მწარმოებელი: AVENTIS PASTEUR

კლინიკურ-ფარმაკოლოგიური ჯგუფი:

კომბინირებული ვაქცინა დიფტერიის, ტატანუსის, ყივანახველის და პოლიომიელიტის საწინააღმდეგო

შემადგენლობა და გამოშვების ფორმა:

სუსპენზია ინექციისათვის: ფლაკონში 5 მლ (10 დოზა), შეფუთვაში 10 ც.

ვაქცინა

მწარმოებელი: IMMUNOPREPARAT, რუსეთი

მოქმედი ნივთიერება: ანტიტოქსინი

კლინიკურ-ფარმაკოლოგიური ჯგუფი:

ტეტანუსის საწინააღმდეგო შრატი.

შემადგენლობა და გამოშვების ფორმა:

საინეციო ხსნარი: ამპულაში 2, 3 და 5 მლ.

1 დოზა

ანტიტოქსინი ................      300 სე

საინექციო ხსნარი: ამპულაში 10 და 2 მლ.

1 დოზა

ანტიტოქსინი .............         10000 სე

1 დოზა

ანტიტოქსინი ....................   20000 სე

1 დოზა

ანტიტოქსინი ....................  50000 სე

ფარმაკოლოგიური თვისებები:

პრეპარატი წარმოადგენს სპეციფიკური იმუნოგლობულინების შემცვლელ ცხენის სისხლის შრატის ცილოვან ფრაქციას, ჰიპერიმუნიზირებულს ტეტანუსის ანატოქსინით ან ტოქსინით, რომელიც გაწმენდილია და კონცენტრირებულია პეპტიური გადახარშვის ერთ-ერთი მეთოდით. კონსერვანტი - ქლოროფორმი 0.5%.

პრეპარატი წარმოადგენს გამჭირვალე ან სუსტად ოპალესცირებულ უფერო ან მოყვითალო ხსნარს ნალექის გარეშე.

ბიოლოგიური და იმუნობიოლოგიური თვისებები: პრეპარატი შეიცავს ანტიტოქსინებს, რომლებიც ანეიტრალებენ ტეტანუსის ტოქსინს.

ჩვენებები:

• ტეტანუსის მკურნალობა და მისი სწრაფი სპეციფიკური პროფილაქტიკა.

მიღების წესი და დოზირება:

ტეტანუსის მკურნალობა:

სამკურნალოდ პრეპარატი შეყავთ დაავადების დაწყებიდან ადრეულ პერიოდში დოზით 100000-200000 სე. შრატში შეჰყავთ ინტრავენურად ან ზურგის ტვინის არხში. დაავადების სიმძიმის მიხედვით შრატის შეყვანა მეორდება რეფლექსური კრუნჩხვების გაქრობამდე.

ტეტანუსის სასწრაფო პროფილაქტიკა:

იგი ითვალისწინებს ჭრილობის პირველად ქირურგიულ დამუშავებას და აუცილებლობის შემთხვევაში ტეტანუსის საწინააღმდეგო სპეციფიკური იმუნიტეტის ჩამოყალიბებას.

ტეტანუსის სწრაფი პროფილაქტიკა ტარდება:

- ტრავმების, კანისა და ლორწოვანი გარსების მთლიანობის დარღვევისას;

- მოყინვისა და დამწვრობის დროს (მეორე, მესამე და მეოთხე ხარისხი);

- აბორტები, ჩატარებული სტაციონარის გარეთ;

- მშობიარობა სამედიცინო დაწესებულების გარეთ;

- ქსოვილების ნებისმიერი სახის განგრენა ან ნეკროზი, აბსცესი;

- ცხოველების ნაკბენები;

- კუჭ-ნაწლავის ტრაქტის გამჭოლი დაზიანებები.

ტეტანუსის სწრაფი პროფილაქტიკისათვის გამოიყენებენ:

- ტეტანუსის საწინააღმდეგო ანატოქსინს;

- ტეტანუსის საწინააღმდეგო ადამიანის იმუნოგლობულინს, ან ტეტანუსის საწინააღმდეგო თხიერ შრატს გაწმენდილს პეპტიური გადახარშვით.

ტეტანუსის საწინააღმდეგო ანატოქსინი შეჰყავთ კანქვეშ ბეჭის ქვეშ.

ტეტანუსის საწინააღმდეგო ადამიანის იმუნოგლობულინი დოზით 250 სე შეჰყავთ კუნთებში დუნდულოს ზედა გარეთა კვადრატში.

ტეტანუსის საწინააღმდეგო შრატი სასწრაფო პროფილაქტიკის მიზნით შეჰყავთ კანქვეშ დოზით 3000 სე. მისი შეყვანის წინ აუცილებელია კანის სინჯის ჩატარება უცხო ცილაზე მგრძნობელობის დასადგენად განზავებული 1:100 შრატით, რომელიც ინახება კოლოფში პრეპარატით (ამპულა მარკირებულია წითელი ფერით).

კანქვეშა სინჯის ჩასატარებლად იყენებენ ინდივიდუალურ ამპულას, აგრეთვე სტერილურ შპრიცს დანაყოფით 0.1 მლ და წვრილ ნემს. განზავებული შრატი შეყავთ კანში წინა მხრის მომხრელ ზედაპირზე. რეაქციის აღრიცხვა ხდება 20 წუთის შემდეგ. სინჯი უარყოფითია, თუ შეშუპება ან სიწითლე შეყვანის ადგილას ნაკლებია 1 სმ-ზე. სინჯი დადებითია, თუ შეშუპება ან სიწითლე აღწევს დიამეტრში 1 სმ-ზ მეტს.

კანის უარყოფითი სინჯის შემდეგ ტეტანუსის საწინააღმდეგო შრატის 0.1 მლ (ამპულა მარკირებულია ლურჯი ფერით) შეყავთ კანქვეშ.

თუ რეაქცია არ აღინიშნება, 30 წუთის შემდეგ შეჰყავთ სტერილური შპრიცით დარჩენილი დოზა. ამპულა დარჩენილი შრატით ინახება დახურული სტერილური საფენით. პაციენტებში დადებითი კანქვეშა სინჯით, ან ანაფილაქსიური რეაქციის შემთხვევაში კანქვეშა ინექციის 0.1 მლ-ის შეყვანის დროს, დარჩენილი დოზის შეყვანა წინააღმდეგნაჩვენებია. ასეთ შემთხვევაში, შეყავთ ტეტანუსის საწინააღმდეგო ადამიანის იმუნოგლობულინი.

ტეტანუსის სპეციფიკური პროფილაქტიკა ხორციელდება შემდეგი პირობების დაცვით:

- ამპულის გახსნა და ტეტანუსის საწინააღმდეგო შრატის და ანატოქსინის შეყვანა ხდება ასეპტიკის და ანტისეპტიკის წესების მკაცრი დაცვით;

- დაუშვებელია პრეპარატის გამოყენება, თუ დარღვეულია ამპულის მთლიანობა, მარკირება, მისი ფიზიკური თვისებების შეცვლით (ნალექი, მინარევი, მღვრიე შრატი);

- ტეტანუსის ანატოქსინის შეყვანის წინ საჭიროა ამპულის შენჯღრევა ჰომოგენური სითხის მიღებამდე;

- გახსნილი ამპულის შენახვა დაუშვებელია.

პრეპარატის შეყვანა რეგისტრირდება სპეციალურ ფორმებში, სადაც მითითებულია აცრის თარიღი, დოზა, პრეპარატის გამომშვები დაწესებულება, სერიის ნომერი, რეაქცია პრეპარატის შეყვანაზე.

უკუჩვენებები:

* პრეპარატის შეყვანის შემდეგ შეიძლება განვითარდეს სხვადასხვა ალერგიული რეაქციები: მაშინვე, ან რამდენიმე საათის შემდეგ. ადრეული - მე-2-6 დღეს შეყვანიდან და მოგვიანებით - შეყვანიდან მეორე კვირას და უფრო გვიან. აღნიშნული რეაქციები ვლინდება შრატის მიერი დააავადების სიმპტომოკომპლექსით (სხეულის ტემპერატურის მომატება, ქავილი, გამონაყარი კანზე, ტკივილი სახსრებში და სხვა), იშვიათ შემთხვევაში ანაფილაქსური შოკით. შოკის განვითარების საშიშროების გამო აცრილი პაციენტი უნდა იმყოფებოდეს ექიმის მეთვალყურეობის ქვეშ 1 საათის განმავლობაში. აცრების ჩატარების ადგილი უზრუნველყოფილი უნდა იყოს შოკის საწინააღმდეგო თერაპიის საშუალებებით.

* ტეტანუსის საწინააღმდეგო შრატით აცრილი პირები უნდა იყვნენ გაფრთხილებულნი, რომ უნდა მიმართონ სამედიცინო დაწესებულებას შრატისმიერი დაავადების სიმპტომების გაჩენის შემთხვევაში.

* ტეტანუსის საწინააღმდეგო შრატის შეყვანისას აღინიშნება როგორც ზოგადი რეაქციები, რომელიც გამოიხატება შეუძლოდ ყოფნაში და სხეულის ტემპერატურის მომატებაში, ასევე ადგილობრივი რეაქციები - სიწითლე, შეშუპება, მტკივნეულობა, რომელიც გაივლის 24-48 საათის შემდეგ. იშვიათ შემთხვევაში შეიძლება განვითარდეს შოკი.

* ტეტანუსის საწინააღმდეგო შრატის სამკურნალოდ გამოყენებას წინააღმდეგჩვენება არ აქვს.

*  წინააღმდეგჩვენება სპეციფიკური საშუალებების გამოსაყენებლად ტეტანუსის სასწრაფო პროფილაქტიკისათვის: მომატებული მგრძნობელობა პრეპარატის მიმართ ანამნეზში.

ორსულობა და ლაქტაცია:

! ორსულობის პირველ ნახევარში წინააღმდეგანაჩვენებია ტეტანუსის საწინააღმდეგო ანატოქსინის და ტეტანუსის საწინააღმდეგო შრატის შეყვანა;

! მეორე ნახევარში წინააღმდეგნაჩვენებია ტეტანუსის საწინააღმდეგო შრატის შეყვანა.

განსაკუთრებული მითითებები:

1. ტეტანუსის სასწრაფო პროფილაქტიკისათვის შეიძლება გამოვიყენოთ ადს-მ-ანატოქსინი.

2. შეიძლება გამოვიყენოთ ტეტანუსის საწინააღმდეგო ადამიანის იმუნოგლობულინი, ან ტეტანუსის საწინააღმდეგო შრატი. უპირატესობა ეძლევა ტეტანუსის საწინააღმდეგო ადამიანის იმუნოგლობულინს, ხოლო თუ იგი არ არის, საჭიროა ტეტანუსის საწინაღმდეგო შრატის შეყვანა.

3. აღნიშნული ეხება როგორც ბავშვებს, ასევე მოზარდებს, რომლებსაც აცრები ჩაუტარდათ კალენდარული ცხრილის გარეშე, მაგრამ გაიარეს რევაქცინაცია: გეგმიური ან სასწრაფო რევაქცინაცია ტრავმების გამო შეიძლება ჩატარდეს არანაკლებ 5 წელიწადში ერთხელ;

4. დაინფიცირებული ჭრილობების დროს, თუ უკანასკნელი რევაქცინაციის შემდეგ გასულია 5 წელზე მეტი, შეჰყავთ ტეტანუსის საწინააღმდეგო ანატოქსინის 0.5 მლ.

5. ტეტანუსის საწინააღმდეგო ანატოქსინით სრული იმუნიზაციის კურსი მოზრდილებისთვის შედგება 2 აცრისგან. თითოეული 0.5 მლ, ინტერვალით 30-40 დღე და რევაქცინაციით 6-12 თვის შემდეგ იგივე დოზით. შემოკლებული კურსი მოიცავს ერთჯერად პირველად ვაქცინაციას ტეტანუსის საწინააღმდეგო ანატოქსინით გაორმაგებული დოზით (1 მლ) და რევაქცინაციას 6-12 თვის შემდეგ, დოზით 0.5 მლ;

6. ორი აცრა იმუნიზაციის ჩვეულებრივი სქემით (მოზრდილებისათვის და ბავშვებისათვის) და 1 აცრა იმუნიზაციის შემოკლებული სქემით მოზრდილებისათვის.

7. ინფიცირებული ჭრილობების დროს შეჰყავთ ტეტანუსის საწინააღმდეგო ადამიანის იმუნოგლობულინი, ან ტეტანუსის საწინააღმდეგო შრატი.

8. ყველა პირი, რომელმაც გაიარა აქტიურ-პასიური პროფილაქტიკა, იმუნიზაციის კურსის გასავლელად და ტეტანუსის საწინააღმდეგო შრატის 6-12 თვის შემდეგ განმეორებითი შეყვანის თავიდან ასაცილებლად, საჭიროებს რევაქცინაციას 0.5 მლ ტეტანუსის საწინააღმდეგო ანატოქსინით.

შენახვის პირობები:

პრეპარატი ინახება ბნელ, ბავშვებისაგან დაცულ ადგილას, ჰაერის შედარებითი ტენიანობით არა უმეტეს 60% 5±3⁰C ტემპერატურის პირობებში; შრატი, რომელიც დაექვემდებარება გაყინვას შემდგომი გალღობით, მაგრამ არ შეიცვალა ფიზიკური თვისებები, ვარგისია გამოყენებისათვის.

დასაშვებია მისი ტრანსპორტირება ყველა სახის დახურული ტრანსპორტით 5±3⁰C  ტემპერატურის პირობებში. არ შეიძლება ვადაგასული პრეპარატის გამოყენება.

ვარგისიანობის ვადა: 3 წელი.

ზოგადი დახასიათება:

საერთაშორისო და ქიმიური დასახელება : Testosterone propionate; 3- ოქსოანდროსტ -4- ენ -17 ß - ილ პროპიონატი ;

ძირითადი ფიზიკო - ქიმიური თვისებები : ღია მწვანე ან ღია ყვითელი ფერის ზეთოვანი სითხე , სპეციფიკური სუნით ;

შემადგენლობა : 1 მლ შეიცავს ტესტოსტერონ პროპიონატის 0,01 გ ან 0,05 გ ;

დამხმარე ნივთერებები : ეთილოლეატი

საინექციო ხსნარი , ეთილოლეატში

ანდროგენები

ტესტოსტერონ პროპიონატს ახასიათებს სპეციფიკური ანდროგენური მოქმედება: ასტიმულირებს გარეთა სასქესო ორგანოების, პროსტატის, სათესლე პარკების*   განვითარებასა და ფუნქციას, ასევე მეორადი სასქესო ნიშნების განვითარებას ( ხმა, თმის საფარველი). მონაწილეობს სხეულის კონსტიტუციის ჩამოყალიბებაში და მამაკაცის სქესობრივ ქცევაში, აძლიერებს ლიბიდოსა და პოტენციას, ასტიმულირებს სპერმატოგენეზს. ამცირებს ლუთეოტროპული და ფოლიკულომასტიმულირებელი ჰორმონების გამომუშავებას. ტესტოსტერონი წარმოადგენს ქალის სასქესო ჰორმონების – ესტროგენების ანტაგონისტს, აქვს სიმსივნის საწინააღმდეგო მოქმედება ქალებში სარძევე ჯირკვლის სიმსივნის დროს. ახდენს ანაბოლურ მოქმედებას, რაც ვლინდება ცილის სინთეზის სტიმულაციით, ცხიმის ჩალაგების შემცირებით,   ორგანიზმში ცილის სინთეზისთვის აუცილებელი კალიუმის, ფოსფორის, გოგირდის შეკავებით, ძვლებში კალციუმის ფიქსაციის გაძლიერებით და კუნთოვანი მასის გაზრდით. საკმარისი ცილოვანი საკვების მიწოდების შემთხვევაში ასტიმულირებს ერითროპოეტინების წარმოქმნას.

ფარმაკოკინეტიკა:

კუნთში ან კანქვეშა ინექციის შემდეგ ნელა აბსორბირდება ინექციის ადგილიდან. სისხლში მოცირკულირე ტესტოსტერონი ხვდება სამიზნე ორგანოებში, სადაც აღდგება 5- α- დიჰიდროტესტოსტერონად, რომელიც ურთიერთქმედებს უჯრედის მემბრანის რეცეპტორებთან და აღწევს უჯრედის ბირთვში. პრეპარატის 98%- მდე სისხლის პლაზმაში უკავშირდება ცილებს, ძირითადად გლობულინებს. მეტაბოლიზდება ღვიძლში მცირედ აქტიურ და არააქტიურ მეტაბოლიტებამდე, რომლებიც ორგანიზმიდან გამოიყოფა შარდით. პრეპარატის დაახლოებით 6% გამოიყოფა ნაწლავების გზით შეუცვლელი სახით.

ჩვენებები:

ჩანაცვლებითი თერაპია პირველადი და მეორადი ჰიპოგონადიზმის , ევნუქოიდიზმის   დროს ;   ენდოკრინული გენეზის იმპოტენცია , პოსტკასტრაციული სინდრომი , მამაკაცის კლიმაქსი ; უნაყოფობა სპერმატოგენეზის დარღვევის შედეგად , ოლიგოსპერმია ; ოსტეოპოროზი , გამოწვეული ანდროგენების დეფიციტით , აკრომეგალია , პროსტატის ჰიპერტროფიის საწყისი სტადიები ; ჰორმონდამოკიდებული სიმსივნეები ქალებში ( სარძევე ჯირკვლების , საკვერცხეების კიბო ), კლიმაქტერული დარღვევები ქალებში ( ესტროგენებთან ერთად ); ფუნქციური სისხლდენა   ჰიპერესტროგენიზმის დროს ; მასტოპათია , სარძევე ჯირკვლების პრემენსტრუალური მტკივნეული დაჭიმულობით ; ენდომეტრიოზი , საშვილოსნოს მიომა ; ანემიის მკურნალობა ქალებსა და მამაკაცებში ეთიოტროპული მკურნალობის უეფექტობის შემთხვევაში ( ეთიოტროპულ თერაპიასთან ერთად ). როგორც ანაბოლური საშუალება , ტესტოსტერონ პროპიონატი ნაჩვენებია სხვადასხვა პათოლოგიური მდგომარეობების დროს , რომელთაც თან ახლავს ცილის გაძლიერებული დაშლა ( ქრონიკული ინფექციური დაავადებები , გამოფიტვა , ქირურგიული ჩარევები , მძიმე ტრავმები , ძირითადად მამაკაცებში ).

მიღების გზები და დოზირება:

მამაკაცებში ევნუქოიდიზმის , სასქესო ორგანოების თანდაყოლილი განუვითარებლობის დროს , მათი ქირურგიული გზით ან ტრავმის შედეგად მოცილების შემთხვევაში , ასევე აკრომეგალიის დროს – ინიშნება კუნთში ან კანქვეშ 20-25 მგ დღეგამოშვებით ან 2 დღის გამოტოვებით .  მკურნალობის კურსის ხანგრძლივობა დამოკიდებულია თერაპიის ეფექტურობასა და დაავადების ხასიათზე . კლინიკური სურათის გაუმჯობესების შემდეგ ტესტოსტერონ პროპიონატი   შეჰყავთ შემანარჩუნებელი დოზით 5-10 მგ ყოველდღე ან დღეგამოშვებით . ენდოკრინული გენეზის იმპოტენციის დროს , ასევე მამაკაცის კლიმაქსის დროს , რომელსაც თან ახლავს სისხლძარღვოვანი ან ნერვული დარღვევები , ტესტოსტერონ პროპიონატი ინიშნება 10 მგ ყოველდღე ან 25 მგ 2-3- ჯერ კვირაში 1-2 თვის მანძილზე . მამაკაცის უნაყოფობის მკურნალობის მიზნით პრეპარატი ინიშნება დოზით 10 მგ კვირაში ორჯერ 4-6 თვის განმავლობაში ან 50 მგ დღეგამოშვებით 10 დღის მანძილზე . მამაკაცის კლიმაქსის პათოლოგიური მიმდინარეობისას პრეპარატი ინიშნება 25 მგ 2- ჯერ კვირაში 2 თვის მანძილზე ერთთვიანი ინტერვალით . პროსტატის ჰიპერტროფიის საწყის სტადიებზე – 10 მგ 2 დღეში ერთხელ 1-2 თვის განმავლობაში .

ქალებში 45 წლის ზემოთ დისფუნქციური საშვილოსნოსმიერი სისხლდენების დროს ინიშნება 10-25 მგ 20-30 დღის განმავლობაში სისხლდენის შეწყვეტამდე და საშოს ნაცხში ატროფიული უჯრედების გაჩენამდე .

გვერდითი ეფექტები:

პრიაპიზმი , გაძლიერებული სქესობრივი აქტივობა , ლიბიდოს გაძლიერება და ხშირი ერექცია , გინეკომასტია , შეშუპებები , ჰიპერკალცემია , თავბრუსხვევა , გულისრევა . ბიჭებში – ნაადრევი სქესობრივი მომწიფება სასქესო ორგანოების ზომების გადიდებით , ძვლების ეპიფიზების ნაადრევი დახურვა . შესაძლოა თრომბოფლებიტის , ქოლესტაზური სიყვითლის განვითარება , ამინოტრანსფერაზების დონის მატება , ინექციის ადგილის მტკივნეულობა , სიწითლე და ქავილი . ქალებში შეიძლება აღინიშნოს მასკულინიზაციის ( ვირილიზმის ) მოვლენები : ხმის დაბოხება , თმის ჭარბი ზრდა სახესა და ტანზე , სახის პასტოზურობა .

უკუჩვენებები:

პრეპარატის ინდივიდუალური აუტანლობა , პროსტატის კიბო , გინეკომასტია , ღვიძლისა და თირკმლების ფუნქციების დარღვევა , ჰიპერკალცემია , გულის უკმარისობა , ავადმყოფების მნიშვნელოვანი ასთენიზაცია , მამაკაცის ხანდაზმული ასაკი , ბიჭებში პრეპუბერტული პერიოდი , ქალებში ორსულობისა და ლაქტაციის პერიოდები .

ჭარბი დოზირება:

პრეპარატის მაღალი დოზებით ან ხანგრძლივად გამოყენებისას ხშირად ვითარდება გვერდითი ეფექტები , რომლებიც აღწერილია შესაბამის განყოფილებაში . ამ შემთხვევაში პრეპარტს ხსნიან , ხოლო ანდროგენდამოკიდებული გვერდითი ეფექტების გაქრობისას განაახლებენ მკურნალობას შემცირებული დოზებით . საჭიროების შემთხვევაში ატარებენ სიმპტომურ თერაპიას .

გამოყენების თავისებურებები:

მკურნალობის პროცესში აუცილებელია ავადმყოფის მდგომარეობის კონტროლი

გულის უკმარისობის , არტერიული ჰიპერტენზიის , ეპილეფსიის , შაკიკის , თირკმლის ფუნქციის დარღვევის შემთხვევაში .

ურთიერთქმედება:

კომბინაციაში გამოყენებისას იმ საშუალებებთან ერთად , რომლებიც წარმოადგენს ღვიძლის მიკროსომული ფერმენტების ინდუქტორებს – ბარბიტურატები , რიფამპიცინი , კარბამაზეპინი ,   ფენილბუტაზონი , ფენიტოინი , ტესტოსტერონის ეფექტი შეიძლება შემცირდეს . მკვეთრად გამოხატული ჰიპოგონადიზმის დროს ტესტოსტერონ პროპიონატი შეიძლება დაინიშნოს ფარისებრი ჯირკვლის ფუნქციის მასტიმულირებელ პრეპარატებთან , ესტროგენებთან   ერთად . აძლიერებს ანაბოლური საშუალებების , ვიტამინების , კალციუმის , ფოსფორის შემცველი პრეპარატების მოქმედებას .

შენახვის ვადა და პირობები:

ინახება სინათლისგან დაცულ და ბავშვებისთვის მიუწვდომელ ადგილას , 15-25 °C ტემპერატურაზე . პრეპარატის გაცივებისას , გამოყენებამდე საჭიროა ამპულის გათბობა

20 °C ტემპერატურამდე .

შენახვის ვადა - 2 წელი .

აფთიაქიდან გაცემის პირობები:

რეცეპტით .

შეფუთვის ფორმა:

ამპულაში – 1 მლ ; 5 ან 10 ამპულა ყუთში .

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

შარდ-სასქესო სისტემის დაავადებების სამკურნულო ჰომეოპათიური საშუალება.

შემადგენლობა და გამოშვების ფორმა:

საინექციო ხსნარი: ამპულაში 2.2 მლ, შეფუთვაში 10 და 10 ც.

100 მლ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• ორგანოთა ფუნქციების სტიმულირება, მათ შორის იმპოტენცია, ნაადრევი ეაკულაციის, გამოფიტვის, ოსტეომალაციის, ღამის შარდის შეუკავებლობის, პროგრესირებადი კუნთოვანი დისტროფიის, შაქრიანი დიაბეტის და ნივთიერებათა ცვლის სხვა დარღვევების შემთხვევაში;
• აგრეთვე ღვიძლის დაზიანების დროს;
• პრეპარატი გამოიყენება გერიატრიაში;
• პროსტატის ადენომის, ჰიპერტონიის, პერიფერიული სისხლმიმოქცევის დარღვევის, სიმსივნური წარმონაქმნების შემთხვევაში.

მიღების წესი და დოზირება:

ჩვეულებრივ ინიშნება ერთი ამპულა 1-3-ჯერ კვირაში კანქვეშ, კუნთებში, საჭიროების შემთხვევაში ვენაში.

გვერდითი მოვლენები:

არ გააჩნია.

განსაკუთრებული მითითებები:

ფარისებრი ჯირკვლის დაავადებისას არ მიიღება ექიმის დანიშნულების გარეშე.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისთვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

CEFTRIAXONE

მწარმოებელი: BALKANPHARMA-RAZGRAD, ბულგარეთი

მოქმედი ნივთიერება: ცეფტრიაქსონი

კლინიკურ-ფარმაკოლოგიური ჯგუფი:

ცეფალოსპორინების ჯგუფის ანტიბიოტიკი.

შემადგენლობა და გამოშვების ფორმა:

ფხვნილი საინექციო ხსნარის მოსამზადებლად:

ფლაკონში, შეფუთვაში 5 ც.

1 ფლ.

ცეფტრიაქსონი ........    1 გ

ფარმაკოლოგიური თვისებები:

ტერცეფი წარმოადგენს მესამე თაობის ცეფალოსპორინების ჯგუფის ანტიბიოტიკს ფართო სპექტრის ანტიმიკრობული მოქმედებით. მისთვის დამახასიათებელია ნახევარგამოყოფის ხანგრძლივი პერიოდი, მაღალი აქტივობა სხვადასხვა სახის ბაქტერიების, განსაკუთრებით გრამუარყოფითი მიკროორგანიზმების მიმართ.

ტერცეფის ბაქტერიციდული მოქმედების მექანიზმი, როგორც პენიცილინებთან ახლოს მდგომი სხვა ცეფალოსპორინების, მდგომარეობს უჯრედის გარსის ბიოსინთეზის ინჰიბირებაში.

იგი აქტიურია შემდეგი მიკროორგანიზმების მიმართ: ფაკულტატური ანაერობები -Staphilococcus aureus (პენიცილინაზაწარმომქმნელი შტამების ჩათვლით), Staphilococcus epidermidis, Streptococcus pneumoniae, ბეტა-ჰემოლიზური სტრეპტოკოკები A ჯგუფის (S.pyrogens )სტრეპტოკოკები Bჯგუფის (S.agalactiae)  Streptococcus viridans, არაენტეროკოკური სტრეპტოკოკები D ჯგუფის; Escherichia coli, Haemophilus influenzae, Haemophilus parainfluenzae, Haemophilus dicreyi, Klebsiella spp., Moraxella spp., Morganella morganii, Neisseria gonorrhoeae Neisseria meningitidis, Plesiomonas shigelloides, Proteus mirabilis, Proteus vulgaris, Providencia spp., Pseudomonas aeruginosa, (ზოგიერთი შტამები მდგრადია), Salmonella spp. (S.typhi ჩათვლით), Serratia spp. (მათ შორის S.marcescens) Shigella spp., Vibrio spp., (მათ შორის V.cholerae) Yersinia spp., (მათ შორის Y.enterocoliticva). მკრთალი სპიროქეტას - Treponema pallidum; აერობების - Neisseria meningitidis,Pseudomonas aeruginosa;  ობლიგატური ანაერობები - ბაქტეროიდების ნაირსახეობანი(ზოგიერთი შტამების ჩათვლით B.fragilis), Clostridium (C.difficile-ს უმეტესი შტამები ხასიათდებიან რეზისტენტობით), Peptococcus, Peptostreptococcus, fusobacterium (F.mortiferum-ის და F. varium-ის ჩათვლით)

ფარმაკოკინეტიკა:

პრეპარატი ხასიათდება მაღალი სტაბილურობით. კუნთებში შეყვანის შემდეგ სისხლის პლაზმაში მისი მაქსიმალური კონცენტრაცია აღინიშნება 2 სთ-ის შემდეგ და შეადგენს 43-80 მკგ/მლ-ში. მინიმალური ანტიმიკრობული კონცენტრაციები სისხლში შენარჩუნებულია 24 სთ-ზე მეტი ხნის განმავლობაში. პრეპარატი კარგად ნაწილდება ორგანიზმის ქსოვილებსა და სითხეებში. გაივლის პლაცენტას, მცირე რაოდენობით გამოიყოფა დედის რძესთან ერთად.

ტერცეფის ნახევარგამოყოფის პერიოდი არ არის დამოკიდებული პრეპარატის დოზაზე და იგი ვარირებს 6-დან 9 სთ-მდე, თუმცა მის გახანგრძლივებას ადგილი აქვს ავადმყოფებში თირკმლების ფუნქციის მძიმე დარღვევების დროს. იგი აქტიური ფორმის სახით (50%-მდე) გამოიყოფა თირკმელების საშუალებით 48 სთ-ის განმავლობაში. პრეპარატის დაახლოებით 40-65% შეუცვლელი სახით ელიმინირდება ორგანიზმიდან შარდთან ერთად, ძირითადად გლომერულული ფილტრაციით. დანარჩენი ნაწილი (30-60%) გამოიყოფა ნაღველთან ერთად და იდენტიფიცირდება ფეკალურ მასაში შეუცვლელი აქტიური ფორმით და არააქტიური მეტაბოლიტების სახით.

თირკმელების უკმარისობით გამოწვეული დაავადებების დროს პრეპარატის ექსკრეცია შეფერხებულია.

ჩვენებები:

• ქვედა სასუნთქი გზების (განსაკუთრებით პნევმონიები, ბრონქიტები) ინფექციები;
• ოტორინოლარინგოლოგიური ინფექციები;
• თირკმელების და საშარდე გზების ინფექციები;
• ბაქტერიული ენდოკარდიტი;
• კანის (მისი დანამატების ჩათვლით) ინფექციები, მათ შორის ბაქტერიული სტრეპტოდერმიები;
• მენინგიტების მკურნალობა;
• ძვლების და სახსრების ინფექციები;
• ინტრააბდომინალური ინფექციები - პერიტონიტი, ნაღვლის ბუშტის ანთება და ნაწლავური ინფექციები;
• გაურთულებელი გონორეა და სხვა ინფექციები, რომლებიც გადაეცემა სქესობრივი გზით;
• სეპტიცემია;
• ლაიმას დაავადება, ავადმყოფებში დაქვეითებული იმუნური სისტემით;
• იყენებენ აგრეთვე ქირურგიული ოპერაციების შემდგომ პერიოდში განვითარებული ინფექციების პროფილაქტიკისათვის.

მიღების წესი და დოზირება:

ტერცეფი შეყავთ ღრმად კუნთებში ან ვენაში. კუნთებში შეყვანის დროს უმტკივნეულო ინექციისათვის პრეპარატს ხსნიან 1% ლიდოკაინის ხსნარში შემდეგი თანაფარდობით: ფლაკონის შიგთავსს 0.5 გ-ს ხსნიან 2 მლ ლიდოკაინის ხსნარში, 1 გ-ს 3.5 მლ-ში. შესაძლებელია აგრეთვე საინექციო წყლის გამოყენება. ვენაში შეყვანის დროს პრეპარატს ხსნიან სტერილურ საინექციო წყალში შემდეგი თანაფარდობით: ფლაკონის შიგთავსს 0.5 გ-ს ხსნიან 5 მლ გამხსნელში. 1 გ-ს - 1 მლ-ში.

მოზრდილებში და ბავშვებში 12 წლის ასაკის ზევით დღეღამური დოზა შეადგენს 1-2 გ-ს (შეყავთ 1-2-ჯერ დღეში ან ნახევარი დოზით 2-ჯერ დღეში). მძიმე შემთხვევებში დღეღამური დოზას ზრდიან 4 გ-მდე, შეჰყავთ 2-ჯერ 12 სთ-იანი ინტერვალით.

ახალშობილებში და დღენაკლულ ბავშვებში ცეფტრიაქსონის დოზაა - 20-50 მგ/კგ წონაზე.

ბავშვებში 2 თვის ასაკიდან 12 წლის ასაკამდე დღეღამური დოზა შეადგენს 20-80 მგ/კგ წონაზე.

ვენაში შეყვანის დროს 50 მგ/კგ-ზე მეტი დოზით ბავშვებში პრეპარატი შეჰყავთ პარციულად 30 წთ-იანი შესვენებით.

მკურნალობის ხანგრძლივობა დამოკიდებულია პათოლოგიური პროცესის მიმდინარეობაზე და დაავადების სიმძიმის ხარისხზე, აგრეთვე ბაქტერიოლოგიური კვლევის შედეგებზე. ძირითადად იგი  შეადგენს 4-14 დღეს. მძიმე  ინფექციური დაავადებების დროს შესაძლებელია უფრო ხანგრძლივი დროით მკურნალობა. დაავადების სიმპტომების გაქრობის შემდეგ, უმრავლესი ინფექციური დაავადების დროს მკურნალობა გრძელდება მინიმუმ 48-72 სთ-ს.

გვერდითი მოვლენები:

ერთეულ შემთხვევებში აღინიშნება ღებინება, ფაღარათი, ფსევდომემბრანული კოლიტის საწყისი სიმპტომები, იშვიათად - ეოზინოფილია, თრომბოციტოპენია, ლეიკოპენია, სისხლის შედედების პერიოდის გახანგრძლივება, გამონაყარი, კანისა და ლორწოვანი გარსების ქავილი, ტემპერატურის მომატება, თავის ტკივილი, თავბრუსხვევა.

პრეპარატის ვენაში განმეორებით შეყვანის დროს გამორიცხული არ არის ფლებიტის განვითარება.

უკუჩვენებები:

* ალერგიული რეაქციები ცეფალოსპორინების რიგის ანტიბიოტიკების მიმართ;

* ლიდოკაინის მიმართ მომატებული მგრძნობელობა (კუნთებში მისი ინექციების დროს);

* პრეპარატი სიფრთხილით ენიშნებათ პენიცილინის მიმართ მომატებული მგრძნობელობის დროს.

ორსულობა და ლაქტაცია:

ტერცეფს არ ახასიათებს ემბრიო და ფეტოტოქსიკური მოქმედება, ისევე როგორც ტერატოგენული ეფექტი, თუმცა ორსულობის დროს, განსაკუთრებით პირველ ტრიმესტრში საჭიროა პრეპარატის დანიშვნა მხოლოდ განსაკუთრებული ჩვენებების მიხედვით.

განსაკუთრებული მითითებები:

♦ ღვიძლის და თირკმლების ფუნქციის უკმარისობით გამოწვეული მძიმე დაავადებების დროს პრეპარატის დოზას ამცირებენ.

♦ ავადმყოფებში, რომელთა კრეატინინის კლირენსი ნაკლებია 1 მლ-წთ-ში, ანტიბიოტიკის დღეღამური დოზა არ უნდა აღემატებოდეს 2 გ-ს.

♦ ტერცეფს არ ახასიათებს უარყოფითი მოქმედება ავტოტრანსპორტის მართვის უნარზე და იმ პირებზე, რომლებსაც მუშაობა უხდებათ სხვადასხვა სახის მანქანა-დანადგარებთან.

ჭარბი დოზირება:

არ არის აღწერილი.

სხვა წამლებთან ურთიერთქმედება:

- ტერცეფის კომბინაციისას ამინოგლიკოზიდებთან ვითარდება სინერგიზმი. ამ დროს საჭიროა აღნიშნული პრეპარატების ოპტიმალური დოზების შერჩევა.

- ტერცეფის ხსნარის შერევა სხვა ხსნარებთან, ან მისი ერთდროული შეყვანა ორგანიზმში სხვა ანტიბაქტერიულ პრეპარატებთან ერთად რეკომენდებული  არ არის.

- ტერცეფის და ძლიერი დიურეზელი საშუალებების კომბინაციით თირკმელებში ცვლილებები არ აღინიშნება.

- პრობენეციდს არ ახასიათებს ტერცეფის გამოყოფის პროცესზე ზემოქმედება.

- ტერცეფთან ერთად ალკოჰოლის გამოყენებით არ აღინიშნება რაიმე რეაქცია, ხოლო დისულფირამთან კომბინირებისას ადგილი აქვს  ალდეჰიდდეჰიდროგენაზას დათრგუნვას და ალკოჰოლის ტოქსიკური ეფექტის მომატებას.

- ტერცეფი შეუთავსებელია ვანკომიცინთან.

შენახვის პირობები:

პრეპარატი ინახება არა უმეტეს 25⁰C ტემპერატურაზე, გახსნის შემდეგ - 2-8C ტემპერატურაზე (მაცივარში) არა უმეტეს 24 სთ-სა, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

TERFENADINE

მწარმოებელი: STADA ARZNEIMITTEL, გერმანია

მოქმედი ნივთიერება: ტერფენადინი

კლინიკურ-ფარმაკოლოგიური ჯგუფი:

ჰისტამინური H₁-რეცეპტორების მაბლოკირებელი, ანტიალერგიული საშუალება.

შემადგენლობა და გამოშვების ფორმა:

ტაბლეტები: შეფუთვაში 20, 50 და 100 ც.

1 ტაბ.

ტერფენადინი .........            60მგ

დამხმარე ნივთიერებები: ჟელატინი, ლაქტოზა 1H₂O, მაგნიუმის სტეარატი, სიმინდის სახამებელი, ნატრიუმის ჰიდროკარბონატი.

ჩვენებები:

• ანტიჰისტამინური საშუალება ალერგიის სამკურნალოდ.
• გამოიყენება ალერგიული სურდოსა და კონიუნქტივიტის დროს ანთების მოვლენების შესამცირებლად, ასევე კანის ალერგიული დაავადებებისას.

მიღების წესი და დოზირება:

მოზრდილთათვის და 12 წლის ასაკის ზევით ბავშვებში, რომელთა სხეულის წონაც 50 კგ-ზე მეტია შემდეგი დოზირებით:

ალერგიული სურდო და ალერგიული კონიუნქტივიტი:

საწყისი დოზა 1 ტაბ. (60 მგ) დღეში, რომელიც შესაძლებელია საჭიროების შემთხვევაში დღეში ორ ტაბლეტამდე (120 მგ) გავზარდოთ. შესაძლებელია სადღეღამისო დოზის ერთდროულად ან დღეში 2-ჯერ მიღება.

კანის ალერგიული დაავადებები:

საშუალოდ დღეში 2-ჯერ 1 ტაბ (60 მგ). შესაძლებელია 2 ტაბლეტის (120 მგ) მიღება დილას.

• ტკივილის არასაკმარისი გაყუჩების შემთხვევაში არ შეიძლება რეკომენდებული დოზის გადაჭარბება. დაუშვებელია დამატებით სხვა ანტიჰისტამინურ საშუალებასთან მისი კომბინირება (იმ პრეპარატების ჩათვლით, რომლებიც გაიცემა რეცეპტის გარეშე).

• ტაბლეტი ინიშნება ჭამის შემდეგ დაუღეჭავად, საკმაო რაოდენობის სითხის მიყოლებით (1/2-1 ჭიქა).

• დაუშვებელია გრეიპფრუტის წვენთან ერთად მიღება.

• თირკმელების ფუნქციის მნიშვნელოვანი დარღვევისას (განსაკუთრებით, როდესაც კრეატინინის კლირენსი 40 ნაკლებია ვიდრე მლ/წთ-ში) საჭიროა დოზის 50%-ით შემცირება. ასაკის გამო თირკმელების ფუნქციის დარღვევისას ტერფენადინის დოზის ცვლილება აუცილებელი არაა.

• მკურნალობის ხანგრძლივობა განისაზღვრება დაავადების მიმდინარეობის მიხედვით.

გვერდითი მოვლენები:

გულ-სისხლძარღვთა სისტემის მხრივ: ყველაზე მძიმე, მაგრამ იშვიათ გვერდით მოვლენას წარმოადგენს QT-ინტერვალის გახანგრძლივება. შესაძლებელია აღმოცენებულ იქნას პარკუჭოვანი, მათ შორის სიცოცხლისათვის სახიფათო რითმის დარღვევა (პარკუჭოვნი ტაქიარითმია), როგორიცაა მაგალითად პარკუჭოვანი ტაქიკარდია, torsades depointes, მოციმციმე არითმია და გულის გაჩერება.

გულის ფრიალი შეიძლება არითმიის წინამორბედი ნიშანი იყოს.

პრეპარატის მიღებას შეიძლება თან მოჰყვეს სისხლის წნევის დაქვეითება, თავბრუსხვევა, ცნობიერების გარდამავალი დაკარგვა და კრუნჩხვითი შეტევები.

სხვა გვერდითი მოვლენები: ცნობიერების დაბინდვა, უძილობა, დეპრესია, გაბრუება, დაღლილობა, თავის ტკივილები, თავბრუსხვევა, კანკალი, ოფლიანობა, არასასიამოვნო შეგრძნებები, მხედველობის დარღვევა, მომატებული მგრძნობელობის რეაქციები, ანგიოშეშუპება (კანის ან ლორწოვანი გარსის შეშუპება), ბრონქოსპაზმი, ქავილი;

კანის სიმპტომები (გამონაყარი, ჭინჭრის ციება, მულტიფორმული ერითემა და ფოტოსენსიბილიზაცია);

თმის ცვენა, ალოპეცია, პირის, ცხვირის და ყელის სიმშრალე;

კუჭ-ნაწლავის ტრაქტის მხრივ ტკივილები, ღვიძლის ფერმენტების დონის მომატება, ნაღველდენის შეფერხება, სიყვითლე, ჰეპატიტი;

თროთმბოციტების რაოდენობის შემცირება (თრომბოციტოპენია), გალაქტორეა, დისმენორეა, ხშირი დიურეზი, ტკივილი საყრდენ-მამოძრავებელი აპარატის მხრივ.

უკუჩვენებები:

* დაუშვებელებია პრეპარატის გამოყენება ტერფენადინის ან სხვა შემადგენელი ინგრედიენტის მიმართ მომატებული მგრძნობელობისას.

* ღვიძლის ფუნქციის მნიშვნელოვანი ხარისხით დარღვევისას ტერფენადინის ინაქტივაცია შეიძლება საგრძნობლად იქნას შენელებული. განსაკუთრებით იმ პრეპარატებთან კომბინაციის დროს, რომლებიც იწვევენ ღვიძლის ფერმენტების ინჰიბირებას.

* ტერფენადინმა შეიძლება გამოიწვიოს გულის კუნთში აღგზნების გატარების შეფერხება (QT-ინტერვალის გახანგრძლივება), გულის რითმის სიცოცხლისათვის საშიში დარღვევით.

დაუშვებელია ტერფენადინის გამოყენება შემდეგ შემთხვევებში:

- ღვიძლის ფუნქციის მძიმე დარღვევისას, მაგალითად, სიყვითლე, ჰეპატიტი ან ღვიძლის ციროზი;

- კომბინირებული დანიშვნა (აგრეთვე, გარეგანი გამოყენებისას) სოკოს ან ანტიმიკრობულ გარკვეულ პრეპარატებთან, მაგალითად მიკონაზოლი, კეტოკონაზოლი, ინტრაკონაზოლი ან ერითრომიცინი, კლარითრომიცინი, ჟოზამიცინი ან ტროლეანდომიცინი;

- მიბეფრადილის დიჰიდროქლორიდით (გულსისხლძარღვთა დაავადების საწინააღმდეგო საშუალება) კომბინირებული მკურნალობის დროს;

- იმ მედიკამენტებით მკურნალობის დროს, რომლებიც ღვიძლში ტერფენადინის დაშლას აფერხებენ;

- მკურნალობის დროს არ შეიძლება გრეიპფრუტის წვენის მიღება;

- აგრეთვე დაუშვებელია პრეპარატის მიღება გულის კუნთში აღგზნების გატარების ცნობილი თანდაყოლილი დარღვევის დროს (QT-ინტერვალის გახანგრძლივება ელექტროკარდიოგრამაზე, გულის ფუნქციის იშვიათი დარღვევა, რასაც შეუძლია გულის არითმიის გამოწვევა). იგივე ეხება იმ შემთხვევებს, როდესაც შესაძლებელია QT-ინტერვალის გახანგრძლივება, მაგალითად:

- პაციენტისათვის შემაწუხებელი ბრადიკარდია;

- გულის რითმის დარღვევები ანამნეზში;

- გულის ყველა სხვა დაავადება, რომელიც ტკივილს იწვევს;

- კომბინირებული გამოყენება გულის რითმის დარღვევის საწინააღმდეგო საშუალებებთან ერთად (I და III ჯგუფის ანტიარითმიული პრეპარატები);

- ურთდროული მკურნალობა სხვა საშუალებებთან, რომლებიც QT-ინტერვალს ახანგრძლივებენ;

- ელექტროლიტური დარღვევა, განსაკუთრებით, კალიუმისა და მაგნიუმის დაბალი დონე პლაზმაში;

- თანმხლები დაავადებები (მაგალითად, კვების დარღვვევა, ხშირი ღებინება ან დიარეა) ან ისეთი მედიკამენტებით მკურნალობა, რომლებმაც შეიძლება გამოიწვიონ ელექტროლიტური ცვლის დარღვევა.

ორსულობა და ლატაცია:

! ორსულობისა და ლაქტაციის პერიოდში ტერფენადინი არ ინიშნება, გარდა იმ შემთხვევებისა, როდესაც შესაძლო სარგებელი სჭარბობს პოტენციურ რისკს. არ მოიპოვება მონაცემები ნაყოფზე მისი მოქმედების უსაფრთხოების შესახებ. დადგენილია, რომ ტერფენადინი გადადის დედის რძეში.

განსაკუთრებული მითითებები:

◄ ტერფენადინი არ არის განკუთვნილი 12 წლის ასაკამდე, ან სხეულის 50 კგ-ზე ნაკლები წონის ბავშვებისათვის.

◄ ტერფენადინის მაღალმა კონცენტრაციამ შეიძლება გაახანგრლივობს QT-ინტერვალი სიცოცხლისათვის საშიში პარკუჭოვანი რითმის დარღვევებით (ვენტრიკულური ტაქიარითმია, პარკუჭების ტაქიკარდია, და პარკუჭების ციმციმი), შემდეგ შემთხვევებში:

- ჭარბი დოზირება;

- პაციენტები ღვიძლის ფუნქციის დარღვევით;

- სხვა მედიკამენტებთან კომბინაციისას, რომლებიც ღვიძლში ნივთიერებათა ცვლას აბრკოლებენ. დაუშვებელია პრეპარატის გამოყენება პაციენტებში, რომლებსაც სხვადასხვა მიზეზის გამო აღენიშნებათ QT -ინტერვალის გახაგრძლივება.

◄ მიუხედავად იმისა, რომ კონტროლირებად კლინიკურ კვლევებში არ იქნა დადგენილი ტერფენადინის მომადუნებელი ზემოქმედება, ყურადსაღებია შემდეგი ჩივილები: პროსტრაციის მდგომარეობა, სისუსტე, დაღლილობა და თავბრუსხვევა, ოფლიანობა, კანკალი, ძილის დარღვევა და ღამის შიშები, რომლებიც ტერფენადინის არაპირდაპირი მოქმედებით უნდა იყოს გამოწვეული.

აღნიშნული სიმპტომების გამო შესაძლებელია ყურადღების კონცენტრაციისა და რეაგირების უნარის დაქვეითება, რამაც შეიძლება საფრთხე შექმნას ტრანსპორტის მართვის ან მექანიზმების მომსახურებისას. ალკოჰოლი ზრდის აღნიშნულ საშიშროებას.

ჭარბი დოზირება:

დაუშვებელია რეკომენდებული დოზის (როგორც ერთჯერადი, ასევე დღიურის) გადაჭარბება.

საჭიროების შემთხვევაში ტარდება QT ინტერვალის ელექტროკარდიოგრაფიული კონტროლი და სხვა ჩვეულებრივი ზომები, როგორიცაა კუჭის ამორეცხვა და ა.შ.

დოზის გადაჭარბების ნიშნებია: პირის სიმშრალე, დისკომფორტი, ღებინება, დაღლილობა, თავბრუსხვევა, დაბნეულობა, თავის ტკივილი, კანკალი, ცალკეულ შემთხვევებში კრუნჩხვითი შეტევები, გულის აჩქარება ან ფრიალი, სისხლის წნევის დაქვეითება და გულის რითმის დარღვევა.

პრეპარატის დოზის გამოტოვების შემთხვევაში მკურნალობა გრძელდება დანიშნულების მიხედვით, გაორმაგებული დოზის განმეორებითი მიღების გარეშე.

სხვა წამლებთან ურთიერთქმედება:

- სხვა პრეპარატების ერთდროულმა მიღებამ შესაძლებელია შეანელოოს ტერფენადინის მეტაბოლიზმი. დაუშლელი ტერფენადინის დაგროვებამ შეიძლება გამოიწვოს QT -ინტერვალის გახანგრძლივება. გულის რითმის სიცოცხლისათვის საშიში დარღვევებით.

შემდეგმა საშუალებებმა შეიძლება შეანელონ პრეპარატის ინაქტივაცია (დაუშვებელია მათი მიღება ტერფენადინთან ერთად):

- სოკოს საწინააღმდეგო ან ანტიმიკრობული (აგრეთვე, გარეგანი პრეპარატები): მიკონაზოლი, კეტოკონაზოლი, იტრაკონაზოლი ან ერითრომიცინი, კლარითრომიცინი, ჟოსამიცინი ან ტროლეანდომიცინი;

- მიბეფრადილის დიჰიდროქლორიდი (გულ-სისხლძარღვთა დაავადების საწინააღმდეგო საშუალება);

- სეროტონინის ცვლაზე მოქმედი ფლუვოქსამინი, ფლუოქსეტინი, ნეფაზოდონი, პაროქსეტინი, ციტალოგრამი (ზოგიერთი ფსიქიკური დაავადებების საწინააღმდეგო საშუალება), HIV-პროტეაზას ინჰიბიტორები ინდინავირი, რიტონავირი, საკვინავირი, ნელფინავირი (შიდსის ვირუსის საწინააღმდეგო საშუალება);

- გრეიპფრუტის წვენის მიღება, რადგან შეიძლება ტერფენადინის დაშლა შეაფერხოს.

გულზე მოქმედება შეიძლება გაძლიერდეს ტერფენადინის სხვა მედიკამენტებთან კომბინაციის დროს, რომლებსაც პოტენციურად გულის რითმის დარღვევები შეუძლიათ გამოიწვიონ. ამგვარი საშუალებებია:

- ანტიჰისტამინური მედიკამენტები ალერგიებისა და თივის ცხელების სამკურნალოდ, რომლებიც QT -ინტერვალს ახანგრძლივვებენ;

- ანტიარიათმიული პრეპარატები (განსაკუთრებით I და III ჯგუფის ანტიარითმიული პრეპარატები);

- ბეპრიდილი (სტენოკარდიის საწინააღმდეგო საშუალება);

- ტრიმეტოპრიმი, ოფლოქსაცინი (ბაქტერიული ინფექციის საწინააღმდეგო საშუალება);

- ციზაპრიდი (კუჭ-ნაწლავის ფუნქციის დარღვევის საწინააღმდეგო საშუალება);

- დეპრესიებიისა და სხვა ფსიქიკური დაავადებების (ტრიციკლური ანტიდეპრესანტები, ნეიროლეფსიური საშუალებები, ლითიუმი) საწინააღმდეგო გარკვეული მედიკამენტები;

- პრობუცილი (ჰიპოლიპიდემიური საშუალება);

- მედიკამენტები, რომლებიც მოქმედებენ ელექტროლიტურ ცვლაზე, აგრეთვე იწვევენ QT - ინტერვალის გაზრდას. ამის მაგალითია ზოგიერთი დიურეზული, საფაღარათო საშუალებები და სტეროიდული ჰორმონები მაღალ დოზებში.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

მწარმოებელი: Laboretoires du Docteur

E.BOUCHARA, საფრანგეთი

კლინიკურ-ფარმაკოლოგიური ჯგუფი:

ანტიმიკრობული და ანთების საწინააღმდეგო საშუალება.

შემადგენლობა და გამოშვების ფორმა:

ვაგინალური ტაბლეტები: ბლისტერზე 6 და 10 ც.

1 ტაბ.

ტერნიდაზოლი ............................  0.2 გ

ნეომიცინის სულფატი ...........      100 მგ

ნისტატინი .......................... 100 000 სე

პრედნიზოლონი ........................    3 მგ

დამხმარე ნივთიერებები:

სახამებელი, ლაქტოზა, უწყლო კოლოიდური სილიციუმი, ტალკი, მაგნიუმის სტეარატი, პოლივიდონი, ლაურილსულფატი, არომატული კომპოზიცია -ჰერანიოლი, ციტრონელოლი, ბურბონიის ჰერანი, მიხაკის ზეთი.

ფარმაკოლოგიური თვისებები:

ტერჟინანი წარმოადგენს კომბინირებულ პრეპარატს, რომელიც გამოიყენება გინეკოლოგიაში ადგილობრივად.

პრეპარატის  მოქმედების ეფექტი განპირობებულია მასში შემავალი ინგრედიენტებით:

ტერნიდაზოლი წარმოადგენს იმიდაზოლის წარმოებულს, რომელიც ხასიათდება ტრიქომონაციდური მოქმედებით, აქტიურია აგრეთვე ანაერობული ბაქტერიების, კერძოდ გარდნერელების მიმართ;

ნეომიცინის სულფატი - ამინოგლიკოზიდების ჯგუფის ფართო სპექტრის ანტიბიოტიკია;

ნისტატინი - პოლიენების ჯგუფის სოკოს საწინააღმდეგო ანტიბიოტიკია, რომელიც ხასიათდება მაღალეფექტურობით candida-ს ჯგუფის  სოკოების მიმართ;

პრედნიზოლონი წარმოადგენს გლუკოკორტიკოიდს, კარგად გამოხატული ანთების საწინააღმედგო მოქმედებით.

შემავსებლები განაპირობებენ საშოს ლორწოვანი გარსის მთლიანობას და მის მუდმივ pH-ს.

ჩვენებები:

ვაგინიტების მკურნალობა, რომლებიც გამოწვეულია პრეპარატის მიმართ მგრძნობიარე მიკროორგანიზმებით მათ შორის:

• ბაქტერიული ვაგინოზი;
• ბაქტერიული ვაგინიტი, გამოწვეული ბანალური პიოგენური ფლორით;
• საშოს ტრიქომონიაზი;
• ვაგინიტები გამოწვეული candida -ს ჯგუფის სოკოებით;

ვაგინიტების პროფილაქტიკა, მათ შორის:

• გინეკოლოგიური ოპერაციების წინა პერიოდი.
• მშობიარობის და აბორტის წინა პერიოდი.
• ჩასახვის საწინააღმდეგო საშუალების (სპირალის) ჩადგმის წინა და შემდგომი პერიოდი.
• საშვილოსნოს ყელის დიათერმოკოაგულაციის წინა და შემდგომი პერიოდი;
• ჰისტეროგრაფიული გამოკვლევის წინა პერიოდი.

მიღების წესი და დოზირება:

ენიშნებათ 1 ტაბ. დღეში ძილის წინ. მკურნალობის თერაპიული კურსის ხანგრძლივობა შეადგენს საშუალოდ 10 დღეს.

მიკოზის დადგენის შემთხვევაში კურსი შეიძლება გაიზარდოს 20 დღემდე.

რეკომენდებული არ არის მკურნალობის შეწყვეტა მენსტრუაციის დროს.

საშოში პრეპარატის მოთავსებამდე, სასურველია ტაბლეტის დასველება 20-30 წამით, შემდეგ კი აუცილებელია 10-15 წთ-იანი წოლითი რეჟიმი.

გვერდითი მოვლენები:

ადგილობრივი რეაქციები - წვის შეგრძნება, ადგილობრივი გაღიზიანება (განსაკუთრებით მკურნალობის დასაწყისში).

ზოგიერთ შემთხვევებში ვითარდება ალერგიული რეაქციები.

უკუჩვენებები:

მომატებული მგრძნობელობა პრეპარატის ან მასში შემავალი ინგრედიენტების მიმართ.

ორსულობა და ლაქტაცია:

ჩვენების მიხედვით შესაძლებელია პრეპარატის გამოყენება ორსულობის და ლაქტაციის პერიოდში.

ჭარბი დოზირება:

სისტემური სისხლმიმოქცევის პროცესში აბსორბციის დაბალი ხარისხის მაჩვენებლების გამო, დოზის გადაჭარბება ნაკლებად შესაძლებელია.

სხვა წამლებთან ურთიერთქმედება:

ურთიერთქმედება სხვა პრეპარატებთან აღწერილი არ არის.

შენახვის პირობები:

პრეპარატი ინახება არა უმეტეს 25⁰ ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

TERBINAFINE

მწარმოებელი ფირმა, ქვეყანა: ბილიმ ფარმასიუტიკალსი

თურქეთი

კლინიკურ-ფარმაკოლოგიური ჯგუფი:

საშუალებები სოკოს საწინააღმდეგო მოქმედებით

შემადგენლობა და გამოშვების ფორმა:

10მგ/1გრ 30 მლ ბოთლში

ფარმაკოლოგიური თვისებები:

ტერბინაფინის ჰიდროქლორიდი არის ალილამინის წარმოებული სოკოს საწინააღმდეგო თვისებებით აღჭურვილი, ფართო სპექტრის მქონე საშუალება კანის, თმისა და ფეხის ფრჩხილების პათოგენების მიმართ, როგორიცაა Trichophyton (მაგ. T. rubrum, T.mentagrophytes, T.verrucosum, T.tonsurans, T.violaceum), Microsporum (მაგ. M.canis), Epidermophyton floccosum ve Candida cinsi maya (მაგ. C.albicans) და Pityrosporum. დაბალ კონცენტრაციებში ტერბინაფინი ფუნგიციდურია დერმატოფიტების, ობის და ზოგიერთი დიმორფული სოკოს წინააღმდეგ. საფუარების მიმართ აქტივობა ფუნგიციდური ან ფუნგისტატურია, რაც დამოკიდებულია სოკოს სახეობაზე.

ტერბინაფინი ხელს უშლის ადრეულ საფეხურზე სოკოების სტეროლის ბიოსინთეზს. ეს იწვევს ერგოსტეროლის დეფიციტს და სქვალენის უჯრედშიდა აკუმულირებას, რისი შედეგიც არის სოკოს უჯრედის სიკვდილი. ტერბინაფინი მოქმედებს სქვალენ ეპოქსიდაზას ინჰიბირებით სოკოს უჯრედულ მემბრანაში. ფერმენტი სქვალენ ეპოქსიდაზა არ არის დაკავშირებული ციტოქრომ P450 სისტემასთან. ტერბინაფინი არ ახდენს ზეგავლენას ჰორმონების ან სხვა წამლების მეტაბოლიზმზე.

ფარმაკოკინეტიკა

ტოპიკური გამოყენების შემდეგ დოზის 5%-ზე ნაკლები შეიწოვება. ამიტომ მისი სისტემური ზეგავლენა ძალიან მცირეა.

ჩვენებები:

გამოიყენება მგრძნობიარე სოკოებით გამოწვეული შემდეგი ინფექციების სამკურნალოდ:

- Tinea pedis (ტერფის დერმატოფიტია, ათლეტის ტერფი);

- Tinea corporis (სხეულის დერმატოფიტია, გლუვი კანის მიკოზი);

- Tinea cruris (საზარდულის ეპიდერმოფიტია);

- კანის კანდიდოზი;

- Pity riasis versicolor (ფერადი ლიქენი).

მიღების წესები და დოზები:

მხოლოდ გარეგანი გამოყენების.

თუ არ არსებობს ექიმის სხვა დანიშნულება:

მოზრდილები:

ტერბონილი კანის სპრეი გამოიყენება დღეში ერთხელ ან ორჯერ, ტერბონილ კანის სპრეის გამოყენებამდე გაასუფთავეთ და გააშრეთ დაზიანებული ადგილი. შეაშხურეთ სპრეი დაზიანებულ კანზე და მიმდებარე ადგილებზე თხელი ფენით.

მკურნალობის სავარაუდო ხანგრძლივობა არის:

Tinea corporis, cruris: 1 კვირა, დღეში ერთხელ;

Tinea pedis (თითებსშორისი ტიპი): 1 კვირა, დღეში ერთხელ;

Pityriasis versicolor: 1 კვირა, დღეში ორჯერ;

კლინიკური სიმპტომები ხშირად ქრება რამდენიმე დღეში. მოუწესრიგებელი გამოყენებას და მკურნალობის ნაადრევ შეწყვეტას თან ახლავს რეციდივის განვითარების საშიშროება.

ხანდაზმულები:

ხანდაზმულები არ საჭიროებენ განსხვავებულ დოზირებას. მათ განსხვავებული გვერდითი მოვლენები არ აღენიშნებათ.

ბავშვები:

გამოცდილება ბავშვებში ჯერ კიდევ შეზღუდულია.

გვერდითი მოვლენები:

გამოყენების ადგილზე შეიძლება აღინიშნებოდეს სიწითლე, ქავილი ან ჩხვლეტა; მიუხედავად ამისა, ამ მიზეზის გამო მკურნალობა იშვიათად წყდება. ამას სჭირდება განსხვავება ალერგიული რეაქციისაგან, რომელიც იშვიათია, მაგრამ საჭიროებს მკურნალობის შეწყვეტას.

არასასურველი მოვლენის განვითარებისას მიმართეთ ექიმს კონსულტაციისათვის.

უკუჩვენება:

უკუნაჩვენებია პირებში ჰიპერმგრძნობელობით ტერბინაფინის ან სპრეის ნებისმიერი სხვა კომპონენტის მიმართ.

ორსულობა და ლაქტაცია:

ორსულობა:

B კატეგორიის პრეპარატი: ნაყოფის ტოქსიურობა და ცხოველებზე ჩატარებული ფერტილობის კვლევები უარყოფით ზეგავლენას არ ავლენენ. თუმცა კლინიკური გამოცდილება ორსულ ქალებში ტერბონილთან დაკავშირებით არ არსებობს, ამიტომ ტერბონილი ორსულობის დროს გამოიყენება მხოლოდ იმ შემთხვევაში, თუ პოტენციური სარგებელი აღემატება პოტენციურ რისკს.

ლაქტაცია:

ტერბინაფინი გამოიყოფა დედის რძეში და ამიტომ ძუძუთი კვების დროს ტერბონილის გამოყენება არ შეიძლება.

განსაკუთრებული მითითებები:

ვინაიდან ტერბონილ კანის სპრეიში შემავალმა ალკოჰოლმა შეიძლება გამოიწვიოს გაღიზიანება, იგი სიფრთხილით გამოიყენება პაციენტებში ჭრილობებით.

ტერბონილ კანის სპრეი მხოლოდ გარეგანი გამოყენებისაა. მოერიდეთ თვალებზე მოხვედრას, თვალში შემთხვევითი მოხვედრის შემთხვევაში, თვალი უნდა გამოირეცხოს წყლით.

ინახება ბავშვებისათვის მიუწვდომელ ადგილას.

ჭარბი დოზირება:

ტერბონილის კანის სპრეის შემთხვევაში ჭარბი დოზირება არ აღინიშნება. მიუხედავად ამისა, ტერბონილის კანის სპრეის შემთხევვითი მიღების დროს, ტერბონილის ტაბლეტის ჭარბი დოზირების სიმპტომები (მაგ. თავის ტკივილი, გულისრევა, კუჭის ტკივილი და თავბრუ) შეიძლება განვითარდეს. ჭარბი დოზირების რეკომენდებული მკურნალობა მოიცავს წამლის ელიმინაციას, აქტივირებული ნახშირის გამოყენებით, და საჭიროების შემთხვევაში სიმპტომატურ შემანარჩუნებელ მკურნალობას. 23,5%-იანი ალკოჰოლის შემცველობა სპრეის ხსნარში ასევე გასათვალისწინებელია.

სხვა წამლებთან ურთიერთქმედება:

ტერბონილ კანის სპრეისთან წამლების ურთიერთქმედებები არ აღინიშნება.

შენახვის პირობები:

ინახება არა უმეტეს 25ºC ტემპერატურის პირობებში. ნუ შეინახავთ მაცივარში.

შეინახეთ ბავშვებისათვის მიუწვდომელ ადგილას ორიგინალურ შეფუთვაში.

შენახვის ვადა: 2 წელი

აფთიაქში გაცემის წესი:

გაიცემა ურეცეპტოდ.

საერთაშორისო დასახელება:

TERBINAFINE

მწარმოებელი: ბილიმ ფარმასიუტიკალსი

კლინიკურ-ფარმაკოლოგიური ჯგუფი:
სოკოს საწინააღმდეგო პრეპარატები სისტემური გამოყენებისათვის;  სოკოს საწინააღმდეგო სხვა პრეპარატები.

შემადგენლობა და გამოშვების ფორმა:

250 მგ 14/28 ტაბლეტი

ფარმაკოლოგიური თვისებები:

ტერბინაფინის ჰიდროქლორიდი არის ალილამინის წარმოებული სოკოს საწინააღმდეგო თვისებებით აღჭურვილი, ფართო სპექტრის მქონე საშუალება კანის, თმისა და ფეხის ფრჩხილების პათოგენების მიმართ, როგორიცაა Trichophyton (მაგ. T. rubrum, T.mentagrophytes, T.verrucosum, T.tonsurans, T.violaceum), Microsporum (მაგ. M.canis), Epidermophyton floccosum ve Candida cinsi maya (მაგ. C.albicans) და Pityrosporum. დაბალ კონცენტრაციებში ტერბინაფინი ფუნგიციდურია დერმატოფიტების, ობის და ზოგიერთი დიმორფული სოკოს წინააღმდეგ. საფუარების მიმართ აქტივობა ფუნგიციდური ან ფუნგისტატურია, რაც დამოკიდებულია სოკოს სახეობაზე.

ტერბინაფინი ხელს უშლის ადრეულ საფეხურზე სოკოების სტეროლის ბიოსინთეზს. ეს იწვევს ერგოსტეროლის დეფიციტს და სქვალენის უჯრედშიდა აკუმულირებას, რისი შედეგიც არის სოკოს უჯრედის სიკვდილი.

ტერბინაფინი მოქმედებს სქვალენ ეპოქსიდაზას ინჰიბირებით სოკოს უჯრედულ მემბრანაში. ფერმენტი სქვალენ ეპოქსიდაზა არ არის დაკავშირებული ციტოქრომ P450 სისტემასთან. ტერბინაფინი არ ახდენს ზეგავლენას ჰორმონების ან სხვა წამლების მეტაბოლიზმზე.

პერორალური გამოყენებისას, წამალი კონცენტრირდება კანში ფუნგიციდურ აქტივობასთან დაკავშირებულ დონეზე.

ფარმაკოკინეტიკა:

ერთჯერადი პერორალური დოზა 250 მგ კარგად შეიწოვება კუჭ-ნაწლავის ტრაქტიდან (70%). ტერბინაფინი საშუალო მაქსიმალურ პლაზმურ კონცენტრაციას - 0.97 მკგ/მლ აღწევს მიღებიდან 2 საათის განმავლობაში. შეწოვის ნახევარპერიოდი 0.8 საათია, ხოლო განაწილების ნახევარპერიოდი - 4.6 საათი. ტერბინაფინის ბიოშეღწევადობაზე ზეგავლენას ახდენს საკვები, თუმცა დოზა კორექციას არ საჭიროებს.

პლაზმაში, ტერბინაფინი >99%-ით შეკავშირებულია პლაზმურ ცილებთან. ის სწრაფად დიფუნდირდება კანიდან და კონცენტრირდება ლიპოფილურ შრეში. ტერბინაფინი ასევე სეკრეტირდება კანის ცხიმოვან ქსოვილში, და მაღალ კონცენტრაციებს აღწევს თმის ფოლიკულებში, თმასა და ცხიმოვანი ქსოვილით მდიდარ კანში. ასევე არსებობს მონაცემები, რომ ტერბინაფინი ნაწილდება ფრჩხილების ფირფიტაში მკურნალობის დაწყებიდან პირველი რამდენიმე კვირის განმავლობაში.

ტერბინაფინი მეტაბოლიზდება სულ მცირე 7 CYP იზოფერმენტით, განსაკუთრებით CYP2C9, CYP1A2, CYP3A4, CYP2C8 და CYP2C19-ით.

ბიოტრანსფორმაცია წარმოქმნის მეტაბოლიტებს სოკოს საწინააღმდეგო მოქმედების გარეშე, რომლებიც უპირატესად შარდში გამოიყოფა. ნახევრად დაშლის პერიოდი არის 17 საათი. აკუმულაცია არ ვითარდება. ფარმაკოკინეტიკაში ასაკობრივი ცვლილებები არ აღინიშნება, თუმცა ელიმინაციის სიჩქარე შეიძლება შემცირებული იყოს პაციენტებში თირკმლის ან ღვიძლის უკმარისობით, სისხლში ტერბინაფინის უფრო მაღალი დონის წარმოქმნით.

ერთჯერადი დოზის ფარმაკოკინეტიკურ კვლევაში, რომლებიც ჩატარდა პაციენტებში ადრე არსებული ღვიძლის დაავადებით, ნაჩვენებია, რომ ტერბინაფინის კლირენსი დაახლოებით 50%-ით არის შემცირებული.

ჩვენებები:

სოკოვანი ინფექციები:

მიღების წესები და დოზები:

მკურნალობის ხანგრძლივობა დამოკიდებულია ინფექციის სიმძიმესა და ჩვენებებზე.

თუ არ არსებობს ექიმის სხვა დანიშნულება:

უფროსები: ტერბონილი 250 მგ ტაბლეტი რეკომენდებულია დღეში ერთხელ.

კანის ინფექციები

მკურნალობის სავარაუდო ხანგრძლივობა არის:

Tinea pedis (თითებს შორისი, ტერფის ტიპის) : 2-4 კვირა

Tinea corporis, cruris : 2-4 კვირა

Cutaneous candidiasis : 2-4 კვირა

დაავადების ნიშნებისა და სიმპტომების სრული გაქრობა შეიძლება მიკრობიოლოგიური მკურნალობიდან რამდენიმე დღეში შეინიშნებოდეს.

თმისა და თავის ქალას ინფექციები

მკურნალობის სავარაუდო ხანგრძლივობა არის:

Tinea capitis: 4 კვირა

Tinea capitis განსაკუთრებით ხშირია ბავშვებში.

ონიქომიკოზი: უმრავლესობა პაციენტში წამატებული მკურნალობის ხანგრძლივობა არის 6-12 კვირა.

თითის ფრჩხილების ონიქომიკოზი: უმრავლესობა შემთხვევაში 6-კვირიანი მკურნალობა საკმარისია.

ფეხის ფრჩხილების ონიქომიკოზი: უმრავლესობა შემთხვევაში 12-კვირიანი მკურნალობა საკმარისია. უფრო ხანგრძლივი მკურნალობა შეიძლება საჭირო იყოს პაციენტებში, რომელთა ფრჩხილის ზრდა ნელია. ოპტიმალური კლინიკური ეფექტურობა მიიღწევა მკურნალობის შეწყვეტიდან რამდენიმე თვეში. ეს ხანგრძლივობა დაკავშირებულია დროსთან, რომელიც საჭიროა ჯანმრთელი ფრჩხილის ზრდისათვის.

ხანდაზმულებში გამოყენება: ტერბინაფინის გვერდითი მოვლენების პროფილი ისეთივეა რაც ახალგაზრდა პაციენტებში. დოზირების კორექცია ასეთ პაციენტებში საჭირო არ არის. ღვიძლის ან თირკმლის ფუნქციის დარღვევის შესაძლებლობა გასათვალისწინებელია ამ ჯგუფში (იხ. განსაკუთრებული მითითებანი).

გამოყენება ბავშვებში: 2 წლის ასაკამდე ბავშვებში (

2 წლის ზემოთ ბავშვებში, ტერბონილი 250 მგ ტაბლეტები კარგად აიტანება.

სხეულის წონა

20-40 კგ: ნახევარი ტაბლეტი ტერბონილი (125 მგ) დღეში ერთხელ.

>40 კგ: 1 ტაბლეტი ტერბონილი (250 მგ) დღეში ერთხელ.

გვერდითი მოვლენები:

ტერბონილის ტაბლეტები კარგი ამტანობით ხასიათდება. გვერდითი მოვლენები ხშირად მსუბუქი ან ზომიერია და გარდამავალი.

ყველაზე ხშირი გვერდითი მოვლენები*: კუჭ-ნაწლავის სიმპტომები (დისპეფსია, შებერილობა, მადის დაკარგვა, გულისრევა, მუცლის მსუბუქი ტკივილი, ფაღარათი), კანის ალერგიული რეაქციები (გამონაყარი, ჭინჭრის ციება) და ჩონჩხ-კუნთოვანი დარღვევები (ართრალგია და მიალგია).

არახშირი*: გემოს დარღვევები გემოს დაკარგვით. ეს მოვლენები ნელა ალაგდება წამლის შეწყვეტიდან რამდენიმე კვირის განმავლობაში.

იშვიათი*: მძიმე ჰეპატობილიარული დისფუნქციის შემთხვევები, ღვიძლის უკმარისობის ჩათვლით (ქოლესტაზური ტიპი) (იხ. განსაკუთრებული მითითებანი).

ძალიან იშვიათი*: კანის მძიმე რეაქციები (მაგ. სტივენს-ჯონსონის სინდრომი, ტოქსიკური ეპიდერმული ნეკროლიზი) ანაფილაქტოიდური რეაქციები. კანის პროგრესული გამონაყარის არსებობისას, ტერბინაფინით მკურნალობა უნდა შეწყდეს. აღინიშნება ჰემატოლოგიური დარღვევები, როგორიცაა ნეიტროპენია, თრომბოციტოპენია და აგრანულოციტოზი. მიუხედავად იმისა, რომ მიზეზობრივი კავშირი დადგენილი არ არის, ასევე აღინიშნება თმის ცვენა.

სიხშირე: ძალიან ხშირი ≥ 10%, ხშირი ≥ 1% -

არასასურველი მოვლენის განვითარებისას მიმართეთ ექიმს კონსულტაციისათვის.

უკუჩვენება:

ტერბონილის (ტერბინაფინის ჰიდროქლორიდი) ტაბლეტები უკუნაჩვენებია პაციენტებში ჰიპერმგრძნობელობით ტერბინაფინის ან პრეპარატის ნებისმიერი სხვა კომპონენტის მიმართ. ის არ გამოიყენება ღვიძლის უკმარისობის დროს.

ორსულობა და ლაქტაცია:

B კატეგორიის პრეპარატი: ორსულებში ტერბონილის გამოყენების კლინიკური გამოცდილება არ არსებობს; ამიტომ იგი ორსულობის დროს გამოიყენება მხოლოდ იმ შემთხვევაში, თუ პოტენციური სარგებელი არ აღემატება პოტენციურ რისკს.

ლაქტაცია: ტერბინაფინი გამოიყოფა დედის რძეში და ამიტომ ძუძუთი კვების დროს ტერბონილით მკურნალობა არ შეიძლება.

განსაკუთრებული მითითებები:

თუ პაციენტს აღენიშნება ღვიძლის დისფუნქციის მანიშნებელი ნიშნები ან სიმპტომები, როგორებიცაა ქავილი, გაურკვეველი პერსისტული გულისრევა, ანორექსია ან სისუსტე, ან სიყვითლე, მუქი შარდი, ან უფერული განავალი, ღვიძლის წარმოშობა უნდა დადასტურდეს და ტერბონილით მკურნალობა უნდა შეწყდეს (იხ. გვერდითი მოვლენები).

ერთჯერადი დოზის ფარმაკოკინეტიკურმა კვლევებმა პაციენტებში ადრე არსებული ღვიძლის დაავადებით უჩვენეს, რომ ტერბონილის კლირენსი შეიძლება შემცირდეს 50%-ით. ტერბონილის თერაპიული გამოყენება პაციენტებში ღვიძლის ქრონიკული ან აქტიური დაავადებით არ შესწავლილა პროსპექტულ კლინიკურ კვლევებში, და ამიტომ რეკომენდებული არ არის.

პაციენტებმა თირკმლის დარღვეული ფუნქციით (კრეატინინის კლირენსი 300 მმოლ/ლ) უნდა მიიღონ ნახევარი დოზა.

In vitro კვლევებმა უჩვენეს, რომ ტერბინაფინი აინჰიბირებს CYP2D6 - განპირობებულ მეტაბოლიზმს. In vitro მონაცემები შეიძლება კლინიკური მნიშვნელობის იყოს პაციენტებისათვის, რომლებიც ღებულობენ ნივთიერებებს, რომლებიც ამ ფერმენტით მეტაბოლიზდებიან, როგორიცაა ციკლოსპორინი, რიფამპიცინი, ციმეტიდინი, ტრიციკლური ანტიდეპრესანტები, ბეტა-ბლოკატორები, სეროტონინის სელექტიური უკუმიტაცების ინჰიბიტორები, და მონოამინოქსიდაზა ინჰიბიტორები (MAO-I) ტიპი B.

ჭარბი დოზირება:

არსებობს ჭარბი დოზირების (5 გრ-მდე) შემდეგი სიმპტომები: თავის ტკივილი, გულისრევა, მუცლის ტკივილი, კუჭის ტკივილი და თავბრუ, ქავილი და პოლაკიურია. ჭარბი დოზირების რეკომენდებული მკურნალობა მოიცავს წამლის ელიმინაციას, ძირითადად აქტივირებული ნახშირის დანიშვნითა და საჭიროების შემთხვევაში სიმპტომატური შემანარჩუნებელი მკურნალობით.

სხვა წამლებთან ურთიერთქმედება:

ტერბინაფინი ამჟღავნებს უმნიშვნელო უნარს მოახდინოს ისეთი წამლების კლირენსის ინჰიბირება ან სტიმულირება, რომლებიც მეტაბოლიზდებიან ციტოქრომ P450 სხვა ფერმენტებით (მაგ. ციკლოსპორინი, ტოლბუტამინი, ტერფენადინი, ტრიაზოლამი, პერორალური კონტრაცეპტივები).

In vitro კვლევებმა ადამიანის ღვიძლის მიკორსომებზე უჩვენეს, რომ ტერფენადინი არ აინჰიბირებს ტოლბუტამიდის, ეთინილესტრადიოლის, ეთოქსიკუმარინისა და ციკლოსპორინის მეტაბოლიზმს. In vivo წამლების ურთიერთქმედების კვლევებმა, რომელიც ჯანმრთელ მოხალისეებში ჩატარდა უჩვენეს, რომ ტერბინაფინი არ მოქმედებს ანტიპირინის, დიგოქსინისა და ტერფენადინის კლირენსზე. ტერფენადინი აქვეითებს IV კოფეინის კლირენსს 19% თანაფარდობით. ის ასევე ზრდის ციკლოსპორინის კლირენსს 15% თანაფარდობით.

მიუხედავად ამისა, ინ ვიტრო კვლევებმა უჩვენეს, რომ ტერბინაფინი აინჰიბირებს CYP2D6 -განპირობებულ მეტაბოლიზმს. ეს In vitro მონაცემები შეიძლება კლინიკური მნიშვნელობის იყოს პაციენტებისათვის, რომლებიც ღებულობენ ამ ფერმენტით მეტაბოლიზებულ ნივთიერებებს, როგორებიცაა ტრიციკლური ანტიდეპრესანტები, ბეტა-ბლოკატორები, სეროტონინის სელექტიური უკუმიტაცების ინჰიბიტორები და მონოამინ ოქსიდაზა ინჰიბიტორები ტიპი ბ (იხ. განსაკუთრებული მითითებანი).

მენსტრუალური დარღვევების ზოგიერთი შემთხვევა (ჭარბი სისხლდენა და არარეგულარული ციკლი) აღინიშნება პაციენტებში, რომლებიც ტერბინაფინს ღებულობენ სხვა პერორალურ კონტრაცეპტივებთან ერთად, თუმცა, ამ არარეგულარობის სიხშირე მსგავსია სიხშირისა პაციენტებში, რომლებიც მხოლოდ პერორალურ კონტრაცეპტივებს ღებულობენ.

ტერბინაფინის პლაზმური კლირენსი შეიძლება გაძლიერდეს წამლებით, რომლებიც ასტიმულირებენ მეტაბოლიზმს (როგორიცაა რიფამპიცინი) და შემცირდეს წამლებით, რომლებიც აინჰიბირებენ ციტოქრომ P450-ს (როგორიცაა ციმეტიდინი).

ასეთი პრეპარატის ერთდროულად გამოყენების აუცილებლობისას, ტერბინაფინი დოზირება შესაბამისად უნდა შეირჩეს.

შენახვის პირობები:

ინახება არა უმეტეს 25ºC ტემპერატურის პირობებში, ბნელ ადგილას.

შეინახეთ ბავშვებისათვის მიუწვდომელ ადგილას ორიგინალურ შეფუთვაში.

შენახვის ვადა: 2 წელი

აფთიაქში გაცემის წესი:

ნუ გამოიყენებ ექიმთან კონსულტაციის გარეშე.

გაიცემა მხოლოდ რეცეპტით.

საერთაშორისო დასახელება:

TERBINAFINE

მწარმოებელი: GEDEON RICHTER,უნგრეთი

მოქმედი ნივთიერება: ტერბინაფინი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება.

შემადგენლობა და გამოშვების ფორმა:

ტაბლეტები: შეფუთვაში 14 და 28 ც.

1 ტაბ.

ტერბინაფინის ჰიდროქლორიდი .......... 250 მგ

დამხმარე ნივთიერებები:

მიკროკრისტალური ცელულოზა, ულტრაამილოპექტინი, სილიციუმის ჰიდროფილური კოლოიდური ორჟანგი, ჰიდროქსიპროპილმეთილცელულოზა, მაგნიუმის სტეარატი.

ჩვენებები:

• პრეპარატს იყენებენ კანის, თავის თმიანი ნაწილის და ფრჩხილების სოკოვანი დაავადებების სამკურნალოდ.

სოკოს იდენტიფიკაციის ჩატარება მიზანშეწონილია წინასწარი ლაბორატორიული კვლევით.

მიღების წესი და დოზირება:

მოზრდილებში ძირითადად ინიშნება პრეპარატის 1 ტაბ. (250 მგ) დღე-ღამეში.

ტერბიზილ 250 მგ ტაბლეტების მიღება ხდება დაუღეჭავად მცირე რაოდენობის წყალთან ერთად, საკვების მიღებისაგან დამოუკიდებლად. მკურნალობის კურსის დადგენა ხდება ექიმის მიერ. იგი დამოკიდებულია დაავადების მიმდინარეობაზე და მის სიმძიმეზე. მკურნალობის ნაადრევი შეწყვეტით შესაძლებელია დაავადების რეციდივის განვითარება.

ფრჩხილის სოკოვანი დაავადების დროს პრეპარატის მიღება საჭიროა ჯანმრთელი ფრჩხილის მოცილებამდე.

საჭიროა ექიმთან კონსულტაცია, რათა თავიდან იქნას აცილებული ახალი დასნებოვნება (მაგ. დეზინფექცია და სპეციალური ფეხსაცმლის ტარება).

ტაბლეტების მიღება წარმოებს ერთსა და იმავე დროს. ტაბლეტის მიღების დავიწყებისას შემდეგი ტაბლეტის  მიღებამდე 4 სთ-ზე მეტი დროის დარჩენის შემთხვევაში შესაძლებელია მისი მიღება. მაგრამ 4 სთ-ზე ნაკლები დროის დარჩენის შემთხვევაში საჭიროა ტაბლეტის შემდეგ მიღებამდე დაცდა.

გვერდითი მოვლენები:

♦ პრეპარატი ძირითადად ხასიათდება კარგი ამტანობით. ზოგჯერ შესაძლებელია გულისრევა, მუცლის ქვედა არეში ტკივილი, დიარეა, მადის დაკარგვა, კანზე გამონაყარი, გემოს შეგრძნების გარდამავალი დაქვეითება.

♦ იშვიათად - სახსრების და კუნთების ტკივილი. აღნიშნული სიმპტომები სუსტად არის გამოხატული და მკურნალობის შემდეგ მალევე ქრება.

♦ ერთეულ შემთხვევებში შესაძლებელია სტივენს-ჯონსონის სინდრომის და ეპიდერმული ნეკროლიზის განვითარება, ცვლილებები პერიფერიული სისხლის სურათის მხრივ.

უკუჩვენებები:

* პრეპარატის ან მისი შემადგენელი კომპონენტების მიმართ მომატებული მგრძნობელობა;

* ორსულობა და ლაქტაცია;

* პრეპარატის გამოყენება ბავშვებში, რომელთა სხეულის წონა 4 კგ-ზე ნაკლებია მიზანშეწონილი არ არის.

განსაკუთრებული მითითები:

◄ ტერბიზილი სიფრთხილით ენიშნებათ ღვიძლისა და თირკმელების დაავადებებით შეპყრობილ პაციენტებს. ამ დროს საჭიროა ექიმთან კონსულტაცია.

◄ გულისრევის, მადის დაკარგვის, ყელის ტკივილის, ტემპერატურის მომატების, თვალის სკლერების და კანის ყვითლად შეფერვის, შარდის გამუქების ან ღია ფერის განავალის შემთხვევაში საჭიროა პრეპარატით მკურნალობის შეწყვეტა და ექიმთან კონსულტაცია.

ჭარბი დოზირება:

სიმპტომები: თავის ტკივილი, თავბრუსხვევა, გულისრევა, მუცლის არეში ტკივილი.

ამ დროს საჭიროა ექიმთან კონსულტაცია.

სხვა წამლებთან ურთიერთქმედება:

ტერბიზილთან სხვა პრეპარატების კომბინაციისას, მათი ურთიერთქმედების გამო, საჭიროა ექიმთან კონსულტაცია.

შენახვის პირობები:

პრეპარატი ინახება 15-30⁰C ტემპერატურამდე, ბავშვებისაგან დაცულ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცპტით.