რატიზოლი 10/20/40

(RATIZOL 10/20/40)

ზოგადი დახასიათება:
საერთაშორისო არაპატენტირებული დასახელება: ატორვასტატინი;
ძირითადი ფიზიკურ-ქიმიური თვისებები:
რატიზოლი 10/20: თეთრი ფერის, მრგვალი ფორმის, ორმხრივამოზნექილი ზედაპირის მქონე შემოგარსული ტაბლეტები; 
რატიზოლი 40: თეთრი ფერის, მოგრძო ფორმის, ორმხრივამოზნექილი ზედაპირის მქონე შემოგარსული ტაბლეტები, ცალ მხარეს ჭდით.
შემადგენლობა:            
1 შემოგარსული ტაბლეტი შეიცავს:
ატორვასტატინ კალციუმს, 10, 20 ან 40 მგ ატორვასტატინის ეკვივალენტურს.
დამხმარე ნივთიერებები: კალციუმის კარბონატი, ლაქტოზას მონოჰიდრატი, მიკროკრისტალური ცელულოზა, ნატრიუმის კროსკარმელოზა, პოვიდონი, პოლისორბატი 60, უწყლო კოლოიდური სილიციუმის დიოქსიდი, ტალკი, მაგნიუმის სტეარატი; შემომგარსავი ნივთიერებების ნარევი Oპადრყ წჰიტე 03F28342: (ჰიპრომელოზა, ტიტანის დიოქსიდი (E 171), ტალკი, პოლიეთილენგლიკოლი (მაკროგოლი 6000)). 
გამოშვების ფორმა:
შემოგარსული ტაბლეტები, 10, 20 ან 40 მგ.
ფარმაკოლოგიური ჯგუფი:
ჰიპოლიპიდემიური საშუალება – ჰმგ კო-A რედუქტაზას ინჰიბიტორი.
ათქ-კოდი: C10AA05.
ფარმაკოლოგიური თვისებები:
ატორვასტატინი არის ფერმენტ ჰმგ კო-A რედუქტაზას (3-ჰიდროქსი-3-მეთილგლუტარილ კოენზიმ A რედუქტაზა) სელექციური, კონკურენტული ინჰიბიტორი, რომელიც  გარდაქმნის ჰმგ კო-A რედუქტაზას მევალონის მჟავად. იგი სტეროლების, მათ შორის ქოლესტერინის წინამორბედია. ტრიგლიცერიდები და ქოლესტერინი ღვიძლში უერთდება ძალიან დაბალი სიმკვრივის ლიპოპროტეინებს (ზდსლპ), გამოიყოფა სისხლის პლაზმაში და ტრანსპორტირდება პერიფერიულ ქსოვილებში. ძალიან დაბალი სიმკვრივის ლიპოპროტეინებისგან წარმოიქმნება დაბალი სიმკვრივის ლიპოპროტეინები (დსლპ), რომლებიც კატაბოლიზდება დსლპ მაღალაფინურ რეცეპტორებთან  ურთიერთქმედებით. ატორვასტატინი ამცირებს ქოლესტერინისა და ლიპოპროტეინების დონეს სისხლის პლაზმაში ჰმგ კო-A რედუქტაზას და ქოლესტერინის სინთეზის ინჰიბირების გზით ღვიძლში, ხოლო ჰეპატოციტების ზედაპირზე დსლპ რეცეპტორების რაოდენობის გაზრდით, რაც აძლიერებს დსლპ-ის კატაბოლიზმს. ატორვასტატინი ამცირებს დსლპ-ის წარმოქმნას და დსლპ-ის ნაწილაკების რიცხვს, იწვევს დსლპ-ის რეცეპტორების აქტივობის მდგრად ზრდას, დადებითად მოქმედებს მოცირკულირე დსლპ ნაწილაკების ხარისხზე. ატორვასტატინი ეფექტურად აქვეითებს დსლპ-ის დონეს პაციენტებში ჰომოზიგოტური ჰიპერქოლესტერინემიით, რომელიც ჩვეულებრივ არ ექვემდებარება სხვა ჰიპოლიპიდემიური საშუალებებით მკურნალობას. ატორვასტატინის დოზადამოკიდებული ეფექტის შესწავლა გვიჩვენებს, რომ პრეპარატი ამცირებს საერთო ქოლესტერინის (30-46%), დსლპ (41-61%),  აპოლიპოპროტეინ B-ს (34-50%) და ტრიგლიცერიდების (14-33%) დონეს. მკურნალობის შედეგები იყო ანალოგიური, როგორც პაციენტებში ოჯახური ჰეტეროზიგოტური ჰიპერქოლესტერინემიით, ასევე არაოჯახური ჰიპერქოლესტერინემიის ფორმებით და შერეული ჰიპერლიპიდემიით, მათ შორის არაინსულინდამოკიდებული შაქრიანი დიაბეტის მქონე პაციენტებში. 
ფარმაკოკინეტიკა: 
ატორვასტატინი სწრაფად შეიწოვება მიღებისთანავე, მაქსიმალური კონცენტრაცია სისხლის პლაზმაში მიიღწევა 1-2 სთ-ში. შეწოვის ხარისხი იზრდება ატორვასტატინის დოზის პროპორციულად. ბიოშეღწევადობა შეადგენს 95-99%-ს. ატორვასტატინის აბსოლუტური ბიოშეღწევადობა შეადგენს დაახლოებით 12%-ს, ჰმგ კო-A რედუქტაზას ინჰიბიტორის სისტემური შეღწევადობა – დაახლოებით 30%-ს. დაბალი სისტემური ბიოშეღწევადობა აიხსნება საჭმლის მომნელებელი ტრაქტის ლორწოვან შრეში პრესისტემური კლირენსით და/ან ღვიძლში ”პირველადი გავლის” დროს ბიოტრანსფორმაციით. ატორვასტატინის გავრცელების საშუალო მოცულობა შეადგენს 381 ლ-ს. ატორვასტატინი უკავშირდება პლაზმის ცილებს 98%-ით, ბიოტრანსფორმირდება ციტოქრომ P450 3A4 ზემოქმედებით და წარმოქმნის ორთო- და პარაჰიდროქსილირებულ წარმოებულებს და ბეტა-ჟანგვის პროდუქტებს.
ატორვასტატინის ეფექტურობა ჰმგ კო-A რედუქტაზას მიმართ დაახლოებით 70%-ით განისაზღვრება ცირკულირებადი მეტაბოლიტების აქტიურობით. გამოიყოფა ნაღველით ღვიძლისმიერი და/ან არაღვიძლისმიერი ბიოტრანსფორმაციის შემდეგ. პრეპარატი არ მონაწილეობს ენტეროჰეპატურ რეცირკულაციაში. ატორვასტატინის ნახევრადგამოყოფის საშუალო პერიოდი შეადგენს დაახლოებით 14 სთ-ს. მაინჰიბირებელი აქტივობა ჰმგ კო- A რედუქტაზას მიმართ გრძელდება დაახლოებით 20-30 სთ აქტიური მეტაბოლიტების თანაარსებობის გამო. ხანდაზმულებში ატორვასტატინის კონცენტრაცია სისხლის პლაზმაში უფრო მაღალია, ვიდრე ახალგაზრდა ასაკის პაციენტებში, თუმცა ჰიპოლიპიდემიური თერაპიის ეფექტურობაში განსხვავება ხანდაზმულებში საერთო პოპულაციასთან შედარებით აღმოჩენილი არ არის. სისხლის პლაზმაში ატორვასტატინის კონცენტრაცია ქალებში (Cmax დაახლოებით 20%-ით მაღალი, AUC 10%-ით დაბალი) განსხვავდება მამაკაცებისგან. თუმცა, მამაკაცებში და ქალებში ლიპიდურ ცვლაზე პრეპარატის მოქმედების კლინიკურად მნიშვნელოვანი განსხვავება გამოვლენილი არ არის. თირკმლის დაავადებები არ ახდენს გავლენას სისხლის პლაზმაში ატორვასტატინის კონცენტრაციაზე ან ლიპიდური ცვლის ეფექტურობის მაჩვენებელზე, ამიტომ თირკმლის ფუნქციის დარღვევის მქონე პაციენტებში დოზის შეცვლა საჭირო არ არის.
ატორვასტატინის კონცენტრაცია მნიშვნელოვნად იზრდება (Cmax დაახლოებით 16-ჯერ და AUC 11-ჯერ) ღვიძლის ალკოჰოლური ციროზის მქონე პაციენტებში.
ჩვენება:
- გამოიყენება დამატებით, დიეტასთან ერთად, მომატებული საერთო ქოლესტერინის, დსლპ-ის, აპოლიპოპროტეინ B-ს და ტრიგლიცერიდების დონის დასაწევად, მსლპ-ის დონის ასამაღლებლად პირველადი ჰიპერქოლესტერინემიის, ოჯახური და არაოჯახური ჰეტეროზიგოტური ჰიპერქოლესტერინემიის, კომბინირებული ჰიპერლიპიდემიის (ტიპი IIა და IIბ ფრედრიქსონის მიხედვით) მქონე პაციენტებში, როდესაც დიეტა და სხვა არამედიკამენტოზური მეთოდები ვერ უზრუნველყოფენ მოსალოდნელ ეფექტს;
- დიეტასთან კომბინაციაში ტრიგლიცერიდების მომატებული შრატის დონის (ტიპი IV ფრედრიქსონის მიხედვით) და დისბეტალიპოპროტეინემიის (ტიპი III ფრედრიქსონის მიხედვით) მქონე პაციენტების სამკურნალოდ, როდესაც დიეტოთერაპიას არ აქვს ადეკვატური ეფექტი; 
- საერთო ქოლესტერინისა და დსლპ-ქოლესტერინის დონის დასაქვეითებლად ოჯახური ჰომოზიგოტური ჰიპერქოლესტერინემიის მქონე პაციენტებში, როდესაც დიეტოთერაპიას და მკურნალობის სხვა არაფარმაკოლოგიურ საშუალებებს აქვს არასაკმარისი ეფექტი.
მიღების წესი და დოზირება:
პრეპარატი ინიშნება – 1 ტაბლეტი 1-ჯერ დღეში საკვების მიღებისაგან დამოუკიდებლად დღეღამის ნებისმიერ პერიოდში.
მკურნალობის პერიოდში პაციენტმა უნდა დაიცვას სტანდარტული დიეტა ქოლესტერინის დაბალი შემცველობით. დოზის შერჩევა ხდება ქოლესტერინის/დსლპ საწყისი დონის, თერაპიის მიზნებისა და ინდივიდუალური ეფექტის გათვალისწინებით. საწყისი დოზა შეადგენს 10 მგ-ს ერთხელ დღეში. Dდოზის კორექტირება ხდება 4- კვირიანი ინტერვალით. Mმაქსიმალური დღიური დოზაა 80 მგ.
პირველადი ჰიპერქოლესტერინემია და შერეული ლიპიდემია:
უფრო ხშირად ინიშნება პრეპარატი დოზით 10 მგ ერთხელ დღეში. თერაპიული ეფექტი აღინიშნება 2 კვირაში, ხოლო მაქსიმალური - 4 კვირაში. ხანგრძლივი მკურნალობისას ეფექტი შენარჩუნდება. 
ოჯახური ჰომოზიგოტური ჰიპერქოლესტერინემია:
ოჯახური ჰომოზიგოტური ჰიპერქოლესტერინემიის მქონე პაციენტებში შედეგი მიიღწევა 80 მგ ატორვასტატინის დანიშვნით 1-ჯერ დღეში, რაც უზრუნველყოფს ქოლესტერინის/დსლპ დონის დაქვეითებას 15%-ით.
თირკმლის უკმარისობის და თირკმლის დაავადებების მქონე პაციენტებში პრეპარატის მიღება არ მოქმედებს სისხლის პლაზმაში ატორვასტატინის დონეზე ან ქოლესტერინი/დსლპ შემცველობის დაქვეითების ხარისხზე, ამიტომ პრეპარატის დოზის შეცვლას არ საჭიროებს. ხანდაზმულ და სხვა ასაკის პაციენტებში პრეპარატის მიღებისას ჰიპოლიპიდემიური თერაპიის უსაფრთხოებაში ან ეფექტურობაში განსხვავება არ აღინიშნება.
ბავშვებში პრეპარატი მიიღება ექიმის კონსულტაციის შესაბამისად. M10 წლამდე ასაკის ბავშვებში პრეპარატი არ ინიშნება სამკურნალოდ, რადგან მონაცემები პრეპარატის გამოყენებაზე შეზღუდულია.
გვერდითი მოვლენები: 
რატიზოლი, როგორც წესი, კარგად გადაიტანება. გვერდითი მოვლენები მსუბუქია და ატარებს გარდამავალ ხასიათს.
ცენტრალური ნერვული სისტემის მხრივ: უძილობა, თავის ტკივილი, ასთენიური სინდრომი, შეუძლოდ ყოფნა, თავბრუ, ამნეზია, პარესთეზიები, პერიფერიული ნეიროპათია, ჰიპოესთეზია; 
საჭმლის მომნელებელი სისტემის მხრივ: გულისრევა, ღებინება, დიარეა, ტკივილი მუცლის არეში, დისპეპსია, შეკრულობა, მეტეორიზმი, ანორექსია, ჰეპატიტი, პანკრეატიტი, ქოლესტაზური სიყვითლე;
საყრდენ-მამოძრავებელი სისტემის მხრივ: მიალგია, ტკივილი ზურგის არეში, კუნთოვანი სპაზმი, მიოზიტი, მიოპათია, ართრალგიები, რაბდომიოლიზი;
ალერგიული რეაქციები: ჭინჭრის ციება, ქავილი, გამონაყარი კანზე, ანაფილაქსია, ბულოზური გამონაყარი, პოლიმორფული ექსუდაციური ერითემა, ტოქსიკური ეპიდერმული ნეკროლიზი (ლაიელის სინდრომი), ავთვისებიანი ექსუდაციური ერითემა (სტივენს-ჯონსონის სინდრომი);
ნივთიერებათა ცვლის მხრივ: ჰიპოგლიკემია, ჰიპერგლიკემია, შრატისმიერი კრეატინფოსფოკინაზების მომატება;
სისხლმბადი სისტემის მხრივ: თრომბოციტოპენია; 
სხვა: იმპოტენცია, პერიფერიული შეშუპებები, სხეულის წონის გაზრდა, ტკივილი მკერდის არეში, თირკმლის მეორადი უკმარისობა, ალოპეცია, ყურებში ხმაურის შეგრძნება, გადაღლილობა.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.
უკუჩვენება:
მომატებული მგრძნობელობა პრეპარატის რომელიმე კომპონენტის მიმართ, ღვიძლის მწვავე დაავადებები; შრატის ტრანსამინაზების აქტივობის დაუდგენელი მიზეზით დასაშვებ ნორმაზე 3-ჯერ მომატება, ორსულობა, ძუძუთი კვების პერიოდი.
ურთიერთქმედება სამკურნალო საშუალებებთან და სხვა სახის ურთიერთქმედება:
ატორვასტატინით მკურნალობის დროს იზრდება მიოპათიის რისკი ციკლოსპორინთან, ფიბრატებთან, ერითრომიცინთან, აზოლების ჯგუფის სოკოს საწინააღმდეგო პრეპარატებთან და ნიაცინთან ერთდროულად მიღებისას.
კოლესტიპოლი. კოლესტიპოლთან ერთდროული გამოყენებისას ატორვასტატინის კონცენტრაცია პლაზმაში ქვეითდება დაახლოებით 25%-ით. მიუხედავად ამისა, ჰიპოლიპოპროტეინული ეფექტი ატორვასტატინისა და კოლესტიპოლის ერთდროული გამოყენებისას უფრო გამოხატულია, ვიდრე რომელიმე ერთი პრეპარატის გამოყენებისას.
დიგოქსინი. დიგოქსინისა და ატორვასტატინის ერთდროულად გამოყენებისას დიგოქსინის დონე პლაზმაში არ იცვლება. თუმცა დღე-ღამეში 80 მგ ატორვასტატინის მიღებისას დიგოქსინის კონცენტრაცია იზრდება 20%-ით, რაც საჭიროებს დიგოქსინზე მყოფი პაციენტების კონტროლს. პერორალური კონტრაცეპტივები. ატორვასტატინისა და ნორეთინდრონის და ეთინილესტრადიოლის შემცველი ორალური კონტრაცეპტივების ერთდროული გამოყენებისას იზრდება ამ პრეპარატების AUჩ დაახლოებით 30% და 20%-ით. ეს ეფექტი გასათვალისწინებელია პერორალური კონტრაცეპტივის შერჩევისას ქალებში, რომლებიც იღებენ ატორვასტატინს.
ერითრომიცინი/კლარითრომიცინი. ციტოქრომული P450 3A4 ინჰიბიტორების, ერითრომიცინის (500 მგ 4-ჯერ დღეში) ან კლარითრომიცინის (500 მგ 2-ჯერ დღეში) ატორვასტატინთან ერთდროული მიღებისას, აღინიშნება ატორვასტატინის დონის მომატება პლაზმაში.
იტრაკონაზოლი.  ატორვასტატინის (20-40 მგ) და იტრაკონაზოლის (200 მგ) ერთდროული გამოყენება იწვევს ატორვასტატინის დონის მატებას სისხლში.
დილთიაზემის ჰიდროქლორიდი. Aატორვასტატინისა და დილთიაზემის (240 მგ) ერთდროული გამოყენება იწვევს ატორვასტატინის დონის მატებას სისხლის პლაზმაში.
ამლოდიპინი. Aატორვასტატინისა და 10 მგ ამლოდიპინის ერთდროული დანიშვნისას ატორვასტატინის ფარმაკოკინეტიკაში ცვლილებები არ აღინიშნება.
ანტაციდები. ატორვასტატინისა და ანტაციდების პერორალური სუსპენზიის, რომელიც შეიცავს ალუმინის ჰიდროქსიდს და მაგნიუმს, ერთდროული გამოყენება ამცირებს ატორვასტატინის კონცენტრაციას პლაზმაში 35%-ით, მაგრამ არ მოქმედებს დსლპ-ის დონეზე. 
ვარფარინი და ციმეტიდინი. ვარფარინთან და ციმეტიდინთან ერთდროული დანიშვნისას  კლინიკურად მნიშვნელოვანი ურთიერთქმედების ნიშნები არ ვლინდება.
აზითრომიცინი. ატორვასტატინის (10 მგ ერთხელ დღეში ყოველდღე) და აზითრომიცინის (500 მგ დღეში ყოველდღე) ერთდროული გამოყენებისას არ იცვლება ატორვასტატინის კონცენტრაცია პლაზმაში.
ტერფენადინი. ატორვასტატინისა და ტერფენადინის ერთდროული გამოყენება არ იწვევს მნიშვნელოვან ცვლილებებს ტერფენადინის ფარმაკოკინეტიკაში.
პროტეაზას ინჰიბიტორები. ატორვასტატინისა და პროტეაზას ინჰიბიტორების ერთდროული გამოყენებისას, რომლებიც თრგუნავენ ციტოქრომ P450 3A4 მოქმედებას, აღინიშნება ატორვასტატინის კონცენტრაციის მატება სისხლის პლაზმაში. 
გრეიპფრუტის წვენი თრგუნავს ციტოქრომ P450 3A4 მოქმედებას და იწვევს ატორვასტატინის კონცენტრაციის მატებას, განსაკუთრებით გრეიპფრუტის წვენის ჭარბი გამოყენებისას (> 1.2 ლ დღეში).

ჭარბი დოზირება:
ჭარბი დოზირების სამკურნალო სპეციფიკური ანტიდოტი არ არსებობს, უნდა ჩატარდეს სიმპტომური მკურნალობა. Aაუცილებელია ორგანიზმის მნიშვნელოვანი სასიცოცხლო ფუნქციების კონტროლი, ღვიძლის და თირკმლის ფუნქციების მონიტორინგი, შრატში კფკ-ს დონის განსაზღვრა. ვინაიდან ატორვასტატინი უერთდება პლაზმის ცილებს, ჰემოდიალიზი ნაკლებად ეფექტურია.

ორსულობა და ლაქტაცია:
რატიზოლი 10/20/40-ის გამოყენება ორსულობის და ძუძუთი კვების პერიოდში უკუნაჩვენებია. უცნობია, გამოიყოფა თუ არა პრეპარატი დედის რძესთან ერთად. ჩვილებში არასასურველი მოვლენების ალბათობის გათვალისწინებით, პრეპარატით მკურნალობისას ძუძუთი კვება უნდა შეწყდეს. რეპროდუქციულ ასაკში მყოფმა ქალებმა მკურნალობის დროს უნდა გამოიყენონ კონტრაცეპციის ადეკვატური მეთოდები. ამ ასაკში მყოფ ქალებში პრეპარატი ინიშნება იმ შემთხვევაში, თუ ორსულობის ალბათობა ძალიან დაბალია და პაციენტი ინფორმირებულია მკურნალობის პერიოდში ნაყოფის დაზიანების შესაძლო რისკის შესახებ.

განსაკუთრებული მითითებები:
რატიზოლი 10/20/40-ით მკურნალობის დაწყებამდე აუცილებელია ჰიპერქოლესტერინემიის კონტროლი ადეკვატური დიეტოთერაპიის, ფიზიკური აქტივობის მომატების, ჭარბი წონის მქონე ავადმყოფებში სხეულის წონის დაკლების და სხვა მდგომარეობების მკურნალობის გზით.  
მოქმედება ღვიძლზე. სისხლში ლიპიდების დონის დასაქვეითებლად ჰმგ კო-A რედუქტაზას ინჰიბიტორების მიღებამ შეიძლება გამოიწვიოს ღვიძლის ფუნქციის ბიოქიმიური მაჩვენებლების შეცვლა. ღვიძლის ფუნქციის კონტროლი უნდა ჩატარდეს თერაპიის დაწყებამდე, რატიზოლი 10/20/40-ის მიღებიდან 6 და 12 კვირის შემდეგ და დოზის ყოველი გაზრდის შემდეგ, ასევე პერიოდულად (მაგ. Yყოველ 6 თვეში). სისხლის შრატში ღვიძლის ფერმენტების აქტივობის მომატება შეიძლება აღინიშნოს პრეპარატით თერაპიის დროს. Pპაციენტები, რომლებსაც აღენიშნებათ ტრანსამინაზების დონის მომატება, უნდა იყვნენ კონტროლის ქვეშ ფერმენტების დონის ნორმაში დაბრუნებამდე. იმ შემთხვევაში, თუ ალტ-ს ან ასტ-ს მაჩვენებლები 3-ჯერ მეტად აღემატება ზედა დაშვებული ზღვარის დონეს, რეკომენდებულია პრეპარატის დოზის შემცირება ან მკურნალობის შეწყვეტა. რატიზოლი 10/20/40 სიფრთხილით ინიშნება ალკოჰოლის მომხმარებელ პაციენტებში და/ან პაციენტებში, რომელთაც ღვიძლის დაავადებები აღენიშნებათ ანამნეზში. ღვიძლის დაავადებები აქტიურ ფაზაში ან ტრანსამინაზების აქტივობის მატება დაუდგენელი გენეზით არის პრეპარატის დანიშვნის უკუჩვენება. მოქმედება კუნთებზე. რატიზოლი 10/20/40-ით მკურნალობამ შეიძლება გამოიწვიოს მიოპათია. მიოპათიის დიაგნოზი (კუნთების ტკივილი და სისუსტე კრეატინფოსფოკინაზას (კფკ) აქტივობის მატებასთან კომბინაციაში 10-ჯერ მეტად ნორმის ზედა ზღვართან შედარებით) უნდა განიხილოს ავადმყოფებში კუნთების ტკივილით ან სისუსტით და/ან კფკ აქტივობის გამოხატული მომატებით. რატიზოლი 10/20/40-ით მკურნალობა უნდა შეწყდეს კფკ-ს აქტივობის გამოხატული მომატების შემთხვევაში ან დადასტურებული ან სავარაუდო მიოპათიის არსებობისას. მიოპათიის რისკი ამ კლასის სხვა პრეპარატებით მკურნალობისას იზრდება ციკლოსპორინის, ფიბრატების, ერითრომიცინის, ნიკოტინის მჟავას ან აზოლური სოკოს საწინააღმდეგო საშუალებების ერთდროულად მიღებისას. ამ პრეპარატებიდან ბევრი აინჰიბირებს მეტაბოლიზმს, რომელიც განპირობებულია ციტოქრომ P450 3A4-ით, და/ან სამკურნალო საშუალებების ტრანსპორტს. ატორვასტატინი ბიოტრანსფორმირდება ჩYP3A4-ის მოქმედებით. 
რატიზოლი 10/20/40 ციკლოსპორინთან დანიშვნის აუცილებლობის შემთხვევაში აუცილებელია ამ უკანასკნელის კონცენტრაციის კონტროლი.
რატიზოლი 10/20/40 დანიშვნისას ფიბრატებთან, ერითრომიცინთან, იმუნოსუპრესიულ საშუალებებთან, აზოლური სოკოს საწინააღმდეგო საშუალებებთან ან ჰიპოლიპიდემიური დოზებით ნიაცინთან კომბინაციაში დანიშვნისას საჭიროა მკაცრად განისაზღვროს მოსალოდნელი სარგებელი და მკურნალობის რისკი და რეგულარულად ჩატარდეს პაციენტთა კონტროლი კუნთების ტკივილის ან სისუსტის გამოვლენის მიზნით, 
განსაკუთრებით მკურნალობის პირველი თვეების განმავლობაში და პრეპარატის ნებისმიერი კომპონენტის დოზის გაზრდის პერიოდებში. ასეთ შემთხვევაში 
რეკომენდებულია კფკ აქტივობის პერიოდული განსაზღვრა, თუმცა ამგვარი კონტროლი არ იძლევა მძიმე მიოპათიის განვითარების თავიდან აცილების რისკს.
რატიზოლის მიღებისას აღწერილია რაბდომიოლიზის შემთხვევები თირკმლის მწვავე უკმარისობით, რაც განპირობებულია მიოგლობინურიით. საჭიროა დროებით შეწყდეს პრეპარატის მიღება ან საერთოდ მოიხსნას შესაძლო მიოპათიის ნიშნების გამოვლენის ან რაბდომიოლიზის ფონზე თირკმლის უკმარისობის განვითარების რისკის ფაქტორის არსებობისას (მაგ. მძიმე მწვავე ინფექცია, არტერიული ჰიპოტენზია, სერიოზული ოპერაცია, ტრავმა, მეტაბოლური, ენდოკრინული და ელექტროლიტური დარღვევები,  არაკონტროლირებადი სპაზმი).
საჭიროა პაციენტის გაფრთხილება იმის შესახებ, რომ კუნთების გაურკვეველი ტკივილის ან სისუსტის შემთხვევაში დაუყოვნებლივ მიმართოს ექიმს.
პრეპარატი შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში რატიზოლი 10/20/40 გამოყენება რეკომენდებული არ არის.
პრეპარატის ზემოქმედება ავტოტრანსპორტისა და მექანიზმების მართვის უნარზე:
არ არსებობს მონაცემები სატრანსპორტო საშუალებების და მექანიზმების მართვის უნარზე პრეპარატის არასასურველი მოქმედების შესახებ.

შეფუთვა:
რატიზოლი 10/20/40: 10 ტაბლეტი ბლისტერში, 3 ბლისტერი მუყაოს კოლოფში.

შენახვის პირობები: 
ინახება არა უმეტეს 25ºჩ ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას. 
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა: 3 წელი. 
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
ფარმაცევტული პროდუქტის ჯგუფი II – გამოიყენება ექიმის დანიშნულებით. 

მწარმოებელი:
მისამისამართი:    
საქასაქართველო 0198, თბილისი, 
ჭირჭირნახულის ქ. 14.
www.aversi.ge

შპს “ავერსი-რაციონალი” (საქართველო).

აღწერილობა & და თვისებები:

PARAD0X® - პარადოქსი® - ახალი თაობის ომეგა დანამატი!!!

განსხვავებული ომეგას ზეთი!

DHA + ფოლიუმის მჟავა

2 ძირითადი ინგრედიენტი

დედა + ბავშვი

ბიოლოგიურად აქტიური საკვები დანამატი:300 მგ. DHA 800 მკგ. ფოლიუმის მჟავით / 30 x 911 მგ, თევზის სუნის და გემოს გარეშე!

პარადოქს® მამს+ კაფსულები - DHA + ფოლიუმის მჟავა, უსაფრთხო და სუფთა გზა ორსულობამდე, ორსულობისას და ორსულობის შემდეგ.

პარადოქს® მამს+ აერთიანებს DHA-ს ფოლიუმის მჟავასთან ერთად, დღეში ერთი სრულყოფილი კაფსულის შექმნისთვის, რომელიც მნიშვნელოვანია როგორც დედისთვის, ასევე ბავშვისთვის. ჩვენი უნიკალური ფორმულა შექმნილია ორსულობამდე, ორსულობისას და ორსულობის შემდგომ პერიოდში მისაღებად, ისევე როგორც ძუძუთი კვების დროს.

DHA (დოკოზაჰექსაენის მჟავა) - რეკომენდებული დღიური დოზა (250 მგ DHA) ხელს უწყობს ტვინის ნორმალურ ფუნქციონირებას და მხედველობის შენარჩუნებას.

* დედების მოხმარებისთვის DHA წარმოადგენს ძირითად კომპონენტს, რომელიც ხელს უწყობს ნაყოფის თავის ტვინის, მხედველობის, კოგნიტური ფუნქციისა და იმუნური და ნერვული სისტემების ნორმალურ განვითარებას.

** ფოლიუმის მჟავა საკვანძო წინაპირობაა ჩასახვამდე და ორსულობის პირველი 12 კვირის განმავლობაში, ვინაიდან ის აუცილებელია ბავშვის ნერვული სისტემის განვითარებისთვის, გარდა ამისა ფოლიუმის მჟავა ორსულობის განმავლობაში ხელს უწყობს დედის ქსოვილის ნორმალურ ზრდას.

* საუკეთესო ეფექტი მიიღწევა რეკომენდებული დღიური დოზის, 200 მგ. DHA–ს ყოველდღიური მიღებით.

** საუკეთესო ეფექტი მიიღწევა რეკომენდებული დღიური დოზის, 400 მკგ-800 მკგ. ფოლიუმის მჟავის ყოველდღიური მიღებით.

რატომ უნდ აავირჩიოთ პარადოქსი?

•  PARAD0X® ომეგას სამეცნიერო ექსპერტები გთავაზობთ ბუნებრივ გადაწყვეტილებებს ყოველდღიური ჯანმრთელობისთვის.

პარადოქსი შემუშავებულია უნიკალური და დაბალანსებული ფორმულის გამოყენებით, მეცნიერულად დადასტურებულია, რომ დაცულია ომეგა 3 შეუცვლელი ცხიმოვანი მჟავები.

რევოლუციური გზა სისუფთავის, ხარისხისა და სტაბილურობისაკენ.

PARADOX® აერთიანებს საკვანძო საკვებ, დიეტურ ნივთიერებებს არქტიკისა და ხმელთაშუა ზღვიდან, რათა შექმნას ომეგა საკვები დანატების ახალი თაობა.

•  EPA და DHA მოლეკულები ძალიან მყიფეა. ისინი ადვილად იჟანგებიან და იშლებიან მავნე ნივთიერებების გავლენის ქვეშ. თავის მხრივ, როდესაც მოლეკულები იშლებიან, ისინი ნაკლებად ეფექტუები ხდებიან.

ჟანგვითი პროცესების შესაჩერებლად PARADOX® ომეგას დამატებული აქვს ბუნებრივი, ძლიერი ანტიოქსიდანტები - პოლიფენოლები. შედეგად, PARADOX® ომეგა 3-ის ცხიმოვანი მჟავების სტაბილურობა იზრდება 16-155% -ით, ხოლო თქვენ იღებთ ახალ, დაცულ ომეგას 3-ს. მეცნიერულად დადასტურებულია, რომ PARADOX®–ში ბუნებრივი ზეთების უნიკალური ნაზავი გაცილებით უფრო მდგრადია.

•  PARADOX® მოლეკულები არსებობენ ბუნებრივი ტრიგლიცერიდების (TG) სახით და არა ეთილის ეთერის სახით. აქედან გამომდინარე PARADOX® ომეგას ბიოშეღწევადობა (შეწოვის უნარი) იზრდება 70% -ით.

აქტიური ინგრედიენტი (ები) (საერთაშორისო ჯენერიკული დასახელება) / რაოდენობა:

რეკომენდებული დღიური დოზის შესაბამისად; 1 (ერთი) კაფსულა: ომეგა-3, ღრმა-წყლოვანი ზღვის თევზის ქონი (Incromega TG 10 50) - 750.00000 მგ, პრემიუმ ხარისხის ზეითუნის ზეთი - 118.91832 მგ, აეროსილი 300 - 41.00 000 მგ, ფოლიუმის მჟავა - 1.08168 მგ.

დამხმარე ნივთიერება (ები) / რაოდენობა:

თევზის ჟელატინი 200, ლაპი (სერთიფიცირებული - ჰალალ/კოშერი) - 202.5674 მგ, BP გლიცეროლი - 130.1847 მგ, შავი რკინის ოქსიდის პასტა - 3.2910 მგ, თეთრი ტიტანის დიოქსიდის პასტა - 2.7040 მგ, წითელი კარამინი NF 201 - 0.6661 მგ.

გამოშვების ფორმა:

რბილი გელ-კაფსულები 911 მგ x 30 ტაბლეტი ბლისტერში, მოთავსებულია მუყაოს კოლოფში, საინფორმაციო ბროშურასთან ერთად.

რეკომენდებული დღიური დოზა:

1 კაფსულა პერორალური მიღებისთვის.

შენიშვნა: თითოეული 1 კაფსულა = 300 მგ DHA + 800 მკგ (μg) ფოლიუმის მჟავა.

უკუჩვენება / გვერდითი მოვლენები:
არ გააჩნია უკუჩვენება და გვერდითი მოვლენები.

გაფრთხილება ალერგიულ რეაქციებზე - კომპონენტების მიმართ ინდივიდუალური მგრძნობელობა. იხილეთ ინგრედიენტების სია. კაფსულა მზადდება თევზის ჟელატინისგან (ჰალალ/კოშერის სერთიფიკაცია).

სპეციალური მითითებები:

არ გადააჭარბოთ რეკომენდებულ დღიურ დოზას.

ორსულობის დროს, ნებისმიერი მინერალების ან ვიტამინინების დანამატების მიღებამდე რეკომენდებულია ექიმთან კონსულტაცია.

ბიოლოგიურად აქტიური საკვები დანამატები არ უნდა იქნას გამოყენებული, როგორც მრავალფეროვანი და დაბალანსებული დიეტის და ჯანსაღი ცხოვრების წესის ალტერნატივა.

”პროდუქტები არ შეიცავს გენმოდიფიცირებული ორგანიზმების კომპონენტებს”

პრეპარატის შენახვის პირობები:

შეინახეთ გრილ, 25°C-ზე დაბალ ტემპერატურაზე, ბავშვებისთვის მიუწვდომელ ადგილას.

შენახვის ვადა: 3 წელი წარმოების თარიღიდან, მითითებულია შეფუთვაზე.

გაცემის პირობები: რეცეპტის გარეშე.

უნიკალური ფორმულირებები და თერაპიული ეფექტურობა დაფუძნებულია ფართო და ხანგრძლივ ლიტერატურულ მიმოხილვებზე, ეპიდემიოლოგიურ და კლინიკური კვლევებზე.

ლაბორატორიული კვლევები ხორციელდებოდა ოლსტერის ბიო-სამედიცინო უნივერსიტეტის,  დიდ ბრიტანეთში N1 დეპარტამენტის გუნდის მიერ.

პარადოქსის ყველა პროდუქტი შეესაბამება GMP, MHRA სერტიფიკაციას,  შეესაბამება ევრო კავშირის ყველა მოთხოვნას და მითითებას საკვებ დანამატზე, რომელიც განსაზღვრავს მის ხარისხს.

Paradox Omega Oils Ltd

Belfast BT4 2AG,

Northern Ireland, UK

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

პარადოქს ომეგა-3 კარდიო TG  კაფსულები N30

ახალი  მიდგომა ჯანმრთელი გულის შენარჩუნებისათვის

სტაბილური ცხიმოვანი მჟავების უნიკალური ნარევი ჯანმრთელი გულის და ცირკულაციის ხელშეწყობისთვის.

ფარმაკოთერაპიული ჯგუფი:

ბიოლოგიურად აქტიური დანამატი;

უნიკალური ფორმულა

√   შექმნილია დიდი ბრიტანეთის ბიო-სამედიცინო მეცნიერების ტოპ დეპარტამენტში

√   ნატურალური, აბსოლუტურად სუფთა და უსაფრთხო

√   სრულყოფილი ომეგა სტაბილურობა და ბალანსი

√   ულტრა მაღალი EPA & DHA & მონო-უჯერი ცხიმები

√   შეიცავს ძლიერ ანტიოქსიდანტებს და 100% ნატურალურ ვიტამინ D დღიურ დოზას

√   თევზის უსიამოვნო გემოს გარეშე

“A new generation of Omegas” Dr Geoff. Hayhurst

ხარისხი

ომეგას დიაპაზონი, რომლიც გამოყენებულია  Omega3CardioTG ში , უზრუნველყოფს მაღალი ხარისხისა და სისუფთავის თევზის ზეთის მიღებას, უმაღლესი  EPA /DHA- შემცველობით სხვა თევზის ზეთთან შედარებით. ყველა ნატურალური კონცენტრატი რომელიც ნარევის სახით არსებობს Omega3CardioTG , წარმოებულია წამყვანი PureMax გამწმენდი ტექნოლოგიების გამოყენებით და ხარისხი მკაცრად შეესაბამება GMP წარმოების სტანდარტს. ზეთები იფილტრება და იწმინდება დიდ ბრიტანეთში, რომ მაქსიმალურად შემცირდეს იმ დამაბინძურებელი ნივთიერების დონე, რომელიც რჩება სხვა ჩვეულებრივ ზეთებში. Pure Max მთავარი უპირატესობა გახლავთ ის, რომ ის 100% -ით ახდენს თითოეული პარამეტრის ტესტირებას ყოველი პარტიის შემთხვევაში. ასეთი კომპლექსური და მასშტაბური ტესტირება უზრუნველყოფს ბაზრისთვის ყველაზე სუფთა, სასარგებლო და უსაფრთხო ომეგა 3 მიწოდებას საუკეთესო ორგანოლეპტიკური თვისებებით. 

სტაბლურობა

ავტო დაჟანგვა შლის ომეგა 3 მყიფე მოლეკულებს და აძლიერებს თევზის ზეთის სუნს. მეცნიერულად დადასტურებულია, რომ პარადოქსის უნიკალური ნარევი ამცირებს ავტო ჟანგვას და იცავს ომეგა 3 ცხიმოვან მჟავებს დაშლისაგან. ჩვენი კვლევების შედეგად შემუშავებული იქნა უნიკალური ფორმულა, რომელიც უზრუნველყოფს ომეგა 3 მოლეკულის გაზრდილ სტაბილურობას და მდგრადობას. პარადოქს ზეთების ნარევმა 16-155% გაზარდა სტაბილურობა ჩვეულებრივ ზეთთან შედარებით, შესაბამისად  ომეგა 3 სარგებელი ჯანმრთელობისთვის დიდ წილად გაიზარდა.

ძლიერი ანტიოქსიდანტი

პარადოქს ომეგა ზეთი შეიცავს ნატურალურ ანტიოქსიდანტებს. პოლიფენოლებს აქვთ ORAC მოცულობა 

20 ჯერ უფრო მეტი ვიდრე ვიტამინ E-ს. მისგან წარმოებული პროდუქტების გამოყენება ჩვეულებრივი თევზის ზეთის ფორმულაში უზრუნველყოფს დადასტურებულ დამატებით სარგებელს ჯანმრთელობისათვის.

გაზრდილი ბიო-შეღწევადობა

თევზის ზეთის ომეგას უმრავლესობა კონცენტრირებულია ეთილის ეთერის ფორმით და  შეიცავს არაბუნებრივ და სინთეტიკურ ომეგას მოლეკულებს. პარადოქს ომეგას ცხიმოვანი მჟავები შერეულია და არსებობენ მისი ბუნებრივი ტრიგლიცერიდების ფორმით. ომეგა-3 -ის ბიო ხელმისაწვდომობა

ტრიგლიცერიდების ფორმით 70%-ით მაღალია, ვიდრე ეთილის ეთერის ფორმით. რაც იმას ნიშნავს, რომ პარადოქს პროდუქტის მიღების შემთხვევაში ხდება ომეგა ცხიმოვანი მჟავების ოპტიმალური ათვისება და შესაბამისად  ჯანმრთელობისთვის მაქსიმალური სარგებელის მოტანა.

უნიკალური უპირატესობა: 

EPA DHA & გულის ჯანმრთელობა

კლინიკური და ეპიდემიოლოგიური მონაცემები ადასტურებს, რომ EPA /DHA პოლიუჯერი გრელჯაჭვიანი ცხიმოვნი მჟავები ამცირებს გულ-სისხლძარღვთა დაავადებების განვითარების რისკს, მათ შორის ამცირებს ქოლესტერინის მაღალ დონეს და მაღალ არტერიულ წნევას. გულის შეტევის, ინსულტის, ანომალური გულის რიტმების დროს EPA /DHA ამცირებს  სიკვდილიანობის რისკს, მათ შორის ადამიანებში, რომლებსაც გულის შეტევა გაუმეორდათ. EPA /DHA აგრეთვე ხელს უშლის ათეროსკლეროზის განვითარებას, ანელებს რა ათეროსკლეროზული ფოლაქების და სისხლის კოლტის განვითარების პროცესს.

სამეცნიერო მიმოხილვები ადასტურებს, რომ ყურადღების კონცენტრირება EPA /DHA  მოთხოვნაზე (დამატებითი ეფექტის პოტენციალის გათვალისწინებით)- გულის ჯანმრთელობის გაუმჯობესების საუკეთესო სტრატეგიაა. ითვლება, რომ EPA /DHA აქვს ანთების საწინააღმდეგო მოქმედება და ჟანგვითი სტრესების საწინააღმდეგო მოქმედება, აუმჯობესებს უჯრედულ ფუნქციას, ამცირებს მოცირკულირე ანთებითი მარკერების, როგორებიცაა  C რეაქტიული ცილა (CRP), TNF ზოგიერთი ILs (IL-6, IL-1) რაოდენობას შედეგად მათი მავნე ზემოქმედება გულ-სისხლძარღვთა სისტემაზე მცირდება.

ვიტ-D & გულის ჯანმრთელობა

თანამედროვე მონაცემებით მსოფლიოში დაახლოებით 1 მილიარდ ადამიანს  აქვს ვიტამინ D-ს

დეფიციტი ან არასაკმარისი რაოდენობა, ხოლო არადიაგნოსტირებული  ვიტამინ D-ს  დეფიციტი საკმაოდ გავრცელებული მოვლენაა. ვიტამინ D-ს  დეფიციტი კი იწვევს სხვადსხვა დარღვევებს ენდოკრინულ სისტემაში, იმუნურ სისტემაში და სხვადასხვა  ანთებით პროცესებს. მასთან არის დაკავშირებული ჰიპერტონიით დაავადების რიცხვის მნიშვნელოვანი ზრდა, ჰიპერლიპიდემია, მიოკარდიუმის ინფარქტი. ვიტამინი D-სდაბალი დონე იწვევს რენინ-ანგიოტენზინ-ალდოსტერონის სისტემის დონის ზრდას, იწვევს ფარისებრ ახლო ჯირკვლის ჰორმონის მომატებას რაც თავის მხრივ ზრდის ინსულინისადმი რეზისტენტულობას და ხელს უწყობს მე-2 ტიპის დიაბეტის განვითარებას

მონო-უჯერი ცხიმები & გულის ჯანმრთელობა

არსებობს ეპიდემიოლოგიური მონაცემები და კლინიკური კვლევები იმისა, რომ მონო-უჯერი ცხიმოვანი მჟავები გულის კორონარული დაავადებების განვითარების რისკს ამცირებს, მოქმედებს რა პლაზმის ლიპიდებზე, ლიპოპროტეინებზე , თრომბოგენეზთან დაკავშირებულ ფაქტორებზე, ინ ვიტრო LDL ჟანგვით მიმღებლობაზე, ინსულინზე მგრძნობელობაზე (10,11,12)

პარადოქს ომეგა-3 კარდიო TG

ეთილის ეთერების ნატურალური ალტერნატივა

ეთილის ეთერებშიომეგა 3 ქიმიურად მოდიფიცირებულია. მწარმოებლები, იმისთვის, რომ მიიღონ ომეგა 3-ის კონცენტრირებული დანამატი, ქიმიური გზით იღებენ ომეგა 3 მოლეკულის EPA/ DHA  ცხიმოვან მჟავებს. ეთილის ეთერები არ არსებობს ადამიანის ორგანიზმში და არც ბუნებაში. Paradox- ში ყველა EPA /DHA არის   ნატურალური ტრიგლიცერიდი.

ეთილის ეთერებში-ომეგა 3 დაჟანგვის მაღალი რისკის ქვეშ არსებობს. ეს ზეთები ძლიერ არიან მიდრეკილი დაჟანგვისკენ ლიპიდების პეროქსიდისა  და სხვა მეორეული ჟანგვითი პროდუქტების წარმოქმნით.  დაჟანგულ ზეთებს შეიძლება ჰქონდეს შეცვლილი ბიოლოგიური აქტივობა, რაც მას ხდის არაეფექტურს ან მავნეს. დიდი ბრიტანეთის ბიო-სამედიცინო მეცნიერების უმაღლეს დეპარტამენტში 3-წლინი კვლევის შედეგად დადასტურდა, რომ Paradox- ში ომეგა 3 მოლეკულების EPA/ DHA  ცხიმოვან მჟავები 155%-თ უფრო სტაბილურია ვიდრე ჩვეულებრივ თევზის ზეთებში.  

ეთილის ეთერებში-ომეგა 3 ში არ არსებობს  ბუნებრივი ვიტამინები, მაშინ როდესაც ნატურალური თევზის ზეთი გარდა ომეგა 3-ისა არის ვიტამინ D მდიდარი წყარო. მაგრამ ომეგა 3 კონცენტრაციის პროცესი სცილდება ბუნებრივ ვიტამინებს და სხვა დამოუკიდებელ ცხიმოვან მჟავებს.

პარადოქს ომეგა-3 კარდიო TG შეიცავს 100% ნატურალურ ვიტამინ D-ს დღიურ დოზას.

ეთილის ეთერები-ცუდად შეიწოვება. გამოკვლევებმა დაადასტურა რომ ზოგადად EE (ეთილის ეთერი) და TG (ტრიგლიცერიდი) უკეთ შეიწოვება სხვა ცხიმოვანი მჟავების არსებობის შემთხვევაში.

პარადოქს ომეგა-3 კარდიო TG შეიცავს ბუნებრივი ცხიმოვანი მჟავების ბალანსს, რომელიც უზრუნველყოფს  EPA /DHA მაქსიმალურ ათვისებას.

ეთილის ეთერებში-ომეგა 3 ნაკლებად რენტაბელურია.

პარადოქს ომეგა-3 კარდიო TG კაფსულები N30

უნიკალური ფორმულა არის დაფუძნებული ხანგრძლივ ლაბორატორიულ კვლევაზე და ლიტერატურის შესწავლაზე, რომელიც ხორციელდებოდა ოლსტერის უნივერსიტეტის ბიო-სამედიცინო,  დიდ ბრიტანეთში N1 დეპარტამენტის გუნდით.

პარადოქსის ყველა პროდუქტი შეესაბამება GMP, MHRA სერტიფიკაციას,  შეესაბამება ევრო კავშირის ყველა მოთხოვნას და მითითებას საკვებ დანამატზე, რომელიც განსაზღვრავს მის ხარისხს.

კაფსულა: თევზის ჟელატინი BP, გლიცეროლი BP

რეკომენდირებული დღიური დოზა:

1 კაფსულა

უკუჩვენება:
არ აქვს უკუჩვენება და გვერდითი მოვლენები

შენახვის პირობები:

ბავშვებისგან მიუწვდომელ ადგილას 25°C ტემპერატურაზე.

გაცემის პირობები:

რეცეპტის გარეშე

ვარგისობის ვადა:  3 წელი.

კვლევები ჩატარებულია, შემუშავებულია და წარმოებულია დიდ ბრიტანეთში,

ჩრდილოეთ ირლანდია

Paradox Omega Oils Ltd

Belfast BT4 2AG,

Northern Ireland, UK

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

პარადოქს ომეგა-3,7 დედებისათვის კაფსულები N30 

ომეგა 3 მიღების უსაფრთხო და სუფთა გზა ორსულობამდე, ორსულობისას და ორსულობის შემდეგ

სარგებელი ნაყოფის თავის ტვინის & თვალის განვითარებისთვის

სუფთა & ნატურალური ომეგა 3, ომეგა 7 & ძლიერი ანტიოქსიდანტები

ფარმაკოთერაპიული ჯგუფი:

ბიოლოგიურად აქტიური დანამატი

უნიკალური ფორმულა

√   შექმნილია დიდი ბრიტანეთის ბიო-სამედიცინო მეცნიერების ტოპ დეპარტამენტში

√   ნატურალური, აბსოლუტურად სუფთა და უსაფრთხო

√   სრულყოფილი ომეგა სტაბილურობა და ბალანსი

√   ულტრა მაღალი  EPA & DHA

√   ომეგა 7 ინტიმური სიმშრალის საწინააღმდეგოდ

√   შეიცავს ძლიერ ანტიოქსიდანტებს

√   თევზის უსიამოვნო გემოს გარეშე

“A new generation of Omegas”

Dr Geoff. Hayhurst

ხარისხი

პარადოქს ომეგას აქვს ხარისხის უზრუნველყოფის ძლიერი სისტემა, რომელიც შეესაბამება საერთაშორისო ISO 9001 სტანდარტს. პარადოქს ომეგას თანამედროვე გადამამუშავებელი ქარხანა აწარმოებს თევზის ზეთს, რომელსაც არა აქვს ანალოგი. საწარმო აღჭურვილია წარმოების მაღალ-სპეციალიზებული უნიკალური აგრეგატებით, რომელიც მნიშვნელოვნად ამცირებს ზეთის ჟანგვას და საბოლოო პროდუქტს ბუნებრივი გზით აშორებს არასასიამოვნო სუნსა და გემოს. პარადოქს ომეგას თევზის ზეთი თავისუფალია ნებისმიერი დაბინძურებული ფაქტორისგან, არის აბსოლუტურად სუფთა, ნატურალური და არ შეიცავს არავითარ დანამატს.

სტაბილურობა

ავტო დაჟანგვა შლის ომეგა 3 მყიფე მოლეკულებს და აძლიერებს თევზის ზეთის სუნს. მეცნიერულად დადასტურებულია, რომ პარადოქსის უნიკალური ნარევი ამცირებს ავტო ჟანგვას და იცავს ომეგა 3 ცხიმოვან მჟავებს დაშლისაგან. ჩვენი კვლევების შედეგად შემუშავებული იქნა უნიკალური ფორმულა, რომელიც უზრუნველყოფს ომეგა 3 მოლეკულის გაზრდილ სტაბილურობას და მდგრადობას. პარადოქს ზეთების ნარევმა 16-155% გაზარდა სტაბილურობა ჩვეულებრივ ზეთთან შედარებით, შესაბამისად  ომეგა 3 სარგებელი ჯანმრთელობისთვის დიდ წილად გაიზარდა.

ძლიერი ანტიოქსიდანტი

პარადოქს ომეგა ზეთი შეიცავს ნატურალურ ანტიოქსიდანტებს. პოლიფენოლებს აქვთ ORAC მოცულობა 

20 ჯერ უფრო მეტი ვიდრე ვიტამინ E-ს. მისგან წარმოებული პროდუქტების გამოყენება ჩვეულებრივი თევზის ზეთის ფორმულაში უზრუნველყოფს დადასტურებულ დამატებით სარგებელს ჯანმრთელობისათვის.

გაზრდილი ბიო-შეღწევადობა

თევზის ზეთის ომეგას უმრავლესობა კონცენტრირებულია ეთილის ეთერის ფორმით და  შეიცავს არაბუნებრივ და სინთეტიკურ ომეგას მოლეკულებს. პარადოქს ომეგას ცხიმოვანი მჟავები შერეულია და არსებობენ მისი ბუნებრივი ტრიგლიცერიდების ფორმით. ომეგა-3 -ის ბიო ხელმისაწვდომობა

ტრიგლიცერიდების ფორმით 70%-ით მაღალია, ვიდრე ეთილის ეთერის ფორმით. რაც იმას ნიშნავს, რომ პარადოქს პროდუქტის მიღების შემთხვევაში ხდება ომეგა ცხიმოვანი მჟავების ოპტიმალური ათვისება და შესაბამისად  ჯანმრთელობისთვის მაქსიმალური სარგებელის მოტანა.

უნიკალური უპირატესობა:

ომეგა 3-; ნაყოფის განვითარება, დედების ჯანმრთელობა

ცნობილია, რომ  ომეგა3 მომავალი დედების ჯანმრთელობის შენარჩუნებაში, დიდ როლს თამაშობს.

DHA თამაშობს მნიშვნელოვან როლს ნაყოფის თავის ტვინის, მხედველობის,, იმუნური და ნერვული სისტემების განვითარებაში. თუ დედა ორსულობის პერიოდში იღებს არასაკმარისი რაოდენობით ომეგას ნაყოფი დედისგან იღებს მას რამაც შეიძლება გამოიწვიოს ომეგა 3 დეფიციტი დედებში და მშობიარობის შემდგომი დეპრესია და სხვა აფექტური დარღვევები. პარადოქს ომეგა - 3,7 დედებისათვის არის სუფთა, უსაფრთხო დანატურალური გზა EPA / DHA მოსამარაგებლად ორსულებისა  და დედებისათვის.

ომეგა3-; იცავს ლორწოვანი გარსის მემბრანებს

ომეგა-7-ის დამამშვიდებელი მოქმედება უზრუნველყოფს ლორწოვანი გარსის, მათ შორის სასქესო სისტემის ლორწოვანი გარსის ბუნებრივ სინოტივეს და იცავს მას გამოშრობისაგან. ლორწოვანი გარსის სიჯანსაღე კი მნიშვნელოვანია დედებისთვის, როგორც ორსულობამდე ასევე ორსულობის და ორსულობის შემდგომ პერიოდში. 

უნიკალური ფორმულა არის დაფუძნებული ხანგრძლივ ლაბორატორიულ კვლევაზე და ლიტერატურის შესწავლაზე, რომელიც ხორციელდებოდა ოლსტერის უნივერსიტეტის ბიო-სამედიცინო, დიდ ბრიტანეთში N1 დეპარტამენტის გუნდით.

პარადოქსის ყველა პროდუქტი შეესაბამება GMP, MHRA სერტიფიკაციას, შეესაბამება ევრო კავშირის ყველა მოთხოვნას და მითითებას საკვებ დანამატზე, რომელიც განსაზღვრავს მის ხარისხს.

პარადოქს ომეგა-3,7 დედებისათვის კაფსულები N30

კაფსულა: თევზის ჟელატინი BP, გლიცეროლი BP

რეკომენდირებული დღიური დოზა:

1 კაფსულა

უკუჩვენება:
არ აქვს უკუჩვენება და გვერდითი მოვლენები

შენახვის პირობები:

ბავშვებისგან მიუწვდომელ ადგილას 25°C ტემპერატურაზე.

გაცემის პირობები:

რეცეპტის გარეშე

ვარგისობის ვადა:  3 წელი.

კვლევები ჩატარებულია, შემუშავებულია და წარმოებულია დიდ ბრიტანეთში,

ჩრდილოეთ ირლანდია

Paradox Omega Oils Ltd

Belfast BT4 2AG,

Northern Ireland, UK

კორნეტიარსი

ვიტამინი A პალმიტატი (1000 სე) - სტერილური ოფთალმიური გელი, ხელოვნური ცრემლები

შემადგენლობა:

10 გმ პლასტმასის ბოთლი.

ყოველი გრამი შეიცავს:

აქტიური ინგრედიენტები: ვიტამინი A პალმიტატი 10 მგ/გ (1000 სე)

არააქტიური ნივთიერბები: კონსერვანტი: ცეტრიმიდი 0.1 მგ/გ.

დამხმარე საშუალებები: კარბომერი 974, ვიტამინი E, ტრომეთამინი, კრემოფორი, გლიცეროლი, დინატრიუმის ედეტატი და საინექციო წყალი.

ფარმაკოლოგიური მოქმედება:

კორნეტიარსის გელი არის წებოვანი წყლოვანი ხსნარი 974 კარბომერის ფუძეზე.

ტოპიკალური გამოყენების შემდეგ კორნეტიარსის გელი სწრაფად ნაწილდება კონიუნქტივაზე და რქოვანაზე, წარმოქმნის რა ლუბრიკანტულ და დამცავ აპკს რქოვანასთან ხანგრძლივი შეხების დროით. ცრემლის აპკის სტაბილურობა ნარჩუნდება 6 საათამდე.

ფარმაკოკინეტიკა:

კარბომერი 974 მნიშვნელოვანი რაოდენობების აბსორბცია, რქოვანაში შეღწევა ან თვალის ქსოვილებში აკუმულაცია სავარაუდოდ არ არის განპირობებული ამ სინთეზური პროდუქტის მაღალი მოლეკულური წონით. ყველა სხვა კომპონენტი არის კარგად დადგენილი ოფთალმიური ფარმაცევტული ინგრედიენტები.

ჩვენებები:

ცრემლის სითხის ჩანაცვლება მშრალი თვალის მდგომარეობების სამართავად, მათ შორის Keratoconjuctivitis sicca და არასტაბილური ცრემლის აპკის ან რქოვანას არასაკმარისი დატენიანებისათვის.

დოზირება და მიღების წესი

მოზრდილები და ბავშვები: 1 წვეთი დღეში 3-4-ჯერ ან საჭიროების მიხედვით, შემთხვევის სიმძიმის გათვალისწინებით.

უკუჩვენებები:

დადასტურებული ჰიპერმგრძნობელობა გელის რომელიმე კომპონენტის მიმართ.

სიფრთხილის ზომები:

შეინახეთ ბავშვებისაგან მიუწვდომელ ადგილას.

გვერდითი ეფექტები:

ზოგჯერ გარდამავალი წვის შეგრძნება ან ქუთუთოების წებოვანება და/ან მხედველობის დაბინდვა ჩაწვეთების შემდეგ.

ძალიან იშვიათად ჰიპერმგრძნობელობის რეაქციები.

ურთიერთქმედება სხვა სამკურნალო საშუალებებთან:

დღეისათვის ცნობილი არ არის. თუ გამოიყენება დამატებითი ოფთალმიური პრეპარატი, ორი პრეპარატის გამოყენებას შორის ინტერვალი უნდა იყოს მინიმუმ 5 წუთი. კორნეტიარსის გელი უნდა ჩაიწვეთოთ ბოლოს.

მითითებები პაციენტებისათვის:

კონტაქტური ლინზები უნდა მოიხსნათ ჩაწვეთებამდე და ხელახლა გაიკეთოთ ჩაწვეთებიდან 30 წუთის შემდეგ.

იმ პაციენტებმა, რომლებშიც ვითარდება მხედველობის დაბინდვა კორნეტიარსის გელის გამოყენების შემდეგ, არ უნდა მართონ ავტომობილები ან მექანიზმები, ვიდრე მხედველობა სრულად არ გასუფთავდება.

ორსულობა და ლაქტაცია:

არ არსებობს კონტროლირებული კვლევები კორნეტიარსის გელის უსაფრთხოების შესახებ ორსულობის და ლაქტაციის პერიოდში.

ამიტომ, კორნეტიარსის გელი ორსულ ან მეძუძურ ქალებში გამოიყენება მხოლოდ მკაფიო საჭიროებისას, ხოლო გამოყენებისას აუცილებელია სიფრთხილის გამოჩენა. ორსულობა კატეგორია C.

შენახვა:

გამოყენებისთანავე ბოთლს დაახურეთ თავსახური. გამოიყენეთ გახსნიდან მხოლოდ ერთი თვე.

შეინახეთ 2-8⁰C-ზე  გამოყენებამდე.

გახსნის შემდეგ შეინახეთ 25⁰C-მდე.

მწარმოებელი

Orchidia Pharmaceutical Industries

სამრეწველო ზონა - ქალაქი ალ-ობური, ეგვიპტე

შესწორებულია: 2015 წლის ოქტომბერი

Orchidia

Pharmaceutical Industries

www.orchidiapharma.com