მწარმოებელი: NATUR PRODUKT

მოქმედი ნივთიერება: სალბი

კლინიკურ-ფარმაკოლოგიური ჯგუფი:

ანთების საწინააღმდეგო და ანტიმიკრობული საშუალება

შემადგენლობა და გამოშვების ფორმა:

საწუწნი ტაბლეტები: შეფუთვაში 20 ც.

1 ტაბ.

სალბის ექსტრაქტი ..........    12.5 მგ

სალბის ესენცია ...............     2.4 მგ

დამხმარე ნივთიერებები : ასკორბინის მჟავა ,   ვაშლის მჟავა , ასპარტამი , სორბიტი , სილიციუმის კოლოიდური დიოქსიდი ,   მაგნიუმის სტეარატი ,   საქარინი , სორბიტოლი , მაგნიუმის სტეარატი , საღებავი E -104, საღებავი E -132, არომატული დანამატი ,, თაფლი ".

აღწერილობა:

ბრტყელი , დაქანებული კიდეებით , მოცისფრო - მომწვანო ფერის , სპეციფიკური სუნის მქონე ტაბლეტები , შედარებით უფრო ღია და მუქი ფერის ჩანართებით . ტაბლეტის ორივე მხრეზე არის გრავირება > ხის ფონზე

ფარმაკოლოგიური ჯგუფი:

მცენარეული წარმოშობის ანტისეპტიკური საშუალება

ფარმაკოლოგიური მოქმედება:

კომბინირებული პრეპარატი , რომელიც შეიცავს ბიოლოგიურად აქტიურ ნივთიერებებს . ავლენს ანთების საწინააღმდეგო ანტიმიკრობულ და ამოსახველებელ მოქმედებას . გააჩნია შემახორცებელი თვისებები .

გამოყენების ჩვენება:

გამოიყენება ზემო სასუნთქი გზების ანთებითი დაავადებების ( ანგინა , ლარინგიტი , ფარინგიტი და სხვ .), პირის ღრუს ( სტომატიტი , გინგივიტი ) სამკურნალოდ , კომპლექსურ თერაპიაში .

უკუჩვენება;

* ჰიპერმგრძნობელობა პრეპარატის კომპონენტებზე .

მიღების გზები და დოზირება:

საჭიროა პირის ღრუში გაჩერება სრულ გაწოვამდე . – მოზრდილები დღეში 6 ტაბლეტი 2 საათის ინტერვალით .

-           5 წლამდე ბავშვები : დღეში 2 ტაბლეტი , 4 საათზე მეტი ინტერვალით ;

-           5- დან 10 წლამდე ბავშვები : დღეში 3 ტაბლეტი , 4 საათიანი ინტერვალით .

გვერდითი ეფექტები:

შესაძლებელია ალერგიული რეაქციები .

განსაკუთრებული მითითებები:

ეფექტის არარსებობისას საჭიროა ექიმის კონსულტაცია .

გამოშვების ფორმა:

10 ტაბლეტი პვქ / ალ ბლისტერში ან 2, 4, 6, 8 ტაბლეტი ალ / ალ სტრიპში .

1, 2, 3, 4, 5 ბლისტერი ან სტრიპი გამოყენების ინსტრუქციასთან ერთად მოთავსებულია მუყაოს კოლოფში .

10, 12 ტაბლეტი ალ / ალ სტრიპი ; 10, 15 ბლისტერი ან სტრიპი გამოყენების ინსტრუქციასთან ერთად მოთავსებულია მუყაოს კოლოფში .

შენახვის პირობები:

ინახება არაუმეტეს 25°C ტემპერატურაზე , სინათლისგან დაცულ ადგილას .

ინახება ბავშვებისთვის მიუწვდომელ ადგილას .

შენახვის ვადა:

3 წელი ;

შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება .

აფთიაქიდან გაცემის პირობები:

ურეცეპტოდ

მწარმოებელი :

ნატურ პროდუკტ ევროპა ბ . ვ ., ნიდერლანდები

საერთაშორისო დასახელება:

SILVER SULFADIAZINE, CHLORHEXIDENE

მწარმოებელი: ავერსი-რაციონალი, საქართველო

მოქმედი ნივთიერება: ვერცხლის სულფადიაზინი+ქლორჰექსიდინი

კლინიკურ-ფარმაკოლოგიური ჯგუფი:

ანტიმიკრობული საშუალება ადგილობრივი გამოყენებისათვის.

შემადგენლობა და გამოშვების ფორმა:

კრემი: ტუბში 15 გ.

1 გ.

ვერცხლის სულფადიაზინი ................    10 მგ

ქლორჰექსიდინის გლუკონატი ...............  2 მგ

დამხმარე ნივთიერებები:

მეთილპარაბენი, პროპილპარაბენი, ცეტოსტეარილის სპირტი, ცეტომაკროგოლი 1000, მსუბუქი თხევადი პარაფინი, ნატრიუმის ჰიდროფოსფატი, დინატრიუმის ედეტატი, ბუთილჰიდროქსიტოლუოლი, გასუფთავებული წყალი.

ფარმაკოლოგიური თვისებები:

სალბესანი კომბინირებული პრეპარატია, რომლის მოქმედება განპირობებულია მასში შემავალი კომპონენტების თვისებებით.

ვერცხლის სულფადიაზინი წარმოადგენს სულფანილამიდური პრეპარატის - სულფადიაზინის წარმოებულს, რომელსაც ანტიმიკრობული მოქმედების ფართო სპექტრი ახასიათებს. პრეპარატი აქტიურია გრამდადებითი და გრამუარყოფითი ბაქტერიების (მათ შორის, Pseudomonas aeruginosa, Eschrichia coli, Klebsiella spp., Enterobacter spp., Proteus spp., Staphylococcus spp., Streptococcus spp.), Candida-ს ჯგუფის საფუარასმაგვარი სოკოების (მათ შორის, Candida albicans), დერმატოფიტებისა და ჰერპესის ვირუსის ზოგიერთი შტამის მიმართ. ჭრილობაში ვერცხლის სულფადიაზინი დისოცირდება სულფადიაზინისა და ვერცხლის იონების წარმოქმნით. ვერცხლის იონები განაპირობებს პრეპარატის ბაქტერიციდულ მოქმედებას, რასაც ემატება სუფლადიაზინის ბაქტერიოსტატიკური ეფექტი. მიკრობის უჯრედში პრეპარატი აინჰიბირებს ფოლატების სინთეზს (სულფადიაზინი) და უპირატესად SH-ს ჯგუფის შემცველი ფერმენტების აქტივობას (ვერცხლის იონები). ვერცხლის იონების გამოთავისუფლება თანდათანობით ხდება, რაც არ იწვევს უჯრედებში ელექტროლიტური ბალანსის დარღვევას. ვერცხლის სულფადიაზინს ახასიათებს ზომიერი ოსმოსური აქტივობა. იგი აღწევს ნეკროზულ ქსოვილში და შეიწოვს ექსუდატს, არ აზიანებს კანის უჯრედებს.

ქლორჰექსიდინის გლუკონატი წარმოადგენს ანტისეპტიკურ საშუალებას. ქლორჰექსიდინი აქტიურია გრამდადებითი და გრამუარყოფითი ბაქტერიების ვეგეტაციური ფორმების (მათ შორის Treponema spp., Neisseria gonorrhoeae, Trichomonas spp., Chlamydia spp., Ureaplasma spp.),  აგრეთვე საფუარა სოკოების, დერმატოფიტებისა და ლიპოფილური ვირუსების მიმართ. იგი ასუფთავებს  და ადეზინფიცირებს კანს, ინარჩუნებს აქტივობას (თუმცა შედარებით დაბალს) სისხლის, ჩირქის არსებობისას, არ იწვევს კანის დაზიანებას.

ფარმაკოკინეტიკა:

ვერცხლის სულფადიაზინის ადგილობრივი გამოყენებისას, ჭრილობაში იქმნება აქტიური კომპონენტების მაღალი ლოკალური კონცენტრაცია.

კანის დაზიანებული ზედაპირიდან (ჭრილობა, დამწვრობა) სულფადიაზინის სისტემური აბსორბცია შეადგენს დოზის 10%-ს, ვერცხლის იონებისა - 1%-ს. ამასთანავე, სულფადიაზინის კონცენტრაცია სისხლის პლაზმაში არ აღემატება 2.0 მგ%-ს. კანის დიდ ფართობზე გამოყენების შემთხვევაში (მაგალითად, ვრცელი დამწვრობა) სულფადიაზინის კონცენტრაცია პლაზმაში შეიძლება აღწევდეს 8-12 მგ%-ს, რაც თერაპიულ მაჩვენებლებს უახლოვდება.

სულფადიაზინი ორგანიზმიდან თირკმელების საშუალებით გამოიყოფა. ცხოველებზე ჩატარებულმა კვლევებმა აჩვენა, რომ აბსორბირებული ვერცხლის იონების უმეტესი ნაწილი ნაღვლით გამოიყოფა.

ქლორჰექსიდინის გლუკონატი კანის ზედაპირიდან მცირე რაოდენობით შეიწოვება - დოზის 1%-ზე ნაკლები, შესაბამისად პრეპარატის სისტემური მოქმედება მინიმალურია.

ჩვენებები:

• დამწვრობით გამოწვეული ინფექციების პროფილაქტიკა და მკურნალობა (მათ შორის აუტოდერმოპლასტიკის ჩატარებამდე);

• ტროფიკული წყლულების, ჭრილობების (მათ შორის, ტაკვის ჭრილობები), ნაწოლების ინფიცირების პროფილაქტკა და მკურნალობა.

• დაჟეჟილობა, კერატომიკოზები.

მიღების წესები და დოზირება:

ჭრილობის ქირურგიული დამუშავებისა და გასუფთავების შემდეგ სალბესანის კრემის თხელი ფენა (2-4 მმ-ის სისქის) ესმება დაზიანებული უბნის ზედაპირს 1-2-ჯერ დღეში.

კანის დიდ ზედაპირზე გამოყენების შემთხვევაში შესაძლებელია სტერილური ნახვევის დადება, რომელსაც ცვლიან 1-2-ჯერ დღეში. ყოველი განმეორებითი აპლიკაციის წინ საჭიროა ძველი კრემის მოცილება წყლის ნაკადით ან ანტისეპტიკური ხსნარით (მაგალითად, ფურაცილინი, ცეტავლონი). პრეპარატის მაქსიმალური ერთჯერადი დოზა შეადგენს 300 მგ-ს, მკურნალობის ხანგრძლივობა - 3 კვირას.

გვერდითი მოვლენები:

ადგილობრივი რეაქციები: იშვიათად - წვის შეგრძნება, ქავილი, ტკივილი, რომლებიც გაივლის აპლიკაციიდან 5-10 წთ-ის შემდეგ;

ცალკეულ შემთხვევებში - კანის პიგმენტაციის დარღვევა, კანის ნეკროზი;

სისტემური რეაქციები: ცალკეულ შემთხვევებში კანის დიდ ფართობზე პრეპარატის ხანგრძლივად გამოყენებისას მოსალოდნელია მულტიფორმული ერითემა, პერიფერიული სისხლის სურათის ცვლილებები (ტრანზიტორული ლეიკოპენია უპირატესად ნეიტროფილების შემცირების ხარჯზე და სხვ.). ალერგიული რეაქციები, დისპეფსიური მოვლენები, ჰეპატიტი, ჰეპატოცელულური ნეკროზი, ინტერსტიციული ნეფრიტი, ტოქსიკური ნეფროზი, რეაქციები ცენტრალური ნერვული სისტემის მხრივ.

უკუჩვენებები:

* მომატებული მგრძნობელობა პრეპარატის რომელიმე კომპონენტის მიმართ.

* ფერმენტ გლუკოზო-6-ფოსფატდეჰიდროგენაზას გენეტიკური დეფიციტი (ჰემოლიზური ანემიის განვითარების მაღალი რისკის გამო);

* თირკმლის ან/და ღვიძლის უკმარისობა, პორფირია;

* პრეპარატი არ გამოიყენება ერთ წლამდე ასაკის ბავშვებში.

ორსულობა და ლაქტაცია:

სალბესანის გამოყენება ორსულობის პერიოდში არ არის რეკომენდებული, ვინაიდან სულფადიაზინი ზრდის ჰიპერბილირუბინემიის განვითარების რისკს.

პრეპარატის გამოყენება ორსულობის დროს დასაშვებია იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების პოტენციურ რისკს.

პრეპარატი გადადის დედის რძეში, რის გამოც მკურნალობის პერიოდში საჭიროა ძუძუთი კვების შეწყვეტა.

განსაკუთრებული მითითებები:

◄ სალბესანი სიფრთხილით ინიშნება სულფანილამიდებისადმი მომატებული მგრძნობელობის მქონე პაციენტებში შესაძლო ჯვარედინი რეზისტენტობის განვითარების გამო.

◄ სალბესანის კანის დიდ ფართობზე ხანგრძლივად გამოყენებისას საჭიროა ღვიძლისა და თირკმლის ფუნქციების, პერიფერიული სისხლის სურათის კონტროლი, აგრეთვე შრატში სულფადიაზინის კონცენტრაციის და შარდში მისი შესაძლო შემცველობის კონტროლი.

◄ ისევე, როგორც სხვა ადგილობრივი ანტიმიკრობული საშუალებების გამოყენებისას, ვერცხლის სულფადიაზინით მკურნალობის დროს შესაძლებელია სუპერინფექციის განვითარება.

◄ პრეპარატი არ გამოიყენება ღრმა ჩირქოვანი ჭრილობებისა და უხვი ექსუდატის მქონე დამწვრობების სამკურნალოდ.

◄ დაუშვებელია პრეპარატის თვალში მოხვედრა. მისი თვალში მოხვედრის დროს საჭიროა გამდინარე წყლით ჩამობანა.

პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატი არ მოქმედებს სატრანსპორტო საშუალებების მართვის უნარსა და ყურადღების კონცენტრაციაზე.

ჭარბი დოზირება:

სალბესანის სხეულის დიდ ზედაპირზე ხანგრძლივად გამოყენებისას სულფადიაზინის კონცენტრაცია შრატში შეიძლება აღწევდეს იმავე მაჩვენებლებს, რასაც სისტემური გამოყენების დროს. ამის შედეგად შეიძლება განვითარდეს სულფანილამიდებისათვის დამახასიათებელი გვერდითი რეაქციები. ვერცხლის მომატებული სისტემური აბსორბციის გამო არგირია არ ვითარდება.

მკურნალობა: სიმპტომური თერაპია, შრატში სულფანილამიდის კონცენტრაციის განსაზღვრა, სითხის დიდი რაოდენობით მიღება (რეკომენდებული სადღეღამისო დიურეზის 1200-1500 მლ-ზე შენარჩუნება).

სხვა წამლებთან ურთიერთქმედება:

- სულფადიაზინი აძლიერებს ამიოდარონის, ციკლოსპორინის, ანტიკოაგულანტების, სულფანილშარდოვანას წარმოებულების, ასევე საანესთეზიო, ანტიეპილეფსიური და ანტიმალარიული საშუალებების გვერდით მოვლენებს.

- ციმეტიდინთან ერთდროული გამოყენებისას იზრდება ლეიკოპენიის განვითარების რისკი. ვერცხლის სულფადიაზინმა შეიძლება გამოიწვიოს ჭრილობის გასასუფთავებლად გამოყენებული ფერმენტული პრეპარატების ინაქტივაცია.

- ქლორჰექსიდინი შეუთავსებელია საპონთან, აგრეთვე იმ დეტერგენტებთან, რომლებიც შეიცავს ანიონის ჯგუფს (საპონინები, ნატრიუმის ლაურილსულფატი, ნატრიუმის კარბოქსიმეთილცელულოზა).

- იგი შეთავსებადია პრეპარატებთან, რომლებიც შეიცავს კათიონის ჯგუფს (ცეტრიმონიუმის ბრომიდი, ბენზალკონიუმის ქლორიდი).

შენახვის პირობები:

პრეპარატი ინახება 5-25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

ავერსი-რაციონალი

საერთაშორისო დასახელება:

SALBUTAMOL

მწარმოებელი: NORTON (WATERFORD)

მოქმედი ნივთიერება: სალბუტამოლი

კლინიკურ-ფარმაკოლოგიური ჯგუფი:

ბრონქოლიზური პრეპარატი; ბეტა-₂ ადრენომასტიმულირებელი საშუალება

შემადგენლობა და გამოშვების ფორმა:

საინჰალაციო დოზირებული აეროზოლი:

ფლაკონში 200 დოზა.

1 დოზა

სალბუტამოლი .......  100 მკგ

ვრცლად სალმოლი ეკო

საერთაშორისო დასახელება:

SALBUTAMOL

მწარმოებელი: NORTON HEALTHCARE, დიდი ბრიტანეთი

მოქმედი ნივთიერება: სალბუტამოლი

კლინიკურ-ფარმაკოლოგიური ჯგუფი:

ბრონქოლიზური პრეპარატი, ბეტა₂-ადრენომასტიმულირებელი საშუალება.

შემადგენლობა და გამოშვების ფორმა:

საინჰალაციო დოზირებული აეროზოლი:

ფლაკონში 200 დოზა.

1 დოზა

სალბუტამოლის სულფატი ...........  100 მკგ

დამხმარე ნივთიერებები:

ოლეინმჟავა, ჰიდროფლუოროალკანი - 134 ა.

ფარმაკოლოგიური თვისებები:

სალბუტამოლი წარმოადგენს ბეტა₂-ადრენორეცეპტორების სელექტიურ აგონისტს. თერაპიულ დოზებში მოქმედებს ბრონქების გლუვი მუსკულატურის ბეტა₂-ადრენორეცეპტორებზე, და ავლენს გამოხატულ ბრონქოლიზურ ეფექტს, ახდენს ბრონქოსპაზმის პრევენციას და მოხსნას, სასუნთქ გზებში აქვეითებს წინაღობას, ზრდის ფილტვების სასიცოცხლო მოცულობას. ხელს უშლის პოხიერი უჯრედებიდან ნელა მორეაგირე ჰისტამინისა და ნეიტროფილების ქემოტაქსისის ფაქტორების გამოყოფას. მიოკარდიუმზე ახდენს უმნიშვნელო დადებით ქრონო და ინოტროპულ ზემოქმედებას. იწვევს კორონარული არტერიების გაფართოებას, პრაქტიკულად არ აქვეითებს არტერიულ წნევას; ახდენს ტოკოლიზურ მოქმედებას. ამცირებს ტონუსს და მიომეტრიუმის კუმშვადობის აქტივობას.

პრეპარატის მოქმედება იწყება ინჰალაციის გზით შეყვანიდან 5 წუთის შემდეგ და გრძელდება 4-6 საათის განმავლობაში.

ფარმაკოკინეტიკა:

ინჰალაციური შეყვანის შემდეგ დოზის 10%-დან 20%-მდე ხვდება სასუნთქ გზებში, დანარჩენი ნაწილი რჩება მოწყობილობაში ან ილექება პირხახაში და შემდეგ გადაიყლაპება. დოზის ნაწილი, რომელიც გადადის სასუნთქ გზებში შეიწოვება ფილტვის ქსოვილებში, არ მეტაბოლიზდება ისე ხვდება სისხლში.

სისტემურ სისხლის მიმოქცევაში მოხვედრის შემდეგ მას შეუძლია მეტაბოლიზდეს ღვიძლში და გამოიყოს შარდთან ერთად შეუცვლელი ან ფენოლის სულფატის სახით. დოზის ნაწილი, რომელიც ღვიძლში პირველი გასვლის დროს ხვდება კუჭ-ნაწლავის ტრაქტში, შეიწოვება და ინტენსიურ მეტაბოლიზმს განიცდის, იგი ფენოლის სულფატად გარდაიქმნება.

შეუცვლელი პრეპარატიდან კონიუგატი ძირითადად გამოიყოფა შარდში. ვენაში, პერორალურად ან ინჰალაცის გზით შეყვანილი სალბუტამოლის დოზის დიდი ნაწილი გამოიყოფა 72 საათის განმავლობაში. პლაზმის ცილებთან სალბუტამოლის შეკავშირების ხარისხი შეადგენს 10%-ს.

ჩვენებები:

• ბრონქული ასთმის, ქრონიკული ობსტრუქციული ბრონქიტის, ფილტვების ემფიზემის დროს ბრონქოსპაზმის განვითარების პრევენცია და კუპირება.

მიღების წესი და დოზირება:

სალამოლ ეკო განკუთვნილია მხოლოდ ინჰალაციის გზით შეყვანისათვის. სალამოლ ეკოს მოქმედება ვლინდება ინჰალაციიდან 5 წუთის შემდეგ და გრძელდება 4-6 საათი. დოზის მომატების ან პრეპარატის გამოყენების სიხშირის საკითხი მხოლოდ ექიმის გადასაწყვეტია.

მოზრდილები (მათ შორის ხანდაზმული პაციენტები): ბრონქული ასთმის შეტევის განვითარების დროს რეკომენდული (ერთჯერადი საწყისი) დოზა შეადგენს 100-200 მკგ-ს (1-2 ინჰალაცია).

ბრონქული ასთმის შეტევის თავიდან ასაცილებლად, რომელიც დაკავშირებულია ალერგენის მოქმედებით ან გამოწვეულია ფიზიკური დატვირთვით, რეკომენდებულია ორი ინჰალაციის გაკეთება (200 მკგ) 10-15 წუთში. მოსალოდნელ ეფექტამდე ხანგრძლივი მკურნალობისას სალამოლ ეკო ინიშნება დოზით 200 მკგ (2 ინჰალაცია) დღეში 4-ჯერ.

ბავშვები 2 წლის ასაკის ზევით: ბრონქული ასთმის შეტევის განვითარების დროს, და ასევე ბრონქული ასთმის შეტევის თავიდან ასაცილებლად, რომელიც დაკავშირებულია ალერგენის მოქმედებით ან გამოწვეულია ფიზიკური დატვირთვით, რეკომენდებული დოზა შეადგენს 100-200 მკგ-ს (1-2 ინჰალაცია).

ხანგრძლივი მკურნალობისას სალამოლ ეკო ინიშნება დოზით 200 მკგ (2 ინჰალაცია) დღეში 4-ჯერ.

სალამოლ ეკოს დღიური დოზა არ უნდა აღემატებოდეს 800 მკგ-ს (8 ინჰალაცია).

სალამოლ ეკო-ს მაქსიმალური დოზების ხშირი გამოყენების მოთხოვნილება ან დოზის უეცარი მომატება დაავადების გაუარესებაზე მიუთითებს.

გვერდითი მოვლენები:

♦ სალამოლ ეკო-ს შეუძლია გამოიწვიოს ჩონჩხის კუნთების მსუბუქი ტრემორი, რომელიც ყველაზე უფრო გამოხატულია ხველების მხრივ და წარმოადგენს ტიპიურ გვერდით მოვლენას ბეტა₂-ადრენორეცეპტორების ყველა აგონისტისათვის.

♦ რიგ შემთხვევებში პაციენტებში აღინიშნება თავის ტკივილი, პერიფერული სისხლძარღვების გაფართოება და გულის შეკუმშვების სიხშირის უმნიშვნელო კომპენსატორული მომატება.

♦ ძალიან იშვიათად ვითარდება ჰიპერმგრძნობელობის რეაქციები (ანგიონევროზული შეშუპების, ჭინჭრის ციების, ბრონქოსპაზმის, არტერიული ჰიპოტონიისა და კოლაფსის ჩათვლით); კუნთოვანი კრუნჩხვები, ტაქიკარდია, გულისრევა, ღებინება.

♦ ინჰალაციურ პრეპარატებს შეუძლიათ პარადოქსული ბრონქოსპაზმის განვითარება. აუცილებელია პარადოქსული ბრონქოსპაზმის სასწრაფო მოხსნა სალბუტამოლის სხვა სამკურნალო ფორმით ან სხვა სწრაფად მოქმედი ინჰალაციური ბრონქოდილატატორით. პარადოქსული ბრონქოსპაზმის განვითარების შემთხვევაში საჭიროა უმალვე შეწყდეს სალამოლ ეკო-ს მიღება, შეფასდეს პაციენტის მდგომარეობა, ჩატარდეს აუცილებელი გამოკვლევა და საჭიროების შემთხვევაში დაინიშნოს თერაპია სხვა სამკურნალო პრეპარატებით.

♦ ინჰალაციურ პრეპარატებს შეუძლიათ გამოიწვიონ პირის ღრუსა და ხახის ლორწოვანი გარსის გაღიზიანება. ბეტა₂-ადრენორეცეპტორების აგონისტებით მკურნალობამ შეიძლება გამოიწვიოს ჰიპოკალიემია, რომელიც პაციენტისათვის სერიოზულ საფრთხეს წარმოადგენს.

♦ ისევე როგორც ბეტა₂-ადრენორეცეპტორების სხვა აგონისტები, სალამოლ ეკო-ს იშვიათად შეუძლია გამოიწვიოს აღგზნებადობა და ბავშვებში მამოძრავებელი აქტივობის მომატება. ზოგიერთ პაციენტში შესაძლებელია გულის არითმიების გამოვლენა (წინაგულების ფიბრილაციის, პარკუჭზედა ტაქიკარდიების და ექსტრასისტოლების ჩათვლით).

უკუჩვენებები:

* ჰიპერმგრძნობელობა პრეპარატის რომელიმე კომპონენტის მიმართ;

* ტაქიარითმია;

* მიოკარდიტი;

* გულის მანკები, აორტული სტენოზი;

* დეკომპენსირებული შაქრიანი დიაბეტი;

* ჰიპერთირეოზი;

* გლაუკომა;

* 2 წლამდე ბავშვის ასაკი.

* სალბუტამოლის საინჰალაციო პრეპარატები არ გამოიყენება ნაადრევი მშობიარობების დროს.

*  სალბუტამოლის გამოყენება არ შეიძლება მოსალოდნელი აბორტის დროს.

ორსულობა და ლაქტაცია:

ორსულ ქალებში პრეპარატი ინიშნება მხოლოდ იმ შემთხვევაში, თუ დედისათვის მოსალოდნელი სარგებელი აღემატება ნაყოფისათვის მიყენებულ შესაძლო საშიშროებას.

სავარაუდოა, რომ სალბუტამოლი აღწევს დედის რძეში, ამიტომ მეძუძურ დედებში არ არის რეკომენდებული პრეპარატის მიღება, გარდა იმ შემთხვევისა, თუ დედისათვის მოსალოდნელი სარგებელი აღემატება ბავშვისათვის მიყენებულ შესაძლო საშიშროებას.

უცნობია, ახდენს თუ არა დედის რძეში არსებული სალბუტამოლი ახალშობილზე უარყოფით ზემოქმედებას.

განსაკუთრებული მითითებები:

◄ პაციენტებში ბრონქული ასთმის მძიმე ან არასტაბილური მიმდინარეობით ბრონქოდილალატორების გამოყენება არ უნდა იყოს მკურნალობის ძირითადი ან ერთადერთი მეთოდი.

◄ თუ სალამოლ ეკო-ს ჩვეულებრივი დოზა ნაკლებ ეფექტური ხდება ან ნაკლებად ხანგრძლივი (პრეპარატის მოქმედება უნდა შენარჩუნდეს არანაკლებ 3 საათისა), პაციენტმა ექიმს უნდა მიმართოს.

◄ ბრონქული ასთმის სიმპტომების კონტროლისათვის მოკლე ხანგრძლივობის ბეტა₂-ადრენორეცეპტორების ინჰალაციური აგონისტების მიღების მომატებული მოთხოვნილება დაავადების გამწვავების მანიშნებელია.

◄ ასეთ შემთხვევაში საჭიროა გადაიხედოს მკურნალობის გეგმა და გადაწყდეს საინჰალაციო ან სისტემური გლუკოკორტიკოიდების დოზის მომატების ან გაზრდის საკითხი.

◄ ბეტა₂-ადრენორეცეპტორების აგონისტებით მკურნალობამ შეიძლება გამოიწვიოს ჰიპოკალიემია. განსაკუთრებული სიფრთხილეა საჭირო ბრონქული ასთმის მძიმე შეტევების მკურნალობის დროს, ვინაიდან ასეთ შემთხვევაში ჰიპოკალიემია შეიძლება გაძლიერდეს ქსანტინის წარმოებულების, გლუკოკორტიკოსტეროიდების, დიურეტიკების ერთობლივი გამოყენების, და ასევე ჰიპოქსიის შედეგად. ასეთ შემთხვევებში საჭიროა სისხლის შრატში კალიუმის დონის კონტროლი.

ჭარბი დოზირება:

სალბუტამოლის ჭარბი დოზის მიღების შემთხვევაში საუკეთესო ანტიდოტია კარდიოსელექციური ბეტა₂ ადრენობლოკატორები. თუმცა, ბეტა₂-ადრენორეცეპტორების ბლოკატორები დიდი სიფრთხილით უნდა გამოვიყენოთ პაციენტებში, რომელთაც ანამნეზში ბრონქოსპაზმი აღენიშნებათ.

სალბუტამოლის დიდი დოზების მიღებამ შეიძლება გამოიწვიოს ჰიპოკალიემია, ამიტომ ჭარ დოზირებაზე ეჭვის შემთხვევაში აუცილებელია სისხლის შრატში კალიუმის დონის კონტროლი.

სხვა წამლებთან ურთიერთქმედება:

- არ არის რეკომენდებული სალამოლ ეკოს- და ბეტა₂-ადრენორეცეპტორების არასელექციური ლოკატორების, ისეთების როგორიცაა პროპრანოლოლის კომბინაციაში გამოყენება.

-  სალამოლ ეკო უკუნაჩვენებია პაციენტებში, რომლებიც ღებულობენ მონოამინოქსიდაზას ინჰიბიტორებს.

-ჰიპოკალიემია შეიძლება გაძლიერდეს ქსანტინის წარმოებულების, გლუკოკორტიკოსტეროიდების, დიურეტიკების ერთდროული გამოყენებისას.

შენახვის პირობები:

პრეპარატი ინახება ოთახის ტემპერატურაზე, მზის სხივების პირდაპირი მოქმედებისაგან დაცულ ადგილას. გაყინვა დაუშვებელია.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

მწარმოებელი: BIOPHARM

კლინიკურ-ფარმაკოლოგიური ჯგუფი:

გამხსნელი; ინექციისათვის საჭირო სამკურნალო საშუალებების მოსამზადებლად.

შემადგენლობა და გამოშვების ფორმა:

საინექციო წყალი: ამპულაში 21 მლ, შეფუთვაში 10 ც.

მწარმოებელი: P. P. E. “GEMI”, პოლონეთი

კლინიკურ-ფარმაკოლოგიური ჯგუფი:

პრეპარატი ანტითრომბოლიზური და ანთების საწინააღმდეგო მოქმედებით გარეგანი გამოყენებისთვის.

შემადგენლობა და გამოშვების ფორმა:

გელი: ტუბში 30 გ

100 გ

ცხენისწაბლას ექსტრაქტი

(1:1, ეთანოლი 60) ...........     5.0 გ

ჰეპარინ ნატრიუმი    50000 სე

ანესთეზინი ......................   1.0 გ

ფარმაკოლოგიური თვისებები:

პრეპარატს გააჩნია მაღალი ფარმაკოლოგიური აქტივობა, რომელიც დაკავშირებულია მის შემადგენლობაში შემავალ შემდეგ აქტიურ ნივთერებებთან:

ჰეპარინ ნატრიუმის მარილი: გააჩნია ანტიკოაგულანტური, თრომბოლიზური მოქმედება, რომელიც ამცირებს შედედების პლაზმური ფაქტორების აქტივობას, აგრეთვე გააჩნია ანთების საწინააღმდეგო მოქმედება, რომელიც გამოიხატება ჰიალურონიდაზის აქტიურობის დათრგუნვით;

ცხენისწაბლას ექსტრაქტი (1:1 ეთანოლ 60): შემადგენლობაში არსებული ტრიტერპენული საპონინების წყალობით, ამჟღავნებს ანთების საწინააღმდეგო, ვენების მატონიზირებელ, შეშუპების საწინააღმდეგო მოქმედებებს. ასტაბილირებს სისხლძარღვთა გამტარიანობას, ამაგრებს კაპილარების კედლებს, ამცირებს ლიმფოსტაზს, ხელს უშლის სტაზის განვითარებას, რითაც აძლიერებს ჰეპარინის მოქმედებას.

ანესთეზინი: ავლენს ადგილობრივ გამაყუჩებელ მოქმედებას შეშუპების, კანის ანთების (რომელიც დაკავშირებულია ვენების ვარიკოზულ გაგანიერებესთან), კანქვეშა ჰემატომების (სისხლჩაქცევების), ტრავმების დროს.

ჩვენებები:

• დამხმარე თერაპია: შეშუპების მკურნალობა და პროფილაქტიკა (ტრავმული);
• კანქვეშა ჰემატომები;
• ვენური სისხლის მიმოქცევის მოშლა.
• ქვედა კიდურების ვენების ვარიკოზული გაგანიერება;
• თრომბოზი;
• ტკივილი და სიმძიმის შეგრძნება ქვედა კიდურებში.

მიღების წესი და დოზირება:

კანის დაზიანებულ ადგილებზე გელის თხელი ფენის შეზელვით 3-5-ჯერ დღე-ღამეში.

არ გამოიყენება სახვევის და ელასტიური წინდის ქვეშ

გვერდითი მოვლენები:

შეიძლება გამოიწვიოს ალერგიული რეაქცია (ჭინჭრის ციება, ქავილი, კანის ადგილობრივი ანთება, წვა);

უკუჩვენებები:

* მომატებული ინდივიდუალური მგრძნობელობა პრეპარატის კომპონენტების მიმართ.

* არ იხმარება ღია ჭრილობებზე, ლორწოვან გარსზე და დასხივებით დაზიანებულ კანზე.

ორსულობა და ლაქტაცია:

* ფრთხილად უნდა იქნას გამოყენებული პრეპარატი ორსულობისა და ძუძუთი კვების დროს.

განსაკუთრებული მითითებები:

♦ ფრთხილად უნდა იქნას გამოყენებული იმ პაციენტებში, რომელთაც გააჩნიათ სისხლდენისკენ მიდრეკილება.

♦ ალერგიული რეაქციის გამოვლენისას (ჭინჭრის ციება ქავილი, წვა ან გულისრევა) უნდა შეწყდეს პრეპარატის გამოყენება.

♦ დაუშვებელია პრეპარატის თვალის მიდამოში მოხვედრა.

გავლენა სატრანსპორტო და მექანიკური საშუალებების მართვის უნარზე: პრეპარატი არ მოქმედებს სატრანსპორტო ან მექანიკური საშუალებების მართვის უნარზე.

ჭარბი დოზირება:

პრეპარატის ფორმა და გამოყენების წესი უზრუნველყოფს დაცვას მისი გადაჭარბებული დოზით გამოყენებისგან. გადაჭარბების ვარაუდის შემთხვევაში საჭიროა ექიმთან კონსულტაცია;

ჰეპარინის ანტიდოტს წარმოადგენს პროტამინ სულფატი.

სხვა წამლებთან ურთიერთქმედება:

- ადგილობრივი გამოყენების დროს ჰეპარინის ნატრიუმის მარილის რეზორბცია სისხლში შეზღუდულია.

- შიგნით მისაღებ სხვა ანტითრომბულ პრეპარატებთან ერთად გამოყენებამ, შესაძლოა დააჩქაროს ჰეპარინის მოქმედება და გაახანგრძლივოს სისხლის პლაზმის შედედების დრო.

შენახვის პირობები:

პრეპარატი ინახება 15-25⁰C ტემპერატურაზე, დახურულ შეკვრაში, შუქისგან დაცულ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

შარდ-სასქესო სისტემის დაავადებების სამკურნალო ჰომეოპათიური საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 და 100 მლ.

100 მლ

Sabal serrulatum D2 .....            0.9 მლ

Sabal serrulatum D10 ....           0.3 მლ

Sabal serrulatum D30 ....           0.3 მლ

Hepar sulfuris D10 ........           0.7 მლ

Hepar sulfuris D15 ........           0.7 მლ

Hepar sulfuris D30.........           0.7 მლ

Hepar sulfuris D200 ......           0.7 მლ

Spiritus 45 vol %

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• პროსტატის ადენომის პირველი სტადია პროსტატიტი, შარდსასქესო გზების გაღიზიანება და ანთებები, ცისტიტები;
• ასევე, როგორც დამხმარე თერაპია, თირკმელის კენჭოვანი დაავადების ჰიდრონეფროზების და პიელოცისტიტების დროს.

მიღების წესი და დოზირება:

წვეთები პერორალური მიღებისათვის:

ჩვეულებრივ ინიშნება 10 წვეთი 3-ჯერ დღეში. მწვავე მდგომარეობისას მკურნალობას იწყებენ 10-10 წვეთით ყოველ 15 წუთში. არა უმეტეს 2 საათის განმავლობაში.

გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნილის ყლუპებად დალევა.

გვერდითი მოვლენები:

არ გააჩნია

უკუჩვენებები:

არ გააჩნია.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

SIMETHICON

მწარმოებელი: PFAIZER, საფრანგეთი

მოქმედი ნივთიერება: სიმეთიკონი

კლინიკურ-ფარმაკოლოგიური ჯგუფი:

მეტეორიზმი საწინააღმდეგო საშუალება.

შემადგენლობა და გამოშვების ფორმა:

პერორალური სუსპენზია: ფლაკონში 30 მლ

1 მლ

სიმეთიკონი ..............    69.19 მგ

დამხმარე ნივთიერებები:

პოლიგლიკოსტეარილის მჟავას ეთერები, მეთილჰიდოქსიპროპილცელულოზა, კარბომერი, ნატრიუმის ციტრატი, ლიმონმჟავას მონოჰიდრატი, ვანილის არომატი, ჟოლოს არომატი, ნატრიუმის ციკლომატი, ნატრიუმის საქარინი, გასუფთავებული წყალი, კონსერვანტები: სორბინის მჟავა, ნატრიუმის ბენზოატი.

ფარმაკოლოგიური თვისებები:

საბ სიმპლექსი ფაზების გაყოფის საზღვარზე ზედაპირის დაჭიმულობის შემცირებით ართულებს აირის ბუშტუკების წარმოქმნას და ხელს უწყობს მათ დაშლას საკვებ ფაფაში და კუჭ-ნაწლავის ტრაქტის ლორწოში. ამ დროს გამოთავისუფლებული აირები შთაინთქმებიან ნაწლავის კედლების მიერ ან გამოიყოფიან პერისტალტიკის საშუალებით. სონო- და რენტგენოგრაფიის დროს საბ სიმპლექსი ხელს უშლის გამოსახულების ხარვეზების განვითარებას; ხელს უწყობს მსხვილინაწლავის ლორწოვანი გარსის კონტრასტული საშუალებით მორწყვას, ხელს უშლის კონტრასტული აპკის გახლეჩას.

ცვლის კუჭის შიგთავსში და ნაწლავის ლორწოში წარმოქნმილი აირის ბუშტუკების ზედაპირულ დაჭიმულობას. გამონთავისუფლებული აირები შეიწოვებიან ნაწლავის კედლების მიერ ან გამოიყოფიან ნაწლავის პერისტალტიკის დროს. სიმეთიკონი ქაფს ფიზიკური გზით გამოყოფს, არ შედის ქიმიურ რეაქციებში, ფარმაკოლოგიურად ინერტულია. არ შეიწოვება ორგანიზმში და გამოიყოფა უცვლელი სახით ნაწლავის მიერ.

ფარმაკოკინეტიკა:

ფიზიოლოგიური და ქიმიური ინერტულობის წყალობით არ შეიწოვება ორგანიზმში, კუჭ-ნაწლავის ტრაქტში გავლის შემდეგ გამოიყოფა შეუცვლელი სახით.

ჩვენებები:

• მეტეორიზმი (მათ შორის პოსტოპერაციულ პერიოდში);
• კუჭ-ნაწლავის ტრაქტის დიაგნოსტიკური გამოკვლევებისათვის მომზადება (რენტგენოგრაფია, ულტრაბგერითი გამოკვლევა, ეზოფაგოგასტროდუოდენოსკოპია);
• სარეცხი საშუალებებით მწვავე მოწამვლა მათი კუჭში მოხვედრისას.

მიღების წესი და დოზირება:

მეტეორიზმის დროს:

ახალშობილები და ბავშვები, რომლებიც საკვებს ბოთლიდან ღებულობენ: ყოველ ბოთლში სუსპენზიის 15 წვეთს (0.6 მლ) უმატებენ.

საბ სიმპლექსის შერევა შეიძლება სხვა სითხეებთან, მაგალითად რძესთან.

სკოლამდელი ასაკის ბავშვები: 15 წვეთი (0.6 მლ) ჭამის დროს ან ჭამის შემდეგ. საჭიროების შემთხვევაში დამატებით 15 წვეთი ღამით.

სკოლის ასაკის ბავშვები: 20-30 წვეთი (0.8-1.2 მლ).

მოზრდილები: 30-45 წვეთი (1.2-1.8 მლ).

დოზა მიღებული უნდა იქნეს ყოველ 4-6 საათში; საჭიროების შემთხვევაში შეიძლება მისი გაზრდა.

საბ სიმპლექსის მიღება უმჯობესია ჭამის დროს ან ჭამის შემდეგ. და საჭიროების შემთხვევაში ძილის წინ.

საბ სიმპლექსის მიცემა შეიძლება ახალშობილებში ჭამამდე ჩაის კოვზით.

გამოყენებამდე ფლაკონი აქტიურად უნდა შეინჯღრეს. იმისათვის, რომ სუსპენზია პიპეტიდან გადმოვიდეს, ფლაკონი უნდა გადმოვაბრუნოთ და ფსკერზე დავაკაკუნოთ.

გამოყენების ხანგრძლივობა დამოკიდებულია ჩივილების დინამიკაზე. საჭიროების შემთხვევაში საბ სიმპლექსის გამოყენება შეიძლება ხანგრძლივი პერიოდის განმავლობაში.

კუჭ-ნაწლავის ტრაქტის დიაგნოსტიკური გამოკვლევებისათვის მომზადება: კუჭ-ნაწლავის ტრაქტის დიაგნოსტიკური გამოკვლევებისათვის მომზადების დროს გამოყენება გაადვილდება თუ ფლაკონს პიპეტს მოვაცილებთ.

რენტგენოლოგიური გამოკვლევა: რენტგენოგრაფიისათვის მოსამზადებლად გამოკვლევამდე ერთი დღით ადრე მიიღება საბ სიმპლექსის 3-6 ჩაის კოვზი (15-30 მლ).

ულტრაბგერით გამოკვლევა: ულტრაბგერითი გამოკვლევისთვის მომზადებისას რეკომენდებულია მივიღოთ საბ სიმპლექსის 3 ჩაის კოვზი (15 მლ) საღამოს, გამოკვლევამდე ერთი დღით ადრე და 3 ჩაის კოვზი გამოკვლევამდე 3 საათით ადრე.

ენდოსკოპია: ენდოსკოპიამდე უნდა მივიღოთ საბ სიმპლექსის 1 ჩაის კოვზი (2.5-5 მლ). გამოკვლევის დროს ენდოსკოპიით შეიძლება შევიყვანოთ საბ სიმპლექსის სუსპენზიის რამდენიმე მილილიტრი.

სარეცხი საშუალებებით მოწამვლა: დოზა დამოკიდებულია მოწამვლის სიმძიმეზე. რეკომენდებული საბ სიმპლექსის მინიმალური დოზა შეადგენს 1 ჩაის კოვზს (5 მლ).

გვერდითი მოვლენები:

საბ სიმპლექსის გამოყენებისას გვერდითი მოვლენების განვითარება არ აღინიშნება.

უკუჩვენებები:

* პრეპარატის კომპონენტების მიმართ ჰიპერმგრძნობელობა;

* კუჭ-ნაწლავის ტრაქტის ობსტრუქციული დაავადებები;

* ნაწლავის გაუვალობა.

ორსულობა და ლაქტაცია:

საბ სიმპლექსის გამოყენება შეიძლება ორსულობის და ძუძუთი კვების დროს.

ჭარბი დოზირება:

პრეპარატით ინტოქსიკაცის შემთხვევები უცნობია.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

შენახვის ვადა: 3 წელი.

ფარმაკოლოგიური თვისებები

პრეპარატი ხასიათდება ანგიოპროტექტული თვისებებით. იგი მიეკუთვნება P ჯგუფის ვიტამინებს და აქვეითებს კაპილარების მომატებული განვლადობას. ამაგრებს სისხლძარღვების კედლებს, ამცირებს მის შეშუპებას და ანთებით მოვლენებს.

პრეპარატს გააჩნია ანტიაგრეგაციული მოქმედება, რაც ხელს უწყობს მიკროცირკულაციის გაუმჯობესების პროცესს. იგი ანელებს დიაბეტური რეტინოპათიის განვითარებას. ადგილობრივი გამოყენებისას მოქმედებს გამაგრილებლად და დამაწყნარებლად.

ჩვენებები

- ვენების ვარიკოზული გაგანიერება ტკივილით და შეშუპებით, ზედაპირული თრომბოფლებიტი, ტროფიკული დარღვევები და წყლულები ქრონიკული ვენური უკმარისობის დროს.

- პოსტთრომბოზული სინდრომი, ვარიკოზული ვენების რეზექციის შემდგომი პერიოდი, ჰემორაგიული დიათეზი, კაპილაროტოქსიკოზი,

დიაბეტური რეტინო- და ანგიოპათია,

- ტროფიკული ცვლილებები სხივური თერაპიის შემდეგ.

- ტკივილი და შეშუპება ტრავმის შემდეგ (გარეგანი გამოყენებისათვის).

დოზირების რეჟიმი

ინდივიდუალური, ჩვენების და გამოყენებული სამკურნალო ფორმის მიხედვით.

გვერდითი მოვლენები

პერორალური მიღებისას შესაძლებელია განვითარდეს დისპეფსიური მოვლენები, თავის ტივილი, სახის ჰიპერემია. იშვიათად - გამონაყარი კანზე.

უკუჩვენებები

ორსულობის I ტრიმესტრი, მომატებული მგრძნობელობა რუტოზიდის მიმართ.

განსაკუთრებული მითითებები

პრეპარატი ინიშნება კომბინირებული თერაპიის შემადგენლობაში. რეკომენდებულია მისი ერთდროული გამოყენება ასკორბინის მჟავასთან.

მწარმოებელი: AFLOFARM, Poland

კლინიკურ-ფარმაკოლოგიური ჯგუფი:

იმუნომოდულატორები; ფიტოპრეპარატები

შემადგენლობა და გამოშვების ფორმა:

ფლაკონი 100მლ

დამხმარე ნივთიერებები: საქაროზა, დისტილირებული წყალი, ლიმონმჟავა (მჟავიანობის რეგულატორი), ჟოლოს არომატიზატორი, ქსანტინის ფისი (შემასქელებელი), ჟოლოს წვენი.

ფარმაკოლოგიური თვისებები:

მცენარეული იმუნოსტიმულატორი. პრეპარატის შემადგენლობაში არსებული კომპონენტები აძლიერებენ ორგანიზმის ბუნებრივ დაცვით ძალებს და წარმოადგენენ იმუნიტეტის სტიმულატორებს.

ჩვენებები:

• გრიპის და სხვა მწვავე რესპირატორული ინფექციების პროფილაქტიკა და მკურნალობა;
• სხვადასხვა ქრონიკული დაავადებების თანმხლები იმუნოდეფიციტური მდგომარეობები;
• ანტიბიოტიკოთერაპიის შემდგომი პერიოდი.

მიღების წესები და დოზები:

3 წლამდე ბავშვებში: ½ ჩაის კოვზი (2,5 მლ) 3-ჯერ დღეში.

3 წელზე მეტი ასაკის ბავშვებში: 1 ჩაის კოვზი (5 მლ) 5-ჯერ დღეში.

მკურნალობის ხანგრძლივობა: ყოველდღიური მიღებისას 10 დღე ან დღეგამოშვებით 20 დღე.

გამოყენების წინ შეანჯღრიეთ. არ არის რეკომენდებული დოზის გადაჭარბება.

უკუჩვენება;

* მომატებული მგრძნობელობა პრეპარატის კომპონენტების მიმართ.

* აუტოიმუნური დაავადებების მქონე პირებმა ექინაცეა უნდა მიიღონ მხოლოდ ექიმის რეკომენდაციით.

შენახვის პირობები და ვადები:

პრეპარატი ინახება დახურულ მდგომარეობაში, 25ºC - ზე დაბალ ტემპერატურაზე, ბავშვებისათვის მიუწვდომელ ადგილას.

აფთიაქში გაცემის წესი:

პრეპარატი გაიცემა ექიმის რეცეპტის გარეშე.