ქვეყანა: რუსეთი

მწარმოებელი: კრკა

გაცემის ფორმა: II ჯგუფი რეცეპტული

კლოპიზიმი-75
(კლოპიდოგრელის ტაბლეტები USP 75 მგ)
CLOPIZIM-75

სავაჭრო დასახელება
კლოპიზიმი-75
საერთაშორისო არაპატენტური დასახელება
კლოპიდოგრელის ბისულფატი
ფარმაცევტული ფორმა
აპკიანი გარსით დაფარული ტაბლეტები
შემადგენლობა
ყოველი აპკიანი გარსით დაფარული ტაბლეტი შეიცავს:
კლოპიდოგრელის ბისულფატი USP
75 მგ კლოპიდოგრელის ექვივალენტი
ფარმაკოთერაპიული ჯგუფი: თრომბოციტების აგრეგაციის ინჰიბიტორი
ათქ კოდი: B01AC04
ფარმაკოლოგიური მახასიათებლები
ფარმაკოდინამიკა
მოქმედების მექანიზმი: კლოპიდოგრელი არის პროწამალი, მისი ერთი მეტაბოლიტი არის თრომბოციტების აგრეგაციის ინჰიბიტორი. კლოპიდოგრელის მეტაბოლიზმი ხდება CYP450-ით აქტიური მეტაბოლიტის წარმოქმნისთვის, რომელიც აინჰიბირებს თრომბოციტების აგრეგაციას. კლოპიდოგრელის აქტიური მეტაბოლიტი სელექციურად აინჰიბირებს ადენოზინ დიფოსფატის (ADP) დაკავშირებას თრომბოციტების P2Y112 რეცეპტორთან და გლიკოპროტეინ GPIIბ/IIIა კომპლექსის ADP-მედიატირებულ აქტივაციას, აქედან გამომდინარე აინჰიბირებს თრომბოციტების აგრეგაციას. შეუქცევადი დაკავშირების გამო, ექსპოზირებულ თრომბოციტებზე მოქმედება ხდება სასიცოცხლო პერიოდის ბოლომდე (დაახლოებით 7-10 დღე) და თრომბოციტების ნორმალური ფუნქციის აღდგენა ხდება თრომბოციტების ხელახლა წარმოქმნასთან ერთად. თრომბოციტების აგრეგაცია, რომელიც გამოწვეულია ADP-ს გარდა სხვა აქტივატორებით, აგრეთვე ინჰიბირდება თრომბოციტების აქტივაციის ამპლიფიკაციის ბლოკირებით ADP გამოთავისუფლებით.
რადგან აქტიური მეტაბოლიტი წარმოიქმნება CYP450 ენზიმებით, რომელთაგან ზოგიერთი პოლიმორფულია ან ინჰიბირდება სხვა სამედიცინო პროდუქტებით, ყველა პაციენტში არ დაფიქსირდება თრომბოციტების ადექვატური ინჰიბირება.
ფარმაკოდინამიური ეფექტები: დღეში 75 მგ განმეორებითმა დოზებმა გამოიწვია თრომბოციტების ADP-გამოწვეული აგრეგაციის ინჰიბირება პირველი დღიდან; ეს პროგრესულად იზრდებოდა და მყარ მდგომარეობას მიაღწია 3-7 დღეში. მყარ მდგომარეობაში დღეში 75 მგ დოზის მიღებისას ინჰიბირების საშუალო დონე შეადგენდა 40-60%-ს. თრომბოიტების აგრეგაცია და სისხლდენის დრო თანდათან უბრუნდებოდა საწყის დონეს, ჩვეულებრივ მკურნალობის შეწყეტიდან 5 დღის შემდეგ.
ფარმაკოკინეტიკა
შეწოვა: ერთჯერადი და დღეში 75 მგ-ის განმეორებითი დოზირების შემდეგ კლოპიდოგრელი სწრაფად შეიწოვება. პლაზმაში უცვლელი კლოპიდოგრელის დონის საშუალო პიკი (დაახლოებით 2.2-2.5 ნგ/მლ 75 მგ ერთჯერადი ორალური დოზირების შემდეგ) ვითარდებოდა დოზირებიდან დაახლოებით 45 წუთის შემდეგ. შეწოვა მინიმუმ 50%-ს შეადგენს კლოპიდოგრელის მეტაბოლიტების შარდით გამოყოფის საფუძველზე.
განაწილება: კლოპიდოგრელი და ძირითადი მოცირკულირე (არააქტიური) მეტაბოლიტი in vitro შექცევადად უკავშირდება ადამიანის პლაზმის ცილებს (98 და 94%). კავშირი უჯერია ინ ვიტრო კონცენტრაციის მაღალი მერყეობით.
ბიოტრანსფორმაცია: კლიპიდოგრელი ექსტენსიურად მეტაბოლიზება ღვიძლით. in vitro და in vivo კლოპიდოგრელი მეტაბოლიზდება ორი ძირითადი გზით: ერთი მედიატირებულია ესთერაზებით და იწვევს ჰიდროლიზს არააქტიურ კარბოქსილის მჟავას დერივატებად (მოცირკულირე მეტაბოლიტების 85%), და ერთი მედიატირებულია მრავლობითი ციტოქრომ P450-ით. კლოპიდოგრელი თავიდან მეტაბოლიზდება 2-ოქსო-კლოპიდოგრელის შუალედურ მეტაბოლიტად. შუალედური მეტაბოლიტის 2-ოქსო-კლოპიდოგრელის შემდგომი მეტაბოლიზმი იწვევს აქტიური მეტაბოლიტის-კლოპიდოგრელის თიოლ დერივატის წარმოქმნას. აქტიური მეტაბოლიტი ძირითადად წარმოიქმნება CYP2C19-ით, რამდენიმე სხვა CYP ენზიმის ხელშეწყობით – CYP1A2, CYP2B6, CYP3A4 ჩათვლით. აქტიური თიოლ მეტაბოლიტი, რომელიც იზოლირებული იყო ინ ვიტრო, სწრაფად და შეუქცევლად უკავშირდება თრომბოციტების რეცეპტორებს, აქედან გამომდინარე აინჰიბირებს თრომბოციტების აგრეგაციას.
გამოყოფა: ადამიანებში ¹⁴C-დანიშნული კლოპიდოგრელის ორალური მიღების შემდეგ დაახლოებით 50% გამოიყოფოდა შარდში და დაახლოებით 46% გამოიყოფოდა განავალში, დოზირებიდან 120 საათის ინტერვალში. 75 მგ-ის ერთჯერადი ორალური დოზირების შემდეგ კლოპიდოგრელის ნახევარგამოყოფის პერიდი დაახლოებით 6 საათს შეადგენს. ძირითადი მოცირკულირე (არააქტიური) მეტაბოლიტის ნახევარგამოყოფის პერიოდი შეადგენდა 8 საათს ერთჯერადი და მრავლობითი ორალური დოზირების შემდეგ.
თერაპიული ჩვენება
კლოპიდოგრელი ნაჩვენებია:
ათეროთრომბოზული მოვლენების პრევენცია
• მოზრდილი პაციენტები, რომლებსაც აღენიშნებათ მიოკარდიუმის ინფარქტი (რამდენიმე დღიდან 35 დღემდე), იშემიური ინსულტი (7 დღიდან 6 თვემდე) ან დადგენილი პერიფერიული არტერიული დაავადება.
• მოზრდილი პაციენტები, რომლებსაც აღენიშნებათ მწვავე კორონარული სინდრომი.
ST – სეგმენტის ელევაციის გარეშე მიმდინარე მწვავე კორონარული სინდრომი (არასტაბილური ანგინა ან Q-კბილის გარეშე მიმდინარე მიოკარდიუმის ინფარქტი), პაციენტებში, რომლებსაც უტარდებათ სტენტირება პერკუტანული კორონარული ინტერვენციის შემდეგ, აცეტილსალიცილის მჟავასთან კომბინაციაში (ASA).
ST – სეგმენტის ელევაციით მიმდინარე მიოკარდიუმის მწვავე ინფარქტი ASA-სთან კომბინაციაში ნამკურნალებ პაციენტებში, რომლებსაც უტარდებათ თრომბოლიზური თერაპია.
ათეროთრომბოზული და თრომბოემბოლიური მოვლენების პრევენცია წინაგულების ფიბრილაციის დროს
წინაგულების ფიბრილაციით დაავადებულ მოზრდილ პაციენტებში, რომლებსაც აქვთ სისხლძარღვთა მოვლენების მინიმუმ ერთი რისკ ფაქტორი, რომლებშიც არ შეიძლება K ვიტამინის ანტაგონისტების გამოყენება (VKA) და რომლებშიც დაბალია სისხლდენის რისკი, კლოპიდოგრელი ნაჩვენებია AშA-სთან კომბინაციაში ათეროთრომბოზული და თრომბოემბოლიური მოვლენების პრევენციისთვის, ინსულტის ჩათვლით.
დოზირება და მიღების წესი
დოზირება
მოზრდილები და ხანდაზმულები: კლოპიდოგრელის გამოყენება უნდა მოხდეს დღეღამეში 75 მგ დოზით.
ST სეგმენტის ელევაციით მიმდინარე მიოკარდიუმის მწვავე ინფარქტი: კლოპიდოგრელის გამოყენება უნდა მოხდეს დღეღამეში ერთჯერადი 75მგ დოზით. საწყისი დოზა უნდა შეადგენდეს 300 მგ-ს, ASA-სთან კომბინაციაში, თრომბოლიზურ საშუალებებთან ერთად ან მათ გარეშე. 75 წელზე უფროსი ასაკის პაციენტებში კლოპიდოგრელით მკურნალობის დაწყება უნდა მოხდეს სასტარტო დოზის გარეშე. კომბინირებული მკურნალობა უნდა დაიწყოს რაც შეიძლება ადრე სიმპტომების დაწყების შემდეგ და უნდა გაგრძელდეს მინიმუმ 4 კვირის განმავლობაში.
წინაგულების ფიბრილაციის მქონე პაციენტებში კლოპიდოგრელის მიღება უნდა მოხდეს დღეში ერთხელ 75 მგ დოზით. ASA (75-100 მგ დღეში) უნდა დაიწყოს და გაგრძელდეს კლოპიდოგრელთან კომბინაციაში.
დოზის გამოტოვების შემთხვევაში:
რეგულარული დროიდან 12 საათის განმავლობაში: პაციენტებმა დოზა უნდა მიიღონ დაუყოვნებლივ და შემდეგ მკურნალობა განაგრძონ რეგულარული სქემით.
12 საათზე დიდი ხნის განმავლობაში: პაციენტებმა შემდეგი დოზა უნდა მიიღონ დანიშნულ დროს და დოზა არ უნდა გააორმაგონ.
პედიატრული პოპულაცია
გაურკვეველი ეფექტურობის გამო ბავშვებში კლოპიდოგრელი არ უნდა გამოიყენონ.
მიღების მეთოდი
მიიღება პერორალურად.
გამოყენება შეიძლება საკვებთან ერთად ან მის გარეშე.
უკუჩვენება
კლოპიდოგრელი უკუნაჩვენებია შემდეგ შემთხვევებში
– მომატებული მგრძნობელობა აქტიური ნივთიერების ან რომელიმე შემავსებლის მიმართ
– ღვიძლის მწვავე უკმარისობა
– აქტიური პათოლოგიური სისხლდენა, როგორიცაა პეპტიური წყლული ან ინტრაკრანიალური ჰემორაგია.
განსაკუთრებული გაფრთხილებები და უსაფრთხოების ზომები
სისხლდენა და ჰემატოლოგიური დარღვევები: როგორც სხვა ანტითრომბოციტური აგენტები, კლოპიდოგრელი სიფრთხილით უნდა გამოიყენონ პაციენტებში, რომლებსაც შეიძლება აღენიშნებოდეთ სისხლდენის მომატებული რისკი ტრავმის, ოპერაციის ან სხვა პათოლოგიური მდგომარეობის გამო და პაციენტებში, რომლებიც AშA-თი, ჰეპარინით, გლიკოპროტეინ IIბ/IIIა ინჰიბიტორებით და ანთებისსაწინააღმდეგო არასტეროიდული პრეპარატებით (ასაპ) მკურნალობენ, ცოგ-2 ინჰიბიტორების ჩათვლით, იღებენ სეროტონინის უკუმიტაცების სელექციური ინჰიბიტორებს (SSRI) ან სხვა სამედიცინო პროდუქტებს, რომლებიც დაკავშირებულია სისხლდენის რისკთან, როგორიცაა პენტოქსიფილინი.
კლოპიდოგრელის ორალურ ანტიკოაგულანტებთან ერთად მიღება რეკომენდებული არ არის, რადგან შეიძლება გაიზარდოს სისხლდენის ინტენსივობა.
შეძენილი ჰემოფილია: შეძენილი ჰემოფილიის დადასტურებული დიაგნოზის მქონე პაციენტების მენეჯმენტი და მკურნალობა უნდა განახორციელოს სპეციალისტმა, კლოპიდოგრელი უნდა მოიხსნას.
ბოლო დროს გადატანილი იშემიური ინსულტი: კლოპიდოგრელის მიღება რეკომენდებული არ არის მწვავე იშემიური ინსულტიდან 7 დღის განმავლობაში.
ციტოქრომ P450 2ჩ19 (CYP2ჩ19) და CYP2ჩ8 სუბსტრატები: სიფრთხილეა საჭირო პაციენტებში, რომლებიც მკურნალობენ კლოპიდოგრელით და ციტოქრომ P450 2C19 (CYP2C19)/CYP2C8 სუბსტრატებით.
ჯვარედინი რეაქცია თიენოპირიდინებს შორის: პაციენტებში, რომლებსაც აღენიშნებათ თიენოპირიდინებზე ალერგია საჭიროა მომატებული მგრძნობელობის ნიშნების მონიტორინგი.
თირკმლის და ღვიძლის უკმარისობა: ამ პაციენტებში კლოპიდოგრელი უნდა გამოიყენონ სიფრთხილით.
პრეპარატი შეიცავს ლაქტოზას. პაციენტებმა, რომლებსაც აღენიშნებათ იშვიათი მემკვიდრული პრობლემები როგორიცაა გალაქტოზას აუტანლობა, ლაპა ლაქტაზას დეფიციტი და გლუკოზა-გალაქტოზას მალაბსორბცია ეს სამედიცინო პროდუქტი არ უნდა მიიღონ.
ურთიერთქმედება სხვა სამედიცინო პროდუქტებთან და ურთიერთქმედების სხვა ფორმები
სისხლდენის რისკთან დაკავშირებული სამედიცინო პროდუქტები: არსებობს სისხლდენის მომატებული რისკი პოტენციური ადიტიური ეფექტის გამო. სისხლდენის რისკთან დაკავშირებული სამედიცინო პროდუქტების მიღება უნდა მოხდეს სიფრთხილით.
ორალური ანტიკოაგულანტები: კლოპიდოგრელის ორალურ ანტიკოაგულანტებთან ერთად მიღება რეკომენდებული არ არის რადგან შეიძლება გაიზარდოს სისხლდენის რისკი. კლოპიდოგრელის ვარფარინთან ერთად მიღება ზრდის სისხლდენის რისკს ჰემოსტაზზე დამოუკიდებელი ეფექტების გამო.
კლოპიდოგრელი სიფრთხილით უნდა გამოიყენონ პაციენტებში, რომლებიც იღებენ გლიკოპროტეინ IIბ/IIIა ინჰიბიტორებს, აცეტილსალიცილის მჟავას (ASA), ჰეპარინს, ასაპ-ს ცოგ-2 ინჰიბიტორების ჩათვლით, SSRI-ს.
სხვა თანმხლები თერაპია: სიფრთხილის ზომებიდან გამომდინარე არ უნდა გამოიყენონ CYP2C19 ძლიერი ან საშუალო ინჰიბიტორები, მაგალითად, ომეპრაზოლი და ეზომეპრაზოლი, ფლუვოქსამინი, ფლუოქსეტინი, მოკლობემიდი, ვორიკონაზოლი, ფლუკონაზოლი, ტიკლოპიდინი, კარბამაზეპინი, ეფავირენცი, აგრეთვე არ უნდა გამოიყენონ ომეპრაზოლი და ეზომეპრაზოლი.
კლოპიდოგრელის და იმ პრეპარატების ერთად გამოყენება, რომელთა კლირენსიც ხდება CYP2C8 მეტაბოლიზმით (მაგ. რეპაგლინიდი, პაკლიტაქსელი).
ფერტილობა, ორსულობა და ლაქტაცია:
ორსულობა: უსაფრთხოების ზომის სახით უმჯობესია ორსულობის დროს არ მოხდეს კლოპიდოგრელის გამოყენება.
ძუძუთი კვება: კლოპიდოგრელით მკურნალობის დროს ძუძუთი კვება არ უნდა გაგრძელდეს.
გავლენა ავტომობილის მართვის და მექანიზმების გამოყენების უნარზე:
კლოპიდოგრელი არ მოქმედებს ან უმნიშვნელო გავლენას ახდენს ავტომობილის მართვის და მექანიზმების გამოყენების უნარზე.
არასასურველი ეფექტები
გვერდითი რეაქციების სიხშირე განსაზღვრულია შემდეგნაირად: ძალიან ხშირი (≥1/10), ხშირი (≥.100-ხშირი: ჰემატომა, ეპისტაქსისი, გასტროინტესტინური ჰემორაგია, დიარეა, მუცლის ტკივილი, დისპეფსია, სისხლჩაქცევები, სისხლდენა ინექციის ადგილას.
ნაკლებად ხშირი: თრომბოციტოპენია, ლეიკოპენია, ეოზინოფილია, ინტრაკრანიალური სისხლდენა (ზოგ შემთხვევაში აღინიშნა ფატალური გამოსავალი), თავის ტკივილი, პარესთეზია, თავბრუსხვევა, თვალში სისხლდენა (კონიუნქტივალური, ოკულარული, რეტინული), კუჭის და თორმეტგოჯა ნაწლავის წყლული, გასტრიტი, ღებინება, გულისრევა, ყაბზობა, შებერილობა, გამონაყარი, ქავილი, კანიდან სისხლდენა (პურპურა), ჰემატურია, სისხლდენის დროის გახანგრძლივება, ნეიტროფილების რაოდენობის დაქვეითება, თრომბოციტების რაოდენობის დაქვეითება.
იშვიათი: ნეითროპენია, მწვავე ნეითროპენიის ჩათვლით, ვერტიგო, რეტროპერიტონეალური ჰემორაგია, გინეკომასტია.
უცნობია: თრომბოზული თრომბოციტოპენიური პურპურა (TTP), აპლაზიური ანემია, პანციტოპენია, აგრანულოციტოზი, მწვავე თრომბოციტოპენია, შეძენილი ჰემოფილია A, გრანულოციტოპენია, ანემია, კუნის სინდრომი, შრატის დაავადება, ანაფილაქტოიდური რეაქციები, წამალთა ჯვარედინი ჰიპერმგრძნობელობა თიენოპირიდინებს შორის (როგორიცაა ტიკლოპიდინი, პრასუგრელი), ჰალუცინაციები, კონფუზიები, გემოვნების დარღვევები, სერიოზული ჰემორაგია, ოპერაციული ჭრილობის ჰემორაგია, ვასკულიტი, ჰიპოტენზია, რესპირატორული ტრაქტიდან სისხლდენა (ჰემაპტოზი, ფილტვის ჰემორაგია), ბრონქოსპაზმი, ინტერსტიციალური პნევმონიტი, ეოზინოფილური გრანულომა, გასტროინტესტინური და რეტროპერიტონეალური ჰემორაგია ფატალური გამოსავლით, პანკრეატიტი, კოლიტი (წყლულოვანი ან ლიმფოციტური კოლიტის ჩათვლით), სტომატიტი, ღვიძლის მწვავე უკმარისობა, ჰეპატიტი, ღვიძლის ანომალური ფუნქციური ტესტები, ბულოზური დერმატიტი (ტოქსიური ეპიდერმალური ნეკროლიზი, სტივენს-ჯონსონის სინდრომი, მრავალფორმული ერითემა, მწვავე გენერალიზებული ეგზანთემატოზური პუსტულოზი (AGEP)), ანგიოედემა, პრეპარატებით გამოწვეული მომატებული მგრძნობელობის სინდრომი, პრეპარატით გამოწვეული გამონაყარი ეოზინოფილიით და სისტემური სიმპტომებით (DRESS), ერითემატოზული ან ექსფოლიაციური გამონაყარი, ურტიკარია, ეგზემა, ბრტყელი ლიქენი, ძვალ-კუნთოვანი სისხლდენა (ჰემართროზი), ართრიტი, ართრალგია, მიალგია, გლომერულონეფრიტი, სისხლში კრეატინინის მომატება, ცხელება.

ჭარბი დოზირება
კლოპიდოგრელის დოზის გადაჭარბებამ შეიძლება გამოიწვიოს სისხლდენის დროის გახანგრძლივება და შემდგომი სისხლდენითი გართულებები. სისხლდენის შემთხვევაში უნდა ჩატარდეს შესაბამისი მკურნალობა.
კლოპიდოგრელის ფარმაკოლოგიური მოქმედების ანტიდოტი არ არსებობს. თუ საჭიროა გახანგრძლივებული სისხლდენის დროის შესაბამისი კორექცია, კლოპიდოგრელის ეფექტების უკუგანვითარება შეიძლება მოხდეს თრომბოციტების მასის ტრანსფუზიით.
კლინიკამდელი უსაფრთხოების მონაცემები
კუჭის ECL-უჯრედების ჰიპერპლაზია და კარცინოიდი აღწერილია მთელი სიცოცხლის განმავლობაში მიმდინარე კვლევებში ვირთაგვებში, რომლებსაც ომეპრაზოლით მკურნალობენ. ეს ცვლილებები გამოწვეულია ჰიპერგასტრინემიის შენარჩუნებით მჟავას ინჰიბირების შემდეგ. იგივე აღმოჩენები დაფიქსირდა H2-რეცეპტორების ანტაგონისტებით, პროტონული ტუმბოს ინჰიბიტორებით მკურნალობის შემდეგ და ნაწილობრივი ფუნდექტომიის შემდეგ. აქედან გამომდინარე ეს ცვლილებები გამოწვეული არ არის ინდივიდუალური აქტიური ნივთიერების პირდაპირი ეფექტით.
შეუთავსებლობა
უცნობია.
გამოშვების ფორმა და შეფუთვა
3X10 ტაბლეტი ალუ-ალუ ბლისტერში.
შენახვის ვადა
3 წელი.
განსაკუთრებული უსაფრთხოების ზომები შენახვისთვის
ინახება არაუმეტეს 25°C ტემპერატურაზე, ნესტისგან დაცულ ადგილზე.
ინახება ბავშვებისთვის მიუწვდომელ ადგილზე.
პრეპარატის შეძენის პირობები
ფარმაცევტული პროდუქტის ჯგუფი II, გაიცემა ფორმა N3 რეცეპტით.
მწარმოებელი:
ზიმ ლაბორატორის ლიმიტედ
8-21/22 MIDC არეა
კალმეშვარი, ნაგპური 441501
მაჰარაშტრას შტატი, ინდოეთი

ქვეყანა: რუსეთი

მწარმოებელი: კრკა

გაცემის ფორმა: II ჯგუფი რეცეპტული

კარუმ – სანოველი
Karum-sanoveli

სავაჭრო სახელწოდება: კარუმ – სანოველი
საერთაშორისო არაპატენტირებული სახელწოდება: კლოპიდოგრელი, (klopidrogel)
წამლის ფორმის აღწერა: 75 მგ-იანი შემოგარსული ტაბლეტები
შემადგენლობა: ერთი შემოგარსული ტაბლეტი შეიცავს 75 მგ კლოპიდოგრელის ექვივალენტ კლოპიდოგრელის ჰიდროსულფატს.
დამხმარე ინგრედიენტები: ტიტანის დიოქსიდი, წითელი რკინის ოქსიდი.
კლინიკო-ფარმაკოლოგიური ჯგუფი: თრომბოციტების აგრეგაციის ინჰიბიტორი
კოდი ათქ BB01AC04.
ფარმაკოლოგიური თვისებები:
ფარმაკოდინამიკა:
კლოპიდოგრელი წარმოადგენს თრომბოციტების აგრეგაციის ინჰიბიტორს. იგი სელექტიურად აინჰიბირებს ადენოზინფოსფატის (ადფ) დაკავშირებას თრომბოციტების რეცეპტორებთან და კომპლექს GPლლბ/ლლლა –ის აქტივაციას, რაც იწვევს თრომბოციტების აგრეგაციის დათრგუნვას. თრომბოციტების აგრეგაციის ინჰიბირებისათვის კლოპიდოგრელი განიცდის ბიოტრანსფორმაციას. აქტიური მეტაბოლიტი, რომელიც უზრუნველყოფს პრეპარატის ეფექტურობას, არ არის გამოვლენილი. კლოპიდოგრელი ასევე აინჰიბირებს თრომბოციტების აგრეგაციას, გამოწვეულს სხვა აგონისტებით, რომლებიც გამოთავისუფლებული არიან თრომბოციტებთან ადენოზინდიფოსფატის აქტივობის გზით. კლოპიდოგრელი არ მოქმედებს ფოსფოდიესთერაზის აქტივობაზე.
კლოპიდოგრელი შეუქცევადად ცვლის თრომბოციტების ადფ-რეცეპტორებს, შედეგად ავლენს სამკურნალო მოქმედებას. თრომბოციტები კლოპიდოგრელის მოქმედებით რჩებიან უფუნქციო მდგომარეობაში მათი სიცოცხლის მთელი პერიოდის მანძილზე, ხოლო ნორმალური ფუნქციის აღდგენა ხდება თრომბოციტების განახლებისას.
თრომბოციტების აგრეგაციის დოზადამოკიდებული ინჰიბირება ვლინდება კლოპიდოგრელის ერთჯერადი დოზის მიღებიდან 2 საათის შემდეგ. პრეპარატის განმეორებითი მიღება დოზით 75 მგ იწვევს ადფ-ინდუცირებული თრომბოციტების აგრეგაციის მნიშვნელოვან დათრგუნვას პირველივე დღეს. ეს ეფექტი პროგრესულად ძლიერდება და აღწევს წონასწორულ მდგომარეობას 3-7 დღის შემდეგ. 75 მგ დოზის მიღებისას აგრეგაციის ინჰიბირების საშუალო დონე შეადგენს 40-60%-ს. თრომბოციტების აგრეგაცია და სისხლდენის ხანგრძლივობა ეტაპობრივად უბრუნდება საწყის დონეს კლოპიდოგრელის მიღების შეწყვეტიდან 5 დღის შემდეგ.
ფარმაკოკინეტიკა:
შეწოვა: 75 მგ კლოპიდოგრელის პერორალური მიღებისას იგი სწრაფად შეიწოვება კუჭ-ნაწლავის ტრაქტიდან. შარდით გამოყოფილი კლოპიდოგრელის მეტაბოლიტების რაოდენობის მიხედვით შეიწოვება პრეპარატის 50%.
მეტაბოლიზმი: კლოპიდოგრელის ძირითადი ნაწილი მეტაბოლიზდება ღვიძლში. მისი ძირითადი მეტაბოლიტი, კარბოქსილის მჟავას წარმოებული არააქტიურია, რომელიც მოცირკულირე შენაერთის 85%-ს შეადგენს. 75 მგ კლოპიდოგრელის განმეორებით მიღებისას სისხლის პლაზმაში აღნიშნული მეტაბოლიტის მაქსიმალური კონცენტრაცია შეადგენს დაახლოებით 3 მგ/ლ-ს და მიიღწევა მიღებიდან 1 საათის შემდეგ.
ძირითადი მეტაბოლიტის ფარმაკოკინეტიკა დამოკიდებულია კლოპიდოგრელის დოზაზე 50-150 მგ (კონცენტრაცია პლაზმაში იზრდება პრეპარატის დოზის პროპორციულად).
ინ ვიტრო კლოპიდოგრელი და მისი ძირითადი მეტაბოლიტი თანმიმდევრობით უკავშირდებიან სისხლის პლაზმის ცილებს (შესაბამისად 98% და 94%).
გამოყოფა: 14C- ნიშნული კლოპიდოგრელის პერორალურად მიღებისას, 5 დღის განმავლობაში გამოიყოფა მიღებული დოზის 50% შარდთან ერთად და 46% განავალთან ერთად. ძირითადი მეტაბოლიტის ნახევარგამოყოფის პერიოდი T1/2 პრეპარატის ერთჯერადი ან მრავალჯერადი მიღებისას შეადგენს 8 საათს.
ფარმაკოკინეტიკა განსაკუთრებულ კლინიკურ შემთხვევებში:
ძირითადი მეტაბოლიტის კონცენტრაცია სისხლის პლაზმაში კლოპიდოგრელის დოზით 75 მგ/დღეში მიღებისას, შედარებით დაბალია თირკმლის მწვავე უკმარისობის მქონე პაციენტებში (5-15 მლ/წთ) საშუალო სიმძიმის თირკმლის უკმარისობის მქონე პაციენტებსა (30-60 მლ/წთ) და ჯანმრთელ მოხალისეებთან შედარებით. მიუხედავად იმისა, რომ კლოპიდოგრელის დოზით 75 მგ./დღეში მიღებისას, თრომბოციტების ადფ-ინდუცირებულ აგრეგაციაზე მაინჰიბირებელი ეფექტი დაბალია, ვიდრე იგივე ეფექტი ჯანმრთელ მოხალისეებში, სისხლდენის დრო ერთნაირად ხანგრძლივდება.
ჩატარებული იქნა კლოპიდოგრელის ფარმაკოკინეტიკური და ფარმაკოდინამიკური თვისებების შედარება ერთჯერადი და მრავალჯერადი დოზის მიღების დროს ჯანმრთელ მოხალისეებში და ღვიძლის ციროზით დაავადებულებში (A და B კლასი Child-Pugh–ის მიხ.). კლოპიდოგრელის დოზით 75 მგ/დღეში 10-დღიანი მიღებისას დამტკიცდა სადღეღამისო დოზის უსაფრთხოება. კლოპიდოგრელის ჩმახ ერთჯერადი მიღებისას, პაციენტებში ღვიძლის ციროზით წონასწორული მდგომარეობის მიღწევა რამდენჯერმე აჭარბებს ანალოგიურ მაჩვენებლებს ჯანმრთელ მოხალისეებში. მიუხედავად ამისა, კლოპიდოგრელის მაინჰიბირებელი ეფექტი ადფ-ინდუცირებულ თრომბოციტების აგრეგაციაზე და სისხლდენის დრო, აგრეთვე ძირითადი მეტაბოლიტის შემცველობა პლაზმაში, მოცემულ ჯგუფებში მსგავსია.

ჩვენებები:
პრეპარატი გამოიყენება ათეროსკლეროზული დარღვევების პროფილაქტიკისათვის:
– მიოკარდის ინფარქტის გადატანის შემდგომ პერიოდში (რამდენიმე დღიდან არა ნაკლებ 35 დღის განმავლობაში), იშემიური ინსულტის (7 დღიდან 6 თვემდე), ან პერიფერიული არტერიების დაავადებების დროს;
– მწვავე კორონალური სინდრომით შეპყრობილ პაციენტებში შთ-სეგმენტის ელევაციის გარეშე (არასტაბილური სტენოკარდია ან არა-Q-კბილოვანი მიოკარდის ინფარქტი), აცეტილსალიცილის მჟავასთან კომბინაციაში.

უკუჩვენებები:
კლოპიდოგრელი უკუნაჩვენებია:
_ პრეპარატის კომპონენტების მიმართ მომატებული მგრძნობელობა;
_ თირკმლის მწვავე უკმარისობა;
_ მწვავე სისხლდენა (პეპტიური წყლული, სისხლჩაქცევა თავის ტვინში);
_ ლაქტაციის პერიოდი.
უსაფრთხოების ზომები:
სისხლდენის და არასასურველი ჰემორაგიული გართულებების წარმოქმნის რისკის გათვალიწინებით, სისხლდენის სიმპტომების განვითარებისას აუცილებელია დაუყოვნებლივ დაითვალოს სისხლის ფორმიანი ელემენტები და/ან ჩატარდეს სხვა ტესტები.
კლოპიდოგრელი ინიშნება სიფრთხილით: სხვა ანტითრომბოციტური აგენტების დანიშვნისას, სისხლდენის მომატებული რისკის პაციენტებში ქირურგიული ოპერაციების, ტრავმების გადატანის შემდეგ, აცეტილსალიცილის მჟავას, აასს, ჰეპარინის, ლლბ/ლლა ტიპის გლიკოპროტეინის ინჰიბიტორების ან თრომბოლიზური საშუალებების მიღებისას. ოპერაციული ჩარევიდან 1-კვირის ვადამდე კლოპიდოგრელით მკურნალობა სასურველი არ არის, სხვადასხვა სისხლდენის (მათ შორის შინაგანი) განვითარების თავიდან ასაცილებლად.
კლოპიდოგრელის მიღება ვარფარინთან ერთად რეკომენდირებული არ არის, რამდენადაც ეს კომბინაცია აძლიერებს სისხლდენას.
გეგმიური ქირურგიული ჩარევებისას (თუ ანტიაგრეგაციული მოქმედება არასასურველია) რეკომენდებულია კლოპიდოგრელით მკურნალობის კურსის შეწყვეტა ოპერაციამდე 7 დღით ადრე. კლოპიდოგრელი ახანგრძლივებს სისხლდენის დროს. ამასთან დაკავშირებით, ქსოვილების და ორგანოების დაზიანებისას, სისხლდენის მომატების რისკის გამო პრეპარატის მიღება იზღუდება.
კლოპიდოგრელის მიღების, ან ხანმოკლე მკურნალობის შემდეგ, იშვიათ შემთხვევებში შეიძლება განვითარდეს თრომბოციტოპენიური თრომბოჰემოლიზური პურპურა. ეს სიმპტომი ხასიათდება თრომბოციტოპენიის, ჰემოლიზური მიკროანგიოპათიური ანემიის განვითარებით, ნერვოლოგიური ხასიათის დარღვევებით, თირკმლის დისფუნქციით და ტემპერატურის მომატებით.
მონაცემების არარსებობის გამო, ავადმყოფებში მიოკარდის მწვავე ინფარქტის გადატანიდან (როდესაც აღინიშნება შთ სეგმენტის აწევა) რამდენიმე დღის განმავლობაში კლოპიდოგრელის მიღება არ არის რეკომენდებული. ასევე, არასასურველია კლოპიდოგრელის მიღება მწვავე იშემიური ინსულტის დროს (7 დღემდე).
კლოპიდოგრელი სიფრთხილით ინიშნება თირკმლის უკმარისობისას, ღვიძლის ფუნქციის დარღვევისას, რადგან შეასაძლებელია ჰემორაგიული დიათეზის განვითარება.
ორსულობა/ლაქტაცია:
ორსულობის B კატეგორია
ორსულებში პრეპარატის გამოყენების ადექვატური და მკაცრად კონტროლირებადი კლინიკური კვლევები არ ჩატარებულა, ამიტომ კლოპიდოგრელის ორსულებში გამოყენება არ არის რეკომენდებული. კლოპიდოგრელის გამოყოფა დედის რძეში არ არის შესწავლილი, ამიტომ ლაქტაციის პერიოდში მისი მიღება არ შეიძლება.
გამოყენება პედიატრიაში;
18 წლამდე ასაკის ბავშვებში კლოპიდოგრელის მიღების უსაფრთხოება და ეფექტურობა შესწავლილი არ არის.
ავტოტრანსპორტის მართვის უნარზე და ფსიქომოტორულ ფუნქციაზე
კლოპიდოგრელის უარყოფითი გავლენა დადგენილი არ არის.
გვერდითი მოვლენები:
კლოპიდოგრელის დოზა 75 მგ/დღეში და აცეტილსალიცილის მჟავას დოზა 325 მგ/დღეში მიჩნეულია ტოლერანტულად. ე.ი. გამოკვლევის თანახმად, კლოპიდოგრელის ტოლერანტობა მსგავსია აცეტილსალიცილის მჟავის ტოლერანტობის.
ჰემორაგიული დარღვევები:
პაციენტებში, რომლებიც მკურნალობენ კლოპიდოგრელით ან ასპირინით სისხლდენის რისკი აღწევს 9,3%-ს. სისხლდენის რისკი კლოპიდოგრელის შემთხვევაში აღწევს 1.45%-ს,
აცეტილსალიცილის მჟავას შემთხვევაში – 1.6%-ს. ავადმყოფების 0.7%-2%, რომლებიც მკურნალობდნენ კლოპიდოგრელით, ჰოსპიტალიზირებულ იქნენ კუჭ-ნაწლავის ტრაქტიდან სისხლდენით. იგივე პარამეტრები, აცეტილსალიცილის მჟავით მკურნალობისას, აღწევს შესაბამისად – 2.7% და 1.1%-ს. სისხლდენის წარმოქმნის სიხშირე ორივე შემთხვევაში ერთნაირია.
მოცემულ თერაპიულ ჯგუფებში შედარებით ხშირად გვხვდება შემდეგი ეფექტები: პურპურა/ჰემატომა/ცხვირიდან სისხლდენა. იშვიათად – ჰემატომა, ჰემატურია, თვალში სისხლჩაქცევა. 0.4% და 0.5% ავადმყოფებში, შესაბამისად კლოპიდოგრელით და აცეტილსალიცილის მჟავით მკურნალობისას, აღინიშნა ქალაშიდა სისხლჩაქცევები.
ნარევი: კლოპიდოგრელი+აცეტილსალიცილის მჟავა, შედარებით ნარევთან: პლაცებო+აცეტილსალიცილის მჟავა, არ იწვევს სტატისტიკურად მნიშვნელოვან სიცოცხლისათვის საშიშ ცვლილებებს. მიუხედავად ამისა, კლოპიდოგრელისა და აცეტილსალიცილის მჟავას ნარევის მიღება მნიშვნელოვნად ზრდის ძლიერი, სუსტი და სხვა სახის სისხლდენების განვითარების რისკს. ქალაშიდა სისხლჩაქცევის წარმოქმნის შესაძლებლობა ორივე ჯგუფში აღწევს 0.1%-ს.
სისხლდენის ინტენსივობა ნარევებში: კლოპიდოგრელი+აცეტილსალიცილის მჟავა და პლაცებო+აცეტილსალიცილის მჟავა, დამოკიდებულია აცეტილსალიცილის მჟავას დოზაზე.
ჰემატოლოგიური დარღვევები:
ავადმყოფებში, რომლებიც გადიან მკურნალობას კლოპიდოგრელით, ან აცეტილსალიცილის მჟავათი, აღინიშნება მწვავე აგრანულოციტოზის განვითარება (მწვავე თრომბოციტოპენიის განვითარების სიხშირე (თრომბოციტოპენიის და აგრანულოციტოზის განვითარების სიხშირე ანალოგიურია ორივე ჯგუფში: კლოპიდოგრელი+აცეტილსალიცილის მჟავა და პლაცებო+აცეტილსალიცილის მჟავა.
გვერდითი ეფექტები გამოვლენილი კლოპიდოგრელით ან აცეტილსალიცილის მჟავით და ნარევით: კლოპიდოგრელი+აცეტილსალიცილის მჟავა მკურნალობისას, პლაცებო+აცეტილსალიცილის მჟავას ნარევთან შედარებით:
ცნს-ის და პერიფერიული ნერვული სისტემის მხრივ:
თავის ტკივილი, თავბრუსხვევა, პარესთეზია, ვერტიგო.
საჭმლის მომნელებელი სისტემის მხრივ:
გვერდითი მოვლენების განვითარების სიხშირე (ტკივილი მუცლის არეში, დისპეფსია, გასტრიტი, შეკრულობა) ავადმყოფებში, რომლებიც იღებენ კლოპიდოგრელს, იმ ავადმყოფებთან შედარებით, რომლებიც იღებენ ასპირინს, შეადგენს (29,8%) _ 27,1%, ხოლო იმ პაციენტებში, რომლებიც იღებენ კლოპიდოგრელი+ასპირინი, შედარებით ავადმყოფებთან, რომლებიც იღებენ პლაცებო+ასპირინი, არის (12,5%)_ 11,7%. კუჭისა და თორმეტგოჯა ნაწლავის წყლულის განვითარება პაციენტებში, რომლებიც იღებენ კლოპიდოგრელს, შედარებით ავადმყოფებთან, რომლებიც ასპირინს იღებენ არის (1,2%)_0,7%. აღნიშნული გვერდითი მოვლენების განვითარების სიხშირე ავადმყოფებში, რომლებიც იღებენ კლოპიდოგრელი+ასპირინი, შედარებით ავადმყოფებთან, რომლებიც იღებენ პლაცებო+ასპირინი არის (0,3%)_0,4%.
იმ ავადმყოფების 4,5%-ში, რომლებიც იღებენ კლოპიდოგრელს, მათთან შედარებით ვინც იღებს ასპირინს (3.4%), ვითარდება დიარეა. იშვიათ შემთხვევებში ეს ატარებს მწვავე ხასიათს (კლოპიდოგრელი=0.2%, ასპირინი=0.1%). დიარეის განვითარების სიხშირე კლოპიდოგრელი+ასპირინის შემთხვევაში, პლაცებო+ასპირინთან შედარებით არის (2.2%)-2.1%.
გამონაყარი და სხვა დერმატოლოგიური რეაქციები:
დერმატოლოგიური რეაქციები კლოპიდოგრელის მომხმარებლებში ასპირინის მომხმარებლებთან შედარებით არის (13.1%)-15.8%. ხოლო კლოპიდოგრელი+ასპირინის, პლაცებო+ასპირინთან შედარებით _ (3.5%)-4.0%.
კლინიკური კვლევების თანახმად, ავადმყოფებში >2.5, რომლებიც იღებენ კლოპიდოგრელს ან ასპირინს, შესაძლებელია განვითარდეს შემდეგი გვერდითი მოვლენები:
ზოგადი: ტკივილი გულმკერდის არეში, გრიპის მსგავსი სიმპტომები, დაღლილობა.
გულ-სისხლძარღვთა სისტემის მხრივ: შეშუპება, ჰიპერტენზია.
ცნს-ის და პერიფერიული ნერვული სისტემის მხრივ: თავის ტკივილი, თავბრუსხვევა.
საჭმლის მომნელებელი სისტემის მხრივ: ტკივილი მუცლის არეში, დისპეფსია, დიარეა, გულისრევა.
მეტაბოლიზმი და კვება: ჰიპერქოლესტერინემია.
ძვალ-კუნთოვანი სისტემის მხრივნ: ართრალგია, ტკივილი ზურგის არეში.
სისხლისშედედების სისტემის მხრივ: პურპურა.
ფსიქიკის მოშლა: დეპრესია.
სასუნთქი სისტემის მხრივ: ზემო სასუნთქი გზების დაავადებები, ქოშინი, რინიტი, ბრონქიტი, ხველა.
დერმატოლოგიური რეაქციები: ქავილი, გამონაყარი.
შარდის გამომყოფი სისტემის მხრივ: საშარდე გზების ინფექციები.
კლინიკური კვლევების თანახმად, ავადმყოფებში >2.0, რომლებიც იღებენ კლოპიდოგრელი + ასპირინი, შედარებით ავადმყოფებთან, რომლებიც იღებენ პლაცებო + ასპირინი, შესაძლებელია განვითარდეს შემდეგი გვერდითი მოვლენები:
ზოგადი: ტკივილი გულმკერდის არეში.
ცნს-ის და პერიფერიული ნერვული სისტემის მხრივ: თავის ტკივილი, თავბრუსხვევა.
საჭმლის მომნელებელი სისტემის მხრივ: ტკივილი მუცლის არეში, დისპეფსია, დიარეა.
კლინიკური გამოკვლევების თანახმად, 1.0%-2.5% ავადმყოფებში, რომლებიც იღებენ კლოპიდოგრელი + ასპირინი, შედარებით ავადმყოფებთან, რომლებიც იღებენ პლაცებო + ასპირინი, შესაძლებელია განვითარდეს შემდეგი გვერდითი მოვლენები:
ვეგეტატიური ნერვული სისტემის მხრივ: სინკოპე, ძლიერი გულისცემა.
გულ-სისხლძარღვთა სისტემის მხრივ: გულის უკმარისობა.
ცენტრალური და პერიფერიული ნერვული სისტემის მხრივ: ქვემო კიდურების კრუნჩხვები, ჰიპოსთეზია, ნევრალგია, პარესთეზია, ვერტიგო.
საჭმლის მომნელებელი სისტემის მხრივ: შეკრულობა, ღებინება.
გულის რითმის დარღვევა: წინაგულების ციმციმი.
ღვიძლის და ნაღვლის ბუშტის მხრივ: ღვიძლის ფერმენტების დონის მომატება.
მეტაბოლიზმი და კვება: პოდაგრა, ჰიპერურიკემია, აზოტის დონის მომატება.
ძვალ-კუნთოვანი სისტემის მხრივ: ართრიტი, ართროზი.
სისხლის შედედების სისტემის მხრივ: კუჭ-ნაწლავის ტრაქტის ჰემორაგია, ჰემატომები, თრომბოციტების დონის შემცირება.
ფსიქიკის მოშლა: მოუსვენრობა, უძილობა.
სისხლის წითელი სხეულაკების დონე: ანემია.
სასუნთქი სისტემის მხრივ: პნევმონია, სინუსიტი.
დერმატოლოგიური რეაქციები: ეგზემა, კანის სისხლჩაქცევები.
შარდის გამომყოფი სისტემის მხრივ: ცისტიტი.
მხედველობის დარღვევა: კატარაქტა, კონიუნქტივიტი.

პოსტმარკეტინგული მონაცემები:
სისხლდენა ხშირია მკურნალობის პირველი თვის განმავლობაში.
სისხლდენა: ლეტალური გამოსავლის ზოგიერთი შემთხვევა (განსაკუთრებით, ქალაშიდა, კუჭ-ნაწლავის ტრაქტის, მუცლის ღრუს სისხლდენები), დერმატოლოგიური სისხლდენები (პურპურა), ძვალ-კუნთოვანი სისხლდენები (ჰემართროზი, ჰემატომა), თვალშიდა სისხლჩაქცევა, სისხლდენა ცხვირიდან, სასუნთქი გზებიდან (სისხლიანი ნახველი, ფილტვისმიერი სისხლდენა), ჰემატურია. ამასთან ერთად, კლოპიდოგრელი+აცეტილსალიცილისმჟავას ან კლოპიდოგრელი+აცეტილსალიცილის მჟავა+ჰეპარინის მიღებამ შეიძლება გამოიწვიოს სისხლჩაქცევა.
ჰემატოლოგიური დარღვევები: თრომბოციტოპენიური თრომბოჰემოლიზური პურპურა, მწვავე თრომბოციტოპენია (თრომბოციტების დონეშარდის გამომყოფი სისტემის მხრივ: გლომერულოპათია, კრეატინინის დონის ცვლილება.
ღვიძლის და ნაღვლის ბუშტის მხრივ: ტესტირებისას ღვიძლის ფუნქციის დარღვევები, ჰეპატიტი.
ალერგიული რეაქციები: მომატებული მგრძნობელობის რეაქციები (ლაქოვანი ან ერითემული გამონაყარი, ჭინჭრის ციება, მულტიფორმული ერითემა და/ან ქავილი). იშვიათ შემთხვევებში ვითარდება ბრონქოსპაზმი, ანგიოშეშუპება, ანაფილაქსიური რეაქციები, ცხელება, ართრალგია, ართრიტი.
ცენტრალური და პერიფერიული ნერვული სისტემის მხრივ: ჰალუცინაციები, გემოვნების მოშლა.

გაუთვალისწინებელი ეფექტების გამოვლენისას საჭიროა ექიმის კონსულტაცია.

სხვა წამლებთან ურთიერთქმედება:
კლოპიდოგრელის და ვარფარინის ერთად გამოყენება რეკომენდებული არ არის, რადგან მოსალოდნელია სისხლდენის გაძლიერება.
გლიკოპროტეინ ლლბ/ლლლა-ს ინჰიბიტორები: კლოპიდოგრელის და გლიკოპროტეინ ლლბ/ლლლა-ს ინჰიბიტორების ერთად გამოყენებისას სიფრთხილეა საჭირო.
აცეტილსალიცილის მჟავა: ასპირინი არ ცვლის კლოპიდოგრელის ადფ-ით ინდუცირებული თრომბოციტების აგრეგაციის ინჰიბირების უნარს. მიუხედავად ამისა, კლოპიდოგრელი აძლიერებს აცეტილსალიცილის მჟავას მოქმედებას კოლაგენინდუცირებული თრომბოციტების აგრეგაციაზე. ამასთან, კლოპიდოგრელთან ერთად 500 მგ აცეტილსალიცილის მჟავას დღეში ორჯერ მიღება მნიშვნელოვნად არ მოქმედებს სისხლდენის ხანგრძლივობაზე, რომელიც გამოწვეულია კლოპიდოგრელის მიღებით. არ არის გამორიცხული ფარმაკოდინამიკური ურთიერთქმედება კლოპიდოგრელისა და აცეტილსალიცილის მჟავის ერთობლივი მიღებისას, რაც მნიშვნელოვნად ზრდის სისხლდენის განვითარების რისკს. ამიტომ საჭიროა განსაკუთრებული სიფრთხილე.
ჰეპარინი:
კლინიკური კვლევებიდან გამომდინარე, რომელიც ჩატარდა ჯანმრთელ მოხალისეებში, კლოპიდოგრელის და ჰეპარინის კომბინირებული მიღებისას არ იცვლება მოთხოვნა ჰეპარინზე, არც ჰეპარინის მოქმედება სისხლის შედედებაზე. ასევე არ იცვლება კლოპიდოგრელის მაინჰიბირებელი მოქმედება თრომბოციტების აგრეგაციაზე. ფარმაკოლოგიური ურთიერთქმედება მათი ერთობლივი მიღებისას ზრდის სისხლდენის წარმოქმნის რისკს, ამიტომ საჭიროა სიფრთხილის გამოჩენა.
თრომბოლიზური საშუალებები:
კლოპიდოგრელის, ჰეპარინის და რეკომბინირებული ქსოვილოვანი პლაზმინოგენის აქტივატორის ერთობლივად გამოყენების უსაფრთხოება შესწავლილ იქნა პაციენტებში, რომლებმაც გადაიტანეს მიოკარდის ინფარქტი, რამაც აჩვენა, რომ სისხლდენის სიხშირე ანალოგიურია შემდეგი კომბინაციისას: ასპირინი+ჰეპარინი+რეკომბინირებული ქსოვილოვანი პლაზმინოგენის აქტივატორი. კლოპიდოგრელის უსაფრთხოება სხვა თრომბოციტებთან კომბინირებულად გამოყენების შემთხვევაში შესწავლილი არ არის. ამიტომ, ამასთან დაკავშირებით, საჭიროა სხვა ანალოგიური პრეპარატების გამოყენებისას სიფრთხილის გამოჩენა.
აასს:
კლინიკური კვლევებიდან, რომლებიც ჩატარდა ჯანმრთელ მოხალისეებზე, აღმოჩნდა, რომ კლოპიდოგრელის და ნაპროქსენის ერთობლივად გამოყენებისას კუჭ-ნაწლავის ტრაქტიდან ფარული სისხლდენის რისკი მატულობს. სხვა აასს-თან მიმართებაში, რადგან არ არის ჩატარებული კლინიკური კვლევა, რისკი კუჭ-ნაწლავის ტრაქტიდან სისხლდენისა ბოლომდე შესწავლილი არ არის. ამიტომ კლოპიდოგრელის კომბინირებისას სხვა აასს-თან სიფრთხილე.
სხვა ურთიერთქმედებები:
ფარმაკოლოგიური ურთიერთქმედება კლოპიდოგრელისა ატენოლოლთან დანიფედიპინთან დაფიქსირებული არ არის, ასევე კლოპიდოგრელის ფარმაკოდინამიკური აქტივობა პრაქტიკულად უცვლელია ფენობარბიტალთან, ციმეტიდინთან და/ან ესტროგენებთან ერთად მიღებისას.
დიგოქსინის ან თეოფილინის ფარმაკოლოგიური თვისებები არ იცვლება კლოპიდოგრელთან კომბინირებისას. ანტაციდური საშუალებები არ ცვლის კლოპიდოგრელის აბსორბციის მაჩვენებელს.
ადამიანის ღვიძლის მიკროსომებზე ჩატარებულმა გამოკვლევებმა აჩვენა, რომ კლოპიდოგრელის მეტაბოლიტს (კარბოქსილის მჟავას წარმოებული) აქვს ციტოქრომ P450 2ჩ9-ის აქტივობის ინჰიბირების უნარი, რასაც შეუძლია გამოიწვიოს დიფენინის, ბუტამიდის და აასს პლაზმური დონის აწევა, რომლებიც მეტაბოლიზდებიან P450 2ჩ9 ქრომოსომით.
კვლევებმა აჩვენა, რომ ავადმყოფებში კლოპიდოგრელის დიფენინთან და ბუტამიდთან ერთად გამოყენება უსაფრთხოა.
არ არსებობს მონაცემები კლოპიდოგრელის დიურეტიკებთან, ბეტა-ბლოკატორებთან, ადფ- ინჰიბიტორებთან, კალციუმის ანტაგონისტებთან, ქოლესტერინის დონის დამწევ პრეპარატებთან, კორონალური სისხლძარღვების დილატატორებთან, ანტიდიაბეტურ პრეპარატებთან (გარდა ინსულინისა), ეპილეფსიის საწინააღმდეგო პრეპარატებთან, ჰორმონ-დამოკიდებულ თერაპიასთან, GP ლლბ/ლლლა-თან ერთობლივ მიღებასთან დაკავშირებით.
დოზირების რეჟიმი:
მოზრდილები და ხანდაზმულები:
მიოკარდიის ინფარქტის (დაწყებული რამდენიმე დღიდან 35 დღEმდე), იშემიური ინსულტისას (დაწყებული მეშვიდე დღიდან 6 თვის განმავლობაში) ან პერიფერიული არტერიების დაავადებების დროს კლოპიდოგრელს ნიშნავენ 75 მგ-ს ერთხელ დღეში.
ავადმყოფებში მწვავე კორონარული სინდრომით (მკს) შთ სეგმენტის აწევის გარეშე (არასტაბილური ანგინა ან მიოკარდიის ინფარქტი Q კბილის გარეშე):
კლოპიდოგრელი ინიშნება ერთჯერადად 300 მგ დოზით. შემდეგ უნდა გაგრძელდეს – 75 მგ/დღეში, 75-325 მგ/დღეში აცეტილსალიცილის მჟავასთან ერთად. იმასთან დაკავშირებით, რომ აცეტილსალიცილის მჟავას დოზის მომატება ზრდის სისხლდენის რისკს, რეკომენდებულია 100 მგ-მდე. მკურნალობის ოპტიმალური ხანგრძლივობა ჯერჯერობით დადგენილი არ არის. კლინიკური კვლევების მონაცემებით, რეკომენდებულია მკურნალობის კურსი გაგრძელდეს 12 თვე. მაქსიმალური თერაპიული ეფექტი მიიღწევა 3 თვეში.
ბავშვები და მოზარდები:
კლოპიდოგრელის უსაფრთხოება და ეფექტურობა 18 წლამდე ასაკის ბავშვებში დადგენილი არ არის.
ჭარბი დოზირება:
კლოპიდოგრელის 600 მგ-ის მიღებისას (რაოდენობა ექვივალენტურია 75 მგ-იანი 8 სტანდარტული ტაბლეტის) ჯანმრთელ მოხალისეებში გვერდითი მოვლენები არ აღინიშნა. სისხლდენის დრო გახანგრძლივდა 1.7-ჯერ, ისევე როგორც 75 მგ/დღეში (თერაპიული დოზის) მიღებისას.
კლოპიდოგრელის ფარმაკოლოგიური აქტივობის ანტიდოტი არ არსებობს. სისხლდენის დროის კორექციის აუცილებლობის შემთხვევაში რეკომენდებულია თრომბოციტების ტრანსფუზია, რამაც შეიძლება გაანეიტრალოს კლოპიდოგრელის ეფექტი.
შენახვის პირობები:
პრეპარატი უნდა ინახებოდეს ოთახის ტემპერატურაზე არა უმეტეს 25⁰ C.
შენახვის ვადა _ 2 წელი. პრეპარატის გამოყენება კოლოფზე აღნიშნული ვადის ამოწურვის შემდეგ არ არის მიზანშეწონილი.
გამოშვების ფორმა:
28 ტაბლეტი ბლისტერებზე, მეორადი შეფუთვა – მუყაოს კოლოფი.
აფთიაქიდან გაცემის პირობები:
პრეპარატი გაიცემა ექიმის რეცეპტით.
მწარმოებელი:
ფარმაკოინდუსტრიული სავაჭრო კომპანია სანოველი/სტამბული/თურქეთი