ამვი  ნაითი

საძილე, დამამშვიდებელი საშუალება

ამვი ნაითი ეფექტური, კომბინირებული მოქმედების დამამშვიდებელი, საძილე საშუალებაა. ხელს უწყობს ძილის ნორმალიზებას და სწრაფ ჩაძინებას, ამცირებს დაძაბულობას, შფოთვას, გაღიზიანებადობას. ხელს უწყობს ფსიქიკური წონასწორობის აღდგენას, არეგულირებს გულის მუშაობას,  დადებითად  მოქმედებს ცენტრალურ ნერვულ სისტემაზე

შემადგენლობა: მელატონინი-3მგ, მაგნიუმის ოქსიდი-75მგ, კატაბალახას ფესვი-150მგ, პასიფლორა-75მგ

ფარმაკოლოგიური თვისებები:  ამვი ნაითის ეფექტურობას განაპირობებს მასში შემავალი კომპონენტების ერთობლივი მოქმედება. მელატონინი წარმოადგენს ეპიფიზის ჰორმონს, რომელიც აწესრიგებს ცირკადულ რითმებს. არეგულირებს ძილისა და სიფხიზლის ციკლს, ხელს უწყობს ღამის ძილის მოწესრიგებას (აჩქარებს ჩაძინებას, აუმჯობესებს ძილის ხარისხს, ამცირებს ღამის გამოღვიძების რაოდენობას, აუმჯობესებს გუნება განწყობას დილით გაღვიძების შემდეგ) ამცირებს სტრესით გამოწვეულ შფოთვას, გაღიზიანებადობას, დაძაბულობას.  ხელს უწყობს ფსიქიკური წონასწორობის აღდგენას, არეგულირებს გულის მუშაობას,  აქვს იმუნომასტიმულირებელი და ანტიოქსიდანტური მოქმედება. მელატონინი არ იწვევს შეჩვევას და დამოკიდებულებას. კატაბალახა  ამცირებს ცენტრალური ნერვული სისტემის აგზნებადობას, აქვს მსუბუქი საძილე,  დამამშვიდებელი მოქმედება,  ახასიათებს სპაზმოლიზური, მსუბუქი ნაღვლმდენი  მოქმედება, აუმჯობესებს კორონარულ მიმოქცევას. პასიფლორა (ვნების ყვავილი)  ამშვიდებს ცენტრალურ ნერვულ სისტემას, ამცირებს შფოთვასა და დაძაბულობას. ავლენს სპაზმოლიზურ და მსუბუქ სედატიურ მოქმედებას. მაგნიუმი წარმოადგენს უჯრედების ნორმალური ფუნქციონირებისათვის საჭირო სასიცოცხლოდ აუცილებელ ელემენტს, რომელიც იმყოფება ორგანიზმის ყველა ქსოვილში და მონაწილეობს ნივთიერებათა ცვლის პროცესებში. მაგნიუმი მნიშვნელოვან როლს თამაშობს ნერვული იმპულსის გადაცემაში, რითაც ხელს უწყობს ნერვული სისტემის ნორმალურ ფუნქციონირებას. მონაწილეობას იღებს ენერგიის წარმოქმნაში უჯრედულ დონეზე, ხსნის კუნთოვან სპაზმს, ახდენს გულის რითმის მუშაობის სტაბილიზაციას, უზრუნველყოფს მშვიდ, ჯანმრთელ ძილს.

ჩვენებება:

• ძილის დარღვევები, უძილობა
• მოუსვენრობა, შფოთვა
• მომატებული აგზნებადობა, გაღიზიანებადობა
• ნევრასთენიის მსუბუქი ფორმები, სტრესის შემდგომი მდგომარეობა, შიში თანმხლები დაძაბულობით, ტაქიკარდიით და ქოშინით
• ემოციური დაძაბულობა ან დათრგუნვა
• კონცენტრაციის დაქვეითება
• ნერვული დაძაბულობით გამოწვეული თავის ტკივილი და შაკიკი (კომბინირებული თერაპიის შემადგენლობაში)
• კლიმაქტერული სინდრომი
• ანგიონევროზი და ვეგეტონევროზი
• ქავილით მიმდინარე დერმატოზები (ატოპიური და სებორეული ეგზემა, ჭინჭრის ციება, ნეიროდერმიტი)

მიღება და დოზირება:  ერთი ან ორი კაფსულა დაძინებამდე ერთი საათით ადრე,  ან ექიმის რეკომენდაციის მიხედვით

გაფრთხილება: არ გადააჭარბოთ რეკომენდირებულ დოზირებას, ორსულობისა და ლაქტაციის პერიოდში, ასევე 18 წლამდე  პრეპარატის მიღებამდე გაიარეთ კონსულტაცია ექიმთან.

შეინახეთ გრილ, მშრალ ბავშვებისათვის მიუწვდომელ ადგილას.

გამოშვების ფორმა:  N30 კაფსულა

მწარმოებელი:  ამვილაბი - აშშ.

სერთიფიცირებულია აშშ-ს წამლის სააგენტოს  FDA - ს მიერ.

ზოგადი დახასიათება:
საერთაშორისო არაპატენტირებული დასახელება: იპიდაკრინი;

ძირითადი ფიზიკურ-ქიმიური თვისებები:
ტაბლეტები: თეთრი ან მოთეთრო ფერის, მრგვალი ფორმის, ბრტყელი ზედაპირის მქონე, შემოუგარსავი ტაბლეტები ნაზოლით;
საინექციო ხსნარი: გამჭვირვალე უფერო ხსნარი;

შემადგენლობა:
ტაბლეტები: 1 შემოუგარსავი ტაბლეტი შეიცავს:
იპიდაკრინის ჰიდროქლორიდს – 20 მგ.
დამხმარე ნივთიერებები: ლაქტოზა, კარტოფილის სახამებელი, კალციუმის სტეარატი.
საინექციო ხსნარი: 1 მლ შეიცავს:
იპიდაკრინის ჰიდროქლორიდს - 5 მგ ან 15 მგ.
დამხმარე ნივთიერებები: ქლორწყალბადმჟავა, საინექციო წყალი.

გამოშვების ფორმა:
შემოუგარსავი ტაბლეტები, 20 მგ.
საინექციო ხსნარი, 5 მგ/მლ  და 15 მგ/მლ.

ფარმაკოლოგიური ჯგუფი:
ქოლინესთერაზას ინჰიბიტორი, ნერვ-კუნთოვანი გამტარებლობის სტიმულატორი.
ათქ-კოდი:  N07AA.

ფარმაკოლოგიური თვისებები:
ნეირომიდინი-ავერსი წარმოადგენს ქოლინესთერაზას შექცევად ინჰიბიტორს. იგი  უჯრედის მემბრანის კალიუმის არხების ბლოკადის შედეგად უშუალოდ ასტიმულირებს ცნს-სა და ნერვ-კუნთოვან სინაფსში იმპულსების გატარებას. ნეირომიდინი-ავერსი აძლიერებს გლუვ კუნთებზე არა მხოლოდ მედიატორ აცეტილქოლინის, არამედ ადრენალინის, ჰისტამინის და ოქსიტოცინის მოქმედებას. ნეირომიდინი-ავერსს გააჩნია შემდეგი ფარმაკოლოგიური ეფექტები:
-    აღადგენს და ასტიმულირებს ნერვ-კუნთოვან გადაცემას;
-    პერიფერიულ ნერვულ სისტემაში აღადგენს იმ იმპულსების გამტარებლობას, რომლებიც დარღვეულია სხვადასხვა ფაქტორების ზემოქმედების შედეგად (ტრავმა, ანთება, ადგილობრივი საანესთეზიო საშუალებების, ზოგიერთი ანტიბიოტიკების, აგრეთვე კალიუმის ქლორიდის ზემოქმედება და სხვა);
-    აძლიერებს აგონისტების ზემოქმედებით გამოწვეულ გლუვ-კუნთოვანი ორგანოების შეკუმშვას. გამონაკლისს წარმოადგენს კალიუმის ქლორიდი;
-    ზომიერად ასტიმულირებს ცენტრალურ ნერვულ სისტემას სედატიური ეფექტის სპორადული გამოვლინებებით;
-  აუმჯობესებს მეხსიერებას.

ფარმაკოკინეტიკა:
ნეირომიდინი-ავერსი სწრაფად შეიწოვება პერორალური მიღების, კუნთში ან კანქვეშ შეყვანის შემდეგ. პერორალური მიღებისას მაქსიმალური კონცენტრაცია (Cmax) სისხლში მიიღწევა 1 სთ-ის შემდეგ, ხოლო კუნთში ან კანქვეშ შეყვანისას - 25-30 წთ-ის შემდეგ. პრეპარატი სისხლიდან სწრაფად გადადის ქსოვილებში და წონასწორობის მდგომარეობაში სისხლის პლაზმაში აქტიური ნივთიერების მხოლოდ 2% აღინიშნება. ნახევარგამოყოფის პერიოდი (T1/2) გადანაწილების ფაზაში შეადგენს 40 წთ-ს. აქტიური ნივთიერების დაახლოებით 40-55% უკავშირდება პლაზმის ცილებს. პარენტერული შეყვანისას ნახევარგამოყოფის პერიოდი შეადგენს 2-3 სთ-ს. პრეპარატი მეტაბოლიზმს განიცდის ღვიძლში, მცირე რაოდენობით ექსკრეტირდება ნაღველთან ერთად კუჭ-ნაწლავის ტრაქტის გავლით. ნეირომიდინი-ავერსის ელიმინაცია ხორციელდება უპირატესად თირკმლებით. ექსკრეცია ხორციელდება ძირითადად მილაკოვანი სეკრეციით, მხოლოდ დოზის 1/3 გამოიყოფა გორგლოვანი ფილტრაციით. პერორალური მიღების შემდეგ დოზის მხოლოდ 3.7% გამოიყოფა შეუცვლელი სახით შარდთან ერთად, ხოლო პარენტერული შეყვანის შემდეგ - 34.8%.

ჩვენება:
- პერიფერიული ნერვული სისტემის დაავადებები: ნევროპათია, ნევრიტი, პოლინევრიტი, პოლინევროპათია, პოლირადიკულონევროპათია, მიასთენია, სხვადასხვა ეტიოლოგიის მიასთენიური სინდრომი;
- ბულბარული დამბლა, პარეზი;
- მოძრაობის დარღვევით მიმდინარე ცნს-ის ორგანული დაზიანებები (აღდგენითი პერიოდი);
- დემიელინიზაციით მიმდინარე დაავადებები (კომპლექსური მკურნალობა);
- სხვადასხვა გენეზის მეხსიერების დარღვევა (ალცჰაიმერის დაავადება და სენილური  დემენციის სხვა ფორმები);
-  ნაწლავის ატონია.
                              
მიღების წესი და დოზირება:
ტაბლეტები მიიღება პერორალურად. ნეირომიდინი-ავერსის 0.5% და 1.5% საინექციო ხსნარი შეჰყავთ კანქვეშ და კუნთებში. მკურნალობის ხანგრძლივობა და დოზა დამოკიდებულია დაავადების სიმძიმეზე.
- პერიფერიული ნერვული სისტემის დაავადებების, მიასთენიის და მიასთენიური სინდრომის სამკურნალოდ 10-20 მგ (0.5-1 ტაბლეტი) მიიღება 1-3-ჯერ დღეში; კანქვეშ ან კუნთებში – 1 მლ 0.5% - 1 მლ 1.5% (5-15 მგ) საინექციო ხსნარი შეჰყავთ 1-2-ჯერ დღეში. მკურნალობის კურსი შეადგენს 1-2 თვეს. აუცილებლობის შემთხვევაში მკურნალობის კურსი შეიძლება განმეორდეს რამდენჯერმე, მათ შორის ინტერვალი უნდა შეადგენდეს 1-2 თვეს.
- ნერვ-კუნთოვანი გამტარებლობის მძიმე ფორმის დარღვევისას მიასთენიური კრიზის დასათრგუნად 1-2 მლ (15-30 მგ) 1.5% საინექციო ხსნარი შეჰყავთ პარენტერულად ხანმოკლედ. შემდეგ მკურნალობას აგრძელებენ ტაბლეტებით. დოზა შეიძლება გავზარდოთ 20-40 მგ-მდე (1-2 ტაბ.) 5-6-ჯერ დღეში.
 - სხვადასხვა გენეზის მეხსიერების დარღვევის (ალცჰაიმერის დაავადება და სენილური ჭკუასუსტობის სხვა ფორმები) სამკურნალოდ დოზა და მკურნალობის ხანგრძლივობა დგინდება ინდივიდუალურად, მაქსიმალური სადღეღამისო დოზა ზოგჯერ შეიძლება 200 მგ-ს აღწევდეს, მკურნალობის კურსი – 1 თვიდან 1 წლამდე.
- ნაწლავის ატონიის მკურნალობისა და პროფილაქტიკისთვის ინიშნება 20 მგ (1 ტაბლეტი) 2-3-ჯერ დღეში 1-2 კვირის განმავლობაში. დოზის გამოტოვების შემთხვევაში მკურნალობა გრძელდება ადრე დანიშნული დოზით.
ნეირომიდინი-ავერსი ბავშვებში ინიშნება სიფრთხილით კლინიკური კვლევების სიმცირის გამო.

გვერდითი მოვლენები:
პრეპარატი ხასიათდება კარგი ტოლერანტობით. იშვიათად აღინიშნება მ-ქოლინორეცეპტორების აგზნებით გამოწვეული შემდეგი გვერდითი მოვლენები: გაძლიერებული ნერწყვის დენა, მომატებული ოფლიანობა, ბრადიკარდია, გახშირებული გულისცემა, გულისრევა, ტკივილი ეპიგასტრიუმში, ფაღარათი, ბრონქული სეკრეტის გამოყოფის გაძლიერება, კუნთების კრუნჩხვები, ბრონქოსპაზმი, საშვილოსნოს ტონუსის გაძლიერება, კანის ალერგიული რეაქციები. ნერწყვის დენა და ბრადიკარდია შეიძლება შემცირდეს მ-ქოლინობლოკატორებით (ატროპინი და სხვა).
იშვიათად, მაღალი დოზის გამოყენებისას აღინიშნება თავის ტკივილი, თავბრუ, ძილიანობა, სისუსტე, ღებინება, კანის მხრივ ალერგიული რეაქციები (ქავილი, გამონაყარი). ამ შემთხვევაში დოზას ამცირებენ ან ხანმოკლე დროით (1-2 დღე) წყვეტენ პრეპარატის მიღებას.

უკუჩვენება:  
იპიდაკრინის ან პრეპარატის შემადგენლობაში შემავალი კომპონენტების მიმართ მომატებული მგრძნობელობა, ეპილეფსია, ჰიპერკინეზით მიმდინარე ექსტრაპირამიდული დარღვევები, სტენოკარდია, გამოხატული ბრადიკარდია, ბრონქული ასთმა, ნაწლავების და საშარდე გზების ობსტრუქცია, ვესტიბულური დარღვევის მიმართ მიდრეკილება, კუჭისა და 12-გოჯა ნაწლავის წყლულოვანი დაავადება გამწვავების ფაზაში, ორსულობისა და ძუძუთი კვების პერიოდი.

ურთიერთქმედება სხვა სამკურნალო საშუალებებთან:
ნეირომიდინი-ავერსი ცნს-ის დამთრგუნველ სამკურნალო საშუალებებთან კომბინაციის დროს აძლიერებს მათ სედატიურ ეფექტს. პრეპარატის მოქმედება და გვერდითი მოვლენები ძლიერდება ქოლინესთერაზას სხვა ინჰიბიტორებთან და მ-ქოლინომიმეტურ საშუალებებთან კომბინაციაში. Myastenia gravis-ით შეპყრობილ პაციენტებში ქოლინერგული კრიზის განვითარების რისკი მატულობს იმ შემთხვევაში, როდესაც ნეირომიდინი-ავერსი ერთდროულად მიიღება სხვა ქოლინერგულ საშუალებებთან. ბრადიკარდიის განვითარების რისკი მატულობს, თუ ნეირომიდინი-ავერსით მკურნალობის დაწყებამდე პაციენტი მკურნალობდა ბეტა-ადრენობლოკატორებით. პრეპარატის გამოყენება დასაშვებია ცერებროლიზინთან კომბინაციაში. მკურნალობის პერიოდში ალკოჰოლის გამოყენება აძლიერებს პრეპარატის გვერდით მოვლენებს.

ჰიპერდოზირება:
დოზის გადაჭარბების შემთხვევაში შეიძლება განვითარდეს ”ქოლინერგული კრიზი” შემდეგი სიმპტომებით: ბრონქოსპაზმი, ცრემლდენა, მომატებული ოფლდენა, გუგების შევიწროება, ნისტაგმი, კუჭ-ნაწლავის ტრაქტის პერისტალტიკის გაძლიერება, სპონტანური დეფეკაცია და შარდის გამოყოფა, ღებინება, სიყვითლე, ბრადიკარდია, გულის გამტარებლობის დარღვევა, არითმია, არტერიული წნევის დაქვეითება, მოუსვენრობა, განგაში, აგზნებადობა, შიშის შეგრძნება, ატაქსია, კრუნჩხვები, კომა, მეტყველების გაძნელება, ძილიანობა და სისუსტე. სიმპტომებიAშეიძლება იყოს სუსტად გამოხატული.
მკურნალობა სიმპტომურია, გამოიყენება მ-ქოლინობლოკატორები (ატროპინი, ციკლოდოლი, მეტაცინი და სხვა).

ორსულობა და ლაქტაცია:
პრეპარატი აძლიერებს საშვილოსნოს ტონუსს და შეიძლება გამოიწვიოს ნაადრევი მშობიარობა, ამიტომ მისი გამოყენება ორსულობისა  და ძუძუთი კვების პერიოდში დაუშვებელია.

განსაკუთრებული მითითებები:
პრეპარატი სიფრთხილით ინიშნება კუჭისა და 12-გოჯა ნაწლავის  წყლულოვანი დაავადების, თირეოტოქსიკოზის, გულ-სისხლძარღვთა სისტემის, სასუნთქი სისტემის მწვავე ან ანამნეზში სასუნთქი გზების ობსტრუქციული დაავადებების სამკურნალოდ.
პრეპარატის ზემოქმედება ავტოტრანსპორტისა და მექანიზმების მართვის უნარზე:
ნეირომიდინი-ავერსის გამოყენებამ შეიძლება გამოიწვიოს სედატიური ეფექტი, რაც მოითხოვს სიფრთხილეს.  

შეფუთვა:
ტაბლეტები: 10 ტაბლეტი კონტურულ უჯრედოვან შეფუთვაში, 5 კონტურული შეფუთვა მუყაოს კოლოფში.
საინექციო ხსნარი: 1 მლ 0.5% ან 1.5% საინექციო ხსნარი უფერო მინის ამპულაში, 10 ამპულა მუყაოს კოლოფში.

შენახვის პირობები:
ტაბლეტები: ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
საინექციო ხსნარი: ინახება 15-25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა :
ტაბლეტები: 3 წელი.
ამპულები:  2 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
მისამართი:
საქართველო 0198, თბილისი
ჭირნახულის ქ. 14.
www.aversi.ge
შპს “ავერსი-რაციონალი” (საქართველო).

ქვეყანა: თურქეთი

მწარმოებელი: ნობელი

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ციკლოფლექსი

გამოშვების ფორმა: ციკლობენზაპრინის ჰიდროქლორიდი 10 მგ, №30 შემოგარსული აბი

ფარმაკოლოგიური ჯგუფი:  ცენტრალური მოქმედების მიორელაქსანტი

გამოყენების წინ დეტალურად გაეცანით ინსტრუქციას

აფთიაქიდან გაცემის რეჟიმი: გაიცემა ფორმა III რეცეპტით

მწარმოებელი: EUROFARMA

ციკლოფლექსი / Cycloflex

• საერთაშორისო დასახელება (აქტიური ნივთიერება): Cyclobenzaprine hydrochloride

• კლინიკურ–ფარმაკოლოგიური ჯგუფი: ცენტრალური ნერვული სისტემა → მიორელაქსანტები → მიორელაქსანტები, ცენტრალური მოქმედების სხვა მიორელაქსანტები
• მწარმოებელი კომპანია: Eurofarma Laboratorios S.A.
• მწარმოებელი ქვეყანა: ბრაზილია
• გამოშვების ფორმა: 10 მგ გარსით დაფარული ტაბლეტი N30
• გაცემის რეჟიმი: II ჯგუფი (გაიცემა ფორმა N3 რეცეპტით)

შემადგენლობა:
თითოეული გარსიანი ტაბლეტი შეიცავს:
ციკლობენზაპრინის ჰიდროქლორიდი …. 10 მგ
დამხმარე ნივთიერებები 1 ტაბლეტისათვის საჭირო რაოდენობით
დამხმარე ნივთიერებები: მიკროკრისტალური ცელულოზა, ტრიკალციუმის ფოსფატი, კროსკარმელოზა ნატრიუმი, ლაქტოზა, მაგნიუმის სტეარატი, ჰიპრომელოზა, მაკროკოლი, ტიტანის დიოქსიდი და რკინის ყვითელი ოქსიდი.
თითოეული 10.0 მგ ციკლობენზაპრინის ჰიდროქლორიდი 8,83 მგ ციკლობენზაპრინის  ფუძის ტოლია.

ინფორმაცია პაციენტისთვის

1. რისთვის არის ნაჩვენებიესპრეპარატი?
ეს პრეპარატი განკუთვნილია მწვავე და მტკივნეულ ძვალ- კუნთოვან მდგომარეობებთან დაკავშირებული კუნთოვანი სპაზმების სამკურნალოდ, როგორიცაა წელის ტკივილი, კისერმრუდობა, მხარ-ბეჭის პერიართრიტი (მხრის დაზიანება), ცერვიკობრაქიალგია (კისრის ტკივილი, რომელიც გადაეცემა  ხელებში) და ასევე ფიბრომიალგიის სამკურნალოდ.
გარდა ამისა, ის ნაჩვენებია დამხმარე საშუალების სახით სიმპტომების შესამსუბუქებლად სხვა მეთოდების პარალერულად,  როგორიცაა ფიზიოთერაპია და დასვენება.
2. როგორია ამპრეპარატის მოქმედება?  
ციკლოფლექსი არის მიორელაქსანტი. ციკლობენზაპრინი თრგუნავს ადგილობრივ ჩონჩხის განივზოლიანი კუნთების სპაზმს და არ არღვევს კუნთების ნორმალურ ფუნქციონირებას. ციკლობენზაპრინის გამოყენება ორ ან სამ კვირაზე მეტი დროის განმავლობაში უნდა მოხდეს სათანადო სამედიცინო მეთვალყურეობის ქვეშ, თუმცა, ზოგადად, მწვავე და მტკივნეულ ჩონჩხ – კუნთოვან პროცესებთან დაკავშირებული კუნთების სპაზმი მოკლევადიანია.
ციკლობენზაპრინი არაეფექტურია ცენტრალური ნერვული სისტემის დაავადებებით გამოწვეულია კუნთების სპაზმების დროს.
თერაპიული მოქმედების დასაწყებად საჭირო  საშუალო დრო:
პრეპარატი იწყებს მოქმედებას მიღებიდან დაახლოებით 1 საათის შემდეგ.
3. როდის არ უნდა გამოვიყენო ეს პრეპარატი?
თქვენ არ უნდა გამოიყენოთ ციკლოფლექსი შემდეგ შემთხვევებში:

• • როდესაც ხართ ალერგიული ცილკობენზაპრინის  ან პროდუქტის ფორმულის ნებისმიერი სხვა კომპონენტის მიმართ;
• • პაციენტებში, რომლებსაც აღენიშნებათ გლაუკომა ან შარდის შეკავება;   
• • პაციენტებში მიოკარდიუმის ინფარქტის შემდგომ პერიოდში;
• • თუ თქვენ იყენებთ მონოამინოქსიდაზას ინჰიბიტორებს, ან 14 დღეზე ნაკლები დროა,  რაც შეწყვიტეთ ამ პრეპარატების გამოყენება;
• • პაციენტებში, რომლებსაც აღენიშნებათ გულის რითმის დარღვევა, ბლოკადა ან გულის გამტარებლობის დარღვევა ან გულის შეგუბებითი უკმარისობა;
• • როდესაც გაქვთ ჰიპერთირეოზი.

4. რა უნდა ვიცოდე ამ პრეპარატის გამოყენებამდე?
ციკლოფლექსი სტრუქტურულად ტრიციკლური ანტიდეპრესანტების (მაგ.: ამიტრიპტილინი და იმიპრამინი)ანალოგიურია; როდესაც მიღებული დოზები რეკომენდებულზე უფრო მაღალია, შეიძლება განვითარდეს გვერდითი რეაქციები ცენტრალური ნერვული სისტემის მხრივ.
მონოამინოოქსიდაზას ინჰიბიტორებთან ერთდროულმა მიღებამ შეიძლება გამოიწვიოს კრუნჩხვა და სიკვდილი. პოტენციურად ფატალური სინდრომი (სახელწოდებით სეროტონერგული სინდრომი) შეიძლება განვითარდეს ციკლობენზაპრინის გამოყენებისას შემდეგ პრეპარატებთან ერთად: სეროტონინის უკუმიტაცების ინჰიბიტორები, ტრიციკლური ანტიდეპრესანტები, ბუსპირონი, მეპერიდინი, ტრამადოლი, მონოამინოქსიდაზას ინჰიბიტორები, ბუპროპიონი და ვერაპამილი. აქედან გამომდინარე, პაციენტებზე, რომლებიც ღებულობენ ამ პრეპარატებს, უნდა განხორციელდეს ყურადღებით მონიტორინგი მკურნალობის დაწყებისას და დოზის მომატებისას ამ სინდრომის სიმპტომებისა და ნიშნების  გამოსავლენად, როგორიცაა მენტალური სტატუსის ცვლილებები (აჟიტირება, ჰალუცინაციები), გულისცემის სიხშირის მომატება, სისხლის წნევის ცვლილებები, ტრემორი, რიგიდობა, გულისრევა, ღებინება, დიარეა ან კრუნჩხვები. ციკლობენზაპრინი უნდა შეწყდეს დაუყოვნებლივ, თუ გამოჩნდება ეს სიმპტომები და ნიშნები.
ციკლობენზაპრინმა შეიძლება გაზარდოს ალკოჰოლის, ბარბიტურატების და სხვა ცენტრალური ნერვული სისტემის დეპრესანტების ეფექტი.
სიფრთხილის ზომები
ციკლობენზაპრინი სიფრთხილით უნდა იქნას გამოყენებული  იმ პაციენტებში, რომლებსაც ანამნეზში  აღენიშნებათ შარდის შეკავება, დახურულ-კუთხიანი  გლაუკომა, თვალის შიდა წნევის მომატება,  გულისცემის სიხშირის მომატება, პროსტატის კეთილთვისებიანი ჰიპერტროფია (ხანდაზმულ მამაკაცებში გადიდებული წინამდებარე ჯირკვალი) ან მათში, ვინც ღებულობს ანტიქოლინერგულ სამკურნალო საშუალებებს.
ციკლოფლექსის გამოყენება ორ-სამ კვირაზე მეტი ხანგძლივობით უნდა მოხდეს შესაბამისი სამედიცინო მეთვალყურეობის  ქვეშ.
ციკლობენზაპრინის ჰიდროქლორიდით მკურნალობის დროს საჭიროა  მოერიდოთ ისეთ საქმიანობებს,  როგორიცაა მექანიზმებისა და მანქანების მართვა, რადგანაც შესაძლებელია განვითარდეს ისეთი სიმპტომები, როგორიცაა ძილიანობა და თავბრუსხვევა.
ღვიძლის უკმარისობა
ციკლოფლექსი სიფრთხილით უნდა იქნას გამოყენებული ღვიძლის ფუნქციის მსუბუქი დარღვევის მქონე პაციენტებში. მონაცემების არარსებობის გამო, ციკლობენზაპრინის გამოყენება პაციენტებში ზომიერი და მძიმე ღვიძლის უკმარისობით რეკომენდებული არ არის.
ორსულობა
ვირთაგვებზე, თაგვებზე და კურდღლებზე ჩატარებულმა რეპროდუქციულმა კვლევებმა, რომლებშიც ციკლობენზაპრინი გამოიყენებოდა ადამიანის დოზაზე 20-ჯერ მეტი  დოზით, არ გამოავლინა ფერტილობის ან ნაყოფის დაზიანების მხრივ რაიმე ცვლილებები. თუმცა, არ არსებობს შესაფერისი და კარგად კონტროლირებადი კვლევები ორსულ ქალებში ციკლობენზაპრინის გამოყენების უსაფრთხოების შესახებ. რადგანაც ცხოველებზე კვლევები ყოველთვის არ წარმოადგენს ადამიანებში რეაგირების განმეორებას, ციკლოფლექსის გამოყენება ორსულობის დროს რეკომენდებული არ არის.
ეს პრეპარატი არ უნდა იქნას გამოყენებული ორსული ქალების მიერ ექიმის ან ქირურგი-სტომატოლოგის  კონსულტაციის გარეშე.
ძუძუთი კვება
არ არის ცნობილი, გამოიყოფა  თუ არა პრეპარატი დედის რძეში. რადგანაც ციკლობენზაპრინი  ქიმიურად მსგავსია ტრიციკლური ანტიდეპრესანტებისა, რომელთაგან ზოგიერთი გამოიყოფა დედის რძეში. განსაკუთრებული სიფრთხილის ზომების დაცვაა საჭირო როდესაც ციკლოფლექსი ენიშნება ქალს, რომელიც კვებავს ძუძუთი.
გამოყენება პედიატრიაში
ციკლობენზაპრინის  უსაფრთხოება და ეფექტურობა 15 წლამდე ასაკის ბავშვებში არ არის დადგენილი.
გამოყენება გერიატრიაში
ციკლოპლექსი სიფრთხილით უნდა იქნას გამოყენებული ხანდაზმულ პაციენტებში.

სტომატოლოგია
პრეპარატის ეფექტმა შეიძლება გამოიწვიოს ნერწყვის გამოყოფის დათრგუნვა, რაც ხელს უწყობს კარიესის განვითარებას, პაროდონტულ დაავადებებსა და პირის ღრუს კანდიდოზს.

კანცეროგენურობა, მუტაგენურობა და ფერტილობის ცვლილებები
ცხოველებზე ჩატარებული კვლევებმა, სადაც გამოიყენებოდა ადამიანისთვის რეკომენდებულ დოზაზე 5 დან 40-ჯერ მეტი დოზები, არ გამოავლინა პრეპარატის კანცეროგენური ან მუტაგენური თვისებები.  ციკლობენზაპრინი არ ახდენდა გავლენას  ვირთაგვებზე და თაგვებზე ჩატარებულ კვლევებში ნეოპლაზიების სიხშირესა და დისტრიბუციაზე.
ციკლობენზაპრინის ადამიანის დოზაზე  10-ჯერ მეტი პერორალური დოზები არ ახდენდა  უარყოფით გავლენას ვირთაგვების ქცევაზე ან ფერტილობაზე.  
წამლებს შორის ურთიერთქმედება
ციკლობენზაპრინმა შეიძლება გაზარდოს ალკოჰოლის, ბარბიტურატების და სხვა ცნს ანტიდეპრესანტების ეფექტი. მონოამინოქსიდაზას ინჰიბიტორი პრეპარატის დანიშვნისას საჭიროა მის მიღებასა და ციკლობენზაპრინს შორის მინიმუმ 14-დღიანი ინტერვალის დაცვა მისი გვერდითი მოვლენების თავიდან აცილების მიზნით (იხილეთ უკუჩვენებები).
რეკომენდებულია სიფრთხილის გამოჩენა ციკლოფლექსისა და სეროტონინის უკუმიტაცების ინჰიბიტორების, ტრიციკლური ანტიდეპრესანტების, ბუსპირონის, მეპერიდინის, ტრამადოლის, ბუპროპიონის და ვერაპამილის ერთდროული გამოყენებისას პოტენციურად სეროტონერგული სინდრომის განვითარების გამო  (იხ. გაფრთხილებები და სიფრთხილის ზომები).
ციკლობენზაპრინის ჰიდროქლორიდმა შეიძლება გამოიწვიოს ანტიდისკინეზიური და ანტიქოლინერგული პრეპარატების მოქმედების გაძლიერება  და ამგვარად გამოიწვიოს  კუჭ-ნაწლავის პრობლემები და პარალიზური გაუვალობა.
გავლენა ლაბორატორიულ ტესტებზე
არ არსებობს მონაცემები ციკლობენზაპრინის ჰიდროქლორიდის ლაბორატორიული ტესტების შედეგებზე გავლენის შესახებ.
შეატყობინეთ თქვენს ექიმს ან ქირურგ-სტომატოლოგს, თუ იღებთ რაიმე სხვა პრეპარატებს.
არ გამოიყენოთ პრეპარატი ისე, რომ ამის შესახებ არ იცოდეს თქვენმა ექიმმა. ეს შეიძლება საშიში იყოს თქვენი ჯანმრთელობისთვის.

5. როგორ უნდა გამოვიყენო ეს პრეპარატი?
პრეპარატი ციკლოფლექსი განკუთვნილია პერორალური გამოყენებისათვის.
ციკლოფლექსი წარმოდგენილია 10 მგ-იანი ციკლობენზაპრინის ჰიდროქლორიდის გარსით დაფარული ტაბლეტების სახით.

გამოყენება მოზრდილებში
ციკლოფლექსის საშუალო სადღეღამისო დოზა შეადგენს 20 დან 40 მგ-ს, გაყოფილი 2-4 მიღებაზე (ყოველ 12 საათში ან ყოველ 6 საათში) პერორალურად.
ციკლოფლექსის გამოყენება ორ ან სამ კვირაზე მეტი დროის განმავლობაში უნდა მოხდეს სათანადო სამედიცინო მეთვალყურეობის ქვეშ.
დაიცავით თქვენი ექიმის ინსტრუქციები მკურნალობის დროის, დოზების და ხანგრძლივობის მხრივ.
არ შეწყვიტოთ მკურნალობა ისე, რომ ამის შესახებ არ  იცოდეს თქვენმა ექიმმა.  

6. რა უნდა გავაკეთო, თუ დამავიწყდება  ამ პრეპარატის მიღება?

თუ დაგავიწყდებათ ციკლოფლექსის მიღება თქვენი ექიმის მიერ დანიშნულ დროს, მიიღეთ ის მაშინვე, როგორც კი გაგახსენდებათ. თუმცა, თუ თითქმის მომდევნო დოზის მიღების დროა მოახლოვებული, გამოტოვეთ დავიწყებული დოზა და დაუბრუნდით თქვენს რეგულარულ დოზირების გრაფიკს. არ მიიღოთ პრეპარატის ორმაგი დოზა  დავიწყებული დოზების შესავსებად.
ეჭვის შემთხვევაში, მიმართეთ რჩევისათვის ფარმაცევტს ან თქვენს ექიმს ან ქირურგ-სტომატოლოგს.

7. რა გვერდითი მოვლენების გამოწვევა შეუძლია ამ პრეპარატს?
ციკლოფლექსის გვერდითი მოვლენები მოცემულია ქვემოთ სიხშირის კლების მიხედვით.
ძალიან ხშირი მოვლენები (უვითარდება ამ პრეპარატის მიმღები პაციენტების >10% –ზე მეტს): ძილიანობა, თავბრუსხვევა და ქსეროსტომია.

ხშირი მოვლენები (უვითარდება ამ პრეპარატის მიმღები პაციენტების >1%  და ცენტრალური ნერვული სისტემა: დაღლილობა, თავის ტკივილი, ცნობიერების დარღვევა,  გონებრივი სიმახვილის შემცირება, გაღიზიანება და აგზნებადობა.
კუჭ-ნაწლავი: დისპეფსია, მუცლის ტკივილი, გასტროეზოფაგური რეფლუქსი, ყაბზობა, დიარეა, გულისრევა და უსიამოვნო გემო პირში.
ძვალ-კუნთოვანი სისტემა: ასთენია.
ოფთალმოლოგიური: მხედველობის დაბინდვა.
რესპირატორული: ფარინგიტი და ზედა სასუნთქი გზების ინფექციები.
არა-ხშირი მოვლენები (უვითარდება ამ პრეპარატის მიმღები პაციენტების 0.1% დან  მდე): საერთო სისუსტე, ღებინება, ანაფილაქსია, ანგიონევროზული შეშუპება, ენის შეშუპება, ვაზოდილატაცია, გულის რითმის დარღვევები, ღვიძლის ფუნქციის დარღვევა, ჰეპატიტი, სიყვითლე, ქოლესტაზი, ჰიპერტონია, ჰიპოტენზია, პარესთეზია, ფსიქოზი, კრუნჩხვები, სეროტონერგული სინდრომი, სახის შეშუპება, გამონაყარი,  ურტიკარია, პრურიგო, ტაქიკარდია, სინკოპე, ანორექსია, გასტრიტი, შებერილობა, კუნთების რიგიდობა, ატაქსია, დიზართრია, ტრემორი, ჰალუცინაციები, აჟიტირება, შფოთვა, ოფლიანობა, დეპრესია, უძილობა, დიპლოპია, გემოვნების დაკარგვა, ყურებში ხმაური და შარდვის სიხშირის მომატება და / ან შარდის შეკავება.
ციკლობენზაპრინის ტრიციკლურ ანტიდეპრესანტებთან ფარმაკოლოგიური მსგავსება იწვევს გარკვეულ მოხსნის სიმპტომებს, რაც უნდა იქნას გათვალისწინებული მკურნალობის შეწყვეტისას. ხანგრძლივი მკურნალობის შემდეგ უეცარმა შეწყვეტამ შეიძლება იშვიათად გამოიწვიოს გულისრევა, თავის ტკივილი და საერთო სისუსტე.

ციკლობენზაპრინზე დამოკიდებულების შესახებ მტკიცებულებები არ არსებობს.
უთხარით თქვენს ექიმს, სტომატოლოგს ან ფარმაცევტს პრეპარატის მიღებისას გვერდითი მოვლენების განვითარების შესახებ. ასევე, აცნობეთ კომპანიას მისი სამომხმარებლო სერვისის საშუალებით.

8. სად, როგორ და რამდენ ხანს უნდა შევინახო ესპრეპარატი?
ციკლოფლექსი უნდა ინახებოდეს ოთახის ტემპერატურაზე (15°C და 30°C შორის). დაიცავით ნესტისაგან.

ყველა მედიკამენტი უნდა ინახებოდეს ბავშვებისთვის მიუწვდომელ ადგილზე.

9. აფთიაქიდან გაცემის წესი
II ჯგუფი, გაიცემა ფორმა №3 რეცეპტით 

მწარმოებელი:
EUROFARMA LABORATÓRIOS S.A  „შპს ეუროფარმა ლაბორატორიზ“ 

ქვეყანა: უკრაინა

მწარმოებელი: ზდოროვიე ხარკოვი

გაცემის ფორმა: II ჯგუფი რეცეპტული

ნანო მელატონინი / Nano Melatonin

• საერთაშორისო დასახელება (აქტიური ნივთიერება): melatonin
• კლინიკურ-ფარმაკოლოგიური ჯგუფი: ბიოლოგიურად აქტიური დანამატები
• მწარმოებელი კომპანია: ჰერბალ პრეპარატი
• მწარმოებელი ქვეყანა: საქართველო
• გამოშვების ფორმა: 5 მგ ტაბლეტი №90
• გაცემის რეჟიმი: III ჯგუფი (ურეცეპტოდ)

შემადგენლობა: 

1 ტაბ. შეიცავს 5 მგ მელატონინს - აქტიური ნივთიერება.

დამხმარე ნივთიერებები: დექსტრინი, მაგნიუმის სტეარატი, ტალკი. 

ფარმაკოლოგიური თვისებები:  

წარმოადგენს ეპიფიზის მიერ გამომუშავებული ჰორმონის ანალოგს.  

• პრეპარატი არის საძილე საშუალება ადაპტოგენური მოქმედებით, არეგულირებს ძილისა და სიფხიზლის ფაზებს, ამცირებს ჩაძინების დროს

• აწესრიგებს ორგანიზმის ბიორითმს: დროის სარტყელის ცვლილების აღქმას. აქვს ანტიოქსიდანტური მოქმედება

ჩვენება:  

ნანო მელატონინი  მიიღება პროფილაქტიკისა და მკურნალობისთვის შემდეგ შემთხვევებში: 

• უძილობა, ძილის რითმის დარღვევა

• ორგანიზმის ბიორითმის დარღვევა 

• საათობრივი სარტყელის ცვლილებისას განვითარებული დისკომფორტი

• ცვლებში მომუშავე პირებში ძილის დარღვევა

მიღების წესი და დოზირება:

ნანო მელატონინი  მიიღება მოზრდილებში

პროფილაქტიკისთვის: 1/3 – 1/2 ტაბლეტი დაძინებამდე 30-40 წუთით ადრე

სამკურნალოდ: 1-2 ტაბლეტი დაძინებმდე 30-40 წუთით ადრე

ეფექტი მიიღწევა მგზავრობის დაწყებამდე ერთი დღით ადრე, მიღება გრძელდება რამდენიმე დღის განმავლობაში.

გვერდითი მოვლენები:

ჩვეულებრივ პრეპარატი კარგად აიტანება. მაგრამ ზოგჯერ შეიძლება გამოვლინდეს შემდეგი

ჩივილები: თავის ტკივილი, კუჭ-ნაწლავის მხრივ დისკომფორტი.

უკუჩვენება: 

ჰიპერმგრძნობელობა პრეპრატის შემადგენელი კომპონენტების მიმართ, თირკმელების ფუნქციის დარღვევა, ორსულობა, ლაქტაცია, 12 წლამდე ასაკის ბავშვები.

ორსულობია და ლაქტაციის პერიოდი:

პრეპარატი არ მიიღება ორსულობისა და ლაქტაციის პერიოდში.

მანქანისა და სხვა მექანიზმების მართვა:

მელატონინით მკურნალობის პერიოდში პაციენტებმა სიფრთხილე უნდა გამოიჩინონ მანქანისა და სხვა მექანიზმების მართვისას.

სხვა წამლებთან ურთიერთქმედება:

ასპირინთან (აცეტილსალიცილის მჟავა), ბეტა-ბლოკატორებთან პრეპარატის ერთდროულმა მიღებამ შესაძლებელია გამოიწვიოს ორგანიზმში მელატონინის დონის შემცირება. 

სედატიურ ანტიდეპრესანტებთან, ტრანკვილიზატორებთან და სხვა დამამშვიდებელ საშუალებებთან ერთდროული გამოყენებისას შესაძლებელია ადგილი ქონდეს სასურველი ეფექტის დაქვეითებას.

ჭარბი დოზირება:

არ არის დაფიქსირებული. 

სიფრთხილე და განსაკუთრებული მითითებები: 

პირებმა, რომელთაც აქვთ დეპრესია, ეპილეფსია, ლეიკემია, ჰორმონული დარღვევები და აუტოიმუნური პათოლოგიები, მელატონინის მიღებამდე უნდა გაიარონ კონსულტაცია მკურნალ ექიმთან.

ქალებმა უნდა შეწყვიტონ მელატონინის მიღება ორსულობის დაგეგმვამდე 1-2 თვით ადრე.

შენახვის პირობები: 

გრილ, მშრალ, სინათლისაგან დაცულ, ბავშვებისთვის მიუწვდომელ ადგილას, +25⁰c- მდე ტემპერატურის პირობებში. 

ვარგისანობის ვადა: 

3 წელი.

ვარგისიანობის ვადის გასვლის შემდეგ პრეპარატი არ გამოიყენება.

გაცემის წესი: 

გაიცემა ურეცეპტოდ.

საერთაშორისო დასახელება - passiflora
ათქ.კლასიფიკაციის კოდი - N05CM

კლინიკურ-ფარმაკოლოგიური ჯგუფი - ანქსიოლიზური და საძილე საშუალებები; ფიტოპრეპარატები

შემადგენლობა და გამოშვების ფორმა
სიროპი (პასიფლორა ინკარნატას თხევადი ექსტრაქტი 694.444მგ/5მლ) 100 მლ ფლაკონში დოზირებულ (5მლ) კოვზთან ერთად

მოქმედი ნივთიერება: ალორას სიროფის ყოველი 5 მლ. შეიცავს 694,444 მგ. პასიფლორას თხევად ექსტრაქტს.
დამხმარე ნივთიერებები: კრისტალური შაქარი, გლიცერინი, ეთილის სპირტი, ნიპაგინი, ნიპასოლი, გაწმენდილი წყალი.

ფარმაკოლოგიური თვისებები
პასიფლორას ექსტრაქტი - სედაციური პრეპარატია, რომელიც მიღებულ იქნა მცენარე პასიფლორა ინკარნატადან. ავლენს დამამშვიდებელ და სპაზმოლიზურ მოქმედებას, აღმოფხრავს შფოთვის შეგრძნებასა და დაძაბულობას.

ჩვენებები
უძილობა; დეპრესია; შიშის თანმხლები მდგომარეობები; შფოთვა; დაძაბულობა; ცნს-ის დარღვევებთან დაკავშირებული კუჭ-ნაწლავის ტრაქტის მოშლილობა; პათოლოგიები კარდიოვასკულარული სისტემის მხრივ; ნევროზულობასთან დაკავშირებული არტერიული ჰიპერტენზია; დაძაბულობა და ნევროზულობა მენოპაუზის დროს.

მიღების წესები და დოზები
ექიმის მხრიდან სხვა დანიშნულების არ არსებობის შემთხვევაში:
სედაციური მოქმედებისთვის: დღის განმავლობაში 1-2 დოზირებული კოვზი ჭამამდე. უძილობისას: 2 დოზირებული კოვზი ძილის წინ 1 სთ-ით ადრე.
ბავშვებში: არა უმეტეს 1/2 დოზირებული კოვზი ერთ მიღებაზე.

გვერდითი მოვლენები
ჰიპერმგრძნობელობა, გულისრევა და ტაქიკარდია. შემთხვევების სიხშირე არ დარეგისტრირებულა.

უკუჩვენება
მომატებული მგრძნობელობა პრეპარატის რომელიმე კომპონენტის მიმართ. ბავშვთა ასაკი 3 წლამდე.

ორსულობა და ლაქტაცია
ორსულებმა და მეძუძურმა დედებმა პრეპარატი უნდა მიიღონ ექიმის კონტროლის ქვეშ.

განსაკუთრებული მითითებები
პრეპარატის შემადგენლობაში შედის 11.111% ეთანოლი (ალკოჰოლი), ამასთან დაკავშირებით არ არის სასურველი ალკოჰოლური დამოკიდებულების მქონე პირებში გამოყენება. ორსულები, მეძუძური დედები, ბავშვები, ღვიძლის დაავადებების მქონე პირები ან პირები მაღალი რისკის ჯგუფიდან, მათ შორის ეპილეფსიით დაავადებულები, უნდა იმყოფებოდნენ დაკვირვების ქვეშ. ორსულებმა და მეძუძურმა დედებმა პრეპარატი უნდა მიიღონ ექიმის კონტროლის ქვეშ. არ არის რეკომენდებული ავტომობილებისა და იმ მექანიზმების მართვა, რომელიც მოითხოვს მომატებულ ყურადღებას. არასასურველი ეფექტების გამოვლენის შემთხვევაში მიმართეთ ექიმს.
პრეპარატის გამოყენებამდე ყურადღებით გაეცანით ინსტრუქციას.
სხვა სამკურნალწამლო საშუალებების გამოყენების შემთხვევაში აცნობეთ ექიმს.

სხვა წამლებთან ურთიერთქმედება
ცნს-ის დამთრგუნველ პრეპარატებთან (ალკოჰოლი, ბარბიტურატები, ტრანქვილიზატორები და ა.შ.) ერთად თანადროული გამოყენებისას უნდა გათვალისწინებულ იქნას სედაციური და საძილე ეფექტის გაძლიერება.
პირებს, რომლებიც ერთდროულად იღებენ ალორას და ასპარტამს, აღენიშნებათ ნალექი შარდში (ფენილკეტონურია).

შენახვის პირობები და ვადები
ინახება კოლოფში არაუმეტეს 25°C ტემპერატურაზე სინათლისგან დაცულ და ბავშვებისათვის მიუწვდომელ ადგილზე.
ვარგისიანობის ვადა - 3 წელი.
ვარგისიანობის ვადის გასვლის შემდეგ არ გამოიყენება.

აფთიაქში გაცემის წესი
ურეცეპტოდ.

მწარმოებელი ფირმა, ქვეყანა:
ნობელფარმა ილაჩ სანაი ვე თიჯარეთ ა.შ.
თურქეთი