შმაგას ექსტრაქტი
     

წამლის ფორმა:
რექტალური სუპოზიტორია 0,015 გ

შემადგენლობა:
თითოეული სუპოზიტორია შეიცავს 0,015 გ შმაგას ექსტრაქტს, 0,014 გ ფენოლს და სანთლის ფუძეს, რომელიც საკმარისია 1,6 გ  5% წონის სუპოზიტორიის მისაღებად.

აღწერილობა:
თეთრი ან ოდნავ მოყვითალო, ღია ყავისფერი ექსტრაქტი, რომლის ზედაპირზე ბზინვარება დასაშვებია.

ფარმაკოთერაპიული ჯგუფი: ანტიჰემოროიდული საშუალება.
ფარმაკოლოგიური თვისებები:
პრეპარატს გააჩნია სპაზმოლიზური, ტკივილგამაყუჩებელი მოქმედება.
 
გამოყენების ჩვენება:
პრეპარატი გამოიყენება ბუასილის, უკანა ტანის ნახეთქების სამკურნალოდ.

მიღების წესი და დოზირება:
პრეპარატი გამოიყენება რექტალურად 1 სუპოზიტორიის ოდენობით 2-3-ჯერ დღეღამეში. მაქსიმალური დღეღამური დოზა შეადგენს 10 სუპოზიტორიას.

გვერდითი მოვლენები:
პრეპარატის მომატებული მგრძნობელობისა და მისი ჭარბი დოზირების შემთხვევაში მოსალოდნელია ალერგიული რეაქციები, პირის სიმშრალე, ყაბზობა, არითმია, გუგების გაფართოვება, მხედველობის გარდამავალი დარღვევა. იშვიათად-ფსიქომოტორული აგზნებადობა, კრუნჩხვები, შარდვის გაძნელება. ზემოთ აღნიშნულ შემთხვევებში საჭიროა პრეპარატის მიღების შეწყვეტა და ექიმთან კონსულტაცია.

განსაკურებული მითითებები:
მკურნალობის დროს რეკომენდებულია თავის შეკავება ისეთი სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას (სატრანსპორტო საშუალებების მართვა, მანქანა-დანადგარებთან მუშაობა).
 
გამოშვების ფორმა:
N5 სუპოზიტორია კონტურულ შეფუთვაში; 2 კონტურული შეფუთვა მუყაოს ყუთში გამოყენების ინსტრუქციასთან ერთად.

ვარგისიანობის ვადა: 2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაიცემა ურეცეპტოდ.

შენახვის პირობები: ინახება მშრალ, სინათლისაგან ადგილას.

მწარმოებელი: “ბიოსინთეზი”

ქვეყანა: უკრაინა

მწარმოებელი: ლუბნი ლუბნიფარმი

გაცემის ფორმა: III ჯგუფი ურეცეპტო

ბელადონას ექსტრაქტი

პრეპარატის სავაჭრო სახელწოდება : ბელადონას ექსტრაქტი
საერთაშორისო დაუპატენტებელი სახელწოდება : არ გააჩნია

აღწერილობა
სუპოზიტორები შეფერილობით თეთრი მოკრემისფროდან ღია ყავისფერამდე.
შემადგენლობა
ერთი სუპოზიტორია შეიცავს ბელადონას ექსტრაქტი ბლანტი – 0,015გ, სინთეზურ ფენოლს სამედიცინო მიზნებისათვის – 0,0014გ, ფუძეები სუპოზიტორებისათვის (პოლიეთილენოქსიდი 1500 და პოლიეთილენოქსიდი-400) – საკმარისი ოდენობა სუპოზიტორის მისაღებად მასით 1,52-დან 1,68-მდე.

ფარმაკოთერაპიული ჯგუფი
მცენარეული წარმოშობის ანტიჰემოროიდული საშუალება.

ფარმაკოლოგიური თვისებები
პრეპარატს გააჩნია სპაზმოლიზური, ტკივილდამაყუჩებელი მოქმედება.

ჩვენებები
გამოიყენება ბუასილისა და ანუსის ნაპრალების დროს.

მიღების წესი და დოზები
კონტურულ შეფუთვას ჭრიან მაკრატლით და ამოაქვთ სუპოზიტორები.
მიიღება რექტალურად 1 სუპოზიტორია დღე-ღამეში 2-3-ჯერ, მაქსიმალური სადღეღამისო დოზა – 10 სუპოზიტორია.

გვერდითი მოვლენები
მომატებული მგრძნობელობისას ან პრეპარატის ჭარბი დოზის მიღებისას შესაძლებელია ალერგიული რეაქციები, პირის სიმშრალე, ყაბზობა, გულისცემის შეგრძნება, გუგების გაფართოება, მხედველობის დარღვევა, იშვიათ შემთხვევებში – ფსიქომოტორული აღგზნება, კრუნჩხვები, შარდის შეკავება.
ასეთ შემთხვევებში  პრეპარატის გამოყენება წყდება_საჭიროა ექიმთან კონსულტაცია.

უკუჩვენება
პრეპარატი უკუნაჩვენებია გლაუკომის, წინამდებარე ჯირკვლის ადენომის დროს, პრეპარატის კომპონენტების მიმართ მომატებული მგრძნობელობის დროს.

განსაკუთრებული მითითებები
პრეპარატის გამოყენება ორსულობის და ლაქტაციის დროს შესაძლებელია მხოლოდ იმ შემთხვევაში, თუ მისი სავარაუდო სარგებლობა დედისათვის აღემატება ნაყოფისათვის პოტენციურ რისკს.
პრეპარატის გამოყენება არ არის რეკომენდებული იმ პაციენტებში, რომელთა საქმიანობა დაკავშირებულია ყურადღების მაღალი კონცენტრაციის, სწრაფი ფსიქიკური და მოძრაობის რეაქციების აუცილებლობასთან (მათ შორის, სატრანსპორტო საშუალებების მართვა, დაზგებზე მუშაობა და სხვ.)

გამოშვების ფორმა
5 ცალი სუპოზიტორია კონტურულ უჯრედოვან შეფუთვაში.

ვარგისიანობის ვადა
2 წელი.

შენახვის პირობები
პრეპარატი ინახება მშრალ, გრილ, სინათლისაგან დაცულ, ბავშვებისათვის მიუწვდომელ ადგილას. პრეპარატი  გამოიყენება შეფუთვაზე მითითებული ვადის გასვლამდე.

აფთიაქიდან გაცემის წესი
გაიცემა ექიმის რეცეპტის გარეშე.

მწარმოებელი:
ღია სააქციო საზოგადოება “ნიჟფარმი”, რუსეთი
603950, ქ. ნიჟნი ნოვგოროდი
გსპ-459, სალგანსკაიას ქ. 7.
ტელ: (831-2) 39-57-57, 39-28-80
ფაქსი: (831-2) 39-25-58, 39-28-13

ქვეყანა: უკრაინა

მწარმოებელი: დარნიცა კიევი

გაცემის ფორმა: III ჯგუფი ურეცეპტო

ერინიტი

სავაჭრო დასახელება: ერინიტი

ერინიტი-პენტაერითრიტის ტეტრანიტრატი (ტეტრანიტროპენტაერითრიტი)
თეთრი კრისტალური ფხვნილი. იგი არ იხსნება წყალში და იხსნება სპირტში.

შემადგენლობა: ერთი ტაბლეტი შეიცავს 0,01 გ პენთაერითრიტის ტეტრანიტრატს.

ფარმაკოთერაპიული ჯგუფი:
ორგანული ნიტრატი, ანტიანგინალური საშუალება.
ფარმაკოლოგიური მოქმედება:
პრეპარატი ფარმაკოლოგიური თვისებებით ახლოს დგას ნიტროგლიცერინთან, მაგრამ მასთან შედარებით იგი ნელა შეიწოვება ლორწოვანი გარსით და ავლენს შედარებით ნელა, მაგრამ შედარებით ხანგრძლივ მოქმედებას. პრეპარატის პერორალურად მიღების შემდეგ მისი სასურველი შედეგი აღინიშნება 30-45 წთ-ის შემდეგ და გრძელდება 4-5 სთ-ის განმავლობაში.

გამოყენების ჩვენება:
პრეპარატი გამოიყენება სტენოკარდიის შეტევის, გულის ქრონიკული უკმარისობის შემთხვევაში.
სტენოკარდიის შეტევის კუპირებისათვის პრეპარატი ნაკლებად ვარგისია, ვინაიდან მისი მიღებისას სასურველი შედეგი აღინიშნება ნელა. 

წინააღმდეგჩვენება:
გამოხატული არტერიული ჰიპოტენზია, კოლაფსი, შოკი, მიოკარდიუმის მწვავე ინფარქტი, რომელიც მიმდინარეობს ჰიპოტონიით, ჰემორაგიული ინსულტი, თავის ტვინის ტრავმვა, დახურულკუთხოვანი გლაუკომა, პრეპარატისა და სხვა ორგანული ნიტრატების მიმართ მომატებული მგრძნობელობა.

მიღების წესი და დოზირება:
ერინიტი გამოიყენება პერორალურად (საკვების მიღებამდე 1 სთ-ით ადრე) დოზით 0,01-0,02 გ (1-2 ტაბლეტი). ღამით სტენოკარდიის შეტევის პრევენციისათვის პრეპარატი ინიშნება დოზით 0,02 გ ძილის წინ. მკურნალობის კურსის ჩვეულებრივ შეადგენს 2-4 კვირას. მკურნალობის განმეორებითი კურსი ინიშნება შესვენებებით, რომლის ხანგრძლივობა დამოკიდებულია დაავადების სიმძიმეზე.
პრეპარატის ხანგრძლივად გამოყენების შემთხვევაში მოსალოდნელია მისი მიმართ ტოლერანტობის განვითარება.
 
გვერდითი მოვლენები:
იშვიათად აღინიშნება თავის ტკივილი, ყურებში შუილი, თავბრუსხვევა, ხანდახან აღინიშნება ფაღარათი. ზემოთაღნიშნული გვერდითი მოვლენები დოზის შემცირების და/ან პრეპარატის მიღების შეწყვეტის შემთხვევაში ქრება.

ურთიერთქმედება სხვა სამკურნალო საშუალებებთან:
სხვა სამკურნალო საშუალებებთან კომბინაციისას უნდა მიმართოთ მკურნალ ექიმს. დიჰიდროერგოტამინისა და ერინიტის ერთდროული გამოყენებისას შესაძლებელია ამ უკანასკნელის ანტიანგინალური ეფექტის დაქვეითება, რის გამოც მათი კომბინაცია ითვლება არარაციონალურად. ანაპრინილისა და ერინიტის კომბინაცია დასაშვებია.

განსაკუთრებული მითითებანი: მკურნალობის პერიოდში აუცილებელია ალკოჰოლური სასმელებისაგან თავის შეკავება.

გამოშვების ფორმა: N10 ტაბლეტი კონტურულ შეფუთვაში, N50 მინის ქილაში.

შენახვის პირობები: ბ სია. ინახება გრილ, მშრალ, სინათლისაგან და ბავშვებისაგან ადგილას.

ვარგისიანობის ვადა: 3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაიცემა რეცეპტით.

მწარმოებელი: “ბიოსინთეზი”