საერთაშორისო დასახელება:

ALGEDRATE; BENZOCAINE; MAGNESIUM HYDROXSIDE

მწარმოებელი: BALKANPHARMA-TROIAN, ბულგარეთი

მოქმედი  ნივთიერება: ალგელდრატი (ალუმინის ჰიდროქსიდი) +
მაგნიუმის ჰიდროქსიდი +ბენზოკაინი

კლინიკურ-ფარმაკოლოგიური ჯგუფი:
ანტააციდური საშუალება

შემადგენლობა და გამოშვების ფორმა:

სუსპენზია პერორალური მიღებისათვის:
ფლაკონში 170 და 200 მლ დოზირებულ კოვზთან კომპლექტში.
5 მლ
ალგელდრატი (ალუმინის ჰიდროქსიდი) ……. 300 მგ
მაგნიუმის ჰიდროქსიდი ………………………….100 მგ
ბენზოკაინი ………………………………………….100მგ
დამხმარე ნივთიერებები:
სორბიტოლი, მეთილპარაჰიდროქსიბენზოატი, პროპილპარაჰიდროქსიბენზოატი, ბუთილპარაჰიდროქსიბენზოატი, ეთილის სპირტი, ხსნადი საქარინი, ლიმონის ზეთი, დისტილირებული წყალი.
ფარმაკოლოგიური თვისებები:
პრეპარატი წარმოადგენს ანტაციდურ საშუალებას, რომელიც უზრუნველყოფს კუჭის წვენის გამოყოფის ხანგრძლივ ადგილობრივ ნეიტრალიზაციას და ამცირებს მის შემადგენლობაში შემავალი მარილმჟავას დონეს ოპტიმალურ ზღვრამდე. პრეპარატი ავლენს ადგილობრივ საანესთეზიო, ნაღველმდენ მოქმედებას და ახასიათებს სუსტად გამოხატული საფაღარათო ეფექტი.
პრეპარატის შემადგენლობაში შემავალი ალუმინის ჰიდროქსიდი თრგუნავს პეფსინის სეკრეციას, ანეიტრალებს მარილმჟავას, წარმოქმნის ალუმინის ქლორიდს, რომელიც ტუტე არეში გარდაიქმნება ალუმინის ტუტე მარილებად. მაგნიუმის ჰიდროქსიდი ასევე ანეიტრალებს მარიმლმჟავას, გარდაიქმნება რა მაგნიუმის ქლორიდად, რომელსაც გააჩნია სუსტად გამოხატული საფაღარათო ეფექტი. ამგვარად, ხორციელდება ალუმინის ჰიდროქსიდის საწინააღმდეგო ეფექტი, რომელიც იწვევს ყაბზობას.
ბენზოკაინი ტკივილის სინდრომის დროს ავლენს გამოხატულ ადგილობრივ საანესთეზიო მოქმედებას.
პრეპარატის შემადგენლობაში შემავალი სორბიტი აგრეთვე ხასიათდება საფაღარათო მოქმედებით. იგი უზრუნველყოფს ნაღვლის გაძლიერებულ გამოყოფას და ავსებს დამატებით მაგნიუმის ჰიდროქსიდის მოქმედების ეფექტს. პრეპარატი ხასიათდება თანაბარი და ხანგრძლივი ანტაციდური მოქმედებით შემდგომი ნახშირორჟანგის წარმოქმნის გარეშე, რომელიც თავის მხრივ წარმოადგენს მეტეორიზმის განვითარების, ეპიგასტრალურ მიდამოში სიმძიმის შეგრძნებისა და მარილმჟავას სეკრეციის მეორადი გაძლიერების მიზეზს.
ალმაგელ A არ ზრდის კუჭის შიგთავსის pH-ის დონეს. პრეპარატის მიღებებს შორის ინტერვალებში pH-ის დონის მნიშვნელობა შენარჩუნებულია 4.0-4.5-დან 3.5-3.8 საზღვრებში.
პრეპარატის გამოყენება არ იწვევს ელექტროლიტური ბალანსის დარღვევას, არ იწვევს ალკალოზს და შარდგამომყოფ გზებში კონკრემენტების წარმოქმნას.
პრეპარატის გელის ფორმა ხელს უწყობს დამცავი შრის წარმოქმნას, რომელიც კუჭის ლორწოვან გარსზე უზრუნველყოფს აქტიური ნივთიერებების თანაბარ განაწილებას. პრეპარატის თერაპიული ეფექტი ვლინდება სწრაფად მისი ერთჯერადი დოზის მიღებიდან (3-5 წთ-ის შემდეგ და გრძელდება 70 წთ-ის განმავლობაში.
ფარმაკოკინეტიკა:
პრეპარატის აქტიური ნივთიერება პრაქტიკულად არ შეიწოვება კუჭ-ნაწლავის ტრაქტიდან.
ჩვენებები:

• კუჭისა და 12-გოჯა ნაწლავის წყლულოვანი დაავადება გამწვავების ფაზაში;
• მწვავე ჰიპერაციდული გასტრიტი;
• ქრონიკული გასტრიტი გამწვავების ფაზაში კუჭის ნორმალური და მომატებული სეკრეტორული ფუნქციით;
• ეზოფაგიტი;
• მწვავე დუოდენიტი;
• საკვებით გამაწვეული ინტოქსიკაცია;
• მეტეორიზმი;
• საყლაპავის თიაქარი;
• დიეტის ან ალკოჰოლის, ნიკოტინის, ყავის სამკურნალო საშუალებების ჭარბი დოზის მიღებით გამოწვეული ტკივილი ეპიგასტრალურ მიდამოში ან დისკომფორტი;
• არასტეროიდული ანთების საწინააღმდეგო ან გლუკოკორტიკოიდული საშუალებების ხანგრძლივად გამოყენების შედეგად განვითარებული კუჭ-ნაწლავის ტრაქტის ეროზიულ-წყლულოვანი დაზიანების პროფილაქტიკა.

მიღების წესები და დოზირება:
მოზრდილებში პრეპარატი ინიშნება 1-2 ჩაის კოვზი 3-4-ჯერ დღეში ჭამამდე ნახევარი სთ-ით ადრე. ან საღამოს ძილის წინ. აუცილებლობის შემთხვევაში ერთჯერადი დოზა შესაძლებელია გავზარდოთ 3 ჩაის კოვზამდე.
მაქსიმალური დღიური დოზა შეადგენს 16 კოვზს. მაქსიმალური დღიური დოზის მიღების შემდეგ მკურნალობის კურსი უნდა შეადგენდეს არა უმეტეს 2 კვირას.
10 წლამდე ასაკის  ბავშვებში პრეპარატი ინიშნება მოზრდილების დოზის 1/3-ის შესაბამისად, ხოლო 10-დან 15 წლამდე ასაკის ბავშვებში მოზრდილების დოზის 1/2.
დაავადების დროს, რომლის თანმხლებია გულისრევა, ღებინება და ტკივილი, მკურნალობას იწყებენ ალმაგელი A-თი, ხოლო ზემოთაღნიშნული სიმპტომების არარსებობისას პაციენტს უნიშნავენ ალმაგელს. პრეპარატის გამოყენების წინ ფლაკონი უნდა შევანჯღრიოთ.
გვერდითი მოვლენები:
საჭმლის მომნელებელი ტრაქტის მხრივ:
ცალკეულ შემთხვევაში – გემოს ცვლილების შეგრძნება, გულისრევა, ღებინება, ეპიგასტრალურ მიდამოში სპასტიური ტკივილები, ყაბზობა.
ცნს-ის მხრივ: პრეპარატის მაღალი დოზით გამოყენებისას შესაძლებელია ძილიანობის განვითარება.
ნივთიერებათა ცვლის მხრივ: პრეპარატის მაღალი დოზით და ხანგრძლივად გამოყენება ფოსფორით ღარიბ საკვებთან ერთად, შეიძლება გახდეს კალციუმ-ფოსფორის ბალანსის დარღვევის მიზეზი მისადმი მიდრეკილების მქონე პაციენტებში, რასაც შეუძლია გამოიწვიოს ოსტეომალაციის განვითარება.
უკუჩვენებები:

• თირკმელების ფუნქციის გამოხატული დარღვევა;
• ალცჰეიმერის დაავადება;
• ორსულობის პერიოდი;
• პრეპარატის შემადგენლობაში შემავალი კომპონენტების მიმართ მომატებული მგრძნობელობა;
• პრეპარატის გამოყენება ახალშობილებში (1 თვემდე ასაკი) არ არის რეკომენდებული.

ორსულობა და ლაქტაცია:
ორსულობის პერიოდში პრეპარატის გამოყენება წინააღმდეგ ნაჩვენებია.
ლაქტაციის პერიოდში პრეპარატის გამოყენების აუცილებლობის შემთხვევაში საჭიროა ძუძუთი კვების შეწყვეტა.
ახალშობილებში, რომელთა მშობლებიც დიდი ხნის განმავლობაში იღებდნენ ალმაგელ A-ს, შეიძლება ადგილი ჰქონდეს მყესების რეფლექსების მომატებას. გარდა ამისა, ახალშობილებში არსებობს ჰიპერმაგნიემიის განვითარების საშიშროება, განსაკუთრებით დეჰიდრატაციის მდგომარეობის დროს.
ექსპერიმენტული მონაცემებით პრეპარატი არ ხასიათდება ემბრიოტოქსიკური, მუტაგენური და ტერატოგენული თვისებებით.
განსაკუთრებული მითითებები:
ალმაგელ A-ს ხანგრძლივად გამოყენების დროს საჭიროა კვების რაციონში ფოსფორით მდიდარი საკვების მიღება.
თირკმელების ქრონიკული უკმარისობით შეპყრობილ პაციენტებში ალმაგელ A-ს ხანგრძლივად გამოყენების შემთხვევაში აღინიშნება კიდურების შეშუპება, დემენცია და ჰიპერმაგნიემია.
ალმაგელ A­-ს და სულფანილამიდების ჯგუფის პრეპარატების დროული გამოყენება არ არის რეკომენდებული, ვინაიდან ალმაგელი A შეიცავს ბენზოკაინს.
ალმაგელ A-ს და კუჭში ხსნადი შემოგარსული პრეპარატების ერთდროული გამოყენება არ არის რეკომენდებული, რადგან კუჭის pH ახდენს კუჭში ხსნადი გარსის სწრაფ გახსნას და შესაძლებელია გამოიწვიოს კუჭისა და 12-გოჯა ნაწლავის გაღიზიანება.
ჭარბი დოზირება:
არ არსებობს მონაცემები.
სხვა წამლებთან ურთიერთქმედება:
ბენზოკაინი, რომელიც შედის პრეპარატის შემადგენლობაში წარმოადგენს სულფანილამიდების ანტიბაქტერიული აქტივობის ანტაგონისტს. პრეპარატისა და ტეტრაციკლინების ჯგუფის ანტიბიოტიკების, H₁-ჰისტამინო რეცეპტორების ბლოკატორების, საგულე გლიკოზიდების, რკინის მარილების, ფენოთიაზინების, ციმეტიდინის, რანიტიდინის და კეტოკონაზოლის ერთდროული გამოყენება იწვევს მათი აბსორბციის შემცირებას.
პრეპარატისა და ციპროფლოქსაცინის ერთდროული გამოყენებისას ამ უკანასკნელის დონე სისხლის პლაზმაში მცირდება.
ალმაგელ A-ს გამოყენების ფონზე მცირდება კუჭ-ნაწლავის ტრაქტში ფოსფატების აბსორბცია, აგრეთვე მატულობს შარდიდან კალციუმის გამოყოფა, რაც იწვევს კალციუმ-ფოსფორის ბალანსის დარღვევას და ქმნის ოსტეომალაციის განვთარების პირობებს.
შენახვის პირობები და ვადა:
პრეპარატი ინახება არა უმეტეს 25⁰ C ტემპერატურაზე, მშრალ, გრილ და სინათლისაგან დაცულ ადგილას. პრეპარატის შენახვის ოპტიმალური ტემპერატურა შეადგენს 5-15⁰C . პრეპარატის გაყინვა დაუშვებელია.
ვარგისიანობის ვადა: 5 წელი.

კლინიკურ-ფარმაკოლოგიური ჯგუფი:

ბიო აქტიური დანამატი;  ძლიერი ანტიოქსიდანტი; საშუალება ალკოჰოლის მოხმარებისას თანმხლები საშიში შედეგების აღსაკვეთად.

შემადგენლობა:

ყურძნის ღეროს პოლიფენოლების კომპლექსი.

გამოყენება:

კლინიკურმა გამოკვლევებმა აჩვენა ბადი „ალკონოლი“-ის დადებითი მოქმედება ალკოჰოლიზმის კომპლექსურ თერაპიაში. „ალკონოლი“ ფასეულია იმითაც, რომ იცავს ღვიძლს არა მარტო ალკოჰოლისგან, არამედ სხვა ნეგატიური ქიმიური მოქმედებისგანაც – რაც არანაკლებ მნიშვნელოვანია თანამედროვე ეკოლოგიური მდგომარეობის გათვალისწინებით. თრგუნავს რა ენდოგენური (შინაგანი) და ეგზოგენური (გარეგანი) ტოქსინების ზემოქმედებას, პრეპარატი ასევე ახდენს ანტისტრესულ ზემოქმედებას.

მისი გამოყენება შეიძლება მოხდეს როგორც ერთჯერადად (შემთხვევიდან შემთხვევამდე), ისე კომპლექსურად (კურსობრივად).

ჩვენებები:

მწეველები;

დღესასწაულების დროს, სუფრასთან,  სიფხიზლის ხანგრძლივად შესანარჩუნებლად;

ღვიძლის ფუნქციის შესანარჩუნებლად;

არახელსაყრელ ეკოლოგიურ პირობებში მცხოვრებები;

ალკოჰოლიკები.

უკუჩვენებები:

* არ აქვს

თვისებები;

– ამუხრუჭებს ალკოჰოლის მოხმარებისას  შედარებით მავნე პროდუქტების წარმოქმნას;

– იცავს ღვიძლს და აღადგენს მის დაზიანებულ უჯრედებს;

– აქვეითებს სპირტიანების მიმართ ლტოლვას;

– ორგანიზმს აძლევს ენერგიას გაუმკლავდეს ჭარბი ალკოჰოლის უარყოფით მოქმედებას;

– ეწინააღმდეგება ფიზიოლოგიურად წარმოშობილ დამოკიდებულებას ალკოჰოლისადმი.

შენიშვნა:

ბადი „ალკონოლი“ ხასიათდება დეზინტოქსიკაციური მოქმედებით, აუმჯობესებს სასიცოცხლო ფუნქციების საერთო ტონუსს, ამცირებს ვეგეტო-სისხლძარღვოვან რეაქციას, აუმჯობესებს შრომისუნარიანობას.

PROXYMETACAINE

ფორმა, შეფუთვა: თვალის წვეთები 0.5% – ფლაკონში 15 მლ, დოზატორით დროპ-ტეინერი.

შემადგენლობა:

1 მლ

პროქსიმეტაკაინი   ————————————————–  5 მგ

კონსერვანტი-ბენზალკონიუმის ქლორიდი  ————-     0.01%.

არააქტიური ინგრედიენტები: გლიცერინი, მარილმჟავა და/ან ნატრიუმის ჰიდროქსიდი (რეგულირებისათვის), გამოხდილი წყალი.

მწარმოებელი – ბელგია

კლინიკო-ფარმაკოლოგიური ჯგუფი: ადგილობრივი საანესთეზიო საშუალება.

ფარმაკოლოგიური მოქმედება: ალკაინის ხსნარი წარმოადგენს ადგილობრივ საანესთეზიო საშუალებას ოფთალმოლოგიური გამოყენებისათვის. მისი ეფექტი ჩვეულებრივ ვითარდება ინსტილაციიდან 30 წამში და შენარჩუნებულია 15 წუთზე მეტ ხანს. პროქსიმეტაკაინი თრგუნავს უჯრედის მემბრანის განვლადობას ნატრიუმის იონებისადმი, რაც აფერხებს მოქმედების პოტენციალის წარმოქმნას და იწვევს ნერვული იმპულსის გატარების ბლოკირებას.

ჩვენება – ალკაინის ხსნარი გამოიყენება ოფთალმოლოგიაში როგორც ადგილობრივი საანესთეზიო საშუალება. იგი უზრუნველყოფს თვალშიდა წნევის გაზომვისას, რქოვანადან უცხო სხეულის და ნაკერების მოხსნისას, საკმარის გაუტკივარებას, ისევე როგორც სადიაგნოსტიკო მიზნით კონიუქტივიდან ანათალის აღებისას. პრეპარატი აგრეთვე ნაჩვენებია ადგილობრივი ანესთეზიისათვის ქირურგიული ჩარევის წინ.

დოზირებისა და მიღების რეჟიმი – ნაკერების მოსახსნელად: 1-2 წვეთი 2-3 წუთით ადრე ნაკერების მოხსნამდე;

უცხო სხეულის ამოსაღებად: ამოღებამდე 1-2 წვეთი და 1-2 წვეთი უშუალოდ ამოღების წინ.

ღრმა ანესთეზიისათვის კატარაქტის ოპერაციის წინ: 1-2 წვეთი ყოველ 5-10 წუთში 5-7-ჯერ, გაკვეთის წარმოებამდე.

გვერდითი მოვლენები: პრეპარატი კარგად შეითვისება ორგანიზმის მიერ. მისი რეკომენდებული დოზით ჩაწვეთებისას კონიუნქტივურ პარკში არ აღინიშნება დისკომფორტის შეგრძნება, ან იგი აღინიშნება ძალიან მსუბუქი ფორმით: გაღიზიანება, წვა, კონიუნქტივას შეწითლება, ცრემლდება ან თვალის ხშირი ხამხამი. ეს მოვლენები შეიძლება განვითარდეს ჩაწვეთებისთანავე, ან რამოდენიმე საათის შემდეგ.

უკუჩვენება: პრეპარატი უკუნაჩვენებია ავადმყოფებში, რომელთაც მომატებული აქვთ მგრძნობელობა ხსნარის რომელიმე კომპონენტის მიმართ. პაციენტთათვის არ არის რეკომენდებული პრეპარატის დამოუკიდებლად მიღება.

ორსულობა და ლაქტაცია:

პრეპარატი ორსულებში ინიშნება მხოლოდ განსაკუთრებული აუცილებლობის შემთხვევაში.

ამჟამად უცნობია გამოიყოფა თუ არა პრეპარატი დედის რძეში, მაგრამ ვინაიდან მედიკამენტების უმრავლესობა აღმოჩენილია მასში, ლაქტაციის პერიოდში საფრთხილოთა ალკაინის დანიშვნა.

პედიატრიაში ალკაინის ხსნარის ეფექტურობისა და უსაფრთხოების შესასწავლად კლინიკური კვლევები არ არ არის ჩატარებული.

განსაკუთრებული მითითებები – ზოგადი: პრეპარატს სიფრთხილით უნიშნავენ იმ ავადმყოფებს, რომლებსაც აღენიშნებათ ალერგიული რეაქციები, გულის დაავადებები ან ჰიპერთირეოიდიზმი. პრეპარატის შორეული ტოქსიკური ეფექტების შესახებ მონაცემები არ მოიპოვება.

ხანგრძლივი გამოყენების შემთხვევაში შესაძლებელია ჭრილობის შედარებით შენელებული შეხორცება. ხანგრძლივი გამოყენებისას მხედველობაში მისაღებია სისტემური ტოქსიკურობის განვითარება (რომელიც გამოიხატება ცნს-ის სტიმულაციით, მისი შემდგომი დათრგუნვით) თუმცა პრეპარატის ადგილობრივად  საანესთეზიო მიზნით გამოყენებისას ასეთი რეაქციები გვხვდება უკიდურესად იშვიათად.

ადგილობრივი: ძალიან მნიშვნელოვანია ანესთეზიის მთელ პერიოდში თვალი დაცული იქნეს გამაღიზიანებელი ქიმიური ნივთიერებებისა და უცხო სხეულის მოხვედრისაგან. ასევე არასასურველია თვალის მოსრესა ან მასთან ხელით კონტაქტი, სანამ საანესთეზიო საშუალების მოქმედება არ გაივლის. დაუშვებელია საწვეთურის ზედაპირთან შეხება, რათა ხსნარი არ დაბინძურდეს.

შენახვის პირობები და ვარგისიანობის ვადა: პრეპარატი ინახება 2-8^oC ტემპერატურაზე, ბავშვებისაგან დაცულ ადგილას.

ვარგისიანობის ვადა – 30 თვე. ფლაკონის გახსნის შემდეგ შენახვის ვადაა 1 თვე.

ფორმა, შეფუთვა: შუშხუნა ტაბლეტები – შეფუთვაში 10 ც.

შემადგენლობა –

1 ტაბ.

აცეტილსალიცილის მჟავა    ————–      324 მგ

ლიმონის მჟავა  ———————————     965 მგ

ნატრიურის ჰიდროკარბონატი  ————  1625 მგ

მწარმოებელი – BAYER AG გერმანია

კლინიკო-ფარმაკოლოგიური ჯგუფი: არასტეროიდული ანთების საწინააღმდეგო საშუალება.

ჩვენება –  თავის ტკივილი. აგრეთვე ხანმოკლე მიღებისასთვის თავის ტკივილის და ერთდროულად კუჭის წვენის მჟავიანობის მომატების დროს.

შენიშვნები: ალკა-ზელტცერის მიღება არ შეიძლება ხანგრძლივად ექიმის რეკომენდაციის გარეშე.

დოზირებისა და მიღების რეჟიმი: შუშხუნა ტაბლეტები იხსნება წყალში.

რეკომენდებული დოზა – მოზრდილებში: ერთჯერადი – 1-2 შუშხუნა ტაბლეტი. დღიური – 8 ტაბლეტამდე. ბავშვებში 3 წლიდან: ერთჯერადი – 1/2-დან 1/5 შუშხუნა ტაბლეტი. დღიური – 1-4 ტაბლეტამდე.

გვერდითი მოვლენები: იშვიათ შემთხვევაში აღინიშნება ჰიპერერგული რეაქციები (ბრონქოსპაზმი, კანის რეაქციები); ძალიან იშვიათად კუჭ-ნაწლავის ტრაქტის მხრივ სისხლდენები, თრთომბოციტების რაოდენობის შემცირება სისხლში (თრომბიოციტოპენია).

უკუჩვენება: ალკა-ზელტცერის გამოყენება არ არის რეკომენდებული სისხლდენისადმი მომატებული მიდრეკილების დროს. ალკა-ზელტცერის გამოყენება მიზანშეწონილია მხოლოდ ექიმთან კონსულტაციისას შემდეგ შემთხვევებში:

– ალკა-ზელტცერის დანიშვნისას ერთდროულად სხვა ანტიკოაგულანტებთან ერთად (მაგალითად კუმარინის წარმოებულები, ჰეპარინი);

– გლუკოზა-6-ფოსფატდეჰიდროგენაზას უკმარისობის დროს;

– ბრონქული ასთმის ან მომატებული მგრძნობელობის დროს სალიცილატების, სხვა ანთების საწინააღმდეგო და ანტირევმატიული საშუალებების ან სხვა ალერგენების მიმართ;

– კუჭის ან 12-გოჯა ნაწლავის ქრონიკული დაავადებების დროს;

– თირკმელების ფუნქციმს დარღვევის დროს ორსულებში, განსაკუთრებით ბოლო 3 თვის განმავლობაში.

განსაკუთრებული მითითებები: პაციენტებში, რომელთაც აღენიშნებათ ბრონქული ასთმა, თივის ცხელება, ცხვირის ლორწოვანი გარსის ანთება (ცხვირის პოლიპები) ან სასუნთქი სისტემის ქრონიკული ინფექცია; მომატებული მგრძნობელობისას ტკივილგამაყუჩებელი და რევმატიზმის საწინააღმდეგო ნებისმიერი საშუალებების მიმართ ალკა-ზელტცერმა შეიძლება გამოიწვიოს ასთმის პროვოცირება (ე.წ ინტოლერანტობა ანალგეტიკების მიმართ, ანალგეზიური ასთმა). პრეპარატის მიღებამდე ასეთ პაციენტებში აუცილებელია ექიმთან კონსულტაცია. ასევე რეკომენდებულია ექიმთან კონსულტაცია იმ პაციენტებში, რომელთაც აღენიშნებათ მომატებული მგრძნობელობა (ალერგიულობა) პრეპარატის მიმართ. ორსულობის და ლაქტაციის პერიოდში აუცილებელია ექიმის კონსულტაცია. ბავშვებში და მოზარდებში ალკა-ზელტცერი ინიშნება მხოლოდ ექიმის რეკომენდაციით, რადგანაც შესაძლებელია რეის სინდრომის განვითარება, რომელიც საფრთხეს უქმნის სიცოცხლეს.

ზედოზირება: ჭარბი დოზირებისას განსაკუთრებით ბავშვებში და ხანდაზმულებში აღინიშნება თავბრუსხვევა და ყურებში შუილი.

სხვა წამლებთან ურთიერთქმედება: ალკა-ზელტცერის და ანტიკოაგულანტების (კუმარინის წარმოებულები, ჰეპარინი ერთდროული გამოყენებისას იზრდება კუჭ-ნაწლავიდან სისხლდენების განვითარების რისკი.

ასპირინის კომბინირებისას კორტიკოსტეროიდებთან, სხვა არასტეროიდულ, ჰიპოგლიკემიურ (სულფანილშარდოვანა) და ავთვისებიანი სიმსივნის საწინააღმდეგო (მეტოტრექსატი) პრეპარატებთან შესაძლოა განვითარდეს არასასურველი გვერდითი მოვლენები.

ასპირინთან კომბინირების დროს მცირდება: სპირონოლაქტონის, ფუროსემიდის, პოდაგრის საწინააღმდეგო საშუალებების მოქმედება, რის გამოც ალკა-ზელტცერის  გამოყენება ზემოთ აღნიშნულ საშუალებებთან ერთად შესაძლებელია მხოლოდ ექიმის რეკომენდაციის შემთხვევაში.

შენახვის პირობები და ვარგისიანობის ვადა: პრეპარატი ინახება არა უმეტეს 25^oC ტემპერატურაზე. ვარგისიანობის ვადა – 2 წელი.

ფარმაკოლოგიური თვისებები

პროგესტინი, კარგად გამოხატული, პროგესტაგენური აქტივობით გამოირჩევა; ენდომეტრიუმის ეპითელიუმი პროლიფერაციული ფაზიდან სეკრეციულ ფაზაში გადაჰყავს, ტროფობლასტის სეკრეციულ ფუნქციაზე მასტიმულირებელ ზეგავლენას ახდენს, აქვეითებს ოქსიტოცინაზას გამომუშავებას; ერთდროულად იზრდება პლაცენტარული სტეროიდული მეტაბოლიტების წარმოქმნა; პლაცენტის ფუნქციაში ნორმალიზაცია და ენდოგენური პროგესტერონის გამომუშავების (სეკრეციის) სტიმულაციაც აღინიშნება.

ჩვენებები

• მოსალოდნელი აბორტი, ჩვეული აბორტი, მოსალოდნელი ნაადრევი მშობიარობა.

დოზირების რეჟიმი

ინდივიდალურია; ერთჯერადი დოზა შიგნით მისაღებად 5 მგ ტოლია, სადღეღამისო დოზა 10-40 მგ ფარგლებშია.

გვერდითი მოვლენები

მოსალოდნელი დისპეპსიური მოვლენები, თავის ტკივილი, სითხის შეკავება.

უკუჩვენებები

გადახრები ღვიძლის ფუნქციებში, დუბინჯონსონის სინდრომი, როტორის სინდრომი, ანამნეზში აღნიშნული ტოქსიკოზი ან ჰერპესის მოვლენები წინა ორსულობის დროს.

განსაკუთრებული მითითებები

შაქრიანი დიაბეტის დროს ალილესტერენოლმა შეიძლება გლუკოზისადმი ტოლერანტობა დააქვეითოს. ღვიძლის მიკროსომული ფერმენტების ინდუქტორები ალილესტერენოლის ეფექტურობას აქვეითებს.