაციენტი იღებს ბეტა-ადრენობლოკატორის შემცველ პრეპარატს.
ნონბლონ H სიფრთხილით ენიშნებათ ფარისებრი ჯირკვლის ჰიპერფუნქციით (შესაძლოა მოხსნას ტაქიკარდია), ალერგიული დაავადებებით, ფსორიაზით, პოდაგრით, შაქრიანი დიაბეტით (შესაძლებელია მოახდინოს ჰიპოგლიკემიის სიმპტომების შენიღბვა) დაავადებულ პაციენტებს და 65 წელზე მეტი ასაკის პირებს.
პრეპარატით მკურნალობის შეწყვეტა უნდა მოხდეს თანდათანობით, დოზის ნელ-ნელა შემცირებით 10 დღის განმავლობაში (2 კვირის განმავლობაში გულის იშემიური დაავადების მქონე პაციენტებში).
არტერიული წნევის და გულის შეკუმშვათა სიხშირის კონტროლი პრეპარატით მკურნალობის დასაწყისში უნდა იყოს ყოველდღიური.
ბეტა-ადრენორეცეპტორების ბლოკატორებმა შეიძლება გამოიწვიონ ბრადიკარდია. თუ გულის შეკუმშვის სიხშირე მოსვენების მდგომარეობაში ქვეითდება 50-55 დარტყმამდე წთ-ში, პრეპარატის დოზა უნდა შემცირდეს.
სიფრთხილით უნდა დაინიშნოს პერიფერიული სისხლის მიმოქცევის გამოხატული დარღვევის მქონე პაციენტებში (რეინოს დაავადება, გარდამავალი კოჭლობა).
გულის შეგუბებითი უკმარისობით დაავადებულ პაციენტებს ნონბლონ H-ის დანიშვნამდე უნდა ჩაუტარდეთ შესაბამისი მკურნალობა მდგომარეობის სრულ კომპენსაციამდე.
მწეველებში ბეტა-ადრენობლოკატორების ეფექტურობა უფრო დაბალია, ვიდრე არამწეველებში.
ანამნეზში ფსორიაზის მქონე პაციენტებს ბეტა-ადრენობლოკატორები ენიშნებათ მხოლოდ შესაძლო რისკის და სავარაუდო დადებითი შედეგის საფუძვლიანი შეფასების შემდეგ.
ბეტა-ადრენორეცეპტორების ბლოკატორებმა შეიძლება გააძლიერონ მგრძნობელობა ალერგენებისადმი და გაზარდონ ანაფილაქსიური რეაქციების გამოხატულება.
პაციენტებმა, რომლებიც ატარებენ კონტაქტურ ლინზებს, უნდა გაითვალისწინონ, რომ ამ პრეპარატით მკურნალობის ფონზე შესაძლებელია ცრემლის პროდუქციის შემცირება.
კალიუმის დეფიციტის ნიშნების გამოვლენისას, ასევე გულის გლიკოზიდებთან, გლუკოკორტიკოსტეროიდებთან და ადრენოკორტიკოტროპულ ჰორმონთან ერთდროული გამოყენებისას ნაჩვენებია კალიუმის პრეპარატების ან კალიუმის დამზოგავი დიურეტიკების გამოყენება.
პრეპარატის გამოყენება უნდა შეწყდეს პარათირეოიდული ჯირკვლების ფუნქციის ანალიზის ჩატარების წინ.
ხანგრძლივი გამოყენებისას საჭიროა სისხლის ელექტროლიტების დონისა და კრეატინინის კლირენსის რეგულარული კონტროლი.
ხანგრძლივი გამოყენებისას საჭიროა კალიუმით მდიდარი დიეტის დაცვა.
პრეპარატის ზემოქმედება ავტოტრანსპორტისა და მექანიზმების მართვის უნარზე:
ნონბლონ H არ მოქმედებს ფსიქომოტორული რეაქციების სისწრაფეზე, თუმცა პრეპარატის მიღებამ ზოგ შემთხვევაში შეიძლება გამოიწვიოს თავბრუ და დაღლილობის შეგრძნება, ამიტომ პაციენტებმა, რომლებიც იღებენ ნონბლონ H-ს, საჭიროა თავი შეიკავონ პოტენციურად სახიფათო მოქმედებების შესრულებისგან.

შეფუთვა:
10 ტაბლეტი ბლისტერში, 2 ბლისტერი მუყაოს კოლოფში.

შენახვის პირობები:                                                                                          
ინახება არა უმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).

მისამართი: 
საქართველო 0198, თბილისი, ჭირნახულის ქ. 14.
www.aversi.ge  

ქვეყანა: უნგრეთი

მწარმოებელი: გედეონ რიხტერი

გაცემის ფორმა: III ჯგუფი ურეცეპტო