ქვეყანა: ინდოეთი

მწარმოებელი: სინოკენი

გაცემის ფორმა: III ჯგუფი ურეცეპტო

ქიმორალ ფორტე

QIMORAL FORTE

(ტრიფსინი ქიმოტრიფსინის ტაბლეტები)

შემადგენლობა: თითოეული ნაწლავში ხსნადი გარსით დაფარული ტაბლეტი შეიცავს:

ფერმენტული აქტივობის 1,00,000 Armour ერთეულს (გასუფთავებული კონცენტრატი რომლის აქტივობა განისაზღვრება ტრიფსინის და ქიმოტრიფსინის სპეციფიკური აქტივობის შეფარდებით  ექვსი ერთთან)

ფერი: გამოყენებულია დამტკიცებული ფერი.

აღწერა

ტრიფსინი და ქიმოტრიფსინი, მსგავსად უმეტესი პროტეოლიზური ფერმენტებისა, სინთეზირდება როგორც არააქტიური ზიმოგენის პრეკურსორი (ტრიფსინოგენი და  ქიმოტრიფსინოგენი) რათა მოხდეს უჯრედული ცილების არასასურველი განადგურების პრევენცია და დარეგულირდეს როდის და სად გამოჩნდება ფერმენტის აქტივობა.  არააქტიური ზიმოგენები გამოიყოფა თორმეტგოჯა ნაწლავში, სადაც გამოყოფამდე ისინი მოძრაობენ წვრილ და მსხვილ ნაწლავებში. ზიმოგენები ასევე აღწევენ სისხლის ნაკადში, სადაც ისინი შარდში გამოყოფამდე შეიძლება გამოვლინდენ შრატში. ზიმოგენები პროტეოლიზით გარდაიქმნებიან მოწიფულ, აქტიურ  ფერმენტად  პრო–პეპტიდისგახლეჩვით, შიდაუჯრედულ    ან გარეუჯრედულ სივრცეში, სადაც ისინი საჭიროა გადამუშავებისთვის.  

კლინიკური ფარმაკოლოგია

ფარმაკოდინამიკა:

ტრიფსინი:

ათქ კოდი: B06AA07

ქიმოტრიფსინი:

ათქ კოდი: B06AA04

ფარმაკოდინამიკური თვისებები

უჯრედები პანკრეასში სინთეზირდება და წარმოქმნის საჭმლის მომნელებელ ფერმენტებს რაც შლის ცხიმებს (ლიპაზა), სახამებელს (ამილაზა) და ცილებს (პროტეაზა). პანკრეასული პროტეაზა შეიძლება გაიყოს ფერმენტების რამდენიმე ოჯახად, რომლებიც განსხვავდებიან სტრუქტურით და კატალიზური მოქმედებით თუ როგორ ურთიერთქმედებენ ცილების პეპტიდურ ბმასთან. ტრიფსინი და ქიმოტრიფსინი არის ორი სახის  პროტეაზა რომელიც ზიმოგენის პრეკურსორის (ტრიფსინოგენი და  ქიმოტრიფსინოგენი) არააქტიური ფორმით  თავდაპირველად სინთეზირდება პანკრეასში არასაჭირო უჯრედული მოქმედების შეჩერების მიზნით და აკონტროლებს როდის და სად გამოჩნდება ფერმენტის აქტივობა.  ზიმოგენები აღწევენ სისხლის ნაკადში ან ნაწლავებში სადაც ხდება მათი გამოყოფა ან პროტეოლიზის პროცესით გარდაიქმნება  აქტიურ ფერმენტად, რაც ხელს უწყობს საჭმლის მონელებას. როდესაც მიიღება  ტრიფსინი-ქიმოტრიფსინის კომბინაცია, აქტიური პროტეოლიტური ფერმენტები შთაინთქმება და დამატებით გამოიყენება სხეულის ბუნებრივ პროდუქტებში არააქტიური ფორმით. ტრიფსინი და ქიმოტრიფსინი სხეულს აძლევს დამატებით სტიმულს რაც შესაძლოა საჭირო იყოს ცილების გადამუშავებისთვის, ასევე ანთების შესამცირებლად და ინფექციების საწინააღმდეგოდ.

ფარმაკოკინეტიკა:

• ისინი გამოიყოფა და შეიწოვება წვრილ ნაწლავში, როდესაც მიიღება ნაწლავში ხსნადი გარსით დაფარული ფორმით.
• ისინი გაივლიან კუჭის წვენის პეპსინის დესტრუქციულ მოქმედებას.
• მოქმედება იწყება ნახევარი საათის შემდეგ.

სამკურნალო ჩვენებები

• ხსნის შეშუპებას და აწესრიგებს სხვადასხვა მდგომარეობებთან  დაკავშირებულ ანთებას, როგორიც არის უბედური შემთხვევითა და ქირურგიული ჩარევით გამოწვეული ტრავმა.
• ეპიზიოტომია.
•  ნევრალგია ტკივილით, რომელიც ირადირდება დუნდულში და ქვედა კიდურში, უმეტესად ინტერვერტებრალური დისკის თიაქარით (იშიაზი) განპირიბებული.
• თრომბის წარმოქმნასთან დაკავშირებული ვენების ანთება, თრომბოფლებიტი.
• გინეკოლოგიური  ქირურგია, როგორიც არის ვაზექტომია და საკეისრო კვეთა.
• გამოიყენება ბრონქიტის დროს ლორწოს და ნახველის სიბლანტის შესამცირებლად.
• სტომატოლოგიაში, განსაკუთრებით კბილის ამოღებისას, პერიაპიკალური აბსცესის და ყბა-სახის ქირურგიაში.
• მოტეხილობები და ამოვარდნა.
• დაჭიმულობა და დაძაბულობა.
• ოფთალმოლოგიური ტრავმა, როგორიც არის  მაკულარული შეშუპება, დაჟეჟილი თვალი, ჰიფემა, თვალის სისხლძარღვოვანი გარსის ანთება,  სისხლჩაქცევა კონიუქტივიტის ქვეშ, თვალის გარე ტრავმა.
• ოტორინოლარინგოლოგიაში, როგორიც არის ცხვირის მოტეხილობა, პარაფარინგეალური აბსცესი.
• ჩვეულებრივ მკურნალობასთან ერთად მკერდის, ფილტვების, თავის და კისრის, საკვერცხეების, საშვილოსნოს ყელის და ნაწლავის სიმსივნის მქონე პაციენტებში.

დოზა და მიღების წესი

პერორალური გამოყენება (1 ტაბლეტი შეიცავს პროტეოლიტური ფერმენტების ნარევის 100 000 Armour ერთეულს (Ai)

მოზრდილებში:

ერთი გასტრორეზისტენტული ტაბლეტი 4-ჯერ დღეში. როდესაც მიიღწევა გაუმჯობესება, შესაძლებელია დოზის შემცირება ერთ გასტრორეზისტენტულ ტაბლეტამდე 2-ჯერ დღეში.

5-დან 12 წლამდე ასაკის ბავშვებში:

1 გასტრორეზისტენტული ტაბლეტი 3-ჯერ დღეში. რეკომენდებული დოზა მიიღება  პრევენციულად  ქირურგიულ ჩარევამდე 48 საათით ადრე. ქირურგიული ჩარევის შემდეგ საჭიროა გაგრძელდეს ქიმორალ ფორტეს მიღება. პრეპარატის მიღება უნდა მოხდეს მხოლოდ უზმოზე ან საკვების მიღებამდე 1 საათით ადრე. არ ჩაწუწნოთ ან დაღეჭოთ ნაწლავში ხსნადი ტაბლეტი, გადაყლაპეთ მთლიანად. ქიმორალის გასტრორეზისტენტული ტაბლეტის მიღება არ გამორიცხავს სხვა პრეპარატების მიღებას პარარელურად (მაგ: ანტიბიოტიკები და ა.შ).

უკუჩვენება: 

ტრიფსინი – ქიმოტრიფსინი უკუნაჩვენებია ღვიძლის მძიმე პრობლემების, თირკმლის უკმარისობის, პეპტიური წყლულის, მინისებრი სხეულის მაღალი  წნევის და ჰიპერმგრძნობელობის  მქონე პაციენტებში.

სპეციალური გაფრთხილება და გამოყენების  სიფრთხილის ზომები:

გააფრთხილეთ ექიმი თუ თქვენ ღებულობთ სხვა პრეპარატებს, გაქვთ ქრონიკული დაავადება, მეტაბოლური დარღვევა ან გაქვთ ჰიპერმგრძნობელობა პრეპარატების მიმართ ან გაქვთ ალერგიული რეაქციები ზოგიერთ მათგანზე. არ მიიღოთ ტრიფსინი – ქიმოტრიფსინი თუ ხართ ჰიპერსენსიტიური პრეპარატში შემავალი კომპონენტების მიმართ. დადსატურებული ან საეჭვო  (მაგ: სეპტიცემია, მძიმე გენერალიზებული ან ლოკალიზებული – ლოკალური ინფექცია) ბაქტერიული ინფექციის შემთხვევაში, ტრიფსინი – ქიმოტრიფსინის გამოყენება შეიძლება მხოლოდ შესაბამის ანტიბიოტიკურ თერაპიასთან ერთად.  მიუხედავად იმისა, რომ  არ არსებობს დამაჯერებელი მტკიცებულებები ამგვარი შემადგენლობით სისხლის შედედების პროცესზე გავლენის შესახებ, თუმცა სიფრთხილით გამოიყენება სისხლის შედედების დარღვევის, ღვიძლის მძიმე დაზიანების და/ან თირკმლის დაავადების მქონე პაციენტებში და ინდივიდებში რომლებსაც ანამნეზში აღენიშნებათ ალერგიული რეაქციები პრეპარატების და/ან საკვების მიმართ.

ურთიერთქმედება სხვა სამკურნალო პროდუქტებთან და სხვა ფორმის ურთიერთქმედება:

მცენარეული დანამატები/ალკოჰოლი

სისტემურმა პროტეაზებმა შესაძლოა გაზარდონ მცენარეული დანამატების ეფექტურობა.  ასევე ცნობილია, რომ ქიმოტრიფსინი ურთიერთმოქმედებს ალკოჰოლთან.

ანტიბიოტიკები

ტრიფსინი – ქიმოტრიფსინის კომბინაციის მიღებისას (ინტრამუსკულარულად) აღმოჩნდა, რომ სისხლის შრატში და ვირთხების ორგანოებში გაიზარდა პერორალურად მიღებული ნახევრად სინთეზური პენიცილინის ანტიბიოტიკების დონე.

ცნობილია რომ ქიმოტრიფსინი ურთიერთმოქმედებს ქლორამფენიკოლთან.

ანტიკოაგულანტები

ტრიფსინი – ქიმოტრიფსინის კომბინაცია არ მიიღება ანტიკოაგულანებთან ერთად, როგორიც არის კუმადინი, ჰეპარინი და კლოპიდოგრელი.

ფერტილობა, ორსულობა და ლაქტაცია

ორსულობა:

არ არის საკმარისი ინფორმაცია ტრიფსინის და ქიმოტრიფსინის გამოყენების შესახებ ორსულობის დროს.  

ლაქტაცია:

არ არის საკმარისი ინფორმაცია ტრიფსინის და ქიმოტრიფსინის გამოყენების შესახებ ძუძუთი კვების დროს. 

არასასურველი ეფექტები

ძალიან იშვიათად შეიძლება გამოვლინდეს კუჭ-ნაწლავის გაღიზიანება და ალერგია. აღინიშნა ჰემატურიის, კანზე მსუბუქი გამონაყარის, ჭინჭრის ციების ან ქავილის იშვიათი შემთხვევები. ასეთ შემთხვევებში რეკომენდებულია ტრიფსინი – ქიმოტრიფსინის მიღების შეწყვეტა.

ჭარბი დოზირება

თუ ღებულობთ რეკომენდებულზე მეტ დოზას კონსულტაციისთვის მიმართეთ თქვენს ექიმს ან ფარმაცევტს.  თუ ღებულობთ იმაზე მეტ დოზას ვიდრე უნდა ღებულობდეთ დაუკავშირდით ექიმს ან დახმარებისთვის მიმართეთ უახლოეს საავადმყოფოს. წაიღეთ პრეპარატის კოლოფი, რადგან ამით ხელ შეუწყობთ მის იდენთიფიკაციას.  

შენახვის ვადა

36 თვე

შენახვის პირობები

შეინახეთ არაუმეტეს 25⁰C ტემპერატურაზე, მოარიდეთ ნესტს.

შეინახეთ ბავშვებისაგან მიუწვდომელ ადგილას

გაცემის წესი:

ფარმაცევტული პროდუქტის ჯგუფი III ჯგუფი, გაიცემა რეცეპტის გარეშე

გამოშვების ფორმა: 

ქიმორალ ფორტე: ალუმინის პვქ ბლისტერზე 20 ტაბლეტი მუყაოს შეფუთვაში გამოყენების ინსტრუქციასთან ერთად.

მწარმოებელი:

შპს Acme Formulation Pvt

Ropar Road, Nalagarh, Distt. Solan

Himachal Pradesh-174 101 ინდოეთი

ბაზარზე იყიდება:

შპს CSBS Healthcare Pvt-ს მიერ

ლან-30-ავერსი
(ლანსოპრაზოლი)

ზოგადი დახასიათება:
საერთაშორისო არაპატენტირებული დასახელება: ლანსოპრაზოლი;
ძირითადი ფიზიკურ-ქიმიური თვისებები: გაუმჭვირვალე მყარი ჟელატინის კაფსულები თეთრი ფერის კორპუსითა და ნარინჯისფერი თავსახურით, შევსებული თეთრი ან მოთეთრო ფერის გრანულებით.
შემადგენლობა:
1 კაფსულა შეიცავს:
ლანსოპრაზოლს – 30 მგ
(ნაწლავში ხსნადი გარსით დაფარული გრანულების სახით);
დამხმარე ნივთიერებები: საქაროზა, სიმინდის სახამებელი, ლაქტოზა, კალციუმის კარბოქსიმეთილცელულოზა, მანიტოლი, ნატრიუმის ლაურილსულფატი, კალციუმის კარბონატი, ჰიპრომელოზა E5, მეტაკრილის მჟავას კოპოლიმერი, პოლისორბატი 80, დიეთილფთალატი, ტიტანის დიოქსიდი (E 171), გასუფთავებული ტალკი, ნატრიუმის ჰიდროქსიდი.

გამოშვების ფორმა:
კაფსულები, 30 მგ.

ფარმაკოლოგიური ჯგუფი:
პროტონული ტუმბოს ინჰიბიტორი. ათქ-კოდი: A02BC03.

ფარმაკოლოგიური თვისებები:
ლან-30-ავერსი წარმოადგენს კუჭისა და თორმეტგოჯა ნაწლავის წყლულოვანი დაავადების სამკურნალო საშუალებას.  იგი H⁺-K⁺ – ატფ-აზას სპეციფიკური ინჰიბიტორია; მეტაბოლიზდება კუჭის პარიესულ უჯრედებში აქტიურ სულფონამიდურ წარმოებულებამდე, რომლებიც ახდენენ  H⁺-K⁺ – ატფ-აზას სულფჰიდრილური ჯგუფების ინაქტივაციას. ამდენად ლანსოპრაზოლი აბლოკირებს მარილმჟავას სინთეზის უკანასკნელ სტადიას და ამცირებს კუჭის წვენის ბაზალურ და სტიმულირებულ სეკრეციას, გამაღიზიანებლის ბუნებისგან დამოუკიდებლად. გააჩნია მაღალი ლიპოფილურობა, ადვილად აღწევს და კონცენტრირდება კუჭის პარიესულ უჯრედებში, გააჩნია ციტოპროტექციული მოქმედება, ზრდის კუჭის ლორწოვანი გარსის ოქსიგენაციას და ბიკარბონატების სეკრეციას. მარილმჟავას პროდუქციის შეფერხება 30 მგ დოზაზე შეადგენს 80-97%.
პრეპარატი არ ახდენს ზეგავლენას კუჭ-ნაწლავის ტრაქტის მოტორიკაზე. მაინჰიბირებელი ეფექტი იზრდება გამოყენების პირველი 4 დღის განმავლობაში. მოქმედების ხანგრძლივობა აღემატება 24 სთ-ს. პრეპარატის მიღების შეწყვეტის შემდეგ მჟავიანობა 39 სთ-ის განმავლობაში რჩება ბაზალური დონის 50%-ის ქვემოთ, სეკრეციის რიკოშეტული ზრდა არ აღინიშნება.
სეკრეტორული აქტივობა აღდგება მე-3-4 დღეს ლანსოპრაზოლის მიღების დამთავრების შემდეგ. მისი მოქმედება ზოლინგერ-ელისონის სინდრომით შეპყრობილ პაციენტებში გახანგრძლივებულია.
ლანსოპრაზოლს არ გააჩნია ანტიქოლინერგული ან ჰისტამინის H₂-რეცეპტორების ბლოკატორის თვისებები.
პრეპარატი ზრდის პეფსინოგენის კონცენტრაციას სისხლის შრატში და ამცირებს პეფსინის პროდუქციას. ხელს უწყობს კუჭის ლორწოვან გარსში სპეციფიკური IgA-ს წარმოქმნას Helicobacter pylori-ს მიმართ და თრგუნავს მათ ზრდას, აუმჯობესებს სხვა სამკურნალო საშუალებების ანტიჰელიკობაქტერიულ მოქმედებას.

ფარმაკოკინეტიკა:
ლანსოპრაზოლი არამდგრადია მჟავე არეში და იმისთვის, რომ თავიდან იქნას აცილებული მისი დაშლა კუჭში და გაიზარდოს მისი ბიოშეღწევადობა, პრეპარატი გამოიყენება ნაწლავში ხსნადი გარსით დაფარული გრანულების სახით.
ლანსოპრაზოლი პერორალური მიღების შემდეგ სწრაფად აბსორბირდება კუჭ-ნაწლავის ტრაქტიდან. საკვების მიღება ამცირებს პრეპარატის აბსორბციასა და ბიოშეღწევადობას, მაგრამ არ იწვევს მისი მოქმედების მექანიზმის დარღვევას. 30 მგ ლანსოპრაზოლის პერორალური მიღებისას მისი მაქსიმალური კონცენტრაცია 
(0.75-1.15 მგ/ლ) აღინიშნება 1.5-2.2 სთ-ის შემდეგ. პრეპარატის 97.7-99.4% უკავშირდება პლაზმის ცილებს. მეტაბოლიზდება ღვიძლში. ნახევარგამოყოფის პერიოდი შეადგენს 1.3-1.7 სთ-ს. გამოიყოფა მეტაბოლიტების სახით თირკმელების (14-23%) და  ნაწლავების საშუალებით. ღვიძლის უკმარისობის დროს და ხანდაზმულ პაციენტებში ლანსოპრაზოლის გამოყოფა შენელებულია.
  
ჩვენება:
• კუჭისა და თორმეტგოჯა ნაწლავის წყლულოვანი დაავადება გამწვავების ფაზაში;
• რეფლუქს-ეზოფაგიტი, ეროზიულ-წყლულოვანი ეზოფაგიტი;
• კუჭისა და თორმეტგოჯა ნაწლავის ეროზიულ-წყლულოვანი დაზიანება, რომელიც დაკავშირებულია ანთების საწინააღმდეგო არასტეროიდული საშუალებების მიღებასთან, სტრესული წყლულები;
• Helicobacter pylori-სთან ასოცირებული კუჭისა და თორმეტგოჯა ნაწლავის ეროზიულ-წყლულოვანი დაზიანება (კომბინირებული თერაპიის შემადგენლობაში);
• ზოლინგერ-ელისონის სინდრომი.

მიღების წესი და დოზირება:
თორმეტგოჯა ნაწლავის წყლულოვანი დაავადების გამწვავების ფაზაში ინიშნება
30 მგ ერთხელ დღე-ღამეში 2-4 კვირის განმავლობაში.
კუჭის წყლულოვანი დაავადების გამწვავების ფაზაში და ეროზიულ-წყლულოვანი ეზოფაგიტის დროს – 30 მგ ერთხელ დღე-ღამეში 4-8 კვირის განმავლობაში.
რეფლუქს-ეზოფაგიტის დროს ინიშნება 30 მგ ერთხელ დღე-ღამეში 4-8 კვირის განმავლობაში.
რეფლუქს-ეზოფაგიტის რეციდივების პროფილაქტიკისათვის – 30 მგ ერთხელ დღე-ღამეში ხანგრძლივი დროის განმავლობაში (6 თვემდე).
კუჭისა და თორმეტგოჯა ნაწლავის ეროზიულ-წყლულოვანი დაზიანება, რომელიც დაკავშირებულია ანთების საწინააღმდეგო არასტეროიდული საშუალებების მიღებასთან – 30 მგ ერთხელ დღე-ღამეში 4-8 კვირის განმავლობაში.
კუჭისა და თორმეტგოჯა ნაწლავის წყლულოვანი დაავადების რეციდივების პროფილაქტიკისათვის – 30 მგ ერთხელ დღე-ღამეში.
Helicobacter pylori-ს ერადიკაციის დროს – 30 მგ 2-ჯერ დღე-ღამეში ანტიბიოტიკებთან კომბინაციაში 7-14 დღის განმავლობაში.
ზოლინგერ-ელისონის სინდრომის დროს დოზა უნდა შეირჩეს ინდივიდუალურად, ბაზალური სეკრეციის დონის საფუძველზე (ბაზალური სეკრეციის დონე არ უნდა აღემატებოდეს 10 მმოლ/სთ-ს). პრეპარატის საწყისი დოზაა 60 მგ ერთხელ დღე-ღამეში, აუცილებლობის შემთხვევაში სადღეღამისო დოზა იზრდება (120 მგ-ზე მეტი სადღეღამისო დოზა უნდა გაიყოს რამდენიმე მიღებაზე).

პრეპარატი ინიშნება პერორალურად, დილით ჭამამდე. კაფსულა მიიღება მთლიანად (არ უნდა დაიღეჭოს ან გაიხსნას).

გვერდითი მოვლენები:
საჭმლის მომნელებელი სისტემის მხრივ: მადის მომატება ან დაქვეითება, გულისრევა, ტკივილი მუცლის არეში; იშვიათად – დიარეა ან ყაბზობა, ხანგრძლივი მიღებისას – ატროფიული გასტრიტი; ცალკეულ შემთხვევებში – არასპეციფიკური წყლულოვანი კოლიტი,  კუჭ-ნაწლავის კანდიდოზი,  ღვიძლის ტრანსამინაზების აქტივობის მატება, ჰიპერბილირუბინემია.
ნერვული სისტემის მხრივ: თავის ტკივილი; იშვიათად – შეუძლოდ ყოფნა, თავბრუსხვევა, ძილიანობა, დეპრესია, შფოთვა.
სასუნთქი სისტემის მხრივ: იშვიათად – ხველება, ფარინგიტი, რინიტი, ზემო სასუნთქი გზების ინფექცია, გრიპის მსგავსი სინდრომი.
სისხლმბადი სისტემის მხრივ: იშვიათად – თრომბოციტოპენია (ჰემორაგიული გამოვლინებებით); ცალკეულ შემთხვევებში – ანემია.
ალერგიული რეაქციები: გამონაყარი კანზე; ცალკეულ შემთხვევებში – ფოტოსენსიბილიზაცია, მულტიფორმული ერითემა.
სხვა: იშვიათად – მიალგია, ალოპეცია.

უკუჩვენება:
მომატებული მგრძნობელობა პრეპარატის მიმართ; ორსულობის პერიოდი (განსაკუთრებით I ტრიმესტრი), ძუძუთი კვების პერიოდი; კუჭ-ნაწლავის ავთვისებიანი წარმონაქმნები.

ურთიერთქმედება სხვა სამკურნალო საშუალებებთან:
ლანსოპრაზოლი განიცდის მეტაბოლიზმს ციტოქრომ P 450 ფერმენტული სისტემის მეშვეობით. კლინიკური მონაცემები მის არსებით ურთიერთქმედებაზე სხვა პრეპარატებთან, რომლებიც  მეტაბოლიზდებიან ამ სისტემით, როგორიცაა ანტიპირინი, დიაზეპამი, იბუპროფენი, ინდომეტაცინი, პერორალური კონტრაცეპტივები, ფენიტოინი, პრედნიზოლონი, პროპრანოლოლი, ვარფარინი, აღწერილი არ არის.  პრეპარატი ამცირებს თეოფილინის კლირენსს 10%-ით. ერთდროული გამოყენებისას ლანსოპრაზოლი მოქმედებს იმ პრეპარატების pH-დამოკიდებულ აბსორბციაზე, რომლებიც მიეკუთვნებიან სუსტი მჟავების ჯგუფს და ფუძეებს. სუკრალფატი
30%-ით ამცირებს პრეპარატის ბიოშეღწევადობას. ერთდროული გამოყენებისას ანტაციდები თრგუნავენ ლანსოპრაზოლის აბსორბციას (ანტაციდები ინიშნება ლან-30-ავერსის მიღებამდე 1 სთ-ით ადრე ან პრეპარატის გამოყენებიდან 1-2 სთ-ის შემდეგ). პრეპარატი თრგუნავს ამპიცილინის, დიგოქსინის, კეტოკონაზოლის, რკინის მარილების, ციანოკობალამინის შეწოვის პროცესს.
 
ჰიპერდოზირება:
სიმპტომები: აღწერილი არ არის.
მკურნალობა: რეკომენდებულია დაკვირვება, შემანარჩუნებელი და სიმპტომური თერაპიის ჩატარება. ჰემოდიალიზი არაეფექტურია.

ორსულობა და ლაქტაცია:
პრეპარატის გამოყენება ორსულობისა და ლაქტაციის პერიოდში არ არის რეკომენდებული.

განსაკუთრებული მითითებები:
მკურნალობის დაწყებამდე და მის შემდეგ საჭიროა ენდოსკოპიური კონტროლი კუჭ-ნაწლავის ტრაქტის ზედა ნაწილების ავთვისებიანი წარმონაქმნების არსებობის გამოსარიცხავად, რადგან ლანსოპრაზოლმა შეიძლება გამოიწვიოს დაავადების სიმპტომატიკის მასკირება და დიაგნოსტიკის გაძნელება. პრეპარატი სიფრთხილით ინიშნება ღვიძლის ან/და თირკმლის ფუნქციის დარღვევის დროს, აგრეთვე ხანდაზმულ პაციენტებში. არ არის რეკომენდებული ლანსოპრაზოლის დანიშვნა 18 წლამდე ასაკის ბავშვებსა და მოზარდებში, რადგან კლინიკური მონაცემები პრეპარატის გამოყენების უსაფრთხოებისა და ეფექტურობის შესახებ ამ ასაკობრივ ჯგუფში შეზღუდულია.

შეფუთვა:
10 კაფსულა კონტურულ უჯრედოვან შეფუთვაში, 3 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.
www.aversi.ge

ფარმაკოთერაპიული ჯგუფი:
ანთებისსაწინააღმდეგო პრეპარატი

ფარმაკოლოგიური თვისებები
ენზიმები ანუ ფერმენტები ორგანიზმის ცხოველქმედების საფუძველია, რომლებიც მონაწილეობენ თითქმის ყველა ბიოლოგიურ პროცესებში. მათი აქტივობის დაქვეითება ხშირად იწვევს მწვავე და ქრონიკული დაავადებების განვითარებას.
ფლოგენზიმი არის ორი ურთიერთშემავსებელი ფერმენტისა და რუტინის მიზანმიმართული კომბინაცია. ორგანიზმში მოხვედრისას ისინი შეიწოვებიან წვრილი ნაწლავით ინტაქტური მოლეკულების სახით, უერთდებიან რა სისხლის სატრანსპორტო ცილებს, ხვდებიან სისხლის ნაკადში. სისხლის ნაკადი მათ გადაიტანს პათოლოგიურ უბანში. ბრომელაინი და ტრიფსინი ხელს უწყობენ ანთებითი პროცესების მეტაბოლური პროდუქტების სწრაფ დახლეჩას, ხოლო რუტინი აღადგენს სისხლძარღვების განვლადობას, ამცირებს ჰემატომასა და შეშუპებას. პრეპარატის შემადგენლობაში შემავალი ფერმენტებები მოქმედებენ კომპლექსურად და ავლენენ ანთებისსაწინააღმდეგო, ფიბრინოლიზურ, თრომბოლიზურ, ანტიაგრეგანტულ და შეშუპების საწინააღმდეგო მოქმედებას. ფლოგენზიმი ამცირებს სისხლის სიბლანტეს, ხელს უშლის თრომბის წარმოქმნას და შლის უკვე წარმოქმნილ თრომბებს, აუმჯობესებს მიკროცირკულაციასა და სისხლძაღვების კედლების განვლადობას, რის შედეგად სწრაფად მცირდება შეშუპება, გაიწოვება ჰემატომები, მცირდება ტკივილი.
ფლოგენზიმი ამცირებს ინფილტრაციას, ზრდის ანთებითი დეტრიტის ელიმინაციას, ნეკროზულ და ანთებით ქსოვილებში აჩქარებს ნივთიერებათა ცვლის ტოქსიკური პროდუქტების ლიზისს.
ფლოგენზიმი ამცირებს თრომბოქსანის კონცენტრაციასა და თრომბოციტების აგრეგაციას. არეგულირებს სისხლის უჯრედების ადჰეზიას, ზრდის ერითროციტების ფორმის ცვლილების უნარს, არეგულირებს მათ პლასტიკურობას, აწესრიგებს ნორმალური დისკოციტების რაოდენობას და ამცირებს აქტიური თრომბოციტების რაოდენობას. ფლოგენზიმი აუმჯობესებს სისხლის სიბლანტეს, რაც იწვევს სისხლის მიკროცირკულაციისა და რეოლოგიური მახასიათებლების გაუმჯობესებას.
ფლოგენზიმი ამცირებს ჰორმონალური პრეპარატებით გამოწვეულ გვერდით ეფექტებს. ის ზრდის ანტიბიოტიკების ეფექტურობას და ამცირებს ანტიბიოტიკოთერაპიის გვერდით მოვლენებს.

ჩვენებები:
კომპლექსურ თერაპიაში:
ქირურგია. ოპერაციის შემდგომი მდგომარეობის მკურნალობა (ანთება, თრომბოზი და შეშუპება), შეხორცებითი დაავადების პროფილაქტიკა, ლიმფური შეშუპებების ოპერაციის შემდგომი მკურნალობა და პროფილაქტიკა.
ტრავმატოლოგია: მოტეხილობა, ამოვარდნილობა, დაჟეჟილობა, მყესების დაჭიმვა და გაწყვეტა, დამწვრობა.
ანგიოლოგია: ზედაპირული ვენების მწვავე თრომბოზები და თრომბოფლებიტები, პოსტთრომბოფლებიტური დაავადების მკურნალობა, ენდარტერიტი და ქვედა კიდურების არტერიების მაობლიტირებელი ათეროსკლეროზი, რეციდიული ფლებიტის პროფილაქტიკა და მკურნალობა.
უროლოგია: შარდ-სასქესო ტრაქტის მწვავე და გამწვავებული ანთებების მკურნალობა, ცისტიტი, ურეთრიტი, ცისტოპიელიტი, პროსტატიტი.
გინეკოლოგია: მწვავე და ქრონიკული ანთებითი დაავადებების მკურნალობა (ადნექსიტი, სალპინგოოფორიტი); მასტოპათია, კლიმაქტერიული პერიოდის გამწვავება. ჩანაცვლებითი ჰორმონოთერაპიის გართულებების გამოხატულებისა და სიხშირის შემცირება.
კარდიოლოგია: მიოკარდის ინფარქტის შემდგომი მდგომარეობა (სისხლის რეოლოგიური თვისებების გაუმჯობესება), გულის იშემიური დაავადება.
გასტროენტეროლოგია: მწვავე ჰეპატიტი, ქრონიკული ჰეპატიტის გამწვავება.
რევმატოლოგია: რევმატოიდული არტრიტის გამწვავება, ბეხტერევის დაავადება. რეაქციული ართრიტი, ოსტეოართრიტი გამწვავების პერიოდში, რბილი ქსოვილების რევმატიზმი.
ნევროლოგია: გაფანტული სკლეროზი

მიღების წესი და დოზირება:
დაავადების სიმძიმიდან გამომდინარე – 2-4 ტაბლეტი სამჯერ დღეში;
დაავადების მაღალი აქტივობისას პრეპარატის რეკომენდებული დოზაა 3-4 ტაბლეტი დღეში 2-3 კვირის განმავლობაში.
დაავადების საშუალო სიმძიმისას – 3 ტაბლეტი სამჯერ დღეში 2-3 კვირის განმავლობაში.
დაავადების დაბალი აქტივობისას ან ქრონიკულად მიმდინარეობის დროს 2 ტაბლეტი სამჯერ დღეში, კურსის ხანგრძლივობა 2-6 თვემდე და მეტხანს.
პრეპარატი მიიღება ჭამამდე არანაკლებ 30 წუთით ადრე, დაუღეჭავად 150-200 მლ წყალთან ერთად.
ანტიბიოტიკების მოქმედების გასაძლიერებლად ფლოგენზიმი ინიშნება ანტიბიოტიკოთერაპიის მთელი კურსის მანძილზე, დოზით 3 ტაბლეტი სამჯერ დღეში.

უკუჩვენებები:
-ზემგრძნობელობა პრეპარატის ცალკეული კომპონენტების მიმართ;
-სისხლის შედედების თანდაყოლილი ან შეძენილი მძიმე დარღვევების (მაგ. ჰემოფილია) დროს.
ჰემოდიალიზის დროს ფლოგენზიმის მიღებისას აუცილებელია ექიმის კონსულტაცია.

განსაკუთრებული მოთითებანი:
ინფექციური დაავადებების დროს ფლოგენზიმი არ ცვლის ანტიბიოტიკებს, მაგრამ ზრდის მათ ეფექტურობას. პრეპარატი არ არის უკუნაჩვენები ორსულობისა და ლაქტაციის დროს, მაგრამ ინიშნება ექიმის მკაცრი მეთვალყურეობის ქვეშ. ფლოგენზიმით მკურნალობის დასაწყისში შესაძლებელია დაავადების სიმპტომების გამწვავება. ეს აიხსნება ორგანიზმის რეაქციით თერაპიაზე. ამ შემთხვევაში არ არის სასურველი პრეპარატის მოხსნა, რეკომენდებულია მხოლოდ დოზის დროებითი შემცირება.
საყურადღებოა, რომ პრეპარატი არ ახდენს გავლენას მძღოლებსა და იმ პირებზე, რომელთა საქმიანობა სწრაფ რეაქციას მოითხოვს.

გვერდითი მოქმედება:
ფლოგენზიმი კარგად გადაიტანება პაციენტების მიერ. გვერდითი მოვლენები არ აღინიშნება ხანგრძლივი მკურნალობის დროსაც. ერთეულ შემთხვევებში ადგილი აქვს დეფეკაციის გახშირებას, კალის კონსისტენციისა და სუნის ცვლილებას. იშვიათად ვლინდება ალერგიული რეაქცია, რომელიც სწრაფად ქრება პრეპარატის მიღების შეწყვეტისას. პრეპარატის დიდი დოზებით მიღებამ შესაძლოა გამოიწვიოს გადავსების შეგრძნება, ამიტომ დღიური დოზა უნდა დაიყოს რამდენიმე მიღებად.

შენახვის პირობები და ვარგისიანობის ვადა:
აღნიშნულია შეფუთვაზე. დაუშვებელია პრეპარატის გამოყენება ვარგისიანობის ვადის გასვლის შემდეგ.
ინახება ოთახის ტემპერატურაზე, ბავშვებისთვის მიუწვდომელ ადგილას.

მწარმოებელი: MUCOS Pharma GmbH & Co (გერმანია)

ქვეყანა: გერმანია

მწარმოებელი: ტაკედა გმბჰ

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ქვეყანა: ავსტრია

მწარმოებელი: ტაკედა ავსტრია გმბჰ

გაცემის ფორმა: II ჯგუფი რეცეპტული

ფესტალი
(Festal)

შემადგენლობა და გამოშვების ფორმა
დრაჟე: შეფუთვაში 100 ც.
1 დრაჟე
პანკრეატინი…………………………………………………….192 მგ
მინიმალური ფერმენტული აქტივობით:
ამილაზა…………………………………………………………4500 სე
ლიპაზა………………………………………………………….6000 სე
პროტეაზები…………………………………………………….300 სე

კლინიკურ-ფარმაკოლოგიური ჯგუფი
ფერმენტული საშუალება.

ფარმაკოლოგიური თვისებები
პრეპარატი მაღალი კონცენტრაციით შეიცავს საჭმლისმომნელებელ, კუჭქვეშა ჯირკვლის ფერმენტებს. იგი ხელს უწყობს ცხიმების, ცილებისა და ნახშირწყლების მონელების პროცესს, რაც იწვევს წვრილი ნაწლავიდან მათ მთლიან შეწოვას. კუჭქვეშა ჯირკვლის დაავადების დროს ფესტალი ხელს უწყობს ეგზოკრინული ფუნქციის უკმარისობის კომპენსაციას და უზრუნველყოფს საჭმლის მონელების პროცესის და კუჭ-ნაწლავის ტრაქტის ფუნქციური მდგომარეობის გაუმჯობესებას. პრეპარატს გააჩნია დამცავი გარსი, რომელიც წვრილ ნაწლავში მოხვედრამდე არ იხსნება, რითაც იცავს მასში შემავალ ფერნმენტებს კუჭის წვენის ზემოქმედებისაგან. 

ჩვენებები
– კუჭის ავსების შეგრძნება ან მეტეორიზმი, რომელიც გამოწვეულია ცხიმიანი ან ზედმეტი საკვების მიღებით;
– საჭმლისმონელების პროცესის დარღვევა, რაც დაკავშირებულია საღეჭი ფუნქციის მოშლასთან, აგრეთვე პაციენტის ხანგრძლივ იმობილიზაციასთან;
– ჩანაცვლებითი თერაპიისათვის კუჭქვეშა ჯირკვლის გარესეკრეტული უკმარისობის დროს.

დოზირების რეჟიმი
პრეპარატი ინიშნება საჭმლის მიღების დროს 2-3 დრაჟეს ოდენობით. დრაჟე უნდა მივიღოთ მთლიანად, მცირე რაოდენობის სითხის მიყოლებით. აუცილებლობის შემთხვევაში დოზა შესაძლოა გავზარდოთ. მკურნალობის ხანგრძლივობა დგინება ინდივიდუალურად.

გვერდითი მოვლენები
კუჭ-ნაწლავის ტრაქტის მხრივ: მაღალი დოზით პრეპარატის მიღებისას იშვიათად აღინიშნება დიარეა, გულისრევა, ეპიგასტრალურ მიდამოში ტკივილი.
ალერგიული რეაქციების მხრივ: კანის სიწითლე, ცემინება, ცრემლდენა.

უკუჩვენებები
– პრეპარატის შემადგენლობაში შემავალი კომპონენტების მიმართ მომატებული მგრძნობელობა.
– მწვავე პანკრეატიტი;
– ქრონიკული პანკრეატიტი გამწვავების ფაზაში.

განსაკუთრებული მითითებები
პრეპარატის გამოყენება ორსულობისა და ლაქტაციის პერიოდში დასაშვებია.
პაციენტებში, რომლებმაც გადაიტანეს მწვავე პანკრეატიტი, ან აღენიშნებათ ქრონიკული პანკრეატიტის გამწვავება, ფესტალის გამოყენება შესაძლებელია მხოლოდ ექიმთან კონსულტაციის შემდეგ.

ჭარბი დოზირება
არ არის აღწერილი.

სხვა წამლებთან ურთიერთქმედება
არ არის აღწერილი.

შენახვის პირობები და ვადა
პრეპარატი ინახება ოთახის ტემპერატურაზე, გრილ, სინათლისაგან დაცულ ადგილას.
ვარგისიანობის ვადა – 3 წელი.

Aventis PHARMA Limited India

ქვეყანა: ავსტრია

მწარმოებელი: ტაკედა ავსტრია გმბჰ

გაცემის ფორმა: III ჯგუფი ურეცეპტო