ქალმენი /CALMEN

შემადგენლობა:

1 ტაბლეტი ქალმენი შეიცავს:

ბარამბოს მშრალი წყალ-სპირტოვანი ექსტრაქტი – 150 მგ

კუნელის მშრალი წყალ-სპირტოვანი ექსტრაქტი – 150 მგ

კრაზანას მშრალი წყალ-სპირტოვანი ექსტრაქტი – 100 მგ

მაგნიუმი (Mg) (მაგნიუმის ციტრატის სახით) – 200 მგ  

ვიტამინი B₆ (პირიდოქსინის ჰიდროქლორიდი) – 5 მგ

ფარმაკოთერაპიული ჯგუფი:

მცენარეული წარმოშობის სედაციური საშუალება, რომელიც ახდენს მაგნიუმისა და ვიტამინი B₆-ის დეფიციტის შევსებას.

ფარმაკოლოგიური მოქმედება:

ბარამბოს ექსტრაქტი:

ბარამბოს ექტრაქტი შეიცავს ფლავანოიდებს, ორგანულ მჟავებს, მთრიმლავ ნივთიერებებს, ალკალოიდებს, ასევე გაჯერებულია ვიტამინებითა და მინერალებით.

ბარამბოს ექსტრაქტში შემავალი აქტიური ნივთიერებები განაპირობებენ შემდეგ ეფექტებს: ციტრონელალი – სედაციურ, გერანოილი – სპაზმოლიზურ, ფენილპროპანოიდები – ანტიოქსიდანტურ და ანტიმიკრობულ, ტანინი – ანტიოქსიდანტურ და ანტიკანცეროგენულ მოქმედებას. ფლავანოიდებს გააჩნიათ შიშის, შფოთვისა და პანიკის შეტევების საწინააღმდეგო ეფექტი.

ბარამბოს ექსტრაქტისთვის ასევე დამახასიათებელია ღებინების საწინააღმდეგო მოქმედება, მცირედ გამოხატული შარდმდენი და მადის მარეგულირებელი თვისებები.

კუნელის ექსტრაქტი:

კუნელის ექსტრაქტი შეიცავს ფლავანოიდებს, ქოლინს, აცეტილქოლინს, მთრიმლავ ნივთიერებებს, ფიტოსერინებს, ტრიტერპენულ ნაერთებს, ორგანულ მჟავებს, ვიტამინებსა და მინერალებს.

ქოლინი შედის მიელოიდური გარსის შემადგენლობაში, განაპირობებს მიელინის გარსის დაცვას. ქოლინი წარმოადგენს აცეტილქოლინის წინამორბედს, მნიშვნელოვანია ნერვ-კუნთოვანი გადაცემისთვის, აუმჯობესებს ხანმოკლე მეხსიერებას და კოგნიტურ ფუნქციებს. ქოლინი თრგუნავს ორგანიზმში ჰომოცისტეინის წარმოქმნას, რაც ამცირებს გულ-სისხლძარღვთა პათოლოგიის განვითარების რისკს.

კუნელში შემავალი ფლავანოიდები განაპირობებენ მსუბუქ სედაციურ და სპაზმოლიზურ ეფექტს, წარმოადგენენ ანტიოქსიდანტებს, ხოლო მასში შემავალი გლიკოზიდები აუმჯობესებენ გულისა და სისხლძარღვების ფუნქციებს.

კრაზანას ექსტრაქტი:

კრაზანას ექსტრაქტს გააჩნია გამოხატული ანტიდეპრესიული, ანქსიოლიზური და სედაციური ეფექტი. აუმჯობესებს გუნება-განწყობას, ზრდის გონებრივ და ფიზიკურ შრომისუნარიანობას, აწესრიგებს ძილ-ღვიძილის ფაზებს.

კრაზანას ექსტრაქტში შემავალი აქტიური ნივთიერება ახდენს ანტიდეპრესიულ მოქმედებას, ასევე განაპირობებს სედაციურ ეფექტს.

მასში შემავალი ფლავანოიდები აუმჯობესებენ გუნება-განწყობას, სტრესისადმი რეზისტენტობას, დასწავლის უნარს და მოტივაციას.

კრაზანას ექსტრაქტში შემავალი ფლავანოიდები და ალკალოიდები არეგულირებენ ნორადრენალინის კონცენტრაციას ცნს-ის სხვადასხვა უბანში, რითიც აიხსნება მისი შფოთვის საწინააღმდეგო ეფექტი.

მაგნიუმი (Mg):

მაგნიუმი წარმოადგენს ადამიანის ორგანიზმისთვის ერთ-ერთ ყველაზე მნიშვნელოვან ელემენტს. მაგნიუმი წარმოდგენილია ყველა უჯრედში და განაპირობებს მათ სასიცოცხლო ფუნქციებს.

მაგნიუმი მონაწილეობს ყველა ნეიროპეპტიდის სინთეზში ცნს და პნს-ში. მის კონცენტრაციაზეა დამოკიდებული გუნება-განწყობა, დასწავლა, ხასიათი, ემოცია, ძილი, მადა და ა.შ.

მაგნიუმი განაპირობებს ისეთი ელემენტების ტრანსპორტირებას და მათი კონცენტრაციის  შენარჩუნებას უჯრედშიდა და უჯრედგარე სივრცეში, როგორიცაა კალციუმი, ამიტომ მისი როლი უჯრედის ნორმალური ფუნქციონირებისთვის არის შეუცვლელი. ნერვ-კუნთოვანი გადაცემა და შეკავებითი პროცესები შეუძლებელია მაგნიუმის იონების გარეშე. 

ვიტამინი B₆ (პირიდოქსინი):

პირიდოქსინი აუცილებელი ვიტამინია ცნს-ის და პნს-ის ნორმალური ფუნქციონირებისთვის. მონაწილეობს ნეიროპეპტიდების სინთეზში და ტრანსპორტირებაში, უზრუნველყოფს ნერვული უჯრედების იმუნურ დაცვას და რეგენერაციას. 

პირიდოქსინი ასევე იღებს მონაწილეობას სისხლწარმოქმნისა და ცილების მეტაბოლიზმის პროცესში, მაგნიუმისა და ზოგიერთი მინერალის ათვისებისა და განაწილების პროცესში.

ფარმაკოკინეტიკა:

ქალმენი წარმოადგენს კომბინირებულ, მრავალკომპონენტიან პრეპარატს, ამიტომ მის ფარმაკოკინეტიკურ მაჩვენებლებზე დაკვირვება შეუძლებელია.

ჩვენებები:

•  მომატებული ნერვული აგზნებადობა;

•  დეპრესიული მგდომარეობები;

•  ნერვული დაძაბულობა;

•  შფოთვისა და პანიკის შეტევები;

•  ემოციური გადაღლილობა:

•  კლიმაქტერული ასაკისათვის დამახასიათებელი ნერვული აგზნებადობა;

•  ასთენიური მდგომარეობები;

•  სტრესის შემდგომი დაძაბულობა;

•  ძილის დარღვევები;

•  კუნთების ტკივილი და სპაზმი;

•  კუჭ-ნაწლავის სპაზმი;

•  ტაქიკარდია (გახშირებული გულისცემა).

უკუჩვენება:

პრეპარატის კომპონენტების მიმართ მომატებული მგრძნობელობა.

ბავშვთა ასაკი 12 წლამდე.

გვერდითი მოქმედება:

ქალმენი ჩვეულებრივ ადვილად აიტანება ორგანიზმის მიერ.

იშვიათად: ალერგიული რეაქციები.

მიღების წესი და დოზირება:

ქალმენი მიიღება პერორალურად, წყლის მიყოლებით. პრეპარატი გამოიყენება მოზრდილებში და ბავშვებში 12 წლის ასაკიდან.

ინიშნება 1 ტაბლეტი 2-3-ჯერ დღეში. მაქსიმალური სადღეღამისო დოზა შეადგენს 3 ტაბლეტს.

ძილის დარღვევების, უძილობის დროს ინიშნება 2 ტაბლეტი დაძინებამდე ნახევარი საათით ადრე.

ჭარბი დოზირება:

შესაძლოა გამოვლინდეს შემდეგი სიმპტომები: თავბრუსხვევა, სპაზმური ტკივილები მუცელში, მოჭერის შეგრძნება გულმკერდის არეში, გუგების გაფართოება, გულისრევა, ღებინება.

მკურნალობა: კუჭის ამორეცხვა, საჭიროების შემთხვევაში სიმპტომური თერაპია.

გამოყენების თავისებურებანი:

პრეპარატ ქალმენის გამოყენების ხანგრძლივობა შეზღუდული არ არის. პრეპარატის მიღების შეწყვეტის შემდეგ აბსტინენცია არ ვითარდება. პრეპარატის მიღების დროს არ არის რეკომენდებული ულტრაიისფერი სხივებით დასხივება (სოლარიუმი), ალკოჰოლის მიღება.  თუ გამოვლინდა სისუსტე და ძილიანობა, რეკომენდებულია თავი შეიკავოთ ავტომობილისა და მექანიზმების მართვისგან.

გამოყენება ორსულობისა და ლაქტაციის პერიოდში:

ქალმენის გამოყენებას ორსულობის (II და III ტრიმესტრი) და ლაქტაციის პერიოდში განსაზღვრავს მკურნალი ექიმი.

ურთიერთქმედება სხვა სამკურნალო საშუალებებთან:

ქალმენი აძლიერებს საგულე გლიკოზიდების, ტრანკვილიზატორების, ცნს-ზე დამთრგუნველად მოქმედი ნივთიერებების, ალკოჰოლის მოქმედებას.

გამოშვების ფორმა: 

ქალმენი N 30. ფურცელჩანართთან ერთად მუყაოს კოლოფში.

შენახვის პირობები:

შეინახეთ მშრალ, სინათლისაგან დაცულ, ბავშვებისათვის მიუწვდომელ ადგილას, 15-25⁰C ტემპერატურაზე.

შენახვის ვადა:

მითითებულია შეფუთვაზე და ბლისტერებზე. არ გამოიყენოთ შენახვის ვადის ამოწურვის შემდეგ.

აფთიაქიდან გაცემის პირობა:

გაიცემა რეცეპტის გარეშე (food supplement).

პროდუქტის და სავაჭრო მარკის მფლობელი კომპანია “WISEPHARMA” დიდი ბრიტანეთი. მწარმოებელი “GRICAR CHIMICAL” S.R.L. – იტალია.

ტანაკანი / TANAKAN

გენერიული დასახელება:

გინკგო ბილობა

შემადგენლობა:

40მგ ტაბლეტები:

1 ტაბ. შეიცავს: გინკგო ბილობას ექსტრაქტი სტანდარტიზებული და დაპატენტებული EGB 761-40მგ;

ძირითადი კომპონენტები: ფლავონოიდური გლიკოზიდები-24%; ტერპენები-6%; გინკგოლიდები A,B,ჩ;Eბილობალიდები; პროანტოციანიდინების შეზღუდული რაოდენობა; ორგანული მჟავები.

შემავსებლები:

ბირთვი: ლაქტოზა-82.500მგ; მონოკრისტალური ცელულოზა-50.000მგ; სიმინდის სახამებელი-37.000მგ; სილიციუმის კოლოიდური ანჰიდრიდი-28.000მგ; მაგნიუმის სტეარატი-1.250მგ.

გარსი: პოლიეთილენგლიკოლი 400-1.500მგ; მეთილჰიდროქსიპროპილცელულოზა-6.000მგ; ტიტანის დიოქსიდი-1.025მგ; რკინის წითელი ოქსიდი-0.650მგ.

30მლ ხსნარი

1მლ ხსნარი შეიცავს: გინკგო ბილობას ექსტრაქტი სტანდარტიზებული და დაპატენტებული EGბ 761-40მგ;

ძირითადი კომპონენტები: ფლავონოიდური გლიკოზიდები-24%; ტერპენები-6%; გინკგოლიდები A,B,ჩ;Eბილობალიდები; პროანტოციანიდინების შეზღუდული რაოდენობა; ორგანული მჟავები.

შემავსებლები: ნატრიუმის საქარინი-0.50მლ; ფორთოხლის ხსნადი ესენცია-0.75მლ; ლიმონის ხსნადი ესენცია-0.75მლ; ეთილის სპირტი (95%)-59.00მლ; გამოხდილი წყალი-100.00მლ.

ფორმა:

1.ტაბლეტები 40მგ
2.დასალევი ხსნარი ფლაკონებში
ფარმაკოთერაპიული ჯგუფი:

მიკროცირკულაციის გასაუმჯობესებელი და რეოლოგიური საშუალება
ფარმაკოლოგიური მოქმედება:

• 1. ტანაკანი წარმოადგენს სტანდარტიზირებულ და გატიტრულ მცენარეული წარმოშობის პრეპარატს, რომელიც მოქმედებს უჯრედებში მიმდინარე ნივთიერებათა ცვლის პროცესებზე, სისხლის რეოლოგიურ თვისებებზე და მიკროცირკულაციაზე, აგრეთვე სისხლძარღვების ვაზომოტორულ რეაქციაზე;
• 2. პრეპარატი აუმჯობესებს თავის ტვინში სისხლის მიმოქცევას და თავის ტვინში ჟანგბადისა და გლუკოზის მიწოდებას;
• 3. აუმჯობესებს სისხლის მიმოქცევას, ხელს Uუშლის თრომბოციტების აგრეგაციას;
• 4. აძლიერებს მეტაბოლურ პროცესებს, ახასიათებს ქსოვილებზე ანტიჰიპოქსიური მოქმედება;
• 5. ხელს უშლის თავისუფალი რადიკალების წარმოქმნას და უჯრედულ მემბრანებში არსებული ლიპიდების დაჟანგვას;
• 6. ახასიათებს მკვეთრად გამოხატული შეშუპების საწინააღმდეგო მოქმედება, როგორც თავის ტვინის დონეზე, აგრეთვე პერიფერიაზე;
• 7. მონაწილეობს ნეირომედიატორების (ნორადრენალინი, დოპამინი, აცეტილქოლინი) გამონთავისუფლების, უკუშეწოვის, კატაბოლიზმის და მემბრანულ რეცეპტორებთან მათი დაკავშირების პროცესებში.
• 8. ახასიათებს არტერიებზე, ვენებზე, კაპილარებზე ვაზომარეგულირებელი მოქმედება.

ჩვენება:

სხვადასხვა გენეზის ენცეფალოპათია (ხანდაზმულ ასაკში თავის ტვინში სისხლის მიმოქცევის დარღვევა, შემდგომში მეხსიერებისა დაან ინტელექტუალური შესაძლებლობის დაქვეითებით, ქალა-ტვინის ტრავმები, ძილის დარღვევა;

პერიფერიული სისხლის მიმოქცევის და მიკროცირკულაციის მოშლა, მათ შორის ქვედა კიდურების არტერიოპათიები, რეინოს სინდრომი;

ნეიროსენსორული დარღვევები (თავბრუსხვევა, ყურებში შუილი, ჰიპოაკუზია, ხანდაზმულობით გამოწვეული ყვითელი ლაქის დეგენერაცია, დიაბეტური პოლინეიროპათია);

ასთენიური მდგომარეობა: ფსიქოგენური-გამოწვეული თავის ტვინის ტრავმული დაზიანებით და ნევროზული დეპრესია.

წინააღმდეგჩვენება:

დადგენილი არ არის.

გვერდითი მოვლენები:

იშვიათად აღინიშნება საჭმლის მონელების დარღვევა, კანზე ალერგიული რეაქციები, თავის ტკივილი.

ურთიერთქმედება სხვა პრეპარატებთან:

დადგენილი არ არის.

მიღების წესი და დოზირება:
მოზრდილებს ენიშნებათ 1ტაბ. ან 1მლ ხსნარი შიგნით მისაღებად 3-ჯერ დღეღამეში ჭამის დროს (120მგ დღეღამეში).
ასთენიური დარღვევების მკურნალობის დროს პრეპარატის ოპტიმალური სადღეღამისო დოზა შეადგენს 240მგ-2ტაბ. ან 2მლ პერორალური ხსნარის 3-ჯერ დღეში.

ჭარბი დოზირება: არ აღინიშნება

შენახვის ვადა: 4 წელი

შენახვის პირობები: ოთახის ტემპერატურაზე. ბავშვებისაგან დაცულ ადგილას.

შეფუთვა:

N30 და N90 40მგ ტაბლეტები

დასალევი ხსნარი 30მლ ფლაკონში

მწარმოებელი:

“BEAUFOUR IPSEN INDUSTRIE”, საფრანგეთი.

საკვები დანამატი 
მოცემული საკვები დანამატის მიღებამდე, ყურადღებით წაიკითხეთ საინფორმაციო ფურცელი. 
მიიღეთ საკვები დანამატი ექიმის მითითებების ან რეკომენდაციების შესაბამისად.

1. რას წარმოადგენს დანამატი “CALM HEART” და რისთვის გამოიყენება? 
“CALM HEART ” – ეს არის ფართო შემადგენლობის, ორმაგი მოქმედების და სათანადოდ შერჩეული აქტიური ნივთიერებების კომბინაცია. ნივთიერებები, რომლებსაც შეიცავს საკვები დანამატი, ხელს უწყობენ გულის აქტივობის შენარჩუნებას და დაძაბულობის, სტრესის და მოუსვენრობის შემცირებას. პრეპარატის უნიკალური შემადგენლობა შეიქმნა თანამედროვე სამეცნიერო კვლევების და დროში გამოცდილი ტრადიციული ხალხური მედიცინის საფუძველზე. 

2. რას შეიცავს დანამატი “CALM HEART ”
1 კაფსულა
შეიცავს: 
საკვები ღირებულების მინიშნებითი მნიშვნელობები* 
კუნელის კენკრის მშრალი ექსტრაქტი
(Crataegus pinnatifida) 100 მგ 
ნივრის მშრალი ექსტრაქტი (Allium sativum) 100 მგ 
მაგნიუმი 100 მგ 27%
კატაბალახას ფესვის მშრალი ექსტრაქტი 
(Valeriana officinalis) 50 მგ 
შავბალახას ღეროს მშრალი ექსტრაქტი
(Leonurus cardiaca) 50 მგ 
ვიტამინი B6 1,4 მგ 100%
ფოლიუმის მჟავა 200 μ 100%
ვიტამინი B12 2,5 μ 100%

3. როგორ მოქმედებენ პრეპარატის “CALM HEART ” შემადგენელი ნაწილები ადამიანის ორგანიზმზე? 
კუნელის ექსტრაქტი ხელს უწყობს გულის ნორმალური აქტივობის და სისხლის მიმოქცევის შენარჩუნებას. კუნელის ექსტრაქტი ასევე ხელს უწყობს დაძაბულობის, მოუსვენრობის დაქვეითებას და ძილის კარგი ხარისხის შენარჩუნებას. 
ნივრის ექსტრაქტი ხელს უწყობს გულის ნორმალურ ფუნქციონირებას, ქოლესტერინის, ჰომოცისტეინის და სისხლში გლუკოზის ნორნალურ შემცველობას. 
ჰომოცისტეინის კონცენტრაციის ზრდა დაკავშირებულია ათეროსკლეროზის განვითარების რისკთან. ნივრის ექსტრაქტი ხელს უწყობს სისხლის მიმოქცევის შენარჩუნებას წვრილ სისხლძარღვებში, ასევე ხელს უწყობს სტრესისადმი მდგრადობის ზრდას, იმუნური სისტემის ფუნქციონირების შენარჩუნებას. 
შავბალახას ღეროს მშრალი ექსტრაქტი ხელს უწყობს გულ-სისხლძარღვთა სისტემის ნორმალურ ფუნქციონირებას. ასევე ხელს უწყობს მომატებული ფიზიკური და ემოციური აგღზნების, გაღიზიანებადობის შემცირებას.
კატაბალახას ფესვის მშრალი ექსტრაქტი ხელს უწყობს გულ-სისხლძარღვთა სისტემის ნორმალური ფუნქციონირების, ნორმალური არტერიული წნევის შენარჩუნებას. ასევე ხელს უწყობს მოდუნებას და კარგი ფსიქოლოგიური სტატუსის შენარჩუნებას, აუმჯობესებს ამგვარად ძილის ხარისხს, კარგი ფიზიკური და გონებრივი ჯანმრთელობის შენარჩუნებით. 
შემადგენლობაში შემავალი მაგნიუმი, ფოლიუმის მჟავა, ვიტამინები B6 და B12 ხელს უწყობს დაღლილობის და დაქანცვის შეგრძნების შემცირებას, ნორმალური ფსიქოლოგიური ფუნქციის შენარჩუნებას. B ჯგუფის ვიტამინები ხელს უწყობს ჰომოცისტეინის ნორმალური ცვლის შენარჩუნებას. B6 და B12 ვიტამინების, ფოლიუმის მჟავის მცირე ნაკლოვანებამაც კი შეიძლება გაზარდოს სისხლში ჰომოცისტეინის კონცენტრაცია, ამასთან ერთად კი გულის დაავადებების განვითარების რისკი.

4. როგორ უნდა იქნას მიღებული პრეპარატი “CALM HEART ”?
ძალიან მარტივი და მოსახერხებელია გამოსაყენებლად. 
გულის ნორმალური ფუნქციონირების შესანარჩუნებლად მიიღეთ თითო კაფსულა დღეში, ჭიქა წყლის დაყოლებით. 
თუ გრძნობთ მოუსვენრობას ან აგზნებას, მიიღეთ 1 კაფსულა, წყლის დაყოლებით.
თუ გაუარესდა ძილის ხარისხი, გიძნელდებათ დაძინება, მიიღეთ ერთი კაფსულა ძილის წინ, წყლის დაყოლებით. ნუ მიიღებთ 2 კაფსულაზე მეტს დღეში! 
მნიშვნელოვანია მრავალფეროვანი და დაბალანსებული კვება, ასევე ჯანსაღი ცხოვრების წესი.

5. ვის შეუძლია პრეპარატის “CALM HEART ” გამოყენება? 
ეს ორმაგი მოქმედების პრეპარატი განკუთვნილია როგორც უფროსი ასაკის, ასევე საშუალო ასაკის პირებისათვის, რომლებიც დაკავებულნი არიან დაძაბული სამუშაო გრაფიკით. პრეპარატის შემადგენელი ნივთიერებები მოქმედებენ ერთად, ხელს უწყობენ რა გულის ნორმალურ ფუნქციონირებას, დაძაბულობის და მოუსვენრობის შემცირებით.

6. სამეცნიერო ინფორმაცია შემადგენელი ნივთიერებების შესახებ:
• ნივრის ექსტრაქტს გააჩნია პოტენციალი გულ-სისხლძარღვთა დარღვევების პრევენციისა და კონტროლისათვის, მისი დადებითი ეფექტი შეინიშნა გამოყენებისას საკვები დანამატის სახით; 1
• ვალერიანის ექსტრაქტი ხელს უწყობს დაძინების და გაღვიძების დროის შემცირებას, ძილის ხარისხის გაუმჯობესებას და ღამით გაღვიძების ალბათობის შემცირებას; 2
• შავბალახას ექსტრაქტი ხელს უწყობს არტერიული წნევის რეგულირებას.

ქვეყანა: უკრაინა

მწარმოებელი: დარნიცა კიევი

გაცემის ფორმა: III ჯგუფი ურეცეპტო

მცენარეული დამამშვიდებელი საშუალება

ფსიქოსტაბილის  1 შემოგარსული ტაბლეტი შეიცავს  მკვეთრად გამოხატული დამამშვიდებელი მოქმედების სამკურნალო მცენარეების: ვალერიანის, ბარამbოს და სვიის მშრალ ექსტრაქტებს

უნიკალური ფორმულა   შემუშავებულია  ამერიკის შეერთებული   შტატების    FDA    da    Rx List- ის რეკომენდაციების მიხედვით.

ჩვენება: 

– უძილობა  (მსუბუქი ფორმები)

– ნევრასთენია  და  ნევროზული რეაქციები, რასაც  თან  ახლავს  გაღიზიანება, შფოთვა, შიში, დაღლილობა და გონების გაფანტულობა.

– “მენეჯერის სინდრომი”  (მუდმივი ფსიქიკური დაძაბულობის მდგომარეობა)

– ნერვული  სისტემის  დაძაბულობით  გამოწვეული  თავის  ტკივილი

– შაკიკი

– სიმპტომური  საშუალების  სახით  ნეიროცირკულაციური  დისტონიის  და  კლიმაქსის  სინდრომის  დროს

დოზირება  და  მიღების  წესი: ინიშნება პერორალურად, მოზრდილებში.  დოზირება  ძირითადად  შეადგენს  1 ტაბლტს 3-ჯერ დღეში. საღამოს ძილის წინ 2 საათით ადრე, ძილის პროცესის გასაუმჯობესებლად, შესაძლებელია 2 ტაბელტის მიღება..

უკუჩვენება: მომატებული ინდივიდუალური მგრძნობელობა პრეპარატის კომპონენტების  მიმართ. 

ჭარბი დოზირება:   არ იწვევს  მწვავე რეაქციებს, დარღვევები  ძირითადათ  გარდამავალი  ხასიათისაა. მაღალი დოზების მიღებისას  თავდაპირველად  ვლინდება  ძილიანობის  და დათრგუნვის შეგრძნებით. მოგვიანებით  ამ სიმპტომებს შეიძლება დაემატოს  ღებინება, კუნთების მსუბუქი სისუსტე, სახსრების ტკივილი და კუჭში სიმძიმის შეგრძნება. პირველადი დახმარებაა კუჭის გამორეცხვა. მკურნალობა – სიმპტომატიური. საჭიროა ექიმის კონსულტაცია.

არ მიიღოთ პრეპარატი გარეგნული დათვალიერების შემდეგ აღმოჩენილი დეფექტების შემთხვევაში

გაცემის წესი გაიცემა ურეცეპტოდ

ვარგისობის ვადა: 3 წელი

მწარმოებელი: ფარმაცევტული საწარმო შ.პ.ს “გამა”

საქართველო

ტელ: (032) 2 10 99 16.

E-mail: [email protected]

ქვეყანა: თურქეთი

მწარმოებელი: დოქტ. სერტუს ილაჩ სანაი

გაცემის ფორმა: II ჯგუფი რეცეპტული