ქვეყანა: საფრანგეთი

მწარმოებელი: დელფარმ რეიმს

გაცემის ფორმა: III ჯგუფი ურეცეპტო

კიდაკოლი

 შემადგენლობა

სიროფის ყოველი 5 მლ შეიცავს:

აქტიური ნივთიერებები: 

ცერეცოს თესლის ზეთი 2,5 მგ

კვლიავის ზეთი 0,02 მგ

დარიჩინის ძირის ზეთი 0,01 მგ

ილის თესლის ზეთი 0,16 მგ

პიტნის ფოთლების ექსტრაქტი  2,5 მგ

რომის გვირილას ყვავილის ექსტრაქტი 0,34 მგ  

ფარსმანდუკის ყვავილის ექსტრაქტი 0,16 მგ

მელისას ფოთლების ექსტრაქტი  0,34 მგ

დამხმარე ნივთიერებები:

სუფთა წყალი 4930,47 მგ

პოლისორბატი 80 (Е433) 50 მგ

ნატრიუმის ჰიდროქსიკარბონატი Е500(ii)  50 მგ

მარწყვის არომატიზატორი  2,5 მგ

• ეთილბუტირატი
• ეთილჰექსონატი
• იზოპენტალის აცეტატი
• პროპილენგლიკოლი (Е1520)

კალიუმის სორბატი  (Е202) 5 მგ

ნატრიუმის ბენზოატი (E211)  5 მგ

სუკრალოზა (Е955)  1 მგ

ფარმაკოლოგიური მოქმედება

პრეპარატის შემადგენლობაში შედის მეტეორიზმის საწინააღმდეგო  ნატურალურ მცენარეებზე დამზადებული არომატული ზეთები. კიდაკოლი – ეფექტური და უსაფრთხო საშუალება, აუმჯობესებს საჭმლის მომნელებელი პროცესს არეგულირებს საჭმლის მომნელებელი ტრაქტის მოტორულ აქტივობას, აღმოფხვრის საჭმლის მონელების  პროცესების დარღვევებს, მეტეორიზმს და კოლიკას.
 ცერეცოს ზეთი ახდენს სპაზმოლიზურ, ანტიბაქტერიულ და ანთების საწინააღმდეგო მოქმედებას.  კვლიავის ზეთი, დარიჩინი და ილი აღმოფხვრის კოლიკას და მეტეორიზმს, აუმჯობესებს საჭმლის მონელებას და ახდენს ღებინების საწინააღმდეგო მოქმედებას.
პიტნის ზეთი ახდენს სპაზმოლიზურ, მეტეორიზმის, ღებინების საწინააღმდეგო, ანტისეპტიკურ მოქმედებას, აუმჯობესებს მადას, ნაწლავის პერისტალტიკას, ხსნის ტკივილს და სპაზმს.  

გვირილის ექსტაქტი –  გააჩნია ანთების საწინააღმდეგო, ანტისეპტიკური, სპაზმოლიზური, მეტეორიზმის საწინააღმდეგო და სედაციური მოქმედება.    ფარსმანდუკი ახდენს ანტიბაქტერიულ, ანთების საწინააღმდეგო და ღებინების საწინააღმდეგო მოქმედებას.  მელისას ექტრაქტი (სამკურნალო ბალახი) ახდენს, სპაზმოლიზურ, რეგურგიტაციის საწინააღმდეგო, შარდგამომყოფ მოქმედებას, აუმჯობესებს საჭმლის მოენლებას, ახდენს სუნთქვის და გულის მუშაობის ნორმალიზებას.

ჩვენებები

• მეტეორიზმი, კოლიკა
• რეგურგიტაცია და ღებინება
• ნაწლავის სპაზმი

წინააღმდეგჩვენება

მომატებული მგრძნობელობა პრეპარატის შემადგენლობაში შემავალი კომპონენტების მიმართ

გვერდითი მოქმედება

არ არის აღწერილი

გამოყენების წესი და დოზირების რეჟიმი

2 თვემდე ასაკის ბავშვები – 2,5 მლ (1/2 ჩაის კოვზი) 1-4 -ჯერ დღეში;

2 თვიდან 5 წლამდე ასაკის ბავშვებში – 5 მლ (1 ჩაის კოვზი) 1-4 -ჯერ დღეში;

2 წლიდან 10 მლ (2 ჩაის კოვზი) 1-4 -ჯერ დღეში.

ჭარბი დოზა

ჭარბი დოზის შემთხვევები აღწერილი არ არის. ჭარბი დოზის შემთხვევაში რეკომენდებულია სიმპტომური მკურნალობა.

წამლისმიერი ურთიერთქემედება

სხვა პრეპარატებთან ურთიერთქმედების შესახებ ინფორმაცია არ  არსებობს

განსაკუთრებული მითითებები

არ გამოიყენება აპენდიციტის, ნაწლავთა გაუვალობის დროს

გამოშვების ფორმა

150 მლ სიროფი ფლაკონში

მუყაოს კოლოფში ინსტრუქციასთან და დოზირებულ სახურავთან ერთად.

შენახვის პირობები

ინახება  25°С -ზე ნაკლები ოთახის ტემპერატურის პირობებში ბავშვებისგან მიუწვდომელ ადგილას.

ვარგისიანობის ვადა

3 წელი.

არ გამოიყენება შეფუთვაზე მითითებული ვადის გასვლის შემდეგ.

აფთიაქიდან გაცემის წესი

პრეპარატი გაიცემა რეცეპტის გარეშე

სავაჭრო მარკის მფლობელი

Helba Pharmaceuticals Inc. Co., Turkey

მწარმოებელი

Triapharma İlaç Sanayi Ticaret Anonim Şirketi., Turkey

ლიპოფერ ფორტე

LIPOFER FORTE

ტაბლეტები

შემადგენლობა:

ერთი ნაწლავში ხსნადი გარსით დაფარული ტაბლეტი შეიცავს:

პანკრეატინს UშP

(შეიცავს ამილაზას აქტივობის 15 000 USP ერთეულს

ლიპაზას აქტივობის 4 000 USP ერთეულს

პროტეაზას აქტივობის 15 000 USP ერთეულს)

ნატრიუმის ტაუროგლიკოქოლატს BPC  54 ……………………….. 65 მგ-ს,

შაქრიან გარსს, რომელიც შეიცავს ესენციურ კარმინაციულ ზეთებს.

კლინიკური ფარმაკოლოგია:

საჭმლის მომნელებელი სისტემის დარღვევები ყველაზე ხშირად გამოწვეულია არასწორი დიეტით და გადაჭარბებული კვებით. დისკომფორტი, მეტეორიზმი და აბდომინალური კოლიკა შეიძლება განვითარდეს მაშინ, როდესაც ორგანიზმის საკუთარი პანკრეასული ფერმენტები ვერ უმკლავდება მიღებული საჭმლის დიდ რაოდენობას. ასეთ შემთხვევებში ლიპოფერ ფორტეს შემადგენლობაში შემავალი ფერმენტები ბუნებრივი გზით აუმჯობესებენ საჭმლის მონელების პროცესს და, აქედან გამომდინარე, ამცირებენ გადაუმუშავებელი საკვების რაოდენობას, სადაც დუღილის და ლპობის პროცესები მიმდინარეობს.

ლიპოფერ ფორტე აუმჯობესებს საჭმლის მონელების პროცესს, რადგან შეიცავს დაბალანსებულ ფორმულას, რომელიც აძლიერებს ორგანიზმის საჭმლის მომნელებელ ფაქტორებს. იგი შეიცავს ფერმენტ ამილაზას, რომელიც ეხმარება ორგანიზმს სახამებლის გადამუშავებაში, ლიპაზას, რომელიც ჩართულია ლიპიდების გადამუშავებაში, და პროტეაზას, რომელიც საჭიროა ცილების გადასამუშავებლად.

ცხიმებზე ლიპაზას მოქმედებით წარმოქმნილი მცირე მოლეკულები შეიწოვება, თუ ისინი იხსნება წყალში. წყალში იხსნება გლიცეროლი, მაგრამ არ იხსნება ცხიმები და ცხიმოვანი მჟავები. ეს პრობლემა გადაიჭრება ნაღვლის მარილებით, კერძოდ, ლიპოფერ ფორტეს შემადგენლობაში შემავალი ნატრიუმის ტაუროგლიკოქოლატით.

ნაღვლის მარილი უერთდება უხსნად გლიცერიდებსა და ცხიმოვან მჟავებს, ახდენს ცხიმების ემულგირებას, რითაც იქმნება ფერმენტების მოქმედებისთვის უკეთესი პირობები, რაც ეხმარება ორგანიზმს ლიპიდების ადეკვატურ და სრულ მონელებაში. ისინი ასევე აძლიერებენ ლიპაზას მოქმედებას.

ნაღვლის მარილები ასევე ხელს უწყობენ რკინის, კალციუმის და ცხიმში ხსნადი ვიტამინების, მათ შორის, A,D,E და K ვიტამინების, შეწოვას. ეს ზრდის წვრილი და მსხვილი ნაწლავების პერისტალტიკას, რის გამოც მას საფაღარათო ეფექტიც აქვს.

აქედან გამომდინარე, ნახშირწყლების, ცხიმების და ცილების მონელების პროცესის უზრუნველყოფის გარდა, ლიპოფერ ფორტეს აქვს საფაღარათო ეფექტი და იგი აუმჯობესებს ცხიმების და ცხიმში ხსნადი ვიტამინების აბსორბციას.

ფარმაკოკინეტიკა:

პერორალური ფერმენტების ფარმაკოკინეტიკური მონაცემები ადამიანებში  არ არის შესწავლილი. წვრილ ნაწლავში ფერმენტების ნაწილი შეიწოვება ენტეროპანკრეასული ცირკულაციით.

ჩვენებები:

ლიპოფერ ფორტე გამოიყენება კუჭქვეშა ჯირკვლის ფერმენტული უკმარისობის მკურნალობის მიზნით ქრონიკული პანკრეატიტის, მუკოვისციდოზის დროს, პანკრეატექტომიის შემდეგ, პანკრეასის კარცინომის დროს.

ნაწლავების, კუჭის, ღვიძლის და ნაღვლის ბუშტის ქრონიკული ანთებითი და დეგენერაციული დაავადებები, რომლებიც ვითარდება ამ ორგანოების რეზექციის ან დასხივების შემდეგ და რომლებსაც თან ახლავს მეტეორიზმი, დიარეა, საჭმლის მონელების დარღვევა.

•   გასტრექტომიის შემდგომი პერიოდი;

•   კუჭ-ნაწლავის ტრაქტის ფუნქციური დარღვევები, როგორიცაა ნაწლავური ინფექციები, გაღიზიანებული ნაწლავის სინდრომი.

•   საჭმლის მონელების დარღვევებით გამოწვეული სიმპტომების შემსუბუქება, მათ შორის, შებერილობა, დისპეფსია, მეტეორიზმი, მუცლის დაჭიმვა, დიარეა, რომელიც ასოცირებულია საჭმლის მონელების დარღვევებთან.

გარდა ამისა, ლიპოფერ ფორტე გამოიყენება საჭმლის მომნელებელი ტრაქტის ულტრაბგერითი ან რადიოგრაფიული, რენტგენოლოგიური გამოკვლევის წინ.

დოზირება და გამოყენების წესი:

დოზირება ინდივიდუალურია და განისაზღვრება სტეატორეის და დიეტაში ცხიმის შემცველობით. თერაპია უნდა დაიწყოს ყველაზე დაბალი დოზით, შემდგომში დოზა თანდათანობით უნდა გაიზარდოს, სანამ არ იქნება მიღწეული სტეატორეის სათანადო კონტროლი.

უნდა მოხდეს ყოველი ტაბლეტის გაწუწვნა რამდენიმე წამის განმავლობაში და შემდეგ გადაყლაპვა. ტაბლეტები არ უნდა დაიღეჭოს.

ჩვილები (12 თვემდე):

ცხიმის მოხმარების სქემა:

2000 – 4000 USP ლიპაზას ერთეული 120 მლ ბავშვის კვებაში ან დედის რძესთან ერთად.

ეს უზრუნველყოფს 450-900 ლიპაზას 1 გ ათვისებულ ცხიმზე (გადათვლილია 4.5 გ ცხიმზე 120 მლ ჩვილის სტანდარტულ კვებაზე ძროხის რძის გამოყენებით).  ჩვილებში უფრო მაღალი დოზები გამოიყენება, რადგან ბავშვები საშუალოდ სხეულის 1 კგ მასაზე დღეში 5 გ ცხიმს აითვისებენ, მოზრდილები სხეულის 1 კგ მასაზე დღეში მხოლოდ 2 გ ცხიმს აითვისებენ.

ბავშვები (12 თვეზე მეტი) და მოზრდილები:

წონაზე დაფუძნებული სქემა:

>4 წელი: საწყისი დოზაა 400 USP ლიპაზას ერთეული/კგ საკვებზე, მაქსიმალური დოზაა 2500 USP ლიპაზას ერთეული/კგ საკვებზე.

თუ მალაბსორბციის კონტროლისთვის საჭიროა მეტი რაოდენობა, ვიდრე 2500 ლიპაზას ერთეული/კგ/საკვებზე (4000 ერთეული ლიპაზა 1 გ ცხიმზე დღეში), საჭიროა შემდგომი გამოკვლევის ჩატარება, რომ გამოირიცხოს მალაბსორბციის სხვა მიზეზები.

დოზები, რომლებიც აღემატება ლიპაზას 2500 ერთეული/კგ/საკვებზე, გამოიყენება განსაკუთრებული სიფრთხილით და მხოლოდ იმ შემთხვევაში, თუ  ფეკალურ მასებში ცხიმის სამდღიანი განსაზღვრის მიხედვით დადასტურებულია სათანადო ეფექტი.

მსხვილი ნაწლავის სტრიქტურები, განსაკუთრებით ბავშვებში, უკავშირდება რეკომენდებულზე მაღალი  დოზებით გამოყენებას. პანკრეასის ფერმენტების შესავსებად პრეპარატის გამოყენებისას დოზა არ უნდა აღემატებოდეს ლიპაზას აქტივობის 10 000 ერთეულს 1 კგ სხეულის მასაზე. ლიპოფერ ფორტეს ტაბლეტები მიიღება მხოლოდ ჭამის დროს ან წახემსებისას. ლიპოფერ ფორტეს ტაბლეტები უნდა მიიღოთ მთლიანად, (დაუღეჭავად) საკმარისი რაოდენობის წყალთან ერთად.

სასურველია ისეთი საკვების შერჩევა, რომელსაც არ სჭირდება დიდ ხანს ღეჭვა და რომლის рН 7.3 ნაკლებია. ასეთი საკვებია გარგარის, ბანანის და ტკბილი კარტოფილის ბავშვის საკვები, ვაშლის პიურე, სწრაფი მომზადების პუდინგი და ჟელატინზე დამზადებული საკვები. ტაბლეტების იმ პროდუქტებთან კონტაქტის დროს, რომლის pH აღემატება 7.3-ს, შესაძლებელია ტაბლეტების ნაწლავში ხსნადი გარსის დაშლა და პრეპარატის შემადგენლობაში შემავალი ფერმენტების დესტრუქცია. ტაბლეტების პირში გაჩერებისას პრეპარატის შემადგენლობაში შემავალმა პროტეოლიზურმა ფერმენტებმა შეიძლება დააზიანოს ლორწოვანი გარსი  და გამოიწვიოს პირის ღრუში წყლულების წარმოქმნა.

უკუჩვენებები

მომატებული მგრძნობელობა პრეპარატების კომპონენტების მიმართ. მომატებული მგრძნობელობა ღორიდან მიღებული პრეპარატების მიმართ.

გვერდითი მოვლენები

ყველაზე გავრცელებული გვერდითი ეფექტებია კუჭ-ნაწლავის ტრაქტის მხრივ დარღვევები, მათ შორის, გულისრევა, ღებინება, დისკომფორტი ეპიგასტრიუმის არეში, მეტეორიზმი, დიარეა ან ყაბზობა. პერორალური დაზიანებები უკავშირდება არასწორ გამოყენებას.

ქავილი, ჭინჭრის ციება და გამონაყარი შედარებით იშვიათი მოვლენებია. მაღალი დოზების ხანგრძლივმა გამოყენებამ შეიძლება გამოიწვიოს ჰიპერურიკემია და ჰიპერურიკოზურია. მუკოვისციდოზის მქონე პაციენტებში შესაძლებელია ფიბროზული კოლონოპათიის განვითარება. საჭიროა ფოლიუმის მჟავას კონტროლი და, აუცილებლობისას, დამატებით მისი გამოყენება

ორსულობა და ლაქტაცია

ორსულობისა და ლაქტაციის დროს ლიპოფერ ფორტე გამოიყენება ექიმის მეთვალყურეობის ქვეშ, როცა პოტენციური სარგებელი ჭარბობს რისკებს.

ტერატოგენური ეფექტები: არ არის ცნობილი.

ჭარბი დოზირება

არის მონაცემები პანკრეატინის ექსტრემალურად მაღალი დოზების გამოყენებისას ჰიპერურიკემიისა და ჰიპერურიკოზურიის განვითარებასთან კავშირზე.  მკურნალობა სიმპტომურია.

ურთიერთქმედება სხვა სამკურნალო საშუალებებთან

ალუმინის შემცველი ანტაციდების ერთდროულმა მიღებამ შეიძლება შეამციროს ლიპოფერ ფორტეს ეფექტურობა. კალციუმის კარბონატის ან მაგნიუმის ჰიდროქსიდის შემცველი ანტაციდები ერთდროულად არ უნდა იქნას მიღებული. ამ კომბინაციამ შეიძლება გამოიწვიოს გლიცინკონიუგირებული ნაღვლის მჟავების პრეციპიტატების წარმოქმნა და კალციუმის და მაგნიუმის ცხიმოვანი მჟავა საპნების ფორმირება, რაც ამცირებს ცხიმის შეწოვას და ზრდის სტეატორეას.

შენახვა

ინახება არა უმეტეს 25°C ტემპერატურაზე. დაიცავით სინათლისა და ტენიანობისაგან.

ინახება ბავშვებისგან დაცულ ადგილას.

შეფუთვა: 15 ტაბლეტიანი სტრიპი.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:

გლობელა ფარმა პვტ. ლტდ.

357, გ.ი.დ.ს., საჩინი,

სურატი- 394 230, გუჯარათი, ინდოეთი.

წარმოებულია ინდოეთში

ELDER PROJECTS LTD.-სთვის,

კუნსუ კომერს სენტრ, 301-302,

გორეგაონი (ვ), მუმბაი – 400090 

ქვეყანა: საქართველო

მწარმოებელი: ფარკონი

გაცემის ფორმა: III ჯგუფი ურეცეპტო

ქვეყანა: საფრანგეთი

მწარმოებელი: დელფარმ რეიმს

გაცემის ფორმა: III ჯგუფი ურეცეპტო

ქვეყანა: იტალია

მწარმოებელი: ვალუე მედ ფარმი

გაცემის ფორმა: III ჯგუფი ურეცეპტო

ბაუზოლი
(Rabeprazole)

ზოგადი დახასიათება:
საერთაშორისო არაპატენტირებული დასახელება: რაბეპრაზოლი;

ძირითადი ფიზიკურ-ქიმიური თვისებები:
ყვითელი ფერის, მრგვალი ფორმის, ორმხრივამოზნექილი ზედაპირის მქონე ტაბლეტები ნაწლავში ხსნადი გარსით;

შემადგენლობა:   
ნაწლავში ხსნადი გარსით დაფარული 1 ტაბლეტი შეიცავს:
ნატრიუმის რაბეპრაზოლს _ 20 მგ.
დამხმარე ნივთიერებები: მანიტოლი, მცირედჩანაცვლებული ჰიდროქსიპროპილცელულოზა, მაგნიუმის ოქსიდი, ნატრიუმის ჰიდროქსიდი, მაგნიუმის სტეარატი, შემომგარსავი ნივთიერებების ნარევები _ Insta Moistshield (ჰიდროქსიპროპილმეთილცელულოზა, ეთილცელულოზა, დიეთილფტალატი) და თაბცოატ TC – E (ჰიდროქსიპროპილმეთილცელულოზას ფტალატი, ეთილცელულოზა, დიეთილფტალატი, გასუფთავებული ტალკი, საღებავები: ტიტანის დიოქსიდი (E 171), რკინის ოქსიდი ყვითელი (E 172)).

გამოშვების ფორმა:
ნაწლავში ხსნადი გარსით დაფარული ტაბლეტები, 20 მგ.

ფარმაკოლოგიური ჯგუფი:
წყლულის საწინააღმდეგო და გასტროეზოფაგური რეფლუქსის სამკურნალო პრეპარატი. პროტონული ტუმბოს ინჰიბიტორი. ათქ-კოდი: A02BC04.

ფარმაკოლოგიური თვისებები:
ბაუზოლი წარმოადგენს კუჭისა და 12-გოჯა ნაწლავის წყლულის საწინააღმდეგო პრეპარატს. პროტონული ტუმბოს (H+-K+-ატფ-აზა) ინჰიბირების გზით პრეპარატი თრგუნავს მარილმჟავას სინთეზის საბოლოო სტადიას. აღნიშნული ეფექტი დოზადამოკიდებულ ხასიათს ატარებს და იწვევს მარილმჟავას როგორც ბაზალური, ასევე სტიმულირებული სეკრეციის დათრგუნვას.
წარმოადგენს რა სუსტ ფუძეს, რაბეპრაზოლი ნებისმიერი დოზით სწრაფად აბსორბირდება და კონცენტრირდება პარიესული უჯრედების მჟავე გარემოში.
20 მგ რაბეპრაზოლის პერორალურად მიღების შემდეგ ანტისეკრეტორული მოქმედება მიიღწევა 1 სთ-ის განმავლობაში და მაქსიმუმს აღწევს 2-4 სთ-ში. მარილმჟავას ბაზალური და საკვებით სტიმულირებული სეკრეციის დათრგუნვა პირველი დოზის მიღებიდან 23 სთ-ის შემდეგ შეადგენს 62 და 82%-ს შესაბამისად, ხოლო ამ მოქმედების ხანგრძლივობა კი – 48 სთ-ს.
ნატრიუმის რაბეპრაზოლის მაინჰიბირებელი ეფექტი მარილმჟავას სეკრეციაზე რამდენადმე ძლიერდება მისი ერთი ტაბლეტის ყოველდღიური მიღებისას, ხოლო მკურნალობის დაწყებიდან 3 დღეში ხდება სეკრეციის სტაბილური ინჰიბირება. სეკრეტორული აქტივობა აღდგება რაბეპრაზოლის მიღების შეწყვეტიდან 2-3 დღის შემდეგ. 
In vitro ცდებმა აჩვენა, რომ რაბეპრაზოლი ბაქტერიციდულად მოქმედებს Helicobacter pylori-ზე. რაბეპრაზოლის კომბინირება ანტიმიკრობულ საშუალებებთან იწვევს ლორწოვანი გარსის დაზიანებების ეფექტურ შეხორცებას. კლინიკური კვლევების შედეგად დადგინდა, რომ 1 კვირის განმავლობაში 20 მგ რაბეპრაზოლის დღეში ორჯერ მიღებისას 2 ანტიბიოტიკთან კომბინაციაში, მაგ., კლარითრომიცინთან და ამოქსიცილინთან ან კლარითრომიცინთან და მეტრონიდაზოლთან ერთად, კუჭისა და 12-გოჯა ნაწლავის წყლულოვანი დაავადების მქონე პაციენტებში, Н. Pylori-ის ერადიკაციის დონე აღემატება 80%-ს. მკურნალობის რეჟიმის შერჩევისას პერსისტირებადი ინფექციის დროს საჭიროა ანტიმიკრობული პრეპარატების მიმართ მეორადი რეზისტენტობის განვითარების საშიშროების გათვალისწინება.
პრეპარატი ზრდის გასტრინის სეკრეციას, რაც განპირობებულია მარილმჟავას პროდუქციის ინჰიბირებით. გასტრინის დონე ნორმას უბრუნდება მკურნალობის შეწყვეტიდან 1_2 კვირის შემდეგ.
კვლევებმა აჩვენა, რომ დღეში 20 მგ რაბეპრაზოლის მიღება 2 კვირის განმავლობაში არ მოქმედებს ფარისებრი ჯირკვლის ფუნქციაზე, ნახშირწყლების მეტაბოლიზმზე, ასევე პარათირეოიდული ჰორმონის, კორტიზოლის, ესტროგენის, ტესტოსტერონის, პროლაქტინის, ქოლეცისტოკინინის, სეკრეტინის, გლუკაგონის, ფოლიკულომასტიმულირებელი ჰორმონის, მალუთეინიზებელი ჰორმონის, რენინის, ალდოსტერონის, სომატოტროპული ჰორმონის კონცენტრაციაზე პლაზმაში.

ფარმაკოკინეტიკა:
პერორალურად მიღების შემდეგ რაბეპრაზოლი სწრაფად შეიწოვება ნაწლავიდან. 20 მგ რაბეპრაზოლის მიღების შემდეგ სისხლის პლაზმაში Cmax მიიღწევა დაახლოებით 3.5 სთ-ში. ღვიძლში პირველადი გავლის ეფექტის გამო ბიოშეღწევადობა შეადგენს 52%-ს. ბიოშეღწევადობა არ იცვლება პრეპარატის მრავალჯერადი მიღების შემდეგ. საკვები გავლენას არ ახდენს პრეპარატის შეწოვაზე. პლაზმის ცილებს უკავშირდება პრეპარატის დაახლოებით 97%. პლაზმაში არსებული ძირითადი მეტაბოლიტებია თიოეთერი (М1) და ნახშირმჟავა (М6), მეორადი მეტაბოლიტები, რომლებიც მცირე კონცენტრაციით გვხვდება, არიან სულფონი (М2), დემეთილთიოეთერი (М4),  მერკაპტურის მჟავას კონიუგატი (М5). უმნიშვნელო ანტისეკრეტორული მოქმედება გააჩნია მხოლოდ დემეთილის მეტაბოლიტს (М3), თუმცა იგი პლაზმაში არ გვხვდება. პრეპარატის T1/2 შეადგენს 0.7-1.5 სთ-ს, მიღებული დოზის 90% გამოიყოფა შარდთან ერთად 2 მეტაბოლიტის _ M5 და M6 სახით, დანარჩენი გამოიყოფა განავალთან ერთად. ხანდაზმულ პაციენტებში რაბეპრაზოლის გამოყოფა შენელებულია, თუმცა მისი კუმულაცია არ აღინიშნება.

ჩვენება:
     მონოთერაპიის სახით:
• კუჭისა და 12-გოჯა ნაწლავის წყლულოვანი დაავადება გამწვავების ფაზაში;
• ეროზიული ან წყლულოვანი გასტროეზოფაგური რეფლუქსის სიმპტომური და ხანგრძლივი მკურნალობა;
• ზოლინგერ-ელისონის სინდრომი ან ისეთი მდგომარეობები, რომელთაც ახასიათებს პათოლოგიური ჰიპერსეკრეცია.
     კომბინაციაში ანტიმიკრობულ საშუალებებთან ერთად:  
• Helicobacter pylori -ის ერადიკაცია კუჭის წყლულოვანი დაავადების ან ქრონიკული გასტრიტის დროს;
• Helicobacter pylori -ით გამოწვეული წყლულოვანი დაავადებების მკურნალობა და მათი რეციდივების თავიდან აცილება.

მიღების წესი და დოზირება:
კუჭისა და 12-გოჯა ნაწლავის წყლულოვანი დაავადების გამწვავების ფაზაში რეკომენდებულია 20 მგ ბაუზოლის მიღება დღეში ერთხელ დილით, 4-6 კვირის განმავლობაში.
რიგ შემთხვევებში, 12-გოჯა ნაწლავის წყლულოვანი დაავადების გამწვავების ფაზაში სასურველი ეფექტის მისაღებად საკმარისია 10 მგ ბაუზოლის მიღება დღეში ერთხელ.
12-გოჯა ნაწლავის წყლულოვანი დაავადების მკურნალობის ხანგრძლივობა შეადგენს 4 კვირას. წყლულის არასრული შეხორცების შემთხვევაში საჭირო ხდება დამატებით 4 კვირიანი კურსის ჩატარება.
კუჭის წყლულოვანი დაავადების სამკურნალოდ პრეპარატი ინიშნება 6 კვირის განმავლობაში. წყლულის არასრული შეხორცების შემთხვევაში საჭირო ხდება დამატებით 6 კვირიანი კურსის ჩატარება.  
გასტროეზოფაგური რეფლუქსის დროს რეკომენდებულია 20 მგ რაბეპრაზოლის მიღება დღეში ერთხელ 4-8 კვირის განმავლობაში. შემანარჩუნებელი დოზა შეადგენს 10 ან 20 მგ-ს დღეში ერთხელ.
Helicobacter pylori -ის ერადიკაციისთვის მოწოდებულია მკურნალობის 7 დღიანი კურსი შემდეგი პრეპარატების კომბინაციით:
20 მგ ბაუზოლი დღეში ორჯერ + 500 მგ კლარითრომიცინი დღეში ორჯერ + 1 გ ამოქსიცილინი დღეში ორჯერ;
ან 20 მგ ბაუზოლი დღეში ორჯერ + 500 მგ კლარითრომიცინი დღეში ორჯერ + 400 მგ მეტრონიდაზოლი დღეში ორჯერ.
ზოლინგერ-ელისონის სინდრომის სამკურნალოდ ინიშნება 60 მგ ბაუზოლი ერთხელ დღეში, დოზა შემდგომში შესაძლოა გაიზარდოს 100 მგ-მდე დღეში ერთხელ ან 60 მგ დღეში ორჯერ. მკურნალობის ხანგრძლივობა დამოკიდებულია კლინიკურ შედეგზე, თუმცა რიგ შემთხვევებში მკურნალობა გრძელდება 1 წლის განმავლობაში.
იმ შემთხვევაში, როდესაც საჭიროა პრეპარატის ერთჯერადი გამოყენება, რეკომენდებულია ბაუზოლის მიღება დილით უზმოზე. საკვების მიღება გავლენას არ ახდენს ბაუზოლის აქტივობაზე, მაგრამ პრეპარატის მიღების რეკომენდებული დრო ხელს უწყობს პაციენტების მიერ მკურნალობის სქემის უკეთესად დაცვას.
დაუშვებელია ტაბლეტის მთლიანობის დარღვევა, დაღეჭვა ან დანაწევრება.

გვერდითი მოვლენები:
კლინიკური კვლევების მიხედვით ბაუზოლი ადვილად გადაიტანება. გვერდითი მოვლენები უმნიშვნელოდაა გამოხატული და გარდამავალ ხასიათს ატარებს.
საჭმლის მომნელებელი სისტემის მხრივ: დიარეა, ტკივილი მუცლის არეში, მეტეორიზმი, პირის სიმშრალე, იშვიათად _ ღვიძლის ტრანსამინაზების აქტივობის მომატება;
ცენტრალური ნერვული სისტემის მხრივ: თავის ტკივილი, ასთენია;
სისხლმბადი სისტემის მხრივ: თრომბოციტოპენია, ნეიტროპენია, ლეიკოპენია;
დერმატოლოგიური რეაქციები: გამონაყარი კანზე; იშვიათად _ ერითემა, ბულოზური გამონაყარი.

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ.

ორსულობა და ლაქტაცია:
ორსულობისა და ლაქტაციის პერიოდში პრეპარატის გამოყენება არ არის რეკომენდებული, რადგან არ არსებობს პრეპარატის კლინიკურ პრაქტიკაში გამოყენების გამოცდილება.

ურთიერთქმედება სამკურნალო საშუალებებთან და სხვა სახის ურთიერთქმედება:
ბაუზოლი მეტაბოლიზდება ღვიძლის ციტოქრომ P450 -ის სისტემის იზოფერმენტების მიერ. კლინიკურმა კვლევებმა აჩვენა, რომ რაბეპრაზოლი არ იწვევს კლინიკურად მნიშვნელოვან ურთიერთქმედებას ამოქსიცილინთან და იმ პრეპარატებთან, რომლებიც ასევე მეტაბოლიზდება ციტოქრომ P450 -ის სისტემის საშუალებით (ვარფარინი, ფენიტოინი, თეოფილინი, დიაზეპამი).
ბაუზოლი იწვევს მარილმჟავას სეკრეციის მნიშვნელოვან და ხანგრძლივ დაქვეითებას, რაც გასათვალისწინებელია იმ პრეპარატებთან ერთად გამოყენებისას, რომელთა აბსორბციაც დამოკიდებულია კუჭის შიგთავსის рН-ზე.
ერთდროული გამოყენებისას ბაუზოლი იწვევს კეტოკონაზოლის კონცენტრაციის შემცირებას და დიგოქსინის კონცენტრაციის მომატებას სისხლის პლაზმაში, ამიტომ საჭიროების შემთხვევაში აუცილებელია დოზების კორექცია.
ერთდროული გამოყენებისას რაბეპრაზოლისა და კლარითრომიცინის აქტიური მეტაბოლიტის კონცენტრაცია იზრდება 24% და 50% შესაბამისად,  რაც უფრო მეტად მოსახერხებელია H. pylori-ის ერადიკაციისათვის.
რაბეპრაზოლი გავლენას არ ახდენს ციკლოსპორინის მეტაბოლიზმზე.
რკინის პრეპარატები ამცირებენ რაბეპრაზოლის ეფექტურობას, ამიტომ სასურველია მათი მიღება ბაუზოლის მიღებამდე 2 სთ-ით ადრე ან მისი მიღებიდან 2 სთ-ის შემდეგ.

ჰიპერდოზირება:
ჰიპერდოზირების შემთხვევები არ დაფიქსირებულა. დღეში 80 მგ პრეპარატის გამოყენება გავლენას არ ახდენს პაციენტის საერთო მდგომარეობაზე.
მკურნალობა: პრეპარატის ჭარბი დოზებით მიღების შემთხვევაში მკურნალობა სიმპტომურია. რაბეპრაზოლის მიმართ სპეციფიკური ანტიდოტი არ არსებობს. პრეპარატი კარგად უკავშირდება პლაზმის ცილებს, ამის გამო რთულია პრეპარატის გამოყვანა ორგანიზმიდან ჰემოდიალიზის გზით.
 
განსაკუთრებული მითითებები:
ბაუზოლით მკურნალობის დაწყებამდე საჭიროა გამოირიცხოს კუჭის ავთვისებიანი წარმონაქმნების არსებობა, რადგან პრეპარატის გამოყენების დროს შესაძლოა მოხდეს სიმპტომების მასკირება და სიმსივნის სწორი დიაგნოზის დადგენის გადავადება. ღვიძლისა და თირკმლის ფუნქციის დარღვევის მქონე პაციენტები დოზის კორექციას არ საჭიროებენ, თუმცა სიფრთხილეა საჭირო პრეპარატის საწყისი დოზის შერჩევისას ღვიძლის ფუნქციის მძიმე დარღვევის დროს.
ბავშვებში ბაუზოლის გამოყენება არ არის რეკომენდებული, რადგან არ არსებობს პრეპარატის პედიატრიულ პრაქტიკაში გამოყენების გამოცდილება.
პრეპარატის ზემოქმედება ავტოტრანსპორტისა და მექანიზმების მართვის უნარზე:
რაბეპრაზოლის ფარმაკოდინამიკის თავისებურებებიდან და მისი გვერდითი ეფექტების პროფილიდან გამომდინარე, პრეპარატის ზემოქმედება ავტოტრანსპორტისა და მექანიზმების მართვის უნარზე ნაკლებად სავარაუდოა. მაგრამ ძილიანობის გამოვლენის შემთხვევაში რეკომენდებულია თავის არიდება მსგავსი ქმედებებისაგან.

შეფუთვა:
10 ტაბლეტი ალუმინის სტრიპში, 1 სტრიპი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
დაუშვებელია პრეპარატის მაცივარში შენახვა.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი”.

მისამართი: 
საქართველო 0198, თბილისი, ჭირნახულის ქ. 14.
www.aversi.ge

რენი (RENNIE®)

ფურცელ-ჩანართი (პაციენტებისთვის)

სავაჭრო დასახელება

რენი.

სამკურნალწამლო ფორმა

საღეჭი ტაბლეტები მენთოლის გემოთი

აღწერილობა

თეთრი ან მოყვითალო-მოთეთრო ფერის კვადრატული ტაბლეტები ჩაზნექილი ზედაპირებით, ორივე მხარეს გრავირებით , მენთოლის სუნით.

შემადგენლობა

აქტიური ინგრედიენტები: კალციუმის კარბონატი 680მგ, მაგნიუმის ფუძე კარბონატი, მძიმე 80მგ.

დამხმარე ნივთიერებები: საქაროზა, სიმინდის პრეჟელატინიზირებული სახამებელი, კარტოფილის სახამებელი, ტალკი (E553b), მაგნიუმის სტეარატი (E572), მსუბუქი თხევადი პარაფინი, ნატრიუმის საქარინი (E954), მენთოლის არომატიზატორი, ლიმონის არომატიზატორი.

ფარმაკოლოგიური თვისებები

პრეპარატი შეიცავს ანტაციდურ ნივთიერებებს-კალციუმის კარბონატს და მაგნიუმის კარბონატს, რომლებიც უზრუნველყოფენ კუჭის წვენის ჭარბი მარილმჟავას სწრაფ და გახანგრძლივებულ ნეიტრალიზაციას, რითაც ავლენენ კუჭის ლორწოვანი გარსის დაცვით მოქმედებას. 1-6 წუთის განმავლობაში დადებითი ეფექტების მიღწევა განპირობებულია ტაბლეტების კარგი ხსნადობით და კალციუმის მაღალი შემცველობით.

პრეპარატის ურთიერთქმედებით კუჭის წვენთან, კუჭში წარმოიქმნება კალციუმის და მაგნიუმის ხსნადი მარილები. ნაწლავებში კი ამ მარილებისგან წარმოიქმნება უხსნადი ნაერთები, რომლებიც გამოიყოფა განავლით.

გამოყენების ჩვენებები

კუჭის წვენის მომატებული მჟავიანობასთან დაკავშირებული სიმპტომები, გულძმარვა, ბოყინი, კუჭის არეში პერიოდული ტკივილები, საჭმლის მონელების დარღვევა, დისპეფსია (გადავსების ან სიმძიმის შეგრძნება ეპიგასტრალურ მიდამოში, გულისრევა).

მიღების წესი და დოზირება

მოზრდილები და 12 წელზე უფროსი ასაკის ბავშვები:

ერთჯერადი დოზა-1-2 ტაბლეტი, რომლებიც შეიძლება დაიღეჭოს ან გაჩერდეს პირში, სრულ გაწოვამდე. გამოიყენება სიმპტომების გამოვლენისას ან საკვების მიღებიდან ერთი საათის შემდეგ და ძილის წინ. არ შეიძლება დრიური დოზის-8გ კალციუმის კარბონატის გადაჭარბება, რაც შეესაბამება 11 ტაბლეტს.

ისევე, როგორც სხვა ანტაციდების შემთხვევაში, თუ სიმპტომები ნარჩუნდება მიღებიდან 14 დღის განმავლობაში, რეკომენდებულია დიაგნოსტიკური ზომების მიღება, უფრო სერიოზული დაავადების გამოსარიცხად.

გვერდითი მოქმედება

იმუნური სისტემის მხრივ: ძალიან იშვიათად ალერგიული რეაქციები – გამონაყარი, ჭინჭრის ციება, კვინკეს შეშუპება და ანაფილაქსია.

სმტ-ს მხრივ: გულისრევა, ღებინება, საჭმლის მონელების დარღვევა, დიარეა.

ნივთიერებათა ცვლის და კვების მხრივ: თირკმლის დარღვეული ფუნქციის მქონე პაციენტებში პრეპარატის გამოყენებამ შეიძლება გამოიწვიოს ჰიპერმაგნიემიასთან, ჰიპერკალციემიასთან და ალკალოზთან დაკავშირებული რეაქციები, რამაც შეიძლება მოახდინოს სმტ-ის მხრივ სიმპტომების (გულისრევა, ღებინება, ყაბზობა) და კუნთების სისუსტის პროვოცირება.

ჩონჩხ-კუნთოვანი და შემაერთებელი ქსოვილის მხრივ: კუნთების სისუსტე.

ნერვული სისტემის მხრივ: გემოვნების დაკარგვა, თავის ტკივილი.

თირკმელების და საშარდე გზების მხრივ: აზოტემია.

გვერდითი რეაქციები, დაკავშირებული რძემჟავა-ტუტოვან სინდრომთან: ასთენია და კალცინოზი.

უკუჩვენებები

ნეფროკალცინოზი, თირკმლის უკმარისობის მძიმე ფორმა, ჰიპერკალციემია, ჰიპერკალციურია, ჰიპოფოსფატემია, მემკვიდრული დაავადებები დაკავშირებული ფრუქტოზის აუტანლობასთან, გლუკოზო-გალაქტოზის შეწოვის დარღვევასთან ან საქაროზა-იზომალტოზას უკმარისობასთან; პრეპარატის ინგრედიენტების მიმართ ჰიპერმგრძნობელობა, მიასთენია, ნაწლავთა გაუვალობა.

ჭარბი დოზირება

პრეპარატის ხანგრძლივმა გამოყენებამ დიდი დოზებით, უპირატესად თირკმლის ფუნქციის დარღვევის მქონე პაციენტებში, შეიძლება გამოიწვიოს თირკმლის უკმარისობა, ჰიპერმაგნიემია, ჰიპერკალციემია და ალკალოზი, რამაც შეიძლება მოახდინოს საჭმლის მომნელებელი ტრაქტის მხრივ სიმპტომების გამოვლენის პროვოცირება (გულისრევა, ღებინება, ყაბზობა) და კუნთების სისუსტე. ასეთ შემთხვევაში საჭიროა პრეპარატის მიღების შეწყვეტა და საკმარისი რაოდენობის სითხის მიღება. ჭარბი დოზირების მძიმე შემთხვევებში (მაგალითად: რძე-მჟავა ტუტოვანი სინდრომი) საჭიროა ექიმთან კონსულტაცია, რადგან შეიძლება საჭირო გახდეს წყლის ბალანსის აღდგენის დამატებითი ზომები.

განსაკუთრებული მითითებები და უსაფრთხოების ზომები

არ გადააჭარბოთ მითითებულ დოზებს. საჭიროა პრეპარატის ხანგრძლივი გამოყენებისგან თავის შეკავება (შეიძლება გაიზარდოს თირკმელებში კენჭების გაჩენის რისკი) სიფრთხილით გამოიყენება პაციენტებში, თირკმლის ფუნქციის დარღვევით (საჭიროა სისხლის შრატში კალციუმის, ფოსფატების და მაგნიუმის დონის შემოწმება).

მითითება პაციენტებისთვის შაქრიანი დიაბეტით: 1 ტაბლეტი შეიცავს 475მგ საქაროზას.

ურთიერთქმედება სხვა სამკურნალო საშუალებებთან

პრეპარატის გამოყენება რეკომენდებულია სხვა სამკურნალწამლო პრეპარატის მიღებამდე 1-2 საათით ადრე ან გვიან. რენის  გამოყენებამ შეიძლება გავლენა იქონიოს ერთდროულად მიღებული ზოგიერთი პრეპარატის, მაგალითად, ანტიბიოტიკების (ტეტრაციკლინები, ქინოლონები), საგულე გლუკოზიდების, ლევოთიროქსინის, ელთრომოპაგის, ასევე ფოსფატების, ფტორიდების და რკინის შემცველი პრეპარატების შეწოვის სისწრაფეზე და ხარისხზე.

დაიცავით სიფრთხილე თიაზიდური დიურეზული საშუალებების მიღებისას.

ორსულობა და ლაქტაცია

რეკომენდებული დოზირების დაცვის შემთხვევაში შესაძლებელია პრეპარატის გამოყენება ორსულობის და ლაქტაციის პერიოდში. საჭიროა იმის გათვალისწინება, რომ პრეპარატი წარმოადგენს კალციუმის დამატებით წყაროს კვების რაციონში, ხოლო კალციუმის ჭარბმა დაგროვებამ შეიძლება გამოიწვიოს ჭარბი დოზირების სიმპტომების გამოვლინება.

გავლენა ავტომობილისა და მექანიზმების მართვაზე

გავლენას არ ახდენს

შენახვის პირობები

ინახება არაუმეტეს +25˚C ტემპერატურაზე, ბავშვებისათვის მიუწვდომელ ადგილზე.

ვარგისობის ვადა

5 წელი. არ გამოიყენება შეფუთვაზე მითითებული ვარგისობის ვადის გასვლის შემდეგ.

გამოშვების ფორმა

12 ტაბლეტი ბლისტერში (პვქ-ალ), პერფორაციით.

1 ან 2 ბლისტერი ფურცელ-ჩანართთან ერთად მოთავსებულია მუყაოს კოლოფში.

აფთიაქიდან გაცემის პირობები

ურეცეპტოდ.

განმცხადებელი/მწარმოებელი ფირმის დასახელება, მისამართი

ბაიერ კონსუმერ კერ აგ

პეტერ მერიან-შტრასე 84, 4052 ბაზელი შვეიცარია

ბაიერ სანტე ფამილიალ

რიუ დე ლ’ინდუსტრი 33, 74240 გაიარ, საფრანგეთი

კუჭის წვეთები
Guttae Stomachicae

შემადგენლობა:
კატაბალახას ნაყენი; აბზინდას ნაყენი; პიტნის ნაყენი; შმაგას ნაყენი;
პრეპარატში შემავალი მცენარეები შეიცავს ბიოლოგიურად აქტიურ ნივთიერებათა კომპლექსს: ეთერზეთებს (ძირითადი კომპონენტი მენთოლი, ბორნეოლიზოვალერიანატი), ვალეპოტრიატებს, აბზინთინს, ანაბზინთინს, ასკორბინის მჟავას, ორგანულ მჟავებს, მთრიმლავ ნივთიერებებს, ფლავონოიდებს, ტრიტერპენულ საპონინებს, ჰიოსციამინს, სკოპოლამინს.

ფარმაკოლოგიური მოქმედება:
გააჩნია სედაციური, სპაზმოლიზური, ტკივილგამაყუჩებელი, ანტიმიკრობული მოქმედება. ხსნის კუჭისა და ნაწლავების გლუვი კუნთების სპაზმს, აძლიერებს პერისტალტიკას, არეგულირებს საჭმლის მომნელებელი ტრაქტის ჯირკვლების სეკრეციას.

ჩვენება:
> საჭმლის მომნელებელი ტრაქტის სპასტიური მდგომარეობა, რომელსაც თან ახლავს ტკივილი, გულისრევის შეგრძნება, მეტეორიზმი.

უკუჩვენება:
> გლაუკომა;
> თირკმლების უკმარისობა;
> გულის დეკომპენსაცია;
> ლაქტაციის პერიოდი (ამცირებს ლაქტაციას).

მიღების წესი და დოზირება:
მოზრდილებში: პერორალურად 5-10 წვეთი 2-3-ჯერ დღეში.
ბავშვებში ინიშნება 5 წლის ასაკიდან: იმდენი წვეთი, რამდენი წლისაც არის ბავშვი დღეში 1-ჯერ.

გამოშვების ფორმა
15, 25მლ ნარინჯისფერი მინის ან პოლიმერული მასალის ფლაკონებში.

ვარგისიანობის ვადა:
3 წელი.

შენახვის წესი:
სინათლისაგან დაცულ, გრილ ადგილას.

რენი (RENNIE®)

ფურცელ-ჩანართი (პაციენტებისთვის)

სავაჭრო დასახელება

რენი.

სამკურნალწამლო ფორმა

საღეჭი ტაბლეტები მენთოლის გემოთი

აღწერილობა

თეთრი ან მოყვითალო-მოთეთრო ფერის კვადრატული ტაბლეტები ჩაზნექილი ზედაპირებით, ორივე მხარეს გრავირებით >, მენთოლის სუნით.

შემადგენლობა

აქტიური ინგრედიენტები: კალციუმის კარბონატი 680მგ, მაგნიუმის ფუძე კარბონატი, მძიმე 80მგ.

დამხმარე ნივთიერებები: საქაროზა, სიმინდის პრეჟელატინიზირებული სახამებელი, კარტოფილის სახამებელი, ტალკი (E553b), მაგნიუმის სტეარატი (E572), მსუბუქი თხევადი პარაფინი, ნატრიუმის საქარინი (E954), მენთოლის არომატიზატორი, ლიმონის არომატიზატორი.

ფარმაკოლოგიური თვისებები

პრეპარატი შეიცავს ანტაციდურ ნივთიერებებს-კალციუმის კარბონატს და მაგნიუმის კარბონატს, რომლებიც უზრუნველყოფენ კუჭის წვენის ჭარბი მარილმჟავას სწრაფ და გახანგრძლივებულ ნეიტრალიზაციას, რითაც ავლენენ კუჭის ლორწოვანი გარსის დაცვით მოქმედებას. 1-6 წუთის განმავლობაში დადებითი ეფექტების მიღწევა განპირობებულია ტაბლეტების კარგი ხსნადობით და კალციუმის მაღალი შემცველობით.

პრეპარატის ურთიერთქმედებით კუჭის წვენთან, კუჭში წარმოიქმნება კალციუმის და მაგნიუმის ხსნადი მარილები. ნაწლავებში კი ამ მარილებისგან წარმოიქმნება უხსნადი ნაერთები, რომლებიც გამოიყოფა განავლით.

გამოყენების ჩვენებები

კუჭის წვენის მომატებული მჟავიანობასთან დაკავშირებული სიმპტომები, გულძმარვა, ბოყინი, კუჭის არეში პერიოდული ტკივილები, საჭმლის მონელების დარღვევა, დისპეფსია (გადავსების ან სიმძიმის შეგრძნება ეპიგასტრალურ მიდამოში, გულისრევა).

მიღების წესი და დოზირება

მოზრდილები და 12 წელზე უფროსი ასაკის ბავშვები:

ერთჯერადი დოზა-1-2 ტაბლეტი, რომლებიც შეიძლება დაიღეჭოს ან გაჩერდეს პირში, სრულ გაწოვამდე. გამოიყენება სიმპტომების გამოვლენისას ან საკვების მიღებიდან ერთი საათის შემდეგ და ძილის წინ. არ შეიძლება დრიური დოზის-8გ კალციუმის კარბონატის გადაჭარბება, რაც შეესაბამება 11 ტაბლეტს.

ისევე, როგორც სხვა ანტაციდების შემთხვევაში, თუ სიმპტომები ნარჩუნდება მიღებიდან 14 დღის განმავლობაში, რეკომენდებულია დიაგნოსტიკური ზომების მიღება, უფრო სერიოზული დაავადების გამოსარიცხად.

გვერდითი მოქმედება

იმუნური სისტემის მხრივ: ძალიან იშვიათად ალერგიული რეაქციები – გამონაყარი, ჭინჭრის ციება, კვინკეს შეშუპება და ანაფილაქსია.

სმტ-ს მხრივ: გულისრევა, ღებინება, საჭმლის მონელების დარღვევა, დიარეა.

ნივთიერებათა ცვლის და კვების მხრივ: თირკმლის დარღვეული ფუნქციის მქონე პაციენტებში პრეპარატის გამოყენებამ შეიძლება გამოიწვიოს ჰიპერმაგნიემიასთან, ჰიპერკალციემიასთან და ალკალოზთან დაკავშირებული რეაქციები, რამაც შეიძლება მოახდინოს სმტ-ის მხრივ სიმპტომების (გულისრევა, ღებინება, ყაბზობა) და კუნთების სისუსტის პროვოცირება.

ჩონჩხ-კუნთოვანი და შემაერთებელი ქსოვილის მხრივ: კუნთების სისუსტე.

ნერვული სისტემის მხრივ: გემოვნების დაკარგვა, თავის ტკივილი.

თირკმელების და საშარდე გზების მხრივ: აზოტემია.

გვერდითი რეაქციები, დაკავშირებული რძემჟავა-ტუტოვან სინდრომთან: ასთენია და კალცინოზი.

უკუჩვენებები

ნეფროკალცინოზი, თირკმლის უკმარისობის მძიმე ფორმა, ჰიპერკალციემია, ჰიპერკალციურია, ჰიპოფოსფატემია, მემკვიდრული დაავადებები დაკავშირებული ფრუქტოზის აუტანლობასთან, გლუკოზო-გალაქტოზის შეწოვის დარღვევასთან ან საქაროზა-იზომალტოზას უკმარისობასთან; პრეპარატის ინგრედიენტების მიმართ ჰიპერმგრძნობელობა, მიასთენია, ნაწლავთა გაუვალობა.

ჭარბი დოზირება

პრეპარატის ხანგრძლივმა გამოყენებამ დიდი დოზებით, უპირატესად თირკმლის ფუნქციის დარღვევის მქონე პაციენტებში, შეიძლება გამოიწვიოს თირკმლის უკმარისობა, ჰიპერმაგნიემია, ჰიპერკალციემია და ალკალოზი, რამაც შეიძლება მოახდინოს საჭმლის მომნელებელი ტრაქტის მხრივ სიმპტომების გამოვლენის პროვოცირება (გულისრევა, ღებინება, ყაბზობა) და კუნთების სისუსტე. ასეთ შემთხვევაში საჭიროა პრეპარატის მიღების შეწყვეტა და საკმარისი რაოდენობის სითხის მიღება. ჭარბი დოზირების მძიმე შემთხვევებში (მაგალითად: რძე-მჟავა ტუტოვანი სინდრომი) საჭიროა ექიმთან კონსულტაცია, რადგან შეიძლება საჭირო გახდეს წყლის ბალანსის აღდგენის დამატებითი ზომები.

განსაკუთრებული მითითებები და უსაფრთხოების ზომები

არ გადააჭარბოთ მითითებულ დოზებს. საჭიროა პრეპარატის ხანგრძლივი გამოყენებისგან თავის შეკავება (შეიძლება გაიზარდოს თირკმელებში კენჭების გაჩენის რისკი) სიფრთხილით გამოიყენება პაციენტებში, თირკმლის ფუნქციის დარღვევით (საჭიროა სისხლის შრატში კალციუმის, ფოსფატების და მაგნიუმის დონის შემოწმება).

მითითება პაციენტებისთვის შაქრიანი დიაბეტით: 1 ტაბლეტი შეიცავს 475მგ საქაროზას.

ურთიერთქმედება სხვა სამკურნალო საშუალებებთან

პრეპარატის გამოყენება რეკომენდებულია სხვა სამკურნალწამლო პრეპარატის მიღებამდე 1-2 საათით ადრე ან გვიან. რენის  გამოყენებამ შეიძლება გავლენა იქონიოს ერთდროულად მიღებული ზოგიერთი პრეპარატის, მაგალითად, ანტიბიოტიკების (ტეტრაციკლინები, ქინოლონები), საგულე გლუკოზიდების, ლევოთიროქსინის, ელთრომოპაგის, ასევე ფოსფატების, ფტორიდების და რკინის შემცველი პრეპარატების შეწოვის სისწრაფეზე და ხარისხზე.

დაიცავით სიფრთხილე თიაზიდური დიურეზული საშუალებების მიღებისას.

ორსულობა და ლაქტაცია

რეკომენდებული დოზირების დაცვის შემთხვევაში შესაძლებელია პრეპარატის გამოყენება ორსულობის და ლაქტაციის პერიოდში. საჭიროა იმის გათვალისწინება, რომ პრეპარატი წარმოადგენს კალციუმის დამატებით წყაროს კვების რაციონში, ხოლო კალციუმის ჭარბმა დაგროვებამ შეიძლება გამოიწვიოს ჭარბი დოზირების სიმპტომების გამოვლინება.

გავლენა ავტომობილისა და მექანიზმების მართვაზე

გავლენას არ ახდენს

შენახვის პირობები

ინახება არაუმეტეს +25˚C ტემპერატურაზე, ბავშვებისათვის მიუწვდომელ ადგილზე.

ვარგისობის ვადა

5 წელი. არ გამოიყენება შეფუთვაზე მითითებული ვარგისობის ვადის გასვლის შემდეგ.

გამოშვების ფორმა

12 ტაბლეტი ბლისტერში (პვქ-ალ), პერფორაციით.

1 ან 2 ბლისტერი ფურცელ-ჩანართთან ერთად მოთავსებულია მუყაოს კოლოფში.

აფთიაქიდან გაცემის პირობები

ურეცეპტოდ.

განმცხადებელი/მწარმოებელი ფირმის დასახელება, მისამართი

ბაიერ კონსუმერ კერ აგ

პეტერ მერიან-შტრასე 84, 4052 ბაზელი შვეიცარია

ბაიერ სანტე ფამილიალ

რიუ დე ლ’ინდუსტრი 33, 74240 გაიარ, საფრანგეთი