კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ანბერი
(ANBER)

ზოგადი დახასიათება:

არაპატენტირებული საერთაშორისო დასახელება: დიციკლოვერინი და პარაცეტამოლი.

ძირითადი ფიზიკურ-ქიმიური თვისებები:
თეთრი ფერის, მრგვალი ფორმის, ბრტყელი ზედაპირის მქონე შემოუგარსავი ტაბლეტები ნაზოლითა და ჭდით.
 
შემადგენლობა:   
1 შემოუგარსავი ტაბლეტი შეიცავს:
დიციკლომინის ჰიდროქლორიდს _ 20 მგ, პარაცეტამოლს _ 500 მგ.
დამხმარე ნივთიერებები: სიმინდის სახამებელი, გასუფთავებული ტალკი, მაგნიუმის სტეარატი, პოვიდონი, ნატრიუმის მეთილჰიდროქსიბენზოატი, ნატრიუმის პროპილჰიდროქსიბენზოატი, ლიმონმჟავას მონოჰიდრატი, კოლოიდური სილიციუმის დიოქსიდი, ნატრიუმის სახამებლის გლიკოლატი.

გამოშვების ფორმა:
შემოუგარსავი ტაბლეტები.

ფარმაკოლოგიური ჯგუფი:
სპაზმოლიზური, ანტიპირეტული და ანალგეზიური საშუალება.
N02BE51.

ფარმაკოლოგიური თვისებები:
ანბერი   კომბინირებული პრეპარატია, რომლის მოქმედება განპირობებულია მასში შემავალი კომპონენტების თვისებებით.
დიციკლომინის ჰიდროქლორიდი წარმოადგენს სუსტ მუსკარინულ ქოლინობლოკატორს პირდაპირი ანტისპაზმური ეფექტით. იგი ამცირებს გლუვი კუნთების სპაზმს, განსაკუთრებით მოქმედებს კუჭ-ნაწლავის ტრაქტის გლუვ კუნთებზე “გაღიზიანებული ნაწლავის სინდრომის” დროს.
პარაცეტამოლი წარმოადგენს ეფექტურ ანალგეზიურ და ანტიპირეტულ საშუალებას, რომელიც გამოიყენება სუსტი ანთებითი პროცესების დროს “გაღიზიანებული
ნაწლავის სინდრომისადმი” განწყობილ პაციენტებში.

ფარმაკოკინეტიკა:
დიციკლომინის ჰიდროქლორიდი პერორალური მიღებისას სწრაფად აბსორბირდება და
60-90 წთ-ში აღწევს სასურველ კონცენტრაციას სისხლის პლაზმაში.
გამოიყოფა ორგანიზმიდან ძირითადად თირკმელების საშუალებით (79.5%). ნახევარგამოყოფის პერიოდი შეადგენს 1.2 _ 1.8 სთ-ს.
პარაცეტამოლი პერორალური მიღებისას სწრაფად აბსორბირდება.
მაქსიმალურ კონცენტრაციას სისხლის პლაზმაში აღწევს 1 სთ-ში.
ანალგეზიური ეფექტი ვლინდება მიღებიდან 30 წთ-დან 2 სთ-ის განმავლობაში.

ჩვენება:
ტკივილითა და მსუბუქი ანთებით მიმდინარე ნაწლავური პროცესები.
• ნაწლავის კოლიკა;
• ღვიძლის კოლიკა;
• თირკმლის კოლიკა;
• პილოროსპაზმი;
• ალგოდისმენორეა;
• “გაღიზიანებული ნაწლავის სინდრომთან” ასოცირებული კუჭ-ნაწლავის სპაზმი.

მიღების წესი და დოზირება:
მოზრდილთათვის რეკომენდებულია 1-2 ტაბლეტი ანბერის მიღება კვების წინ 15 წთ-ით ადრე 2_4-ჯერ დღეში. საჭიროების შემთხვევაში დოზა შეიძლება გაიზარდოს 4 ტაბლეტამდე დღეში. 6 წლამდე ასაკის ბავშვებისათვის – 1/4-1/2 ტაბლეტი 3_4-ჯერ დღეში,
7-დან 12 წლამდე ასაკის ბავშვებისათვის -½1/2 ტაბლეტი 3_4-ჯერ დღეში.
 
გვერდითი მოვლენები:
კუჭ-ნაწლავის ტრაქტის მხრივ: პირის სიმშრალე,  გულისრევა, ღებინება, მადის დაქვეითება, ყაბზობა,  ტკივილი ეპიგასტრიუმის არეში.
მხედველობის მხრივ: აკომოდაციის დარღვევა. 
შარდ-სასქესო სისტემის მხრივ: შარდვის გაძნელება.
გულ-სისხლძარღვთა სისტემის მხრივ: ხანმოკლე ბრადიკარდია, ტაქიკარდია.
სხვა: ძილიანობა,  მოუსვენრობა, შფოთვა, გაფანტულობა, თავბრუსხვევა, სისუსტე.

უკუჩვენება:
ობსტრუქციული უროპათია, საჭმლის მომნელებელი ტრაქტის ობსტრუქციული დაავადებები, ღვიძლის უკმარისობა, ჰიპერბილირუბინემია, თირკმლის უკმარისობა, კუჭისა და თორმეტგოჯა ნაწლავის წყლულოვანი დაავადება,  მწვავე წყლულოვანი კოლიტი, რეფლუქს- ეზოფაგიტი, ჰემატოლოგიური დაავადებები, გლაუკომა, მიასთენია, შაქრიანი დიაბეტი, ჰიპერმგრძნობელობა დიციკლომინის ჰიდროქლორიდისა და სხვა შემადგენელი კომპონენტებისადმი,
გლუკოზო-6-ფოსფატდეჰიდროგენაზას დეფიციტი.

ურთიერთქმედება სხვა სამკურნალო საშუალებებთან:
ქინიდინის ჯგუფის ანტიარითმიული, ანტიჰისტამინური, ნეიროლეპსიური საშუალებები (ფენოთიაზინები), ბენზოდიაზეპინები, მაო-ს ინჰიბიტორები, ნარკოტიკული ტკივილგამაყუჩებელი საშუალებები (მეპერიდინი), ნიტრატები და ნიტრიტები, სიმპათომიმეტური პრეპარატები, ტრიციკლური ანტიდეპრესანტები და სხვა ანტიქოლინერგული პრეპარატები ახშირებს გვერდით მოვლენებს.
ანტიქოლინერგული პრეპარატები ეწინააღმდეგებიან გლაუკომის სამკურნალო პრეპარატების მოქმედებას. მათი კორტიკოსტეროიდებთან კომბინაცია ინტრაოკულარული (თვალშიდა) წნევის მომატების შემთხვევაში  სახიფათოა.
ანტიქოლინერგულმა პრეპარატებმა შეიძლება გამოიწვიოს კუჭ-ნაწლავის ტრაქტიდან სხვადასხვა სამკურნალო საშუალებების, მაგალითად, დიგოქსინის შეწოვის დარღვევა.  ანტიქოლინერგული პრეპარატების გამოყენებისას ფერხდება იმ სამკურნალო საშუალებების მოქმედება, რომლებიც იწვევს საჭმლის მომნელებელი ტრაქტის მოტორიკის ცვლილებებს (მეტოკლოპრამიდი). რადგან ანტაციდური პრეპარატები გავლენას ახდენენ ანტიქოლინერგული საშუალებების აბსორბციაზე, მათი კომბინირებული გამოყენება მიზანშეწონილი არ არის.
ანტიქოლინერგული პრეპარატები აინჰიბირებს რა მარილმჟავის სეკრეციას, წარმოადგენს აქლორჰიდრიის სამკურნალო საშუალებების ანტაგონისტს. ამიტომ ისინი გამოიყენება კუჭის სეკრეტორული ფუნქციის დიაგნოსტიკის დროს.

ჰიპერდოზირება:
დიციკლომინის ჰიდროქლორიდი:
ჰიპერდოზირების დროს ვლინდება თავის ტკივილი, გულისრევა, ღებინება, მხედველობის დაბინდვა, გუგების გაფართოება, ტემპერატურის მომატება,  კანის სიმშრალე, თავბრუსხვევა, პირის სიმშრალე, ყლაპვის გაძნელება, აგზნებადობა. ნერვ-კუნთოვანი ბლოკადის დროს შეიძლება გამოვლინდეს კურარეს მსგავსი ეფექტი, რომელიც წინ უძღვის კუნთოვანი სისუსტისა და  დამბლის შესაძლო განვითარებას.
მკურნალობა მოიცავს შემდეგ ღონისძიებებს: კუჭის ამორეცხვა, ნაწლავების გაწმენდა და გააქტივებული ნახშირის მიღება. შეიძლება გამოყენებულ იქნას შესაბამისი ქოლინერგული ანტიდოტი.
პარაცეტამოლი:
პირველ 24 სთ-ში პარაცეტამოლით ინტოქსიკაციის ნიშნებია: სიფერმკრთალე, გულისრევა, ღებინება, ანორექსია და ტკივილი მუცლის არეში, ღვიძლის დაზიანება შეიძლება გამოვლინდეს 12 სთ-დან 48 სთ-მდე. ასევე შეიძლება ადგილი ჰქონდეს გლუკოზის მეტაბოლიზმის დარღვევასა და თირკმლის დაზიანებას.
მკურნალობა მოიცავს შემდეგ ღონისძიებებს: ნაწლავების გაწმენდა, კუჭის ამორეცხვა და გააქტივებული ნახშირის მიღება. შეიძლება გამოყენებულ იქნას შესაბამისი ანტიდოტი, როგორიცაა აცეტილცისტეინი.

ორსულობა და ლაქტაცია:
ორსულობისა და ლაქტაციის პერიოდში პრეპარატის გამოყენება დაუშვებელია.

გამოყენების თავისებურებები:
გარემოს მაღალი ტემპერატურის დროს შეიძლება გამოვლინდეს სისუსტე, ტემპერატურის   მომატება, რომელიც დაკავშირებულია ოფლის გამოყოფის შემცირებასთან. სიმპტომების გამოვლენისთანავე უნდა შეწყდეს წამლის მიღება.  
ფაღარათი შეიძლება იყოს არასრული ნაწლავური ობსტრუქციის ნაადრევი სიმპტომი, განსაკუთრებით კი პაციენტებში კოლოსტომით ან ილეოსტომით. ამ შემთხვევაში პრეპარატით მკურნალობა არ არის მიზანშეწონილი.
დიციკლომინის ჰიდროქლორიდის გამოყენებამ  შეიძლება გამოიწვიოს მხედველობის დაბინდვა, დაბნეულობა, ატაქსია, კომა, ეიფორია, გადაღლილობა, უძილობა და აგზნებადობა.
აღნიშნული სიმპტომები ქრება წამლის მიღების შეწყვეტიდან 12-24 სთ-ის განმავლობაში. პრეპარატი არ არის რეკომენდებული 6 თვემდე ასაკის ბავშვებისათვის.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის გამოყენებისას საჭიროა თავის არიდება იმ ქმედებებისაგან, რომელიც მოითხოვს ყურადღებასა და სწრაფ ფსიქომოტორულ რეაქციას.

შეფუთვა:
10 ტაბლეტი კონტურულ უჯრედოვან შეფუთვაში, 1 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე,  მშრალ, სინათლისა  და ბავშვებისაგან დაცულ ადგილას.

ვარგისიანობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
II ჯგუფი (გაცემის რეჟიმი : რეცეპტით)

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.

ქვეყანა: საქართველო

მწარმოებელი: ოფიცინა

გაცემის ფორმა: III ჯგუფი ურეცეპტო

ქვეყანა: ინდოეთი

მწარმოებელი: იუნიქ ფარმაცეუტიკალ ლაბორატ

გაცემის ფორმა: III ჯგუფი ურეცეპტო

ანასპანი
ANASPAN
(Hyoscine butylbromide)

შემადგენლობა
ანასპანის ერთი ტაბლეტი შეიცავს აქტიური ნივთიერების – ჰიოსცინის N-ბუთილბრომიდის 10 მგ-ს.

მოქმედების მექანიზმი მ-ქოლინორეცეპტორების ბლოკატორი. ახასიათებს შინაგანი ორგანოების (კუჭ-ნაწლავის ტრაქტის, ნაღვლის სადინარების, შარდ-სასქესო გზების) გლუვ კუნთებზე სპაზმოლიზური მოქმედება, ამცირებს საჭმლის მომნელებელი სისტემის ჯირკვლების სეკრეციას. ჰიოსცინის ბუთილბრომიდი არ გადის ჰემატოენცეფალურ ბარიერს, რის გამოც ცენტრალურ ნერვულ სისტემაზე ვერ ახდენს ანტიქოლინერგულ მოქმედებას.

ჩვენება
– საჭმლის მომნელებელი სისტემის, ნაღვლის სადინარების, შარდ-სასქესო გზების სპაზმური მდგომარეობები (თირკმლის კოლიკა, ნაღვლის კოლიკა, ნაწლავის კოლიკა, ქოლეცისტიტი, პილოროსპაზმი);
– სანაღვლე გზების სპაზმური დისკინეზია;
– კუჭისა და თორმეტგოჯა ნაწლავის წყლულოვანი დაავადება გამწვავების ფაზაში (კომპლექსურ თერაპიაში);
– ალგოდისმენორეა.

უკუჩვენება
– მომატებული მგრძნობელობა ჰიოსცინის ბუთილბრომიდის ან პრეპარატის სხვა შემადგენელი კომპონენტების მიმართ;
– დახურულკუთხოვანი გლაუკომა;
– წინამდებარე ჯირკვლის ადენომა;
– პილორუსის სტენოზი;
– ტაქიარითმია;
– მეგაკოლონი;
– ნაწლავების მექანიკური გაუვალობა;
– ფილტვების მწვავე უკმარისობა;
– თავის ტვინის სისხლძარღვების გამოხატული ათეროსკლეროზი.

უსაფრთხოების ზომები
პრეპარატი სიფრთხილით ინიშნება ნაწლავთა გაუვალობის, საშარდე გზების ობსტრუქციის (მათ შორის წინამდებარე ჯირკვლის კეთილთვისებიანი ჰიპერპლაზიის არსებობისას) დროს, ასევე ტაქიარითმიისადმი (მათ შორის მოციმციმე არითმია) მიდრეკილებისას. ორსულობის პერიოდში პრეპარატის უარყოფითი მოქმედების შესახებ ინფორმაცია არ არსებობს, თუმცა ორსულობის პერიოდში (განსაკუთრებით I ტრიმესტრში) პრეპარატი სიფრთხილით ინიშნება. ლაქტაციის პერიოდში პრეპარატის უსაფრთხოების შესახებ მონაცემები არ არსებობს. თუმცა, ახალშობილებში არასასურველი ეფექტის შემთხვევები აღწერილი არ არის.

დოზის გადაჭარბება
პრეპარატის დოზის გადაჭარბების შემთხვევები აღწერილი არ არის. ამიტომ სიმპტომები და რეკომენდაციები თეორიული ხასიათისაა. სიმპტომები: შარდის შეკავება, პირის სიმშრალე, ჰიპერემია, ტაქიკარდია, კუჭ-ნაწლავის ტრაქტის მოტორიკის დათრგუნვა, მხედველობის გარდამავალი დარღვევა. 
მკურნალობა: კუჭის ამორეცხვა აქტივირებული ნახშირით და 15% მაგნიუმის სულფატით. შემდეგ ნაჩვენებია ქოლინომიმეტური საშუალებების გამოყენება. გლაუკომის შემთხვევაში ადგილობრივად ინიშნება პილოკარპინი. აუცილებლობისას ინიშნება 0.5-2.5 მგ ნეოსტიგმინი კუნთში ან ვენაში საინიექციოდ, სიმპტომური თერაპია, შარდის ბუშტის კათეტერიზაცია. ანასპანი აძლიერებს ტრიციკლური ანტიდეპრესანტების, ანტიჰისტამინური პრეპარატების, ქინიდინის, ამანტადინის, დიზოპირამიდის ანტიქოლინერგულ მოქმედებას. დოფამინის ანტაგონისტები ანასპანთან კომბინაციაში იწვევენ კუჭ-ნაწლავის ტრაქტზე ორივე პრეპარატის მოქმედების შემცირებას. ანასპანმა შესაძლებელია ბეტა-ადრენერგული საშუალებებით გამოწვეული ტაქიკარდია გააძლიეროს. დოზირება და მიღების წესი მოზრდილებში ინიშნება 1-2 ტაბლეტი 4-ჯერ დღეში. ბავშვებში 6 წლის ასაკის ზევით – 1 ტაბლეტი 3-ჯერ დღეში. მკურნალობის ხანგრძლივობა დგინდება ინდივიდუალურად. გვერდითი მოვლენები პირის სიმშრალე, კანის სიმშრალე, ტაქიკარდია, ძილიანობა, აკომოდაციის დარღვევა; შესაძლებელია – შარდის შეკავება. ძალიან იშვიათად შესაძლებელია გამოვლინდეს გამონაყარი კანზე ან სუნთქვის გაძნელება.

ვარგისიანობა და შენახვის პირობები
პრეპარატის ვარგისიანობის ვადაა 3 წელი, ინახება 10-25⁰C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
ტაბლეტი 10 მგ; 20 ტაბლეტი ბლისტერებში.მეორადი შეფუთვა: მუყაოს კოლოფში.

აფთიაქიდან გაცემის პირობები ექიმის რეცეპტით!

მწარმოებელი ფირმა: შ.პ.ს. “ჯი-ემ-პი” (საქართველო)

ქვეყანა: საქართველო

მწარმოებელი: ნეოფარმი

გაცემის ფორმა: III ჯგუფი ურეცეპტო

რინზა #10ტ

სამკურნალწამლო ფორმა: ტაბლეტები
შემადგენლობა: კოფეინი + პარაცეტამოლი + ფენილეფრინი + ქლორფენირამინი
1 ტაბლეტი შეიცავს:
აქტიური ნივთიერებები:
კოფეინი 30მგ
პარაცეტამოლი 500მგ
ფენილეფრინის ჰიდროქლორიდი 10მგ
ქლორფენირამინის მალეატი 2მგ
დამხმარე ნივთიერებები:
სილიციუმის კოლიდური დიოქსიდი 7.0მგ
სიმინდის სახამებელი 62.5მგ
სიმინდის სახამებელი (20% პასტისთვის) 20.0მგ
პოვიდონი (K 30) 4.0მგ
ნატრიუმის მეთილპარაჰიდროქსილბენზოატი 1.0მგ
მაგნიუმის სტეარატი 6.0მგ
ტალკი 7.0მგ
ნატრიუმის კარბოქსიმეთილსახამებელი ტიპი (ა) 10.0მგ
ალისფერი საღებავი (პონცო 4ღ) 0.5მგ
აღწერილობა
ვარდისფერი, მრგვალი, ბრტყელი ტაბლეტები, მუქი ვარდისფერი ჩანართებით, დაქანებული კიდეებით, ცალ მხარეს ნაზოლით გაყოფილი.
ფარმაკოთერაპიული ჯგუფი
მწვავე რესპირატორული დაავადებების და სიმპტომების მოსახსნელი საშუალება (ფსიქომასტიმულირებელი საშუალება+ანალგეზიური არანარკოტიკული საშუალება+ალფა ადრენომიმეტიური საშუალება+H1 ჰიტამინური რეცეპტორების მაბლოკირებელი საშუალება)
ათქ კოდი [N02BE71]
ფარმაკოლოგიური თვისებები
კომბინირებული პრეპარატი. პარაცეტამოლი ახდენს სიცხის დამწევ და ანალგეზიურ მოქმედებას: ამცირებს ტკივილის სინდრომს, რომელიც გვხვდება გაციების შემთხვევებში – ყელის ტკივილს, თავის ტკივილს, კუნთებისა და სახსრების ტკივილს, ამცირებს მაღალ ტემპერატურას. ფენილეფრინი ახდენს სისხლღარღვთა შემავიწროვებელ მოქმედებას – ამცირებს სასუნთქი გზების ზედა განყოფილების და დანამატი ღრუების ლორწოვანი გარსის შეშუპებას და ჰიპერემიას. ქლორფენირამინი ახდენს ალერგიის საწინააღმდეგო მოქმედებას: სპობს თვალების, ცხვირისა და ყელის ქავილს; ცხვირის ღრუს, ცხვირ-ხახის და დანამატი ღრუების ლორწოვანი გარსის შეშუპებას და ჰიპერემიას; ამცირებს ექსუდაციურ გამოვლინებებს. კოფეინი ახდენს მასტიმულირებელ მოქმედებას ცენტრალურ ნერვულ სისტემაზე, რაც იწვევს დაღლილობისა და ძილიანობის შემცირებას, აძლიერებს გონებრივ და ფიზიკურ შრომისუნარიანობას.
ჩვენებები
,,გაციების”, მწვავე რესპირატორული ვირუსული ინფექციების, მათ შორის გრიპის (ცხელების სინდრომი, ტკივილის სინდრომი, რინორეა) სიმპტომური მკურნალობა.
უკუჩვენებები
კორონარული არტერიების გამოხატული ათეროსკლეროზი; არტერიული ჰიპერტენზია (მძიმე მიმდინარეობა); შაქრიანი დიაბეტი (მძიმე მიმდინარეობა);
ჰიპერმგრძნობელობა პარაცეტამოლზე და პრეპარატის შემადგენლობაში შემავალ სხვა კომპონენტებზე; სხვა პრეპარატების მიღება, რომლებიც შეიცავენ რინზას შემადგენლობაში შემავალ ნივთიერებებს; ტრიციკლური ანდეპრესანტების, მონოამინოქსიდაზას (მაო) ინჰიბიტორების, ბეტაადრენომაბლოკირებელი საშუალებების ერთდროული მიღება; ორსულობა,
ლაქტაციის პერიოდი; ბავშვთა ასაკი (15 წლამდე).
სიფრთხილით
არტერიული ჰიპერტენზია, ჰიპერთირეოზი, ფეოქრომოციტომა, შაქრიანი დიაბეტი, ბრონქული ასთმა, ფილტვების ქრონიკული ოსტრუქციული დაავადება, გლუკოზო-6-ფოსფატდეჰიდროგენაზას დეფიციტი, სისხლის დავადებები, თანდაყოლილი ჰიპერბილირუბინემიები (ჟილბერის, დუბინ-ჯონსონის და როტორის სინდრომები), ღვიძლის ან/და თირკმლის უკმარისობა, გლაუკომის დახურულკუთხოვანი ფორმა, წინამდებარე ჯირკვლის ჰიპერპლაზია.
მიღების მეთოდი და დოზირება
შიგნით. 15 წელზე უფროსი ასაკის ბავშვებს და მოზრდილებს – 1 ტაბლეტი 3-4-ჯერ დღეში. მაქსიმალური დღიური დოზა – 4 ტაბლეტი. მკურნალობის კურსი არაუმეტეს 5 დღე.
გვერდითი ეფექტები
ალერგიული რეაქციები (მათ შორის გამონაყარი კანზე, ქავილი, ჭინჭრის ციება, ანგიონევროზიული შეშუპება), თავბრუსხვევა, დაძინების დარღვევა, მომატებული აგზნებადობა, მიდრიაზი, არტერიული წნევის მომატება, ტაქიკარდია; გულისრევა, ღებინება, ეპიგასტრალური ტკივილები; პირის სიმშრალე; შარდის შეკავება, აკომოდაციის პარეზი, თვალშიდა წნევის მომატება; ანემია, თრომბოციტოპენია, აგრანულოციტოზი, ჰემოლიზური ანემია, აპლასტური ანემია, მეთჰემოგლობინემია, პანციტოპენია; ჰეპატოტოქსიკური მოქმედება, ნეფროტოქსიკურობა (თირკმლის კოლიკა, გლუკოზურია, ინტერსტიციული ნეფრიტი, პაპილარული ნეკროზი); ბრონქოობსტრუქცია.
ჭარბი დოზირება
განპირობებულია, როგორც წესი პარაცეტამოლით, ვლინდება ამ უკანასკნელის 10-15გ-ზე მეტის მიღების შემდეგ. შესაძლებელია: კანის საფარველის სიფერმკრთალე, ანორექსია, გულისრევა, ღებინება; ჰეპატონეკროზი ტრანსამინაზების აქტივობის მომატება, პროთრომბინის დროის გაზრდა. ჭარბი დოზირების გამოვლენისას, საჭიროა ექიმის სასწრაფო კონსულტაცია.
მკურნალობა: კუჭის ამორეცხვა, შემდგომში აქტივირებული ნახშირის დანიშნვით; სიმპტომური თერაპია, მეთიონინის და აცეტილცისტეინის შეყვანა ჭარბი დოზირებიდან შესაბამისად 8-9 და 12სთ-ის საათის შემდეგ.
ურთიერთქმედება სხვა სამკურნალო საშუალებებთან:
აძლიერებს მონოამინოქსიდაზას (მაო) ინჰიბიტორების, სედაციური პრეპარატების და ეთანოლის ეფექტებს. ანტიდეპრესანტები, პარკინსონის საწინააღმდეგო საშუალებები, ანტიფსიქოზური საშუალებები, ფენოთიაზინის წარმოებულები – ამაღლებენ შარდის შეკავების, პირის სიმშრალის, ყაბზობის რისკს. გლუკოკორტიკოსტეროიდები ზრდიან გლაუკომის განვითარების რისკს. პარაცეტამოლი ამცირებს ურიკოზურიული პრეპარატების ეფექტურობას. ეთანოლი ზრდის ანტიჰისტამინური პრეპარატების სედაციურ ეფექტს. ქლორფენირამინმა მონოამინოქსიდაზას (მაო) ინჰიბიტორებთან და ფურაზოლიდონთან ერთად შესაძლოა გამოიწვიოს ჰიპერტონული კრიზი, აგზნება, ჰიპერპირექსიები. ტრიციკლური ანტიდეპრესანტები აძლიერებენ ფენილეფრინის ადრენომიმეტურ მოქმედებას,
ჰალოტანთან ერთდროული დანიშვნა ზრდის პარკუჭოვანი არითმიის განვითარების რისკს. ამცირებს გუანეტიდინის ჰიპოთენზიურ მოქმედებას, რომელიც თავის მხრივ აძლიერებს ფენილეფრინის ალფაადრენომასტიმულირებელ აქტივობას. ბარბიტურატებთან, დიფენინთან, კარბამაზეპინთან, რიფამპიცინთან და ღვიძლის მიკროსომური ფერმენტების სხვა ინდუქტორებთან ერთდროული დანიშვნა ზრდის პარაცეტამოლის ჰაპატოტოქსიკური მოქმედების განვითარების რისკს.
განსაკუთრებული მითითებები
მკურნალობის პერიოდში თავი უნდა შეიკავოთ ალკოჰოლის, საძილე და ანქსიოლიზური (ტრანკვილიზატორები) სამკურნალო საშუალებების მიღებისაგან. არ მიიღოთ სხვა სამკურნალო საშუალებებთან ერთად, რომლებიც შეიცავენ პარაცეტამოლს.
თუ სამკურნალო საშუალება გაუვარგისდა ან გაუვიდა ვარგისობის ვადა – არ გადააგდოთ ის გამდინარე წყლებში ან ქუჩაში! მოათავსეთ სამკურნალო საშუალება პაკეტში და ჩააგდეთ ნაგვის კონტეინერში. ეს ზომები დაეხმარება გარემოს დაცვას!
გავლენა სატრანსპორტო საშუალებების და მოძრავი სამუშაო მექანიზმების მართვაზე
მკურნალობის პერიოდში აუცილებელია თავი შეიკავოთ ავტოტრანსპორტის მართვისგან და პოტენციურად საშიში სახეობის ქმედებისგან, რომლებიც მოითხოვენ ყურადღების მომატებულ კონცენტრაციას და ფსიქომოტორული რეაქციების სისწრაფეს.
გამოშვების ფორმა
ტაბლეტები. 10 ტაბლეტი ალ/პვქ ბლისტერში. 1 ან 2 ბლისტერი (10 ან 20 ტაბლეტი) გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
ინახება არაუმეტეს 25ºC ტემპერატურაზე, მშრალ, სინათლისაგან დაცულ ადგილზე.
ინახება ბავშვებისთვის მიუწვდომელ ადგილზე.
ვაგისობის ვადა 3 წელი. არ გამოიყენება ვარგისობის ვადის ამოწურვის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი III (გამოყნება შესაძლებელია ექიმის მდანიშნულების გარეშე)

ქვეყანა: უკრაინა

მწარმოებელი: ფიტოფარმი

გაცემის ფორმა: III ჯგუფი ურეცეპტო

რეკლინი / Reklin

შემადგენლობა: 

ხსნარის 1მლ შეიცავს:

აქტიური ნივთიერება: მელოქსიკამი 10 მგ;

დამხმარე ნივთიერებები: მეგლუმინი, გლიკოფუროლი, პოლოქსამერი 188, გლიცინი, ნატრიუმის ქლორიდი, ნატრიუმის ჰიდროქსიდი, საინექციო წყალი.

ფარმაკოთერაპიული ჯგუფი: 

ანთების საწინააღმდეგო და ანტირევმატული პრეპარატები. ანთების საწინააღმდეგო არასტეროიდული პრეპარატები. ოქსიკამები. მელოქსიკამი.

ათქკოდი: M01AC06

ფარმაკოლოგიური თვისებები:

ფარმაკოდინამიკა:

რეკლინი – ოქსიკამების ჯგუფის ანთების საწინააღმდეგო არასტეროიდული საშუალებაა (ასას), ახდენს ანთების საწინააღმდეგო, ტკივილგამაყუჩებელ და სიცხის დამწევ მოქმედებას. ზემოთ ჩამოთვლილი ეფექტების მექანიზმი უკავშირდება მელოქსიკამის მიერ ანთების მედიატორების – პროსტაგლანდინების, სინთეზის ინჰიბირების უნარს.

მოქმედების მექანიზმში მნიშვნელოვანია სელექციური ინჰიბირების უნარი, რაც ნიშნავს უპირატესად სპეციფიური ფერმენტის –  ციკლოოქსიგენაზა-2(ცოგ-2)-ის ინჰიბირებას, რომელიც მონაწილეობს ანთების განვითარებაში. ითვლება, რომ ცოგ-2-ის ინჰიბირება უზრუნველყოფს ასას-ის თერაპიულ ეფექტს, მაშინ, როდესაც მუდმივად არსებული იზოფერმენტის – ცოგ-1 – ინჰიბირება, შესაძლოა იყოს კუჭის და თირკმლების მხრივ გვერდითი მოვლენების მიზეზი.

ცოგ-2 მიმართ მელოქსიკამის სელექციურობა დადასტურებულია სხვადასხვა ტესტ-სისტემებში, როგორც ინ ვიტრო, ასევე ინ ვივო.

კუჭ-ნაწლავის ტრაქტის (კნტ) ზედა ნაწილში მელოქსიკამის მიღებასთან დაკავშირებული პერფორაციის, წყლულების და სისხლდენების განვითარების სიხშირე, აღმოჩნდა დაბალი და დამოკიდებული იყო პრეპარატის დოზაზე. 

ფარმაკოკინეტიკა:

შეფარდებითი ბიოშეღწევადობა შეადგენს თითქმის 100%. პრეპარატის 5 მგ დოზით ინტრამუსკულარულად შეყვანის შემდეგ, მაქსიმალური კონცენტრაცია (Сmax) შეადგენს 1,62 მკგ/მლ და მიიღწევა დაახლოებით 60 წუთში. მელოქსიკამი კარგად უკავშირდება პლაზმის ცილებს, განსაკუთრებით ალბუმინს (99%). აღწევს სინოვიურ სითხეში, კონცენტრაცია სინოვიურ სითხეში შეადგენს პლაზმის კონცენტრაციის დაახლოებით 50%-ს. განაწილების მოცულობა (Vd) დაბალია, საშუალოდ შეადგენს 11 ლ. ინდივიდთაშორისი განსხვავება შეადგენს 30-40%.

მელოქსიკამი თითქმის მთლიანად მეტაბოლიზდება ღვიძლში ფარმაკოლოგიურად არააქტიური 4 წარმოებულის წარმოქმნით. ძირითადი მეტაბოლიტი, 5′-კარბოქსიმელოქსიკამი (დოზის 60%), წარმოიქმნება შუალედური მეტაბოლიტის, 5′-ჰიდროქსი-მეთილმელოქსიკამის დაჟანგვით, რომელიც ასევე ესკრეტირდება, მაგრამ ნაკლები ხარისხით (დოზის 9%). ინ ვიტრო კვლევებმა აჩვენა, რომ მოცემულ მეტაბოლურ გარდაქმნაში მნიშვნელოვან როლს თამაშობს იზოფერმენტი СYР2С9, დამატებითი მნიშვნელობა აქვს იზოფერმენტ СYР3А4. ორი სხვა მეტაბოლიტის (რომლებიც შესაბამისად შეადგენენ პრეპარატის დოზის 16% და 4%) წარმოქმნაში მონაწილეობას იღებს პეროქსიდაზა, რომლის აქტივობაც სავარაუდოდ, ინდივიდუალურად მერყეობს. 

თანაბარი რაოდენობით გამოიყოფა განავლით და შარდით, უპირატესად მეტაბოლიტების სახით. შეუცვლელი სახით გამოიყოფა განავლით  სადღეღამისო დოზის 5% ნაკლები, შარდში შეუცვლელი სახით პრეპარატი ვლინდება მხოლოდ კვალის სახით .ნახევარგამოყოფის საშუალო პერიოდი (Т½) შეადგენს 20 სთ. პლაზმური კლირენსი შეადგენს საშუალოდ 8 მლ/წთ.

ინტრამუსკულარულად შეყვანისას დოზით 7,5-15 მგ მელოქსიკამი ავლენს ხაზოვან ფარმაკოკინეტიკას.

ღვიძლის ან თირკმლის საშუალო სიმძიმის უკმარისობა მელოქსიკამის ფარმაკოკინეტიკაზე მნიშვნელოვან გავლენას არ ახდენს.  

გამოყენების ჩვენებები:

ტკივილის სინდრომის სიმპტომური მკურნალობა ოსტეოართრიტის (ართროზი, სახსრების დეგენერაციული დაავადებები), რევმატოიდული ართრიტის, მაანკილოზებელი სპონდილიტის დროს.

უკუჩვენებები:

• მომატებული მგრძნობელობა მელოქსიკამის, ან პრეპარატის სხვა კომპონენტების მიმართ;

• მომატებული მგრძნობელობა აცეტილსალიცილის მჟავას და სხვა ანთების საწინააღმდეგო არასტეროიდული პრეპარატების მიმართ (ანამნეზში ბრონქული ასთმის, ნაზალური პოლიპების, ანგიონევროზული შეშუპების, ჭინჭრის ციების არსებობა აცეტილსალიცილის მჟავას ან სხვა ასას შემდეგ);

• პაციენტები, რომლებიც იღებენ ანტიკოაგულანტებს (კუნთშიდა ჰემატომის განვითარების რისკი);

• კუჭის და თორმეტგოჯა ნაწლავის ლორწოვანის ეროზიულ-წყლულოვანი ცვლილებები/პერფორაცია (გამწვავების ფაზაში, ან ახლახან გადატანილი);

• არასპეციფიური წყლულოვანი კოლიტი გამწვავების ფაზაში, კრონის დაავადება;

• გამოხატული ღვიძლის უკმარისობა, ღვიძლის დაავადებები მწვავე სტადიაში;

• სისხლდენა კუჭ-ნაწლავიდან, ახლახან გადატანილი ცერებრო-ვასკულური სისხლდენა, ან სისხლის შედედების სისტემური დარღვევები;

• თირკმლების პროგრესირებადი დაავადებები, გამოხატული თირკმლის უკმარისობა (თუ არ ტარდება ჰემოდიალიზი), კრეატინინის კლირენსი ნაკლები 30 მლ/წთ;

• გულის დეკომპენსირებული უკმარისობა;

• ოპერაციის შემდგომი ტკივილის სინდრომი აორტო-კორონარული შუნტირების (შემოვლითი ანასტომოზების დადება) შემდეგ;

• ბავშვთა და 18 წლამდე მოზარდთა ასაკი;

• ორსულობა და ლაქტაციის პერიოდი.

გამოყენების წესი და დოზები:

რეკლინის საინექციო ხსნარი განკუთვნილია მხოლოდ კუნთში შესაყვანად. ხსნარის ინტრავენურად გამოყენება უკუნაჩვენებია. ინტრამუსკულარულ შეყვანას იყენებენ თერაპიის პირველ დღეებში. შემდგომ გადადიან პრეპარატის შიგნით მიღებაზე ტაბლეტების ფორმით.

ართროზის გამწვავებისას ინიშნება7,5 მგ 1 ჯერ დღეში. თუ თერაპიული ეფექტი არასაკმარისია, დოზის გაზრდა შესაძლებელია 15 მგ-მდე. 

ბეხტერევის დაავადების და რევმატოიდული ართრიტისას – 15 მგ 1 ჯერ დღეში. თუ აღინიშნება საკმარისი თერაპიული ეფექტი, სადღეღამისო დოზირებას ამცირებენ 7,5 მგ-მდე ერთჯერადად დღეში. დღე-ღამეში პრეპარატ რეკლინის დოზის გადაჭარბება 15 მგ მეტად რეკომენდებული არ არის.

შესაძლო არათავსებადობის გათვალისწინებით, რეკლინის ამპულის შიგთავსი არ უნდა შეურიოთ ერთ შპრიცში სხვა სამკურნალო საშუალებებთან.

პაციენტებში გვერდითი რეაქციების მომატებული რისკით და თირკმლის გამოხატული უკმარისობით, რომლებიც იმყოფებიან ჰემოდიალიზზე, დოზა არ უნდა აღემატებოდეს 7,5 მგ დღეში. პრეპარატ რეკლინის დოზირების რეჟიმი ინტრავენური ინექციებისათვის ბავშვებსა და მოზარდებში ჯერ არ არის განსაზღვრული, მოცემული სამკურნალო ფორმა შეიძლება გამოყენებული იქნას მხოლოდ მოზრდილ პაციენტებში. მაქსიმალური რეკომენდებული სადღეღამისო დოზა  – 15 მგ.

გვერდითი მოვლენები 

საჭმლის მომნელებელი სისტემის მხრივ: გულისრევა, ღებინება, მუცლის ტკივილი, შეკრულობა, დიარეა, მეტეორიზმი, ღვიძლის ფუნქციის ბიოქიმიური მაჩვენებლების დროებითი დარღვევა (ტრანსამინაზების ან ბილირუბინის მომატება), ბოყინი, კნტ ეროზიულ-წყლულოვანი დაზიანებები, ფარული ან მანიფესტირებული სისხლდენა კნტ-დან, სტომატიტი;

სისხლმბადი სისტემის მხრივ:  სისხლის ფორმულის შეცვლა, ანემია, ლეიკოპენია და თრომბოციტოპენია;

ცნს-ის მხრივ: თავბრუსხვევა, თავის ტკივილი, ყურებში ხმაური, ძილიანობა;

გულ-სისხლძარღვთა სისტემის მხრივ: აწ მომატება, “წამოხურება”, გულის ფრიალი, შეშუპებები;

შარდის გამომყოფი სისტემის მხრივ: თირკმლის ფუნქციის მაჩვენებლების შეცვლა (სისხლის შრატში კრეატინინის და/ან შარდოვანას მომატება);

ალერგიული რეაქციები: ბრონქოსპაზმი, ფოტოსენსიბილიზაცია, კანის ქავილი, გამონაყარი, ჭინჭრის ციება.

დოზის გადაჭარბება:

სიმპტომები: გულისრევა, ღებინება, მუცლის ტკივილი, პრეპარატის სხვა გვერდითი მოვლენების გაძლიერება.

მკურნალობა: ტარდება ინტოქსიკაციის სიმპტომების და დოზის გადაჭარბების გამოხატულების შესაბამისად. 4000 მგ ქოლესტირამინის შიგნით მიღება სამჯერ ზრდის მელოქსიკამის ელიმინაციის სიჩქარეს.

ურთიერთქმედება სხვა სამკურნალო საშუალებებთან:

სხვა ასას-ებთან ერთად გამოყენებისას (ასევე აცეტილსალიცილის მჟავასთან), იზრდება კნტ ეროზიულ-წყლულოვანი დაზიანების და სისხლდენის განვითარების რისკი.

ჰიპოტენზიურ პრეპარატებთან ერთად გამოყენებისას, შესაძლებელია უკანასკნელის ეფექტურობის დაქვეითება.

ლითიუმის პრეპარატებთან ერთად გამოყენებისას, შესაძლებელია ლითიუმის კუმულაციის განვითარება და მისი ტოქსიური მოქმედების გაზრდა (რეკომენდებულია სისხლში ლითიუმის კონცენტრაციის კონტროლი).

მეტოტრექსატთან ერთად გამოყენებისას, ძლიერდება სისხლმბად სისტემაზე უკანასკნელის გვერდითი მოქმედება (ანემიის და ლეიკოპენიის განვითარების საფრთხე, ნაჩვენებია სისხლის საერთო ანალიზის პერიოდული კონტროლი).

დიურეტიკებთან და ციკლოსპორინთან ერთად გამოყენებისას, იზრდება თირკმლის უკმარისობის განვითარების რისკი.

საშვილოსნოსშიდა კონტრაცეპტივებთან ერთად გამოყენებისას, შესაძლებელია უკანასკნელის ეფექტურობის დაქვეითება.

ანტიკოაგულანტებთან (ჰეპარინი, ტიკლოპიდინი, ვარფარინი), ანტიაგრეგანტებთან (აცეტილსალიცილის მჟავა, კლოპიდოგრელი), ასევე ფიბრინოლიზურ პრეპარატებთან (სტრეპტოკინაზა, ფიბრინოლიზინი) ერთად გამოყენებისას, იზრდება სისხლდენის განვითარების რისკი (აუცილებელია სისხლის შედედების მაჩვენებლების პერიოდული კონტროლი).

სეროტონინის უკუმიტაცების სელექტიურ ინჰიბიტორებთან ერთად გამოყენებისას, იზრდება კუ-ნაწლავიდან სისხლდენის განვითარების რისკი.

განსაკუთრებული მითითებები:

პრეპარატ რეკლინის დანიშვნამდე, საჭიროა დარწმუნდეთ ეზოფაგიტის, გასტრიტის და/ან პეპტიური წყლულის არარსებობაში. საჭიროა ყურადღების მიქცევა პაციენტებზე, რომლებიც იღებენ მელოქსიკამს, არ განვითარდეს მოცემული დაავადებების რეციდივები.   სხვა ასას-ების მსგავსად, ისიც სიფრთხილით უნდა გამოიყენოთ  კნტ-ის ზედა ნაწილის დაავადებების მქონე პაციენტებში, ასევე პაციენტებში, რომლებსაც უტარდებათ ანტიკოაგულაციური თერაპია. წყლული, კუჭ-ნაწლავიდან სისხლდენა, ან პერფორაცა შესაძლოა შესაბამისი  სიმპტომებით ან მათ გარეშე განვითარდეს. პეპტიური წყლულის, ან კუჭ-ნაწლავიდან სისხლდენის განვითარების შემთხვევაში, პრეპარატი რელკინი უნდა მოიხსნას.

კუჭ-ნაწლავიდან სისხლდენამ, წყლულმა ან პერორაციამ შესაძლოა გამოიწვიოს მძიმე და შემდგომ ლეტალური გამოსავალი, განსაკუთრებით ხანდაზმულ პირებში.

განსაკუთრებული ყურადღება უნდა მიექცეს პაციენტებს, რომლებსაც განუვითარდათ არასასურველი ეფექტები კანის და ლორწოვანის მხრივ, ასეთ შემთხვევებში საჭიროა განხილული იქნას პრეპარატ რეკლინის გამოყენების შეწყვეტის საკითხი.

ასას-ების მსგავსად რეკლინი აინჰიბირებს თირკმლის პროსტაგლანდინების სინთეზს, რომლებიც უზრუნველყოფენ თირკმელში სისხლის ნაკადის საკმარის დოზეზე შენარჩუნებაა. მოცირკულირე სისხლის მოცულობისა და თირკმლის სისხლმომარაგების დაქვეითებული მაჩვენებლების მქონე პაციენტებში ასას-ების  დანიშვნამ შესაძლოა, დააჩქაროს თირკმლის ფუნქციის დეკომპენსაცია, თუმცა აასს თერაპიის მოხსნის შემდეგ, თირკმლის ფუნქცია აღდგება საწყის დონემდე.

მსგავსი რეაქციების განვითარების რისკი განსაკუთრებით მაღალია დეჰიდრატაციის მოვლენების, გული შეგუბებითი უკმარისობის, ღვიძლის ციროზის, ნეფროტოქსიული სინდრომის და თირკმლის მძიმე დაავადებებიის მქონე პაციენტებში, რომლებიც იღებენ დიურეტიკებს, ასევე  დიდი ოპერაციული ჩარევის შემდეგ, რამაც გამოიწვია ჰიპოვოლემია. ასეთ პაციენტებში მკურნალობის დასაწყისში აუცილებელია დიურეზის და თირკმლის ფუნქციის გულმოდგინე მონიტორინგი. იშვიათ შემთხვევებში პრეპარატ რეკლინმა, როგორც სხვა ასას-მ, შეიძლება გამოიწვიოს ინტერსტიციული ნეფრიტი, გლომერულონეფრიტი, თირკმლის ტვინოვანი ნივთიერების ნეკროზი ან ნეფროზული სინდრომი.

იშვიათ შემთხვევებში იყო ცნობები შრატის ტრანსამინაზების დონის მომატებაზე, ან ღვიძლის ფუნქციის დამახასიათებელი სხვა მაჩვენებლების ცვლილებებზე, ნორმიდან გადახრის უმრავლესობა იყო გარდამავალი და უმნიშვნელო. პრეპარატის დოზის შემცირება არ არის საჭირო პაციენტებში კლინიკურად არაპროგრესირებადი ღვიძლის ციროზით. თუ ნორმიდან გადახრა გამოხატულია, ან აქვს მუდმივი ხასიათი, საჭიროა პრეპარატ რეკლინის შეყვანის შეწყვეტა და საკონტროლო ლაბორატორიული კვლევების ჩატარება.

დასუსტებული და გამოფიტული პაციენტები გვერდით ეფექტებს უფრო მძიმედ იტანენ, ასეთ პაციენტებზე აუცილებელია გულმოდგინე დაკვირვება. სხვა ასას-ების მსგავსად, პრეპარატი რეკლინი სიფრთხილით უნდა გამოიყენოთ ხანდაზმულ პაციენტებში, რომლებსაც უფრო ხშირად დარღვეული აქვთ თირკმლის, ღვიძლის ან გულის ფუნქცია.

რეკლინმა შესაძლოა ხელი შეუწყოს ნატრიუმის, კალიუმის და წყლის შეკავებას და დაასუსტოს დიურეტიკების ნატრიურეზული მოქმედება. შედეგად, წინასწარგანმწყობი ფაქტორების არსებობისას, პრეპარატის დანიშვნამ შესაძლოა გამოიწვიოს გულის უკმარისობის და ჰიპერტენზიის პროგრესირება. ამიტომ რისკის ჯგუფის პაციენტებში აუცილებელია კლინიკური დაკვირვება.

სხვა ასას-ების მსგავსად, პრეპარატმა რეკლინმა შესაძლოა შენიღბოს ინფექციური დაავადებების სიმპტომები.

არასაკმარისი თერაპიული ეფექტის შემთხვევაში რეკომენდებული სადღეღამისო დოზის გადაჭარბება და მოცემული მკურნალობისათვის სხვა ასას-ების დამატება არ შეიძლება, რადგან მათ შესაძლოა გაზარდონ ამ პრეპარატების ტოქსიკურობა, მაშინ, როდესაც მათი ერთდროული გამოყენებისას თერაპიული სარგებელი დადგენილი არ არის. რამდენიმე დღის განმავლობაში გამოყენებისას გაუმჯობესების არარსებობისას, აუცილებელია თერაპიის კორექცია.

სხვა ასას-ების მსგავსად ინტრამუსკულარულად შეყვანისას, ინექციის ადგილას შეიძლება განვითარდეს აბსცესი, ან ნეკროზი.

სხვა ასას-ების მსგავსად, რომლებიც აბლოკირებენ ციკლოოქსიგენაზას/ პროსტაგლანდინების სინთეზს, პრეპარატ რეკლინის გამოყენებამ, შესაძლოა გავლენა მოახდინოს ფერტილობაზე, ამიტომ რეკომენდებული არ არის ქალებისთვის, რომლებსაც დაორსულების სურვილი აქვთ.

პრეპარატის გავლენა ავტოტრანსპორტისა და მექანიზმების მართვაზე:

ავტოტრანსპორტის და მექანიზმების მართვის უნარზე პრეპარატის გავლენის შესახებ სპეციალური კვლევები არ ჩატარებულა. ამ საქმიანობისაგან თავი უნდა შეიკავონ პაციენტებმა მხედველობის დარღვევით, პაციენტებმა, რომლებიც აღნიშნავენ ძილიანობას, ან სხვა დარღვევებს ცენტრალური ნერვული სისტემის მხრივ.

გამოშვების ფორმა:

საინექციო ხსნარის 1,5 მლ ამპულებში. 5 ამპულა გამოყენების ინსტრუქციასთან ერთად მოთავსებულია მუყაოს კოლოფში. 

შენახვის პირობები:

ინახება მშრალ, სინათლისგან დაცულ ადგილას, არაუმეტეს 25°С ტემპერატურაზე.

ინახება ბავშვებისთვის მიუწვდომელ ადგილას!

ვარგისობის ვადა

მითითებულია შეფუთვაზე. 

არ გამოიყენოთ ვარგისობის ვადის გასვლის შემდეგ.

აფთიაქიდან გაცემის პირობები

გაიცემა ექიმის რეცეპტით.

რევოტექსი  20 მგ.    ი.მ/ი.ვ. ლიოფილიზებული ფხვნილი, ფლაკონი

გამოიყენება ი.მ. ან ი.ვ.

სტერილური

• აქტიური ნივთიერებები: თითოეული ფლაკონი შეიცავს 20 მგ ტენოქსიკამს.
• დამხმარე ნივთიერება(ები) : მანიტოლი (E 421 ) ასკორბინის მჟავა,დისოდიუმ ედეტადი, თრომეთამინი ,ნატრიუმის ჰიდროქსიდი (10% ხსნარი), ჰიდროქლორიდის მჟავა , საინექციო წყალი    

პრეპარატის გამოყენებამდე ყურადღებით წაიკითხეთ მოცემული ფურცელ-ჩანართი.  იგი თქვენთვის მნიშვნელოვან ინფორმაციას შეიცავს.

• შეინახეთ მოცემული ფურცელ-ჩანართი. შესაძლებელია მისი წაკითხვა კვლავ დაგჭირდეთ.
• დამატებითი კითხვების შემთხვევაში, გთხოვთ მიმართოთ ექიმს ან ფარმაცევტს
• მოცემული პრეპარატი გამოწერილია თქვენთვის. არ გადასცეთ იგი სხვებს.
• პრეპარატის გამოყენების დროს, ექიმთან ან ჰოსპიტალში ვიზიტისას, აცნობეთ ექიმს რომ იღებთ მოცემულ პრეპარატს.
• მკაცრად დაიცავით მოცემულ ფურცელ-ჩანართში მითითებული დირექტივები. არ მიიღოთ პრეპარატის რეკომენდებულზე მეტი ან ნაკლები დოზა.

მოცემულ ფურცელ-ჩანართში მოცემულია შემდეგი თემები:

1. რა არის რევოტექსი და რისთვის გამოიყენება
2. რა უნდა იცოდეთ რევოტექსის მიღებამდე
3. რევოტექსის  მიღების წესი
4. შესაძლო გვერდითი ეფექტები
5. რევოტექსის შენახვის პირობები

1   რა არის რევოტექსი და რისთვის გამოიყენება

• თითოეული ფლაკონი შეიცავს აქტიურ  ნივთიერება ტენოქსიკამს 20 მგ

რევოტექსი  არის ყვითელი ფერის ლიოფილიზებული  ფხვნილი. ის წარმოდგენილია 3 მლ გამჭირვალე ფლაკონში 20 მლ ფხვნილით და 2 მლ საინექციო წყალით როგორც გამხსნელი.

• რევოტექსის აქტიური ნივთიერება ტენოქსიკამი მიეკუთვნება  არასტეროიდულ ანთების საწინააღმდეგო  პრეპარატების ჯგუფს,  (NSAIDs) რომლებიც ეფექტურია  ანთების საწინააღდეგო საშუალებებში (ანთების წინააღმდეგ) და ანტირევმატიულ საშუალებებში  (რევმატიული დაავადებების სამკურნალოდ)
• რევოტექსი ინიშნება რევმატიული ართრიტის  (რევმატიული ართრიტი) დროს, რომელიც იწვევს, ართრიტს (ოსტეოართრიტს) ტკივილს და სახსრების დეფორმაციას , ანკილოზირებადი სპონდილიტის ნიშნების და სიმპტომების სამკურნალოდ, მტკივნეული, პროგრესული რევმატიული  დაავადების ,ზურგის სახსრების გამკვრივების დროს, ნიკრისის ქარის სამკურნალოდ (მწვავე ნიკრისის  ართრიტი),  ძვალ-კუნთოვანი სისტემის ტკივილის , პოსტოპერაციული და მენსტრუალური ტკივილის დროს.

2. რევოტექსის  გამოყენების წინ

არ გამოიყენოთ რევოტექსი თუ:

• თუ ხართ ალერგიული ტენოქსიკამის ან რევოტექსის  რომელიმე სუბსტანციის მიმართ (იხილეთ სუბსტანციების ჩამონათვალი)
• თუ გაქვთ ალერგიული რეაქციები როგორიც არის ასთმა, გრიპი ან გამონაყარი ასპირინზე  ან სხვა NSAIDs.
• თუ გაქვთ გადატანილი სისხლდენა ან კუჭნაწლავის პერფორაცია NSAIDs გამოყენების შედეგად.
• თუ გაქვთ სისხლდენა ან კუჭის წყლული
• თუ გაქვთ ღვიძლის, თირკმლის ან გულის სერიოზული პრობლემები.
• თუ იმყოფებით ფეხმძიმობის ბოლოს სამი თვის ვადაზე

გამოიყენეთ რევოტექსი განსაკუთრებული სიფრთხილით :

თუ:

• თუ გაქვთ გულის პრობლემები (არარეგულირებადი მაღალი არტერიული წნევა ,  გულის უკმარისობა, გულის უკმარისობით გამოწვეული სასუნთქი გზების უკმარისობა, შეშუპება, ღვიძლის გადიდება  და დაავადების ნიშნები, ან თუ გადატანილი გაქვთ ინსულტი, ან იმყოფებით რომელიმე მათგანის რისკფაქტორის ქვეშ (მაღალი არტერიული წნევა, მაღალი არტერიული წნევა, დიაბეტი,  მოწევა
• თუ ხართ ასაკოვანი (არის მეტი შანსი გაწუხებდეთ ეს პრობლემები)
• პრობლემები დაკავშირებული თქვენს ღვიძლთან და თირკმელებთან.
• პრობლემები რომლის გამო თქვენს სისხლში წარმოიქმნება კოლტები
• სისხლის დაბალი რაოდენობა  (გამოწვეული სისხლდენით ან  მწვავე დეჰიდრატაციით)
• სისხლძარღვების  პრობლემები (არტერიები) სხეულის  ნებისმიერ ნაწილში
• თუ გაქვთ ავტოიმუნური დაავადება (დაავადება როცა ორგანიზმის თავდასცვის  სისტემა , თავად ანადგურებს ორგანიზმს ) როგორიცაა წყლულოვანი კოლიტი (ნაწლავის ანთება) ან კრონის დაავადება (კუჭის დაავადება, დიარეა, ღებინება და წონის დაკარგვა).
• გთხოვთ, მიმართოთ  ექიმს თუ  გაქვთ მსგავსი ნიშნების გამოცდილება თუნდაც  წარსულში.            

რევოტექსის გამოყენება საკვებთან და სასმელთან  ერთად:

რევოტექსის შეიძლება მიიღოთ უზმოზე  ან საკვებთან ერთად.

ორსულობა

ამ პრეპარატის მიღების წინ რჩევა ჰკითხეთ თქვენს ექიმს ან ფარმაცევტს

თუ ხართ  ფეხმძიმედ ან  გეგმავთ ფეხმძიმობას , არ გამოიყენოთ რევოტექსი ექიმის დანიშნულების გარეშე. არ გამოიყენოთ რევოტექსი  თუ ხართ ფეხმძიმობის ბოლო სამი თვის ვადაზე.

რევოტექსმა  შესაძლოა ხელი შეუშალოს დაფეხმძიმებას, ამიტომ   თუ უკვე  ხართ ფეხმძიმედ ან იკვლევთ უნაყოფობას, აცნობეთ თქვენს ექიმს რომ იღებთ ამ პრეპარატს.

დაუყოვნებლივ მიმართეთ თქვენს ექიმს  ან ფარმაცევტს, თუ მკურნალობის დროს შენიშნავთ, რომ ხართ ორსულად.

ძუძუთი კვება

პრეპარატის მიღების წინ კონსულტაციისთვის მიმართეთ თქვენს ექიმს ან ფარმაცევტს .

არ გამოიყენოთ რევოტექსი ძუძუთი კვების დროს ექიმის დანიშნულების გარეშე.

ავტომობილებისა და მექანიზმების მართვა.

არ მართოთ ავტომობილი და არ გამოიყენოთ სხვა მექანიზმები რადგან რევოტექსმა  შესაძლოა გამოიწვიოს ისეთი  გვერდითი ეფექტები როგორიც არის,  თავბრუსხვევა, ძილიანობა და მხედველობის გაუარესება.

მნიშვნელოვანი ინფორმაცია  რევოტექსის  ზოგიერთი ინგრედიენტის  შესახებ:

არ შეიცავს ისეთ  სუბსტანციებს  რომლებიც საჭიროებენ  განსაკუთრებულ სიფრთხილეს.

სხვა პრეპარატებთან ერთად  გამოყენება

აცნობეთ თქვენს ექიმს ან ფარმაცევტს , თუ რევოტექსის გარდა იღებთ რომელიმე ჩამოთვლილ პრეპარატს:

• ასპირინი, უბუფროფენი ან დიკლოფენაკი  ან სხვა NSAID s
•  გულის გლიკოზიდი გულის პრობლემებისთვის (დიგოქსინის მსგავსი)
• სტეროიდები, როგორიცაა ჰიდროკორტიზონი, პრედნიზოლონი და დექსამეტაზონი (გამოიყენება შეშუპებისა და ანთების სამკურნალოდ)
• სისხლის შედედების  საწინააღმდეგო პრეპარატები როგორიც  არის  ვარფარენი, ფენპროკუმონი და ჰეპარინი (შეშუპების და ანთების სამკურნალოდ)
• შერჩევითი უკუმიტაცების ინჰიბიტორები და ლითიუმი(დეპრესიის სამკურნალო საშუალებები)
• მეტოტრექსატი (გამოიყენება კანის პრობლემების, ართრიტისა და კიბოს სამკურნალოდ)
• მიფეპრისტონი (გამოიყენება ორსულობის შესაწყვეტად)
• ციკლოსპორინი ან ტაკროლიმუსი (აქვეითებს იმუნურ სისტემას)
• ქინოლონების ჯგუფის ანტიბიოტიკი (ინფექციებისათვის), როგორიცაა ციპროფლოქსაცი ან მოქსიფლოქსაცინი,
• ACE  ინჰიბიტორები (როგორიცაა ცილაზაპრილი და ენალაპრილი) რომლებიც გავლენას ახდენს  რენინ ანგიოტენზინ სისტემაზე ან ARB ს (რეცეპტორ ბლოკერები) ნებისმიერი სხვა  მაღალი არტერიული წნევის პრეპარატი   

      (არასელექციური ბეტა ბლოკატორი  როგორიცა პროპრანოლოლი)

• ზიდოვუდინი (გამოიყენება შიდსის სამკურნალოდ)
• ჰიპერტენზიის სამკურნალო დიურეზული პრეპარატები, როგორიცაა ჰიდროქლოროთიაზიდი, ფუროსიმიდი
• შიგნით მისაღები და შაქრიანი დიაბეტის საწინააღმდეგო ტაბლეტები (როგორიცაა გლიბორნდრიდი, გლიბენკლაიდები და ტოლბუტამამი)
• პრობენეციდი , ნიკრისის ქარის სამკურნალოდ.
• მუცლის მჟავიანობის შესამცირებელი პრეპარატები (ანტაციდები და ციმეტიდინი)
• ალკოჰოლი.

აცნობეთ თქვენს ექიმს ან ფარმაცევსტ თუ ამჟამად იღებთ ან ცოტა ხნის წინ იღებდით ნებისმიერ რეცეპტით ან ურეცეპტოდ გასაცემ პრეპარატს.

3. როგორ გამოიყენება რევოტექსი

მითითებები სათანადო გამოყენების და დოზის/მიღების სიხშირის შესახებ:

სხვადასხვა პაციენტს სხვადასხვა  დოზა ენიშნება. თქვენი ექიმი განსაზღვრავს  თქვენთვის საჭირო  დოზას  ასაკის და პრეპარატზე საპასუხო რეაქციების მიხედვით.

მიღების გზა და წესი:

გამოიყენება ინტრავენურად ან ინტრამუსკულურად დღეში ერთხელ  ორი ან სამი დღის  განმავლობაში და შემდეგ მკურნალობა გრძელდება ტაბლეტით ან სუპოზიტორიით (სუსტი)

სხვადასხვა ასაკობრივი ჯგუფები:

გამოყენება ბავშვებში:

რევოტექსი  არ გამოიყენება ბავშვებში.

გამოყენება ხანდაზმულებში:

თქვენი ექიმი განსაზღვრავს  თქვენთვის საჭირო დოზას დაავადებიდან გამომდინარე

მიღების განსაკუთრებული პირობები:

თირკმლის უკმარისობა:

თირკმელების დაავადების მქონე პაციენტებს შეუძლიათ ზემოაღნიშნული დოზის გამოყენება. როდესაც რევოტექსი  გამოიყენება თირკმლის უკმარისობის მქონე პაციენტებში,რეკომენდებულია თირკმელების ფუნქციის ყურადღებით  მონიტორინგი. არ უნდა იქნეს გამოყენებული  თირკმლის მძიმე უკმარისობის მქონე პაციენტებში.

ღვიძლის უკმარისობა:

ღვიძლის დაავადების მქონე პაციენტებს შეუძლიათ ზემოაღნიშნული დოზის გამოყენება. თუმცა, როდესაც რევოტექსი  გამოიყენება ღვიძლის უკმარისობის მქონე პაციენტებში, რეკომენდებულია ღვიძლის ფუნქციის ფრთხილი მონიტორინგი. არ უნდა იქნას გამოყენებული ღვიძლის მძიმე უკმარისობის მქონე პაციენტებში.

თუ ფიქრობთ, რომ რევოტექსის მოქმედება ძალიან ძლიერი ან სუსტია, მიმართეთ თქვენს ექიმს ან ფარმაცევტს.

თუ მიიღეთ იმაზე მეტი რევოტექსი, ვიდრე უნდა მიგეღოთ:                  

იმის გამო, რომ რევოტექსი ინიშნება ექიმის ან ექთნის მიერ, ნაკლებად სავარაუდოა  რომ თქვენ მოიხმართ მეტ  ან  მცირე დოზას. თუ გაწუხებთ ეს საკითხი მიმართეთ თქვენს ექიმს ან ექთანს.

თუ მიიღეთ იმაზე მეტი რევოტექსი , ვიდრე უნდა მიგეღოთ, მიმართეთ თქვენს ექიმს ან ფარმაცევტს.

თუ დაგავიწყდათ რევოტექსის დოზის  მიღება:

იმის გამო, რომ  რევოტექსი ინიშნება ექიმის ან ექთნის მიერ, სათანადო  სიფრთხილის  ზომები მიიღება  ამგვარი  სიტუაციების თავიდან ასაცილებლად.

არ მიიღოთ ორმაგი დოზა გამოტოვებული დოზის ანაზღაურების მიზნით.

4. შესაძლო გვერდითი ეფექტები

ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი ეფექტები იმ პაციენტებში, რომლებიც მგრძნობიარე არიან რევოტექსის ინგრედიენტების მიმართ.

რომელიმე ქვემოთ  ჩამოთვლილი ფვერდითი ეფექტის  განვითარების  შემთხვევაში, შეწყვიტეთ რევოტექსი მიღება და დაუყონებლივ აცნობეთ ექიმს, ან მიმართეთ უახლოეს საავადმყოფოს  ან  გადაუდებელი სიტუაციების განყოფილებას.

• ალერგიული რეაქციები უეცარი შეშუპება  ყელის, სახის, ხელფეხის მიდამოებში, ყლაპვის გაძნელება, ყნოსვის გართულება,  ქავილი და გამონაყარი
  • სისხლდენა კუჭისაგან, რომელიც გამოიხატება ღებინების დროს მასში  სისხლის  ან ყავის მარცვლების მსგავსი ნაწილაკებითს აღმოჩენით.
  • მუქი შეფერილობის სისხლდენა ნაწლავიდან ან სისხლიანი დიარეა
  • კუჭისა და ნაწლავის წყლულები; მუცლის ტკივილი, ცხელება, გულისრევის შეგრძნება  ან ღებინება
  • პანკრეასთან დაკავშირებეული პრობლემები. მწვავე მუცლის ტკვილის ნიშნებით რომელიც გადასცემს  ტკივილს ზურგში
  • წყლულოვანი კოლიტის ან კრონის დაავადების გაუარესება, გამოხატული ტკივილით, დიარეით, ღებინებით და წონის დაკარგვით
  • მწვავე გამონაყარი, რომელიც სწრაფად ვითარდება კანის აქერცვლით,შესაძლოა ბუშტუკების წარმოშობა პირის ღრუში, ყელში ან თვალის გარშემო.
  • ღვიძლის პრობლემები გამოხატული  კანის სიყვითლით ან თვალის სითეთრით, დაღლილობის გრძნობა, მადის დაკარგვა, გულისრევა, ღია ფერის განავალი და  ჰეპატიტი ( დგინდება სისხლის ანალიზით)
  • გულის შეტევა რომელიც შეიძლება გავრცელდეს  თქვენს კისერზე, მხრებსა და  მარცხენა მკლავზე
  •  ზოგჯერ სხეულის ერთ მხარეს ხასიათდება კუნთების სისუსტე, უგუნურება, გემოს, ყნოსვის,  მხედველობის და სმენის მოულოდნელი დარღვევები და გაფანტულობა (გონებრივი გაფანტულობა)
  • მენინგიტი ცხელება, სისუსტის შეგრძნება გულისრევა, კისრის გაშეშება, თავის ტკივილი, მგრძნობელობის მომატება სინათლის მიმართ და გაფანტულობა

ეს ყველაფერი ძალიან სერიოზული გვერდითი მოვლენებია.

თუ აღენიშნებათ რომელიმე მათგანი, ესეიგი გაქვთ სერიოზული ალერგია რევოტექსიზე, შესაძლოა საჭირო გახდეს გადადუდებელი სამედიცინო ჩარევა ან ჰოსპიტალიზება.

თუ შენიშნავთ  რომელიმეს ჩამოთვლილთანაგან:

• გულძმარვა,  მოუნელებლობა, მუცლის ტკივილი, ღებინება, დიარეა,გაზების დაგროვება.
• სისხლთან დაკავშირებული პრობლემები როგორიც არის ანემია ან სისხლის თეთრი უჯრედების რაოდენობის  ცვლილებები
• სისხლში შაქრის მაღალი შემცვლელობა  (ჰიპერგლიკემია)
• ძილის დარღვევები ან ცვლილებები სიზმრებში
• დეპრესია
• მოსმენა ან ხილვა ისეთი რამის რასაც ადგილი არ აქვს (ჰალუცინაცია)
• გაფანტულობა (გონებრივი გაფანტულობა) ან ნევროზულობა
• თავის ტკივილი
• თავბრუსხვევა, თავის სიმძიმე ან უმოქმედობა
• ხელის და ფეხის   ჩხვლეტა და  დაბუჟება 
• მხედველობის დაბინდვა, თვალების შეშუპება , გაღიზიანება.
• ზარის ხმა ყურში  (ტინიტუსი)
• ხელფეხის შეშუპება (ედემა). ტკივილი გულმკერდის არეში, რომელსაც თან ახლავს სუნთქვის უკმარისობა (გულის უკმარისობა)
• გულისცემა, გულისცემის აჩქარება ან  არტერიული წნევის მომატება
• სისხლის მიმოქცევასთან დაკავშირებული პრობლემები, სიმპტომები როგორც  არის დაღლილობის შეგრძნება, სუნთქვის გაძნელება, სუსტი და ძლიერი ტკივილის შეგრძნება
• სუნთქვის გაძნელება, ხველა და ხიხინი
• ქავილი, კანის გამონაყარი, მგრძნობელობის მზის მიმართ , თმის ცვენა (ალოპეზია)
• ცვლილებები თქვენს ფრჩხილებში
• თირკმელების პრობლემები
• ტკივილი და წყლულები პირის ღრუში
• მადის დაკარგვა
• წონის მომატება და დაკარგვა
• დაორსულებასთან დაკავშირებეული სირთულეები
• სისხლდენა ცხვირიდან

ეს არის რევოტექსის  გვერდიტი ეფექტების მცირე ჩამონათვალი.

თუ განვითარდა ისეთი გვერდითი ეფექტი, რომელიც მითითებული არ არის წინამდებარე ფურცელ-ჩანართში, აცნობეთ თქვენს ექიმს  ან ფარმაცევტს.

გვერდითი ეფექტების ინფორმირება

მიმართეთ თქვენს ექიმს, ექთანს ან ფარმაცევტს თუ განვითარდა ისეთი გვერდითი ეფექტი, რომელიც მითითებულია ან  არ არის მითითებული ამ ინსტრუქციაში.

 გარდა ამისა, ინფორმაცია გამოვლენილი გვერდითი ეფექტების შესახებ მიაწოდეთ თურქეთის ფარმაკო ზედამხედველობის ცენტრს(TUFAM) რისთვისაც უნდა ეწვიოთ ვებ-გვერდს www.titck.gov.tr, „პრეპარატის გვერდითი ეფექტის ინფორმირება“ ან დარეკეთ ნომერზე 0800 314 00 08. გვერდითი ეფექტების შესახებ ინფორმაციის მიწოდებით ხელს შეუწყობთ ამ პრეპარატის უსაფრთხოების შესახებ მეტი ინფორმაციის შეგროვებას.

6. როგორ ინახება რევოტექსი

რევოტექსი  შეინახეთ ბავშვებისაგან მიუწვდომელ ადგილას, ორიგინალ შეფუთვაში.

შეინახეთ ოთახის ტემპერატურაზე 30 °C

გამოიყენეთ მომზადებისთანავე .

გამოიყენეთ ვარგისობის ვადის შესაბამისად

არ გამოიყენოთ რევოტექსი შეფუთვაზე მითითებული ვარგისობის ვადის გასვლის შემდეგ.

არ გამოიყენოთ რევოტექსი თუ შენიშნავთ, რომ პროდუქტი და/ან შეფუთვა დაზიანებულია ან რაიმე დეფექტი აქვს.

არ გადაყაროთ ვადაგასული პრეპარატები ან პრეპარატები, რომლებსაც აღარ იყენებთ. ასეთი პრეპარატები მიაწოდეთ გარემოსა და ურბანიზაციის სამინისტროს მიერ განსაზღვრულ ორგანოს.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

სავაჭრო ნებართვის მფლობელი:

ვემ ილაჩ სან. ვე ტიჩ. ა.შ.

სოგუტუზო მაჰალესი 2177. კად.N 10 ბ/49

ჯანკაია/ანკარა/თურქეთი

მწარმოებელი:

ვემ ილაჩ სან. ვე ტიჩ. ა.შ.

ჩერკეცკოი ორგენაიზ სანაი ბოლგესი

კარაგააჩ მაჰალესი ფატიჰ ბულვარი N:38

კაპაკლი /ტეკირდაკი/თურქეთი