ქვეყანა: თურქეთი

მწარმოებელი: ნობელი

გაცემის ფორმა: II ჯგუფი რეცეპტული

ქვეყანა: საფრანგეთი

მწარმოებელი: ლაბორ. ფურნიე საფრანგეთი

გაცემის ფორმა: II ჯგუფი რეცეპტული

თვის შეთავაზება

აქცია მათთვის, ვისაც აწუხებს საერთო სისუსტე, ძვლებისა და სახსრების ტკივილი, ხშირი ავადობა

ქვეყანა: საქართველო

მწარმოებელი: ჯი.ემ.პი

გაცემის ფორმა: II ჯგუფი რეცეპტული

ნანოკალცი ბეიბი / Nanocalci Baby

• საერთაშორისო დასახელება (აქტიური ნივთიერება): Calcium, zinc oxide, Ferrous (II) sulfate
• კლინიკურ–ფარმაკოლოგიური ჯგუფი: ნივთიერებათა ცვლის დარღვევები → ფოსფორისა და კალციუმის ცვლაზე მოქმედი საშუალებები. ძვლის ქსოვილში ნივთიერებათა ცვლის მარეგულირებელი საშუალებები → ორგანიზმში კალციუმის დეფიციტის შემავსებელი პრეპარატები → კომბინირებული შემადგენლობის პრეპარატები
• მწარმოებელი კომპანია: ჰერბალ პრეპარატი
• მწარმოებელი ქვეყანა: საქართველო
• გამოშვების ფორმა: 1000მგ საღეჭი ტაბლეტი №60
• გაცემის რეჟიმი: III ჯგუფი (ურეცეპტოდ)

შემადგენლობა

1 საღეჭი ტაბლეტის შემადგენლობა: 

კალციუმის კარბონატი 1000 მგ (ელემენტური კალციუმი 285 მგ)

რკინის  (II) ფუმარატი 5,6 მგ, 

თუთიის  (II)  ოქსიდი 2,2 მგ

აღწერილობა

სამკუთხედის ფორმის, თეთრი ფერის, ციტრუსის გემოს საღეჭი ტაბლეტი.

ფარმაკოლოგიური თვისებები

კალციუმისა და ფოსფორის ცვლის რეგულატორი.

დამზადებულია ნანოტექნოლოგიით, ამიტომ შეწოვისათვის არ საჭიროებს ვიტამინი D3-ის შემცველობას. შესაბამისად არ არსებობს D ჰიპერვიტამინოზის განვითარების რისკი. დაზიანებული უჯრედი გამოყოფს წყალბადის პეროქსიდს, რისი აღმოჩენაც შეუძლია ნანონაწილაკებს; სუპრამოლეკულებს აქტიური ნივთიერების მოლეკულები მიაქვთ სამიზნე ადგილამდე, „ლიგანდი-სამიზნე“  მდგრადი კომპლექსის წარმოქმნის ხარჯზე მაქსიმალური ბიოშეღწევადობა მიიღწევა იმ ადგილას, სადაც ყველაზე მეტად არის აქტიური ნივთიერებების საჭიროება. შესაბამისად მინიმალურ დროში ვიღებთ მაქსიმალურ ფარმაკო-თერაპიულ ეფექტს.

ფარმაკოდინამიკა

პრეპარატი არეგულირებს ორგანიზმში კალციუმის და ფოსფორის ცვლას (ძვლებში, კბილებში, თმებში, კუნთებში), ამცირებს რეზორბციას და ზრდის ძვლის ქსოვილის სიმკვრივეს. კალციუმი მონაწილეობს ნერვული გამტარობის რეგულაციაში, კუნთების შეკუმშვაში, გულის სტაბილური მოქმედების შენარჩუნებაში და წარმოადგენს სისხლის შედედების სისტემის კომპონენტს. კალციუმის გამოყენება აფერხებს პარათირეოიდული ჰორმონის გამომუშავებას, რომელიც წარმოადგენს მომატებული ძვლოვანი რეზორბციის (ძვლებიდან კალციუმის გამორეცხვა) სტიმულატორს.

ფარმაკოკინეტიკა

კალციუმი შეიწოვება იონიზირებული ფორმით წვრილი ნაწლავის პროქსიმალურ ნაწილში. ორგანიზმში კალციუმის 99% არის ძვლებისა და კბილების მყარ სტრუქტურაში, დარჩენილი 1% უჯრედშიდა და უჯრედშორის სითხეებშია. სისხლში კალციუმის შემცველობის დაახლოებით 50% იმყოფება ფიზიოლოგიურად აქტიურ იონიზირებულ ფორმაში, მათგან 10% ციტრატებთან, ფოსფატებთან ან სხვა ანიონებთან კომპლექსში, დარჩენილი 40% კი შეკავშირებულია ცილებთან, პირველ რიგში ალბუმინთან. კალციუმი ორგანიზმიდან გამოიყოფა ნაწლავებით, თირკმელებით და საოფლე ჯირკვლებით.

ჩვენება

•  კალციუმის დეფიციტი, რაქიტის პროფილაქტიკა და მკურნალობა; ინტენსიური ზრდის პერიოდი;  კარიესის პროფილაქტიკა;

•  გლუკოკორტიკოსტეროიდებით ხანგრძლივი მკურნალობა, თირკმელჩანაცვლებითი თერაპია (დიალიზი);

•  მოტეხილობები (კომპლექსურ თერაპიაში)

მიღების წესი და დოზირება

4 -12 წელი: 1 საღეჭი ტაბლეტი 1-ჯერ დღეში.

12-15 წელი: 1 საღეჭი ტაბლეტი 2 ჯერ დღეში.

უკუჩვენება

მომატებული მგრძნობელობა პრეპარატის აქტიური კომპონენტის მიმართ; ჰიპერკალციემია; ჰიპერკალციურია; თირკმლის მძიმე უკმარისობა; შარდ-კენჭოვანი დაავადება (ნეფროლითიაზი); აქტიური ტუბერკულოზი.

გვერდითი მოვლენები

საჭმლის მომნელებელი სისტემის მხრივ: ყაბზობა, მეტეორიზმი, გულის რევა, გასტრალგია, დიარეა; ჰიპერკალციემია, ჰიპერკალციურია (სისხლში და შარდში კალციუმის დონის მომატება).

სიფრთხილე და განსაკუთრებული მითითებები

ოქსალატების შემცველი ( მჟაუნა, ისპანახი) და ფიტინის ( ბურღულეული) შემცველი საკვები პროდუქტების  მიღება ამცირებს კალციუმის შეწოვას, ამიტომ რეკომენდირებულია ეს პროდუქტი არ მიიღოთ პრეპარატის მიღებიდან 2 საათის განმავლობაში.

პრეპარატის ხანგრძლივი  გამოყენებისას რეკომენდირებულია სისხლის შრატსა და შარდში კალციუმის დონის მონიტორინგი, აგრეთვე თირკმლის ფუნქციის მონიტორინგი კრეატინინის განსაზღვრით. 

რეკომენდაცია: გადაცდენის რისკის გამო ბავშვებში, საღეჭი ტაბლეტი რეკომენდებულია დაინიშნოს 4 წლიდან.

ჭარბი დოზირება

ჭარბი დოზირების ნიშნების გამოვლენის შემთხვევაში მიმართეთ ექიმს.

სიმპტომები: ანორექსია, წყურვილი, პოლიურია, მადის დაკარგვა, თავბრუსხვევა, სისუსტე, ღებინება, გულისრევა. 

მკურნალობა: ორგანიზმში დიდი რაოდენობით სითხის შეყვანა მარყუჟისებრი დიურეტიკების ( ფუროსემიდი), გლუკოკორტიკოსტეროიდების, კალციტონინის, ბიფოსფონატების დანიშვნა.

სხვა წამლებთან ურთიერთქმედება

გლუკოკორტიკოსტეროიდები ამცირებენ კაცლიუმის შეწშოვას, ამიტომ მკურნალობამ შეიძლება მოითხოვოს დოზის გაზრდა.

საგულე გლიკოზიდების ერთდროულად მიღებისას აუცილებელია ელ. კარდიოგრამის და კლინიკური მდგომარეობის კონტროლი, ვინაიდან კალციუმის პრეპარატებმა შეიძლება გამოიწვიოს საგულე გლიკოზიდების თერაპიული და ტოქსიური ეფექტების პოტენცირება.

თიაზიდური რიგის დიურეტიკების ერთდროული მიღებისას იზრდება ჰიპერკალციემიის რისკი, რადგან ისინი ზრდიან კალციუმის არხისმიერ რეზორბციას. ფუროსემიდი და სხვა მარყუჟისებრი დიურეტიკები კი ზრდიან თირკმელებით კალციუმის გამოყოფას.

კალციუმის პრეპარატებმა შეიძლება გამოიწვიოს კუჭ-ნაწლავის ტრაქტიდან ტეტრაციკლინების შეწოვის შეფერხება, ამიტომ მათ შორის მიღებებს შორის ინტერვალი უნდა შეადგენდეს  მინიმუმ 3 საათს. 

შენახვის პირობები

ინახება მშრალ, სინათლისაგან დაცულ, ბავშვებისთვის მიუწვდომელ ადგილას, +25°C- მდე ტემპერატურის პირობებში. 

ვარგისიანობის ვადა

3 წელი

ვარგისიანობის ვადის გასვლის შემდეგ პრეპარატი არ გამოიყენება!

გაცემის წესი

გაიცემა ურეცეპტოდ.

ტორვიტინი
Atorvastatin

ფარმაკოლოგიური ჯგუფი:  ჰიპოლიპიდემიური

შემადგენლობა
ტორვიტინის ერთი ტაბლეტი შეიცავს აქტიური ნივთიერების – ატორვასტატინის 10 მგ-ს ან 40 მგ-ს.

მოქმედების მექანიზმი
სტატინების ჯგუფის ჰიპოლიპიდემიური საშუალება. ფერმენტ HMG-CoA-რედუქტაზას სელექციური კონკურენტული ინჰიბირებით, ატორვასტატინი თრგუნავს 3-ჰიდროქსი-3-მეთილგლუტარილკოენზიმ A-ს გარდაქმნას მევალონის მჟავაში. მევალონის მჟავა კი წარმოადგენს სტეროლების, მათ შორის ქოლესტერინის წინამორბედს.
ქოლესტერინის (ქს) სინთეზის დათრგუნვა იწვევს დაბალი სიმკვრივის ლიპოპროტეიდების (დსლპ) რეცეპტორების რეაქტიულობის მატებას ღვიძლში. აღნიშნული რეცეპტორები იერთებენ დსლპ-ს, გამოდევნიან მათ სისხლის პლაზმიდან და ამცირებენ სისხლში ქს/დსლპ-ის დონეს.
ატორვასტატინი ამცირებს საერთო ქოლესტერინის, დაბალი სიმკვრივის ლიპოპროტეიდებისა და აპოლიპოპროტეინ B-ს, ასევე ძალიან დაბალი სიმკვრივის ლიპოპროტეიდებისა (ძდსლპ) და ტრიგლიცერიდების დონეს, იწვევს მაღალი სიმკვრივის ლიპოპროტეიდების (მსლპ) დონის არამდგრად მატებას.
ატორვასტატინი ეფექტურია და ამცირებს ქოლესტერინის დონეს მემკვიდრული ჰომოზიგოტური ჰიპერქოლესტერინემიით დაავადებულებში, რომელიც ჩვეულებრივ არ ექვემდებარება ჰიპოლიპიდემიური საშუალებებით მკურნალობას.
პერორალურად მიღებული ატორვასტატინი კარგად (80%) შეიწოვება კუჭ-ნაწლავის ტრაქტიდან. Cmax მიიღწევა 1-2 საათში. ღვიძლში “პირველადი გავლის” გამო ინტენსიური მეტაბოლიზმის შედეგად ატორვასტატინის ბიოშეღწევადობა 14%-ს შეადგენს.
პლაზმის ცილებს 98% უკავშირდება. ატორვასტატინი არ გადის ჰემატოენცეფალურ ბარიერს. მეტაბოლიზაციას განიცდის უპირატესად ღვიძლში. ფერმენტ HMG-CoA-რედუქტაზაზე მეტაბოლიტების მაინჰიბირებელი მოქმედება 20-30 სთ გრძელდება. ელიმინაცია ხორციელდება ნაღველით. T1/2 დაახლოებით 14 საათია. 46% ელიმინირდება ფეკალური მასებით, ხოლო 2%-ზე ნაკლები შარდით.

ჩვენება
– პირველადი ჰიპერქოლესტერინემია (მემკვიდრული და არამემკვიდრული ჰეტეროზიგოტური ჰიპერქოლესტერინემია) დიეტოთერაპიის არაეფექტურობის შემთხვევაში;
– შერეული ჰიპერლიპიდემია, მათ შორის ინსულინდამოუკიდებელი შაქრიანი დიაბეტით დაავადებულებში;
– სისხლის შრატში ტრიგლიცერიდების მატება და დისბეტალიპოპროტეინემია (დიეტოთერაპიის არაეფექტურობის შემთხვევაში);
– მემკვიდრული ჰომოზიგოტური ჰიპერქოლესტერინემია (დიეტასთან ერთად);
– მეორადი პროფილაქტიკისათვის მიოკარდიუმის ინფარქტის და გულ-სისხლძარღვთა სისტემის პათოლოგიებით და/ან დისლიპიდემიით დაავადებულებში განმეორებითი სტენოკარდიის რისკის შემცირების მიზნით.

უკუჩვენება
– ღვიძლის დაავადებები აქტიურ ფაზაში ან ტრანსამინაზების გაურკვეველი გენეზის აქტივობის მატება (ნორმის ზედა ზღვარზე 3-ჯერ მეტი);
– რეპროდუქციული ასაკის ქალები, რომლებიც არ იყენებენ კონტრაცეპციის ადექვატურ მეთოდებს;
– ორსულობა;
– ლაქტაცია (ძუძუთი კვება);
– ბავშვები და 18 წლამდე ასაკის მოზარდები;
– პრეპარატის კომპონენტებისადმი მომატებული მგრძნობელობა.
სიფრთხილით გამოიყენება ალკოჰოლის ჭარბ მომხმარებლებსა და/ან ავადმყოფებში ანამნეზში ღვიძლის დაავადებებით.

უსაფრთხოების ზომები
ტორვიტინი სიფრთხილით ინიშნება ელექტროლიტური დისბალანსის, ენდოკრინული და მეტაბოლური დარღვევების, ალკოჰოლიზმის, ანამნეზში ღვიძლის დაავადებების, არტერიული ჰიპოტენზიის, მძიმედ მიმდინარე მწვავე ინფექციების, არაკონტროლირებადი კრუნჩხვების, ქირურგიული ჩარევების, ტრავმების დროს.
ატორვასტატინმა შესაძლებელია კრეატინფოსფოკინაზასა და ამინოტრანსფერაზას აქტივობის მატება გამოიწვიოს.
ატორვასტატინის მიღების ფონზე შესაძლებელია ღვიძლის ტრანსამინაზების აქტივობის მატება აღინიშნოს, რომელსაც, როგორც წესი, კლინიკური მნიშვნელობა არ აქვს. გასათავალისწინებელია, რომ ღვიძლის ფუნქციური მაჩვენებლების კონტროლი საჭიროა ატორვასტატინით მკურნალობის დაწყებამდე, მკურნალობის დაწყებიდან 6 და 12 კვირის შემდეგ, დოზის მომატების შემთხვევაში და პერიოდულად, პრეპარატით მკურნალობის მთელი პერიოდის მანძილზე. ასპარტატამინოტრანსფერაზასა და ალანინამინოტრანსფერაზას მაჩვენებლების 3-ჯერ მატების შემთხვევაში, რეკომენდებულია პრეპარატის მოხსნა ან დოზის შემცირება.
ატორვასტატინით მკურნალობის ფონზე შესაძლებელია მიოპათიის განვითარება. მიოპათიის რისკი იზრდება ატორვასტატინთან ერთად ციკლოსპორინის, ფიბრატების, ერითრომიცინის, კლარითრომიცინის, აზოლის ჯგუფის ანტიმიკოზური საშუალებების (ფლუკონაზოლი, იტრაკონაზოლი, კეტოკონაზოლი), ნიკოტინის მჟავას ან ნიაცინის ერთდროული გამოყენებისას.
ატორვასტატინისა და ფენიტოინის ერთდროულმა გამოყენებამ შესაძლებელია ატორვასტატინის ეფექტურობის შემცირება გამოიწვიოს.
ანტაციდები (სუსპენზიები მაგნიუმისა და ალუმინის ჰიდროქსიდის შემცველობით) ამცირებენ სისხლის პლაზმაში ატორვასტატინის შემცველობას.
ატორვასტატინის და დიგოქსინის განმეორებით მიღებისას პლაზმაში დიგოქსინის თანაბარი კონცენტრაცია 20%-ით იმატებს.
პერორალურ კონტრაცეპტულ საშუალებებთან (ნორეთინდრონისა და ეთინილესტრადიოლის კომბინაცია) ერთად ატორვასტატინის გამოყენება იწვევს კონტრაცეპტული საშუალებების აბსორბციის გაძლიერებას და სისხლის პლაზმაში მათი კონცენტრაციის მატებას. ამიტომ ქალებში, რომლებიც ატორვასტატინით მკურნალობენ, საჭიროა კონტრაცეპტული საშუალების შერჩევა.
რეპროდუქციული ასაკის ქალებმა, ატორვასტატინით მკურნალობის დროს აუცილებელია ისარგებლონ კონტრაცეპციის საიმედო საშუალებებით.
პრეპარატით მკურნალობის ფონზე მიუღებელია ალკოჰოლური სასმელების გამოყენება.

დოზის გადაჭარბება
მკურნალობა: საჭიროებისას ტარდება სიმპტომური მკურნალობა. სპეციფიკური ანტიდოტი არ არსებობს.

დოზირება და მიღების წესი
პრეპარატი ინიშნება სტანდარტულ ჰიპოლიპიდემიურ დიეტასთან ერთად.
პრეპარატი უნდა მიიღონ დღის ნებისმიერ მონაკვეთში ერთსა და იმავე დროს, საკვების მიღებისგან დამოუკიდებლად.
პრეპარატის დოზის (10-80 მგ) შერჩევა ხდება დსლპ-ის საწყისი დონის, თერაპიის მიზნისა და ინდივიდუალური ეფექტურობის გათვალისწინებით. თერაპიის დასაწყისში და/ან დოზის მატებისას ყოველი 2-4 კვირის განმავლობაში საჭიროა პლაზმაში ლიპიდების დონის კონტროლი და შესაბამისად დოზის კორექცია.
ტორვიტინის ყოველდღიური საწყისი რეკომენდებული დოზა 10 მგ-ია. ეფექტურობის მიხედვით შესაძლებელია დღიური დოზის 80 მგ-მდე გაზრდა. ტორვიტინის მოქმედება მიღებიდან 2 კვირის შემდეგ ვლინდება, მაქსიმალურ ეფექტს 4 კვირაში აღწევს. ამიტომ დოზის კორექცია პრეპარატის პირველი მიღებიდან 4 კვირის მანძილზე საჭირო არ არის.
პირველადი (მემკვიდრული ჰეტეროზიგოტური და პოლიგენური) ჰიპერქოლესტერინემიის და შერეული ჰიპერლიპიდემიის დროს საწყისი დღიური დოზა შეადგენს 10 მგ-ს ერთხელ დღეში. პაციენტის რეაქციის მიხედვით 4 კვირის შემდეგ შესაძლებელია დოზის გაზრდა. მაქსიმალური დღიური დოზა 80 მგ-ია.
მემკვიდრული ჰომოზიგოტური ჰიპერქოლესტერინემიის დროს საწყისი დოზაა 10 მგ/დღეში. ოპტიმალური ეფექტი მაქსიმალური დღიური დოზის – 80 მგ-ის მიღების შემთხვევაში აღინიშნება.
ხანდაზმული პაციენტები დოზის კორექციას არ საჭიროებენ.

გვერდითი მოვლენები
პრეპარატს ახასიათებს კარგი ამტანობა. გვერდითი მოვლენები, როგორც წესი, მსუბუქი და გარდამავალი ხასიათისაა. ყველაზე ხშირად ვითარდება ზოგადი ხასიათის გვერდითი მოვლენები: დისკომფორტი და ტკივილი მუცლის არეში, დისპეფსია, თავის ტკივილი, თავბრუსხვევა, გულისრევა.
იშვიათად ვლინდება კუნთების კრუნჩხვა, მიალგიები, მიოზიტი, ასთენია, დიარეა, გამონაყარი, ქავილი.

ვარგისიანობა და შენახვის პირობები
პრეპარატის ვარგისიანობის ვადაა 3 წელი, ინახება 20-25ºC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
ტაბლეტი 10 მგ ან 40 მგ; 20 ტაბლეტი ბლისტერებში. მეორადი შეფუთვა: მუყაოს კოლოფში.

აფთიაქიდან გაცემის პირობები
ექიმის რეცეპტით!

ნანოკალცი / Nanocalci

• საერთაშორისო დასახელება (აქტიური ნივთიერება): ferrous fumarate, Calcium, zinc oxide
• კლინიკურ–ფარმაკოლოგიური ჯგუფი: ბიოლოგიურად აქტიური დანამატები
• მწარმოებელი კომპანია: Realmus ind. Co Ltd
• მწარმოებელი ქვეყანა: აშშ
• გამოშვების ფორმა: 1000მგ კაფსულა №100
• გაცემი სრეჟიმი: III ჯგუფი (ურეცეპტოდ)

შემადგენლობა

1 კაფსულის შემადგენლობა:

კალციუმის კარბონატი 1000 მგ (ელემენტური

კალციუმი 300 მგ)

რკინის  (II) ფუმარატი 15 მგ, 

თუთიის  (II)  ოქსიდი 6 მგ.

აღწერილობა

მოგრძო ფორმის, ყავისფერი რბილი კაფსულა.

ფარმაკოთერაპიული ჯგუფი: კალციუმისა და ფოსფორის ცვლის რეგულატორი.

ფარმაკოლოგიური თვისებები

პრეპარატი დამზადებულია ნანოტექნოლოგიით, ამიტომ შეწოვისათვის არ საჭიროებს ვიტამინი D3-ის შემცველობას. დაზიანებული უჯრედი გამოყოფს წყალბადის პეროქსიდს, რისი აღმოჩენაც შეუძლია ნანონაწილაკებს; სუპრამოლეკულებს აქტიური ნივთიერების მოლეკულები მიაქვთ სამიზნე ადგილამდე, „ლიგანდი-სამიზნე“  მდგრადი კომპლექსის წარმოქმნის ხარჯზე მაქსიმალური ბიოშეღწევადობა მიიღწევა იმ ადგილას, სადაც ყველაზე მეტად არის მედიკამენტის საჭიროება.    შესაბამისად მინიმალურ დროში ვიღებთ მაქსიმალურ ფარმაკო-თერაპიულ ეფექტს.

ფარმაკოდინამიკა

პრეპარატი არეგულირებს ორგანიზმში კალციუმის და ფოსფორის ცვლას (ძვლებში, კბილებში, თმებში, კუნთებში), ამცირებს რეზორბციას და ზრდის ძვლის ქსოვილის სიმკვრივეს. კალციუმი მონაწილეობს ნერვული გამტარობის რეგულაციაში, კუნთების შეკუმშვაში, გულის სტაბილური მოქმედების შენარჩუნებაში და წარმოადგენს სისხლის შედედების სისტემის კომპონენტს. კალციუმის გამოყენება აფერხებს პარათირეოიდული ჰორმონის გამომუშავებას, რომელიც წარმოადგენს მომატებული ძვლოვანი რეზორბციის (ძვლებიდან კალციუმის გამორეცხვა) სტიმულატორს.

ფარმაკოკინეტიკა

კალციუმი შეიწოვება იონიზირებული ფორმით წვრილი ნაწლავის პროქსიმალურ ნაწილში. ორგანიზმში კალციუმის 99% არის ძვლებისა და კბილების მყარ სტრუქტურაში, დაჩენილი 1% უჯრედშიდა და უჯრედშორის სითხეებშია. სისხლში კალციუმის შემცველობის დაახლოვებით 50% იმყოფება ფიზიოლოგიურად აქტიურ იონიზირებულ ფორმაში, მათგან 10% ციტრატებთან,ფოსფატებთან ან სხვა ანიონებთან კომპლექსში, დარჩენილი 40% კი შეკავშირებულია ცილებთან, პირველ რიგში ალბუმინთან. კალციუმი ორგანიზმიდან გამოიყოფა ნაწლავებით, თირკმელებით და საოფლე ჯირკვლებით.

ჩვენება

კალციუმის დეფიციტი, სხვადასხვა გენეზის ოსტეოპოროზი,  მოტეხილობები (კომპლექსურ თერაპიაში), ორსულობა და ლაქტაცია, ჰორმონული სტატუსის დარღვევა: მენოპაუზა და მისი წინა პერიოდი, ოვარექტომია, გლუკოკორტიკოსტეროიდებით ხანგრძლივი მკურნალობა, თირკმელჩანაცვლებითი თერაპია (დიალიზი). 

მიღების წესი და დოზირება

თითო კაფსულა 2-ჯერ დღეში ან 2 კაფსულა ერთხელ დღეში.

უკუჩვენება

მომატებული მგრძნობელობა პრეპარატის აქტიური კომპონენტის მიმართ; ჰიპერკალციემია; ჰიპერკალციურია; თირკმლის მძიმე უკმარისობა; შარდ-კენჭოვანი დაავადება (ნეფროლითიაზი); აქტიური ტუბერკულოზი.

გვერდითი მოვლენები

საჭმლის მომნელებელი სისტემის მხრივ: ყაბზობა, მეტეორიზმი, გულის რევა, გასტრალგია, დიარეა; ჰიპერკალციემია, ჰიპერკალციურია (სისხლში და შარდში კალციუმის დონის მომატება).

სიფრთხილე და განსაკუთრებული მითითებები

ოქსალატების შემცველი ( მჟაუნა, ისპანახი) და ფიტინის ( ბურღულეული) შემცველი საკვები პროდუქტების  მიღება ამცირებს  კალციუმის შეწოვას, ამიტომ რეკომენდირებულია ეს პროდუქტი არ მიიღოთ პრეპარატის მიღებიდან 2 საათის განმავლობაში.

პრეპარატის ხანგრძლივი  გამოყენებისას რეკომენდირებულია სისხლის შრატსა და შარდში კალციუმის დონის მონიტორინგი, აგრეთვე თირკმლის ფუნქციის მონიტორინგი კრეატინინის განსაზღვრით. 

ჭარბი დოზირება

ჭარბი დოზირების ნიშნების გამოვლენის შემთხვევაში მიმართეთ ექიმს.

სიმპტომები: ანორექსია, წყურვილი, პოლიურია, მადის დაკარგვა, თავბრუსხვევა, სისუსტე, ღებინება, გულისრევა. 

მკურნალობა: ორგანიზმში დიდი რაოდენობით სითხის შეყვანა მარყუჟისებრი დიურეტიკების ( ფუროსემიდი), გლუკოკორტიკოსტეროიდების, კალციტონინის, ბიფოსფონატების დანიშვნა.

სხვა წამლებთან ურთიერთქმედება

გლუკოკორტიკოსტეროიდები ამცირებენ კაცლიუმის შეშოვას, ამიტომ მკურნალობამ შეიძლება მოითხოვოს დოზის გაზრდა.

საგულე გლიკოზიდების ერთდროულად მიღებისას აუცილებელია ელ. კარდიოგრამის და კლინიკური მდგომარეობის კონტროლი, ვინაიდან კალციუმის პრეპარატებმა შეიძლება გამოიწვიოს საგულე გლიკოზიდების თერაპიული და ტოქსიური ეფექტების პოტენცირება.

თიაზიდური რიგის დიურეტიკების ერთდროული მიღებისას იზრდება ჰიპერკალციემიის რისკი, რადგან ისინი ზრდიან კალციუმის არხისმიერ რეზორბციას. ფუროსემიდი და სხვა მარყუჟისებრი დიურეტიკები კი ზრდიან თირკმელებით კალციუმის გამოყოფას.

კალციუმის პრეპარატებმა შეიძლება გამოიწვიოს კუჭ-ნაწლავის ტრაქტიდან ტეტრაციკლინების შეწოვის შეფერხება, ამიტომ მათ მიღებებს შორის ინტერვალი უნდა შეადგენდეს  მინიმუმ 3 საათს. 

შენახვის პირობები

ინახება მშრალ, სინათლისაგან დაცულ, ბავშვებისთვის მიუწვდომელ ადგილას, +25°C- მდე ტემპერატურის პირობებში. 

ვარგისანობის ვადა

3 წელი

ვარგისიანობის ვადის გასვლის შემდეგ პრეპარატი არ გამოიყენება!

გაცემის წესი

გაიცემა ურეცეპტოდ.