მოდუსი #30ტ

თვის შეთავაზება kirurgia.ge

აქცია მათთვის, ვისაც აწუხებს საერთო სისუსტე, ძვლებისა და სახსრების ტკივილი, ხშირი ავადობა

ბოტულიზმის საწინააღმდეგო შრატები – SERA ANTIBOTULINICA – СЫВОРОТКИ ПРОТИВ БОТУЛИЗМА

მწარმოებელი: IMUNOPREPARAT, რუსეთი

კლინიკურ–ფარმაკოლოგიური ჯგუფი:

იმუნოლოგიური პრეპარატი (ბოტულიზმის საწინააღმდეგო შრატი)

შემადგენლობა და გამოშვების ფორმა:

აღწერილობა:

ბოტულიზმის საწინააღმდეგოდ A,B,E ტიპის შრატები წარმოადგენენ ბოტულიზმის ანატოქსინით ან შესაბამისი ტიპის ტოქსინით ჰიპერიმუნიზირებული ცხენის სისხლის შრატის ცილოვანი ფრაქციის შემადგენლობაში შემავალ სპეციფიკურ იმუნოგლობულინებს გაწმენდილს და კონცენტრირებულს პეპტიდური გადამუშავების ერთ-ერთი მეთოდით და მარილოვანი ფრაქციონირებით. პრეპარატი წარმოადგენს გამჭვირვალე, ან ოდნავ ოპალესცირებად უფერო ან მოყვითალო შეფერილობის უნალექო სითხეს.

შემადგენლობა:

შრატის ერთი ამპულა შეიცავს ერთ სამკურნალო დოზას, რომელიც A და B ტიპებისათვის შეადგენს 10000 სე, ხოლო E ტიპისათვის – 500 სე. პრეპარატის მოცულობა ამპულაში დამოკიდებულია შრატის აქტივობაზე.

გამოშვების ფორმა:

შრატებს უშვებენ A,B,E ტიპის ანატოქსინის შემცველი მონოვალენტური პრეპარატების სახით და ამპულირებული ფორმით.

ბოტულიზმის საწინააღმდეგო მონოვალენტურ შრატებს უშვებენ ამპულებში, ყოველი ტიპისათვის შემცველი სამკურნალო დოზით. ქაღალდის ყუთში არის 5 ამპულა ბოტულიზმის საწინააღმდეგო შრატები და უცხო ცილის მიმართ მგრძნობელობის განსასაზღვრი 5 ამპულა განსაზავებელი 1:100 შრატები.

ფარმაკოლოგიური თვისებები:

პრეპარატი შეიცავს ბოტულიზმის ტოქსინების შესაბამისი ტიპის გამანეიტრალებელ ანატოქსინებს.

ჩვენებები:

ბოტულიზმის საწინაამღდეგო შრატს იყენებენ, როგორც სამკურნალო აგრეთვე პროფილაქტიკური მიზნით.

მკურნალობის მიზნით შრატი შეყავთ მაქსიმალურად ადრეულ პერიოდში ბოტულიზმის პირველი სიმპტომების მანიფესტირებამდე. შრატის გაკეთებამდე ბოტულიზმის ტოქსინისა და მისი გამომწვევის გამსაკვლევად ავადმყოფს უღებენ 10 მლ მოცულობის სისხლს. შარდს, კუჭის გამორეცხვით-პირნაღებ მასას.

ბოტულიზმის უცნობი ტიპის ტოქსინით (გამომწვევით) გამოწვეული დაავადების მკურნალობის მიზნით, იყენებენ მონოვალენტური შრატების ნარევს, ხოლო ცნობილი ტიპის ტოქსინით (გამომწვევით) დაავადების მკურნალობის დროს – შესაბმისი ტიპის მონოვალენტურ შრატს.

კლინიკური სიმპტომების გამოხატულების ხარისხის მიუხედავად ვენაში წვეთობრივად შეჰყავთ პრეპარატის ერთი სამკურნალო დოზა, რომელსაც ხსნიან 200 მლ ნატრიუმის ქლორიდის 0.85% სტერილურ იზოტონურ ხსნარში, (37±1)⁰C ტემპერატურამდე შემთბარს თბილი წყლის აბაზანაზე. შეყვანის სისწრაფე შეადგენს 60-90 წვეთს წუთში.

გამონაკლის შემთხვევებში, როდესაც არ ხერხდება წვეთოვანი ინფუზია, ნებადართულია სამკურნალო დოზის ნელი შეყვანა შპრიცით შრატის წინასწარი გახსნის გარეშე.

შესაძლებელი ალერგიული რეაქციების თავიდან აცილების მიზნით, ვენაში შრატის ინფუზიის წინ შეყავთ 60-90 მგ პრედნიზოლონი. შრატი შეყავთ ერთჯერადად.

პროფილაქტიკის მიზნით შრატი უკეთდებათ იმ პირებს, რომლებმაც დაავადებულებთან ერთად მიიღეს პროდუქტი, რომელმაც შემდგომში გამოიწვია ბოტულიზმი. ამ დროს შეჰყავთ სამკურნალო დოზის ნახევარი (ამპულის ნახევარი), დაავადების გამომწვევი ტოქსინის ტიპის მსგავსი იგივე ტიპის შრატები.

იმ შემთხვევაში, როდესაც ტოქსინის ტიპი დადგენილი არ არის, იყენებენ მონოვალენტური შრატების ყველა ტიპს ნახევარი სამკურნალო დოზით. პრეპარატი შეყავთ კუნთებში. გამოყენების წინ ამპულას პრეპარატით გულდასმით ათვალიერებენ, პრეპარატი გამოყენებისათვის უვარგისია ამპულის მთლიანობის დარღვევის დროს, მისი მარკირების გარეშე, პრეპარატის ფიზიკური თვისებების ცვლილებების დროს (ფერის შეცვლა დაუშლელი ფირფიტების არსებობა), ვადის გასვლის შემდეგ, არასწორად შენახვის პირობებში.

შეყვანის წინ შრატის შემცველ ამპულას ათბობენ წყალში 37⁰C ტემპერატურამდე.

შრატის შემცველი ამპულის გახსნა, პრეპარატის შეყვანის პროცედურა და გახსნილი ამპულის შენახვა (არა უმეტეს 1 სთ) წარმოებს ასეპტიკისა და ანტისეპტიკის მკაცრი წესების დაცვით.

შრატის შეყვანა წარმოებს ექიმის მეთვალყურეობის ქვეშ.

ბოტულიზმის საწინააღმდეგო შრატის შეყვანის წინ, უცხო ცილის მიმართ მგრძნობელობის დასადგენად, როგორც წესი, ტარდება კანქვეშა სინჯი 1:100 განზავებული ცხენის შრატით, რომელიც იმყოფება პრეპარატთან ერთად კოლოფში.

ამპულები განზავებული 1:100 შრატით მარკირებულია წითელი ფერით, ხოლო ბოტულიზმის საწინააღმდეგო შრატის შემცველი ამპულები – ლურჯი ფერით.

განზავებული შრატი შეჰყავთ 0.1 მლ-იანი დოზით კანში წინა მხრის მომხრელ ზედაპირზე.

სინჯი უარყოფითია, როდესაც შეყვანის ადგილზე 20 წთ-ის შემდეგ შეშუპების ან სიწითლის ზომა არა უმეტეს 1 სმ-ია.

სინჯი დადებითია, როდესაც შეშუპება ან სიწითლე შეადგენს 1 სმ-ს და მეტს.

კანის უარყოფით სინჯის შემთხვევაში, კანქვეშ შეყავთ 0.1 მლ განზავებული ბოტულიზმის საწინააღმდეგო შრატები. ამ უკანასკნელებზე უარყოფითი რეაქციების დროს 3 წთ-ის შემდეგ ვენაში ან კუნთებში შეყავთ შრატის მთლიანი საწყისი დოზა.

განზავებული შრატით კანში დადებითი სინჯის დროს ან ალერგიული რეაქციების განვითარების შემთხვევაში კანქვეშა ინექციების დროს, ბოტულიზმის საწინააღმდეგო ცხენის შრატი შეყავთ მხოლოდ სამკურნალო მიზნით ექიმის მეთვალყურეობის ქვეშ და განსაკუთრებული სიფრთხილით: დასაწყისში 60 მგ პრედნიზოლონის და ანტიჰისტამინური პრეპარატების კუნთებში შეყვანის შემდეგ კანქვეშ შეყავთ კანში სინჯისათვის გათვალისწინებული განზავებული 1:100 ცხენის შრატი 20 წთ-იანი ინტერვალით 0.5 მლ, 2.0 მლ და 5.0 მლ დოზით. აღნიშნულ დოზებზე უარყოფითი რეაქციების შემთხვევაში კანქვეშ შეყავთ 0.1 მლ განუზავებელი ბოტულიზმის საწინააღმდეგო შრატები. 30 წთ-ის შემდეგ რეაქციების არ არსებობის შემთხვევაში კუნთებში შეყავთ შრატის მთლიანი დოზა.

ზემოთ ჩამოთვლილი რომელიმე დოზის მიმართ დადებითი რეაქციის შემთხვევაში ვენაში შეჰყავთ 90-120 მგ პრედნიზოლონი და 5-10 წთ-ის შემდეგ კუნთებში შრატის მთლიანი სამკურნალო დოზა.

გვერდითი მოველენები:

პრეპარატის შეყვანის შედეგად განვითარებული რეაქციები:

ბოტულიზმის საწინააღმდეგო შრატების შეყვანა ხანდახან მიმდინარეობს სხვადასხვა ალერგიული რეაქციების განვითარების თანხლებით:

დაუყოვნებელი – ვითარდება პრეპარატის შეყვანიდან უეცრად ან რამოდენიმე სთ-ის განმავლობაში;
დაყოვნებული – პრეპარატის შეყვანიდან მე-2 კვირის შემდეგ და უფრო გვიან;
აღნიშნული რეაქციები ვლინდება შრატისმიერი დაავადების სიმპტომოკომპლექსით და იშვიათად, განსაკუთრებით კი მგრძნობიარე პაციენტებში ანაფილაქსიური შოკის განვითარებით.

უკუჩვენებები:

ბოტულიზმით დაავადებულ პაციენტებში ბოტულიზმის საწინააღმდეგო შრატების შეყვანის წინააღმდეგ ჩვენებას წარმოადგენს მხოლოდ ანაფილაქსიური შოკის განვითარება უცხო ცილის მიმართ მგრძნობელობის განსაზღვრის დროს.

განსაკუთრებული მითითებები:

ანაფილაქსიური შოკის განვითარების საშიშროებასთან დაკავშირებით საჭიროა აცრილი პაციენტების სამედიცინო დაკვირვებით უზრუნველყოფა 30 წთ-ის განმავლობში აცრის დამთავრების შემდეგ.

აცრების ჩატარების ადგილები უზრუნველყოფილ უნდა იყოს შოკის საწინააღმდეგო სამკურნალო საშუალებებით.

შრატის შეყვანა რეგისტრირდება ავადმყოფის ისტორიაში დოზის აუცილებელი მითითებით შეყვანის მეთოდით და თარიღით, ავადმყოფის რეაქციით, სერიის ნომრით, ბოთლის საკონტროლო ნომრით პრეპარატის დამამზადებელი ინსტიტუტის დასახელებით.

შენახვის პირობები:

პრეპარატი ინახება (5±3)⁰C ტემპერატურაზე, არა უმეტეს 60% შესაბამისი ტენიანობით, მშრალ, სინათლისაგან დაცულ ადგილას. შრატი, რომელიც ექვემდებარება ერთჯერად გაყინვას და რომელიც არ იცვლის ფიზიკურ თვისებებს გამოყენებისათვის ვარგისია. ტრანსპორტირება წარმოებს ყველა დახურული ტიპის სატრანსპორტო საშალებით (5±3)⁰C ტემპერატურაზე.

ვარგისიანობის ვადა: 2 წელი.

მილსენა 50მგ #10ტ

ზოგადი დახასიათება:

საერთაშორისო არაპატენტირებული დასახელება: დიმენჰიდრინატი;
ძირითადი ფიზიკურ – ქიმიური თვისებები: თეთრი ფერის, მრგვალი ფორმის, ბრტყელი ზედაპირის მქონე ტაბლეტები, ნაზოლით;
შემადგენლობა:
1 ტაბლეტი შეიცავს:
დიმენჰიდრინატს – 50 მგ;
დამხმარე ნივთიერებები : მანიტოლი, მიკროკრისტალური ცელულოზა, პოვიდონი K-30, ნატრიუმის კროსკარმელოზა, მაგნიუმის სტეარატი, უწყლო კოლოიდური სილიციუმის დიოქსიდი.
გამოშვების ფორმა:
ტაბლეტები, 50მგ.
ფარმაკოლოგიური ჯგუფი:
სისტემური გამოყენების ანტიჰისტამინური საშუალებები.
ათქ-კოდი: R06AX.
ფარმაკოლოგიური თვისებები:
მილსენა წარმოადგენს H1-ჰისტამინური რეცეპტორებისა და ცნს-ის მ-ქოლინორეცეპტორების ბლოკატორს. ხასიათდება ღებინების საწინააღმდეგო, ანორექსიგენული, სედაციური, ზომიერი ანტიალერგიული მოქმედებით. პრეპარატი ამცირებს ან ხსნის ჰისტამინის ენდოგენურ გავლენას, თრგუნავს ვესტიბულურ სტიმულაციას, ხსნის თავბრუს, აბლოკირებს მოგრძო ტვინში ღებინების ცენტრს, ადუნებს გლუვ კუნთებს, ამცირებს საჭმლის მომნელებელი ტრაქტის პერისტალტიკას და სანერწყვე ჯირკვლების ფუნქციას.
ფარმაკოკინეტიკა:
მილსენა პერორალური მიღებისას სწრაფად შეიწოვება და კარგად აღწევს ორგანიზმის ყველა ქსოვილში, განიცდის ბიოტრანსფორმაციას ღვიძლში და სრულად გამოიყოფა თირკმლებით 24 საათის განმავლობაში. მცირე რაოდენობა გამოიყოფა დედის რძესთან ერთად. პრეპარატის მოქმედება ვლინდება მიღებიდან 15-30 წუთში და გრძელდება 3-6 სთ-ის განმავლობაში.

ჩვენება:

კინეტოზების პროფილაქტიკა და მკურნალობა (“ზღვის” და “ჰაერის” დაავადებები);
ვესტიბულური და ლაბირინთული დარღვევები (თავბრუ, გულისრევა, ღებინება), გარდა სიმსივნის საწინააღმდეგო ქიმიოთერაპიით გამოწვეული სიმპტომებისა;
მენიერის დაავადება.

მიღების წესი და დოზირება:
ტაბლეტები მიიღება პერორალურად, ჭამამდე 30 წთ-ით ადრე.
კინეტოზების პროფილაქტიკისა და მკურნალობისათვის პრეპარატი ინიშნება მგზავრობამდე 30 წთ-ით ადრე: 2-დან 6 წლამდე ასაკის ბავშვებში – 12.5-25 მგ (1/4-1/2 ტაბლეტი) 2-3-ჯერ დღეში; 7-დან 12 წლამდე ასაკის ბავშვებში _ 25-50 მგ (1/2-1 ტაბლეტი) 2-3-ჯერ დღეში;
მოზრდილებში და მოზარდებში 12 წლის ასაკის ზემოთ – 50-100 მგ (1-2 ტაბლეტი) 2-3-ჯერ დღეში.
ვესტიბულური და ლაბირინთული დარღვევების სიმპტომების დროს – თავბრუ, გულისრევა, ღებინება:
2-დან 6 წლამდე ასაკის ბავშვებში – 12.5-25 მგ (1/4-1/2 ტაბლეტი) 2-3-ჯერ დღეში;
7-დან 12 წლამდე ასაკის ბავშვებში – 25-50 მგ (1/2-1 ტაბლეტი) 2-3-ჯერ დღეში;
მოზრდილებში და მოზარდებში 12 წლის ასაკის ზემოთ – 50-100 მგ (1-2 ტაბლეტი) 2-3-ჯერ დღეში.
მენიერის დაავადების დროს: მოზრდილებში და მოზარდებში 12 წლის ასაკის ზემოთ – 50-100 მგ (1-2 ტაბლეტი) 2-3-ჯერ დღეში.
მოზრდილებში მაქსიმალური ერთჯერადი დოზა შეადგენს 100 მგ-ს, მაქსიმალური სადღეღამისო დოზა – 300 მგ-ს.
გვერდითი მოვლენები:
ცნს-ის მხრივ : თავის ტკივილი, თავბრუ, ძილიანობა, საერთო სისუსტე, დაღლილობა, ყურადღების კონცენტრაციის დარღვევა, მოუსვენრობა, უძილობა (განსაკუთრებით ბავშვებში), აკომოდაციის დარღვევა, მხედველობის დაბინდვა, იშვიათად – ღამის მხედველობის და ფერების აღქმის დარღვევა; საჭმლის მომნელებელი სისტემის მხრივ : პირის სიმშრალე, მადის დაქვეითება, გულისრევა, ღებინება, ტკივილი ეპიგასტრიუმის არეში, დიარეა. სასუნთქი სისტემის მხრივ: ზედა სასუნთქი გზების სიმშრალე, ბრონქული სეკრეტის გასქელება; გულ-სისხლძარღვთა სისტემის მხრივ: ჰიპოტენზია, ტაქიკარდია; ჰიპერმგრძნობელობის რეაქციები: გამონაყარი კანზე, ანგიონევროზული შეშუპება (კვინკეს შეშუპება), ბრონქოსპაზმი; სხვა გამოვლინებები: დიზურია, წამლისმიერი დამოკიდებულება (ხანგრძლივი მიღებისას), ჰემოლიზური ანემია.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:

მომატებული მგრძნობელობა პრეპარატის კომპონენტების მიმართ;
ეპილეფსია;
ვეზიკულური დერმატიტი;
2 წლამდე ასაკი;
ორსულობა და ძუძუთი კვების პერიოდი.

ურთიერთქმედება სამკურნალო საშუალებებთან და სხვა სახის ურთიერთქმედება:
ერთდროული გამოყენებისას მილსენა აძლიერებს ატროპინის, ტრიციკლური ანტიდეპრესანტების, კატექოლამინების, ბარბიტურატების, ალკოჰოლის, სედაციური, საძილე და ნეიროლეფსიური საშუალებების ეფექტს, ასუსტებს კორტიკოსტეროიდებისა და ანტიკოაგულანტების მოქმედებას, აქვეითებს აპომორფინზე რეაქციას, ამცირებს აცეტილქოლინის გავლენას გულის კუნთზე. პრეპარატი შეუთავსებელია საგულე გლიკოზიდებთან. მილსენას ერთდროული მიღება ბისმუტის პრეპარატებთან, სკოპოლამინთან, ტკივილგამაყუჩებელ და ფსიქოტროპულ საშუალებებთან ზრდის მხედველობის დარღვევის ალბათობას. პრეპარატი შეუთავსებელია ოტოტოქსიკურ ანტიბიოტიკებთან (სტრეპტომიცინი, ნეომიცინი, ვიომიცინი, ამიკაცინი, კანამიცინი), რადგან შესაძლებელია მოხდეს ოტოტოქსიკურობის სიმპტომების შენიღბვა და სმენის შეუქცევადი დარღვევის განვითარება.
ჭარბი დოზირება:
სიმპტომები: ზედა სასუნთქი გზების სიმშრალე, სახის წამოწითლება, შენელებული და გაძნელებული სუნთქვა, თავის ტკივილი, თავბრუ, გულისრევა, დაღლილობა, ძილიანობა, მიდრიაზი, ტაქიკარდია, ცნობიერების დარღვევა, აგზნებადობა, ბავშვებში – კრუნჩხვები, ჰალუცინაციები; მკურნალობა: კუჭის ამორეცხვა, გააქტივებული ნახშირის და მარილოვანი საფაღარათო საშუალებების
მიღება, სიმპტომური თერაპია. ბავშვებში კრუნჩხვების დროს – ფენობარბიტალი, დიაზეპამი.
ორსულობა და ლაქტაცია:
პრეპარატის გამოყენება ორსულობისა და ძუძუთი კვების პერიოდში უკუნაჩვენებია.
განსაკუთრებული მითითებები:
პრეპარატი სიფრთხილით გამოიყენება შემდეგი დაავადებების და მდგომარეობების დროს: კრუნჩხვითი სინდრომი, გლაუკომა, წინამდებარე ჯირკვლის ჰიპერპლაზია, ბრონქული ასთმა, ჰიპერთირეოზი, გულსისხლძარღვთა სისტემის დაავადებები, პეპტიური წყლული, პილოროდუოდენური ობსტრუქცია, შარდის ბუშტის ყელის ობსტრუქცია, ფეოქრომოციტომა, პორფირია, ღვიძლისა და თირკმლების ფუნქციის დარღვევა. პრეპარატის ზემოქმედება ავტოტრანსპორტისა და მექანიზმების მართვის უნარზე: მკურნალობის პერიოდში საჭიროა სიფრთხილის დაცვა ავტოტრანსპორტის მართვისას და სხვა პოტენციურად საშიში საქმიანობის დროს, რაც მოითხოვს ყურადღების კონცენტრაციას და ფსიქომოტორული რეაქციების სისწრაფეს.
შეფუთვა:
10 ტაბლეტი ბლისტერში, 1 ბლისტერი მუყაოს კოლოფში.
შენახვის პირობები:
ინახება არა უმეტეს 25ºC ტემპერატურაზე მშრალ, სინათლისაგან დაცულ და ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.
ვარგისობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქიდან გაცემის პირობა:
ფარმაცევტული პროდუქტის ჯგუფი – III (გაიცემა ურეცეპტოდ)
მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი,
ჭირნახულის ქ. 14.
www.aversi.ge

კორტექსინი 10მგ ლიოფ.ფხვ#10ფლ

კორტექსინი
CORTEXIN

დახასიათება
კორტექსინი (КОРТЕКСИН®) წარმოადგენს პოლიპეპტიდური ფრაქციების კომპლექსს,
რომელიც გამოყოფილია მაქსიმუმ 12 თვის ასაკის მსხვილფეხა საქონლის ან ღორის თავის
ტვინის ქერქიდან, ძმარმჟავათი ექსტაქციის მეთოდის გამოყენებით. მიღებული ექსტაქტი
განიცდის მრავალსაფეხურიან წმენდას და მიიღება პოლიპეპტიდების ფრაქცია, რომელთა
მოლეკულური წონა არ აღემატება 12 კილოდალტონს.
სამკურნალო საშუალების ძირითადი თვისებები: კორტექსინი (КОРТЕКСИН®) მზადდება
სტერილური ლიოფილიზირებული ფხვნილის, ან თეთრი ან მოყვითალო ფერის
ფოროვანი მასის სახით, 20 მილიგრამიან ფლაკონებში. სამედიცინო პრაქტიკაში
გამოიყენება გამჭვირვალე უფერო ხსნარის სახით, რომელსაც ამზადებენ
ლიოფილიზირებული ფხვნილით.
შემადგენლობა:
აქტიური ნივთიერება – კორტექსინი, 10 მგ.,
დამხმარე ნივთიერება – გლიცინი, 12 მგ.
გამოშვების ფორმა: ხსნარის დასამზადებელი ლიოფილიზატი, კუნთში შესაყვანად.
ფარმაკოთერაპიული ჯგუფი: ნოოტროპული საშუალება.
კოდი АТС: N06BX.
ფარმაკოლოგიური თვისებები
ფარმაკოდინამიკა: გააჩნია ჰისტოსპეციფიური მოქმედება თავის ტვინის ქერქზე, აქვს
ცერებროპროტექტული, ნოოტროპული და კრუნჩხვის საწინააღმდეგო ზემოქმედება,
ამცირებს ნეიროტროპული ნივთიერებების ტოქსიურ ეფექტებს, აუმჯობესებს ათვისების
და მეხსიერების პროცესებს, ასტიმულირებს რეპარაციულ პროცესებს თავის ტვინში,
აჩქარებს თავის ტვინის აღდგენით ფუნქციებს სტრესის ზემოქმედების შემდეგ.
კორტექსინის (КОРТЕКСИНА®) მოქმედების მექანიზმი განისაზღვრება მისი
მეტაბოლიტური აქტივობით: პრეპარატი არეგულირებს დამთრგუნველი და აღმგზნები
ამინომჟავების თანაფარდობას, სეროტონინისა და დოფამინის დონეს, აქვს გაცმ(გამა
ამინოცხიმების მჟავა)-ერგიული ზემოქმედება, გააჩნია ანტიოქსიდანტური აქტივობა და
თავის ტვინის ბიოელექტრული აქტივობის აღდგენის უნარი.
ფარმაკოკინეტიკა: კორტექსინის (КОРТЕКСИНА®) მრავალკომპონენტიანი
შემადგენლობის გამო, რომელიც წარმოდგენილია ჯამური მრავალფუნქციური
მოქმედების მქონე ბიოლოგიურად აქტიური ნეიროპეპტიდებითა და ამინომჟავებით და
იმის გამო, რომ პრეპარატს ახასიათებს მაღალი ტროპიზმი თავის ტვინის ქსოვილების
მიმართ, შეუძლებელია ჩატარდეს ცალკეული კომპონენტების ჩვეულებრივი
ფარმაკოკინეტიკური ანალიზი და პრეპარატ კორტექსინის (КОРТЕКСИН®)
ფარმაკოკინეტიკური გამოკვლევა.
გამოყენების ჩვენება
თავის ქალისა და ტვინის ტრამვა, თავის ტვინში სისხლის მიმოქცევის დარღვევა,
ვირუსული და ბაქტერიული ნეიროინფექციები, ასთენიური მდგომარეობები, სხვადასხვა
გენეზის ენცეფალოპატია, მწვავე და ქრონიკული ენცეფალიტები და ენცეფალომიელიტები, ეპილეფსია, მეხსიერების და აზროვნების დაქვეითება, სწავლის
უნარის დაქვეითება, სეგმენტზედა ვეგეტატიური დარღვევები, ბავშვის ცერებრალური
პარალიჩის სხვადასხვა ფორმები, ფსიქომოტორული ფუნქციებისა და მეტყველების
განვითარების შეფერხება ბავშვებში.
მიღების წესები და დოზები
პრეპარატი ინექციით შეჰყავთ კუნთში.
ინექციის წინ ფლაკონის შიგთავსს ხსნიან 1–2 მლ 0,5 % პროკაინის ხსნარში, საინექციო
წყალში, ან ნატრიუმის ქლორიდის იზოტონურ ხსნარში და დღეში ერთხელ შეჰყავთ
კუნთში: ზრდასრულებისთვის 10 მგ. დოზით, 5–10 დღის განმავლობაში; 20 კგ.-მდე წონის
ბავშვებისთვის 0,5 მგ/კგ დოზით, ხოლო 20 კგ-ზე მეტი წონის ბავშვებისთვის – 10 მგ.
დოზით, 5–10 დღის განმავლობაში.
საჭიროების შემთხვევაში, ტარდება განმეორებითი კურსი, 1–6 თვის შემდეგ.
გვერდითი მოვლენები
პრეპარატის რეკომენდირებული დოზით მიღების შემთხვევაში არ გამოვლინდა გვერდითი მოვლენები.
საწინააღმდეგო ჩვენება
პრეპარატის მიმართ ინდივიდუალური ამტანობა, ორსულობა.
დოზის გადამეტება
ამჟამად არ დაფიქსირებულა პრეპარატ კორტექსინის (КОРТЕКСИН®) დოზის გადამეტების შემთხვევები.
გამოყენების თავისებურებები არ არის.
სხვა სამკურნალო საშუალებებთან ურთიერთქმედება
პრეპარატ კორტექსინის (КОРТЕКСИН®) ურთიერთქმედება სხვა სამკურნალო საშუალებებთან არ არის აღწერილი.
შენახვის პირობები და ვადა
ჩამონათვალი Б. შეინახეთ მშრალ, სინათლისგან დაცულ, ბავშვებისთვის მიუწვდომელ
ადგილზე, 2-დან 20°С ტემპერატურამდე. გამოყენების ვადაა 3 წელი. არ გამოიყენოთ
შეფუთვაზე მითითებული ვარგისიანობის ვადის გასვლის შემდეგ.
აფთიაქში გაცემის პირობები
ფარმაცევტული პროდუქტის ჯგუფი II – გამოიყენება ექიმის დანიშნულებით
შეფუთვა
ლიოფილიზატი 10 მილიგრამიან ფლაკონებში. 10 ფლაკონი მუყაოს ყუთში, გამოყენების
ინსტრუქციასთან ერთად.
მწარმოებელი
შპს ”გეროფარმი”, რუსეთი, 191119, ქ. სანკტ-პეტერბურგი, ზვენიგოროდსკის ქ. № 9.
ტელეფონი/ფაქსი: (812) 703-79-75 (მრავალარხიანი).

წყარო: http://moh.itdc.ge/files/Administraciuli_Aqtebi/01_REGISTRACIA/2012/06/02-965/3.pdf

ბოტოქსი – BOTOX – БОТОКС

საერთაშორისო დასახელება:

BOTULINUM A TOXIN

მწარმოებელი: ALLERGAN, აშშ-ირლანდია

კლინიკურ–ფარმაკოლოგიური ჯგუფი:

მიორელაქსანტი.

შემადგენლობა და გამოშვების ფორმა:

ლიოფილიზირებული ფხვნილი საინექციო ხსნარის მოსამზადებლად: ფლაკონში

1 ფლ.

ბოტულოტოქსინ A-ს ჰემაგლუტინინის კომპლექსი 100სე

დამხმარე ნივთიერებები:

ადამიანის პლაზმის ცილები-ალბუმინები-0.5 მგ, ნატრიუმის ქლორიდი-0.9 მგ.

ფარმაკოლოგიური თვისებები:

ბოტოქსის მოლეკულა შედგება ერთმანეთთან დისულფიდური ხიდაკით დაკავშირებული მძიმე (მოლეკულური მასით 100 000 დალტონი) და მსუბუქი (მოლეკულური მასით 50 000 დალტონი) ჯაჭვისაგან.

მძიმე ჯაჭვი ხასიათდება სამიზნე ნეირონების ზედაპირზე განლაგებული სპეციფიკური რეცეპტორებისადმი მაღალი აფინურობის უნარით. მსუბუქი ჯაჭვი ხასიათდება Zn²⁺

დამოკიდებული პროტეაზული აქტივობით, რომელიც სპეციფიკურია სინაპტოსომებთან დაკავშირებული პროტეინის ციტოპლაზმური უბნების მიმართ, რომლის მოლეკულური მასა შეადგენს 25 000 დალტონს (SNAP-25) და მონაწილეობს ეკზოციტოზის პროცესში.

ბოტულოტოქსინ A მოქმედების პირველ ეტაპს წარმოადგენს მისი სპეციფკური კავშირი პრესინაფსური მემბრანის მოლეკულასთან. აღნიშნული პროცესი მოიცავს 30 წთ-ს. მეორე ეტაპია – შეკავშირებული ტოქსინის ინტერნალიზაცია ენდოციტოზის შედეგად წარმოქმნილ ციტოზოლთან.

ინტერნალიზაციის შემდეგ მსუბუქი ჯაჭვი მოქმედებს როგორც Zn²⁺ დაკიდებული პროტეაზა, რომელიც შერჩევით შლის SNAP – 25-ს, რაც მესამე ეტაპზე მთავრდება ქოლინერგული ნეირონების პრესინაფსური ტერმინალებიდან აცეტილქოლონის გამონთავისუფლების ბლოკადით. აღნიშნული პროცესის საბოლო შედეგს წარმოადგენს მყარი ქემოდენერვაცია.

ბოტოქსის კუნთებში ინექცისი დროს ადგილი აქვს ორი სახის ეფექტს: ექსტრაფუზალური კუნთოვანი ბოჭკოების პირდაპირ ინჰიბირებას ალფა-მოტონეირონების ნერვ-კუნთოვანი სინაფსის დონეზე დათრგუნვით და გამა-მოტონეირონულ ქოლინერგულ სინაფსებში შეკავების შედეგად კუნთოვანი ძაფების აქტივობის დაქვეითებას.

გამა-აქტივობის დაქვეითება იწვევს ინტრაფუზალური კუნთოვანი ბოჭკოების მოდუნებას და ამცირებს 1α-აფერენტულ აქტივობას რასაც მოჰყვება კუნთოვანი დაჭიმვის შემცირება და აგრეთვე ალფა- და გამა-მოტონეირონების ეფერენტული აქტივობის დაქვეითება. კლინიკურად აღნიშნული მოვლენები ვლინდება ინექციის ადგილზე კუნთის მკვეთრად გამოხატული მოდუნებით და მასში ტკივილის მნიშვნელოვანი შემცირებით. კუნთებში დენერვაციის პროცესთან ერთად მიმდინარეობს რეინერვაციის პროცესი, რაც იწვევეს კუნთის შეკუმშვათა სიხშირის აღდგენას ინექციიდან 4-6 თვის შემდეგ.

საოფლე ჯირკვლების (იღლიის, ხელის გულის, ტერფის) ლოკალიზაციის ადგილზე კანქვეშა ინექციის დროს ვითარდება პოსტგანგლიური სიმპათიკური ნერვების ბლოკადა და ადგილი აქვს ჰიპერჰიდროზის პროცესის შეწყვეტას მე-6-8 თვეზე. ბოტულოტოქსინ A სამკურნალო დოზებით ლოკალურად შეყვანის დროს იგი არ გაივლის ჰემატოენცეფალურ ბარიერს და არ იწვევს არსებითი სისტემური ეფექტების განვითარებას. სავარაუდოდ მისი შეყვანის უბანში ადგილი აქვს მინიმალური პრესინაფსური უკუმიტაცების პროცესს და უკუ აქსონალურ ტრანსპორტს.

ბოტოქსით ხელმეორე ინექციის დროს ბოტულოტოქსინ A ჰემაგლუტინინის კომპლექსის მიმართ ანტისხეულები წარმოიქმნება პაციენტების 1-5%-ში. მათი წარმოქმნა დაკავშირებულია პრეპარატის მაღალ დოზებში შეყვანასთან (250 ერთ.-ზე მეტი), დროის მცირე მონაკვეთში მცირე დოზებით მკურნალობასთან. პრეპარატის მიმართ ანტისხეულების წარმოქმნის შემთხვევაში იყენებენ ბოტულოტოქსინის სხვა სეროლოგიურ ტიპებს.

ფარმაკოკინეტიკა:

შეწოვა და მეტაბოლიზმი: ბოტულოტოქსინ A ჰემაგლუტინინის კომპლექსი სისტემურ სისხლმიმოქცევაში მოხვედრამდე რამოდენიმე ხნის განმავლობაში კონცენტრირდება მისი ინექციის ადგილზე. შემდგომში იგი შედარებით სუსტი მოლეკულური სტრუქტურების წარმოქმნით ძალიან სწრაფად მეტაბოლიზდება.

გამოყოფა: ბოტოქსი ორგანიზმიდან გამოიყოფა მეტაბოლიტების სახით ძირითადად თირკმელების საშუალებით.

ჩვენებები:

ბლეფაროსპაზმი;
ჰემიფაციალური სპაზმი;
პარალიზური სიელმე;
ლოკალური კუნთოვანი სპაზმი მოზრდილებში და ბავშვებში 2 წლის ასაკის ზემოთ (მათ შორის ბავშვთა ცერებრული დამბლა და სპასტიურობა).

მიღების წესები და დოზირება:

ბოტოქსის დოზები და ინექციის ადგილის წერტილები ყოველი პაციენტისათვის ინდივიდუალურია და განისაზღვრება კუნთის ჰიპერაქტივობის და ლოკალიზაციასთან მიმართებაში. ზოგიერთ შემთხვევებში ინიცირებადი კუნთის უფრო ზუსტი ლოკალიზაციისათვის იყენებენ ელექტრომიოგრაფულ კონტროლს.

ბოტოქსის მაქსიმალური სუმარული დოზა მოზრდილებში ერთ პროცედურაზე არ უნდა აღემატებოდეს 350 ერთეულს. სახის კუნთში ინექციის დროს საშუალო სუმარული დოზა შეადგენს 25-100 ერთ, კისრის კუნთებში – 100-200 ერთ. კიდურების კუნთებში – 50-300 ერთ. ტოქსიკურ დოზას შეადგენს 38-42 ერთ/კგ წონაზე.

2 წლის ასაკის ზემოთ ბავშვებში ბოტოქსის მაქსიმალური დოზა არ უნდა აღემატებოდეს 12 ერთ/კგ წონაზე (არა უმეტეს 300 ერთ). ხელმეორე ინექციებს შორის ინტერვალი შეადგენს არა უმცირეს 2 თვეს.

საინექციო ხსნარის მომზადების წესი:

ლიოფილურ ფხვნილს ხსნიან ნატრიუმის ქლორიდის 0.9% სტერილურ ხსნარში (კონსერვანტების გარეშე) (1.0 მლ, 2.0 მლ ან 4.0 მლ) სასურველ კონცენტრაციამდე. ფხვნილის შერევა გამხსნელთან ხდება ფლაკონის მსუბუქი მოძრაობით გამჭვირვალე უფერო სითხის წარმოქმნამდე.

უხეში შენჯღრევა და ქაფის წარმოქმნა იწვევს ბოტოქსის დენატურაციას.

იმ შემთხვევაში როდესაც ვაკუუმის ქვეშ არ ხდება გამხსნელის შესვლა ფლაკონში, ასეთი ფლაკონი უნდა განადგურდეს.

გახსნილი პრეპარატის შენახვა შეიძლება მაცივარში 2-8⁰C ტემპერატურაზე, არა უმეტეს 4 სთ-ის განმავლობაში მის გამოყენებამდე.

მიღებული საინექციო ხსნარის შეყვანა ხდება 27-30 კალიბრის სტერილური ნემსით. ინექციის შემდეგ შპრიცის და ნემსის განადგურება ხდება ბიოლოგიური ნარჩენების განადგურებასთან დაკავშირებული მეთოდების გამოყენებით.

გვერდითი მოვლენები:

ადგილობრივი რეაქციები: შემთხვევების 2-5%-ში მიკროჰემატომები (7 დღემდე), ტკივილი ინექციის ადგილზე (1 დღე-ღამის განმავლობაში).

სისტემური რეაქციები: ძირითადად ვითარდება პრეპარატის მაღალ დოზებში გამოყენების დროს (200 ერ.-ზე მეტი), უმნიშვნელო ზოგადი სისუსტის სახით ერთი კვირის განმავლობაში.

ინექციის ახლოს კუნთოვან ჯგუფებში პრეპარატის განაწილებასთან დაკავშირებულია რეაქციები: დამოკიდებულია ინექციის შეყვანის ადგილზე.

ბლეფაროსპაზმის, ჰემიფაციალური სპაზმის მკურნალობის დროს ხშირად აღინიშნება – ფტოზი (15-20%), ცრემლდენა (0.5-1%) და გაღიზიანება (თვალების სიმშრალის და ფოტოფობიის ჩათვლით). იშვიათად – ექტროპიონი, კერატიტი, დიპლოპია, ენტროპიონი, ეკქიმოზი. სახის კუნთებში ინექციის ადგილზე – დისფაგია(2-5%).

როგორც წესი აღნიშნული გვერდითი მოვლენები არ საჭიროებს დამატებით მკურნალობას და რეგრესირდება ერთი თვის განმავლობაში ინექციის შემდეგ.

უკუჩვენებები:

მომატებული მგრძნობელობა პრეპარატის ან მასში შემავალი კომპონენტების მიმართ.

მისთენია, მიასთენური და მისი მსგავსი სინდრომები (მათ შორის ლამბერტ-იტონის სინდრომი).

ანთებითი პროცესი ინექციის ადგილზე.

ორსულობა და ლაქტაცია:

ორსულობის და ლაქტაციის პერიოდში ბოტოქსის გამოყენება წინააღმდეგნაჩვენებია.

განსაკუთრებული მითითებები:

ბოტოქსის ინექცია კეთდება სპეციალური მომზადების მქონე მაღალკვალიფიციური ექიმის მიერ.

ინექციის გაკეთება შესაძლებელია ამბულატორიულ პირობებში საპროცედურო კაბინეტში.

ინექციის შემდეგ გართულებები ძალიან იშვიათია და ისინი შესაძლებელია განვითარდეს სიცოცხლისათვის მნიშვნელოვანი სტრუქტურების (ნერვების, სისხლძარღვების, ტრაქეის) ნემსით ტრამვის დროს პროცედურის არაკვალიფიციურად ჩატარების შემთხვევაში.

ანაფილაქსიის შემთხვევები აღწერილი არ არის. მიუხედავად ამისა საჭიროა ყველა საშუალების არსებობა ანაფილაქსური რეაქციის კუპირებისათვის.

2 წლამდე ასაკის ბავშვებში პრეპარატის დანიშვნა რეკომენდებული არ არის.

დღეისათვის არსებობს მონაცემები ბოტოქსის ეფექტურობის შესახებ მიოფაციალური სინდრომით, დაძაბვით გამოწვეული თავის ტკივილის მიმიკური კუნთების კონტრაქტურის, ტრიზმით, ბრუქსიზმით, სახის ჰიპერკინეტური ნაოჭების, კარდიის აქალაზიით, სწორი ნაწლავის სფინქტერის და შარდის ბუშტის სპაზმით, ლოკალური ჰიპერჰიდროზით დაავადებულ ავადმყოფებში.

ბოტულიზმის სპეციფიკური ანტიტოქსინი ეფექტურია 3 წთ-ის განმავლობაში ინექციის შემდეგ.

პრეპარატის მოქმედება იმ პირებში, რომელთა მუშაობა დაკავშირებულია ფსიქომოტორული რეაქციების მაღალი კონცენტრაციის საჭიროებასთან დადგენილი არ არის.

ჭარბი დოზირება:

სიმპტომები: შესაძლებელია საერთო სისუსტე, ინიცირებული კუნთების პარეზი.

მკურნალობა: საჭიროა ექიმის მიერ სიმპტომების დინამიკის სისტემატური კონტროლი საჭიროების შემთხვევაში – რეანიმაცია.

სხვა წამლებთან ურთიერთქმედება:

ბოტოქსის მოქმედება ძლიერდება ამინგლიკოზიდურ ანტიბიოტიკებთან, ერითრომიცინთან, ტეტრაციკლინთან, ლინკომიცინთან, პოლიმიქსინებთან მისი კომბინაციის დროს, აგრეთვე იმ საშუალებებთან ერთად, რომლებიც ამცირებენ ნერვ-კუნთოვანი იმპულსების გადაცემის პროცესებს (მათ შორის კურარეს მსგავსი მიორელაქსანტები).

შენახვის პირობები და ვადა:

პრეპარატი ინახება არა უმეტეს 5⁰C ტემპერატურაზე.

ბორის მჟავას 3 % სპირტიანი ხსნარი – SOLUTIO ACIDI BORICI SPIRITUOZAE 3% – БОРНАЯ КИСЛОТА 3% раствор

შემადგენლობა : ბორის მჟავა 3,0 გრ . ეთილის სპირტი 70 ° 100 მლ – მდე

მწარმოებელი : საქართველო , თბილისი , გოთუას ქ . 3. შ . პ . ს . ,,ეუბიოტიკები”

ფარმაკოლოგიური ჯგუფი :

ანტისეპტიკური საშუალება

ფორმა : ხსნარი , გარეგანი

ჩვენება :

ანტიმიკრობული მოქმედების პრეპარატი , გამოიყენება მწვავე და ქრონიკული ოტიტების დროს .

უკუჩვენება :

პრეპარატი არ გამოიყენება ორსულობისა და ლაქტაციის პერიოდში , თირკმლის ფუნქციის დარღვევისას , ბავშვებში , პრეპარატის მიმართ მომატებული მგრძნობელობის დროს.

გვერდითი მოვლენები:

ხანგრძლივი გამოყენების ან ჭარბი დოზირებისას თირკმლის ფუნქციის მოშლა , ასევე ტოქსიკური რეაქციები : ღებინება , დიარეა , კანზე გამონაყარი , თავის ტკივილი , კრუნჩხვა, აზროვნების მოშლა .

მიღების წესი და დოზირება:

იწვეთებენ ყურში 3-5 წვეთს 2-3 ჯერ დღეში .

გამოშვების ფორმა:

ხსნარის სახით 10.0 მლ პოლიეთილენის საწვეთურიან ფლაკონებში .

ვარგისიანობის ვადა 2 წელი

შენახვის პირობები : სინათლისაგან დაცულ ადგილას . არა უმეტეს 25 °C

გაცემის წესი : რეცეპტის გარეშე

კორდიამინი 25% 2მლ #10ა(დარნიც

კორდიამინი-დარნიცა

ზოგადი დახასიათება:
საერთაშორისო ქიმიური სახელწოდება: Nikethamide, N,N-დიეთილპირიდინ-3-კარბოქსამიდი;
ძირითადი ფიზიკურ-ქიმიური თვისებები: გამჭვირვალე, უფერო ან ოდნავ მოყვითალო ფერის სითხე თავისებური სუნით;
შემცველობა: 1 მლ ხსნარი შეიცავს 250 მგ ნიკეტამიდს (ნიკოტინის მჟავას დიეთილამიდი);
დამხმარე ნივთიერებები: საინექციო წყალი.

გამოშვების ფორმა. საინექციო ხსნარი.

ფარმაკოთერაპიული ჯგუფი. სასუნთქი ანალეპტიკები. კოდი ATC R07A B02.

ფარმაკოლოგიური თვისებები.
ფარმაკოდინამიკა. შერეული ტიპის მოქმედების ანალეპტიკური საშუალება. სტიმულირებს ცენტრალურ ნერვულ სისტემას სუნთქვისა და სისხლძარღვმამოძრავებელ ცენტრებზე პირდაპირი და რეფლექტორული ზემოქმედების ხარჯზე. მოქმედების მექანიზმი შედგება ორი კომპონენტისაგან: ცენტრალური და პერიფერიული. ცენტრალური მექანიზმი დაკავშირებულია მოგრძო ტვინის სისხლძარღვმამოძრავებელ ცენტრზე უშუალო ზემოქმედებასთან, რაც იწვევს მის გაღიზიანებას და სისტემური არტერიული წნევის აწევას (განსაკუთრებით ამ ცენტრის პირველადი დათრგუნვისას). მოქმედების მექანიზმის პერიფერიული კომპონენტი დაკავშირებულია კაროტიდული სინუსის ქემორეცეპტორების გაღიზიანებასთან, რაც იწვევს სუნთქვის მოძრაობების სიხშირისა და სიღრმის მომატებას. უშუალოდ გულ-სისხლძარღვთა სისტემაზე არ მოქმედებს.
ფარმაკოკინეტიკა. კარგად აღწევს სისტემურ სისხლდინებაში შეყვანის სხვადასხვა სახეობების დროს. ექვემდებარება სწრაფ მეტაბოლიზმს ღვიძლში არააქტიური მეტაბოლიტების წარმოქმნით. ძირითადი მეტაბოლიტებია ნიკოტინის მჟავას მონიეთილამიდი, ნიკოტინამიდი, ნიკეტამიდ-M-ოქსიდი და ნიკოტინის მჟავა. ძირითადად გამოყოფა თირკმელებით.

გამოყენების ჩვენებები.
მწვავე კოლაფსი და ასფიქსია (მ.შ. ახალშობილთა ასფიქსია), შოკური მდგომარეობები ქირურგიული ოპერაციების დროს და პოსტოპერაციულ პერიოდში, სისხლის მიმოქცევის მწვავე და ქრონიკული დარღვევები, სისხლძრღვების ტონუსის შემცირება, სუნთქვის შესუსტება ინფექციური დაავადებების დროს და გამოჯანმრთელების პერიოდში, მოწამვლა ნარკოტიკული, საძილე და ანალგეტიკური საშუალებებით.

გამოყენების წესი და დოზები. პრეპარატი შეიყვანება კანქვეშ, ი/კ და ი/ვ. კანქვეშ, ი/კ და ი/ვ უფროსებში შეიყვანება დოზით 1-2 მლ 1-3-ჯერ დღე-ღამეში; ბავშვებში კანქვეშ შეიყვანება დოზით 0.1 მლ სიცოცხლის 1 წელიწადშე 1-3-ჯერ დღე-ღამეში.
ი/ვ შეყვანა ხორციელდება ნელა.
ნარკოტიკებით, ანალგეტიკებით, საძილე საშუალებებით მოწამვლისას უფროსებში ი/ვ ნელა შეიყვანება 3-5მლ პრეპარატი (ასევე შეიძლება კანქვეშ და კუნთებში შეყვანა).
უმაღლესი დოზები უფროსებისათვის კანქვეშ: ერთჯერადი – 2 მლ, დღე-ღამის –6 მლ. უმაღლესი ერთჯერადი დოზა კანქვეშა და ი/ვ შეყვანისათვის ნარკოტიკებით მოწამვლისას შეადგენს 5მლ.

გვერდითი მოქმედება.
შფოთვა, კუნთების კრთომა, რომელიც იწყება პირის გარშემო კუნთებით, სახის სიწითლე, კანის საფარის ქავილი, ღებინება, გულის რითმის დარღვევა, შეყვანის ადგილზე ინფილტრაცია და ტკივილი.

უკუჩვენებები.
ჰიპერმგრძნოებლობა კორდიამინის ან პრეპარატის კომპონენტების მიმართ, მიდრეკილება კრუნჩხვების მიმართ, ეპილეფსია, ეპილეფსიური შეტევები (ანამნეზში), ჰიპერთერმია ბავშვებში, ორსულობა.

ჭარბი დოზა
პრეპარატის ჭარბმა დოზამ შეიძლება გამოიწვიოს გენერალიზირებული ტონიკოკლონური კრუნჩხვები, გონებისა და სუნთქვის დარღვევების განვითერება, აპნოე კრუნჩხვების დროს, არ გამოირიცხება ლეტალური დასასრული.
მკურნალობა. კრუნჩხვის საწინააღმდეგო საშუალებების გამოყენება, საჭიროების შემთხვევაში მართვადი სუნთქვა. ფორსირებული დიურეზი.

გამოყენების განსაკუთრებულობანი.
ვინაიდან კორდიამინი–დარნიცას კანქვეშ და ი/კ ინექციები მტკივნეულია, ტკივილების შემცირებისათვის, სიტუაციის მიხედვით, ინექციის ადგილში წინასწარ შეიყვანება ნოვოკაინი.

ურთიერთქმედება სხვა სამკურნალო საშუალებებთან.
კორდიამინი–დარნიცას ანალეპტიკური მოქმედება მცირდება, სალუზიდის, ფენოლთიაზინის (ამინაზინი და სხვ.) ზემოქმედებით. ამინაზინსა და რეზერპინს შეუძლიათ გააძლიერონ კორდიამინი–დარნიცას კრუნჩხვითი მოქმედება. პრეპარატის პრესორული ეფექტი ძლიერდება მაო ინჰიბიტორების ზემოქმედებით. კორდიამინი–დარნიცა ხელს უწყობს ფტივაზიდის ამტანობის გართულების განვითარებას. პრეპარატი ამცირებს მადეპრიმირებელი საშუალებების დამთრგუნველ მოქმედებას ცენტრალურ ნერვულ სისტემაზე (ნარკოზის, საძილე და სხვა საშუალებები). ღრმა ნარკოზის ფონზე კორდიამინი–დარნიცა არ მოქმედებს. პრეპარატი ინაქტივირდება მჟავებითა და ტუტეთი.

შენახვის პირობები და ვადები. ინახება ბავშვებისათვის მიუწვდომელ ადგილას, ორიგინალ შეფუთვაში, ტემპერატურაზე არაუმეტეს 25°C.
ვარგისიანობის ვადა – 5 წელი.

გაცემის პირობები. რეცეპტით.

შეფუთვა. 1 მლ ან 2 მლ ხსნარი ამპულებში, 5 ან 10 ამპულა შეფუთვაში.

მწარმოებელი. დსს ფარმაცევტული ქარხანა “დარნიცა”.
მისამართი. 02093, უკრაინა, ქ. კიევი, ბორისპოლსკაიას ქ. 13.

ბორის მჟავა (ფხვნილი) – BORIC ACID – БОРНАЯ КИСЛОТА

შემადგენლობა : ბორის მჟავა კრისტალური

მწარმოებელი : საქართველო , თბილისი , გოთუას 3, შ . პ . ს . “ეუბიოტიკები”

ფარმაკოლოგიური ჯგუფი :

ანტისეპტიკური საშუალება

ფორმა :

კრისტალური , ფხვნილი . გარეგანი გამოყენებისთვის

ჩვენება :

ბორის მჟავას ფხვნილი გამოიყენება მოზრდილებში 2% წყალხსნარის სახით , კონიუქტივიტების , სველი ეგზემების და დერმატიტების დროს .

მომზადების წესი : 2 გ . ბორის მჟავას ფხვნილს შევავსებთ 100 მლ – მდე გამოხდილი წყლით

გვერდითი მოვლენები :

ხანგრძლივი გამოყენების ან ჭარბი დოზირებისას თირკმლის ფუნქციის მოშლა, ასევე ტოქსიკური რეაქციები : ღებინება , დიარეა , კანზე გამონაყარი , თავის ტკივილი , კრუნჩხვა, ზროვნების მოშლა .

უკუჩვენება :

არ გამოიყენება ორსულობისა და ლაქტაციის პერიოდში , ბავშვებში , თირკმლის ფუნქციის დარღვევისას . ბოლო დროს გამოვლენილი გვერდითი მოვლენების გამო ბორის მჟავას ფხვნილის გამოყენება შეზღუდულია.

გამოშვების ფორმა :

ფხვნილი 10 გ . ფოლგის საეტიკეტო პაკეტში .

შენახვის პირობები :

სინათლისაგან დაცულ ადგილას , არა უმეტეს 25⁰C

ვარგისიანობის ვადა :

5 წელი

გაცემის წესი : ურეცეპტოდ

კორდიამინი 25% 2მლ #10ა (თბ)

კორდიამინის ხსნარი 25%

Cordiamin

გენერიული დასახელება: Nikethamide

ATC- კოდი: R07AB02
ფარმაკოლოგიური ჯგუფი: ცენტრალური ნერვული სისტემის სტიმულატორი, ანალეპტიკი.

ფორმა: საინექციო ხსნარი ამპულებში.

შემადგენლობა: ყოველი ამპულა შეიცავს 1მლ (250მგ ნიკეტამიდი) ან 2მლ (500მგ ნიკეტამიდი) პრეპარატს. დამხმარე ნივთიერებები: საინექციო წყალი.

ფარმაკოლოგიური თვისებები: შერეული მოქმედების ტიპის ანალეპტიკური საშუალება (ცნს სტიმულაცია, სასუნთქი და სისხლძარღვთა მამოძრავებელი ცენტერბის რეფლექტორული აღგზნება). მოქმედების მექანიზმი შედგება ორი კომპონენტისაგან: ცენტრალური და პერეფირიული. ცენტრალური მოქმედება დაკავშირებულია მოგრძო ტვინის სისხლსძარღვთა მამოძრავებელ ცენტრზე მოქმედებით. პერიფირიული მოქმედება დაკავშირებულია კაროტიდული სინუსის ქემორეცეპტორების აღგძნებასთან, რაც იწვევს სუნთქვის სიხშირის და სიღრმის ზრდას. გულ-სისხლძარღვთა სისტემაზე უშუალო მოქმედება არ გააჩნია.
ფარმაკოკინეტიკა: პრეპარატი ხასიათდება მაღალი აბსორბციით, სწრაფად განიცდის ბიოტრანსფორმაციას ღვიძლში არააქტიური მეტაბოლიტების წარმოქმნით, რომლებიც ძირითადად გამოიყოფა თირკმელებიდან.

ჩვენებები: კოლაფსი; ასფიქსია; შოკური მდგომარეობები; ახალშობილთა ასფიქცია; სისხლის მიმოქცევის მოშლა ინფექციური დაავადებების დროს; საძილე საშუალებებით, ბარბიტურატებით და ნარკოტიკული ანალგეტიკებით მოწამვლები.

უკუჩვენებები: პრეპარატისადმი ჰიპერმგრძნობიელობა, კრუნჩხვებისადმი მიდრეკილება, ეპილეფსია, ჰიპერთერმია ბავშვებში.

გვერდითი მოვლენები: მოუსვენრობა, კუნთების სპაზმი და კანკალი, სახის კანის ჰიპერემია, კანის საფარის ქავილი, გულისრევა, არითმიები, ტკივილები და ინფილტრატი შეყვანის ადგილას, აგრეთვე ადგილობრივი ალერგიული რექციები.

ურთიერთქმედება სხვა პრეპარატებთან: აძლიერებს ფსიქოსტიმულატორების და ანტიდეპრესანტების ეფექტს. ამცირებს ნარკოტიკული ანალგეტიკების, საძილე საშუალებების, კრუნჩხვის საწინააღმდეგო და ანტიფსიქოტიკური საშუალებების მოქმედებას.

ორსულობა და ლაქტაცია: მონაცემები პრეპარატის მიღების შეზღუდვის შესახებ არ არის.
მიღების წესი და დოზირება: ინექციები კუნთში და ინტრავენურად. კუნთში ინექციები მტკივნეულია, ამიტომ დასაშვებია შეყვანის ადგილას წინასწარ 1მლ 0,5% ნოვოკაინის ხსნარის შეყვანა. მოზრდილებს 1-2მლ პრეპარატი 2-3-ჯერ დღეღამეში. მაქსიმალური დოზები მოზრდილთათვის: ერთჯერადი – 2მლ, სადღეღამისო – 6მლ. ბავშვებს – 0,1-0,75მლ კუნთში.

შენახვის პირობები: სინათლისაგან დაცულ ადგილას, არაუმეტეს +25⁰C ტემპერატურაზე.

შენახვის ვადა: 5 წელი.

გამოშვების ფორმა: 2მლ პრეპარატი ამპულაში. 10 ამპულა მოხმარების ინსტრუქციასთან ერთად, პოლიგრაფიულად გაფორმებულ მუყაოს კოლოფში.

გაცემის წესი:
ფარმაცევტული პროდუქტის ჯგუფი II, გაიცემა ფორმა #3 რეცეპტით.

მწარმოებელი:
ს/ს “ბიოფარმი”, გოთუას ქ.#3, 380060, თბილისი, საქართველო.
ტელ/ფაქსი: (99532) 225 29 56
ელექტრონული ფოსტა: [email protected]

მელისალი ფორტე 125მლ სიროფი

მელისალი® ფორტე

1.0გ/10გ სიროფი

ამ მედიკამენტის გამოყენების დაწყებამდე ყურადღებით წაიკითხეთ ეს ჩანართი სრულად, რადგან ის შეიცავს თქვენთვის მნიშვნელოვან ინფრომაციას.

ეს მედიკამენტი ყოველთვის გამოიყენეთ ის როგორც მიტიტებულია ამ ჩანართში ან თქვენი ექიმის ან ფარმაცევტის დანიშნულებით.

– შეინახეთ ეს ჩანართი. შეიძლება დაგჭირდეთ მისი ხელახლა წაკითხვა

– დამატებითი ინფორმაციის ან რჩევისთვის მიმართეთ ფარმაცევტს

– გვერდითი ეფექტების შემთხვევაში მიმართეთ ექიმს ან ფარმაცევტს. ეს მოიცავს იმ გვერდით ეფექტებსაც, რომლებიც ჩამოთვლილი არ არის ამ ჩანართში. იხ. პარაგრაფი 4.

– თუ მდგომარეობა არ უმჯობესდება ან უარესდება უნდა მიმართოთ ექიმს.

რა არის მოცემული ჩანართში:

რა არის მელისალი ფორტე და რისთვის გამოიყენება
რა უნდა იცოდეთ მელისალი ფორტეს გამოყენებამდე
როგორ გამოიყენება მელისალი ფორტე
შესაძლო გვერდითი ეფექტები
როგორ ინახება მელისალი ფორტე
შეფუთვის შემადგენლობა და სხვა ინფორმაცია

1. რა არის მელისალი ფორტე და რისთვის გამოიყენება

მელისალი ფორტე არის მცენარეული სამედიცინო პროდუქტი, რომელიც შეიცავს შემდეგ ექსტრაქტებს: მელისას ფოთოლი, კუნელის ფოთოლი და ყვავილი და ანგელოზას ფესვი.

მისი ეფექტურობა და უსაფრთხოება დაფუძნებულია ხანგრძლივ გამოყენებასა და გამოცდილებაზე.

თერაპიული ჩვენება

მელისალი ფორტე ტრადიციულად გამოიყენება ნერვული დაძაბულობის მსუბუქი ფორმების დროს.

თუ მდგომარეობა არ უმჯობესდება ან თავს უარესად გრძნობთ უნდა მიმართოთ ექიმს.

2. რა უნდა იცოდეთ მელისალი ფორტეს გამოყენებამდე

არ გამოიყენოთ მელისალი ფორტე

მელისალი ფორტე არ გამოიყენოთ თუ ალერგიული ხართ აქტიური ნივთიერების ან მეიკამენტის რომელიმე ინგრედიენტის მიმართ (ჩამოთვლილია პარაგრაფში 6).

გაფრთხილებები და უსაფრთხოების ზომები

1 ჩაის კოვზი სიროფი შეიცავს 12გ საქაროზას: ეს უნდა გაითვალისწინონ დიაბეტით დაავადებულ პაციენტებში გამოყენებისას. თუ დიაგნოსტირებული გაქვთ ზოგიერთი შაქრის აუტანლობა, ამ მედიკამენტის მიღებამდე უნდა მიმართოთ ექიმს.

პრეპარატი შეიცავს მცირე რაოდენობით სპირტს (ეთანოლი), დოზაზე 100მგ-ზე ნაკლებს.

ანგელოზას ფესვში შემავალი ფურონოკუმარინები კანს ხდის სინათლისადმი უფრო მგრძნობიარეს. ამ პრეპარატის გამოყენებისას აბსოლუტურად უნდა მოერიდონ ულტრაიისფერ გამოსხივებაზე (მზის სინათლე) ექსპოზიციას.

ბავშვები და მოზარდები:

ბავშვებში კარგად კონტროლირებული კლინიკური კვლევების ნაკლებობის გამო, სიროფი განკუთვნილლია მოზრდილებში და 12 წელზე უფროსი ასაკის ბავშვებში გამოყენებსითვის. უფრო მცირე ასაკის ბავშვებში სიროფის გამოყენება შესაძლებელია მხოლოდ პედიატრის კონსულტაციის შემდეგ.

სხვა მედიკამენტები და მელისალი ფორტე

აცნობეთ ექიმს ან ფარმაცევტს თუ იღებთ, ბოლო პერიოდში მიღებული გაქვთ ან გეგმავთ რაიმე მედიკამენტის გამოყენებას.

მელისალი ფორტეს სხვა მედიკამენტებთან ურთიერთქმედების კვლევები არ ჩატარებულა.

ორსულობა, ლაქტაცია და ფერტილობა

ორსულობის ან ლაქტაციის დროს უსაფრთხოების კლინიკური მონაცემების ნაკლებობის გამო, ამ პერიოდში პრეპარატის გამოყენება რეკომენდებული არ არის.

ფერტილობაზე პრეპარატის ეფექტი უცნობია. თუ ფიქრობთ, რომ ორსულად ხართ ან ორსულობას გეგმავთ, ამ მედიკამენტის გამოყენებამდე რჩევა კითხეთ ექიმს ან ფარმაცევტს.

ავტომობილის მართვა და მექანიზმების გამოყენება

სიროფის ერთჯერადი დოზა (1 ჩაის კოვზი, დაახლოებით 10მლ) შეიცავს არა უმეტეს 78მგ ეთანოლს.

ამ დროისთვის დადგენილი არ არის, რომ რეკომენდებული დოზით მედიკამენტი მოქმედებს ავტომობილის მართვის და მექანიზმების გამოყენების უნარზე.

თანდართული სედაციური ეფექტის გამო რეკომენდებული არ არის ამ პრეპარატის მიღებისთანავე ტრანსპორტის მართვა და მექანიზმებთან მუშაობა.

3. როგორ გამოიყენება მელისალი ფორტე

მედიკამენტი ყოველთვის მიიღეთ ჩანართის ან ექიმის ან ფარმაცევტის დანიშნულების მიხედვით. ეჭვის შემთხვევაში მიმართეთ ექიმს ან ფარმაცევტს.

სიროფი გამოიყენება ორალურად.

მოზრდილები და მოზარდები 12 წლის ასაკიდან: 1 ჩაის კოვზი (15მლ) 2-3-ჯერ დღე-ღამეში.

12 წელზე უმცროსი ასაკის ბავშვებში მელისალი ფორტეს გამოყენება შესაძლებელია მხოლოდ პედიატრის კონსულტაციის შემდეგ.

თუ მიიღეთ საჭიროზე მეტი მელისალი ფორტე

ამ დროისთვის მელისალი ფორტეს გამოყენებისას, დოზის გადაჭარბების სიმპტომები აღწერილი არ არის.

თუ დაგავიწყდათ მელისალი ფორტეს გამოყენება

გამოტოვებულის კომპენსაციისთვის არ მიიღოთ ორმაგი დოზა.

თუ წყვეტთ მელისალი ფორტეს გამოყენებას

მედიკამენტის გამოყენების შესახებ დამატებით კითხვების შემთხვევაში, მიმართეთ ექიმს ან ფარმაცევტს.

4. შესაძლო გვერდითი ეფექტები

როგორც ყველა მედიკამენტი, ეს პრეპარატიც შეიძლება იწვევდეს გვერით ეფექტებს, თუმცა ისინი ყველას არ უვითარდება. ამ დროისთვის მელისალი ფორტეს სიროფის გამოყენებისას გვერდით ეფექტები აღწერილი არ არის.

გვერდითი ეფექტების შეტყობინება

გვერდითი ეფექტების შემთხვევაში მიმართეთ ექიმს ან ფარმაცევტს. ეს ეხება იმ ეფექტებსაც რომლებიც ამ ინსტრუქციაში ჩამოთვლილი არ არის. გვერდითი ეფექტების შეტყობინება აგრეთვე პირდაპირ შეგიძლიათ სამედიცინო პროდუქტების, სამედიცინო აპარადურის და ბიოციდური პროტუქცების ოფისის ფარმაკოზედამხედველობსი დეპარტამენტში (Al. Jerozolimskie 181C, 02-222 ვარშავა, ტელეფონი: +48 22 492-13-01, ფაქსი: +48 22 492-13-09), e-mail: [email protected]

გვერდითი ეფექტების შეტყობინებით შეგიძლიათ მედიკამენტის უსაფრთხოების შესახებ მეტი ინფორმაციის მიღებაში დახმარება.

5. როგორ ინახება მელისალი ფორტე

ინახება არა უმეტეს 25°C ტემპერატურაზე, სინათლისგან დაცულ, ბავშვებისთვის მიუწვდომელ და უხილავ ადგილას. მედიკამენტი არ გამოიყენოთ იარლიყზე ან კოლოფზე მითითებული ვარგისიანობის ვადის გასვლის შემდეგ.

მედიკამენტები არ გადააგდოთ ნარჩენ წყალთან ან საყოფაცხოვრებო ნაგავთნ ერთად. ეს ზომები ხელს შეუწყობს გარემოს დაცვას.

6. შეფუთვის შემადგენლობა და სხვა ინფორმაცია

რას შეიცავს მელისალი ფორტე

აქტიური ნვითიერება 100გ სიროფში:

თხევადი ექსტრაქტების ნარევი (1:1): მელისას ფოთოლი (Melissae folio), კუნელის ფოთოლი და ყვავილი (Crataegi folio cum flore), ანგელოზას ფესვი (Angelicae archangelicae radice) (77/15/8) – 10გ

ექსტრაქტნტი: ეთანოლი 60% [მ/მ]

შემავსებლები: საქაროზა, გასუფთავებული წყალი, მოცხარის ექსტრაქტი, ციტრონელას ესენციური ზეთი.

მელისალი ფორტეს აღწერა და შეფუთვის შემადგენლობა

მელისალი ფორტე არის წითელი-ყავისფერი, გამჭვირვალე სიროფი, დასაშვები ტურბიდულობით და შესაძლო ნალექით.

ტონირებული შუშის ფლაკონი შეიცავს 125გ სიროფს. დახურულია მსპე სახურავით და მოთავსებულია მუყაოს კოლოფში საინფორმაციო ჩანართთან ერთად.

სავაჭრო ლიცენზიის მფლობელი და მწარმოებელი

Wrocławskie Zakłady Zielarskie “Herbapol” S.A.

50-951 Wrocław, ul. Św. Mikołaja 65/68

ტელეფონი +48 71 335 72 25

ფაქსი +48 71 372 47 40

ელ-ფოსტა: [email protected]

მედიკამენტის შესახებ ნებისმიერი ინფორმაციისთვის მიმართეთ სავაჭრო ლიცენზიის მფლობელის ადგილობრივ წარმომადგენელს: ტელეფონი 71 321 86 04 ext. 123

1...668669670...798 გვერდი 669 of 798