ამიოდარონი – AMIODARONE – АМИОДАРОН

ფარმაკოლოგიური თვისებები

ანტიარითმიული და ანტიანგინალური საშუალება.

ამიოდარონის ანტიარითმიული მოქმედება განპირობებულია მისი უნარით გამოიწვიოს რიგი ცვლილებები გულის კუნთში, როგორიცაა მიოკარდიოციტებში მოქმედების პოტენციალისა და, შესაბამისად, ეფექტური რეფრაქტერული პერიოდის გახანგრძლივება წინაგულებში, პარკუჭებში, ატრიო-ვენტრიკულურ კვანძში. ჰისი კონასა და პურკინეს ბოჭკოებში. აღნიშნულ მოვლენებს მოყვება სინუსური კვანძის ავტომატიზმის დაქვეითება, ატრიოვენტრიკული გამტარებლობის შენელება, კარდიომიოციტების აგზნებადობის დაქვეითება, გულის შეკუმშვათა სიხშირის შემცირება და, შესაბამისად, ჟანგბადზე მოთხოვნილების დაქვეითებაც.

ამიოდარონის გავლენით მცირდება წინაღობა გვირგვინოვან არტერიებში და კორონარული სისხლის მიმოქცევა უმჯობესდება;

სისტემურ არტერიულ წნევაში მნიშვნელოვან ცვლილებას არ იწვევს.

ჩვენებები

რიტმის პაროქსიზმული (შეტევითი) დარღვევის მკურნალობა და პროფილაქტიკა (სუპრავენტრიკულური ტაქიკარდია WPW სინდრომის ჩათვლით; პარკუჭოვანი ტაქიკარდია, წინაგულების თრთოლა, სინუსური ტაქიკარდია);
ესქსტრასისტოლიები (სუპრავენტრიკულური და პარკუჭოვანი);
სტენოკარდიული შეტევების პროფილაქტიკა.

დოზირების რეჟიმი

პერორალური ერთჯერადი დოზა 200 მგ-ია; მკურნალობის სქემა და ხანგრძლივობა ინდივიდუალურად დგინდება. ვენაში შესაყვანი დოზა (ნაკადური ან წვეთოვანი) დღეღამეში 10-20 მგ/კგ შეადგენს (დღეღამეში 1.2 გ-მდე), გადასხმის სიხშირე ინდივიდუალურად დგინდება.

ბავშვებში საწყისი სადღეღამისო დოზაა 8-10 მგ/კგ.

გვერდითი მოვლენები

გულისრევა, სიმძიმის შეგრძნება ეპიგასტრიუმში, ბრადიკარდია, შეფერხება ატრიო-ვენტრიკულურ გამტარებლობაში, კანზე ალერგიული რეაქციები, უვეიტი, ფოტოსენსიბილიზაცია;

ხანგრძლივი მიღების შემთხვევაში. იშვიათად, ფარისებრი ჯირკვლის ფუნქციაში გადახრები შეიძლება გამოვლინდეს (ჰიპოთირეოზი, ჰიპერთირეოზი);

მოსალოდნელია აგრეთვე პერიფერიული ნეიროპათიები, პნევმონიტი, ალვეოლიტი, კანის პიგმენტაცია, რქოვანაში მოყვითალო ცხიმოვანი გროვების გაჩენა, დარღვევები ღვიძლის ფუნქციებში.

პარენტერალური მიღების შემთხვევაში (ვენაში შეყვანა) მოსალოდნელია აგრეთვე სიმხურვალის შეგრძნება, ოფლიანობა, არტერიული ჰიპოტენზია, არითმოგენური ეფექტი, ბრონქოსპაზმი, აპნოე (მძიმე სუნთქვითი უკმარისობის პირობებში), ქალასშიდა წნევის მატება; ადგილობრივად – ფლებიტი.

უკუჩვენებები

სინუსური ბრადიკარდია, სუსტი სინუსური კვანძის სინდრომი, სინოატრიალური ბლოკადა, ატრიოვენტრიკულური ბლოკადა, ჰიპოთირეოზი, ჰიპერთირეოზი, გამოხატული არტერიული ჰიპოტენზია. კოლაფსი, შოკი, ლაქტაცია (ძუძუთი კვება), ჭარბი მგრძნობელობა ამიოდარონისა და იოდისადმი.

განსაკუთრებული მითითებები

პარენტერალური გამოყენება მხოლოდ სტაციონარულ სპეცილიზირებულ განყოფილებებშია დასაშვები, ვინაიდან აუცილებელია არტერიული წნევის, გულის შეკუმშვათა სიხშირისა და ელექტროკარდიოგრამის სისტემატური გაკონტროლება.

ხანგრძლივი მკურნალობის პირობებში აუცილებელია ფარისებრი ჯირკვლის ფუნქციის სისტემატური შემოწმება, ოკულისტის კონსულტაცია და ფილტვების რენტგენოლოგიური გამოკვლევა.

ორსულობის დროს ამიოდარონის გამოყენება მხოლოდ სასიცოცხლო ჩვენებებითა გამართლებული. ამიოდარონის გამოყენება ქინიდინთან, ბეტა-ადრენობლოკატორებთან, კალციუმის არხების ბლოკატორებთან, დიგოქსინთან, ვარფარინთან, კუმრინთან, დოქსეპინთან ერთდროულად დაუშვებელია.

იხთიოლის მალამო 20% 25გ ტუბ

იხთიოლის მალამო 20% 25გ

მოქმედი ნივთიერება:

Ammonium sulfoichthyolicum

სამკურნალო თვისებები:

ახდენს ანთების საწინააღმდეგო ადგილობრივ გამაუტკივარებელ, კერატოპლასტიურ (უზრუნველყოფს ეპითელიზაციას, ქსოვილის რეგენერაციას) და რამდენადმე ანტისეპტიურ მოქმედებას, დიდი კონცენტრაციით – კერატოლიტურ მოქმედებას.

შემადგენლობა და გამოშვების ფორმა:

გამოდის:

იხთიოლის მალამოს 10% და 20% სახით 25 გ;

1,0 და 2,0% იხთიოლის ხსნარის სახით;

იხთიოლის 0,2გ რექტალური სანთლების სახით.

იხთიოლი მნიშვნელოვანი რაოდენობით შეიცავს ორგანულად დაკავშირებულ გოგირდს თიოფენის ჰომოლოგის სახით.

ჩვენებები:

იხთიოლი გამოიყენება ადგილობრივად:

კანის სხვადასხვა დაავადებების სამკურნალოდ (ფურუნკულოზი, დამწვრობა, ეგზემა, ფსორიაზი, წითელი ქარისმიერი ანთება და სხვა). იხთიოლი ინიშნება 5–30% იხთიოლის მმალამოს ან აბაზანების სახით (10–30% წყალ–სპირტიანი ხსნარი);
მცირე მენჯის ორგანოების ანთებითი დაავადებების დროს (პარამეტრიტი, მეტრიტი, სალპინგიტი, ოოფორიტი, პროსტატი) გამოიყენება იხთიოლის სანთლები (0,1–0,2გ) და ტამპონები, 10% იხთიოლის ხსნარში დასველებული.

გამოყენების წესები:

იხთიოლი გამოიყენება 10–20% იხთიოლის მალამოს, 10–30% წყლიან–სპირტიანი ხსნარის აბაზანებისთვის, სანთელი და 10% იხთიოლის ხსნარი გლიცერინით ტამპონების დასასველებლად ან როგორც დამატება გათქვეფილ მიქსტურაზე.

სანთლები იხთიოლით – ანთების საწინააღმდეგო საშუალება ადგილობრივი გამოყენებისათვის, ინიშნება მცირე მენჯის ორგანოების ანთებითი დაავადებების დროს.

1–5% გათქვეფილი ნარევი იხთიოლით კარგად აწყნარებს ზედაპირილ ანთებით პროცესს და ამცირებს სუბიექტურ უსიამოვნო შეგრძნებას.

მალამო იხთიოლით გამოიყენება სტაციონარულ პირობებში , როგორც რედუციული საშუალება და ფსორიაზის რეგრესიულ სტადიაში. მალამო იწვევს კანის სისხლძარღვების რეფლექტორულ გაფართოებას. წარმოქმნილი აქტიური ჰიპერემია განაპირობებს ინფილტრატის გაწოვას და ამით ქრონიკული ანთბითი პროცესის ჩაცხრომას.

1–2% იხთიოლის წყლიანი ხსნარი გამოიყენება აბაზანების სახით სხვადასვა დერმატოზების, მწვავე ეგზემის, და სხვა დაზიანებების დროს. 1% იხთიოლის წყლიანი ხსნარი გამოიყენება ელექტროფორეზისთვის ქრონიკული ინფილტრატების სწრაფი გაწოვისთვის, ჰიპერტროფიული ნაწიბურებისთვის.

უფრო მაღალ კონცენტრაციებში (10% და მეტი) იხთიოლის პრეპარატები მოქმედებენ კერატოლიტურად, უზრუნველყოფს გარქოვანებული შრის დარბილებას და მოშორებას.

იხთიოლი სუფთა სახით გამოიყენება ფურუნკულოზის მკურნალობისთვის.

ორსულობა და ლაქტაცია:

არ არის მონაცემები.

განსაკუთრებული მითითებები:

იხთიოლის გამოყენებისას გასათვალისწინებელია, რომ მის ხსნარებთან შეუთავსებელია ალკალოიდები, მძიმე მეტალების მარილები და იოდის შემცველი მარილები.

შენახვის პირობები:

ინახება გრილ ადგილზე.

სინურინი 10მლ ცხვ/წვეთი

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ამინოფილინი – AMINOPHYLLINE – АМИНОФИЛЛИН

ჩვენებები

ბრონქული ასთმის, ბრონქიტის, ასთმური სტატუსის, ფილტვის ემფიზემის დროს განვითარებული ბრონქოობსტრუქციული სინდრომის კუპირება;
ფილტვისმიერი გულის, სუნთქვის ცენტრის ფუნქციის და თავის ტვინის სისხლმომარაგების (კომბინირებული თერაპიის შემადგენლობაში) და სისხლმიმოქცევის დარღვევის, კარდიული ან რენული გენეზის შეშუპების დროს (კომბინირებული თერაპიის შემადგენლობაში).

დოზირების რეჟიმი

– მოზრდილებში ამინონოფილინი შიგნით მისაღებად ინიშნება 150 მგ 1-3-ჯერ დღეში, ჭამის შემდეგ.

– ბავშვებში სადღეღამისო დოზა შეადგენს 7-10 მგ/კგ სხეულის წონაზე, განაწილებული 4 მიღებაზე. მკურნალობის ხანგრძლივობა განისაზღვრება დაავადების მიმდინარეობისა და პრეპარატისადმი მგრძნობელობის გათვალისწინებით და შეადგენს რამდენიმე დღიდან რამდენიმე თვემდე.

– მოზრდილებში ამინოფილინის მაქსიმალური ერთჯერადი დოზაა 0.5 გ, სადღეღამისო – 1.5 გ.

– ბავშვებში მაქსიმალური ერთჯერადი დოზაა 7 მგ/კგ, სადღეღამისო – 15 მგ/კგ.

გვერდითი მოვლენები

ამინოფილინის შიგნით მიღებისას (განსაკუთრებით უზმოზე) შესაძლებელია განვითარდეს გულისრევა, ღებინება, დისპეფსიური მოვლენები. ეთილენდიამინისადმი მაღალი მგრძნობელობის შემთხვევაში მოსალოდნელია ექსფოლაციური დერმატიტისა და ცხელების განვითარება.

უკუჩვენებები

* გულის მწვავე უკმარისობა, სტენოკარდია, გულის რითმის დარღვევა, ღვიძლისა და თირკმელების ფუნქციის მნიშვნელოვანი დარღვევები, ეპილეფსია, პრეპარატის კომპონენტებისადმი მაღალი მგრძნობელობა.

განსაკუთრებული მითითებები

პრეპარატი სიფრთხილით ინიშნება ანტიკოაგულანტებთან, თეოფილინთან და პურინის წარმოებულებთან კომბინაციაში. მკურნალობის პერიოდში აკრძალულია ქსანტინის შემცველი ნივთიერებების (ჩაი, ყავა) მიღება.

ლარიფანი 0.02 % სპრეი

ლარიფანი 0.02 % სპრეი

შემადგენლობა:

აქტიური ნივთიერება: ლარიფანი – ორსპირალური რიბონუკლეინის მჟავა (dsRNA) ლიოფილიზირებული, 2 მგ შეფუთვაში.

სხვა ნივთიერებები: 0.9% ნატრიუმის ქლორიდი.

ფარმაკოლოგიური ჯგუფი:

ანტივირუსული საშუალება, იმუნომოდულატორი

თთქ კოდი: J05AX

ფარმაკოლოგიური მოქმედება:

„LARIFAN SPRAY 0.02%” -ის აქტიური ნივთიერებას წარმოადგენს ბუნებრივი წარმოშობის ორსპილარური რიბონუკლეინის მჟავა – ორსპ.რნმ-ი ლარიფანი. ლარიფანს გააჩნია ფარმაკოლოგიური მოქმედების ფართო სპექტრი – ანტივირუსული, იმუნომაკორეგირებელი, ანთების საწინააღმდეგო. წარმოადგენს რა ინტერფერონის აქტიურ ინდუქტორს ლარიფანს გააჩნია ანტივირუსული მოქმედების ფართო სპექტრი.

ეფექტურია ჰერპესის, პაპილომა, რესპირატორული (მათ შორის გრიპი) და სხვა ვირუსების მიმართ. ლარიფანის ძირითადი ფუნქციაა იმუნომოდულაციური მოქმედების საშუალებით ორგანიზმის ბუნებრივი დაცვითი ძალების მობილიზაცია. ანთების საწინააღმდეგო მოქმედებას უზრუნელყოფს ნეიტროფილების ფუნქციონალური აქტივობის გაძლიერება და ფაგოციტოზის აქტივაცია.

აძლიერებს რა პირის ღრუსა და ზედა სასუნთქი გზების ლორწოვანი გარსის ბუნებრივ დაცვით ძალებს, „LARIFAN SPRAY 0.02%” ამცირებს პირის ღრუსა და ზედა სასუნთქი გზების გავლით ინფექციის გამომწვევი ვირუსების ორგანიზმში მოხვედრის რისკს.

ჩვენება:

გამოიყენება რესპირატორული ვირუსული ინფექციების (მათ შორის გრიპის), პრედეპიდემიურ და ეპიდემიურ პერიოდებში დაავადების რისკის შესამცირებლად.

განსაკუთრებით რეკომენდებულია იმ ადამანებისთვის, რომელთაც აქვთ ავადმყოფებთან კონტაქტი.

რეკომენდებულია პირის ღრუსა და ზედა სასუნთქი გზების ლორწოვანი გარსის ანთებისას (სხვადასხვა წარმოშობის სტომატიტებისას, სურდოს დროს, ყელის ტკივილისას).

უკუჩვენება:

მაღალი მგრძნობელობა პრეპარატის შემადგენელი კომპონენტებისადმი.

გვერდითი მოვლენები:

არასასურველი გვერდითი მოვლენები გამოვლენილი არ არის.

ორსულობისა და ლაქტაციის პერიოდებში გამოყენება:

ექიმის დანიშნულებით.

განსაკუთრებულული მითითებები:

აქტიური ნივთიერება ლარიფანი ექვემდებარება ლიოფილურ გამოშრობას, რის შედეგადაც იღებს მცირედი ნალექის ფორმას ბოთლის ფსკერზე. 0,9% NaCl-ის ხსნარი განკუთვნილია გამოყენებამდე ბოთლში არსებული აქტიური ნივთიერების გაზავებისათვის. გახსენით პლსტმასის კაფსულა და შიგთავსი გადაღვარეთ შუშის ბოთლში.

მიღების წესი და დოზირება:

ჯანმრთელ ადამიანებში რესპირატორული ვირუსული ინფექციების პროფილაქტიკისათვის „LARIFAN SPRAY 0.02%”-ის ბოთლის გაზავებული შიგთვსი ღრმად შევისხუროთ პირის ღრუში და/ან ცხვირში 1 – 2-ჯერ დღეში, ავადმყოფებთან კონტაქტური პირებისთვის – 3 – 5-ჯერ დღეში. დაავადების პირველივე სიმპტომებისას – ხველა, დახშული სასუნთქი გზები, სურდო, ჩახლეჩილი ხმა, – შესხურება უნდა ვაწარმოოთ 3 – 5-ჯერ დღეში 2 – 4 დღის განმავლობაში.

პირის ღრუსა და ყელის ანთებისა და ტკივილისას 3 – 5-ჯერ დღეში.

ანტივირუსული დაცვის უზრუნველსაყოფად დღე-ღამური დოზა არ უნდა აღემატებოდეს 0,6 – 1,0 მგ. აქტიურ ნივთიერებას, რაც შეეფარდება გაზავებული შუშის ბოთლის შიგთავსის 1/3-იდან 1/2-მდე.

დოზის გადაჭარბება:

დოზის გადაჭარბების კლინიკური შემთხვევები არ გამოვლენილა.

სხვა სამკურნალო საშუალებებთან ურთიერთმოქმედება:

თვალსაჩინო ურთიერთმოქმედებები სხვა სამკურნალო საშუალებებთან არ გამოვლენილა.

გამოშვების ფორმა და შემადგენლობა:

„LARIFAN SPRAY 0.02%”-ის კომპლექტში შესულია აეროზოლის ბოთლი გამაფრქვეველით და კაფსულა, რომელიც შეიცავს 0,9% NaCl-ს.

ვარგისიანობის ვადა:

„LARIFAN SPRAY 0.02%”-ის ვარგისიანობის ვადაა 3 წელი.

არ გამოიყენოთ პრეპარატი ვარგისობის ვადის გასვლის შემდეგ.

შენახვის პირობები:

ლიოფილურად გამომშრალი (გაუზავებელი) ლარიფანი ინახება ოთახის ტემპერატურაზე. გაზავების შემდგომ შეინახეთ მაცივარში +2°C – +8°C ტემპერატურაზე 3-4 დღის განმავლობაში. უფრო ხანგრძლივმა შენახვამ ამ ტემპერატურაზე შეიძლება გამოიწვიოს აქტიურობის შემცირება. გამოუყენებელი ხსნარი შესაძლებელია გაიყინოს და ინახებოდეს -18 °C ტემპერატურაზე ხანგრძლივი პერიოდით -ვარგისობის ვადის გასვლამდე.

ინახება გრილ და ბავშვებისთვის ხელმიუწვდომელ ადგილზე

აფთიაქებიდან გაცემის პირობები:

ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.

სადეზინ.ხს-სტერილიუმი 1000მლ

იხილეთ ვრცლად

ამინოსტერილი – AMINOSTERIL – АМИНОСТЕРИЛ

მწარმოებელი: FRESENIUS KABI, გერმანია

კლინიკურ-ფარმაკოლოგიური ჯგუფი:

პრეპარატი პარენტერული კვებისათვის.

შემადგენლობა და გამოშვების ფორმა:

საინფუზიო ხსნარი 10%: ფლაკონში 500 მლ და 1000 მლ

1 ლ

L-ლეიცინი ………………….	7.06 გ
L-იზოლეიცინი …………….	4.67 გ
L-ლიზინ- მონოჰიდროქლორიდი ……..	7.46 გ
(L-ლიზინი ………………….	5.97)
L-მეთიონინი ……………….	4.1 გ
L-ფენილალანინი ……………	4.82გ
L-ტრეონინი ………………..	4.21 გ
L-ტრიპტოფანი ……………..	1.82 გ
L-ვალინი ……………………	5.92 გ
L-არგინინი ………………….	10.64 გ
L-ჰისტიდინი ……………….	2.88 გ
L-ამინოძმარმჟავა ……………	15.95 გ
L-ალანინი …………………..	15 გ
L-ვაშლის მჟავა ……………..	8.08 გ
L-ნატრიუმის ჰიდროჟანგი ….	1.2 გ
L-კალიუმის ქლორიდი …….	0.683 გ
L-კალიუმის ჰიდროჟანგი 85% ………….	0.716 გ
მაგნიუმის ქლორიდი 6H₂O …………..	1.017 გ
L-პროლინი …………………	15 გ

ელექტროლიტები გადათვლით შეადგენენ:

ნატრიუმი – 30.0 მმოლ/ლ (0.69 გ);

კალიუმი – 20.0 მმოლ/ლ (0.78 გ);

მაგნიუმი – 5.0 მმოლ/ლ (0.12 გ);

ქლორი – 60.0 მმოლ/ლ (2.13 გ);

აზოტის საერთო რაოდენობაა 16 გ/ლ;

თეორიული ოსმოლარობა შეადგენს 1048 მილიოსმ/ლ. ხსნარი არ შეიცავს ნახშირწყლებს.

ფარმაკოლოგიური თვისებები:

პრეპარატის მოქმედება დამყარებულია ოპტიმალური შეფარდებით შერჩეული L-ამინომჟავების სწრაფ ჩართვაზე ცილოვან ცვლაში, რაც იწვევს აზოტის ბალანსის სწრაფ აღდგენას.

ჩვენებები:

პარენტერული მკურნალობა ცილების დეფიციტის დროს; არასაკმარისი კვება ან შიმშილი ოპერაციამდე და ოპერაციის შემდეგ, სისხლის დაკრგვა ოპერაციის ან ტრავმის დროს, მძიმე ხასიათის დაავადებები, დამწვრობა. ნახშირწყლოვან ხსნარებთან და ცხიმოვან ემულსიებთან ერთად პრეპარატი ნაჩვენებია პარენტერული მკურნალობისათვის.

მიღების წესები და დოზირება:

პრეპარატი გამოიყენება ინტრავენურად. რეკომენდებულია შემდეგი დოზები: 1.3 მლ 1 კგ სხეულის წონაზე საათში, ან 25-30 წვეთი ერთ წუთში 70 კგ სხეულის წონაზე. მაქსიმალური დოზაა: 1000 მლ-მდე დღეში 70 კგ სხეულის წონაზე, რომელიც აზოტზე გადათვლით შეადგენს 16 გ. რეკომენდებულია ნახშირწყლოვანი ხსნარის წინასწარი ან ერთდროული გამოყენება იმავე სისწრაფით (მაგალითად, გლუკოსტერილი 20%). ამავე დროს, გათვალისწინებული უნდა იქნას ოსმოლარობა.

გვერდითი მოვლენები:

გვერდითი მოვლენები სწორი გამოყენების დროს არ აღინიშნება.

უკუჩვენებები:

ამინომჟავების ცვლის დარღვევა, ჰიპერკალიემია, თირკმელების უკმარისობა, გულის უკმარისობა.

შენახვის პირობები და ვადა:

პრეპარატი ინახება არა უმეტეს 25⁰C ტემპერატურაზე, სინათლისა და ბავშვებისგან დაცულ ადგილას.