ოლიქსი-0.03% მალამო

(ტაკროლიმუსი მალამო 0.03% წ/წ)

შემადგენლობა:

ტაკროლიმუსი USP  0.03% წ/წ

მალამოს ფუძე ს.რ.

ფარმაკოლოგია

ფარმაკოდინამიკა:

ატოპიური დერმატიტის დროს ტაკროლიმუსის მოქმედების მექანიზმი სრულად შესწავლილი არ არის. მიუხედავად იმისა, რომ აღინიშნა შედეგი, ატოპიური დერამტიტის დროს ამ დაკვირვებების კლინიკური მნიშვნელობა უცნობია.

სპეციფიკურ ციტოპლაზმური იმუნოფილინთან (FKBP12) დაკავშირებით ტაკროლიმუსი აინჰიბირებს კალციუმზე დამოკიდებულ სიგნალის გადაცემის გზებს T უჯრედებში , აქედან გამომდინარე ახდენს IL-2, IL-3, IL-4, IL-5 და ისეთი ციტოკინების ტრანსკრიპციის და სინთეზის პრევენციას როგორიცაა GM-CSF, TNF-a, IFN-Y.

In vitro ადამიანის ნორმალური კანიდან იზოლირებულ ლანგერჰასის უჯრედებში ტაკროლიმუსმა შეამცირა T უჯრედების მიმართ მასტიმულირებელი მოქმედება. ტაკროლიმუსი აგრეთვე აინჰიბირებდა ანთების მედიატორების გამოთავისუფლებას კანის ღეროვანი უჯრედებიდან, ბაზოფილებიდან და ეოზინოფილებიდან. ცხოველებში ტაკროლიმუსის მალამომ დათრგუნა ანთებითი რეაქციები ექსპერიმენტულ და სპონტანურ ატოპიური დერმატიტის მოდელებში, რომლებიც გავდა ადამიანის ატოპიურ დერმატიტს. ტაკროლიმუსის მალამომ არ შეამცირა კანის სისქე და არ გამოიწვია კანის ატროფია ცხოველებში.

ატოპიური დერმატიტით დაავადებულ პაციენტებში ტაკროლიმუსის მალამოთი მკურნალობისას კანის დაზიანებების გაუმჯობესება დაკავშირებული იყო Fc რეცეპტორის ექსპრესიის შემცირებასთან ლანგერჰასის უჯრედებში და მათი ჰიპერსტიმლულაციური მოქმედების შემცირებასთან  T უჯრედებთან მიმართებაში. ტაკროლიმუსის მალამო არ მოქმედებს ადამიანებში კოლაგენის სინთეზზე.

ფარმაკოკინეტიკა:

აბსორბცია:ჯანმრთელი სუბიექტებიდან მიღებული მონაცემები აჩვენებს რომ ტაკროლიმუსის მალამოს ერთჯერადი ან განმეორებითი ადგილობრივი გამოყენებისას არ აღინიშნება ან ძალიან მცირეა ტაკროლიმუსისადმი სისტემური ექსპოზიცია.

ატოპიური დერმატიტით დაავადებული პაციენტების უმრავლესობაში (მოზრდილები და ბავშვები), რომლებიც მკურნალობდნენ ტაკროლიმუსის მალამოს ერთჯერადი ან მრავლობითი გამოყენებით (0.03-0.1%) და 5 თვეზე უფროსი ასაკის ჩვილებში (0.03%) სისხლში კონცენტრაცია იყო

განაწილება: რადგან ტაკროლიმუსის მალამოს სისტემური ექსპოზიცია დაბალია, პლაზმის ცილებთან მაღალი კავშირი (>98.8%) კლინიკურად მნიშვნელოვნად მიჩნეული არ არის.

ტაკროლიმუსის მალამოს ადგილობრივი გამოყენების შემდეგ ტაკროლიმუსი სელექციურად მიიტანება კანში მინიმალური დიფუზიით სისტემურ ცირკულაციაში.

მეტაბოლიზმი: ადამიანის კანით ტაკროლიმუსის მეტაბოლიზმი არ აღინიშნა.სისტემურად ხელმისაწვდომი ტაკროლიმუსი ექსტენსიურად მეტაბოლიზდება ღვიძლში CYP3A4-ით.

ელიმინაცია: ინტრავენურად მიღებისას ტაკროლიმუსს ქონდა კლირენსის დაბალი სისწრაფე. მთელი ორგანიზმიდან საშუალო კლირენსი შეადგენს 2.25ლ/სთ-ს. სისტემურად ხელმისაწვდომი ტაკროლიმუსის ღვიძლით კლირენსი შეიძლება შემცირდეს სუბიექტებში, რომლებსაც აღენიშნებათ ღვიძლის მწვავე უკმარისობა ან იმ პირებში, რომლებიც იღებენ CYP3A4-ის ძლიერ მაინჰიბირებელ მედიკამენტებს. მალამოს განმეორებითი ადგილობრივი გამოყენების შემდეგ ტაკროლიმუსის საშუალო ნახევარგამოყოფის პერიოდი იყო 75 საათი მოზრდილებისთვის და 65 საათი ბავშვებისთვის.

ჩვენება:

საშუალო და მწვავე ატოპიური დერმატიტის მკურნალობა მოზრდილებში, რომლებიც ადექვატურად არ პასუხობენ ან ვერ იტანენ სტანდარტულ თერაპიას. საშუალო ან მწვავე ატოპიური დერმატიტის მკურნალობა ბავშვებში (2 წელზე უფროსი ასაკის), რომლებიც ადექვატურად არ პასუხობდნენ სტანდარტულ თერაპიას.

დოზირება და მიღების მეთოდი

ოლიქსი უნდა დაინიშნოს მხოლოდ იმ დერმატოლოგების და ექიმების მიერ, რომლებსაც აქვთ ატოპიური დერმატიტის მკურნალობის გამოცდილება იმუნომოდულაციური თერაპიით. ოლიქსის მალამოს თხელი ფენა უნდა წაისვან კანის დაზიანებულ უბანზე. ოლიქსის მალამო შეიძლება გამოიყენონ სხეულის ნებისმიერ ნაწილზე სახის, კისრის და მოხრის ადგილების ჩათვლით, გამონაკლისია ლორწოვანი გარსები. ოლიქსის მალამო არ უნდა წაუსვან ნახვევის ქვეშ. კანის ყოველი დაზიანებული ნაწილის ოლიქსით მკურნალობა უნდა მოხდეს გამოჯანმრთელებამდე და შემდეგ მკურნალობა უნდა შეწყდეს. ჩვეულებრივ გაუმჯობესება აღინიშნება მკურნალობის დაწყებიდან ერთი კვირის განმავლობაში. თუ მკურნალობის ორი კვირის შემდეგ არ აღინიშნება გაუმჯობესების ნიშნები, უნდა განიხილონ მკურნალობის სხვა ვარიანტები.  ოლიქსის გამოყენება შეიძლება ხანმოკლე პერიოდით და ხანგრძლივი შუალედური პერიოდით.

გამოყენება ბავშვებში (2 წელზე უფროსი ასაკის): მკურნალობა უნდა დაიწყოს დღეში ორჯერ გამოყენებით სამი კვირის განმავლობაში. შემდეგ გამოყენების სიხშირე დღეში ერთამდე უნდა შემცირდეს დაზიანების აღმოფხვრამდე.

გამოყენება მოზრდილებში (16 წელზე უფროსი ასაკის): ოლიქსი 0.03% დღეში ორჯერ. თუ კლინიკური სურათი ამის საშუალებას იძლევა უნდა ეცადონ გამოყენების სიხშირის შემცირებას. მკურნალობა უნდა გაგრძელდეს დაზიანების აღმოფხვრამდე.

გამოყენება ხანდაზმულებში (65 წელზე უფროსი ასაკის): ხანდაზმულ პაციენტებში განსაკუთრებული კვლევები არ ჩატარებულა. თუმცა პაციენტების ამ პოპულაციაში არსებულმა კლინიკურმა გამოცდილებამ არ გამოავლინა დოზის ცვლილების აუცილებლობა. კლინიკური ეფექტურობის კვლევები ჩატარდა მკურნალობის უცბად შეწყვეტით, ამიტომ არ არსებობს ინფორმაცია იმის შესახებ დოზის თანდათან შემცირება გამოიწვევს თუ არა რეციდივის სიხშირის დაქვეითებას.

უკუჩვენება:

ტაკროლიმუსის ადგილობრივი მალამოს გამოყენებასთან დაკავშირებული ყველაზე ხშირი გვერდითი რეაქციები განსაკუთრებით დიდ ფართობზე წასმისას მოიცავს წვის და ქავილის შეგრძნებას საწყისი გამოყენებისას, დაზიანებული ადგილების მზის სინათლისადმი და სიცხისადმი მგრძნობელობის გაზრდასთან ერთად. ნაკლებად ხშირია გრიპის მსგავსი სიმპტომები, თავის ტკივილი, ხველა და თვალების წვა.

ტაკროლიმუსის 0.03% მალამოს სხვა გვერდითი ეფექტები:

კანის ჩხვლეტა, კანის გაღიზიანება, სიცხის ან სიცივის აუტანლობა, თავის ტკივილი, ხველა, ცხვირის შეგუბება, გრიპის-მსგავსი ნიშნები, ბუშტუკები (აკნე), თმის ფოლიკულების კვანძები, დისკომფორტი კუჭ-ნაწლავის ტრაქტის მხრივ.

ორსულობა და ლაქტაცია:

ფერტილობა: ფერტილობის შესახებ მონაცემები არ არის.

ორსულობა: ორსულ ქალებში ტაკროლიმუსის გამოყენების შესახებ ადექვატური მონაცემები არ არსებობს. ცხოველების კვლევებმა აჩვენა რეპროდუქციული ტოქსიკურობა სისტემური გამოყენების შემდეგ. ადამიანისთვის პოტენციური რისკი უცნობია. ოლიქსის მალამო ორსულობის დროს არ უნდა გამოიყენონ უკიდურესი საჭიროების გარდა.

ძუძუთი კვება: ადამიანის მონაცემები აჩვენებს, რომ სისტემური გამოყენების შემდეგ ტაკროლიმუსი გამოიყოფა რძეში. თუმცა კლინიკურმა მონაცემებმა აჩვენა, რომ ტაკროლიმუსის მალამოს გამოყენებისას სისტემური ექსპოზიცია დაბალია, მისი გამოყენებისას ძუძუთი კვება რეკომენდებული არ არის.

ეფექტი ავტომობილის მართვის და მექანიზმებთან მუშაობის უნარზე

არ ჩატარებულა კვლევები ავტომობილის მართვის და მექანიზმებთან მუშაობის უნარზე ეფექტის შესწავლისთვის. ოლიქსისი მალამო ადგილობრივად გამოიყენება და ნაკლებ სავარაუდოა გავლენა ავტომობილის მართვის და მექანიზმებთან მუშაობის უნარზე.

არასასურველი ეფექტები

პაციენტების დაახლოებით 50%-ს აღენიშნებოდა გამოყენების ადგილას კანის გაღიზიანების რაიმე ტიპი. ძალიან ხშირი იყო წვის შეგრძნება და ქავილი, ჩვეულებრივ მსუბუქი და საშუალო სიმწვავის და ქრებოდა მკურნალობის დაწყებიდან ერთი კვირის განმავლობაში. ერითემა იყო კანის გაღიზიანების ხშირი რეაქცია. გამოყენების ადგილას აგრეთვე ხშირად აღინიშნებოდა სითბოს შეგრძნება, ტკივილი, პარესთეზია და გამონაყარი. ხშირი იყო ალკოჰოლის აუტანლობა (სახის სიწითლე ან კანის გაღიზიანება ალკოჰოლური სასმელის მიღების შემდეგ). პაციენტებში შეიძლება მომატებული იყოს ფოლიკულიტის, აკნეს და ჰერპესული ვირუსული ინფექციების რისკი.

დოზის გადაჭარბება

ადგილობრივი გამოყენებისას დოზის გადაჭარბება ნაკლებ სავარაუდოა.

შიგნით მიღებისას უნდა გამოიყენონ ზოგადი დამხმარე ზომები. ეს შეიძლება მოიცავდეს სასიცოცხლო ნიშნების მონიტორინგს და კლინიკურ სტატუსზე დაკვირვებას. მალამოს ბუნების გამო ღებინების გამოწვევა და კუჭის ამორეცხვა რეკომენდებული არ არის.

შენახვა

ინახება ბნელ და მშრალ ადგილზე, არა უმეტეს 25°C ტემპერატურაზე.

დამზადებულია ინდოეთში

გაცემის წესი:

ფარმაცევტული პროდუქტი სჯგუფი III, გაიცემა რეცეპტის გარეშე.

ზეე ლაბორატორის ლიმიტედ

ბეჰაინდ 47,ინდუსტრიული ზონა, პაონტა საჰიბი-173025

ქვეყანა: მაკედონია

მწარმოებელი: რეპლეკ ფარმა

გაცემის ფორმა: III ჯგუფი ურეცეპტო

ნოვო-ნეილ ემტრიქსი

შემადგენლობა

ნოვო-ნეილ ემტრიქსი, 10 მლ

ინგრედიენტები

პროპილენგლიკოლი, შარდოვანა, რძემჟავა, წყალი, ნატრიუმის ჰიდროქსიდი

აღწერა

ნოვო-ნეილ ემტრიქსი არის გამჭვირვალე, უფერო სითხე, რომელიც წარმოდგენილია პლასტმასის ტუბში სილიკონის ხუფით ფრჩხილზე წასმის გასაადვილებლად. ნოვო-ნეილ ემტრიქსი არ შეიცავს კონსერვანტებს და არომატიზატორებს. ინგრედიენტები სრულად ბიოდეგრადირებადია.

ჩვენება 

სოკოვანი ინფექციით (ონიქომიკოზი) ან ფსორიაზით დაინფიცირებული ფრჩხილების მკურნალობისთვის.

ნოვო-ნეილ ემტრიქსი აუმჯობესებს გაუფერულებული და დეფორმირებული ფრჩხილის გარეგნულ სახეს. ნოვო-ნეილ ემტრიქსს აქვს ფიზიკური კერატოლიზური მოქმედება და შლის სოკოს უჯრედს, რომელიც ჩვეულებრივ იწვევს ფრჩხილის სოკოვან ინფექციას.

ნოვო-ნეილ ემტრიქსი აუმჯობესებს ჰიდრატაციას, ფრთხილად ასწორებს ფრჩხილის ფირფიტის გარე შრეს და ინარჩუნებს ფრჩხილის კარგ მდგომარეობას ფრჩხილის მიკროგარემოს შეცვლით და მისი ზედაპირის მთლიანობის გაუმჯობესებით. ჩვეულებრივ, გაუმჯობესების პირველი ნიშნები აღინიშნება მკურნალობის დაწყებიდან 1-2 კვირაში. კლინიკურ კვლევაში, მომხმარებელთა 76%-მა აღნიშნა ფრჩხილის გარეგნული სახის გაუმჯობესება  პირველივე კვირაში, ხოლო 92%-მა – 8 კვირაში.

გამოყენება

წაისვით ნოვო-ნეილ ემტრიქსი დაზიანებულ ფრჩხილზე დღეში ერთხელ, სასურველია საღამოს, ძილის წინ. მიმართეთ ტუბის წვერი ფრჩხილზე. მსუბუქად დააჭირეთ ტუბს და გაანაწილეთ ხსნარი წვერით. ყველა ფრჩხილი დაფარეთ ხსნარის თხელი ფენით. მნიშვნელოვანია, რომ ხსნარი ასევე მოხვდეს დაინფიცირეული ფრჩხილის ქვეშ არსებულ თავისუფალ სივრცეში. წასმის შემდეგ, ფრჩხილი უნდა გაშრეს რამდენიმე წუთის განმავლობაში.

მკურნალობის ხანგრძლივობა დამოკიდებულია საწყისი მდგომარეობის  სიმძიმეზე, მაგრამ ხშირ შემთხვევაში შეიძლება საჭირო იყოს 3-6 თვიანი მკურნალობა. ოპტიმალური შედეგისთვის, მკურნალობა გააგრძელეთ ნორმალური ფრჩხილის ამოსვლამდე.

არ წაუსვათ ნოვო-ნეილ ემტრიქსი ფრჩხილის ბუდეს დაზიანებული ფრჩხილი ან მისი ნაწილი მოცილების შემთხვევაში. მკურნალობის პერიოდში თავი შეიკავეთ ფრჩხილის ლაქის გამოყენებისგან, რადგან ნოვო-ნეილ ემტრიქსის სასურველი ეფექტი შეიძლება დაქვეითებული იყოს. ნოვო-ნეილ ემტრიქსი მოქმედებს მხოლოდ ადგილობრივად, და შესაბამისად, მისი გამოყენება შეიძლება ორსულობისა და ლაქტაციის პერიოდში. ბავშვებში გამოყენების გამოცდილება შეზღუდულია. ამიტომ, ბავშვებში მკურნალობის დაწყებამდე კონსულტაციისთვის მიმართეთ თქვენს ექიმს.

გაფრთხილება და სიფრთხილის ზომები

მხოლოდ გარეგანი გამოყენებისთვის. მოერიდეთ თვალთან და ლორწოვან გარსებთან კონტაქტს. არ გამოიყენოთ ნებისმიერ ინგრედიენტზე ალერგიის შემთხვევაში.

შესაძლო გვერდითი მოქმედება

ზოგ პაციენტში შეიძლება გამოვლინდეს ფრჩხილის გარშემო არსებული კანის დროებითი უმნიშვნელო გაღიზიანება და ფრჩხილის გაუფერულება. გარდა ამისა, შეიძლება აღინიშნოს ფრჩხილის ამოვარდნა/მოცილება ფრჩხილის ბუდიდან (ონიქოლიზი), ფრჩხილის დაზიანებული ნაწილის აშრევების ჩათვლით.

ვარგისობის ვადა და შენახვა

გამოიყენეთ ტუბზე და გარე მუყაოს კოლოფზე მითითებულ თარიღამდე. შეინახეთ 2-25°C ტემპერატურაზე. დაიცავით მზის სინათლისგან და გაყინვისგან. შეინახეთ ბავშებისათვის მიუწვდომელ ადგილზე.

“მწარმოებლის სიმბოლო“ მწარმოებელი

Moberg Pharma AB

Gustavslundsv. 42

SE-167 51 Bromma

შვედეთი

დისტრიბუტორი

ბერლინ-ხემი აგ, გლინიკერ ვეგ 125, 12489 ბერლინი, გერმანია

მოცემული ტექსტის რედაქტირების თარიღი: 02.04.2019

“CE სიმბოლო“ 2797

ქვეყანა: საქართველო

მწარმოებელი: გეოპოლი

გაცემის ფორმა: III ჯგუფი ურეცეპტო

ქვეყანა: ბელორუსია

მწარმოებელი: ბორისოვო მედ/პრ ქ-ნა

გაცემის ფორმა: III ჯგუფი ურეცეპტო

ქვეყანა: პოლონეთი

მწარმოებელი: ჯელფა

გაცემის ფორმა: III ჯგუფი ურეცეპტო

ლორინდენი C
(LORINDEN C)
FLUMETASON; CLIOQUINOL

Pharmaceutical Company JELFA S.A., პოლონეთი
ათქ კლასიფიკაციის კოდი
D07BB01

შემადგენლობა და გამოშვების ფორმა
მალამო: ტუბში 15 გ.
1 გ
ფლუმეტაზონის პივალატი . . . . . 200 მკგ
კლიოქინოლი . . .  . . . . . . . . 30 მგ
დამხმარე ნივთიერებები:
თეთრი ცვილი, თეთრი ვაზელინი.

კლინიკურ-ფარმაკოლოგიური ჯგუფი
პრეპარატი ანტიბაქტერიული, სოკოს საწინააღმდეგო და ანთების საწინააღმდეგო მოქმედებით გარეგანი გამოყენებისათვის.

ფარმაკოლოგიური თვისებები
ლორინდენი C წარმოადგენს გლუკოკორტიკოსტეროიდის შემცველ, ანთების საწინააღმდეგო, ანტიალერგიული და ანტიექსუდაციური თვისებების მქონე ადგილობრივი მოქმედების კომბინირებულ პრეპარატს.
კლიოქინოლი ხასიათდება ანტიბაქტერიული და ანტიმიკოზური თვისებებით. იგი აძლიერებს აგრეთვე გლუკოკორტიკოსტეროიდის ანტიექსუდაციურ ეფექტს.

ჩვენებები
კანის ალერგიული დაავადებების ჩირქოვანი გართულებები ან ძლიერი ანთებითი რეაქციებით მიმდინარე კანის საფარის ბაქტერიული ინფექციები:
– ლიქენი;
– ერითემა,
– ერითროდერმია;
– ურტიკარია;
– ვულგარული იმპეტიგო.
განსაკუთრებულ შემთხვევებში, მეორადი ალერგიული რეაქციებით მიმდინარე  კანის შეზღუდული მიკოზური ინფექციების დროს, პრეპარატის გამოყენება შესაძლებელია ექიმი დერმატოლოგის მეთვალყურეობის ქვეშ.

დოზირების რეჟიმი
პრეპარატს იყენებენ ადგილობრივად. მისი გამოყენების წესი და სიხშირე განისაზღვრება ექიმის მიერ.
მალამოს მცირე რაოდენობას შეიზელენ კანის დაზიანებულ ნაწილებში 1-2-ჯერ დღეში. 14 დღეზე მეტი ხნის განმავლობაში პრეპარატის გამოყენება არ არის ნებადართული.
მალამოს გამოყენება შესაძლებელია აგრეთვე ოკლუზიური ნახვევის სახით.

გვერდითი მოვლენები
კონტაქტური ეგზემის სხვადასხვა რეაქციები, ალერგიის სიმპტომები ალერგიული დაავადებებით შეპყრობილ ავადმყოფებში. არსებული ვულგარული ან ვარდისფერი ფერიმჭამელების და პერიორალური დერმატიტის გამწვავება. შესაძლებელია აგრეთვე პოსტსტეროიდული ფერიმჭამელები, კანის ატროფია და სტრიები, კანის წვა, ქავილი, გაღიზიანება. ზოგჯერ შესაძლებელია დეპიგმენტაციით მიმდინარე კანის სიმშრალე. აღნიშნული გვერდითი ეფექტების წარმოქმნის შემთხვევაში საჭიროა დაუყოვნებლივ ექიმთან კონსულტაცია.

უკუჩვენებები
კანის აქტიური ვირუსული ინფექციები (ჰერპესი, შემომსალტველი ლიქენი, ჩუტყვავილა). კანის ტუბერკულოზი, კანის ათაშანგი და გაურთულებელი დერმატომიკოზები. კანის საფარის ახალწარმონაქმნები და კიბოს წინა მდგომარეობა, წვივების ტროფიკული წყლულები, მომატებული მგრძნობელობა პრეპარატში შემავალი კომპონენტების მიმართ.

ორსულობა და ლაქტაცია
ორსულობის და ლაქტაციის პერიოდში პრეპარატის გამოყენება არ არის რეკომენდებული, განსაკუთრებით კანის დიდ ზედაპირზე.

განსაკუთრებული მითითებები
კანის შესაძლო გართულებების წარმოქმნის გამო, პრეპარატის გამოყენება სახის კანზე ხანგრძლივი დროის განმავლობაში არ არის რეკომენდებული.
პრეპარატს განსაკუთრებული სიფრთხილით იყენებენ თვალის ღია- და დახურულკუთხოვანი გლაუკომით და კატარაქტით შეპყრობილ ავადმყოფებში.
პრეპარატი განსაკუთრებული სიფრთხილით და ხანმოკლე დროით ინიშნება ბავშვებში.

სხვა წამლებთან ურთიერთქმედება
არ აღინიშნება.

შენახვის პირობები და ვადა
პრეპარატი ინახება არაუმეტეს 25ºC ტემპერატურაზე, ბავშვებისაგან დაცულ ადგილას.
Pharmaceutical Company JELFA S.A

ლორინდენი A
(LORINDEN A)
FLUMETHASONE; SALICYLIC ACID

Pharmaceutical Company JELFA S.A., პოლონეთი
ათქ კლასიფიკაციის კოდი
D07XB01

შემადგენლობა და გამოშვების ფორმა
მალამო: ტუბში 15 გ.
1 გ
ფლუმეტაზონის პივალატი . . . . . 200 მკგ
სალიცილის მჟავა. . .  . . . . . . 30 მგ
დამხმარე ნივთიერებები:
თეთრი ვაზელინი, პროპილენგლიკოლი, უწყლო ლანოლინი.

კლინიკურ-ფარმაკოლოგიური ჯგუფი
პრეპარატი ანთების საწინააღმდეგო და კერატოლიზური მოქმედებით გარეგანი გამოყენებისათვის.

ფარმაკოლოგიური თვისებები
ლორინდენი A წარმოადგენს გლუკოკორტიკოსტეროიდის შემცველ, ანთების საწინააღმდეგო, ანტიალერგიული და ანტიექსუდაციური თვისებების მქონე ადგილობრივი მოქმედების კომბინირებულ პრეპარატს.
სალიცილის მჟავა არბილებს კანს და აძლიერებს გლუკოკორტიკოსტეროიდის შეღწევის პროცესს მეტად გარქოვანებულ ეპიდერმისში, ამავე დროს იგი იწვევს კანის ქსოვილის გაფაშრებას და ახასიათებს სუსტად გამოხატული  სადეზინფექციო მოქმედება.

ჩვენებები
სხვა სტეროიდული პრეპარატებით მკურნალობის შედეგად რეზისტენტული კანის ქრონიკული, განსაკუთრებით ძლიერი ან არასწორი გარქოვანებით მიმდინარე დაავადებები, როგორიცაა:
– ლიქენით გამოწვეული ეგზემა;
– კანის შეზღუდული გამკვრივებით და  გაუხეშებით მიმდინარე პრურიგო;
– ფსორიაზი;
– კანის თმიანი ნაწილის ფსორიაზი;
– ერითროდერმია, ბრტყელი და მეჭეჭიანი ლიქენი.

დოზირების რეჟიმი
პრეპარატს იყენებენ ადგილობრივად. მისი გამოყენების წესი და სიხშირე განისაზღვრება ექიმის მიერ.
მალამოს მცირე რაოდენობას შეიზელენ კანის დაზიანებულ ნაწილებში 1-2-ჯერ დღეში. მდგომარეობის გაუმჯობესების შემდეგ შესაძლებელია პრეპარატის განმეორებითი გამოყენება 1-2-ჯერ დღეში, მხოლოდ 3-4 დღის შემდეგ.
პრეპარატის გამოყენება შესაძლებელია აგრეთვე ოკლუზიური ნახვევის სახით.
პრეპარატის გამოყენება 2 კვირაზე მეტი ხნის განმავლობაში არ არის ნებადართული.

გვერდითი მოვლენები
კონტაქტური ეკზემის სხვადასხვა რეაქციები, ალერგიის სიმპტომები, განსაკუთრებით ალერგიული დაავადებებით შეპყრობილ ავადმყოფებში. არსებული ვულგარული ან ვარდისფერი ფერიმჭამელების და პერიორალური დერმატიტის გამწვავება. შესაძლებელია აგრეთვე პოსტსტეროიდული ფერიმჭამელები, კანის ატროფია და სტრიები, კანის წვა, ქავილი, კანის გაღიზიანება. ზოგჯერ შესაძლებელია დეპიგმენტაციით მიმდინარე კანის სიმშრალე. აღნიშნული გვერდითი ეფექტების წარმოქმნის შემთხვევაში საჭიროა დაუყოვნებლივ ექიმთან კონსულტაცია.

უკუჩვენებები
ჩირქოვანი გართულებებით მიმდინარე კანის ინფექციები, კანის ვირუსული და მიკოზური დაავადებები, კანის ტუბერკულოზი, ათაშანგით გამოწვეული კანის ცვლილებები, ჩუტყვავილა,  ახალწარმონაქმნები და კიბოს წინა მდგომარეობა, ვენების ვარიკოზული გაგანიერებით მიმდინარე წვივების გაშიშვლება, კორტიკოსტეროიდების მიმართ, ან მალამოს ფუძის კომპონენტების  მიმართ ალერგიული რეაქციები.

ორსულობა და ლაქტაცია
ორსულობის და ლაქტაციის პერიოდში პრეპარატის გამოყენება არ არის რეკომენდებული, განსაკუთრებით კანის დიდ ზედაპირზე.

განსაკუთრებული მითითებები
კანის შესაძლო გართულებების წარმოქმნის გამო, პრეპარატის გამოყენება სახის კანზე ხანგრძლივი დროის განმავლობაში არ არის რეკომენდებული.
პრეპარატს განსაკუთრებული სიფრთხილით იყენებენ თვალის ღია- და დახურულკუთხოვანი გლაუკომით და კატარაქტით შეპყრობილ ავადმყოფებში.
პრეპარატი განსაკუთრებული სიფრთხილით და ხანმოკლე დროით ინიშნება ბავშვებში.

სხვა წამლებთან ურთიერთქმედება
არ აღინიშნება.

შენახვის პირობები და ვადა
პრეპარატი ინახება არაუმეტეს 25ºC ტემპერატურაზე,   ბავშვებისაგან დაცულ ადგილას.
Pharmaceutical Company JELFA S.A., პოლონეთი

ლევონიტონი

სავაჭრო დასახელება: ლევონიტონ

წამლის ფორმა: მალამო გარეგანი გამოყენებისათვის

შემადგენლობა (100გ):

აქტიური ნივთიერება – ქლორამფენიკოლი 0,75გ; მეთილურაცილი 4,0გ

არააქტიური ნივთიერებები-პოლიეთილენგლიკოლი 1500, პოლიეთილენგლიკოლი 400

ათქ კოდი: D06AX02

ფარმაკოთერაპიული ჯგუფი: ანტიბიოტიკები და ქიმიოთერაპიული პრეპარატები დერმატოლოგიური გამოყენებისათვის, სხვა ანტიბიოტიკები ადგილობრივი გამოყენებისთვის

ფარმაკოლოგიური თვისებები:

კომბინირებული პრეპარატი ადგილობრივი გამოყენებისთვის. ახდენს ანთების საწინააღმდეგო და ანტიმიკრობულ მოქმედებას, აქტიურია გრამდადებითი და გრამუარყოფითი მიკროორგანიზმების (სტაფილოკოკების, ნაწლავის ჩხირის) მიმართებაში.

პრეპარატის შემადგენლობაში შედის მეთილურაცილი და ქლორამფენიკოლი. ქლორამფენიკოლს გააჩნია ანტიმიკრობული მოქმედების ფართო სპექტრი გრამდადებითი და გრამუარყოფითი მიკროორგანიზმების მიმართებაში, სტაფილოკოკების, ლურჯ-მწვანე ჩირქის და ნაწლავის ჩხირების ჩათვლით, უზრუნველყოფს ანტიბაქტერიალურ ეფექტს მიკროორგანიზმების ცილის სინთეზის დარღვევის ხარჯზე. მეთილურაცილი აჩქარებს უჯრედოვანი რეგენერაციის პროცესებს, ხელს უწყობს ჭრილობების შეხორცებას და ახდენს ანთების საწინააღმდეგო მოქმედებას, აძლიერებს უჯრედოვანი რეგენერაციის პროცესებს, აჩქარებს ჭრილობების შეხორცებას. პრეპარატი ადვილად აღწევს ქსოვილში ბიოლოგიური მემბრანების დაზიანების გარეშე. ჩირქის და ნეკროზული მასების არსებობისას ანტიბაქტერიალური მოქმედება ნარჩუნდება. პრეპარატი არატოქსიკურია.

გამოყენების ჩვენებები:

ჩირქოვანი ჭრილობები (მათ შორის, შერეული მიკროფლორით ინფიცირებული) ჭრილობის პროცესის პირველ (ჩირქოვან-ნეკროზულ) ფაზაში, ტროფიკული წყლულები, ნაწოლები, ინფიცირებული დამწვრობები, ძირმაგარები, კარბუნკულები.

უკუჩვენებები:

ინდივიდუალური მომატებული მგრძნობელობა პრეპარატის კომპონენტების მიმართ. ფსორიაზი, ეგზემა, კანის სოკოვანი დაზიანებები.

მიღების წესი და დოზირება:

მალამო განკუთვნილია გარეგანი გამოყენებისთვის მოზრდილებისა და ბავშვებისთვის 3 წლის ასაკიდან. პრეპარატით გაჟღინთეთ სტერილური დოლბანდის ხელსახოცები, რომლებითაც ავსებენ ჭრილობას. შესაძლებელია პრეპარატის შეყვანა ჩირქოვან ღრუებში კათეტერიდან (სადრენაჟო მილაკიდან) შპრიცით. ამ შემთხვევაში მალამო წინასწარ უნდა შეათბოთ 35-36 ⁰C-მდე. სახვევები უნდა ჩაატაროთ ყოველდღიურად, ჭრილობის ჩირქისგან და ნეკროზული მასების სრულ გასუფთავებამდე. ჭრილობის ზედაპირების დიდი ფართობის შემთხვევაში მალამოს სადღეღამისო დოზა ქლორამფენიკოლზე გადაანგარიშებით არ უნდა აღემატებოდეს 3 გრ-ს.

მალამო უნდა გამოიყენოთ დაზიანების პირველი დღე-ღამიდან 4 დღის განმავლობაში. ჰიპეროსმოლარული მალამო ლევომეკოლი არ უნდა გამოიყენოთ ხანგრძლივი დროის განმავლობაში, რადგანაც მას შეუძლია ოსმოსური შოკის გამოწვევა დაუზიანებელ უჯრედებში. მკურნალობის მე-5-7-ე დღე-ღამეს რეკომენდებულია შეცვალოთ მალამო პრეპარატებით, რომლებიც აღადგენენ დაზიანებული ქსოვილის მთლიანობას.

გვერდითი მოვლენები:

პრეპარატის გამოყენებისას შესაძლებელია ალერგიული რეაქციების განვითარება, მათ შორის გამონაყარი კანზე, ქავილი, წვის შეგრძნება, ადგილობრივი შეშუპება, ჰიპერემია, ანგიონევროზული შეშუპება, ჭინჭრის ციება, დერმატიტი, შესაძლებელია საერთო სისუსტე. ასეთ შემთხვევებში მალამოს გამოყენება უნდა შეწყდეს და უნდა მიმართოთ ექიმს.

ჭარბი დოზირება.

ჭარბი დოზირებისას შეიძლება გაძლიერდეს პრეპარატის გვერდითი ეფექტები. ხანგრძლივი (5-6 დღე-ღამეზე მეტხანს) გარეგანი მიღება ხშირად იწვევს კონტაქტურ სენსიბილიზაციას, რომელსაც თან სდევს მომატებული მგრძნობელობის რეაქციის განვითარება პრეპარატის შემდგომი გამოყენებისას გარეგანად ან სისტემური გამოყენების სამკურნალწამლო ფორმების სახით.

თერაპია სიმპტომატურია.

ურთიერთქმედება სხვა სამკურნალო საშუალებებთან:

არ არის აღწერილი სხვა სამკურნალო საშუალებებთან ურთიერთქმედების ან შეუთავსებლობის შემთხვევები.

განსაკუთრებული მითითებები:

პრეპარატის გამოყენებამ შეიძლება გამოიწვიოს კანის სენსიბილიზაცია, რასაც თან სდევს მომატებული მგრძნობელობის რეაქციის განვითარება ამ პრეპარატის გარეგანად ან სისტემური მოქმედების სამკურნალწამლო ფორმების სახით შემდგომი გამოყენებისას.

ჩირქის ან ნეკროზული მასების არსებობისას პრეპარატის ანტიბაქტერიალური მოქმედება ნარჩუნდება. პრეპარატის ხანგრძლივი (1 თვეზე მეტხანს) გამოყენებისას აუცილებელია სისხლის პერიფერიული სურათის მდგომარეობის კონტროლის განხორციელება.

არ უნდა დაუშვათ მალამოს თვალებში, ლორწოვან გარსებზე მოხვედრა.

არ უნდა დაარღვიოთ სამკურნალწამლო საშუალების გამოყენების წესები.

გამოყენება ორსულობის ან ლაქტაციის დროს:

პრეპარატის გამოყენება ორსულობის ან ლაქტაციის პერიოდში შესაძლებელია, თუ, ექიმის აზრით, მოსალოდნელი დადებითი ეფექტი დედისთვის აღემატება პოტენციურ რისკს ნაყოფისთვის/ბავშვისთვის.

გამოყენება ბავშვებში: გამოიყენება 3 წლიდან ასაკის ბავშვებში.

გავლენა ავტოტრანსპორტის აან სხვა მექანიზმების მართვის უნარზე:

პრეპარატი გავლენას არ ახდენს სატრანსპორტო საშუალებების ან რთული მექანიზმების მართვაზე.

შენახვის პირობები:

ინახება ორიგინალი შეფუთვით, არაუმეტეს 25°Cტემპერატურაზე, სინათლისაგან დაცულ, ბავშვებისთვის ხელმიუწვდომელ ადგილას.

ვარგისობის ვადა: 3 წელი.

შეფუთვა: 40გ მალამო ალუმინის ტუბში. 1 ტუბი მუყაოს კოლოფში გამოყენების ისნტრუქციასთან ერთად.

გაცემის რეჟიმი: ფარმაცევტულიპროდუქტისჯგუფი III, გაიცემა რეცეპტის გარეშე.

მწარმოებელი: შპს „ოფიცინა“, საქართველო

“ლევომეკოლის ” მალამო

შემადგენლობა:
ლევომიცეტინი-0.75გ, მეთილურაცილი-4გ და ფუძის კომპონენტები.

პრეპარატი წარმოადგენს თეთრ ან მოთეთრო- მოყვითალო ფერის მალამოს.

ფორმა:
მალამო

ფარმაკოთერაპიული ჯგუფი:
ანტიმიკრობული და ანთების საწინააღმდეგო საშუალება

ფარმაკოლოგიური თვისებები:
“ლევომეკოლის” მალამო ხასიათდება ანტიმიკრობული, ანთების საწინააღმდეგო (დეჰიდრატაციული) მოქმედებით. იგი აქტიურია გრამდადებითი და გრამუარყოფითი მიკროორგანიზმების-სტაფილოკოკების, ლურჯ-მწვანე და ნაწლავის ჩხირების  მიმართ. პრეპარატი ბიოლოგიური მემბრანების გაღიზიანების გარეშე ადვილად აღწევს ქსოვილების სიღრმეში. ჩირქისა და ნეკროზული ქსოვილების არსებობისას შენარჩუნებულია პრეპარატის ანტიბაქტერიული მოქმედება.
პრეპარატის შემადგენლობაში არსებული პოლიეთილენგლიკოლის დეჰიდრატაციული მოქმედება ათჯერ აღემატება ნატრიუმის ქლორიდის ჰიპერტონული ხსნარის მოქმედებას.

ჩვენება:
“ლევომეკოლის” მალამოს იყენებენ ჩირქოვანი ჭრილობების, ინფიცირებული შერეული ფლორის (სტაფილოკოკების, ლურჯ-მწვანე და ნაწლავის ჩხირის ჩათვლით), ჭრილობების პირველი (ჩირქოვან-ნეკროზული) ფაზის ადგილობრივად სამკურნალოდ.

წინააღმდეგჩვენება:
ლევომიცეტინის  მიმართ მომატებული მგრძნობელობა.

გვერდითი მოვლენები:
ალერგიული რეაქცია კანზე გამონაყარის სახით, რომელიც დაკავშირებულია ორგანიზმის მომატებული მგრძნობელობით ლევომიცეტინის მიმართ.
აღნიშნულ შემთხვევაში  საჭიროა პრეპარატის გამოყენების შეწყვეტა და მადესენსიბილიზირებელი  მკურნალობის ჩატარება.

მიღების წესი და დოზირება:
“ლევომეკოლის” მალამოთი წარმოებს სტერილური დოლბანდის გაჯღენთვა, რომლითაც ავსებენ ჭრილობას მისი სტანდარტული დამუშავების შემდგომ (ნეკროზული ქსოვილების მექანიკური მოშორება, წყალბადის ზეჟანგის ხსნარით ჭრილობის დამუშავება). შესაძლებელია პრეპარატის შეყვანა ჩირქოვან ღრუებში ზონდით (დრენაჟის მილი) შპრიცის საშუალებით. აღნიშნულ შემთხვევებში საჭიროა “ლევომეკოლის” შეთბობა 35-36°C-მდე. ნახვევების დადება ხდება ყოველდღიურად ჩირქოვან-ნეკროზული მასისაგან ჭრილობის მთლიანად გასუფთავებამდე.

შენახვის ვადა:
3 წელი და 6 თვე

შენახვის პირობები:
მშრალ, გრილ და სინათლისაგან დაცულ ადგილას.
ბავშვებისაგან დაცულ ადგილას.

შეფუთვა:
ტუბებში და ქილებში

მწარმოებელი:
შ.პ.ს “ნიჟფარმი”
რუსეთი