ქვეყანა: რუმინეთი

მწარმოებელი: მაგისტრა რუმინეთი

გაცემის ფორმა: III ჯგუფი ურეცეპტო

ლოქსიდოლი
(LOXIDOL)

სავაჭრო სახელწოდება:
ლოქსიდოლი, Loxidol

საერთაშორისო არადაპატენტებული სახელწოდება:
მელოქსიკამი, Meloxicam

წამლის ფორმა:
პერორალური შემოგარსული ტაბლეტები.

შემადგენლობა:
ერთი შემოგარსული ტაბლეტი შეიცავს:
აქტიური ნივთიერება: მელოქსიკამი 15 მგ
დამხმარე ნივთიერებები: მიკროკრისტალური ცელულოზა, უწყლო ლაქტოზა, სახამებლის გლიკოლატნატრიუმი, მაგნიუმის სტეარატი.
გარსი: ჰიდროქსიმეთილცელულოზა, ტიტანის დიოქსიდი, პოლიეთილენგლიკოლი 6000, პოლიეთილენგლიკოლი 400
პრეპარატის ათქ კოდი: M01AC06

ფარმაკოთერაპიული ჯგუფი:
ძვალ-სახსროვანი სისტემის დაავადებების სამკურნალო პრეპარატები.
არასტეროიდული ანთების საწინააღმდეგო და ანტირევმატული საშუალებები.

ფარმაკოლოგიური თვისებები:
ლოქსიდოლი წარმოადგენს არასტეროიდულ ანთების საწინააღმდეგო საშუალებას. პრეპარატის ფარმაკოლოგიური თვისებებია: ანთების საწინააღმდეგო, ტკივილგამაყუჩებელი, სიცხის დამწევი, რაც განპირობებულია პრეპარატის აქტიური ნივთიერების მელოქსიკამის მოქმედებით. მელოქსიკამი თრგუნავს ციკლოოქსიგენაზა-2-ის ფერმენტულ აქტივობას, რომელიც მონაწილეობს პროსტაგლანდინების სინთეზში ანთებითი რეაქციის მიდამოში, რის შედეგადაც ხდება ანთების პროცესის ჩახშობა.

ჩვენებები:
შემდეგი დაავადებების სიმპტომური თერაპია:
– რევმატოიდული ართრიტი;
– სახსრების მადეფორმირებელი ოსტეოართროზი;
– მაანკილოზებელი სპონდილოართრიტი (ბეხტერევის დაავადება).

უკუჩვენებები:
– მელოქსიკამის (მათ შორის, სხვა არასტეროიდული ანთების საწინააღმდეგო საშუალებების) ან პრეპარატის სხვა კომპონენტების მიმართ ჰიპერმგრძნობელობა;
– კუჭის ან თორმეტგოჯა ნაწლავის წყლულოვანი დაავადება გამწვავების ფაზაში;
– თირკმლების ქრონიკული უკმარისობა იმ პაციენტებში, რომლებიც არ ექვემდებარებიან ჰემოდიალიზს;
– ღვიძლის მწვავე უკმარისობა;
– 15 წლამდე ასაკი;
– სისხლდენები (მათ შორის, სისხლდენა კუჭ-ნაწლავის ტრაქტიდან), სისხლჩაქცევა ტვინში;
– ორსულობის პერიოდი;
– ლაქტაციის პერიოდი;
– ალერგიული რეაქციები (ბრონქული ასთმა, ცხვირისა და ცხვირის დანამატი წიაღების მორეციდივე პოლიპოზი, კვინკეს შეშუპება, ჭინჭრის ციება) აცეტილსალიცილმჟავასა და სხვა არასტეროიდული ანთების საწინააღმდეგო საშუალებებზე;
– მომატებული მგრძნობელობა აცეტილსალიცილმჟავისა და სხვა არასტეროიდული ანთების საწინააღმდეგო საშუალებების მიმართ.

გვერდითი მოქმედება:
საჭმლის მომნელებელი სისტემის მხრივ: დისპეფსია, გულისრევა, ღებინება, ტკივილი მუცლის არეში, ყაბზობა, მეტეორიზმი, დიარეა, ეზოფაგიტი, ბოყინი, კუჭისა და თორმეტგოჯა ნაწლავის დაწყლულება, სისხლდენა კუჭ-ნაწლავის ტრაქტიდან, პირის ღრუს ანთება.
სისხლმბადი სისტემის მხრივ: ანემია, ლეიკოპენია, თრომბოციტოპენია.
გულ-სისხლძარღვთა სისტემის მხრივ: პერიფერიული შეშუპებები, არტერიული წნევის მომატება, გახშირებული გულისცემა, სახის ჰიპერემია.
ცენტრალური ნერვული სისტემის მხრივ: თავის ტკივილი და თავბრუსხვევა, შუილი ყურებში და ძილიანობა, დეზორიენტაცია.
შარდგამომყოფი სისტემის მხრივ: თირკმელების ფუნქციის მაჩვენებლების ცვლილებები.
მხედველობის ორგანოს მხრივ: კონიუნქტივიტი, მხედველობის დაქვეითება.
დერმატოლოგიური რეაქციები: ქავილი, გამონაყარი კანზე, ჭინჭრის ციება, ფოტოსენსიბილიზაცია.

მიღების წესი და დოზები:
მიიღება პერორალურად.
რევმატოიდული ართრიტის დროს პრეპარატი ინიშნება დოზით 15 მგ დღე-ღამეში. თუ თერაპიული ეფექტი საკმარისად გამოხატულია, დოზა შეიძლება შემცირდეს 7,5 მგ-მდე დღე-ღამეში.
ოსტეოართროზის დროს რეკომენდებული დოზა შეადგენს 7,5 გ-ს დღე-ღამეში. აუცილებლობის შემთხვევაში დოზა შეიძლება გაიზარდოს 15 მგ-მდე დღე-ღამეში.
მაანკილოზებელი სპონდილოართრიტის დროს ლოქსიდოლი ინიშნება დოზით 15 მგ დღე-ღამეში.
იმ პაციენტებში, რომლებშიც არსებობს არასასურველი ეფექტების განვითარების მაღალი რისკი, მკურნალობა უნდა დაიწყოს დოზით 7,5 მგ დღე-ღამეში.
მაქსიმალური სადღეღამისო დოზა შეადგენს 15 მგ-ს.
თირკმლის მწვავე უკმარისობის მქონე პაციენტებში, რომლებიც იმყოფებიან ჰემოდიალიზზე, სადღეღამისო დოზა არ უნდა აღემატებოდეს 7,5 მგ-ს.
იმ პაციენტებში, რომლებსაც აღენიშნებათ ზომიერად გამოხატული თირკმლის უკმარისობა კრეატინინის კლირენსით > 25 მლ/წთ, დოზის შემცირება საჭირო არ არის.
დანიშნული დოზა მიიღება დღე-ღამეში 1-ჯერ ჭამის დროს წყლის მიყოლებით.

ჭარბი დოზირება:
სიმპტომები: აღინიშნება გვერდითი ეფექტების გაძლიერება.
მკურნალობა: ჭარბი დოზის მიღების შემთხვევაში, აუცილებელია ექიმთან კონსულტაცია.

ურთიერთქმედება სხვა სამკურნალო საშუალებებთან:
ლოქსიდოლის მაღალი დოზებით გამოყენებისას სხვა არასტეროიდულ ანთების საწინააღმდეგო საშუალებებთან (მათ შორის სალიცილატებთან) ერთად იზრდება კუჭ-ნაწლავის ტრაქტის ეროზიულ-წყლულოვანი დაავადებების განვითარების რისკი.
ლოქსიდოლის გამოყენებისას არაპირდაპირ ანტიკოაგულანტებთან, ტიკლოპიდინთან, ჰეპარინთან, თრომბოლიზურებთან ერთად იზრდება სისხლდენის განვითარების რისკი.
ლოქსიდოლისა და მეთოტრექსატის ერთდროული გამოყენებისას შეიძლება გაძლიერდეს ამ უკანასკნელის მიელოდეპრესიული მოქმედება.
ლოქსიდოლის გამოყენების ფონზე შეიძლება შემცირდეს კონტრაცეპტივების ეფექტურობა.
დეჰიდრატაციის დროს ლოქსიდოლისა და დიურეტიკების ერთდროული გამოყენებისას არსებობს თირკმლების მწვავე უკმარისობის განვითარების საშიშროება.
ლოქსიდოლისა და ანტიჰიპერტენზიული საშუალებების ერთდროული გამოყენებისას შესაძლებელია ამ უკანასკნელთა ეფექტურობის შემცირება.
ლოქსიდოლისა და ციკლოსპორინის ერთდროული გამოყენებისას შესაძლებელია ამ უკანასკნელის ნეფროტოქსიკური მოქმედების გაძლიერება.
ლოქსიდოლისა და ლითიუმის პრეპარატების ერთდროული გამოყენებისას იზრდება ამ უკანასკნელის კონცენტრაცია სისხლის პლაზმაში.
ლოქსიდოლისა და ქოლესტირამინის ერთდროული გამოყენებისას შესაძლებელია დაჩქარდეს ლოქსიდოლის გამოყოფა.

განსაკუთრებული მითითებები:
ლოქსიდოლი სიფრთხილით და მხოლოდ ექიმის დანიშნულებით მიიღება იმ პაციენტებში, რომლებსაც აღენიშნებათ კუჭ-ნაწლავის ტრაქტის ზედა ნაწილების დაავადებები, ასევე იმ პაციენტებში, რომლებიც იღებენ ანტიკოაგულანტებს, ანტიაგრეგანტებს, ფიბრინოლიზურებს.
პეპტიური წყლულის ან კუჭ-ნაწლავის ტრაქტიდან სისხლდენის განვითარების შემთხვევაში, პრეპარატის მიღება უნდა შეწყდეს.
განსაკუთრებული სიფრთხილე არის საჭირო პრეპარატის მიღებისას იმ პაციენტებში, რომლებსაც აღენიშნებათ დეჰიდრატაცია, გულის უკმარისობა, ღვიძლის ციროზი, ნეფროზული სინდრომი და თირკმლების მწვავე დაავადებები, ასევე იმ პაციენტებში, რომლებიც იღებენ დიურეზულებს.
ხანდაზმულ პაციენტებში პრეპარატი ლოქსიდოლი მიიღება მხოლოდ ექიმის დანიშნულებით.
მწვავე დერმატოლოგიური რეაქციების განვითარების შემთხვევაში, პრეპარატის მიღება უნდა შეწყდეს.
არასტეროიდული ანთების საწინააღმდეგო საშუალებების მიღებამ შეიძლება გამოიწვიოს ნატრიუმის, კალიუმის, სითხის შეკავება და სალურეზულების მოქმედების შესუსტება, რამაც გულის უკმარისობისა და არტერიული ჰიპერტენზიის არსებობის შემთხვევაში, შეიძლება გამოიწვიოს აღნიშნული დაავადებების პროგრესირება.
თუ პაციენტი ლოქსიდოლთან ერთად იღებს დიურეზულებს, აუცილებელია საკმარისი რაოდენობის სითხის მიღება.
ზემოქმედება ავტომობილებისა და სხვა მექანიზმების მართვის შესაძლებლობაზე:
ის პაციენტები, რომლებსაც ლოქსიდოლის მიღების ფონზე უვითარდებათ მხედველობის დაქვეითება, აღენიშნებათ ძილიანობა, თავბრუსხვევა, თავის ტკივილი, ხმაური ყურებში, უნდა მოერიდონ ისეთ პოტენციურად საშიშ საქმიანობას, რომელიც მოითხოვს მომატებულ ყურადღებასა და სწრაფ ფსიქომოტორული რეაცქიებს.

გამოყენება პედიატრიაში:
ბავშვებში პრეპარატის გამოყენების უსაფრთხოება და ეფექტურობა არ არის დადგენილი. აქედან გამომდინარე, ლოქსიდოლის გამოყენება უკუნაჩვენებია 15 წლამდე ასაკის ბავშვებსა და მოზარდებში.

გამოყენება ორსულობისა და ლაქტაციის დროს:
პრეპარატ ლოქსიდოლის გამოყენება უკუნაჩვენებია ორსულობისა და ლაქტაციის დროს.

გამოშვების ფორმა:
10 შემოგარსული ტაბლეტი პოლივინილქლორიდის და ალუმინის ფოლგის კონტურულ უჯრედიან ფირფიტაში.
დანაყოფებიან შეფუთვაში მოთავსებულია 10 ტაბლეტი.
1 ან 2 პოლივინილქლორიდის და ალუმინის ფოლგის კონტურულ უჯრედოვანი ფირფიტა გამოყენების ინსტრუქციის ფურცელთან ერთად მოთავსებულია მუყაოს კოლოფში.

შენახვის პირობები:
ინახება არაუმეტეს 25ºC-ზე.
ინახება ბავშვებისათვის მიუწვდომელ ადგილას.

ვარგისიანობის ვადა:
3 წელი წარმოების თარიღიდან.
პრეპარატი არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი:
გაიცემა ექიმის რეცეპტით.

მწრამოებელი:
“იუნიფარმა”.Eელებორ სითი  1 ინდუსტრიული ზონა / კაირო. ეგვიპტე.
წარმოებულია “უორლდ მედიცინ”- ისთვის, ინგლისი,  48 Queen Anne Street, London W1G9JJ, England, E-mail: [email protected], Web-Site: www.wmcorp.us):”

ლორნოკამი

შემადგენლობა

ერთი ტაბლეტი შეიცავს: ლორნოქსიკამი 8 მგ. 

ფარმაკოლოგიური თვისებები

ფარმაკოდინამიკა:

ლორნოქსიკამი წარმოადგენს ოქსიკამების ჯგუფის არასტეროიდულ, ანთების საწინააღმდეგო საშუალებას ანალგეზიური თვისებებით. ლორნოქსიკამი ციკლოოქსიგენაზას ორივე იზოფერმენტის ინჰიბირებით ახდენს პროსტაგლანდინების სინთეზის დათრგუნვას. გარდა ამისა, ლორნოქსიკამი თრგუნავს ლეიკოციტებიდან ჟანგბადის თავისუფალი რადიკალების გამოთავისუფლებას.

ფარმაკოკინეტიკა:

პერორალური მიღების შემდეგ ლორნოქსიკამი სწრაფად და პრაქტიკულად მთლიანად შეიწოვება კუჭ-ნაწლავის ტრაქტიდან. მაქსიმალური კონცენტრაცია პლაზმაში მიიღწევა დაახლოებით 1-2 საათის შემდეგ. ლორნოქსიკამის აბსოლუტური ბიოშეღწევადობა შეადგენს 90-100%-ს. ლორნოქსიკამის შეკავშირება პლაზმის ცილებთან შეადგენს 99%-ს. მეტაბოლიტების დაახლოებით 1/3 ორგანიზმიდან გამოიყოფა თირკმლების საშუალებით,  2/3 – ღვიძლით. ნახევრგამოყოფის პერიოდი საშუალოდ შეადგენს 3-4 სთ-ს. ხანდაზმულ პირებში (65 წლის ზევით), ასევე პაციენტებში თირკმელების ან ღვიძლის უკმარისობით ლორნოქსიკამის ფარმაკოკინეტიკის მნიშვნელოვანი ცვლილებები არ აღინიშნება.

ჩვენებები

სხვადასხვა გენეზის  ტკივილის სინდრომის ხანმოკლე მკურნალობა.

რევმატული დაავადებების სიმპტომური  მკურნალობა (რევმატოიდული ართრიტი, ოსტეოართროზი, მაანკილოზებელი სპონდილიტი).

მიღების წესი და დოზირება

მწვავე  ტკივილის  შემთხვევაში რეკომენდებული დოზაა 8-16 მგ/დღეში, გაყოფილი 2 მიღებაზე. მაქსიმალური დღიური დოზა შეადგენს 16 მგ-ს.

ანთებითი და დეგენერაციული რევმატული დაავადებების დროს რეკომენდებული  სტანდარტული დოზა შეადგენს 8-16 მგ/დღეში.

ლორნოკამის ტაბლეტი მიიღება ჭამის წინ, საკმარისი ოდენობის წყალთან ერთად.

გვერდითი მოვლენები

ძალიან ხშირი (≥1/10); ხშირი (≥1/100 –

იშვიათი: ფარინგიტი.

სისხლის და ლიმფური სისტემის მხრივ : იშვიათი: ანემია, თრომბოციტოპენია, ლეიკოპენია, სისხლდენის გახანგრძლივებული დრო. ძალიან იშვიათი:  ნეიტროპენია, აგრანულოციტოზი, აპლაზიური ანემია და ჰემოლიზური ანემია.

იმუნური სისტემის მხრივ: იშვიათი: მომატებული მგრძნობელობა, ანაფილაქსია და ანაფილაქტოიდური რეაქციები.

მეტაბოლიზმის  დარღვევები: არახშირი: ანორექსია, წონის ცვლილებები.

ნერვული სისტემის მხრივ: ხშირი: მსუბუქი და ტრანზიტორული თავის ტკივილი, თავბრუსხვევა.

არახშირი: უძილობა, დეპრესია. იშვიათი: ძილიანობა, პარესთეზია, დისგევზია, ტრემორი, შაკიკი, აგზნება. ძალიან იშვიათი: ასეპტიური მენინგიტი მგლურას და სხვა აუტოიმუნური დაავადებების მქონე პაციენტებში.

მხედველობის  და სმენის ორგანოების მხრივ: არახშირი: კონიუნქტივიტი. იშვიათი: მხედველობის დარღვევა. არახშირი: ვერტიგო, ტინიტუსი.

გულ-სისხლძარღვთა სისტემის მხრივ: არახშირი: პალპიტაციები, ტაქიკარდია, შეშუპება, გულის უკმარისობა, შეშუპება. იშვიათი: ჰიპერტენზია, წამოხურება, სისხლჩაქცევა, ჰემატომა.

სასუნთქი სისტემის მხრივ: არახშირი: რინიტი. იშვიათი: დისპნოე, ხველება, ბრონქოსპაზმი.

კუჭ-ნაწლავის ტრაქტის მხრივ: ხშირი: გულისრევა, მუცლის ტკივილი, დისპეფსია, დიარეა, ღებინება.

არახშირი: ყაბზობა, შებერილობა,  პირის სიმშრალე, გასტრიტი, კუჭის წყლული, ტკივილი მუცლის ზედა ნაწილში, თორმეტგოჯა ნაწლავის წყლული, პირის ლორწოვანი გარსის წყლულები.

იშვიათი: მელენა,  სტომატიტი, გლოსიტი, პერფორირებული პეპტიური წყლული, გასტროინტესტინალური სისხლდენა.

ჰეპატობილიარული დარღვევები: არახშირი: ტრანსამინაზების მომატება (ALT, AST).

ძალიან იშვიათი:  ღვიძლის უკმარისობა, ჰეპატიტი, სიყვითლე და ქოლესტაზი.

კანის და კანქვეშა ქსოვილების მხრივ: არახშირი: კანზე გამონაყარი, ქავილი, ჰიპერჰიდროზი, ერითემატოზური გამონაყარი, ურტიკარია და ანგიონევროზული  შეშუპება, ალოპეცია. იშვიათი: დერმატიტი და ეგზემა, პურპურა. ძალიან იშვიათი: შეშუპება და ბულოზური რეაქციები, სტივენს-ჯონსონის სინდრომი,  ტოქსიკური ეპიდერმული ნეკროლიზი.

საყრდენ-მამოძრავებელი სისტემის მხრივ:არახშირი: ართრალგია. იშვიათი: ძვლების ტკივილი, კუნთების სპაზმი, მიალგია.

საშარდე სისტემის  მხრივ : იშვიათი: ნიკტურია, შარდვის  დარღვევები, სისხლში შარდოვანას აზოტის და კრეატინინის დონეების მომატება. ძალიან იშვიათი: თირკმლის მწვავე უკმარისობის პროგრესირება.

ზოგადი დარღვევები: არახშირი: სისუსტე, სახის შეშუპება. იშვიათი: ასთენია.

უკუჩვენება

 მომატებული მგრძნობელობა პრეპარატის  აქტიური ნივთიერების მიმართ; ანამნეზში ალერგიული რეაქციები აცეტილსალიცილის მჟავას ან არასტეროიდული ანთების საწინააღმდეგო პრეპარატების გამოყენების შემდეგ; კუჭ-ნაწლავის ტრაქტის წყლულოვანი დაავადებები, აქტიური სისხლდენა; ცერებროვასკულარული სისხლჩაქცევა; სისხლის შედედების დარღვევა; ნაწლავის ანთებითი დაავადებები; ღვიძლისა და თირკმლის მწავე უკმარისობა; 18 წლამდე ასაკი, ორსულობა და ლაქტაციის პერიოდი.

განსაკუთრებული მითითებები

პაციენტებმა, რომლებსაც პრეპარატის გამოყენებისას თავბუსხვევა ან/და ძილიანობა აღინიშნებათ, თავი უნდა შეიკავონ ტრანსპორტის მართვისა და იმ სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. 

პაციენტებმა, რომლებიც ღებულობენ პრეპარატს, თავი უნდა შეიკავონ ალკოჰოლის გამოყენებისგან.

ჭარბი დოზირება

სიმპტომები: გვერდითი ეფექტების გაძლიერება.

მკურნალობა: სიმპტომური- აქტივირებული ნახშირის მიღებამ შესაძლოა ხელი შეუწყოს  პრეპარატის შეწოვის დაქვეითებას. ლორწოვანი გარსის დაზიანების პროფილაქტიკისათვის შესაძლებელია წყლულის საწინააღმდეგო პრეპარატების გამოყენება.           

ურთიერთქმედება სხვა სამკურნალო საშუალებებთან

ერთდროული გამოყენება პრეპარატ ლორნოკამისა  და:

• ანტიკოაგულანტების ან თრომბოციტების აგრეგაციის ინჰიბიტორების – ზრდის სისხლდენის რისკს;

• ბეტა-ადრენობლოკატორების და ანგიოტენზინ-გარდამქმნელი ფერმენტების ინჰიბიტორების  – შეიძლება შეამციროს მათი ჰიპოტენზიური ეფექტი;

• სხვა არასტეროიდული ანთების საწინააღმდეგო პრეპარატების ან გლუკოკორტიკოიდების – ზრდის კუჭ-ნაწლავის ტრაქტიდან სისხლდენის რისკს;

• აძლიერებს ფიბრინოლიტური საშუალებების ზემოქმედებას. პარაცეტამოლი, ციკლოსპორინი, ოქროს და სხვა ნეფროზული საშუალებები ზრდიან გვერდითი მოვლენების რისკს თირკმლებზე.

• სულფონილშარდოვანას წარმოებულები (გლიბელკამიდი) –ჰიპოგლიკემიური ეფექტის მომატება;                  

• ალკოჰოლის, კორტიკოტროპინის, კალიუმის პრეპარატების – ზრდის გვერდითი ეფექტების რისკს კუჭ-ნაწლავის ტრაქტის მხრიდან;

• ცეფამანდოლის, ცეფოპერაზონის, ცეფოტეტანას, ვალპროევის მჟავას – ზრდის სისხლდენის რისკს;

• ლითიუმის მარილები – შესაძლოა გამოიწვიოს პლაზმაში ლითიუმის პიკური კონცენტრაციის გაზრდა და ლითიუმის გვერდითი ეფექტების გაძლიერება;

• მეტოტრექსატი – ზრდის შრატში მეტოტრექსატის კონვენტრაციას და ტოქსიურობას;

• ცემიტიდინი – ზრდის სისსხლის პლაზმაში ლორნოქსიკამის კონცენტრაციას;

• დიგოქსინი- ამცირებს დიგოქსინის თირკმლის კლირენსს.

აფთიაქში გაცემის წესი: რეცეპტის გარეშე.

ლიპოქიდსი 97მგ/5მლ125მლ სიროფი

რა არის ლიპოკიდსი და რისთვის გამოიყენება 

ლიპოკიდსი სიროფი შეიცავს ცაცხვის ნაყენს, რომელიც ტრადიციულად გამოიყენება როგორც მსუბუქი დიაფორეტული საშუალება. პროდუქტის ეფექტურობა დაფუძნებულია მხოლოდ ხანგრძლივ გამოყენებაზე და გამოცდილებაზე.

თერაპიული ჩვენება:

ტრადიცილად როგორც მსუბუქი დიაფორეტული საშუალება. დამხმარე საშუალება გაციების, ყელის ტკივილის და ხველის დროს.

ლიპოკიდსის გამოყენებამდე

არ გამოიყენოთ ლიპოკიდსი:

– თუ ალერგიული ხართ (გაქვთ ჰიპერმგრძნობელობა) ლიპოკიდსის რომელიმე ინგრედიენტის მიმართ;

– თუ გაქვთ დიაბეტი, შაქრის შემცველობის გამო (10მლ სიროფი შეიცავს 8გ საქაროზას).

ორსულობა:

მონაცემები არ არის. ნებისმიერი მედიკამენტის მიღებამდე მიმართეთ ექიმს.

ლაქტაცია:

მონაცემები არ არის. ნებისმიერი მედიკამენტის მიღებამდე მიმართეთ ექიმს.

ავტომობილის მართვა და მექანიზმების გამოყენება:

ლიპოკიდსი მიჩნეულია უსაფრთხოდ და არ მოქმედებს ფსიქომოტორულ შესაძლებლობებზე ან ავტომობილის მართვის და მექანიზმების გამოყენების უნარზე.

ლიპოკიდსის გამოყენება ბავშვებში:

ლიპოკიდსის გამოყენება შეიძლება ბავშვებში 1 წლის ასაკიდან, თუმცა 3 წელზე უმცროსი ასაკის ბავშვებში, ეჭვის შემთხვევაში, გამოყენებამდე მიმართეთ ექიმს.

მნიშვნელოვანი ინფორმაცია ლიპოკიდსის ზოგიერთი ინგრედიენტის შესახებ:

აუტანლობის შემთხვევაში ლიპოკიდსის მიღებამდე მიმართეთ ექიმს.

სხვა მედიკამენტების გამოყენება:

სხვა მედიკამენტებთან ურთიერთქმედების შესახებ მონაცემები არ არის.

როგორ მიიღება ლიპოკიდსი?

ორალური გამოყენებისთვის. 1-3 წლის ასაკის ბავშვებში: ექიმის კონსუტლაციის შემდეგ, ჩვეულებრივ 1 ჩაის კოვზი (5მლ) სიროფი 2-3 ჯერ დღეში. 3 წელზე უფროსი ასაკის ბავშვები: 1 ჩაის კოვზი (5მლ) სიროფი 4-5 ჯერ დღეში.

მოზრდილები: 1 ჩაის კოვზი (10მლ) სიროფი 3-4 ჯერ დღეში.

თუ მიიღეთ საჭიროზე მეტი ლიპოკიდსი: 

დოზის გადაჭარბების შესახებ მონაცემები არ არსებობს. საქაროზას მაღალი დოზებისადმი აუტანლობის მქონე პირებში შეიძლება განვითარდეს გულისრევა.

შესაძლო გვერდითი ეფექტები

როგორც ნებისმიერი მედიკამენტი, ლიპოკიდსიც შეიძლება იწვევდეს გვერდით ეფექტებს. გვერდითი ეფექტების შესახებ მონაცემები არ არსებობს. თუ აღნიშნავთ გვერდით ეფექტებს, ამის შესახებ აცნობეთ ექიმს.

როგორ ინახება ლიპოკიდსი?

შეინახეთ ბავშვებისთვის მიუწვდომელ ადგილზე. არ გამოიყენოთ კონტეინერზე მითითებული ვარგისიანობის ვადის გასვლის შემდეგ.

შეინახეთ არაუმეტეს 25°C ტემპერატურაზე. არ გაყინოთ. ფლაკონის სკერზე ნალექი არ არის პროდუქტის დეფექტი. ის გამოწვეულია სიროფში ნატურალური ინგრედიენტების შემცველობით.

ქვეყანა: თურქეთი

მწარმოებელი: ვოლდ მედიცინ ილაჩ სან ვე

გაცემის ფორმა: II ჯგუფი რეცეპტული

ქვეყანა: ლატვია

მწარმოებელი: ფორანს

გაცემის ფორმა: III ჯგუფი ურეცეპტო

ქვეყანა: ლატვია

მწარმოებელი: ფორანს

გაცემის ფორმა: III ჯგუფი ურეცეპტო

ლარიფანი უნგო 0.05% 10გ მალამო

შემადგენლობა: 

აქტიური ნივთიერება: ლარიფანი – ორსპირალური რიბონუკლეინის მჟავა (dsRNA),  5 მგ/10 გ. 

სხვა ნივთიერებები: ლანოლინი, პარაფინი, ვაზელინის ზეთი, ნატრიუმის ქლორიდი, მეთილპარაჰიდროქსიბენზოატი, პროპილპარაჰიდროქსიბენზოატი, პენტაერითრიტოლ დიოლეატე, გამოხდილი წყალი. 

ფარმაკოლოგიური ჯგუფი: 

ლოკალური მოქმედების ანტივირუსული საშუალება, იმუნომოდულატორი 

ათქ კოდი: D06BB 

ფარმაკოლოგიური მოქმედება: 

“LARIFAN UNGO 0,05%”-ის შემადგენლობაში არსებული აქტიური ნივთიერება ორსპირალური რნმ-ი ლარიფანი ბუნებრივი წარმოშობის ნივთიერებაა. ლარიფანს გააჩნია ფარმაკოლოგიური მოქმედების ფართო სპექტრი – ანტივირუსული, იმუნომაკორეგირებელი, ანთების საწინააღმდეგო. წარმოადგენს რა ინტერფერონის აქტიურ ინდუქტორს, ლარიფანს გააჩნია ანტივირუსული მოქმედების ფართო სპექტრი. 

ეფექტურია ჰერპესის, პაპილომა, რესპირატორული (მათ შორის გრიპი) და სხვა ვირუსების მიმართ. 

ლარიფანის ძირითადი ფუნქციაა ორგანიზმის ბუნებრივი დაცვითი ძალების მობილიზაცია, ამასთან ერთად ანტივირუსული დაცვის უზრუნველყოფა და იმუნომოდულაციური მოქმედება. ლარიფანი ახდენს ისეთი იმუნური უჯრედების გააქტიურებას და მობილიზაციას, როგორიციაა ლიმფოციტები, მაკროფაგები, ციტოტოქსიური უჯრედები და ა.შ., რის შედეგადაც, ძლიერდება ფაგოციტური რეაქცია, ანტიბაქტერიული მოქმედება, უმჯობესდება უჯრედების რეგენერაციის უნარი და, შესაბამისად, ჭრილობების შეხორცების პროცესიც, იზრდება ორგანიზმის რეზისტენტულობა სიმსივნური უჯრედების განვითარებისა და გამრავლების მიმართ, იზრდება ვაქცინაციის ეფექტურობა. ასევე თვალსაჩინოა მსუბუქი ტკივილგამაყუჩებელი ზემოქმედება. ნეიტროფილების ფუნქციონალური აქტივობის გაძლიერებისა და ფაგოციტოზის აქტივაციის ხარჯზე მიიღწევა ანთების საწინააღმდეგო მოქმედება. 

ანტივირუსულ მოქმედებასთან ერთად “LARIFAN UNGO 0,05%” ახდენს დამამშვიდებელ ეფექტს სხვადასხვა წარმოშობის კანის გაღიზიანებისას, ულტრაიისფერი და მსუბუქი თერმული დამწვრობების ჩათვლით, ხელს უშლის კოჟრების წარმოშობას. 

ჩვენება: 

“LARIFAN UNGO0,05%” რეკომენდებულია: 

● კანზე და ლორწოვან გარსზე ნებისმიერი ლოკალიზაციის ჰერპესული გამონაყარისას; 

● პაპილომა ვირუსით გამოწვეული პროლიფერაციური პროცესების დროს _ უბრალო მეჭეჭბი, ჰენეტალური მეჭეჭები, პაპილომები; 

● სურდო;  

● კანისა და ლორწოვანი გარსის მოვლისათვის, განსაკუთრებით ცხვირის არეში, რესპირატორული ინფექციების (მათ შორის გრიპის) ეპიდემიამდე და ეპიდემიისას პროფილაქტიკის მიზნით; 

● სიტუაციებში, რომლებსაც შეუძლიათ ჰერპესის ინფექციის ანთების პროვოცირება (ქარიან, ნესტიან, სიცივის პირობებში ყოფნა და მზის სხივების ზედმეტად ძლიერი ზემოქმედებისას), განსაკუთრებით იმ ადამიანთათვის, ვისაც აქვთ მიდრეკილება ჰერპესის ანთების მიმართ; 

● კანზე კოჟრების წარმოშობის შესაჩერებლად; 

● როგორც დამამშვიდებელი საშუალება ნებისმიერი ეტოლოგიის მქონე კანის გაღიზიანებებისას, მათ შორის თერმული დამწვრობებისას; 

● კანის ბაზალიომებისას. 

უკუჩვენება: 

მაღალი მგრძნობელობა პრეპარატის შემადგენელი კომპონენტებისადმი. 

გვერდითი მოვლენები: 

არასასურველი გვერდითი მოვლენები გამოვლენილი არ არის. 

ორსულობისა და ლაქტაციის პერიოდებში გამოყენება: 

საჭიროა ექიმთან კონსულტაცია.  

მიღების წესი და დოზირება: 

ჰერპესის ინფექციის ანთებისას გამოვიყენოთ 3-ჯერ დღეში, გავაგრძელოთ მკურნალობა დაავადების სიმპტომების გაქრობამდე. 

რესპირატორული ინფექციების ეპიდემიისას და ეპიდემიამდე დავამუშაოთ კანი და ლორწოვანი გარსი ცხვირის არეში 1-2-ჯერ დღეში, კონტაქტურმა პირებმა 2-3-ჯერ დღეში. 

სურდოს დროს 5-6 -ჯერ დღეში. 

პაპილომა ვირუსის შემდგომი გავრცელების შეზღუდვისათვის დავიტანოთ მეჭეჭებზე 1-2-ჯერ დღეში რამოდენიმე კვირის განმავლობაში. 

ტემპერატურული ან ტრავმული ზემოქმედების შემდგომ წარმოშობილი კანის გაღიზიანების დასაცხრობად დავიტანოთ გაღიზიანების არეებში არაუმეტეს 4-ჯერ დღეში. 

კანის ბაზალიომებისას (ონკოლოგის ზედამხედველობით) 1-ჯერ დღეში. 

დოზის გადაჭარბება:  

დოზის გადაჭარბების კლინიკური შემთხვევები არ გამოვლენილა.  

სხვა სამკურნალო საშუალებებთან ურთიერთმოქმედება: 

თვალსაჩინო ურთიერთმოქმედებები სხვა სამკურნალო საშუალებებთან არ გამოვლენილა. 

გამოშვების ფორმა და შემადგენლობა: 

მალამო ალუმინის ტუბში 10 გრ. 

ვარგისიანობის ვადა: 

3 წელი. არ გამოიყენოთ პრეპარატი ვარგისიანობის ვადის გასვლის შემდგომ. 

შენახვის პირობები:  

ინახება არაუმეტეს +25°C ტემპერატურის პირობებში ბავშვებისთვის ხელმიუწვდომელ ადგილზე. 

აფთიაქებიდან გაცემის პირობები:  

ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.

ქვეყანა: თურქეთი

მწარმოებელი: ვემ ილაჩ სან ვე

გაცემის ფორმა: III ჯგუფი ურეცეპტო

ქვეყანა: საბერძნეთი

მწარმოებელი: რონტის ჰელას

გაცემის ფორმა: II ჯგუფი რეცეპტული