საერთაშორისო დასახელება:

AMLODIPINE

მწარმოებელი: ნოვარტისი; სლოვენია

მოქმედი ნივთიერება: ამლოდიპინი

კლინიკურ-ფარმაკოლოგიური ჯგუფი:

ანტიჰიპერტენზიული საშუალებები; კალციუმის არხების ბლოკატორები

5მგ ტაბლეტი #30

10მგ ტაბლეტი #30

დამხმარე ნივთიერებები: ნატრიუმის სახამებლის გლიკოლატი (ტიპი ა), კალციუმის ჰიდროოქსიდის ფოსფატი უწყლო, მიკროკრისტალური ცელულოზა, მაგნიუმის სტეარატი.

ამლოსანდი მიეკუთვნება კალციუმის არხების ბლოკატორების ჯგუფს, რომელიც გამოიყენება შემდეგი მდგომარეობების სამკურნალოდ:

- მაღალი არტერიული წნევა;

- ტკივილი მკერდის არეში, გამოწვეული გულის მკვებავი კორონარული არტერიების შევიწროვებით (სტენოკარდია) ან უფრო იშვიათი ფორმის ტკივილი, გამოწვეული კორონარული არტერიების სპაზმით (ვაზოსპასტიური სტენოკარდია).

მაღალი არტერიული წნევისას ამლოსანდი ხელს უწყობს სისხლძარღვების მოდუნებას და სისხლის მიმოქცევას გაუმჯობესებას.

სტენოკარდიის დროს ამლოსანდი აუმჯობესებს გულის კუნთის სისხლის მიმოქცევას, ჟანგბადის მიწოდების გაუმჯობესებით, რაც იწვევს სტენოკარდიული ტკივილის მოხსნას.

მოზრდილები

სტანდარტული საწყისი დოზა შეადგენს 5 მგ დღეში ერთხელ. საჭიროების შემთხვევაში ექიმს შეუძლია დოზა გაზარდოს 10 მგ-მდე დღეში ერთხელ.

ამლოსნდის გამოყენება ბავშვებსა და მოზარდებში არ შეიძლება.

ხანდაზმული პაციენტებისათვის სპეციალური დოზირება საჭირო არ არის, თუმცა დოზის მომატებისას საჭიროა სიფრთხილის დაცვა.

რეკომენდებულია ნორმალური დოზირება. ამლოსანდი სისხლიდან დიალიზის გზით არ ელიმინირდება (ხელოვნური თირკმელი), ამიტომ განსაკუთრებული სიფრთხილით გამოიყენება დიალიზზე მყოფ პაციენტებში.

ღვიძლის დაავადებების მქონე პაციენტებისათვის ზუსტი დოზირება დადგენილი არ არის. ამ შემთხვევაში ამლოდიპინი სიფრთხილით გამოიყენება.

პრეპარატის გამოყენების ხანგრძლივობა

ამლოსანდი ჩვეულებრივ ხანგრძლივი მკურნალობისათვის გამოიყენება.

პრეპარატი მიიღება შიგნით.

ტაბლეტები ჩაიყლაპება დაუღეჭავად ჭიქა წყლის მიყოლებით. ამლოსანდი მიიღება კვებისგან დამოუკიდებლად.

ყველა სხვა სამკურნალო პრეპარატის მსგავსად ამლოსანდსაც შეუძლია გვერდითი ეფექტების გამოწვევა.

ძალიან იშვიათი (გვხვდება 10000 ნამკურნალები პაციენტიდან 1-ზე ნაკლებში):

• სახის, ტუჩების, პირის, ენის ან ყელის შეშუპება;

• სუნთქვის გაძნელება;

• ყლაპვის გაძნელება;

• თავბრუსხვევა ან გულყრა;

• ტაქიკარდია ან არითმია;

• გამონაყარი ან ქავილი (ხშირად მთელი სხეულის ჩათრევით)

• გამონაყარი, კანის გაწითლება, ტუჩებზე, თვალებზე ან პირში წყლულების გაჩენა, კანის აქერცვლა, ცხელება.

სხვა შესაძლო გვერდითი ეფექტები:

ძალიან ხშირი: (გვხვდება 10 ნამკურნალები პაციენტიდან 1-ზე ნაკლებში):

• ხელის გულების შეშუპება;

ხშირი: (გვხვდება 10 ნამკურნალები პაციენტიდან 1-ზე ნაკლებში):

• თავის ტკივილი (განსაკუთრებით მკურნლობის დსაწყისში), ძილიანობა, თავბრუსხვევა, სისუსტე;

• ტაქიკარდია ან არითმია;

• ღებინება, საჭმლის მონელების დარღვევა, ტკივილი კუჭის არეში;

• სახის გაწითლება და წამოხურების შეგრძნება (განსაკუთრებით მკურნლობის დასაწყისში);

არახშირი: (გვხვდება 100 ნამკურნალები პაციენტიდან 1-ზე ნაკლებში):

• გულყრა, გულისცემის გახშირება (ტაქიკარდია), სტენოკარდიული ტკივილი, მკურნალობის დასაწყიში შესაძლებელია სტენოკარდიის მიმდინარეობის გაუარესება;

• დაბალი არტერიული წნევა, ვასკულიტი;

• სუნთქვის გაძნელება, ცხვირის ლორწოვანი გარსის ანთება (რინიტი);

• ძილის დარღვევები, გაღიზიანებადობა, დეპრესია;

• ცუდი განწყობილება, პირის სიმშრალე, ძნელად მართვადი ტრემორი, ჩხვლეტის შეგრძნება კიდურებში (პარესთეზია), ჭარბი ოფლდენა;

• მხედველობის დაქვეითებ;ა

• შუილი ან ხმაური ყურებში;

• სარძევე ჯირკვლების გადიდება მამაკაცებში;

• კანზე ჩხვლეტისა და ჩქმეტის შეგრძნება (ეგზანთემა), ქავილი, ჭინჭრის ციება, თმისცვენა, კანის ფერის შეცვლა, პურპურა;

• გულისრევა, დიარეა, ყაბზობა, ღრძილების შეშუპება (გინგივიტური ჰიპერპლაზია);

• კუნთების კრუნჩხვები, ზურგის ტკივილი, კუნთებისა და სახსრების ტკივილი;

• ხშირი შარდვა;

• იმპოტენცია;

• სხეულის წონის მომატება ან დაკლება.

იშვიათი (გვხვდება 1000 ნამკურნალები პაციენტიდან 1-ზე ნაკლებში):

• გონების დაბინდვა, შფოთვის წარმოქმნის ჩათვლით;

• გემოს შეგრძნების დარღვევა;

• ღვიძლის ზოგიერთი ფერმენტის აქტივობის მომატება; კანის ან თვალის გუგების გაყვითლება, რაც შეიძლება იყოს ღვიძლის ფუნქციის ან ანთების შედეგი.

ძალიან იშვიათი (გვხვდება 10000 ნამკურნალები პაციენტიდან 1-ზე ნაკლებში):

• სისხლის თეთრი უჯრედების რაოდნობის შემცირება (ლეიკოპენია), რამაც შეიძლება გამოიწვიოს სიცხის გაურკვეველი მიზეზით მომატება, ყელის ტკივილი და გრიპისმაგვარი სიმპტომები (ლეიკოპენია);

• თრომბოციტების რაოდენობის შემცირება, რამაც შეიძლება გამოიწვიოს სისხლჩაქცევების ან ცხვირიდან სისხლდენის განვითარება;

• სისხლში შაქრის მომატება;

• ტკივილი ან დაბუჟების შეგრძნება ხელებსა კიდურებში (პერიფერიული ნეიროპათია);

• ხველა;

• კუჭის ლორწოვანი გარსის ანთება (გასტრიტი), კუჭქვეშა ჯირკვლის ანთება (პანკრეატიტი).

ცალკეულ შემთხვევებში აღინიშნა შემდეგი გვერდითი ეფექტები, მაგრამ მათი კავშირი ამლოდიპინის გამოყენებასთან ზუსტად ცნობილი არ არის: მიოკარდის ინფარქტი, არითმია და სტენოკარდია (დაძაბვის სტენოკარდია).

* მომატებული მგრძნობელობა ამლოდიპინის ან კალციუმის არხების სხვა ბლოკატორების, ან პრეპარატის ნებისმიერი სხვა კომპონენტის მიმართ;

* ძალიან დაბალი არტერიული წნევა;

* ქსოვილებში სისხლის მიმოქცევის უკმარისობა, რასაც თან ახლავს დაბალი არტერიული წნევა, სუსტი პულსი, გულის შეკუმშვის მაღალი სიხშირე (კარდიოგენული შოკის ჩათვლით);

* გულის უკმარისობა, განვითარებული მიოკარდის ინფარქტის შემდეგ, ბოლო ოთხი კვირის განმავლობაში;

* აორტის შევიწროვება (აორტის სტენოზი);

* სიმშვიდის ან მინიმალური დატვირთვის მდგომარეობაში სტენოკარდიული ტკივილის განვითარებისას (მოსვენების ანუ არასტაბილური სტენოკარდია).

- გულის უკმარისობა;

- ღვიძლის ფუნქციის დარღვევა;

- თირკმლის ფუნქციის დარღვევა;

ხანდაზმული პაციენტები

მკურნალობისას პრეპარატის დოზა თანდათან უნდა გაიზარდოს

ამლოსანდის გამოყენება ბავშვებში არ შეიძლება არასაკმარისი გამოცდილების გამო.

ექიმს უნდა ეცნობოს ორსულობის ან მისი დაგეგმვის შესახებ ამლოსანდის მიღების დროს. ორსულობის დროს ნაყოფზე ამლოდიპინის მოქმედების შესახებ საკმარისი მონაცემები არ არსებობს.

ამლოსანდის გამოყენების დროს ლაქტაცია უნდა შეწყდეს.

საკვებისა და სასმელების ზეგავლენა

ამლოსანდი მიიღება ჭიქა სითხის (მაგ., წყლის) მიყოლებით საკვების მიღების მიუხედავად.

გრეიფრუტის ან გრეიფრუტის წვენის ერთდროულად მიღება არ მოქმედებს ამლოდიპინის ეფექტზე.

ამ პრეპარატის მიღებისას საჭიროა სიფრთხილის გამოჩენა ავტომობილის მართვისა და მექანიზმებთან მუშაობის დროს.

ამლოსანდს არ შეუძლია პირდაპირი ზემოქმედება ავტომობილის მართვისა და მექანიზმებთან მუშაობის უნარზე. თუმცა, ზოგიერთ პაციენტში შეიძლება განვითარდეს თავბრუსხვევა ან ძილიანობა, გამოწვეული არტერიული წნევის დაწევით. მათი განვითარება უფრო სავარაუდოა თერაპიის დასაწყისში ან ამლოსანდის დოზის შეცვლის შემდეგ.

ამლოსანდის მიღება ყოველთვის წარმოებს ექიმის დანიშნულების მიხედვით.

ექიმთან მიმართვა. ასეთი ადამიანი უნდა მოთავსდეს მაღლა აწეული ზედა და ქვედა კიდურებით (მაგალითად განლაგდეს რამოდენიმე ბალიშზე). ჭარბი დოზის სიმპტომებია: ძლიერი თავბრუსხვევა და/ან სისუსტის შეგრძნება, სუნთქვის გაძნელება, ხშირი შარდვის მოთხოვნილება.

ერთი მიღების გამოტოვებისას მისი მიღება უნდა მოხდეს 12 საათის განმავლობაში მისი მიღების დროიდან. ორმაგი დოზის მიღება არ შეიძლება. სამკურნალო საშუალების გამოყენება უნდა გაგრძელდეს დანიშნულების მიხედვით.

ამლოსანდი ჩვეულებრივ გამოიყენება ხანგრძლივი მკურნალობისათვის. მისი უეცარი მოხსნის შემთხვევაში დაავადების სიმპტომები შეიძლება განმეორდეს.

- ზოგიერთი პრეპარატი (ურეცეპტოების, მცენარეულის ან სხვა ბუნებრივი ნივთირებების ჩათვლით) ურთიერთქმედებს ამლოსანდთან, რასაც შეუძლია ორივე პრეპარატის მოქმედების შეცვლა.

ამის გამო, ექიმს უნდა ეცნობოს შემდეგი პრეპარატების გამოყენების შესახებ:

- არტერიული წნევის დამწევი პრეპარატები, მაგალითად, ბეტა-ბლოკატორები, აგფ-ის ინჰიბიტორები, ალფა-1-ადრენობლოკერები და დიურეზულები აძლიერებენ ამლოდიპინის მოქმედებას.

- დილთიაზემი (კალციუმის ანტაგონისტი) აძლიერებს ამლოდიპინის მოქმედებას - კეტოკონაზოლს და ინტრაკონაზოლს (სოკოს საწინააღმდეგო პრეპარატები) შეუძლიათ გააძლიერონ ამლოდიპინის მოქმედება.

- აივ პროტეაზას ინჰიბიტორები (აივ ინფექციის სამკურნალო პრეპარატები, განკუთვნილი აივ ინფექციის სამკურნალოდ, მაგ., რიტონავირი) აძლიერებენ ამლოდიპინის მოქმედებას.

- კლარითრომიცინი, ერითრომიცინი და ტელითრომიცინი (ანტიბიოტიკები) აძლიერებენ ამლოდიპინის მოქმედებას.

- ნეფაზოდინი (დეპრესიის სამკურნალო პრეპარატი) აძლიერებს ამლოდიპინის მოქმედებას.

- რიფამპიცინი და რიფაბუტინი (ანტიბიოტიკები) ასუსტებენ ამლოდიპინის მოქმედებას.

- ფუტკარა (Hypericum perforatum; დეპრესიის სამკურნალო მცენარეული პრეპარატი) ასუსტებს ამლოდიპინის მოქმედებას.

- დექსამეტაზონი (კორტიზონი) ასუსტებს ამლოდიპინის მოქმედებას.

- ფენობარბიტალი, ფენიტოინი და კარბამაზეპინი (ეპილეფსიის სამკურნალო პრეპარატები) ასუსტებენ ამლოდიპინის მოქმედებას.

- დექსამეტაზონი (სტეროიდი) ასუსტებს ამლოდიპინის მოქმედებას

- ნევირაპინი (აივ ინფექციის საწინააღმდეგო პრეპარატი) ასუსტებს ამლოდიპინის მოქმედებას.

პრეპარატი ინახება ბავშვებისათვის მიუწვდომელ ადგილას.

ინახება ორიგინალურ შეფუთვაში არაუმეტეს 25ºC ტემპერატურაზე, მშრალ და სინათლისაგან დაცულ ადგილას.

შენახვის ვადა: 3 წელი

აფთიაქში გაცემის წესი:

რეცეპტით

საერთაშორისო დასახელება:

AMLODIPINE

მოქმედი ნივთიერება: ამლოდიპინის ბესილატი

კლინიკურ–ფარმაკოლოგიური ჯგუფი:

კალციუმის არხების ბლოკატორი

რეგისტრაციის მფლობელი და მწარმოებელი:

Sanovel Pharmaceutical Products Industry Inc.

შემადგენლობა:

პრეპარატის ერთი ტაბლეტი შეიცავს 5მგ ამლოდიპინის ექვივალენტურ ამლოდიპინის ბესილატს. (amlodipine)

ამლოდიპინი წარმოადგენს კალციუმის იონების ანტაგონისტს, კალციუმის ნელი არხების ბლოკირების საშუალებით იგი აფერხებს კალციუმის იონების შეღწევას გულის კუნთში და სისხლძარღვების გლუვკუნთოვან ელემენტებში. ამლოდიპინის ჰიპოტენზიური მოქმედების მექანიზმი განპირობებულია სისხლძარღვთა გლუვ კუნთებზე მისი რელაქსაციური ზემოქმედებით. ამლოდიპინის ანტიანგინალური ეფექტი ხორციელდება შემდეგი ორი გზით:

- ამლოდიპინი აფართოებს პერიფერიულ არტერიოლებს და, ამგვარად, ამცირებს სისხლძარღვთა საერთო პერიფერიულ წინააღმდეგობას (პოსტდატვირთვას), რის დასაძლევადაც იხარჯება გულის მუშაობა. ვინაიდან გულისცემის შეკუმშვის სიხშირე არ იცვლება, დატვირთვის შემცირება გულზე იწვევს ენერგიისა მოხმარებისა და ჟანგბადზე მოთხოვნილების შემცირებას.

- ამლოდიპინის მოქმედების მექანიზმი სავარაუდოდ მოიცავს აგრეთვე მთავარი კორონარული არტერიებისა და კორონარული არტერიოლების გაფართოვებას როგორც ინტაქტურ ასევე იშემიზირებულ ზონაში. აღნიშნული დილატაცია ზრდის ჟანგბადის მიწოდებას ვაზოსპასტიური (პრინცმეტალის ანუ ვარიანტული) სტენოკარდიით დაავადებულ პაციენტებში.

თერაპიულ დოზებში პერორალურად მიღების შემდეგ ამლოდიპინი კარგად შეიწოვება კუჭ-ნაწლავის ტრაქტიდან და აღწევს მაქსიმალურ კონცენტრაციას სისხლში 6-12 სთ-ის შემდეგ. წონასწორული სტაბილური კონცენტრაცია პლაზმაში აღინიშნება 7 დღის განმავლობაში. განაწილების მოცულობა უტოლდება დაახლოებით 21კგ/ლ-ზე, პლაზმის ცილებს უკავშიორდება ამლოდიპინის დაახლოებით 95%. პლაზმიდან მისი ნახევრადგამოყოფის პერიოდი შეადგენს დაახლოებით 35-50სთ-ს, რაც შეესაბამება პრაპარატის მიღებას ერთხელ დღეში. ამლოდიპინი მეტაბოლიზირდება ღვიძლში არააქტიური მეტაბოლიტების წარმოქმნით. იგი გამოიყოფა ორგანიზმიდან შარდთან ერთად უცვლელი სახით (10%), მეტაბოლიტების სახით (60%) და განავალთან ერთად (20-25%).

ამლოდიპინი არ იწვევს რეფლექტორულ ტაქიკარდიასა და პოსტურალურ ჰიპოტენზიას. სტენოკარდიით დაავადებულ პაციენტებში ამლოკარდის ერთჯერადი სადღეღამისო დოზა ამცირებს გამოსაყენებელი ნიტროგლიცერინის ტაბლეტების რაოდენობას, სტენოკარდიული შეტევების სიხშირეს და ზრდის ფიზიკური დატვირთვის შესრულების ხანგრძლივობას. ამლოდიპინი თერაპიულ დოზებში ხასიათდება კარგი ამტანობით. იგი არ იწვევს არასასურველ ზემოქმედებას, როგორც გულ-სისხლძარღვთა სისტემის სხვა პრეპარატები.

ამლოდიპინი ნაჩვენებია არტერიული ჰიპერტენზიის სამკურნალოდ და პაციენტების უმრავლესობაში შესაძლებელია მისი გამოყენება მონოთერაპიის სახით. საჭიროების შემთხვევაში ჰიპერტენზიით დაავადებულ პაციენტებში გამოიყენება ამლოდიპინის კომბინაცია თიაზიდურ დიურეზულ საშუალებებთან, ბეტა-ადრენობლოკატორებთან ან ანგიოტენზინმაკონვერტირებელი ფერმენტის ინჰიბიტორებთან.

ამლოდიპინი ნაჩვენებია სტაბილური სტენოკარდიისა და ვაზოსპასტიური (პრინზმეტალის ან ვარიანტული) სტენოკარდის, აგრეთვე ვაზოსპაზმისა ან ვაზოკონსტრიქციის სამკურნალოდ.

ამლოდიპინი შეიძლება გამოყენებული იქნას იმ შემთხვევაშიც, როდესაც კლინიკური სურათი უფლებას გვაძლევს ვივარაუდოთ ვაზოსპაზმი, ვაზოკონსტრიქცია, მიუხედავად იმისა, რომ ასეთი სპაზმის არსებობა ზუსტად დადგენილი არ არის.

* ამლოდიპინი უკუნაჩვენებია დიჰიდროპირიდინის წარმოებულების მიმართ მომატებული მგრძნობელობისას.

- თირკმელების უკმარისობის შემთხვევაში არ აღინიშნება ამლოდიპინის ფარმაკოკინეტიკის მნიშვნელოვანი ცვლილებები.

- ამლოდიპინი სიფრთხილით ინიშნება პაციენტებში დარღვეული ღვიძლის ფუნქციით, რადგანაც ამ დროს იზრდება მისი ნახევრადგამოყოფის პერიოდი.

- ამლოდიპინი ხასიათდება კარგი ამტანობით როგორც ხანდაზმულ, ასევე ახალგაზრდა პაციენტებში.

- ხანდაზმულ პაციენტებში ამლოდიპინის დოზა არ უნდა აღემატებოდეს საშუალო რეკომენდებულს.

ორსულთა C კატეგორია.

ამლოდიპინის გამოყენების უსაფრთხოება ორსულებში დადგენილი არ არის, ამიტომ ორსულობის პერიოდში პრეპარატი გამოიყენება მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მისი მოქმედების პოტენციურ რისკს.

კლინიკური კვლევებით დადგინდა, რომ თერაპიულ დოზებში ამლოდიპინი ხასიათდება კარგი ამტანობით. აღნიშნული გვერდითი მოვლენები ატარებენ მსუბუქ და გარდამავალ ხასიათს. გვერდითი მოვლენების მიზეზით პრეპარატის მიღება შეწყვიტა პაციენტების 1,5%-მა, ხოლო შედეგი არ განსხვავდებოდა პლაცებოსაგან. გვერდითი მოვლენებიდან ყველაზე ხშირია თავის ტკივილი და შეშუპება.

პაციენტთა 1%-ზე ნაკლებს აღენიშნებოდა შემდეგი გვერდითი მოვლენები (მათი დამოკიდებულება პრეპარატის დოზაზე დადგენილი არ არის): თავის ტკივილი, დაღლილობა, გულისრევა, მუცლის ტკივილი, ძილიანობა. შეშუპება, სახის სიწითლე, პალპიტაცია (გულისცემის შეგრძნება), ძილიანობა უმეტესად აღენიშნებათ ქალებს.

პაციენტთა 0,1%-ზე მეტსა და 1%-ზე ნაკლებს აღენიშნებოდა შემდეგი გვერდითი მოვლენები (პრეპარატის მიღებასთან კავშირი დადგენილი არ არის): არითმიები (პარკუჭოვანი ტაქიკარდიისა და წინაგულების ციმციმის ჩათვლით), ბრადიკარდია, ტკივილი გულმკერდის არეში, ჰიპოტენზია, პერიფერიული იშემია, გონების დაბინდვა, ტაქიკარდია, პოსტურალური თავბრუსხვევა და ჰიპოტენზია, სისხლძარღვთა ანთება, ჰიპოსთეზია, პერიფერიული ნეიროპათია, პარესთეზია, ტრემორი, თავბრუსხვევა, ანორექსია, ყაბზობა, დისპეფსია, ყლაპვის გაძნელება, დიარეა, შებერილობა, პანკრეატიტი, ღებინება, ღრძილების ჰიპერპლაზია, ალერგიული რეაქციები, ასთენია, უეცარი ტემპერატურული რეაქცია EMP, სისუსტე, ტკივილები, სხეულის წონის მომატება, ართრალგია, ართროზი, კუნთების კრუნჩხვები, მიალგია, სქესობრივი დისფუნქცია, უძილობა, გაღიზიანება, დეპრესია, ღამის კოშმარები,  შიშის შეგრძნება, ქოშინი, სისხლდენა ცხვირიდან, ანგიონევროზული შეშუპება, გამონაყარი, მხედველობითი ფუნქციის დარღვევა, კონიუქტივიტი, თვალის ტკივილი, ხმაური ყურებში, შარდის შეუკავებლობა, ნიქტურია, პირის სიმშრალე, მომატებული ოფლიანობა, ჰიპერგლიკემია, დეჰიდრატაცია, ლეიკოპენია, თრომბოციტოპენია.

პაციენტთა 0,1%-ზე ნაკლებს აღენიშნებოდა შემდეგი გვერდითი მოვლენები: გულის უკმარისობა, გულის რიტმის დარღვევა, ექსტრასისტოლები, კანის პიგმენტაციის ცვლილებები, ჭინჭრის ციება, კანის სიმშრალე, ალოპეცია, დერმატიტი, კუნთების ატროფია, ნერვული ტიკები, კოორდინაციის დარღვევა, ჰიპერტონია, შაკიკი, აპათია, ამნეზია, გასტრიტი, მომატებული მადა, ფაღარათი, ხველება, რინიტი, დიზურია, პოლიურია, გემოვნებითი და ყნოსვითი შეგრძნებების დარღვევა, აკომოდაციის დარღვევა, ქსეროფთალმია. ამლოდიპინით მკურნალობისას ლაბორატორიული კვლევის მაჩვენებლები არ იცვლება. ცვლილებები არ აღინიშნება აგრეთვე შემდეგ მაჩვენებლებში: კალიუმისა და გლუკოზის დონე სისხლში, საერთო ქოლესტერინი, შარდმჟავა, შარდოვანას აზოტი, კრეატინინი.

ამლოდიპინი ფართოდ გამოიყენება ფილტვების ქრონიკული ობსტრუქციული დაავადებების, გულის უკმარისობის, პერიფერიული სისხლძარღვების დაავადებების, შაქრიანი დიაბეტისა და დარღვეული ლიპიდური პროფილის არსებობისას.

ამლოდიპინისა და დიგოქსინის ერთდროული გამოყენებისას არ იცვლება დიგოქსინის დონე სისხლის პლაზმაში და მისი თირკმლისმიერი კლირენსი.

უსაფრთხოა ამლოდიპინის ერთდროული მიღება თიაზიდურ დიურეზულ საშუალებებთან, ბეტა-ადრენობლოკატორებთან, ანგიოტენზინმაკონვერტირებელი ფერმენტის ინჰიბიტორებთან, ნიტროგლიცერინთან, ციმეტიდინთან, არასტეროიდულ ანთების საწინააღმდეგო საშუალებებთან, ანტიბიოტიკებთან და პერორალურ ჰიპოგლიკემიურ პრეპარატებთან ერთად.

არტერიული ჰიპერტენზიისა და სტენოკარდიის დროს, ჩვეულებრივ, ამლოდიპინის საწყისი დოზა შეადგენს 5მგ-ს ერთხელ დღეში. შესაძლებელია ამ დოზის მაქსიმალურ 10მგ-მდე გაზრდა პაციენტის ინდივიდუალური რეაქციის მიხედვით. პრეპარატის დოზის კორექცია საჭირო არ არის ამლოდიპინისა და თიაზიდური დიურეზული საშუალებების, ბეტა-ადრენობლოკატორების და ანგიოტენზინმაკონვერტირებელი ფერმენტის ინჰიბიტორების ერთდროული მიღებისას.

არსებული მონაცემების მიხედვით შეიძლება ვივარაუდოთ, რომ მნიშვნელოვანი დოზის გადაჭარბება გამოიწვევს პერიფერიულ ვაზოდილატაციასა და არტერიული წნევის ხანგრძლივ დაქვეითებას. ამლოკარდის ჭარბი დოზირებით გამოწვეული გამოხატული ჰიპოტენზია საჭიროებს აქტიური ღონისძიებების ჩატარებას, რომლებიც მიმართულია გულ-სისხლძარღვთა სისტემის ფუნქციის შესანარჩუნებლად, და მოიცავს გულისა და ფილტვების ფუნქციის, ცირკულირებადი სისხლის მოცულობისა და დიურეზის მონიტორინგს. სისხლძარღვთა ტონუსისა და არტერიული წნევის აღსადგენათ შესაძლოა სასარგებლო იყოს სისხლძარღვთა შემავიწროვებელი პრეპარატის გამოყენება უკუჩვენებების არარსებობის შემთხვევაში. ჭარბი დოზირებისას ჰემოდიალიზის ეფექტურობა ნაკლებად სავარაუდოა, რადგანაც ამლოდიპინი მნიშვნელოვნად უკავშირდება პლაზმის ცილებს.

პრეპარატი ინახება ოთახის ტემპერატურაზე 25°C-მდე.

-შეინახეთ ბავშვებისაგან დაცულ ადგილას.

საერთაშორისო დასახელება:

AMLODIPINE

მწარმოებელი: PLETHICO PHARMACEUTICALS, ინდოეთი

მოქმედი ნივთიერება: ამლოდიპინი

კლინიკურ-ფარმაკოლოგიური ჯგუფი:

კალციუმის ნელი არხების ბლოკატორ

გამოშვების ფორმა:

ტაბლეტები: შეფუთვაში 10 ც.

1 ტაბ.

ამლოდიპინის ბეზილატი ......... 5 მგ

ფარმაკოლოგიური თვისებები:

პრეპარატი წარმოადგენს კალციუმის ნელი არხების ბლოკატორს. მისი ჰიპოტენზიური ეფექტი განპირობებულია პირდაპირი მოქმედებით სისხლძარღვების გლუვ კუნთებზე. ამლოდიპინის ანტიანგინალურ ეფექტს საფუძვლად უდევს მისი უნარი გააფართოვოს პერიფერიული არტერიოლები, რის შედეგადაც ადგილი აქვს მიოკარდიუმის მოთხოვნილების შემცირებას ჟანგბადზე.

ამავე დროს, ამლოდიპინი იწვევს მსხვილი ყალიბის კორონარული არტერიების და კორონარული არტერიოლების გაფართოვებას, მიოკარდიუმის როგორც ინტაქტურ, ასევე იშემიურ უბნებში. ეს გარემოება განაპირობებს ჟანგბადის ადექვატურ მიწოდებას მიოკარდიუმში კორონარული არტერიების სპაზმის დროს.

ფარმაკოკინეტიკა:

პრეპარატი პერორალური მიღებისას განიცდის სრულ აბსორბციას კუჭ-ნაწლავის ტრაქტიდან. მაქსიმალური კონცენტრაცია სისხლის პლაზმაში აღინიშნება მისი მიღებიდან 6-12 საათის შემდეგ. მეტაბოლიზმი ხორციელდება ღვიძლში. მიღებული დოზის 60% გამოიყოფა თირკმელებით მეტაბოლიტების სახით.

ჩვენებები:

• არტერიული ჰიპერტონია;
• სტაბილური სტენოკარგია;
• არასტაბილური სტენოკარდია (ასევე პრინცმეტალის სტენოკარდია).

მიღების წესები და დოზირება:

პრეპარატის საწყისი დოზაა  5 მგ ერთხელ დღეში. იგი ავადმყოფის ინდივიდუალურ რეაქციასთან დაკავშირებით შეიძლება გაიზარდოს 10 მგ-მდე.

გვერდითი მოვლენები:

გულისრევა, ღებინება, თავბრუსხვევა, თავის ტკივილი, აგზნება, ძილიანობა, დაღლილობის შეგრძნება, შეშუპება, ტაქიკარდია, ჰიპერემია.

უკუჩვენებები:

• მომატებული მგრძნობელობა პრეპარატის მიმართ;
• ბავშვები.

ორსულობა და ლაქტაცია:

ამლოდიპინის გამოყენების უსაფრთხოება ორსულობის და ლაქტაციის პერიოდში არ არის დადგენილი.

განსაკუთრებული მითითებები:

საჭიროა პრეპარატის სიფრთხილით დანიშვნა ავადმყოფებში ღვიძლის უკმარისობის დროს.

შენახვის პირობები და ვადა:

პრეპარატი ინახება არა უმეტეს 25 ⁰ C ტემპერატურაზე.

ვარგისიანობის ვადა: 5 წელი