კლინიკურ-ფარმაკოლოგიური ჯგუფი - საშუალებები ანთების საწინააღმდეგო მოქმედებით;  გლუკოკორტიკოიდული საშუალებები გარეგანი გამოყენებისათვის

შემადგენლობა და გამოშვების ფორმა
კრემი 0.1%: ტუბი 15 გ
მალამო: ტუბი 15 გ
ლოსიონი გარეგანი გამოყენებისათვის 0.1%: ფლ.20 მლ

ფარმაკოლოგიური თვისებები
მომეტაზონის ფუროატი წარმოადგენს ანთების საწინააღმდეგო მოქმედების მქონე სინთეზური წარმოშობის კორტიკოსტეროიდს. მას გააჩნია ანთების, ქავილის საწინააღმდეგო და კანის სისხლძარღვების შემავიწროვებელი ეფექტი.

ჩვენებები
ელოკომი გამოიყენება დერმატოზებით გამოწვეული ანთებითი პროცესების, ქავილის შემცირებისა და ლიკვიდაციისათვის. მისი გამოყენება შესაძლებელია ბავშვებში 2 წლის ასაკის ზევით, მაგრამ მხედველობაში უნდა ვიქონიოთ, რომ ბავშვებში 3 კვირაზე მეტი ხნით გამოყენებისას პრეპარატის უსაფრთხოების და ეფექტურობის შესახებ მონაცემები არ არსებობს.
ლოსიონი გამოიყენაბა მხოლოდ თავის თმიან მიდამოში.

მიღების წესები და დოზები
თხელი ფენა უნდა წაისვათ კანის დაზიანებულ უბანზე დღეში ერთხელ.

გვერდითი მოვლენები
იშვიათად შესაძლებელია შემდეგი გვერდითი მოვლენების განვითარება (მათი ალბათობა იზრდება ნახვევის გამოყენებისას) – გაღიზიანება, სიმშრალე, ფოლიკულიტი, ჰიპერტრიქოზი, ფერისმჭამელების მაგვარი გამონაყარი, ჰიპოპიგმენტაცია, პერიორალური დერმატიტი, ალერგიული კონტაქტური დერმატიტი, კანის მაცერაცია, მეორადი ინფექცია, სტრიები. სხვა სტეროიდის შემცველ მალამოებთან შედარებით გვერდითი მოვლენები ნაკლებადაა გამოხატული.

უკუჩვენება
პრეპარატის მიღება უკუნაჩვენებია მასში შემავალი კომპონენტების მიმართ მომატებული მგრძნობელობისას.

ორსულობა და ლაქტაცია
ადექვატური, კარგად კონტროლირებადი კვლევები ორსულ ქალებში მომეტაზონის ფუროატის გამოყენების შესახებ, ამ უკანასკნელის ტერატოგენული პოტენციალის გამოსაკვლევად არ ჩატარებულა. ორსულობის პერიოდში კრემი იხმარება მხოლოდ იმ შემთხვევაში, როდესაც მოსალოდნელი სასარგებლო ეფექტი აღემატება ნაყოფზე მოქმედების პოტენციურ რისკს.
კორტიკოსტეროიდის სისტემური გამოყენებისას იგი აღწევს დედის რძეში, რაც იწვევს ბავშვის სიმაღლეში ზრდის შენელებას. ამიტომ ლაქტაციის პერიოდში პრეპარატი გამოიყენება სიფრთხილით.

განსაკუთრებული მითითებები
სხვადასხვა ადგილობრივი მოქმედების კორტიკოსტეროიდული პრეპარატების სისტემური აბსორბციის შედეგად შესაძლებელია ჰიპოთალამო-ჰიპოფიზური-თირკმელზედა ჯირკვლების სისტემის შექცევადი დათრგუნვა, აგრეთვე პრეპარატის მიღების შეწყვეტის შემდეგ გლუკოკორტიკოსტეროიდული უკმარისობის განვითარება. პაციენტებში, სისტემური აბსორბციის შედეგად კორტიკოსტეროიდების ადგილობრივი გამოყენების შემთხვევაში მოსალოდნელია აგრეთვე კუშინგის სინდრომის, ჰიპერგლიკემიისა და გლუკოზურიის განვითარება.
იმ შემთხვევებში, როდესაც აღინიშნება ჰიპოტალამო-ჰიპოფიზური-თირკმელზედას სისტემის დათრგუნვა, საჭიროა გავზარდოთ პრეპარატის მოხმარებებს შორის ინტერვალი, ვიხმაროთ შედარებით სუსტი მოქმედების კორტიკოსტეროიდი, ან შევწყვიტოთ პრეპარატის მიღება. ჩვეულებრივ ამ სისტემის ფუნქციის აღდგენა სწრაფად ხდება ადგილობრივი კორტიკოსტეროიდის მიღების შეწყვეტის შემდეგ.

ჭარბი დოზირება
ელოკომის კრემის ადგილობრივად მაღალი დოზით გამოყენებისას იგი შეიძლება აბსორბირდეს რაოდენობით, რაც საკმარისია სისტემური ეფექტის მისაღწევად.

შენახვის პირობები და ვადები
პრეპარატი ინახება არაუმეტეს 2-25ºC ტემპერატურაზე.
ვარგისიანობის ვადა - 3 წელი

მწარმოებელი ქვეყანა - ბელგია

რობსენი

(Robsen)

20 მგ ნაწლავში ხსნადი გარსით დაფარული ტაბლეტები

ნატრიუმის რაბეპრაზოლი

პრეპარატის გამოყენებამდე ყურადღებით წაიკითხეთეს ფურცელი-ჩანართი, რადგან იგი თქვენთვის მნიშვნელოვან ინფორმაციას შეიცავს.

-  შეინახეთ ეს ფურცელი-ჩანართი. შეიძლება კვლავ დაგჭირდეთ მისი წაკითხვა.

-  დამატებითი კითხვების შემთხვევაში, მიმართეთ თქვენს ექიმს ან ფარმაცევტს.

-  ეს პრეპარატი დანიშნულია მხოლოდ თქვენთვის. არ გადასცეთ ის სხვა პირებს. ამან შეიძლება ზიანი მოუტანოს მათ, იმ შემთხვევაშიც კი, თუ მათი დაავადების სიმტომები ჰგავს თქვენსას.

-  ნებისმიერი სახის გვერდითი ეფექტების განვითარებისას მიმართეთ თქვენს ექიმს ან ფარმაცევტს. ეს მოიცავს იმ გვერდით ეფექტებსაც, რომლებიც არ არის აღწერილი მოცემულ ფურცელ-ჩანართში. იხ. პუნქტი 4.

ამ ფურცელ-ჩანართში:

1. რა არის რობსენი და რისთვის გამოიყენება იგი
2. რა უნდა იცოდეთ რობსენის გამოყენებამდე
3. როგორ გამოიყენება რობსენი
4. შესაძლო გვერდითი ეფექტები
5. როგორ ინახება რობსენი
6. შეფუთვის შემადგენლობა და სხვა ინფორმაცია

1. რა არის რობსენი  და რისთვის გამოიყენება იგი:

რობსენის ტაბლეტები შეიცავენ რაბეპრაზოლს. იგი მიეკუთვნება პროტონული ტუმბოს ინჰიბიტორების პრეპარატების კლასს. ისინი ამცირებენ კუჭის მიერ წარმოქმნილი მჟავას რაოდენობას.

რობსენის ტაბლეტები გამოიყენება შემდეგი ჩვენებებით:

- აქტიური დუოდენური წყლული ან აქტიური კეთილთვისებიანი კუჭის წყლული (პეპტიკური წყლულები).

- ეროზიული ან წყლულოვანი გასტროეზოფაგური რეფლუქსური დაავადების (GORD) სიმპტომური ან გრძელვადიანი მკურნალობა (შემანარჩუნებელი თერაპია). ამ დაავადებას ახასიათებს გულძმარვა და მჟავას რეგურგიტაცია, რაც იწვევს საყლაპავის ანთებას. 

- გულძმარვით გამოწვეული, საშუალო ან მძიმე ხარისხის გასტროეზოფაგური რეფლუქსური დაავადების სიმპტომური მკურნალობა.

- ზოლინგერ-ელისონის იშვიათი დაავადება, რომელიც ხასიათდება კუჭის მჟავას ჭარბი წარმოქმნის უნარით.

- ორ ანტიბიოტიკთან (კლარითრომიცინი და ამოქსიცილინი) კომბინაციაში რობსენის ტაბლეტები გამოიყენება H. pylori-ს ერადიკაციის მიზნით პეპტიკური წყლულოვანი დაავადების მქონე პაციენტებში.

2. რა უნდა იცოდეთ რობსენის გამოყენებამდე:

არ მიიღოთ რობსენი

-  თუ თქვენ ალერგიული ხართ რაბეპრაზოლის ან ამ მედიკამენტის სხვა ინგრედიენტების მიმართ (ჩამოთვლილია მე-6 ნაწილში).

-  თუ ორსულად ხართ, ფიქრობთ, რომ შეიძლება იყოთ ორსულად.

-  თუ ძუძუთი კვებავთ ბავშვს (იხილეთ ორსულობა და ძუძუთი კვება).

გაფრთხილებები და სიფრთხილის ზომები:

ერთ წელზე მეტი ხნის განმავლობაში პროტონული ტუმბოს ინჰიბიტორების, მათ შორის, რობსენის მიღებამ, შეიძლება ოდნავ გაზარდოს ბარძაყის ძვლის, მაჯის ძვლების და ხერხემლის მოტეხილობების რისკი. აცნობეთ თქვენს ექიმს, თუ გაქვთ ოსტეოპოროზი ან თუ იღებთ კორტიკოსტეროიდებს (რომლებიც ზრდიან ოსტეოპოროზის რისკს).

რობსენის მიღებამდე გაიარეთ კონსულტაცია თქვენს ექიმთან ან ფარმაცევტთან:

-  თუ ხართ ალერგიული სხვა პროტონული ტუმბოს ინჰიბიტორების მიმართ (როგორიცაა ლანსოპრაზოლი, ომეპრაზოლი, ესომეპრაზოლი, პანტოპრაზოლი);

-  თუ ხართ ალერგიული გარკვეული კლასის მედიკამენტების მიმართ, რომლებსაც „ბენზიმიდაზოლის წარმოებულები“ ეწოდება, მათ შორის, ანტიჰელმინტური პრეპარატები (როგორიცაა მებენდაზოლი, ტიაბენდაზოლი) ან ფსიქიკური დაავადების სამკურნალო საშუალებები (მაგ., პიმოზიდი, დროპერიდოლი);

-  თუ გაქვთ კუჭის სიმსივნე. რაბეპრაზოლით მკურნალობის დაწყებამდე ექიმმა შეიძლება გარკვეული ტესტების ჩატარება მოითხოვოს, რათა გამოირიცხოს კიბოს არსებობა;

-  თუ გაქვთ ღვიძლის მძიმე დაავადება;

-  თუ იღებთ ატაზანავირს (აივ-ის მკურნალობისთვის) (იხ. ნაწილი 2 „სხვა სამკურნალო საშუალებები და რობსენი“);

-  თუ ხართ დასუსტებული, გაქვთ  B₁₂ ვიტამინის დეფიციტის განვითარების  რისკ-ფაქტორები ან ხანგრძლივი დროს განმავლობაში გამოიყენებთ რაბეპრაზოლს. მჟავას წარმოქმნის საწინააღმდეგო სხვა საშუალებების მსგავსად, რაბეპრაზოლმა  შეიძლება შეამციროს B12 ვიტამინის შეწოვა.

-  თუ თქვენ წარსულში გქონიათ რეაქციები კანის მხრივ რობსენის მსგავსი მჟავას წარმოქმნის საწინააღმდეგო სხვა საშუალებების გამოყენებისას.

-  თუ უნდა ჩაგიტარდეთ სისხლის კონკრეტული ტესტი (Chromogranin A).

თუ თქვენ განგივითარდათ გამონაყარი კანზე, განსაკუთრებით მზის სხივებისაგან დაუცველ უბნებზე, დაუყოვნებლივ აცნობეთ ამის შესახებ ექიმს, რადგან შეიძლება საჭირო გახდეს რობსენით მკურნალობის შეწყვეტა. ყურადღება მიაქციეთ ასევე სხვა გვერდითი ეფექტების განვითარებას, მაგ., სახსრების ტკივილს.

თქვენ უნდა იმყოფებოდეთ ექიმის მეთვალყურეობის ქვეშ, თუ ამ მედიკამენტის ხანგრძლივი დროის განმავლობაში გამოიყენებთ.

ზოგიერთ პაციენტში პრეპარატის გამოყენებისას აღინიშნებოდა დარღვევები სისხლის (როგორიცაა სისხლის უჯრედების რაოდენობის შემცირება, რამაც შეიძლება გამოიწვიოს ინფექციების ხშირი განვითარება, ცხელება, სისხლჩაქცევები და სისხლდენები) და ღვიძლის მხრივ (როგორიცაა სისხლში ღვიძლის ფერმენტების დონის მომატება ან შემცირება), რომლებიც, როგორც წესი, პრეპარატის გამოყენების შეწყვეტის შემდეგ თავისით გაივლის.

მძიმე დიარეის (წყლიანი ან სისხლიანი) სიმპტომების განვითარებისას, როგორიცაა ცხელება, მუცლის ტკივილი ან სპაზმები, შეწყვიტეთ პრეპარატის მიღება და მიმართეთ ექიმს.

ბავშვები:

ბავშვებში რობსენი არ გამოიყენება.

სხვასამკურნალო საშუალებები დარობსენი:

აცნობეთ თქვენს ექიმს ან ფარმაცევტს იმ პრეპარატების შესახებ, რომლებსაც გამოიყენებდით ცოტა ხნის წინ, ახლა იყენებთ ან შეიძლება გამოიყენოთ ახლო მომავალში,  ურეცეპტო პრეპარატების ჩათვლით.

შეატყობინეთ თქვენს ექიმს ან ფარმაცევტს:

- თუ გამოიყენებთ კეტოკონაზოლს ან იტრაკონოზოლს (სოკოვანი ინფექციების საწინააღმდეგო საშუალებები);

- თუ გამოიყენებთ ატაზანავირს (გამოიყენება აივ-ის მკურნალობისას);

- თუ გამოიყენებთ მეთოტრექსატს (ქიმიოთერაპიული სამკურნალო საშუალება, რომელიც  მაღალი დოზებით გამოიყენება კიბოს და ანთებითი მდგომარეობების მკურნალობისას) - თუ გამოიყენებთ მეთოტრექსატის მაღალ დოზებს, ექიმმა შეიძლება დროებით შეაჩეროს რაბეპრაზოლით მკურნალობა.

ორსულობა და ძუძუთი კვება:

არ გამოიყენოთ რობსენი, თუ ორსულად ხართ ან ფიქრობთ, რომ შეიძლება იყოთ ორსულად. არ მიიღოთ რობსენი, თუ ძუძუთი კვებავთ ბავშვს ან გეგმავთ ძუძუთი კვებოთ ბავშვი.

ავტომობილის მართვა და მექანიზმების გამოყენება:

რობსენის გამოყენებისას შეიძლება განვითარდეს ძილიანობა. ასეთ შემთხვევებში არ მართოთ ავტომობილი და არ გამოიყენოთ ინსტრუმენტები ან მექანიზმები.

3. როგორ გამოიყენება რობსენი:

პრეპარატი გამოიყენეთ ზუსტად ისე, როგორც ამას გირჩევთ ექიმი ან ფარმაცევტი. თუ რამეში არ ხართ დარწმუნებული, რჩევისთვის მიმართეთ ექიმს ან ფარმაცევტს.

პრეპარატის გამოყენება:

რობსენის ტაბლეტები მიიღება მთლიანად.

დაუშვებელია მათი გაყოფა ან დაღეჭვა.

რობსენი მიიღება ერთხელ დღეში, დილით ჭამამდე, საუზმის წინ.

ქვემოთ მოცმული დოზები განკუთვნილია მოზრდილებისა და ხანდაზმულებისთვის. თვითნებურად არ შეცვალოთ დოზირება ან გამოყენების ხანგრძლივობა.

აქტიური დუოდენური წყლული და კუჭის აქტიური კეთილთვისებიანი  წყლული

რობსენის რეკომენდებული დოზაა 20 მგ (ერთი ტაბლეტი) ერთხელ დღეში.

აქტიური დუოდენური წყლულის დროს მკურნალობა 4 კვირა გრძელდება. ამის შემდეგ ექიმმა შეიძლება განაგრძოს მკურნალობა კიდევ 4 კვირის განმავლობაში.

აქტიური კუჭის კეთილთვისებიანი  წყლულის დროს მკურნალობა 6 კვირის განმავლობაში გრძელდება. ამის შემდეგ ექიმმა შეიძლება განაგრძოს მკურნალობა კიდევ 6 კვირის განმავლობაში.

ეროზიული ან წყლულოვანი გასტრო-ეზოფაგური რეფლუქსური დაავადება

რობსენის რეკომენდებული დოზაა 20 მგ (ერთი ტაბლეტი) ერთხელ დღეში. მკურნალობის ხანგრძლივობაა 4 კვირა, თუმცა ამ კურსის შემდეგ ექიმმა შეიძლება გააგრძელოს მკურნალობა კიდევ 4 კვირის განმავლობაში.

გასტრო-ეზოფაგური რეფლუქსური დაავადების შემანარჩუნებელი თერაპია

რობსენის რეკომენდებული დოზაა 10 მგ ან 20 მგ ერთხელ დღეში. მკურნალობის ხანგრძლივობა განისაზღვრება ექიმის მიერ. თქვენ რეგულარულად უნდა ეწვიოთ ექიმს დოზირების რეჟიმის და მკურნალობის სიმპტომების მონიტორინგის მიზნით.

გასტრო-ეზოფაგური რეფლუქსური დაავადების სიმპტომური თერაპია

რობსენის რეკომენდებული დოზაა 10 მგ ერთხელ დღეში. ამ რეჟიმით პრეპარატის გამოყენება შეიძლება 4 კვირის განმავლობაში გაგრძელდეს. ოთხკვირიანი მკურნალობის კურსის შემდეგ სიმპტომების შენარჩუნების შემთხვევაში საჭიროა ექიმთან კონსულტაცია. ოთხკვირიანი საწყისი მკურნალობის შემდეგ სიმპტომების კვლავ განვითარების შემთხვევაში ექიმმა შეიძლება კვლავ დაგინიშნოთ 10 მგ ერთხელ დღეში და რეგულარულად აკონტროლოს დაავადების სიმპტომები.

ზოლინგერ-ელისონის სინდრომი

რობსენის რეკომენდებული დოზა არის 20 მგ-იანი სამი ტაბლეტი ერთხელ დღეში. დოზა შეიძლება გაიზარდოს და დაინიშნოს 20 მგ-იანი სამი ტაბლეტი 2-ჯერ დღეში. შესაძლებელია ერთჯერადი სადღეღამისო დოზის სახით 100 მგ-მდე პრეპარატის დანიშვნა. ექიმი განსაზღვრავს თქვენთვის მორგებულ დოზას მკურნალობაზე საპასუხო რეაქციის მიხედვით. ექიმი  განსაზღვრავს რამდენი ტაბლეტი უნდა გამოიყენოთ და რამდენი ხნის განმავლობაში.  თქვენ რეგულარულად უნდა ეწვიოთ ექიმს დოზირების რეჟიმის და მკურნალობის სიმპტომების მონიტორინგის მიზნით.

H. pylori-ს ერადიკაცია

რობსენის რეკომენდებული დოზა არის 20 მგ (ორ ანტიბიოტიკთან ერთად - კლარითრომიცინი 500 მგ და ამოქსიცილინი 1 გ) 2-ჯერ დღეში 7 დღის განმავლობაში. როგორც წესი,  სიმპტომები გაქრება მანამ, სანამ მოხდება წყლულის შეხორცება. ამიტომ მნიშვნელოვანია, არ შეწყვიტოთ პრეპარატის მიღება, სანამ ამას არ გეტყვით ექიმი.

თუ გამოიენეთ რობსენი ჭარბი დოზით:

არ მიიღოთ დანიშნულზე მეტი რაოდენობის ტაბლეტები. თუ შემთხვევით მიიღებთ დანიშნულზე მეტი რაოდენობის პრეპარატს, აცნობეთ ამის შესახებ ექიმს და დაუყოვნებლივ მიმართეთ საავადმყოფოს. საავადმყოფოში მისვლისას თან იქონიეთ ტაბლეტები და შეფუთვის კოლოფი იმისათვის, რომ ექიმისთვის გასაგები იყოს რა პრეპარატი მიიღეთ.

თუ გამოგრჩათ რობსენის დოზა:

თუ გამოგრჩათ პრეპარატის მიღება, გახსენებისთანავე გამოიყენეთ იგი. შემდეგ გააგრძელეთ ჩვეულებრივი რეჟიმით მკურნალობა. თუ პრეპარატი არ მიგიღიათ 5 დღეზე მეტი ხნის განმავლობაში, სანამ კვლავ დაიწყებთ პრეპარატის გამოყენებას, დაუკავშირდით ექიმს.

არ მიიღოთ ორმაგი დოზა, გამოტოვებული დოზის ასანაზღაურებლად.

თუ შეწყვიტავთ რობსენის გამოყენებას:

არ შეცვალოთ დოზა და არ შეწყვიტოთ პრეპარატის გამოყენება ექიმთან კონსულტაციის  გარეშე.

ღვიძლის პრობლემების მქონე პაციენტები:

მკურნალობის დაწყებისას და მკურნალობის განმავლობაში საჭიროა ექიმთან კონსულტაცია და რაბეპრაზოლის განსაკუთრებული სიფრთხილით გამოყენება.

თუ თქვენ გაქვთ რაიმე დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი ეფექტები:

სხვა სამკურნალო საშუალებების მსგავსად, პრეპარატმა შეიძლება გამოიწვიოს გვერდითი ეფექტები, თუმცა მხოლოდ ზოგიერთ პაციენტში.

შეწყვიტეთ რობსენის გამოყენება და დაუყოვნებლივ აცნობეთ ექიმს, თუ თქვენ შენიშვნავთ შემდეგი გვერდითი ეფექტების განვითარებას:

იშვიათად (შეიძლება აღინიშნოს 1 000-დან 1 სუბიექტში):

- ჰიპერმგრძნობელობა - მძიმე დაუყოვნებელი ტიპის ალერგიული რეაქცია - უეცრად შეიძლება განვითარდეს გამონაყარი კანზე (ჭინჭრის ციება), აღინიშნება დაბალი არტერიული წნევა, ხელების, ტერფების, კოჭების, სახის, ტუჩების, პირის ღრუს ან ყელის შეშუპება (რამაც შეიძლება გამოიწვიოს ყლაპვის და სუნთქვის გაძნელება).

- ხშირი ინფექციები, როგორიცაა ყელის ტკივილი ან მაღალი ტემპერატურა (ცხელება), ან წყლულების წარმოქმნა პირში ან ყელში.

- ღვიძლის პრობლემები, როგორიცაა ჰეპატიტი (ღვიძლის ანთება) და სიყვითლე (კანისა და სკლერების სიყვითლე). პაციენტებში, რომლებსაც ადრე ღვიძლის პრობლემები ჰქონდათ, შეიძლება განვითარდეს ღვიძლისმიერი ენცეფალოპათია (ღვიძლის დაავადებით გამოწვეული ტვინის დაზიანება).

ძალიან იშვიათად (შეიძლება აღინიშნოს 10 000-დან 1 სუბიექტში):

- კანზე ბუშტუკების წარმოქმნა; ტკივილი ან წყლულების წარმოქმნა ტუჩების, თვალების, პირის და ცხვირის ღრუს და სასქესო ორგანოების მიდამოებში.

სხვა შესაძლო გვერდითი მოვლენები:

ხშირად (შეიძლება აღინიშნოს 10-დან 1 სუბიექტში):

- ინფექციები;

- ინსომნია (ძილის დარღვევა);

- თავის ტკივილი, თავბრუსხვევა;

- ხველა, ფარინგიტი (ყელის ტკივილი), რინიტი (სურდო);

- დიარეა, ღებინება (პირღებინება), გულისრევა (სისუსტის შეგრძნება), მუცლის ტკივილი, ყაბზობა (შეკრულობა), მეტეორიზმი (შებერილობა);

- უმიზეზო ტკივილები, ზურგის ტკივილი;

- ასთენია (სისუსტე), გრიპისმაგვარი სინდრომი.

- კეთილთვისებიანი პოლიპები კუჭში.

არც ისე ხშირად (შეიძლება აღინიშნოს 100-დან 1 სუბიექტში):

- ნერვოზულობა, ძილიანობა;

-  ბრონქიტი (სასუნთქი გზების ანთება), სინუსიტი (დანამატი წიაღების ანთება ისეთი სიმპტომებით, როგორიცაა მძიმე თავის ტკივილი, ცხვირის დაცობა, ხველა და შეშუპება);

-  დისპეფსია (კუჭის აშლილობა), პირის სიმშრალე, ბოყინი;

-  გამონაყარი კანზე, კანის სიწითლე;

-  კუნთების ან სახსრების ტკივილი, ფეხების კრუნჩხვები;

-  საშარდე გზების ინფექციები;

-  მკერდის ტკივილი;

-  ციება, ცხელება;

-  ღვიძლის ფუნქციური ტესტების ცვლილებები.

იშვიათად(შეიძლება აღინიშნოს 1 000-დან 1 სუბიექტში):

- ანორექსია (მადის დაკარგვა);

- დეპრესია;

- მხედველობის დარღვევა;

- გასტრიტი (დარღვევები კუჭის მხრივ ან კუჭის ტკივილი), სტომატიტი (პირის ღრუს ლორწოვანი გარსის ანთება), გემოს შეგრძნების დარღვევები;

- ქავილი, ოფლიანობა, კანზე ბუშტუკების წარმოქმნა (ეს რეაქციები, ჩვეულებრივ, თერაპიის დასრულების შემდეგ გაივლის);

- დარღვევები თირკმლის მხრივ, მაგ., ინტერსტიციალური ნეფრიტი (თირკმლის შემაერთებელი ქსოვილის დაზიანება);

- წონაში მომატება;

- ადვილად განვითარებული სისხლჩაქცევები ან სისხლდენები.

ძალიან იშვიათად (შეიძლება აღინიშნოს 10 000-დან 1 სუბიექტში):

- მრავალფორმიანი წითელასმაგვარი გამონაყარი (მულტიფორმული ერითემა).

არ არის ცნობილი (არსებული მონაცემებით სიხშირის დადგენა არ არის შესაძლებელი)

- დაბნეულობა;

- ტერფების ან კოჭების შეშუპება;

- მკერდის შეშუპება მამაკაცებში;

- ჰიპონატრემია (სისხლში ნატრიუმის დაბალი დონე) - სიმპტომებია ზოგადი სისუსტე, კუნთების სისუსტე, დაბნეულობა;

- სამი თვის განმავლობაში რობსენის გამოყენებისას შესაძლებელია სისხლში მაგნიუმის დონის დაქვეითება. მაგნიუმის დონის დაქვეითების შედეგად შეიძლება განვითარდეს დაღლილობა, კუნთების უნებლიე შეკუმშვა, დეზორიენტაცია, კრუნჩხვები, თავბრუსხვევა, გულისცემის გახშირება. ამ სიმპტომების განვითარების შემთხვევაში, დაუყოვნებლივ მიმართეთ თქვენს ექიმს. მაგნიუმის დაბალმა დონემ ასევე შეიძლება გამოიწვიოს სისხლში კალიუმის ან კალციუმის დონის შემცირება. მაგნიუმის დონის მონიტორინგისთვის ექიმმა შეიძლება მოითხოვოს რეგულარულად სისხლის ტესტების ჩატარება.

- გამონაყარი, შეიძლება სახსრების ტკივილით;

- ნაწლავების ანთება (დიარეის განვითარებით).

შეტყობინება გვერდითი ეფექტების შესახებ:

ნებისმიერი სახის გვერდითი ეფექტის განვითარებისას აცნობეთ ამის შესახებ  თქვენს ექიმს ან ფარმაცევტს. ეს მოიცავს იმ გვერდით ეფექტებსაც, რომლებიც შეიძლება არ იყოს მითითებული ამ ფურცელ-ჩანართში.

გვერდითი ეფექტების შესახებ ინფორმაციის მიწოდება შეგიძლიათ ჯანდაცვის სპეციალისტების რეკომენდაციების შესაბამისად. გვერდითი მოვლენების შესახებ ინფორმაციის მიწოდება დაგვეხმარება ამ მედიკამენტის უსაფრთხოების დადგენაში.

5. როგორ ინახება რობსენი:

ინახება ბავშვებისათვის მიუწვდომელ ადგილას.

არ გამოიყენოთ პრეპარატი ვარგისობის ვადის გასვლის შემდეგ, რომელიც მითითებულია შეფუთვაზე. ვარგისობის ვადა ვრცელდება აღნიშნული თვის ბოლო დღეზე.

ინახება არა უმეტეს 30 ° C ტემპერატურაზე. ინახება ორიგინალურ შეფუთვაში ნესტისა და სინათლისაგან დასაცავად. არ გამოიყენოთ ეს ან სხვა პრეპარატი, თუ შეამჩნევთ ფალსიფიკაციის ნიშნებს.

არ გადაყაროთ მედიკამენტები კანალიზაციაში ან საყოფაცხოვრებო ნარჩენებთან ერთად.  იკითხეთ ფარმაცევტთან,  როგორ უნდა გაანადგუროთ წამლები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვის შემადგენლობა და სხვა ინფორმაცია:

რას შეიცავს რობსენი:

რობსენის აქტიური ნივთიერება არის ნატრიუმის რაბეპრაზოლი.

რობსენის 20 მგ-იანი ნაწლავში ხსნადი გარსით დაფარული ტაბლეტი შეიცავს 20 მგ

ნატრიუმის რაბეპრაზოლს, რომელიც 18.85 მგ რაბეპრაზოლის ეკვივალენტურია.

სხვა ინგრედიენტები:

ტაბლეტის ბირთვი: მანიტოლი, მაგნიუმის ოქსიდი მძიმე, ჰიდროქსიპროპილცელულოზა, მაგნიუმის სტეარატი.

შუალედური ფენა: ეთილცელელოზა,  მაგნიუმის ოქსიდი მძიმე.

ტაბლეტის გარსი: ჰიპრომელოზას ფთალატი, დიბუტილსებაკატი, რკინის ყვითელი ოქსიდი (რობსენი 20 მგ ნაწლავში ხსნადი გარსით დაფარული ტაბლეტები), რკინის წითელი ოქსიდი (რობსენი 10 მგ ნაწლავში ხსნადი გარსით ტაბლეტები), ტიტანის დიოქსიდი, ტალკი.

რობსენის აღწერილობა დაშეფუთვის შემადგენლობა:

რობსენი 20 მგ ნაწლავში ხსნადი გარსით დაფარული ტაბლეტები: ყვითელი, აპკიანი გარსით დაფარული, მრგვალი ტაბლეტები.

რობსენი 10 მგ ნაწლავში ხსნადი გარსით დაფარული ტაბლეტები: ვარდისფერი, აპკიანი გარსით დაფარული, მრგვალი ტაბლეტები.

ტაბლეტები მოთავსებულია 4 ბლისტერში. 28 ტაბლეტი შეფუთვაში.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

სავაჭრო ლიცენზიის მფლობელი

D & FISHER CO LTD

მწარმოებელი:

Laboratorios LICONSA, S.A.

ავდა, მირალკამპო, Nº 7, პოლიგონო ინდასტრიალ მირალკამპო 19200 ასუქეკა დე ჰენარეს (გვადალახარა), ესპანეთი

კლინიკურ-ფარმაკოლოგიური ჯგუფი - საშუალებები ანთების საწინააღმდეგო მოქმედებით;  გლუკოკორტიკოიდული საშუალებები გარეგანი გამოყენებისათვის

შემადგენლობა და გამოშვების ფორმა
კრემი 0.1%: ტუბი 15 გ
მალამო: ტუბი 15 გ
ლოსიონი გარეგანი გამოყენებისათვის 0.1%: ფლ.20 მლ

ფარმაკოლოგიური თვისებები
მომეტაზონის ფუროატი წარმოადგენს ანთების საწინააღმდეგო მოქმედების მქონე სინთეზური წარმოშობის კორტიკოსტეროიდს. მას გააჩნია ანთების, ქავილის საწინააღმდეგო და კანის სისხლძარღვების შემავიწროვებელი ეფექტი.

ჩვენებები
ელოკომი გამოიყენება დერმატოზებით გამოწვეული ანთებითი პროცესების, ქავილის შემცირებისა და ლიკვიდაციისათვის. მისი გამოყენება შესაძლებელია ბავშვებში 2 წლის ასაკის ზევით, მაგრამ მხედველობაში უნდა ვიქონიოთ, რომ ბავშვებში 3 კვირაზე მეტი ხნით გამოყენებისას პრეპარატის უსაფრთხოების და ეფექტურობის შესახებ მონაცემები არ არსებობს.
ლოსიონი გამოიყენაბა მხოლოდ თავის თმიან მიდამოში.

მიღების წესები და დოზები
თხელი ფენა უნდა წაისვათ კანის დაზიანებულ უბანზე დღეში ერთხელ.

გვერდითი მოვლენები
იშვიათად შესაძლებელია შემდეგი გვერდითი მოვლენების განვითარება (მათი ალბათობა იზრდება ნახვევის გამოყენებისას) – გაღიზიანება, სიმშრალე, ფოლიკულიტი, ჰიპერტრიქოზი, ფერისმჭამელების მაგვარი გამონაყარი, ჰიპოპიგმენტაცია, პერიორალური დერმატიტი, ალერგიული კონტაქტური დერმატიტი, კანის მაცერაცია, მეორადი ინფექცია, სტრიები. სხვა სტეროიდის შემცველ მალამოებთან შედარებით გვერდითი მოვლენები ნაკლებადაა გამოხატული.

უკუჩვენება
პრეპარატის მიღება უკუნაჩვენებია მასში შემავალი კომპონენტების მიმართ მომატებული მგრძნობელობისას.

ორსულობა და ლაქტაცია
ადექვატური, კარგად კონტროლირებადი კვლევები ორსულ ქალებში მომეტაზონის ფუროატის გამოყენების შესახებ, ამ უკანასკნელის ტერატოგენული პოტენციალის გამოსაკვლევად არ ჩატარებულა. ორსულობის პერიოდში კრემი იხმარება მხოლოდ იმ შემთხვევაში, როდესაც მოსალოდნელი სასარგებლო ეფექტი აღემატება ნაყოფზე მოქმედების პოტენციურ რისკს.
კორტიკოსტეროიდის სისტემური გამოყენებისას იგი აღწევს დედის რძეში, რაც იწვევს ბავშვის სიმაღლეში ზრდის შენელებას. ამიტომ ლაქტაციის პერიოდში პრეპარატი გამოიყენება სიფრთხილით.

განსაკუთრებული მითითებები
სხვადასხვა ადგილობრივი მოქმედების კორტიკოსტეროიდული პრეპარატების სისტემური აბსორბციის შედეგად შესაძლებელია ჰიპოთალამო-ჰიპოფიზური-თირკმელზედა ჯირკვლების სისტემის შექცევადი დათრგუნვა, აგრეთვე პრეპარატის მიღების შეწყვეტის შემდეგ გლუკოკორტიკოსტეროიდული უკმარისობის განვითარება. პაციენტებში, სისტემური აბსორბციის შედეგად კორტიკოსტეროიდების ადგილობრივი გამოყენების შემთხვევაში მოსალოდნელია აგრეთვე კუშინგის სინდრომის, ჰიპერგლიკემიისა და გლუკოზურიის განვითარება.
იმ შემთხვევებში, როდესაც აღინიშნება ჰიპოტალამო-ჰიპოფიზური-თირკმელზედას სისტემის დათრგუნვა, საჭიროა გავზარდოთ პრეპარატის მოხმარებებს შორის ინტერვალი, ვიხმაროთ შედარებით სუსტი მოქმედების კორტიკოსტეროიდი, ან შევწყვიტოთ პრეპარატის მიღება. ჩვეულებრივ ამ სისტემის ფუნქციის აღდგენა სწრაფად ხდება ადგილობრივი კორტიკოსტეროიდის მიღების შეწყვეტის შემდეგ.

ჭარბი დოზირება
ელოკომის კრემის ადგილობრივად მაღალი დოზით გამოყენებისას იგი შეიძლება აბსორბირდეს რაოდენობით, რაც საკმარისია სისტემური ეფექტის მისაღწევად.

შენახვის პირობები და ვადები
პრეპარატი ინახება არაუმეტეს 2-25ºC ტემპერატურაზე.
ვარგისიანობის ვადა - 3 წელი

მწარმოებელი ქვეყანა - ბელგია

კლინიკურ-ფარმაკოლოგიური ჯგუფი - საშუალებები ფსორიაზის მკურნალობისათვის

შემადგენლობა და გამოშვების ფორმა
ლოსიონი 500 მკგ+20 მგ / 1 მლ: ფლ. 30 მლ
მალამო 500 მკგ+30 მგ/1 გ: ტუბი 30 გ

ფარმაკოლოგიური თვისებები
დიპროსალიკი შეიცავს 2 აქტიური ნივთიერების კომბინაციას - ბეტამეტაზონის დიპროპიონატის და სალიცილის მჟავის. ბეტამეტაზონის დიპროპიონატი სინთეზირებული ფტორირებული კორტიკოსტეროიდია. მას გააჩნია ანთების, ქავილის საწინააღმდეგო და სისხლძარღვთა შემავიწროვებელი მოქმედება. დიპროსალიკის ლოსიონი და მალამო ავლენენ ამ ეფექტებს სტაბილურად, თუ აპლიკაცია სწარმოებს ორჯერ დღეში. ადგილობრივი გამოყენებისას სალიცილის მჟავას გააჩნია კერატოლიზური, ბაქტერიოსტატული და ფუნგიციდური მოქმედება.

ჩვენებები
დიპროსალიკის გამოყენება ნაჩვენებია ფსორიაზის და თავის თმიანი ნაწილის სებორეის ანთებითი გამოვლინებების შესამცირებლად, სხვა ლოკალიზაციის ფსორიაზული დარღვევების, დერმატოზების დროს, რომელთა გამომწვევები მგრძნობიარენი არიან კორტიკოსტეროიდული თერაპიისადმი.

მიღების წესები და დოზები
დიპროსალიკის გამოყენება რეკომენდებულია ორჯერ დღეში – დილით და საღამოს

გვერდითი მოვლენები
წვა, ქავილი, გაღიზიანება, კანის სიმშრალე, ფოლიკულიტი, აკნეს მსგავსი გამონაყარი ჰიპოპიგმენტაცია, პერიორალური დერმატიტი, ალერგიული კონტაქტური დერმატიტი

უკუჩვენება
დიპროსალიკის ლოსიონი უკუნაჩვენებია პაციენტებისათვის, რომელთაც აღენიშნებათ მომატებული მგრძნობელობა პრეპარატის რომელიმე კომპონენტის მიმართ.

ორსულობა და ლაქტაცია
ორსულობის დროს პრეპარატის გამოყენება შესაძლებელია მხოლოდ იმ შემთხვევებში, როდესაც პრეპარატის პოტენციური სარგებლობა დედისათვის აღემატება ნაყოფზე მოქმედებით გამოწვეულ მოსალოდნელ რისკს. პრეპარატი გადადის დედის რძეში, ამიტომ ის არ გამოიყენება ლაქტაციის პერიოდში

განსაკუთრებული მითითებები
თუ დიპროსალოკის ლოსიონის გამოყენების ფონზე განვითარდა გაღიზიანება ან ჰიპერსენსიბილიზაცია, საჭიროა მკურნალობის შეწყვეტა.
პედიატრიულ პრაქტიკაში გამოყენება: ბავშვები უფრო მგრძნობიარენი არიან ადგილობრივი კორტიკოსტეროიდებისადმი, რაც იწვევს ჰიპოთალამო-ჰიპოფიზალურ-თირკმელზედა სისტემის დათრგუნვას. ამავე დროს აღინიშნება კუშინგის სინდრომი, ზრდის შეფერხება, სხეულის მასის დაკლება და ქალასშიდა წნევის მომატება ბავშვებში, რომლებიც იღებდნენ ადგილობრივ კორტიკოსტეროიდებს. თირკმელზედას ქერქის უკმარისობა განისაზღვრება კორტიზოლის დაბალი დონით პლაზმაში. კორტიკოსტეროიდების ადგილობრივი გამოყენების დროს, განსაკუთრებით ბავშვებში, შესაძლოა განვითარდეს ნებისმიერი გვერდითი მოვლენა, რომლებიც აღინიშნება სისტემური კორტიკოსტეროიდული პრეპარატების გამოყენების დროს, მათ შორის თირკმელზედა ჯირკვლის ქერქის სუპრესიაც. სალიცილის მჟავის გამოყენება დაზიანებულ კანზე ან ღია ჭრილობებზე არ არის რეკომენდებული.
დიპროსალიკის ლოსიონის გამოყენებისას არ არის რეკომენდებული ოკლუზიური ნახვევის დადება.
კანის სიმშრალის და გაღიზიანების შემთხვევებში, პრეპარატით მკურნალობა საჭიროა შეწყდეს.
ოკლუზიური ნახვევის გამოყენებისას შეიძლება განვითარდეს:
კანის მაცერაცია, მეორადი ინფექცია, კანის ატროფია, სტრიები. სალიცილის მჟავის პრეპარატებმა შეიძლება გამოიწვიონ დერმატიტის განვითარება.

ჭარბი დოზირება
სიმპტომები: კორტიკოსტეროიდების ადგილობრივი ხანგრძლივი და დიდი რაოდენობით გამოყენებამ შეიძლება გამოიწვიოს ჰიპოფიზალურ- ადრენალური სისტემის დათრგუნვა, რომელიც იწვევს მეორადად თირკმელზედა ჯირკვლის ქერქის ფუნქციის უკმარისობას, ჰიპერკორტიციზმს, კუშინგის დაავადების ჩათვლით. ქრონიკული ინტოქსიკაციის შემთხვევაში რეკომენდებულია კორტიკოსტეროიდების თანდათანობითი მოხსნა.
სხვა წამლებთან ურთიერთქმედება

შენახვის პირობები და ვადები
პრეპარატი ინახება არაუმეტეს 2-30ºC ტემპერატურაზე, სინათლისაგან დაცულ ადგილას.
ვარგისიანობის ვადა - 3 წელი.

მწარმოებელი ქვეყანა - ბელგია

დიომიცეტი 10მგ/მლ თვალის წვეთები, ხსნარი

კლოტრიმაზოლი 10მგ/მლ

პრეპარატის გამოყენებამდე წაიკითხეთ მოცემული ფურცელი-ჩანართი

- შეინახეთ ფურცელი ჩანართი. შესაძლებელია მისი წაკითხვა კვლავ დაგჭირდეთ.

- დამატებითი კითხვების შემთხვევაში, მიმართეთ ექიმს ან ფარმაცევტს.

- მოცემული პრეპარატი გამოწერილია თვქნთვის. არ გადასცეთ იგი სხვებს, რადგან შესაძლოა ზიანი მიადგეთ, მიუხედავად იმის, რომ შესაძლებელია მათი დაავადების ნიშნები თქვენსას ჰგავდეს.

 - სერიოზული გევრდითი მოვლენის განვითარებისას ან თუ შეამჩნევთ ისეთი გვერდითი მოვლენის განვითარებას, რომელიც არ არ მითითებული მოცემულ ფურცელ-ჩანართში მიმართეთ ექიმს ან ფარმაცევტს.

რა არის მოცემულ ფურცელ - ჩანართში:

1. რა არის დიომიცეტი და რისთვის გამოიყენება ის

2. ვიდრე გამოიყენებდეთ დიომიცეტს

3. დიომიცეტის გამოყენების წესი

4. შესაძლო გვერდითი ეფექტები

5. დიომიცეტის შენახვის პირობები

6. დამატებითი ინფორმაცია

1. რა არის დიომიცეტი და რისთვის გამოიყენება ის

ფარმაკოთერაპიული კლასიფიკაცია 15.1.2. პრეპარატები, რომლებიც გამოიყენება თვალის დაავადების სამკურნალოდ. ადგილობრივი ინფექციის საწინააღმდეგო. სოკოს საწინააღმდეგო.

თერაპიული ჩვენებები-თვალის წინა სეგმენტის მიკოზური ინფექციები.

მოცემული ნივთიერება გამოიყენებოდა ეფექტურად, როგორც ადიუვანტური თერაპიული საშუალება თვალის ინფექციების დროს,  გამოწვეული Acanthamoeba-ს მიერ.

2. ვიდრე მიიღებდეთ დიომიცეტს

არ გამოიყენოთ დიომიცეტი

- თუ ხართ ალერგიული დიომიცეტის აქტიური ნივთიერების ან რომელიმე დამხმარე ნივთიერების მიმართ.

- ორსულობის პირველ ტრიმესტრში ექიმმა სათანადოდ უნდა შეაფასოს რისკის და სარგებლის თანაფარდობა, მიუხედავად იმისა რომ არ არსებობს უკუჩვენება და სისტემური აბსორბცია შეზღუდულია.

სიფრთხილით გამოიყენება

არ არის რეკომენდებული კონტაქტური ლინზების (მყარი ან ჰიდროფილური) გამოყენება თვალის ინფექციის ან ანთების მკურნალობისას.

საწვეთურის თავის და ხსნარის დაბინძურების თავიდან ასაცილებლად არ შეახოთ საწვეთურის თავი ქუთუთოს, მიმდებარე ზონას ან სხვა ზედაპირს.

კონტეინერი შეინახეთ მჭიდროდ თავდახურული როდესაც არ ხდება მისი გამოყენება. მკურნალობის პერიოდი - მკურნალობის პერიოდი განისაზღვრება ექიმის მიერ. დიომიცეტი განკუთვნილია გახანგრძლივებული მკურნალობისთვის, ასე რომ მნიშვნელოვანია ექიმის დანიშნულების მკაცრად დაცვა მკურნალობის ხანგრძლივობასთან დაკავშირებით.

დიომიცეტის ჭარბი დოზირებით გამოყენება - არ შეინიშნებოდა ჭარბი დოზირების შემთხვევები. თუ დაგავიწყდათ დიომიცეტის მიღება, დაუშვებელია ორმაგი დოზის მიღება გამოტოვებულის სანაცვლოდ. მიღება განაგრძეთ ჩვეული რეჟიმით. მკურნალობის ეფექტურობა დამოკიდებულია დოზირების და მკურნალობის ხანგრძლივობის მკაცრ დაცვაზე.

დამატებითი კითხვების შემთხვევაში მიმართეთ ექიმს ან ფარმაცევტს.

4. შესაძლო გვერდითი ეფექტები

სხვა პრეპარატების მსგავსად, დიომიცეტს შეუძლია გამოიწვიოს გვერდითი ეფექტები, თუმცა არა ყველა პაციენტში. ზოგიერთ პაციენტში შეინიშნება თვალში მომენტალური დისკომფორტი თვალის წვეთის ჩაწვეთებისას. რომელიმე გვერდითი ეფექტის გაუარესებისას ან თუ შეამჩნევთ ისეთი გვერდითი ეფექტის განვითარებას, რომელიც არ არის მითითებული ინსტრუქციაში, აცნობეთ ექიმს ან ფარმაცევტს.

5. დიომიცეტის შენახვის პირობები

- შეინახეთ ბავშვებისთვის მიუწვდომელ ადგილას.

-არ გამოიყენოთ შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადა ეხება თვის ბოლო დღეს.

-დიომიცეტი გამოიყენეთ 28 დღის მანძილზე პირველი გახსნიდან.

-ინახება არაუმეტეს 25 °C ტემპერატურაზე.

-არ გამოიყენოთ დიომიცეტი თუ შენიშნავთ მხედველობის აშკარა გაუარესებას.

 -მისი საწვეთურის კონტეინერის გამოყენება დაუშვებელია სხვა მიზნებისთვის.

-არ გადააგდოთ პრეპარატები კანალიზაციაში ან საყოფაცხოვრებო ნაგავში. ჰკითხეთ

ფარმაცევტს, როგორ უნდა მოხდეს პრეპარატების გადაგდება. მოცემული ზომებით ხელს

შეუწყობთ გარემოს დაცვას.

 6 .დამატებითი ინფორმაცია

რას შეიცავს დიომიცეტი

- აქტიური ნივთიერებაა კლოტრიმაზოლი.

- დამხმარე ნივთიერებაა არაქისის ზეთი.

დიომიცეტის აღწერა და შეფუთვის შემადგენლობა

დიომიცეტი წარმოდგენილია თვალის წვეთების ხსნარის სახით. არის სუფთა, ზეთოვანი, ოდნავ მოყვითალო ფერის ხსნარი, დამახასიათებელი სუნით დაბალი სიმკვრივის პოლოეთილების საწვეთურიან ბოთლში, რომელიც შეიცავს 10მლ თვალის წვეთებს, ხსნარს.

საბაზრო ნებართვის მფლობელი და მწარმოებელი

ლაბორატორიო ედოლ - პროდუტოს ფარმაცეუტიკოს ს.ა.

ავ. 25 დე აბრილ, 6-6A

2795-195 ლინდა-ა-ველა

პროტუგალია

მოცემული ფურცელი-ჩანართი ბოლოს შემოწმდა 2009 წლის 02 - ში

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე

ქვეყანა: ინდოეთი

მწარმოებელი: კადილა ინდოეთი

გაცემის ფორმა: III ჯგუფი ურეცეპტო

სავაჭრო დასახელება : დიმექსიდი

საერთაშორისო არაპატენტირებული დასახელება: დიმეთილსულფოქსიდი

წამლის ფორმა : გარეგანი გამოყენების ხსნარის დასამზადებელი კონცენტრატი აღწერა: წარმოადგენს უფერო გამჭირვალე სითხეს ან უფერო , უსუნო ან სუსტი სუნის მქონე კრისტალებს . ჰიგროსკოპიულია .

შემადგენლობა : კონცენტრატი შეიცავს არაუმცირეს 99% დიმეთილსულფოქსიდს

ფარმაკოთერაპიული ჯგუფი :

ანთების საწინააღმდეგო ადგილობრივად გამოყენების საშუალება

ფარმაკოლოგიური თვისებები:

ანთების საწინააღმდეგო , გარეგანი გამოყენების საშუალება . ინაქტივაციას უკეთებს ჰიდროქსილურ რადიკალებს , დაავადების კერაში აუმჯობესებს მეტაბოლური პროცესების მიმდინარეობას . ახასიათებს აგრეთვე ადგილობრივ საანესთეზიო , ანალგეზიური და ანტიმიკრობული მოქმედება ; აქვს ზომიერი ფიბრინოლიზური აქტივობა . შეღწევა ხდება კანიდან , ლორწოვანადან , მიკრობული უჯრედის გარსში ( ანტიბიოტიკების მიმართ ზრდის მგრძნობიარობას ) და სხვა ბიოლოგიურ მემბრანებში ზრდის მათ შეღწევადობას სამკურნალო პრეპარატებისათვის .

ჩვენებები გამოყენებისათვის კომპლექსური თერაპიის შემადგენლობაში :

საყრდენ - მამოძრავებელი აპარატის დაავადებები : რევმატოიდული ართრიტი , ბეხტერევის დაავადება ( მაანკილოზირებელი სპონდილოართრიტი ) დეფორმირებული ოსტეოართროზი , რეაქტიული სინოვიტი ; შეზღუდული სკლეროდერმია , კვანძოვანი ერითემა , დისკოზური წითელი მგლურა , ქუსლის მიკოზი კელოიდური ნაწიბურები , თრომბოფლებიტი , ალოპეცია , ეგზემა , წითელი ქარი ; დაჟეჟილობა , მყესების დაჭიმულობა , ტრავმული ინფილტრატები ; ჩირქოვანი ჭრილობები დამწრობა , რადიკულიტი , ტროფიკული წყლულები , აკნე , ფურუნკულოზი , კანის პლასტიკურ ქირურგიაში – კანის ჰომოტრანსპლანტატების დაკონსერვება .

უკუჩვენება:

ჰიპერმგრძნობელობა , თირკმლის და / ან ღვიძლის უკმარისობა , სტენოკარდია , გამოხატული ათერსკლეროზი , გლაუკომა , კატარაქტა , ინსულტი , კომა , მიოკარდის ინფარქტი , ორსულობა , ლაქტაციის პერიოდი .

მიღების წესი და დოზები:

გამოიყენება კანზე , აპლიკაციის და დანამვის ( გამორეცხვის ) სახით . საკმარისი კონცენტრაციის ხსნარში ასველებენ მარლის საფენებს და დაზიანებულ ადგილზე ადებენ 20 – 30 წთ განმავლობაში . საფენის ზემოთ ადებენ პოლიეთილენის ფირფიტას და ბამბის ან სელის ქსოვილს . აპლიკაციის ხანგრძლივობა 10-15 დღეა წითელი ქარის და ტროფიკული წყლულის მკურნალობისას – გამოიყენება 30 – 50 %- ანი ხსნარის სახით 50 – 100 მლ 2-3 ჯერ დღეში .

ეგზემის და დიფუზური სტრეპტოდერმიისას – 40 – 90%- ანი ხსნარის კომპრესები ტკივილის სინდრომისას , ადგილობრივად გაყუჩებისათვის – 25 – 50% - ანი ხსნარი , კომპრესების სახით 100 – 150 მლ 2-3 ჯერ დღეში . სახის კანისა და სხვა მაღალ მგრძნობიარე ადგილებისათვის გამოიყენება 10 – 20 – 30 %- ანი ხსნარი .

კანის პლასტიკურ ქირურგიაში : გადანერგილი კანის აუტო და ჰომოტრანსპლანტანტებზე გამოიყენება 10-20% ხსნარში გაჟღენთილი ნახვევები , უშუალოთ ოპერაციის შემდეგ და ოპერაციის შემდგომი პერიოდის დღეებში , იქამდე სანამ არ მოხდება ტრანსპლატანტის მდგრადი მიხორცება . დამაკონსერვებელი გარემოს სახით , რინგერის ხსნარში გახსნილი 5%- ანი დიმექსიდის ხსნარი გამოიყენება კანის ჰომოტრანსპლანტანტების შენახვისათვის . ნაკლებად კონცენტრირებული ხსნარებით ხდება , ჩირქოვან – ნეკროზული კანის , ანთებითი კერების და პირის ღრუს გამორეცხვა .

გვერდითი მოვლენები:

ალერგილი რეაქციები , კონტაქტური დერმატიტი , ერითემა , კანის სიმშრალე , მსუბუქი წვა , ქავილით მიმდინარე დერმატიტი , იშვიათად – ბრონქოსპაზმები .

ურთიერთქმედება სხვა პრეპარატებთან:

ზრდის შეწოვას და აძლიერებს ეთანოლის , ინსულინის და სხვა პრეპარატების მოქმედებას . თავსებადია ჰეპარინთან , ანტიბაქტერიულ საშუალებებთან , ამინოგლიკოზიდურ და ბეტა - ლაქტამურ ანტიბიოტიკებთან , ქლორამფენიკოლთან , რიფამპიცინთან , გრიზეოფულვინთან მიმართებაში ზრდის მიკროორგანიზმების მგრძნობელობას .

განსაკუთრებული მითითებები:

ზოგიერთი ავადმყოფები , ჩასუნთქულ ჰაერში შეიგრძნობენ ნივრის სუნს . პრეპარატის გამოყენებისას აუცილებელია ჩატარდეს სინჯი ( შემოწმება ) მის ამტანობაზე . ამისათვის , კანზე უსვამენ დიმეთილსულფოქსიდში დასველებულ ბამბის ტამპონს . ჰიპერემიის გაჩენა და გამოხატული ქავილი ადასტურებს ჰიპერმგრძნობიარობას.

გამოშვების ფორმა:

კონცენტრატი , გარეგანი გამოყენების ხსნარის მომზადებისათვის , ჩასხმული 50 და 100 მლ ნარინჯისფერ მინის ჭურჭელში . თითოეული ფლაკონი გამოყენების ინსტრუქციასთან ერთად მოთავსებულია მუყაოს კოლოფში .

შენახვის პირობები:

მშრალ , სინათლისგან და ბავშვებისაგან დაცულ ადგილას .

შენახვის ვადა:

2 წელი . არ გამოიყენოთ შეფუთვაზე მითითებული ვადის გასვლის შემდეგ აფთიაქიდან გაცემის პირობები ფამრაცევტული პროდუქტის ჯგუფი II ( გაიცემა რეცეპტით )

მწარმოებელი : რუსეთი , ქ . ყაზანი .

ქვეყანა: თურქეთი

მწარმოებელი: ილკო ილაჩ სან ვე თურქეთი

გაცემის ფორმა: III ჯგუფი ურეცეპტო