ქვეყანა: პოლონეთი

მწარმოებელი: გემი

გაცემის ფორმა: III ჯგუფი ურეცეპტო

ალცება 10მგ შემოგარსული ტაბლეტები

Alceba 10mg film tablets

Memantine hydrochloride

პრეპარატის გამოყენებამდე გულსდასმით წაიკითხეთ ეს დანართი ფურცელი

– შეინახეთ ეს დანართი ფურცელი. შესაძლოა დაგჭირდეთ მისი ხელმეორედ წაკითხვა.
– დამატებითი კითხვების შემთხვევაში მიმართეთ თქვენს ექიმს ან ფარმაცევტს.
– ეს პრეპარატი დაგენიშნათ პირადად თქვენ და ამიტომ არ უნდა გადასცეთ ის სხვა პირებს. ამან შესაძლოა ზიანი მოუტანოს მათ, იმ შემთხვევაშიც კი თუ მათი სიმპტომები წააგავს თქვენსას.
– თუ რომელიმე გვერდითი მოვლენა გახდება სერიოზული, ან შეამჩნევთ ისეთ მოვლენას, რომელიც ამ დანართ ფურცელში არ არის აღწერილი, მიმართეთ ექიმს, ან ფარმაცევტს.

ამ დანართ ფურცელში:
1. რისთვის გამოიყენება ალცება?
2. ალცებას გამოყენებამდე
3. როგორ გამოვიყენოთ ალცება
4. შესაძლო გვერდითი მოვლენები
5. ალცებას შენახვის პირობები
6. დამატებითი ინფორმაცია

1. რისთვის გამოიყენება ალცება
როგორ მოქმედებს ალცება

ალცება მიეკუთვნება ე.წ დემენციის საწინააღმდეგო პრეპარატების ჯგუფს.
ალცჰაიმერის დაავადებისას მეხსიერების დაკარგვა გამოწვეულია თავის ტვინში იმპულსების გადაცემის დარღვევით. თავის ტვინში არის ე.წ N-მეთილ-D-ასპარატის რეცეპტორები, რომლებიც მონაწილეობენ ნერვული იმპულსების გადაცემაში, რაც აუცილებელია სწავლისათვის და დამახსოვრებისათვის. ალცება მიეკუთვნება N-მეთილ-D-ასპარატის რეცეპტორების ანტაგონისტების ჯგუფის პრეპარატებს. ის მოქმედებს N-მეთილ-D-ასპარატის რეცეპტორებზე, რომლებიც აუმჯობესებენ ნერვული იმპულსების გადაცემას და მეხსიერებას.

რისთვის გამოიყენება ალცება
ალცება გამოიყენება საშუალო ან მძიმე ფორმის ალცჰეიმერის დაავადების მქონე პაციენტების სამკურნალოდ.

2. ალცებას მიღებამდე
არ მიიღოთ ალცება

– თუ ხართ ალერგიული (ჰიპერსენსიტიური) მემანტინის ჰიდროქლორიდის, ან ალცებას ტაბლეტბის სხვა კომპონენტების მიმართ (იხ. ნაწილი 6).

გამოიჩინეთ ყურადღება ალცებას მიღებისას
– თუ ანამნეზში გაქვთ ეპილეფსიური შეტევები
– თუ ბოლო დროს გადაიტანეთ მიოკარდიუმის ინფარქტი (გულის შეტევა), ან თუ გაქვთ გულის შეგუბებითი უკმარისობა, ან არაკონტროლირებადი ჰიპერტენზია (მაღალი წნევა)

ამ სიტუაციაში მკურნალობა უნდა ჩატარდეს მკაცრი მეთვალყურეობის ქვეშ და რეგულარულად შეფასდეს ალცებას კლინიკური სარგებელი თქვენი ექიმის მიერ.
თუ გაქვთ თირკმლის უკმარისობა (თირკმლის პრობლემები), თქვენმა ექიმმა მკაცრად უნდა აკონტროლოს თირკმელების ფუნქცია და საჭიროების შემთხვევაში შესაბამისად დაარეგულიროს მემანტინის დოზები.
თავიდან უნდა იქნას აცილებული პრეპარატების – ამანტადინის (გამოიყენება პარკინსონის დაავადების სამკურნალოდ), კეტამინის (ძირითადად გამოიყენება საანესთეზიო საშუალების სახით), დექსტრომეტორფანის (ძირითადად გამოიყენება ხველის სამკურნალოდ) და სხვა N-მეთილ-D-ასპარატის რეცეპტორების ანტაგონისტების ერთდროული გამოყენება.
ალცება არ არის რეკომენდირებული ბავშვებსა და 18 წლამდე ასაკის მოზარდებში გამოსაყენებლად.

სხვა პრეპარატებთან ურთიერთქმედება
გთხოვთ აცნობოთ ექიმს, ან ფარმაცევტს თუ იღებთ, ან ბოლო დროს იღებდით რაიმე სხვა სამკურნალო საშუალებას ურეცეპტოდ გასაცემი პრეპარატების ჩათვლით.
ალცებამ განსაკუთრებით შესაძლოა შეცვალოს შემდეგი პრეპარატების ეფექტი და მათი დოზის რეგულირება უნდა მოხდეს ექიმის მიერ:
ამანტადინი, კეტამინი, დექსტრომეტორფან დანტროლენი, ბაკლოფენ ციმეტიდინი, რანიტიდინი, პროკაინამიდი, ქინიდინი, ქინინი, ნიკოტინ ჰიდროქლოროთიაზიდთან (ან ნებისმიერი კომბინაცია ჰიდროქლოროთიაზიდებთან), ანტიქოლინერგული საშუალებები (სუბსტანციები, რომლებიც ძირითადად გამოიყენება მოძრაობის დარღვევების, ან ნაწლავების სპაზმის სამკურნალოდ), ანტიკონვულსანტები (სუბსტანციები, რომლებიც გამოიყენება შეტევების პრევენციისა და შემსუბუქებისათვის), ბარბიტურატები (სუბსტანციები, რომლებიც ძირითადად გამოიყენება ძილის მოსაწესრიგებლად), დოპამინერგული აგონისტები (ისეთი სუბსტანციები როგორებიცაა L-დოპა, ბრომოკრიპტინი), ნეიროლეფსურები (სუბსტანციები, რომლებიც გამოიყენება მენტალური დარღვევების სამკურნალოდ), პერორალურად მისაღები ანტიკოაგულანტები.
თუ წახვალთ საავადმყოფოში აცნობეთ თქვენს ექიმს, რომ იღებთ ალცებას.

ალცებას მიღება საკვებთან და სასმელთან ერთად
თქვენ უნდა აცნობოთ ექიმს თუ ბოლო დროს შეცვალეთ, ან აპირებთ არსებითად შეცვალოთ დიეტა (მაგ. ნორმალური დიეტიდან გადადიხართ ვეგეტარიანულ დიეტაზე), ან თუ გაქვთ თირკმლის ტუბულური აციდოზი (თირკმლის დისფუნქციის გამო სისხლში მჟავას წარმომქმნელი სუბსტანციის გადასვლა (თირკმლის უკმარისობა)), ან საშარდე გზების მწვავე ინფექციური დაავადებები, რადგან თქვენმა ექიმმა შესაძლოა საჭიროდ ჩათვალოს პრეპარატის დოზის შეცვლა.

ორსულობა და ძუძუთი კვება
ნებისმიერი პრეპარატის მიღებამდე ჰკითხეთ რჩევა ექიმს, ან ფარმაცევტს.
უთხარით ექიმს თუ ხართ ორსულად, ან თუ აპირებთ დაორსულებას. მემანტინის გამოყენება არ არის რეკომედირებული ორსულობისას.
ალცებას მიღების დროს ქალებმა თავი უნდა აარიდონ ძუძუთი კვებას.

სატრანსპორტო საშუალებების მართვა და მექანიზმებთან მუშაობა
ექიმი გეტყვით თქვენი დაავადებიდან გამომდინარე შეიძლება თუ არა
სატრანსპორტო საშუალებების მართვა და მექანიზმებთან მუშაობა უსაფრთხოდ.
ასევე ალცებამ შესაძლოა შეცვალოს თქვენი რეაგირების უნარი. სატრანსპორტო საშუალებების მართვა და მექანიზმებთან მუშაობა არ არის მიზანშეწონილი.

3. როგორ გამოვიყენოთ ალცება

ყოველთვის მიიღეთ ალცება ექიმის დანიშნულების შესაბამისად. თუ არ ხართ რაიმეში დარწმუნებული მიმართეთ ექიმს, ან ფარმაცევტს.

დოზირება
ალცებას რეკომენდირებული დოზა მოზარდებსა და ხანდაზმულ პაციენტებში შეადგენს 20მგ ერთჯერ დღეში. გვერდითი მოვლენების გამოვლენის რისკის შესამცირებლად ეს დოზა მიიღწევა თანდათანობით მკურნალობის შემდეგი სქემის შესაბამისად:

ჩვეული საწყისი დოზა არის ნახევარი ტაბლეტი ერთხელ დღეში (1 ხ 5მგ) პირველი კვირის განმავლობაში. ეს დოზა იზრდება ერთ ტაბლეტამდე (1 ხ 10მგ) მეორე კვირას ერთჯერ დღეში და მესამე კვირას ინიშნება ერთნახევარი ტაბლეტი ერთჯერ დღეში. მეოთხე კვირიდან დოზა შეადგენს 2 ტაბლეტს ერთჯერ დღეში (1 ხ 20მგ).

დოზირება თირკმლის უკმარისობის მქონე პაციენტებში
თუ გაქვთ თირკმლის უკმარისობა თქვენი ექიმი მიიღებს გადაწყვეტილებას თქვენთვის საჭირო დოზის შესახებ. ამ შემთხვევაში ექიმმა გარკვეული ინტერვალებით უნდა აწარმოოს თირკმლის ფუნქციის მონიტორინგი.

მიღება
ალცება უნდა მიიღოთ პერორალურად ერთჯერ დღეში. პრეპარატის ეფექტის გამოსავლენად ის უნდა მიიღოთ ყოველდღიურად ერთიდაიმავე დროს. ტაბლეტებს მიაყოლეთ ცოტაოდენი წყალი. პრეპარატის მიღება შეიძლება როგორც საკვებთან ერთად, ისე მისგან დამოუკიდებლად.

მკურნალობის ხანგრძლივობა
მიიღეთ ალცება თქვენთვის საჭირო ეფექტის გამოვლენამდე. თქვენმა ექიმმა
რეგულარულად უნდა შეაფასოს მკურნალობა.

თუ მიიღეთ ალცებას საჭიროზე მეტი დოზა
– ზოგადად ალცებას დოზის გადაჭარბება არ იწვევს რაიმე სახის ზიანს. შესაძლოა მომატებულად გამოვლინდეს ნაწილში 4 – “შესაძლო გვერდითი მოვლენები” – აღწერილი გვერდითი მოვლენების სიმპტომები.
– თუ მიიღეთ ალცებას ზედმეტად დიდი დოზა, მიმართეთ ექიმს, ან მიიღეთ სამედიცინო რჩევა, რადგან შესაძლოა საჭირო გახდეს სამედიცინო დახმარების აღმოჩენა.

თუ დაგავიწყდათ ალცებას მიღება
– თუ დაგავიწყდათ ალცებას მიღება დაიცადეთ შემდეგი დოზის მიღების დრომდე და მიიღეთ მომდევნო დოზა რეჟიმის მიხედვით.
– არ მიიღოთ ორმაგი დოზა გამოტოვებულის საკომპენსაციოდ.

ამ პროდუქტის მიღებასთან დაკავშირებით რაიმე კითხვის არსებობის შემთხვევაში მიმართეთ ექიმს, ან ფარმაცევტს.

4. შესაძლო გვერდითი მოვლენები

სხვა პრეპარატების მსგავსად ალცებამაც შეიძლება გამოიწვიოს გვერდითი მოვლენები, მაგრამ არა ყველა ადამიანში. გამოვლენილი გვერდითი მოვლენები ძირითადად არის მსუბუქი, ან საშუალო სიმწვავის.
თავის ტკივილი, ძილიანობა, კონსტიპაცია, თავბრუსხვევა და მაღალი წნევა არის ხშირი გვერდითი მოვლენები. დაღლილობა, სოკოვანი დაავადებები, დაბნეულობა, ჰალუცინაციები, ღებინება, მუცლის ტკივილი, გულის უკმარისობა და ვენური სისხლის შედედება (თრომბი/თრომბოემბოლია) ასევე ვლინდება, მაგრამ იშვიათად. შეტევები ვლინდება ძალიან იშვიათად. არ არის ცნობილი პანკრეატიტის და ფსიქოზური რეაქციების გამოვლენის სიხშირე (არსებული მონაცემებიდან არ არის შესაძლებელი სიხშირის შეფასება).

ალცჰაიმერის დაავადება დაკავშირებულია დეპრესიასთან, სუიციდურ აზრებთან და თვითმკვლელობასთან. ეს მტკიცებულებები არსებობს პაციენტებში, რომლებსაც მკურნალობა უტარდებოდათ ალცებათი.
თუ რომელიმე გვერდითი მოვლენა გახდება სერიოზული, ან შეამჩნევთ ისეთ მოვლენას, რომელიც ამ დანართ ფურცელში არ არის აღწერილი, მიმართეთ ექიმს, ან ფარმაცევტს.

5. ალცებას შენახვის პირობები

შეინახეთ ბავშვებისათვის მიუწვდომელ ადგილას.
არ გამოიყენოთ ალცება კოლოფზე მითითებული ვარგისიანობის ვადის გასვლის შემდეგ, რომელიც მითითებულია EXP შემდეგ. ვარგისიანობის ვადა ეხება თვის ბოლო დღეს.
ამ სამედიცინო პროდუქტს არ ჭირდება შენახვის რაიმე სპეციალური პირობა.
პრეპარატი არ გადააგდოთ საკანალიზაციო წყლებში და საყოფაცხოვრებო ნარჩენებთან ერთად. კითხეთ რჩევა ფარმაცევტს გამოუსადეგარი პრეპარატის განადგურების შესახებ. ეს ზომები დაიცავს გარემოს დაბინძურებისაგან.
6. დამატებითი ინფორმაცია
რას შეიცავს ალცება

მოქმედი ნივთიერება არის მემანტინის ჰიდროქლორიდი. თითოეული შემოგარსული ტაბლეტი შეიცავს 10მგ მემანტინის ჰიდროქლორიდს (ექვივალენტურია 8.31მგ მემანტინის).
სხვა კომპონენტები – ბირთვი: ნატრიუმის კროსკარმელოზა, მიკროკრისტალური ცელულოზა, კვარცი კოლოიდური უწყლო, ტალკი და მაგნიუმის სტეარატი;
გარსი: პოლივინილი, პოლიეთილენგლიკოლის პოლიმერი (ჩოლლიცოატ Iღ), პოლიდექსტროზა, მძიმე კაოლინი, მაკროგოლ 400, ტიტანიუმის დიოქსიდი (E 171).

ალცებას აღწერა და შეფუთვის შიგთავსი
ალცებას შემოგარსული ტაბლეტები არის მოთეთრო ან თეთრი ფერის, მოგრძო, ორმხრივამოზნექილი შემოაგარსული ტაბლეტები, გამყოფი ხაზით ორივე მხარეს. 100 ტაბლეტი პვქ/ალუმინის ფოლგის ბლისტერზე.

ვარგისიანობის ვადა: 2 წელი

გაცემის რეჟიმი: რეცეპტით (II ჯგუფი).

სავაჭრო უფლების მფლობელი

Helba Pharmaceutikals Inc. Co

OVECLER 68. Sok(1319 Sk) No: 5/2 CANKAYA/ ანკარა-თურქეთი.

მწარმოებელი ქარხანა:

Merkez Laboratories Co.

Sirri Celik Bulvari Ayca Sok. No:6 Tasdelen-Umranie//სტამბული – თურქეთი

ოლზაპი
Olanzapin

ფარმაკოლოგიური ჯგუფი:  ნეიროლეფსიური

შემადგენლობა
ოლზაპის ერთი ტაბლეტი შეიცავს აქტიური ნივთიერების – ოლანზაპინის 5 მგ-ს ან 10 მგ-ს.

მოქმედების მექანიზმი
ოლანზაპინი ანტიფსიქოზური (ნეიროლეფსიური) საშუალებაა, რომელსაც ახასაითებს მთელ რიგ რეცეპტორულ სისტემაზე ფართო  ფარმაკოლოგიური მოქმედება.
დადგენილია ოლანზაპინის მსგავსება სეროტონინო 5-HT2A/C, 5-HT3, 5-HT6; დოფამინო D1, D2, D3, D4, D5; მუსკარინულ M1-5; ადრენერგულ α1 და ჰისტამინო-H1 რეცეპტორებისადმი. გამოვლენილია ანტაგონიზმი ოლანზაპინსა და 5HT, დოფამინო- და ქოლინო-რეცეპტორებს შორის. ოლანზაპინს ახასიათებს უფრო მეტად გამოხატული აქტივობა სეროტონინო 5-HT2 რეცეპტორებისადმი, ვიდრე დოფამინო-D2 რეცეპტორებისადმი. ოლანზაპინი შერჩევითად ამცირებს მეზოლიმბური დოფამინერგული ნეირონების აგზნებადობას, ამავდროულად უმნიშვნელო გავლენას ახდენს მოტორული ფუნქციის მარეგულირებელ სტრიარულ ნერვულ გზებზე. ოლანზაპინის შედარებით ნაკლები დოზა აქვეითებს პირობით დაცვით რეფლექსს (ანტიფსიქოზური აქტივობის მახასიათებელი ტესტი), ვიდრე დოზა, რომელიც იწვევს კატალეფსიას (მოშლილობა, რომელიც აისახება მოტორულ ფუნქციაზე). ანქსიოლიზური ტესტის ჩატარებისას, სხვა ნეიროლეფსიური საშუალებებისგან განსხვავებით, ოლანზაპინი აძლიერებს განგაშის საწინააღმდეგო ეფექტს.
შიზოფრენიით დაავადებულებში კვლევის შედეგად დადგინდა, რომ ოლანზაპინი უზრუნველყოფს როგორც პროდუქტიული (ბოდვა, ჰალუცინაცია და სხ.), ასევე ნეგატიური მოშლილობების რედუქციას.
ოლანზაპინი პერორალური მიღების შემდეგ კარგად აბსორბირდება კუჭ-ნაწლავის ტრაქტიდან. სისხლის პლაზმაში Cmax მიიღწევა 5-8 საათში. საკვების მიღება გავლენას არ ახდენს პრეპარატის აბსორბციაზე. T1/2 შეადგენს საშუალოდ 33 (12-47) საათს. ოლანზაპინის ფარმაკოკინეტიკური მაჩვენებლები განსხვავებულია პაციენტის სქესის, ასაკის მიხედვით და თამბაქოს მომხმარებლებში.

ჩვენება
ოლზაპი ინიშნება:
– შიზოფრენიისა და სხვა ფსიქოზური მოშლილობების მწვავე შეტევების კუპირებისა და ხანგრძლივი შემანარჩუნებელი მკურნალობის მიზნით, რომელიც ვლინდება პროდუქტიული (ბოდვა, ჰალუცინაცია, ავტომატიზმი) და/ან ნეგატიური (ემოციური და სოციალური აქტივობის დაქვეითება, მეტყველების სიმწირე) სიმპტომატიკით. ასევე, სხვადასხვა ფსიქიკური დაავადებებით გამოწვეული აფექტური მოშლილობების დროს;
– ბიპოლარული აფექტური მოშლილობების სამკურნალოდ, მწვავე მანიაკალური და შერეული ტიპის შეტევების დროს, ფსიქოზური გამოვლინებებით და ფაზების სწრაფი მონაცვლეობით ან მათ გარეშე.

უკუჩვენება
პრეპარატის შემადგენელი კომპონენტებისადმი მაღალი მგრძნობელობა.

უსაფრთხოების ზომები
ოლანზაპინის უსაფრთხოება ორსულობისა და ლაქტაციის პერიოდში შესწავლილი არ არის. ორსულობის პერიოდში პრეპარატის გამოყენების აუცილებლობა დედისთვის, უნდა აჭარბებდეს ნაყოფზე მისი გავლენის პოტენციურ რისკს, ხოლო ლაქტაციის პერიოდში ოლანზაპინის გამოყენებისას უნდა შეწყდეს ძუძუთი კვება.
ოლანზაპინის (ისევე როგორც სხვა ნეიროლეფსიური საშუალებების) გამოყენებისას შესაძლებელია ავთვისებიანი ნეიროლეფსიური სინდრომის განვითარება, რაც გულისხმობს ტემპერატურის მატებას, კუნთების რიგიდობას, ფსიქიკური სტატუსისა და ვეგეტატიური დარღვევების გამოვლინებას (არასტაბილური პულსი და არტერიული წნევა, ტაქიკარდია, არითმია, ოფლდენის გაძლიერება). დამატებით შესაძლებელია – კრეატინფოსფოკინაზას დონის მატება, მიოგლობინურია (რაბდომიოლიზი) და თირკმლების მწვავე უკმარისობა. აღნიშნული სინდრომის ნებისმიერი კლინიკური სიმპტომის გამოვლინება მოითხოვს ოლანზაპინის მოხსნას.
ჰალოპერიდოლთან შედარებით, ოლანზაპინი გაცილებით იშვიათად იწვევს დისკინეზიას, რომელიც მედიკამენტის მოხსნას მოითხოვს. თუმცა ხანგრძლივი მკურნალობის დროს გასათვალისწინებელია გვიანი დისკინეზიის გამოვლინების რისკი. ამ შემთხვევაში, რეკომენდებულია დოზის შემცირება ან პრეპარატის მოხსნა. გვიანი დისკინეზიის სიმპტომები შესაძლებელია გაღრმავდეს ან გამოვლინდეს პრეპარატის მოხსნის შემდეგაც.
ოლანზაპინით მკურნალობის საწყის ეტაპზე შესაძლებელია გამოვლინდეს გარდამავალი, უსიმპტომოდ მიმდინარე ღვიძლის ტრანსამინაზების (ასპარტატამინოტრასფერაზა და ალანინამინოტრანსფერაზა) დონის მატება. ამ შემთხვევაში, განსაკუთრებული ყურადღება ექცევათ პაციენტებს ღვიძლის ფუნქციური უკმარისობით ან პაციენტებს, რომლებიც იღებენ პოტენციურად ჰეპატოტოქსიკურ პრეპარატებს. ღვიძლის ტრანსამინაზების დონის მატება მოითხოვს პაციენტებზე განსაკუთრებულ ყურადღებას და საჭიროებისას დოზის შემცირებას.
ოლანზაპინი სიფრთხილით ენიშნება პაციენტებს ანამნეზში ეპილეფსიური გულყრების არსებობისას ან პაციენტებს კრუნჩხვითი განტვირთვის დაბალი ზღვრით.
ოლანზაპინი სიფრთხილით ინიშნება პაციენტებში: ლეიკოციტების და/ან ნეიტროფილების შემცირებული რაოდენობით (სხვადასხვა მიზეზით გამოწვეული), ანამნეზში მედიკამენტების მიღების ფონზე ძვლის ტვინის ფუნქციის დათრგუნვით/ტოქსიკური დარღვევით, ანამნეზში რადიოთერაპიით, ქიმიოთერაპიით ან თანმხლები დაავადებებით გამოწვეული ძვლის ტვინის ფუნქციის დათრგუნვით, ჰიპერეოზინოფილიით ან მიელოპროლიფერაციული დაავადებით.
ოლანზაპინით მკურნალობის ფონზე გვერდითი ეფექტების სახით იშვიათად ვლინდება ანტიქოლინერგული აქტივობა. მიუხედავად ამისა, სიფრთხილით ინიშნება პაციენტებში წინამდებარე ჯირკვლის ჰიპერპლაზიით, ნაწლავის პარალიზური გაუვალობით, დახურულკუთხოვანი გლაუკომით და სხვა.
ოლანზაპინმა თეორიულად შესაძლებელია დათრგუნოს დოფამინის აგონისტების მოქმედება.
ოლანზაპინი სიფრთხილით ინიშნება ცენტრალური მოქმედების სხვა პრეპარატებთან და ალკოჰოლთან ერთად.
ოლანზაპინი იწვევს ძილიანობას, ამიტომ მექანიკური საშუალებებისა და ავტოტრანსპორტის მართვისას საჭიროა სიფრთხილის დაცვა.
ოლანზაპინის კლირენსი მატულობს თამბაქოს მომხმარებლებსა და პაციენტებში, რომლებიც იღებენ კარბამაზეპინს.
ერთჯერადად მიღებული ოლანზაპინი გავლენას არ ახდენს შემდეგი პრეპარატების მეტაბოლიზმზე: იმიპრამინი ან მისი მეტაბოლიტი დეზიპრამინი, ვარფარინი, თეოფილინი, დიაზეპამი, ასევე – ლითიუმი და ბიპერიდინი.
ეთანოლთან კომბინაციაში შესაძლებელია ოლანზაპინის სედატიური ეფექტის გაძლიერება. ერთჯერადად მიღებული ალუმინისა და მაგნიუმის შემცველი ანტაციდები ან ციმეტიდინი გავლენას არ ახდენენ პერორალურად მიღებული ოლანზაპინის ბიოშეღწევადობაზე. აქტივირებული ნახშირი 50-60%-ით ამცირებს ოლანზაპინის ბიოშეღწევადობას. ფლუოქსეტინი ზრდის ოლანზაპინის მაქსიმალურ კონცენტრაციასა და ამცირებს მის კლირენსს. ოლანზაპინსა და ვალპროატის მჟავას შორის კლინიკური მნიშვნელობის ფარმაკოკინეტიკური ურთიერთგავლენა ნაკლებად მოსალოდნელია.

დოზის გადაჭარბება
ყველაზე ხშირად გამოვლენილი სიმპტომებია: ტაქიკარდია, აგზნებადობა/აგრესიულობა, არტიკულაციის მოშლა, ექსტრაპირამიდული დარღვევები და ცნობიერების სხვადასხვა სიმძიმის დარღვევა (სედატიური ეფექტიდან კომამდე).
კლინიკური მნიშვნელობის სხვა გამოვლინებებს მიეკუთვნება დელირია, კრუნჩხვა, ავთვისებიანი ნეიროლეფსიური სინდრომი, სუნთქვის დათრგუნვა, ასპირაცია, არტერიული ჰიპერტენზია ან ჰიპოტენზია, არითმია, გულისა და სუნთქვის გაჩერება.
მკურნალობა: სპეციფიკური ანტიდოტი არ არსებობს. ღებინების ხელოვნურად გამოწვევა რეკომენდებული არ არის. ნაჩვენებია დეზინტოქსიკაციის სტანდარტული მეთოდები (კუჭის ამორეცხვა, აქტივირებული ნახშირის მიღება, რაც ოლანზაპინის ბიოშეღწევადობას ამცირებს 50-60%-ით). კლინიკური სურათიდან გამომდინარე ინიშნება სიმპტომური თერაპია, ტარდება სასიცოცხლო ორგანოების ფუნქციათა კონტროლი (არტერიული ჰიპოტენზიისა და სისხლძარღვოვანი კოლაფსის თერაპია, სუნთქვის ფუნქციის კონტროლი). არ ინიშნება ეპინეფრინი, დოფამინი ან სხვა ბეტა-ადრენორეცეპტორების აგონისტი სიმპათომიმეტური საშუალებები, ვინაიდან შესაძლებელია არტერიული ჰიპოტენზიის გაღრმავება გამოიწვიონ.

დოზირება და მიღების წესი
შიზოფრენია და მსგავსი ფსიქოზური მოშლილობები:
ოლანზაპინის რეკომენდებული საწყისი დოზა შეადგენს 10 მგ-ს დღეში ერთხელ.
საკვების მიღება გავლენას არ ახდენს პრეპარატის აბსორბციაზე.
ოლანზაპინის დღიური თერაპიული დოზა მერყეობს 5-20 მგ-ის ფარგლებში. დღიური დოზის შერჩევა ხდება ინდივიდუალურად პაციენტის კლინიკური მდგომარეობიდან გამომდინარე. სტანდარტული დღიური დოზის (10 მგ) გაზრდის შემთხვევაში აუცილებელია პაციენტის შესაბამისი კლინიკური გამოკვლევის ჩატარება.
ბიპოლარული მოშლილობები:
რეკომენდებული საწყისი დოზა შეადგენს 15 მგ-ს დღეში ერთხელ.
დღიური თერაპიული დოზა მერყეობს 5-20 მგ-ის ფარგლებში. დღიური დოზის შერჩევა ხდება ინდივიდუალურად პაციენტის კლინიკური მდგომარეობიდან გამომდინარე. სტანდარტული დღიური დოზის (15 მგ) გაზრდის შემთხვევაში აუცილებელია პაციენტის შესაბამისი კლინიკური გამოკვლევის ჩატარება. დოზის მატება უნდა მოხდეს თანდათანობით 24 საათიანი ინტერვალებით.
დოზის შერჩევა სხვადასხვა ჯგუფის პაციენტებისათვის:
ასაკოვან პაციენტებში, ასევე პაციენტებში თირკმლების მძიმე უკმარისობით ან ღვიძლის ფუნქციების საშუალო სიმძიმის უკმარისობით, პრეპარატი ინიშნება საწყისი დღიური დოზით 5 მგ. საწყისი დოზის შემცირება რეკომენდებულია პაციენტებში რისკ-ფაქტორების კომბინაციით (მდედრობითი სქესის პაციენტები, ასაკოვანი და არამწეველები), როდესაც მოსალოდნელია ოლანზაპინის მეტაბოლიზმის შენელება.
18 წელზე ნაკლები ასაკის პაციენტებში ოლანზაპინის მოქმედება შესწავლილი არ არის.

გვერდითი მოვლენები
ოლანზაპინის ყველაზე ხშირ გვერდით მოვლენებს განეკუთვნება ძილიანობა და წონის მატება. ასევე გამოვლენილია პლაზმაში პროლაქტინის კონცენტრაციის მცირედ გამოხატული და ტრანზიტორული მატება, რომელიც უმრავლეს შემთხვევაში ოლანზაპინის მოხსნის გარეშე უბრუნდება ნორმას.
ხშირ გვერდით მოვლენებს განეკუთვნება თავბრუსხვევა, ასთენია, აკატიზია, მადის გაძლიერება, პერიფერიული შეშუპება, ორთოსტატული ჰიპოტენზია, პირის სიმშრალე, ყაბზობა. იშვიათად ვლინდება ტრანზიტორული, უსიმპტომოდ მიმდინარე ღვიძლის ტრანსამინაზების მატება. ერთეულ შემთხვევაში – პლაზმაში გლუკოზის დონის ზრდა ან ეოზინოფილია.

ვარგისიანობა და შენახვის პირობები
პრეპარატის ვარგისიანობის ვადაა 2 წელი, ინახება 10-25ºC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
ტაბლეტი 5 მგ ან 10 მგ; 30 ტაბლეტი ბლისტერებში. მეორადი შეფუთვა: მუყაოს კოლოფში.

აფთიაქიდან გაცემის პირობები
ექიმის რეცეპტით!

ალფოლინი

ALFOLIN

სავაჭრო დასახელება:

ალფოლინი, Alfolin

საერთაშორისო არადაპატენტებული დასახელება:

ქოლინის ალფოსცერატი Choline alfoscerate

ქიმიური სახელწოდება

2-{[(2r)(2,3 -დიჰიდროქსიპროპოქსი)-ჰიდროქსიფოსფინილ]ოქსი}–n, n, n-ტრიმეთილამინ ჰიდროქსიდი, შიდა მარილი, ჰიდრატი

წამლის ფორმა:

საინექციო ხსნარი

აღწერილობა: გამჭვირვალე, უფერო ან ღია ყვითელი ფერის ხსნარი.

შემადგენლობა:

პრეპარატის ერთი ამპულა შეიცავს:

აქტიური ნივთიერება: ქოლინის ალფოსცერატი (ქოლინის ალფოსცერატის ჰიდრატის ფორმით) 1000 მგ.

დამხმარე ნივთიერება:  საინექციო წყალი

ფარმაკოთერაპიული ჯგუფი:

ნერვულ სისტემაზე მოქმედი სხვა საშუალებები. ცენტრალური მოქმედების ქოლინომიმეტიკი

ათქ  კოდი:  N07AX02

ფარმაკოლოგიური  თვისებები:

ფარმაკოდინამიკა

ალფოლინი – ცენტრალური მოქმედების ქოლინომიმეტიკი, ცნს-ზე უპირატესი მოქმედებით. პრეპარატის შემადგენლობაში  შედის 40,5% მეტაბოლურად დაცული ქოლინი. ორგანიზმში ქოლინის ალფოსცერატი თავის ტვინის ფერმენტების ზემოქმედებით იშლება ქოლინად და ალფოსცერატად, რომელიც ბიოტრანსფორმირდება გლიცეროფოსფატად. ქოლინი მონაწილეობს აცეტილქოლინის სინთეზში, ნერვული იმპულსების გადაცემით და თავის ტვინის მუშაობის გაძლიერებით. ხოლო გლიცეროფოსფატი წარმოადგენს ნეირონული მემბრანების  ფოსფატიდილქოლინის წინამორბედს.

ალფოლინი აუმჯობესებს ცერებრალურ სისხლის მიმოქცევას, აძლიერებს თავის ტვინში მეტაბოლურ პროცესებს, ახდენს თავის ტვინის რეტიკულური ფორმაციის სტრუქტურების აქტივაციას  და  აღადგენს ცნობიერებას თავის  ტვინის ტრავმული  დაზიანების დროს. ახდენს პროფილაქტიკურ და მაკორეგირებელ მოქმედებას ინვოლუციური ფსიქოორგანული სინდრომის ფაქტორებზე, როგორიცაა ნეირონული მემბრანის ფოსფოლიპიდური შემადგენლობის ცვლილება და ქოლინერგული აქტივობის დაქვეითება.

  ფარმაკოკინეტიკა:

ალფოლინი ადვილად  გადალახავს  ჰემატოენცეფალურ ბარიერს, გროვდება უპირატესად ტვინში (პლაზმური კონცენტრაციის 45%), აგრეთვე ღვიძლსა და ფილტვებში. გამოიყოფა ძირითადად  ფილტვების  საშუალებით ნახშირბადის დიოქსიდის (85%) სახით, დარჩენილი რაოდენობა  გამოიყოფა  თირკმელებისა   და   ნაწლავების   მეშვეობით. 

გამოყენების ჩვენებები:

– ქალა-ტვინის ტრავმის მწვავე პერიოდი, უპირატესად თავის ტვინის ღეროს დაზიანებების შემთხვევაში (მათ შორის, ცნობიერების დარღვევა, კომატოზური მდგომარეობა);

– თავის ტვინის სისხლის მიმოქცევის იშემიური (მწვავე და აღდგენითი პერიოდი) და ჰემორაგიული (აღდგენითი პერიოდი) ტიპის დარღვევები;

– დეგენერაციული და ინვოლუციური ფსიქოორგანული სინდრომები და ცერებროვასკულური უკმარისობის შედეგები, როგორიცაა პირველადი და მეორადი   მნესტიური ფუნქციების დარღვევები, რომლებსაც ახასიათებს მეხსიერების დარღვევა, ცნობიერების დათრგუნვა, დეზორიენტაცია, მოტივაციის,  ინიციატივის და   ყურადღების კონცენტრაციის უნარის დაქვეითება;

– ემოციური და ქცევითი სფეროს დარღვევები: ემოციური ლაბილობა, მომატებული გაღიზიანებადობა, ინტერესის დაქვეითება; მოხუცებულთა ფსევდომელანქოლია;

– მულტიინფარქტული დემენცია.

გამოყენების წესი და დოზირება:

პრეპარატი განკუთვნილია ინტრამუსკულარული და ინტრავენური შეყვანისათვის.

მწვავე შემთხვევებში გამოიყენება ი/მ  1 გ (1 ამპულა) დღე-ღამეში ან ი/ვ  1გ-დან 3 გ-მდე დღე-ღამეში.

ი/ვ შეყვანისას 1 ამპულის (4 მლ) შიგთავსი  უნდა  გაიხსნას  ფიზიოლოგიური  ხსნარის 50 მლ-ში; ინფუზიის სიჩქარე-60-80 წვეთი/წთ,  მკურნალობის ხანგრძლივობა შეადგენს  10 დღეს, საჭიროების შემთხვევაში შესაძლებელია მკურნალობის გაგრძელება დადებითი დინამიკის გამოჩენამდე.

უკუჩვენებები:

– მომატებული მგრძნობელობა პრეპარატის კომპონენტების მიმართ;

– ორსულობა და ლაქტაცია.

გვერდითი მოქმედება:

– გულისრევა (დოფამინერგული რეცეპტორების სტიმულაციის შედეგი), ალერგიული რეაქციები.

როგორც წესი, პრეპარატი ხასიათდება კარგი ამტანობით  ხანგრძლივი გამოყენების შემთხვევაშიც კი.

ზემოქმედება ავტომობილის და სხვა მექანიზმების მართვის უნარზე:

ალფოლინი არ ახდენს გავლენას პაციენტის მიერ ავტომობილის მართვისა და სხვა პოტენციურად სახიფათო სამუშაოების შესრულების უნარზე.

გამოყენება ორსულობის და ლაქტაციის დროს:

პრეპარატი  უკუნაჩვენებია  ორსულობის დროს. მკურნალობის პერიოდში ძუძუთი კვება უნდა შეწყდეს.

გამოყენება პედიატრიაში:

ბავშვებში ალფოლინის  გამოყენების გამოცდილება არ არსებობს.

ურთიერთქმედება  სხვა  სამკურნალო  საშუალებებთან:

ალფოლინის  ურთიერთქმედება  სხვა  სამკურნალო  საშუალებებთან  აღწერილი  არ არის.

დოზის გადაჭარბება:

დოზის გადაჭარბების შემთხვევაში  აღინიშნება  გულისრევა, რომელიც გაივლის დოზის შემცირების ან მკურნალობის შეწყვეტის შემთხვევაში.

გამოშვების ფორმა:

საინექციო  ხსნარი 4მლ უფერო მინის ამპულებში.

3 უფერო მინის ამპულა კონტურულ უჯრედოვან  შეფუთვაში.

1 კონტურული უჯრედოვანი  შეფუთვა  მოთავსებული მუყაოს კოლოფში გამოყენების ინსტრუქციასთან ერთად.

შენახვის   პირობები:

ინახება  სინათლისგან დაცულ ადგილზე  არაუმეტეს 25 °С ტემპერატურაზე.

ინახება ბავშვებისთვის მიუწვდომელ  ადგილზე!

ვარგისობის  ვადა:

4 წელი წარმოების თარიღიდან.

არ გამოიყენება ვარგისობის ვადის გასვლის შემდეგ.

აფთიაქიდან გაცემის  პირობა: ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი:

„მეფარ ილაჩ სანაი ა.შ.“ თურქეთი

(რამაზანოღლუ მაჰ. ენსარ ჯად.. № 20, 34906 ქურთქოი-ფენდიკი/სტამბული)

სავაჭრო ნიშნის მფლობელი

ასფარმა

საერთაშორისო დასახელება – tofisopam
ათქ.კლასიფიკაციის კოდი – N05BA23

კლინიკურ-ფარმაკოლოგიური ჯგუფი – ანქსიოლიზური და საძილე საშუალებები

შემადგენლობა და გამოშვების ფორმა
50მგ ტაბლეტი #20

პრეპარატის აქტიური კომპონენტი:
თითო ტაბლეტი შეიცავს 50 მგ ტოფიზოპამს.
სხვა კომპონენტები:
ლაქტოზას მონოჰიდრატი, კარტოფილის სახამებელი, მიკროკრისტალური ცელულოზა, ჟელატინი, ტალკი, სტეარინის მჟავა, მაგნიუმის სტეარატი.

ჩვენებები
• ფსიქიკური (ნევროზული) და სომატური დარღვევები, რომელსაც თან ახლავს შფოთვა, ვეგეტატური დარღვევები, ენერგიისა და/ან მოტივაციის არარსებობა, აპათია, დაღლილობა, გუნება-განწყობის დაქვეითება;
• მკერდის არეში ფსევდოანგინოზური ტკივილის სიმპტომური მკურნალობა;
• ალკოჰოლის მოხსნის სინდრომი: ეს პრეპარატი ხელს უწყობს ვეგეტატური სიმპტომებისა და აგზნების კუპირებას პრედელირიოზული და დელირიოზული მდგომარეობისას.
• გრანდაქსინის გამოყენება შეიძლება იმ შემთხვეაშიც, როდესაც უკუნაჩვენებია მიორელაქსანტების მიღება, მაგალითად, მიასთენიის, მიოპათიისა და კუნთების ნევროგენული ატროფიის დროს.

მიღების წესები და დოზები
გრანდაქსინის მიღება შეიძლება მხოლოდ ექიმის დანიშნულებით. ნებისმიერი საკითხის გასარკვევად საჭიროა ექიმის ან ფარმაცევტის კონსულტაცია. ჩვეულებრივი დოზები:
1-2 ტაბლეტი 1-3-ჯერ დღეში (დღეღამური დოზა 50-დან 300 მგ-მდე).
არარეგულარული გამოყენებისას შეიძლება 1-2 ტაბლეტის მიღება.
მკურნალობის დაწყება შეიძლება ნებისმიერი დასაშვები დოზით. დოზის თანდათანობითი ზრდა, ჩვეულებრივ, არ არის საჭირო, ვინაიდან პრეპარატი ადვილად ასატანია და მისი მიღებისას, ჩვეულებრივ, არ აღინიშნება უძილობის შემცირება.

გვერდითი მოვლენები
როგორც ყველა სხვა სამკურნალო პრეპარატი, გრანდაქსინმა შეიძლება გამოიწვიოს გვერდითი ეფექტები.
ქვემოთ ჩამოთვლილი მოვლენებიდან ნებისმიერის გამოვლენისას, გრანდაქსინის ტაბლეტების მიღება უნდა შეწყდეს და დაუყოვნებლივ საჭიროა ექიმის კონსულტაცია ან მიმართვა ახლომდებარე საავადმყოფოს სასწრაფო დახმარების განყოფილებაში:
– ტუჩების ან ხახის შეშუპება ყლაპვის ან სუნთქვის გაძნელებით,
– კოლაფსი
ეს გვერდითი მოვლენები ძალიან მძიმეა, მაგრამ იშვიათად გვხვდება. მათი განვითარება მიუთითებს გრანდაქსინის მიმართ ძლიერ ალერგიულ რეაქციაზე. შეიძლება საჭირო გახდეს სასწრაფო სამედიცინო დახმარება ან ჰოსპიტალიზაცია.
ავადმყოფებში, რომლებიც იღებენ ამ პრეპარატს, შეიძლება ქვემოთ ჩამოთვლილი გვერდითი მოვლენებიდან ყველა არ განვითარდეს. გრანდაქსინის მიღებისას შეიძლება აღინიშნოს ნებისმიერი ქვემოთ ჩამოთვლილი: უმადობა, ყაბზობა, მეტეორიზმი, გულისრევა, პირის სიმშრალე, თავის ტკივილი, დაძაბულობის შეგრძნება, უძილობა, მომატებული გაღიზიანებადობა, აგზნება, გამონაყარი კანზე, ქავილი, კუნთების დაჭიმულობა, ტკივილი კუნთებში, სუნთქვის დარღვევა.
ზოგჯერ აღინიშნება სიყვითლე, შეიძლება აღინიშნოს გონების დაბინდვა, კრუნჩხვითი შეტევები ეპილეფსიით დაავადებულებში.

უკუჩვენება
– ალერგია რომელიმე ზემოთ ჩამოთვლილი კომპონენტისა ან ნებისმიერი სხვა ბენზოდიაზეპინის მიმართ;
– სუნთქვის დეკომპენსირებული უკმარისობა ან რესპირატორული დისტრეს-სინდრომი;
– ანამნეზში ძილის დროს სუნთქვის შეწყვეტის სინდრომი;
– ანამნეზში კომატოზური მდგომარეობა
. ორსულობის პირველი სამი თვე და ლაქტაციის პერიოდი.
არსებული დაავადებისა ან დანიშნული პრეპარატების შესახებ ზუსტი ინფორმაციის უქონლობისას საჭიროა ექიმის კონსულტაცია.

უსაფრთხოების ზომები
აუცილებელია სიფრთხილე, ერთ-ერთი ქვემოთ ჩამოთვლილი დაავადების არსებობისას:
– ქრონიკული რესპირატორული დისტრეს-სინდრომი ან ანამნეზში სუნთქვის მწვავე უკმარისობა.
– თირკმელების და/ან ღვიძლის ფუნქციის დარღვევა (პრეპარატ გრანდაქსინის ეფექტი შეიძლება გაძლიერდეს).
– სხვა ფსიქიკური დაავადება (დეპრესია, ქრონიკული ფსიქოზი, ფობიები, აკვიატებული მდგომარეობები, პიროვნების დარღვევები). გრანდაქსინმა შეიძლება ზეგავლენა მოახდინოს ამ დაავადებათა სიმპტომებზე.
– ეპილეფსია (პრეპარატ გრანდაქსინის მიღებამ შეიძლება გამოიწვიოს კრუნჩხვითი შეტევები).
– დახურულკუთხოვანი გლაუკომა.
გრანდაქსინის თითო ტაბლეტი შეიცავს ლაქტოზის 92 მგ-ს. ეს უნდა იყოს გათვალისწინებული იმ ავადმყოფთათვის, რომელთაც აქვთ ლაქტოზის აუტანლობა.

ორსულობა და ლაქტაცია
ორსულობისა და ძუძუთი კვების შემთხვევაში ნებისმიერი სამკურნალო საშუალების მიღებამდე საჭიროა ექიმის კონსულტაცია.
გრანდაქსინი გადის პლაცენტარულ ბარიერს. ამ პრეპარატის გამოყენება უკუნაჩვენებია ორსულობის პირველი ტრიმესტრის განმავლობაში; ორსულ ქალებში ამ პრეპარატის დანიშვნამდე საჭიროა მკურნალობის შესაძლო სარგებელისა და რისკის გათვალისწინება.
ძუძუთი კვება: პრეპარატი რძით გამოიყოფა. ამიტომ მისი მიღება ძუძუთი კვების დროს არ არის რეკომენდირებული.

განსაკუთრებული მითითებები
ამ პრეპარატით მკურნალობისას არ შეიძლება ალკოჰოლური სასმელის მიღება.

ტრანსპორტისა და მექანიზმების მართვა
მიუხედავად იმისა, რომ გრანდაქსინი არ იწვევს ძილიანობასა ან სედატიურ ეფექტს, პაციენტები არ უნდა მართავდნენ ტრანსპორტს და არ უნდა შეასრულონ უბედური შემთხვევების მაღალი რისკის მქონე სამუშაო, მკურნალობის პირველი კურსის დასაწყისში მაინც. შემდგომში, ამ შეზღუდვის ხანგრძლივობა და ხარისხი ინდივიდუალურად დგინდება თითოეული პაციენტისთვის.

ჭარბი დოზირება
ჭარბი დოზირებისას, დაუყოვნებლივ საჭიროა მიმართვა უახლოეს საავადმყოფოში. პაციენტმა თან უნდა იქონიოს ეს ინსტრუქცია და დარჩენილი ტაბლეტები ექიმის ინფორმირებისათვის.
ჭარბი დოზირების სიმპტომები:
ცენტრალური ნერვული სისტემის ფუნქციათა დათრგუნვის სიმპტომები ვლინდება მხოლოდ მაღალი დოზების მიღების შემდეგ (50 – 120 მგ/კგ სხეულის წონაზე). ასეთმა დოზებმა შეიძლება გამოიწვიოს ღებინება, გონების დაბინდვა, კომა, სუნთქვის დათრგუნვა და/ან ეპილეფსიური შეტევები.
მკურნალობა: ცნს-ის ფუნქციების გამოხატული დათრგუნვისას არ არის რეკომენდირებული ღებინების გამოწვევა. თუმცა შეიძლება კუჭის ამორეცხვა. აქტივირებული ნახშირის მიღება ხელს უწყობს პრეპარატის შეწოვის შემცირებას. ანტაგონისტის სახით შეიძლება ფლუმაზენილის (ანექსატის) შეყვანა, თუმცა იგი არ უნდა იქნას გამოყენებული პაციენტებში, რომლებიც იღებენ ტოფიზოპამს ან ტრიციკლურ ანტიდეპრესანტებს.
ასევე, არ არის სასურველი მისი გამოყენება ბენზოდიაზეპინებისა ან ფლუმაზენილის მიმართ ჰიპერმგრძნობელობის შემთხვევაში, ან ანამნეზში ეპილეფსიის არსებობისას. საჭიროა ძირითადი ფიზიოლოგიური პარამეტრების მუდმივი მონიტორირება და შესაბამისი სიმპტომური მკურნალობის ჩატარება. სუნთქვის დათრგუნვისას ფლუმაზელენის შეყვანასთან ერთად შეიძლება დამხმარე სუნთქვის განხორციელება. ცნს-ის სტიმულატორების შეყვანა არ არის რეკომენდირებული.
ჰიპოტენზია ყველაზე კარგად აღმოიფხვრება სითხეების ი/ვ შეყვანით და პაციენტის მოთავსებით ტრენდელენბურგის მდგომარეობაში. თუ ამ ზომებით არ აღდგა ნორმალური არტერიული წნევა, შეიძლება დოფამინის ან ნორადრენალინის გამოყენება. დიალიზი და ფორსირებული დიურეზი უსარგებლოა.

გრანდაქსინის ტაბლეტის მიღების დავიწყების შემთხვევაში
არ უნდა იქნას მიღებული ორმაგი დოზა გამოტოვებული დოზების ასანაზღაურებლად.
ექიმი განსაზღვრავს პრეპარატ გრანდაქსინით მკურნალობის კურსის ხანგრძლივობას. ექიმის მითითებები აუცილებლად უნდა შესრულდეს.

სხვა წამლებთან ურთიერთქმედება
დაუშვებელია გრანდაქსინის® მიღება შემდეგ პრეპარატებთან ერთად: პრეპარატები, რომლებიც თრგუნავს ცენტრალური ნერვული სისტემის ფუნქციებს (ანალგეტიკები, ზოგადი ანესთეზიის საშუალებები, ანტიდეპრესანტები, H1- ანტიჰისტამინური პრეპარატები, სედატიურ-საძილე, ანტიფსიქოზური), ღვიძლის ფერმენტების ინდუქტორები (ალკოჰოლი, ნიკოტინი, ბარბიტურატები, ეპილეფსიის საწინააღმდეგო საშუალებები), სოკოს საწინააღმდეგო ზოგიერთი პრეპარატი (კეტოკონაზოლი, ინტრაკონაზოლი), ზოგიერთი ანტიჰიპერტენზიული პრეპარატი (კლონიდინი, კალციუმის არხის ანტაგონისტები), დიგოქსინი, ვარფარინი, ანტაციდური და პერორალური კონტრაცეპტიული საშუალებები.

შენახვის პირობები და ვადები
პრეპარატი ინახება ოთახის ტემპერატურაზე 15-25ºC. ბავშვებისათვის მიუწვდომელ ადგილას!
ვარგისიანობის ვადა მითითებულია შეფუთვაზე. პრეპარატი არ გამოიყენება ვარგისიანობის ვადის გასვლის შემდეგ.

აფთიაქში გაცემის წესი
რეცეპტით. (II ჯგუფი)

მწარმოებელი ფირმა, ქვეყანა
სს ფარმაცევტული ქარხანა ეგისი
უნგრეთი

ოლზაპი
Olanzapin

ფარმაკოლოგიური ჯგუფი:  ნეიროლეფსიური

შემადგენლობა
ოლზაპის ერთი ტაბლეტი შეიცავს აქტიური ნივთიერების – ოლანზაპინის 5 მგ-ს ან 10 მგ-ს.

მოქმედების მექანიზმი
ოლანზაპინი ანტიფსიქოზური (ნეიროლეფსიური) საშუალებაა, რომელსაც ახასაითებს მთელ რიგ რეცეპტორულ სისტემაზე ფართო  ფარმაკოლოგიური მოქმედება.
დადგენილია ოლანზაპინის მსგავსება სეროტონინო 5-HT2A/C, 5-HT3, 5-HT6; დოფამინო D1, D2, D3, D4, D5; მუსკარინულ M1-5; ადრენერგულ α1 და ჰისტამინო-H1 რეცეპტორებისადმი. გამოვლენილია ანტაგონიზმი ოლანზაპინსა და 5HT, დოფამინო- და ქოლინო-რეცეპტორებს შორის. ოლანზაპინს ახასიათებს უფრო მეტად გამოხატული აქტივობა სეროტონინო 5-HT2 რეცეპტორებისადმი, ვიდრე დოფამინო-D2 რეცეპტორებისადმი. ოლანზაპინი შერჩევითად ამცირებს მეზოლიმბური დოფამინერგული ნეირონების აგზნებადობას, ამავდროულად უმნიშვნელო გავლენას ახდენს მოტორული ფუნქციის მარეგულირებელ სტრიარულ ნერვულ გზებზე. ოლანზაპინის შედარებით ნაკლები დოზა აქვეითებს პირობით დაცვით რეფლექსს (ანტიფსიქოზური აქტივობის მახასიათებელი ტესტი), ვიდრე დოზა, რომელიც იწვევს კატალეფსიას (მოშლილობა, რომელიც აისახება მოტორულ ფუნქციაზე). ანქსიოლიზური ტესტის ჩატარებისას, სხვა ნეიროლეფსიური საშუალებებისგან განსხვავებით, ოლანზაპინი აძლიერებს განგაშის საწინააღმდეგო ეფექტს.
შიზოფრენიით დაავადებულებში კვლევის შედეგად დადგინდა, რომ ოლანზაპინი უზრუნველყოფს როგორც პროდუქტიული (ბოდვა, ჰალუცინაცია და სხ.), ასევე ნეგატიური მოშლილობების რედუქციას.
ოლანზაპინი პერორალური მიღების შემდეგ კარგად აბსორბირდება კუჭ-ნაწლავის ტრაქტიდან. სისხლის პლაზმაში Cmax მიიღწევა 5-8 საათში. საკვების მიღება გავლენას არ ახდენს პრეპარატის აბსორბციაზე. T1/2 შეადგენს საშუალოდ 33 (12-47) საათს. ოლანზაპინის ფარმაკოკინეტიკური მაჩვენებლები განსხვავებულია პაციენტის სქესის, ასაკის მიხედვით და თამბაქოს მომხმარებლებში.

ჩვენება
ოლზაპი ინიშნება:
– შიზოფრენიისა და სხვა ფსიქოზური მოშლილობების მწვავე შეტევების კუპირებისა და ხანგრძლივი შემანარჩუნებელი მკურნალობის მიზნით, რომელიც ვლინდება პროდუქტიული (ბოდვა, ჰალუცინაცია, ავტომატიზმი) და/ან ნეგატიური (ემოციური და სოციალური აქტივობის დაქვეითება, მეტყველების სიმწირე) სიმპტომატიკით. ასევე, სხვადასხვა ფსიქიკური დაავადებებით გამოწვეული აფექტური მოშლილობების დროს;
– ბიპოლარული აფექტური მოშლილობების სამკურნალოდ, მწვავე მანიაკალური და შერეული ტიპის შეტევების დროს, ფსიქოზური გამოვლინებებით და ფაზების სწრაფი მონაცვლეობით ან მათ გარეშე.

უკუჩვენება
პრეპარატის შემადგენელი კომპონენტებისადმი მაღალი მგრძნობელობა.

უსაფრთხოების ზომები
ოლანზაპინის უსაფრთხოება ორსულობისა და ლაქტაციის პერიოდში შესწავლილი არ არის. ორსულობის პერიოდში პრეპარატის გამოყენების აუცილებლობა დედისთვის, უნდა აჭარბებდეს ნაყოფზე მისი გავლენის პოტენციურ რისკს, ხოლო ლაქტაციის პერიოდში ოლანზაპინის გამოყენებისას უნდა შეწყდეს ძუძუთი კვება.
ოლანზაპინის (ისევე როგორც სხვა ნეიროლეფსიური საშუალებების) გამოყენებისას შესაძლებელია ავთვისებიანი ნეიროლეფსიური სინდრომის განვითარება, რაც გულისხმობს ტემპერატურის მატებას, კუნთების რიგიდობას, ფსიქიკური სტატუსისა და ვეგეტატიური დარღვევების გამოვლინებას (არასტაბილური პულსი და არტერიული წნევა, ტაქიკარდია, არითმია, ოფლდენის გაძლიერება). დამატებით შესაძლებელია – კრეატინფოსფოკინაზას დონის მატება, მიოგლობინურია (რაბდომიოლიზი) და თირკმლების მწვავე უკმარისობა. აღნიშნული სინდრომის ნებისმიერი კლინიკური სიმპტომის გამოვლინება მოითხოვს ოლანზაპინის მოხსნას.
ჰალოპერიდოლთან შედარებით, ოლანზაპინი გაცილებით იშვიათად იწვევს დისკინეზიას, რომელიც მედიკამენტის მოხსნას მოითხოვს. თუმცა ხანგრძლივი მკურნალობის დროს გასათვალისწინებელია გვიანი დისკინეზიის გამოვლინების რისკი. ამ შემთხვევაში, რეკომენდებულია დოზის შემცირება ან პრეპარატის მოხსნა. გვიანი დისკინეზიის სიმპტომები შესაძლებელია გაღრმავდეს ან გამოვლინდეს პრეპარატის მოხსნის შემდეგაც.
ოლანზაპინით მკურნალობის საწყის ეტაპზე შესაძლებელია გამოვლინდეს გარდამავალი, უსიმპტომოდ მიმდინარე ღვიძლის ტრანსამინაზების (ასპარტატამინოტრასფერაზა და ალანინამინოტრანსფერაზა) დონის მატება. ამ შემთხვევაში, განსაკუთრებული ყურადღება ექცევათ პაციენტებს ღვიძლის ფუნქციური უკმარისობით ან პაციენტებს, რომლებიც იღებენ პოტენციურად ჰეპატოტოქსიკურ პრეპარატებს. ღვიძლის ტრანსამინაზების დონის მატება მოითხოვს პაციენტებზე განსაკუთრებულ ყურადღებას და საჭიროებისას დოზის შემცირებას.
ოლანზაპინი სიფრთხილით ენიშნება პაციენტებს ანამნეზში ეპილეფსიური გულყრების არსებობისას ან პაციენტებს კრუნჩხვითი განტვირთვის დაბალი ზღვრით.
ოლანზაპინი სიფრთხილით ინიშნება პაციენტებში: ლეიკოციტების და/ან ნეიტროფილების შემცირებული რაოდენობით (სხვადასხვა მიზეზით გამოწვეული), ანამნეზში მედიკამენტების მიღების ფონზე ძვლის ტვინის ფუნქციის დათრგუნვით/ტოქსიკური დარღვევით, ანამნეზში რადიოთერაპიით, ქიმიოთერაპიით ან თანმხლები დაავადებებით გამოწვეული ძვლის ტვინის ფუნქციის დათრგუნვით, ჰიპერეოზინოფილიით ან მიელოპროლიფერაციული დაავადებით.
ოლანზაპინით მკურნალობის ფონზე გვერდითი ეფექტების სახით იშვიათად ვლინდება ანტიქოლინერგული აქტივობა. მიუხედავად ამისა, სიფრთხილით ინიშნება პაციენტებში წინამდებარე ჯირკვლის ჰიპერპლაზიით, ნაწლავის პარალიზური გაუვალობით, დახურულკუთხოვანი გლაუკომით და სხვა.
ოლანზაპინმა თეორიულად შესაძლებელია დათრგუნოს დოფამინის აგონისტების მოქმედება.
ოლანზაპინი სიფრთხილით ინიშნება ცენტრალური მოქმედების სხვა პრეპარატებთან და ალკოჰოლთან ერთად.
ოლანზაპინი იწვევს ძილიანობას, ამიტომ მექანიკური საშუალებებისა და ავტოტრანსპორტის მართვისას საჭიროა სიფრთხილის დაცვა.
ოლანზაპინის კლირენსი მატულობს თამბაქოს მომხმარებლებსა და პაციენტებში, რომლებიც იღებენ კარბამაზეპინს.
ერთჯერადად მიღებული ოლანზაპინი გავლენას არ ახდენს შემდეგი პრეპარატების მეტაბოლიზმზე: იმიპრამინი ან მისი მეტაბოლიტი დეზიპრამინი, ვარფარინი, თეოფილინი, დიაზეპამი, ასევე – ლითიუმი და ბიპერიდინი.
ეთანოლთან კომბინაციაში შესაძლებელია ოლანზაპინის სედატიური ეფექტის გაძლიერება. ერთჯერადად მიღებული ალუმინისა და მაგნიუმის შემცველი ანტაციდები ან ციმეტიდინი გავლენას არ ახდენენ პერორალურად მიღებული ოლანზაპინის ბიოშეღწევადობაზე. აქტივირებული ნახშირი 50-60%-ით ამცირებს ოლანზაპინის ბიოშეღწევადობას. ფლუოქსეტინი ზრდის ოლანზაპინის მაქსიმალურ კონცენტრაციასა და ამცირებს მის კლირენსს. ოლანზაპინსა და ვალპროატის მჟავას შორის კლინიკური მნიშვნელობის ფარმაკოკინეტიკური ურთიერთგავლენა ნაკლებად მოსალოდნელია.

დოზის გადაჭარბება
ყველაზე ხშირად გამოვლენილი სიმპტომებია: ტაქიკარდია, აგზნებადობა/აგრესიულობა, არტიკულაციის მოშლა, ექსტრაპირამიდული დარღვევები და ცნობიერების სხვადასხვა სიმძიმის დარღვევა (სედატიური ეფექტიდან კომამდე).
კლინიკური მნიშვნელობის სხვა გამოვლინებებს მიეკუთვნება დელირია, კრუნჩხვა, ავთვისებიანი ნეიროლეფსიური სინდრომი, სუნთქვის დათრგუნვა, ასპირაცია, არტერიული ჰიპერტენზია ან ჰიპოტენზია, არითმია, გულისა და სუნთქვის გაჩერება.
მკურნალობა: სპეციფიკური ანტიდოტი არ არსებობს. ღებინების ხელოვნურად გამოწვევა რეკომენდებული არ არის. ნაჩვენებია დეზინტოქსიკაციის სტანდარტული მეთოდები (კუჭის ამორეცხვა, აქტივირებული ნახშირის მიღება, რაც ოლანზაპინის ბიოშეღწევადობას ამცირებს 50-60%-ით). კლინიკური სურათიდან გამომდინარე ინიშნება სიმპტომური თერაპია, ტარდება სასიცოცხლო ორგანოების ფუნქციათა კონტროლი (არტერიული ჰიპოტენზიისა და სისხლძარღვოვანი კოლაფსის თერაპია, სუნთქვის ფუნქციის კონტროლი). არ ინიშნება ეპინეფრინი, დოფამინი ან სხვა ბეტა-ადრენორეცეპტორების აგონისტი სიმპათომიმეტური საშუალებები, ვინაიდან შესაძლებელია არტერიული ჰიპოტენზიის გაღრმავება გამოიწვიონ.

დოზირება და მიღების წესი
შიზოფრენია და მსგავსი ფსიქოზური მოშლილობები:
ოლანზაპინის რეკომენდებული საწყისი დოზა შეადგენს 10 მგ-ს დღეში ერთხელ.
საკვების მიღება გავლენას არ ახდენს პრეპარატის აბსორბციაზე.
ოლანზაპინის დღიური თერაპიული დოზა მერყეობს 5-20 მგ-ის ფარგლებში. დღიური დოზის შერჩევა ხდება ინდივიდუალურად პაციენტის კლინიკური მდგომარეობიდან გამომდინარე. სტანდარტული დღიური დოზის (10 მგ) გაზრდის შემთხვევაში აუცილებელია პაციენტის შესაბამისი კლინიკური გამოკვლევის ჩატარება.
ბიპოლარული მოშლილობები:
რეკომენდებული საწყისი დოზა შეადგენს 15 მგ-ს დღეში ერთხელ.
დღიური თერაპიული დოზა მერყეობს 5-20 მგ-ის ფარგლებში. დღიური დოზის შერჩევა ხდება ინდივიდუალურად პაციენტის კლინიკური მდგომარეობიდან გამომდინარე. სტანდარტული დღიური დოზის (15 მგ) გაზრდის შემთხვევაში აუცილებელია პაციენტის შესაბამისი კლინიკური გამოკვლევის ჩატარება. დოზის მატება უნდა მოხდეს თანდათანობით 24 საათიანი ინტერვალებით.
დოზის შერჩევა სხვადასხვა ჯგუფის პაციენტებისათვის:
ასაკოვან პაციენტებში, ასევე პაციენტებში თირკმლების მძიმე უკმარისობით ან ღვიძლის ფუნქციების საშუალო სიმძიმის უკმარისობით, პრეპარატი ინიშნება საწყისი დღიური დოზით 5 მგ. საწყისი დოზის შემცირება რეკომენდებულია პაციენტებში რისკ-ფაქტორების კომბინაციით (მდედრობითი სქესის პაციენტები, ასაკოვანი და არამწეველები), როდესაც მოსალოდნელია ოლანზაპინის მეტაბოლიზმის შენელება.
18 წელზე ნაკლები ასაკის პაციენტებში ოლანზაპინის მოქმედება შესწავლილი არ არის.

გვერდითი მოვლენები
ოლანზაპინის ყველაზე ხშირ გვერდით მოვლენებს განეკუთვნება ძილიანობა და წონის მატება. ასევე გამოვლენილია პლაზმაში პროლაქტინის კონცენტრაციის მცირედ გამოხატული და ტრანზიტორული მატება, რომელიც უმრავლეს შემთხვევაში ოლანზაპინის მოხსნის გარეშე უბრუნდება ნორმას.
ხშირ გვერდით მოვლენებს განეკუთვნება თავბრუსხვევა, ასთენია, აკატიზია, მადის გაძლიერება, პერიფერიული შეშუპება, ორთოსტატული ჰიპოტენზია, პირის სიმშრალე, ყაბზობა. იშვიათად ვლინდება ტრანზიტორული, უსიმპტომოდ მიმდინარე ღვიძლის ტრანსამინაზების მატება. ერთეულ შემთხვევაში – პლაზმაში გლუკოზის დონის ზრდა ან ეოზინოფილია.

ვარგისიანობა და შენახვის პირობები
პრეპარატის ვარგისიანობის ვადაა 2 წელი, ინახება 10-25ºC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
ტაბლეტი 5 მგ ან 10 მგ; 30 ტაბლეტი ბლისტერებში. მეორადი შეფუთვა: მუყაოს კოლოფში.

აფთიაქიდან გაცემის პირობები
ექიმის რეცეპტით!

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად