ბლეომიცინი – BLEOMYCIN – БЛЕОМИЦИН

ფარმაკოლოგიური თვისებები

მიეკუთვნება ანტიბლასტომურ საშუალებებს. პრეპარატი წარმოადგენს A₂ ფრაქციას, იზოლირებულს Streptomyces Verticillus კულტურიდან, რომელიც შეიცავს საკუთრივ ანტიბლასტომურ ანტიბიოტიკს. პრეპარატის მოქმედების მექანიზმი დაკავშირებულია მის უნართან გამოიწვიოს დნმ-ის მოლეკულების ფრაგმენტაცია. გააჩნია სუსტად გამოხატული მიელოდეპრესიული და იმუნოდეპრესიული აქტივობა.

ჩვენებები

კანის კიბო, საყლაპავის კიბო, ფილტვის კიბო, საშვილოსნოს ყელის კიბო, ფარისებრი ჯირკვლის კიბო, თავის და ყელის ავთვისებიანი სიმსივნეები, ლიმფოგრანულემატოზი, არახოჯკინის ლიმფომები, საკვერცხეების და სათესლე ჯირკვლის ჰერმინოგენური სიმსივნეები.

დოზირების რეჟიმი

პრეპარატი შეყავთ ინტრავენურად, კუნთებში და კანქვეშ.

ინტრავენური შეყვანისათვის – 15-30 მგ იხსნება 15-20 მლ ნატრიუმის ქლორიდის იზოტონურ ხსნარში ან დექსტროზაში.

კუნთებში და კანქვეშ შესაყვანად – 15-30 მგ იხსნება 5 მლ გამხსნელში.

შეყვანის სიხშირე – 2-ჯერ კვირაში. შესაძლებელია პრეპარატის შეყვანა ყოველდღიურად ან კვირაში ერთხელ ავადმყოფის მდგომარეობის მიხედვით. მკურნალობის კურსობრივი დოზა შეადგენს – 300-400 მგ, ხოლო შემანარჩუნელელი დოზა – 15 მგ კვირაში ერთხელ (10 ინიექცია).

გვერდითი მოვლენები

ინტერსტიციური პნევმონია, ფილტვის ქსოვილის ფიბროზი;
კეროვანი ჰიპერკერატოზი;
ჰიპერპიგმენტაცია, დერმატიტი, ფრჩხილების დეფორმაცია, ალოპეცია;
ანგულარული სტომატიტი;
ალერგიული რეაქციები (ერითემა, ურტიკარია);
სხეულის ტემპერატურის მომატება;
თავბრუსხვევა, გულისრევა, ღებინება;
ღვიძლის და თირკმელების ფუნქციის დარღვევა.

უკუჩვენებები

* მომატებული მგრძნობელობა პრეპარატის მიმართ;

* სუნთქვის ფუნქციის გამოხატული დარღვევა;

* ფილტვის ქსოვილის ფიბროზი;

* თირკმელების ფუნქციის გამოხატული დარღვევა;

* გულ-სისხლძარღვთა სისტემის მძიმედ მიმდინარე დაავადებები;

* ორსულობა და ლაქტაცია.

განსაკუთრებული მითითებები

♦ საჭიროა სიფრთხილე პრეპარატის დანიშვნისას ავადმყოფებში ფილტვების დაავადებებით, გულის იშემიური დაავადებით, გულის მანკებით;

♦ ხანდაზმულებში და ავადმყოფებში, რომლებიც იტარებდნენ ან იტარებენ სხივურ თერაპიას.

♦ ლაქტაციის პერიოდში წყვეტენ ძუძუთი კვებას.

♦ მკურნალობის პერიოდში საჭიროა სუნთქვის ორგანოების სისტემატური კონტროლი, გულმკერდის რენტგენოლოგიური გამოკვლევა, ღვიძლის და თირკმელების ფუნქცის კონტროლი.

♦ ხველების და ქოშინის შემთხვევაში მკურნალობა უნდა შეწყდეს და დაინიშნოს გლუკოკორტიკოიდები და ანტიბიოტიკები.

კორვალ-G #10ტ

შემადგენლობა
კორვალ-G-ის ერთი ტაბლეტი შეიცავს აქტიურ ნივთიერებებს:
ალფა-ბრომიზოვალერიანის მჟავას ეთილის ეთერი (100% მშრალ მასაზე გადაანგარიშებით)- 12,42 მგ,
ფენობარბიტალი (100% მშრალ მასაზე გადაანგარიშებით) – 11,34 მგ,
პიტნის ზეთი – 0,88 მგ.
დამხმარე ნივთიერებები: ლაქტოზას მონოჰიდრატი, მაგნიუმის სტეარატი, ბეტა-ციკლოდექსტრინი, კალიუმის აცესულფამი.
მოქმედების მექანიზმი
ფარმაკოთერაპიული ჯგუფი – საძილე და სედატიური პრეპარატი.
კორვალ-G – დამამშვიდებელი და სპაზმოლიზური საშუალებაა, რომლის ეფექტურობა დამყარებულია შემადგენელი ნივთიერებების მოქმედებაზე.
ალფა-ბრომოიზოვალერიანის მჟავას ეთილის ეთერი ავლენს რეფლექტორულ დამამშვიდებელ და სპაზმოლიზურ მოქმედებას, რაც განპირობებულია უპირატესად პირის ღრუსა და ცხვირ-ხახის რეცეპტორების რეფლექტორული აგზნებადობით, ცენტრალური ნერვული სისტემის უბნების რეფლექტორული აგზნებადობის დაქვეითებით და თავის ტვინის ქერქის და ქერქქვეშა ნეირონებში შეკავების პროცესების გაძლიერებით, ასევე – ცენტრალური სისხლძარღვოვანი ცენტრების აქტივობის დაქვეითებით და სისხლძარღვების გლუვ კუნთებზე პირდაპირი ადგილობრივი სპაზმოლიზური მოქმედებით.
ფენობარბიტალი აქვეითებს დიდი ჰემისფეროების ქერქზე, შუა ტვინისა და მოგრძო ტვინის რეტიკულური ფორმაციის ცენტრების გამაქტივებელ მოქმედებას, რითაც ამცირებს თავის ტვინის ქერქსა და ქერქქვეშა სტრუქტურებზე გამაღიზიანებელ მოქმედებას. დოზიდან გამომდინარე აღნიშნული მოქმედება შეიძლება იყოს დამამშვიდებელი, ტრანკვილიზატორული ან საძილე ეფექტის. კორვალ-G ამცირებს სიხლძარღვების ცენტრებზე, კორონარულ და პერიფერიულ სისხლძარღვებზე გამაღიზიანებელ მოქმედებას, რითაც ამცირებს საერთო არტერიულ წნევას, ხსნის სისხლძარღვების სპაზმს, განსაკუთრებით გულის სიხლძარღვების.
პიტნის ზეთი დიდი რაოდენობით შეიცავს ეთერულ ცხიმებს, მათ შორის 50% მენთოლს და 4-9% მენთოლის ეთერებს. მათ აქვთ უნარი გააღიზიანონ პირის ღრუს რეცეპტორები და რეფლექტორულად გააფართოვონ უპირატესად გულისა და ტვინის სისხლძარღვები, რაც ხსნის გლუვი კუნთების სპაზმს და იწვევს დამამშვიდებელ და სპაზმოლიზურ მოქმედებას, ამცირებს მეტეორიზმს.
ფარმაკოკინეტიკა
სუბლინგვალურად გამოყენებისას შეწოვა იწყება ენის ქვეშა არედან, აქტიური ნივთიერებების ბიოშეღწევადობა მაღალია (დაახლოებით 60-80%). ეფექტი ვლინდება სწრაფად, 5-10 წუთში.
შიგნით მიღებისას მოქმედება ვლინდება 15-45 წუთის შემდეგ და გრძელდება 3-6 საათის განმავლობაში. პაციენტები, რომლებიც ადრე იღებდნენ ბარბიტურის მჟავას პრეპარატებს, მოქმედება უფრო ხანმოკლეა, რაც განპირობებულია ღვიძლში ფენობარბიტალის მეტაბოლიზმის აჩქარებით. ასაკოვან პაციენტებში და პაციენტებში ღვიძლის ციროზით კორვალ-G-ის მეტაბოლიზმი შემცირებულია, შესაბამისად ნახევარგამოყოფის პერიოდი გახანგრძლივებულია, რაც დოზის შემცირებას და მიღებებს შორის ინტერვალის გაზრდას მოითხოვს.
ჩვენება
– ნევროზები მომატებული გაღიზიანებადობით;
– უძილობა;
– ჰიპერტონული დაავადების და ვეგეტოსისხლძარღვოვანი დისტონიის კომპლექსურ თერაპიაში;
– კორანარული სისხლძარღვების არამკვეთრად გამოხატული სპაზმი, ტაქიკარდია;
– ნეიროვეგეტატიური დარღვევებით განპირობებული ნაწლავის სპაზმი (როგორც სპაზმოლიზური საშუალება).
უკუჩვენება
– პრეპარატის კომპონენტებისადმი და ბრომისადმი მომატებული მგრძნობელობა;
– ღვიძლისა და/ან თირკმლების გამოხატული დარღვევები;
– ღვიძლის პორფირია;
– გულის მძიმე უკმარისობა.
უსაფრთხოების ზომები
პრეპარატთან ერთად არ უნდა იყოს მიღებული ალკოჰოლური სასმელები.
არ არის რეკომენდებული პრეპარატის ხანგრძლივი გამოყენება, რათა არ მოხდეს პრეპარატისადმი დამოკიდებულების ჩამოყალიბება.
არტერიული ჰიპოტენზიის დროს პრეპარატის დანიშვნისას საჭიროა სიფრთხილის დაცვა.
ბავშვებში პრეპარატის დანიშვნის გამოცდილება არ არსებობს.
ავტომობილისა და სხვა მექანიკური საშუალებების მართვაზე გავლენა
არ არის მიზანშეწონილი პრეპარატის დანიშვნა მძღოლებისათვის და აქტიური სამუშაოებისა და მექანიზმების მართვის შემთხვევაში.
ორსულობა და ლაქტაციის პერიოდი
ორსულობისა და ლაქტაციის პერიოდში პრეპარატი არ ინიშნება.
დოზის გადაჭარბება
დოზის გადაჭარბება აღინიშნება პრეპარატის ხშირი ან ხანგრძლივი გამოყენების დროს, რაც დაკავშირებულია შემადგენელი ნივთიერებების კუმულაციასთან. ხანგრძლივმა და მუდმივად მიღებამ შეიძლება გამოიწვიოს პრეპარატისადმი დამოკიდებულება, აბსტინენციის სინდრომი, ფსიქომოტორული აგზნებადობა. პრეპარატის მიღების უცბად შეწყვეტამ შეიძლება გამოიწვიოს მოხსნის სინდრომი.
დოზის გადაჭარბების სიმპტომები: ცენტრალური ნერვული სისტემის დათრგუნვა, ცნობიერების დაბინდვა, თავბრუსხვევა, ატაქსია, ძილიანობა, ღრმა ძილის ჩათვლით. მძიმე შემთხვევებში მოწამვლა – სუნთქვის დარღვევა, ტაქიკარდია, არტერიული წნევის დაქვეითება, კოლაფსი, კომა.
მკურნალობა: სიმპტომური.
სხვა სამკურნალო საშუალებებთან ურთიერთქმედება
ცნს-ის დამთრგუნველი პრეპარატები აძლიერებენ კორვალ-G-ის ეფექტს.
პრეპარატის შემადგენელმა ფენობარბიტალმა შესაძლოა ღვიძლის ფერმენტების ინდუცირება გამოიწვიოს. ამიტომ კორვალ-G ამცირებს იმ პრეპარატების ეფექტურობას, რომლებიც მეტაბოლიზდებიან ღვიძლში (კუმარინის წარმოებულები, გრიზეოფულვინი, გლუკოკორტიკოიდები, პერორალური ჩასახვი საწინააღმდეგო საშუალებები).
კორვალ-G აძლიერებს ადგილობრივი საანესთეზიო საშუალებების, ტკივილგამაყუჩებლების და საძილე საშუალებების მოქმედებას, რაც ბარბიტურის მჟავას წარმოებულების შემცველობასთანა არის კავშირში.
კორვალ-G აძლიერებს ვალპროის მჟავას ეფექტს, ხოლო მეტროტრექსატთან კომბინაციაში, ზრდის ამ უკანასკნელის ტოქსიკურობას.
ალკოჰოლი აძლიერებს პრეპარატის ეფექტურობას, ასევე – მის ტოქსიკურობას.
დოზირება და მიღების წესი
კორვალ-G ინიშნება სუბლინგვალურად (ენის ქვეშ) ან შიგნით მისაღებად.
მოზრდილებში 1 ტაბლეტი 2-3-ჯერ დღეში.
საჭიროებისას (გამოხატული ტაქიკარდია და კორონარული სისხლძარღვების სპაზმი) ერთჯერადი დოზა შესაძლებელია გაიზარდოს 3 ტაბლეტამდე.
მიღების ხანგრძლივობა განისაზღვრება კლინიკური ეფექტისა და პრეპარატის ამტანობის მიხედვით.
გვერდითი მოვლენები
კორვალ-G, როგორც წესი, კარგად გადაიტანება. ერთეულ შემთხევაში შეიძლება გამოვლინდეს:
საჭმლის მომნელებელი სისტემის მხრივ: დისკომფორტი კუჭისა და ნაწლავების არეში, გულისრევა;
ნერვული სისტემის მხრივ: ძილიანობა, მსუბუქი თავბრუსხვევა, ყურადღების კონცენტრირების დაქვეითება;
იმუნური სისტემის მხრივ: ალერგიული რეაქციები;
გულ-სისხლძარღვთა სისტემის მხრივ: გულის რიტმის შენელება;
აღნიშნული მოვლენები ქრება დოზის შემცირებისას.
პრეპარატის ხანგრძლივმა გამოყენებამ შესაძლებელია გამოიწვიოს პრეპარატისადმი დამოკიდებულება და ბრომიზმის სიმპტომები: ცენტრალური ნერვული სისტემის დათრგუნვა, აპათია, რინიტი, კონიუნქტივიტი, აკნე, ჰემორაგიული დიათეზი, კოორდინაციის დარღვევა, გონების დაბინდვა.
ვარგისობა და შენახვის პირობები
პრეპარატის ვარგისობის ვადა – 2 წელი.
ინახება სინათლისაგან დაცულ ადგილას, არა უმეტეს 25⁰C ტემპერატურაზე.
ინახება ბავშვებისათვის ხელმიუწვდომელ ადგილზე!
გამოშვების ფორმა
50 ტაბლეტი ბლისტერებში; მეორადი შეფუთვა – მუყაოს კოლოფში.
აფთიაქიდან გაცემის პირობები
ფარმაცევტული პროდუქტის ჯგუფი III (გაიცემა ურეცეპტოდ).

მწარმოებელი ფირმა:
შ.პ.ს. “ჯი-ემ-პი”

ვობილონი 80მგ #30კაფს

ვობილონი
VOBILON

სავაჭრო დასახელება
ვობილონი, VOBILON

საერთაშორისო არაპატენტირებული დასახელება
გინკგო ბილობა, Ginko biloba

სამკურნალწამლო ფორმა
კაფსულები.
აღწერილობა: ყავისფერი, მყარი ჟელატინის კაფსულები, ზომა #1, რომლებიც შეიცავენ ღია ან მუქ ყავისფერ ფხვნილს უფრო მუქი ფერის ხილული ნაწილაკებით.

შემადგენლობა
1 კაფსულა შეიცავს:
აქტიური ნივთიერება:
გინკგო ბილობას ფოთლების მშრალი სტანდარტიზებული ექსტრაქტი 80 მგ.
80 მგ ექსტრაქტი შეიცავს 19,2 მგ გინკგოს ფლავონურ გლიკოზიდებს და 4,8 მგ ტერპენის ლაქტონებს (გინკგოლიდები და ბილობალიდები).
დამხმარე ნივთიერებები:
კალციუმის უწყლო ჰიდროფოსფატი, სილიციუმის უწყლო კოლოიდური დიოქსიდი, მაგნიუმის სტეარატი.
კაფსულის გარსის შემადგენლობა: ტიტანის დიოქსიდი, რკინის შავი ოქსიდი, რკინის ყვითელი ოქსიდი, აზორუბინი, ჟელატინი.

ათქ კოდი N06DX02

ფარმაკოთერაპიული ჯგუფი:
დემენციის სამკურნალო პრეპარატები.

ფარმაკოლოგიური თვისებები
ვობილონი _ მცენარეული წარმოშობის პრეპარატია, შეიცავს გინკგო ბილობას ექსტრაქტს, რომელიც აუმჯობესებს სისხლის მიმოქცევას თავის ტვინში და პერიფერიაზე. ექსტრაქტის ბიოლოგიურად აქტიური ნივთიერებები (ფლავონური გლიკოზიდები, ტერპენული ლაქტონები) ხელს უწყობენ სისხლძარღვის კედლის ელასტიურობის მომატებას, აუმჯობესებენ სისხლის რეოლოგიურ თვისებებს. პრეპარატის გამოყენება განაპირობებს მიკროცირკულაციის გაუმჯობესებას, ზრდის ჟანგბადითა და გლუკოზით ტვინისა და პერიფერიული ქსოვილების მომარაგებას. არეგულირებს ნივთიერებათა ცვლას უჯრედებში, ხელს უშლის ერითროციტების აგრეგაციას, აინჰიბირებს თრომბოციტების აგრეგაციას. აფართოებს წვრილ არტერიებს, ზრდის ვენების ტონუსს, არეგულირებს სისხლძარღვთა სისხლსავსეობას. ხელს უშლის თავისუფალი რადიკალების წარმოქმნასა და უჯრედული მემბრანის ლიპიდების პეროქსიდულ ჟანგვას. გააჩნია შეშუპების საწინააღმდეგო გამოხატული ეფექტი როგორც თავის ტვინის დონეზე, ასევე პერიფერიაზე.
გინკგო ბილობას ფარმაკოკინეტიკური პარამეტრების შეფასება რთულია ექსტრაქტის მრავალკომპონენტიანი შემადგენლობის გამო.

გამოყენების ჩვენებები
–   სხვადასხვა ეტიოლოგიის დისცირკულატორული ენცეფალოპათია (ინსულტი, ქალა-ტვინის ტრავმა, ხანდაზმულთა ასაკი), რომელსაც თან ახლავს ყურადღების და/ან მეხსიერების დაქვეითება, ინტელექტუალური შესაძლებლობების დარღვევა, შფოთვა, შიში, ძილის დარღვევა;
–   დემენცია, მათ შორის ალცჰეიმერის დაავადების დროს;
–   მეხსიერებისა და ყურადღების გაუმჯობესება ახალგაზრდა ასაკში;
–   პერიფერიული სისხლის მიმოქცევისა და მიკროცირკულაციის დარღვევა (მათ შორის, ქვედა კიდურების არტერიოპათია), რეინოს სინდრომი;
–   ნეიროსენსორული დარღვევები (თავბრუსხვევა, შუილი ყურებში, ჰიპოაკუზია);
–   ყვითელი ხალის ასაკობრივი დეგენერაცია;
–   დიაბეტური რეტინოპათია, ანგიოპათია, ნეიროპათია.

უკუჩვენებები
–   სისხლის დაქვეითებული შედედების უნარი;
–   ეროზიული გასტრიტი, კუჭისა და თორმეტგოჯა ნაწლავის წყლულოვანი დაავადება;
–   ტვინში სისხლის მიმოქცევის მწვავე დარღვევა;
–   მიოკარდიუმის მწვავე ინფარქტი;
–   არტერიული ჰიპოტენზია;
–   ბავშვთა ასაკი 12 წლამდე;
–   მომატებული მგრძნობელობა პრეპარატის შემადგენლობაში შემავალი კომპონენტების მიმართ.

გვერდითი მოვლენები
ვობილონი კარგად გადაიტანება, გვერდითი მოვლენები ვითარდება იშვიათად.
საჭმლის მომნელებელი სისტემის მხრივ: დისპეფსიური მოვლენები, გულისრევა.
ცენტრალური ნერვული სისტემის მხრივ: თავის ტკივილი, თავბრუსხვევა.
ალერგიული რეაქციები: გამონაყარი კანზე, ქავილი.
სხვა: სისხლის შედედების უნარის დაქვეითება (ხანგრძლივი გამოყენების შემდეგ).

გამოყენების წესი და დოზირება
ვობილონი მიიღება შიგნით, ჭამის დროს ან მის შემდეგ, მცირე რაოდენობის წყალთან ერთად. კაფსულები უნდა გადაიყლაპოს მთლიანად.
დემენციის დროს: 1 კაფსულა 3-ჯერ დღეში.
პერიფერიული სისხლის მიმოქცევისა და მიკროცირკულაციის დარღვევის დროს: 1-2 კაფსულა 3-ჯერ დღეში.
თავბრუსხვევის, ყურებში შუილის, ძილის დარღვევის დროს: 1 კაფსულა 2-ჯერ დღეში (დილას და საღამოს).
სხვა შემთხვევებში: 1 კაფსულა 2-ჯერ დღეში.
მკურნალობის კურსი შეადგენს არანაკლებ 3 თვეს. მდგომარეობის გაუმჯობესების პირველი ნიშნები, ჩვეულებრივ, ვლინდება 1 თვის შემდეგ.

ჰიპერდოზირება
არ არსებობს მონაცემები ვობილონის ჰიპერდოზირების შესახებ.

განსაკუთრებული მითითებები
არ არის სასურველი პრეპარატის რეკომენდებული დოზის გადაჭარბება.
პრეპარატის გამოყენების ფონზე არ არის რეკომენდებული ალკოჰოლის მიღება.

ზემოქმედება ავტომობილისა და სხვა მექანიზმების მართვის უნარზე
ვობილონი არ ახდენს გავლენას ავტოტრანსპორტის მართვაზე ან სხვა ტექნიკური საშუალებების გამოყენებაზე, რომლებიც მოითხოვენ სწრაფ ფსიქომოტორულ რეაქციებს.

გამოყენება ორსულობისა და ლაქტაციის პერიოდში
არ არის რეკომენდებული პრეპარატის გამოყენება ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან
არ არის რეკომენდებული პრეპარატ ვობილონის ერთდროული გამოყენება აცეტილსალიცილის მჟავასთან ან ანტიკოაგულანტებთან.

გამოშვების ფორმა
10 კაფსულა ბლისტერზე.
3 ბლისტერი გამოყენების ინსტრუქციასთან ერთად – მუყაოს კოლოფში.

შენახვის პირობები
ინახება მშრალ, ბავშვებისთვის მიუწვდომელ ადგილას, არა უმეტეს 25ºC ტემპერატურის პირობებში.

ვარგისიანობის ვადა
2 წელი წარმოების თარიღიდან.
ნუ გამოიყენებთ ვარგისიანობის ვადის გასვლის შემდეგ.

აფთიაქიდან გაცემის პირობები
ურეცეპტოდ (III ჯგუფი).

მწარმოებელი
ვობილონი არის კომპანია “როტაფარმი,,-ს პროდუქტი და სავაჭრო ნიშანი.
დიდი ბრიტანეთი.
(“ROTAPHARM”, Great Britain).
წარმოებულია
“ადიფარმ ლტდ”, 130 ბულვარი სიმეონოვსკი შოსე, 1700 სოფია, ბულგარეთი.
(“ADIPHARM LTD”, 130 Simeonovsko shosse Blvd., 1700 Sofia, Bulgaria)

ბლეომედი – BLEOMED – БЛЕОМЕД

საერთაშორისო დასახელება:

BLEOMYCIN

მწარმოებელი: HELP S.A. PHARMACEUTICALS

მოქმედი ნივთიერება: ბლეომიცინი

კლინიკურ–ფარმაკოლოგიური ჯგუფი:

სიმსივნის საწინააღმდეგო საშუალება, ანტიბიოტიკი

შემადგენლობა და გამოშვების ფორმა:

ფხვნილი საინექციო ხსნარის მოსამზადებლად:

ფლაკონში

1 ფლ.

ბლეომიცინი სულფატი …….. 15 მგ

ვრცლად ბლეომიცინი

კარდიოარტი #60ტ

კ ა რ დ ი ო ა რ ტ ი

CARDIOART

ჯამრთელობაზე ზრუნვის ხელოვნება

შემადგენლობა – თითეული კაფსულა შეიცავს : L –arginine -250.00mg(ლ-არგინინი)

L –carnitine -125.00mg (ლ-კარნიტინი)

Magnezium -75.00mg (მაგნეზია)

Co Enzyme Q10 -75.00mg (კო ენზიმ Q-10)

Zinc -7.50mg (თუთია)

Selenyum -0.03mg(სელენი)

Hawhthorn-30.00mg (კუნელი)

კარდიოპროტექტორი

ნეიროპროტექტორი

ციტოპროტექტორი

კარდიოარტის ჩვენებები: გულ-სისხლძარღვთა სისტემის მკურნალობის დროს-გულის იშემიური დაავადება-სტენოკარდია, გულის ქრონიკული უკმარისობა, ათეროსკლეროზი,კარდიომიოპათია, მაღალი ჰიპერტენზია, ჰიპოქსიური და იშემიური მდგომარეობების დროს მიოკარდიუმის და ტვინის კვების გაუმჯობესების, გონებრივი მუშაობის უზრუნველყოფისა და აღდგენის მიზნით. კარდიოარტი ინიშნება სტენოკარდიის, კორონარული სისხლძარღვების დაავადებ-ების,გულის შეგუბებითი უკმარისობის, ჰიპერქოლესტერინემიის დროს,გაცხიმოვ-ნება, გარდამავალი სიკოჭლე. ცენტრალური ნერვული სისტემის დაავადებათა კომპლექსური მკურნალობის დროს: სტრესი, ნევროსთენია, კარდიონევროზი, ასთენია, ქრონიკული გადაღლის სინდრომი. ასევე მეორე ტიპის შაქრიანი დიაბეტი, თირეოტოკსიკოზი, კახექსია, ანორექსია. მძიმე დაავადებების და ინტესიური ფიზიკური დატვირთვის დროს, კუნთების აქტივობის გაზრდის მიზნით. საჭმლის მონელების დარღვევების და ფერმენტული უკმარისობის დროს. აზოსპერმია, ოლიგოსპერმია.

უკუჩვენებები: ჰიპერმგრძნობელობა პრეპარატში შემავალი ნებისმიერი კომპონენ-ტის მიმართ,ორსულობა, ლაქტაციის პერიოდი .ექიმის კონსულტაციის გარეშე პრეპარატის ხანგრძლივად მიღება არ არის რეკომენდირებული. არსებობს მოსაზრება, რომ ლ-არგინინმა შეიძლება გაზარდოს სიკვდილის რისკი, გულის შეტევის შემდეგ – განსაკუთრებით ხანდაზმულ ასაკში,ამიტომ თუ თქვენ გადაიტანეთ გულის შეტევა არ მიიღოთ ლ-არგინინი. სელენმა და ლ-კარნიტინმა შეიძლება გაზარდოს სისხლდენის რისკი ოპერაციის მიმდინარეობისას ან მის შემდეგ,ამიტომ პრეპარატის მიღება უნდა შევწყვიტოთ ოპერაციამდე და მის შემდეგ ორი კვირის განმავლობაში.

მიღების წესი: 2-2 ტაბლეტი დღეში ორჯერ ,ჭამის შემდეგ .

გაფრთხილება: რაიმე არასასურველი გვერდითი მოვლენების შემთხვევაში გაიარეთ კონსულტაცია ექიმთან.

შეფუთვა: მუყაოს კოლოფში მოთავსებულია 6 ბლისტერი ,თითეული 10 კაფსულით.

შეინახეთ მშრალ და გრილ ოთახში-არაუმეტეს 25⁰C-სა,ბავშვებისგან დაცულ ადგილზე.

მაწარმოებელი: Honor Pharmaceutical Indastry Trade Co.LTD

Bestepe/Yenimalle/Ankara/Turkey

დისტრიბიუტორი საქართველოში: LTD 3D GEORGIA

ვიტანგო 200მგ #20ტ

~~19.80 ლარი~~
18.61 ლარი

ქვეყანა: გერმანია

მწარმოებელი: ენგელჰარდ არზნაიმიტელ გმბჰ

გაცემის ფორმა: III ჯგუფი ურეცეპტო

ბლემარენი – BLEMAREN – БЛЕМАРЕН

საერთაშორისო დასახელება:

CITRIC ACID; POTASSIUM BICARBONATE; SODIUM CITRATE

მწარმოებელი: ESPHARMA

კლინიკურ–ფარმაკოლოგიური ჯგუფი:

ნეფროლიტური საშუალება, შარდ-კენჭოვანი დაავადების სამკურნალო პრეპარატი.

შემადგენლობა და გამოშვების ფორმა:

გრანულირებული ფხვნილი: შეფუთვაში პლასტიკური ჭიქა 200 გ ფხვნილით პოლიეთილენის პარკში 3 გრამიანი საზომი კოვზით.

საკონტროლო კალენდარით და ინდიკატორით.

100 გ

ლიმონის მჟავა უწყლო ………………. 39.90 გ

ნატრიუმის ციტრატი უწყლო ………. 27.85 გ

კალიუმის ჰიდროკარბონატი ………. 32.25 გ

შუშხუნა ტაბლეტები: ტუბში 20 ც., შეფუთვაში 4 ტუბი საკონტროლო კალენდარით და ინდიკატორით.

1 აბ.

ლიმონის მჟავა უწყლო ……….. 1197.0 მგ

ნატრიუმის ციტრატი უწყლო .. 835.5 მგ

კალიუმის ჰიდროკარბონატი .. 967.5 მგ

ფარმაკოლოგიური მოქმედება:

გრანულატი შარდმჟავა ქვების გასახსნელად. მოქმედება დაფუძნებულია შარდის გატუტიანებაზე (შარდის pH 6.6–6.8 დროს მნიშვნელოვნად იზრდება შარდმჟავა მარილების გახსნა).

ჩვენებები:

შარდის გატუტიანება: ურატული ნეფროუროლითიაზი, ცისტინური ნეფროუროლითიაზი, თირკმლოვანი ტუბულარული აციდოზი;
ციტოსტატიკებით თერაპია და სამკურნალო საშუალებები, რომელიც ზრდის შარდმჟავას გამოყოფას;
ურატო–ოქსალური ნეფროუროლითიაზი (25% ოქსალატების შემცველობის დროს);
კანის პორფირია (სიმტომატური მკურნალობა).

მიღების წესი და დოზირება:

მიიღება შიგნით. მიღების წინ გრანულატს ხსნიან სითხეში.

საშუალო სადღეღამისო დოზა 6–18 გ. დღეღამურ დოზას თანაბრად ყოფენ დღის მაძილზე და ღებულობენ ჭამის შემდეგ.

ეფექტურობის კონტროლი (pH–ის განსაზღვრა შარდში) წარმოებს 3–ჯერ დღეში, ყოველი შემდეგი დოზის მიღების წინ. სწორად შერჩეულად ითვლება დოზა იმ შემთხვევაში თუ pH დღეღამის მანძილზე მერყეობს 6.2–7 ფარგლებში (ურატული ქვების გახსნისთვის); 7.5–8.5 (ცისტინური ქვებისთვის); 7.2–7.5 (პორფირიის მკურნალობისთვის); 7 – ციტოსტატიკებით მკურნალობისას.

თუ შარდის pH მითითებულზე დაბალია, დოზა უნდა გაიზარდოს; თუ მაღალია – მაშინ შემცირდეს. მკურნალობის ხანგრძლივობა – 4–6 თვე.

უკუჩვენებები:

* ჰიპერმგრძნობელობა;

* თირკმლის უკმარისობა;

* შარდგამომყოფი გზების ინფექცია, შარდოვანას დამშლელი ბაქტერიებით გამოწვეული;

* შარდის pH 7–ზე მეტი.

* მეტაბოლური ალკალოზი;

* მკაცრი უმარილო დიეტა;

* მძიმე არტერიული ჰიპერტენზია.

გვერდითი მოქმედება:

შეშუპება (Na⁺). მეტაბოლური ალკალოზი. დისპეფსია.

განსაკუთრებული მითითებები:

საშუალო სადღეღამისო დოზა (12გ.) შეიცავს 1.5მგ K⁺ და 0.9გ Na⁺ (გათვალისწინებული უნდა იყოს ავადმყოფის მიერ მარილის მოხმარება შეზღუდულად).

შესაძლებელია თირკმლის ქრონიკული უკმარისობის კომპენსირებისათვის გამოყენება, თუ ის არ მიმდინარეობს K⁺ –ის შეკავებით.

შეიძლება დაინიშნოს შაქრიანი დიაბეტის დროს;

ურატული ქვების დაშლისათვის არ შეიძლება დოზის გადაჭარბება, რადგან pH–ის გაზრდა 7–ზე მეტად იწვევს ფოსფატის გამოლექვას შარდმჟავა კრისტალებზე, რაც ხელს უშლის მის შემდგომ დაშლას;

მკურნალობის დროს საჭიროა ცილებით და პურინებით მდიდარი საკვების მიღება, ასევე აუცილებელია სითხით დატვირთვა, არანაკლებ 1.5–2 ლ.

კარდიოარტი #30ტ

CARDIOART

კარდიოარტი

კარდიოპროტექტორი / ნეიროპროტექტორი

შემადგენლობა:

L არგინინი -350 მგ

L არნიტინი-300 მგ

Mg მაგნიუმი-150 მგ

კოენზიმი Q10 100 მგ

Zn თუთია-7.5 მგ

Se სელენი- 0,03 მგ

კუნელი-50 mg

კარდიოარტის შემადგენლობაში შემავალი კოფერმენტები და მიკრო ელემენტები, პასუხისმგებელნი არიან ორგანიზმში მიმდინარე მთელ რიგ მეტაბოლურ პროცესებზე. კარდიოარტი მონაწილეობს ქსოვილოვან სუნთქვაში და აძლიერებს ნივთიერებათა ცვლას. გააჩნია კარგად გამოხატული დეტოქსიკაციის უნარი; გამოდევნის მძიმე მეტალებს ორგანიზმიდან.

ძლიერი ანტიოქსიდანტია.

არგინინი (Arginine) – ანელებს კიბოს და სიმსივნის განვითარებას. აძლიერებს იმუნურ სისტემას, აუცილებელია პროტეინის სინთეზისათვის, არგინინის არსებობა ორგანიზმში ხელს უწყობს კუნთოვანი მასის ზრდას და ცხიმოვანი მარაგების შემცირებას.

კარნიტინი (Carnitine) – კარნიტინი მონაწილეობს ცხიმის მჟავების გრძელი ჯაჭვის შექმნის და მათ ორგანიზმიდან გამოდევნის პროცესში. ცხიმოვანი მარაგების ზრდის პროცესის შეფერხების უნარის გამო L- კარნიტინი მნიშვნელოვანია წონის კლებისათვის და გულის დაავადებების რისკის შესამცირებლად.

კოენზიმ Q10 არის ენდოგენური ბუნების და სიცოცხლისთვის აუცილებელ ბიოქიმიურ ნაერთს წარმოადგენს, რომელიც ადამიანის ორგანიზმის ყოველ უჯრედშია და ერთ ერთ მთავარ როლს ასრულებს ენერგიის წარმოქმნის პროცესში. არის უძლიერესი ანტიოქსიდანტი, რომელიც ანეიტრალებს თავისუფალი რადიკალების დამაზიანებელ ზემოქმედებას.

თუთია შედის 400-მდე ფერმენტის შემადგენლობაში, მონაწილეობს ჰორმონების სინთეზში (ინსულინი, ტესტოსტერონი, ზრდის ჰორმონი); ზრდის T-ლიმფოციტების რაოდენობას და ნეიტროფილების ფაგოციტურ აქტივობას; აუცილებელია ალკოჰოლის დაშლისათვის (შედის ალკოჰოლდეჰიდროგენაზას შემადგენლობაში); მონაწილეობს ყნოსვის, გემოს და აღქმის რეცეპტორების ფუნქციონირებაში;

მაგნიუმი არის ყველაზე მნიშვნელოვანი ელემენტი, რომელიც მონაწილეობას იღებს ადამიანის ორგანიზმში მიმდინარე 350-ზე მეტ მნიშვნელოვან პროცესში, მათ შორის ენერგოწარმოების პროცესშიც. ახდენს გულის რითმის კოორდინირებას, ამცირებს მაღალ არტერიულ წნევას.

კუნელი მედიცინაში გამოიყენება გულისცემის რიტმის დარღვევის, უძილობისა და სისხლის მაღალი წნევის დროს, კუნელი ანელებს ცენტრალური ნერვული სისტემის აღგზნებადობას, მატონიზირებელ გავლენას ახდენს გულის კუნთზე, აძლიერებს სისხლის მიმოქცევას გულის კორონარულ ძარღვებსა და ტვინის ძარღვებში, ხსნის ტაქიკარდიასა და არითმიას, რამდენადმე დაბლა სწევს სისხლის წნევას.

ჩვენებები:

კარდიომიოპათია და ცირკურატორული დარღვევები;
არტერიული ჰიპერტენზია;
გულის იშემიური დაავადებები;
გულის ქრონიკული უკმარისობა
არითმია
ჰიპერქოლესტერინემია
ათეროსკლეროზის პროფილაქტიკა.
თავის ტვინის სისხლის მიმოქცევის დარღვევა
პოლინეიროპათია
მიასთენია
ნევრიტები
შაკიკი
გაფანტული სკლეროზი;
ტიპი 2 შაქრიანი დიაბეტი
თირეოტოქსიკოზი
ჰიპოთირეოზი
სიმსუქნე
გლუკოკორტიკოიდებით ხანგრძლივი მკურნალობა
მომატებული ფიზიკური და ფსიქიკური გადაძაბვა
სტრესი და ქრონიკული გადაღლის სინდრომი.

მიღების წესი და დოზირება: საპრევენციოდ 1 ტაბლეტი 1-ჯერ დღეში.

კონკრეტული ნოზოლოგიის დროს 1 ტაბლეტი 2-ჯერ დღეში.

ორსულობა და ლაქტაცია: ექიმის რეკომენდაციის მიხედვით.

არ ახასიათებს გვერდითი მოვლენები, პრეპარატი გადაიტანება კარგად.

უკუჩვენება: პრეპარატის შემადგენელი კომპონენტების მიმართ აუტანლობა.

კარდიოარტი უსაფრთხო საშუალებაა კარდიოპროტექტორული, ციტოპროტექტორული და ნეიროპროტექტორული მოქმედებით.

არ ახასიათებს გვერდითი მოვლენები / პრეპარატი გადაიტანება კარგად.

უკუჩვენება: პრეპარატის შემადგენელი კომპონენტების მიმართ აუტანლობა

ორსულობა და ლაქტაცია: ექიმთან შეთანხმება

გამოშვების ფორმა: ტაბლეტები N 30

მწარმოებელი: / Honor PharmaceuticalIndustry Trade Co LTD

Bestepe/Yenimalle/Ankara/Turket

დისტრიბუტორი საქარრთველოში: LTD 3D GEORGIA

ვინპოცეტინი 5მგ #30ტ (დარნიცა)

~~5.60 ლარი~~
5.26 ლარი

ქვეყანა: უკრაინა

მწარმოებელი: დარნიცა კიევი

გაცემის ფორმა: III ჯგუფი ურეცეპტო

ბიცილინი-3 – BICILLINUM-3 – БИЦИЛЛИН – 3

საერთაშორისო დასახელება:

BENZATHINE BENZYLPENICILLIN

მწარმოებელი: SOLVAY PHARMACEUTICALS

კლინიკურ–ფარმაკოლოგიური ჯგუფი:

ანტიბიოტიკი, პენიცილინი.

შემადგენლობა და გამოშვების ფორმა:

ფხვნილი საინექციო ხსნარის მოსამზადებლად:

ფლაკონში 10 მლ

1 ფლ.

ბენზათინ ბენზილპენიცილინი ……… 600000 სე

ფარმაკოლოგიური თვისებები:

ბიცილინის ანტიმიკრობული მოქმედების სპექტრი ბენზილპენიცილინის მოქმედების სპექტრის ანალოგიურია. ბიცილინის მიმართ მგრძნობიარეა როგორც გრამდადებითი (Staphylococcus spp., გარდა პენიცილინაზას წარმომქმნელი, აგრეთვე Streptococcus spp., გარდა S. faecalis, Bacillus anthracis, Clostridium spp., Corynebacterium diphtheriae), ასევე გრამუარყოფითი კოკები (Neisseria gonorrhoae, Neisseria meningitidis), აგრეთვე Treponema pallidium.

პრეპარატის მოქმედების მიმართ მდგრადია გრამუარყოფითი ბაქტერიების უმრავლესობა, მიკობაქტერიები, სოკოები, ვირუსები, უმარტივესები.

ფარმაკოკინეტიკა:

ბიცილინი წარმოადგენს ბენზილპენიცილინის პროლონგირებელ ფორმას. მისი კუნთებში შეყვანისას კუნთოვან ქსოვილში წარმოიქმნება პრეპარატის დეპო. პრეპარატის მიღებიდან პირველ საათებში სისხლში აღინიშნება ბენზილპენიცილინის მაღალი კონცენტრაცია. ბიცილინი კარგად ნაწილდება ორგანიზმის ქსოვილებსა და სითხეებში. პრეპარატი მაღალი კონცენტრაციით აღინიშნება თირკმელებში, ღვიძლში, ფილტვებში, ლორწოვან გარსებში, აქვს უნარი შეაღწიოს ფიბროზულ ქსოვილებში. ბიცილინი ძირითადად გამოიყოფა შარდით ბიოლოგიურად აქტიური ფორმით (50-70%), უმნიშვნელო რაოდენობით ნერწყვით, ოფლით, რძითა და ნაღველით.

ჩვენებები:

ბიცილინი-3 გამოიყენება იმ ინფექციური დაავადებების სამკურნალოდ, რომლებიც გამოწვეულია ბენზილპენიცილინის მიმართ მგრძნობიარე მიკროორგანიზმებით, აგრეთვე როდესაც აუცილებელია სისხლში პრეპარატის მუდმივი კონცენტრაციის ხანგრძლივად შენარჩუნება: სტრეპტოკოკური ფარინგიტებისა და ტონზილიტების, წითელი ქარის, ათაშანგის სამკურნალოდ; აგრეთვე გართულებული რევმატული დაავადებების გამწვავების პროფილაქტიკისათვის.

მიღების წესი და დოზირება:

ბიცილინი-3 შეყავთ მხოლოდ კუნთებში!

ვენაში პრეპარატის შეყვანა დაუშვებელია!

სუსპენზია მზადდება ასეპტიკურ პირობებში უშუალოდ გამოყენების წინ. ბიცილინი-3 შემცველ ფლაკონში შეყავთ 5-6 მლ ნატრიუმის ქლორიდის იზოტონური ხსნარი ან საინექციო სტერილური წყალი, ან ნოვოკაინის 0,25-0,5 % ხსნარი, შემდეგ შეანჯღრევენ ჰომოგენური სუსპენზიის მიღებამდე, რომელიც მოზრდილებში შეყავთ დუნდულოს ზემო გარეთა კვადრანტში ღრმად, 600000 სე დოზით 6 დღეში ერთხელ. ბიცილინი-3 სუსპენზიის შეყვანამდე აუცილებელია დავრწმუნდეთ, რომ ნემსი არ მოხვდა სისხლძარღვში. სისხლის გამოსვლის შემთხვევაში ნემსი აუცილებელია ამოვიღოთ და ინექცია ვაწარმოოთ სხვა ადგილას.

გვერდითი მოვლენები:

მოსალოდნელია ადგილობრივი და გენერალიზებული ალერგიული რეაქციები: სტომატიტი, გლოსიტი, ურტიკარია, ცხელება, ართრალგია, ანგიონევროზული შეშუპება, პოლიმორფული ერითემა, ანაფილაქსიური შოკი.

პაციენტები, რომლებსაც პრეპარატის მიმართ აღენიშნებოდათ მომატებული მგრძნობელობა უნდა იმყოფებოდნენ მუდმივი მეთვალყურეობის და უშუალოდ ექიმის დაკვირვების ქვეშ რეაქტიული მოვლენების სრულ გაქრობამდე. მძიმე შემთხვევებში ინიშნება: 0,1% ატროპინის ინექცია – 0,5-0,6 მლ. ნიშადურის სპირტის შესუნთქვა; 0,1% ადრენალინის ინექცია 1 მლ ან 5% ეფედრინის 1 მლ; 2% სუპრასტინის ინექცია – 1-2 მლ.

უკუჩვენება:

პენიცილინისა და ნოვოკაინის მიმართ მომატებული მგრძნობელობა, ბრონქული ასთმა და სხვა ალერგიული დაავადებები.

ურთიერთქმედება სხვა სამკურნალო საშუალებებთან:

არ არის რეკომენდებული ბიცილინი-3 სუსპენზიისა და სხვა საინექციო ხსნარების ერთმანეთში შერევა.

პრეპარატისა და ინდომეტაცინის, ფენილბუტაზონისა და სალიცილატების ერთდროული გამოყენება არ არის რეკომენდებული.

პრეპარატი სიფრთხილით ინიშნება ცეფალოსპორინების ჯგუფის ანტიბიოტიკების მიმართ მომატებული მგრძნობელობისას (ჯვარედინი ალერგიის შესაძლო განვითარების გამო).

განსაკუთრებული მითითებანი:

მკურნალობის დაწყებამდე აუცილებელია ვიცოდეთ აღინიშნებოდა თუ არა პენიცილინის ჯგუფის პრეპარატების მიმართ მომატებული მგრძნობელობა.

პრეპარატი სიფრთხილით ინიშნება პაციენტებში, რომლებსაც გააჩნიათ მიდრეკილება ალერგიული რეაქციების მიმართ. ალერგიული რეაქციების გამოვლენისთანავე საჭიროა პრეპარატის მიღების შეწყვეტა და შესაბამისი მკურნალობის დანიშვნა.

შენახვის პირობები:

ინახება ოთახის ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

1...673674675...799 გვერდი 674 of 799