საერთაშორისო დასახელება:

CYPROTERONE; ETHINYLESTRADIOL.

მწარმოებელი: SCHERING AG, გერმანია

მოქმედი ნივთიერება: ციპროტერონის აცეტატი +ეთინილესტრადიოლი

კლინიკურ-ფარმაკოლოგიური ჯგუფი:

ანტიანდროგენული მოქმედების მონოფაზური ორალური კონტრაცეპტივი.

შემადგენლობა და გამოშვების ფორმა:

დრაჟე: კალენდარულ შეფუთვაში 21 ც.

1 დრაჟე

ციპროტერონის აცეტატი .................  2 მგ

ეთინილესტრადიოლი ..............         35 მგ

დამხმარე ნივთიერებები:

ლაქტოზას მონოჰიდრატი, სიმინდის სახამებელი, პოლივიდონ 25000, მაგნიუმის სტეარატი, საქაროზა, პოლივიდონ 700 000, კალციუმის კარბონატი, ტალკი, მაკროგოლი 6000, ტიტანის დიოქსიდი, გლიცერინი 85%, რკინის ყვითელი ოქსიდი, რკინის წითელი ოქსიდი, მონტაგლიკოლური ცვილი.

ფარმაკოლოგიური თვისებები:

დიანე-35-ის შემადგენლობაში შემავალი ციპროტერონის აცეტატი აინჰიბირებს ქალის ორგანიზმში გამომუშავებული ანდროგენების გავლენას. ამგვარად, შესაძლებელი ხდება ანდროგენების მომატებული გამომუშავებით ან ამ ჰორმონებისადმი მომატებული მგრძნობელობით განპირობებული დაავადებების მკურნალობა.

დიანე-35-ის მიღებისას, ცხიმის ჯირკვლების მომატებული აქტივობა, რომელიც მნიშვნელოვან როლს თამაშობს აკნესა და სებორეის განვითარებაში მცირდება. თერაპიის დაწყებისას ქრება თმისა და კანის მომატებული ცხიმიანობა (სებორეა), მოგვიანებით, პრეპარატის მიღების დაწყებიდან 3-4 თვის შემდეგ, როგორც წესი, ქრება აკნე. მცირდება თმის ცვენაც, რომელიც ხშირად თან ახლავს სებორეას. რეპროდუქციული ასაკის ქალებში დიანე-35-ის გამოყენება ამცირებს ჰირსუტიზმის მსუბუქი ფორმების კლინიკურ გამოვლინებებს თუმცა, მკურნალობის ეფექტს უნდა ველოდოთ მხოლოდ თერაპიის დაწყებიდან რამოდენიმე თვის შემდეგ.

როგორც ყველა პერორალური კომბინირებული კონტრაცეპტივი, დიანე-35 დადებით არაკონტრაცეპციულ გავლენას ახდენს ორგანიზმის ჯანმრთელობის მდგომარეობაზე. მენსტრუაცია ხდება უფრო მსუბუქი და მოკლე, რაც ამცირებს ანემიის რისკს, ტკივილის შეგრძნებები ნაკლებად გამოხატულია ან მთლიანად ქრება. გარდა ანტიანდროგენულისა, ციპროტერონის აცეტატს გააჩნია გამოხატული გესტაგენური მოქმედება.

დიანე-35-ის კონტრაცეპციული ეფექტი ემყარება რამოდენიმე ფაქტორს, რომელთაგან ყველაზე მნიშვნელოვანია ოვულაციის დათრგუნვა და ცერვიკალური ლორწოს სიბლანტის შეცვლა. ენდომეტრიუმი არ განიცდის პროლიფერაციას, რის გამოც შეუძლებელი ხდება განაყოფიერებული კვერცხუჯრედის იმპლანტაცია. დიანე-35-ის სწორედ გამოყენების შემთხვევაში (დრაჟეს გამოტოვების გარეშე) დაორსულობის ალბათობა ძალიან დაბალია.

დიანე-35-ის მიღების ფონზე მენსტრუალური ციკლი ხდება უფრო რეგულარული, იკლებს მტკივნეულ მენსტრუაციათა რიცხვი, მცირდება მენსტრუალური გამონადენის ინტენსივობა, რის შედეგადაც რკინადეფიციტური ანემიის განვითარების რისკი მცირდება.

ფარმაკოკინეტიკა:

ციპროტერონის აცეტატი

შეწოვა: დიანე-35-ის მიღების შემდეგ ციპროტერონის აცეტატი სწრაფად და სრულად შეიწოვება კუჭ-ნაწლავის ტრაქტიდან. ციპროტერონის აცეტატი C_max-ს აღწევს 1.6 საათის შემდეგ და შეადგენს (1 დრაჟე დიანე-35-ის მიღების შემდეგ) 15 ნგ/მლ-ს. ციპროტერონის აცეტატის ბიოშეღწევადობაა 88%.

განაწილება: ციპროტერონის აცეტატი თითქმის მთლიანად უკავშირდება შრატის ალბუმინს, დაახლოებით 3.5-4% იმყოფება თავისუფალ მდგომარეობაში. რადგან ცილებთან კავშირი არასპეციფიკურია, ჰშსგ-ის დონის ცვლილება არ მოქმედებს ციპროტერონის აცეტატის ფარმაკოკინეტიკაზე. დღიური დოზის დაახლოებით 0.02% გამოიყოფა დედის რძით.

მეტაბოლიზმი: ციპროტერონის აცეტატის ფარმაკოკინეტიკა: ორფაზიანია (T_1/2 0.8 და T_1/2 2.3 დღე შესაბამისად პირველი და მეორე ფაზისათვის). საერთო პლაზმური კლირენსი შეადგენს 3.6 მლ/წთ/კგ-ს. ბიოტრანსფორმირდება ჰიდროქსილირებისა და კონიუგირების გზით. ძირითადი მეტაბოლიტია 15β ჰიდროქსილური წარმოებული.

გამოყოფა: გამოიყოფა უპირატესად მეტაბოლიტების სახით ნაღველითა და თირკმელებით შეფარდებით 2:1, მცირე ნაწილი ნაღველით შეუცვლელად. T_1/2 მეტაბოლიტებისათვის შეადგენს დაახლოებით 1.8 დღეს.

ეთინილესტრადიოლი

შეწოვა: დრაჟეს მიღების შემდეგ ეთინილესტრადიოლი სწრაფად და სრულად შეიწოვება კუჭ-ნაწლავის ტრაქტიდან. შეწოვის პროცესში ინტენსიური მეტაბოლიზმისა და ღვიძლში პირველადი გავლის შედეგად ეთინილესტრადიოლის ბიოშეღწევადობაა 45% და ახასიათებს მნიშვნელოვანი ინდივიდუალური ვარიაბელურობა. ეთინილესტრადიოლი C_max-ს აღწევს 1.7 საათს შემდეგ და შეადგენს (1 დრაჟე დიანე-35-ის მიღების შემდეგ) 80 პგ/მლ-ს.

განაწილება: სისხლის პლაზმის ცილებთან (ალბუმინებთან) კავშირი მაღალია (თავისუფალი სახით პლაზმაში იმყოფება 2%) D DV_d შეადგენს მიახლოებით 5 კ/კგ-ს. დღიური დოზის დაახლოებით 0.02% გამოიყოფა დედის რძით. უწყვეტი მიღებისას ეთინილესტრადიოლი ზრდის ჰშსგ და კშგ-ის ღვიძლისმიერ სინთეზს. დიანე-35-ით მკურნალობის ფონზე შრატში ჰშსგ-ის კონცენტრაცია იზრდება მიახლოებით 100 ნმოლი/ ლ-დან 300 ნმოლ/კ-მდე, ხოლო კშს-ის შრატისმიერი კონცენტრაცია მიახლოებით 50 მმკგ/მლ-დან 95 მკგ/მლ-მდე.

მეტაბოლიზმი და გამოყოფა: ეთინილესტრადიოლის ფარმაკოკინეტიკა: ორფაზიანი T_1/2 1-2და T_1/2 20სთ სთ შესაბამისად პირველი და მეორე ფაზისათვის).

საერთო პლაზმური კლირენსი შეადგენს 5 მლ/წთ/კგ-ს. გამოიყოფა მეტაბოლიტების სახით შარდითა და ნაღველით შეფარდებით 4:6. T_1/2 შეადგენს 24 სთ-ს. ელიმინაციის ფაზაშიT_1/2 მერყეობს 6.8-დან 26.1 სთ-მდე.

ჩვენებები:

• აკნე - გამოხატული ფორმები და ისეთი ფორმები, რომლებსაც თან ახლავს სებორეა, ანთება ან კვანძების წარმოქმნა (პაპულოზურ-ბუშტუკოვანი ფერიმჭამელები, კვანძოვან-კისტოზური ფერიმჭამელები);
• ანდროგენული ალოპეცია;
• ჰირსუტიზმის მსუბუქი ფორმები;
• ორალური კონტრაცეპცია ქალებში, რომლებსაც აღენიშნებათ ზემოთ ჩამოთვლილი დაავადებები.

მიღების წესები და დოზირება:

პრეპარატის მიღება იწყება მენსტრუალური ციკლის პირველ დღეს. პრეპარატი მიიღება დაუღეჭავად მცირე რაოდენობის სითხესთან ერთად. ყოველდღიურად ერთსა და იმავე დროს, 21 დღის განმავლობაში. საჭიროა დრაჟეს მიღება კალენდარულ შეფუთვაზე მითითებული კვირის დღეების მიხედვით, ისრის მიმართულებით, სანამ არ მივიღებთ ყველა დრაჟეს. ცარიელი უჯრედები იძლევა მიღების კონტროლის საშუალებას.

შემდგომ უნდა გაკეთდეს 7 დღიანი შესვენება. სწორედ აღნიშნული შესვენების დროს იწყება მენსტრუაციის მსგავსი სისხლდენა. 7 დღიანი შესვენების შემდეგ, მენსტრუაციის მსგავსი სისხლდენის შეწყვეტის ან მისი შემდგომი გაგრძელების მიუხედავად საჭიროა მე-8 დღიდან დრაჟეს მიღების განახლება ახალი შეფუთვიდან. შესაბამისად ყოველ ახალი შეფუთვის მიღებას იწყებენ კვირის ერთსა და იმავე დღეს, ხოლო მენსტრუაციის მსგავსი სისხლდენა დაიწყება მიახლოებით თვის ერთსა და იმავე დღეს.

სხვა კომბინირებული პერორალური კონტრაცეპტივებიდან გადასვლისას: დიანე-35-ის მიღების დაწყება შეიძლება იმ დღის შემდეგ, როცა ქალი მიიღებს კომბინირებული ორალური კონტრაცეპტივის შეფუთვის ბოლო დრაჟეს (ანუ ტაბლეტებს შორის შესვენება არ კეთდება). თუ მიმდინარე შეფუთვა შეიცავს 28 დრაჟეს, დიანე-35-ის მიღების დაწყება შეიძლება უკანაკსკნელი აქტიური დრაჟეს მიღების შემდეგ დღეს. დიანე-35-ის მიღების დაწყება უნდა მოხდეს არაუგვიანეს ჩვეულებრივი 7 დღიანი შესვენების შემდეგ (21 დრაჟეს შემცველი პრეპარატებისათვის) ან უკანასკნელი არააქტიური დრაჟეს მიღების შემდეგ (შეფუთვაში 28 დრაჟეს შემცველი პრეპარატებისთვის).

მხოლოდ გესტაგენის შემცველი პერორალური კონტრაცეპტივებიდან გადასვლისას (მინიპილი): მინი-პილის მიღების შეწყვეტა შეიძლება ნებისმიერ დღეს და შემდეგი დღიდან შეიძლება დაიწყოს დიანე-35-ის მიღება. დრაჟეს მიღების პირველი 7 დღის განმავლობაში აუცილებელია კონტრაცეპციის დამატებითი ბარიერული მეთოდის გამოყენება.

ინექციური კონტრაცეპციიდან ან იმპლანტიდან გადასვლისას: დიანე-35-ის მიღება იწყება იმ დღიდან, როდესაც უნდა გაკეთებულიყო შემდგომი ინექცია ან იმპლანტის ამოღების დღეს. დრაჟეს მიღების პირველი 7 დღის განმავლობაში ასევე აუცილებელია კონტრაცეპციის დამატებითი ბარიერული მეთოდის გამოყენება.

მშობიარობის შემდეგ: პრეპარატის მიღება რეკომენდებულია 3 კვირის შემდეგ თუ დედა ძუძუთი არ კვებავს ბავშვს და 6 თვის შემდეგ ლაქტაციის შემთხვევაში.

აბორტი პირველ ტრიმესტრში: პრეპარატის მიღების დაწყება შეიძლება აბორტის გაკეთების დღიდან. დამატებით კონტრაცეპციული საშუალებების გამოყენება არ არის საჭირო.

გამოტოვებული დრაჟეს მიღება

თუ მორიგი დრაჟეს მიღების დაგვიანება 12 საათზე ნაკლებია: ამ შემთხვევაში დიანე-35-ის კონტრაცეპციული მოქმედება ინახება. დრაჟეს მიღება საჭიროა გახსენებისთანავე. შემდეგი დრაჟე ქალმა უნდა მიიღოს ჩვეულებრივ დროს.

თუ ქალმა მორიგი დრაჟეს მიღება დააგვიანა 12 საათზე მეტი: ამ შემთხვევაში დიანე-35-ის კონტრაცეპციული ეფექტი შეიძლება შემცირდეს. ყოველი ახალი გამოტოვებული დრაჟე კიდევ უფრო ამცირებს კონტრაცეპციულ საიმედოობას. ორსულობის განსაკუთრებით დიდი რისკი არსებობს შეფუთვის საწყისი ან ბოლო დრაჟეების გამოტოვების შემთხვევაში.

ამ დროს ქალმა შეიძლება იხელმძღვანელოს შემდეგი წესებით:

*გამოტოვებული შეფუთვის ერთ დრაჟეზე მეტი: საჭიროა ექიმთან კონსულტაცია.

*ერთი დრაჟე გამოტოვებულია პრეპარატის მიღების პირველ და მეორე კვირას: ქალმა გამოტოვებული დრაჟე უნდა მიიღოს რაც შეიძლება სწრაფად გახსენებისთანავე (მაშინაც კი, თუ ეს ნიშნავს ორი დრაჟეს ერთად მიღებას) და შემდეგი დრაჟე უნდა მიიღოს ჩვეულებრივ დროს. შემდეგი 7 დღის განმავლობაში ქალმა უნდა გამოიყენოს კონტრაცეპციის დამატებითი ბარიერული მეთოდები. თუ სქესობრივ კონტაქტს ადგილი ჰქონდა დრაჟეს გამოტოვებამდე ერთი კვირის განმავლობაში, აუცილებელია ორსულობის არსებობის შესაძლებლობის გათვალისწინება. საჭიროა ექიმთან სასწრაფო კონსულტაცია.

*ერთი დრაჟე გამოტოვებულია პრეპარატის მიღების მესამე კვირაში: ქალმა გამოტოვებული დრაჟე უნდა მიიღოს რაც შეიძლება სწრაფად გახსენებისთანავე (მაშინაც, კი, თუ ეს ნიშნავს ორი დრაჟეს ერთად მიღებას) შემდეგი დრაჟე უნდა მიიღოს ჩვეულებრივ დროს. შემდგომი შეფუთვის მიღების დაწყება საჭიროა მიმდინარე შეფუთვის დამთავრებისთანავე, ამგვარად შეფუთვებს შორის შესვენება არ იქნება. მოხსნის სისხლდენა ნაკლებ სავარაუდოა, სანამ არ დამთავრდება მეორე შეფუთვის ტაბლეტები, მაგრამ შეიძლება აღინიშნის მენსტრუაციათაშორის სისხლიანი გამონადენი და სისხლდენები პრეპარატის მიღებისას. თუ შეფუთვების მიღებებს შორის შესვენებისას მოსალოდნელი მენსტრუაცია არ იწყება, უნდა გამოირიცხოს ორსულობა. ახალი შეფუთვის მიღების დაწყებამდე საჭიროა ექიმთან კონსულტაცია.

რეკომენდაციები ღებინებსა და დიარეის შემთხვევაში

თუ ღებინება ან დიარეა აღინიშნა დიანე-35-ის დრაჟეს მიღებიდან 3-4 საათში, აქტიური ნივთიერებები შეიძლება სრულად არ შეიწოვოს. ეს სიტუაცია ჰგავს პრეპარატის მიღების გამოტოვებას. ამიტომაც ქალმა უნდა გამოიყენოს გამოტოვებული დრაჟეს ინსტრუქციები.

მენსტრუაციის დაწყების გადადება: ქალს შეუძლია მენსტრუაციის დაწყების დროის გადაწევა თუ დიანე-35-ის შემდგომი შეფუთვის მიღებას დაიწყებს მიმდინარე  შეფუთვის დამთავრებისთანავე. ამ შეფუთვის დრაჟეს მიღების გაგრძელება ქალს შეუძლია იმდენ ხანს, რამდენსაც მოინდომებს ან სანამ ეს შეფუთვა არ დამთავრდება. თუ ქალს სურს, რომ დაეწყოს მენსტრუაცია, მან უნდა შეწყვიტოს ტაბლეტების მიღება. მეორე შეფუთვიდან დიანე-35-ის ტაბლეტების მიღების დღეებში შეიძლება აღინიშნოს მენსტრუაციათაშორისი სისხლიანი გამონადენი ან უეცარი სისხლდენები; შემდეგი შეფუთვის მიღების დაწყება საჭიროა ჩვეულებრივი 7 დღიანი შესვენების შემდეგ.

მენსტრუაციის დაწყების დღის ცვლილება: თუ ქალს სურს მენსტრუაციის დაწყების დღის შეცვლა უნდა შეამოკლოს (მაგრამ არ გაზარდოს) შეფუთვებს შორის თავისუფალი დროის ინტერვალი. მაგალითად, თუ ქალის მენსტრუალური ციკლი იწყება პარასკევს და ქალს სურს რომ შემდგომში იგი დაიწყოს სამშაბათს (3 დღით ადრე) შემდეგი შეფუთვის მიღება უნდა დაიწყოს ჩვეულებრივზე 3 დღით ადრე. თუ დრაჟეს მიღებისგან თავისუფალი პერიოდი ძალიან მოკლე იქნება (მაგალითად 3 დღე ან ნაკლები), შესვენებისას მენსტრუაცია შეიძლება არ დაიწყოს. ამ შემთხვევაში შეიძლება შემდგომი შეფუთვის ტაბლეტების მიღებისას აღინიშნოს უეცარი სისხლდენა ან მენსტრუაციათაშორისი სისხლიანი გამონადენი.

ჰიპერანდროგენული მდგომარეობების მკურნალობა: მკურნალობის ხანგრძლივობა დამოკიდებულია დაავადების სიმძიმის ხარისხზე.

რეკომენდირებულია პრეპარატის მიღება სიმპტომების გაქრობიდან კიდევ მინიმუმ 3-4 ციკლის განმავლობაში. დაავადების რეციდივის განვითარების შემთხვევაში შესაძლებელია მკურნალობის განახლება.

გვერდითი მოვლენები:

გვერდითი ეფექტები შეიძლება განვითარდეს დიანე-35-ის მიღების პირველი რამდენიმე თვის განმავლობაში და ჩვეულებრივ გარდამავალია.

საჭმლის მომნელებელი სისტემა: გულისრევა, პირღებინება.

სასქესო სისტემა: ვაგინალური სეკრეციის ცვლილებები, მენსტრუაციათაშორისი სისხლიანი გამონადენი.

ენდოკრინული სისტემა: სარძევე ჯირკვლების მტკივნეულობა და დაჭიმულობა, სარძევე ჯირკვლების გადიდება, სარძევე ჯირკვლებიდან გამონადენი, ლიბიდოს ცვლილება, სხეულის მასის ცვლილება.

ცენტრალური ნერვული სისტემა: თავის ტკივილი, შაკიკი, გუნება-განწყობის ცვლილება/დაქვეითება.

სხვა: კონტაქტური ლინზების ცუდი ატანა, მხევდელობის დარღვევები, ალერგიული რეაქციები.

პრეპარატის ხანგრძლივი გამოყენებისას ქალებში შეიძლება ადგილი ჰქონდეს სახეზე ყავისფერი ლაქების (ქლოაზმების) გაჩენას, რომლებიც ძლიერდება მზის სხივების ზემოქმედებით; ქალები ასეთი ცვლილებებით უნდა მოერიდონ მზის სხივების პირდაპირ ზემოქმედებას.

უკუჩვენებები:

*მომატებული მგრძნობელობა პრეპარატის ან მისი შემადგენელი კომპონენტების მიმართ;

*ღვიძლის ფუნქციის მძიმე დარღვევები;

*თრომბოზების არსებობა (ვენური და არტერიული) ამჟამად ან ანამნეზში (მაგ. ქვედა კიდურების ღრმა ვენების თრომბოზი, ფილტვის არტერიის ტოტების თრომბოემბოლია, მიოკარდიუმის ინფარქტი, ცერებრო-ვასკულარული დარღვევები);

*ამჟამად ან ანამნეზში თრომბოზების წინამორბედი მდგომარეობების არსებობა (მაგ. ტრანზისტორული იშემიური შეტევები, სტენოკარდია);

*სისხლძარღვების დაზიანებით მიმდინარე მძიმე შაქრიანი დიაბეტი;

*ამჟამად ან ანამნზეში ღვიძლის სიმსივნეების არსებობა (ავთისებიანი და კეთილთვისებიანი);

*შაკიკი კეროვანი ნევროლოგიური სიმპტომატიკით (მათ შორის ანამნეზში);

*პანკრეტატი გამოხატული ჰიპერტრიგლიცერიდემიით (მათ შორის ანამნეზში);

*გაურკვეველი გენეზის სისხლდენა საშვილოსნოდან;

*სასქესო ორგანოებისა და სარძევე ჯირკვლების ჰორმონდამოკიდებული ავთვისებიანი დაავადებები (მათ შორის ანამნეზში);

*დადასტურებული ან საეჭვო ორსულობა;

*ლაქტაცია პირველი 6 თვის მანძილზხე.

თუ ამ მდგომარეობებიდან რომელიმე პირველად იჩენს თავს დიანე-35-ის მიღებისას, პრეპარატის მიღება მაშინვე უნდა შეწყდეს. საჭიროა ექიმთან კონსულტაცია. ამავე დროს ქალმა უნდა გამოიყენოს არაჰორმონალური ჩასახვის საწინააღმდეგო საშუალებები.

ორსულობა და ლაქტაცია:

ორსულობის და ლაქტაციის პირველი 6 თვის პერიოდში პრეპარატის მიღება უკუნაჩვენებია.

განსაკუთრებული მითითებები:

პრეპარატის გამოყენების წინ უნდა ჩატარდეს ზოგადი და გინეკოლოგიური გამოკვლევა ( მათ შორის სარძევე ჯირკვლის და ცერვიკალური ლორწოს ციტოლოგიური გამოკვლევა), გამოირიცხოს ორსულობა და სისხლის შედედების სისტემის პათოლოგია. ტარდება ოჯახური ანამნეზის შესწავლა. პრეპარატით ხანგრძლივი მკურნალობისას წელიწადში ერთხელ აუცილებელია საკონტროლო გამოკვლევების ჩატარება.

თუ დიანე-35-ის გამოყენება ხდება ქვემოთ ჩამოთვლილი მდგომარეობების არსებობის შემთხვევაში. ქალს შეიძლება ესაჭიროებოდეს ექიმის კონტროლი. დიანე-35-ის მიღების დაწყებამდე ქალმა ექიმს უნდა აცნობოს ქვემოთ ჩამოთვლილი შემდეგი მდგომარეობების ან დაავადებების არსებობის შესახებ: მოწევა; შაქრიანი დიაბეტი; სხეულის მომატებული მასა; მაღალი არტერიული წნევა; ვენების ანთება (ზედაპირული ვენების ფლებიტი); თრომბოზებით, მიოკარდიუმის ინფარქტით ან თავის ტვინში სისხლის მიმოქცევის დარღვევით (მათ შორის ინსულტი) დატვირთული გენეტიკური ანამნეზი. შაკიკი აურით; ეპილეფსია; აწმყოსა ან წარსულში ქოლესტერინის ან ტრიგლიცერიდების მაღალი დონე (გენეტიკურ ანამნეზში); სარძევე ჯირკვლის კიბოს დაიაგნოზით დატვირთული გენეტიკური ანამნეზი; ღვიძლის ან ნაღვლის ბუშტის დაავადებები; კრონის დაავადება ან არასპეციფიკური წყლულოვანი კოლიტი; სისტემური წითელი მგლურა (სწმ); ჰემოლიზური ურემიული სინდრომი (სისხლის შედედების დარღვევა, რომელიც იწვევს თირკმლის უკმარისობას);

ნამგლისებრი უჯრედოვანი ანემია; დაავადებები, რომლებიც პირველად ჩნდება ან ღრმავდება ორსულობის დროს ან ადრე სასქესო ჰორმონების მიღების ფონზე (მაგალითად სმენის დაკარგვა, პორფირია, ორსულების ჰერპესი, სიდენგამის ქორეა); ქლოაზმა (კანზე მოყვითალო-ყავისფერი უბნები, განსაკუთრებით  სახეზე) აწმყოში ან წარსულში. მათი არსებობის შემთხვევაში ქალი უნდა მოერიდოს მზეზე დიდი ხნის განმავლობაში ყოფნას და ულტრაიისფერ გამოსხივებას.

მენსტრუაციებს შორის სისხლდენები: როგორც სხვა კომბინირებული პერორალური კონტრაცეპტივების მიღებისას, დიანე-35-ის მიღებისას პირველი რამდენიმე თვის განმავლობაში მენსტრუაციებს შორის პერიოდში შეიძლება აღინიშნოს საშოდან არარეგულარული სისხლდენები (მენსტრუაციათაშორისი სისხლიანი გამონადენი ან უეცარი სისხლდენები). ქალმა ამ შემთხვევაში უნდა გამოიყენოს ჰიგიენური საშუალებები და დრაჟეს მიღება გააგრძელოს ჩვეულებრივად. საშოდან არარეგულარული სისხლდენები ჩვეულებრივ წყდება დიანე-35-ის მიმართ ქალის ორგანიზმის ადაპტაციის შემდეგ (ჩვეულებრივ პრეპარატის მიღების 3 ციკლის შემდეგ). თუ ეს დარღვევები გრძელდება, უფრო მძიმეა ან შეწყვეტის შემდეგ ახლდება, ქალმა უნდა მიმართოს ექიმს.

მორიგი მენსტრუაციის არ არსებობა: თუ ქალი ყველა დრაჟეს სწორად იღებდა, ქალს არ აღენიშნებოდა ღებინება და არ იღებდა სხვა სამკურნალწამლო საშუალებებს ორსულობის შესაძლებლობა დაბალია. დიანე-35-ის მიღება უნდა გააგრძელოს ჩვეულებრივად.

თუ ქალს არ დაეწყო ზედიზედ ორი მენსტრუაცია, მან სასწრაფოდ უნდა მიმართოს ექიმს. დიანე-35-ის შედეგი შეფუთვის მიღება არ შეიძლება ორსულობის გამორიცხვამდე.

პრეპარატის მკურნალობის დაუყოვნებლივი შეწყვეტა და ექიმთან კონსულტაციაა საჭირო:

*თუ ქალმა შეამჩნია თრომბოზისა და თრომბოებოლიის შესაძლო ნიშნები: პირველად აღმოცენებული უჩვეულო ხველა; უჩვეულოდ ძლიერი ტკივილი მკერდის ძვლის უკან, რომელიც მარცხენა ხელში გადაეცემა; მოულოდნელად განვითარებული ქოშინი; უჩვეულოდ ძლიერი ან ხანგრძლივი თავის ტკივილი, შაკიკის შეტევა; მხედველობის ნაწილობრივი ან სრული დაკარგვა, დიპლოპია; მეტყველების დარღვევა ან აფაზია; სმენის, ყნოსვის ან გემოვნების უეცარი ცვლილებები; თავბრუსხვევა ან გონების დაკარგვა; სხეულის ნებისმიერ ნაწილში მგრძნობელობის შესუსტება ან დაკარგვა; "მწვავე მუცლის" სიმპტომოკომპლექსი; ფეხის ძლიერი ტკივილი ან ფეხის უეცარი შეშუპება;

*გეგმიური ოპერაციები (6 კვირით ადრე მათ ჩატარებამდე), იმობილიზაცია. აღნიშნულ შემთხვევებში იზრდება თრომბოზის განვითარების რისკი;

*ჰეპატიტი, სიყვითლე ქავილი, ეპილესფიური შეტევების გახშირება, არტერიული წნევის მომატება, ორსულობა.

ჭარბი დოზირება:

სიმპტომები: გულისრევა, პირღებინება, ვაგინალური სისხლდენა.

მკურნალობა: სიმპტომატური თერაპია. ანტიდოტი არ არსებობს.

სხვა წამლებთან ურთიერთქმედება:

ზოგიერთმა სამკურნალო საშუალებამ შეიძლება დააქვეითოს დიანე-35-ის ეფექტურობა. მათ მიეკუთვნება პრეპარატები, რომელიც გამოიყენება ეპილეფსიის (მაგ. პრიმიდონი, ფენიტოინი, ბარბიტურატები, კარბამაზეპინი, ოქსიკარბაზეპინი, ტოპირამატი, ფელბამატი), ტუბერკულოზის (მაგ. რიფამპცინი, რიფაბუტინი) და აივ ინფექციის სამკურნალოდ (რიტონავირი); ზოგიერთი ანტიბიოტიკები (მაგალითად ამპიცილინი, ტეტრაციკლინები, გრიზეოფულვინი).

შენახვის პირობები:

პრეპარატი ინახება ოთახის ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

BUFLOMEDIL. HCL

მწარმოებელი: SPECIFAR S.A.

მოქმედი ნივთიერება: ბუფლომედილის ჰიდროქლორიდი

კლინიკურ-ფარმაკოლოგიური ჯგუფი:

ვაზოაქტიური პრეპარატი

შემადგენლობა და გამოშვების ფორმა:

ტაბლეტები: შეფუთვაში 20 ც.

1 ტაბ.

ბუფლომედილის ჰიდროქლორიდი ............  300 მგ

ფარმაკოლოგიური მოქმედება:

დიალონ–T წარმოადგენს ვაზოაქტიურ პრეპარატს. აუმჯობესებს პერიფერიულ და ცენტრალურ სისხლის მიმოქცევას. უპირატესად გავლენას ახდენს მიკროცირკულაციაზე, ხასიათდება ანტიჰიპოქსიური მოქმედებით, ასევე აუმჯობესებს სისხლის რეოლოგიურ თვისებებს: ამცირებს თრომბოციტების აგრეგაციას, ზრდის ერითროციტების ელასტიურობას, ამცირებს სისხლის წებოვნებას.

დიალონ–T ხასიათდება სუსტი არასპეციფიკური ანტაგონისტური მოქმედებით კალციუმის იონების მიმართ, ასევე წარმოადგენს α-ადრენობლოკატორს. პრეპარატი ხელს უწყობს კანის ტროფიკული დაზიანებების სწრაფ შეხორცებას.

ფარმაკოკინეტიკა:

დიალონ–T სწრაფად შეიწოვება კუჭ-ნაწლავის ტაქტიდან. პლაზმაში მაქსიმალურ კონცენტრაციას აღწევს 1,5-3 საათის შემდეგ. ნახევარგამოყოფის პერიოდი 2-დან 3,6 საათამდე. პრეპარატი ორგანიზმიდან გამოიყოფა შარდთან ერთად (12 -18% შეუცვლელი სახით).

ჩვენებები:

• თავის ტვინის სისხლის მიმოქცევის დარღევა, თავის ტვინის სისხლხძარღვების ათეროსკლეროზი, ცერებროვასკულური უკმარისობით განპირობებული ნევროლოგიური დაზიანებები და ფსიქიური დარღვევები (დემენცია, მეხსიერების დაქვეითება,თავის ტკივილი, თავბრუსხვევა);
• ბადურისა და სისხლძარღვოვანი გარსის ანგიოპათია, განპირობებული არტერიული ჰიპერტენზიით, ათეროსკლეროზით, ანგიოსპაზმით,შაქრიანი დიაბეტით;
• შიდა ყურის სისხლძარღვოვანი გენეზის დაავადებები, სმენის დაქვეითება; მოხუცებულობითი სიყრუე, შუილი ყურებში, კოხლეარულ-ვესტიბულური ნევრიტი, მენიერის დაავადება;
• პერიფერიული სისხლის მიმოქცევის დარღვევა განპირობებული ათეროსკლეროზით, თრომბოზით, სპაზმით, შაქრიანი დიაბეტით, ქვემო კიდურების არტერიების ქრონიკული მაობლიტირებელი დაავადება, გარდამავალი კოჭლობა, ბიურგერის დაავადება, რეინოს სინდრომი და დაავადება;
• ტროფიკული წყლული, ნაწოლები, განგრენა;
• პროსტატიტი, ნეფროპათია (მათ შორის დიაბეტური)

მიღების წესი და დოზირება:

სამკურნალო დოზა 300-600 მგ (1-2 აბი) დღე-ღამეში. გამოტოვებული მორიგი დოზა მიღებული უნდა იქნას შეძლებისთანავე. თუ შემდგომი მიღების დრო ახლოვდება, პაციენტმა არ უნდა მიიღოს გამოტოვებული დოზა, ამ დროს საჭიროა ჩვეულებრივ გაგრძელდეს პრეპარატის შესაბამისი დოზებით მიღება.

უკუჩვენებები:

ბუფლომედილის ჰიდროქლორიდის მიმართ მომატებული მგრძნობელობა, მიოკარდიუმის ინფარქტი, პოსტინფარქტული პერიოდი, არასტაბილური სტენოკარდია, პაროქსიზმული ტაქიკარდია, ფარისებრი ჯირკვლის ჰიპერფუნქცია, მასიური სისხლდენა, ორსულობა და ლაქტაციის პერიოდი.

გვერდითი მოვლენები:

იშვიათად გამოვლინდება თავის ტკივილი, გულისრევა, კანის სიწითლე.

განსაკუთრებული მითითებები:

ბავშვთა ასაკში ბუფლომედილის ჰიდროქლორიდის გამოყენების კლინიკური გამოცდილება, მისი უსაფრთხოება და ეფექტურობა არ არის დადგენილი.

ურთიერთქმედება სხვა პრეპარატებთან:

ბუფლომედილის ჰიდროქლორიდის მიღება დასაშვებია სხვა პრეპარატებთან ერთად. პრეპარატი ზრდის ანტიჰიპერტენზიული საშუალებების მოქმედებას. ანტიკოაგულანტებთან დანიშვნის შემთხვევაში აუცილებელია კოაგულოგრამის კონტროლი.

ჭარბი დოზირება:

ბუფლომედილის ჰიდროქლორიდის ჭარბი დოზის მიღების შემთხვევაში, საჭიროა ექიმის ინფორმირება.

შენახვის პირობები:

პრეპარატი ინახება ოთახის ტემპერატურაზე, მშრალ, სინათლისაგან და ბავშვებისაგან დაცულ ადგილას.

ვარგისიანობის ვადა:

3 წელი.

გაცემის წესი:

აფთიაქიდან გაიცემა ექიმის რეცეპტით.

საერთაშორისო დასახელება:

ACETAZOLAMIDE

მწარმოებელი: POLPHARMA

მოქმედი ნივთიერება: აცეტაზოლამიდი

კლინიკურ-ფარმაკოლოგიური ჯგუფი:

დიურეზული საშუალება.

შემადგენლობა და გამოშვების ფორმა:

ტაბლეტები: ბლისტერზე 12 ტაბ., შეფუთვაში 2 ბლისტერი.

1 ტაბ.

აცეტაზოლამიდი ...............    250 მგ

დამხმარე ნივთიერებები:

კარტოფილის სახამებელი, ტალკი, ნატრიუმის სახამებლის გლიკოლატი.

ფარმაკოლოგიური თვისებები:

სუსტი დიურეტიკი ახდენს ფერმენტ კარბოანჰიდრაზას ინჰიბირებას ნეფრონის პროქსიმალურ კლაკნილ მილებში, აძლიერებს შარდთან ერთად Na⁺ და K⁺ იონების და ბიკარბონატის გამოყოფას, არ ახდენს გავლენას Cl^- იონების გამოყოფაზე, ხელს უწყობს შარდის ტუტე რეაქციას.

არაღვევს მჟავა-ტუტოვან წონასწორობას (მეტაბოლური აციდოზი). წამწამოვანი სხეულის კარბოანჰიდრაზის დათრგუნვა იწვევს სითხის სეკრეციის შემცირებასა და თვალის შიდა წნევის დაქვეითებას. თავის ტვინში კარბოანჰიდრაზის აქტიურობის დათრგუნვა განაპირობებს ანტიეპილეფსიური აქტივობის არსებობას. მოქმედების ხანგრძლივობა 12 საათამდეა.

ფარმაკოკინეტიკა:

აბსორბცია - მაღალი. 500 მგ პრეპარატის შიგნით მიღების შემდეგ სისხლის პლაზმაში მაქსიმალური კონცენტრაცია მიიღწევა 2 საათის შემდეგ. აღწევს პლაცენტარულ ბარიერში, სისხლის პლაზმის ცილებთან კავშირი - მაღალია, გამოიყოფა თირკმლის მეშვეობით უცვლელი ფორმით.

ჩვენებები:

• შეშუპების სინდრომი (სუსტი და ზომიერი გამოხატულების ალკალოზით მიმდინარე),
• გლაუკომა (პირველადი და მეორადი, მწვავე შეტევა);
• ეპილეფსია (კომბინირებულ თერაპიასთან ერთად), მთის დაავადება.

მიღების წესები და დოზირება:

პრეპარატი მიიღება შიგნით, მკაცრად ექიმის დანიშნულებით.

შეშუპების სინდრომი

მკურნალობის დასაწყისში 250-375 მგ (1-1.5 ტაბლეტი) ერთხელ დღე-ღამეში, დილით. მაქსიამლურ დიურეზული ეფექტი მიიღწევა პრეპარატის მიღებიდან ერთი ან ორი დღის შემდეგ, შემდეგ სასურველია ერთ დღიანი შესვენების გაკეთება.

აცეტაზოლამიდის გამოყენებისას აუცილებელია იმ მკურნალობის გაგრძელება, რომელიც რეკომენდებულია სისხლის მიმოქცევის უკმარისობის დროს, დაცულ უნდა იქნეს დიეტაში მარილის მიღების შეზღუდვა და საჭირო კალციუმის ნაკლებობის კომპენსირება.

გლაუკომა

მოზრდილებს, როგორც წესი, უნიშნავენ:

ღიაკუთხოვანი გლაუკომის დროს: 250 მგ (1 ტაბლეტი) 1-4-ჯერ დღე-ღამეში. 1000 მგ-ზე (4 ტაბლეტი) მეტი დოზა არ ზრდის მკურნალობის ეფექტურობას.

მეორადი გლაუკომის დროს: 25 მგ (1 ტაბლეტი ყოველ 4 საათში. ზოგიერთი პაციენტის შემთხვევაში პრეპარატის ეფექტურობა შეინიშნება 250 მგ (1 ტაბლეტი) დოზის დღე-ღამეში 2-ჯერ მიღების შემედგ (მოკლევადიანი თერაპიის დროს).

გლაუკომის მწვავე შეტევის დროს: 25 მგ (1 ტაბლეტი) 4-ჯერ დღე-ღამეში.

ბავშვებში გლაუკომის შეტევის დროს: - სხეულის მასის 10-15 მგ/კგ დღე-ღამეში 3-4 დაყოფილი დოზით.

ეპილეფსია

მოზრდილები: 250-500 მგ დღე-ღამეში 1-2 მიღებად, 3 დღის მანძილზე, მე-4 დღეს -შესვენება.

ბავშვები: 4-12 თვე - 50 მგ/დღე-ღამეში 1-2 მიღებად 2-3 წელი - 50-125-250 მგ/დღე-ღამეში ერთჯერადად, დილას, აცეტაზოლამიდის სხვა კრუნჩხვის საწინააღმდეგო პრეპარატებთან მიღების დროს, მკურნალობის დასაწყისში იყენებენ 250 მგ (1 ტაბლეტი) ერთხელ დღე-ღამეში. საჭიროებისამებრ, შესაძლებელია დოზის თანდათანობითი მომატება. ბავშვების შემთხვევაში, სასურველი არ არის დღე-ღამეში 75 გ-ზე მეტი დოზის გამოყენება.

მთის მწვავე დაავადება

რეკომენდებულია პრეპარატის გამოყენება შემდეგი დოზით: 500-1000 მგ (2-4 ტაბლეტი) დღე-ღამეში, თანაბარი დოზით. სწრაფი აღმასვლის შემთხვევაში - 1000 მგ (4 ტაბლეტი) დღე-ღამეში, თანაბარი დოზით. პრეპარატის მიღება მიზანშეწონილია აღმასვლამდე 24-48 საათით ადრე, დაავადების სიმპტომების გაჩენის შემთხვევაში, მკურნალობა გრძელდება შემდგომი 48 საათის მანძილზე, ან საჭიროებისამებრ, უფრო დიდხანს.

პრეპარატის ერთი მიღების გამოტოვების შემთხვევაში, დაუშვებელია დოზის გაზრდა მორიგი მიღების დროს.

გვერდითი მოვლენები:

ჰიპოკალიემია, კუნთების სისუსტე, კრუნჩხვა, კანის ჰიპერემია, პარესთეზია, შუილი ყურებში, ანორექსია, მეტაბოლური აციდოზი, კანის ქავილი, ახლომხედველობა, ჭინჭრის ციება. ხანგრძლივი გამოყენებისას - ნეფროლითიაზი, ჰემატურია, გლუკოზურია, ჰემოლიზური ანემია, ლეიკოპენია, აგრანულოციტოზი, დიზორიენტაცია, ძილიანობა, გულისრევა, ღებინება, დიარეა, ალერგიული რეაქციები, პარესთეზიები.

უკუჩვენებები:

*ჰიპერმგრძნობელობა პრეპარატის კომპონენტების მიმარ;,

*თირკმლის მწვავე უკმარისობა;

*ღვიძლის უკმარისობა;

*ჰიპოკალიემია;

*აციდოზი;

*ჰიპოკორტიციზმი, ადისონის დაავადება, ურემია;

*შაქრიანი დიაბეტი;

*ფეხმძიმობა, ლაქტაციის პერიოდი;

*სიფრთხილით - ღვიძლისა და თირკმლის გენეზის შეშუპება;

*აცეტილსალიცილის მჟავის დიდი დოზის მიღება.

განსაკუთრებული მითითებები:

თუ პრეპარატი გამოიყენება 5 დღეზე მეტ ხანს, იზრდება მეტაბოლური აციდოზის განვითარების რისკი. ხანგრძლივი გამოყენების შემთხვევაში, სავალდებულოა წყალელექტროლიტური ბალანსის მაჩვენებლებისა და სისხლის პერიფერიული სურათის კონტროლი.

პრეპარატის გავლენა ავტომობილისა და სხვა და სხვა მექანიზმების მართვაზე: აცეტაზოლამიდი, განსაკუთრებით დიდი დოზით, ხშირად იწვევს ძილიანობას, დაღლილობას, თავბრუსხვევასა და დეზორიენტაციას. ამიტომ, მკურნალობის დროს, პაციენტებმა არ უნდა მართონ ავტოტრანსპორტი  და არ უნდა შეასრულონ ისეთი სამუშაო, რაც ყურადღების კონცენტრაციასა და ფსიქომოტორული რეაქციის სიჩქარეს მოითხოვს.

ჭარბი დოზირება:

პრეპარატით მოწამვლის შემთხვევაში, დაუყოვნებლივ უნდა მივმართოთ ექიმს. აღწერილი არ არის პრეპარატის ჭარბი დოზირების ან მწვავე მოწამვლის სიმპტომატიკა.

სიმპტომები: გვერდითი მოვლენების გაძლიერება.

მკურნალობა: სიმპტომატური.

სხვა წამლებთან ურთიერქმედება:

იგი აძლიერებს ოსტეომალაციის გამოვლინებას, რომელიც გამოწვეულია ეპილეფსიის საწინააღმდეგო პრეპარატების მიღებით.

სხვა დიურეზულებთან და თეოფილინთან კომბინირება აძლიერებს შარდმდენ მოქმედებას. მჟავეს რეაქციის წარმომქმნელი დიურეზულები ასუსტებენ შარდმდენ მოქმედებას. აძლიერებს სალიცილატების, კარბამაზეპინის, ეფედრინის, მიორელაქსანტების ტოქსიკურობას.

შენახვის პირობები:

პრეპარატი ინახება 15-20⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

MEBHYDROLIN

მწარმოებელი: FARMAK UKRAINE

მოქმედი ნივთიერება: მებჰიდროლინი

კლინიკურ–ფარმაკოლოგიური ჯგუფი:

H1 - ჰისტამონური რეცეპტორების ბლოკატორი.

გამოშვების ფორმა:

50 მგ. დრაჟე; 100მგ ტაბ,დრაჟე

ფარმაკოლოგიური თვისებები:

იგი ასუსტებს ჰისტამინის სპაზმოგენურ ეფექტს ბრონქებისა და ნაწლავების გლუვი კუნთების მიმართ, ასევე ამცირებს მის გავლენას სისხლძარღვების განვლადობაზე. გააჩნია ნაკლებად გამოხატული სედაციური და საძილე ეფექტი.

ჩვენებები:

• სეზონური ალერგიული რინიტი, პოლინოზი, ჭინჭრის ციება, კვინკეს შეშუპება, კვებითი და წამლისმიერი ალერგია, დერმატოზი, სხვა ალერგიული რეაქციები.

უკუჩვენებები:

* ჰიპრმგრძნობელობა;

* კუჭისა და თორმეტგოჯა ნაწლავის წყლულოვანი და სხვა ანთებითი დაავადება;

* 6 წლამდე ასაკის ბავშვები.

გვერდითი მოვლნები:

კუჭ–ნაწლავის ტრაქტის ლორწოვანის გაღიზიანება, დისპეფსიური მოვლენები: გულძმარვა, გულისრევა, ტკივილი ეპიგასტრულ მიდამოში, პირის სიმშრალე.

ცნს–ის მხრივ: თავბრუსხვევა, პარესთეზია,დაღლა, ძილიანობა, მხედველობის დარღვევა, რეაქციის სიჩქარის შენელება.

იშვიათად შარდის გამოყოფის დარღვევა, ალერგიული რეაქციები, გრანულემატოზი და აგრანულოციტოზი.

დოზირება: პერორალურად 100–200მგ 1–2–ჯერ დღეში.

საერთაშორისო დასახელება:

DIAZEPAM

მწარმოებელი: BALKANPHARMA - DUPNITSA

მოქმედი ნივთიერება: დიაზეპამი

კლინიკურ-ფარმაკოლოგიური ჯგუფი:

ანქსიოლიტური (ტრანკვილიზატორი) საშუალება; საძილე, დამამშვიდებელი, კრუნჩხვის და ცენტრალური მიორელაქსაციური მოქმედების.

შემადგენლობა და გამოშვების ფორმა:

ტაბლეტები: შეფუთვაში 20 ც.

1 ტაბ.

დიაზეპამი ............    10 მგ

ვრცლად რელიუმი

საერთაშორისო დასახელება:

DILTIAZEM

მწარმოებელი: MEDOCHEMIE

მოქმედი ნივთიერება: დილთიაზემი

კლინიკურ-ფარმაკოლოგიური ჯგუფი:

კალციუმის არხების ბლოკატორი

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 და 100 ც.

1 ტაბ.

დილთიაზემის ჰიდროქლორიდი .................   60 მგ

ვრცლად დილტიაზემი

დიაბეტონი MR - ფრანგული ფარმაცევტული კომპანია "სერვიეს" მიერ წარმოებული ორიგინალური პრეპარატი

საერთაშორისო დასახელება:

GLICLAZIDE

მწარმოებელი: SERVIER, საფრანგეთი

მოქმედი ნივთიერება: გლიკლაზიდი

კლინიკურ-ფარმაკოლოგიური ჯგუფი:

ჰიპოგლიკემიური პრეპარატი.

შემადგენლობა და გამოშვების ფორმა:

მოდიფიცირებული გამონთავისუფლების ტაბლეტები: შეფუთვაში 60 ც.

1 ტაბ.

გლიკლაზიდი .................          30 მგ

დამხმარე ნივთიერებები:

კალციუმის დიჰიდრატი, მალტოდექსტრინი, ჰიპრომელოზა, მაგნიუმის სტეარატი, უწყლო კოლოიდური სილიციუმი.

ფარმაკოლოგიური თვისებები:

პრეპარატი წარმოადგენს სულფანილშარდოვანას წარმოებულ II თაობის ანტიდიაბეტურ, პერორალურ საშუალებას, რომელიც ანალოგიური პრეპარატებისაგან განსხვავდება ენდოციკლური კავშირისა და N-ის შემცველი ჰეტეროციკლური რგოლის არსებობით.

ინსულინდამოუკიდებელი შაქრიანი დიაბეტი ტიპი II დროს დიაბეტონი MR აღადგენს ინსულინოსეკრეციის I პიკს და აძლიერებს ინსულინის სეკრეციის მეორე ფაზას. დიაბეტონ MR-ით მკურნალობისას აღინიშნება კუჭქვეშა ჯირკვლის საკვების მიღებითა და გლუკოზის შეყვანით განპირობებული სტიმულაციის საპასუხოდ ინსულინის სეკრეციის მნიშვნელოვანი ზრდა. დიაბეტონი MR ასტიმულირებს რა პანკრეასის ბეტა უჯრედების მიერ ინსულინის სეკრეციას, ამცირებს გლუკოზის დონეს სისხლში. დიაბეტონ MR-ით 2-წლიანი მკურნალობის შემდეგ პოსტპრანდიალურად შენარჩუნებულია ინსულინის დონის მატება.

დიაბეტონი MR ზრდის პერიფერიული ქსოვილების მგრძნობელობას ინსულინისადმი და ააქტიურებს უჯრედშიდა ფერმენტებს (კერძოდ კუნთის გლიკოგენსინთეტაზას). ეს აუმჯობესებს დიაბეტის კონტროლის შესაძლებლობას.

დიაბეტონი MR ამცირებს გლუკოზის წარმოქმნას ღვიძლის მიერ, რაც იწვევს გლუკოზის დონის ნორმალიზიაცის უზმოზე.

დიაბეტონი MR ნახშირწყლოვანი ცვლის მოწესრიგებისაგან დამოუკიდებლად ზემოქმედებს მიკროცირკულაციაზე (სისხლძარღვთა კედელზე). იგი ამცირებს თრომბოციტების ადჰეზიასა და მიგრაციას, აფერხებს კედლისმიერი თრომბოზის განვითარებას მცირე კალიბრის სისხლძარღვებში, აძლიერებს სისხლძარღვოვან ფიბრინოლიზურ აქტიობას. პრეპარატი ამცირებს სისხლძარღვთა განვლადობას. იგი ასევე, აქვეითებს მიკროთრომბების წარმოქმნისა და ათეროსკლეროზის განვითარების რისკს.

კონტროლირებულმა კლინიკურმა გამოკვლევებმა დაადასტურეს გლიკლაზიდის ანტიოქსიდანტური თვისებები (სისხლის პლაზმაში ლიპიდური პეროქსიდაზების დონის კლება, ერითროციტარული სუპეროქსიდდისმუტაზას აქტივობის მატება), რომლებიც თავდაპირველად კლინიკურ-ფარმაკოლოგიურ კვლევებში იქნა ნანახი.

ჩატარებულმა კონტროლირებულმა კლინიკურმა კვლევებმა ინსულინდამოუკიდებელი შაქრიანი დიაბეტით დაავადებულ პაციენტებში დაადასტურა, რომ დიაბეტონ MR-ის განსაკუთრებული სამკურნალო ფორმა დოზით 30 მგ ერთჯერადი მიღებისათვის ხანგრძლივად და ეფექტურად აკონტროლებს სისხლში გლუკოზის დონეს (გლიკოზირებული ჰემოგლობინი HbA_1C მონიტორირებაზე დაყრდნობით).

დიაბეტონი MR აღადგენს ინსულინოსეკრეციის I პიკს (განსხვავებით სულფანილშარდოვანას წარმოებული სხვა პრეპარატებისაგან, მაგ. გლიბენკლამიდისა და ქლორპროპამიდისაგან, რომლებიც ძირითადად ინსულინის სეკრეციის მეორე პიკზე მოქმედებენ). დიაბეტონი MR ამცირებს პოსტპრანდიალური ჰიპერგლიკემიის პიკს.

ფარმაკოკინეტიკა:

პრეპარატის მიღებისას გლიკლაზიდი მთლიანად აბსორბირდება საჭმლის მომნელებელ სისტემაში. სამკურნალო ფორმის თავისებურებიდან გამომდინარე, გლიკლაზიდის კონცენტრაცია სისხლის პლაზმაში პროგრესულად მატულობს და მიღებიდან 12-16 საათში ქმნის პლატოს. საკვების მიღება პრეპარატის აბსორბციაზე არ მოქმედებს.

დიაბეტონ MR-ის ყოველდღიური ერთჯერადი დოზა უზრუნვეყოფს გლიკლაზიდის 24-საათიან ეფექტურ კონცენტრაციას სისხლის პლაზმაში. პლაზმის ცილებთან პრეპარატის შეკავშირება შეადგენს 95%-ს. პრეპარატი ღვიძლში განიცდის ბიოტრანსფორმაციას; წარმოქმნილი მეტაბოლიტები ფარმაკოლოგიურად არააქტიურები არიან. მეტაბოლიტების სახით გლიკლაზიდი ძირითადად, გამოიყოფა თირკმლებით; 1% უცვლელი სახით გამოიყოფა შარდში.

ჩვენებები:

პრეპარატი განკუთვნილია ინსულინდამოუკიდებელი შაქრიანი დიაბეტით (II ტიპი) დაავადებული მოზრდილი პაციენტების სამკურნალოდ, დიეტასთან და ფიზიკურ ვარჯიშებთან შეთავსებით, როდესაც ზემოთაღნიშნული საშუალებები თავისთავად არასაკმარისია სისხლში შაქრის ნორმალური დონის შესანარჩუნებლად.

მიღების წესები და დოზირება:

დიაბეტონი MR განკუთვნილია მხოლოდ მოზრდილი პაციენტებისათვის. სადღეღამისო დოზა ვარირებს 30-დან 120 მგ-მდე დღეში ერთხელ. დოზა ყველა შემთხვევაში ინდივიდუალურად შეირჩევა. საწყისი რეკომენდებული დოზა 30 მგ-ია. შემდგომში დოზის შერჩევა ხდება სისხლში გლუკოზის დონის მიხედვით. დოზის ცვლილება დასაშვებია მინიმუმ ორკვირიანი პერიოდის შემდეგ. შერჩეული დოზის ყოველდღიური მიღება განაპირობებს გლუკოზის დონის ეფექტურ კონტროლს სისხლის პლაზმაში. მაქსიმალური სადღეღამისო დოზა 120 მგ-ია.

პაციენტის გადაყვანა სხვა ორალური ანტიდიაბეტური პრეპარატებიდან დიაბეტონ MR-ზე არ საჭიროებს მოსამზადებელ პერიოდს. თუ პაციენტი ადრე ღებულობდა გახანგრძლივებული ნახევარდაშლის სულფანილშარდოვანას წარმოებულ პრეპარატს, საჭიროა 1-2 კვირით გლუკოზის დონის მონიტორირება ჰიპოგლიკემიის თავიდან აცილების მიზნით (რაც წინამორბედი თერაპიის ნარჩენ ეფექტად ჩაითვლება). თირკმელების დისფუნქციის მქონე პაციენტებში (კრეატინის კლირენსი 15-დან 80 მლ/წთ-მდე) დიაბეტონი MR ინიშნება იგივე დოზებით.

პრეპარატის მიღება რეკომენდებულია საუზმის დროს.

თუ პაციენტი გამოტოვებს პრეპარატის მიღებას, საჭიროა შემდეგი დოზის მომატება.

გვერდითი მოვლენები:

პრეპარატის მიღებამ შესაძლოა გამოიწვიოს:

კუჭ-ნაწლავის ტრაქტის მხრივ: ძალიან იშვიათად - გულისრევა, ფაღარათი, ან ყაბზობა, რასაც შექცევადი ხასიათი აქვს და მცირდება პრეპარატის საკვებთან ერთად მიღების დროს.

სისხლმბადი სისტემის მხრივ (ერთეულ შემთხვევებში): თრომბოციტოპენია, აგრანულოციტოზი ან ლეიკოპენია, ანემია (ჩვეულებრივ შექცევადი ხასიათის).

ალერგიული რეაქციები: იშვიათად - ქავილი, ჭინჭრის ციება (მსუბუქ და შექცევად ფორმებში).

უკუჩვენებები:

*ინსულინდამოკიდებული შაქრიანი დიაბეტი (I ტიპი);

*დიაბეტური კეტოაციდოზი;

*პრეკომატოზური და კომატოზური მდგომარეობა;

*მძიმე დამწვრობა და ინფექციები;

*ღვიძლის და თირკმელების მწვავე უკმარისობა;

*მომატებული მგრძნობელობა სულფანილშარდოვანას წარმოებულებზე, გლიკლაზიდზე ან პრეპარატში შემავალ რომელიმე კომპონენტზე;

*ორსულობა;

*ლაქტაცია.

ორსულობა და ლაქტაცია:

თუ ორსულობა დადგა დიაბეტონ MR-ით მკურნალობის ფონზე, ნაყოფის მოცილების აუცილებლობა არ არის.

ორსულობის დროს დიაბეტის სამკურნალოდ საჭიროა ინსულინის ინექციების დანიშვნა.

განსაკუთრებული მითითებები:

პრეპარატის მიღებისას არსებობს ჰიპოგლიკემიის განვითარების საშიშროება. ამასთანავე, ზოგიერთ შემთხვევაში მძიმე და გახანგრძლივებული ფორმით, რაც საჭიროებს ჰოსპიტალიზაციას. ამიტომ პაციენტმა უნდა იცოდეს ჰიპოგლიკემიის სიმპტომები. ხანდაზმულ პაციენტებში და იმ პაციენტებში, რომლებიც ბეტაადრენობლოკერებით მკურნალობენ, რთულია ჰიპოგლიკემიის სიმპტომების ამოცნობა. ბეტაადროენობლოკერების მოქმედება ჰიპოგლიკემიის ზოგიერთი სიმპტომის იმიტაციას იძლევა, მაგ. გულისცემა და ტაქიკარდია.

დიაბეტონი MR შესაძლებელია დაენიშნოს მხოლოდ იმ პაციენტებს, რომლებიც რეგულარულად იკვებებიან (ყოვედღიურად საუზმობენ და საკმარისად ღებულობენ ნახშირწყლებს); პრეპარატის მიღების დროს საჭიროა პაციენტმა დაიცვას ექიმის მიერ დანიშნული დიეტა;

ჰიპოგლიკემია ვითარდება დაბალკალორიული დიეტის დაცვისასს ხანგრძლივი და ენერგიული ფიზიკური ვარჯიშების შემდეგ.

ქოლესტაზური სიმპტომების გამოვლინებისას აუცილებელია მკურნალობის შეწყვეტა. პრეპარატის მოხსნისას აღნიშნული სიმპტომები ქრება. გლუკოგენეზი ღვიძლის უკმარისობის დროს დაქვეითებულია; დიაბეტონ MR-ით მკურნალობის ფონზე ეს შესაძლებელია ჰიპოგლიკემიის მიზეზი გახდეს. ასეთ პაციენტებში განვითარებული ჰიპოგლიკემია საკმაოდ ხანგრძლივად საჭიროებს დაუყოვნებლივ თერაპიას.

თუ პაციენტს ესაჭიროება ქირურგიული ჩარევა, აქვს მომატებული ტემპერატურა, განუვითარდა ინფექციური დაავადება, ან მიიღო ტრავმა, საჭიროა მოიხსნას დიაბეტონი MR და დაინიშნოს ინსულინი.

შესაძლებელია ხანგრძლივი მკურნალობის პროცესში დიაბეტონ MR-ის (ისევე როგორც სხვა ორალური ანტიდიაბეტურ პრეპარატებისა) ეფექტურობა დაქვეითდეს, რაც აიხსნება დაავადების პროგრესირებით ან პრეპარატზე პასუხის დაქვეითებით. ეს პრეპარატისადმი მეორადი რეზისტენტობის განვითარებით აიხსნება და ვიდრე მის შეცვლაზე ვიფიქრებთ, საჭიროა გადაიხედოს დოზირებისა და პაციენტის მიერ დიეტის დაცვის საკითხი.

დიაბეტონ MR-ის ფონზე არ არის რეკომენდებული ფენილბუტაზონის მიღება. უმჯობესია სხვა ანტისტეროიდული ანთების საწინააღმდეგო პრეპარატების დანიშვნა. დიაბეტონ MR შესაძლებელია დაინიშნოს კომბინირებულ თერაპიაში ბიგუანიდებთან, ალფა გლიკოზილასას ინჰიბიტორებთან და ინსულინთან.

დიაბეტონ MR-ით მკურნალობისას საჭიროა ალკოჰოლის აკრძალვა, აგრეთვე უარის თქმა იმ პრეპარატების გამოყენებაზე, რომლებიც შეიცავენ ეთანოლს. პაციენტებს უნდა შეეძლოთ ჰიპოგლიკემიის სიმპტომების ინდენტიფიცირება. რადგან პრეპარატის მიღებამ ზოგიერთ პაციენტში შეიძლება გამოიწვიოს ჰიპოგლიკემიის განვითარება და მათ მანქანის მართვისას უნდა გამოიჩინონ სიფრთხილე.

ჭარბი დოზირება:

პრეპარატის მაღალი დოზით მიღება იწვევს ჰიპოგლიკემიას. მსუბუქი ჰიპოგლიკემიისას კორექცია შესაძლებელია ნახშირწყლების მიღებით, დოზის შერჩევით და/ან დიეტის შეცვლით. მძიმე ჰიპოგლიკემიას თან სდევს კომის განვითარება, კრუნჩხვები და სხვა ნევროლოგიური დარღვევები. ასეთ შემთხვევაში საჭიროა სასწრაფო სამედიცინო დახმარების აღმოჩენა და სასწრაფო ჰოსპიტალიზაცია.

სხვა წამლებთან ურთიერთქმედება:

დიაბეტონ MR-ის, მიკონაზოლის, ფლუკონაზოლის, ფენილბუტაზონის, ეთანოლისა და ეთანოლის შემცველი პრეპარატების ერთდროული გამოყენება ზრდის მძიმე ჰიპოგლიკემიის განვითარების რისკს, ამიტომ აღნიშნული კომბინაციები წინააღმდეგნაჩვენებია.

დიაბეტონ MR-ით და ბეტა-ადრენობლოკერებით ერთდროულმა მკურნალობამ შესაძლებელია შენიღბოს ჰიპოგლიკემიის სიმპტომები, როგორიცაა გულისცემა და ტაქიკარდია. უმეტესობა არაკარდიოსელექტიური ბეტა-ადრონობლოკერები ზრდიან ჰიპოგლიკემიის სიხშირესა და გამოხატულებას.

აგფ-ინჰიბიტორების (ენალაპრილი, კაპტოპრილი) და დიაბეტონ MR-ის ერთდროულმა დანიშვნამ შეიძლება გააძლიეროს ამ უკანასკნელის ჰიპოგლიკემიური ეფექტი (ერთ-ერთი ჰიპოთეზით უმჯობესდება გლუკოზისადმი ტოლერანტობა).

დანაზოლისა და დიაბეტონ MR-ის ერთდროული გამოყენება ამცირებს ამ უკანასკნელის ეფექტურობას (პაციენტი ინფორმირებული უნდა იყოს გლუკოზის მკაცრი თვითკონტროლის აუცილებლობის შესახებ როგორც სისხლში, ასევე შარდში); შესაძლებელია საჭირო გახდეს დიაბეტონ MR-ის კორექცია დანაზოლით თერაპიის დროს და მისი შეწყვეტისას.

ქლორპროპამიდის მაღალი დოზების (100 მგ/დღ) და დიაბეტონ MR-ის ერთდროულმა დანიშვნამ შეიძლება გამოიწვიოს გლუკოზის დონის მატება სისხლის პლაზმაში, რაც ინსულინის გამოთავისუფლების შემცირების შედეგი უნდა იყოს. გლუკოკორტიკოიდები (როგორც გარეგანი, ისე სისტემური მოხმარებისათვის) და ტეტრაკოზაკტრინი ზრდიან სისხლში გლუკოზის დონეს (შესაძლებელია კეტოაციდოზის განვითარება).

დიაბეტონ MR-ის და პროგესტაგენების, აგრეთვე სალბუტამოლის, ტერბუტალინის (ინტრავენური გამოყენებისათვის) ერთდროული დანიშვნისას საჭიროა გვახსოვდეს ამ უკანასკნელთა დიდი დოზების დიაბეტოგენური ეფექტი.

შენახვის პირობები:

პრეპარატი ინახება ბავშვებისაგან დაცულ ადგილას.

ვარგისიანობის ვადა: 3 წელი.

ფარმაკოლოგიური თვისებები

პრეპარატი აღჭურვილია რეჰიდრაციული და დეზინტოქსიკაციური თვისებებით. იგი წარმოადგენს ორგანიზმისათვის ძვირფას საკვებ მასალებს. დექსტროზა ადვილად შეიწოვება ორგანიზმში, ქსოვილებში მისი წვის შედეგად გამოიყოფა დიდი რაოდენობით ენერგია, რომელიც ხმარდება მიმდინარე სასიცოცხლო პროცესებს. დექსტროზის (5%) ხსნარი გამოიყენება ორგანიზმის სითხით შესავსებად.

ვენაში პრეპარატის ჰიპერტონული ხსნარის (10%, 20%, 40% შეყვანისას იზრდება სისხლის ოსმოსური წნევა, მატულობს სითხის ნაკადი ქსოვილებიდან სისხლში, ძლიერდება ნივთიერებათა ცვლა, უმჯობესდება ღვიძლის ანტიტოქსიკური ფუნქცია, ძლიერდება გულის კუნთის კუმშვადობა, ფართოვდება სისხლძარღვები, იმატებს დიურეზი.

ჩვენებები

• დექსტროზას ხსნარებს ხშირად იყენებენ მედიცინაში ჰიპოგლიკემიის, ინფექციური დაავადებების, ღვიძლის დაავადებების (ჰეპატიტები, ღვიძლის დისტროფია და ატროფია) დროს;
• გულის დეკომპენსაციის;
• ფილტვების შეშუპების;
• ჰემორაგიული დიათეზის;
• ტოქსიკოინფექციების, სხვადასხვა ინტოქსიკაციების (ნარკოტიკებით ნახშირორჟანგით, ციანწყალბადმჟავათი და მისი მარილებით, ანილინით, დარიშხანით, ფოსგენით ან სხვა ნივთიერებებით მოწამვლა) და სხვა პათოლოგიური მდგომარეობების დროს.
• ორგანიზმში ნახშირწყლების ნაკლებობით, ღებინების, ფაღარათის შედეგად გამოწვეული დეჰიდრატაციის, ოპერაციისშემდგომ პერიოდში.
• იყენებენ შოკისა და კოლაფსის შემთხვევაში.
• იგი წარმოადგენს სხვადასხვა სისხლის შემცველელებისა და შოკის საწინააღმდეგო სითხეების კომპონენტს. პრეპარატს იყენებენ აგრეთვე სხვადასხვა საშუალებების განზავებისათვის მათი ვენაში შეყვანის დროს.

• პრეპარატის ხსნარს მეთილენის ლურჯთან ერთად იყენებენ ციანწყალბადმჟავით მოწამვლის დროს.
• ხშირად პრეპარატი ინიშნება ასკორბინის მჟავასთან ერთად.
• დექსტროზას 40%-იანი ამპულირებული ხსნარი, რომელიც შეიცავს 5% მაგნიუმის ასკორბინატს, ზოგჯერ გამოიყენება ჰიპერტონული დაავადებების დროს, რომელთან თან ახლავს თავის ტვინში სისხლმიმოქცევის მოშლა (ჰიპოტენზიურ საშუალებებთან, დიურეზულებთან ერთად და სხვა), ასევე ვეგეტატური ნევროზების, ძილის მოშლის დროს.

დოზირების რეჟიმი

ვენაში შეყავთ წვეთოვანი სახით:

- 5% ხსნარი - მაქსიმალურად 150 წვეთი/წუთში. მაქსიმალური სადღეღამისო დოზა მოზრდილებში შეადგენს 2 ლ.

- 10% ხსნარი (მაქსიმალურად 60 წვეთი/წთ), მაქსიმალური სადღეღამისო დოზა მოზრდილებში - 500 მლ;

- 20% ხსნარი (მაქსიმალურად 30-40 წვეთი/წთ), მაქსიმალური სადღეღამისო დოზა მოზრდილებში - 300 მლ;

- 40% ხსნარი (მაქსიმალურად 30 წვეთი/წთ), მაქსიმალური სადღეღამისო დოზა მოზრდილებში - 250 მლ; მაგნიუმის ასკორბინატი შეყავთ ვენაში ნელა, დღეში ერთხელ 10 მლ; მკურნალობის კურსი მოიცავს 10-15 ინექციას.

გვერდითი მოვლენები

შესაძლებელია იონური ბალანსის დარღვევა;

იშვიათად ადგილობრივი გაღიზიანება, თრომბოფლებიტი.

უკუჩვენებები

ჰიპერგლიკემია, შაქრიანი დიაბეტი.

განსაკუთრებული მითითებები

დექსტროზას 5% ხსნარის ოსმოლარობის გაზრდისათვის შეიძლება მისი კომბინირება ნატრიუმის ქლორიდის იზოტონურ ხსნართან.

დექსტროზას უფრო სწრაფი და სრული შეთვისებისათვის კანქვეშ შეჰყავთ 4-5 ერთეული ინსულინი. ხოლო მისი სწრაფი და სრული შეწოვისათვის, კანქვეშ შეყავთ 4-5 ერთეული ინსულინი.

საერთაშორისო დასახელება:

NATRIUM CHLORIDE; DEXTROSE

მწარმოებელი: DEMO S.A.

კლინიკურ-ფარმაკოლოგიური ჯგუფი:

გლუკოზისა და ელექტროლიტების პარენტერალური ხსნარი.

შემადგენლობა და გამოშვების ფორმა:

პარენტერალური ხსნარი: ფლაკონში 250 მლ, შეფუთვაში 1 ც.

100 მლ

ნატრიუმის ქლორიდი ...................    0.9 მგ

დექსტროზის მონოჰიდრატი  .........   5.5 მგ

ფარმაკოლოგიური მოქმედება:

კომბინირებული პრეპარატი. შეიცავს გლუკოზისა და ელექტროლიტების ნარევს რეჰიდრატაციისთვის. აღადგენს ორგანიზმში გაუწყლოებისას დარღვეულ წყალ-მარილოვან ბალანსს.

ჩვენებები:

• ტოქსიური დისპეფსია;
• ხშირი ღებინება;
• ფაღარათის შედეგად გამოწვეული დეჰიდრატაცია;
• საკვებისმიერი ტოქსიკონიფექცია;
• სხვადასხვა ნივთიერებებით (ნარკოტიკები, ნახშირორჟანგი, ციანწყალბადმჟავა

და მისი მარილები, ანილინი, დარიშხანი, ფოსგენი...) მოწამვლა;

• მწვავე სისხლდენა;
• შოკი და კოლაფსი;
• პოსტოპერაციული პერიოდი;
• ჰემორაგიული დიათეზი;
• დამწვრობა;
• ქოლერა.

მიღების წესი და დოზირება:

პრეპარატი ინიშნება ინტრავენური გზით წვეთოვნად, პაციენტების ზოგადი მდგომარეობიდან, წონიდან, კვებიდან და იმ პრეპრატებიდან გამომდინარე, რომელასაც ის ღებულობს.

უკუჩვენებები:

დიაბეტური კომა, წყლის შეკავება ორგანიზმში,  ჰიპეროსმოლარული კომა.

გვერდითი მოვლენები:

ჰიპერჰიდრატაცია, ფილტვების შეშუპებით, რომელიც შეიძლება გამოწვეული იყოს პრეპარატის ჭარბი მოხმარებით, ჰიპერგლიკმია.

განსაკუთრებული მითითებები:

არ გამოიყნება იმ შემთხვევაში, თუ ხსნარი შეიცავს პრეციპიტატებს. მაღალი დოზებით პრეპარატის გამოყენებისას აუცილებელია ჩატრდეს პაციენტის წყალ-მარილოვანი ცვლისა და კლინიკურ-ბიოლოგიური მდგომარეობის მონიტორინგი.

სიფრთხილით ინიშნება: თირკმლის უკმარისობის, გულის უკმარისობის, ღვიძლის ციროზის, შეშუპებისა და ასციტის დროს.

ორსულობისა და ლაქტაციის პერიოდში პრეპარატი ინიშნება ექიმის მეთვალყურეობის ქვეშ.

სხვა წამლებთან ურთიერთქმედება:

სხვა პრეპარატებთან დექსოლის (0,9+5) % ერთდროული დანიშვნის შემთხვევაში გთხოვთ აცნობოთ ექიმს.

ჭარბი დოზირება:

ჰიპერგლიკემია და ჰიპერჰიდრატაცია.

შენახვის წესი :

ხსნარი ინახება ოთახის ტემპერატურაზე 25ºC-ზე, სინათლისაგან და ბავშვებისაგან დაცულ ადგილას.

ხსნარი არ ინახება გახსნილ მდგომარეობაში.

ვარგისიანობის ვადა:

3 წელი.

აფთიაქიდან გაცემის წესი:

აფთიაქიდან გაიცემა ექიმის რეცეპტით.

საერთაშორისო დასახელება:

DEXAMETHAZONE

მწარმოებელი:URSAPHARM ARZNEMITTEL GmbH, გერმანია

მოქმედი ნივთიერება: დექსამეტაზონი

კლინიკურ-ფარმაკოლოგიური ჯგუფი:

გლუკოკორტიკოსტეროიდი.

შემადგენლობა და გამოშვების ფორმა:

თვალის წვეთები: ფლაკონში 5 მლ

1 მლ

დექსამეტაზონ ნატრიუმი-21

(3-სულფობენზოატი)  .....................        1. 0მგ

დამხმარე ნივთიერებები:

თიმეროსალი, მეთილჰიდროქსიპროპილცელულოზა, გლუკოზა, საინექციო წყალი.

ფარმაკოლოგიური თვისებები:

დექსაპოსის თვალის წვეთების აქტიურ კომპონენტს წარმოადგენს დექსამეტაზონ ნატრიუმ-21 (3-სულფობენზოატი), უფრო ცნობილია დექსამეტაზონ ნატრიუმი მეტასულფობენზოატის სახელით. იგი წარმოადგენს სინთეზურ გლუკოკორტიკოსტეროიდს, რომლის ანთების და ალერგიის საწინააღმდეგო თვისებები 25-ჯერ აღემატება კორტიზოლის მოქმედებას, რომელიც წარმოადგენს ბუნებრივ გლუკოკორტიკოსტეროიდს.

დექსამეტაზონის მოქმედება, ისევე, როგორც სხვა კორტიკოსტეროიდებისა, ეფუძნება იმ პროტეინების სინთეზის სიჩქარეზე ზემოქმედებას, რომლებიც მონაწილეობენ იმუნოლოგიურ და ქემოტაქსისის რეაქციებში.

დადგენილია დექსამეტაზონ ნატრიუმის მეტასულფობენზოატის შეღწევა რქოვანას დაუზიანებელი ეპითელიდან თვალის წინა კამერის ნამში. თვალის ანთების ან ეპითელის დაზიანების შემთხვევაში დექსამეტაზონ ნატრიუმ მეტასულფობენზოატის შეღწევის სიჩქარე რქოვანაში იზრდება.

პრეპარატში დამხმარე კომპონენტის სახით შემავალი მეთილჰიდროქსიპროპილცელულოზა იწვევს თვალის წინა ზედაპირზე დექსამეტაზონ ნატრიუმ მეტასულფობენზოატის დაყოვნებას, რითაც ზრდის პრეპარატის მოქმედების ეფეტურობასა და ხანგრძლივობას.

ფარმაკოკინეტიკა:

ადგილობრივი გამოყენებისას სისტემური აბსორბცია დაბალია.

ჩვენებები:

• მწვავე და ქრონიკული ანთებითი პროცესები:
• თვალის წინა მონაკვეთის ანთება (კონიუნქტივიტი, სკლერიტი, ღრმა კერატიტი ეპითელის დაზიანების გარეშე, ირიტი, ირიდოციკლიტი);
• თვალის უკანა მონაკვეთის ანთება (ქორიოდიტი, ქორიოერეტინიტი);
• სიმპათიური ოფტალმია.
• თვალის ალერგიული დაავადებები:
• ალერგიული კონიუქტივიტი და კერატოკონიუქტივიტი;
• გაზაფხულის კატარი.

ანთებითი მოვლენების მკურნალობა და პროფილაქტაკა ოპერაციის და ტრავმის შემდგომ პერიოდებში.

მიღების წესები და დოზირება:

დექსაპოსი თვალის წვეთებს იწვეთებენ კონიუქტივალურ პარკში 1-2 წვეთს 3-5-ჯერ დღეში. დექსაპოსით მკურნალობის ხანგრძლივობა, ჩვეულებრივ, არ აღემატება 2-3 კვირას.

მკურნალობის გაგრძელების შესახებ გადაწყვეტილება ეფუძნება ობიექტურ მონაცემებს, რაც შეიცავს პრეპარატის მოქმედების ეფექტურობას, სიმპტომატიკის გამოხატულობას, გვერდითი ეფექტების შესაძლებლობას.

გვერდითი მოვლენები:

პრეპარატის ჩაწვეთების შემდეგ შესაძლებელია გაჩნდეს ხანმოკლე წვის შეგრძნება პრეპარატის ხანგრძლივი გამოყენება შეიძლება გახდეს მეორადი გლაუკომისა და კატარაქტის გაჩენის მიზეზი, ამიტომ პრეპარატის 2 კვირაზე მეტ ხანს გამოყენებისას და ასევე, ანამნეზში გლაუკომის მქონე პაციენტებისათვის რეკომენდებულია თვალის შიდა წნევის რეგულარული კონტროლი.

გვერდითი ეფექტების გამოვლენის შემთხვევაში უნდა შეწყდეს პრეპარატის გამოყენება და რაც შეიძლება უფრო სწრაფად მიმართეთ ოფთალმოლოგს.

უკუჩვენებები:

*კერატიტი, გამოწვეული herpes zoster (ხისებრი კერატიტი), ჩუტყვავილა და რქოვანასა და კონიუქტივიტის სხვა ვირუსული დაავადებები;

*თვალის მიკობაქტერიული ინფექციები;

*თვალის სოკოვანი დაავადებები;

*თვალის მწვავე ჩირქოვანი დაავადებები რქოვანას ეპითელის დაზიანებით;

*რქოვანას ეპითელიოპათია;

*მომატებული თვალშიდა წნევა;

*მოცემული პრეპარატის ნებისმიერი კომპონენტისადმი მომატებული მგრძნობელობა.

განსაკუთრებული მითითებები:

თუ დექსაპოსით მკურნალობის დროს პაციენტი, ექიმის ნებართვით, აგრძელებს კონტაქტური ლინზების გამოყენებას, მაშინ პრეპარატის ჩაწვეთამდე უნდა ამოიღოს კონტაქტური ლინზები და უკან ჩაისვას ჩაწვეთიდან არანაკლებ 20 წუთში.

დექსაპოსი თვალის წვეთების უშუალოდ ჩაწვეთების შემდეგ შეიძლება გაჩნდეს მხედველობის სიმახვილის დარღვევა, რაც იწვევს ფსიქიკური და ფიზიკური რეაქციების შენელებას. ამიტომ პრეპარატის გამოყენება მექანიზმებთან მუშაობისა და ავტროტრასპორტის მართვის წინ არ არის რეკომენდებული.

ორსულობისა და ლაქტაციის პერიოდში, ასევე ბავშვებში დექსა-გენტამიცინის გამოყენების შესახებ კლინიკური გამოკვლევების მონაცემები არ არსებობს. მაგრამ პრეპარატი შეიძლება გამოყენებულ იქნას იმ შემთხვევაში, თუ დედისთვის მოსალოდნელი სარგებლობა აღემატება ნაყოფისთვის შესაძლო რისკს.

ჭარბი დოზირება:

თვალის წვეთები დექსაპოსის ადგილობრივი გამოყენებისას დოზის გადაჭარბება ნაკლებადაა შესაძლებელი.

სხვა წამლებთან ურთიერთქმედება:

ადგილობრივი გამოყენებისას არ არის აღწერილი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი. ფლაკონის გახსნის შემდეგ გამოიყენება 6 კვირის განმავლობაში.

აფთიაქიდან გაცემის პირობები:

პრეპარატი გაიცემა ექიმის რეცეპტით.