ქვეყანა: ნიდერლანდები

მწარმოებელი: ებოტ ბიოლოჯიქალს

გაცემის ფორმა: III ჯგუფი ურეცეპტო

სპარექსი GEO 200მგ

სავაჭრო დასახელება: სპარექსი GEO
საერთაშორისო არაპატენტირებული დასახელება: მებევერინი
წამლის ფორმა: პროლონგირებული მოქმედების კაფსულები
შემადგენლობა:
ერთი კაფსულა შეიცავს:
აქტიურ ნივთიერებებს: მებევერინის ჰიდროქლორიდი 200 მგ;
დამხმარე ნივთიერებებს: სილიციუმის დიოქსიდი კოლოიდური 5 მგ, ჰიპრომელოზა (ჰიდროქსიპროპილმეთილცელულოზა) 38 მგ, პოვიდონი K-905 მგ, მაგნიუმის სტეარატი 2 მგ;
მყარი ჟელატინის კაფსულა #1:
კორპუსი – ტიტანის დიოქსიდი 1,387, ჟელატინი 44,522, საღებავი ქინოლინის ყვითელი 0,308 მგ ; საღებავი « მზის ჩასვლა » ყვითელი 0,003 მგ ; სახურავი – ტიტანის დიოქსიდი 0,893 მგ, ჟელატინი 28,686 მგ, საღებავი ქინოლინის ყვითელი ; საღებავი « მზის ჩასვლა » ყვითელი 0,002 მგ.
აღწერა:
კაფსულები #1 ყვითელი ფერის. კაფსულების შემცველობა - თეთრი ან თითქმის თეთრი ფერის გრანულების და ფხვნილის ნარევი. დაიშვება ცალკეული გორგლების არსებობა.
ფარმაკოთერაპევტული ჯგუფი: სპაზმოლიზური საშუალება.
ათქ კოდი: A03AA04
ფარმაკოლოგიური თვისებები
მიოტროპული მოქმედების სპაზმოლიტიკი, ახდენს პირდაპირ მოქმედებას კუჭ-ნაწლავის გლუვ მუსკულატურაზე (უმთავრესად მსხვილ ნაწლავზე). აქრობს სპაზმს ნაწლავების ნორმალურ პერისტალტიკაზე გავლენის გარეშე. არ ფლობს ანტიქოლინერგიულ მოქმედებას.
ფარმაკოკინეტიკა
შიგნით მიღებისას ექვემდებარება პრესისტემურ ჰიდროლიზს და არ არის აღმოჩენილი პლაზმაში. მეტაბოლიზდება ღვიძლში 3,4- დიმეტოქსინბენზოის (ვერატრიც აციდ) მჟავამდე და მებევერინის სპირტამდე. უმთავრესად გამოიყოფა თირკმელების მიერ მეტაბოლიტების სახით, ნაკლები რაოდენობით – ნაღველით. მებევერინის კაფსულებს გააჩნიათ გახანგრძლივებული გამოთავისუფლების თვისებები. მრავალჯერადი მიღების შემდეგაც არ აღინიშნება მნიშვნელოვანი კუმულაცია.

ჩვენებები გამოყენებაზე
დიდებში
კუჭ-ნაწლავის ტრაქტის ორგანოთა სპაზმი (მ.შ. განპირობებული ორგანული დაავადებით), ნაწლავის ჭვალი, ნაღველის ჭვალი, გაღიზიანებული მსხვილი ნაწლავის სინდრომი.
12 წელზე უფროსი ასაკის ბავშვებში
კუჭ-ნაწლავის ტრაქტის ფუნქციონალური აშლილობები, მუცლის ტკივილის თანხლებით.
უკუჩვენებები
ჰიპერმგრძნობელობა, ბავშვთა ასაკი (ეფექტურობისა და უსაფრთხოების არასაკმარისი მონაცემები).
სიფრთხილით
გამოყენება ორსულობისას და ლაქტაციის პერიოდში
ორსულებში პრეპარატის გამოყენება უნდა მოხდეს სიფრთხილით, თუ სავარაუდო სარგებელი დედისთვის აღემატება პოტენციურ რისკს ნაყოფისთვის ან ბავშვისთვის. არ გამოიყენოთ სპარექსი GEO ძუძუთი კვების დროს.
გამოყენების წესი და დოზები
შიგნით დიდებსა და 12 წელზე მეტი ასაკის ბავშვებს 1 კაფსულა (200 მგ) 2-ჯერ დღე-ღამეში 20 წთ ადრე ჭამამდე (დილას და საღამოს). ჩაყლაპეთ მთლიანად, წყლის მიყოლებით.
გვერდითი ეფექტები
თავბრუსხვევები, თავისტკივილი, დიარეა, გაუვალობა. ალერგიული რეაქციები: ჭინჭრისციება, კვინკეს შეშუპება, სახის შეშუპება და ეგზანთემა.
ჭარბი დოზირება
სიმპტომები: ცენტრალური ნერვული სისტემის აღგზნება. სპეციფიური ანტიდოტი უცნობია. რეკომენდებულია კუჭის ამორეცხვა და სიმპტომური თერაპია.
განსაკუთრებული მითითებები
მკურნალობის პერიოდში დაიცავით სიფრთხილე ავტოტრანსპორტის ტარებისას და პოტენციურად საშიში სახეობის საქმიანობით დაკავებისას, რომლებიც მოითხოვენ ყურადღების მაღალ კონცენტრაციას და ფსიქომოტორული რეაქციების სისწრაფეს.
გამოშვების ფორმა
გახანგრძლივებული მოქმედების კაფსულები 200 მგ.
15 კაფსულა კონტურულ უჯრედოვან შეფუთვაში პოლივინილქლორიდის აპკისა და ალუმინის ფოლგისგან დაბეჭდილი, ლაქირებული.
2 კონტურული უჯრედოვანი შეფუთვა 15 კაფსულით გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
შეინახეთ მშრალ, სინათლისგან დაცულ ადგილას ტემპერატურაზე არაუმეტეს 25⁰C.
შეინახეთ ბავშვებისათვის მიუწვდომელ ადგილას.
ვარგისიანობის ვადა
2 წელი
არ გამოიყენოთ ვარგისიანობის ვადის გასვლის შემდეგ.
გაცემის პირობები
III ჯგუფი, გაიცემა რეცეპტის გარეშე
მწარმოებელი:
დსს “კანონფარმა პროდაქშნ”, რუსეთი
141100, მოსკოვის ოლქი, ქალაქი შიოლკოვო, ზარეჩნაიას ქ., ს. 105.
ტელ.: (495) 797-99-54, ფაქსი: (499) 797-96-63,
www.canonpharma.ru
სარეგისტრაციო მოწმობის მფლობელი:
დსს “კანონფარმა პროდაქშნ”, რუსეთი
პროდუქციის ხარისხის თაობაზე მომხმარებლისგან საქართველოს ტერიტორიაზე პრეტენზიების მიმღები ორგანიზაციის მისამართი
შპს “ნიუ ფარმ გრუპი”
საქართველო, ქ. თბილისი, ვაკე-საბურთალოს რაიონი, დ. აღმაშენებლის ხეივანი, მე-12 კმ, კორ 2, ბინა 43
ტელ/ფაქსი: +995(32) 210 88 18

ქვეყანა: ნიდერლანდები

მწარმოებელი: ებოტ ბიოლოჯიქალს

გაცემის ფორმა: III ჯგუფი ურეცეპტო

სალბუტამოლი / SALBUTAMOL

საერთაშორისო დასახელება (აქტიური ნივთიერება): salbutamol

კლინიკურ-ფარმაკოლოგიური ჯგუფი: პულმონოლოგია → ბრონქოლიზური საშუალებები → ბეტა ადრენომიმეტიკები → ბეტა 2 ადრენომიმეტიკები

გამოშვების ფორმა: 100მკგ/დოზაში 200 დოზა დოზირებული საინჰალაციო აეროზოლი მეტალის ინჰალატორი №1 გამფრქვევ მოწყობილობასთან ერთად შეფუთვაში

გაცემის რეჟიმი: II ჯგუფი (გაიცემა ფორმა N3 რეცეპტით)

სავაჭრო დასახელება

სალბუტამოლი, Salbutamol

საერთაშორისო არაპატენტირებული დასახელება

სალბუტამოლი, Salbutamol

წამლის ფორმა

საინჰალაციო აეროზოლი დოზირებული. 

აღწერილობა: ერთგვაროვანი სუსპენზია თეთრიდან თითქმის თეთრამდე. 

შემადგენლობა

პრეპარატის ყოველი დოზა შეიცავს

აქტიური ნივთიერება: სალბუტამოლი (სალბუტამოლის სულფატის ფორმით) 100 მკგ. 

დამხმარე ნივთიერებები: ოლეინის მჟავა, ეთანოლი, ჰიდროფტორალკანი 134ა. 

პრეპარატის ათქ კოდი: R03AC02

ფარმაკოთერაპიული ჯგუფი

სელექციური β2-ადრენომიმეტიკი. 

ფარმაკოლოგიური თვისებები

ფარმაკოდინამიკა

სალბუტამოლი წარმოადგენს სელექციურ β2-ადრენომიმეტიკს. თერაპიულ დოზებში მოქმედებს ბრონქების გლუვი კუნთების β2-ადრენორეცეპტორებზე, უმნიშვნელო გავლენას ახდენს მიოკარდიუმის β1-ადრენორეცეპტორებზე. 

სალბუტამოლი ხანგრძლივი დროის განმავლობაში აინჰიბირებს პოხიერი უჯრედებიდან ჰისტამინის, ლეიკოტრიენების,  D2 პროსტაგლანდინის და სხვა ბიოლოგიურად აქტიური ნივთიერებების გამოთავისუფლებას. თრგუნავს ბრონქების ადრეულ და გვიან რეაქტიულობას. გამოხატული ბრონქოდილატაციური ეფექტის ხარჯზე ახდენს ბრონქების სპაზმის პრევენციას ან კუპირებას, ამცირებს წინაღობას სასუნთქ გზებში. ზრდის ფილტვების სასიცოცხლო მოცულობას. ზრდის მუკოცილიარულ კლირენსს (ქრონიკული ბრონქიტის დროს 36%-მდე), ასტიმულირებს ლორწოს სეკრეციას, ააქტიურებს მოციმციმე ეპითელიუმის ფუნქციებს. 

რეკომენდებულ თერაპიულ დოზებში არ ახდენს უარყოფით მოქმედებას გულ-სისხლძარღვთა სისტემაზე, არ იწვევს არტერიული წნევის მატებას. ამ ჯგუფის სამკურნალო საშუალებებთან შედარებით ნაკლებად ახდენს დადებით ქრონო- და ინოტროპულ მოქმედებას. იწვევს კორონარული არტერიების გაფართოებას. 

გააჩნია რიგი მეტაბოლური ეფექტები: ამცირებს კალიუმის კონცენტრაციას პლაზმაში, გავლენას ახდენს გლიკოგენოლიზზე და ინსულინის გამოყოფაზე, ახდენს ჰიპერგლიკემიურ (განსაკუთრებით პაციენტებში ბრონქული ასთმით) და ლიპოლიზურ ეფექტს, ზრდის აციდოზის განვითარების რისკს. 

პრეპარატის მოქმედება იწყება ინჰალაციური გზით შეყვანიდან 5 წუთის შემდეგ და გრძელდება 4-6 საათის განმავლობაში. 

ფარმაკოკინეტიკა

ინჰალაციის განხორციელების შემდეგ სალბუტამოლის დოზის 10-20% აღწევს ქვედა სასუნთქ გზებში. დოზის დანარჩენი ნაწილი რჩება ინჰალატორში ან პირ-ხახაში და შემდეგ გადაიყლაპება. დოზის ის ნაწილი, რომელიც აღწევს სასუნთქ გზებში, აბსორბირდება ფილტვების ქსოვილში და ხვდება სისხლის საერთო ნაკადში, მაგრამ ფილტვებში არ მეტაბოლიზდება.

პლაზმის ცილებთან სალბუტამოლის შეკავშირება შეადგენს დაახლოებით 10%-ს.

საინჰალაციო დოზის გადაყლაპული ნაწილი აბსორბირდება კუჭ-ნაწლავის ტრაქტიდან და განიცდის ინტენსიურ მეტაბოლიზმს ღვიძლში “პირველადი გავლისას”, გარდაიქმნება რა არააქტიურ ფენოლურ სულფატად. 

უცვლელი სალბუტამოლი და კონიუგატი ექსკრეტირდება ძირითადად შარდით. განავალთან ერთად გამოიყოფა სალბუტამოლის შეყვანილი დოზის მხოლოდ უმნიშვნელო ნაწილი. სალბუტამოლის დოზის დიდი ნაწილი, შეყვანილი ორგანიზმში ინტრავენური, პერორალური ან ინჰალაციის გზით, გამოიყოფა ორგანიზმიდან 72 საათის განმავლობაში. 

გამოყენების ჩვენებები

ბრონქული ასთმა:

- ბრონქული ასთმის შეტევების კუპირება, მათ შორის მძიმე მიმდინარეობის ბრონქული ასთმის გამწვავების დროს;

- ბრონქოსპაზმის შეტევების პრევენცია, რომლებიც დაკავშირებულია ალერგენის ზემოქმედებასთან ან გამოწვეულია ფიზიკური დატვირთვით;

- გამოყენება ერთ-ერთი კომპონენტის სახით ბრონქული ასთმის ხანგრძლივი შემანარჩუნებელი თერაპიის დროს. 

ფილტვების ქრონიკული ობსტრუქციული დაავადება, რომელსაც ახლავს სასუნთქი გზების შექცევადი ობსტრუქცია, ქრონიკული ბრონქიტის და ფილტვების ემფიზემის ჩათვლით. 

გამოყენების წესი და დოზირება

დოზირებული აეროზოლი სალბუტამოლი განკუთვნილია მხოლოდ ორალური გზით ინჰალაციური შეყვანისთვის საინჰალაციო მოწყობილობის დახმარებით. აუცილებელია ბალონის შენჯღრევა თითოეული გამოყენების წინ. 

მოზრდილები (მათ შორის ხანდაზმული ასაკის პაციენტები) და 12 წელზე უფროსი ასაკის ბავშვები: 

- ბრონქოსპაზმის შეტევის კუპირება: რეკომენდებული დოზა შეადგენს 100-200 მკგ-ს (1-2 ინჰალაცია);

- ბრონქოსპაზმის შეტევების პრევენცია, რომლებიც დაკავშირებულია ალერგენის ზემოქმედებასთან ან გამოწვეულია ფიზიკური დატვირთვით: რეკომენდებული დოზა შეადგენს 200 მკგ-ს (2 ინჰალაცია) 10-15 წუთით ადრე მაპროვოცირებელი ფაქტორის ზემოქმედებამდე;

- ხანგრძლივი შემანარჩუნებელი თერაპია: რეკომენდებული დოზა შეადგენს 200 მკგ-მდე (2 ინჰალაცია) 4-ჯერ დღე-ღამეში. 

ბავშვები: 

- ბრონქოსპაზმის შეტევის კუპირება: რეკომენდებული დოზა შეადგენს 100-200 მკგ-ს (1-2 ინჰალაცია);

- ბრონქოსპაზმის შეტევების პრევენცია, რომლებიც დაკავშირებულია ალერგენის ზემოქმედებასთან ან გამოწვეულია ფიზიკური დატვირთვით: რეკომენდებული დოზა შეადგენს 100-200 მკგ-ს (1-2 ინჰალაცია) 10-15 წუთით ადრე მაპროვოცირებელი ფაქტორის ზემოქმედებამდე;

- ხანგრძლივი შემანარჩუნებელი თერაპია: რეკომენდებული დოზა შეადგენს 200 მკგ-მდე (2 ინჰალაცია) 4-ჯერ დღე-ღამეში. 

სადღეღამისო დოზა არ უნდა აღემატებოდეს 800 მკგ-ს (8 ინჰალაცია). 

ინჰალატორის გამოყენების ინსტრუქცია (პაციენტებისთვის)

ინჰალატორის შემოწმება

ინჰალატორის პირველი გამოყენების წინ, მოხსენით თავსახური მუნდშტუკს, მის გვერდებზე მცირე ზეწოლით, დაიჭირეთ ინჰალატორი ცალ ხელში ცერა და დანარჩენ თითებს შორის ისე, რომ ცერა თითი მოთავსებული იყოს ინჰალატორის ფუძეზე მუნდშტუკის ქვეშ, კარგად შეანჯღრიეთ და გამოუშვით ერთი ნაკადი ჰაერში, რათა დარწმუნდეთ, რომ ინჰალატორი ნამდვილად მუშაობს. დოზების რაოდენობათა ინდიკატორის მქონე ინჰალატორის გამოყენების შემთხვევაში ჰაერში გამოუშვით რამდენიმე ნაკადი, სანამ დოზის რაოდენობათა ინდიკატორი არ აჩვენებს 120-ს, რაც მოგცემთ საშუალებას დარწმუნდეთ, რომ იგი მუშაობს. 

ინჰალატორის გამოყენება

1. მოხსენით თავსახური მუნდშტუკს, მის გვერდებზე მცირე ზეწოლით. 

2. დაათვალიერეთ ინჰალატორი შიგნიდან და გარედან, მუნდშტუკის ჩათვლით, უცხო საგნების აღმოჩენის მიზნით.

3. კარგად შეანჯღრიეთ ინჰალატორი, რათა დარწმუნდეთ, რომ ნებისმიერი უცხო საგანი მოცილებულია და ინჰალატორის შიგთავსი თანაბრად არის განაწილებული. 

4. დაიჭირეთ ინჰალატორი ცალი ხელის ცერა და დანარჩენ თითებს შორის ვერტიკალურ მდგომარეობაში ძირით ზევით ისე, რომ ცერა თითი მოთავსებული იყოს ინჰალატორის ფუძეზე მუნდშტუკის ქვეშ.

5. შეძლებისდაგვარად ღრმად ამოისუნთქეთ, შემდეგ მოითავსეთ მუნდშტუკი პირში, კბილებს შორის და შემოაჭდეთ ტუჩები ისე, რომ კბილებით არ შეეხოთ მას.

6. პირით ჩასუნთქვის დაწყებისთანავე დააჭირეთ ინჰალატორის წვეროს პრეპარატ სალბუტამოლის გამოსაფრქვევად, ამავდროულად განაგრძეთ ნელი და ღრმა ჩასუნთქვა. 

7. სუნთქვის შეკავების პარალელურად გამოიღეთ ინჰალატორი პირიდან და მოაცილეთ თითი მის წვეროს. შეძლებისდაგვარად დიდხანს შეიკავეთ სუნთქვა. 

8. მეორე ნაკადის გამოფრქვევის მიზნით დაიჭირეთ ინჰალატორი ვერტიკალურად და დაახლოებით 30 წამის შემდეგ გაიმეორეთ საფეხურები 3-7.

9. ინჰალატორის გამოყენების შემდეგ აუცილებლად გამოივლეთ პირში წყალი და გადაღვარეთ. 

10. დაუყოვნებლივ დაახურეთ თავსახური მუნდშტუკს მისი შესაბამის ადგილას ჩასმამდე. თუ დახურების დროს არ ისმის თავსახურის ჩაკეტვის ხმა, დაატრიალეთ თავსახური და ხელახლა სცადეთ მისი მორგება. არ დაატანოთ თავსახურს ძალა. 

პრეპარატის გამოყენება ასევე შესაძლებელია სპეისერის საშუალებით. 

ყურადღება! პუნქტების 5, 6 და 7 შესრულების დროს დაუშვებელია აჩქარება. უნდა ჩაისუნთქოთ შეძლებისდაგვარად ნელა უშუალოდ ინჰალატორის სარქველზე დაჭერის წინ. პირველ რამდენიმე ჯერზე რეკომენდებულია სარკესთან გავარჯიშება. 

თუ პაციენტი ხედავს `ნისლს~, რომელიც გამოდის ინჰალატორის ზედა ნაწილიდან ან პირის კიდეებიდან, მაშინ მან უნდა გაიმეოროს ინჰალატორის გამოყენების ეტაპები პუნქტი 2-დან. 

თუ ექიმმა მოგცათ სხვაგვარი მითითებები ინჰალატორის გამოყენებასთან დაკავშირებით, აუცილებელია მათი გათვალისწინება. თუ გიძნელდებათ ინჰალატორის გამოყენება, აუცილებლად დაუკავშირდით ექიმს.

მცირეწლოვან ბავშვებს ინჰალატორით სარგებლობა დამოუკიდებლად არ შეუძლიათ, მათ უნდა დაეხმარონ უფროსები. დაელოდეთ, როდესაც ბავშვი ამოისუნთქავს და მოიყვანეთ ინჰალატორი მოქმედებაში ჩასუნთქვის დაწყებისთანავე. აუცილებელია, რომ ბავშვთან ერთად გაივარჯიშოთ ინჰალატორის მოხმარება. შედარებით უფროსი ასაკის ბავშვებმა და სუსტი ხელების მქონე მოზრდილებმა ინჰალატორი ორივე ხელით უნდა დაიჭირონ, ამასთან, ორივე საჩვენებელი თითი მოთავსებული უნდა იყოს ინჰალატორის ზედა მხარეს, ხოლო ორივე ცერა თითი _ ფუძეზე მუნდშტუკის ქვეშ.

ინჰალატორის გაწმენდა

ინჰალატორის გაწმენდა აუცილებელია არანაკლებ კვირაში ერთხელ.

1. მოხსენით დამცავი სახურავი მუნდშტუკს.

2. მეტალის ბალონი არ ამოიღოთ პლასტმასის ბუდიდან. 

3. მშრალი ჩვრით ან ბამბის ტამპონით გაწმინდეთ მუნდშტუკი შიდა და გარეთა მხრიდან, ხოლო პლასტმასის ბუდე – გარედან.

4. დაახურეთ მუნდშტუკს დამცავი სახურავი.

დაუშვებელია მეტალის ბალონის წყალში ჩადება.

უკუჩვენებები

- მომატებული მგრძნობელობა პრეპარატის ნებისმიერი კომპონენტის მიმართ;

- ნაადრევი მშობიარობის მართვა;

- მოსალოდნელი აბორტი. 

სიფრთხილით გამოიყენება პრეპარატი ანამნეზში ტაქიარითმიის, გულის მძიმე ფორმის ქრონიკული უკმარისობის, არტერიული ჰიპერტენზიის, თირეოტოქსიკოზის, ფეოქრომოციტომის არსებობის შემთხვევაში, ასევე ორსულობის და ლაქტაციის პერიოდში. 

გვერდითი მოქმედება

გვერდითი ეფექტების სიხშირის ქვემოთ გამოყენებული პარამეტრები განსაზღვრულია შემდეგნაირად: ძალიან ხშირად  (>1/10), ხშირად  (>1/100-დან 1/1000-დან 1/10000-დან

სასუნთქი სისტემის მხრივ: ძალიან იშვიათად - ბრონქოსპაზმი.

გულ-სისხლძარღვთა სისტემის მხრივ: ხშირად - ტაქიკარდია; ძალიან იშვიათად - არითმია, სუპრავენტრიკულური ტაქიკარდია, ექსტრასისტოლია, პერიფერიული სისხლძარღვების გაფართოება. 

ცენტრალური ნერვული სისტემის მხრივ: ხშირად - ტრემორი, თავის ტკივილი; ძალიან იშვიათად - ჰიპერაქტივობა. 

საჭმლის მომნელებელი სისტემის მხრივ: იშვიათად - პირის ღრუს და ხახის ლორწოვანი გარსის გაღიზიანება. 

ძვალ-კუნთოვანი სისტემის მხრივ: იშვიათად - კუნთების კრუნჩხვები.

ნივთიერებათა ცვლის მხრივ: იშვიათად - ჰიპოკალიემია.

ალერგიული რეაქციები: ძალიან იშვიათად - ანგიონევროზული შეშუპება, ჭინჭრის ციება. 

განსაკუთრებული მითითებები

აუცილებელია პაციენტების ინსტრუქტაჟი ინჰალატორი სალბუტამოლის სწორად გამოყენების შესახებ. 

ბრონქოდილატატორები არ უნდა იქნას გამოყენებული როგორც არასტაბილური ან მძიმე მიმდინარეობის ბრონქული ასთმის თერაპიის ერთადერთი ან ძირითადი კომპონენტი. 

თუ სალბუტამოლის ჩვეულებრივი დოზის მოქმედება ხდება ნაკლებად ეფექტური ან ნაკლებად ხანგრძლივი (პრეპარატის მოქმედება უნდა ნარჩუნდებოდეს არანაკლებ 3 საათისა), პაციენტმა უნდა მიმართოს ექიმს. 

ბრონქული ასთმის სიმპტომების კონტროლისთვის ხანმოკლე მოქმედების საინჰალაციო β2-ადრენორეცეპტორების აგონისტების გამოყენებაზე მოთხოვნილების ზრდა მიუთითებს დაავადების გამწვავებაზე. ასეთ შემთხვევებში საჭიროა პაციენტის მკურნალობის გეგმის გადახედვა. ბრონქული ასთმის უეცარი და პროგრესირებადი გაუარესება შეიძლება წარმოადგენდეს საფრთხეს პაციენტის სიცოცხლისთვის, ამიტომ, მსგავს სიტუაციებში საჭიროა სასწრაფოდ საკითხის გადაწყვეტა გლუკოკორტიკოსტეროიდების დანიშვნის ან დოზის გაზრდის შესახებ. ასეთ პაციენტებში რეკომენდებულიია ამოსუნთქვის პიკური სიჩქარის ყოველდღიური მონიტორინგი. 

სალბუტამოლი სიფრთხილით გამოიყენება პაციენტებში თირეოტოქსიკოზით. 

β2-ადრენორეცეპტორების აგონისტებით თერაპიამ, განსაკუთრებით მათი შეყვანისას პარენტერალურად ან ნებულაიზერის დახმარებით, შეიძლება გამოიწვიოს ჰიპოკალიემია. განსაკუთრებული სიფრთხილეა საჭირო ბრონქული ასთმის მძიმე შეტევების მკურნალობისას, რადგანაც ამ შემთხვევებში ჰიპოკალიემია შეიძლება გაძლიერდეს ქსანტინის წარმოებულების, გლუკოკორტიკოიდების, დიურეტიკების ერთდროული გამოყენების შედეგად, ასევე ჰიპოქსიის გამო. ასეთ სიტუაციებში აუცილებელია სისხლის შრატში კალიუმის დონის კონტროლი. 

პრეპარატის ზეგავლენა ავტოტრანსპორტის და მექანიზმების მართვის უნარზე

არ არსებობს მონაცემები პრეპარატ სალბუტამოლის ზეგავლენის შესახებ ავტოტრანსპორტის და/ან სხვა მექანიზმების მართვის უნარზე.

პრეპარატის გამოყენება ორსულობის დროს და ლაქტაციის პერიოდში

პრეპარატის გამოყენება ამ კატეგორიის პაციენტებში შესაძლებელია მხოლოდ იმ შემთხვევაში, როდესაც  მოსალოდნელი სარგებელი დედისთვის აღემატება პოტენციურ რისკს ნაყოფისთვის ან ჩვილისათვის.

გამოყენება პედიატრიაში

პრეპარატის გამოყენება არ არის რეკომენდებული 2 წლამდე ასაკის ბავშვებში. 

ურთიერთქმედება სხვა სამკურნალო საშუალებებთან

არ არის რეკომენდებული სალბუტამოლის და β-ადრენორეცეპტორების არასელექციური ბლოკატორების, როგორიცაა პროპრანოლოლი, ერთდროულად გამოყენება. 

სალბუტამოლი არ არის უკუნაჩვენები პაციენტებისთვის, რომლებიც იღებენ მონოამინოოქსიდაზას ინჰიბიტორებს. 

თეოფილინი და სხვა ქსანტინები ერთდროულად გამოყენებისას ზრდიან ტაქიარითმიის განვითარების ალბათობას; საინჰალაციო ანესთეზიის საშუალებები, ლევოდოპა - მძიმე პარკუჭოვანი არითმიებისა. ერთდროულმა დანიშვნამ ანტიქოლინერგულ საშუალებებთან (მათ შორის საინჰალაციოსთან) შეიძლება ხელი შეუწყოს თვალშიდა წნევის მომატებას. დიურეტიკები და გლუკოკორტიკოსტეროიდები აძლიერებენ სალბუტამოლის ჰოპოკალიემიურ მოქმედებას. 

დოზის გადაჭარბება

სიმპტომები: ჰიპოკალიემია, არტერიული წნევის დაქვეითება, ტაქიკარდია, კუნთების ტრემორი, გულისრევა, ღებინება; ნაკლებად ხშირი - აგზნება, ჰიპერკალიემია, რესპირატორული ალკალოზი, ჰიპოქსემია, თავის ტკივილი; იშვიათი - ჰალუცინაციები, კრუნჩხვები, ტაქიარითმია, პარკუჭების თრთოლვა, პერიფერიული სისხლძარღვების გაფართოება. 

მკურნალობა: დოზის გადაჭარბებაზე ეჭვის შემთხვევაში საჭიროა სისხლის შრატში კალიუმის დონის კონტროლი. ანტიდოტებია კარდიოსელექციური β-ადრენობლოკატორები. მაგრამ β-ადრენორეცეპტორების ბლოკატორები სიფრთხილით უნდა იქნას გამოყენებული პაციენტებში ანამნეზში ბრონქოსპაზმის შეტევებით. 

გამოშვების ფორმა

საინჰალაციო აეროზოლი დოზირებული, 200 დოზა მეტალის ინჰალატორში, რომელიც აღჭურვილია დოზირების მოწყობილობით დოზების რაოდენობათა ინდიკატორით ან მის გარეშე.

მუყაოს კოლოფში მოთავსებულია ინჰალატორი დამცავი სახურავით აღჭურვილ საფრქვეველასთან და გამოყენების ინსტრუქციასთან ერთად. 

შენახვის პირობები

ინახება სინათლისაგან დაცულ ადგილას არა უმეტეს 25°C ტემპერატურაზე. 

ინახება ბავშვებისთვის ხელმიუწვდომელ ადგილას!

არ გაყინოთ. 

ვარგისობის ვადა

3 წელი წარმოების თარიღიდან.

ნუ გამოიყენებთ ვარგისობის ვადის ამოწურვის შემდეგ. 

აფთიაქიდან გაცემის პირობები

ფარმაცევტული პროდუქტის ჯგუფი II, გაიცემა ფორმა #3 რეცეპტით.

(გადაუდებელი დახმარების დროს გაიცემა რეცეპტის გარეშე).

სპაზმომენი 

1. სპაზმომენის®  აღწერა და გამოყენება

სპაზმომენის®  ტაბლეტები შეიცავს სამკურნალო ნივთიერებას სახელწოდებით ოტილონიუმის ბრომიდი. ის მიეკუთვნება სამკურნალო საშუალებების ჯგუფს სახელწოდებით სპაზმოლიტიკები.

სპაზმომენი® მოქმედებს საჭმლის მომნელებელი ტრაქტის მუსკულატურაზე, ამცირებს ნაწლავის სპაზმს და აწესრიგებს მის ზედმეტ მოძრაობით აქტივობას (მაგალითად, ნაწლავის კუნთების ზედმეტად ინტენსიური კუმშვადობის და ამ შეკუმშვათა სიხშირის შემცირებით).

სპაზმომენი® გამოიყენება გაღიზიანებული ნაწლავის სინდრომის  და კუჭ-ნაწლავის ტრაქტის სხვა მდგომარეობების სამკურნალოდ, რომლებსაც ახასიათებს ნაწლავის მტკივნეული სპაზმი, მუცლის შებერილობა და ნაწლავის მოძრაობითი აქტივობის დარღვევა.

მიმართეთ ექიმს, თუ არ გრძნობთ თავს უკეთ ან გრძნობთ მდგომარეობის გაუარესებას.

2. რა უნდა ვიცოდეთ სპაზმომენის®  მიღებამდე

სპაზმომენის®  მიღება არ შეიძლება შემდეგ შემთხვევებში:

- ალერგია  (მომატებული  მგრძნობელობა)  ოტილონიუმის  ბრომიდის  ან პრეპარატ სპაზმომენის®  ნებისმიერი სხვა დამხმარე ნივთიერების მიმართ (იხილეთ პ. 6 და პ.

2 - ბოლოში).

გაფრთხილება და სიფრთხილის ზომები:

პრეპარატ სპაზმომენის®  მიღებამდე კონსულტაცია გაიარეთ ექიმთან ან ფარმაცევტთან.

- გლაუკომა (თვალის დაავადება, რომელსაც თან ახლავს მომატებული თვალშიდა წნევა),

- წინამდებარე ჯირკვლის გადიდება (ეგრედ წოდებული პროსტატის ჰიპერტროფია),

- კუჭიდან ნაწლავში შესასვლელის შევიწროება (პილოროსტენოზი).

სხვა სამკურნალო საშუალებებისა და სპაზმომენის®  გამოყენება

აცნობეთ მკურნალ ექიმს ან ფარმაცევტს, თუ იღებთ ან ახლო წარსულში იღებდით ნებისმიერ სხვა სამკურნალო საშუალებას.

შეტყობინებები სპაზმომენისა® და სხვა სამკურნალო საშუალებების ურთიერთქმედების შესახებ მიღებული არ არის.

სპაზმომენის®  მიღება საკვებთან და სასმელთან ერთად

სასურველია სპაზმომენის®  მიღება საკვების მიღებამდე 20 წუთით ადრე.

გამოყენება ორსულობის და ძუძუთი კვების პერიოდში

სპაზმომენი®  არ გამოიყენება ორსულობის პერიოდში და ძუძუთი კვების დროს - გარდა იმ შემთხვევებისა, როდესაც ექიმი მიიღებს გადაწყვეტილებას პრეპარატის მიღების აუცილებლობის შესახებ და თქვენ იმყოფებით მისი დაკვირვების ქვეშ.

ნებისმიერი სამკურნალო საშუალების მიღებამდე კონსულტაცია გაიარეთ ექიმთან ან ფარმაცევტთან.

ზემოქმედება  სატრანსპორტო  საშუალებების  მართვის  და  მექანიზმებთან  მუშაობის უნარზე

სპაზმომენის®   გავლენა ავტომობილის მართვის ან მექანიზმებთან მუშაობის უნარზე მოსალოდნელი არ არის.

პრეპარატი სპაზმომენი®  შეიცავს ლაქტოზას, რომელიც წარმოადგენს შაქრის სახეობას (რძის შაქარი). თუ მკურნალი ექიმისგან თქვენთვის ცნობილია შაქრის ზოგიერთი სახეობის მიმართ აუტანლობის შესახებ, მოცემული სამკურნალო საშუალების მიღების დაწყებამდე კონსულტაცია გაიარეთ მასთან.

3. სპაზმომენის®  მიღების წესი 

მოცემული სამკურნალო საშუალება ყოველთვის მიიღეთ მოცემულ ჩანართში აღწერილი ინფორმაციის ან თქვენი ექიმის თუ ფარმაცევტის  მითითების  ზუსტად  დაცვით. პრეპარატის მიღების შესახებ ეჭვის შემთხვევაში, მიმართეთ ექიმს ან ფარმაცევტს.

მოზრდილები და ხანდაზმული პაციენტები: თითო ტაბლეტი 2-3 ჯერ დღე-ღამეში, მკურნალი ექიმის მითითებების დაცვით. ტაბლეტები მიიღება წყლის მიყოლებით, სასურველია საკვების მიღებამდე 20 წუთით ადრე; ტაბლეტები არ გადატეხოთ, არ დაფშვნათ და არ დაღეჭოთ.

გამოყენება ბავშვებში: მოცემული ტაბლეტები არ არის განკუთვნილი ბავშვებში გამოსაყენებლად.

თუ თქვენ გადააჭარბეთ სპაზმომენის®  რეკომენდებულ დოზას

შეტყობინებები სპაზმომენის®  დოზის გადაჭარბების შესახებ არ არის მიღებული.

მაგრამ, თუ თქვენ გადააჭარბეთ რეკომენდებულ დოზას და თავს გრძნობთ ცუდად, აცნობეთ აღნიშნულის შესახებ მკურნალ ექიმს ან მიმართეთ უახლოეს სამედიცინო დაწესებულებას (თან იქონიეთ მოცემული ჩანართი და/ან შეფუთვა).

თუ დაგავიწყდათ სპაზმომენის®  მიღება

თუ დაგავიწყდათ სპაზმომენის®    დროულად მიღება, მიიღეთ გამოტოვებული დოზა როგორც კი გაგახსენდებათ. ნებისმიერ შემთხვევაში, არ მიიღოთ ორმაგი დოზა გამოტოვებულის საკომპენსაციოდ.

მოცემულ პრეპარატთან დაკავშირებით დამატებითი კითხვების შემთხვევაში, კონსულტაციისთვის მიმართეთ მკურნალ ექიმს ან ფარმაცევტს.

4. შესაძლო გვერდითი მოქმედება

როგორც ყველა სამკურნალო საშუალებას, მოცემულ პრეპარატსაც შეიძლება ჰქონდეს გვერდითი მოქმედება, თუმცა ის არ ვლინდება ყველა პაციენტში.

რეკომენდებული დოზებით კლინიკური გამოყენებისას სპაზმომენი®  არ იწვევდა გვერდით მოქმედებებს.

შეწყვიტეთ ტაბლეტების მიღება და დაუყოვნებლივ მიმართეთ სამედიცინო დახმარებისთვის, რომელიმე ქვემოთ მითითებული დარღვევის განვითარების შემთხვევაში, რომელიც შეიძლება იყოს ალერგიული რეაქციის ნიშანი:

- სუნთქვის ან ყლაპვის გაძნელება, სახის, ტუჩების, ენის ან ყელის შესიება;

- კანის გამოხატული ქავილი წითელი გამონაყარით და კანის ზედაპირიდან ოდნავ ამოწეული გამონაყარით.

გვერდითი  მოქმედება,  რომელიც  ვლინდება  ძალიან  იშვიათად  (შეიძლება  აღინიშნოს

10000 პაციენტიდან  1-ში) ძალიან იშვიათ შემთხვევებში აღინიშნებოდა კანის ალერგიული რეაქციები გამონაყარის სახით (ჭინჭრის ციება).

შეტყობინება გვერდითი მოქმედებების შესახებ

რომელიმე გვერდითი მოქმედების გამოვლენის შემთხვევაში მიმართეთ თქვენ ექიმს ან ფარმაცევტს. ეს ეხება ნებისმიერ შესაძლო გვერდით მოქმედებას - მათ შორის ისეთებს, რომლებიც არ არის მითითებული მოცემულ ჩანართში. აგრეთვე, გვერდითი მოქმედებების შესახებ  ინფორმაციის  გაგზავნა  შეიძლება  პირდაპირ  შეტყობინებების  ეროვნული სისტემის მეშვეობით, რომელიც მითითებულია დანართში V*. გვერდითი მოქმედებების შესახებ ინფორმაციის გაგზავნით თქვენ დაგვეხმარებით მოცემული სამკურნალო საშუალების უსაფრთხოების შესახებ მეტი ინფორმაციის მიღებაში.

5. სპაზმომენის®  შენახვის პირობები

მოცემული სამკურნალო საშუალება შეინახეთ ბავშვებისათვის მიუწვდომელ ადგილას.

მოცემული პრეპარატი არ საჭიროებს შენახვის განსაკუთრებულ პირობებს.

პრეპარატი არ გამოიყენოთ  ვარგისიანობის ვადის გასვლის შემდეგ, რომელიც მითითებულია  მუყაოს კოლოფზე  და ბლისტერზე წარწერა ~ვარგისია~-ს  შემდეგ. ვარგისიანობის ვადის გასვლის თარიღი გულისხმობს მითითებული თვის ბოლო დღეს.

არ გადააგდოთ სამკურნალო საშუალებები  კანალიზაციის  მილში  ან  ნაგავთან. პრეპარატის უტილიზაციის საკითხთან   დაკავშირებით მიმართეთ ფარმაცევტს. აღნიშნული ზომები ხელს შეუწყობს გარემოს დაცვას.

6. შეფუთვა და დამატებითი ინფორმაცია

პრეპარატ სპაზმომენის®  შემადგენლობა

- მოქმედი ნივთიერება არის ოტილონიუმის  ბრომიდი (40 მგ აპკისებრი გარსით

დაფარულ ერთ ტაბლეტზე).

- სხვა კომპონენტები: ლაქტოზის მონოჰიდრატი, ბრინჯის სახამებელი, ნატრიუმის სახამებელ გლიკოლატი A, მაგნიუმის სტეარატი, ჰიპრომელოზა, ტიტანის დიოქსიდი, მაკროგოლი (შეესაბამება  პოლიეთილენგლიკოლს  4000 და პოლიეთილენგლიკოლს 6000), ტალკი (დამატებითი ინფორმაცია ლაქტოზასთან დაკავშირებით იხილეთ პარაგრაფში 2).

სპაზმომენის®  აღწერა და შეფუთვა

სამკურნალწამლო ფორმა წარმოადგენს თეთრი ან თითქმის თეთრი ფერის მრგვალ, ორმხრივამობურცულ აპკისებრი გარსით დაფარულ ტაბლეტებს. თითო ტაბლეტი შეიცავს 40 მგ ოტილონიუმის ბრომიდს.

მუყაოს კოლოფში მოთავსებულია 30 აპკისებრი გარსით დაფარული ტაბლეტი პვქ-პვდქ და ალუმინის ბლისტერში.

შეფუთვაში მოთავსებულია სპაზმომენის®  30 აპკისებრი გარსით დაფარული ტაბლეტი. შეიძლება ბაზარზე ყველა სახის შეფუთვა არ იყოს წარმოდგენილი.

ვარგისიანობის ვადა: 36 თვე.

გაცემის  პირობები:  ფარმაცევტული პროდუქტის ჯგუფი II, გაიცემა ფორმა N3 რეცეპტით.

დუფალაკი სიროფი 667გ/ლ
(Lactuloza)

შემადგენლობა: სიროფი 200მლ, 100მლ შეიცავს 67გ ლაქტულოზას (667გ/ლ)

ფარმაკოლოგიური ჯგუფი: ოსმოსური მოქმედების საფაღარათო საშუალება

ფარმაკოლოგიური მოქმედებები: ლაქტულოზა წარმოადგენს ნახევრადსინთეზურ დისაქარიდს, რომელიც შედგება 1 მოლეკულა გალაქტოზისა და 1 მოლეკულა ფრუქტოზისაგან. იგი მიღების შემდეგ უცვლელი სახით აღწევს მსხვილ ნაწლავში, ვინაიდან წვრილი ნაწლავი არ შეიცავს ენზიმებს, რომლებიც შლიან ლაქტულოზას. მსხვილ ნაწლავში ლაქტულოზას დაშლის შედეგად წარმოიქმნება მოკლე ჯაჭვის რიგის მქონე კარბონის მჟავები, რომლებიც ამცირებენ ნაწლავის შიდა pH –ის დონეს, ზრდიან ნაწლავის შიგთავსის ოსმოსურ წნევას. ლაქტულოზა ამცირებს თავისუფალი ამიაკის და სხვა ტოქსიკური ნივთიერებებს განვითარებას, უზრუნველყოფს ორგანიზმიდან მათ სწრაფ გამოყოფას. ამგვარად, ლაქტულოზა თავის თავზე იღებს ღვიძლის მუშაობის ნაწილს და ანეიტრალებს ტოქსიკურ ნივთიერებებს, რაც განსაკუთრებით მნიშვნელოვანია ღვიძლის დაავადებების დროს. როდესაც ამ უკანასკნელს აღნიშნული ფუნქციის უნარი არ შესწევს, ეს იწვევს ტოქსიკური ნივთიერებების თავისუფალ სისხლმიმოქცევაში მოხვედრას, ჰემატოენცეფალურ ბარიერში შეღწევას და ღვიძლისმიერი ენცეფალოპათიის განვითარებას. ლაქტულოზა ასტიმულირებს ნაწლავის მოტორიკას, იწვევს ჰიმუსის გათხევადებასა და მისი მოცულობის მომატებას. მისი საფაღარათო ეფექტი ვლინდება 1-3 დღის შემდეგ. ამის გარდა, ლაქტულოზა განავალთან ერთად გამოყოფს ნაღვლის მჟავებს, რაც იწვევს სისხლსა და ნაღველში ქოლესტერინის დონის შემცირებას. მას ასევე შესწევს მსხვილ ნაწლავში სალმონელას ზრდის ინჰიბირების უნარი. იგი არ ამცირებს ვიტამინებისა და მინერალების აბსორბციას და არ იწვევს შეჩვევას (არ გააჩნია მოხსნის სინდრომი).

ჩვენება: ღვიძლის ქრონიკული დაავადებები; ღვიძლისმიერი ენცეფალოპათიის მკურნალობა და პროფილაქტიკა (მათ შორის ღვიძლის პრეკომა და კომა); ნაწლავის მიკროფლორის ნორმალური შემადგენლობის აღდგენა ანტიბიოტიკოთერაპიის, სხივური და ქიმიოთერაპიის შემდეგ; ახალშობილებსა და ბავშვებში ნორმალური ნაწლავური მიკროფლორის ფორმირება და აღდგენა (საკეისრო კვეთა, ხელოვნური კვება), დედის ინფიცირებული რძით კვების დროს დისბაქტერიოზის განვითარების პროფილაქტიკა; ნაღვლ-კენჭოვანი დაავადება; ჰიპერქოლესტერინემია; ქრონიკული ყაბზობა (როგორც ბავშვებში, ასევე მოზრდილებში); ყაბზობა ორსულობის პერიოდში (II ტრიმესტრი); სალმონელური მატარებლობის დროს; ალკოჰოლური სასმელების ბოროტად გამოყენება.

წინააღმდეგჩვენებები:
გასტროინტესტინური ობსტრუქცია, როდესაც გალაქტოზას გამოყენება წინააღმდეგნაჩვენებია. გალაქტოზემია

განსაკუთრებული მითითებები: ორსულობის I ტრიმესტრში პრეპარატი გამოიყენება მხოლოდ ექიმის რეკომენდაციით; მონაცემები ლაქტულოზას დედის რძეში გადასვლის შესახებ არ არსებობს, მიუხედავად ამისა, ლაქტაციის პერიოდში იგი ინიშნება მხოლოდ ექიმის რეკომენდაციით; პრეპარატი არ შეიცავს შაქარს, მგრამ იგი სიფრთხილით ინიშნება შაქრიანი დიაბეტით შეპყრობილ პაციენტებში; თითოეული პაციენტისათვის დოზა დგინდება ინდივიდუალურად; პრეპარატისა და ანტაციდური საშუალებების ერთდროული გამოყენებისას პრეპარატის მოქმედება მცირდება; 

მიღების წესი და დოზირება: პრეპარატი მიიღება პერორალურად. ბავშვებში 3 წლამდე 5მლ, 3-6 წლამდე 10მლ, 6-12 წლამდე 15 მლ, 12 წლის ზევით და მოზრდილებში 15-45 მლ. შესაძლებელია პრეპარატის გამოყენება ორსულობის და ლაქტაციის პერიოდში

გვერდითი მოვლენები: პრეპარატით მკურნალობის დასაწყისში და მისი მაღალი დოზით გამოყენებისას შეიძლება აღინიშნოს: მეტეორიზმი, ბოყინი, სპაზმები, მუცლის არეში ტკივილი.
ვარგისიანობის ვადა: 3 წელი

მწარმოებელი: ჰოლანდია, SOLVAY PHARMA

ქვეყანა: ესპანეთი

მწარმოებელი: ალდო

გაცემის ფორმა: II ჯგუფი რეცეპტული

ქვეყანა: უკრაინა

მწარმოებელი: ხარკოვი მიკროფარმი

გაცემის ფორმა: II ჯგუფი რეცეპტული

ქვეყანა: ნიდერლანდები

მწარმოებელი: ებოტ ბიოლოჯიქალს

გაცემის ფორმა: III ჯგუფი ურეცეპტო

პესტო
(PESTO)

ზოგადი დახასიათება:
არაპატენტირებული საერთაშორისო დასახელება:  ჰიოსცინის ბუთილბრომიდი;
ძირითადი ფიზიკურ-ქიმიური თვისებები:
ტაბლეტები: მოთეთრო ფერის, მრგვალი ფორმის, შაქრიანი გარსის მქონე ტაბლეტები ორმხრივ ამოზნექილი ზედაპირით.
საინექციო ხსნარი: გამჭვირვალე უფერო ხსნარი.
შემადგენლობა:   
1 შაქრიანი გარსის მქონე ტაბლეტი შეიცავს:
ჰიოსცინის ბუთილბრომიდს – 10 მგ;
დამხმარე ნივთიერებები: სიმინდის სახამებელი, კალციუმის ორფუძიანი ფოსფატი, მიკროკრისტალური ცელულოზა, მეთილპარაბენი, პროპილპარაბენი, გასუფთავებული ტალკი, მაგნიუმის სტეარატი, ნატრიუმის სახამებლის გლიკოლატი, შაქარი, ჟელატინი, შელაქი, გუმიარაბიკი, ფუტკრის ცვილი, ტიტანის ორჟანგი.

საინექციო ხსნარის 1 მლ შეიცავს:
ჰიოსცინის ბუთილბრომიდს – 20 მგ.
დამხმარე ნივთიერებები: ქლორბუთოლი, ნატრიუმის მეტაბისულფიტი, დინატრიუმის ედეტატი, ტრინატრიუმის ციტრატი, საინექციო წყალი.

გამოშვების ფორმა:
შაქრიანი გარსის მქონე ტაბლეტები 10 მგ.
საინექციო ხსნარი 20 მგ/მლ.

ფარმაკოლოგიური ჯგუფი:
სპაზმოლიზური და ქოლინომაბლოკირებელი საშუალება. A03BB01.

ფარმაკოლოგიური თვისებები:
ჰიოსცინის ბუთილბრომიდი წარმოადგენს შმაგას ნახევრადსინთეზურ ალკალოიდს, გააჩნია M-ქოლინომაბლოკირებელი მოქმედება. ჰიოსცინის ბუთილბრომიდი ავლენს სპაზმოლიზურ მოქმედებას კუჭ-ნაწლავის ტრაქტის, სანაღვლე გზებისა და შარდ-სასქესო სისტემის გლუვ მუსკულატურაზე. ჰიოსცინის ბუთილბრომიდი არ გადის ჰემატოენცეფალურ ბარიერს, შესაბამისად, არ ავლენს ანტიქოლინერგულ მოქმედებას ცნს-ზე.        

ფარმაკოკინეტიკა:
პერორალურად მიღებისას ჰიოსცინის ბუთილბრომიდის 8% შეიწოვება კუჭ-ნაწლავის ტრაქტიდან, რომლის 10% უკავშირდება პლაზმის ცილებს. პრეპარატი ძირითადად კონცენტრირდება კუჭ-ნაწლავის ტრაქტში, ნაღვლის ბუშტში, სანაღვლე გზებში, ღვიძლსა და თირკმელში. ნაწილობრივ მეტაბოლიზდება ღვიძლში.
ინტრავენურად შეყვანისას ჰიოსცინის ბუთილბრომიდი სწრაფად ნაწილდება ქსოვილებში. ნეხევარგამოყოფის ტერმინალური პერიოდი (t1/2γ) შეადგენს დაახლოებით 5 სთ-ს. ჰიოსცინის ბუთილბრომიდს გააჩნია პლაზმის ცილებთან დაკავშირების დაბალი პროცენტული მაჩვენებელი. სრული კლირენსია  ლ.2 ლ/წთ-ში,  რომლის ნახევარს შეადგენს თირკმლის კლირენსი.

ჩვენება:
თირკმლის კოლიკა, შარდსაწვეთების სპაზმი, ნაღვლის ბუშტის კოლიკა. ნაღვლის ბუშტისა და სანაღვლე გზების ჰიპერმოტორული დისკინეზია, ქოლეცისტიტი, ნაწლავის სპაზმური ტკივილი, პილოროსპაზმი, კუჭისა და თორმეტგოჯა ნაწლავის წყლულოვანი დაავადება გამწვავების ფაზაში, დისმენორეა.
    დიაგნოსტიკური და სამკურნალო პროცედურების განხორციელება, რომელთა შესრულებაც გართულებულია არსებული სპაზმის გამო (გასტროდუოდენოსკოპია, რენტგენოლოგიური გამოკვლევები და სხვა).

მიღების წესი და დოზირება:
პერორალურად: მოზრდილებსა და 12 წლის ასაკის ზევით ბავშვებში ინიშნება 2 ტაბლეტი 4-ჯერ დღეში მცირე რაოდენობის სითხესთან ერთად. ბავშვებში 6-დან 12 წლამდე ინიშნება 1 ტაბლეტი 3-ჯერ დღეში.
პარენტერალურად: პესტო ინიშნება ინტრავენურად (ნელი შეყვანით, წინასწარ განზავებული სტერილურ საინექციო წყალში), კუნთში ან კანქვეშ.  
12 წლის ასაკის ზევით პაციენტებში ინიშნება 1 ამპულა, საჭიროებისას შესაძლებელია მისი განმეორება ნახევარ საათში. მაქსიმალური დღიური დოზა შეადგენს 100 მგ-ს.
მძიმე მდგომარეობისას პესტო ინიშნება 12 წლამდე ბავშვებში 0.3-0.6 მგ/კგ სხეულის მასაზე  რამოდენიმეჯერ დღეში. მაქსიმალური დღიური დოზა შეადგენს 1.2 მგ/კგ სხეულის მასაზე.
არ არის რეკომენდებული დღიური დოზის გადაჭარბება.

გვერდითი მოვლენები:
შესაძლოა განვითარდეს ანტიქოლინერგული გვერდითი ეფექტები: პირის სიმშრალე,
დისჰიდროზი, აკომოდაციის დარღვევა, თვალშიდა წნევის მომატება, მიდრიაზი, ტაქიკარდია, შარდის შეკავება, რომელიც სუსტად არის გამოხატული და თავისით ქრება.
იშვიათად შეიძლება აღინიშნოს თავბრუსხვევა, ჰიპოტენზია, შეკრულობა, ცნობიერების დაბინდვა და ჰიპერემია.
იშვიათად შესაძლებელია ალერგიული რეაქციის განვითარება პრეპარატის შემადგენელ კომპონენტებზე. 

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ, მიასთენია, მეგაკოლონი, დახურულკუთხოვანი გლაუკომა. პარენტერალურად პესტო არ ინიშნება ტაქიკარდიის, შარდის შეკავებით მიმდინარე წინამდებარე ჯირკვლის ჰიპერტროფიის, ნაწლავის მექანიკური და პარალიზური გაუვალობის დროს.

ურთიერთქმედება სხვა სამკურნალო საშუალებებთან:
პესტომ შესაძლოა გააძლიეროს ტრიციკლური ანტიდეპრესანტების, ანტიჰისტამინური საშუალებების, ქინიდინის, ამანტადინის, დიზოპირამიდის ანტიქოლინერგული მოქმედება.
პესტოს მიღებისას ძლიერდება ბეტა-ადრენომიმეტური საშუალებებით გამოწვეული ტაქიკარდია.
დოფამინის ანტაგონისტებისა (მაგ. მეტოკლოპრამიდი) და პესტოს ერთდროული გამოყენება იწვევს ორივე საშუალების მოქმედების შესუსტებას კუჭ-ნაწლავის ტრაქტზე.

ჰიპერდოზირება:
შესაძლოა განვითარდეს შარდის შეკავება, პირის სიმშრალე, კანის შეწითლება და სიმშრალე, ყლაპვისა და მეტყველების დარღვევა, ტაქიკარდია, კუჭ-ნაწლავის ტრაქტის მოტორიკის დათრგუნვა, ფოტოფობია, მხედველობის გარდამავალი დარღვევა, ჰიპერთერმია, ჰალუცინაციები, კრუნჩხვები, მეხსიერების და ორიენტაციის დარღვევა, ცნს-ის დათრგუნვა და ჩეინ-სტოქსის სუნთქვა. 
მკურნალობა: პერორალური ჰიპერდოზირებისას რეკომენდებულია კუჭის ამორეცხვა გააქტივებული ნახშირით და შემდეგ 15% მაგნიუმის სულფატით. გამოიყენება ქოლინომიმეტური საშუალებები. გლაუკომით დაავადებულ პაციენტებს ადგილობრივად უნიშნავენ პილოკარპინს. აუცილებლობის შემთხვევაში შეყავთ ნეოსტიგმინის 0.5-2.5 მგ კუნთში ან ვენაში. გულ-სისხლძარღვთა სისტემის მხრივ გართულებების მკურნალობა ხდება ჩვეულებრივი თერაპიული მეთოდებით.
სასუნთქი სისტემის მუსკულატურის პარეზის შემთხვევაში საჭიროა ინტუბაციის ჩატარება, ფილტვების ხელოვნური ვენტილაცია. შარდის შეკავებისას ახორციელებენ შარდის ბუშტის კათეტერიზაციას. ტარდება შემანარჩუნებელი თერაპია.    

ორსულობა და ლაქტაცია:
პრეპარატი არ გამოიყენება ორსულობის პერიოდში, განსაკუთრებით I ტრიმესტრში.
ორსულობის დროს პესტოს გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად აღემატება ნაყოფზე მოსალოდნელი უარყოფითი მოქმედების რისკს.
პრეპარატის უსაფრთხოება ლაქტაციის პერიოდში არ არის დადგენილი.

გამოყენების თავისებურებები:
ანტიქოლინერგული გამოვლინებების განვითარების პოტენციური რისკის არსებობის გამო პესტო სიფრთხილით ინიშნება ნაწლავის გაუვალობასა (სპასტიურის გარდა) და საშარდე გზების ობსტრუქციაზე (მაგ. წინამდებარე ჯირკვლის ადენომა) ეჭვის არსებობისას, ასევე  ტაქიარითმიისადმი მიდრეკილებისა (მაგ. მოციმციმე არითმია) და  მაღალი ტემპერატურის დროს.
არადიაგნოსტირებული დახურულკუთხოვანი გლაუკომის მქონე პაციენტებმა დაუყოვნებლივ უნდა მიმართონ ოფთალმოლოგს,  თუ ინექციის შემდეგ მოიმატებს თვალშიდა წნევა, რაც   გამოვლინდება მხედველობის დარღვევით, თვალის ტკივილითა და შეწითლებით.
პესტოს პარენტერალური შეყვანისას ანაფილაქსიური რეაქციის (შოკის ჩათვლით) განვითარების რისკის გამო მკურნალობის პერიოდში აუცილებელია პაციენტზე მეთვალყურეობა.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის გამოყენებისას საჭიროა თავის არიდება იმ ქმედებებისაგან, რომლებიც მოითხოვენ ყურადღებასა და სწრაფ ფსიქომოტორულ რეაქციებს.

შეფუთვა:
10 ტაბლეტი კონტურულ უჯრედოვან შეფუთვაში, 10 კონტურული შეფუთვა მუყაოს კოლოფში.
1 მლ საინექციო ხსნარი ნარინჯისფერ მინის ამპულაში, 10 ამპულა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას. დაუშვებელია საინექციო ხსნარის გაყინვა.  
  
ვარგისიანობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.