ქვეყანა: თურქეთი

მწარმოებელი: ნობელი

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ციკლოფლექსი

გამოშვების ფორმა: ციკლობენზაპრინის ჰიდროქლორიდი 10 მგ, №30 შემოგარსული აბი

ფარმაკოლოგიური ჯგუფი:  ცენტრალური მოქმედების მიორელაქსანტი

გამოყენების წინ დეტალურად გაეცანით ინსტრუქციას

აფთიაქიდან გაცემის რეჟიმი: გაიცემა ფორმა III რეცეპტით

მწარმოებელი: EUROFARMA

ციკლოფლექსი / Cycloflex

• საერთაშორისო დასახელება (აქტიური ნივთიერება): Cyclobenzaprine hydrochloride

• კლინიკურ–ფარმაკოლოგიური ჯგუფი: ცენტრალური ნერვული სისტემა → მიორელაქსანტები → მიორელაქსანტები, ცენტრალური მოქმედების სხვა მიორელაქსანტები
• მწარმოებელი კომპანია: Eurofarma Laboratorios S.A.
• მწარმოებელი ქვეყანა: ბრაზილია
• გამოშვების ფორმა: 10 მგ გარსით დაფარული ტაბლეტი N30
• გაცემის რეჟიმი: II ჯგუფი (გაიცემა ფორმა N3 რეცეპტით)

შემადგენლობა:
თითოეული გარსიანი ტაბლეტი შეიცავს:
ციკლობენზაპრინის ჰიდროქლორიდი …. 10 მგ
დამხმარე ნივთიერებები 1 ტაბლეტისათვის საჭირო რაოდენობით
დამხმარე ნივთიერებები: მიკროკრისტალური ცელულოზა, ტრიკალციუმის ფოსფატი, კროსკარმელოზა ნატრიუმი, ლაქტოზა, მაგნიუმის სტეარატი, ჰიპრომელოზა, მაკროკოლი, ტიტანის დიოქსიდი და რკინის ყვითელი ოქსიდი.
თითოეული 10.0 მგ ციკლობენზაპრინის ჰიდროქლორიდი 8,83 მგ ციკლობენზაპრინის  ფუძის ტოლია.

ინფორმაცია პაციენტისთვის

1. რისთვის არის ნაჩვენებიესპრეპარატი?
ეს პრეპარატი განკუთვნილია მწვავე და მტკივნეულ ძვალ- კუნთოვან მდგომარეობებთან დაკავშირებული კუნთოვანი სპაზმების სამკურნალოდ, როგორიცაა წელის ტკივილი, კისერმრუდობა, მხარ-ბეჭის პერიართრიტი (მხრის დაზიანება), ცერვიკობრაქიალგია (კისრის ტკივილი, რომელიც გადაეცემა  ხელებში) და ასევე ფიბრომიალგიის სამკურნალოდ.
გარდა ამისა, ის ნაჩვენებია დამხმარე საშუალების სახით სიმპტომების შესამსუბუქებლად სხვა მეთოდების პარალერულად,  როგორიცაა ფიზიოთერაპია და დასვენება.
2. როგორია ამპრეპარატის მოქმედება?  
ციკლოფლექსი არის მიორელაქსანტი. ციკლობენზაპრინი თრგუნავს ადგილობრივ ჩონჩხის განივზოლიანი კუნთების სპაზმს და არ არღვევს კუნთების ნორმალურ ფუნქციონირებას. ციკლობენზაპრინის გამოყენება ორ ან სამ კვირაზე მეტი დროის განმავლობაში უნდა მოხდეს სათანადო სამედიცინო მეთვალყურეობის ქვეშ, თუმცა, ზოგადად, მწვავე და მტკივნეულ ჩონჩხ – კუნთოვან პროცესებთან დაკავშირებული კუნთების სპაზმი მოკლევადიანია.
ციკლობენზაპრინი არაეფექტურია ცენტრალური ნერვული სისტემის დაავადებებით გამოწვეულია კუნთების სპაზმების დროს.
თერაპიული მოქმედების დასაწყებად საჭირო  საშუალო დრო:
პრეპარატი იწყებს მოქმედებას მიღებიდან დაახლოებით 1 საათის შემდეგ.
3. როდის არ უნდა გამოვიყენო ეს პრეპარატი?
თქვენ არ უნდა გამოიყენოთ ციკლოფლექსი შემდეგ შემთხვევებში:

• • როდესაც ხართ ალერგიული ცილკობენზაპრინის  ან პროდუქტის ფორმულის ნებისმიერი სხვა კომპონენტის მიმართ;
• • პაციენტებში, რომლებსაც აღენიშნებათ გლაუკომა ან შარდის შეკავება;   
• • პაციენტებში მიოკარდიუმის ინფარქტის შემდგომ პერიოდში;
• • თუ თქვენ იყენებთ მონოამინოქსიდაზას ინჰიბიტორებს, ან 14 დღეზე ნაკლები დროა,  რაც შეწყვიტეთ ამ პრეპარატების გამოყენება;
• • პაციენტებში, რომლებსაც აღენიშნებათ გულის რითმის დარღვევა, ბლოკადა ან გულის გამტარებლობის დარღვევა ან გულის შეგუბებითი უკმარისობა;
• • როდესაც გაქვთ ჰიპერთირეოზი.

4. რა უნდა ვიცოდე ამ პრეპარატის გამოყენებამდე?
ციკლოფლექსი სტრუქტურულად ტრიციკლური ანტიდეპრესანტების (მაგ.: ამიტრიპტილინი და იმიპრამინი)ანალოგიურია; როდესაც მიღებული დოზები რეკომენდებულზე უფრო მაღალია, შეიძლება განვითარდეს გვერდითი რეაქციები ცენტრალური ნერვული სისტემის მხრივ.
მონოამინოოქსიდაზას ინჰიბიტორებთან ერთდროულმა მიღებამ შეიძლება გამოიწვიოს კრუნჩხვა და სიკვდილი. პოტენციურად ფატალური სინდრომი (სახელწოდებით სეროტონერგული სინდრომი) შეიძლება განვითარდეს ციკლობენზაპრინის გამოყენებისას შემდეგ პრეპარატებთან ერთად: სეროტონინის უკუმიტაცების ინჰიბიტორები, ტრიციკლური ანტიდეპრესანტები, ბუსპირონი, მეპერიდინი, ტრამადოლი, მონოამინოქსიდაზას ინჰიბიტორები, ბუპროპიონი და ვერაპამილი. აქედან გამომდინარე, პაციენტებზე, რომლებიც ღებულობენ ამ პრეპარატებს, უნდა განხორციელდეს ყურადღებით მონიტორინგი მკურნალობის დაწყებისას და დოზის მომატებისას ამ სინდრომის სიმპტომებისა და ნიშნების  გამოსავლენად, როგორიცაა მენტალური სტატუსის ცვლილებები (აჟიტირება, ჰალუცინაციები), გულისცემის სიხშირის მომატება, სისხლის წნევის ცვლილებები, ტრემორი, რიგიდობა, გულისრევა, ღებინება, დიარეა ან კრუნჩხვები. ციკლობენზაპრინი უნდა შეწყდეს დაუყოვნებლივ, თუ გამოჩნდება ეს სიმპტომები და ნიშნები.
ციკლობენზაპრინმა შეიძლება გაზარდოს ალკოჰოლის, ბარბიტურატების და სხვა ცენტრალური ნერვული სისტემის დეპრესანტების ეფექტი.
სიფრთხილის ზომები
ციკლობენზაპრინი სიფრთხილით უნდა იქნას გამოყენებული  იმ პაციენტებში, რომლებსაც ანამნეზში  აღენიშნებათ შარდის შეკავება, დახურულ-კუთხიანი  გლაუკომა, თვალის შიდა წნევის მომატება,  გულისცემის სიხშირის მომატება, პროსტატის კეთილთვისებიანი ჰიპერტროფია (ხანდაზმულ მამაკაცებში გადიდებული წინამდებარე ჯირკვალი) ან მათში, ვინც ღებულობს ანტიქოლინერგულ სამკურნალო საშუალებებს.
ციკლოფლექსის გამოყენება ორ-სამ კვირაზე მეტი ხანგძლივობით უნდა მოხდეს შესაბამისი სამედიცინო მეთვალყურეობის  ქვეშ.
ციკლობენზაპრინის ჰიდროქლორიდით მკურნალობის დროს საჭიროა  მოერიდოთ ისეთ საქმიანობებს,  როგორიცაა მექანიზმებისა და მანქანების მართვა, რადგანაც შესაძლებელია განვითარდეს ისეთი სიმპტომები, როგორიცაა ძილიანობა და თავბრუსხვევა.
ღვიძლის უკმარისობა
ციკლოფლექსი სიფრთხილით უნდა იქნას გამოყენებული ღვიძლის ფუნქციის მსუბუქი დარღვევის მქონე პაციენტებში. მონაცემების არარსებობის გამო, ციკლობენზაპრინის გამოყენება პაციენტებში ზომიერი და მძიმე ღვიძლის უკმარისობით რეკომენდებული არ არის.
ორსულობა
ვირთაგვებზე, თაგვებზე და კურდღლებზე ჩატარებულმა რეპროდუქციულმა კვლევებმა, რომლებშიც ციკლობენზაპრინი გამოიყენებოდა ადამიანის დოზაზე 20-ჯერ მეტი  დოზით, არ გამოავლინა ფერტილობის ან ნაყოფის დაზიანების მხრივ რაიმე ცვლილებები. თუმცა, არ არსებობს შესაფერისი და კარგად კონტროლირებადი კვლევები ორსულ ქალებში ციკლობენზაპრინის გამოყენების უსაფრთხოების შესახებ. რადგანაც ცხოველებზე კვლევები ყოველთვის არ წარმოადგენს ადამიანებში რეაგირების განმეორებას, ციკლოფლექსის გამოყენება ორსულობის დროს რეკომენდებული არ არის.
ეს პრეპარატი არ უნდა იქნას გამოყენებული ორსული ქალების მიერ ექიმის ან ქირურგი-სტომატოლოგის  კონსულტაციის გარეშე.
ძუძუთი კვება
არ არის ცნობილი, გამოიყოფა  თუ არა პრეპარატი დედის რძეში. რადგანაც ციკლობენზაპრინი  ქიმიურად მსგავსია ტრიციკლური ანტიდეპრესანტებისა, რომელთაგან ზოგიერთი გამოიყოფა დედის რძეში. განსაკუთრებული სიფრთხილის ზომების დაცვაა საჭირო როდესაც ციკლოფლექსი ენიშნება ქალს, რომელიც კვებავს ძუძუთი.
გამოყენება პედიატრიაში
ციკლობენზაპრინის  უსაფრთხოება და ეფექტურობა 15 წლამდე ასაკის ბავშვებში არ არის დადგენილი.
გამოყენება გერიატრიაში
ციკლოპლექსი სიფრთხილით უნდა იქნას გამოყენებული ხანდაზმულ პაციენტებში.

სტომატოლოგია
პრეპარატის ეფექტმა შეიძლება გამოიწვიოს ნერწყვის გამოყოფის დათრგუნვა, რაც ხელს უწყობს კარიესის განვითარებას, პაროდონტულ დაავადებებსა და პირის ღრუს კანდიდოზს.

კანცეროგენურობა, მუტაგენურობა და ფერტილობის ცვლილებები
ცხოველებზე ჩატარებული კვლევებმა, სადაც გამოიყენებოდა ადამიანისთვის რეკომენდებულ დოზაზე 5 დან 40-ჯერ მეტი დოზები, არ გამოავლინა პრეპარატის კანცეროგენური ან მუტაგენური თვისებები.  ციკლობენზაპრინი არ ახდენდა გავლენას  ვირთაგვებზე და თაგვებზე ჩატარებულ კვლევებში ნეოპლაზიების სიხშირესა და დისტრიბუციაზე.
ციკლობენზაპრინის ადამიანის დოზაზე  10-ჯერ მეტი პერორალური დოზები არ ახდენდა  უარყოფით გავლენას ვირთაგვების ქცევაზე ან ფერტილობაზე.  
წამლებს შორის ურთიერთქმედება
ციკლობენზაპრინმა შეიძლება გაზარდოს ალკოჰოლის, ბარბიტურატების და სხვა ცნს ანტიდეპრესანტების ეფექტი. მონოამინოქსიდაზას ინჰიბიტორი პრეპარატის დანიშვნისას საჭიროა მის მიღებასა და ციკლობენზაპრინს შორის მინიმუმ 14-დღიანი ინტერვალის დაცვა მისი გვერდითი მოვლენების თავიდან აცილების მიზნით (იხილეთ უკუჩვენებები).
რეკომენდებულია სიფრთხილის გამოჩენა ციკლოფლექსისა და სეროტონინის უკუმიტაცების ინჰიბიტორების, ტრიციკლური ანტიდეპრესანტების, ბუსპირონის, მეპერიდინის, ტრამადოლის, ბუპროპიონის და ვერაპამილის ერთდროული გამოყენებისას პოტენციურად სეროტონერგული სინდრომის განვითარების გამო  (იხ. გაფრთხილებები და სიფრთხილის ზომები).
ციკლობენზაპრინის ჰიდროქლორიდმა შეიძლება გამოიწვიოს ანტიდისკინეზიური და ანტიქოლინერგული პრეპარატების მოქმედების გაძლიერება  და ამგვარად გამოიწვიოს  კუჭ-ნაწლავის პრობლემები და პარალიზური გაუვალობა.
გავლენა ლაბორატორიულ ტესტებზე
არ არსებობს მონაცემები ციკლობენზაპრინის ჰიდროქლორიდის ლაბორატორიული ტესტების შედეგებზე გავლენის შესახებ.
შეატყობინეთ თქვენს ექიმს ან ქირურგ–სტომატოლოგს, თუ იღებთ რაიმე სხვა პრეპარატებს.
არ გამოიყენოთ პრეპარატი ისე, რომ ამის შესახებ არ იცოდეს თქვენმა ექიმმა. ეს შეიძლება საშიში იყოს თქვენი ჯანმრთელობისთვის.

5. როგორ უნდა გამოვიყენო ეს პრეპარატი?
პრეპარატი ციკლოფლექსი განკუთვნილია პერორალური გამოყენებისათვის.
ციკლოფლექსი წარმოდგენილია 10 მგ-იანი ციკლობენზაპრინის ჰიდროქლორიდის გარსით დაფარული ტაბლეტების სახით.

გამოყენება მოზრდილებში
ციკლოფლექსის საშუალო სადღეღამისო დოზა შეადგენს 20 დან 40 მგ-ს, გაყოფილი 2-4 მიღებაზე (ყოველ 12 საათში ან ყოველ 6 საათში) პერორალურად.
ციკლოფლექსის გამოყენება ორ ან სამ კვირაზე მეტი დროის განმავლობაში უნდა მოხდეს სათანადო სამედიცინო მეთვალყურეობის ქვეშ.
დაიცავით თქვენი ექიმის ინსტრუქციები მკურნალობის დროის, დოზების და ხანგრძლივობის მხრივ.
არ შეწყვიტოთ მკურნალობა ისე, რომ ამის შესახებ არ  იცოდეს თქვენმა ექიმმა.  

6. რა უნდა გავაკეთო, თუ დამავიწყდება  ამ პრეპარატის მიღება?

თუ დაგავიწყდებათ ციკლოფლექსის მიღება თქვენი ექიმის მიერ დანიშნულ დროს, მიიღეთ ის მაშინვე, როგორც კი გაგახსენდებათ. თუმცა, თუ თითქმის მომდევნო დოზის მიღების დროა მოახლოვებული, გამოტოვეთ დავიწყებული დოზა და დაუბრუნდით თქვენს რეგულარულ დოზირების გრაფიკს. არ მიიღოთ პრეპარატის ორმაგი დოზა  დავიწყებული დოზების შესავსებად.
ეჭვის შემთხვევაში, მიმართეთ რჩევისათვის ფარმაცევტს ან თქვენს ექიმს ან ქირურგ–სტომატოლოგს.

7. რა გვერდითი მოვლენების გამოწვევა შეუძლია ამ პრეპარატს?
ციკლოფლექსის გვერდითი მოვლენები მოცემულია ქვემოთ სიხშირის კლების მიხედვით.
ძალიან ხშირი მოვლენები (უვითარდება ამ პრეპარატის მიმღები პაციენტების >10% –ზე მეტს): ძილიანობა, თავბრუსხვევა და ქსეროსტომია.

ხშირი მოვლენები (უვითარდება ამ პრეპარატის მიმღები პაციენტების >1%  და ცენტრალური ნერვული სისტემა: დაღლილობა, თავის ტკივილი, ცნობიერების დარღვევა,  გონებრივი სიმახვილის შემცირება, გაღიზიანება და აგზნებადობა.
კუჭ-ნაწლავი: დისპეფსია, მუცლის ტკივილი, გასტროეზოფაგური რეფლუქსი, ყაბზობა, დიარეა, გულისრევა და უსიამოვნო გემო პირში.
ძვალ-კუნთოვანი სისტემა: ასთენია.
ოფთალმოლოგიური: მხედველობის დაბინდვა.
რესპირატორული: ფარინგიტი და ზედა სასუნთქი გზების ინფექციები.
არა–ხშირი მოვლენები (უვითარდება ამ პრეპარატის მიმღები პაციენტების 0.1% დან  მდე): საერთო სისუსტე, ღებინება, ანაფილაქსია, ანგიონევროზული შეშუპება, ენის შეშუპება, ვაზოდილატაცია, გულის რითმის დარღვევები, ღვიძლის ფუნქციის დარღვევა, ჰეპატიტი, სიყვითლე, ქოლესტაზი, ჰიპერტონია, ჰიპოტენზია, პარესთეზია, ფსიქოზი, კრუნჩხვები, სეროტონერგული სინდრომი, სახის შეშუპება, გამონაყარი,  ურტიკარია, პრურიგო, ტაქიკარდია, სინკოპე, ანორექსია, გასტრიტი, შებერილობა, კუნთების რიგიდობა, ატაქსია, დიზართრია, ტრემორი, ჰალუცინაციები, აჟიტირება, შფოთვა, ოფლიანობა, დეპრესია, უძილობა, დიპლოპია, გემოვნების დაკარგვა, ყურებში ხმაური და შარდვის სიხშირის მომატება და / ან შარდის შეკავება.
ციკლობენზაპრინის ტრიციკლურ ანტიდეპრესანტებთან ფარმაკოლოგიური მსგავსება იწვევს გარკვეულ მოხსნის სიმპტომებს, რაც უნდა იქნას გათვალისწინებული მკურნალობის შეწყვეტისას. ხანგრძლივი მკურნალობის შემდეგ უეცარმა შეწყვეტამ შეიძლება იშვიათად გამოიწვიოს გულისრევა, თავის ტკივილი და საერთო სისუსტე.

ციკლობენზაპრინზე დამოკიდებულების შესახებ მტკიცებულებები არ არსებობს.
უთხარით თქვენს ექიმს, სტომატოლოგს ან ფარმაცევტს პრეპარატის მიღებისას გვერდითი მოვლენების განვითარების შესახებ. ასევე, აცნობეთ კომპანიას მისი სამომხმარებლო სერვისის საშუალებით.

8. სად, როგორ და რამდენ ხანს უნდა შევინახო ესპრეპარატი?
ციკლოფლექსი უნდა ინახებოდეს ოთახის ტემპერატურაზე (15°C და 30°C შორის). დაიცავით ნესტისაგან.

ყველა მედიკამენტი უნდა ინახებოდეს ბავშვებისთვის მიუწვდომელ ადგილზე.

9. აფთიაქიდან გაცემის წესი
II ჯგუფი, გაიცემა ფორმა №3 რეცეპტით 

მწარმოებელი:
EUROFARMA LABORATÓRIOS S.A  „შპს ეუროფარმა ლაბორატორიზ“ 

ქვეყანა: უკრაინა

მწარმოებელი: ზდოროვიე ხარკოვი

გაცემის ფორმა: II ჯგუფი რეცეპტული

ნანო მელატონინი / Nano Melatonin

• საერთაშორისო დასახელება (აქტიური ნივთიერება): melatonin
• კლინიკურ–ფარმაკოლოგიური ჯგუფი: ბიოლოგიურად აქტიური დანამატები
• მწარმოებელი კომპანია: ჰერბალ პრეპარატი
• მწარმოებელი ქვეყანა: საქართველო
• გამოშვების ფორმა: 5 მგ ტაბლეტი №90
• გაცემის რეჟიმი: III ჯგუფი (ურეცეპტოდ)

შემადგენლობა: 

1 ტაბ. შეიცავს 5 მგ მელატონინს – აქტიური ნივთიერება.

დამხმარე ნივთიერებები: დექსტრინი, მაგნიუმის სტეარატი, ტალკი. 

ფარმაკოლოგიური თვისებები:  

წარმოადგენს ეპიფიზის მიერ გამომუშავებული ჰორმონის ანალოგს.  

• პრეპარატი არის საძილე საშუალება ადაპტოგენური მოქმედებით, არეგულირებს ძილისა და სიფხიზლის ფაზებს, ამცირებს ჩაძინების დროს

• აწესრიგებს ორგანიზმის ბიორითმს: დროის სარტყელის ცვლილების აღქმას. აქვს ანტიოქსიდანტური მოქმედება

ჩვენება:  

ნანო მელატონინი  მიიღება პროფილაქტიკისა და მკურნალობისთვის შემდეგ შემთხვევებში: 

• უძილობა, ძილის რითმის დარღვევა

• ორგანიზმის ბიორითმის დარღვევა 

• საათობრივი სარტყელის ცვლილებისას განვითარებული დისკომფორტი

• ცვლებში მომუშავე პირებში ძილის დარღვევა

მიღების წესი და დოზირება:

ნანო მელატონინი  მიიღება მოზრდილებში

პროფილაქტიკისთვის: 1/3 – 1/2 ტაბლეტი დაძინებამდე 30-40 წუთით ადრე

სამკურნალოდ: 1-2 ტაბლეტი დაძინებმდე 30-40 წუთით ადრე

ეფექტი მიიღწევა მგზავრობის დაწყებამდე ერთი დღით ადრე, მიღება გრძელდება რამდენიმე დღის განმავლობაში.

გვერდითი მოვლენები:

ჩვეულებრივ პრეპარატი კარგად აიტანება. მაგრამ ზოგჯერ შეიძლება გამოვლინდეს შემდეგი

ჩივილები: თავის ტკივილი, კუჭ–ნაწლავის მხრივ დისკომფორტი.

უკუჩვენება: 

ჰიპერმგრძნობელობა პრეპრატის შემადგენელი კომპონენტების მიმართ, თირკმელების ფუნქციის დარღვევა, ორსულობა, ლაქტაცია, 12 წლამდე ასაკის ბავშვები.

ორსულობია და ლაქტაციის პერიოდი:

პრეპარატი არ მიიღება ორსულობისა და ლაქტაციის პერიოდში.

მანქანისა და სხვა მექანიზმების მართვა:

მელატონინით მკურნალობის პერიოდში პაციენტებმა სიფრთხილე უნდა გამოიჩინონ მანქანისა და სხვა მექანიზმების მართვისას.

სხვა წამლებთან ურთიერთქმედება:

ასპირინთან (აცეტილსალიცილის მჟავა), ბეტა–ბლოკატორებთან პრეპარატის ერთდროულმა მიღებამ შესაძლებელია გამოიწვიოს ორგანიზმში მელატონინის დონის შემცირება. 

სედატიურ ანტიდეპრესანტებთან, ტრანკვილიზატორებთან და სხვა დამამშვიდებელ საშუალებებთან ერთდროული გამოყენებისას შესაძლებელია ადგილი ქონდეს სასურველი ეფექტის დაქვეითებას.

ჭარბი დოზირება:

არ არის დაფიქსირებული. 

სიფრთხილე და განსაკუთრებული მითითებები: 

პირებმა, რომელთაც აქვთ დეპრესია, ეპილეფსია, ლეიკემია, ჰორმონული დარღვევები და აუტოიმუნური პათოლოგიები, მელატონინის მიღებამდე უნდა გაიარონ კონსულტაცია მკურნალ ექიმთან.

ქალებმა უნდა შეწყვიტონ მელატონინის მიღება ორსულობის დაგეგმვამდე 1-2 თვით ადრე.

შენახვის პირობები: 

გრილ, მშრალ, სინათლისაგან დაცულ, ბავშვებისთვის მიუწვდომელ ადგილას, +25⁰c– მდე ტემპერატურის პირობებში. 

ვარგისანობის ვადა: 

3 წელი.

ვარგისიანობის ვადის გასვლის შემდეგ პრეპარატი არ გამოიყენება.

გაცემის წესი: 

გაიცემა ურეცეპტოდ.

საერთაშორისო დასახელება – passiflora
ათქ.კლასიფიკაციის კოდი – N05CM

კლინიკურ-ფარმაკოლოგიური ჯგუფი – ანქსიოლიზური და საძილე საშუალებები; ფიტოპრეპარატები

შემადგენლობა და გამოშვების ფორმა
სიროპი (პასიფლორა ინკარნატას თხევადი ექსტრაქტი 694.444მგ/5მლ) 100 მლ ფლაკონში დოზირებულ (5მლ) კოვზთან ერთად

მოქმედი ნივთიერება: ალორას სიროფის ყოველი 5 მლ. შეიცავს 694,444 მგ. პასიფლორას თხევად ექსტრაქტს.
დამხმარე ნივთიერებები: კრისტალური შაქარი, გლიცერინი, ეთილის სპირტი, ნიპაგინი, ნიპასოლი, გაწმენდილი წყალი.

ფარმაკოლოგიური თვისებები
პასიფლორას ექსტრაქტი – სედაციური პრეპარატია, რომელიც მიღებულ იქნა მცენარე პასიფლორა ინკარნატადან. ავლენს დამამშვიდებელ და სპაზმოლიზურ მოქმედებას, აღმოფხრავს შფოთვის შეგრძნებასა და დაძაბულობას.

ჩვენებები
უძილობა; დეპრესია; შიშის თანმხლები მდგომარეობები; შფოთვა; დაძაბულობა; ცნს-ის დარღვევებთან დაკავშირებული კუჭ-ნაწლავის ტრაქტის მოშლილობა; პათოლოგიები კარდიოვასკულარული სისტემის მხრივ; ნევროზულობასთან დაკავშირებული არტერიული ჰიპერტენზია; დაძაბულობა და ნევროზულობა მენოპაუზის დროს.

მიღების წესები და დოზები
ექიმის მხრიდან სხვა დანიშნულების არ არსებობის შემთხვევაში:
სედაციური მოქმედებისთვის: დღის განმავლობაში 1-2 დოზირებული კოვზი ჭამამდე. უძილობისას: 2 დოზირებული კოვზი ძილის წინ 1 სთ-ით ადრე.
ბავშვებში: არა უმეტეს 1/2 დოზირებული კოვზი ერთ მიღებაზე.

გვერდითი მოვლენები
ჰიპერმგრძნობელობა, გულისრევა და ტაქიკარდია. შემთხვევების სიხშირე არ დარეგისტრირებულა.

უკუჩვენება
მომატებული მგრძნობელობა პრეპარატის რომელიმე კომპონენტის მიმართ. ბავშვთა ასაკი 3 წლამდე.

ორსულობა და ლაქტაცია
ორსულებმა და მეძუძურმა დედებმა პრეპარატი უნდა მიიღონ ექიმის კონტროლის ქვეშ.

განსაკუთრებული მითითებები
პრეპარატის შემადგენლობაში შედის 11.111% ეთანოლი (ალკოჰოლი), ამასთან დაკავშირებით არ არის სასურველი ალკოჰოლური დამოკიდებულების მქონე პირებში გამოყენება. ორსულები, მეძუძური დედები, ბავშვები, ღვიძლის დაავადებების მქონე პირები ან პირები მაღალი რისკის ჯგუფიდან, მათ შორის ეპილეფსიით დაავადებულები, უნდა იმყოფებოდნენ დაკვირვების ქვეშ. ორსულებმა და მეძუძურმა დედებმა პრეპარატი უნდა მიიღონ ექიმის კონტროლის ქვეშ. არ არის რეკომენდებული ავტომობილებისა და იმ მექანიზმების მართვა, რომელიც მოითხოვს მომატებულ ყურადღებას. არასასურველი ეფექტების გამოვლენის შემთხვევაში მიმართეთ ექიმს.
პრეპარატის გამოყენებამდე ყურადღებით გაეცანით ინსტრუქციას.
სხვა სამკურნალწამლო საშუალებების გამოყენების შემთხვევაში აცნობეთ ექიმს.

სხვა წამლებთან ურთიერთქმედება
ცნს-ის დამთრგუნველ პრეპარატებთან (ალკოჰოლი, ბარბიტურატები, ტრანქვილიზატორები და ა.შ.) ერთად თანადროული გამოყენებისას უნდა გათვალისწინებულ იქნას სედაციური და საძილე ეფექტის გაძლიერება.
პირებს, რომლებიც ერთდროულად იღებენ ალორას და ასპარტამს, აღენიშნებათ ნალექი შარდში (ფენილკეტონურია).

შენახვის პირობები და ვადები
ინახება კოლოფში არაუმეტეს 25°C ტემპერატურაზე სინათლისგან დაცულ და ბავშვებისათვის მიუწვდომელ ადგილზე.
ვარგისიანობის ვადა – 3 წელი.
ვარგისიანობის ვადის გასვლის შემდეგ არ გამოიყენება.

აფთიაქში გაცემის წესი
ურეცეპტოდ.

მწარმოებელი ფირმა, ქვეყანა:
ნობელფარმა ილაჩ სანაი ვე თიჯარეთ ა.შ.
თურქეთი

სავაჭრო დასახელება
ტოლკიმადო, Tolkimado
საერთაშორისო არაპატენტირებული დასახელება
ტოლპერიზონი, Tolperisone
სამკურნალო ფორმა 
აპკიანი გარსით დაფარული ტაბლეტები. 
აღწერილობა: 
ტოლკიმადო 50 მგ: მრგვალი ორმხრივამობურცული, აპკიანი გარსით დაფარული ტაბლეტები თეთრიდან თითქმის თეთრ ფერამდე, ერთ მხარეს “T50” გრავირებით. 
ტოლკიმადო 150 მგ: მრგვალი ორმხრივამობურცული, აპკიანი გარსით დაფარული ტაბლეტები თეთრიდან თითქმის თეთრ ფერამდე, ერთ მხარეს “T50” გრავირებით.

შემადგენლობა
აპიანი გარსით დაფარული ტაბლეტი შეიცავს
აქტიური ნივთიერება: 50 მგ ან 150 მგ ტოლპერიზონის ჰიდროქლორიდი. 
დამხმარე ნივთერებები: ლიმონმჟავას მონოჰიდრატი, მიკროკრისტალური ცელულოზა, ლაქტოზას მონოჰიდრატი, სიმინდის სახამებელი, კრემნიუმის დიოქსიდი კოლოიდური უწყლო, ტალკი, სტეარინის მჟავა. 
გარსის შემადგენლობა: ოპადრი® თეთრი 03F180011 (ჰიპრომელოზა, ტიტანის დიოქსიდი, მაკროგოლი).

პრეპარატის ათქ კოდი M03BX04 
ფარმაკოთერაპიული ჯგუფი 
ცენტრალური მოქმედების მიორელაქსანტი.

ფარმაკოლოგიური თვისებები 
ფარმაკოდინამიკა 
ტოლპერიზონი წარმოადგენს ცენტრალური მოქმედების მიორელაქსანტს. მოქმედების მექანიზმი სრულად არ არის გარკვეული. მას გააჩნია მაღალი აფინურობა ნერვული ქსოვილისადმი, აღწევს რა მაქსიმალურ კონცენტრაციებს თავის ტვინის ღეროში, ზურგის ტვინში და პერიფერიულ ნერვულ სისტემაში. 
ტოლპერიზონის ძირითადი ეფექტი დაკავშირებულია სპინალური რეფლექტორული რკალების დამუხრუჭებასთან. 
სავარაუდოდ, ეს ეფექტი, დაღმავალი გზებით აგზნების გატარების შემსუბუქების აღმოფხვრასთან ერთად, უზრუნველყოფს ტოლპერიზონის თერაპიულ ზემოქმედებას. ტოლპერიზონის ქიმიური სტრუქტურა ლიდოკაინის სტრუქტურის მსგავსია. ლიდოკაინის მსგავსად, მას გააჩნია მემბრანომასტიმულირებელი მოქმედება და აქვეითებს მამოძრავებელი ნეირონებისა და პირველადი აფერენტული ბოჭკოების ელექტრულ აგზნებადობას. ტოლპერიზონი დოზადამოკიდებულად ამუხრუჭებს პოტენციალ-დამოკიდებული ნატრიუმის არხების აქტივობას. შესაბამისად, ქვეითდება მოქმედების პოტენციალის სიხშირე და ამპლიტუდა. 
დამტკიცებულია პოტენციალ-დამოკიდებულ კალციუმის არხებზე დამთრგუნველი ეფექტი. 
ნავარაუდევია, რომ ტოლპერიზონს მემბრანომასტიმულირებელი მოქმედების გარდა, დამატებით შეუძლია მედიატორის გამოყოფის შეფერხება. 
ყველაფერთან ერთად, ტოლპერიზონს გააჩნია α-ადრენერგული ანტაგონისტების ზოგიერთი სუსტი თვისებები და ანტიმუსკარინული მოქმედება. 
ფარმაკოკინეტიკა
შიგნით მიღების შემდეგ ტოლპერიზონი კარგად შეიწოვება წვრილ ნაწლავში.
მაქსიმალური კონცენტრაცია სისხლის პლაზმაში მიიღწევა მიღებიდან 0,5-1 საათის შემდეგ. გამოხატული პრესისტემური მეტაბოლიზმის მიზეზით ბიოშეღწევადობა შეადგენს დაახლოებით 20%-ს. 
საკვები ცხიმების მაღალი შემცველობით ზრდის პერორალურად დანიშნული ტოლპერიზონის ბიოშეღწევადობას დაახლოებით 100%-მდე და ზრდის პიკურ პლაზმურ კონცენტრაციას დაახლოებით 45%-ით უზმოზე პრეპარატის მიღებასთან შედარებით, პიკური კონცენტრაციის მიღწევის დროის შეფერხებით დაახლოებით 30 წუთით. 
ტოლპერიზონი ინტენსიურად მეტაბოლიზდება ღვიძლსა და თირკმელებში. 
ტოლპერიზონი პრაქტიკულად მთლიანად (99%-ზე მეტი) გამოიყოფა თირკმელებით მეტაბოლიტების ფორმით. 
მეტაბოლიტების ფარმაკოლოგიური აქტივობა უცნობია. 
შიგნით მიღების შემდეგ ნახევრად გამოყოფის პერიოდი შეადგენს დაახლოებით 2,5 საათს.

გამოყენების ჩვენებები
– ჩონჩხის კუნთების პათოლოგიურად მომატებული ტონუსის გადაუდებელი ან ხანგრძლივი მკურნალობა ორგანული ნევროლოგიური დაავადებების დროს (პირამიდული გზების დაზიანებები, გაფანტული სკლეროზი, ცერებროვასკულარული დარღვევები, მიელოპათიები, ენცეფალომიელიტი); 
– საყრდენ-მამოძრავებელი დაავადებების თანხლები კუნთების ჰიპერტონუსის და კუნთების სპაზმების მკურნალობა (მაგალითად, სპონდილოზი, სპონდილოართრიტი, ცერვიკალური და ლუმბარული სინდრომები, მსხვილი სახსრების ართროზები);
– აღდგენითი მკურნალობა ოპერაციული ჩარევების შემდეგ ორთოპედიაში და ტრავმატოლოგიაში;
– სისხლძარღვების მაობლიტირებელი დაავადებების (მაობლიტირებელი ათეროსკლეროზი, დიაბეტური ანგიოპათია, მაობლიტირებელი თრომბანგიიტი, რეინოს დაავადება, დიფუზური სკლეროდერმია), ასევე სისხლძარღვების ინერვაციის დარღვევების საფუძველზე განვითარებული დაავადებების (აკროციანოზი, მაინტერმიტირებელი ანგიონევროზული დისბაზია) კომბინირებული თერაპიის შემადგენლობაში;
– პედიატრიულ პრაქტიკაში სპეციფიკურ ჩვენებებს წარმოადგენენ ლიტლის დაავადება და სხვა ენცეფალოპათიები, რომლებსაც ახლავს კუნთოვანი დისტონია.

გამოყენების წესი და დოზირება
პრეპარატი მიღებული უნდა იქნას შიგნით ჭამის შემდეგ, ჭიქა წყლის დაყოლებით. არ არის რეკომენდირებული პრეპარატის უზმოზე მიღება, რადგანაც საკვების არასაკმარისმა რაოდენობამ შეიძლება შეამციროს ტოლპერიზონის ბიოშეღწევადობა.
მოზრდილები
საშუალო დღიური დოზა პაციენტის ინდივიდუალური საჭიროების და პრეპარატის ამტანობის მიხედვით შეადგენს 150-450 მგ-ს, დაყოფილი 3 მიღებაზე. 
ბავშვები 
სამკურნალო საშუალება ენიშნებათ ბავშვებს 30 კგ-ზე მეტი სხეულის მასით (10 წელზე უფროსი ასაკის) დღიური დოზით 2-4 მგ/კგ სხეულის მასაზე, სამ მიღებაზე. 
დაბალი დღიური დოზების გათვალისწინებით, ბავშვების მკურნალობისას რეკომენდირებულია 50 მგ დოზირებით პრეპარატის გამოყენება. ვინაიდან ტაბლეტები არ არის განკუთვნილი ნაწილებად დასაყოფად, პრეპარატი უნდა დაინიშნოს ბავშვებში 30 კგ და მეტი სხეულის მასით. 
პაციენტები თირკმელების ფუნქციის დარღვევებით 
მონაცემები გამოყენების შესახებ პაციენტებში თირკმელების ფუნქციის დარღვევებით შეზღუდულია. 
აღინიშნებოდა გვერდითი რეაქციების განვითარების უფრო მაღალი სიხშირე პაციენტთა ამ ჯგუფში. პაციენტებში თირკმელების ფუნქციის ზომიერი დარღვევებით საჭიროა დოზების ტიტრირება ექიმის სათანადო დაკვირვების ქვეშ. არ არის რეკომენდირებული ტოლპერიზონის გამოყენება პაციენტებში თირკმელების ფუნქციის მძიმე დარღვევებით. 
პაციენტები ღვიძლის ფუნქციის დარღვევებით
გამოყენების მონაცემები პაციენტებში ღვიძლის ფუნქციის დარღვევით შეზღუდულია. 
აღინიშნებოდა გვერდითი რეაქციების განვითარების უფრო მაღლი სიხშირე პაციენტთა ამ ჯგუფში. პაციენტებში ღვიძლის ფუნქციის ზომიერი დარღვევებით აუცილებელია დოზის ტიტრირება ექიმის სათანადო დაკვირვების ქვეშ. არ არის რეკომენდირებული ტოლპერიზონის გამოყენება პაციენტებში ღვიძლის ფუნქციის მძიმე დარღვევით.

უკუჩვენებები
– ჰიპერგრძნობელობა ტოლპერიზონის ან სხვა ანალოგიური ქიმიური ნივთიერებების (ელპერიზონი), ასევე პრეპარატის შემადგელობაში შემავალი დამხმარე ნივთერებების მიმართ;
– მიასთენია;
– 3 წლამდე ბავშვთა ასაკი;
– ლაქტაცია.

გვერდითი რეაქციები
ქვემოთ გამოყენებული გვერდითი რეაქციების სიხშირის პარამეტრები განსაზღვრულია შემდეგნარიად: არახშირი (≥ 1 /1000, მაგრამ დარღვევები სისხლის და ლიმფური სისტემის მხრივ: ძალიან იშვიათი – ანემია, ლიმფადენოპათია. 
დარღვევები იმუნური სისტემის მხრივ: იშვიათი – ჰიპერმგრძნობელობის რეაქციები, ანაფილაქსიური რეაქცია; ძალიან იშვიათი – ანაფილაქსიური შოკი. 
კვების და ნივთიერებათა ცვლის დარღვევები: არახშირი – ანორექსია; ძალიან იშვიათი – პოლიდიფსია. 
ფსიქიკური დარღვევები: არახშირი – უძილობა, ძილის დარღვევა; იშვიათი – აქტივობის დაქვეითება, დეპრესია. 
დარღვევები ნერვული სისტემის მხრივ: არახშირი – თავის ტკივილი, თავბრუსხვევა, ძილიანობა; იშვიათი – ყურადღების დარღვევა, ტრემორი, კრუნჩხვები, დაქვეითებული მგრძნობელობა, პარესთეზია, პათოლოგიური გაშეშება; ძალან იშვიათი – ცნობიერების არევა. 
დარღვევები მხედველობის ორგანოს მხრივ: იშვიათი – ბუნდოვანი მხედველობა. 
დარღვევები სმენის ორგანოს და წონასწორობის მხრივ: იშვიათი – ხმაური ყურებში, თავბრუსხვევა. 
კარდიოლოგიური დარღვევები: იშვიათი – სტენოკარდია, ტაქიკარდია, გულისცემის შეგრძება; ძალიან იშვიათი – ბრადიკარდია. 
დარღვევები სისხლძარღვოვანი სისტემის მხრივ: არახშირი – არტერიული ჰიპოტენზია; იშვიათი – სახის პათოლოგიური სიწითლე. 
რესპირატორული, თორაკალური და მედიასტინალური დარღვევები: იშვიათი – დისპნოე, სისხლდენა ცხვირიდან, ტაქიპნოე. 
დარღვევები საჭმლის მომნელებელი სისტემის მხრივ: არახშირი – დისკომფორტი მუცლის არეში, დიარეა, სიშრალე პირში, დისპეფსია, გულისრევა; იშვიათი – ტკივილი ეპიგასტრიაში, შეკრულობა, მეტეორიზმი, ღებინება. 
დარღვევები ჰეპატობილიარული სისტემის მხრივ: იშვიათი – მსუბუქი დარღვევები ღვიძლის მხრივ. 
დარღვევები კანის და კანქვეშა უჯრედისის მხრივ: იშვიათი – ალერგიული დერმატიტი, გაძლიერებული ოფლიანობა, ქავილი, ჭინჭრის ციება, გამონაყარი. 
დარღვევები შარდგამომყოფი სისტემის მხრივ: იშვიათი – ენურეზი, პროტეინურია. 
ძვალ-კუნთოვანი სისტემის და შემაერთებელი ქსოვილის მხრივ: არახშირი – კუნთების სისუსტე, მიალგია, კიდურების ტკივილი; იშვიათი – დისკომფორტი კიდურებში; ძალიან იშვიათი – ოსტეოპენია. 
სისტემური დარღვევები და გართულებები შეყვანის ადგილას: არახშირი – ასტენია, შეუძლოდ ყოფნა, დაღლილობის შეგრძნება; იშვიათი – დათრობის შეგრძნება, სიმხურვალის შეგრძნება, გაღიზიანებადობა, წყურვილი; ძალიან იშვიათი – დისკომფორტი გულმკერდის არეში. 
გადახრები ნორმიდან, გამოვლენილი ლაბორატორიულ კვლევებში: იშვიათი – არტერიული წნევის დაქვეითება, სისხლის ბილირუბინის კონცენტრაციის ზრდა, ღვიძლის ფერმენტების აქტივობის ცვლილება, თრომბოციტების რაოდენობის შემცირება, ლეიკოციტების რაოდენობის ზრდა; ძალიან იშვიათად – სისხლის კრეატინინის შემცველობის ზრდა.

განსაკუთრებული მითითებები 
ტოლკიმადო შეიცავს ლაქტოზას მონოჰიდრატს. პაციენტებმა გალაქტოზას იშვიათი მემკვიდრეობითი აუტანლობით, ლაპა ლაქტაზას დეფიციტით ან გლუკოზა-გალაქტოზური მალაბსორბციით არ უნდა მიიღონ მოცემული პრეპარატი. 
მდედრობითი სქესის პაციენტები ჰიპერმგრძნობელობის რეაქციებით სხვა პრეპარატების მიმართ ან ალერგიული რეაქციებით ანამნეზში უფრო მაღალ რისკის ქვეშ არიან. 
პაციენტებისათვის რეკომენდირებული უნდა იქნას, რომ ყურადღებით იყვენ მომატებული მგრძნობელობის ნებისმიერი სიმპტომების მიმართ. თუ სიმპტომები განვითარდა, საჭიროა ტოლპერიზონის მიღების დაუყოვნებივ შეწყვეტა და ექიმთან მიმართვა. არ არის რეკომენდირებული ტოლპერიზონის განმეორებით დანიშვნა მის მიმართ ჰიპერმგრძნობელობის ეპიზოდის შემდეგ.

ზემოქმედება ავტოტრანსპორტის ტარების და მექანიზმების მართვის უნარზე 
პრეპარატი ტოლკიმადო არ მოქმედებს ავტოტრანსპორტის მართვისა და მექანიზებთან მუშაობის უნარზე.

გამოყენება ორსულობის და ლაქტაციის უნარზე 
მნიშვნელოვანი კლინიკური მონაცემების არარსებობის გამო არ არის რეკომენდირებული პრეპარატ ტოლკიმადოს გამოყენება ორსულობის დროს (განსაკუთრებთ პირველ ტრიმესტრში) გარდა შემთხვევებისა, როდესაც მოსალოდნელი სარგებელი ამართლებს პოტენციურ რისკს ნაყოფისათვის. 
რადგანაც არ არსებობს მონაცემები დედის რძით ტოლპერიზონის გამოყოფის შესახებ, ამიტომ პრეპარატ ტოლკიმადოს გამოყენება უკუნაჩვენებია ძუძუთი კვების დროს.

გამოყენება პედიატრიაში 
მონაცემები ტოლპერიზონის გამოყენების უსაფრთხოების და ეფექტურობის შესახებ 3 წლამდე ასაკის ბავშვებში შეზღუდულია.

ურთიერთქმედება სხვა სამკურნალო საშუალებებთან 
სამკურნალო საშუალებების CYP2D6 მარკერულ სუბსტრატთან დექსტრომეტორფანთან ფარმაკოკინეტიკური ურთიერთქმედების კვლევებმა აჩვენეს, რომ ტოლპერიზონის ერთდროულმა გამოყენებამ შესაძლოა გაზარდოს სისხლში სამკურნალო საშუალებების შემცველობის დონე, რომლებიც მეტაბოლიზდებიან ძირითადად ჩYP2D6 (თიორიდაზონი, ტოლტეროდინი, ვენლაფაქსინი, ატომოქსეტინი, დეზიპრამინი, დექსტრომეტორფანი, მეტოპროლოლი, ნებივალოლი, პერფენაზინი). 
ადამიანის ღვიძლის მიკროსომებზე და ადამიანის ჰეპატოციტებზე ლაბორატორიულ ექსპერიმენტებს არ გამოუწვევია მნიშვნელოვანი ინჰიბირება ან CYP სხვა იზოფერმენტების ინდუქცია (CYP2B6, CYP2C8, CYP2C9, CYP2C19, CYP1A2, CYP3A4). 
არ ვარაუდობენ ტოლპერიზონის ზემოქმედების ზრდას CYP2D6 სუბსტრატების და/ან ასხვა პრეპარატების ერთდროულად გამოყენებისას ტოლპერიზონის მეტაბოლური გზების მრავალფეროვნებასთან დაკავშირებით. 
ტოლპერიზონის ბიოშეღწევადობა ქვეითდება მისი უზმოზე მიღებისას.
თუმცა ტოლპერიზონი წარმოადგენს ცენტრალური მოქმედების პრეპარატს, მისი სედატიური ეფექტი ძალიან დაბალია. ცენტრალური მოქმედების სხვა მიორელაქსანტეთან ერთდროულად დანიშვნის შემთხვევაში, საჭიროა ტოლპერიზონის დოზის შემცირება.
ტოლპერიზონი აძლიერებს ნიფლუმის მჟავას მოქმედებას, ამიტომ ერთდროულად გამოყენებისას საჭიროა ნიფლუმის მჟავას ან სხვა არასტეროიდული ანთების საწინააღმდეგო საშუალებების დოზის შემცირების საკითხის განხილვა.

ჭარბი დოზირება
მონაცემები ტოლპერიზონის ჭარბი დოზირების შესახებ მცირერიცხოვანია. პრეპარატს გააჩნია ფართო თერაპიული ინტერვალი. 
მწავე ტოქსიკურობის წინაკლინიკურ კვლევებში ტოლპერიზონის მაღალი დოზები იწვევდნენ ატაქსიას, ტონურ-კლონურ კრუნჩხვებს, დისპნოეს და სუნთქვის დამბლას. 
მკურნალობა: ტოლპერიზონს არ გააჩნია სპეციფიკური ანტიდოტი. ჭარბი დოზირების შემთხვევაში რეკომენდირებულია სიმპტომური და შემანარჩუნებელი მკურნალობა.

გამოშვების ფორმა
აპკიანი გარსით დაფარული ტაბლეტები. 
10 ტაბლეტი ბლისტერში. 
3 ბლისტერი ჩანართ-ფურცელთან ერთად მუყაოს კოლოფში.

შენახვის პირობები
ინახება არაუმეტეს 25°C ტემპერატურაზე. 
ინახება ბავშვებისათვის მიუწვდომელ ადგილას!

ვარგისიანობის ვადა
3 წელი წარმოების თარიღიდან. 
ნუ გამოიყენებთ ვარგისიანობის ვადის გასვლის შემდეგ.

აფთიაქიდან გაცემის პირობები
ფარმაცევტული პროდუქტის ჯგუფი II – გაიცემა ფორმა №3 რეცეპტით.

მწარმოებელი 
სავაჭრო მარკის და რეგისტრაციის სერტიფიკატის მფლობელია კომპანია
“დრ სერტუს ილაჩ სანაიი ვე ტიჯარეტ ლიმიტედ შირკეტი”, თურქეთი 
(“DR SERTUS ILAÇ SANAYI VE TICARET LIMITED ŞIRKETI”, TURKEY).

წარმოებულია
“უორლდ მედიცინ ილაჩ სან. ვე ტიჯ. ა.შ.”, თურქეთი 
(ბაგჯილარ ილშესი, გიუნეშლი, ევრენ მახალესი, ჯამი იოლუ ჯად. #50 K. 1B ზემინი 4-5-6, სტამბოლი)

“World Medicine İlaç San. ve Tic. А.Ş.”, Turkey

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

ქვეყანა: რუსეთი

მწარმოებელი: ვალენტა ფარმაცეუტიკალს ****

გაცემის ფორმა: II ჯგუფი რეცეპტული