დუქსეტი 30 მგ

Duxet 30mg

გასტრორეზისტენტული კაფსულა

ფორმულა:

ყოველი კაფსულა შეიცავს დულოქსეტინის ჰიდროქლორიდს, რაც წარმოადგენს 30 მგ დულოქსეტინის ექვივალენტურს, კრისტალურ შაქარს დამატებითი კომპონენტის სახით, ტიტანის დიოქსიდს (E171) და ინდიგო კარმინს (E132) საღებავი ნივთიერების სახით.

ფარმაკოლოგიური თვისებები:

ფარმაკოთერაპიული ჯგუფი: სხვა ანტიდეპრესანტები. 

ათქ კოდი: N06AX21.

ფარმაკოდინამიკური თვისებები

მოქმედების მექანიზმი

დულოქსეტინი წარმოადგენს სეროტონინის (5-HT) და ნორადრენალინის (NA) უკუმიტაცების კომბინირებულ ინჰიბიტორს. ის სუსტად აინჰიბირებს დოპამინის უკუმიტაცებას, ყოველგვარი მნიშვნელოვანი აფინიტეტის გარეშე ჰისტამინერგული, დოპამინერგიული, ქოლინერგული და ადრენერგული რეცეპტორების მიმართ. დულოქსეტინი დოზის მიხედვით ზრდის სეროტონინის და ნორადრენალინის უჯრედგარე დონეებს ცხოველთა ტვინის სხვადასხვა არეალში.

ფარმაკოდინამიკური ეფექტები

დულოქსეტინმა დაარეგულირა ტკივილის ზღვარი ნეიროპათიული და ანთებითი ტკივილის რამდენიმე პრეკლინიკურ მოდელში და უწყვეტი ტკივილის მოდელში შეასუსტა ტკივილის ინტენსივობა. დულოქსეტინის ტკივილის მაინჰიბირებელი ეფექტი მიიჩნევა ცენტრალური ნერვული სისტემის ფარგლებში ტკივილის მაინჰიბირებელი გზების დაქვეითების პოტენციალის შედეგად.

ფარმაკოკინეტიკური თვისებები:

დულოქსეტინი მიიღება ერთი ენანთიომერის სახით. დულოქსეტინი ინტენსიურად მეტაბოლიზდება მჟანგავი ფერმენტების მიერ (CYP1A2 და პოლიმორფული CYP2D6), რასაც მოჰყვება კონიუგაცია. დულოქსეტინის ფარმაკოკინეტიკით ვლინდება მნიშვნელოვანი სუბიექტთაშორისი ვარიაბელობა (როგორც წესი, 50-60%), ნაწილობრივ სქესის, ასაკის, მწეველობის სტატუსისა და CYP2D6 მეტაბოლიზატორის სტატუსის გამო.

აბსორბცია: დულოქსეტინი კარგად აბსორბირდება პერორალური მიღების შემდგომ, მაქსიმალური კონცენტრაცია C_max მიიღწევა დოზის მიღებიდან 6 საათის შემდეგ. დულოქსეტინის პერორალური მიღებისას აბსოლუტური ბიოშეღწევადობა მერყეობს 32%-დან 80%-მდე (საშუალოდ 50%). საკვების მიღება ახანგრძლივებს პიკური კონცენტრაციის მიღწევას 6-დან 10 საათამდე და უმნიშვნელოდ ამცირებს აბსორბციის ხარისხს (დაახლოებით 11%-ით). ამ ცვლილებებს რაიმე კლინიკური მნიშვნელობა არა აქვს.

განაწილება: დულოქსეტინი დაახლოებით 96%-ით უკავშირდება ადამიანის პლაზმის ცილებს. დულოქსეტინი უკავშირდება როგორც ალბუმინს, ასევე ალფა1-მჟავურ გლიკოპროტეინს. ცილებთან შეკავშირებაზე გავლენას არ ახდენს თირკმლის ან ღვიძლის უკმარისობა.

ბიოტრანსფორმაცია: დულოქსეტინი აქტიურად მეტაბოლიზდება და მეტაბოლიტები ძირითადად გამოიყოფა შარდის მეშვეობით. ორივე ციტოქრომა P450-2D6 და 1A2 უზრუნველყოფს ორი ძირითადი მეტაბოლიტის წარმოქმნის კატალიზებას: 4-ჰიდროქსიდულოქსეტინის გლუკორონის კონიუგატი და 5-ჰიდროქსი, 6 მეთოქსიდულოქსეტინის სულფატის კონიუგატი. in-vitro კვლევების საფუძველზე, დულოქსეტინის მოცირკულირე მეტაბოლიტები ფარმაკოლოგიურად არააქტიურად ითვლება. დულოქსეტინის ფარმაკოკინეტიკა იმ პაციენტებში, რომელთაც აქვთ არასაკმარისი მეტაბოლიზატორი CYP2D6, არ არის სპეციალურად შესწავლილი. შეზღუდული მტკიცებულებები მიუთითებს, რომ აღნიშნულ პაციენტებში პლაზმაში დულოქსეტინის შემცველობის დონე მაღალია.

გამოყოფა: დულოქსეტინის ნახევარგამოყოფის პერიოდი მერყეობს 8 საათიდან 17 საათამდე (საშუალოდ 12 საათი). ინტრავენური დოზის შეყვანის შემდეგ, დულოქსეტინის პლაზმური კლირენსი მერყეობს 22 ლ/სთ-დან 46 ლ/სთ-მდე (საშუალოდ 36 ლ/სთ). პერორალური დოზის მიღების შემდეგ, დულოქსეტინის აშკარა პლაზმური კლირენსი მერყეობს 33 ლ/სთ-დან 261 ლ/სთ-მდე (საშუალოდ 101 ლ/სთ).

ჩვენება და პრეპარატის მიღება:

დიდი დეპრესიული აშლილობის მკურნალობა

დიაბეტური პერიფერიული ნეიროპათიული ტკივილის მკურნალობა

გენერალიზებული შფოთვითი აშლილობის მკურნალობა

ფიბრომიალგიის მკურნალობა

საყრდენ-მამოძრავებელი სისტემის ქრონიკული ტკივილის მკურნალობა. აღნიშნული დადგინდა წელის ქვედა არის ქრონიკული ტკივილის და ოსტეოართრიტით გამოწვეული ტკივილის მქონე პაციენტებზე ჩატარებულ კვლევაში.

დუქსეტი ნაჩვენებია მოზრდილ პაციენტებში მისაღებად.

უკუჩვენებები:

მომატებული მგრძნობელობა აქტიური ნივთიერების ან პრეპარატის ნებისმიერი დამატებითი კომპონენტის მიმართ, რომლებიც ჩამოთვლილია პუნქტში „დამატებითი კომპონენტების ჩამონათვალი“.

დუქსეტის მიღება არ შეიძლება მონოამინოოქსიდაზას  (მაო-ს) არასელექციურ, შეუქცევად ინჰიბიტორებთან ერთად (იხილეთ პუნქტი - „ურთიერთქმედება სხვა პრეპარატებთან და ურთიერთქმედების სხვა ფორმები“).

ღვიძლის დაავადება იწვევს ღვიძლის უკმარისობას (იხილეთ პუნქტი „ფარმაკოკინეტიკური თვისებები“).

დუქსეტის მიღება არ შეიძლება CYP1A2 ინჰიბიტორებთან კომბინაციაში, როგორიცაა ფლუვოქსამინი, ციპროფლოქსაცინი ან ენოქსაცინი, რადგან აღნიშნული კომბინაცია იწვევს დულოქსეტინის კონცენტრაციის გაზრდას პლაზმაში (იხილეთ პუნქტი - „ურთიერთქმედება სხვა პრეპარატებთან და ურთიერთქმედების სხვა ფორმები“).

თირკმლის მწვავე უკმარისობა (კრეატინინის კლირენსი

დუქსეტით მკურნალობის დაწყება უკუნაჩვენებია უკონტროლო ჰიპერტენზიით დაავადებულ პაციენტებში, ვინაიდან აღნიშნული აყენებს პაციენტებს ჰიპერტენზიულ კრიზისის პოტენციური რისკის წინაშე (იხილეთ პუნქტი „სპეციალური გაფრთხილება და სათანადო სიფრთხილის ზომები პრეპარატის მიღებისას“).

გაფრთხილება / სიფრთხილის ზომები:

მანია და კრუნჩხვები

დუქსეტი სათანადო სიფრთხილით უნდა იქნას გამოყენებული ანამნეზში მანიის ან ბიპოლარული აშლილობის დიაგნოზის და/ან კრუნჩხვების მქონე პაციენტებში.

მიდრიაზი

მიდრიაზი აღინიშნა დულოქსეტინის მიღებისას, შესაბამისად აუცილებელია სათანადო სიფრთხილის ზომების დაცვა დუქსეტის დანიშვნისას იმ პაციენტებში, რომელთაც აღენიშნებათ მომატებული ინტრაოკულური წნევა ან იმ პაციენტებში, რომლებიც დგანან მწვავე დახურულკუთხოვანი გლაუკომის განვითარების რისკის წინაშე.

არტერიული წნევა და გულისცემის სიხშირე

დულოქსეტინი უკავშირდებოდა არტერიული წნევის გაზრდას და კლინიკურად მნიშვნელოვან ჰიპერტენზიას ზოგიერთ პაციენტში. ეს შეიძლება გამოწვეული იყოს დულოქსეტინის ნორადრენერგიული ეფექტით. ჰიპერტენზიული კრიზისის შემთხვევები დაფიქსირდა დულოქსეტინის მიღებისას, განსაკუთრებით იმ პაციენტებში, რომლებსაც ანამნეზში აღენიშნებოდათ ჰიპერტენზია. აღნიშნულიდან გამომდინარე, ჰიპერტენზიის და/ან გულის სხვა დაავადებების მქონე პაციენტებში რეკომენდებულია არტერიული წნევის მონიტორინგი, განსაკუთრებით მკურნალობის პირველი თვის განმავლობაში. დულოქსეტინის მიღება უნდა მოხდეს სათანადო სიფრთხილის ზომების დაცვით იმ პაციენტებში, რომელთა მდგომარეობა შესაძლებელია რისკის ქვეშ აღმოჩნდეს გულისცემის სიხშირის გაზრდის ან არტერიული წნევის მომატების გამო. საჭიროა სათანადო სიფრთხილის დაცვა დულოქსეტინის მიღებისას იმ სამკურნალო პრეპარატებთან ერთად, რომლებმაც შეიძლება გააუარესონ მეტაბოლიზმი (იხილეთ პუნქტი - „ურთიერთქმედება სხვა სამკურნალო პრეპარატებთან და ურთიერთქმედების სხვა ფორმები“). იმ პაციენტებში, რომლებიც განიცდიან დულოქსეტინის მიღების დროს არტერიული წნევის მდგრად გაზრდას, მხედველობაში უნდა იქნას მიღებული დოზის შემცირება ან პრეპარატის მიღების ეტაპობრივი შეწყვეტა (იხილეთ პუნქტი - „გვერდითი ეფექტები“). დულოქსეტინით მკურნალობის დაწყება არ შეიძლება უკონტროლო ჰიპერტენზიის მქონე პაციენტებში (იხილეთ პუნქტი - „უკუჩვენებები“).

თირკმლის უკმარისობა

ჰემოდიალიზზე მყოფი, თირკმლის მწვავე უკმარისობის მქონე პაციენტებში (კრეატინინის კლირენსი

სეროტონინის სინდრომი

როგორც სხვა სეროტონერგული ნივთიერებების შემთხვევაში, დულოქსეტინის მიღებისას შეიძლება განვითარდეს სეროტონინის სინდრომი - სიცოცხლისათვის პოტენციურად სახიფათო მდგომარეობა, განსაკუთრებით სხვა სეროტონერგული ნივთიერებების (განსაკუთრებით სეროტონინის უკუმიტაცების სელექტიური ინჰიბიტორების (SSRI), სეროტონინის/ნორადრენალინის მშთანთქმელი ინჰიბიტორების (SNRI), ტრიციკლური ანტიდეპრესანტების ან ტრიპტანების) პარალელურად მიღებისას იმ ნივთიერებებთან, რომლებმაც შეიძლება დაარღვიოს სეროტონინის, როგორიცაა მაო-ს ინჰიბიტორები, მეტაბოლიზმი ან ანტიფსიქოზურ ან სხვა დოპამინების ანტაგონისტებთან ერთად მიღებისას, რომლებმაც შეიძლება გავლენა იქონიოს ნეიროტრანსმიტერების სეროტონერგულ სისტემებზე (იხილეთ პუნქტები - „უკუჩვენებები“ და „ურთიერთქმედება სხვა სამკურნალო პრეპარატებთან და ურთიერთქმედების სხვა ფორმები“).

სეროტონინის სინდრომის სიმპტომები შეიძლება ითვალისწინებდეს ფსიქიკური მდგომარეობის ცვლილებას (მაგალითად, აგზნებადობა, ჰალუცინაციები, კომა), ვეგეტატიური არასტაბილურობის (მაგალითად, ტაქიკარდია, ლაბილური არტერიული წნევა, ჰიპერთერმია), ნეირო-კუნთოვან დარღვევებს (მაგალითად, ჰიპერრეფლექსია, მოძრაობის კოორდინაციის დარღვევა) და/ან კუჭ-ნაწლავის სიმპტომებს (მაგალითად, გულისრევა, პირღებინება, დიარეა).

იმ შემთხვევაში, თუ თანმხლები მკურნალობა დულოქსეტინით და სხვა სეროტონერგული ნივთიერებებით, რომლებსაც შეუძლია გავლენა მოახდინონ სეროტონერგულ ან/და დოპამინერგიულ, ნეიროგადამცემ სისტემაზე, კლინიკურად არის გამართლებული, რეკომენდირებულია დაკვირვება პაციენტზე, განსაკუთრებით მკურნალობის დაწყებისას და დოზის გაზრდისას.

კრაზანა

გვერდითი რეაქციები შეიძლება უფრო გამოხატული იყოს დუქსეტისა და იმ მცენარეული პრეპარატების კომბინირებული გამოყენებისას, რომლებიც შეიცავს კრაზანას (Hypericum perforatum).

სუიციდი

დიდი დეპრესიული აშლილობა და გენერალიზებული შფოთვითი აშლილობა: დეპრესია დაკავშირებულია სუიციდური აზრების, თვით-დაზიანების და თვითმკვლელობის (თვითმკვლელობასთან დაკავშირებული შემთხვევების) რისკის გაზრდასთან. ეს რისკი არსებობს მანამ, სანამ თავს იჩენს მნიშვნელოვანი რემისია. იმის, გამო, რომ მდგომარეობა შეიძლება არ გაუმჯობესდეს მკურნალობის დაწყებიდან პირველი რამდენიმე კვირის ან მეტი დროის განმავლობაში, პაციენტები უნდა დაექვემდებარონ ახლო მონიტორინგს, სანამ მდგომარეობა არ გაუმჯობესდება. არსებობს ზოგადი კლინიკური გამოცდილება, რომ თვითმკვლელობის რისკი შეიძლება გაიზარდოს მდგომარეობის აღდგენის ადრეულ ეტაპებზე.

სხვა ფსიქიატრიული ჩვენებები, რომელთა სამკურნალოდაც ინიშნება დუქსეტი, შესაძლებელია აგრეთვე დაკავშირებული იყოს სუიციდური შემთხვევების რისკის ზრდასთან. გარდა ამისა, აღნიშნულ ჩვენებებს შეიძლება თან ახლდეს დიდი დეპრესიული აშლილობა. დიდი დეპრესიული აშლილობის მქონე პაციენტების მკურნალობისას აუცილებელია იგივე სიფრთხილის ზომებისთვის მიმართვა, როგორც სხვა ფსიქიკური დარღვევების მქონე პაციენტების შემთხვევაში.

ანამნეზში სუიციდური შემთხვევების მქონე პაციენტები ან მნიშვნელოვნად გამოხატული სუიციდური აზრების მქონე პაციენტები მკურნალობის დაწყების წინ იმყოფებიან სუიციდური აზრების ან ქცევების მზარდი რისკის წინაშე და აუცილებელია მათი სათანადო მონიტორინგის ქვეშ ყოფნა მკურნალობის დროს. ფსიქიატრიული დარღვევების დროს დეპრესიის სამკურნალო პრეპარატების პლაცებო-კონტროლირებადი კლინიკური კვლევების მეტა-ანალიზმა აჩვენა, რომ 25 წლამდე ასაკის პაციენტებში პლაცებოსთან შედარებით ანტიდეპრესიული საშუალებების მიღებასთან დაკავშირებული სუიციდური ქცევის რისკი იზრდება.

სუიციდური აზრებისა და სუიციდური ქცევების შემთხვევები გამოვლინდა დულოქსეტინით მკურნალობის დროს ან მკურნალობის შეწყვეტიდან მალევე (იხილეთ პუნქტი - „გვერდითი ეფექტები“).

სამკურნალო პრეპარატებით თერაპია მოითხოვს პაციენტების, კერძოდ კი, მაღალი რისკის ჯგუფში მყოფი პირების სათანადო სიფრთხილით დაკვირვებას, განსაკუთრებით მკურნალობის საწყის ეტაპზე და დოზის ცვლილებების შემდეგ. პაციენტები (და პაციენტთა მომვლელები) უნდა იყვნენ გაფრთხილებულნი ნებისმიერი კლინიკური მდგომარეობის გაუარესების, სუიციდური ქცევის ან აზრებისა და ქცევის უჩვეულო ცვლილებების მონიტორინგის აუცილებლობის შესახებ და მათ უნდა მიმართონ ექიმს აღნიშნული სიმპტომების გამოვლენის შემთხვევაში.

დიაბეტური პერიფერიული ნეიროპათიული ტკივილი

როგორც მსგავსი ფარმაკოლოგიური მოქმედების მქონე სხვა სამკურნალო პრეპარატების  (ანტიდეპრესანტების) შემთხვევაში, დულოქსინით მკურნალობისას ან მკურნალობის შეწყვეტის შემდეგ მალევე აღინიშნა სუიციდური აზრებისა და სუიციდური ქცევის იზოლირებული შემთხვევები. დეპრესიისადმი მიდრეკილი პაციენტების წინაშე არსებული რისკ-ფაქტორები აღწერილია ზემოთ. ექიმებმა უნდა გააფრთხილონ პაციენტები, რომ აცნობონ მათ ნებისმიერი შემაშფოთებელი აზრისა ან გრძნობების შესახებ ნებისმიერ დროს.

პრეპარატის გამოყენება ბავშვებსა და 18 წლამდე ასაკის მოზარდებში

დუქსეტის დანიშვნა არ შეიძლება ბავშვებსა და 18 წლამდე ასაკის მოზარდების სამკურნალოდ. სუიციდური ქცევები (თვითმკვლელობის მცდელობა და სუიციდური აზრები) და მტრული დამოკიდებულება (ძირითადად აგრესია, წინააღმდეგობრივი ქცევა და აღშფოთება) ხშირად აღინიშნებოდა იმ ბავშვებსა და მოზარდებში ჩატარებულ კლინიკურ კვლევებში, რომლებიც ღებულობდნენ ანტიდეპრესანტებს, პლაცებოთი ნამკურნალევ პაციენტებთან შედარებით. თუ მიუხედავად ყოველივე აღნიშნულისა, მკურნალობის გადაწყვეტილება მიღებულია კლინიკური საჭიროებიდან გამომდინარე, პაციენტი უნდა დაექვემდებაროს სათანადო კონტროლს სუიციდური სიმპტომების გამო (იხილეთ პუნქტი - „ფარმაკოდინამიკური თვისებები“). გარდა ამისა, ბავშვებსა და მოზარდებში გრძელვადიანი უსაფრთხოების მონაცემები საკმარისი არ არის ზრდის, მოწიფულობისა და შემეცნებითი და ქცევითი განვითარების თვალსაზრისით (იხილეთ პუნქტი - „გვერდი ეფექტები“).

სისხლჩაქცევები

აღინიშნა სპონტანური სისხლდენების შემთხვევები, როგორიცაა სისხლჩაქცევები, პურპურა და კუჭ-ნაწლავიდან სისხლდენა, სეროტონინის უკუმიტაცების სელექტიური ინჰიბიტორების (SSRI) და სეროტონინის/ნორადრენალინის მშთანთქმელი ინჰიბიტორების (SNRI), მათ შორის დულოქსეტინის მიღებისას. რეკომენდებულია სათანადო სიფრთხილის ზომების დაცვა იმ პაციენტებში, რომლებიც ღებულობენ ანტიკოაგულანტებს და/ან სამკურნალო პრეპარატებს, რომლებიც გავლენას ახდენენ თრომბოციტების ფუნქციაზე (მაგალითად, არასტეროიდული, ანთების საწინააღმდეგო საშუალებები და აცეტილსალიცილის მჟავა (ASA)), ასევე პაციენტებში, რომლებსაც აღენიშნებათ მიდრეკილება სისხლდენის მიმართ.

ჰიპონატრიემია

დულოქსეტინის მიღებისას აღინიშნა ჰიპონატრიემიის შემთხვევები, მათ შორის 110 მმოლ/ლ-ზე ნაკლები კონცენტრაციით ნატრიუმის შრატთან ერთდროულად მიღების შემთხვევები. ჰიპონატრიემია შეიძლება დაკავშირებული იყოს ანტიდიურეზული ჰორმონის არაადეკვატური სეკრეციის სინდრომთან (SNADH). ჰიპონატრიემიის შემთხვევების უმეტესობა გამოვლინდა ხანდაზმულ პაციენტებში, განსაკუთრებით სითხის ბალანსში ცვლილებების ანამნეზთან ან წინასწარ განსაზღვრულ ფაქტორებთან დაკავშირებით. საჭიროა სათანადო სიფრთხილის ზომების დაცვა ჰიპონატრიემიის განვითარების მზარდი რისკის წინაშე მყოფ პაციენტებში, როგორიცაა ხანდაზმულები, ღვიძლის ციროზის მქონე ან დეჰიდრატირებული პაციენტები, ასევე პაციენტები, რომლებიც მკურნალობენ დიურეზული საშუალებებით.

მკურნალობის შეწყვეტა

მკურნალობის შეწყვეტისას ხშირად აღინიშნება ის სიმპტომები, რომლებიც თან ახლავს პრეპარატის მიღების შეწყვეტას, განსაკუთრებით მაშინ, როდესაც შეწყვეტა ხდება მკვეთრად (იხილეთ პუნქტი - „გვერდითი ეფექტები“). კლინიკურ კვლევებში მკურნალობის მკვეთრი შეწყვეტით გამოწვეული გვერდითი ეფექტები დაფიქსირდა პაციენტთა დაახლოებით 45%-ში, რომლებიც ღებულობდნენ დულოქსეტინს და იმ პაციენტთა 23%-ში, რომლებიც ღებულობდნენ პლაცებოს.

სეროტონინის უკუმიტაცების სელექტიური ინჰიბიტორების (SSRI) და სეროტონინის/ ნორადრენალინის მშთანთქმელი ინჰიბიტორების (SNRI) მიღებისას გამოვლენილი პრეპარატის მიღების სიმპტომების რისკი დამოკიდებულია რამდენიმე ფაქტორზე, მათ შორის მკურნალობის ხანგრძლივობასა და დოზაზე და დოზის შემცირების სიჩქარეზე. ყველაზე ხშირად გამოვლენილი რეაქციები ჩამოთვლილია პუნქტში „გვერდითი ეფექტები“. როგორც წესი, აღნიშნული სიმპტომები სუსტად ან ზომიერად არის გამოხატული; თუმცა, ზოგიერთ პაციენტში ისინი შეიძლება ძალზედ ინტენსიური იყოს. ისინი, როგორც წესი, თავს იჩენს მკურნალობის შეწყვეტიდან პირველი რამდენიმე დღის განმავლობაში, მაგრამ არსებობს ამგვარი სიმპტომების ძალზედ იშვიათი შემთხვევები იმ პაციენტებში, რომლებიც შემთხვევით გამოტოვებენ დოზას. როგორც წესი, ეს სიმპტომები საკმაოდ თვით-შეზღუდულ ხასიათს ატარებს და, ჩვეულებრივ, 2 კვირაში გაქრება, თუმცა ზოგიერთ პაციენტში შეიძლება უფრო გახანგრძლივდეს (2-3 თვე ან მეტი). აღნიშნულიდან გამომდინარე, რეკომენდებულია დულოქსეტინის დოზის ეტაპობრივი შემცირება მკურნალობის პერიოდის დასრულების შემდეგ მინიმუმ 2 კვირის განმავლობაში, პაციენტის მოთხოვნილებების გათვალისწინებით (იხილეთ პუნქტი - „პოზოლოგია და პრეპარატის მიღების მეთოდი“).

ხანდაზმული პაციენტები

მონაცემები 120 მგ დულქსეტინის მიღების შესახებ დიდი დეპრესიული აშლილობისა და გენერალიზებული შფოთვითი აშლილობის მქონე ხანდაზმულ პაციენტებში შეზღუდულია. აღნიშნულიდან გამომდინარე, აუცილებელია სათანადო სიფრთხილის ზომების დაცვა მაქსიმალური დოზით ხანდაზმულების მკურნალობის შემთხვევაში (იხილეთ პუნქტები - „პოზოლოგია და პრეპარატის მიღების მეთოდი“ და „ფარმაკოკინეტიკური თვისებები“).

აკათიზია / ფსიქომოტორული მოუსვენრობა

დულოქსეტინის მიღება უკავშირდება აკათიზიის განვითარებას, რომელიც ხასიათდება უსიამოვნო ან შემაშფოთებელი მოუსვენრობითა და გადაადგილების მოთხოვნით, ხშირად თან ახლავს მშვიდად ჯდომის ან დგომის უუნარობა. ეს, როგორც წესი, თავს იჩენს მკურნალობის პირველი რამდენიმე კვირის განმავლობაში. იმ პაციენტებში, რომლებსაც აღენიშნებათ ეს სიმპტომები, დოზის გაზრდა შეიძლება საზიანო აღმოჩნდეს.

დულოქსეტინის შემცველი სამკურნალო პრეპარატები

დულოქსეტინი მზადდება სხვადასხვა სავაჭრო ნიშნით სხვადასხვა ჩვენებისთვის (დიაბეტური ნეიროპათიული ტკივილის, დიდი დეპრესიული აშლილობის, გენერალიზებული შფოთვითი აშლილობის, ფიბრომიალგიის, საყრდენ-მამოძრავებელი სისტემის ქრონიკული ტკივილის და სტრესული შარდის შეუკავებლობის მკურნალობა). თავიდან უნდა იქნას აცილებული ერთდროულად ერთზე მეტი ამ პროდუქტის მიღება.

ჰეპატიტი / ღვიძლის ფერმენტების მომატება

ღვიძლის დაზიანების შემთხვევები, მათ შორის ღვიძლის ფერმენტებში მნიშვნელოვნად მომატება (დასაშვებ ზღვარზე >10-ჯერ მეტად), ჰეპატიტი და სიყვითლე აღინიშნა დულოქსეტინის მიღებისას (იხილეთ პუნქტი „გვერდითი ეფექტები“). მათი უმრავლესობა გამოვლინდა მკურნალობის პირველი თვეების განმავლობაში. ღვიძლის სტრუქტურის დაზიანება უპირატესად ჰეპატოცელულარული ხასიათის იყო. დულოქსეტინის მიღება უნდა მოხდეს სათანადო სიფრთხილის ზომების დაცვით იმ პაციენტებში, რომლებიც იტარებენ მკურნალობას ღვიძლის დაზიანებასთან დაკავშირებული სხვა პრეპარატებით.

საქაროზა

დუქსეტის კაფსულები შეიცავს საქაროზას. ფრუქტოზას მიმართ აუტანლობის იშვიათი მემკვიდრეობითი პრობლემების, გლუკოზა-გალაქტოზის მალაბსორბციის ან საქაროზა-იზომალტაზას დეფიციტის მქონე პაციენტებმა  არ უნდა მიიღონ ეს პრეპარატი.

პრეპარატის მიღება ორსულობის და ლაქტაციის დროს:

ფერტილობა

ცხოველებში ჩატარებულ კვლევებში, დულოქსეტინს არ მოუხდენია უარყოფითი ეფექტი ხვად ცხოველებში, ხოლო ძუ ცხოველებში ეფექტები აშკარა იყო მხოლოდ იმ დოზებზე, რომლებმაც გამოიწვია დედის ტოქსიკურობა.

ორსულობა

ორსულ ქალებში დულოქსეტინის მიღებასთან დაკავშირებით მონაცემები საკმარისი არ არის. ცხოველებზე ჩატარებულმა კვლევებმა აჩვენა, რომ რეპროდუქციული ტოქსიკურობა დულოქსეტინის სისტემური ექსპოზიციის დონეზე (AUC) დაბალი იყო მაქსიმალურ კლინიკურ ზემოქმედებაზე (იხილეთ პუნქტი - „პრეკლინიკური უსაფრთხოების შესახებ მონაცემები“).

ადამიანებზე პოტენციური რისკი უცნობია. ეპიდემიოლოგიური მონაცემები ცხადყოფს, რომ ორსულობის დროს, განსაკუთრებით კი ორსულობის ბოლო პერიოდში, სეროტონინის უკუმიტაცების სელექტიური ინჰიბიტორების (SSRI) მიღებამ შეიძლება გაზარდოს ხანგრძლივი ფილტვისმიერი ჰიპერტენზიის რისკი ახალშობილებში (PPHN). მიუხედავად იმისა, რომ კვლევა არ ჩატარებულა PPHN-ს კავშირზე სეროტონინის/ ნორადრენალინის მშთანთქმელი ინჰიბიტორებით (SNRI) მკურნალობასთან, დულოქსეტინის ასეთი პოტენციური რისკი არ შეიძლება გამოირიცხოს, მისი მოქმედების მექანიზმის (სეროტონინის უკუმიტაცების დათრგუნვის) გათვალისწინებით.

როგორც სხვა სეროტონერგული სამკურნალო საშუალებების შემთხვევაში, მკურნალობის შეწყვეტასთან დაკავშირებული სიმპტომები შესაძლებელია აღინიშნოს ახალშობილში, დედის მიერ ხანმოკლე პერიოდის განმავლობაში დულოქსეტინის მიღების შემდგომ. დულოქსეტინთან დაკავშირებით მკურნალობის შეწყვეტის სიმპტომებია ჰიპოტონია, ტრემორი, კვების გართულება, სასუნთქი გზების დისტრეს-სინდრომი და კრუნჩხვები. შემთხვევების უმეტესობამ თავი იჩინა დაბადებისას ან დაბადებიდან რამდენიმე დღეში.

ორსულობის დროს დუქსეტის მიღება დასაშვებია მხოლოდ იმ შემთხვევაში, თუ პოტენციური სარგებელი აღემატება პოტენციურ რისკს ნაყოფზე. ქალებმა უნდა შეატყობინონ მათ ექიმს, თუ დაორსულდებიან ან გეგმავენ ორსულობას მკურნალობის დროს.

ძუძუთი კვება

დულოქსეტინი ძალზედ სუსტად გამოიყოფა დედის რძეში, რაც დასტურდება 6 მეძუძურ პაციენტზე ჩატარებული კვლევით, რომლებიც ძუძუთი არ კვებავდნენ მათ ჩვილებს. ჩვილის სადღეღამისო დოზა მგ/კგ-ში შეადგენდა დედის დოზის დაახლოებით 0.14%-ს (იხილეთ პუნქტი -„ფარმაკოკინეტიკური თვისებები“). ვინაიდან ჩვილებში დულოქსეტინის გამოყენების უსაფრთხოება არ არის ცნობილი, რეკომენდებული არ არის ძუძუთი კვების დროს დუქსეტის მიღება.

ზემოქმედება ავტომობილის მართვისა და მანქანა-დანადგარების გამოყენების შესაძლებლობაზე:

არ ჩატარებულა კვლევა ავტომობილების მართვისა და მანქანა-დანადგარების გამოყენების შესაძლებლობაზე. დუქსეტმა შესაძლებელია გამოიწვიოს სედატიური ეფექტი და თავბრუსხვევა. პაციენტებს უნდა მიეწოდოთ ინფორმაცია, რომ იმ შემთხვევაში, თუ ისინი განიცდიან სედატიურ ეფექტს ან თავბრუსხვევა, მათ თავი უნდა აარიდონ ისეთ პოტენციურად საშიშ ქმედებებს, როგორიცაა ავტომობილის მართვა ან მანქანა-დანადგარების გამოყენება.

გვერდითი მოვლენები/არასასურველი ეფექტები:

ა.უსაფრთხოების პროფილის მოკლე დახასიათება

ყველაზე ხშირ გვერდით რეაქციებს დულოქსეტინით ნამკურნალევ პაციენტებში წარმოადგენდა გულისრევა, თავის ტკივილი, პირის სიმშრალე, ძილიანობა და თავბრუსხვევა. თუმცა, ყველაზე ხშირი გვერდითი მოვლენების უმეტესობა გამოიხატებოდა მსუბუქი და ზომიერი ხარისხით, და, როგორც წესი, თავს იჩენდა მკურნალობის ადრეულ ეტაპებს და ქრებოდა მისი გაგრძელებისას.

ბ. გვერდითი რეაქციების შეჯამების ცხრილი

პირველი ცხრილი აჯამებს სპონტანური ანგარიშებიდან მიღებული და პლაცებო-კონტროლირებად კლინიკურ კვლევებში გამოვლენილ გვერდით რეაქციებს.

ცხრილი 1: გვერდითი რეაქციები

სიხშირის შეფასება: ძალიან ხშირი (≥1/10), ხშირი (≥1/100,

ყოველი სიხშირის ჯგუფში არასასურველი ეფექტები წარმოდგენილია სიმძიმის შემცირების წესით.

კონსულტაციისთვის მიმართეთ თქვენს ექიმს, თუ შეამჩნევთ რაიმე არასასურველ ეფექტს

პრეპარატების ურთიერთქმედება და ურთიერთქმედების სხვა ფორმები:

მონოამინოოქსიდაზას (მაო-ს) ინჰიბიტორები

სეროტონინის სინდრომის განვითარების რისკის გამო, დულოქსეტინის მიღება არ შეიძლება მონოამინოოქსიდაზას არა-სელექციურ, შეუქცევად (მაო-ს) ინჰიბიტორებთან ერთად ან მაო-ს ინჰიბიტორებით მკურნალობის შეწყვეტიდან მინიმუმ 14 დღის განმავლობაში. დულოქსეტინის ნახევარგამოყოფის პერიოდის საფუძველზე, მინიმუმ 5 დღე უნდა იქნას გათვალისწინებული დუქსეტის მიღების შეწყვეტის შემდგომ მაო-ს ინჰიბიტორების დაწყებამდე (იხილეთ პუნქტი „უკუჩვენებები“).

დუქსეტის პარალელური მიღება  მაო-ს სელექციურ, შექცევად ინჰიბიტორებთან ერთად, როგორიცაა მოკლობემიდი, არ არის რეკომენდებული (იხილეთ პუნქტი - „სპეციალური გაფრთხილება და სიფრთხილის ზომების დაცვა“). ანტიბიოტიკი ლინეზოლიდი წარმოადგენს მაო-ს შექცევად, არასელექციურ ინჰიბიტორს და არ უნდა მიეცეთ დუქსეტით ნამკურნალევ პაციენტებს (იხილეთ პუნქტი - „სპეციალური გაფრთხილება და სიფრთხილის ზომების დაცვა“).

CYP1A2 ინჰიბიტორები

ვინაიდან CYP1A2 ჩართულია დულოქსეტინის მეტაბოლიზმში, დულოქსეტინის პარალელური მიღება CYP1A2-ის ძლიერ ინჰიბიტორებთან სავარაუდოდ გაზრდის დულოქსეტინის კონცენტრაციას. ფლუვოქსამინი (100 მგ დღეში ერთხელ), CYP1A2-ის ძლიერი ინჰიბიტორი, ამცირებს დულოქსეტინის პლაზმურ კლირენსს დაახლოებით 77%-ით და ზრდის AUC_O-t-ს 6-ჯერ. აღნიშნულიდან გამომდინარე, დუქსეტი არ უნდა დაინიშნოს CYP1A2-ის ძლიერ ინჰიბიტორებთან კომბინაციაში, როგორიცაა ფლუვოქსამინი (იხილეთ პუნქტი - „სპეციალური გაფრთხილება და სიფრთხილის ზომების დაცვა“).

სამკურნალო პრეპარატები, რომლებიც ზემოქმედებას ახდენენ ცენტრალურ ნერვულ სისტემაზე

დუქსეტის გამოყენების რისკი სხვა ცნს-აქტიურ სამკურნალო საშუალებებთან კომბინაციაში სისტემატიურად არ შეფასებულა, გარდა წინამდებარე პუნქტში აღწერილი შემთხვევებისა. შედეგად დუქსეტი სათანადო სიფრთხილით უნდა იქნას მიღებული სხვა ცენტრალურად მოქმედ სამკურნალო საშუალებებთან ან ნივთიერებებთან, მათ შორის ალკოჰოლთან და სედაციურ პრეპარატებთან (მაგალითად, ბენზოდიაზეპინებთან, მორფინომეტიკებთან, ანტიფსიქოზურ საშუალებებთან, ფენობარბიტალთან, სედატიური ანტიჰისტამინურ საშუალებებთან) კომბინაციაში.

სეროტონერგული ნივთიერებები

იშვიათ შემთხვევებში, სეროტონინის სინდრომი აღინიშნა იმ პაციენტებში, რომლებიც ღებულობდნენ სეროტონინის უკუმიტაცების სელექტიურ ინჰიბიტორებს (SSRI) / სეროტონინის/ნორადრენალინის მშთანთქმელ ინჰიბიტორებს (SNRI) სეროტონერგულ ნივთიერებებთან ერთად. რეკომენდებულია სათანადო სიფრთხილის ზომების დაცვა დუქსეტის მიღებისას ისეთ სეროტონერგულ ანტიდეპრესანტებთან ერთად, როგორიცაა სეროტონინის უკუმიტაცების სელექტიური ინჰიბიტორები (SSRI), სეროტონინის/ ნორადრენალინის მშთანთქმელი ინჰიბიტორები (SNRI), ტრიციკლური ანტიდეპრესანტები, როგორიცაა კლომიპრამინი ან ამიტრიპტილინი, მაო-ს ინჰიბიტორები, როგორიცაა მოკლობემიდი ან ლინეზოლიდი, კრაზანა (Hypericum Perforatum) ან ტრიპტანები, ტრამადოლი, პეთიდინი და ტრიფტოფანი (იხილეთ პუნქტი - „სპეციალური გაფრთხილება და სიფრთხილის ზომების დაცვა“).

დულოქსეტინის ეფექტი სხვა სამკურნალო პრეპარატებზე

სამკურნალო პრეპარატები, რომლებიც მეტაბოლიზდება CYP1A2-ს მიერ: CYP1A2 სუბსტრატის - თეოფილინის ფარმაკოკინეტიკაზე მნიშვნელოვნად არ იმოქმედა დულოქსეტინის (60 მგ ორჯერ დღეში) პარალელურად მიღებამ.

სამკურნალო პრეპარატები, რომლებიც მეტაბოლიზდება CYP2D6-ს მიერ: დულოქსეტინი წარმოადგენს CYP2D6-ის ზომიერ ინჰიბიტორს. 60 მგ დულოქსეტინის დღეში ორჯერ მიღებისას CYP2D6-ის სუბსტრატის - დეზიპრამინის ერთჯერად დოზასთან ერთად, დეზიპრამინის AUC სამჯერ გაიზარდა. დულოქსინის (40 მგ ორჯერ დღეში) პარალელურად მიღება ზრდის ტოლტეროდინის სტაბილიზებულ AUC-ს (2 მგ დღეში ორჯერ) 71%-ით, მაგრამ არ მოქმედებს მისი აქტიური 5-ჰიდროქსიმეტაბოლიტის ფარმაკოკინეტიკაზე და დოზის რეგულირება არ არის რეკომენდებული. დუქსეტი უნდა იქნას გამოყენებული სათანადო სიფრთხილით იმ სამკურნალო პრეპარატებთან ერთად, რომლებიც უმეტესად მეტაბოლიზდება CYP2D6-ით (რისპერიდონი, ტრიციკლური ანტიდეპრესანტები [TCA], როგორიცაა ნორტრიპტილინი, ამიტრიპტილინი და იმიპრამინი), განსაკუთრებით იმ შემთხვევაში, თუ მათ აქვთ ვიწრო თერაპიული ჩვენება (მაგალითად, ფლეკაინიდი, პროპაფენონი და მეტოპროლოლი).

პერორალური კონტრაცეფტივები და სხვა სტეროიდული საშუალებები: In vitro კვლევის შედეგებმა აჩვენა, რომ დულოქსეტინი არ იწვევს CYP3A-ის კატალიზურ აქტივობას. პრეპარატის ურთიერთქმედებაზე სპეციფიკური in vivo კვლევები არ ჩატარებულა.

ანტიკოაგულანტები და ანტითრომბოციტული საშუალებები:  აუცილებელია სათანადო სიფრთხილის ზომების დაცვა დულოქსეტინის პერორალურ ანტიკოაგულანტებთან ან ანტითრომბოციტულ საშუალებებთან კომბინირებული მიღებისას ფარმაკოდინამიკურ ურთიერთქმედებასთან დაკავშირებული სისხლდენის განვითარების მზარდი რისკის გამო. გარდა ამისა, საერთაშორისო ნორმალიზებული მნიშვნელობების ზრდა აღინიშნა დულოქსეტინის პარალელური მიღებისას იმ პაციენტებში, რომლებიც ღებულობდნენ ვარფარინს. თუმცა დულოქსეტინის ერთდროულად მიღებამ ვარფარინთან სტაბილურ პირობებში, ჯანმრთელ მოხალისეებში, კლინიკური ფარმაკოლოგიური კვლევის სახით, არ გამოიწვია კლინიკურად მნიშვნელოვანი ცვლილება საერთაშორისო ნორმალიზებული მნიშვნელობების მხრივ საბაზისო დონიდან ან R- ან S-ვარფარინის ფარმაკოკინეტიკაში.

სხვა სამკურნალო საშუალებების მოქმედება დულოქსეტინზე

ანტაციდები და H2 ანტაგონისტები: დულოქსეტინის კომბინირებული გამოყენებისას ალუმინის და მაგნიუმის შემცველ ანტაციდებთან ან დულოქსეტინით კომბინირებული გამოყენებისას ფამოტიდინთან არ აღინიშნა მნიშვნელოვანი ეფექტი დულოქსეტინის შეწოვის სიხშირეზე ან მოცულობაზე 40 მგ პერორალური დოზის მიღების შემდეგ.

CYP1A2 ინდუქტორები: ფარმაკოკინეტიკური კვლევების ანალიზმა აჩვენა, რომ მწეველებს დულოქსეტინის თითქმის 50%-იანი პლაზმური კონცენტრაცია აღენიშნებათ არამწეველებთან შედარებით.

დოზირება და მიღების წესი:

პოზოლოგია

დიდი დეპრესიული აშლილობა: რეკომენდებული საწყისი და შემანარჩუნებელი დოზა შეადგენს 60 მგ-ს დღეში ერთხელ, საკვებთან ერთად ან მის გარეშე. დღეში ერთხელ 60 მგ-ზე მეტი დოზა დღეში ერთხელ 120 მგ მაქსიმალურ დოზამდე შეფასდა კლინიკურ კვლევებში უსაფრთხოების თვალსაზრისით. თუმცა, არ არსებობს კლინიკური მტკიცებულება იმისა, რომ პაციენტებმა, რომლებიც არ რეაგირებენ თავდაპირველ რეკომენდებულ დოზაზე, შეიძლება ისარგებლონ დოზის ტიტრირებით.

თერაპიული ეფექტი ჩვეულებრივ აღინიშნება მკურნალობის 2-4 კვირის შემდეგ.

ანტიდეპრესიული რეაქციის კონსოლიდაციის შემდეგ რეკომენდებულია მკურნალობის გაგრძელება რამდენიმე თვის განმავლობაში რეციდივის თავიდან აცილების მიზნით. იმ პაციენტებში, რომელთაც აღენიშნებათ რეაგირება დულოქსეტინზე და ანამნეზში აქვთ დიდი დეპრესიის განმეორებითი ეპიზოდები, შესაძლებელია მხედველობაში იქნას მიღებული შემდგომი ხანგრძლივი მკურნალობა 60-დან 120 მგ/დღეში დოზით.

გენერალიზებული შფოთვითი აშლილობა: რეკომენდებული საწყისი დოზა გენერალიზებული შფოთვითი აშლილობის მქონე პაციენტებში შეადგენს 30 მგ-ს დღეში ერთხელ, საკვებთან ერთად ან მის გარეშე. არასაკმარისი რეაქციის მქონე პაციენტებში, დოზა უნდა გაიზარდოს 60 მგ-მდე, რაც ჩვეულებრივ წარმოადგენს შემანარჩუნებელ დოზას პაციენტებისთვის.

თანმხლები დიდი დეპრესიული აშლილობის მქონე პაციენტებში, საწყისი და შემანარჩუნებელი დოზა შეადგენს 60 მგ-ს დღეში ერთხელ (აგრეთვე იხილეთ დოზასთან დაკავშირებით ზემოთ წარმოდგენილი რეკომენდაციები).

დღეში 120 მგ-მდე დოზის ეფექტურობა აღინიშნა და შეფასდა კლინიკურ კვლევებში უსაფრთხოების თვალსაზრისით. 60 მგ პრეპარატის მიმართ არასაკმარისი რეაქციის მქონე პაციენტებში შესაძლებელია განხილულ იქნას დოზის გაზრდა 90 მგ-მდე ან 120 მგ-მდე. დოზის გაზრდა უნდა ეფუძნებოდეს კლინიკურ რეაქციას და ამტანობას.

რეაგირების კონსოლიდაციის შემდეგ, რეკომენდებულია მკურნალობის გაგრძელება რამდენიმე თვის განმავლობაში, რათა თავიდან იქნას აცილებული რეციდივი.

დიაბეტური პერიფერიული ნეიროპათიული ტკივილი: რეკომენდებული საწყისი და შემანარჩუნებელი დოზა შეადგენს 60 მგ-ს დღეში ერთხელ, საკვებთან ერთად ან მის გარეშე. დღეში ერთხელ 60 მგ-ზე მეტი დოზა დღეში ერთხელ 120 მგ მაქსიმალურ დოზამდე, რომლებიც წარმოდგენილია თანაბრად განაწილებული დოზების სახით, შეფასდა კლინიკურ კვლევებში უსაფრთხოების თვალსაზრისით. პლაზმაში დულოქსეტინის კონცენტრაცია მიუთითებს ინდივიდთა მიხედვთ ვრცელ ცვალებადობაზე (იხილეთ პუნქტი „ფარმაკოკინეტიკური თვისებები“). აღნიშნულიდან გამომდინარე, პაციენტებმა, რომელთაც ახასიათებთ არასაკმარისი რეაქცია 60 მგ-ს მიმართ დღეში ერთხელ, შესაძლებელია მიიღონ მეტი ეფექტი უფრო მაღალ დოზაზე.

მკურნალობის ეფექტურობა უნდა შეფასდეს 2 თვის შემდეგ. არასათანადო საწყისი რეაქციის მქონე პაციენტებში, დამატებითი რეაქცია აღნიშნული დროის შემდეგ ნაკლებად სავარაუდოა.

თერაპიული ეფექტი რეგულარულად უნდა შეფასდეს (ყოველ სამ თვეში ერთხელ მაინც) (იხილეთ პუნქტი „ფარმაკოდინამიკური თვისებები“).

ფიბრომიალგია: დულოქსეტინის რეკომენდებული დოზა წარმოადგენს 60 მგ-ს დღეში ერთხელ. მკურნალობა უნდა დაიწყოს 30 მგ-ით დღეში ერთხელ ერთი კვირის განმავლობაში, რათა პაციენტებს მიეცეთ პრეპარატთან შეჩვევის შესაძლებლობა დოზის 60 მგ-მდე გაზრდამდე დღეში ერთხელ. ზოგიერთ პაციენტს შესაძლებელია აღენიშნოთ რეაგირება საწყის დოზაზე. არ არსებობს მტკიცებულება იმისა, რომ 60 მგ/დღეში მაღალი დოზა უზრუნველყოფს დამატებით სარგებელს იმ პაციენტებშიც კი, რომლებიც არ რეაგირებენ 60 მგ დოზაზე და უფრო მაღალი დოზა დაკავშირებული იქნება გვერდითი რეაქიების განვითარების უფრო მაღალ სიხშირესთან.

ფიბრომიალგია აღიარებულია ქრონიკულ მდგომარეობად. დულოქსეტინის ეფექტურობა ფიბრომიალგიის მკურნალობაში ნაჩვენებია პლაცებო-კონტროლირებად კვლევებში 3 თვემდე. დულოქსეტინის ეფექტურობა არ იქნა ნაჩვენები უფრო ხანგრძლივ კვლევებში; თუმცა მკურნალობის გაგრძელება შესაძლებელია განისაზღვროს პაციენტის ინდივიდუალური რეაქციის მიხედვით.

საყრდენ-მამოძრავებელი სისტემის ქრონიკული ტკივილი: დულოქსეტინის რეკომენდებული დოზა წარმოადგენს 60 მგ-ს დღეში ერთხელ. მკურნალობა უნდა დაიწყოს 30 მგ დოზით დღეში ერთხელ ერთი კვირის განმავლობაში, რათა პაციენტებს მიეცეთ პრეპარატთან შეჩვევის შესაძლებლობა დოზის 60 მგ-მდე გაზრდამდე დღეში ერთხელ. არ არსებობს მტკიცებულება იმისა, რომ უფრო მაღალი დოზა უზრუნველყოფს დამატებით სარგებელს იმ პაციენტებშიც კი, რომლებიც არ რეაგირებენ 60 მგ დოზაზე და უფრო მაღალი დოზა დაკავშირებული იქნება გვერდითი რეაქიების განვითარების უფრო მაღალ სიხშირესთან.

დულოქსეტინის ეფექტურობა არ არის დადგენილი პლაცებო-კონტროლირებად კვლევებში 13 კვირაზე მეტად.

პაციენტების სპეციალური ჯგუფები

ხანდაზმულები

დოზის კორექცია რეკომენდებულია ხანდაზმულ პაციენტებში მხოლოდ ასაკის საფუძველზე. თუმცა, როგორც ნებისმიერი სხვა პრეპარატის მიღების შემთხვევაში, აუცილებელია სათანადო სიფრთხილის ზომების დაცვა ხანდაზმულთა მკურნალობისას, განსაკუთრებით 120 მგ დუქსეტის დღეში ერთხელ მიღებისას დიდი დეპრესიული აშლილობის ან გენერალიზებული შფოთვითი აშლილობის შემთხვევაში, რასთთან დაკავშირებითაც არსებობს შეზღუდული მონაცემები (იხილეთ პუნქტები „სპეციალური გაფრთხილება და სიფრთხილის ზომები პრეპარატის მიღებისას“ და „ფარმაკოკინეტიკური თვისებები“) .

ღვიძლის უკმარისობა

დუქსეტი არ უნდა იქნას გამოყენებული ღვიძლის დაავადების მქონე პაციენტებში, რაც გამოწვეულია ღვიძლის უკმარისობის შედეგად (იხილეთ პუნქტები - „უკუჩვენებები“ და „ფარმაკოკინეტიკური თვისებები“).

თირკმლის უკმარისობა

დოზის კორექცია საჭირო არ არის თირკმლის მსუბუქიდან ზომიერი უკმარისობის მქონე პაციენტებში (კრეატინინის კლირენსი 30-დან 80 მლ/წთ). დუქსეტი არ უნდა იქნეს გამოყენებული თირკმლის მწვავე უკმარისობის მქონე პაციენტებში (კრეატინინის კლირენსი

პედიატრიული ასაკის პაციენტები

დულოქსეტინის დანიშვნა არ არის რეკომენდებული ბავშვებსა  და 18 წლამდე ასაკის მოზარდებში დიდი დეპრესიული აშლილობის სამკურნალოდ უსაფრთხოებასა და ეფექტურობასთან დაკავშირებული მოსაზრებების მიზეზით (იხილეთ პუნქტი „სპეციალური გაფრთხილება და სიფრთხილის ზომები პრეპარატის მიღებისას“, 4.8 და 5.1).

დულოქსეტინის უსაფრთხოება და ეფექტურობა 7-17 წლის ასაკის პედიატრიულ პაციენტებში გენერალიზებული შფოთვითი აშლილობის სამკურნალოდ არ არის დადგენილი. ამჟამად ხელთ არსებული მონაცემები აღწერილია პუნქტებში „არასასურველი ეფექტები“, „ფარმაკოდინამიკური თვისებები“ და „ფარმაკოკინეტიკური თვისებები“.

დულოქსეტინის უსაფრთხოება და ეფექტურობა დიაბეტური პერიფერიული ნეიროპათიული ტკივილის სამკურნალოდ არ არის შესწავლილი. ამ საკითხთან დაკავშირებული მონაცემები არ არის ხელმისაწვდომი.

მკურნალობის შეწყვეტა

თავიდან უნდა იქნას აცილებული მკურნალობის მკვეთრი შეწყვეტა. დუქსეტით მკურნალობის შეწყვეტისას დოზა თანდათან უნდა შემცირდეს მინიმუმ 1-2 კვირის განმავლობაში, რათა მინიმუმამდე დავიდეს პრეპარატის შეწყვეტით გამოწვეული რეაქციების განვითარების რისკი (იხილეთ პუნქტები - „სპეციალური გაფრთხილება და სიფრთხილის ზომები პრეპარატის მიღებისას“ და „არასასურველი ეფექტები“). იმ შემთხვევაში, თუ თავს იჩენს აუტანლობის სიმპტომები დოზის შემცირების შემდეგ ან მკურნალობის შეწყვეტისთანავე, შესაძლებელია მხედველობაში იქნას მიღებული ადრე დანიშნული დოზის განახლება. ამის შემდეგ, ექიმმა შეიძლება გააგრძელოს დოზის შემცირება, მაგრამ კიდევ უფრო ეტაპობრივი სიჩქარით.

პრეპარატის მიღების მეთოდი

პერორალური გამოყენებისთვის.

ჭარბი დოზირება:

დულოქსეტინის დოზის გადაჭარბების შემთხვევები 5400 მგ დოზით გამოვლინდა ინდივიდუალურად ან სხვა პრეპარატებთან ერთად. აღინიშნა ფატალური შემთხვევები, უპირველეს ყოვლისა, ძირითადად შერეული ჭარბი დოზების მიღებისას, მაგრამ აგრეთვე მხოლოდ დულოქსეტინის მიღებისას დაახლოებით 1000 მგ დოზით. დოზის გადაჭარბების ნიშნები და სიმპტომები (მხოლოდ დულოქსეტინი ან სხვა პრეპარატებთან კომბინაციაში) მოიცავდა ძილიანობას, კომას, სეროტონინის სინდრომს, კრუნჩხვებს, პირღებინებს და ტაქიკარდიას.

დულოქსეტინთან დაკავშირებით არ არის ცნობილი სპეციფიური ანტიდოტი, მაგრამ თუ აღინიშნება სეროტონინის სინდრომი, შეიძლება მხედველობაში იქნას მიღებული კონკრეტული მკურნალობა (მაგალითად, ციფროჰეპტადინი და/ან ტემპერატურის კონტროლი). უზრუნველყოფილი უნდა იყოს თავისუფალი რესპირატორული ტრაქტი. რეკომენდებულია გულის და სხვა სასიცოცხლო ორგანოების მონიტორინგი შესაბამისი სიმპტომური და დამხმარე ღონისძიებებით. კუჭის ამორეცხვა შეიძლება აღინიშნოს, საკვების მიღებიდან მალევე ან სიმპტომურ პაციენტებში. შესაძლებელია სასარგებლო იყოს აქტივირებული ნახშირი აბსორბციის შესაზღუდად. დულოქსეტინთან დაკავშირებით აღინიშნება დიდი რაოდენობით განაწილება და იძულებითი დიურეზი, ჰემოპერფუზია, და გაცვლითი პერფუზია ნაკლებად სავარაუდოა, რომ იყოს სასარგებლო.

შენახვის პირობები:

პრეპარატი ინახება არაუმეტეს 25°С ტემპერატურაზე, ორიგინალ შეფუთვაში. პრეპარატი მოარიდეთ ბავშვებს!

შეფუთვის შიგთავსი:

დუქსეტის 30 მგ გასტრორეზისტენტული კაფსულა: გამჭვირვალე PVC/PE/PVDC-ალუმინი, 28 (2x14) გასტრორეზისტენტული კაფსულა მუყაოს შეფუთვებში.

სხვა ფარმაცევტული ფორმები:

დუქსეტის 60 მგ გასტრორეზისტენტული კაფსულა: გამჭვირვალე PVC/PE/PVDC-ალუმინი, 28 (2x14) გასტრორეზისტენტული კაფსულა მუყაოს შეფუთვებში.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

ვარგისობის ვადა: 2 წელი

ლიცენზიის მფლობელი: NOBEL İLAҪ PAZARLAM ve SANAYİİ  LTD Ş. სტამბოლი, თურქეთი

მწარმოებელი: NOBEL İLAҪ SANAYİİ ve TİCARET A.Ş.

დუზჯე, თურქეთი

პრეპარატის მიღებამდე კონსულტაციისთვის მიმართეთ თქვენს ექიმს.

დუოპრამი

დუოპრამი / DUOPRAM

• საერთაშორისო დასახელება (აქტიური ნივთიერება):escitalopram
• მწარმოებელი კომპანია:Synthon Hispania
• მწარმოებელი ქვეყანა:ესპანეთი
• გამოშვების ფორმა:10მგ აპკიანი გარსით დაფარული ტაბლეტი №28
• გაცემის რეჟიმი:II ჯგუფი (გაიცემა ფორმა N3 რეცეპტით)

1. რა არის დუოპრამი და რისთვის გამოიყენება იგი

ესციტალოპრამი მიეკუთვნება სეროტონინის უკუმიტაცების სელექტიური ინჰიბიტორების (SSRIs) სახელწოდებით ცნობილ ანტიდეპრესანტების ჯგუფს. აღნიშნული მედიკამენტები სეროტონინის დონის აწევის გზით მოქმედებენ სეროტონინის სისტემაზე თავის ტვინში. დარღვევები სეროტონინის სისტემაში მიიჩნევა დეპრესიისა და მასთან დაკავშირებული დაავადებების განვითრების მნიშვნელოვან ფაქტორად.

დუოპრამი შეიცავს  ესციტალოპრამს და გამოიყენება დეპრესიისა (ძირითადი დეპრესიული ეპიზოდების) და ისეთ შფოთვითი აშლილობების სამკურნალოდ, როგორიცაა განმეორებითი პანიკის შეტევები (პანიკური აშლილობა), რომელსაც თან ახლავს ან არ ახლავს  პანიკის შეტევის განცდის შიში ისეთ ადგილას ან სიტუაციაში, როცა ამის თვიდან აცილება შეუძლებელია ან ქმნის უხერხულობას, მაგ. საზოგადოებრივ ადგილებში ან გახსნილ სივრცეებში (აგორაფობია), სხვების განსჯის საგნად ქცევის და/ან საზოგადოებრივ ადგილებში იმგვარად მოქცევის შიში, რამაც შესაძლოა გამოიწვიოს უხერხულობა (სოციალური ფობია), ქრონიკული შფოთვა (გენერალიზებული შფოთვითი აშლილობა) და აკვიატებები, რაც ხელს უშლის ნორმალურ ცხოვრებას, მაგალითად: ხელების განუწყვეტელი ბანა ან საკეტების შემოწმება (ობსესიურ-კომპულსიური აშლილობა).

2. დუოპრამის მიღებამდე

არ მიიღოთ დუოპრამი:

• თუ გაქვთ ალერგია (მომატებული მგრძნობელობა) ესციტალოპრამის ან დუოპრამის ნებისმიერი სხვა შემადგენელი ნივთიერების მიმართ. იხილეთ პუნქტი 6. დამატებითი ინფორმაცია.
• თუ იღებთ სხვა მედიკამენტებს, რომლებიც მიეკუთვნება მონოამინოქსიდაზას ინჰიბიტორების (MAOIs) სახელწოდებით ცნობილ ჯგუფს, მათ შორის დეპრესიის სამკურნალო პრეპარატებს (მოკლობემიდი), პარკინსონის დაავადების სამკურნალო პრეპარატებს (სელეგილინი) და ანტიბიოტიკს (ლინეზოლიდი).
• თუ დაბადებიდან გაქვთ ან გქონდათ არარეგულარული გულის რიტმის ეპიზოდი (რაც გამოჩნდა ელექტროკარდიოგრამაზე; გულის ფუნქციის შესაფასებლად ჩატარებული გამოკვლევის დროს).
• თუ იღებთ პრეპარატებს გულის რიტმის პრობლემების სამკურნალოდ ან ისეთ მედიკამენტებს, რამაც შესაძლოა დაარღვიოს გულის რიტმი (იხ. პარაგრაფი 2 ,,სხვა პრეპარატების მიღება“).

სიფრთხილის განსაკუთრებული ზომები დუოპრამის მიღებისას

შეამოწმეთ, თუ ქვემოთ ჩამოთვლილი გაფრთხილებებიდან ერთი მაინც გეხებათ ან გეხებოდათ წასულში.

გთხოვთ აცნობოთ ექიმს, თუ გაქვთ ნებისმიერი სხვა მდგომარეობა ან დაავადება, რისი მხედველობაში მიღებაც აუცილებელია თქვენი ექიმისთვის, კერძოდ, გთხოვთ შეატყობონოთ თქვენს ექიმს, თუ თქვენ:

• გაქვთ განმეორებითი პანიკის შეტევები (პანიკური აშლილობა). ესციტალოპრამით მკურნალობის დასაწყისში შესაძლოა განვითარდეს მომატებული შფოთვითი სიმპტომები.
• გაქვთ ეპილეფსია ან წარსულში გქონდათ ეპილეფსიური შეტევები ან კონვულსიები. უნდა შეწყდეს ესციტალოპრამით მკურნალობა, თუ ადგილი ექნება კონვულსიებს ან თუ აღინიშნება კონვულსიების გახშირება (იხილეთ პუნქტი 4, შესაძლო გვერდითი ეფექტები).
• გქონდათ აზრების ხშირი ცვალებადობის ეპიზოდები, აღგზნებადი ხასიათი ან ქცევა (მანია).
• გაქვთ დიაბეტი. ესციტალოპრამით მკურნალობამ შეიძლება შეცვალოს სისხლში შაქრის დონე. შესაძლოა საჭრო გახდეს ინსულინისა და/ან პერორალური ანტიდიაბეტური მედიკამენტების დოზის კორექცია.
• გაწუხებთ უსიამოვნო ან შემაწუხებელი მოუსვენრობა, გინდათ ხშირად მოძრაობა ან არ შეგიძლიათ მშვიდად ჯდომა ან დგომა.
• გაქვთ სისხლში ნატრიუმის დაბალი დონე.
• თუ დარღვეული გაქვთ ღვიძლის ან თირკმლის ფუნქცია. ექიმისთვის შესაძლოა აუცილებელი გახდეს დოზის კორექცია.
• თუ გაქვთ კოაგულოპათია ან სისხლჩაქცევების წარმოქმნასთან დაკავშირებული პრობლემები, კერძოდ, თუ იღებთ პრეპერატებს, რომლებიც ზრდიან სისხლდენის რისკს.
• გიტარდებათ ელექტროკონვულსიური თერაპია (ECT).
• იღებთ კრაზანას შემცველ მცენარეულ სამკურნალო საშუალებებს.
• თუ გაქვთ ან გქონდათ გულის პრობლემები ან ბოლო ხანებში გადაიტანეთ გულის შეტევა.
• თუ სიმშვიდის მდგომარეობაში გაქვთ სუსტი პულსი და/ან იცით, რომ შესაძლოა გქონდეთ გახანგრძლივებული მწვავე დიარეისა და ღებინების შედეგად ან დიურეტიკების (შარდმდენი ტაბლეტების) გამოყენებით გამოწვეული მარილების დანაკარგი.
• თუ აღგენიშნებათ გახშრებული ან არარეგულარული გულისცემა, გულის წასვლა, კოლაფსი ან თვბრუსხვევა წამოდგომისას, რაც შესაძლოა მიუთითებდეს გულის პულსაციის დარღვევაზე.

გთხოვთ მიაქციოთ ყურადღება

დეპრესიის სამკურნალოდ გამოყენებული სხვა პრეპარატების მსგავსად აღნიშნული მედიკამენტითაც შეუძლებელია მდგომარეობის გაუმჯობესების დაუყოვნებლივ მიღწევა. ესციტალოპრამით მკურნალობის დაწყების შემდეგ შესაძლოა რამდენიმე კვირის მერე იგრძნოთ მდგომარეობის გაუმჯობესება.  მაშასადამე, ძალიან მნიშვნელოვანია, ზუსტად დაიცვათ თქვენი მკურნალი ექიმის მითითებები და ექიმთან კონსულტაციის გარეშე არ შეწყვიტოთ მკურნალობა ან შეცვალოთ დოზა.

ფიქრები თვითმკვლელობაზე, დეპრესიისა და შფოთვითი აშლილობის გაუარესება

თუ გაქვთ დეპრესია და/ან შფოთვითი აშლილობა, შესაძლოა ზოგჯერ გქონდეთ თვითდაზიანებასთან ან თვითმკვლელობასთან დაკავშირებული ფიქრები. ამგვარი ფიქრები შესაძლოა გამძაფრდეს პირველად ანტიდეპრესანტების მიღების დაწყებისას, რადგანაც ყველა ამ პრეპარატმა რომ იმოქმედოს, საჭროა დრო, ჩვეულებრივ, დაახლოებით ორი კვირა, თუმცა ზოგჯერ – მეტიც.

სავარაუდოდ, შესაძლოა ასე იფიქროთ:

– თუ ადრე გიფიქრიათ თვითმკვლელობაზე ან თვითდაზიანებაზე.

– თუ ხართ ახალგაზრდა ადამიანი. კლინიკური ცდებიდან მიღებულ ინფორმაციაში აღინიშნა სუიციდალური ქცევის გაზრდილი რისკი ფსიქიკური აშლილობის მქონე 25 წლამდე ასაკის ზრდასრულ ახალგაზრდებში, რომელთაც მკურნალობდნენ ანტიდეპრესანტებით.

თუ გამუდმებით გაქვთ აზრები თვითმკვლელობაზე ან თვითდაზიანებაზე, დაუყოვნებლივ დაუკავშირდით თქვენს ექიმს ან მიმართეთ საავადმყოფოს.

დიდად დაგეხმარებათ, თუ თქვენი დეპრესიისა ან შფოთვითი აშლილობის შესახებ დაელაპარაკებით თქვენს ნათესავს ან ახლო მეგობარს და სთხოვთ მათ წინამდებარე ინსტრუქციის წაკითხვას. შეგიძლიათ სთხოვოთ მათ, გითხრან, თუ, მათი აზრით, თქვენი დეპრესია ან შფოთვითი აშლილობა თანდათან უარესდება ან თუ აღელვებთ თქვენ ქცევასთან დაკავშირებული ცვლილებები.

სხვა პრეპარატებთან ურთერთქმედება

ესციტალოპრამმა შესაძლოა გავლენა იქონიოს სხვა მედიკამენტებზე. მათ კი, თავის მხრივ, შეიძლება ზემოქმედება მოახდინონ ესციტალოპრამის მოქმედებაზე.

ესციტალოპრამი შეიძლება გამოყენებულ იქნეს:

– არასელექტიური მონოამინოქსიდაზას ინჰიბიტორები (MAOIs), როგორებიცაა ფენელზინი, იპრონიაზიდი, იზოკარბოქსაზიდი, ნიალამიდი და ტრანილციპრომინი (გამოიყენებიან მაგ.: დეპრესიის სამკურნალოდ). თუ მიღებული გაქვთ რომელიმე ჩამოთვლილი მედიკამენტი, ესციტალოპრამის  მიღება დაიწყეთ 14 დღის შემდეგ. ესციტალოპრამის  შეწყვეტის შემდეგ რომელიმე აღნიშნული მედიკამენტის დაწყებამდე აუცილებელია 7-დღანი ინტერვალი.

– შექცევადი, სელექტიური მაო-A ინჰიბიტორები, მაგ.: მოკლობემიდი (გამოიყენება დეპრესიის სამკურნალოდ).

– ლინეზოლიდი, ანტიბიოტიკი.

– სელეგილინი,  გამოიყენება პარკინსონის დაავადების სამკურნალოდ. გვერდითი ეფექტების რისკი გაზრდილია.

– ტრამადოლი (ტკივილგამაყუჩებელი) და მედიკამენტები, სახელწოდებით ტრიპტანები, როგორიცაა სუმატრიპტანი (გამოიყენება მიგრენის სამკურნალოდ). ეს მედიკამენტები ზრდიან გვედითი ეფექტების რისკს.

– შიზოფრენიის, ფსიქოზის (ნეიროლეპტიკური საშუალებები) სამკურნალო მედიკამენტები, სხვა ანტიდეპრესანტები, ტრამადოლი (ტკივილგამაყუჩებელი), ბუპროპრიონი (ეხმარება ადამიანებს, თავი დაანებონ მოწევას) და მეფლოქვინი (გამოიყენება მალარიის სამკურნალოდ და პრევენციისთვის) – კონვულსიების ქვედა ზღურბლის შესაძლო რისკის გამო.

– ტრიპტოფანი (საკვები დანამატი, რომელიც მეტაბოლიზმის დროს გარდაიქმნება სეროტონინად) და ლითიუმი (გამოიყენება ფსიქიკური აშლილობის სამკურნალოდ).

– კრაზანას შემცველი მცენარეული სამკურნალო საშუალებები (დეპრესიის სამკურნალოდ).

– აცეტილსალიცინის მჟავა, იბუპროფენი ან არასტეროიდული ანთების საწინააღმდეგო საშუალებების (NSAIDs) სახელით ცნობილი სხვა მედიკამენტები, რომლებიც გამოიყენება ტკივილისა და ანთების დროს.

– ვარფარინი, დიპირამიდოლი ან სხვა მედიკამენტები (ანტიკოაგულანტები), რომლებიც გამოიყენება სისხლის გასათხელებლად. ესციტალოპრამის  დაწყებისა და შეწყვეტისას თქვენმა ექიმმა შესაძლოა შეამოწმოს სისხლის შედედების დრო, რათა დარწმუნდეს რომ თქვენთვის დანიშნული ანტიკოაგულანტის დოზა კვლავ ადექვატურია.

– ციმეტიდინი, ომეპრაზოლი, ეზომეპრაზოლი და ლანსოპრაზოლი (გამოიყენება კუჭის წყლულის სამკურნალოდ), ფლუვოქსამინი (ანტიდეპრესანტი), ტიკლოპიდინი (გამოიყენება ინსულტის რისკის შესამცირებლად). შესაძლოა საჭირო გახდეს ესციტალოპრამის დოზის შემცირება.

– ფლეკაინიდი, პროპაფენონი და მეტოპროლოლი (გამოიყენება გულის პრობლემების სამკურნალოდ), ქლომიპრამინი, ნორტრიპტილინი და დეზიპრამინი (ანტიდეპრესანტები) და რისპერიდონი, თიორიდაზინი ან ჰალოპერიდოლი (გამოიყენება ფსიქიკური აშლილობების სამკურნალოდ). შესაძლოა საჭირო გახდეს დოზის კორექტირება.

არ მიიღოთ დუოპრამი,  თუ დანიშნული გაქვთ გულის რიტმის პრობლემების სამკურნალო პრეპარატები ან მედიკამენტები, რომლებმაც შესაძლოა გავლენა იქონიონ გულის რიტმზე, როგორებიცაა IA და III კლასის ანტიარითმიული საშუალებები, ნეიროლეპტიკური პრეპარატები (მაგ.: ფენოთიაზინის წარმოებულები, პიმოზიდი, ჰალოპერიდოლი), ტრიციკლური ანტიდეპრესანტები, გარკვეული ანტიმიკრობული საშუალებები (მაგ.: სპარფლოქსაცინი, მოქსიფლოქსაცინი, ერითრომიცინ IV, პენტამიდინი, მალარიის საწინააღმდეგო მკურნალობა, განსაკუთრებით ჰალოფანტრინი), გარკვეული ანტიჰისტამინური საშუალებები (ასტემიზოლი, მიზოლასტინი). ამასთან დაკავშრებით დამატებითი კითხვების შემთხვევაში აუცილებლად მიმართეთ თქვენს ექიმს.

გთხოვთ აცნობოთ თქვენს ექიმს ან ფარმაცევტს, თუ იღებთ ან ბოლო ხანებში მიიღეთ რომელიმე ზემოთ ჩამოთვლილი მედიკამენტი ან სხვა პრეპარატები, მათ შორის ურეცეპტოდ მიღებული მედიკამენტები.

დუოპრამის მიღება საკვებთან და სასმელთან ერთად

ესციტალოპრამის მიღება შეიძლება როგორც საკვებთან ერთად, ასევე საკვების გარეშე.  ესციტალოპრამის მიღების პერიოდში დაუშვებელია ალკოჰოლური სასმელების დალევა, რადგან სიმპტომები ან გვერდითი ეფექტები შესაძლოა გაუარესდეს.

ორსულობა, ლაქტაცია და ფერტილობა

ორსულობა

აცნობეთ თქვენს ექიმს, თუ ხართ ორსულად ან გეგმავთ დაორსულებას. არ მიიღოთ ესციტალოპრამი, თუ ხართ ორსულად, სანამ თქვენ და თქვენი ექიმი არ განიხილავთ პრეპარატთან დაკავშირებულ რისკებსა და სარგებელს.

დარწმუნდით იმაში, რომ თქვენმა მეანმა და/ან ექიმმა იცის ის, რომ იღებთ ესციტალოპრამს. ორსულობისას, კერძოდ კი ბოლო ტრიმესტრში, ესციტალოპრამის მსგავსი პრეპარატების მიღებამ შესაძლოა გაზარდოს სერიოზული პათოლოგიური მდგომარეობის  რისკი ჩვილებში, სახელწოდებით ახალშობილთა პერსისტირებადი პულმონარული ჰიპერტენზია (PPHN), რაც აჩქარებს სუნთქვას და ჩვილს უჩნდება სილურჯე.  ეს სიმპტომები ჩვეულებრივ თავს იჩენს ბავშვის დაბადებიდან პირველი 24 საათის განმავლობაში. თუ ამას შეამჩნევთ თქვენს პატარას, დაუყოვნებლივ დაუკავშირდით თქვენს მეანს და/ან ექიმს.

დაუშვებელია ესციტალოპრამით  მკურნალობის შეწყვეტა ერთბაშად. თუ ესციტალოპრამს იღებთ ორსულობის ბოლო ტრიმესტრში, ჩააყენეთ თქვენი ექიმი საქმის კურსში, რადგანაც თქვენს ბავშვს დაბადებისას შესაძლოა აღენიშნოს რომელიმე სიმპტომი. ეს სიმპტომები ჩვეულებრივ იწყება დაბადებიდან  პირველი 24 საათის განმავლობაში. ისინი შესაძლოა მოიცავდეს სათანადო ძილის ან კვების დარღვევას, უძილობას, სუნთქვის გაძნელებას, კანის სილურჯეს ან ძალიან გაცხელებას ან გაციებას, ბევრ ტირილს, ღებინებას, სისხლში შაქრის დაბალ დონეს, კუნთების გამაგრებას ან მოდუნებას, გაღიზიანებას, ლეთარგიას, ტრემორს, აშკარა რეფლექსებს, ნერვიულ კანკალს ან კრუნჩხვით შეტევებს. თუ დაბადებისას თქვენს ბავშვს აქვს რომელიმე აღნიშნული სიმპტომი, დაუყოვნებლივ დაელაპარაკეთ თქვენს ექიმს, რომელიც მოგცემთ რჩევას.

ლაქტაცია

ესციტალოპრამი სავარაუდოდ გადადის დედის რძეში. არ მიიღოთ ესციტალოპრამი, თუ ბავშვს კვებავთ ძუძუთი, სანამ თქვენ და თქვენი ექიმი არ განიხილავთ ამ პრეპარატის მიღებასთან დაკავშირებულ რისკებსა და სარგებელს.

ფერტილობა

ციტალოპრამმა, რომელიც ესციტალოპრამის მსგავსი მედიკამენტია, ცხოველებში ჩატარებულ ცდებში აჩვენა სპერმის ხარისხის დაქვეითება. თეორიულად,  ამან შესაძლოა ზეგავლენა იქონიოს ფერტილობაზე, მაგრამ ადამიანის ფერტილობაზე უარყოფითი გავლენა ჯერ არ დაფიქსირებულა.

ავტომობილისას და მექანიზმების მართვის უნარი 

რეკომენდებულია, თავი აარიდოთ ავტომობილისა და მექანიზმების მართვას, რადგანაც არ იცით როგორ იმოქმედებს ესციტალოპრამი თქვენზე. ესციტალოპრამმა შეიძლება გამოიწვიოს თავბრუსხვევა, დაღლილობა, დაბნეულობა ან ჰალუცინაციები (უცნაური გამოსახულებები ან ხმები). თუ აღგენიშნებათ ჩამოთვლილ გერდით მოვლენათაგან      რომელიმე, არ მართოთ ავტომობილი ან მექანიზმები.

3. როგორ მივიღოთ დუოპრამი

ყოველთვის მიიღეთ ესციტალოპრამი ექიმის დანიშნულებისამებრ. ექიმთან კონსულტაციის გარეშე არ შეწყვიტოთ მედიკამენტის მიღება ან არ შეცვალოთ დანიშნული დოზა. ტაბლეტები უნდა მიიღოთ იმდენი ხნის განმავლობაში, რა პერიოდითაც ექიმი დაგინიშნავთ, მაშინაც კი, თუ თავს უკეთ იგრძნობთ. რამდენიმე კვირის შემდეგ თუ თავს უკეთ არ იგრძნობთ, მიმართეთ ექიმს. მან შესაძლოა გადაწყვიტოს დოზის თანდათნობით მომატება მაქსიმუმ 20 მგ-მდე დღიური დოზით. არ არის დადგენილი 20 მგ-ზე ზემოთ დღური დოზების უსაფრთხოება.

ესციტალოპრამის ჩვეულებრივი დოზა მოცემულია ქვემოთ. მკურნალობის ხანგრძლივობას განსაზღვრავს ექიმი. მკურნალობის პერიოდმა შესაძლოა მოიცვას რამდენიმე თვე ან კიდევ მეტი დრო.

ტაბლეტების მიღება შეიძლება საკვებთნ ერთად ან საკვების გარეშე. მიიღეთ მედიკამენტი დღეში ერთხელ. ტაბლეტი გადაყლაპეთ წყალთან ერთად. შესაძლებელია ტაბლეტის გაყოფა ორ თანაბარ ნაწილად. არ დაღეჭოთ.

მოზრდილები:

დეპრესიის, გენერალიზებული შფოთვითი აშლილობის ან ობსესიურ-კომპულსიური აშლილობის სამკურნალოდ საჭირო ჩვეულებრივი დღიური დოზა შეადგენს 10 მგ-ს.

პანიკური აშლილობოსა და სოციალური ფობიის (სოციალური შფოთვითი აშლილობების) სამკურნალოდ ექიმმა შესაძლოა გადაწყვიტოს მცირე დოზის (დღეში 5  მგ.) დანიშვნა.

ექიმმა შეიძლება გაზარდოს დოზა მაქსიმუმ 20 მგ-მდე.

ხანდაზმული პაციენტები (65 წლის ზემოთ):

დუოპრამის რეკომენდებული საწყისი დოზა შეადგენ დღიურ 5 მგ-ს ერთჯერადად. ექიმმა დოზა შესაძლოა გაზარდოს დღეში 10 მგ-მდე.

ბავშვები და 18 წლამდე ასაკის მოზარდები :

დაუშვებელია ესციტალოპრამის დანიშვნა ბავშვებსა და 18 წლამდე ასაკის მოზარდებში.

ღვიძლის დაავადების მქონე პაციენტები :

თუ გაქვთ ღვიძლის დაავადება, ექიმმა შესძლოა გადაწვიტოს და მკურნალობის პირველი 2 კვირის განმავლობაში დაგინიშნოთ ესციტალოპრამის მცირე დოზა – დღეში 5 მგ,. ექიმმა შეიძლება ეს დოზა გაზარდოს 10 მგ-მდე დღეში.

თირკმლის დაავადების მქონე პაციენტები :

თუ გაწუხებთ თირკმლის მწვავე დაავადება, ესციტალოპრამის გამოყენება არ არის რეკომენდებული. თუ გაქვთ თირკმლის მსუბუქი და ზომიერი დაავადება, შეგიძლიათ  ესციტალოპრამის ნორმალური დოზის გამოყენება.

თუ მიიღეთ საჭიროზე მეტი დუოპრამი :

არ მიიღოთ  ექიმის მიერ დანიშნულზე მეტი ტაბლეტი. თუ ფიქრობთ, რომ თქვენ ან სხვამ  მეტისმეტად გადააჭარბეთ  ესციტალოპრამის დოზას, დაუყოვნებლივ მიმართეთ თქვენს ექიმს ან საავადმყოფოს. ასე უნდა მოიქცეთ მაშინაც კი, როცა არ შეიმჩნევა დისკომფორტის ნიშნები. ჭარბი დოზირების სიმპტომები შესაძლოა იყოს თავბრუსხვევა, კანკალი, აღგზნება, კრუნჩხვა, კომა, გულისრევის შეგრძნება, ღებინება, გულის რიტმის ცვლილება, სისხლის წნევის დაწევა და ორგანიზამში სითხის/მარილის ბალანსის დარღვევა. თან იქონიეთ  ესციტალოპრამის მუყაოს კოლოფი.

თუ დაგავიწყდათ დუოპრამის მიღება

თუ დაგავიწყდებათ მედიკამენტის მიღება, შემდეგი ტაბლეტი მიიღეთ ჩვეულებრივ დროს. დავიწყებული დოზის შესავსებად არავითარ შემთხვევაში არ მიიღოთ ორმაგი დოზა.

თუ შეწყვეტთ დუოპრამის მიღებას

არ შეწყვიტოთ ესციტალოპრამის მიღება, სანამ თქვენი ექიმი არ გირჩევთ ამას. ესციტალოპრამით მკუნალობის შეწყვეტის შემთხვევაში ექიმი თანდათნობით შეგიმცირებთ დოზას რამდენიმე კვირის ან თვის განმავლობაში. ეს ეხმარება აბსტინენციის ეფექტების განვითარების შესაძლებლობის შემცირებას. თუ ესციტალოპრამით მკურნალობის შეწყვეტისას განიცდით აბსტინენციის ეფექტებს, თქვენმა ექიმმა შესაძლოა გადაწვიტოს, რომ გესაჭიროებათ დოზის კიდევ უფრო ნელ-ნელა შემცირება. თუ აბსტინენციის ეფექტები მწვავეა, მიმართეთ და გაესაუბრეთ თქვენს ექიმს.

ადამიანების უმეტესობას უვითარდება სუსტი აბსტინენციის ეფექტები, რაც თავისით ქრება 2 კვირის განმავლობაში; თუმცა, ზოგჯერ ამგვარი ეფექტები შესაძლოა მწვავეც იყოს და/ან გახანგრძლივებულიც.

მკურნალობის შეწყვეტისას შესაძლო აბსტინენციის ეფექტები მოიცავს თავბრუსხვევას, ძილის დარღვევას, შფოთვას, კანკალს, გულისრევის შეგრძნებას, თავის ტკივილს, დაბნეულობას, აგზნებას, სენსორულ დარღვევებს (მაგ.: ყურებში ხმაურს, კანში ჩხვლეტის შეგრძნებას ან მგრძნობელობის დაკარგვას, ჰალუცინაციებს), ზმანებას, ოფლიანობას, დიარეას, ემოციურობას ან გაღიზიანებულობას  და გულის რიტმის დარღვევას.

აღნიშნულ პროდუქტთან დაკავშირებით დამატებითი კითხვების შემთხვევაში მიმართეთ თქვენს ექიმს ან ფარმაცევტს.

4. შესაძლო გვერდითი ეფექტები

ყველა მედიკამენტის მსგავსად ესციტალოპრამმაც შესაძლოა გამოიწვიოს გვერდითი ეფექტები, თუმცა ისინი ყველა პაციენტში არ იჩენს თავს.

გვერდითი ეფექტები, როგორც წესი, ლაგდება მკურნალობის დაწყებიდან რამდენიმე კვირის შემდეგ. გთხოვთ ყურადღება მიაქციოთ იმ ფაქტს, რომ ბევრი გვერდითი ეფექტი შესაძლოა ასევე იყოს თქვენი დაავადების სიმპტომი და, მაშასადამე, ალაგდება, როცა თავს უკეთ იგრძნობთ.

თუ შენიშნავთ შემდეგი გვერდითი ეფექტების განვითარებას, დაუყოვნებლივ უნდა მიმართოთ თქვენს ექიმს ან საავადმყოფოს.

არც ისე ხშირი (უვითარდება1 000-სში 1-დან 10-მდე მომხმარებელს)

იშვიათი სისხლდენა გასტროინტესტინალური  სისხლდენის ჩათვლით.

იშვიათი (უვითარდება10 000-სში 1-დან 10-მდე მომხმარებელს)

ისეთი ალერგიული რეაქციები, როგორებიცაა კანის გამონაყარი, სახის, ქუთუთოების, პირის ღრუს ან ენის შეშუპება და სუნთქვის ან ყლაპვის გაძნელება.

თუ აღგენიშნებათ შემდეგი სიმპტომები, შესაძლოა გქონდეთ სეროტონინის სინდრომი:

მაღალი ტემპერატურა, აღგზნება, დაბნეულობა, კანკალი და კუნთების უეცარი შეკუმშვა.

უცნობი (ხელმისაწვდომი მონაცემებიდან შეუძლებელია სიხშირის შეფასება).

შიმშლობა, არარეგულარული გულისცემა, გულის წასვლა, რაც შესაძლოა იყოს ორმიმართულებიანი ტაქიკარდიის სახელით ცნობილი სიცოცხლისთვის სახიფათო მდგომარეობის სიმპტომები.

სხვა გვერდითი ეფექტები შეიძლება იყოს

ძალიან ხშირი (უვითარდება 10-ში 1-ზე მეტ მომხმარებელს)

გულისრევის შეგრძნება

ხშირი (უვითარდება 100-სში 1-დან 10-მდე მომხმარებელს)

წონაში მატება
• ლიბიდოს დონის ცვლილება
• სექსუალური ფუნქციის ცვლილება (მაგალითად, მამაკაცებში ერექციისა და ეაკულაციის დარღვევა, ხოლო ქალებში ორგაზმის განცდის ნაკლებობა)
• მღელვარება
• მოუსვენრობა
• ძილის დარღვევა (პათოლოგიური ზმანების ჩათვლით)
• ცუდად ძილი (უძილობა)
• ძილიანობის შეგრძნება
• მთქნარება
• თავბრუსხვევის ან შექანების შეგრძნება
• მადის დაკარგვა (ანორექსია) ან მადის გაძლიერება
• ყურებში ხმაურის ან ნემსის ჩხვლეტის მსგავსი შეგრძნებები
• ცხვირის დაცობა ან ცხვირიდან გამონადენი (სინუსიტი)
• დაღლილობის შეგრძნება
• ცხელება
• პირის გაშრობა
• ჭარბი ოფლიანობა
• დიარეა
• კონსტიპაცია
• კუნთების ტკივილი
• სახსრების ტკივილი
• ღებინება.

არც ისე ხშირი (უვითარდება1 000-სში 1-დან 10-მდე მომხმარებელს)

წონაში მატება
• კანის გამონაყარი ან ქავილი
• გემოს შეცვლა
• ძილთან დაკავშირებული პრობლემები
• თმის ცვენა
• პანიკის შეტევები
• კბილების მოჭერა ან კრიჭის შეკვრა
• დაბნეულობა
• ყურებში ზუზუნის, გუგუნის ან ზარის რეკვის ხმა (ტინიტუსი)
• აჩქარებული გულისცემა
• მხედველობის გაუარესება
• სისხლიანი განავალი
• სისხლდენა ცხვირიდან ან საშოდან
• ჭარბი სისხლდენა მენსტრუაციის დროს
• ორგანიზმში სითხის შეკავება (შეშუპება)
• აღგზნება
• ნერვოზულობა
• გულის წასვლა (სინკოპე)
• გუგების გადიდება (მიდრიაზი). იშვიათი (უვითარდება 10 000-სში 1-დან 10-მდე მომხმარებელს)

გულისცემის შენელება
• აგრესია
• როცა თავს გრძნობ არარეალურად ან საკუთარი სხეულისგან განალკავებულად (დეპრესონალიზაცია)
• უცნაური საგნების დანახვა ან ხმების გაგონება (ჰალუცინაციები).

ზოგიერთმა პაციენტმა აღნიშნა შემდეგი გვერდითი ეფექტები (ხელმისაწვდომი მონაცემებიდან შეუძლებელია სიხშირის შეფასება):

აზრების უეცარი ცვალებადობის ეპიზოდები, აღგზნებადი ხასიათი ან ქცევა (მანია), ჭარბი ლაქტაცია ან ძუძუთი კვების შემდეგ მკერდიდან რძის დინება, მოტორული აღგზნებადობა (აკათიზია)
• კრუნჩხვები
• მოძრაობის დარღვევა, უნებლიე მოძრაობები
• ორგანიზმში ნატრიუმის დაბალი დონე სითხის შეკავების ან არშეკავების თანხლებით, რამაც შესაძლოა გამოიწვიოს ხელ-ფეხის შეშუპება (შესიება) (სიმპტომები მოიცავს გულისრევის შეგრძნებას ან ცუდად ყოფნას, რასაც ახლავს ქავილი, კუნთების სისუსტე და დაბნეულობა)
• შარდვის გაძნელება (შარდის გამოყოფა) ან დიდი რაოდენობით შარდის გამოყოფა
• დაბალი არტერიული წნევის გამო თავბრუსხვევა წამოდგომისას (ორთოსტატიკული ჰიპოტენზია)
• მტკივნეული ერექცია (პრიაპიზმი)
• კოაგულოპათია, მათ შორის სისხლდენა კანიდან და კუნთებიდან (ექიმოზი) და სისხლში თრომბოციტების დაბალი დონე (თრომბოციტოპენია)
• კანისა და კუნთების უეცარი შეშუპება (ანგიოედემა)
• შარდის  დიდი რაოდენობით გამოყოფა (ანტიდიურეზული ჰორმონის არაადექვატური სეკრეციის სინდრომი)
• ღვიძლის ანთება (ჰეპატიტი) კანისა და თვალის კაკლების სიყვითლის ჩათვლით
• გულის რიტმის დარღვევა (ე.წ. „QT ინტერვალის გახანგრძლივება“, რომელიც ჩანს ელექტროკარდიოგრამაზე, გულის ელექტრო აქტივობა).

თვითდაზიანებაზე ან თვითმკვლელობაზე ფიქრების/ქცევების შემთხვევები დაფიქსირდა ესციტალოპრამის თერაპიის დროს ან მკურნალობის შეწყვეტიდან მოკლე პერიოდში (იხილეთ პუნქტი 2, განსაკუთრებული სიფრთხილე ) .

პაციენტებში, რომლებიც იღებდნენ ამ ტიპის მედიკამენტებს, დაფიქსირდა ძვლის მოტეხილობის  გაზრდილი რისკი.

აცნობეთ თქვენს ექიმს ან ფარმაცევტს, თუ რომელიმე გვერდითი ეფექტი მიიღებს სერიოზულ სახეს ან თუ შეამჩნევთ ისეთ გვერდით ეფექტს, რომელიც წინამდებარე ინსტრუქციაში არ არის მითითებული.

5. დუოპრამის შენახვა

შეინახეთ ბავშვებისთვის მიუწვდომელ ადგილას.

არ გამოიყენოთ ესციტალოპრამი ბლისტერსა და მუყაოს კოლოფზე ‘EXP’ ნიშნით მითითებული ვარგისიანობის ვადის გასვლის შემდეგ. პირველი ორი ციფრი მიუთითებს თვეზე, ხოლო ბოლო ოთხი – წელზე. ვარგისიანობის ვადა იწურება აღნიშნული თვის ბოლო დღეს.

წინამდებარე სამკურნალო პროდუქტს არ სჭირდება არანაირი განსაკუთრებული შენახვის პირობა.

დაუშვებელია მედიკამენტების საყოფაცხოვრებო ნარჩენებში ან კანალიზაციაში  გადაყრა. ჰკითხეთ ფარმაცევტს, თუ როგორ უნდა მოიქცეთ, როცა პრეპარატი აღარ გჭირდებათ. ამგვარი ზომები უზრუნველყოფს გარემოს დაცვას.

6. დამატებითი ინფორმაცია

რას შეიცავს დუოპრამი

აქტიურ ნივთიერებას წარმოადგენს ესციტალოპრამი.

– თითოეული 10 მგ. ტაბლეტი შეიცავს 10 მგ. ესციტალოპრამის ექვივალენტურ ესციტალოპრამის ოქსალატს.

ტაბლეტის გული შეიცავს შემდეგ ნივთიერებებს: მიკროკრისტალური ცელულოზა, კოლოიდური უწყლო კაჟმიწა, ტალკი, ნატრიუმის კროსკარმელოზა და მაგნიუმის სტეარატი.

ტაბლეტის გარსში შემავალი ნივთიერებებია: ჰიპრომელოზა, მაკროგოლ 400 და ტიტანის დიოქსიდი (E 171).

ქვეყანა: გერმანია

მწარმოებელი: ვორვაგ ფარმა

გაცემის ფორმა: II ჯგუფი რეცეპტული