ფორმა, შეფუთვა: 2%-იანი გამჭვირველე, უფერო თვალის წვეთები, 1 მლ შიეცავს 20 მგ აქტიურ ნივთიერებას. გაყიდვაში გამოდის მუყაოს შეფუთვით, რომელშიაც მოთავსებულია 1 ცალი პოლიეთილენის 10 მლ-იანი ფლაკონი საწვეთურით.

შემადგენლობა: კრომოგლიციური მჟავის დინატრიუმის მარილი (ნატრიუმის კრომოგლიკატი)   (Cromoglicic Acid)

მწარმოებელი: Ursapharm (გერმანია)

კლინიკო-ფარმაკოლოგიური ჯგუფი: არასტეროიდული ანტიალერგიული საშუალება ადგილობრივი გამოყენებისათვის ოფთალმოლოგიაში.

ფარმაკოლოგიური მოქმედება: ალერგოკრომის აქტიურ კომპონენტს წარმოადგენს ნატრიუმის კრომოგლიკატი, რომელსაც  შეუძლია კალციუმის არხების IgE-რეცეპტორების ბლოკირება და პოხიერ უჯრედებში კალციუმის შეღწევის უნარის დათრგუნვა. ამგვარად იგი ასუსტებს პოხიერი უჯრედების დეგრანულაციას და აფერხებს ჰისტამინისა და სწრაფი ჰიპერმგრძნობელობის სხვა მედიატორების გამოყოფას.

ჩვენება:

• მწვავე და ქრონიკული ალერგიული კონიუნქტივიტი (მათ შორის თივის და საგაზაფხულო კონიუნქტივიტი);
• კონიუნქტივის არასპეფიციკური ანთებითი პროცესები, გამოწვეული ალერგიული რეაქციების მიერ.

გამოიყენეთ მხოლოდ ექიმის დანიშვნით!

დოზირებისა და მიღების რეჟიმი: ექიმის სხვა რეკომენდაციების არარსებობის დროს, ზუსტად დაიცავით პრეპარატის გამოყენების ინსტრუქცია.

ალერგოკომს იწვეთებენ 1-2 წვეთს 4-ჯერ დღეში კონიუნქტივალურ პარკში. ამისათვის აუცილებელია მოხსნათ ფლაკონს ხუფი, გადმოატრიალოთ ფლაკონი და მის კორპუსზე სუსტად დაჭერით ჩაიწვეთოთ წვეთების საჭირო რაოდენობა კონიუნქტივალურ პარკში.

ჩაწვეთების დროს აუცილებელია აარიდოთ ფლაკონი თვალის ლორწოვან გარსს ან კანს.

დოზა ერთნაირია ბავშვებსა და მოზრდილებში. ალერგოკრომით მკურნალობა აუცილებლად უნდა გაგრძელდეს პაციენტის დაავადების გამომწვევ ალერგენთან კონტაქტის დასრულებამდე.

გვერდითი მოვლენები: თუ ალერგოკრომით მკურნალობისას განვითარდა გვერდითი ეფექტი ან პაციენტი არ არის დარწმუნებული პრეპარატის ეფექტურობაში, საჭიროა მიეწოდოს ეს ინფორმაცია ექიმს ან ფარმაცევტს.

იშვიათად პაციენტს შეიძლება ჰქონდეს კონსერვანტისადმი (ბენზალკონიუმის ქლორიდი) ან ალერგოკრომის ერთ-ერთი სხვა კომპონენტისადმი მომატებული მგრძნობელობა. ამ შემთხვევაში შეიძლება წარმოიქმნას წვა, უცხო სხეულის გრძნობა, ქემოზი და კონიუქტივის ჰიპერემია. ყველა ეს სიმპტომი ქრება პრეპარატის მოხსნისთანავე.

უკუჩვენება:

• პრეპარატის ერთ-ერთი კომპონენტისადმი მომატებული მგრძნობელობა.

  არ არის რეკომენდებული რბილი კონტაქტური ლინზების გამოყენება ალერკოგრომით მკურნალობის დროს.

  თუ პაციენტი, მკურნალი ექიმის ნებართვით, აგრძელებს მაგარი კონტაქტური ლინზების გამოყენებას ალერგოკრომით მკურნალობის დროს, მაშინ ალერგოკრომის თვალის წვეთების ჩაწვეთებამდე რეკომენდებულია მოიხსნათ კონტაქტური ლინზები და კვლავ გაიკეთოთ ჩაწვეთებიდან არანაკლებ 15 წუთის შემდეგ.

• ბავშვებში, ორსულობასა და ლაქტაციის პერიოდში ალერგოკრომის გამოყენების შესახებ კლინიკური გამოკვლევების მონაცემები არ არსებობს. ალერგოკრომის ტერატოგონური ეფექტის შესახებ მონაცემების არარსებობის მიუხედავად, არ არის რეკომენდებული პრეპარატის გამოყენება ორსულობის პირველი სამი თვის განმავლობაში. შესაძლებელია პრეპარატი ალერგოკრომი თვალის წვეთები გამოყენებულ იქნას 1 წლის ასაკზე უფროს ბავშვებში, ორსულობისა (4 თვიდან დაწყებული) და მეძუძური ქალების მკურნალობისთვის ექიმის დანიშნულებით, თუ მოსალოდნელი სამკურნალო ეფექტი აღემატება შესაძლებელი გვერდითი ეფექტების განვითარების რისკს. მოცემული კატეგორიის პაციენტებში პრეპარატის გამოყენების ხანგრძლივობა არის არა უმეტეს 7-10 დღისა.

განსაკუთრებული მითითებები: ალერგოკრომის გამოყენების შემდეგ შეიძლება წარმოიქმნას მხედველობის სიმახვილის ხანმოკლე დარღვევა (ისევე, როგორც ნებისმიერი სხვა თვალის წვეთების ჩაწვეთების შემდეგ), რაც იწვევს ფსიქიკური და ფიზიკური რეაქციების შენელებას. ამიტომ პრეპარატის გამოყენება უშუალოდ მექანიზმებთან მუშაობისა და ავტოტრანსპორტის მართვის წინ არ არის რეკომენდებული.

ზედოზირება: ზედოზირების შესახებ მონაცემები არ არსებობს.

სხვა წამლებთან ურთიერთქმედება: გამოვლენილი არ არის

შენახვის პირობები და ვარგისიანობის ვადა: პრეპარატი ინახება არა უმეტეს 25^oC ტემპერატურაზე, სინათლისა და ბავშვებისაგან დაცულ ადგილას და ვარგისიანია 3 წელი. ფლაკონი გახსნიდან არა უმეტეს 6 კვირა არის ვარგისიანი.

ფორმა, შეფუთვა: 0,05%-იანი გამჭვირველე, უფერო თვალის წვეთები, 1 მლ შიეცავს 500 მკგ აქტიურ ნივთიერებას. გაყიდვაში გამოდის მუყაოს შეფუთვით, რომელშიაც მოთავსებულია 1 ცალი პოლიეთილენის 6 ან 10 მლ-იანი ფლაკონი საწვეთურით.

შემადგენლობა: აზელასტინის ჰიდროქლორიდი (Azelastine hidrochloride)

მწარმოებელი: MEDA PHARMA, GmbH & Co.KG (გერმანია)

კლინიკო-ფარმაკოლოგიური ჯგუფი: ჰისტამინური H1-რეცეპტორების ბლოკატორი.

(ოფტალმოლოგიაში ადგილობრივი მოხმარების ანტიალერგიული პრეპარატი);

ფარმაკოლოგიური მოქმედება: ალერგოდული არის ფტალაზონონისგან წარმოებული ჰისტამინური H1-რეცეპტორების ბლოკატორი, მას აქვს ძლიერი და ხანგრძლივი ანტიალერგიული მოქმედება. თვალში ჩაწვეტების შემდეგ დამატებით აღინიშნება ანთებისსაწინააღმდეგო და მემბრანის მასტაბილიზებელი ეფექტი: აზელასტინი ამუხრუჭებს ალერგიული რეაქციის ადრეული და გვიანი ფაზის მედიატორების გამოთავისუფლებას.

კლინიკურად მნიშვნელოვანი მოქმედება  QT იტერვალზე არ ვლინდება აზელასტინის დიდ დოზებში გამოყენების შემთხვევაშიც კი.

ფარმაკოკინეტიკა: თვალის წვეთების სახით ალერგოდილის განმეორებითი გამოყენებისას (1 წვეთი თითოეულ თვალში დღეში 4-ჯერ) C_max აღმოჩნდა ძლიან დაბალი.

ჩვენება-სეზონური და ალერგიული კონიუნქტივიტების სიმპტომური მკურნალობა.

დოზირებისა და მიღების რეჟიმი: ინიშნება 1 წვეთი ალერგოდილი ორივე თვალში დილით და საღამოს. პრეპარატის გამოყენება შესაძლებელია სიმპტომების სრულ გაქრობამდე.

ალერგოდილის გამოყენების წესი:

პირველ რიგში სისველის მოშორების მიზნით საჭირო თვალის ირგვლივ კანის ფრთხილად გაწმენდა. საწვეთურის სისუფთავეში დარწმუნების მიზნით საჭიროა ბოთლის თავსახურის მოხსნა. ფრთხილად ვწევთ დაბლა ქვედა ქუთუთოს.

ფრთხილად ვაწვეთებთ პრეპარატის 1 წვეთს ქვედა ქუთუთოს შუაგულში. ამ დროს საწვეთური თვალს არ უნდა ეხებოდეს.

შემდგომ საჭიროა ქვედა ქუთუთოს ხელი გავუშვათ და ფრთხილად მივაჭიროთ თითი თვალის შიდა კუთხეს ცხვირის ფუძის მიმართულებით. თვალის ზედაპირზე პრეპარატის კარგად განაწილების მიზნით საჭიროა თვალის რამდენჯერმე დახამხამება. პრეპარატის ჭარბი რაოდენობის მოცილება წარმოებს დოლბანდის საშუალებით. იგივე პროცედურა ტარდება მეორე თვალზე.

გვერდითი მოვლენები: შესაძლებელია თვალის ლორწოვანის მსუბუქი გაღიზიანება, იშვიათად – პირში მწარე გემოს შეგრძნება.

უკუჩვენება:

• პრეპარატის და მასში შემავალი ინგრედიენტების მიმართ მომატებული მგრძნობელობა;
• ორსულობის I ტრიმესტრი და ლაქტაციის პერიოდი.

განსაკუთრებული მითითებები: ალერგოდილის თვალის წვეთების გამოყენება კონტაქტური ლინზების ტარების დროს რეკომენდებული არ არის.

ზედოზირება: მონაცემები ჭაერბი დოზირების შესახებ არ არსებიბს.

სხვა წამლებთან ურთიერთქმედება: გამოვლენილი არ არის.

შენახვის პირობები და ვარგისიანობის ვადა: პრეპარატი ინახება ოთახის ტემპერატურაზე, ბავშვებისაგან დაცულ ადგილას და ვარგისიანია 3 წელი; გახსნილი ფლაკონი ვარგისიანია არა უმეტეს 4 კვირისა.

საერთაშორისო დასახელება:

IBUPROFEN

მწარმოებელი: SANOFI AVENTIS

მოქმედი ნივთიერება: იბუპროფენი

კლინიკურ–ფარმაკოლოგიური ჯგუფი:

ჯგ: არასტეროიდული ანთების საწინააღმდეგო საშუალებები; პროპიონის მჟავას წარმოებული; პრეპარატი გამოხატული ანალგეზიური ეფექტით

შემადგენლობა და გამოშვების ფორმა:

600მგ შემოგარსული ტაბლეტი

აქტიური ნივთიერება: ყოველი ტაბლეტი შეიცავს 600 მგ იბუპროფენს.

დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა, სიმინდის სახამებელი, ნატრიუმის კროსკამელოზა, მაგნიუმის სტეარატი, კრემნიუმის კოლოიდური დიოქსიდი, ჰიპრომელოზა, გლიცერინ-ტრიაცეტატი, ტიტანის დიოქსიდი, ერითროზინი, ალუმინის შეფერილობის პიგმენტი.

წამლის ფორმა:

600მგ შემოგარსული ტაბლეტი

ელიფსის ფორმის, ორმხრივად ამოზნექილი, ვარდისფერი შემოგარსული ტაბლეტი გრავირებით ‘S60’ ერთ მხარეზე. გამყოფი ღარი თეთრი ფერისაა.

ჩვენებები:

ალგოფლექს ფორტეს ახასიათებს ტკივილგამაყუჩებელი, ანთების საწინააღმდეგო თვისებები.

იგი გამოიყენება ისეთი სხვადასხვა წარმოშობის ტკივილის მოსახსნელად, როგორიცაა:

• თავის ტკივილი, კბილის ტკივილი, ტკივილი მენსტრუაციის დროს, ოპერაციის შემდგომი ტკივილი; ასევე
• საყრდენ-მამოძრავებელი აპარატის სხვადასხვა დაავადებათა, მყესებისა და კუნთების დაჭიმულობის სამკურნალოდ.

მიღების წესები და დოზები

რეკომენდებული მაქსიმალური დღიური დოზა შეადგენს 3 ტაბლეტს, რომელიც იყოფა რამდენიმე მიღებად; ორ დოზას შორის ინტერვალი უნდა შეადგენდეს სულ მცირე 6 საათს.

სახსართა დაავადების გამწვავებისას, სასურველია დოზის გაზრდა დაავადების მწვავე სტადიის დასრულებამდე, თუმცა საერთო დღიურმა დოზამ არ უნდა გადააჭარბოს 4 ტაბლეტს.

დაუშვებელია ორმაგი დოზის მიღება გამოტოვებული დოზის ასანაზღაურებლად.

პრეპარატის გამოყენება დაუშვებელია ბავშვებში!

კუჭ-ნაწლავზე გვერდითი ეფექტების პრევენციისთვის, სასურველია შემოგარსული ტაბლეტების მიღება საკვების მიღების დროს.

აცეტილსალიცილის მჟავასთან ერთად მიღების აუცილევლობის შემთხვევაში, ალგოფლექს ფორტე ინიშნება აცეტილსალიცილის მჟავის შემცველი პრეპარატის მიღებიდან 30 წუთის შემდეგ ან მის მიღებამდე სულ მცირე 8 საათით ადრე.

გვერდითი მოვლენები

საჭმლის მომნელებელი სისტემის მხრივ:

აღნიშნული პრეპარატის მიღების შემდეგ შეიძლება შეინიშნოს გულისრევა და ღებინება, ტკივილი მუცლის ღრუში, დისპეფსია, ყაბზობა, შებერილობა, დიარეა, ახალი ან შედედებული სისხლი განავალში, პირღებინება სისხლთან ერთად. ხანდახან, განსაკუთრებით ხანდაზმულებში, საჭმლის მომნელებელი ტრაქტის დაწყლულება/სისხლდენა ფატალური შედეგით სრულდება. უფრო მწვავე შემთხვევებში, შესაძლებელია თავი იჩინოს პირის ღრუს ლორწოვანი გარსის წყლულოვანმა ანთებამ და კრონის დაავადების გაუარესებამ.

გულის მხრივ:

არასტეროიდული ანთების საწინააღმდეგო პრეპარატის მიღებასთან დაკავშირებით შესაძლებელია გამოიხატოს შეშუპება, მაღალი სისხლის წნევა და გულის უკმარისობა.

ნერვული სისტემის მხრივ:

შუილი ყურებში, თავის ტკივილი, თავბრუსხვევა, სმენის დარღვევა.

სისხლისა და ლიმფური სისტემის მხრივ:

მომატებული მიდრეკილება სისხლდენისადმი, ანემია, ლეიკოციტების ან თრომბოციტების რაოდენობის შემცირება.

ჰიპერმგრძნობელობითი რეაქციები:

გამონაყარი კანზე, ქავილი და კანის სხვა ალერგიული რეაქციები, ასთმური შეტევა.

თირკმლისა და შარდის გამომყოფი სისტემის მხრივ:

თირკმლის ფუნქციის დარღვევები, სისხლიანი შარდი, შარდის ბუშტის ანთება, თირკმელების ანთება და დისფუნქცია. შეშუპება, განსაკუთრებით ქვედა კიდურებში და სითხის შეკავების მომატება.

ლაბორატორიული ტესტირება:

ღვიძლის მოქმედების დარღვევები, ჰემოგლობინის, ჰემატოკრიტისა და სისხლის შრატში კალციუმის შემცველობის დონეების შემცირება.

მხედველობის მხრივ:

მხედველობის ისეთი დარღვევები, როგორიცაა მხედველობის დაბინდვა, ფერთა აღქმის დარღვევა. აღნიშნული რეაქციები ქრებიან პრეპარატის მიღების შეწყვეტისთანავე.

არასასურველი ეფექტების შემცირება შესაძლებელია მოკლე პერიოდის განმავლობაში უმცირესი ეფექტური დოზის გამოყენებით, რაც აუცილებელია მათ შესაჩერებლად.

უკუჩვენებები:

ალგოფლექს ფორტეს მიღება არ შეიძლება  იმ შემთხვევაში,

* თუ აღინიშნება ალერგია (ჰიპერმგრძნობელობა) იბუპროფენის ან სხვა შემადგენელი ნივთიერების, აცეტილსაცილის მჟავის ან სხვა არასტეროიდული ანთების საწინააღმდეგო პრეპარატების მიმართ;

• თუ ანამნეზში აღინიშნებოდა ბრონქოსპაზმი, „თივის ცხელება“ ან ჭინჭრის ციება, განსაკუთრებით თუ ისინი ვლინდებოდნენ აცეტილსალიცილის მჟავის ან სხვა არასტეროდული ანთების საწინააღმდეგო საშუალებების მიღებისას;

• განმეორებითი ან აქტიური კუჭისა თუ თორმეტგოჯა ნაწლავის წყლულის / სისხლდენის შემთხვევაში; თუ ადრე აღინიშნებოდა არასპეციფიკური წყლულოვანი კოლიტი, ან კრონის დაავადება, წყლული ან სისხლდენა კუჭ-ნაწლავის ტრაქტიდან არასტეროიდული ანთების საწინააღმდეგო პრეპარატების მიღებისას;

• ორსულობის, ლაქტაციის შემთხვევაში;

• აუტოიმუნური დაავადების (სისტემური წითელი მგლურა) შემთხვევაში;

• გულის მწვავე უკმარისობის,

ღვიძლისა და თირკმლის ფუნქციათა დარღვევების,

* მაღალი არტერიული წნევის, ანტიკოაგულენტებით მკურნალობისას,

ანამნეზში სასუნთქი გზების ქრონიკული დაავადების;

* პარკინსონის დაავადების, ეპილეფსიისა თუ სისხლის შედედებასთან დაკავშირებული დარღვევების შემთხვევებში, რასაც თან ახლავს სისხლდენის რისკი;

• ბავშვთა ასაკი .

განსაკუთრებული სიფრთხილით ინიშნება:

• მოხუცებულთა ასაკში;

• მკურნალობა უნდა შეწყდეს დაუყოვნებლივ იმ შემთხვევაში, თუ ვლინდება სისხლდენა კუჭ-ნაწლავის ტრაქტში, მხედველობისა თუ სმენის დარღვევები ან ჰიპერმგრძნობელობითი რეაქციები;

• ლაქტოზას შემცველობის გამო, პრეპარატს შეუძლია გამოიწვიოს კუჭ-ნაწლავის მოქმედების დარღვევები იმ პაციენტებში, რომელთაც აღენიშნებათ მომატებული მგრძნობელობა ლაქტოზას მიმართ, ვინაიდან ყოველი შემოგარსული ტაბლეტი შეიცავს 90 მგ ლაქტოზას.

ორსულობა და ლაქტაცია:

დაუშვებელია ალგოფლექს ფორტეს მიღება ორსულობის ან ძუძუთი კვების დროს.

განსაკუთრებული მითითებები:

ზემოქმედება ავტომობილთა მართვის უნარზე

ალგოფლექს ფორტემ შესაძლებელია უარყოფითი გავლენა მოახდინოს ავტომობილის მართვასა და იმ სამუშაოს შესრულებაზე, რაც მოითხოვს ყურადღების განსაკუთრებულ კონცენტრირებას!

სხვა წამლებთან ურთიერთქმედება:

ალგოფლექს ფორტეს გამოყენება არ შეიძლება შემდეგ პრეპარატებთან ერთად:

* ანტიკოაგულანტები (ზრდიან სისხლდენის რისკს);

• აცეტილსალიცილის მჟავა (ამცირებს იბუპროფენის ანთების საწინააღმდეგო მოქმედებას);

• თრომბოციტების აგრეგაციის ინჰიბიტორები (ზრდიან კუჭსა და ნაწლავებში სისხლდენის განვითარების რისკს);

• გლუკოკორტიკოიდები (შეიძლება გაზარდონ გვერდითი ეფექტების განვითარების რისკი);

• შარდმჟავას გამომყოფი, ფაღარათის საწინააღმდეგო სამკურნალო საშუალებები;

• კორტიკოსტეროიდები, რომლებიც გამოიყენება ალერგიისა და ანთების საწინააღმდეგო მკურნალობისას.

სიფრთხილით ინიშნება:

• არტერიული წნევის დამწევ სამკურნალო საშუალებებთან ერთად (ვინაიდან შეიძლება შეამციროს წნევის დამწევი ეფექტი);

• თიაზიდურ დიურეზულ პრეპარატებთან ერთად (შესაძლებელია შეამციროს მათი დიურეზული მოქმედება);

• ლითიუმის პრეპარატებთან, დიგოქსინთან, ფენიტოინთან, მეტოტრექსატთან ერთად (შესაძლოა გაზარდოს მათი ტოქსიკური ეფექტი);

• ორალურ გლუკოზის დონის დამწევი პრეპარატებთან ერთად (შეიძლება გაზარდოს მათი სისხლში გლუკოზის დონის შემცველობის დამწევი ეფექტი);

• სულფონამიდების ტიპის ანტიბიოტიკებთან ერთად (ზრდის მათ მოქმედებას);

• ზრდის ე.წ. კალიუმის შემანარჩუნებელი დიურეტიკების ეფექტს (ზრდის კალიუმის შემცველობის დონეს).

შენახვის პირობები და ვადები:

პრეპარატი ინახება ბავშვებისთვის მიუწვდომელ ადგილზე. 30^oC – ზე ტემპერატურაზე, თავდაპირველ შეფუთვაში.

საერთაშორისო დაუპატენტებელი სახელწოდება:

SULFACETAMIDE

მწარმოებელი: დსს “ლიქვორი”, სომხეთი

მოქმედი ნივთიერება: სულფაცეტამიდი

კლინიკურ–ფარმაკოლოგიური ჯგუფი:

მიკრობების საწინააღმდეგო საშუალება, სულფანილამიდი.

შემადგენლობა და გამოშვების ფორმა:

თვალის წვეთები 20%

ნატრიუმის სულფაცეტამიდი ……………….  200 მგ/მლ;

დამხმარე ნივთიერებები: პოლივინილის სპირტი 1.4%; ნატრიუმის თიოსულფატი 1.5 მგ/მლ; ნატრიუმის ფოსფატი ერთჩანაცვლებული 1.56 მგ/მლ; ნატრიუმის ფოსფატი ორჩანაცვლებული 0.71 მგ/მლ; დინატრიუმის ედეტატი 0.01 მგ/მლ; ბენზალკონიუმის ქლორიდი 0.005%; საინექციო წყალი.

აღწერილობა: უფერო ან მოყვითალო შეფერილობის გამჭვირვალე სითხე.

ფარმაკოლოგიური თვისებები:

პრეპარატი აინჰიბირებს დიჰიდროფოლიუმის მჟავას სინთეზს ფტერიდინის ამინობენზოინის მჟავასთან შეერთების დათრგუნვის გზით dihydropteroate synthetase ფერმენტის კონკურენტული ინჰიბირებით. პრეპარატი ეფექტურია სტრეპტოკოკური, გონოკოკური, პნევმოკოკური და კოლიბაცილური ინფექციების დროს.

ფარმაკოდინამიკა:

სულფანილამიდს გააჩნია მოქმედების ფართო სპექტრი, იგი ბაქტერიოსტატიკია. მისი მოქმედების მექანიზმი დაკავშირებულია ПАБК-სთან კონკურენტულ ანტაგონიზმთან და დიჰიდროფტეროატსინთეტაზას კონკურენტულ დათრგუნვასთან, რაც იწვევს ტეტრაჰიდროფოლიუმის ჯავას სინთეზის დარღვევას, რომელიც აუცილებელია პურინებისა და პირიმიდინების სინთეზისათვის. იგი აქტიურია გრამდადებითი და გრამუარყოფითი კოკების, ნაწლავური ჩხირის, ასევე ქლამიდიების, აქტიმინომიცეტებისა და სხვ. მიმართ.

ფარმაკოკინეტიკა:

ადგილობრივი გამოყენებისას აღწევს ქსოვილებში და თვალის სითხეებში. შეუძლია სისხლის სისტემურ დინებაში შეღწევა ანთებითი კონიუნქტივიდან, მაგრამ პრეპარატის უმნიშვნელო რაოდენობის გამო სისტემური ეფექტი არ აღინიშნება..

გამოყენების ჩვენებები:

კონიუნქტივიტები, ბლეფარიტები, რქოვანას გარსის ჩირქოვანი წყლულები და სხვ.

თვალების ინფექციური დაავადებები, გამოწვეული სულფანილამიდების მიმართ მგრძნობიარე მიკროორგანიზმებით;

ტრაქომის კომპლექსური მკურნალობა.

გამოყენების წესი და დოზები:

ინსტილაციები თავიდან 1-2 წვეთი ყოველ 2-3 საათში. მკურნალობის კურსი შეადგენს 7-10 დღეს. ტრაქომის დროს – ინსტალაციები 2 წვეთი ყოველ 2 საათში.

უკუჩვენებები:

ტოქსიკო-ალერგიული რეაქციები სულფანილამიდებზე.

გამოყენება ორსულობისა და ლაქტაციის დროს:

ჩვენებების მიხედვით.

გვერდითი მოქმედება:

ადგილობრივი გაღიზიანება, წვა, არასპეციფიური კონიუნქტივიტი, კონიუნქტივალური ჰიპერემია.

ჭარბი დოზა:

პრეპარატის დოზა უნდა შემცირდეს, უნდა გაიზარდოს ინტერვალი თვალის წვეთების გამოყენებათა შორის ან შეწყდეს პრეპარატის გამოყენება.

ურთიერთქმედება სხვა წამლებთან:

ნოვოკაინთან და დიკაინთან ერთად გამოყენების დროს მცირდება პრეპარატის ბაქტერიოსტატული ეფექტი. ვერცხლის მარილებთან ერთად მისი გამოყენებისას აღინიშნება ნატრიუმის სულფაცილის შეუთავსებლობა.

განსაკუთრებული მითითებები:

პაციენტებში ინდივიდუალური ჰიპერმგრძნობელობით ფუროსემიდის, თიაზიდური დიურეზულების, სულფონილშარდოვანას ან კარბოანჰიდრაზას ინჰიბიტორების მიმართ შესაძლოა გამოვლინდეს ჰიპერმგრძნობელობა ნატრიუმის სულფაცეტამიდის მიმართ.

გაფრთხილებები:

ხანგრძლივი გამოყენებისას შესაძლებელია: პრეპარატის მიმართ უგრძნობი მიკროორგანიზმების მომატება, სოკოების ჩათვლით; ბაქტერიული მდგრადობის განვითარება.

ვარგისიანობის ვადა:

2 წელი.

შენახვა:

ინახება 8-25°C ტემპერატურაზე.

გამოშვების ფორმა:

პოლიეთილენის 5 მლ ფლაკონ-საწვეთურები.

აფთიაქიდან გაცემის პირობები:

რეცეპტის გარეშე.

საერთაშორისო დასახელება:

ALBUMIN HUMAN

მწარმოებელი: KEDRION

მოქმედი ნივთიერება: ალბუმინი

შემადგენლობა და გამოშვების ფორმა:

საინფუზიო ხსნარი 20%: ფლაკონში 10 მლ, 50 მლ და 100 მლ

1 მლ

ალბუმინი ადამიანის ……….. 200მგ

ვრცლად ალბუმინი

ჩვენებები:

• დამწვრობის დროს შოკის, ქირურგიული ჩარევის, პანკრეატიტის, ჰემორაგიის, ტრავმის შემდეგ პლაზმის მოცულობის შესავსებად;
• ნეფროზული სინდრომის მწვავე შემთხვევაში განვითარებული ჰიპოპროტეინემია;
• ციროზი, ორსულთა ტოქსიკოზი, დღენაკლულ ახალშობილებში.

დოზირების რეჟიმი:

15% ხსნარის მაქს. 25 ლ/დღეში ან 25% ხსნარის 0.5 ლ/დღეში ინტრავენური ინფუზიის სახით. პაციენტებს ვისაც აღნიშნულზე მეტი რაოდენობა ესაჭიროებათ უნდა გადაესხათ სისხლი.

გვერდითი მოვლენები:

შემცივნება, ტემპერატურის მომატება, გულისრევა, ალერგიული რეაქციები, ჰიპოტონია.

უკუჩვენებები:

გულის და თირკმელების მწვავე უკმარისობა, ძლიერი ანემია, სისხლდენა.

ფარმაკოლოგიური თვისებები

პრეპარატი ქიმიური სტრუქტურის მიხედვით ახლოს დგას მებენდაზოლთან და ასევე აქტიურია ნემატოდებისა და ზოგიერთი ცესტოდების წინააღმდეგ.

ჩვენებები

ალბენდაზოლი გამოიყენება ექინოკოკით გამოწვეული ინოპერაბელური ჰიდატიური კისტების და რეკურენტული, ან მრავლობითი კისტების სამკურნალოდ.

დოზირების რეჟიმი

საშუალო დოზა მოზრდილთათვის და 2 წელზე უფროსი ასაკის ბავშვებისათვის შეადგენს 400 მგ ერთხელ, ან 2-ჯერ დღეში. ასეთი დოზა შეიძლება დაინიშნოს 3 დღის განმავლობაში.

1-2 თვიანი კურსი 20 მგ/კგ/დღეში (მაქს. 800 მგ/დღეში) დაყოფილი დოზებით, მიზანშეწონილია ჰიდატიური დაავადების მკურნალობისათვის.

გვერდითი მოვლენები

მაღალი ტემპერატურა, მომატებული მგრძნობელობა პრეპარატის მიმართ, გასტროინტესტინური დარღვევები.

უკუჩვენებები

* ორსულობა;

* 2 წლამდე ასაკის ბავშვები.

ფარმაკოლოგიური თვისებები

კერატოლიზური და მთრიმლავი საშუალება, რეგენერაციული (აღდგენითი) პროცესების სტიმულატორი.

ჩვენებები

• კანის დაავადებები;
• ბუასილი, ეროზიულწყლულოვანი დაზიანება ანორექტალურ მიდამოში;
• ლორწოვანი გარსის დაზიანება პირის ღრუში.

დოზირების რეჟიმი

ინდივიდუალურია, ჩვენებების მიხედვით.

გვერდითი მოვლენები

მოსალოდნელია ალერგიული რეაქციები.

უკუჩვენებები

ჭარბი მგრძნობელობა ალანტოინისადმი.

განსაკუთრებული მითითებები

იყენებენ კომბინირებული პრეპარატების ფორმით. ალანტოინის შემცველი პრეპარატები ზუსტად ჩვენების მიხედვით უნდა იქნეს გამოყენებული სხვა შემადგენელი კომპონენტების უკუჩვენებისა და გვერდითი მოქმედების გათვალისწინებით.

საერთაშორისო დასახელება:

ORLISTAT

მწარმოებელი: გლაქსოსმიტკლაინ კონსიუმერ ჰელსქერ

მოქმედი ნივთიერება: ორლისტატი

კლინიკურ–ფარმაკოლოგიური ჯგუფი:

ჯგ: სიმსუქნის სამკურნალოდ გამოსაყენებელი საშუალებები; კუჭ-ნაწლავის ლიპაზების ინჰიბიტორები

შემადგენლობა და გამოშვების ფორმა:

ორლისტატი ……….   60მგ.

დამხმარე ნივთიერებები: მიკროკრისტალური ცელულოზა, ნატრიუმის კარბოქსიმეთილსახამებელი, ნატრიუმის ლაურილსულფატი, პოვიდონი, ტალკი;

კაფსულა: ჟელატინი, ტიტანის დიოქსიდი, ინდიკოკარმინი, ტექნოლოგიური დანამატი, Opacode S- 1- 17822/23

ჟელატინი, პოლისორბატი – 80, ინდიგოკარმინი

აღწერილობა:

მყარი ჟელატინისებრი კაფსულები #2 ზომის, კორპუსით და სახურავით, ცისფერი ფერის, სახურავზე მარკირებით «alli», დაბეჭდილი შავი საღებავით. კაფსულის შიქთავსი თეთრი ან თითქმის თეთრი გრანულები.

ფარმაკოლოგიური თვისებები:

ორლისტატი წარმოადგენს , ხანგრძლივი მოქმედების, კუჭ-ნაწლავის ლიპაზის სპეციფიურ ინჰიბიტორს. თავის თერაპიულ აქტივობას ავლენს კუჭისა და წვრილი ნაწლავის სანათურში, კუჭისა და პანკრეასის ლიპაზის აქტიურ უბანთან, კოვალენტური კავშირის წარმოქმნით. ინაქტივირებული ფერმენტები, კარგავენ საკვები ცხიმების (ტრიგლიცერიდების) ჰიდროლიზის უნარს, აბსორბირებად თავისუფალ ცხიმოვან მჟავებად და მონოგლიცერიდებად. დაუშლელი ტრიგლიცერიდები არ შეიწოვება, რის შედეგადაც მცირდება ორგანიზმის მიერ მიღებული კალორიები და შესაბამისად მცირდება სხეულის მასა. პრეპარატის თერაპიული ეფექტი ხორციელდება, სისტემურ სისხლში შეწოვის გარეშე.

ჩვენებები:

ჭარბი სხეულის მასის კლება მოზრდილებში ( 18 წლის ზემოთ) სხეულის მასის ინდექსი (სმი) >25. გამოიყენება მხოლოდ ზომიერ ჰიპოკალორიულ დიეტასთან და ცხიმებით ღარიბ საკვებთან ერთად.

გამოყენებამდე აუცილებლათ გაეცანით ინსტრუქციას;

მიღების წესები და დოზები:

პრეპარატი ალაი მიიღება ყოველდღიურად, 1 კაფსულა დღეში 3-ჯერ, დაბალკალორიული და ცხიმებით ღარიბი დიეტის ფონზე. კაფსულის მიღება აუცილებელია ყოველი ძირითადი კვების წინ, ჭამის დროს ან ჭამიდან 1საათის შემდეგ. უმჯობესია კაფსულის მიღება წყალთან ერთად. თუ კვება გამოტოვებულია ან საკვები არ შეიცავს ცხიმს, ამ შემთხვევაში ალაის მიღება შეიძლება იყოს გამოტოვებული.

რეკომენდებულია პრეპარატის მიღება არაუმეტეს 3 კაფსულისა დღე-ღამეში.

მკურნალობა არაუმცირეს 6 თვისა.

მიღებული შედეგი, სხეულის მასის კლება, რეკომენდებულია შეფასდეს ექიმის მიერ.

სხეულის მასის კლების ყველაზე დიდი წილი მოდის, პრეპარატის მიღებიდან პირველი 6 თვის განმავლობაში.

თუ პრეპარატ ალაის გამოყენებიდან 12 კვირის განმავლობაში, არ აღინიშნება სხეულის მასის კლება (სხეულის მასის კლება საწყისი მასის 5%-ზე ნაკლები), აუცილებელია ექიმთან კონსულტაცია.

პრეპარატი უკუნაჩვენებია 18 წლამდე ასაკის პირებისათვის.

პრეპარატი არ მიიღება ფეხმძიმობის და ლაქტაციის პერიოდში.

პრეპარატ ალაის მიღებამდე ექიმთან კონსულტაცია უნდა გაიარონ პაციენტებმა:

1. შაქრიანი დიაბეტის  ტიპით 2.

2. ვინც იღებს ანტიკოაგულანტებს ( მაგ. ამიოდარონს, ვარფარინს.)

გვერდითი მოვლენები:

არასასურველი რეაქციები პრეპარატის მიღებისას, როგორც წესი გამოვლინდება კუჭ-ნაწლავის ტრაქტის მხრივ და განპირობებულია პრეპარატის ფარმაკოლოგიური მოქმედებით.

არასასურველი რეაქციების სიხშირე გამოვლინდება შემდეგი სახით:

ძალიან ხშირად ( > 1/10)

ხშირად (> 1/100, მაგრამ

ხანდახან ( >1/1000, მაგრამ

იშვიათად ( >1/10000, მაგრამ

ძალიან იშვიათად ( 1/10000)

რეაქცია სხვადასხვა ორგანოებისა და სისტემების მხრივ:

კუჭ–ნაწლავის ტრაქტი: მსუბუქი რექტალური სისხლდენა, დივერტიკულიტი.

კანი და კანქვეშა ქსოვილი: ბულოზური გამონაყარი.

იმუნური სისტემა: ჰიპერმგრძნობელობა, ქავილი, გამონაყარი, ჭინჭრის ციება, ანგიონევროზული შეშუპება, ბრონქოსპაზმი, ანაფილაქსია.

ღვიძლი და სანაღვლე გზები: ნაღვლკენჭოვანი დაავადება, ჰეპატიტის, ღვიძლის ტრანსამინაზების და ტუტე ფოსფატაზის დონის მატება.

უკუჩვენება:

* ორლისტატის მიმართ მომატებული მგრძნობელობა;

* ქრონიკული მალაბსორბციის სინდრომი;

* ქოლესტაზი;

* ციკლოსპორინების მიღება;

* ფეხმძიმობა და ლაქტაცია;

* 18 წლამდე ასაკი.

ორსულობა და ლაქტაცია:

ფეხმძიმობის დროს, პრეპარატის გამოყენების კლინიკური მონაცემების არ არსებობის გამო, ორლისტატი ამ პერიოდში არ მიიღება.

ვინაიდან უცნობია ორლისტატის ექსკრეცია დედის რძეში, ის არ მიიღება ლაქტაციის პერიოდში.

განსაკუთრებული მითითებები:

– დიეტა და ფიზიკური ვარჯიში წარმოადგენს სხეულის მასის კლების პროგრამის აუცილებელ ნიწილს.

– დიეტა და ფიზიკური აქტივობა რეკომენდებულია არა მხოლოდ პრეპარატის მიღებისას, არამედ მისი მიღების დასრულების შემდგომ.

– ორლისტატი არ ახდენს ზეგავლენას, ავტომობილის ან სხვა ტრანსპორტის მართვაზე და მექანიზმებით სარგებლობაზე.

სხეულის მასის დაკლების პროგრამის აუცილებელ შემადგენელ ნაწილს წარმოადგენს დიეტა და ფიზიკური ვარჯიში. რეკომენდებულია დიეტა და ფიზიკური ვარჯიში ორლისტატით მკურნალობის დაწყებამდე.

ორლისტატის მიღებისას, აუცილებელია დაბალანსებული, ზომიერად ჰიპოკალორიული კვება. ცხიმები უნდა შეადგენდეს დღიურად მისაღები კალორიების 30% ( მაგალითად 2000კკალ დღეში, აქედან ცხიმი უნდა იყოს არაუმეტეს 66 გ/დღეში).სასურველია დიეტა და ფიზიკური აქტივობა, როგორც პრეპარატის მიღების, ასევე მისი დასრულების შემდეგ.

ორლისტატის გამოყენებიდან 24-48 საათში განავალში იმატებს ცხიმების რაოდენობა.

პრეპარატის მიღების შეწყვეტიდან 48-72საათში განავალში ცხიმების რაოდენობა უბრუნდება საწყის მონაცემებს.

გვერდითი ეფექტების გამოვლენის ალბათობა მატულობს, ორლისტატთან ერთად დიდი რაოდენობით ცხიმის შემცველი საკვების მიღებისას.

ორლისტატის მიღებამ შესაძლოა შეამციროს ცხიმში ხსნადი ვიტამინების (A, D, E, და K, ბეტა-კაროტინი) აბსორბცია.

პროფილაქტიკისათვის რეკომენდებულია პოლივიტამინების მიღება ძილის წინ.

ვინაიდან სხეულის მასის კლებას თან ახლავს ნახშირწყლოვანი ცვლის მაჩვენებლების გაუმჯობესება, პაციენტებმა ტიპი 2  შაქრიანი დიაბეტით, ორლისტატის მიღებამდე კონსულტაციისათვის მიმართონ ექიმს, საჭიროების შემთხვევაში ჰიპოგლიკემიური პრეპარატების დოზის კორექციისათვის.

სატრანსპორტო სშუალებების და მექანიზმების მართვა:

ორლისტატი არ ახდენს ზეგავლენას ავტომობილის და სხვა სახის სატრანსპორტო საშუალებების მართვის უნარზე და მექანიზმებით სარგებლობაზე.

ჭარბი დოზირება:

ორლისტატი ერთჯერადად ,დოზით 800მგ და დღეში სამჯერადად, დოზით 400მგ მიღებისას ,15 დღის განმავლობაში, პაციენტებში როგორც ნორმალური მასით, ასევე ჭარბი მასით, მნიშვნელოვანი არასასურველი რეაქციები არ გამოვლენილა. დღეში სამჯერადად 240მგ ორლისტატის მიღებისას 6თვის განმავლობაში, გვერდითი რეაქციების მატება არ აღინიშნება.

ორლისტატის დოზის გადაჭარბების შემთხვევაში სასურველია მიმართოთ ექიმს. სასურველია პაციენტზე 24 საათიანი დაკვირვება. კვლევებით დამტკიცებულია, რომ ორგანიზმის ნებისმიერი ზოგადი რეაქცია, გამოწვეული ლიპაზის ინჰიბირებით, მალე შექცევადია.

სხვა წამლებთან ურთიერთქმედება:

ციკლოსპორინი.

ჩატარებული კვლევების შედეგად ცნობილი გახდა, რომ ციკლოსპორინების და ორლისტატის ერთდროული მიღებისას, პლაზმაში მცირდება ციკლოსპორინების კონცენტრაცია, რამაც შეიძლება მიგვიყვანოს ამ უკანასკნელის იმუნოდეპრესიულ ეფექტამდე. ორლისტატის და ციკლოსპორინის ერთდროული მიღება უკუნაჩვენებია.

პერორალური ანტიკოაგულანტები.

ორლისტატის ვარფარინთან ან სხვა პერორალურ ანტიკოაგულანტთან მიღებისას, შესაძლოა პაციენტებში პროთრომბინის დონის დაქვეითება. პაციენტები, რომლებიც იღებენ ამიოდარონს, ვარფარინს ან სხვა პერორალურ ანტიცოაგულანტს, ორლისტატის მიღებამდე საჭიროებენ ექიმთან კონსულტაციას.

ცხიმში ხსნადი ვიტამინები.

ორლისტატის მიღების შედეგად შესაძლოა შემცირდეს ცხიმში ხსნადი ვიტამინების (A, D, E, და K) აბსორბცია.

აკარბოზა.

ფარმაკოკინეტიკური ურთიერთქმედების მონაცემთა არ არსებობის გამო, ორლისტატის მიღება აკარბოზასთან ერთად არ არის რეკომენდებული.

ამიოდარონი.

ორლისტატთან ერთად ამიოდარონის ერთჯერადი მიღების შედეგად, პლაზმაში მცირდება ამიოდარონის დონე. ორლისტატის და ამიოდარონის ერთდროული მიღება რეკომენდებულია მხოლოდ ექიმის კონსულტაციით.

ორლისტატი არ ურთიერთქმედებს ამიტრიპტილინთან, ფენიტოინთან, ფლუოქსეტინთან, სიბუტრამინთან; ატორვასტატინთან, პრავასტატინთან, ფიბრატამინთან, ბიგუანიდთან, დიგოქსინთან, ნიფედიპინთან, ლოზარტანომთან, პერორალურ კონტრაცეპტივთან და ალკოჰოლთან.

შენახვის პირობები და ვადები:

ინახება არაუმეტეს 25^oC.

3 წელი. ნუ გამოიყენებთ პრეპარატს ვადის გასვლის შემდგომ, რომელიც მითითებულია შეფუთვაზე.

ბავშვებისათვის მიუწვდომელ ადგილას

აფთიაქში გაცემის წესი:

აფთიაქიდან გაცემა რეცეპტის გარეშე.

ფორმა, შეფუთვა: შემოგარსული ტაბლეტები, ერთი ტაბლეტი შეიცავს 19 ან 20 მგ აქტიურ ნივთიერებას. გაყიდვაში გამოდის მუყაოს შეფუთვით, რომელშიაც დევს 3 ცალი 10-10 ტაბლეტიანი ბლისტერი.

შემადგენლობა: ქვინაპრილი (Quinapril)

მწარმოებელი: Pfizer (გერმანია)

კლინიკო-ფარმაკოლოგიური ჯგუფი: ანტიჰიპერტენზული საშუალება, ანგიოტენზინ გარდამქმნელი ფერმენტის (აგფ) ინჰიბიტორი.

ფარმაკოლოგიური მოქმედება: ქვინაპრილის სწრაფი დეესტერიფიკაციის შედეგად წარმოიქმნება მთავარი მეტაბოლიტი ქვინაპრილატი (ქვინაპრილ დიაციდი), რომელიც წარმოადგენს აგფ ინჰიბიტორს. აგფ წარმოადგენს პეპტიდილ დიპეპტიდაზას, რომელიც გარდაქმნის ანგიოტენზინ I-ს, ანგიოტენზინ II-ში და ახასიათებს ძლიერი ვაზოკონსტრუქციული თვისებები. შესაბამისად გარდამქმნელი ფერმენტის ინჰიბიტორი – ქვინაპრილი ამცირებს ანგიოტენზინ II-ის რაოდენობას და მის ვაზოკონსტრიქციულ აქტივობას.

პრეპარატი იწვევს საერთო პეროფერიული და თირკმელების სისხლძარღვების წინააღმდეგობის შემცირებას, გულის შეკუმშვის სიხშირის, გულის ინდექსის, თირკმელებში სისხლის ცირკულაციის და გორგლოვანი ფილტრაცია მნიშვნელოვანი ცვლილების გარეშე.

ანტიჰიპერტენზული ეფექტი იწყება პრეპარატის მიღებიდან 1 საათში და პიკს აღწევს 2-4 საათში. ეფექტი გრძელდება 24 საათი, ხოლო ზოგიერთ ავადმყოფებში ანტიჰიპერტენზიული ეფექტის პიკი აღინიშნება 2 კვირაში.

თიაზიდურ შარდმდენებთან ან ბეტა-ადრენობლოკატორებთან კომბინირება აძლიერებს პრეპარატის თერაპიულ ეფექტს.

ფარმაკოკინეტიკა: პლაზმაში ქვინაპრილი კონცენტრაციის პიკი აღინიშნება 1-2 საათში. მისი აბსორბცია შეადგენს 60%-ს. პერორალური დოზით მიღებისას ბიოშეღწევადობა შეადგენს 38%-ს. ხოლო ნახევარგამოყოფის პერიოდი – 1 საათს.

ქვინაპრილი ძირითადად შარდით გამოიყოფა. პრეპარატის 97% შეკავშირებულია პლაზმის ცილებთან.

თირკმელების უკმარისობის დროს პრეპარატის ნახევარგამოყოფის პერიოდი იზრდება კრეატინინის კლირენსის შემცირებასთან შესაბამისად.

ჩვენება:

• არტერიული ჰიპერტენზია – როგორც მონოთერაპიის სახით, ასვეე კომბინაციაში შარდმდენებთან ან/და ბეტა-ადრენომაბლოკირებელ საშუალებებთან.
• გულის ქრონიკული უკმარისობა – შარდმდენ საშუალებებთან და/ან საგულე გლიკოზიდებთან კომბინაციაში.

დოზირებისა და მიღების რეჟიმი: არტერიული ჰიპეტენზიის დროს: მონოთერაპიის სახით 10-20 მგ ერთხელ დღეში. კარგი ამტანობის შემთხვევაში შესაძლებელია დოზის გაზრდა 20-40 მგ-მდე დღეში ერთხელ, ან დაყოფილი სახით 2 მიღებაზე. საშუალოდ დოზა შეიძლება შეიცვალოს მხოლოდ 4 კვირიანი დაკვირვების შემდეგ. იშვიათ შემთხვევაში დოზა შეიძლება გაიზარდოს 80 მგ-მდე დღეში. შარდმდენი პრეპარატების ფონზე მკურნალობა იწყება 5 მგ დოზის თანდათანობითი ზრდით სრული თერაპიული ეფექტის მიღწევამდე. თირკმელების უკმარისობის შემთხვევაში დოზა მცირდება კრეატინინის კლირენსის მნიშვნელობის შესაბამისად. არ არის საჭირო დოზის ცვლილება ასაკის შესაბამისად.

გულის ქრონიკული უკმარისობის დროს: პრეპარატი გამოიყენება მხოლოდ შარდმდენ და/ან საგულე გლიკოზიდებთან კომბინაციაში. რეკომენდებული საწყისი დოზაა 5 მგ ერთხელ ან 2-ჯერ დღეში. საჭიროა ჰიპოტენზიის კონტროლი. კარგი ამტანობის შემთხვევაში დოზა იზრდება საშუალოდ 10-40 მგ-მდე დღეში დაყოფილ 2 მიღებაზე.

თირკმელების უკმარისობის შემთხვევაში დოზა მცირდება კრეატინინის კლირენსის მნიშვნელობის შესაბამისად.

გვერდითი მოვლენები: შეიძლება ადგილი ჰქონდეს  მსუბუქ ხასიათის შემდეგ გვერდით მოვლენებს: თავის ტკივილი (7.2%), თავბრუსხვევა (5.5%), ხველა (3.9%), დაღლილობა (3.5%), რინიტი (3.2%), პირღებინება და გულისრევა (2.8%), მიალგია (2.2%).

5.2 % შემთხვევაში საჭირო გახდა პრეპარატის მიღების შეწყვეტა.

აგრეთვე აღწერილია შემდეგი გვერდითი მოვლენები:

კარდიოვასკულური სისტემის მხრივ: ვაზოდილატაცია, სტენოკარდია, ტაქიკარდია.

გასტროინტესტინური სისტემის მხრივ: მეტეორიზმი, პირის სიმშრალე, პანკრეატიტი.

ნერვული სისტემის მხრივ: თავბრუ, გაღიზიანება, დეპრესია, ძილიანობა.

კანის მხრივ: ქავილი, ოფლიანობა, გამონაყარი, ალოპეცია, ექსფოლიატური დერმატიტი.

შარდ-სასქესო სისტემის მხრივ: ინფექცია, იმპოტენცია.

საერთო სიმპტომები: შეშუპება, ართრალგია, მხედველობის დაქვეითება, ჰემოლიზური ანემია.

იშვიათი გვერდითი მოვლენები: 0.1% შემთხვევაში ვლინდება ანგიონევროზული შეშუპება, ეოზინოფილური პნევმონია, ჰეპატიტი და ღვიძლის ფუნქციის დარღვევა.

იშვიათად შეიძლება განვითარდეს აგრანულოციტოზი და ნეიტროპენია, ჰიპერკალიემია, სისხლში შარდოვანას და კრეატინინის მომატება.

უკუჩვენება:

• მომატებული მგრძნობელობა პრეპარატის ნებისმიენი კომპონენტის მიმართ;
• ავადმყოფები, რომელთაც ანამნეზში აღენიშნებათ ანგიონევროზული შეშუპება გამოწვეული აგფ ინჰიბიტორებით;
• თირკმლის არტერიის სტენოზი, მიტრალური სარქვლის სტენოზი, ჰიპერტროფიული კარდიომიოპათია, პირველადი ჰიპერალდოსტერონიზმი;
• თირკმელების მძიმე ხარისხის უკმარისობა (კრეატინინის კლირენსი
• ღვიძლის დაავადება ან უკმარისობა;
• ორსულობა და ლაქტაციის პერიოდი;
• პრეპარატი არ გამოიყენება ბავშვებში.

განსაკუთრებული მითითებები: ავადმყოფთა 0.1%-ში შეიძლება განვითარდეს ანგიონევროზული შეშუპება. ამ შემთხვევაში პრეპარატით მკურნალობა უნდა შეწყდეს და დაუყოვნებლივ დაიწყოს ანტიჰისტამინური   საშუალებებით სიმპტომური მკურნალობა. თუ შეიქმნება საყლაპავის შეშუპების საშიშროება საჭიროა 1:1000  0.3-0.5 მლ ადრენალინის შეყვანა კანქვეშ. აგრეთვე შესაძლებელია სერიოზული ანაფილაქსიური ან ჰიპოტენზიური რეაქციების განვითარება, რაც საჭიროებს გადაუდებელ სიმპტომატურ მკურნალობას. ყურადსაღებია აგრეთვე აგრანულოციტოზის (ნეიტროპენიის) განვითარება. პრეპარატით მკურნალობის პერიოდში აუცილებელია თირკმელების ფუნქციის მუდმივი კონტროლი.

ზედოზირება: სპეციფიკური სიმპტომები არ არის აღწერილი. სავარაუდოა ჰიპოტენზიის განვითარება, რაც საჭიროებს სითხეების გადასხმას.

სხვა წამლებთან ურთიერთქმედება: სიფრთხილით ინიშნება კალიუმის შემნახველ შარდმდენებთან (სპირონოლაქტონი, ტრიამტერენი, ამილორიდი) კომბინაციაში. ამ შემთხვევაში საჭიროა სისხლში კალიუმის დონის მონიტორინგი. თიაზიდური შარდმდენები აძლიერებენ პრეპარატის ანტიჰიპერტენზიულ ეფექტს. ტეტრაციკლინთან კომბინირება იწვევს ტეტრაციკლინის შეწოვის 28-37%-ით შემცირებას. ლითიუმთან კომბინაციის დროს ლითიუმის კონცენტრაცია სისხლში იზრდება და ვლინდება ლითიუმით ინტოქსიკაციის სიმპტომები. საჭიროა ლითიუმის სისხლში კონცენტრაციის პერიოდული კონტროლი.

არ გამოვლენილა პრეპარატის რაიმე მნიშვნელოვანი ურთიერთქმედება პროპორანოლოლთან, ჰიდროქლოროთიაზიდთან, ვარფარინთან, დიგოქსინთან ან ციმეტიდინთან.

შენახვის პირობები და ვარგისიანობის ვადა: კუპრო ინახება 15-30⁰ C ტემპერატურაზე, მშრალ, სინათლისა და ბავშვებისაგან დაცულ ადგილას და ვარგისიანის 3 წელი.