ტემპქული MC(სიცხ.დამწ.)#6პლას

ქვეყანა: ჩინეთი

მწარმოებელი: ქილუ ფარმაცეუტიკალ

გაცემის ფორმა: III ჯგუფი ურეცეპტო

კო-ამლესა 8მგ/5მგ/2.5მგ #30ტ

~~35.95 ლარი~~
33.79 ლარი

ქვეყანა: სლოვენია

მწარმოებელი: კა_ერ_კა სლოვენია

გაცემის ფორმა: II ჯგუფი რეცეპტული

ტაბექსი 1.5მგ #100ტ

1.5 მგ შემოგარსული ტაბლეტები
(TABEX)

შემადგენლობა:
– აქტიური შემადგენელი ნაწილი – ციტიზინი (Cystisine) 1.5 მგ.
– სხვა ინგრედიენტები: ლაქტოზას მონოჰიდრატი, მიკროკრისტალური ცელულოზა, ტალკი, მაგნიუმის სტეარატი, საღებარი ოპადრა II ყავისფერი (E464, ლაქტოზას მონოჰიდრატი, E171, მაკროგოლი 3000, ტრიაცეტინი, E172).

რას წარმოადგენს ტაბექსი და რისთვის გამოიყენება
ტაბექსი შეიცავს აქტიურ ნივთიერებას ციტიზინს, რომელიც მწეველის ორგანიზმზე ნიკოტინის მსგავსად მოქმედებს. ტაბექსის გამოყენება იწვევს თამბაქოს მოწევის თანდათან შეწყვეტას სიგარეტის უარყოფასთან დაკავშირებული უსიამოვნო შეგრძნებებისა და დისკომფორტის გარეშე.

ჩვენება
ტაბექსი გამოიყენება თამბაქოს მოწევაზე დამოკიდებულ (ქრონიკული ტაბაკიზმი) ადამიანებში, რომლებსაც თავის დანებების სურვილი აქვთ.

ფარმაკოლოგიური ჯგუფი
ნიკოტინდამოკიდებულების სამკურნალო საშუალება.

უკეჩვენებები:
– ჰიპერმგრძნობელობა აქტიური ნივთიერების ციტიზინის ან ტაბექსის ნებისმიერი სხვა შემადგენელი კომპონენტის მიმართ;
– ცოტახნის წინ გადატანილი მიოკარდის ინფარქტი ან ტვინის შერყევა, არასტაბილური სტენოკარდია, გულის რითმის დარღვევა (გულის არითმია), ათეროსკლეროზის მძიმე ფორმა;
– ორსულობა ან ლაქტაცია;
ტაბექსის გამოყენების უკუჩვენებები:
– თირკმელზედა ჯირკვლის ქრომაფინული სიმსივნეები;
– გასტროეზოფაგეალური რეფლუქსური დაავადება (კუჭის წვენის გამოდევნა საყლაპავის ქვედა ნაწილში, რაც წვის შეგრძნებით ვლინდება);
– ფსიქიკური დაავადებები (შიზოფრენიის ზოგიერთი ფორმა).

განსაკუთრებული ყურადღება
ვინაიდან არ არსებობს ტაბექსის გამოყენების უსაფრთხოების საკმარისი კლინიკური გამოცდილება, აუცილებელია სიფრთხილე პაციენტებში შემდეგი დაავადებებით:
– გულის იშემიური დაავადება (გულის კუნთის სისხლით მომარაგების დარღვევა);
– გულის უკმარისობა (გულის კუნთის სისუსტე);
– არტერიული ჰიპერტენზია (სისხლის მაღალი წნევა);
– თავის ტვინის სისხლძაღვთა დაავადებები;
– სისხლძარღვების ოკლუზია;
– ღვიძლისა და თირკმლის დაავადებები;
– ჰიპერთირეოიდიზმი (ფარისებრი ჯირკვლის მომატებული ფუნქცია);
– წყლულოვანი დაავადება;
– დიაბეტი.
ასევე არ არსებობს ტაბექსის გამოყენების უსაფრთხოების საკმარისი კლინიკური გამოცდილება 18 წლამდე ასაკის ბავშვებში და 65 წელზე უფროს მოზრდილებში.
ამიტომ, ტაბექსის გამოყენება პაციენტების ამ კატეგორიაში ექიმთან წინასწარი კონსულტაციის და სარგებელი/რისკის შეფარდების შეფასების გარეშე რეკომედებული არ არის.

ურთიერთქმედება სხვა სამკურნალო საშუალებებთან
ექიმს უნდა ეცნობოს ისეთი წამლების გამოყენების შესახებ, როგორებიცაა ფიზოსტიგმინი, გალანტამინი ან ტუბერკულოზის სამკურნალო წამლები, მათი გვერდითი მოქმედებების შესაძლო გაძლიერების გამო ტაბექსთან ერთად გამოყენებისას.

ტაბექსის გამოყენება საკვებთან და სასმელებთან ერთად
საკვები და სასმელები ტაბექსის მოქმედებაზე ზეგავლენას არ ახდენს.

ორსულობა და ლაქტაცია
ექიმს უნდა ეცნობოს თუ პაციენტი ორსულად არის ან აპირებს დაორსულებას.
ორსულობის ან ლაქტაციის პერიოდში ტაბექსით მკურნალობა არ შეიძლება.

ზეგავლენა სატრანსპორტო საშუალებების მართვისა და მანქანებთან მუშაობის უნარზე
არ არსებობს მონაცემები ტაბექსის მავნე ზეგავლენის შესახებ იმ საქმიანობისას, რომელიც მაღალ ყურადღებასა და რეაქციების სისწრაფეს მოითხოვს.

მნიშვნელოვანი ინფორმაცია ტაბექსის შემადგენელი ზოგიერთი ნაწილის შესახებ
ეს სამკურნალო პრეპარატი ლაქტოზას შეიცავს. თუ პაციენტისათვის ცნობილია, რომ მას ზოგიერთი შაქრის აუტანლობა აწუხებს, პრეპარატის მიღებამდე ექიმს უნდა მიმართოს.

მიღების წესი
გამოყენების წესი: ტაბლეტები მიიღება შიგნით, წყლის მიყოლებით.
დოზირება: მკურნალობა ტარდება შემდეგი სქემის მიხედვით:
– 1-3-ე დღე – 1 ტაბლეტი დღეში 6-ჯერ (2 საათში). ამ დღეების განმავლობაში მოსალოდნელია მოწეული სიგარეტების რიცხვის თანდათან შემცირება. თუ შედეგი არადამაკმაყოფილებელია, მკურნალობა წყდება და მისი გამეორება 2-3 თვეში შეიძლება. დამაკმაყოფილებელი ეფექტის დროს (სიგარეტების რიცხვის მნიშვნელოვანი შემცირება) მკურნალობის მე-3 დღის შემდეგ მკურნალობა სქემის მიხედვით გრძელდება;
– მე-4-12 დღე – 1 ტაბლეტი ყოველ 2.5 საათში (5 ტაბლეტი დღეში);
– მე-13-16 დღე – 1 ტაბლეტი ყოველ 3 საათში (4 ტაბლეტი დღეში);
– მე-17-20 დღე – 1 ტაბლეტი ყოველ 5 საათში (3 ტაბლეტი დღეში);
– 21-25-ე დღე – 1-2 ტაბლეტი დღეში.
მოწევაზე საბოლოოდ უარის თქმა უნდა მოხდეს მკურნალობის დაწყებიდან მე-5 დღეს. სამკურნალო კურსის დასრულების შემდეგ პაციენტმა უნდა გამოიჩინოს ნებისყოფა და საკუთარ თავს სიგარეტის მოწევის ნება არ უნდა დართოს.

ჭარბი დოზის მიღება
ჭარბი დოზის მიღებისას შესაძლოა განვითარდეს ღებინება, გულის რითმის დაჩქარება, სუნთქვის გაძნელება. შესაძლებელია გულისრევა და გუგების გაფართოვება. ამ შემთხვევაში ტაბექსის მიღება უნდა შეწყდეს და საჭიროა ექიმთან კონსულტაცია.

ტაბექსის დოზის გამოტოვება
დოზის გამოტოვების შემთხვევაში მისი მიღება უნდა მოხდეს რაც შეიძლება სწრაფად. თუ მოახლოებულია შემდეგი დოზის დალევის დრო, მაშინ მიღება ჩვეულებრივ უნდა გაგრძელდეს. გამოტოვებული დოზის კომპენსირების მიზნით დოზის გაორმაგება არ შეიძლება.

გვერდითი მოვლენები
ყველა სხვა წამლის მსგავსად ტაბექსს შეუძლია გვერდითი მოქმედებების გამოწვევა. ისინი ყველა პაციენტში არ ვითარდება, ამიტომ ზოგს შეიძლება არანაირი რეაქცია არ განუვითარდეს.
ტაბექსით მკურნალობისას, განსკუთრებით დასაწყისში შესაძლებელია შემდეგი გვერდითი რეაქციები:
• სიმშრალე პირში, გემოსა და მადის შეცვლა, ღებინება, გულისრევა, მუცლის ტკივილი, ყაბზობა, დოარეა;
• თავის ტკივილი, თავბრუსხვევა;
• გულისცემა, ტკივილი მკერდის უჯრედში, გულის რითმის დაჩქარება, სისხლის წნევის მსუბუქად მომატება;
• ძილიანობა, უძილობა, მომატებული გაღიზიანებულობა;
• გაძნელებული სუნთქვა;
• კუნთების ტკივილი;
• წონის დაკლება, ოფლიანობა.

შენახვის პირობები
ინახება ორიგინალ შეფუთვაში მშრალ, სინათლისაგან დაცულ, ბავშვებისათვის მიუწვდომელ ადგილას, არა უმეტეს 25ºC ტემპერატურაზე.
შეფუთვაზე მითითებული ვარგისიანობის ვადის გასვლის შემდეგ წამლის გამოყენება არ შეიძლება.

შენახვის ვადა
2 წელი

გამოშვების ფორმა
შემოგარსული ტაბლეტები – ჩალისფერი, მრგვალი, ორმხრივამოზნექილი, 6 მმ დიამეტრით.
20 ტაბლეტი პვქ/ალუმინის ფოლგის ბლისტერში, 5 ბლისტერი გამოყენების ინტრუქციასთან ერთად მოთავსებულია მუყაოს კოლოფში.

გაცემის წესი
ურეცეპტოდ

გამოყენების ნებართვის მფლობელი და მწარმოებელი
სს სოფარმა ილიენსკოე შოსეს ქ. 16, სოფია 1220, ბულგარეთი

რელიფი #12 რექტ.სუპოზ

რელიფი (RELIEF®)

რექტალური სუპოზიტორია

საერთაშორისო არაპატენტირებული დასახელება

არ არსებობს.

სავაჭრო დასახელება

რელიფი.

სამკურნალწამლო ფორმა

რექტალური სუპოზიტორიები

დახასიათება

გაუმჭირვალე, თეთრიდან ღია ყვითელ ფერამდე, ტორპედოს ფორმის სუპოზიტორიები

შემადგენლობა

მოქმედი ნივთიერება (1 სუპოზიტორია შეიცავს): ფენილეფრინის ჰიდროქლორიდი 5მგ.

დამხმარე ნივთიერებები: კაკაოს ცხიმი, სიმინდის სახამებელი, მეთილპარაჰიდროქსიბენზოატი (E218), პროპილპარაჰიდროქსიბენზოატი (E216).

ფარმაკოთერაპიული ჯგუფი

ბუასილის და ანალური ნახეთქების გარეგანი გამოყენების სამკურნალო სხვა საშუალებები. ათქ კოდი: C05AX

ფარმაკოლოგიური თვისებები

ფენილეფრინის ჰიდროქლორიდი წარმოადგენს ალფა-ადრენომიმეტურ საშუალებას. ავლენს სისხლძარღვთა ადგილობრივ შემავიწროვებელ მოქმედებას, რაც ხელს უწყობს ექსუდაციის, ქსოვილების შეშუპების და ანორექტალურ მიდამოში ქავილის შემცირებას.

გამოყენების ჩვენებები

სიმპტომური საშუალება ბუასილის და ანალური ნახეთქების კომპლექსურ მკურნალობაში.

გამოყენების მეთოდი და დოზები

პრეპარატი გამოიყენება ჰიგიენური პროცედურების ჩატარების შემდეგ.

სწორ ნაწლავში შეიყვანება ერთი სუპოზიტორია დღეში 4 ჯერამდე (დილით, ძილის წინ და ყოველი დეფეკაციის შემდეგ).

მკურნალობის ხანგრძლივობა განისაზღვრება ექიმის მიერ დაავადების თავისებურებების, პრეპარატის ამტანობის და მიღებული ეფექტების გათვალისწინებით.

გვერდითი მოქმედება

შესაძლებელია განვითარდეს შემდეგი გვერდითი რეაქციები:

გულ-სისხლძარღვთა სისტემის მხრივ: რეფლექტორული ბრადიკარდია, გულის რითმის დარღვევა, არტერიული წნევის მომატება.

იმუნური სისტემის მხრივ: ჰიპერმგრძნობელობა, სიმპტომატიკა ალერგიული რეაქციებისა, ჯვარედინი ტიპის რეაქციების ჩათვლით, ტომლებიც შესაძლებელია გამოვლინდეს კანზე გამონაყარის სახით, ქავილით, ანგიონერვული შეშუპებით, კონტაქტური დერმატიტით.

ნერვული სისტემის მხრივ: თავბრუსხვევა, აგზნებადობა, თავის ტკივილი, ტრემორი, უძილობა, შეფოთვა, წამოხურება.

კანისა დაკანქვეშა ქსოვილების მხრივ: კონტაქტური დერმატიტი, ჰიპერემია, გამონაყარი კანზე, ქავილი, შეშუპება, ტკივილი, წვა.

იმ შემთხვევაში თუ განვითარდა ისეთი გვერდითი რეაქციები რომლებიც აღწერილი არ არის აქ, აუცილებელია პრეპარატის გამოყენების შეწყვეტა და კონსულტაცია ექიმთან.

უკუჩვენებები

ინდივიდუალური ჰიპერმგრძნობელობა პრეპარატის ინგრედიენტებზე, მძიმე ფორმის არტერიული ჰიპერტენზია, გულის რითმის ტაქსისქოლური დარღვევა, დეკომპენსირებული გულის უკმარისობა, გულის რითმის დარღვევა, მძიმე ფორმის თირკმლის ან ღვიძლის უკმარისობა, თირეოტოქსიკოზი, მწვავე პანკრეატიტი, თრომბოემბოლური დაავადება (მათ შორის ადრე გადატანილი), გრანულოციტოპენია, მონოამინოოქსიდაზებთან ერთად გამოყენება ან 14 დღის განმავლობაში მათი მიღების შეწყვეტიდან.

ჭარბი დოზირება

რეკომენდებული ერთჯერადი და სადღეღამისო დოზების მნიშვნელოვანი გადაჭარბების შემთხვევებში შეიმჩნევა ჰიპერკოაგულაციისადმი.

ჰიპერდოზირებისას შესაძლებელია განვითარდეს შემდეგი მოვლენები: არტერიული ჰიპერტენზია, ტკივილი და დისკომფორტი გულის არეში, გულისცემა, სუნთქვის გაძნელება, ფილტვების არაკარდიოგენული შეშუპება, აგზნებადობა, კრუნჩხვა, ძილის დარღვევა, შფოთვა, გაღიზიანება, ფსიქოზი ჰალუცინაციებით, ზოგადი სისუსტე, ანორექსია, გულისრევის შეგრძნება, ღებინება, ოლიგოურია, შარდის გამოყოფის დარღვევა, სახის გაწითლება, სახსრებში სიცივის შეგრძნება, პარესთეზია, ჰიპერგლიკემია, ჰიპოკალიემია, სასიცოცხლოდ აუცილებელ ორგანოებში სისხლის მიწოდების შემცირება, რამაც შეიძლება გამოიწვიოს თირკმლების სისხლმომარაგების გაუარესება, მეტაბოლური აციდოზი, პერიფერიული სისხლძარღვების გამავლობის გაძნელება რაც გულზე დატვირთვის გაზრდას იწვევს. სიმპტომური მკურნალობა.

უსაფრთხოების ზომები

პაციენტებს, რომლებსაც აღენიშნებათ არტერიული ჰიპერტენზია, გულ-სისხლძარღვთა სისტემის დაავადებები, ფარისებრი ჯირკვლის დაავადებები, დახურულკუთხოვანი გლაუკომა, შაქრიანი დიაბეტი, ღვიძლის დაავადებები, კუჭქვეშა ჯირკვლის, შარდვის გაძნელება (მაგ: წინამდებარე ჯირკვლის ჰიპერპლაზია) სამკურნალო საშუალების გამოყენება დასაშვებია ექიმთან კონსულტაციის შემდგომ, ხოლო მკურნალობის პერიოდში აუცილებელია ექიმის მეთვალყურეობა.

პრეპარატის დანიშვნის წინ ექიმმა უნდა შეაგროვოს ალერგიული ანამნეზი, მათ შორის სხვა სიმპტომიმეტურ საშუალებებზეც.

არ გამოიყენოთ პრეპარატი იმ შემთხვევაში, თუ დაზიანებულია ან არ აქვს დამცავი პლასტიკური გარსი.

უკანა ტანიდან მნიშვნელოვანი სისხლიანი გამონადენის შემთხვევაში, ან თერაპიული ეფექტის არარსებობისას საჭიროა დამატებით კონსულტაცია ექიმთან.

ვინაიდან, პრეპარატი შეიცავს მეთიპარაჰიდროქსიბენზოატს პროპილპარაჰიდროქსიბენზოატს შესაძლოა განვითარდეს ალერგიული რეაქციები, მათ შორის შენელებული ტიპისაც.

ურთიერთქმედება სხვა სამკურნალო საშუალებებთან

პრეპარატი არ გამოიყენება სისხლძარღვთა შემავიწროებელ საშუალებებთან ერთად (მათი ორგანიზმიდან გამოსვლის გზების მიუხედავად). ასევე, ანტიჰიპერტენზული საშუალებებთან ერთად (ბეტა-ადრენობლოკატორები). ატროპინის სულფატი ფენილეფრინის მიერ გამოწვეულ რეფლექტორული ბრადიკარდიის ბლოკირებას ახდენს და ამაღლებს ფენილეფრინის ვაზოპრესორულ მოქმედებას. ფენილეფრინის და ბეტა-ადრენობლოკატორების ერთდროული გამოყენებისას შესაძლოა განვითარდეს არტერიული ჰიპერტენზია და გამოხატული ბრადიკარდია გულის ბლოკადით.

სიფრთხილეა საჭირო რელიფის ერთდროული გამოყენებისას ფარისებრი ჯირკვლის ჰორმონებთან, პრეპარატებთან, რომლების გავლენას ახდენენ გულის გამტარებლობაზე (საგულე გლიკოზიდები, ანტიარითმიული საშუალებები). ისეთ პრეპარატებთან ერთად გამოყენებისას, რომლებიც აძლიერებენ ორგანიზმიდან კალიუმის გამოდევნას (მაგ: ფუროსემიდის ტიპის დიურეტიკები) შესაძლებელია გაღრმავდეს ჰიპოკალიემია და შესუსტდეს ფენილეფრინის ვაზოპრესული მოქმედება. სხვა სიმპტომიმეტურ საშუალებებთან ფენილეფრინის ერთდროული გამოყენებამ შესაძლოა გამოიწვიოს ცენტრალური ნერვული სისტემის დამატებითი სტიმულაცია, რომელსაც ახლავს აგზნებადობა, გაღიზიანება, უძილობა, შესაძლოა კრუნჩხვითი შეტევის განვითარება.

პრეპარატ რელიფის ერთდროული გამოყენება არ შეიძლება მაო-ს ინჰიბიტორებთან ერთად ან 14 დღის განმავლობაში მათი მიღების შეწყვეტიდან.

გამოყენება ბავშვებში

12 წლამდე ბავშვებში სამკურნალო საშუალების გამოყენება არ არის რეკომენდებული.

გამოყენება ორსულობასა და ლაქტაციის პერიოდში

სამკურნალო საშუალების გამოყენება რეკომენდებული არ არის ორსულებსა და ლაქტაციის პერიოდში.

გავლენა სატრანსპორტო საშუალებების და სხვა მექანიზმების მართვაზე

ნერვული სისტემის მხრივ გვერდითი მოვლენების განვითარების რისკის გამო აუცილებელია სიფრთხილის დაცვა.

შენახვის პირობები

არაუმეტეს 25°C ტემპერატურაზე, ბავშვებისთვის მიუწვდომელ ადგილას.

ვარგისობის ვადა

2 წელი. არ გამოიყენება შეფუთვაზე მითითებული ვარგისობის ვადის ამოწურვის შემდეგ.

შეფუთვა

6 სუპოზიტორიანი 2 სტრიპი ფურცელ-ჩანართთან ერთად მოთავსებულია მუყაოს კოლოფში.

გაცემის პირობები

ურეცეპტოდ.

განმცხადებელი/მწარმოებელი ფირმის დასახელება, მისამართი

ბაიერ კონსუმერ კერ აგ

პეტერ მერიან-შტრასე 84, 4052 ბაზელი შვეიცარია

ინსტიტუტო დე ანგელი ს.რ.ლ,

50066 რეგგელლო (ფლორენცია), ლოკ. პრულლი 103/ც, იტალია

კო-ამლესა 8მგ/10მგ/2.5მგ #30ტ

~~36.17 ლარი~~
34.00 ლარი

ქვეყანა: სლოვენია

მწარმოებელი: კა_ერ_კა სლოვენია

გაცემის ფორმა: II ჯგუფი რეცეპტული

პროქტოგლივენოლის სანთელი #10

წამლის ფორმები
რექტალური სანთლები
კრემი

შემადგენლობა
1 რექტალური სანთელი
აქტიური ნივთიერება: ეთილ-3,5,6-ტრი-ბენზილ-D-გლუკოფურანოზიდი (ტრიბენოზიდი) 400 მგ, ლიდოკაინი 40 მგ.
კრემი 100 გ
აქტიური ნივთიერება: ტრიბენოზიდი 5 გ, ლიდოკაინის ჰიდროქლორიდი 2 გ.

ფარმაკოთერაპიული ჯგუფი:
ბუასილის სამკურნალო საშუალება

ფარმაკოლოგიური თვისებები
პროქტო-გლივენოლი ამცირებს ბუასილით განპირობებულ სიმპტომებს, როგორიცაა: ტკივილი, წვა, კანის დაჭიმულობა, ქავილი, რომლებიც წარმოიქმნება უმთავრესად მეორადი ანთებისას ანალურ მიდამოში. პროქტო-გლივენოლის თერაპიული აქტივობა პაციენტებში, რომლებსაც აწუხებთ ბუასილი, აიხსნება პირველ რიგში მისი სპეციფიკური ფარმაკოლოგიური მოქმედებით. კერძოთ მისი უნარით შეამციროს კაპილარების გამტარობა, გააუმჯობესოს სისხლძარღვთა ტონუსი და ადგილობრივი ანთების საწინააღმდეგო მოქმედებით, რომელსაც იგი ავლენს ზოგიერთ ენდოგენური ნივთიერების, მიმართ ანტაგონისტური ზემოქმედებით (რომლებიც ასრულებენ მედიატორის როლს ანთების განვითარებისას და ასევე ტკივილის ფორმირებისას).
პრეპარატის შემადგენლობაში შემავალი ლიდოკაინი ხელს უწყობს დაავადების სიმპტომების სწრაფ შესუსტებას.

ფარმაკოკინეტიკა
ვინაიდან პროქტო-გლივენოლი განკუთვნილია ადგილობრივი მოქმედებისთვის, სასურველია, რომ სისტემური აქტიური ნივთიერების, ტრიბენოზიდის აბსორბცია იყოს მინიმალური. სანთლიდან გამონთავისუფლებული ტრიბენოზიდის ბიოშეღწევადობა, აღწევს მხოლოდ 30% იმ რაოდენობიდან, რომელიც ხვდება სისხლის სისტემურ ცირკულაციაში პრეპარატის შიგნით მიღებისას (კაფსულის სახით). პიკური კონცენტრაცია პლაზმაში 1 სანთლის (400 მგ ტრიბენოზიდი) რექტალურად შეყვანისას, ვლინდება 2 საათის შემდეგ. ორგანიზმში ტრიბენოზიდი განსაზღვრული ხარისხით მეტაბოლიზდება. 1 სანთლის შეყვანისას დოზის 20-27% გამოიყოფა შარდთან ერთად მეტაბოლიტების სახით. ტრიბენოზიდის 2-20% შემავალი კრემის შემადგენლობაში, აბსორბირდება კანიდან.
აბსორბირებული ლიდოკაინის რაოდენობის მიუხედავად, გულზე მისი ზემოქმედება უმნიშვნელოა.

გამოყენების ჩვენება
გარეგანი და შინაგანი ბუასილი.

მიღების წესები და დოზები
კრემი ან 1 რექტალური სანთელი მიიღება დილით და საღამოთი მწვავე სიმპტომების სრულ მოხსნამდე. დოზა შეიძლება სისტემატურად შევამციროთ და გამოვიყენოთ კრემი ან 1 სანთელი მხოლოდ ერთხელ დღეში. 30 გ. კრემი (1 ტუბი) საკმარისია 20-30 გამოყენებისათვის.

უკუჩვენებები
მომატებული მგრძნობელობა პროქტო-გლივენოლის აქტიური ნივთიერებისადმი.

გაფრთხილებები/უსაფრთხოების ზომები
ფეხმძიმობა და ლაქტაცია
ისევე, როგორც სხვა პრეპარატებით თერაპიისას, პროქტო-გლივენოლი უნდა იქნეს მიღებული დიდი სიფრთხილით, განსაკუთრებით ფეხმძიმობის პირველი 3 თვის განმავლობაში. უცნობია, ხვდება თუ არა აქტიური ნივთიერებები დედის რძეში. აუცილებელია გავითვალისწინოთ შესაძლებელი რისკი, როგორც დედისათვის, ასევე ბავშვისათვის.

გვერდითი მოვლენები
პროქტო-გლივენოლი კარგი ამტანობით ხასიათდება. განსაკუთრებულ შემთხვევებში, კრემის გამოყენებისას ან სანთლის შეყვანისას, აღინიშნება მსუბუქი წვის შეგრძნება, ტკივილი ან ნაწლავების გაძლიერებული პერისტალტიკა.
ინფორმაცია პაციენტებისათვის
შინაგანი ბუასილის სამკურნალოდ კრემიან ტუბს უნდა მიეხრახნოს თანდართული აღჭურვილობა წინასწარ მისი თავსახურის მოხსნით, და ისევ დაეხრახნოს გამოყენების შემდეგ.
თუ დისკომფორტის შეგრძნება არ ქრება ან ვლინდება რაიმე უჩვეულო ნიშნები ან სიმპტომები, საჭიროა მივმართოთ ექიმს, რათა გამოვრიცხოთ შესაძლებლობა, რომ გამოვლენილი სიმპტომები გამოწვეულია სხვა რაიმე დაავადებით და არა ბუასილით.
ამასთან ერთად ბუასილის სამკურნალოდ პროქტო-გლივენოლის გამოყენებისას აუცილებელია ყურადღება მივაქცეს ანალური მიდამოს ჰიგიენას, თავიდან ავიცილოთ მეტისმეტი დაძაბულობა, და მივიღოთ ყველა ზომები რათა შევინარჩუნოთ რბილი კონსტიტენციის განავალი.

გამოშვების ფორმა:
კრემი: ტუბში 30გ.
რექტალური სანთლები: შეფუთვაში 10 ც.

შენახვის პირობები:
შეინახეთ 30⁰C – ზე დაბალ ტემპერატურაზე.

ვარგისიანობის ვადა:
არ გამოიყენება ვარგისიანობის ვადის გასვლის შემდეგ, რომელიც აღნიშნულია „EXP“ შეფუთვაზე.

აფთიაქიდან გაშვების წესი:
გაიცემა ექიმის რეცეპტის გარეშე.
მიიღება ექიმის დანიშნულებით.

ნოვარტის კონსიუმერ ხელს სა.
ნიონი, შვეიცარია.

კო-ამლესა 4მგ/5მგ/1.25მგ #30ტ

~~28.75 ლარი~~
27.02 ლარი

ქვეყანა: სლოვენია

მწარმოებელი: კა_ერ_კა სლოვენია

გაცემის ფორმა: II ჯგუფი რეცეპტული

პრესტო გელი 25გ გელი

პრესტო გელი

პრესტო გელი – რევოლუციური პროდუქტი, ბუასილის სამკურნალოდ და პროფილაქტიკისთვის.

შეიცავს მაღალ ხარისხიანი ნატურალური კომპონენტების უნიკალურ კომპოზიციას.

პრესტო გელი განკუთვნილია სწრაფი და ეფექტური ტკივილის კუპირებისთვის, ბუასილის, ანალური ნახეთქების და სხვა ანთებითი პროცესების დროს.

პრესტო გელი ეფექტურად ხსნის ტკივილს, წვას, ქავილს და გაღიზიანების შეგრძნებას ანალურ მიდამოში. ქმნის ფიზიკურ ბარიერს ლორწოვან გარსზე, ხელს უშლის ბაქტერიების შეღწევას და კანის გაღიზიანებას.

პრესტო გელის შეფუთვა შედგება:

1 .ჰერმეტული ალუმინის ტუბი, პლასტიკური თავსახურით. მასა 25 გრ

2. აპლიკატორი (პლასტიკური წვერი) ინტრარექტალური გამოყენებისთვის

3. გამოყენების ინსტრუქცია

როგორ გამოვიყენოთ პრესტო გელი?

მოხსენით თავსახური ტუბს
გახვრიტეთ ტუბი და მჭიდროდ მიახრახნეთ აპლიკატორი (პლასტიკური წვერი) ინტრარექტალური გამოყენებისთვის
შეიყვანეთ მიახლოებით 0.5-1 სმ გელი ანალურ ხვრელში. გამოყენების შემდეგ მოხსენით პლასტიკური წვერი და კარგად დახურეთ ტუბი თავსახურით
აპლიკატორი გარეცხეთ ყოველი გამოყენების შემდეგ თბილი წყლით

პრესტო გელის შეფუთვა (25 გრ) საკმარისია მიახლოებით 100 ჯერ გამოსაყენებლად

შენახვის პირობები:

შეინახეთ მშრალ ადგილას, ტემპერატურა არა უმეტეს +25 C, ბავშვებისთვის მიუწვდომელ ადგილას. დაიცავით პირდაპირი მზის სხივებისგან.

გაფრთხილების ზომები:

შესაძლებებილა ინდივიდუალური აუტანლობა შემადგენელი კომპონენტების მიმართ
აკრძალულიია შიგნით გამოყენება
მოერიდეთ თვალებთან კონტაქტს
თუ გაწუხებთ მძიმე სისხლდენა, ან მუდმივი პრობლემები ბუასილთან დაკავშირებით(ჰემორაიდალური კვანძების გადიდება) დაუყონებლივ მიმართეთ ექიმს კონსულტაციისთვის

შემადგენლობა: ორმაგად დისტილირებული, ულტრაიისფერი სხივებით დამუშავებული წყალი (93.58%), ტრიეტანოლამინი (1.500%), კარბომერი (1%), ალოე ბარბადენსის ფოთლების ექსტრაქტი (3%), გერანიუმ ტუნბერგის ექსტრაქტი (0.220%), პოგესტემონ კაბლინის ფოთლების ექსტრაქტი (0.700%)

პრესტო გელი არ შეიცავს არამატიზატორებს და ცხოველური წარმოშობის ნივთიერებებს. პრესტო გელი დამამშვიდებელი და ტკივილგამაყუჩებელი ფორმულაა სწრაფი მოქმედებით. გელის გამოყენების შემდეგ პირველი რამოდენიმე წუთის განმავლობაში შეიგრძნობა ძლიერი გამაგრილებელი ეფექტი, რომელიც გადადის სასიამოვნო თბილ შეგრძნებაში

პრესტო გელი იცავს კრემის მიერ დაფარულ მიდამოს მავნე ბაქტერიებისგან რომლებიც იწვევენ ანთებას. ამცირებს სისხლმდენი სისხლძარღვების განვლადობას, ხელს უწყობს სისხლდენის შეჩერებას ჰემოროიდალური კვანძებიდან. ასტიმულირებს შეხორცების ბუნებრივ პროცესს.

სხვა წამლებთან ურთიერთქმედება:

გვერდითი ეფექტები არ გამოვლენილა სხვა წამლებთან ერთად გამოყენებისას.

გვერდითი მოვლენები:

გელის შემადგენლობაში მხოლოდ ნატურალური კომპონენტებია, მისი გამოყენებისას არ გამოვლენილა გვერდითი მოვლენები. ჰემორაიდალური კვანძების გადიდების შემთხვევაში, გელის გამოყენების დასაწყისში შეიძლება აღინიშნებოდეს გარდამავალი წვის შეგრძნება, ხელმეორედ გამოყენებისას ეს შეგრძნება ქრება.

გამოყენების წესი:

1-2 ჯერ დღეში, თითებით ფაქიზად დაიტანება ანალურ არეში. გამოყენების წინ რეკომენდებულია დაბანა საპნის გარეშე თბილი წყლით და რბილი ნაჭრით გაწმენდა.

4-6 ჯერ დღეში აპლიკატორის გამოყენებით შეიყვანეთ გელი ანალურ ხვრელში(სასურველია დეფეკაციის შემდგომ).

პრესტო გელი დაიტანეთ სუფთა კანზე, ყოველი დეფეკაციის შემდეგ.

პრესტო გელი გამოიყენება ყველა ასაკში, ორსულებში და მშობიარობის შემდგომ პერიოდში და ბავშვებში 12 წლის ზემოთ.

12 წლამდე ასაკში გამოიყენება ექიმის დანიშნულებით და მისი ზედამხედველობის ქვეშ.

მწარმოებელი: დან ფარმი, ისრაელი

სტომაგელი 5მგ/20მგ 15გ გელი

სტომაგელი/STOMAGEL 5მგ/20მგ

პრეპარატის შემადგენლობა

1 გ სტომაგელი შეიცავს:

აქტიური ნივთიერებები: მეთილურაცილი (საერთაშორისო არა-პატენტირებული დასახელება Methyluracilum) – 5 მგ,

ლიდოკაინის ჰიდროქლორიდი საერთაშორისო არა-პატენტირებული დასახელება (Lidocaini hydrochloridum) – 20 მგ.

დამხმარე ნივთიერებები: ფიჭვის ეთერზეთის მძიმე ფრაქცია, ლეციტინი, სილბიოლი α-ტოკოფეროლი, მეთილპარაჰიდროქსიბენზოატი, უნდეცილენის მჟავას მონოეთანოლამიდი, კარბომერი, ტროლამინი, ეთილის სპირტი, დისტილირებული წყალი.
წამლის ფორმა

გელი პირის ღრუს ლორწოვანზე გამოყენებისათვის.
ფარმაკოთერაპიული ჯგუფი

პირის ღრუს დაავადებების ადგილობრივი სამკურნალო საშუალება.

ათქ კოდი: A01AD11.

ფარმაკოლოგიური თვისებები

ფარმაკოდინამიკა

გელის კომპონენტები ასტიმულირებენ ქსოვილების რეგენერაციას და ეპითელიზაციას, და ასევე გააჩნიათ შემამსუბუქებელი და ანთების საწინააღმდეგო თვისებები.

მეთილურაცილი – ხელს უწყობს ქსოვილების რეგენერაციას და ეპითელიუმის აღდგენას, აქვს დადებითი გავლენა ნუკლეინის მჟავას მეტაბოლურ პროცესებზე ლორწოვანის ქსოვილებში, აქვს ანთების საწინააღმდეგო თვისებები, ხელს უწყობს იმუნიტეტის აღდგენას.

ლიდოკაინის ჰიდროქლორიდი – ლორწოვან გარსში შეღწევისას გროვდება ტკივილის რეცეპტორებში და ნერვული დაბოლოებების მიდამოებში. ლიდოკაინი უზრუნველყოფს ადგილობრივ ანესთეზიას ლორწოვანში.

ფარმაკოკინეტიკა

გარეგანი გამოყენებისას მეთილურაცილი პრაქტიკულად არ აბსორბირდება სისტემურ სისხლის მიმოქცევაში. ლიდოკაინი პირის ღრუს ლორწოვანში შედის მცირე რაოდენობით. ორგანიზმში ლიდოკაინი ხვდება კუჭ-ნაწლავის ტრაქტში და მთლიანად მეტაბოლიზდება ღვიძლში.

გამოყენების ჩვენებები
პირის ღრუს ლორწოვანი გარსის ანთებითი და ნეკროზული პროცესების: მწვავე სტომატიტი, გინგივიტი, პარადონტიტი. პირის სიმშრალე და წვის შეგრძნება, რომელიც გამოწვეულია მიკრობული ან სოკოვანი ინფექციით.
უკუჩვენებები

– ჰიპერმგრძნობელობა აქტიური ნივთიერების და/ან ნებისმიერი სხვა კომპონენტის მიმართ; – გელი უკუნაჩვენებია ლეიკოზის მწვავე და ქრონიკული ლეიკემიური ფორმის, ლიმფოგრანულომატოზის, ძვლის ტვინის ავთვისებიანი დაავადებების, ღვიძლის მძიმე დაავადებების, ასევე მომატებული მგრძნობელობისას ამიდური წარმოშობის ადგილობრივი საანესთეზიო საშუალებების მიმართ ან გელის კომპონენტების მიმართ;

– 3 წლამდე ასაკის ბავშვებში.

სპეციალური ინსტრუქციები

არ დაუშვათ გელის თვალებში მოხვედრა, რადგანაც მას გააჩნია თვალის ლორწოვანი გარსის მიმართ მსუბუქი გამაღიზიანებელი თვისებები. თვალებში გელის მოხვედრისას გამოირეცხეთ დიდი რაოდენობით თბილი წყლით.
ორსულობა და ლაქტაცია

გამოყენების შეზღუდვები არ არის.
პრეპარატის ზემოქმედების თავისებურებები სატრანსპორტო საშუალებების ან პოტენციურად საშიში მექანიზმების მართვის უნარზე.

გელი არ ზემოქმედებს სატრანსპორტო საშუალებების ან პოტენციურად საშიში მექანიზმების მართვის უნარზე.
წამლებს შორის ურთიერთქმედება

გელი ახდენს სტროფანტინის მოქმედების პოტენცირებას, აძლიერებს ანტიბიოტიკების და სულფონამიდური პრეპარატების მოქმედებას.

დოზის გადაჭარბება

დოზის გადაჭარბების შემთხვევების შესახებ ინფორმაცია არ არსებობს.
გამოყენების მეთოდი და დოზირება

წაუსვით პირის ღრუს დაზიანებულ ადგილებზე 3-4-ჯერ დღეში. გელის გამოყენების ხანგრძლივობაა 10 დღემდე.
გვერდითი მოვლენები

იშვიათ შემთხვევებში შესაძლებელია ადგილობრივი ალერგიული რეაქციები, მცირე თავის ტკივილი და თავბრუსხვევა.

აცნობეთ ექიმს და ფარმაცევტს იმ გვერდითი მოვლენების განვითარებისას, რომლებიც არ არის მითითებული ამ ინსტრუქციაში.
ვარგისიანობის ვადა

ვარგისიანობის ვადა მითითებულია პაკეტზე.

არ გამოიყენოთ ვარგისიანობის ვადის გასვლის შემდეგ.
შენახვა

შეინახეთ ბავშვებისთვის მიუწვდომელ ადგილას. დაიცავით ნესტისაგან. დაიცავით სინათლისგან. შენახვის არაუმეტეს 25°C ტემპერატურაზე.
გამოშვების ფორმა და შეფუთვა

15 გ. ალუმინის ტუბებში, ტუბები მოთავსებულია მუყაოს პაკეტებში ჩანართ-ფურცელთან ერთად.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე

სარეგისტრაციო მოწმობის მფლობელი და მწარმოებელი

შპს „ლმპ“, რიგა, ვიეტალვასის ქ.#1, LV-1009, ლატვია.

ტექსტის ბოლო კორექციის თარიღი: 2018 წლის იანვარი

შპს „ლმპ“-ს ფარმაცევტი