ფარმაკოლოგიური თვისებები

იგი მიეკუთვნება პროსტაგლანდინების (E₁) ჯგუფის პრეპარატს. ალპროსტადილი აფართოებს არტერიებს და პრეკაპილარულ სფინქტერებს, აუმჯობესებს სისხლმიმოქცევას და დარღვეულ მიკროცირკულაციას, ამცირებს თრომბოციტების აგრეგაციას, აგრეთვე სისხლძარღვთა გლუვი კუნთების უჯრედების პროლიფერაციას, ზრდის სისხლის ფიბრინოლიზურ აქტივობას და აუმჯობესებს ერითროციტების ელასტიურ თვისებებს.

პრეპარატი აინჰიბირებს ქოლესტეროლის სინთეზს, ნეიტროფილების აქტივაციას და აუმჯობესებს უჯრედოვან მეტაბოლიზმს, ხასიათდება ანგიოპროტექტული თვისებებით. იგი აგრეთვე აქვეითებს სისხლძარღვთა პერიფერიულ წინააღმდეგობას და არტერიულ წნევას, რეფლექსურად იწვევს გულის სისტოლური მოცულობის და მისი რითმის გაზრდას. ამასთან ერთად პრეპარატი ასტიმულირებს ნაწლავების, შარდის ბუშტის და საშვილოსნოს გლუვი კუნთების ტონუსს, ამცირებს კუჭის წვენის სეკრეციას, აუმჯობესებს კავერნოზული სხეულების სისხლმომარაგებას და ამის შედეგად ერექციას.

ფარმაკოკინეტიკა

ალპროსტადილის გადასხმისას მისი კონცენტრაცია პლაზმაში სწრაფად აღწევს პიკურ მაჩვენებლებს და ინფუზიის შეწყვეტისას რამდენიმე წუთში უბრუნდება საწყის დონეს. პლაზმაში არსებული პრეპარატის დაახლოებით 90% დაკავშირებულია პლაზმის ცილებთან. ალპროსტადილის მეტაბოლიტები გამოიყოფიან შარდთან (82%) და განავალთან (12%) ერთად 72 საათის განმავლობაში. გადასხმიდან 24 საათის განმავლობაში ელიმინირდება მთლიანი დოზის 92%.

ჩვენებები

• ნეიროგენული, ფსიქოგენური და სისხლძარღვოვანი გენეზის (ან შერეული ფორმის) ერექციის დისფუნქციის მკურნალობა;
• ერექციის დარღვევის სხვა დიაგნოსტიკურ ტესტებთან კომპლექსში;
• პერიფერიული არტერიების ოკლუზური დაავადებები, როდესაც სხვა მკურნალობით ვერ იქნა მიღწეული ადექვატური შედეგი, ან როდესაც მისი ჩატარება შეუძლებელია;
• პერიფერიული არტერიების III და IV ხარისხის ქრონიკული ოკლუზიური დაავადება (ფონტეინის კლასიფიკაციით).

დოზირების რეჟიმი

საერთოდ პრეპარატის დოზირების რეჟიმი ინდივიდუალურია.

ინტრავენური გადასხმა: ორი ამპულა ალპროსტადილი (40 მკგ) უნდა გაიხსნას 50-250 მლ ფიზიოლოგიურ ხსნარში. გადასხმა ტარდება დღეში ორჯერ, ან პრეპარატის სამი ამპულა (60 მკგ) უნდა გაიხსნას 50-250 მლ ფიზიოლოგიურ ხსნარში. გადასხმა ტარდება დღეში ერთხელ.

ინტრაარტერიული გადასხმა: ერთი ამპულა ალპროსტადილი (20 მკგ) უნდა გაიხსნას 50 მლ ფიზიოლოგიურ ხსნარში. ჩვეულებრივ შეჰყავთ ნახევარი ამპულა (10 მკგ) 60-120 წუთის განმავლობაში, საჭიროების შემთხვევაში შეიძლება გადაისხას 1 ამპულა (20 მკგ). გადასხმა ტარდება დღეში ერთხელ. მკურნალობის ხანგრძლივობა შეადგენს 3-4 კვირას. საინფუზიო ხსნარი უნდა მომზადდეს უშუალოდ გადასხმის წინ.

გვერდითი მოვლენები

ინტრავენური ან ინტრაარტერიული გადასხმისას შესაძლოა აღინიშნოს: სიწითლე, ტკივილი და შეშუპება შეყვანის ადგილას, თავის ტკივილი, სახის ჰიპერემია, სისტოლური არტერიული წნევის დაქვეითება ტაქიკარდიით და სტენოკარდიით; ალერგიული რეაქციები, სახსროვანი სიმპტომები, ტემპერატურის მომატება, ოფლიანობა, ზოგჯერ ჰიპერთერმია, ფსიქოზი, ცენტრალური გენეზის კრუნჩხვები, შემცივნება, დიარეა, გულისრევა, ღებინება, პარესთეზიები, ტრანსამინაზების აქტივობის მომატება, იშვიათად ჰიპერბილირუბინემია, გულის უკმარისობა, ფილტვების შეშუპება, რესპირატორული დისტრეს-სინდრომი, ტაქიპნოე, ანურია, გულის არითმიები, ჰიპოქრომული ანემია,  თრომბოციტოპენია, ინტრაკავერნოზული შეყვანისას ასოს ტკივილი, პრიაპიზიმი, ხანგრძლივი ერექცია. იშვიათად ფიბროზი, შეშუპება, ქავილი, გამონაყარი, ჰემორაგიები, სათესლე ჯირკვლების ტკივილი, გრიპის მსგავსი სინდრომის განვითარება.

უკუჩვენებები

* მომატებული მგრძნობელობა ალპროსტადილის ან პრეპარატის სხვა კომპონენტების მიმართ;

* ფილტვების შეშუპება, ბრონქული ასთმა, გულის არითმია, ფილტვებისა და ღვიძლის დაავადებები, კუჭის მწვავე წყლული, მიელომური  დაავადება, ნამგლისებრ-უჯრედოვანი ანემია, ასოს დეფორმაცია (ანგულაცია, კავერნოზული ფიბროზი, პერონის დაავადება);

* არანამკურნალები გულის უკმარისობა;

* ახლო წარსულში გადატანილი მიოკარდიუმის ინფარქტი.

ორსულობა და ლაქტაცია

ორსულებისა და ლაქტაციის პერიოდში პრეპარატის მიღება არ შეიძლება.

განსაკუთრებული მითითებები

მკურნალობის პერიოდში უნდა შემოწმდეს გულსისხლძარღვთა სისტემის ფუნქციური მდგომარეობა, უნდა განისაზღვროს წყლის ბალანსი და ცენტრალური ვენური წნევა.

საჭიროა მუდმივად სისხლის შედედების სისტემის, ბიოქიმიური მაჩვენებლების და ჰემოდინამიკის მონიტორინგი. არ გამოიყენება ქრონიკული ნარკომანიით, ალკოჰოლიზმით, ფსიქიკური დარღვევებით შეპყრობილ პირებში.

სხვა წამლებთან ურთიერთქმედება

ალპროსტადილმა შეიძლება გამოიწვიოს ანტიჰიპერტენზიული პრეპარატების, ვაზოდილატატორების და გულის იშემიური დაავადების სამკურნალოდ გამოყენებული საშუალებების ეფექტების პოტენცირება.

არ არის სასურველი ალპროსტადილის გამოყენება ერექციის დისფუნქციის სამკურნალო სხვა პრეპარატებთან კომბინაციაში.

ძირითადი ფიზიკო–ქიმიური თვისებები:

ორმხრივ ამობურცული ყვითელი ფერის შემოგარსული ტაბლეტები, გვერდით ჭრილში ჩანს ორი ფენა;

შემადგენლობა და გამოშვების ფორმა:

შემოგარსული ტაბლეტები

აქტიური ინგრედიენტები:

შედედებული ნაღველი მშრალ ნივთიერებაზე გადაანგარიშებით – 0,08გ,

გამხმარი ნიორი – 0,04გ, ჭინჭრის ფოთლები – 0,005გ, გააქტივებული ნახშირი – 0,025გ;

დამხმარე საშუალებები: მაგნიუმის ჟანგი, სახამებელი, აეროსილი, კალციუმის სტეარატი, შაქარი, პოლივინილპიროლიდონი, მაგნიუმის ფუძე კარბონატი, ტიტანის ორჟანგი, ტალკი, ტროპეოლინ 0, ფუტკრის სანთელი, ვაზელინის ზეთი.

კლინიკურ–ფარმაკოთერაპიული ჯგუფი:

ნაღველმდენი საშუალება

ფარმაკოლოგიური თვისებები:

ალოხოლი აძლიერებს ღვიძლის უჯრედების სეკრეტორულ ფუნქციას, იწვევს ზომიერ ქოლერეტულ ეფექტს, ასტიმულირებს ნაღვლის მჟავების სინთეზს; ზრდის ოსმოსურ გრადიენტს ნაღველსა და სისხლს შორის, რაც განაპირობებს ნაღვლის კაპილარებში  წყლის და ელექტროლიტების ოსმოსურ ფილტრაციას, ზრდის ნაღველის დინების სიჩქარეს სანაღვლე გზებში, რითაც ხელს უშლის აღმავალი ინფექციის გავრცელებას და ამცირებს ანთებითი პროცესის ინტენსივობას, ამცირებს ქოლესტერინის დალექვას და კენჭების შემდგომ წარმოქმნას. იგი რეფლექსურად ზრდის საჭმლისმომნელებელი ტრაქტის სეკრეტორულ და მოძრაობით აქტივობას, თრგუნავს დუღილის პროცესებს ნაწლავებში, ამცირებს მეტეორიზმს, ხასიათდება საფარათო ეფექტით.

ფარმაკოკინეტიკა:

პრეპარატი სწრაფად შეიწოვა ნაწლავებში. ქოლატების წარმოქმნის პროცესი ძირითად მიმდინარეობს  ტაუროქოლის და დეზოქსიქოლის მჟავების ხარჯზე.

ჩვენებები:

ალოხოლი ინიშნება ქრონიკული ქოლეცისტიტების, ქოლეცისტოჰეპატიტების, ქოლანგიტების, ნაღველის მომატებული ლითოგენობის დროს, ნაწლავების ატონიით გამოწვეული ჩვეული ყაბზობის დროს.

გამოყენების წესი და დოზები:

მოზრდილებში ინიშნება 1-2 ტაბლეტი 3-4 ჯერ დღეში ჭამის შემდეგ 3-4 კვირის განმავლობაში. დაავადების გამწვავების პერიოდში ალოხოლს იღებენ 1 ტაბ. 2-3- ჯერ დღეში 1-2 თვის განმავლობაში.

აუცილებლობის შემთხვევაში მკურნალობის კურსი მეორდება 2-3 ჯერ 3 თვიანი ინტერვალით.

გვერდითი მოვლენები:

პრეპარატის გამოყენებისას ზოგიერთ ავადმყოფებში შესაძლებელია ალერგიული რეაქციები, დიარეა. აღნიშნულ შემთხვევებში საჭიროა პრეპარატის მოხსნა.

უკუჩვენებები:

პრეპარატი წინააღმდეგნაჩვენებია მისი რომელიმე კომპონენტის მიმართ მომატებული ალერგიული რეაქციის, აგრეთვე  მწვავე ჰეპატიტების, ღვიძლის მწვავე და ქვემწვავე დისტროფიის, ობტურაციული სიყვითლის დროს.

ურთიერთქმედება სხვა პრეპარატებთან:

-ალოხოლის ერთდროული გამოყენებისას სინთეზური ან მცენარეული წარმოშობის  ქოლერეტულ საშუალებებთან შესაძლებელია ნაღვლის წარმოქმნის პროცესის გაძლიერება;

-ალოხოლის კომბინაცია საფაღარათო საშუალებებთან იწვევს ყაბზობის ლიკვიდაციას და ამცირებს მასთან დაკავშირებულ ტოქსიკური ნივთიერებების შეწოვას ნაწლავებში;

-ალოხოლი ხელს უწყობს ცხიმში ხსნადი ვიტამინების შეწოვას;

-ალოხოლის გამოყენება შესაძლებელია ანტისეპტიკურ ან ქიმიოთერაპიულ საშუალებებთან ერთად ღვიძლის ან სანაღვლე გზების ინფექციური პროცესების დროს.

ჭარბი დოზირება:

მწვავე მოწამვლის შემთხვევები აღწერილი არ არის.

გამოყენების თავისებურებები:

ჯანმრთელობის მდგომარეობის გაუმჯობესების პირველი ნიშნები აღინიშნება მკურნალობიდან მე-5-8 დღეს (ტკივილის შემცირება მარჯვენა ფერდქვეშა მიდამოში, დისპეფსიური მოვლენების გაქრობა).

შენახვის პირობები:

ბნელ, მშრალ, გრილ ადგილას.

ვარგისიანობის ვადა – 4 წელი.

გაცემის წესი:

ურეცეპტოდ.

მწარმოებელი: ნეოფარმი, საქართველო

კლინიკურ–ფარმაკოლოგიური ჯგუფი:

ანტიანემიური პარასამკურნალო საშუალება

შემადგენლობა და გამოშვების ფორმა:

კაფსულები

რკინის (II) სულფატი ან ფუმარატი …….   50.0 მგ რკინის შემცველობით.

ალოეს მშრალი  ექსტრაქტი ………………  50.0 მგ

ასკორბინის მჟავა ………………………..    50.0 მგ

ფოლის მჟავა …………………………….      1.0 მგ

აეროსილი      საჭირო რაოდენობით.

კაფსულის შიგთავსის მასა  –   0,366 გ ± 10%

ალოეს მშრალი ექსტრაქტი შეიცავს ბიოლოგიურად აქტიურ ნივთიერებათა კომპლექსს: ანტრაცენწარმოებულებს (ალოე-ემოდინი, ალოინი, ალოინოზიდი), მწარე გლიკოზიდებს, ვიტამინებს, ფერმენტებს, ორგანულ მჟავებს, პოლისაქარიდებს.

ფარმაკოლოგიური მოქმედება:

რკინის (II) სულფატი:

რკინა არის ჰემის სტრუქტურული ელემენტი;

აუცილებელია ჰემოგლობინის სინთეზისათვის;

შედის მიოგლობინის, რიგი ფერმენტების შემადგენლობაში;

დეპონირდება ორგანიზმში.

ალოეს მშრალი ექსტრაქტი:

აქვს ბაქტერიოციდული, ანტივირუსული, ანთების საწინააღმდეგო მოქმედება;

შეიცავს ბიოგენურ სტიმულატორებს;

აძლიერებს ორგანიზმის წინააღმდეგობის უნარს ინფექციური დაავადებების მიმართ;

აძლიერებს კანის და ლორწოვანი გარსის რეგენერაციულ პროცესებს.

ასკორბინის მჟავა:

განაპირობებს სამვალენტიანი რკინის ორვალენტიან იონურ რკინად აღდგენას;

აუმჯობესებს საკვებიდან რკინის შეწოვას;

არეგულირებს კაპილარების განვლადობას;

უზრუნველყოფს კოლაგენის და პროკოლაგენის სინთეზს;

მნიშვნელოვან როლს თამაშობს ჟანგვა-აღდგენით პროცესში;

მონაწილეობას ღებულობს სტეროიდული ჰორმონების და კატექოლამინების წარმოქმნაში.

ფოლის მჟავა:

აუცილებელია მეგალობლასტების ნორმალური მომწიფებისა და ნორმობლასტების წარმოქმნისათვის, ასტიმულირებს ერითროპოეზს;

მონაწილეობს ამინომჟავების სინთეზში, ნუკლეინის მჟავების,პურინების, პირიმიდინების, ქოლინის ცვლაში.

ფეხმძიმობის დროს ორგანიზმს იცავს ტერატოგენული ფაქტორებისაგან.

ჩვენება:

• სხვადასხვა ეტიოლოგიის ჰიპოქრომული  (რკინა დეფიციტური) ანემიები;
• გაზრდილი მოთხოვნილება რკინაზე (პრე- და პუბერტატული ასაკი, ლაქტაციის პერიოდი);
• რკინისა და ვიტამინების ალიმენტური დეფიციტი.

მიღების წესი და დოზირება:

პერორალურად მოზრდილთათვის 1–2კაფსულა 3-ჯერ დღეში ჭამის შემდეგ.

ბავშვებისთვის 4–7 წლამდე 1 კაფსულა 2–ჯერ დღეში ჭამის შემდეგ;

8-დან 14 წლამდე 1 კაფსულა 3–ჯერ ჭამის შემდეგ,

15-დან 16 წლამდე 1 კაფსულა 4–ჯერ დღეში ჭამის შემდეგ.

მკურნალობის კურსის ხანგრძლივობა 8–10 კვირა.

უკუჩვენება:

*  სხვა ეტიოლოგიის ანემიები;

*  ჰემოსიდეროზი, ჰემოქრომატოზი;

*  კრონის დაავადება, წყლულოვანი ენტეროკოლიტი;

*  ღვიძლის ციროზი, ქრონიკული პანკრეატიტი;

*  აპენდიციტი;

* დიფუზური გლომერულონეფრიტი;

*   ორსულობის ბოლო ტრიმესტრი (ხანგრძლივი გამოყენება)

შენიშვნა: პრეპარატის ხანგრძლივი დროით გამოყენებამ შესაძლებელია გამოიწვიოს ორგანიზმის  კალიუმით გაღარიბება და საგულე გლიკოზიდების, ანტიარითმიული პრეპარატების მოქმედების გაძლიერება.

თიაზიდურ დიურეტიკებთან, ძირტკბილას პრეპარატებთან და კორტიკოსტეროიდებთან კომბინირებული მიღებისას იზრდება კალიუმის დეფიციტის განვითრების რისკი.

უნდა ვერიდოთ ტეტრაციკლინის ჯგუფის ანტიბიოტიკებთან, DD-პენიცილინამინებთან, ანტაციდურ პრეპარტებთან დანიშვნას, რადგან მცირდება რკინის შეწოვის პროცესი.

გვერდითი მოვლენები:

ანორექსია, გულისრევა, ფაღარათი, ტაქიკარდია, გამონაყარი კანზე. ასკორბინის მჟავას ხანგრძლივმა გამოყენებამ შესაძლოა გამოიწვიოს ინსულარული აპარატის ფუნქციის დათრგუნვა. საჭიროა თირკმლების ფუნქციის და არტერიული წნევის კონტროლი.

გამოშვების ფორმა:

10 კაფსულა ბლისტერზე. 1 ან 2 ბლისტერი თავსდება მუყაოს კოლოფში.

გაცემის წესი:

ურეცეპტოდ.

შენახვის პირობები:

ინახება 18–25⁰C ტემპერატურაზე, სინათლისგან დაცულ, მშრალ და ბავშვებისთვის მიუწვდომელ ადგილზე.

საერთაშორისო დასახელება:

PASSIFLORA INCARNATA

მწარმოებელი: NOBEL, თურქეთი

მოქმედი ნივთიერება: პასიფლორას მშრალი ექსტრაქტი

კლინიკურ–ფარმაკოლოგიური ჯგუფი:

ანქსიოლიზური და საძილე საშუალებები; ფიტოპრეპარატები

შემადგენლობა და გამოშვების ფორმა:

სიროფი (პასიფლორა ინკარნატას თხევადი ექსტრაქტი 694.444მგ/5მლ) 100 მლ ფლაკონში დოზირებულ (5მლ) კოვზთან ერთად

ალორას სიროფის ყოველი 5 მლ. შეიცავს 694,444 მგ. პასიფლორას თხევად ექსტრაქტს.

დამხმარე ნივთიერებები: კრისტალური შაქარი, გლიცერინი, ეთილის სპირტი, ნიპაგინი, ნიპასოლი, გაწმენდილი წყალი.

ფარმაკოლოგიური თვისებები:

პასიფლორას ექსტრაქტი – სედაციური პრეპარატია, რომელიც მიღებულ იქნა მცენარე პასიფლორა ინკარნატადან. ავლენს დამამშვიდებელ და სპაზმოლიზურ მოქმედებას, აღმოფხრავს შფოთვის შეგრძნებასა და დაძაბულობას.

ჩვენებები:

უძილობა; დეპრესია; შიშის თანმხლები მდგომარეობები; შფოთვა; დაძაბულობა; ცნს-ის დარღვევებთან დაკავშირებული კუჭ-ნაწლავის ტრაქტის მოშლილობა; პათოლოგიები კარდიოვასკულარული სისტემის მხრივ; ნევროზულობასთან დაკავშირებული არტერიული ჰიპერტენზია; დაძაბულობა და ნევროზულობა მენოპაუზის დროს.

მიღების წესი და დოზირება:

ექიმის მხრიდან სხვა დანიშნულების არ არსებობის შემთხვევაში:

სედაციური მოქმედებისთვის: დღის განმავლობაში 1-2 დოზირებული კოვზი ჭამამდე.

უძილობისას: 2 დოზირებული კოვზი ძილის წინ 1 სთ-ით ადრე.

ბავშვებში: არა უმეტეს 1/2 დოზირებული კოვზი ერთ მიღებაზე.

გვერდითი მოვლენები:

ჰიპერმგრძნობელობა, გულისრევა და ტაქიკარდია. შემთხვევების სიხშირე არ დარეგისტრირებულა.

უკუჩვენება:

მომატებული მგრძნობელობა პრეპარატის რომელიმე კომპონენტის მიმართ. ბავშვთა ასაკი 3 წლამდე.

ორსულობა და ლაქტაცია:

ორსულებმა და მეძუძურმა დედებმა პრეპარატი უნდა მიიღონ ექიმის კონტროლის ქვეშ.

განსაკუთრებული მითითებები:

პრეპარატის შემადგენლობაში შედის 11.111% ეთანოლი (ალკოჰოლი), ამასთან დაკავშირებით არ არის სასურველი ალკოჰოლური დამოკიდებულების მქონე პირებში გამოყენება. ორსულები, მეძუძური დედები, ბავშვები, ღვიძლის დაავადებების მქონე პირები ან პირები მაღალი რისკის ჯგუფიდან, მათ შორის ეპილეფსიით დაავადებულები, უნდა იმყოფებოდნენ დაკვირვების ქვეშ.

ორსულებმა და მეძუძურმა დედებმა პრეპარატი უნდა მიიღონ ექიმის კონტროლის ქვეშ.

არ არის რეკომენდებული ავტომობილისა და იმ მექანიზმების მართვა, რომელიც მოითხოვს მომატებულ ყურადღებას. არასასურველი ეფექტების გამოვლენის შემთხვევაში მიმართეთ ექიმს.

პრეპარატის გამოყენებამდე ყურადღებით გაეცანით ინსტრუქციას.

სხვა სამკურნალწამლო საშუალებების გამოყენების შემთხვევაში აცნობეთ ექიმს.

სხვა წამლებთან ურთიერთქმედება:

ცნს-ის დამთრგუნველ პრეპარატებთან (ალკოჰოლი, ბარბიტურატები, ტრანქვილიზატორები და ა.შ.) ერთად თანადროული გამოყენებისას უნდა გათვალისწინებულ იქნას სედაციური და საძილე ეფექტის გაძლიერება.

პირებს, რომლებიც ერთდროულად იღებენ ალორას და ასპარტამს, აღენიშნებათ ნალექი შარდში (ფენილკეტონურია).

შენახვის პირობები და ვადები:

ინახება კოლოფში არაუმეტეს 25°C ტემპერატურაზე სინათლისგან დაცულ და ბავშვებისათვის მიუწვდომელ ადგილზე.

ვარგისიანობის ვადა – 3 წელი.

ვარგისიანობის ვადის გასვლის შემდეგ არ გამოიყენება.

აფთიაქში გაცემის წესი:

ურეცეპტოდ.