ქვეყანა: შვედეთი

მწარმოებელი: ასტრა ზენეკა აბ შვედეთი

გაცემის ფორმა: II ჯგუფი რეცეპტული

ქვეყანა: თურქეთი

მწარმოებელი: ფარმავიჟენ სანაი

გაცემის ფორმა: III ჯგუფი ურეცეპტო

სერტოფენი
SERTOFEN

 

სავაჭრო დასახელება
სერტოფენი, Sertofen

 

საერთაშორისო არაპატენტირებული დასახელება
დექსკეტოპროფენი, Dexketoprofen

 

სამკურნალო ფორმა
შემოგარსული ტაბლეტები
აღწერილობა: მრგვალი, ორივე მხრიდან ამოზნექილი, თეთრი გარსით შემოგარსული ტაბლეტები, გამყოფი ნაჭდევით ორივე მხრიდან.

 

შემადგენლობა
შემოგარსული ტაბლეტი შეიცავს
აქტიური ნივთიერება: დექსკეტოპროფენი (დექსკეტოპროფენის ტრომეტამოლის ფორმით) 25 მგ.
დამხმარე ნივთიერებები: მიკროკრისტალური ცელულოზა, სიმინდის სახამებელი, ნატრიუმის სახამებელ გლიკოლატი, გლიცერინის დისტეარატი.
გარსის შემადგენლობა ოპადრი II თეთრი: პოლივინილის სპირტი, ტიტანის დიოქსიდი, მაკროგოლი, ტალკი.

 

პრეპარატის ათქ კოდი M01AE17

 

ფარმაკოთერაპიული ჯგუფი
არასტეროიდული ანთების საწინააღმდეგო საშუალებები. პროპიონის მჟავას წარმოებულები.

 

ფარმაკოლოგიური თვისებები
ფარმაკოდინამიკა
დექსკეტოპროფენი - პროპიონის მჟავას წარმოებული, ფლობს ანთების საწინააღმდეგო, ტკივილგამაყუჩებელ და სიცხის დამწევ მოქმედებას. პრეპარატის მოქმედების მექანიზმი დაფუძნებულია პროსტაგლანდინების სინთეზის დათრგუნვაზე, რომლებიც თავის მხრივ ასრულებენ ძირითად ფუნქციას ტკივილის და ანთების პათოგენეზში, ციკლოოქსიგენაზა-1 და ციკლოოქსიგენაზა-2-ის დათრგუნვის შედეგად. ტკივილგამაყუჩებელი მოქმედება დგება პრეპარატის მიღებიდან 30 წუთის შემდეგ, მისი ხანგრძლივობა შეადგენს 4-6 საათს.
ფარმაკოკინეტიკა
პრეპარატის შიგნით მიღების შემდეგ დექსკეტოპროფენის მაქსიმალური კონცენტრაცია შრატში მიიღწევა საშუალოდ 30 წუთის შემდეგ. საკვების ერთდროული მიღება ანელებს პრეპარატის შეწოვას.
დექსკეტოპროფენისთვის დამახასიათებელია სისხლის შრატის ცილებთან შეკავშირების მაღალი ხარისხი - 99%. განაწილების მოცულობა შეადგენს საშუალოდ 0,25 ლ/კგ.
ნახევარგამოყოფის პერიოდი შეადგენს 1,65 საათს. პრეპარატის ძირითადი ნაწილი გამოიყოფა შარდით მეტაბოლიტების სახით (გლუკუნორირების შემდეგ). ხანდაზმული ასაკის პირებში ნახევარგამოყოფის პერიოდი გახანგრძლივებულია საშუალოდ 48%-მდე, პრეპარატის საშუალო კლირენსი კი შემცირებულია.

 

გამოყენების ჩვენებები
-საყრდენ-მამოძრავებელი აპარატის მწვავე და ქრონიკული ანთებითი და ანთებით-დეგენერაციული დაავადებების სიმპტომატური თერაპია (მათ შორის რევმატოიდული ართრიტი, სპონდილოართრიტი, ართროზი, ოსტეოქონდროზი);
-სხვადასხვა გენეზის ტკივილის სინდრომის კუპირება (მათ შორის ტკივილი ტრავმის ან ოპერაციული ჩარევის შემდეგ, ტკივილი ძვალში მეტასტაზების დროს, ტკივილი თირკმლის კოლიკის დროს, რადიკულიტი, ნევრალგია, დისმენორეა, კბილის ტკივილი).

 

გამოყენების წესი და დოზები
სერტოფენი მიიღება შიგნით კვების დროს, საკმარისი რაოდენობის სითხის დაყოლებით.
დოზირების რეჟიმი დგინდება ინდივიდუალურად, რაც დამოკიდებულია ტკივილის სახეობასა და ინტენსივობაზე.
საშუალო რეკომენდებული ერთჯერადი დოზა შეადგენს 12,5 მგ (1/2 ტაბლეტი) დღეში 1-6-ჯერ, გამოყენებებს შორის 4-6 საათიანი ინტერვალით საჭიროების შესაბამისად ან 25 მგ (1 ტაბლეტი) დღეში 1-3-ჯერ გამოყენებებს შორის 8  საათიანი ინტერვალით.
მაქსიმალური სადღეღამისო დოზა შეადგენს 75 მგ (3 ტაბლეტი).
თირკმელების ან ღვიძლის ფუნქციის დარღვევების მქონე პაციენტებში, ხანდაზმული ასაკის პირებში სერტოფენი მიიღება უფრო დაბალი დოზებით - დღეში არა უმეტეს 50 მგ-ისა.
პრეპარატი არ გამოიყენება ხანგრძლივად: გამოყენების ხანგრძლივობა არ უნდა აღემატებოდეს 7 დღეს.

 

უკუჩვენებები
- მომატებული მგრძნობელობა დექსკეტოპროფენის ან სხვა აასს ან პრეპარატის შემადგენლობაში შემავალი სხვა ნებისმიერი დამხმარე ნივთიერების მიმართ;
- ანამნეზში ასთმა, ბრონქოსპაზმი, მწვავე რინიტი, ურტიკარია ან ანგიონევროზული შეშუპება, რომლებიც განვითარდნენ მოქმედების მსგავსი მექანიზმის მქონე ნივთიერებების გამოყენების შემდეგ (აცეტილსალიცილის მჟავა ან სხვა აასს);
- კუჭის ან თორმეტგოჯა ნაწლავის აქტიური წყლულოვანი დაავადება ან წყლულოვანი დაავადების განმეორებითი ეპიზოდები (ორი ან მეტი ეპიზოდი);
- სისხლდენა კუჭ-ნაწლავის ტრაქტიდან (მათ შორის აასს წინა მიღებასთან დაკავშირებული სისხლდენა), სხვა აქტიური სისხლდენები;
- კრონის დაავადება, არასპეციფიური წყლულოვანი კოლიტი;
- ღვიძლის ფუნქციის მძიმე დარღვევები (ჩაილდ-პიუს შკალით 10-15 ქულა);
- თირკმელების ფუნქციის მძიმე დარღვევები (კრეატინინის კლირენსი - ბრონქული ასთმა (მათ შორის ანამნეზში);
- გულის მძიმე უკმარისობა;
- ჰემორაგიული დიათეზი ან სხვა კოაგულოპათია;
- ორსულობის მესამე ტრიმესტრი და ლაქტაციის პერიოდი;
- ბავშვთა ასაკი და 18 წლამდე მოზარდები.

 

გვერდითი მოქმედება
ცნს-ის და პერიფერიული ნერვული სისტემის მხრივ: არახშირად – თავის ტკივილი, თავბრუსხვევა, უძილობა, ძილიანობა; იშვიათად – პარესთეზია.
გულ-სისხლძარღვთა სისტემის მხრივ: იშვიათად – ექსტრასისტოლია, მომატებული არტერიული წნევა; ძალიან იშვიათად – ტაქიკარდია, არტერიული წნევის დაქვეითება.
სისხლმბადი ორგანოების მხრივ: ძალიან იშვიათად – ნეიტროპენია, თრომბოციტოპენია.
სასუნთქი ორგანოების მხრივ: იშვიათად – ბრადიპნოე; ძალიან იშვიათად –ბრონქოსპაზმი, ქოშინი.
გრძნობათა ორგანოების მხრივ: იშვიათად – ხმაური ყურებში, ძალიან იშვიათად – არამკაფიო მხედველობა.
საჭმლის მომნელებელი სისტემის მხრივ: ხშირად – გულისრევა, ღებინება, ტკივილი მუცლის არეში, დისპეპსია; იშვიათად – კუჭ-ნაწლავის ტრაქტის ეროზიულ-წყლულოვანი დაზიანება, ანორექსია.
შარდ-გამომყოფი სისტემის მხრივ: იშვიათად – პოლიურია, ძალიან იშვიათად – ნეფრიტი ან ნეფროზული სინდრომი.
ნივთიერებათა ცვლის მხრივ: იშვიათად – ჰიპერგლიკემია, ჰიპოგლიკემია, ჰიპერტრიგლიცერიდემია.
დერმატოლოგიური რეაქციები: იშვიათად – ჭინჭრის ციება, გამონაყარი, ოფლიანობა; ძალიან იშვიათად – მძიმე რეაქციები კანის მხრივ (სტივენს-ჯონსონის სინდრომი, ლაელის სინდრომი), ანგიონევროზული შეშუპება, ალერგიული დერმატიტი, ფოტოსენსიბილიზაცია.
საერთო დარღვევები: არახშირად – ცხელება, დაღლა, ასეპტიური მენინგიტი, რომელიც ძირითადად ვითარდება სისტემური წითელი მგლურას ან შემაერთებელი ქსოვილის შერეული დაავადებების მქონე პირებში, ჰემატოლოგიური დარღვევები; იშვიათად – ანაფილაქსიური შოკი.

 

განსაკუთრებული მითითებები
პრეპარატი სიფრთხილით ინიშნება ხანდაზმული ასაკის პირებში (65 წელზე მეტი), ალერგიული რეაქციების, შემაერთებელი ქსოვილის სისტემური დაავადებების და სისხლმბადი სისტემის ფუნქციის დარღვევების მქონე პირებში.
საჭიროა კუჭ-ნაწლავის ტრაქტის დარღვევების და ანამნეზში კუჭ-ნაწლავის დაავადებების მქონე პაციენტების გულმოდგინე მეთვალყურეობა. კუჭ-ნაწლავის ტრაქტიდან სისხლდენის ან წყლულის განვითარების შემთხვევაში პრეპარატით თერაპია უნდა შეწყდეს.
სხვა აასს მსგავსად, სერტოფენმა შესაძლებელია გამოიწვიოს კრეატინინის და აზოტის კონცენტრაციის მომატება სისხლის შრატში. დექსკეტოპროფენით თერაპიის ფონზე შესაძლებელია გამოვლინდეს სხვადასხვა ღვიძლისმიერი სინჯების მაჩვენებლების გარდამავალი მატება, ასევე ასტ და ალტ დონის გამოხატული მატება.
ხანდაზმული ასაკის პირებში საჭიროა თირკმელების და ღვიძლის ფუნქციის პერიოდული მონიტორინგი.
სერტოფენის და სისხლის შედედებაზე მოქმედი პრეპარატების ერთდროული გამოყენებისას საჭიროა სისხლის შედედების სისტემის კონტროლი.
დექსკეტოპროფენმა შესაძლებელია შენიღბოს ინფექციური დაავადებების სიმპტომები.
საჭიროა პაციენტების ინფორმირება იმის თაობაზე, რომ გვერდითი ეფექტების გამოვლენის ან 3-5 დღის განმავლობაში კლინიკური ეფექტის არ არსებობის შემთხვევაში, საჭიროა ექიმთან მიმართვა.

 

ზემოქმედება ავტოსატრანსპორტო საშუალებების ან მექანიზმების მართვის უნარზე
მკურნალობის პერიოდში საჭიროა სიფრთხილის დაცვა ავტოსატრანსპორტო საშუალებების ან მექანიზმების მართვისას ან პოტენციურად საშიში ქმედებების შესრულებისას, რომლებიც მოითხოვენ ყურადღების მომატებულ კონცენტრაციას და სწრაფ ფსიქომოტორულ რეაქციებს.

 

გამოყენება ორსულობის და ლაქტაციის პერიოდში
პრეპარატი სერტოფენი უკუნაჩვენებია ორსულობის მესამე ტრიმესტრში და ლაქტაციის პერიოდში. პირველ და მეორე ტრიმესტრში სერტოფენი გამოიყენება მკაცრი ჩვენების შემთხვევაში, ექიმის რეკომენდაციით, მინიმალური დოზით და ხანმოკლე პერიოდით.

 

გამოყენება პედიატრიაში
პრეპარატის გამოყენება უკუნაჩვენებია ბავშვებში და 18 წლამდე ასაკის მოზარდებში.

 

ურთიერთქმედება სხვა სამკურნალო საშუალებებთან
არარეკომენდირებული კომბინაციები
დექსკეტოპროფენის და სხვა აასს, სალიცილატების ჩათვლით, ერთდროული გამოყენება ზრდის კუჭ-ნაწლავის ტრაქტიდან სისხლდენის განვითარების რისკს.
შიგნით მისაღებ ანტიკოაგულანტებთან, ჰეპარინთან ერთდროული გამოყენებისას იზრდება სისხლდენის განვითარების რისკი.
აასს ზრდის ლითიუმის კონცენტრაციას სისხლში, საჭიროა ამ მაჩვენებლის კონტროლი აასს გამოყენების, დოზის შეცვლის დროს და მოხსნის შემდეგ.
აასს და მეთოტრექსატის მაღალი დოზების (კვირაში 15 მგ-ზე მეტი) ერთდროული გამოყენება ზრდის ამ უკანასკნელის ჰემატოლოგიურ ტოქსიურობას.
ჰიდანტოინებთან და სულფონამიდებთან ერთდროული გამოყენებისას შესაძლებელია გაძლიერდეს ამ ნივთიერებების ტოქსიური მოქმედება.
კომბინაციები, რომლებიც მოითხოვენ სიფრთხილეს გამოყენების დროს
დექსკეტოპროფენი ასუსტებს დიურეტიკების, ანგიოტენზინგარდამქმნელი ფერმენტის ინჰიბიტორების ანტიჰიპერტენზიულ მოქმედებას.
მეთოტრექსატის დაბალ დოზებთან (კვირაში 15 მგ-ზე ნაკლები) ერთდროული გამოყენება იწვევს მეთოტრექსატის ჰემატოლოგიური ტოქსიურობის მატებას, რაც დაკავშირებულია აასს გამოყენების ფონზე მისი თირკმლისმიერი კლირენსის შემცირებით.
სეროტონინის უკუმიტაცების ინჰიბიტორებთან, შიგნით მისაღებ გლუკოკორტიკოიდებთან ერთდროული გამოყენება ზრდის კუჭ-ნაწლავის ტრაქტიდან სისხლდენის განვითარების რისკს.
აასს აძლიერებს სულფონილშარდმჟავას ჰიპოგლიკემიურ მოქმედებას სისხლის შრატის ცილებთან დაკავშირების ადგილიდან მისი განდევნის შედეგად.
პენტოქსიფილინთან კომბინაციისას იზრდება სისხლდენის განვითარების რისკი.
ზიდოვუდინთან ერთდროული გამოყენებისას არსებობს ერითროციტებზე ტოქსიური ზემოქმედების განვითარების რისკი, რაც განპირობებულია რეტიკულოციტებზე ზემოქმედებით, აასპ დანიშვნიდან ერთი კვირის შემდეგ მძიმე ანემიის განვითარებით. საჭიროა სისხლის ყველა უჯრედოვანი ელემენტის, მათ შორის რეტიკულოციტების კონტროლი აასს თერაპიის დაწყებიდან 1-2 კვირის შემდეგ.
კომბინაციები, რომელიც მოითხოვს განსაკუთრებულ ყურადღებას
აასპ-მ შესაძლებელია შეამცირონ ბეტა-ადრენობლოკატორების ჰიპოტენზიული ეფექტი, რაც განპირობებულია პროსტაგლანდინების სინთეზის ინჰიბირებით.
ციკლოსპორინთან და ტაკროლიმუსთან ერთდროული გამოყენებისას აასპ-მ შესაძლებელია გააძლიეროს ნეფროტოქსიკურობა, რაც განპირობებულია თირკმლისმიერი პროსტაგლანდინების მოქმედებით. კომბინირებული თერაპიის ჩატარების დროს საჭიროა თირკმელების ფუნქციის კონტროლი.
თრომბოლიტიკებთან ერთდროული გამოყენებისას იზრდება სისხლდენის განვითარების საშიშროება.
პრობენეციდთან ერთდროული გამოყენებისას შესაძლებელია გაიზარდოს აასპ კონცენტრაცია შრატში, რაც შესაძლებელია განპირობებული იყოს თირკმლიდან  სეკრეციის ინჰიბირებით და/ან გლუკურონის მჟავასთან კონიუგაციით. ეს საჭიროებს აასპ დოზის კორექციას.
აასპ შესაძლებელია გამოიწვიოს გულის გლიკოზიდების კონცენტრაციის მატება  სისხლის შრატში.
პროსტაგლანდინების სინთეზის ინჰიბიტორების ზემოქმედების შედეგად მიფეპრისტონის ეფექტურობის შეცვლის თეორიულ რისკთან დაკავშირებით, აასპ ინიშნება მიფეპრისტონის გამოყენების შეწყვეტიდან არანაკლებ 8-12 დღის შემდეგ.

 

ჭარბი დოზირება
სიმპტომები: გულისრევა, ანორექსია, აბდომინალური ტკივილი, თავის ტკივილი, თავბრუსხვევა, დეზორიენტაცია, უძილობა.
მკურნალობა: კუჭის ამორეცხვა, ჰემოდიალიზი, სიმპტომატური თერაპია.

 

გამოშვების ფორმა
შემოგარსული ტაბლეტები.
10 ტაბლეტი ბლისტერში.
1 ან 2 ბლისტერი გამოყენების ინსტრუქციასთან ერთად მუყაოს კოლოფში.

 

შენახვის პირობები
ინახება სინათლისგან დაცულ ადგილას არაუმეტეს 25°С ტემპერატურაზე.
ინახება ბავშვებისათვის მიუწვდომელ ადგილას!

 

ვარგისიანობის ვადა
3 წელი წარმოების თარიღიდან.
არ გამოიყენება ვარგისიანობის ვადის გასვლის შემდეგ.

 

აფთიაქიდან გაცემის წესი
გაიცემა რეცეპტით.

 

 

ქვეყანა: თურქეთი

მწარმოებელი: ვოლდ მედიცინ ილაჩ სან ვე

გაცემის ფორმა: III ჯგუფი ურეცეპტო

სალბუტამოლი
(SALBUTAMOL)

შემადგენლობა
პრეპარატის ერთი ტაბლეტი შეიცავს აქტიური ნივთიერების - სალბუტამოლის 4 მგ-ს.

მოქმედების მექანიზმი
პრეპარატი წარმოადგენს ბეტა-ადრენომიმეტიკურ საშუალებას, მოქმედებს უპირატესად ბეტა-2-ადრენორეცეპტორებზე. გამოხატული აქვს ბრონქოლიზური ეფექტი, ახდენს ბრონქოსპაზმის კუპირებას, ამცირებს სასუნთქ გზებში წინააღმდეგობას და ზრდის ფილტვის სასიცოცხლო ტევადობას. იწვევს კორონარული სისხლძარღვების გაფართოებას და არ მოქმედებს არტერიულ წნევაზე. ახასიათებს ტოკოლიზური მოქმედება: ამცირებს მიომეტრიუმის ტონუსს და კუმშვადობას.
სალბუტამოლი შიგნით მიღებისას კარგად შეიწოვება კუჭ-ნაწლავის ტრაქტიდან. მეტაბოლიზაციას განიცდის ღვიძლში და ნაწილობრივ ნაწლავის კედელში. გამოიყოფა უპირატესად თირკმლების მეშვეობით.

ჩვენება
- ბრონქოსპაზმის კუპირება და პროფილაქტიკა ბავშვებსა და მოზრდილებში;
- ბრონქოობსტრუქციული სინდრომით მიმდინარე ფილტვის ქრონიკული არასპეციფიკური დაავადებები;

უკუჩვენება
პრეპარატისადმი მაღალი მგრძნობელობა, ორსულობის I და II ტრიმესტრი, თირეოტოქსიკოზი.

უსაფრთხოების ზომები
სიფრთხილით ინიშნება ტაქიარითმიის, მიოკარდიტის, გულის მანკის (მათ შორის აორტის სტენოზის), არტერიული ჰიპოტონიის, შაქრიანი დიაბეტის, თირეოტოქსიკოზის, გულის მწვავე უკმარისობისა და გლაუკომის დროს.
ორსულობის I და II ტრიმესტრში სალბუტამოლი არ ინიშნება. ლაქტაციის პერიოდში სალბუტამოლის გამოყენებისას საჭიროა ძუძუთი კვების შეწყვეტა.
დიურეზული და გლუკოკორტიკოსტეროიდული საშუალებები აძლიერებენ სალბუტამოლის ჰიპოკალიემიურ ეფექტს. სალბუტამოლი ზრდის ტაქიარითმიის განვითარების ალბათობას.

დოზირება და მიღების წესი
მოზრდილებში სალბუტამოლის ერთჯერადი დოზაა 2-4 მგ. არაეფექტურობისას შესაძლებელია დოზის გაზრდა 8 მგ-მდე.
ბავშვებში: 2-დან 6 წლამდე ერთ მიღებაზე ინიშნება 1-2 მგ, 6-დან 12 წლამდე - 2 მგ; 12 წლის შემდეგ - 2-4 მგ.
ხანდაზმულობის ასაკში მკურნალობის დაწყება საჭიროა 2 მგ-დან.
პრეპარატი ინიშნება 3-4-ჯერ დღეში.

გვერდითი მოვლენები
ტაქიკარდია, გულისცემის შეგრძნება, არტერიული ჰიპოტენზია, პერიფერიული სისხლძარღვების ტრანზიტორული გაფართოება, გულისრევა, ღებინება, დიარეა, გაღიზიანებადობა, ძილის დარღვევა, კანზე გამონაყარი, ქავილი, ანგიონევროზული შეშუპება.

ვარგისიანობა და შენახვის პირობები
პრეპარატის ვარგისიანობის ვადაა 4 წელი, ინახება 10-25⁰C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
ტაბლეტი 4 მგ, 40 ტაბლეტი ბლისტერებში. მეორადი შეფუთვა: მუყაოს კოლოფში.

აფთიაქიდან გაცემის პირობები
ექიმის რეცეპტით!

მწარმოებელი ფირმა:
შ.პ.ს. “ჯი-ემ-პი”

ევა ლაქსი

მთავარი ინგრედიენტები:

• ნატრიუმის ბიკარბონატი
• პოლიეთილენგლიკოლი
• გვირილის ექსტრაქტი

ევა ლაქსში შემავალი მიკრო ბუშტუკები, ნელ-ნელა გამოთავისუფლდებიან და ახდენენ ზეწოლას ნაწლავების კედელზე, რითაც აადვილებენ  განავლის მასის გადაადგილებას სწორი ნაწლავის ღრუში. განავლის მასების გადაადგილება ხდება მარტივად და უმტკივნეულოდ, რადგან მასში შემავალი პოლიეთილენგლიკოლი არბილებს განავლის მასას, გვირილა ამშვიდებს გაღიზიანებული ნაწლავის ღრუს, ამცირებს წვის და ტკივილის შეგრძნებას ანალური სფინქტერის მიდამოში.

* ფარმაცევტული მოქმედების გარეშე

* არ იწვევს შეჩვევას

* გამოიყენება მოზრდილებში, ორსულ ქალებსა და ბავშვებში 12 წლიდან.

რა არის ევა ლაქსი

ევა ლაქსი- რექტალური სანთლები, პირდაპირ განკუთვნილია შეკრულობის დროს  ტენეზმებისა და ანალური სფინქტერის არეში გაღიზიანების და წვის შეგრძნების შესამსუბუქებლად.

გამოიყენება:

 შეკრულობის სწრაფი და ეფექტური, ნატურალური მკურნალობისთვის

ჩვენებები:

შეკრულობა-ფეკალური მასების დაგროვება

მოქმედების მექანიზმი:

ევა ლაქსის ეფექტურობა განპირობებულია მისი მოქმედების ფიზიკო-ქიმიური მექანიზმით.

გამოყენება ორსულებში და 12 წლამდე ასაკის ბავშვებში, ექიმის რეკომენდაციით.

გამოყენების ჯერადობა : საჭიროებისამებრ

დოზირების წესი:

მოხსენით დამცავი გარსი სანთელს, დაასველეთ წყლის მცირე რაოდენობით და მოათავსეთ სწორ ნაწლავში.

შეფუთვა: N10 რექტალური შუშხუნა სანთელი.

მწარმოებელი: ინტერმედი ს.ა.

ქვეყანა: პოლონეთი

მწარმოებელი: პოლფარმა ფ/ქ სს

გაცემის ფორმა: II ჯგუფი რეცეპტული

დუფალაკი სიროფი 667გ/ლ
(Lactuloza)

შემადგენლობა: სიროფი 500მლ, 100მლ შეიცავს 67გ ლაქტულოზას (667გ/ლ)

ფარმაკოლოგიური ჯგუფი: ოსმოსური მოქმედების საფაღარათო საშუალება

ფარმაკოლოგიური მოქმედებები: ლაქტულოზა წარმოადგენს ნახევრადსინთეზურ დისაქარიდს, რომელიც შედგება 1 მოლეკულა გალაქტოზისა და 1 მოლეკულა ფრუქტოზისაგან. იგი მიღების შემდეგ უცვლელი სახით აღწევს მსხვილ ნაწლავში, ვინაიდან წვრილი ნაწლავი არ შეიცავს ენზიმებს, რომლებიც შლიან ლაქტულოზას. მსხვილ ნაწლავში ლაქტულოზას დაშლის შედეგად წარმოიქმნება მოკლე ჯაჭვის რიგის მქონე კარბონის მჟავები, რომლებიც ამცირებენ ნაწლავის შიდა pH –ის დონეს, ზრდიან ნაწლავის შიგთავსის ოსმოსურ წნევას. ლაქტულოზა ამცირებს თავისუფალი ამიაკის და სხვა ტოქსიკური ნივთიერებებს განვითარებას, უზრუნველყოფს ორგანიზმიდან მათ სწრაფ გამოყოფას. ამგვარად, ლაქტულოზა თავის თავზე იღებს ღვიძლის მუშაობის ნაწილს და ანეიტრალებს ტოქსიკურ ნივთიერებებს, რაც განსაკუთრებით მნიშვნელოვანია ღვიძლის დაავადებების დროს. როდესაც ამ უკანასკნელს აღნიშნული ფუნქციის უნარი არ შესწევს, ეს იწვევს ტოქსიკური ნივთიერებების თავისუფალ სისხლმიმოქცევაში მოხვედრას, ჰემატოენცეფალურ ბარიერში შეღწევას და ღვიძლისმიერი ენცეფალოპათიის განვითარებას. ლაქტულოზა ასტიმულირებს ნაწლავის მოტორიკას, იწვევს ჰიმუსის გათხევადებასა და მისი მოცულობის მომატებას. მისი საფაღარათო ეფექტი ვლინდება 1-3 დღის შემდეგ. ამის გარდა, ლაქტულოზა განავალთან ერთად გამოყოფს ნაღვლის მჟავებს, რაც იწვევს სისხლსა და ნაღველში ქოლესტერინის დონის შემცირებას. მას ასევე შესწევს მსხვილ ნაწლავში სალმონელას ზრდის ინჰიბირების უნარი. იგი არ ამცირებს ვიტამინებისა და მინერალების აბსორბციას და არ იწვევს შეჩვევას (არ გააჩნია მოხსნის სინდრომი).

ჩვენება: ღვიძლის ქრონიკული დაავადებები; ღვიძლისმიერი ენცეფალოპათიის მკურნალობა და პროფილაქტიკა (მათ შორის ღვიძლის პრეკომა და კომა); ნაწლავის მიკროფლორის ნორმალური შემადგენლობის აღდგენა ანტიბიოტიკოთერაპიის, სხივური და ქიმიოთერაპიის შემდეგ; ახალშობილებსა და ბავშვებში ნორმალური ნაწლავური მიკროფლორის ფორმირება და აღდგენა (საკეისრო კვეთა, ხელოვნური კვება), დედის ინფიცირებული რძით კვების დროს დისბაქტერიოზის განვითარების პროფილაქტიკა; ნაღვლ-კენჭოვანი დაავადება; ჰიპერქოლესტერინემია; ქრონიკული ყაბზობა (როგორც ბავშვებში, ასევე მოზრდილებში); ყაბზობა ორსულობის პერიოდში (II ტრიმესტრი); სალმონელური მატარებლობის დროს; ალკოჰოლური სასმელების ბოროტად გამოყენება.

წინააღმდეგჩვენებები:
გასტროინტესტინური ობსტრუქცია, როდესაც გალაქტოზას გამოყენება წინააღმდეგნაჩვენებია. გალაქტოზემია

განსაკუთრებული მითითებები: ორსულობის I ტრიმესტრში პრეპარატი გამოიყენება მხოლოდ ექიმის რეკომენდაციით; მონაცემები ლაქტულოზას დედის რძეში გადასვლის შესახებ არ არსებობს, მიუხედავად ამისა, ლაქტაციის პერიოდში იგი ინიშნება მხოლოდ ექიმის რეკომენდაციით; პრეპარატი არ შეიცავს შაქარს, მგრამ იგი სიფრთხილით ინიშნება შაქრიანი დიაბეტით შეპყრობილ პაციენტებში; თითოეული პაციენტისათვის დოზა დგინდება ინდივიდუალურად; პრეპარატისა და ანტაციდური საშუალებების ერთდროული გამოყენებისას პრეპარატის მოქმედება მცირდება; 

მიღების წესი და დოზირება: პრეპარატი მიიღება პერორალურად. ბავშვებში 3 წლამდე 5მლ, 3-6 წლამდე 10მლ, 6-12 წლამდე 15 მლ, 12 წლის ზევით და მოზრდილებში 15-45 მლ. შესაძლებელია პრეპარატის გამოყენება ორსულობის და ლაქტაციის პერიოდში

გვერდითი მოვლენები: პრეპარატით მკურნალობის დასაწყისში და მისი მაღალი დოზით გამოყენებისას შეიძლება აღინიშნოს: მეტეორიზმი, ბოყინი, სპაზმები, მუცლის არეში ტკივილი.
ვარგისიანობის ვადა: 3 წელი

მწარმოებელი: ჰოლანდია, SOLVAY PHARMA

ქვეყანა: ინდოეთი

მწარმოებელი: კადილა

გაცემის ფორმა: II ჯგუფი რეცეპტული

გვერდითი მოვლენები
სალბუტამოლის მიღების დროს გულ-სისხლძარღვთა სისტემის მხრივ გვერდითი მოვლენების სიხშირე შედარებით უფრო მცირეა, ვიდრე იზოპროტერენოლისა ან ორციპრენალინის გამოყენების დროს. აღინიშნება მოუსვენრობა და ტრემორი (დაახლოებით 20%), თავის ტკივილი (დაახლოებით 7%), ტაქიკარდია (დაახლოებით 5%), კრუნჩხვები (დაახლოებით 3%), უძილობა, გულისრევა, სისუსტე (დაახლოებით 2%). ავადმყოფთა არანაკლებ 1%-ს აღენიშნება ძილიანობა, ჰიპერემია, გაღიზიანება, გულ-მკერდის არეში დისკომფორტის შეგრძნება და შარდვის გაძნელება.
2-6 წლამდე ასაკის ბავშვებს ხშირად აღენიშნებათ აგზნება (20%) და ნერვიულობა (15%), უძილობა (4%), ტაქიკარდია და საჭმლის მომნელებელი ტრაქტის მხრივ ცვლილებები (2%). ბავშვების არანაკლებ 1%-ს აღენიშნებათ უმადობა, სიფერმკრთალე, გადაღლა, კონიუნქტივიტი.

უკუჩვენებები
- პრეპარატის მიმართ მომატებული მგრძნობელობა;
- მიოკარდიუმის ინფარქტი.

ორსულობა და ლაქტაცია
ორსულობის პერიოდში პრეპარატი გამოიყენება მხოლოდ იმ შემთხვევაში, როდესაც დედისათვის სასარგებლო შედეგი მკვეთრად სჭარბობს ნაყოფზე ზემოქმედების პოტენციურ რისკს.    
ორსულობის დროს სალბუტამოლის გამოყენება ნებადართულია მხოლოდ განსაკუთრებული აუცილებლობის შემთხვევაში, რადგან იგი ასუსტებს საშვილოსნოს კუმშვადობას.
მონაცემები სალბუტამოლის ექსკრეგირების შესახებ დედის რძეში არ არსებობს. მიუხედავად ამისა, ლაქტაციის პერიოდში სალბუტამოლის დანიშვნის დროს საჭიროა ძუძუთი კვება შეწყდეს.

განსაკუთრებული მითითებები
სალბუტამოლი, ისევე როგორც სხვა ბეტა-ადრენომიმეტური საშუალებები, იწვევს სიმპათიკური ნერვული სისტემის მნიშვნელოვან აგზნებას, რაც ნაწილობრივ ვლინდება ძლიერი გულისცემით, არტერიული წნევის მომატებით, პულსის გახშირებითა და ცვლილებებით ელექტროკარდიოგრამის მხრივ. იშვიათად სალბუტამოლის მიმართ სენსიბილიზაცია ვლინდება ურტიკარიით, ანგიონევროზული შეშუპებით, კანზე გამონაყარით, ბრონქოსპაზმით, ანაფილაქტოიდური სიმპტომებით და ხორხის შეშუპებით.
სიმპათიკური ნერვული სისტემის ძლიერ აგზნების გამო, სალბუტამოლი განსაკუთრებული სიფრთხილით ენიშნებათ გულ-სისხლძარღვთა სისტემის, კერძოდ გულის იშემიური დაავადებით, გულის რითმის დარღვევით და ჰიპერტონიით შეპყრობილ  ავადმყოფებს.
პრეპარატი სიფრთხილით ენიშნებათ ჰიპერთირეოზის, ეპილეფსიის, შაქრიანი დიაბეტის, გლაუკომის დროს და აგრეთვე სიმპათომიმეტური ამინების მიმართ გაძლიერებული რეაქციის მქონე ავადმყოფებს.
სალბუტამოლის დიდი დოზები იწვევს საშვილოსნოს მიომეტრიუმის შეკუმშვის დათრგუნვას, რაც გათვალისწინებული უნდა იქნას მშობიარობის დროს.  ავადმყოფი ინფორმირებული უნდა იყოს იმის შესახებ, რომ სალბუტამოლის დიდი დოზებით მიღება რეკომენდებულ დოზასთან შედარებით იწვევს გულ-სისხლძარღვთა სისტემის მხრივ გართულებების სერიოზულ საშიშროებას. პრეპარატის დოზის გაზრდა ხდება მხოლოდ ექიმის მეთვალყურეობის ქვეშ. იმ შემთხვევაში, როდესაც პრეპარატი რეკომენდებულ დოზებში არ იძლევა სასურველ შედეგს, საჭიროა ექიმთან კონსულტაცია.
არ არსებობს სალბუტამოლის უარყოფითი მოქმედების შესახებ მონაცემები ავტოტრანსპორტის მართვაზე.

ჭარბი დოზირება
სიმპტომები: ტკივილი გულმკერდის არეში, კრუნჩხვები, ჰიპოტონია ან ჰიპერტონია, ტაქიკარდია 200 დარტყმამდე წთ-ში,  გულის რითმის დარღვევა, ნერვიულობა, თავის ტკივილი, ტრემორი, პირის სიმშრალე, თავბრუსხვევა, გულის ცემის გახშირება, უძილობა.  შესაძლებელია აგრეთვე ჰიპოკალიემია.
მკურნალობა: სალბუტამოლის მიღების შეწყვეტა, შემდგომ შემანარჩუნებელი და სიმპტომური მკურნალობა.
მიზანშეწონილია ბეტა-ადრენობლოკატორების სიფრთხილით გამოყენება, მაგ. მეტოპროლოლის, მხოლოდ მხედველობაში უნდა იქნას მიღებული ბრონქოსპაზმის განვითარების შესაძლებლობა. ამ დროს დისკუტაბელურია ჰემოდიალიზის გამოყენება.
სალბუტამოლის დოზის გადაჭარბებამ, ისევე როგორც სხვა ადრენომიმეტურმა საშუალებებმა, შესაძლებელია გამოიწვიოს გულის გაჩერება და ლეტალური გამოსავალი.  

სხვა წამლებთან ურთიერთქმედება
სალბუტამოლის გამოყენება, როგორც პერორალურ, აგრეთვე საინექციო ფორმის სხვა ადრენომიმეტურ საშუალებებთან ერთად, გულ-სისხლძარღვთა სისტემის მხრივ შესაძლებელი სერიოზული გართულებების გამო ნებადართული არ არის. განსაკუთრებულ შემთხვევებში, ექიმის მეთვალყურეობის ქვეშ, შესაძლებელია ბეტა-ადრენომიმეტური საშუალებების საინჰალაციო ფორმების სიფრთხილით გამოყენება.
პრეპარატი განსაკუთრებული სიფრთხილით ენიშნებათ ავადმყოფებს, რომლებიც იღებენ ტრიციკლურ ანტიდეპრესანტებსა და მაო-ს ინჰიბიტორებს, რომლებიც აძლიერებენ სალბუტამოლის მოქმედებას გულ-სისხლძარღვთა სისტემაზე. სალბუტამოლს და ბეტა-ადრენოლიზურ საშუალებებს ახასიათებთ ერთმანეთის მიმართ ანტაგონისტური მოქმედება.

შენახვის პირობები და ვადა
პრეპარატი ინახება 15-25ºC ტემპერატურაზე, სინათლისა და ნესტისაგან დაცულ ადგილას.
ვარგისიანობის ვადა - 4 წელი.
Warsaw pharmaceutical  works POLFA