იოდის სპირტხსნარი 5% 100მლ ფლ

~~5.57 ლარი~~
5.24 ლარი

ქვეყანა: უკრაინა

მწარმოებელი: ფიტოფარმი

ჯენერიკი:
Iodine

გაცემის ფორმა: III ჯგუფი ურეცეპტო

გრიპფერონი 10მლ ცხ.წვეთები

~~24.00 ლარი~~
22.56 ლარი

ქვეყანა: რუსეთი

მწარმოებელი: ფირნ-მ

გაცემის ფორმა: III ჯგუფი ურეცეპტო

ალფენი – ALPHEN – АЛЬФЕН

საერთაშორისო სახელწოდება:

ALENDRONATE NATRII

მწარმოებელი: ფარმაკოინდუსტრიული სავაჭრო კომპანია სანოველი

შემადგენლობა და გამოშვების ფორმა:

1 ტაბლეტი შეიცავს:

ნატრიუმის ალენდრონატის ტრიჰიდრატი ………. 91,35 მგ

რაც შეესაბამება ალენდრონატის მჟავას …………… 70 მგ

ფარმაკოდინამიკა:

ნატრიუმის ალენდრონატი მიეკუთვნება ბიფოსფონატების ჯგუფს. ძვლის ქსოვილში იგი უკავშირდება ჰიდროქსიაპატიტს, რის შემდეგადაც ეფექტურად და სპეციფიკურად აინჰიბირებს ოსტეოკლასტებით გამოწვეულ ძვლის რეზორბციას. თრგუნავს ოსტეოკლასტების აქტივობას, რომლებიც ახორციელებენ ძვლის ქსოვილის რეზორბციას.

პოსტმენოპაუზური ოსტეოპოროზი: ოსტეოპოროზი ხასიათდება ძვლის ქსოვილის სიმკვრივის დაქვეითებით, რაც ზრდის მოტეხილობების განვითარების რისკს. ვითარდება როგორც ქალებში, ასევე მამაკაცებში. უფრო ხშირად აღენიშნებათ ქალებს პოსტმენოპაუზურ პერიოდში. ამ დროს კუნთოვანი ქსოვილის რეზორბციის სიჩქარე სჭარბობს ძვლის ქსოვილის ფორმირების სიჩქარეს. ეს ცვლილებები განაპირობებენ ძვლოვანი ქსოვილის პროგრესირებად შემცირებას და იწვევენ ოსტეოპოროზის განვითარებას 50 წლის ზემოთ ასაკის ქალთა უმეტესობაში. ყველაზე ხშირად აღინიშნება ბარძაყის ძვლის, ხერხემლის მალების, მტევნის მოტეხილობები. 50 – 90 წლის ასაკის ქალებში ბარძაყის ძვლის მოტეხილობათა რისკი იზრდება 50-ჯერ, ხერხემლის მალების – 15-30-ჯერ. 50 წლის ზემოთ ასაკის ქალთა დაახლოებით 40%-ს ოსტეოპოროზის მიზეზით აღენიშნებათ ბარძაყის ძვლის, ხერხემლის მალების ან მტევნის მოტეხილობები (ერთ მოტეხილობაზე მეტი). პოსტმენოპაუზურ პერიოდში პაციენტებში ალენდრონატის პერორალურ მიღებას (6კვირის განმავლობაში 5,20 და 40მგ დღეში ერთხელ) მივყავართ ძვლის რეზორბციის ინჰიბირების პროცესის ბიოქიმიურ, დოზადამოკიდებულ ცვლილებებთან, შარდში კალციუმისა და ძვლის ქსოვილის კოლაგენის დანაკარგის მაჩვენებლების ჩათვლით (როგორებიცაა დეოქსიპირიდინოლინი და კოლაგენ I-ის ჯვარედინ-შეკავშირებული NN-ტელოპეპტიდები). ეს ბიოქიმიური ცვლილებები უბრუნდებიან პირველად მაჩვენებლებს ალენდრონატის მიღების შეწყვეტიდან 3 კვირის განმავლობაში და 7 თვის შემდეგ არ განსხვავდებიან პლაცებოს მაჩვენებლებისაგან.

ოსტეოპოროზი მამაკაცებში: მამაკაცებში ოსტეოპოროზის მკურნალობამ ალენდრონატით (10მგ დღე-ღამეში) 2 წლის განმავლობაში დააქვეითა კოლაგენ I-ის ჯვარედინ-შეკავშირებული N-ტელოპეპტიდების შარდით გამოყოფა 60%-ით, ხოლო ძვლის შემადგენლობაში მყოფი ალკალინ-ფოსფატაზის გამოყოფა– 40%-ით.

ფარმაკოკინეტიკა:

შეწოვა: ალენდრონატის ბიოშეღწევადობა ქალებში პერორალური მიღებისას უზმოზე, სტანდარტულ საუზმემდე არა უგვიანეს 2 საათისა, დოზით 5 – 70 მგ შეადგენს 0,64%-ს (რეკომენდებულ ინტრავენურ დოზასთან შედარებით). ალენდრონატის ბიოშეღწევადობა მამაკაცებში (0,59%) მსგავსია ბიოშეღწევადობისა ქალებში.

ალენდრონატის მიღება უზმოზე, სტანდარტულ საუზმემდე 0,5-1 საათით ადრე აქვეითებს ალენდრონატის ბიოშეღწევადობას წინა მაჩვენებელთან შედარებით 40%-ით.

ოსტეოპოროზით დაავადებული პაციენტების გამოკვლევისას ალენდრონატი იყო უფრო ეფექტური, თუ მისი მიღება ხდებოდა უზმოზე სტანდარტულ საუზმემდე არა უგვიანეს 30 წუთისა. ალენდრონატის ბიოშეღწევადობა უმნიშვნელოა მისი მიღებისას საკვებთან ერთად ან საკვების მიღებიდან 2 საათის განმავლობაში. ალენდრონატის მიღება ყავასთან ან ფორთოხლის წვენთან ერთად აქვეითებს მის ბიოშეღწევადობას დაახლოებით 60%-ით.

განაწილება: ალენდრონატის განაწილების მოცულობა ადამიანის ორგანიზმში (ძვლის ქსოვილის გამოკლებით) შეადგენს დაახლოებით 28ლ-ს. პლაზმის ცილებთან შეკავშირების ხარისხი შეადგენს დაახლოებით 78%-ს.

მეტაბოლიზმი: მონაცემები ადამიანის ორგანიზმში ალენდრონატის მეტაბოლიზირების შესახებ არ არსებობს.

გამოყოფა: ალენდრონატის ერთჯერადი ინტრავენური მიღებისას, ნიშანდებული პრეპარატის დაახლოებით 50% გამოიყოფა შარდთან ერთად 72 საათის განმავლობაში. ნიშანდებული პრეპარატის გამოყოფა განავალთან ერთად არ აღინიშნებოდა ან იყო უმნიშვნელო. ადამიანებში ნახევარგამოყოფის ტერმინალური პერიოდი აჭარბებს 10 წელს.

ფარმაკოკინეტიკა განსაკუთრებულ კლინიკურ შემთხვევებში:

პაციენტებში თირკმლის უკმარისობის მსუბუქი-საშუალო ხარისხით (კრეატინინის კლირენსი 35-60 მლ/წუთში) დოზის კორექცია საჭირო არ არის. ალენდრონატის გამოყენების შემთხვევათა არარსებობის გამო, პაციენტებში თირკმლის უკმარისობის მძიმე ხარისხით (კრეატინინის კლირენსი

ალენდრონატი არ მეტაბოლიზდება და არ გამოიყოფა სანაღვლე გზებით. ამ მიზეზით მონაცემები პრეპარატის გამოყენების შესახებ ღვიძლის უკმარისობის მქონე პაციენტებში არ არსებობს. გარდა ამისა, დოზის კორექცია საჭირო არ არის.

ჩვენებები:

პრეპარატი გამოიყენება:
ოსტეოპოროზის მკურნალობისთვის ქალებში პოსტმენოპაუზურ პერიოდში მოტეხილობების, მათ შორის თეძოს ძვლის, ხერხემლის მალების კომპრესიული მოტეხილობების თავიდან აცილების მიზნით;
ოსტეოპოროზის მკურნალობისთვის მამაკაცებში მოტეხილობების თავიდან აცილების მიზნით.

უკუჩვენებები:

* საყლაპავი მილის დაზიანებები, რაც ანელებს მის დაცლას (მათ შორის საყლაპავი მილის შევიწროება ან ახალაზია);

* პრეპარატის მიღებიდან 30 წუთის განმავლობაში დგომის ან ჯდომის შეუძლებლობა;

* მომატებული მგრძნობელობა პრეპარატის კომპონენტების მიმართ;

* ჰიპოკალციემია.

უსაფრთხოების ზომები:

ალენდრონატი, სხვა ბისფოსფონატების მსგავსად, შესაძლოა გახდეს კუჭ-ნაწლავის ტრაქტის ზედა ნაწილების ლორწოვანის გაღიზიანების მიზეზი. პაციენტებს, რომლებიც ღებულობდნენ ალენდრონატს, აღენიშნებოდათ საყლაპავი მილის დაზიანებები (ეზოფაგიტი), საყლაპავი მილის წყლული, ეროზიები, იშვიათ შემთხვევებში საყლაპავი მილის შემდგომი შევიწროებით. იშვიათად აღინიშნებოდა გამწვავებები, რაც საჭიროებდა პაციენტის ჰოსპიტალიზაციას. დისფაგიის, ოდინოფაგიის, გულმკერდის არეში ტკივილის, გულძმარვის გამოვლენისა ან გაძლიერების შემთხვევებში საჭიროა ალენდრონატის მიღების შეწყვეტა და ექიმთან მიმართვა.

საყლაპავი მილის მხრივ მძიმე გვერდითი მოვლენების განვითარების რისკი იზრდება პაციენტებში, რომლებიც არღვევენ პრეპარატის მიღების წესებს (ალენდრონატის მიღების შემდეგ იმყოფებიან ჰორიზონტალურ მდგომარეობაში, აყოლებენ წყლის არასავსე ჭიქას, აგრძელებენ პრეპარატის მიღებას საყლაპავი მილის გაღიზიანების სიმპტომების გამოვლენის შემდეგ).

ლორწოვანზე შესაძლო გამაღიზიანებელი მოქმედების გამო და ძირითადი დაავადების მიმდინარეობის გაუარესებასთან დაკავშირებით პრეპარატი სიფრთხილით ინიშნება პაციენტებში კუჭ-ნაწლავის ტრაქტის ზედა ნაწილების დაავადებათა გამწვავებით (დისფაგია, საყლაპავის დაავადებები, გასტრიტი, დუოდენიტი, წყლულები).

ალენდრონატის მიღების დაწყებამდე საჭიროა სისხლში კალციუმის შემცველობის ნორმალიზება, ამასთანავე – მინერალების მეტაბოლიზმის დარღვევების კორექცია.

ალენდრონატი არ არის რეკომენდებული თირკმლის მწვავე უკმარისობის მქონე პაციენტებისთვის (კრეატინინის კლირენსი

ალენდრონატის მიღება აუცილებელია საკვების პირველ მიღებამდე, სულ მცირე, 30 წუთით ადრე (სხვა პრეპარატების მიღების ჩათვლით), მხოლოდ ჩვეულებრივი წყლის მიყოლებით. ალენდრონატის ერთდროული მიღება ფორთოხლის წვენთან ან ყავასთან აქვეითებს პრეპარატის აბსორბციას. პრეპარატის კუჭში მოხვედრის გაადვილებისა და საყლაპავი მილის გაღიზიანების შემცირების მიზნით სასურველია ალენდრონატის მიღება საწოლიდან ადგომის შემდეგ, სავსე ჭიქა წყლის მიყოლებით. მიღების შემდეგ პაციენტი არ უნდა დაწვეს, უკიდურეს შემთხვევაში, 30 წუთის განმავლობაში. ტაბლეტი არ უნდა დაიღეჭოს და გაიწუწნოს.

არ არის რეკომენდებული ალენდრონატის მიღება ძილის წინ ან საწოლიდან ადგომის წინ. მოცემული რეკომენდაციების შეუსრულებლობა ზრდის საყლაპავი მილის მხრიდან გვერდითი მოვლენების განვითარების რისკს. კუჭ-ნაწლავის ტრაქტის დაზიანების სიმპტომების გამოვლენისას (ტკივილი ყლაპვის დროს, გულძმარვა) აუცილებელია მკურნალობის შეწყვეტა და ექიმთან კონსულტაცია.

ორსულობა და ლაქტაცია:

კლინიკური მონაცემების არარსებობის გამო, ალენდრონატი ორსულებში არ გამოიყენება. (ორსულთა C კატეგორია).

ალენდრონატის დედის რძეში შეღწევის უნარი არ არის გამოვლენილი. ამ მიზეზით პრეპარატი არ გამოიყენება ლაქტაციის პერიოდში.

გამოყენება პედიატრიაში:

მონაცემები ალენდრონატის უსაფრთხოებასა და ეფექტურობაზე ბავშვებში არ არსებობს, შესაბამისად იგი არ გამოიყენება პედიატრიაში.

კლინიკურმა კვლევებმა აჩვენა ალენდრონატის გამოყენების უსაფრთხოებისა და ეფექტურობის განსხვავების არარსებობა პაციენტებში 65 წლის ზემოთ და უფრო ახალგაზრდა პაციენტებში.

გვერდითი მოვლენები:

5 წლიანი კლინიკური კვლევების შედეგებმა აჩვენეს მკურნალობის შეწყვეტის აუცილებლობის არარსებობა გვერდითი მოვლენების სისუსტის გამო.

ოსტეოპოროზის მკურნალობა პოსტმენოპაუზის დროს: აღინიშნება შემდეგი გვერდითი მოვლენები (1%-ზე მეტ პაციენტებში), რომლებიც სავარაუდოდ ან განსაზღვრულად იყო დაკავშირებული ალენდრონატის მიღებასთან დოზით 10მგ/დღ და აჭარბებდა პლაცებოს დონეს: ტკივილი მუცლის არეში, დისპეფსია, ყაბზობა, დიარეა, მეტეორიზმი საყლაპავი მილის წყლული, დისფაგია, მუცლის შებერილობა, ტკივილი ძვლებსა და კუნთებში, თავის ტკივილი.

გარდა ამისა, აღინიშნება გულისრევა, კუჭის წვენის მჟავიანობის მომატება, ღებინება, კუჭისა და ჩონჩხის კუნთების სპაზმი, იშვიათად – გამონაყარი კანზე, ერითემა.

ესტროგენ/ჰორმონჩამნაცვლებელ თერაპიასთან კომბინაცია:

ალენდრონატის 10მგ დღეში ერთხელ მიღებისას ესტროგენ-პროგესტინთან ერთად უსაფრთხოების და ამტანობის მაჩვენებლები არ განსხვავდება ანალოგიური მაჩვენებლებისაგან ამ პრეპარატებით ცალ-ცალკე ჩატარებული მკურნალობის შემთხვევაში.

პოსტმარკეტინგული მონაცემები:

იშვიათ შემთხვევებში: ალერგიული რეაქციები, როგორიცაა ჭინჭრის ციება, ანგიონევროზული შეშუპება; ეზოფაგიტი, საყლაპავი მილის სტენოზი და პერფორაცია. გარდა ამისა აღინიშნება კუჭისა და თორმეტგოჯა ნაწლავის წყლული, გამონაყარი კანზე, უვეიტი.

ლაბორატორიული ანალიზის შედეგები:

ჩატარებულმა კლინიკურმა კვლევებმა აჩვენა კალციუმის დონის მცირე, ასიმპტომური, დროებითი დაქვეითება (პაციენტების 18%-ში, რომლებიც ღებულობდნენ პრეპარატს და 12%-ში, რომლებიც ღებულობდნენ პლაცებოს), და ფოსფატების დონის დაქვეითება (პაციენტების 10%-ში, რომლებიც ღებულობდნენ სამკურნალო პრეპარატს და 3%-ში, რომლებიც ღებულობდნენ პლაცებოს). კალციუმის დონის დაქვეითების სიხშირე

სხვა პრეპარატებთან ურთიერთქმედება:

კალციუმის პრეპარატები/ანტაციდები: ალენდრონატის აბსორბცია მცირდება კალციუმის პრეპარატების, ანტაციდებისა და სხვა პერორალური სამკურნალო საშუალებების ერთდროული მიღებისას. ამასთან დაკავშირებით, ინტერვალი ალენდრონატისა და სხვა სამკურნალო საშუალების მიღებას შორის უნდა იყოს არაუმცირეს 30 წუთი.

ესტროგენ/ჰორმონჩამანაცვლებელ თერაპიასთან /HRT/ ერთდროული მიღება:

ჰორმონჩამანაცვლებელი თერაპიის /ესტროგენი-პროგესტინი/ დროს ალენდრონატის მიღება შესწავლილ იქნა 2 კლინიკურ კვლევაში, 1 ან 2 წლის ხანგრძლივობით, ქალებში ოსტეოპოროზის დიაგნოზით პოსტმენოპაუზურ პერიოდში. ამ კვლევებში კომბინირებული თერაპიის უსაფრთხოებისა და ამტანობის მაჩვენებლები შეესაბამებოდა ასეთივე მაჩვენებლებს ამ მეთოდებით ცალ-ცალკე მკურნალობის შემთხვევაში. თუმცა კომბინირებულმა მკურნალობამ გამოიწვია ძვლის ქსოვილის მასის უფრო მნიშვნელოვანი ზრდა ვიდრე მკურნალობის I და II მეთოდების ცალ-ცალკე გამოყენებისას.

ასპირინი: კლინიკური კვლევების თანახმად, 10 მგ-ზე მეტი ალენდრონატისა და ასპირინის შემცველი პრეპარატების ყოველდღიურმა მიღებამ გამოიწვია გვერდითი მოვლენების ზრდა კუჭ-ნაწლავის ტრაქტის მხრივ.

პრეპარატებთან სპეციფიკური ურთიერთქმედების შესახებ კვლევების არარსებობის მიუხედავად ალენდრონატი შესაძლოა დაინიშნოს სხვა პრეპარატებთან ერთად გვერდითი მოვლენების განვითარების რისკის გარეშე.

დოზირების რეჟიმი:

ოსტეოპოროზის მკურნალობა ქალებში პოსტმენოპაუზის დროს: პრეპარატის რეკომენდებული ერთჯერადი დოზა შეადგენს 10 მგ-ს დღეში ან 70 მგ-ს კვირაში ერთხელ.

ოსტეოპოროზის მკურნალობა მამაკაცებში: პრეპარატის რეკომენდირებული ერთჯერადი დოზა შეადგენს 10 მგ-ს დღეში ან 70 მგ-ს კვირაში ერთხელ.

კუჭში გადასვლის გაადვილებისა და ამავდროულად, საყლაპავი მილის გაღიზიანების შემცირების მიზნით, ალენდრონატი მიიღება მხოლოდ საწოლიდან ადგომის შემდეგ, სავსე ჭიქა წყლის მიყოლებით. ამის შემდეგ პაციენტი არ უნდა დაწვეს, არანაკლებ 30 წუთის განმავლობაში საკვების პირველ მიღებამდე.

სხვა სასმელს (მათ შორის მინ. წყალს), საკვებსა და ზოგიერთ პრეპარატს შეუძლია დააქვეითოს ალენდრონატის შეწოვა.

არ არის რეკომენდებული ალენდრონატის მიღება ძილის წინ და საწოლიდან ადგომამდე. ამ რეკომენდაციათა შეუსრულებლობა ზრდის საყლაპავი მილის მხრიდან გვერდითი მოვლენების განვითარების რისკს.

პაციენტებისთვის აუცილებელია კალციუმის შემცველი საკვები დანამატებისა და D ვიტამინების მიღება, თუ მათი შემცველობა ორგანიზმში არასაკმარისია.

დოზის კორექცია საჭირო არ არის ხანდაზმულ პაციენტებში, ასევე პაციენტებში მსუბუქი და ზომიერი თირკმლის უკმარისობით (კრეატინინის კლირენსი 35-60 მლ/წუთში). კლინიკური მონაცემების არარსებობის გამო, ალენდრონატის მიღება თირკმლის მძიმე უკმარისობით დაავადებულ პაციენტებში (კრეატინინის კლირენსი

ჭარბი დოზირება:

სპეციფიკური ინფორმაცია ალენდრონატის ჭარბი დოზირების შესახებ არ არსებობს. ჭარბი დოზირებისას შესაძლოა კუჭ-ნაწლავის ტრაქტის მხრივ ისეთი გვერდითი მოვლენების განვითარება, როგორებიცაა: ჰიპოკალციემია, ჰიპოფოსფატემია, გულისრევა, გულძმარვა, ეზოფაგიტი, კუჭის წყლული. რეკომენდებულია რძისა და ანტაციდების მიღება. არ არის რეკომენდებული ღებინების გამოწვევა ან ჰორიზონტალურ მდგომარეობაში გაჩერება საყლაპავის გაღიზიანების განვითარების რისკის გამო.

შენახვის პირობები:

პრეპარატი ინახება ოთახის ტემპერატურაზე, არა უმეტეს 30ºC-ზე ქვემოთ.

შენახვის ვადა – 2 წელი. პრეპარატი არ გამოიყენება კოლოფზე აღნიშნული ვადის გასვლის შემდეგ.

აფთიაქიდან გაცემის პირობები:

გაიცემა ექიმის რეცეპტით

იოდის სპირტხსნარი 5% 10მლ ფლ

ქვეყანა: რუსეთი

მწარმოებელი: იაროსლავი ფ/ფ

ჯენერიკი:
Iodine

გაცემის ფორმა: III ჯგუფი ურეცეპტო

ალფა ნორმიქსი – ALFA NORMIX – АЛЬФА НОРМИКС

საერთაშორისო დასახელება:

RIFAXIMIN

მწარმოებელი: ALFA WASSERMANN, S.p.A.

მოქმედი ნივთიერება: რიფაქსიმინი

კლინიკურ-ფარმაკოლოგიური ჯგუფი:

რიფამიცინის ჯგუფის ანტიბიოტიკი

შემადგენლობა და გამოშვების ფორმა:

გარსით დაფარული ვარდისფერი ტაბლეტები, მრგვალი, ორმხრივ ამოზნექილი.

1 ტაბ.

რიფაქსიმინი …………… 200მგ.

დამხმარე ნითიერებები: ნატრიუმის სახამებლის გლიკოლატი, პალმიტოსტეარინული ეთერი, ტალკი, მიკროკრისტალური ცელულოზა, ტიტანის დიოქსიდი, დინატრიუმის ედეტატი, პროპილენგლიკოლი, რკინის წითელი ოქსიდი (E 172).

გრანულები სუსპენზიის მოსამზადებლად შიგნით მისაღებად ნარინჯისფერი, ალუბლის სუნით და გემოთი

რიფაქსიმინი …………….. 100მგ.

დამხმარე ნითიერებები: მიკროკრისტალური ცელულოზა, ნატრიუმის კარბოქსიმეთილცელულოზა, პექტინი, კაოლინი, ნატრიუმის საქარინი, ნატრიუმის ბენზოატი, საქაროზა, ალუბლის არომატიზატორი.

ფარმაკოლოგიური მოქმედება:

ფართო სპექტრის ანტიბიოტიკი, წარმოადგენს რიფამპიცინი SV პოლისინთეზურ წარმოებულს. შეუქცევადად აკავშირებს ბაქტერიის ფერმენტის ბეტა-სუბერთეულს, დნმ-დამოკიდებული რნმ-პოლიმერაზას და შესაბამისად, ახდენს რნმ-ის სინთეზის და ბაქტერიის ცილის ინჰიბირებას. ფერმენტთან შეუქცევადი დაკავშირების შედეგად რიფაქსიმინი ავლენს ბაქტერიციდულ მოქმედებას მგრძნობიარე ბაქტერიების მიმართ.

პრეპარატი ხასიათდება ანტიბაქტერიალური სპექტრის მაღალი აქტივობით, უმრავლესობა გრამდადებითი და გრამუარყოფითი, აერობული და ანაერობული ბაქტერიების მიმართ, რომლებიც იწვევენ კუჭ-ნაწლავის ინფექციას, მოგზაურთა დიარეის ჩათვლით.

აქტიურია გრამუარყოფითი აერობული ბაქტერიების მიმართ: Salmonella spp., Shigella spp., ენტეროპათოგენური შტამები Escherichia coli, Proteus spp., Campylobacter spp., Pseudomonas spp., Yersinia spp., Enterobacter spp., Klebsiella spp., Helicobacter pylori;

გრამუარყოფითი ანაერობები: Bacteroides spp., Bacteroides fragilis ჩათვლით, Fusobacterium nucleatum;

გრამდადებითი აერობები: Streptococcus spp., Enterococcus spp., Enterococcus fecalis ჩათვლით, Staphylococcus spp.;

გრამდადებითი ანაერობები:: Clostridium spp., Clostridium difficile ჩათვლით და Clostridium perfrigens, Peptostreptococcus spp.

პრეპარატი ალფა ნორმიქსის გამოყენება უზრუნველყოფს ნაწლავის პათოგენური ბაქტერიალური დატვირთვის შემცირებას.

პრეპარატი ამცირებს:

– ბაქტერიების მიერ ამიაკის და სხვა ტოქსიური ნაერთების წარმოქმნას; ეს ნაერთები კი ღვიძლის დეტოქსიკაციური ფუნქციის დარღვევისას ღვიძლისმიერი ენცეფალოპათიის პათოგენეზში ღებულობს მონაწილეობას;

– ბაქტერიის მომატებულ პროლიფერაციას ნაწლავში მიკროორგანიზმების მომატებული ზრდის დროს;

– კოლინჯის დივერტიკულში ბაქტერიების არსებობას, რომელებთაც შეუძლიათ მონაწილეობის მიღება დივერტიკულური პარკის შიგნით და გარეთ ანთების განვითარებაში და შესაძლოა ასრულებდენ გადამწყვეტ როლს დივერტიკულური დაავადების სიმპტომებისა და გართულებების განვითარებაში;

– ანტიგენური სტიმულის ინტენსივობას, რომელიც ლორწოვანის და/ან დამცველობითი ფუნქციის იმუნორეგულაციაში გენეტიკურად განპირობებული დეფექტების დროს, შეიძლება ინიცირება გაუკეთოს ან მუდმივად შეინარჩუნოს ნაწლავის ანთებითი მდგომარეობა;

– ინფექციური გართულებები რისკი კოლორექტალური ქირურგიული ჩარევის დროს.

პრეპარატი მოქმედებას ნაწლავის სანათურში.

ფარმაკოკინეტიკა:

შეწოვა: რიფაქსიმინი ცუდად შეიწოვება შიგნით მიღებისას (1%-ზე ნაკლები). კუჭ-ნაწლავის ტრაქტში იქმნება ანტიბიოტიკის ძალიან მაღალი კონცენტრაცია.

თერაპიულ დოზებში მიღებისას პრეპარატი არ ფიქსირდება პლაზმაში ან აღმოჩნდება მისი ძალიან მცირე კონცენტრაცია, როგორც ჯანმრთელ მოხალისეებში, ისე პაციენტებში დაზიანებული ნაწლავით (წყლულოვანი კოლიტისა და კრონის დაავადების დროს).

განაწილება: მიღებული რიფაქსიმინის პრაქტიკულად 100% ნამდვილად ფიქსირდება კუჭ-ნაწლავის ტრაქტში.

გამოყოფა: პრეპარატი გამოიყოფა განავლით. შარდში მისი კონცენტრაცია შეადგენს მიღებული დოზის არა უმეტეს 0.5%.

ჩვენებები:

რიფაქსიმინის მიმართ მგრძნობიარე ბაქტერიებით გამოწვეული კუჭ-ნაწლავის ინფექციის მკურნალობა, მათ შორის:

კუჭ-ნაწლავის მწვავე ინფექცია;
მოგზაურთა დიარეა;
ნაწლავში მიკროორგანიზმების ჭარბი ზრდის სიმპტომი;
ღვიძლის ენცეფალოპათია;
სიმპტომატურად გაურთულებელი კოლინჯის დივერტიკულოზი;
ნაწლავის ქრონიკული ანთება.
კოლორექტალური ქირურგიული ჩარევის დროს ინფექციური გართულების პროფილაქტიკისათვის.

დოზირების რეჟიმი:

მოზრდილები და 12 წელზე უფროსი ასაკის ბავშვებში პრეპარატი ინიშნება 200მგ (1 ტაბლეტი ან 10მლ სუსპენზია) ყოველ 8 საათში ან 400მგ (2 ტაბლეტი ან 20მლ სუსპენზია) ყოველ 8-12 სთ-ში. აუცილებლობისას დოზა და მიღების სიხშირე შეიძლება შეიცვალოს ექიმის კონტროლით.

მკურნალობის ხანგრძლიობა არ უნდა აჭარბებდეს 7 დღეს და განისაზღვრება ავადამყოფის კლინიკური მდგომარეობით. განმეორებითი კურსი უნდა ჩატარდეს არა უადრეს 20-40 დღის.

სუსპენზიის მომზადების წესი:

საჭიროა გაიხსნას ფლაკონი, დაემატოს წყალი ნიშნულამდე და კარგად შეინჯღრეს. შემდეგ განმეორებით დაემატოს წყალი მანამ, სანამ სუსპენზიის დონე არ მიაღწევს მითითებულ ნიშნულს 60მლ-ს. ყოველი მიღების წინ სუსპენზია უნდა შეინჯღრეს.

დოზირებისთვის სუსპენზიას ახლავს ნიშნულიანი ჭიქა.

გვერდითი ეფექტები:

პრეპარატი ცუდად შეიწოვება კუჭ-ნაწლავის ტრაქტიდან, რაც გამორიცხავს სისტემურ არასასურველ ეფექტს.

საჭმლის მომნელებელი სისტემის მხრივ: ცალკეულ შემთხვევაში – გულისრევა, დისპეფსია, ღებინება, ტკივილი მუცელში/ ჭვალი, რომელიც ჩვეულებრივ თავისით გაივლის დოზირების შეცვლის და პრეპარატის მიღების შეწყვეტის გარეშე.

ალერგიული რეაქციები: იშვიათად – ჭინჭრის ციება.

უკუჩვენებები:

რიფაქსიმინის ან სხვა რიფამიცინის ან პრეპარატის შემადგენლობაში შემავალი რომელიმე კომპონენტის მიმართ მომატებული მგრძნობელობა.

ორსულობა და ლაქტაცია:

ორსულობის დროს პრეპარატის გამოყენება შეიძლება მხოლოდ უკიდურესი აუცილებლობისას სიფრთხილისა და ექიმის დაკვირვების ქვეშ.

ლაქტაციის დროსაც პრეპარატის გამოყენება უნდა მოხდეს ექიმის მეთვალყურეობით.

განსაკუთრებული მითითება:

ხანგრძლივი დროის განმავლობაში მაღალი დოზით მიღებისას ან ნაწლავის ლორწოვანი გარსის დაზიანებისას პრეპარატის მცირე რაოდენობა შეიძლება მოხვდეს სისტემურ სისხლმიმოქცევაში და გამოიწვიოს შარდის მოწითალოდ შეფერვა, რაც განპირობებულია რიფამიცინის ჯგუფის ანტიბიოტიკების მოწითალო-ნარინჯისფერი შეფერილობით.

ჭარბი დოზირება:

ალფა ნორმიქსის ჭარბი დოზირების შემთხვევები არ არის ცნობილი.

სხვა წამლებთან ურთიერთქმედება:

დღემდე ალფა ნორმიქსის სხვა წამლებთან ურთიერთმედება არ არის დადგენილი.

ცუდი სისტემური აბსორბციის გამო ასეთი ურთიერთქმედება სისტემურ დონეზე ნაკლებ შესაძლებელია.

აფთიაქიდან გაცემა:

გაიცემა ექიმის რეცეპტით.

შენახვის პირობები:

პრეპარატი ინახება ბავშვებისათვის მიუწვდომელ ადგილზე, 30⁰C ტემპერატურაზე.

ვადა: 3 წელი.

მომზადებული სუსპენზია ინახება 7 დღე ოთახის ტემპერატურაზე, არა უმეტეს 30⁰C ტემპერატურაზე.

გრავიოლა 700მგ #30ტ

გრავიოლას ექსტრაქტი ( Annona Muricata ) – 700 მგ

ფარმაკოლოგიური თვისებები

ტროპიკული ხილი გრავიოლა (გუანაბანა) შეიცავს ნივთიერება – აცეტოგენინს ( Amonaceous acetogenin), პოლიუჯერ ცხიმოვან მჟავებს,მიკროელემენტებს: K, Na, Ca, Mg, Fe. B ჯგუფის და A, D, C ვიტამინებს. გამოიყენება მრავალი დაავადების სამკურნალოდ: ღვიძლის დაავადებები, დიარეა, დიზენტერია, ართრიტი, ბრონქიტი, აბსცესი, კანის დაავადებები, გაციება, გრიპი, ხველა და ცხელება. გრავიოლას გააჩნია ანტივირუსული, ანტიპარაზიტული , ანტიოქსიდანტური, ანტიკანცეროგენული, ბრონქული ასთმის და ანთების საწინააღმდეგო, ანტისპაზმური და დამამშვიდებელი მოქმედება. მოქმედებს სეროტონინის რეცეპტორებზე, აუმჯობესებს გუნება-განწყობას და აქვს ძლიერი ანტიდეპრესიული ეფექტი. გამოიყენება ჰერპესის (Herpes simplex virus-1 ) და სხვა ვირუსული ინფექციების სამკურნალოდ. ააქტიურებს იმუნურ სისტემას, აძლიერებს და ენერგიას მატებს ორგანიზმს.

ამცირებს გულის დაავადებების რისკს, აქვეითებს ქოლესტერინის დონეს სისხლში, ხელს უშლის ათეროსკლეrოზული ფოლაქების ჩამოყალიბებას, რის შედეგადაც იცავს სისხლძარღვებს დაზიანებისგან. აგრეთვე გააჩნია თრომბოლიზური მოქმედება, რითაც აფერხებს თრომბის განვითარებას. აფართოებს სისხლძარღვებს და ამცირებს არტერიულ წნევას. აუმჯობესებს გულის მუშაობას. არეგულირებს შაქრის დონეს სისხლში და გამოიყენება შაქრიანი დიაბეტის სამკურნალოდ.

გრავიოლას ფოთლებში,ღეროში,ფესვებში შემავალი აცეტოგენინი ებრძვის 12 ტიპის სიმსივნურ უჯრედებს. ახასიათებს სელექტიური მოქმედება , მხოლოდ პათოლოგიურ უჯრედებში თრგუნავს ატფ –ის წარმოქმნას, ჯანმრთელ უჯრედებში ეს პროცესი არ ხდება. ქიმიოთერაპიის დაწყებამდე პრეპარატის მიღება ამცირებს კანცეროგენული უჯრედების რეზისტენტობის განვითარებას. გრავიოლა საგრძნობლად ამცირებს გვერდითი მოვლენების ინტენსივობას (ინტოქსიკაცია, თმის ცვენა, წონაში კლება, გულისრევა) ქიმიოთერაპიული მკურნალობის პროცესში.

აღნიშნული თვისებები დადასტურებულია in vivo და in vitro კვლევების შედეგად.

ჩვენებები:

ვირუსული,ბაქტერიული,პარაზიტული ინფექცია
ონკო დაავადებების პრევენცია
ფიზიკური და გონებრივი სტრესი
კანის დაავადებები (ფსორიაზი,სებორეა,ჰერპესი)
ზედა სასუნთქი გზების ანთება
ართრიტი, რევმატიზმი
გულ-სისხლძარღვთა დაავადებების პრევენცია
არტერიული ჰიპერტენზია
დიაბეტი
ქიმიოთერაპიის წინ და შემდგომ პერიოდში მისაღებად

მიღების წესი და დოზირება: მიიღება 1 ტაბლეტი 3-ჯერ დღეში . (სასურველია ჭამის შემდეგ)

განსაკუთრებული მითითებები :დაბალი არტერიული წნევის მქონე პირებმა უნდა მიიღონ დღიური დოზის ნახევარი.არ არის რეკომენდირებული ორსულობის ან ძუძუთი კვების დროს, 12 წლამდე ბავშვებისთვის.

უკუჩვენებები : პარკინსონის დაავადება , ნეიროდეგენერაციული დარღვევები.

გვერდითი მოქმედება : გულისრევა,ღებინება.

ჭარბი დოზირება : დისპეფსიური დარღვევები (გულისრევა,ღებინება). მკურნალობა: სიმპტომური

გაცემის წესი: გაიცემა ურეცეპტოდ

პირველადი შეფუთვა : 10 გარსით დაფარული ტაბლეტი ბლისტერში.

მეორადი შეფუთვა: 3 ბლისტერი თავსდება კოლოფში ანოტაციასთან ერთად.

შენახვის პირობები: მშრალ, ბავშვებისთვის მიუწვდომელ ადგილას, ოთახის ტემპერატურაზე.

არ მიიღოთ მედიკამენტი : ვიზუალური დათვალიერებით დეფექტის აღმოჩენისას და ვარგისობის ვადის გასვლის შემდეგ.

პრეპარატის შენახვის ვადა : წარმოებიდან 3 წელი

მწარმოებელი: ფარმაცევტული საწარმო შ.პ.ს. „გამა“

საქართველო.

ტელ.: 2109916

იოდინოლი 100მლ ფლ(თბ)

ქვეყანა: საქართველო

მწარმოებელი: ეუბიოტიკები

ჯენერიკი:
Iodine

გაცემის ფორმა: III ჯგუფი ურეცეპტო

გრავიოლა #120კაფს

გრავიოლა

გრავიოლა ბუნების სასწაული!

ანტივირუსული, იმუნომასტიმულირებელი, ანტიკანცეროგენური, ანტიოქსიდანტური ბუნებრივი საშუალება

გარავიოლა (Annona Muricata, გუანაბანა) – ამაზონის ტროპიკული ტყის სასწაული 6 მეტრის მარადმწვანე ხეა, რომლის ყველა ნაწილი სასარგებლოა, ნაყოფი, ფოთლები, ფესვები, თესლი, ქერქი. მის შემადგენლობაში შედის პოლიუჯერი ცხიმოვანი მჟავები ფიტონუტრიენტები, აცეტოგენინი, B ჯგუფის ვიტამინები, A, D , C ვიტამინი, მიკროელემენტები: სელენი, რკინა, კალციუმი, მაგნიუმი, ფოსფორი, ნატრიუმი, თუთია და სხვა.

გრავიოლა იცავს ორგანიზმს ონკოლოგიური დაავადებებისაგან და ეხმარება ორგანიზმს სიმსივნურ დაავადებებთან ბრძოლაში, ანადგურებს კიბოს უჯრედებს.

1976 წელს კიბოს ნაციონალურმა ინსტიტუტმა აღნიშნა , რომ მცენარე გარავიოლას აქვს სიმსივნის საწინააღმდეგო მოქმედება. გრავიოლაზე ჩატარდა და მიმდინარეობს უამრავი კვლევა, მეცნიერებმა აღნიშნეს, რომ გრავიოლას ანტისიმსივნული მოქმედება გამოწვეულია მასში არსებული ნივთიერება აცეტოგენინით. აცეტოგენინი გამოიყოფა ცხიმოვანი მჟავების გრძელი ჯაჭვიდან და აქვს სელექტიური მოქმედება მხოლოდ სიმსივნის უჯრედების მიტოქონდრიებზე, ატფ -ზე, რეტიკულურ აპარატზე, უჯრედის პლაზმის მემბრანაზე. აცეტოგენინი თრგუნავს ენერგიის წყაროს, ატფ-ის წარმოქმნას გადაგვარებულ უჯრედებში, რის შედეგადაც მცირდება მათი ენერგო პოტენციალი და შესაბამისად მცირდება მათი ზრდა გამრავლების პროცესი. ქიმიოთერაპიის დაწყებამდე გრავიოლას მიღება ამცირებს კანცეროგენული უჯრედების რეზისტენტობის განვითარებას. გრავიოლა სინერგიულად მოქმედებს ქიმიოთერაპიულ პრეპარატებთან და საგრძნობლად ამცირებს ქიმიოთერაპიით გამოწვეული გვერდითი მოვლენების ინტენსივობას ( ინტოქსიკაცია, თმის ცვენა, წონაში კლება, გულისრევა).

კვლევებმა აჩვენა, რომ აცეტოგენინი ახდენს ციტოტოქსიურ მოქმედებას კიბოს 12 სახეობაზე, მათ შორის მსხვილი ნაწლავის, ძუძუს, საკვერცხეების, საშვილოსნოს, პროსტატის, ფილტვის, პანკრეასის კიბოზე.

კვლევები:

აცეტოგენინი კლავს ღვიძლის კიბოს უჯრედებს ⁽,,New cytotoxic monotetrahydrofuran annonaceous acetogenins from Annona Muricata”- Graduate Institute of Natural Products, Kaohsiung Medical University. 2002)
გრავიოლა – პერსპექტიული ბუნებრივი საშუალება , რომელიც თრგუნავს პანკრეასის კიბოს მეტასტაზების განვითარებას როგორც in vitro ისე in vivo, უჯრედოვანი მეტაბოლიზმის შეცვლის გზით. კვლევამ აჩვენა , რომ გრავიოლა იწვევდა პანკრეასის კიბოს ქსოვილების ინდუცირებულ ნეკროზს მისი უჯრედების მეტაბოლიზმის ინჰიბირების გზით. ( Department of Biochemistry and Molecular Biology, USA.2012)
კვლევის შედეგად, გრავიოლას ხუთკვირიანი მკურნალობის შემდეგ გამოვლინდა მკერდის კიბოს შემცირების ტენდენცია , კიბოს გენის ექსპრესიის ინჰიბირების გზით. ( ,,Selective growth inhibition of human breast cancer cells by graviola exstact in vitro and in vivo involving downregulation of EGFR expression”, Department of Food Science and Technology, Virginia Tech, Blacksburg, Virginia, USA. 2011)
1966 წელს ჟურნალ ,, Nutrition and Cancer ‘’ გამოქვეყნდა სტატია რომ გრავიოლას ექსტრაქტს აქვს სელექტიური ციტოტოქსიური მოქმედება მსხვილი ნაწლავის ადენოკარცინომაზე და 10000 -ჯერ უფრო ძლიერია ვიდრე ადრიამიცინი
გრავიოლა 21 საუკუნის ყველაზე პერსპექტიული ბუნებრივი საშუალება სხვადასხვა მძიმე დაავადებების სამკურნალოდ . (Hainan Medical University USA. 2017 )
2018 წელს ჩატარებული კვლევის შედეგად აღმოჩნდა, რომ გრავიოლას გააჩნია ანტი პროლიფერაციული და პროაპოტოზური მოქმედება არა მელანომური კანის კიბოს დროს. (,, Graviola (Annona muricata) Exerts Anti-Proliferative, Anti-Clonogenic and Pro-Apoptotic Effects in Human Non-Melanoma Skin Cancer UW-BCC1 and A431 Cells In Vitro: Involvement of Hedgehog Sig ‘,Department of Dermatology, School of Medicine and Public Health, University of Wisconsin, Madison, USA. 2018)

ანტიოქსიდანტური მოქმედება – გრავიოლას ფოთლები ასევე მდიდარია ანტიოქსიდანტებით, რომლებიც იცავენ ორგანიზმს თავისუფალი რადიკალების მავნე ზემოქმედებისაგან

ანთების საწინააღმდეგო მოქმედება – გრავიოლა ამცირებს პროანთებითი მედიატორების გამონთავისუფლებას (პროსტაგლანდინები, ლეიკოტრიენები) რითაც ავლენს ძლიერ ანთებისსაწინააღმდეგო მოქმედებას

ანტივირუსული, ანტიპარაზიტული, ანტიბაქტერიული მოქმედება – გრავიოლა შეიცავს ნატურალურ ანტიბიოტიკს ალიცინს , რომლის თვისების გამო აქტიურად გამოიყენება ბაქტერიული დაავადებების სამკურნალოდ ( სტომატიტი, ენტერიტი, კოლიტი, პლევრიტი და სხვა), ჰერპესის ( Herpes simplex virus-1) , ვირუსული ჰეპატიტების, გრიპის და სხვა ვირუსული დაავადებების დროს. გრავიოლა შეიცავს საპონინებს , რის გამოც ეფექტურად მოქმედებს ორგანიზმის სოკოვან დაავადებებზე, აქტიურად გამოიყენება ჰელმინთებთან და პარაზიტებთან საბრძოლველად.

ბუნებრივი ანტიდეპრესანტი – განაპირობებს ცენტრალური ნერვული სისტემის დამშვიდებას, აგზნებადობის, სტრესული რეაქციების შემცირებას. გრავიოლა მოქმედებს სეროტონინის რეცეპტორებზე, აუმჯობესებს გუნება -განწყობას, ამაღლებს შრომისუნარიანობას და სიცოცხლის ხარისხსს.

გრავიოლა და გულ-სისხლძარღვთა სისტემის დაავადებები – აქვეითებს ქოლესტერინის დონეს სისხლში, ხელს უშლის ათეროსკლეროზული ფოლაქების ჩამოყალიბებას , რის შედეგადაც იცავს სისხლძარღვებს დაზიანებისაგან. გააჩნია თრომბოლიზური მოქმედება, რითაც აფერხებს თრომბის განვითარებას, აფართოვებს სისხლძარღვებს და ამცირებს არტერიულ წნევას, აუმჯობესებს გულის მუშაობას. არეგულირებს შაქრის დონეს სისხლში.

გრავიოლა ხელს უწყობს ნაწლავური ფლორის შენარჩუნებას, ახდენს კუჭის მჟავიანობის ნორმალიზებას, აუმჯობესებს ღვიძლის ფუნქციებს, განაპირობებს შარდმჟავა მარილების გამოყოფას, რიც გამოც რეკომენდებულია პოდაგრას, რევმატოიდული ართრიტის სამკურნალოდ. წმენდს ორგანიზმს ტოქსინებისა და შლაკებისაგან, აძლიერებს იმუნიტეტს

ჩვენებები:

ონკოლოგია – ქიმიოთერაპია: ნებისმიერი წარმოშობის სიმსივნური დაავადებების მკურნალობა ( ქიმიოთერაპია, ჰორმონოთერაპია, სხივური თერაპია) , ონკოდაავადებების პროფილაქტიკა
ვირუსული, ბაქტერიული, პარაზიტული, სოკოვანი ინფექციები
გულ-სისხლძარღვთა სისტემის დაავადებების პროფილაქტიკა
ფიზიკური და გონებრივი სტრესი, დაბალი იმუნიტეტი, ქრონიკული დაღლილობის სინდრომი
შაქრიანი დიაბეტი
ბრონქული ასთმა
ღვიძლის დაავადებები ( ჰეპატიტი, ჰეპატოზი, ციროზი და სხ.)
რევმატოიდული ართრიტი, პოდაგრა
კანის დაავადებები ( ფსორიაზი, სებორეა, ჰერპესი)
კუჭ-ნაწლავის სისტემის დაავადებები: დიარეა, გასტრიტი, კოლიტი.

შემადგენლობა: 1 კაფსულა შეიცავს : გრავიოლა (Annona Muricata) – 650 მგ.

მიღება და დოზირება: 2 – 4 კაფსულა დღეში ან ექიმის რეკომენდაციის მიხედვით.

უკუჩვენება: ორსულობისა და ლაქტაციის პერიოდი, 18 წლამდე ასაკის პირები, პარკინსონის დაავადება ან სხვა ნეიროდეგენერაციული დაავადება, არ მიიღება პროდუქტი თუ იღებთ მაო-ინჰიბიტორებს, ანტიჰიპერტენზიულ საშუალებებს. შეინახეთ მშრალ, გრილ, ბავშვებისათვის მიუწვდომელ ადგილას.

გამოშვების ფორმა: # 120 კაფსულა.

მწარმოებელი: ამვილაბი – აშშ.

სერთიფიცირებულია აშშ-ს წამლის სააგენტოს FDA – ს მიერ.